طاوي الجراهيد ©؛°¨غرامي متألق ¨°؛©

صباح /مساء الخير

اضع بين ايديكم هذه القصيده المتواضعه
واتمنى ان تنال على اعجابكم واستحسانكم
/
/


الايام تقسى والليال التوالي عوج
.....................وانا علتي من بين الاحداب رواجه

اكنه وانا رجلي تسوج الفيافي سوج
................اخالف هوى نفسي ولو كان محتاجه

ياكم طاري ٍ روح من القافية مسهوج
........................وانا ابيه.. لكن الطواريق دواجه

وياكم صامل ٍ عود من السالفة مفلوج
...................يبيها وصارت تالي الوقت منعاجه

وياكم خافق يمسي من الفانيه مزعوج
....................تهشم ضلوعه والدهر زوّد اخلاجه

وانا دجت بالدنيا لقيت الحيا منتوج
..............يالو كان بعض الخلق تدفع به الحاجه

مشاريه فيض النفس من دونها مسروج
.................خطاة ادهم ٍ ماقد مضى عاود ادراجه

هذاك الصبر لو كان باب القهر مهجوج
........................يرده ولو زاد العنا فيك للصاجه

وخطايا الظنون اللي تجي بالحشا وتروج
..................مصير الليالي تكشف السر وعلاجه

ألا يالخفوق اللي تجيك الطواري فوج
................نصيحه تناسا وأتبع العمر سوهاجه
،
بقلمي
عمر الهمزاني

ترآتيل سمآوية ©؛°¨غرامي جديد¨°؛©

يعجبني هذا اللون من الشعر
بالرغم من صعوبة بعض الكلمات
لكن مبدع..
واصل ابداعك

ترآتيل سمآويه

أسـيـرة خـيـّالـهـا ©؛°¨غرامي فضي¨°؛©

بك ألم نزفته بطريقتك

بك حزن ثائر بحرفك

بك صوت يصرخ بداخلك

بك كبت أذهب منامك


رغم الحزن

رغم الألم

أقدر حرفك

لأنك أتقنت عزف إحساسك


تحياتي وتقديري

طاوي الجراهيد ©؛°¨غرامي متألق ¨°؛©

المشاركة الأساسية كتبها ترآتيل سمآوية اقتباس :
يعجبني هذا اللون من الشعر
بالرغم من صعوبة بعض الكلمات
لكن مبدع..
واصل ابداعك

ترآتيل سمآويه

شكرا لكي على هالحضور الراقي
اسعدني تواجدك
تحياتي لكي

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1