اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 08-06-2014, 10:45 AM
صورة عازفة الحنين الرمزية
عازفة الحنين عازفة الحنين غير متصل
©؛°¨غرامي جديد¨°؛©
 
الافتراضي رد: روايتي الاولي...دخيل عيُونك السُّود يكفيكْ ذبَحت قلبي مِن غَلاك وملكته


اقتباس:
المشاركة الأساسية كتبها مطنشةةة العالم مشاهدة المشاركة
الحين انا بقراها وبردد علييك فديتسس ♥~`
يسلممممووو غلاهم^^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 08-06-2014, 10:45 AM
صورة عازفة الحنين الرمزية
عازفة الحنين عازفة الحنين غير متصل
©؛°¨غرامي جديد¨°؛©
 
الافتراضي رد: روايتي الاولي...دخيل عيُونك السُّود يكفيكْ ذبَحت قلبي مِن غَلاك وملكته


اقتباس:
المشاركة الأساسية كتبها ساكن بلاد الحزن * مشاهدة المشاركة
[size="5"]الرواية مره روعه وحماسيه وفنفس الوقت غامضه واحداثها شيقه حيييييييييييل استمري فيها عجبني اسلوبك كثير فالكتابه خيتوووو ,,[/size ومتشوقين للبارتات الجايه فلا تطولي ترا شوق ذباح خخخخ


جاري الانتظار ...
يسلمووووو لمرورك

ان شاء الله ما بطول

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 08-06-2014, 10:46 AM
صورة عازفة الحنين الرمزية
عازفة الحنين عازفة الحنين غير متصل
©؛°¨غرامي جديد¨°؛©
 
الافتراضي رد: روايتي الاولي...دخيل عيُونك السُّود يكفيكْ ذبَحت قلبي مِن غَلاك وملكته


اقتباس:
المشاركة الأساسية كتبها miss.bdliat مشاهدة المشاركة
أوووس ( يعني مرحبا ))

الرووواية كانت جداً جممميلة ووانتظر البارت الجاي بفاااااارغ الصبر ...
يعطيك العافية

تقبلي مروري ..
اهلين
يسلمووووو لمرورك^^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 08-06-2014, 10:47 AM
صورة عازفة الحنين الرمزية
عازفة الحنين عازفة الحنين غير متصل
©؛°¨غرامي جديد¨°؛©
 
الافتراضي رد: روايتي الاولي...دخيل عيُونك السُّود يكفيكْ ذبَحت قلبي مِن غَلاك وملكته


اقتباس:
المشاركة الأساسية كتبها shahoodh مشاهدة المشاركة
السلام عليكم
الرواية خطيرررررةةةةة وباين من بدايتها انها اكشن :))
اعتبرينني متابعةة لك من خلف الستارر :$
وبالله نزلي بارت اليوم واعتبريه من البارتات الاولى :¢
¤ استودعتگ الله ¤
وعليكم السلام
ان شاء الله
مشكورة لمرورك^^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 08-06-2014, 10:48 AM
صورة عازفة الحنين الرمزية
عازفة الحنين عازفة الحنين غير متصل
©؛°¨غرامي جديد¨°؛©
 
الافتراضي رد: روايتي الاولي...دخيل عيُونك السُّود يكفيكْ ذبَحت قلبي مِن غَلاك وملكته


اقتباس:
المشاركة الأساسية كتبها بنت سبيعيه مشاهدة المشاركة
رواايتك جمييله
يعطيك العافية
وفي انتظار البارت القادم
عيونك الحلوة

يسلمووو قلبووو^^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 08-06-2014, 10:48 AM
صورة عازفة الحنين الرمزية
عازفة الحنين عازفة الحنين غير متصل
©؛°¨غرامي جديد¨°؛©
 
الافتراضي رد: روايتي الاولي...دخيل عيُونك السُّود يكفيكْ ذبَحت قلبي مِن غَلاك وملكته


اقتباس:
المشاركة الأساسية كتبها zozokamanozo مشاهدة المشاركة
بارت جميل وحماسي وبالطبع كاتبة اجمل .. بنتظار البارت القادم بفارغ الصبر .. بالتوفيق^^لكـ ودي
يسلموووو عسوله

^^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 08-06-2014, 10:56 AM
صورة عازفة الحنين الرمزية
عازفة الحنين عازفة الحنين غير متصل
©؛°¨غرامي جديد¨°؛©
 
الافتراضي رد: روايتي الاولي...دخيل عيُونك السُّود يكفيكْ ذبَحت قلبي مِن غَلاك وملكته


السلام عليكم البارت هذا هدية شهووودة^^


الجزء الخامس


مشكله // لا جات..
... حاجتك بيدين|| ~البخيل..
ما يفكك لين تدفع
..كثر ما يدفعه


الشرقية

هديل دخلت المطبخ عشان تشرب ماي وانتبهت لساري اللي كان جالس بالمطبخ يصيح.

جلست بالكرسي اللي بقربه وكانت حاسه بشعوره لانها اهيا بعد افقدت ابوها بس هي كانت اكبر عنه واخذت حنان يكفيها بس هو توه صغير ياهل.

قالت بحنان:ساري.

رفع راسه وناظرها وقال بحرقه طفل:ابوي راح.

قالت وهي تفتح ايدينها له:الله يرحمه.

وقف وارتمي بحضنها وصاح بالم وحرقه مسحت علي راسه وهي تقرا عليه ايات من القران بصوت هادي عشان تهديه ودموعها كانت تنزل بهدوء.

سمعته يسال بطفوله:انتي عورك قلبك يوم وفاة خالي شامل؟


قالت تخفف عنه:ايه بس الحين ادري انه ابوي عند الله اللي احسن من كل الناس وكل ما اذكره ادعي له بالخير وانت بعد ادعي لابوك.

قال من بين دموعه:طيب بحاول عشان ماما.


مسحت علي راسه بحنان وقالت:طيب حبيبي تبيني اسوي لك شيء.

هز راسه بلا ويوم سمعت صوت رجالي طلعت من المطبخ وراحت للصاله.

ناظرت بنت عمها تهمس لاختها وناظروها وابتسمو بشماته لا حول ولا قوة الا بالله قالتها لنفسها وراحت جلست بجانب عمتها سعاد اللي دموعها لم تجف لكن لماذا تحس ان هناك شيء ما يحدث وان هناك قصه اخري نظرات عمتها حالة سعود ونظراته الغاضبه.

ناظرت فاطمة باستغراب وبعيونها حنان ونظراتها مسلطه علي سعاد وهي تعرف علاقتها مع عمتها جيدا لكن ربما خسارتها لابنها جعلتها تعرف مدي خطأها.


وقفت وهي تناظر الشغاله التي يبدو انه سوف يغمي عليها من التعب واخذت منها القهوة عشان تقهوي الحريم.

لما وصلت عند مرت عمها ام معاذ وطليقها سمعتها تهمس وهي تاخذ الفنجان:والله ولدي خذي اللي تعرف تصون نفسها.


وسمعت مرت عمها الاخري تقول:اكيد طالعه علي امها ناظري طاع الليلة عرسها لا سحي ولا مستحي.


بعد ما اعطت لاخر حرمه اخذت السفره حق المطبخ وسندت ظهرها للثلاجة بالم وقهر.

ليش يمه

ليش

كل مرة تكسريني وتخلين اللي يسوي واللي ما يسوي يتحكي عني كان اجلتي العرس شوي ما ضرك.

نزلت دمعه علي خدها دمعه يتيمه مثلها من يوم مات ابوها صدق جدها مو مقصر معها بس اشتاقت حق ابوها .


اخترقت خياشيمها ريحة ذكرتها باشياء مضت فتحت عيونها بلهفة لتجد سعود واقف يناظرها بنظرات ما قدرت تفسرها صلحت حجابها وهو غض بصره بس بعد شنو يا سعود.


سمعها تقول بهدوء:بغيت شيء يا ابو راشد.

ابتسم من زمان ما سمع هالكلمه من ايام مهاب ولد خاله الله يرحمه واللي يصير اخو هديل اكثر شخصين افتقدوه هو وهي.


قال بهدوء:لا...شفيك؟

ويش ما فيني يا ولد عمتي قالتها بنفسها وقالت بهدوء:ويحدث ان تعود الذكريات من رائحة عطر .

وطلعت من المطبخ وعرف انها تقصد عطره فهو نفسه عطر مهاب الله يرحمه ولم يغيره .

سعود طبيب عظام ناجح احب مره ولكنها لم تكن من نصيبه ابتسم لنفسه وهو يفتح الثلاجه وياخذ تفاحه لانه كان جائع جدا.


كان يشبه عمامه اكثر بطوله وكذلك بلون بشرته القمحيه وعيناه السوداء القاتله.

سمع صوت ياسر من وراه يقول:يخسي الجوع يا ولد العمه.

سعود ببسمه:شسوي ما قدرت اكل علي العشا.


ياسر جلس علي الكرسي وقال:انا مو نايم صارلي يومين وبعد النوم طار ان شاء الله بس ما انام باكر بالجنازه.


سعود بنفسه الود وده بس ما يحوز علي الميت الا الرحمه:لو نمت جدي بالعصا.


ضحك ياسر بصوت هادي:تذكر ايام كنا يهال بالذات انت ومهاب كان يطقكم طق ههه.

سعود بنصف ابتسامه:الله يرحمه وفيه ناس كانت تسوي مصايب وتحطها براس غيرها.


ياسر بقهر :بس ولا مره ضربكم يدي لانه هديلو السوسة كانت تقوله انه انا اللي كنت اتشاقي واحطها بروسكم.


هديل

هديل

ليش بديتي تطرين علي بالي حتي بعد الكلام اللي انقال ما صدق لانه يعرف ولد خاله ما يملك من الرجوله اللي يخليه يصدقه والا امها .


تذكرها من شوي وبعدها ابتسم وقال:الشين يرد لصاحبه يا خوي.


ياسر تذكر شيء وقال:تعرف موسي ال....


سعود يرفع حاجبه باستغراب:ايه اعرفه ليش تسال عنه؟


ياسر بخبرته كمحامي عرف ان بينهم شيء قال:من يومين كذا خطب مني هديل وانا توني اذكر لانه اتصل يسالني شنو صار؟


سعود بحزم:خبره انه ماله نصيب عندنا.

ياسر ناظره بنص عين وقال:شفيك عصبت شايف عليه شيء؟


بحزم اكبر:ما لي كلمه عندك.

ياسر برجوله:عزيز وغالي يا سعود وادري فيك مستحيل ترضي لها الشين وبعد انا خبرته انه ياجل الموضوع لانه مو وقته الحين.


سعود ما يدري ليش كانه نار شبت بجوفه وهو يسمع بخطبتها يا تري شنو صار فيك يا سعود وكل حبك ل.. راح الحين وصرت..


وقفوا وهم يسمعون صوت جدهم ياسر اللي بعد وهو يضحك وقال:يوم اوقف جنبك احس اني قزم رغم كل هالطول.


ابتسم له بهدوء وطلعوا يناظرون جدهم شيبي منهم.





@@@@@@@@@


لم يترك شيء مصنوع من الزجاج او شي قابل للكسر الا وحطمه الي اشلاء مثل شموخه وقلبه اللي انكسر من شوي رغم انه رفض ان يعترف بهالشيء.

امسك بكاس الماء الذي سكبه علي راسه وضغط عليه بقوة الا ان تحط بيده ولم يهتم للدماء التي تسيل من يده.

لا يعرف لماذا فعل هذا بهم كم مرة يريد ان يحطم حياتهم كي يرتاح الي متي!!


رفع نظره وهو يناظر شاهر واللي علامات وجهه ما تبشر بالخير ابد وهو يقول:صقر تري خبر زواجك انتشر بين الكل وحتي بالجرايد.


مشي باتجاهه بكل شموخ وهو ياخذ الجريدة التي كانت بيده ويقرا علي اول صفحه خبر الموسم زواج ابنة الرائد جاسم الرافي من صقر الضاحي.



كور الجريدة بعنف بين يديه ورماها علي الجدار وهو يعرف تخطيط اخوه زين فهو لا يحمل أي ذرة انسانية بداخله.

شاهر وهو يعرف الالم الذي بداخل صديقه ويعلم مقدار الالم الذي تحمله منذ زمن وها هو يعود الان لكي يغيم علي حياة الكثير منهم.


صقر بغضب:مخططين حق هالشيء ويدري انه بياثر علي شغلنا وعلي كشفنا للحقيقة واللي يشتغلون معهم وانا متاكد انه فيه احد قريب من جاسم الرافي بيشتغل معهم.


شاهر وهو يتذكر كلام عقاب:ايه وانا بعد اقول نفس الكلام كلامه ياكد هالشيء


صقر بهدوء:الحين لازم يطلعون من مدريد وعمتي بعد انا خبرت فهد اول ما تصير حالتها مستقرة ياخذ طيارة خاصه.


شاهر يهز راسه بالايجاب:كل شيء جاهز اللي خدمنا انه جاسر موجود هناك وخلص كل الاجراءات وما احد يدري الا هو وياسمين.


ياسمين ما الذي سنفعله تنهد بداخله وقال:الا جاسر مو عنده مؤتمر ببرلين؟

شاهر ببسمه باهته:خلص مبكر وراح يشوف البنات والا اقول راح يشوف ياسمين اهو وياها مثل التوام.


شاهر اللي توه ينتبه لجرح صقر وايده اللي تنزف راح عند الصيدلية اللي بالمكتب ولخذ منها اللي يحتاجه عشان ينظف له الجرح ويضمده.


ما ترك له أي مجال للاعتراض وهو يضع الكحول علي الجرح الغائر والذي يمكن ان يحتاج الي بعض القطب ولكن يعلم بمدي عناده .


بعد ان لفه بالشاش سمع احد الظباط يقول انه فيه اجتماع مستعجل من قبل القيادات العليا.

ناظروا بعض وطلعوا متجهين لغرفة الاجتماعات الخاصه بالاستخبارات.


@@@@@@@@@@


مدريد


قبلت جدها علي خده وبعدها حضنته بقوة بتشتاق له حيل همست له:انتبه لنفسك.

قال بلغة عربية ركيكة نوعا ما:الله يحفظكم.


وخرت عنه وهي تحاول ما تناظر عيونه وصعدت درجات الطائرة الخاصه ولوحت له بايدها وبعدها دخلت وهي تناظر الممرضة والطبيبة بجانب الخاله وضحة وحالتها المستقره وهي التي اصرت علي ذهابهم الي الرياض فمدريد لم تعد امنة.


سمعت اختها رهف تحاكي في الجوال وكانت تقول:نحنا را....


ما كملت كلامها لانه ياسمين خطفت الجوال منها وهي تقول وهي صاره علي اسنانها بغضب:قلت ما فيه كلام علي الجوال كم مرة بعيد كلامي.


رهف بعبرة:بس انا كنت احاكي دينا.


ياسمين بهدوء:حتي دينا كنتي بتخبرينها نحنا وينه فيه وحتي لو جوالاتنا محمية بس اهيا ممكن جوالها مراقب او متعاونه مع احد.


رهف بغصه ودموعها علي خدودها:ليش لازم نشك بكل اللي حولنا ليش طول الوقت ما نثق في الناس اللي نحبهم.


ندي حست بالم وهي تسمع الجمله الاخيره ذكرتها بشيء تمنت لو تمحيه من حياتها.


ياسمين بالم عميق اخفته من صوتها:لانه حياة ابونا تعتمد علي هالشيء رهف واللي يسلمك فهميني هالمره.


رهف بغصه:ما ابي اخسر احد ما ابي اعيش نفس التجربه ما ابي تعبت.


قربت منها ولمتها ومسحت علي راسها:كل شيء بيصير زين لا تحاتي حبيبتي.

هزت راسها .


ياسمين مسحت دموع اختها بهدوء وهي تبوس خدها بحب ومودة وهي تسمع صوت خالها علي المكبر يقول كل واحد يجلس مكانه لانه الاقلاع بيكون بعد شوي.


قفلت حزام اختها وبعدها راحت للكبينه وجلست بجانب خالها وهي تتذكر اول رحله لها كمساعده مع ابوها.


ابتسمت لخالها اللي كان يجهز للاقلاع ولانه الطيار الخاص بابوها ما كان موجود اضطر خالها انه اهوا يكون الطيار لانها ما تقدر تغامر بأي شخص اخر.


جاسر ببسمه:مستعدة.


هزت راسها واقلعت الطائرة علي تمتمة دعاء السفر وكل شخص يحمل بقلبه خوف وحنين.


فهد اللي جلس بمكان بعيد عشان البنات بس صوت ياسمين رغم هدوئه وصله لصغر الطائرة وما يدري ليش ذكرته بصقر اخوه.


من اول مرة ناظرهم بالمستشفي حس بالذنب مع انه ماله دخل بس يحمل نفس اسم الشخص اللي كان سبب كل المهم.

ما يدري من وين تجيب كل هالقوة رغم اللي صار معها يمكن ريال ما يتحملون هالموقف فشلون متحمله والحين تزوجت من الشخص اللي حرمها من...


طلع من افكاره علي صوت انين عمته قرب منها ومسك ايدها وقال بحنان:عمتي شفيك؟

قالت بتعب وبهمس:ي..اسمين.


قال بهدوء وهو يتنهد بداخله:يمه نحنا في الطايرة رايحين الرياض وبنات جاسم معنا بعد لا تحاتي ولا تتعبين نفسك.


عمته اللي ربتهم واللي كانت ام ثانية لهم بعد وفاة ريلها وعيالها في حادث سيارة وعاشت معهم.


وما رضت تتزوج رغم صغر سنها وجمالها الصدمة كانت قاسية عليها ما قدرت تتحمل فقد زوجها وعيالها بنفس الوقت وظلت ببيت اخوها تربي عياله وتعيش باقي حياتها.



وخر وهو يناظر الدكتورة اللي قربت منها وكانت تشوف لها ضغطها وحرارتها وتناظر نبضات قلبها علي الجهاز.

سمعها تقول بلغه عربيه ركيكة نوعا ما:بخير بس شوي مضاعفات بس لا تخاف.

صلحت لها المغذي واخذت ميزان الحرارة وناظرته ومن ملامح ويهها اللي كانت راضيه عن النتيجه.

ورجعت مكانها ورجع هو بعد مكانه وكل تفكيره منصب علي عمته واخوه سمع صوت معدته اللي خبرته انه ما اكل شيء من فطور الصبح وتمني انه بالطايره شيء للاكل.

وبعد ما تم الاقلاع سمع صوت جاسر يقول انه بامكانهم فك الاحزمة وكان يعلم ان هذه الرحله طويله لم يكن يعرف جاسر جيدا فهو لم يلتقي به الا بمناسبات معدودة لكنه معجب به جدا.


فهو في الثلاثين من عمره ولكنه حقق اكثر من من هم اكبر عنه في السن وكان يحسه مثل اعلي له لانه ورغم ثروة ابوه الا انه اعتمد علي نفسه في كل شيء حتي اصبح اليوم احد اهم رجال الاعمال في الخليج ان لم يكن في العالم.


سمع صوت انثوي هادي اخرجه من افكاره:اسفه اذا ازعجتك بس كنت ابي اسالك اذا كنت تبي اكل بالدجاج او باللحم.


رد بدون ما يرفع نظره:ما يخالف أي شيء.


سمعها تتمتم بكلمات لم يفهمها وردت من وين ما جت وارتاح لانهم حاسبين حساب حق الاكل لانه منتهي جوع.


ردت ندي وقالت لرهف :ما عنده مشكله ياكل أي شيء وناظرت صديقتها الروسية كارين واللي اول ما اتصلت بها وخبرتها انها محتاجة لها جت لها بدون تاخير واحضرت معها ممرضة.


كارين بهدوء وبعربيه مكسر:مو مثلك.


ندي ببسمة باهته جدا:لانه ما فيه مثلي اجد.


كارين ترفع حاجبها:اكول وايد شايفه نفسك.


ضحكت ندي علي كلامها المكسر وقالت :تراني بموت من الجوع خل ناكل اول وبعدها نتهاو شلاني ما اقدر اتهاوش علي بطن خاوية.


رهف بقهر:مو كانك اكلتي علي العشا شسوي انا لو اكل شوي زيادة امتن وانتي وياسمين تاكلون وما تمتنون.


ضحكوا ثنينهم عليها

@@@@@@@


الشرقية

بعد صلاة الظهر

العنود كانت في غرفتها تجهز اغراضها بس ما تدري وين رايحة وحتي الورقه اللي وقعت عليها من شوي ما قرت اللي فيها بسبب ابوها اللي ما ترك لها فرصه لا تسال ولا تقرا أي شيء.

حطت كل اغراضها واللي ما كانت كثيرة شنطه وحده كفتها وبعدها ناظرت لبسها بنطلون جينز بني وتي شيرت اصفر طويل من الخلف والقصير من قدام وعليه رسمه ورده بلون ابيض.


لبست عباتها وطلعت واستغربت وهي تناظر كيتا تصيح ومرت ابوها اللي اول مرة تشوف بعيونها نظرة شفقه او الم وهي تناظرها.

ناظرت ابوها اللي كانت الفرحه تلمع بعيونه نفس النظرة اللي تشوفها بعيونه كل ما تعطيه فلوس.


يا تري شنو سر هالنظره يبه شنو السر.


ابوها:كيتا طلعي الشنط بسيارة بابا.


العنود بنفسها منو بابا لا يكون خالي بس تعرف خوالها ما يواطننهم بعيشة الله شلون بياخذونها تعيش معهم.


راحت وري ابوها وهو ياشر لها تجي وراه سمعت مرت ابوها تقول بصوت واطي:الله يحفظك.


كانت تفكر بالحنية اللي نزلت علي مرت ابوها عشان كذا ما انتبهت للشخص الواقف واللي ركب السيارة بدون ما تنتبه بعد.


سمعت ابوها يهمس في اذنها:لا تفكري تردين البيت وكل الكلام اللي راح تسمعيه صدق والحين صرتي زوجته.


بعدها ما استوعبت الكلام الا بابوها يدزها داخل السيارة ويقفل الباب وتحركت السيارة علي طول ظلت تناظر ابوها اللي اعرفت سبب لمعة عيونها.

باعها

باعها

باعها

ظلت هالكلمة تتكرر في عقلها والم اجتاح كل خليه بجسمها وجع كبير حست انه بيفتت ضلوعها وما كانت تبي تناظر اللي جالس يسوق وريحة عطره ماليه المكان ما تبي تشوف المستقبل اللي اختار لها ابوها مع ريال اكيد انه بعمر ابوها.

لانه منو اللي بيرضي يتزوج بالهالطريقه الا كان شايب وعنده حلال .

سمعت صوته وما قدرت تركز علي صوته الا انه كان يتكلم بحده:نزلي نقابك.

حركت ايدها ونزلت نقابها اللي نسته من الصدمه التي تلقتها منذ قليل حتي انه الدموع تحجرت داخل عيونها.


بغت الحين تصيح وتصارخ الين صوتها يملي كل الكون بس مو قدامه .


جت علي بالها فكرة مجنونة وفكرت تفتح الباب وتنط من السيارة قالت بسرعه بنفس سرعه الفكره.

استغفر الله العلي العظيم


استغفر الله العلي العظيم


استغفر الله العلي العظيم

@@@@@@@@@@



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 08-06-2014, 01:46 PM
ساكن بلاد الحزن * ساكن بلاد الحزن * غير متصل
عضو موقوف من الإداره
 
الافتراضي رد: روايتي الاولي...دخيل عيُونك السُّود يكفيكْ ذبَحت قلبي مِن غَلاك وملكته


روعه استمري ,حلووووووووووه مرره روايه

بس يليت تعجلين بتنزيل البارتات لحماس يدبحن هههههههههه

وتسلم اناملك ذهبيه على روايه لحلوه , ماتقصرين*

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 08-06-2014, 01:58 PM
صورة shoodyta الرمزية
shoodyta shoodyta غير متصل
©؛°¨غرامي مشارك¨°؛©
 
الافتراضي رد: روايتي الاولي...دخيل عيُونك السُّود يكفيكْ ذبَحت قلبي مِن غَلاك وملكته


لاااااااااا ليه وقفتيي تحمممستتتتت '(
شكلي حقرأ الرواية بعد ماتكتمل ما يسير كذا حرق اعصاب حراام عليكي :'(<<هذا وجهي ان صبرت
بس بشرري في تكملله للبارت ولا لا :) ! <<طماعه انا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 08-06-2014, 04:46 PM
صورة zozokamanozo الرمزية
zozokamanozo zozokamanozo غير متصل
©؛°¨غرامي فعال ¨°؛©
 
الافتراضي رد: روايتي الاولي...دخيل عيُونك السُّود يكفيكْ ذبَحت قلبي مِن غَلاك وملكته


يسلموآآ على البارت ياحلوة .. بنتظار البارت القادم بفارغ الصبر .. بالتوفيق^^لكـ ودي

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1