][قمر مشتاقه][ ©؛°¨غرامي مجتهد¨°؛©

بسم الله الرحمن الرحيم

السلام عليكم ورحمة الله وبركاتة

أنــــا اتلوا كلمات الحب تاره و امحوها بالنسيان
أنـــا اغني للعشق تاره .. واستغفر بعدها المنان
أنـــا اكتب للغرام تاره .. وامحي عباراتي بالكتمان

أنـــــا مقيدة بالضياع والتشتت والنكران , انا قلم تاه بين سطور حب الانس والجان
أكتب اشياء تعاصر وقتنا وأشياء لم تكن موجودة بالحسبان

أترك لقلمي حرية التعبير والتخيل وترتيب الحروف الابجدية , انظم كل كلمة وكل جملة
أحيكها معاً بالسنارة , والفها حول عنق الاوراق لتشكل رواية تتراقص بداخل إنا الوهم

لكنها تتنفس الحرية

مولدتي الجديدة ... بين يديكم / انتفاضة مشاعر وليلة سماوية / بقلمي أنا ][ قمر مشتاقة][

][قمر مشتاقه][ ©؛°¨غرامي مجتهد¨°؛©

الفصل الاول
اشيل واحط في هالكتب .. اشيل واحط في هالكتب يالله متى بس اخلص الاختبارات واريح
:يمممه وين سرياتي لي ساعه اقولها تكوي ملابس المدرسة
وهذي اختي الصغيرة بدت تصيح وتحن في هالليل ماتذكر شغلها إلا اللحين وطول يومها جالسة على لاب توب
إنا عايلة صغيرة مكونة من 3 بنات ولد
انا ومنال وعائشة وحمد
عائشة متزوجة ومستقرة مع زوجها وعيالها في الدمام
وانا الثانية الي اعد الايام والاشهر والسنين عشان اخلص ادارة الاعمال وهذي ثاني سنة لي
أما دلوعتنا منال هذي في ثاني ثانوي وآه منها ومن دلعها
ونجي لحمودتي حمد دلوع اخته عمره 3 سنين وماشرف لنا إلا بطلعة الروح
وأمي سناء احلى سناء في الدنيا مافيه احن منها ام , ارملة كرست عمرها كله تربي في 4 عيال وتدير بيت بكبره
أم حمد: نورة؟ للحين تذاكرين؟
نورة: أيه يمه بكرة على اختبار ولازم اخلص هذا اللحين
أم حمد: طيب , ريحيلك شوي انتي من الصباح وانتي ترتبين هالغرفه بعدين بديتي تذاكرين , حتى الغداء يوم نزلته الخدامة مأكول نصه
نورة: معليه يمه شوي بس , وانزل تحت معكم في الصالة
أم احمد: يالله احتريك
نورة: إن شاء الله
وكالعادة صكت امي الباب وراها ورجعت احرك القلم في الصفحة الي قدامي وقراها قراها وارجع اقراها وانا قفلت معي معد صرت استوعب انا وش قاعدة اقرا
انتهت ساعة كاملة ومابعد حركت الصفحة عرفت إني لازم اخذ وقت راحة , فصلت جوالي من الشاحن وركدته انه يرن بعد نص ساعه عشان ارجع اكمل مذاكرتي

نزلت ولقيت منال وامي جالسين عند التلفزيون ومعهم الشاهي
نوره: السلام عليكم
: وعليكم السلام
منال: انتي يكفي يكفي مذاكرة بتنهلكين منها شوفي وجهك اصفر
نورة: ماعليك مني تبيني اصير بليده مثلك
منال: تبيني اكل الكتاب مثلك
ام احمد: لا إله إلا الله , قولي ما شاء الله
منال وهي تأخذ بيالتها: ما شاء الله
ام احمد: اجلسي ماما وتشهوي معنا وريحي راسك شوي
جلست وحطيت راسي بحضن امي , حسيته كيس رمل قاعد يطيح من ثقله
منال: دلعيها دلعيها
ام احمد: اصص انتي الي يسمعك يقول ما تعرفين طريق للدلع
نورة: امي وين حمد ماشفته اليوم
ام احمد: الله يهديك الساعه اللحين 12 من 9 وهو نايم
نورة: طيب يمه ودي اروح بكره السوق انا ومنال نتقضى لعزيمة خالتي بكرة
ام احمد: ولا يهمك بكره نروح كلنا سوى
جلست معهم ودخلت بعالمي الي يحسدوني في الكثير مع اهلي ضحك وسوالف وخذنا الوقت لين رن المنبه الي سرقني من اجمل لحظات حياتي
منال: بترجع تأكل كتبها
نورة: مالك شغل فيني
وانا ارقى الدرج رن جوال امي وردت
ام احمد: يالله يالله
وسكرت سناء الجوال
ام احمد: سرياتي افتحي الباب , وانتي قومي جيبي لك جلال ولا ارقي فوق
منال: ليه يمه؟ اكييد خالد العله ما غيره
ام احمد: منييل وجع
كشرت فجأءة: يمه لا تهاوشينها البنت ما قالت شيء غلط
ام احمد: اقول قوموا عني بسرعه
منال: اصلا بروح انام
يالله يالله انتم طبعاً ما تدرون هذا عقدتي في الحياة انسان ثقيل دم وما احبه
يناقر ويعاند ويفقع المراره , وفوق هذا كله يتعدى حدوده وكل ماله ويزود
وكل هذا معي انا قدام العائلة هو الولد الي مافيه مثله
طبعاً بما إننا عائلة بنات واخونا الوحيد توه صغير وماعندنا رجال في البيت فولد خالتي خويلد هو الي صاير لنا الاخو " افف اسم الله على اخوي منه"
خلصت الصفحة الي علقت عندها وكان باقي لي صفحتين
قلت انزل اجيب لي عصير وشيء خفيف اكله قبل اكمل
..
البيت كان هادي مره وحس المكيفات الوحيد الي مالي البيت من غير شر تسحبت لين المطبخ
واخذت افتح الثلاجة وطلعت عصير وتشيز كيك من يدين الماما
وتوني بلتفت اجيب الكاس إلا
:آْءء....
حط ايده على فمي وهو يناظرني
: لا تصارخين ي الخبلة اشش , انا بلتفت وبطلع وان سمعتك مصارخة بالنعلة على وجهك سمعتي
انا كان كل همي لبسي الي مو ساتر لا كتوفي ولا سيقاني دموعي تجمعت وهزيت راسي
التفت وطلع تركت كل شيء مكانه وركضت للغرفه
بكيت وقطعت نفسي بكى
طق طق طق
نورة: مين؟
ساريتي:ماما هذا عشاء مال انتا
افتحت الباب وكان معها الصينية حقتي
نورة: وش هذا؟
ساريتي: بابا خالد يقول هذا انتي نسيتي تحت
اخذت الصينية وصكيت الباب
وكان عليها ورقة " مره ثانية ما تتركين الاغراض برا الثلاجة عشان تخرب ماراح انظف وراك وارسله لك عمتي"
بلعت ريقي : انا وش خلاني انزل اصلا , وامي ليه ما عطتنا خبر إن هالزفت بينام هنا
اخذت جوالي وفتحته ولقيت امي مرسلة ان خالد بينام وانها دقت الغرفه بس مارديت
: لاني ما سمعت , واكيد شلون اسمع وهالسماعات في اذني استاهل
..
تركت الكتاب مكانه ورجعت انام

في الصباح قمت وصليت الفجر اول مره ما اقوم على وقتها وامي ما تقومنا , قومت منال تتجهز لمدرستها
خليت ساريتي تتأكد 10 مرات انه راح ونزلت بعدها

نورة: صباح الخير امي
ام حمد: صباح النور .. وين أختك؟
نورة: كالعادة تأخذ لها 20 ثانية نومة تخاف يفوتها شيء تبدل ملابسها وتحط راسها على الكنب
ام حمد: ساريتي قومي منال خليها تنزل تفطر
نورة: امي خالد كان نايم هنا؟
ام حمد: ايه ليه؟
منال: اكيد خالتي طاردته ذا المليغ
انا صراحه ماقدرت امسك ضحكتي ضحكت على هالخبلة وذباتها
ام حمد: انا اذا قصيت لسانك يا الملسونه عرفتي
نوره: لا صدق امي ليه نايم هنا؟
ام حمد: مرت اخوه جايبه خواتها يساعدونها في الولد + هما استقبالهم بكرا
منال: وش هالعبو ياربي , بعدين انا خابره المره تتنفس في بيت اهلها
ام حمد: انتي تعرفين ولد خالتك قال وقت النفاس العادي عند اهلك والاستقبال عندنا
نوره: وذي المسيكينه لمتى بتجلس كذا ي قلبي مطاوعته بكل شيء
ام احمد: اجل تبينه تعصيه؟
نوره: على الاقل انها في النفاس و الاستقبال تفتك من خشته شوي
منال: نووير خليك من كلام الحريم ذا وقومي يالله تأخرت على مدرستي + انتي ترا وراك درب على ماتوصلين لجامعتك في الوقت
نوره: يالله , مع السلامة يمه
ام حمد: ربي يحفظكم , اقروا وردكم
البنات: إن شاء الله
..
خالد: يمه مب حاله امس ونمت هناك حتى بكرا
ام ابراهيم: يعني وش تبيني اسوي فيه عجزت انا وخواتك فيه حتى مو راضي يسمع من ابوك
خالد: اجل انا بكلمه
ام ابراهيم: كيفك انت واخوك..!
ابراهيم: وش فيه اخوه بعد
خالد: ي اخوي مب حاله , مرتك المفروض عند اهلها تسوي كل هالطقوس مب عندنا
ام ابراهيم مالها خلق صيحه وهواش: بروح اكمل شغلي
جلس ابراهيم وهو مبتسم: ي اخي ما اصبر عن حرمتي اكثر من 30 يوم
خالد: وانا اكلها
ابراهيم: تحمل
خالد: يالله يالحبيب يالرومانسي يالخرووووووف
ابراهيم: ههههههههههه , نشوفك بكرا لا اعرست
خالد: والله منيب حاكرها عندي وقت نفاسها
ابراهيم: المهم معليه وانا اخوك تحملني كلها 3 ايام وينتهي الموضوع
خالد: يعني اشيل قشي لبيت خالتي الي كله بنات
ابراهيم: الله واكبر كلهم بنتين وانت متربي معهم ومنتب مضايقهم انت وقت النوم بتصير هناك
خالد: المهم انا بمشي بروح للدوام
ابراهيم يشوف ساعته: بدري وانا اخوك
خالد: اييه الي يدينه في الثلج مب مثل الي يدينه في النار , عندك مكتبك الخاص وتروح وترجع محد يحاسبك
ابراهيم: رح بس رح
: خلووود اصبرلي
خالد: خلود بعين العدو اصغر عيالك
مها: المهم ابي امر بيت صديقتي نهال الي في الحارة الثانية وصلني
خالد:في هالصبح؟
مها: عندنا مشروع نبي نخلصه بدري
خالد: طيب وين السايق؟
مها وهي تلوي خشتها: ترانيم ومشاعل خذوه
خالد: يالله البسي عباتك احتريك
مها: إن شاء الله
ابراهيم: عز الله خذت تهزيئة فوق تأخيرة الزحمة ههههه
خالد ابتسم على خفيف: متعوديييين ي حبيبي
..
طلعت من الامتحان وانا تافلة العافية أول الاسئلة كانت من الصفحتين الزفت الي ماذاكرتهم حاولت قد ما اقدر اتذكر الكلام الي كتبته في المحاضرة الي فاتت و حليت ومشيت عمري

نوره: اهم شيء ما احمل المادة < كانت عبارة التحفيز الوحيده الي اقولها لنفسي لما اجيب العيد في شيء
انغام: هاه نوني وش صار؟
نوره: وش صار الزفت نايم عندنا امس ونكد علي ولا ذاكرت الصفحتين وجبت العيد
انغام: ي قلبي ’ هانت اصلا ما جابت منهم إلا 3 اسئلة
نوره: وانا وش يدريني وش علاماتهم هال3 اسئلة
انغام: لا تخافين انتي امورك كويسة مع الدكاترة بيمشي وضعك
نورة: المهم بروح الكوفي راسي بينفجر
انغام: ما عاش من يخلي راسك ينفجر نجيبلك ابو الكوفي ي عمري يالله سرينا
نورة: ههههههه يالله

..
انغام هذي صديقة المتوسط صديقتي وجارتي وكل شيء باقي احطها في البطاقة بس , تعرف وضع البيت وضعي مع الي ماينتسمى خالد
احببببها اخت وغاليه وعزيزه على قلبي

..


وردة الزيزفون
✿ إدارة الإقسام ✿

مساء الخير .. ياهلا فيك بفرام موفقة بطرحك ... بداية حلوة وطريقتك في السرد جميلة لكن لو تضيفي الوصف لمكان الحدث ولوضعية الشخصيات وتتعمقي بوصف المشاعر بيكون افضل وحطي احداث قوية تجذب القارئ حتى يتفاعل معاك

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

][قمر مشتاقه][ ©؛°¨غرامي مجتهد¨°؛©

المشاركة الأساسية كتبها وردة الزيزفون اقتباس :
مساء الخير .. ياهلا فيك بفرام موفقة بطرحك ... بداية حلوة وطريقتك في السرد جميلة لكن لو تضيفي الوصف لمكان الحدث ولوضعية الشخصيات وتتعمقي بوصف المشاعر بيكون افضل وحطي احداث قوية تجذب القارئ حتى يتفاعل معاك

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا
مساء الانوار

دائماً ما يكون بداية الطرح تعريف مبسط بما تحويه السطور

بإذن الله القادم سيكون اوضح ويكشف ما خبء الورق

شاكره لك مرورك غاليتي <3

لوعة غرام ©؛°¨غرامي جديد¨°؛©

بداية جميلة جدا
أظن ان أحداثها ستكون مشوقة
ننتظر البارت القادم

الندى الجريح ©؛°¨غرامي مشارك¨°؛©

كل شي فيها حلو ينقصك الاثاره والتشويق مع ان بعض الرويات نفس البداية بعدين تبدأ الاثاره والمغامرات
عموما محاولة جيده كملي

النور | ي معين ©؛°¨غرامي مشارك¨°؛©

آللّـہ عليك .. بداية جميلة .. ننتظر القادم ,~

جود الدنيا ©؛°¨غرامي فضي¨°؛©

بداية رائعة

أنتظر القادم

][قمر مشتاقه][ ©؛°¨غرامي مجتهد¨°؛©

المشاركة الأساسية كتبها لوعة غرام اقتباس :
بداية جميلة جدا
أظن ان أحداثها ستكون مشوقة
ننتظر البارت القادم
دئاماً ما يزيدها جمالاً وجودكم
ترقبي القادم يوم السبت بإذن الله

شاكره لك مرورك عزيزتي

][قمر مشتاقه][ ©؛°¨غرامي مجتهد¨°؛©

المشاركة الأساسية كتبها الندى الجريح اقتباس :
كل شي فيها حلو ينقصك الاثاره والتشويق مع ان بعض الرويات نفس البداية بعدين تبدأ الاثاره والمغامرات
عموما محاولة جيده كملي
كما قلت من قبل .. البداية دائماً ماتكون تعريف

ترقي القادم يوم السبت بإذن الله

شاكره لك مرورك يا غاليتي

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1