غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 04-06-2014, 03:05 PM
صورة ورود الحزن الرمزية
ورود الحزن ورود الحزن غير متصل
©؛°¨غرامي جديد¨°؛©
 
21302798094 أجبروني فيه ويوم عشقته خذوني منه/ بقلمي


اجبروني فيه .. ويوم عشقته .. خذوني منه

السلام عليكم ورحمة الله وبركاته

هذي بدايتي في عالم الروايات واتمنى تعجبكم

مابي اطول عليكم

•••••••••••••••••••••••••••••

البارت الاول
ᵡᵡᵡᵡᵡᵡᵡᵡᵡᵡᵡᵡᵡᵡᵡᵡᵡᵡᵡᵡᵡᵡᵡᵡᵡᵡᵡ

ب فرنساا وكان الوقت الفجر هناك

..... : السلام عليكم
..... : وعليكم السلام
..... : مسكتوها؟
..... : مسكناها طال عمرك
[ لف الخاطف عليها وكانت مربطة بالحبل ومغمي عليها
واثار دموعها للحين ماراحت ]
..... : لا تخلونها تنحاش منكم راح اخذ اقرب موعد طيارة واجيكم
..... : حاضر
سكروا المكالمة
..... يبتسم إبتسامة تخوف الي يشوفها : والله وطحت يا فارس ومحد سما عليك
~
خلونا نرجع اشوي بالاحداث لـ سنه
~
أم عبدالعزيز : يمه يا حنان وينج
حنان : هلا يمه بغيتيني بشي ؟
أم عبد العزيز : اي يا يمه نادي لي اخوج عبدالعزيز من تزوج وماقمنا نشوفه
كله لاهي ويا مرته
حنان تضحك : ههههههه ان شاء الله
أم عبدالعزيز : اشفيج تضحكين ؟
حنان : يمه الرجال توا متزوج خليه يتهنى شوي
أم عبدالعزيز : ماقلت شي بس يقعد معانا شوي
حنان تبتسم على امها الي فاقده ولدها : ان شاء الله يمه
مريم : هذا وعبدالعزيز متزوج لو فارس الي تزوج شنو بيصير لج خخخخخخخ
أم عبدالعزيز : لاتنسين اني أمج يابنت
مريم تبوس راس امها : واحلى أم في الدنيا وعسى ربي مايحرمني منج

~
خلوني اعرفكم اشوي بعائلة أبو عبدالعزيز

أبو عبدالعزيز من اغنى رجال الاعمال في الدوله رجال كلمته وحده ومايغيرها
ورجال شديد وعصبي احيانا واحيانا يكون طيب وحنون يعني مزاجي

أم عبدالعزيز : مراه حنونه وطيبة وربة بيت عندها فارس وعبدالعزيز
ومريم وحنان بس تحب ولدها فارس اكثر

عبدالعزيز : توا متزوج من بنت عمه الي يحبها من كانوا صغار
وهو اكبر واحد

ساره : زوجة عبدالعزيز وبنت عمه طيبة وحنونه واخلاق وعليها جمال
ماشاء الله شعرها الاسود يوصل لنص ظهرها وعيونها لونهم اسود

حنان : تدرس بالجامعه وتخصصها طب بنت كلها اخلاق وطيبة
ومعروفة بجمالها بالعائله

مريم : عمرها 17 سنه وبالثانوية علمي طيبة ومرحة وتحب افلام الرعب

اما فارس راح تعرفونه بعدين ..... ~

~
نرجع مرة ثانيه
~

راحت حنان لجناح عبدالعزيز اتناديه لأمها
بعد ما اوصلت لباب الجناح
الا على فتحة الباب
ساره تبتسم : صباح الخير حنون
حنان تبتسم : صباح النور شخبارج اليوم؟
ساره : والله تمام وانتي ؟
حنان : بخير الحمدلله ... طيب ساره عزوز وينه؟
ساره : عبدالعزيز طلع الفجر راح الشركه عمي اتصل عليه
حنان : اها انزين امشي خلينا ناكل شي احس بموت من الجوع
ساره : يلا

بالوقت هذا بالشركة بالتحديد
عبدالعزيز بملل وهو يوقع على الاوراق : اوووف متى اخلص
عبدالله الي واقف جنبه يضحك : ههههههه اشفيك
عبدالعزيز بشوق : برجع لسارونتي
عبدالله بحُب ونيته يرفع ضغط عبدالعزيز : يافديت هالاسم
عبدالعزيز بغيره : نننننعمممممم !!
عبدالله يضحك : هههههههههه اشفيك تغار تراها قبل لا تصير زوجتك اهي اختي

[ عبدالله ولد عم عبدالعزيز وهو اخو ساره الكبير ذكي ومعروف بوسامته ويشتغل بشركة عمه ]

عبدالعزيز : ويعني اغار عليها حتى من الهواء
عبدالله : خخخخخخ سارقة قلبك
عبدالعزيز الي كان بيرد عليه وقف لما شاف تلفونه يتصل
عبدالعزيز : هذا فارس !!
سالم : اححححلف !
عبدالعزيز : يعني عطني سبب يخليني اقص عليك ؟
سالم : طيب رد بسرعه لا يسكر
عبدالعزيز يرد على المكالمه : هلا والله
فارس : هههه هلا فيك
عبدالعزيز : هلا بأخوي شخبارك؟ وشخبار دراستك ؟ ومتى بترجع
اشتقنا لك يا دوب
فارس يضحك : هههههههههههههه شوي شوي علي اولاً انا بخير الحمدلله
ودراستي خلصتها وراح ارجع على الاسبوع الجاي
عبدالعزيز مستانس : صج ؟؟؟؟
فارس : اي بإذن الله
عبدالعزيز : توصل بالسلامه ان شاء الله
فارس : الله يسلمك يلا لازم اروح اكلمك بعدين
عبدالعزيز الي الوناسه مخليته يحس انه شوي ويطير : يلا مع السلامه
فارس : مع السلامه

عبدالله : شنو قال ؟؟
عبدالعزيز : راح يرجع بعد اسبوع
عبدالله : احلف !!
عبدالعزيز يضحك : ههههههههههههههههه اشفيه السي دي عندك علق والله
عبدالله : لازم انروح المطار نستقبله
عبدالعزيز : اكيد

بمكان ثاني

دلال : يييييمممممممه !!!
ريم : ييييمممه !!!!
ام فهد : هاه اشفيكم
دلال : يمه لولوة اتقول انه احنا عديمات الفايدة و وانه وجودنا مثل عدمه
واتقول انه طالعين عليج
ام فهد عصبت : وينها هذي ؟؟!
دلال : بغرفتها
ام فهد راحت لـ لولوة
ام فهد كانت معصبه على لولوة بسبب الكلام الي قالته لبناتها
لولوة بغرفتها تقرا وحده من رواياتها
ام فهد ادخلت الغرفة
ام فهد : لولوووة
لولوة بملل : اوووف نعم ؟
ام فهد منقهره من الطريقة الي تكلمها فيها : انتي شنو قلتي لبناتي؟
لولوة : وشنو قلت ؟
ام فهد : منو عديم الفايده ووجوده مثل عدمه هاه ومنو طالع علي ؟؟؟!!
لولوة : اها هذا الصج اشفيج زعلانه خالتي ؟
ام فهد : احترمي نفسج انتي ابيتي وعايشة تحت سقفي ...
لولوة قاطعتها وهي تضحك : ههههههههه بيتج؟ خالتي هالبيت بيتي انا ومنو قص عليج انه بيتج؟
ام فهد منقهره ومعصبة : ابوج قال ولا ابوج يجذب بعد وبعدين احترمي نفسج يابنت
لولوة : ههههههههههههه خالتي حبيبتي ابوي سجل البيت بأسمي
وإذا مو عاجبج روحي اشتكي له واي صح لا تنسين اتقولين
له الي قلته لـ بناتج
ام فهد اطلعت معصبه من لولوة
اما لولوة مستانسه وارجعت تقرا روايتها

اعرفكم على عائلة ابو فهد

ابو فهد : رجل اعمال وعنده شركاته الي معروفة
وله افرع برا بعد يحب بنته لولوة حيييييييييييل ومايرضى عليها شي
اتزوج من أم فهد بعد ما ماتت زوجته ام لولوة وجابت فهد ودلال وريم

ام فهد : مراه مغرورة وشايفة انه بناتها حلوات والف واحد يتمناهم
وماتزوجت ابو فهد الا لفلوسه

دلال : تدرس طب وشايفه نفسها على الكل ومغرورة مثل امها
وتحب الفلوس وتبي تتزوج واحد غني

نهى : عمرها 16 سنه وهي مغرورة مثل اختها وماتعرف تطبخ حالها
حال اختها دلال

اخيراً لولوة : معروفة بجمالها بشعرها الاسود الطويل الي يوصل لنهاية ظهرها
وعيونها السود وبشرتها البيضا وشفايفها الي لونها لون الكرز
وخدودها الوردية
لولوة بنت ضعيفة بس مستحيل اتبين لأحد ضعفها دلوعة ابوها
طيبة وحبوبة بس ماتحب زوجة ابوها وبناتها وباقي لها سنه وتخلص
دراستها في الرسم

فهد : عمره 12 سنه وهو عكس امه وخواته وطيب مع لولوة

~

ام فهد بقهر : انا اوريج يا لولوة راح اخليج تكرهين حياتج
دلال : يمه اشصار ؟
ام فهد عصبت على بنتها : أنتي اسكتي لولوة حسابها معاي
نهى : يمه شقاعده اتفكرين فيه؟
ام فهد : افكر بطريقة ارتاح منها


كانت أم فهد قاعده بـ الصاله تفكر بطريقة تخلي لولوة تطلع من حياتهم
شوي ولا تلقى لها طريقة وهي أنها تزوج لولوة
راحت أم فهد دقت على ابو فهد اتقول له
أبو فهد : السلام
ام فهد : وعليكم السلام شخبارك حبيبي؟
ابو فهد ماله خلق لها : بخير اخلصي شنو تبين
ام فهد معصبة بس ماتبي اتبين : ابي سلامتك حبيبي بغيت اقول لك شي
ابو فهد : وشنو هو ؟
ام فهد : انا كنت افكر اممم ما تعتقد انه لولوة اكبرت خلاص ولازم تتزوج
ابو فهد الي فهم زوجته : يصير خير لما ارجع اشوف الموضوع
ام فهد انصدمت : لما ترجع؟ تقصد انك راح ترجع البيت؟
ابو فهد : اي عندي شغل بالشركة
ام فهد : توصل بالسلامه بس متى بترجع؟
ابو فهد : بعد اسبوع ان شاء الله
ام فهد : ان شاء الله
ابو فهد : يلا انا عندي شغل وماني بفاضي لج
ام فهد انقهرت من اسلوبه : مع السلامه
ابو فهد سكر المكالمه حتى من دون مايقول لها مع السلامه
ام فهد راحت تركض لبناتها
ام فهد : دلال دلال
دلال : هلا يمه
ام فهد : ريم وينها في ؟
ريم : موجودة يمه
ام فهد : اسمعوا ابوكم الاسبوع الجاي بـ يرجع البيت ابيكم تتصرفون عدل بحضوره
دلال : يمه احنا دايماً نتصرف عدل اشفيج؟
ام فهد : المهم ابوكم بعد اسبوع بيرجع ابيكم اتخلون لولوة ولا شي ومامنها فايدة
لما يكون ابوها موجود
ريم تبتسم لأمها :راح اتشوفين يا يمه منو بتكون عديمة الفايدة
دلال تضحك : ههههههههه وناسه راح انخلي ابوي يشوف منو الي وجودها مثل عدمه
ام فهد : لاتقولون لها راح انروح ونستقبل ابوكم احنا بس
دلال وريم : ان شاء الله

بعد اسبوع

بـ مطار بـ فرنسا

..... : النداء الاخير للرحله رقم 13 ( بالفرنسي )

مارك (بالفرنسي ) : سنشتاق إليك
فارس ( بالفرنسي ) : وانا ايضاً ياصديقي
هاري ( بالفرنسي ) : لاتنسى أن تبقى على اتصال معنا
فارس : لن انسى لاتقلق
مارك : إن امر نور غريب لم تأتي لتودعك حتى
هاري : لقد ظننت بأنكما تحبان بعضكما هل كنت مخطئ؟
فارس حزت بخاطره انه البنت الي يحبها ماجت اتودعه : لا لست مخطئاً ولكن انتم تعلمون بأنها تكره الوداع
هاري : ولكنك ستقابلها هناك اليس كذلك؟
فارس : لا في بلدنا لايجوز هذا
مارك : فهمت حسناً اذاً
هاري : ستغادر الطائرة من دونك لو بقيت هنا
مارك : لابد أن تذهب الان
فارس : حسناً
مارك وهاري : فالتأتي لزيارتنا
فارس يبتسم لهم : سأفعل

وبـ الطياره

راح فارس قعد بـ مكانه وجا واحد وقعد جنبه
فارس شافه واعرفه
فارس : خالي سعود
ابو فهد ابتسم لما شاف ولد اخته بالرضاعه : هلا فارس شخبارك ياولدي
فارس ابتسم لخاله : والله بخير ياخالي وانت شخبارك؟
ابو فهد : والله بخير الحمدلله من متى وانت بفرنسا ؟
فارس : صار لي 4 سنين بفرنسا
ابو فهد : طيب ياولدي كنت قلت لي
فارس : والله ياخالي لاهي بدراستي ابي ارجع البيت بأقرب وقت
مشتاق لاهلي
ابو فهد : وانا بعد مشتاق لبنتي لولوة صار لي جم سنه ماشفتها
فارس استغرب : ليش؟
ابو فهد : مشغول بالشغل يا ولدي
فارس مستغرب انه ماقال شي عن زوجته وابناته وولده الوحيد : طيب وزوجتك وبناتك وولدك ماشتقت لهم؟
ابو فهد مايدري شنو يقول له : اشتقت لهم بس مشتاق لبنتي لولوة اكثر
انت تدري بعد هذي بنت الغاليه الله يرحمها وهذي امانتها عندي
فارس : الله يرحمها .. بس ياخالي كنت خليت شغلك شوي وشفت بنتك
تلاقيها مشتاقة لك
ابو فهد : ادري كانت اتقول لي ارجع البيت بس ماقدرت اهد الشغل
فارس : اها انزين ياخالي اشرايك بعد مانوصل البيت تجي اتزورنا
والله مشتاقين لك
ابو فهد ابتسم لولد اخته : ان شاء الله

بعد جم ساعه اوصلت طيارتهم

فارس استقبلوه عبدالعزيز وعبدالله وافضحوه بالمطار الناس كانت كلها
اتطالعهم
عبدالعزيز يصارخ اول ماشاف اخوه : فااااارررسسس فروسي
راح عبدالعزيز وحضن اخوه
عبدالله : فاارس حبيب قلبي اششششتقت لك
فارس يضحك على اخوه وولد عمه : ههههههههههههه اشفيكم
عبدالعزيز : اشتقنا لك ياخوي يلا خلونا نرجع البيت امي تنطرك
فارس : يلا

راحوا الثلاثه اصعدوا السياره
كان عبدالعزيز الي يسوق فيهم وعبدالله قاعد جنبه
وفارس ورا عبدالعزيز

فارس : شباب ماراح اتصدقون منو كان معاي بالطياره
عبدالله وعبدالعزيز : منو؟
فارس : خالي سعود
عبدالعزيز : اححححححلفففففف !!!!!!
عبدالله : من صجك؟
فارس : اي والله
عبدالله : احلى يوم يمر علي تصدقون
فارس : ليش؟
عبدالله : انت رجعت وخالي سعود بعد
عبدالعزيز دخل بالموضوع : وتدرون شنو بيخليه احلى بعد
فارس : شنو؟
عبدالعزيز : اروح واشوف سارونتي فديتها
عبدالله وفارس يضحكون عليه
فارس : اقول سوق وخلصنا برجع البيت مشتاق للكل ومشتاق اشرب قهوة امي
عبدالعزيز :هههههه ان شاء الله طال عمرك

باللحظة هذي بـ المطار

توا طلع ابوفهد وشاف زوجته وبناته دلال وريم واستغرب انه لولوة مو معاهم
ابو فهد : السلام
دلال ريم راحوا يسلمون على ابوهم
دلال ريم : الحمدلله على السلامه يا الغالي
ام فهد : الحمدلله على السلامه حبيبي
ابو فهد من غير نفس : الله يسلمكم ... لولوة وينها ؟
ام فهد : لولوة قلت لها تعالي معانا ابوج بالمطار قالت مو فاضية ابي اخلص اذاكر عندي امتحان
ابو فهد من داخله تضايق اشوي انه بنته ماجت
اصعدوا السياره واوصلوا البيت
لولوة توها كانت نازله من فوق وكانت لابسه تي شرت ابيض وبنطلون جنز وكانت رافعه شعرها وشافت ابوها وراحت تركض وورمت نفسها بحضنه
لولوة ودموعها بعيونها بس ماتبي تنزلها : اشتقت لك الحمدلله على سلامتك يا الغالي
ابوفهد وهو حاس بفرحة ويبتسم : الله يسلمك ياقلبي شخبارج؟
لولوة : بخير بشوفتك
باست راس ابوها : عسى ربي مايحرمني منك يا الغالي
ابوفهد : ولا يحرمني منج ... ليش ماجيتي المطار ؟
ام فهد حست بخوف : آ...خلونا نروح الصاله وانت روح ارتاح حبيبي
ابو فهد حس فيها : لا بظل مع بنتي لولوة
ريم : واحنا يبا؟
ابو فهد : انتوا روحوا ذاكروا من شوي كنت معاكم بالسياره وماغير تسولفون شنو جبت لكم
ماسألتوني شنو اخباري همكم الفلوس والهدايا اظن مو لازم تجون معانا
لولوة ابتسمت وراحت ويا ابوها
لولوة : يبا ابي اعرف كل شي صار معاك بـ فرنسا
ابو فهد : ههههههههه كل شي ؟
لولوة : اي ابي اعرف كل شي ..
ابو فهد : هههههه طيب
وبدا ابو فهد يقول لها كل شي ولولوة تسمع ابوها بأهتمام وتسولف معاه
ابوها استأذن منها يروح يرتاح اشوي
راح غرفته وهو ماشي بيروح لغرفته جت زوجته ام فهد
ابو فهد : اخلصي شنو تبين ؟
ام فهد : مابي شي بس ابي اعرف شنو رايك بالي قلته لك ؟
ابو فهد : شوفي لولوة ماراح اغصبها على واحد ماتبيه هي
والشور شورها
ام فهد : بس لازم انزوجها البنت اكبرت خلاص
ابو فهد تعب من الكلام معاها : شوفي يامراه مالي خلق لج خليني اروح ارتاح لاتصدعين راسي
ام فهد : مالك خلق لي ترا انا زوجتك
ابو فهد : ويعني ؟ لاتنسين انا ما اخذتج الا علشان بنتي لولوة ماتحس انها محتاجه ام
ام فهد انقهرت من كلامه واطلعت من الغرفة معصبة

ام فهد : كله منج يالولوة هين يالولوة والله لا اخليج تبجين دم

تتوقعون شنو ناوية عليه ام فهد؟
وابو فهد بيوافق انه لولوة تتزوج؟
ولولوة شنو بيصير لها؟

وانتهى البارت الاول

بحط بارتين اليوم

ودي ~ [ ورود الحزن ]



تعديل ورود الحزن; بتاريخ 04-06-2014 الساعة 06:28 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 04-06-2014, 05:11 PM
صورة ورود الحزن الرمزية
ورود الحزن ورود الحزن غير متصل
©؛°¨غرامي جديد¨°؛©
 
الافتراضي رد: اجبروني فيه .. ويوم عشقته .. خذوني منه [ بقلمي ]


البارت الثاني

بالليل وبـ بيت ابوفهد

توا نزل ابو فهد من غرفته وشاف لولوة قاعده تقرا وحده من رواياتها
وام فهد وبناتها قاعدين بعيد عن لولوة ويسولفون
راح وقعد جنب لولوة
لولوة تبتسم : توا مانور المكان
ابو فهد ابتسم لها : النور نورج
لولوة : اممم بتروح مكان ؟
ابو فهد : اي بروح بيت عمتج ام عبدالعزيز
ام فهد انتبهت لاسمها : حبيبي اقدر اروح معاك انا والبنات؟
ابو فهد : لولوة تبين تروحين لعمتج؟
ام فهد انقهرت منه
لولوة انتبهت لها وحبت تقهرها اكثر: اي يبا ابي اروح لبنات عمتي مشتاقة لهم
ابو فهد : طيب يلا روحوا تجهزوا

راحوا وتجهزوا

لولوة البست نفنوف قصير يوصل للركبة ولونه اسود وناعم وشعرها ارفعته فوق ذيل حصان
دلال البست نفنوف قصير لونه ابيض وشعرها خلته مفتوح عادي كانت تضحك ناويه على شي
ريم البست بدلة ماتحب نفانيف وكانت لابسة بنطلون جنز و تي شرت ابيض عليه كتابه
وشعرها مسويته ذيل حصان بس مو رافعته وحاطه اكسسوارات
وكل وحده البست عبايتها وانزلوا تحت لابو فهد وراحوا لبيت ابو عبدالعزيز


وصلوا عائلة ابو فهد بيت ابو عبدالعزيز
ادخلوا الحريم للصاله اما ابو فهد راح الدوانيه
ابو فهد كان قاعد مع ابو عبدالعزيز الي كان رفيجه من ايام الدراسه وفارس وعبدالله وعبدالعزيز
كان ابوفهد قاعد جنب ابوعبدالعزيز
ابوعبدالعزيز الي حاس انه رفيجه فيه شي بس ساكت
عبدالعزيز بشووق : آآآآه ياربيييي
ابوفهد يضحك : هههههههههههه اشفيك ياولد
عبدالعزيز : بروح اشوف زوجتي
عبدالله : ههههههههههههههههههه الي يشوفك يقول مو مصدق انه تزوج
عبدالعزيز : تبي الصراحه كلامك صح مو مصدق اني تزوجتها
فارس : كلها جم يوم وبتخليها بروحها
عبدالعزيز : اخليك انت ما اخلي حياتي فديتها
فارس : انا اخوك
عبدالعزيز : ويعني ؟
عبدالله يبي يرفع ضغط عبدالعزيز : بروح اشوف اختي حبيبتي عن اذنكم
عبدالعزيز قام : تعااااااااااااااااااال
عبدالله : شنو ؟
عبدالعزيز : انا اروح اشوفها عنك سلام
راح عبدالعزيز يركض
كلهم اضحكوا عليه
فارس : عبدالله خلنا نلحق عليه
عبدالله : هههههه يلا
راحوا فارس وعبدالله ورا عبدالعزيز الي يركض يبي يشوف زوجته
ابو عبدالعزيز اشفيك ياخوي من اليوم وانا حاس انه فيك شي
ابوفهد : والله مادري شنو اقول لك
ابوعبدالعزيز : قول الي بخاطرك
ابوفهد : خايف لو يصير فيني شي لولوة مادري شنو بيصير لها
ابوعبدالعزيز خاف من كلام رفيجه : و شنو بيصير يعني ماراح يصير شي انت بتظل معاها
ابو فهد : اي بس انا ماراح اعيش حياتي كلها معاها بيجي يوم وربي بياخذ امانته
ابوعبدالعزيز : وزوجتك ؟ بتهتم فيها
ابوفهد : انا خايف منها هي ... اهي ماتحب بنتي لولوة وانا ما اخذتها الا علشان بنتي لولوة بس هي قاسيه معاها
ومايهمها غير الفلوس وانا اخوك
ابوعبدالعزيز : طيب طلقها او تزوج عليها
ابوفهد : ماقدر اطلقها بسبب ولدي فهد وبناتها يظلون بناتي لازم استر عليهم انا ابوهم بالاخير وماقدر اتزوج
لولوة شفت شنو سوت وهي صغيره لما تزوجت بعد ما ماتت امها
ابوعبدالعزيز : طيب في حل
ابو فهد : وشنو هو؟
ابوعبدالعزيز كان بيتكلم ولا تدخل عليهم ام عبدالعزيز
ام عبدالعزيز تسلم على اخوها : هلا والله بأخوي الحمدلله على السلامه
ابو فهد : الله يسلمج ياختي انتي شخبارج؟
ام عبدالعزيز : بخير والله وانت شخبارك وشخبار الشغل ؟
ابوفهد ابتسم لاخته : والله بخير الحمدلله
ام عبدالعزيز : زين ماسويت جبت لنا لولوة من زمان مو شايفينها
ابوفهد : يعني لولوة ماتجيكم؟
ام عبدالعزيز : وين تجينا وزوجتك رافضه انها تخلي لولوة تطلع من البيت
ابوفهد تنهد : استغفر الله العظيم
ام عبدالعزيز : عبدالعزيز وينه
ابوعبدالعزيز فهم زوجته وضحك : هههههههه راح لزوجته
ام عبدالعزيز تأففت : اوووف من هالولد من تزوج انجن
ابوعبدالعزيز وابوفهد يضحكون عليها
ابو فهد : هذا وعبدالعزيز تزوج لو الي تزوج فارس شنو كنتي بتسوين هههههههههههه
ام عبدالعزيز : الله يعيني ياخوي مادري شنو بيصير لي
ابوعبدالعزيز يضحك وبغشمره قال : انزوج فارس لولوة ههههههههه شنو رايك يابو فهد
ابو فهد فهم ابو عبدالعزيز : ههههههه حلوة الفكرة علشان اشوفها ثاني يوم في بيتي مع اغراضها ههههههههههه
ام عبدالعزيز : وليش يعني؟
ابوعبدالعزيز : فارس ولولوة عنيدين وراسهم يابس راح يتهاوشون
ام عبدالعزيز تفكر شوي ولا تقول : انا اقول انها فكرة حلوة
انصدموا الاثنين من كلامها
ام عبدالعزيز : انزوجهم بعض
ابوفهد ساكت بس ابو عبدالعزيز قال : والله انا موافق بس الشور شور ابو فهد اذا موافق هو وبنته
وبعدين نشوف فارس
ابوفهد : فارس رجال والنعم فيه بس الشور بالنهاية شورهم
ام عبدالعزيز : فارس خلوه علي
ابوعبدالعزيز : يابو فهد كلم لولوة وحاول تقنعها لانه لو تبي الصراحه انا بنتك لولوة كنت ابيها حق واحد من اعيالي من زمان
ابوفهد ابتسم له : ان شاء الله

كانت ام فهد تسمع كلامهم وانصدمت من الي اسمعته
كانت تبي فارس ياخذ بنتها دلال
بس بعدين يوم فكرت بالموضوع
ام فهد تفكر بنفسها : احسن انها تتزوج فارس وبعدين سعود يسجل كل شي بأسمي انا وبناتي وبعدها
اخلي فارس يطلقها وياخذ دلال

وبالوقت هذا عند البنات

ريم تهمس: اووووف متى انرد بيتنا
دلال تهمس : لا تحنين فيه شي ابي اسويه قبل ما انروح
ريم تهمس : شنو؟
دلال تهمس : بروح اشوف فارس
ريم تهمس : ليش ؟
دلال تهمس : بخليه يشوفني جذي يمكن الا اكيد راح اعجبه وبيطلب ايدي من ابوي
ريم تهمس : اي روحي وانا بلهي البنات
حنان : اشفيج انتي وياها تتكلمون جنكم الوسواس
لولوة تضحك : ههههههههههههههههههههه
مريم : تحشون فينا الظاهر
دلال : مو شغلج .... بروح الحمام وانتوا بكرامه عن اذنكم
لولوة بنفسها : ماتستحي ....
ريم : امممم بنات خلونا نلعب لعبة
ساره : شنو هي ؟
ريم : نلعب تحدي أو اعتراف
دلال ومريم وساره ولولوة : يلا
ريم بدت تلعب وياهم ودلال راحت اتدور فارس بالبيت شوي ولا شافت عبدالعزيز يركض جاي صوب الصاله
وعبدالله وفارس يلحقونه وهم يضحكون
عبدالله : هههههههه في بنات داخل اشفيك ياخي
عبدالعزيز : اشتقت لها ياعبدالله صار لي يوم كامل ماشفتها
فارس : ههههههههههههههههه حالتك صعبه
عبدالعزيز : يمه !!! اشفيج !!!!!
فارس وعبدالله لفوا يدورون ام عبدالعزيز خافوا صار لها شي
شوي ولا ينحاش عبدالعزيز ويطق باب الصاله
حنان اطلعت له تضحك : هههههه هلا عزوز بغيت شي ؟
عبدالعزيز : ايييي ابي ساره وينها
حنان تضحك على اخوها : ههههههههههههه سسااررررره عبدالعزيز يبيج
ساره اطلعت لعبدالعزيز وشافته وشافها وارجعت عند البنات
ورجع لاخوه وولد عمه
عبدالله : مالت عليك زين خوفتنا
عبدالعزيز : شسوي مو راضين تخلوني اروح اشوف زوجتي الغاليه
فارس : اقول جب خلنا نرجع
عبدالعزيز وعبدالله : يلا
تلفون فارس دق
فارس : لحظة مكالمة من الشركة
فارس : الو
الموظف : السلام عليكم استاذ فارس
فارس : وعليكم السلام هلا بغيت شي ؟
الموظف : استاذ حاولنا نوصل للاستاذ عبدالعزيز علشان محتاجينه يوقع على اوراق مهمه ولازم
انسلمهم الاوراق بعد ساعه والاستاذ عبدالعزيز تلفونه مسكر إذا ممكن تجي وتوقع عليها ضروري
فارس : انزين مسافه طريج
الموظف : مع السلامه
فارس : مع السلامه
فارس : انا بروح الشركة انتوا روحوا عند ابوي وخالي
عبدالعزيز : ليش اشصار ؟
فارس : ولا شي بروح اشوف شوية اوراق وارجع
عبدالله : ماشي يلا خلنا نرجع الدوانيه
عبدالعزيز : يلا
راحوا الاثنين الدوانيه
فارس تذكر شغله (بنفسه): يوووووه بروح اجيب مفاتيح نسيتها فوق
جا بيروح غرفته الا دلال واقفه مقابلته
فارس استغرب من جرئتها :انتي دلال صح؟
دلال : اي دلال ياعيونها وطوايفها
فارس اشمئز منها : اقول روحي دخلي داخل وغطي نفسج
دلال : بس ماقلت لي شي
فارس منزل راسه : اشتبيني اقول ؟
دلال : رايك بالي تشوفه
فارس عصب منها : اسمعيني يابنت الحلال فكيني وروحي من وجهي لا يكون بيني وبينج تصرف ثاني
دلال : ياحلات المعصبين
فارس : استغفر الله العظيم .... راح يجيج كف يخليج تندمين على كل كلمة قلتيها
دلال : انزين بس بقول لك شي
فارس: اخلصي قولي وانقلعي داخل والموقف هذا لا يتكرر
دلال : فارس انا احبك
فارس : حبج برص انزين يلا انقلعي ولا اشوف رقعة وجهج جدامي مرة ثانيه فاهمه
دلال : راح انشوف يافارس بعدين بتجيني بس علشان ارضى عليك واوافق عليك
فارس يستهزء ويضحك : ههههههههههههههههه منو؟ انا ؟ اي خير سمعيني يابنت انا مسسستحيل اخذ امثالج
حتى لو كنتي اخر بنت بالارض والله ما اخذج وبعدين انتي شايفه نفسج؟
دلال انقهرت منه : وشنو فيني حلوة والف واحد يتمناني
فارس ميت ضحك : هههههههههههههههههههههههههه الظاهر عميان والله لو مو افلوس خالي محد كان بياخذج
دلال عصبت بس حبت تستفزه : على راحتك بس بتشوف انك راح تجيني تترجاني اوافق عليك
فارس بحده وجديه : سمعيني عدل وحطي هالمعلومة براسج انا لو على قص رقبتي ما اخذ وحده جريئة مثلج
انتي ماتستحين على وجهج جاية توقفين جدامي بهالطريقة ويوم قلتي انج تحبيني على بالج بصدقج
انتي تحبين فلوسي وفوق كل هذا انتي تعتقدين اني بفتح لج ايدي والمج الظاهر صار شي لمخج اختي دلال
حتى كلمة اختي ماتستاهلينه اسحبها قصدي دلال
دلال عصبت وادخلت الصاله معصبه
لولوة شافت دلال معصبة (بنفسها) : مادري شصار الي خلاها اتعصب بس وناسه خخخخخ
مريم : دلال شوي شوي لا تنفجرين اشفيج معصبه
دلال : مو شغلج يابزر
مريم : انا بزر يا العجوز !!
دلال عصبت زياده ولولوة كانت ماسكه ضحكتها بس ماقدرت تتحمل اكثر
لولوة : هههههههههههههههههههههههههههههه
ريم تهمس لدلال : شصار ؟؟
دلال تهمس لها : ماصار شي


صارت الساعه 1 بالليل ارجعوا عائلة ابوفهد بيتهم وكل واحد باله مشغول
دلال ونهى امهم قالت لهم الي صار وفكرتها اما لولوة كانت اتفكر انه ام فهد وبناتها ناوين على شي
وخايفة من الي يفكرون فيه
ابو فهد يفكر شنو بيقول لـ لولوة علشان توافق على فاررس

بـ بيت ابوعبدالعزيز
كانوا قاعدين حنان ومريم وام عبدالعزيز وابوعبدالعزيز وفارس
عبدالعزيز كان مع زوجته بجناحهم

ابوعبدالعزيز كان يشوف ولده فارس الي كان يلعب بتلفونه ويسولف مع خواته ويضحك
ابوعبدالعزيز : فارس اترك الي في ايدك شوي ابي اكلمك بموضوع مهم
فارس سكر تلفونه : امر يبا
ابوعبدالعزيز : ما يأمر عليك العدو ياولدي بس بغيت اسألك
فارس : شنو؟
ابوعبدالعزيز : اشرايك تتزوج؟
فارس منصدم من ابوه ومو عارف شنو يرد عليه : مافهمت؟
ابوعبدالعزيز : شوف ياولدي بقول لك ياها بدون ما الف وادور اشرايك تاخذ بنت خالك
فارس : منو ؟ دلال؟؟ لو انها اخر بنت بالعالم ماراح اخذها هذي ....
ابوعبدالعزيز قاطعه : مو بدلال ياولدي
فارس : اجل منو؟
ابوعبدالعزيز : لولوة
فارس انصدم : لولوة؟ يبا انت تبي اتوهقني بوحده دلوعه ؟؟
حنان تضحك : هههههههههههههههه منو الدلوعه ؟؟؟
مريم : ههههههه فارس لولوة مو دلوعة
فارس استغرب : بس خالي يحبها حيل ومدلعها
ابوعبدالعزيز : يدلعها لأنها امانة زوجته الله يرحمها ولانه زوجته تقسى عليها وترا لولوة مو بنت ضعيفه يافارس
حنان : ابوي كلامه صح ترا لولوة قوية الشخصية وشفت اشلون تعاملها زوجة ابوها بس ماعمري شفت دموعها
ام عبدالعزيز : البنت حلوة وطيبة واخلاق وماتنعاب بشي ياولدي


بيت ابو فهد

كان ابو فهد قاعد بالصاله بروحه يفكر والكل كان نايم
كانت الساعه 2 تقريباً
انزلت لولوة تبي تروح المطبخ شافت ابوها ابتسمت وراحت اقعدت وياه
لولوة : صباح الخير
ابوفهد : صباح النور شنو مقعدج؟
لولوة : كنت نازلة ابي اروح المطبخ
ابوفهد : طيب يابنتي ابيج بموضوع
لولوة : شنو ؟
ابوفهد : اممممم انتي اشرايج بعائلة عمتج
لولوة : عائلتها اتجنن وعسى ربي مايحرمهم من بعض
ابوفهد : طيب امممم لو اطلبوا ايدج لولدهم فارس توافقين؟
لولوة انصدمت : يبا ..... انا .....
ابوفهد : يابنتي انا ماراح اعيش للابد ابي اشوف انج عايشة مع واحد يحطج في عيونه ويخاف عليج اكثر مني
لولوة : بس .. يبا انا ابي اكون معاك |..... انا مالي احد غيرك ...... يبا ابي اكمل دراستي وابي اظل معاك
ابوفهد : ماهي بمشكلة يابنتي الرجال ماراح يمنعج تكملين دراستج وراح يخليج تزوريني واجي اشوفج
اعرف فارس زين يابنتي راح يحطج بعيوونه
لولوة : يبا ....

ونهاية البارت الثاني

تتوقعون لولوة بتوافق على فارس؟
وفارس شنو مصيره مع البنت الي يحبها هل بيتوفق معاها؟
وام فهد شنو ناويه عليه؟

ودي : ~ [ ورود الحزن ]





تعديل ورود الحزن; بتاريخ 04-06-2014 الساعة 06:27 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 04-06-2014, 05:33 PM
صورة وَعـــــــد الرمزية
وَعـــــــد وَعـــــــد غير متصل
♥..يُحـكَى انّ حُلمـآ جَمِيلآ تحَققَ بالدُعَـآء..♥
 
الافتراضي رد: اجبروني فيه .. ويوم عشقته .. خذوني منه [ بقلمي ]


لي رد بعد القراءه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 04-06-2014, 05:55 PM
صورة عازفة الحنين الرمزية
عازفة الحنين عازفة الحنين غير متصل
©؛°¨غرامي جديد¨°؛©
 
الافتراضي رد: اجبروني فيه .. ويوم عشقته .. خذوني منه [ بقلمي ]


بداية حلوة بس لو تكبرين الخط ننتظر باقي الاحداث...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 04-06-2014, 05:56 PM
صورة وَعـــــــد الرمزية
وَعـــــــد وَعـــــــد غير متصل
♥..يُحـكَى انّ حُلمـآ جَمِيلآ تحَققَ بالدُعَـآء..♥
 
الافتراضي رد: اجبروني فيه .. ويوم عشقته .. خذوني منه [ بقلمي ]


بتكلم في البدايه عن الشخصيات
عبدالعزيز&ساره
ي عيني عليهم بس عبدالعزيز مزودها شوي
لولوة
ي حياتي والله حبيتها مرة
ام فهد
يا رب تموت الزقه
ابو فهد
ي حليله والله انه مسكين
دلال>كلي تبن
ووووع وووع وووع تلوع الكبد
ريم
طالعه ع اختها
ام عبدالعزيز
شكلها مره طيبه
ابوعبدالعزيز
نفس ابو فهد
فاارس
ماله دور كبير بالروايه
حنان
يخرب بيتك شو حبيتك♥
مريم
ي لبييييييه احس هالعائله كلها طيبه احسن من ناس
في اححد ثاني نسيته؟.!

التوقعات
لولوة بتوافق على فارس؟
يب يب
وفارس شنو مصيره مع البنت الي يحبها هل بيتوفق معاها؟
هي اللي انخطفت صح؟ماراح يتزوجها مصيره مع لولوة
وام فهد شنو ناويه عليه؟
ممدري

اسعدني اكون اول القراء تقبلي مروري
المتابعه الاولى...

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 04-06-2014, 06:23 PM
صورة ورود الحزن الرمزية
ورود الحزن ورود الحزن غير متصل
©؛°¨غرامي جديد¨°؛©
 
الافتراضي رد: اجبروني فيه .. ويوم عشقته .. خذوني منه [ بقلمي ]


يعطيكم العافيه على الردود


اقتباس:
بداية حلوة بس لو تكبرين الخط ننتظر باقي الاحداث...
ان شاء الله الحين اعدلها


اقتباس:
بتكلم في البدايه عن الشخصيات
عبدالعزيز&ساره
ي عيني عليهم بس عبدالعزيز مزودها شوي
لولوة
ي حياتي والله حبيتها مرة
ام فهد
يا رب تموت الزقه
ابو فهد
ي حليله والله انه مسكين
دلال>كلي تبن
ووووع وووع وووع تلوع الكبد
ريم
طالعه ع اختها
ام عبدالعزيز
شكلها مره طيبه
ابوعبدالعزيز
نفس ابو فهد
فاارس
ماله دور كبير بالروايه
حنان
يخرب بيتك شو حبيتك♥
مريم
ي لبييييييه احس هالعائله كلها طيبه احسن من ناس
في اححد ثاني نسيته؟.!

التوقعات
لولوة بتوافق على فارس؟
يب يب
وفارس شنو مصيره مع البنت الي يحبها هل بيتوفق معاها؟
هي اللي انخطفت صح؟ماراح يتزوجها مصيره مع لولوة
وام فهد شنو ناويه عليه؟
ممدري

اسعدني اكون اول القراء تقبلي مروري
المتابعه الاولى...

عبدالعزيز وساره بتكون لهم احداث واااااجد جايه ان شاء الله

خخخخخخخخخ ماراح اقول لج بتعرفين بعدين منو الي انخطف

ومنو الي خطفها

وانا اسعد والله بمروركم

وبالنسبة للبارتات راح انزلها كل خميس واثنين واذا قدرت انزل

بارت قبل هاليومين راح انزل لكم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 04-06-2014, 07:12 PM
صورة لُجين . الرمزية
لُجين . لُجين . غير متصل
©؛°¨غرامي جديد¨°؛©
 
الافتراضي رد: اجبروني فيه .. ويوم عشقته .. خذوني منه [ بقلمي ]


روايتك مرة حلوة كملي :"
جد تحمست معاك ههههههههههههههههههههههههههههههههههه :$
متى مواعيد البارتات ؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 04-06-2014, 10:36 PM
صورة من فهمني ملكني الرمزية
من فهمني ملكني من فهمني ملكني متصل الآن
©؛°¨غرامي مجتهد¨°؛©
 
الافتراضي رد: اجبروني فيه .. ويوم عشقته .. خذوني منه [ بقلمي ]


بدايه حلوه وقلم متمكن استمري عزيزتي
بانتظار القادم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 05-06-2014, 01:10 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: أجبروني فيه ويوم عشقته خذوني منه/ بقلمي


صباح الخير .. ياهلا فيك بغرام ... موفقة بطرحك .. عندي بعض الملاحظات على الرواية الفكرة مستهلكة ومكررة اغلب الروايات تحمل نفس فكرتك .. حطي افكار جديدة وابتعدي عن المبالغة لانها تنفر القارئ من الرواية

يعني ابو فهد لهالدرجة فلوسه واعماله اهم من عياله بالسنين مايدري عنهم دام شغله مهم ليش من الاصل يكرر غلطته ويتزوج ويجيب عيال اكثر وهو مو قد كلمة اب ولا يستحقها لان الابوة مو بس فلوس ومصروف ... والي بيتزوج علشان بنته تتربى تربية صحيحة يتزوج زوجة صالحة وتكون قد المسؤلية مو يتزوج وحدة يعرف معدنها ويستمر معاها على الاقل يربيها ويوقفها عند حدها .. شخصية ابو فهد تنقصها الواقعية

عبد العزيز صورتيه للقارئ انه شخص تافه وسطحي مو لهدرجة حتى لو يحب زوجته مايفقد ثقله ورجاحة عقله تصرفاته ماكانت مقنعة وماعجبتني ابد شخصيته بالعكس تصرفاته مو دليل انه عاشق ومحب

فارس موقفه مع نور قمة التناقض اجل ببلده مايجوز يشوف ويلتقي بنور وبدولة اجنبيه يجوز ليش الحرام يتغير من بلد للثاني في جميع الاحوال مايجوز له ولا لها العرقة والي بينهم حرام ومعصية تغضب رب العالمين سواء بفرنسا او غيرها بأي صفة يحبها من تكون هي مابينهم اي رابط شرعي مثلها مثل دلال بالظبط مافي فرق الي ترضى ترخص بنفسها وتقابل واحد اجنبي عنها بالحرام مهما كانت الطريقة والاسلوب فهي بنت ماتحمل ذرة اخلاق

موقف دلال وفارس مافيه مصداقية بيت مليان ناس مافي احد سمع او شاف الموقف مولهدرجة البيت كبير وفارس كان يتكلم بحدة كيف ماحد سمع صوته ولا شاف دلال واقفة معاه

اختي نصيحة مني اهتمي بالاحداث والحبكة لازم تكون مقنعة من جميع الجوانب ومايكون في تناقضات ومبالغات حتى يقتنع القارئ فيها

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 05-06-2014, 09:03 AM
صورة ورود الحزن الرمزية
ورود الحزن ورود الحزن غير متصل
©؛°¨غرامي جديد¨°؛©
 
الافتراضي رد: اجبروني فيه .. ويوم عشقته .. خذوني منه [ بقلمي ]


اقتباس:
المشاركة الأساسية كتبها لُجين . مشاهدة المشاركة
روايتك مرة حلوة كملي :"
جد تحمست معاك ههههههههههههههههههههههههههههههههههه :$
متى مواعيد البارتات ؟
تسسسسسسلمييين :$
البارتات كل خميس واثنين

الرد باقتباس
إضافة رد

أجبروني فيه ويوم عشقته خذوني منه/ بقلمي

الوسوم
اجبروني , بقلمي , خذوني , عشقته , ويوم
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
أجبروني على فراقك ياحبيبي ولكن لازلت أحبك/ بقلمي ملكه باخلاقهاآأإ أرشيف الروايات المغلقة - لعدم إكتمالها 12 29-06-2013 11:55 PM
عشقني و عشقته و الولع شين / بقلمي غير الستر مابيه أرشيف الروايات المغلقة - لعدم إكتمالها 16 18-06-2013 02:18 AM
أجبروني فيك وحبيتك وعشقتك / بقلمي qamarhanna أرشيف الروايات المغلقة - لعدم إكتمالها 40 06-02-2013 04:04 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM

الساعة الآن +3: 03:00 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1