غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 03-06-2014, 10:59 PM
صورة كِلل الغلا للوالدين الرمزية
كِلل الغلا للوالدين كِلل الغلا للوالدين غير متصل
©؛°¨غرامي جديد¨°؛©
 
Uploadfef5c031fd مولودتي الأولى : جحيم دنيا


*,


مولودتي الأولى أضعها بين أيديكم بعد خوض معركة ٍ عنيفه بيني وبين نفسي
وبالنهايه قررت القرار اللذي ترونه و أرجوا أن يكون القرار السليم
لن أطيل عليكم بالحديث فقط أتمنى منكم المتعه وفي نفس الوقت الفائده
إبنتي لا ترحب بمن يهمل صلاته و عبادته من أجل أن يقرأها
أخيرا ً لن أقول أني لا أحلل من ينسب إبنتي لنفسه
ولن أتعب نفسي حتى بالركض خلفه أو الدعاء عليه لأني على ثقه بالله أن الكاذب و الظالم سيأتي يوم ويتعرى أمام الجميع
حق أحد ماراح يضيع كن واثق يا كل مظلوم ولا تحقد وخل قلبك أبيض وعيش حياتك مرتاح
عطيناكم درس بسيط قبل الروايه إن شاءالله استفدتوا منه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 03-06-2014, 11:31 PM
صورة كِلل الغلا للوالدين الرمزية
كِلل الغلا للوالدين كِلل الغلا للوالدين غير متصل
©؛°¨غرامي جديد¨°؛©
 
الافتراضي رد: مولودتي الأولى : جحيم دنيا / قلمي









نعيش بين أهالينا و أحضان ولدينا و جمال منزلنا و ترف العيش
لسنا نقصد أننا نعيش في قصر به حديقة جنه و خدم و مجوهرات من الياقوت و الألماس
لا بل نحن عائله فقيره
تأتي بنا أيام لا نتذوق فتات الطعام أو حتى الطعام الموجود في مكب النفايات
ولاكننا نقول أننا نعيش في جنه و نعيم عظيم لم نعلم به إلا عندما فتحنا أعيننا لنرى أنفسنا أشخاص دون عائله
تائهون خائفون حائرون نكاد أن نصاب بالجنون
نعم هذا ما حصل بغمضة عين



*,


هل يمكن لبشر ٍ أن يرزقهم الله الجمال اليوسفي أو يرزقهم الغنا و الغناء الفاحش
ولا يتمتعون بها ويتمنون لو أنهم قبيحوا الوجه و من أفقر الفقراء

*,


هذه أجزاء بسيطه من روايتي وهناك المزيد ينتظركم
تابعوا معي وتعرفوا عليها أكثر عن قرب


...













: فياض .. فياض
ناظرها: سمي
: قم ساعد أخوك حمد
فياض : أمس كان دوري
أم فياض : واللي يخليك لي توه صغير خلك جمبه
فياض قام : عشانك يمه وعشان أبوي ولا هو بالمتوسط ماهو صغير
أم فياض وهي تكبس ركبها : الله يرضى عليك ياقرة عيني



حمد : ها يبى شبعت
أبو فياض يحرك راسه بإيجابيه : الحمدلله
حمد يحط زبدية اللبن اللي كان مهروس داخله الصامولي جمبه و ياخذ المنشفه اللي كانت شبه مبلوله يمسح فيها فم أبوه
فياض دخل غرفة أبوه كانت مفروشه و فيها دولاب قديم وصغير داخله ملابس البيت كله : تحتاج مساعده
حمد يرفع راس أبوه و يمسح بإيده الثانيه كاس المويه يشربه : سلامتك

فياض وقف ثواني يتأمل و يتألم لحال أبوه اللي كان أقوى جسد بالحاره و فيه وسامه ملفته على فقره و كان يهتم بصحته و عايلته ولا يخليها يوم واحد تحس بالجوع
يكد و يتعب عشان لقمة العيش لهم ماله شغل معين أعمال حره مره يتكس بسيارته اللي كانت من النوع الصغير و القديم
ومره ينظف سيارات و مره ينظف حدائق الأغنيا أو حوش الناس متوسطة المعيشه و كثير الكثير طوال اليوم من 7 الصباح ولا يرجع لهم إلا 9 الليل ومعه الأكل
و أحيان هدايه يفرح فيها أهله
لاكن في يوم من الأيام كان يتكس طول اليوم ولا إنسان ركب معه حتى ريال واحد ماحصل ذاك اليوم
ورجع لأهله وهو مقهور لاكن كان في أكل يكفيهم لأسبوعين
قعد أسبوع كامل يطلع يتكس ولا مخلوق يركب معه شال هموم الدنيا براسه الحين مابقى غير أسبوع وبعدها يقضي كل الأكل الموجود
غير شغله وصار يطلب ينظف سيارات الناس ونفس الشي ولا أحد عطاه وجه اللي كان يرده بحترام و اللي كان يهينه و يسبه بسبب إلحاحه
مر الإسبوع الثاني ونفذ كل الأكل الموجود وهو كان ماغير يلف بالشوارع ومن مدينه لمدينه بين المدينه و المدينه ساعتين أو ثلاث ساعات و أحيان ساعه ونص
خسر فيها فلوس بسبب البنزين اللي يعبيه ومع كذا محد عطاه حتى ريال لن محد ركب معه
رجع ذيك الليله الساعه 12 الليل دخل العماره وهو بأول الدرج القريب من شقته سمع صوت طفله تبكي حس كل دمعه انزلت منها حرقت قلبه
ماقدر يكمل يطلع قعد على الدرج ساعه كامله يدعي ربه و يبكي بحرقه

#

أبو فياض رافع يده لربه و الدموع تسيل على خده : يارب إن كنت أخطيت فسامحني
يارب مالي غيرك ياكريم
يارب مثل ماكنت ترزقني وتكرمني أرزقني و أكرمني لآخر حياتي وحيات ذريتي
يارب إن كنت عصيتك بقصد أو غير قصد سامحني و أرفع عني البلا
يارب أرفع عني وعن ذريتي البلاء و الشقاء و العناء
يارب مالي غيرك يا حي يا قيوم
يا أرحم الراحمين أرحمني
و أستر علي و على أهلي
يارب كن معي
يارب و إني مقصر بحقك يارب فسامحني وتب علي و أرحم ضعفي وقلة حيلتي
يارب يارحيم يا من سجد له الملوك يامن سجد له الجماد و النبات و الحيوان و الملائكه
يامن يعطي ويمنع و يسعد و يفرج الهوم
يا من إذا عصيت و طلبت العفو منه محى ذنوبي وسامحني
يااااااارب مالي غيرك يا سميع يا مجيد ياحميد ياغفور ياودود ياالغني يا السلام يا المؤمن يا المهيمن يا العزيز يا الجبار

ويستمر بالبكاء المرير و الدعاء طوال ساعه

قام مسح دموعه وحاول يسترجع قواه و ابتسامته اللي كانت دايم مرسومه على وجهه رسم هالإبتسامه بتفائل وراحه عجيبه بصدره وانشراح
بعد ماشكى لربه حاجته
وفتح باب الشقه و الهدوء يسكنها
أم فياض طالعه من الغرفه وترد الباب ويوم شافت زوجها ابتسمت له : حياك الله
أبو فياض إبتسم إبتسامة حب لهالمره العظيمه اللي ولا يوم تأففت على الحال اللي معيشها فيه اللي ما باعت حبها و عيالها له عشان فلوس ودنيا آخرتها قبر ولا ينفعها شي
كان الإحترام و الموده والرحمه تسكن هالعائله
كانت هالعائله تعيش بنعيم عظيم ماهو نعيم الأغنيا والذهب و الألماس و الملابس الفاخره
نعيمها أعظم و أعظم من هالأمور الدنيويه
نعيمها أن الإحترام و الموده و الحب و الرأفه و الرحمه و الصدق ما يخرج من هالعائله أبدا

أبو فياض تنهد
أم فياض تكتم حزنها و ضيقتها : ماعليه يبو فياض ربي معنا وماراح يضيعنا
أبو فياض : ونعم بالله .. هذا اللي أردده دوم لاكن حنا الكبار نتحمل بس عِزه
أم فياض يوم انذكر اسمها سكتت ولا كان عندها جواب
أبو فياض بنبره حزينه : سمعت بكاها و أنا جاي
أم فياض ماتبي تشوف الحزن بعيونه : خلاص هديتها ونامت
أبو فياض بعد صمت طويل سند ظهره بالجدار وقال بعد تنهيده بسيطه وهو يطلع محفظته من جيبه : راح أصرف فلوس الأجار
أم فياض :ـ
أبو فياض فتح المحفظه وناظر بالفلوس اللي يجمعها بتعب حق الأجار
أم فياض حطت ايدها على ايده : لا تغامر يبو فياض أنا بحاول أشتغل في بيت الجيران يمكن يطلع لنا شي
بس فلوس الأجار لا تمسكها حنا بعد ما كملناها عشان تصرف منهم
أبو فياض يناظرها : الجيران هم حالهم حالنا و أردى مين يعطي مين !
بعدين أنا لا يمكن أسمح تنهانين عشان قرشين .. أنا بدبر الأمر والله معنا
أم فياض : بس تكفى لا تمسك فلوس الأجار أخاف نتورط
أبو فياض: مالنا غير هالحل ولا يموتون عيالنا جوع وعِزه خاصه هي طفله وتحتاج تغذيه .. و الفلوس ان شاءالله اجمعها شوي شوي
ربي راح يرزقنا ماراح نعيش طول العمر على الحال اللي مر علينا هالفتره .. لا تنسين ان مرت علينا قبل فترات اقسى وتحملنا وربي ماضيع صبرنا
أم فياض استسلمت للأمر الواقع ورضت باللي قاله زوجها

كان في واحد يسمعهم من ورا باب غرفة النوم وقبض يده بقوه قهر و ألم على حالهم


أبو فياض بعد ما صلى الفجر مر لسوبر ماركت واشترى الآزم بحذر شديد وكان مايكفي إلا حق يومين بالكثير ويمكن أقل وترك الفلوس الباقيه


كان هاليومين كلها يكد من مكان لمكان وماكان يتكس بسبب البنزين اللي صار تنصرف الفلوس عشانه ولا احد يركب معه كان يحاول يحافظ على الموجود قد مايقدر
لين ربي يكرمه ويبدى يرجع يتكس لن الريال الواحد بس عنده ثمين بالمره
من الساعه 6 ونص طلع من بيته ولا نام الا ساعه ونص قبل الأذان النوم ماقدر يجيه
من الساعه6 ونص لين 12 الليل مشي على رجوله يكد من مكان لمكان يدور على الرزق أسبوع كامل
ومن هالإسبوع ماجمع إلا 20 ريال


مساعد وهو ماسك بطنه : يمه جوعان
أم فياض تمسح على راسه : ان شاءالله لا أذن العشا حطيت الأكل لازم نقتصد بالأكل عشان ما نقعد يوم كامل ماكلينا شي
مساعد : بس مايصير بس نتعشا لازم غدى لو نشرب لبن
حمد بقهر : اذا انت جوعان حتى حنى مثلك
مساعد يناظره معصب : حد كلمك
حمد قام من مكانه وراح متضايق
أم فياض قلبها يتقطع عليهم


أبو فياض عمره بالخمسينات
أم فياض مره داخله على الأربعين لاكن اللي يشوفها يقول خمسين
فياض 19 سنه
حمد 14 سنه
مساعد 13 سنه
عِزه 4 سنوات


بيتهم كان عباره عن شقه بعماره مكونه من 8 أدوار كل دور فيه شقتين
عماره شكلها مهتري بحاره قديمه وفقيره لاكن ناسها طيبين
كانو ساكنين بالدور الخامس
شقه مكونه من صاله واسعه تقريبا ً لاكن جداران البيت مهتري
فيه جلسه أرضي قديمه و تلفزيون
غرفتين ودورتين مياه لاكن ماستعملون الا واحد لن الثاني غير صالح للإستخدام نهائيا ً و داخله مليان فيران و حشرات بأنواعها لهذا مسكرينه
ومحكمين إغلاقه
وحده غرفة أبو + أم فياض معهم عِزه
وحده غرفة فياض وحمد و مساعد
كان في مطبخ والمطبخ مافيه الا ثلاجه صغيره ودولاب مهتري و موقد غاز صغير
والشقه عموما ً حجمها لابأس به كـفقراء و كعائلة صغيره لاكن العماره كلها مهتريه ولها أكثر من 70 سنه
ومليانه حشرات و فيران وشكلها موحش





عِزه : أبي حلييب
أم فياض : يا يمى بعد شوي
عِزه بكت
مساعد : أوفففففففففف وقام
أم فياض تكلمه وهو يطلع بصوتها الهادي تخفف عليه : قول الحمدلله في غيرك أسوأ حال منك قول الحمدلله
مساعد ما اختفى من قدام أمه إلا يوم انتهت من كلامها وراح طلع برآ الشقه ونزل من العماره قعد على الدرج البسيط اللي يدخل للعماره وقعد يناظر باأهل الحاره
وهو يشعر من راسه :


من يومي إني فتحت عيني
وأنا عآآيش(ن) بهالهم
في ناس الحين تبكي من التعب
وفي اللي مثلي صابر مع الغم
وفي اللي الحين معزوم ٍ على عشا
وفي اللي مثلي


قاطعه الصوت وهو يقول : نحمد الله جات على ما تمنى وقعد جمبه وهو يصفق ظهره : والله وطلعت تشعر
مساعد تنهد وشال بلاستك مرمي من الأرض قعد يرسم بالتراب
فياض يناظر فيه
مساعد الصمت و الألم بعيونه واضح و كاتم بقلبه
فياض قلبه ينقبض ألم عليه وعلى كل أهله وخاصه أبوه اللي هالأيام كلها مشغول ولا يشوفونه الا بالفجر وبالمره التعب واضح عليه
فياض : تبي شي
مساعد وعيونه مصوبه بقوه للأرض يرسم : سلامتك
فياض قام " ولو قالك يبي يعني بتلبي طلبه " تنهد ومشى رايح
مساعد يرسم ويرسم لين انتهى من الرسم
كان رسمه غير واضحه بس اللي كان يقصده إنه يرسم كابتن طيار جمبه طياره


عِزه مااقدرت توقف بكى إلا يوم سوت لها أمها حليب
حمد طلع من الغرفه وانتبه لها وهي تشرب وانقهر
يوم شاف أمه ناظرته بعد نظراته عنها وحاول يمشي بثبات ودون تغيير بملامحه ويقعد بالصاله
أم فياض كانت تقرا قرآن لاكن كانت تسرق نظرات لحمد اللي كان متصلب مكانه ومكتف يدينه وواضح إنه يفكر بعمق




/

بعد العشا إجتمعوا على السفره اللي كانت مكونه من صامولي و جبنه بيضا مع شاي
فياض : أبوي راح يرجع 12
أم فياض : والله مدري تدري على حسب
حمد ونفس النظرات المتصلبه اللي شافته أول كانت متصلبه للحين وهو ياكل
أم فياض : حمد
حمد :ـ
أم فياض للمره 3 : حمد
حمد انتبه وناظرها : هلا
أم فياض : شفيك ماقاعد تاكل مثل كل يوم
حمد يمد يده : الا يمى قاعد آكل
أم فياض : تفكر بشي
حمد بعد سكوت بسيط رد عليها وقال : بصراحه إيه
أم فياض كانت تسوي نفسها تاكل وتاكل لاكن ماكانت تاكل كانت تأكل عِزه أكثر من ماتاكل هي و تاركه الأكل لعيالها من دون مايحسون
حمد : يمى وبتردد : الحين أنا سمعت مره إن اللي يتاجر وكذا يربح وكذا
مساعد : كل بس كل
حمد ما التفت له وكمل كلامه : ليش حنا مانتاجر
أم فياض : لو الشغله سهله مثل ماتتصور كان كل الحاره تاجرت من قبل لا تنولد
حمد : لا يمى مو أي تجاره يعني مثل هذا وسكت
أم فياض : مثل ايش
حمد بخوف شوي : يعني مثل هذي الأشياء الممنوعه تجيب الفلوس ولا نحتاج
أم فياض قبل لا يكمل ولدها قاطعته بهدوء : وش هالاكلام اللي تقوله
حمد سكت
أم فياض: الحمدلله من أنولدت و أنا عايشه على الرزق الحلال و أنتم بعد المال الحرام مايجيب إلا العذاب و الغضب من رب العالمين
حمد نزل عيونه
أم فياض بتحريص ويغلبه الحنان : وش الفايده من تمتع بالدنيا و من فلوس حرام وبالنهايه هذي مو حياتنا حنا جايين هنا زياره بس حياتنا باقي مابدت يا عيالي
باقي ورانا قبر وحساب ورانا مشوار طويييييل طويل
الكل يسمع
أم فياض : وبعدها ... إما جنه أو نار وقتها تكون بمكانك الحقيقي
وهزت راسها بحتقار : أما الدنيا حنا فيها زوار هنا بس جايين إختبار و بالموت ينتهي وقته ويتسكر كتاب الإمتحان و النتيجه تعرفها يوم الحساب
حمد بلع ريقه بندم على اللي نطق فيه وقال وهو منزل راسه : من القهر بس و ناظر فيها : بس والله ماكنت أقصد بس من القهر اللي فيني يمى
أم فياض ابتسمت له بحنان : عيب عليك يا حمد أنا أمك و أكيد فاهمتك
حمد :ـ
أم فياض : أنا أنصحكم حتى لو كان الكلام اللي طلع منك بدون قصد أو حتى مزح لني لو طنشت اليوم وبكرى بتحسبون الأمر هين وعادي وبعدين ماينفع الندم
فياض يحط يده على راس حمد : أبد يا الغاليه حنا إن شاءالله ماراح نبيض إلا الوجه هالسوالف مو عندنا ويحرك راس حمد : صح يا خوي
حمد : إن شاءالله
عِزه : يمه
أم فياض تناظرها
عِزه كانت فاتحه فمها تبي تاكل



الليل الساعه 1:00 ص
أم فياض كانت ماتنام إلا إذا دخل زوجها و اليوم طول واقعدت تحاتيه وكل شوي تناظر الساعه

طلع فياض من غرفته رايح دورة المياه وحس بأحد بالصاله وراح شاف أمه : ما جا أبوي
أم فياض تهز رجولها : لا والله تأخر
فياض قعد جمبها ومسك إيدها : إن شاءالله شوي وهو داخل لا تحاتين
أم فياض تنهدت : ان شاءالله



بعد ساعه وعشر دقايق وقف فياض يوم سمع صوت حركه بالعماره
أبو فياض فتح الباب
أم فياض قامت
أبو فياض بوجهه الشاحب والتعب واضح جدا ً عليه ابتسم يوم شافهم وبصعوبه يتكلم من التعب : ليش مانمتوا
فياض راح له باس راسه ومسكه مع كتفه : يبى شكلك مرهق
أبو فياض : اي والله إني مكذب عليك وقعد وصار ياخذ نفس
أم فياض : الله يهديك اتعب نفسك لازم تستريح شوي وترجع تشتغل الحين تلقى ماكليت شي
أبو فياض : لا أبد .. فياض عطني كاس مويه
فياض راح
أم فياض تكبس رجله : الله يصلحك ويهديك لازم تنتبه ع نفسك
أبو فياض : الحمدلله لاكن ربي يسرها اليوم وجمعت 100 ريال
أم فياض ابتسمت بسعاده : الحمدلله
فياض جاي : سم يبى
أبو فياض ياخذ الكاس منه ويشرب
أم فياض : بسم الله
أبو فياض انتهى
فياض : تبي أصبلك
أبو فياض : لا الحمدلله
فياض : أحطلك تاكل
أم فياض : إيه لازم أمس قال مايبي و اليوم لازم ياكل
أبو فياض : لا يا فياض تعال وانا أبوك أبي أنام ولا صار بعد الفجر فطرت
أم فياض تقوم : بس صامولي وتروح غصبا ً عنه
فياض يبتسم و يكتم ألمه : الله يعطيك الصحه والعافيه يبى تعبت كثير
أبو فياض : أبد يا اولدي هذا الواجب وانت لا تزوجت إن شاءالله بتسوي إللي أسويه أنا الحين
فياض :ـ
أبو فياض : لاكن إن شاءالله تكون حالتك أحسن مني والله يكتبلك الرزق الطيب انت و أخوانك
فياض ببتسامه بسيطه قال : ولك بالمثل ياالغالي






_لا إله إلا الله _


أبو فياض : مساعد ..حمد يلا قوموا لصلاة فياض قام وانتم للحين
حمد : إن شاءالله
مساعد يقعد ويناظره : اشتقنالك
أبو فياض : والله و أنا أكثر
حمد وهو منسدح يحاول يفتح عيونه : يبى لازم اليوم تقعد معنا .. لازم تريح يوم بالإسبوع مثل قبل
أبو فياض : يجي الحكي بعد الصلاة يلا انت وياه
وطلع من الشقه وصار ينزل من الدرج
كانو بالدور الخامس بدون مصعد وهو ينزل تعبت رجوله بالمره لاكن جاهد لين وصل برى العماره ووقف تسند على الجدار و رجلينه ترجف وتألمه
كانت منتفخه ومتورمه من كثر المشي حاول يمشي وهو يتسحب بالجدار قبل لا يشوفه أحد من عياله وكل ماشافه واحد من الحاره سأله ونصحه ما يتعب نفسه هالأيام

انتهت الصلاة
وقام فياض بس قبل لا يلتفت سحبه واحد من شيبان الحاره وقاله : يولدي وانا جاي للمسجد شايف أبوك صحته مو زينه اقعد معه لين يقوم و حاول انه ما يطلع اليوم
فياض : يعطيك العافيه عمي
ويناظر ابوه وهو يكمل : إن شاءالله يسمع مني و يرتاح هالأيام



أم فياض : فياض وينه
حمد: قعد بالمسجد أتوقع .. إلا متى رجع أمس أبوي أشوف شكله تعبان بالمره
أم فياض وهي حافظه الوقت زين : مارجع الا 2:11 دقيقه
حمد انصدم : أما
أم فياض : اليوم بحاول ما أخليه يطلع
حمد : اي يمى وحنا بنساعدك




فياض وصل مع أبوه للعماره
أبو فياض يسحب يده منه : شايفني شايب
فياض : أفا يبى شباب انت يبيلها كلام
أبو فياض : زين روح جيبلي الفطور بقعد هنا أشم هوا و أشوف الناس الجو زين
فياض : فكره حلوه .. بس توعدني يبى إنك تاخذ إجازه على الاقل اليوم
أبو فياض : انت عطني الفطور وبعدها أفكر خلني أصحصح
فياض : إن شاءالله إن شاءالله يبى ثواني وأنا عندك يا الغالي وباس راسه وراح بسرعه لداخل العماره




ربع ساعه ونزل
فياض يناظر يمين يسار : يبى .. ويتحرك شوي يمين شوي يسار يناظر : يبى وينك
واحد من شباب الحاره يركب سيارته : شفته مشى من هنا
فياض عرف إن أبوه عرف يخدعه بهالحيله وحاول يلحقه يرجعه للبيت





أبو فياض كان يقاوم ويقاوم الألم ويمشي بسرعه لنه حاس إن فياض راح يدور عليه حاول وحاول يقاوم الألم
" عشان أهلي .. عشانكم بس أنا أضحي بحياتي و صحتي .. مستحيل قلبي يرضى ..
ماكمل تفكيره لنه انتبه فجأه إنه بنص الشارع وفجأه يسمع صوت وراه وقدامه وحوله صوت بوري قوي
ويسمع صوت صاحب محل طلع من محله ويصرخ : انتبه
قبل كل شي جات سياره مسرعه
حط ذراعه الثنتين قدام وجهه على شكل إكس و بصوت عالي : لا إله إلا الله .. لا إله إلا الله




فياض يركض ويركض " أكيد على طريق السوق " ويكمل طريقه
لين طلع برا الحواري لشارع ويشوف سيارات واقفه و ناس كثير متجمعين اللي ماله لزمه يصور أو يسولف أو يكلم جوال و اللي يقول اطلبوا الإسعاف واللي يبعد الناس
فياض : الله يستر ويناظر يمين ويسار بالشارع يدور على أبوه أبد ماجا على باله يروح عند هالتجمع و العالم
واحد من الشباب كان واقف وانتبه له و بصوت عالي : إلحق أبوك إلحق عليه
فياض انصدم من الصوت هالصوت يعرفه ناظر لقاه واحد من شباب الحاره اللي جمبهم وركض راح وهو يصرخ : يبى .. شفيه .. وخر .. وخر... يبى
فتحوله المجال الناس ودخل لقى أبوه طايح على الأرض و قزاز باب المحل حوله و دم ينزف من أنفه و من جبينه ركض له مثل المجنون جلس على الأرض
والقزاز بدون مايحس ورفع راس أبوه : يبى .. وش صاير بسم الله عليك يبى
أبو فياض كان ساكن مايتحرك فياض انهبل وصار يصارخ : الإسعااااف ... وين .. وين الإسعاف .. بسرعه
: يا الطيب قم عن القزاز ان شاءالله الإسعاف واصله بس لا تنأذى
: المفروض ماتحركه أبد ليش مسكته ابعد عنه أتركه مثل ماهو لا يصيبه شي بسبتك
فياض كثرت عليه أصوات الناس تشتت تاه مو عارف وش يسوي و الأغلب كانوا يقولون له يترك أبوه ولا يحركه
فياض كان يحس بنفس أبوه كان يتنفس وتطمن قلبه بس رجع يصارخ اطلبوا الإسعاف .. ليش متجمعين
فياض انقهر من اللي يصورون وصرخ عليهم : لحد يصور .. ايش تصورون بالضبط .. قفلوا الكمرات لا أكسر جوالاتكم .. واللي صور يمسح والله ما أحلل أي واحد مايمسحه








#
حمد : ماشاءالله عليك يبى أسد
أبو فياض يبتسم : آآآخ الحمدلله بس
حمد : يبى كلها كم شهر إن شاءالله وترجع مثل ماكنت
فياض يتقدم لهم ويرسم إبتسامه صفرا : شلونك يا الغالي
أبو فياض : مثل منت شايف الحال يولدي

أبو فياض السياره صدمته وطيرته لمحل من المحلات بشارع السوق (الشارع العام) طيرته السياره لمحل مقبلات صدمت رجوله بالباب وانكسر و ظهره بالحافه
راسه ماجاه شي أبد ولا يدينه ويقدر يحركهم بس رقبته جبروها لمدة شهر وفكوها والحمدلله الأمور سليمه
لاكن جسمه الباقي تأثر بالمره وحاليا ً مايقدر يتحرك بس منسدح على الفراش
وعلى الحادث مر 3 شهور وشوي و الحاله الماديه تدهورت بالمره
أم فياض يوم سمعت بالخبر صار عندها شلل مؤقت بالرجلين تمشي ولاكن ما تقدر تطول لازم مساعده





فياض : يبى كان قعدت بالمستشفى يمكن تقوم بالسلامه بوقت أقصر
أبو فياض : مستحيل
فياض : الحمدلله الأدويه و المستشفى بلاش وماعندنا مشاكل ليش تقهرنا على حالتك
أبو فياض : فياض لا تناقش طلعت وانتهى الأمر قعدت شهر وشوي هناك لمتى يبوني أقعد عندهم
حمد: خلاص ياالغالي فياض بس خايف على صحتك و الأرض قاسيه الفراش هذا مايسوي شي الأفضل تكون على السرير
أبو فياض : خلاص انت وياه
فياض تنهد والتفت طالع لصاله
أم فياض بالصاله تكبس ركبها
فياض جلس جمبها وصار يكبس لها
أم فياض : مو كافي أبوكم الله يشفيه جيت أنا
فياض يبتسم لها : الحمدلله على كل حال
أم فياض وكأنها تسمع لزوجها ابتسمت بسعاده وحزن بنفس الوقت إشتاقت لقعدته و كل شي فيه وكل يوم تدعي له و عيالها أكثر من دعائها لنفسها




من تدهور الحال و عِزه ماغير تتعب و أكثر شي كانت تستفرغ كل اللي تاكله وتشربه و على نحف جسمها
إلا إنها تحولت إلى عظم و حرارتها تنزل وتطلع وتعرق وكأن حد كاب على جسمها مويه كل يوم نفس الحال





أم فياض : زوزو يمى
عِزه كانت منسدحه على رجل أمها ومو حاسه بالدنيا
حمد يناظرها : لازم نوديها المستشفى خلاص حالها خطير أخاف يصير فيها شي
عِزه تلف بجسمها نامت على ظهرها وراسها توديه يمين يسار تتلوى من التعب من دون أي كلمه وعيونه شبه مغمضه
أم فياض : المشكله أني مقدر أمشي المسافه الطويله
والسياره محتاجه بنزين تدري كنا نروح فيها عند أبوك وبعدها معد قدرنا عشان البنزين
حمد : لا يمى انتي خلك هنا مع أبوي اذا احتاج شي ومعكم مساعد و أنا بروح مع فياض
أم فياض ترفع عِزه لصدرها تضمها بالمره و العبره خانقتها : يا حبيبتي أنا يا يمه
حمد يقوم : بروح أبدل ثيابي و أكلم فياض
أم فياض مكسور قلبها على بنتها




فياض كان قاعد بغرفته وكتبه قدامه قربت الإختبارات النهائيه للفصل الثاني ولازم يبدى يذاكر لاكن ماكان مع المذاكره
كان يفكر إنه يترك الدراسه بعد الثنوي ويسوي مثل ماسوى أبوه يعيين أهله
وهو بين هالتفكير انفتح الباب
حمد : فياض قم خلنا نودي عِزه للمستشفى
فياض يناظره ببرود : صار فيها شي
حمد : لا على ماهي انت شايفها وقلت لأمي أفضل نوديها أخاف تموت و السبه حنا
فياض : فاهمك يا حمد و أنا من أول أفكر بالموضوع لاكن المستشفى بعيده ومانقدر نمشي كل هالمسافه
حمد : مثل ما أبوي كان يمشي عشانا حنا لازم نضحي ونمشي ونتعب ونضحي عشان العايله
فياض :ـ
حمد : لازم نكون مثله يا فياض معي انت
فياض حرك راسه بإيجابيه
حمد : يلا بدل ثيابك وخلنا نتوكل على الله
فياض : اطلع و لاحقك
حمد طلع وسكر الباب وراه وفياض تنهد من الخاطر وقام
جميله هالعائله ماتفرق بين كبير وصغير الصغير ينصح الكبيرو الكبير ينصح الصغير و كلٍ يشجع الثاني


CUT
( لقاءنا يوم الجمعه بإذن الله )


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 04-06-2014, 01:15 AM
صورة خانتنـــي دموعـــي الرمزية
خانتنـــي دموعـــي خانتنـــي دموعـــي غير متصل
©؛°¨غرامي ماسي ¨°؛©
 
الافتراضي رد: مولودتي الأولى : جحيم دنيا / قلمي


بدايه حلوه وروايه احلا

شاكر لك طرحك الرائع ومن احسن إلى احسن
واصل ابداعك
والله يعطيك العافيه
دمت في رعايه الله

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 04-06-2014, 01:30 AM
صورة وردة الزيزفون الرمزية
وردة الزيزفون وردة الزيزفون متصل الآن
مشـ© القصص والروايات©ـرفة
 
الافتراضي رد: مولودتي الأولى : جحيم دنيا / قلمي


صباح الخير .. ياهلا فيك بغرام .. موفقة بطرحك .. بداية حلوة وواضح انو عندك قلم جميل .. والرواية باين انو فيها الكثير من الواقعية لكن في كم نقطة لو تهتمي بتواجدهم راح تكون روايتك افضل مستوى .. حددي مكان روايتك بأي منطقة حددي مكان الحدث وتوقيته واوصفي مكان الحدث ووضعية الشخصيات في المكان وتعمقي اكثر في المشاعر علشان توصل بشكل افضل للقارئ

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 04-06-2014, 01:45 AM
صورة معكرونة الرمزية
معكرونة معكرونة غير متصل
©؛°¨غرامي مشارك¨°؛©
 
الافتراضي رد: مولودتي الأولى : جحيم دنيا


بداية جميلة =)

واصلي

..،

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 04-06-2014, 02:26 AM
صورة m.s. الرمزية
m.s. m.s. غير متصل
©؛°¨غرامي جديد¨°؛©
 
الافتراضي رد: مولودتي الأولى : جحيم دنيا


مشاءالله الروايه مرررررررره روووووعه
وطرحك جميل
وسجليني من متابعينك
وياليت تحددي متى تنزلي البارتات

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 04-06-2014, 09:37 AM
صورة بشَاير . الرمزية
بشَاير . بشَاير . غير متصل
حِجازيّة العينينّ مكيةُ الحشَا ♪ .
 
الافتراضي رد: مولودتي الأولى : جحيم دنيا













بارت رووووعه

وااصلي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 04-06-2014, 11:27 AM
صورة لُجين . الرمزية
لُجين . لُجين . غير متصل
©؛°¨غرامي جديد¨°؛©
 
الافتراضي رد: مولودتي الأولى : جحيم دنيا


هذه دخلت بقاموس أفضل 5 روايات عندي
ومع روايتك صارت أفضل 6 :"
وآصلي جداً تعبيرك جمييل ، وعندك قلم مميز
ننتظــرك .

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 04-06-2014, 11:25 PM
صورة كِلل الغلا للوالدين الرمزية
كِلل الغلا للوالدين كِلل الغلا للوالدين غير متصل
©؛°¨غرامي جديد¨°؛©
 
الافتراضي رد: مولودتي الأولى : جحيم دنيا


أشكر كل وحده ردت علي الله يسعدكم
..

البارت يوم الثلاثاء القادم جاتنا سفره فجأه و أخاف مايكون متوفر نت أنزل البارت
مع أنه جاهز لاكن الحين راح نسافر فنتظروني الثلاثاء بإذن الله

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 05-06-2014, 01:52 AM
صورة liza1 الرمزية
liza1 liza1 غير متصل
©؛°¨غرامي جديد¨°؛©
 
الافتراضي رد: مولودتي الأولى : جحيم دنيا


البدااايه حلوووه ولا تطولين علينا ^^

مولودتي الأولى : جحيم دنيا

الوسوم
مولودتي , الأولى , يدخل , دنيا , قلمي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : لحظات طيش تنادي للندم بشويش / كاملة حورية جده روايات كامله - يتم نقل الرواية هنا بعد اكتمالها 612 27-08-2017 06:27 AM
بسم الله نبدء رحلة استعادة لقب الدوري لقاء الزعيم الملكي وهجرالجولة الأولى هم يا دنيا كووره عربية 208 22-10-2012 11:36 PM
رحلتي الأولى السنية إلى قصر الحمراء وغرناطة البهية الحلقة الأولى ( 1 ) د .عدنان الطعمة فلاشات مبتدئه - عدسات الأعضاء - تصوير ضوئي 14 27-09-2012 05:28 PM
هدف اسامة المولد في اليمن | افتتاح خليجي 20 يمكـ دروبي كووره عربية 6 23-11-2010 10:23 AM
بنات اقول ادخلو بدون صوت طيب يلا وحد ورى الثانيه مووري نكوته افلام انمي - افلام كرتون 19 14-12-2009 12:52 PM

الساعة الآن +3: 08:52 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1