zahrazzazzaz ©؛°¨غرامي مشارك¨°؛©

جميلة الرواية
انتظر البارت الجاي

فتنة عطر ©؛°¨غرامي مشارك¨°؛©

المشاركة الأساسية كتبها zahrazzazzaz اقتباس :
جميلة الرواية
انتظر البارت الجاي
انتي اﻻجمل ي بعد شبدي

zahrazzazzaz ©؛°¨غرامي مشارك¨°؛©

مــــــــــــــتـــــــــى الـــــبــــــارت

يؤؤه فديتنيء شء حلإتيء*# ©؛°¨غرامي مبدع¨°؛©

سلامؤؤؤ
مبرؤك عليك الشهر حبيبتي
كل عام وانتي بخير ، كل سنهه وانتي طيبه *

فتنة عطر ©؛°¨غرامي مشارك¨°؛©

الله يبارك فيك ي قلبي
وانتي بصحة وسﻻمة ان شالله
وانتي بعد مبارك عليك الشهر ادري متأخرة هع

وبالنسبة للبارت عذرا والله لسى م كتبته كامل
وجالسة احاول اخليه لكم طوييل بس وربك ظروفي م تسعفني ابد
بحاول انزله قريب ان شالله

يؤؤه فديتنيء شء حلإتيء*# ©؛°¨غرامي مبدع¨°؛©

هآيء قلبؤؤ
الله يعينك حيآتيء ؤمعذوووره ي بعديء

فتنة عطر ©؛°¨غرامي مشارك¨°؛©

السلام عليكم متابعاتي الحلوين

كيفكم !
اعتذر حبيباتي على التأخير وادري اني مقصرة معكم
بس كانت عندي ظروف طول الشهرين اللي راحو
لكن بشروا ببارت طويل يححبه قلبكن

فتنة عطر ©؛°¨غرامي مشارك¨°؛©



البارت الثامن

نوف ي حياااااوووويييييييييييييييييين ,,
ما التفتت الا اياد قدامها ,,
وقفوا بصدمة وفهاوة يناظرون بعض ..
حس على دمه ولف وجهه وناظر بالأرض اما هي راحت بهالشكل لداخل عند البنات اللي مجرد ما انتبهوا لاياد انحاشوا ,,
اول ما دخلت البنات فطسوا ضحك ,,
البنات : هههههههههههههههههههههههههه ,.
نوف بقهر : وجع شق ببطونكم ي حياوين ,.
وسن : وجع بلاه كلامك صاير خايس !..
ناظرتها نوف بقهر : كلي تبن .. اخذت اغراضها وراحت ترتب شكلها بالحمام هالمرة ..
:
:
كانت مستغلة الفرصة ,,
جهاد مو هنا ,, وامها وابوها طالعين يشترون مقاضي البيت ,,
خذت جوالها وطلعت تتمشى بالحديقة بما ان الجو حلو خصوصا ان الشتا بالطريق ,,

ركبت السماعات ,, ودقت على رقم هي حافظته عن ظهر قلب ,,
ضل يدق ويدق ويدق شوي الا جاها الصوت : هلا وغلا ,,
ردت بابتسمة : هلا بك .. اخبارك ! ..
.... : الحمد لله تمام ,, وانتي اخبارك ..
....: الحمد لله والله نسأل عنك ..
.....: أي هين تسألين عني .. وانتي قاطعة شوفي متى اخر مرة مكلمتني ..
... بحزن : يو فهوود انت تدري عن اختي النشبة ما يحتاج تسوي كل هذا ,,
فهد : شفيها اختك ! قاهرتني حدها ,,
رؤى بقهر: غبية تظن اني احبك وانت مواعدني بزواج ..
فهد سكت بصدمة لفترة وبعدها انفجر ضحك : هههههههههههههههههههههههههههه .. خبلة اختك .. كان فهمتيها ان اللي بيننا صداقة فقط لا غير .. لا حب ولا هم يحزنون ,,

رؤى: تعبت وانا أقول لها ,, تصدق خايفة تستهبل وتقول لجهاد ,,
فهد : صلي ع النبي ,, واهدي ,, لا تخافين ما بتسوي لك شي .. مو قلتي انكم توأم ! ,,
رؤى : أي توأم ,,
فهد : بما انها توأمك أي شي يضرك يضرها ,, عشان كذا ما بتتكلم ,, ولا ما انتو توأم المرآة ! ,,
رؤى : الا المرآة بس خايفة منها ,, اووف وترتني ,,
:
:
:
بمكان ثاني
كانت جالسة مع أمها تتقهوى وتسولف وتضحك ,,
....: ههههههههه الله ي يمة كل ذا تسوينه وانتي صغيرة ,,
الجدة : أي والله ما ضل شي ما سويته ,,
.... : هههه واحنا تهاوشينا وتهاوشين عيالنا ,,
الا بدخلته عليهم ,, يصفر ومستانس ومروق : السلام عليكم ,, اووووه مريوم الحوووب هنا ,,
مريم والجدة بوقت واحد : وعليكم السلام ورحمة الله ..
مريم : تعال تعال اجلس تقهوى ..
جلس يمهم وصبت له قهوة .. مدت له الفنجان والتفتت على أمها: أقول يمة ..
الجدة : سمي يمة ..
مريم وهي تناظر سامي وتبتسم : يمة اليوم عندي لك بشارتين .. بس ها هالله هالله لكل بشارة هدية ..
الجدة بابتسامة : ها من أولها طمع ,, قولي اول وان عجبوني عطيتك ..
مريم : ان شالله بيعجبونك وبتنبسطين بعد ..
الجدة تحمست : ها قولي شوقتيني ..
مريم : اول بشارة "وحطت يدها على بطنها وابتسمت بقوة " انا حملت بعد كل هالسنين ,,
قاطعتها أمها بزغروطة صقعت جدران البيت لدرجة سامي ومريم سدوا اذانهم من قوتها ..
الجدة : ككككككلللللللللللللللللللللللووووووووووووووووووووو وووووووووووششش ,,
لما خلصت فتحوا اذانيهم ..
الجدة بابتسامة شاقة وجها : هذا الهدية الاولة وضمنتيها عطيني البشارة الثانية ,,
مريم بابتسام وناظرت سامي : البشارة الثانية ي يمة ,, سموي الدلوع هذا قرر يتزوج أخيرا ..
الجدة هنا ما صدقت خبر عطتهم زغروطة اقوى : كككككككككككككككللللللللللللللللللللللللللللللللللل لللللووووووووووووووووووووووشششششش..
ومن زود الفرحة قامت تبكي ..
سامي حس بالذنب ليه انها بكت راح يهديها : خلاص يمة مو انتي اللي تبيني اتزوج ! هذا انا بتزوج ما يحتاج البكي .. ولا اهون !
الجدة بسرعة خافت ولدها يغير رايه : لالا ي يمة بس انا من زود الفرحة بكيت .. وقامت..
استغربوا الاثنين منها .. بس جلسوا يسولفون ..
بعد شووي دخلت عليهم وجلست عند مريم وكان عندها 2000 ريال
خذت 1000 ولفتها ودخلتها بصدرمريم << عاد انتوا فهموا وين وكيف للتوضيح مثل العجايز وين يحطون فلوسهم هع ..
الجدة : هذا للبشارة الأولى ,,
هنا مريم تصنمت احراج يم اخوها ,,
الجدة لفت ال1000 الثانية وكانت بتحطها بس مريم بسرعة : الله يعطيك العافية يما شوفي جزداني هنا احطهم فيه ..
عطتها الجدة بيدها : طيب بكيفك .. هذي بشارة اخوك ..
مريم الله يعطيك العافية ي يمة ,, لا كان كلفتي على عمرك ..
الجدة : هالخبرين يستهالون .. سويمي أخيرا رضى يتزوج .. وانتي من زمان تبين العيال وأخيرا ما رضى زوجك يحملك ..

مريم انصبغ وجهها أمها قامت تخورها يم اخوها لمت اغراضها بسرعة ..
مريم : يمة بروح انا فوق ارتاح بو حنين مو موجود اليوم .. بنام هنا ..
الجدة على نياتها : الله وياك ي بنيتي نامي بالغرفة اللي تحت لا تصعدين الدرج أخاف يأثر عليك .. " التفتت على سامي اللي ميت ضحك على فشيلة اخته وترقيعتها " وي يمة شفيك ! شوي شوي لا تموت علينا ما صدقنا على الله نعرسك ,, الا ما قلت لي من اللي أمها داعية لها ! من اللي تبيها ! ..
سامي يمة انا ابي ...
:
:
:
اليوم الثاني ..
كانت مستانسة ,, هذا اخر أسبوعين وهذا اخر مستشفى لها أخيرا بتفتك من هالتطبيق وترتاح .. دخلت المستشفى بنشاط وحيوية .. تحس اليوم فيها طاقة وفرحانة ,, بس ما تدري ليه ,, كانت ماسكة الأرشيف وترتب الملفات فيه ,,
شوي دق جوالها باسم " أروش " ردت بابتسامة : هلا وغلا ,, اهلاً اهلاً حي الله بنت عمي ..
أروى انصدمت رفعت الجوال ناظرت الاسم ورجعت حطت السماعة باذنها : لا لا لا ما اصدق فديوة مروقة وتغازل شعندنا ,,
فادية بنفس الروقان : ههههه مالت عليك اتعلم حق رجلي ,, دقيقة اروش ..
اروى : طيب
فادية حطت الجوال سبيكر وحطته ع الطاولة وصارت ترتب بالملفات ,, خذت راحتها لان المكان فاضي نادر ما يجيه أحد ..
فادية : ايوة هلا اروى ,,
اروى : هلا بك .. ايه اخبارك ويا التطبيق ! ..
فادية : الحمد لله ,, ياااه وأخيرا اروش بفتك م بقى لي شي ,,
اروى : هههههههه الحمد لله والشكر خبلة ,,
فادية كشرت : مالت .. الا غريبة داقة وينك عن توأمك! ..
اروى : طالعة مع جهيد وخلوني ,,
فادية : ليه م رحتي معهم ؟! ..
اروى : ابد فيني مرض بنات .. << افهموا احم
فادية : يووه الله يعينك ..
اروى : والجميع ,, " سكتت شوي بعدها ابتسمت " .. فدوي تذكرين موقفك مع جهاد ! ..
فادية باستفهام : أي موقف ! ..
اروى : موقفك أيام الثانوي لما كنتي قاصة شعرك بوي ..
فادية بنفس نبرة الاستفهام : م اذكر ,,
اروى : فديوو شفيك نسيتي يوم كنتي بالثانوي مو كنتي قاصة شعرك بوي ! ..
فادية : أي ..
اروى : أي ومرة كنتي مزكمة ومع كحة وصوتك صاير كنه صوت اخوك ياسين "قصدها خشن هع "..
فادية : ههههه طيب كملي وش هالموقف حمستيني ,,
اروى : جا جهاد يلحقك ع أساس انك وليد ولد عمي ههههههههههه ..
فادية : ههههههههههههه يوووه من ذاك الموقف بالموت فك اخوك .. غصب طيب انتي وليد ..
اروى : لو انا مكانك كان عطيته كف يصحيه ..
فادية : ههههه شدراني م عرفت اتصرف .. لا وانحاش لداخل وينط بوجهي كيان ,, حاصروني اثنينهم بالموت فكيت منهم ..
اروى : هههههههههههههههههههههههههههههههههههههههه ..
فادية : ههههههه الا تعالي انتي شدراك عن هالموقـــــ ..
م كملت كلامها لانها انتبهت لاثنين واقفين واحد يناظرها ومبتسم ..
اما الثاني حدث ولا حرج صاد ع جنب وبالموت يمسك ضحكته ,,
توسعت عيونها والتفتت للجوال مباشرة اللي طالع منه صوت اروى : فديوة وش فيك سكتي ؟! ..
على طول سكرت بوجهها وحطت الجوال بجيبها خذت الملفات وراحت للجهة الثانية ,,

اما عند الاثنين ..
.... بابتسامة اعجاب : تصدق بدير انها عاجبتني ..
بدر وهو بالموت يمسك ضحكته : هههههههههههههه وش هههههههههههههههه وش عاجبــ هههههههههههههههه ,,
م قدر يكمل من الضحك ..
.... ناظره بطرف عينه : اسكت وتكلم م افهم لك كذا ..
بدر سكت نفسه بالغصب : ههه احمم شسمة أقول لك وش عاجبك فيها هالخبلة .. بلا هبل فصول ..
فيصل : بالعكس يكفي انها م تحتك بأحد المتدربين زي باقي المتدربات .. وحجابها حجاب إسلامي ملتزم مو زي باقي البنات مكياج وكحل ومش عارف ايش ..
بدر: طيب .. هات من الاخر وش قصدك! ..
فيصل: قريب تعرف ,,
ومشى ..
:
:
:
دخلت مكتبها ولقت المعلمات مجتمعات يفطرون ..
ناهد : اوخص بادين فطور م انتظروني ..
سمية : لا ي قلبي تونا بادين حياك ,,
ناهد ابتسمت وجلست : الله يحييك ,,
وبقوا يسولفون ..
شوي رن جوال ناهد بنغمة رسالة واتس ..
فتحتها لقتها من نسيم .. استغربت ليش ترسل لها وهي يمها ناظرتها وبعدها فتحت الرسالة ..
لقتها كاتبة .. نسيم : نهوودة بكرة ابي ازورك انا وامي < فيس يغمز >
ناهد استغربت وش دخل أمها بالموضوع ! ,, بس م لقت رد غير : اوك حياكم الله بكل وقت ,,
:
:
:
دخل البيت ملان ,, م يدري وش يسوي ..
لقى امه تكلم تلفون ..: أي خلاص ,, ع المغرب حنا عندكم ,, اوك الله يسلمك ,,
وسكرت
نط بوجهها بابتسامة عبيطة .. : من اللي بتروحين له اليوم ؟! ...
ام ياسين : عمامك وعماتك حاجزين استراحة يبون يتجمعون فيها وبنروح ..
بابتسامة واسعة : بيصيرون البنات هناك! ..
ام ياسين طلعت عيونها : لؤيووه وش خصك بالبنات ي قليل الحيا ..
لؤي مات ضحك على امه : هههههههههههههههه لا ي الوالدة لا تفهميني غلط بس تعرفيني احب امقلبهم ,,
ام ياسين ناظرته بطرف عينها : لؤيوه اعقل عن بنات عمامك ..
لؤي وهو يقوم ولمعت براسه فكرة : لا يمة اعتبريها دعابة دعابة .. انا ولد عمهم وولد خالهم امون عليهم ..
ومشى
:
:




توقعاتكم حبيباتي ,,
وعذرا ع التأخير مرة ثانية ,,

يؤؤه فديتنيء شء حلإتيء*# ©؛°¨غرامي مبدع¨°؛©

بااارتتت روووعه ي قلبببي
تسلم ايديتس الله لايكسرهن ♥
مم عندي توقعات ي روحهاا
ان شاء الله بالبارتت الجاااي
فديتس

تحياتي

فتنة عطر ©؛°¨غرامي مشارك¨°؛©

المشاركة الأساسية كتبها يؤؤه فديتنيء شء حلإتيء*# اقتباس :
بااارتتت روووعه ي قلبببي
تسلم ايديتس الله لايكسرهن ♥
مم عندي توقعات ي روحهاا
ان شاء الله بالبارتت الجاااي
فديتس

تحياتي

انتي الاروع ,,
ربي يسلمك ,,
اوك اجل بنتظرك بالبارت الجاي عشان توقعاتك
بس مو تقولين م عندي توقعات ..

نورتينا

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1