غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 09-06-2014, 09:17 PM
صورة .|جرحني الشوق|. الرمزية
.|جرحني الشوق|. .|جرحني الشوق|. غير متصل
©؛°¨غرامي فعال ¨°؛©
 
الافتراضي روايتي الثانية : ﻻ شفت الخيانة من اعز اصحابك غمض عينك وتذكرني


السلام عليكم ورحمة الله وبركاته
عندما كتبت روايتي الاولى ، والتي اعتبرتها تجربة لدخول عالم الروايات ، شعرت حينها بالخوف من الفشل ، خفت من الانتقاد ، خفت من اﻻ تنال روايتي اعجابكم ..

وكم فرحت عندما رأيت ردود التشجيع ، وكلمات المدح والثناء ، حينها علمت انني يجب ان ﻻ اخاف من الفشل ، وان أتقدم بخطوتي الى الامام كلما اتاحت لي الفرصة ، وان ﻻ اضيع فرصي بالخوف والخجل

ولأن الفرصة اتيحت لي مجدداً ، و ﻻنني ﻻ استغني عنكم ، فقد اشتاقت نفسي لكم ، واشتاقت عيناي لقراءة ردودكم الجميلة و كلمات التشجيع والثناء مرة اخرى ♡ ..

لذا اقدم لكم روايتي الثانية ، واتمنى من كل قلبي ان تنال اعجابكم ، قد ﻻ تكون بمستوى روايتي الاولى ، ﻻن الاولى كتبتها بقلبي قبل يدي ، واستغرقت سنواتٍ عده في تأليفها

ولكن اتمنى ان تحوز هذه الرواية أيضًا على إعجابكم ، وان تنيروا دربي بردودكم وتشجيعكم ♡

قصتي تتحدث عن شخص ظلم نفسه كثيراً .. فهل ستؤثر فيه صفعة الحياة ؟!

□■□


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 09-06-2014, 09:28 PM
صورة Kntferoo7ytsri الرمزية
Kntferoo7ytsri Kntferoo7ytsri غير متصل
عضو موقوف من الإداره
 
الافتراضي رد: روايتي الثانية : ﻻ شفت الخيانة من اعز اصحابك غمض عينك وتذكرني


ي الله نستناج
بسرعه بسرعه هههه
ان شاء الله بكون اول متابعه لج

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 09-06-2014, 09:30 PM
صورة .|جرحني الشوق|. الرمزية
.|جرحني الشوق|. .|جرحني الشوق|. غير متصل
©؛°¨غرامي فعال ¨°؛©
 
الافتراضي رد: روايتي الثانية : ﻻ شفت الخيانة من اعز اصحابك غمض عينك وتذكرني


(1)

"طﻻل واللقاء الاول


الساعة 4 العصر

(خالد)

اليوم بدت الاجازة الصيفية .. و بيسافر عمي الغالي لأهله .. تعودت على وجوده في المزرعة .. وجلستنا وسواليفنا وقهوتنا كل عصرية .. رغم اختﻻف العمر اﻻ اني احسه صديقي وكأنه بنفس عمري .. سواليفه شبابيه وما كأنه قريب بيوصل الخمسين ..

ﻻزم اشوفه واسلم عليه قبل ﻻ يروح .. رحت لمكتبه وطقيت الباب ..

سمعت صوته من ورا الباب: ادخل يا خالد

فتحت الباب وطليت وابتسمت له: يااا هﻻاااا .. بتروح الحين ؟؟

شفته واقف ومعاه غترته وعقاله .. وواقف يلبسهم قدام المراية ويضبط تشخيصته اللي اعطته مع طول قامته و سكسوكته اللي فيها بعض الشعيرات البيضا هيبه ورجوله .. كل من يشوفه يحس انه انسان محترم .. وابتسامته تخليك تحبه ﻻ شعوريا ..

مثلي انا اللي اعتبر عمي ابو طﻻل مثل ابوي بعد ماتوفى ابوي محمد الله يرحمه .. احبه هالانسان مرة .. حنون ودايم يحسسني اني ولده وما يبخل علي بشي .. ويعاملني مثل اوﻻده مع اني مجرد عامل في المزرعه ..

بعد ماخلص ابو طﻻل اخذ شنطته .. اليوم بيروح لأهله في الرياض بما ان الاجازة الصيفية بدت وبيروح يزور اهله هناك ويرجع .. وهذي عادته كل اجازة

ابو طﻻل بابتسامة: يﻻ وانا عمك تامرني بشي ؟

خالد ببتسامة: ﻻ ابد سﻻمتك .. سلمني على تركي

ابو طﻻل: الله يسلمك .. ايه على فكره ترا ولدي طﻻل بيجي اليوم للخرج .. تعرف الاجازة الصيفية بدت وبيقضي اجازته الصيفية في المزرعة

خالد: ايه الله يحييه

ابو طﻻل: يله مع السﻻمة

خالد: الله معاك

سلمت عليه سﻻم بالخد وحبيت راسه .. ثم طلع هو من المزرعة .. دعيت له بالحفظ والتوفيييق

عبدالعزيز هو رجل غني من اهل الخرج .. ساكن في الرياض لكن اغلب وقته في الخرج ﻻنه يملك عقارات واراضي فيها .. يشتغل في بيع وشراء العقارات .. وعنده هذي المزرعة .. مالي معاه اي صلة قرابة .. التقيت معه من قبل شهر في احد الاماكن العامة وتعاطف معي وعرض علي اني اشتغل في مزرعته كمزارع مقابل راتب شهري .. رضيت على طول ﻻني ابي اصرف على اختي وامي المريضه .. علمني زراعة البذور وتلقيح النخل والاهتمام بالنباتات وغيرة من اعمال الزراعة .. وصار يعتمد علي في اغلب الاعمال .. وصرت احب اشتغل زين عشان اكسب رضاه و وده ..

بعد ماراح ابو طﻻل .. قعدت احاول الهي نفسي بأي شي .. متحمممس مرة عشان اشوف طﻻل ولد عمي عبدالعزيز .. واللي ماشفته من يوم جيت لهذي المزرعة .. طول فترة شغلي في المزرعة "شهر تقريبا" ماشفت من ابناء ابو طﻻل اﻻ تركي اخو طﻻل من ام ثانيه .. وهو بنفس عمر طﻻل اﻻ ان طﻻل اكبر منه بكم شهر ..

وتركي طيب جدا واخﻻقه حلوة ومتواضع طالع على ابوه .. يعتبرني مثل صديقه ومو شخص يشتغل في مزرعة ابوه وبس .. لكن طﻻل حسيته هو المحبوب عند ابوه .. هو اكثر واحد يتكلم عنه .. حسيت انه يحبه اكثر من تركي .. دايم يمدحه ويثني عليه ويدعي له بالهداية والصﻻح ..

اكيد بيطلع طﻻل طيب ويمكن احسن من تركي .. من مدح ابوه ودعائه له له احسه انسان طيب و بار بأبوه ..


اليوم ماكان عندي شغل كثير الحمدلله .. ﻻني اهتميت في المزرعة في الايام الماضية كثيير .. والحمدلله الحين كل شي في المزرعة تمام .. مابقى اﻻ سقي الاشجار والعشب

رحت لآخر المزرعة مكان الشجر الكثير وكان فيه اكثر من 100 نخله وشجرة منتشره بكل مكان في المزرعة .. مزرعة ابو طﻻل كبيرة وهي بنفس الوقت استراحة .. وجمييله جدا يغطيها العشب من اولها لآخرها .. وفيها ورود ملونه ونوافير .. وديكورها فخم .. مكتب ابو طﻻل في وسط المزرعة و جداره من زجاج عاكس ويعكس صورة السماء والغيوم من برا وطالع شكله حلو .. وورا مكتبه فيه بيت فخم وحلو .. وهذا غير المسبح .. وبيت الشعر .. كل هذي كانت تخلي للاستراحة منظر ما تمله العيون

اخذت " اللي " وقعدت اسقي العشب .. والشجر .. سمعت صوت سيارة .. يمكن عمي رجع عشان ياخذ شي .. تركت اللي بيدي وقربت من باب الكراج ..

شفت سيارة فراري حمراء تدخل للمزرعة .. نزل منها شاب ﻻبس بدلة سوداء .. وكاب اسود .. عرفت انه طﻻل ﻻنه يشبه ابوه .. انفه المستقيم بياض بشرته وشعره الاسود الغامق كل هذي ورثها من ابوه .. لكن ابو طﻻل مﻻمحه تدل على التواضع والطيبه .. اما طﻻل مﻻمحه تدل على التحدي .. التكبر .. والشر

قرب مني وابتسامة على وجهه بانت فيها اسنانه و البريسز اللي حاطه .. وقال: اووه شكلك انت خالد .. العامل الجديد اللي كلمني ابوي عنه

هزيت راسي بإيه وقلت ببتسامة: وانت طﻻل صح ؟

ما رد علي .. التفت على ورا وسكر باب السيارة وقفلها بجهاز الكنترول .. ومشى قدامي وقال: الحقني

لحقته بشوف وش يبي .. دخل لداخل البيت وراح للصالة .. جلس على الكنبه الحمرا واسترخى وحط رجلينه على الطاولة اللي قدامه .. وقفت انا بجنبه

طﻻل بهدوء: اسمع .. ترا انا جاي للمزرعة عشان افلها .. وبقعد فيها اكثر من شهر يعني ﻻ تجي تخرب علي

قلت بستغراب: مافهمت! كيف اخرب عليك ؟

طﻻل بحده: الاشياء اللي اسويها في المزرعة انتبه ابوي يدري عنها .. العمال الباقين هنود وباكستانيين يعني مافي خوف منهم .. لكن الحين انت البﻻ .. خصوصا ان ابوي يعزك ويغليك .. هه مادري على ايش .. المهم اذا جا ابوي سو نفسك ما شفت شي وﻻ سمعت شي .. انتبه تقوله سمعت ؟؟

هزيت راسي بإيه بستغراب .. وش هالاشياء اللي بيسويها طﻻل .!!!

طﻻل: والحين يله روح لشغلك .. وﻻ تصدق روح سو لي شاي وكثر السكر .. بسررعه

هذا فاهم غلط .. انا مزارع مب خادم

خالد: طﻻل ترا انا اشتغل مزارع مب خادم .. يعني ماا ......

قاطعني طﻻل بعصبيه: اللي هو .. مزارع او خدام .. اهم شي انك تشتغل عندنا

مشيت من قدامه رايح للمطبخ .. هذا شكله مغرور وعصبي بزياده ومايتفاهم مع أحد ..

دخلت المطبخ وحطيت الموية على النار عشان اسوي الشاي .. دق جوالي وكانت اختي المصونه ديم .. رديت: ي هﻻ

ديم: خلود .. ممم ﻻجيت جيب لي معك من الصيدلية شامبو وفرشة اسنان .. وجيب لي اكل معك

قلت وانا افتح الثﻻجة: تامرين امر .. "قلت وانا اناظر الثﻻجة" تبين ورق عنب ؟ .. وﻻ ساندويشات مرتديﻻ ؟ .. دقيقه فيه بعد عصير طبقات تبينه ؟

ديم بستغراب: مشالله انت شاري كل هالاكل ؟؟

خالد بضحكه: ﻻ هذي ثﻻجة ابو طﻻل

ديم بتمني: ياحظك ياليتني اقعد في هالمزرعة .. هي حلوه ؟؟؟

خالد ببتسامة: اف خطيييره .. اتمنى تزورينها بيوم

ديم: ياليييييت .. المهم ﻻتنسى الاغراض

خالد: انشالله .. وانتبهي لامي ولنفسك
سكرت الجوال .. ورحت اسوي الشاهي .. وكثرت السكر على طلب طﻻل .. واخذت الشاي ووديته له .. كان جالس يلعب بﻻيستيشن .. حطيت الشاي على الطاولة .. ويوم جيت بروح ناداني طﻻل ووققت

طﻻل: اسمع .. روح افرش فرشة برا على الزرع .. وشيل هذي الطاولة وحطها برا .. وجهز الاكل بيجون اخوياي بعد شوي

خالد: طﻻل ترا في عمال ثانين يشتغلون هنا انا شغلتي مزارع ...

طﻻل بحده: كللل اللي في الثﻻاجة جهزه ومابي اسمع اعتراض

ماحبيت اتجادل معه .. نفذت طلبه وفرشت فرشتين كبار على الزرع .. وشلت الطاولة اللي بالصالة وحطيتها عند الفرشة .. وسويت قهوة وشاي وحطيت الدﻻل عند الجلسة .. وجبت اكل من الثﻻجة "بطاطسات، عصاير، حلويات ..." وصفيتهم على الطاولة

ناظر طﻻل شغلي ببتسامة ثم رفع راسه واخفى ابتسامته: تقدر تروح الحين

يعني افهم ان هذي طرده !! .. مشيت من عنده مقهوور .. اسلوبه وتعامله مثل وجهه ..

بدت الشمس تغرب والسما تصير زرقا .. اذن المغرب " الله أكبر " .. رحت اتوضأ عند المغاسل .. وطلعت للمسجد مشي على رجليني ..

وبعد الصﻻة على الساعه 7 المغرب .. رجعت من المسجد واول مادخلت انصدمت .. امتلت المزرعة تماما بأصدقاء طﻻل واللي مثل اشكاله .. هذوﻻ متى جو ؟؟

خالد: السﻻم عليكم

بعضهم كانوا جالسين على الفرشة يلعبون بلوت .. وبعضهم جالسين يسولفون .. رفعوا راسهم يوم سلمت .. وقعدوا يناظروني بستغراب بدون مايردون السﻻم

قال واحد منهم عرفت بعدين ان اسمه مساعد: مين هذا ؟

وكان يسال طﻻل .. طﻻل اساسا ماكلف نفسه يرفع راسه يشوف من اللي جا .. قال بﻻ مباﻻة وسيجارته بفمه: هذا واحد من العمال

مساعد: سعودي ! .. غريبه !!

قال بندر واللي واضح انه يحب الاستهزاء: ﻻ اكيد يمني وعايش بالسعودية فترة .. اﻻ اقول جددت اقامتك ؟؟

ضحك طﻻل: هههههههههههههههه ﻻ ذا سعودي

قلت بقهر واضح: اسمي خالد

كلهم ناظروني باستغراب .. وقال بندر : هالحين احد سألك عن اسمك ؟؟

خالد: اقصد طﻻل ليش يقولي ذا .. اتوقع انه يعرف اسمي

الشباب بضحكه : الحمدلله والشكر


رحت قعدت بعيد عنهم .. ما حبيتهم وﻻ ارتحت لهم .. فضلت اقعد في بيت الشعر احسن لي ..مسكت الريموت وقعدت اقلب القنوات بطفش .. وكنت اسمع اصواتهم كل مالها تعلى أكثر بالكﻻم والضحك .. والاستهزاء ببعضهم .. وكﻻمهم اللي ما له اي عﻻقة بالدين وﻻ الحياء

بعد نص ساعة .. جا واحد منهم اسمه حمود .. قالي انهم يبغوني اجي لهم .. قمت معاه ورحت لهم .. جلس حمود جنبهم على الفرشة .. وانا ظليت واقف
بندر: الحين انت وشوله واقف ؟؟ .. تعال صب لنا قهوة

بندر هو اكثر واحد كرهته هو وطﻻل .. وسبحان الله كانوا هالاثنين اصدقاء الروح بالروح .. ويقلدون بعض في كل شي .. حتى اشكالهم واذواقهم تتشابه .. يعني طﻻل واضح من لبسه انه يحب اللون الأسود .. ونفس الشي بندر .. طﻻل مركب بريسز وحتى بندر .. وطﻻل سيارته فراري ونفس الشي بندر .. وطﻻل واضح انه يحب بندر مرة .. لدرجة يطيعه في كل شي وما يرفض له طلب ..

ناظرتهم بكره .. قال واحد منهم اسمه متعب : ماتسمع .. نقولك صب قهوة

خالد: وانتم ماعندكم يدين تصبون فيها ؟؟

بندر : وجع .. ﻻ تتطاول على اسيادك

فتحت عيوني بصدمه : نعم ؟؟

متعب: شوي شوي ﻻ تموت هههههههههه

ضحكوا كلهم بستهزاء .. قال متعب: ايه بندر ماكذب .. انت مجرد خادم هنا

قلت بعصبيه: انا مزارع ماتفهمون ؟

متعب بنذاله: ايه بس غصب عنك بتنفذ اوامرنا .. بما انك تشتغل هنا

خالد بصراخ: مب على كييفك

طﻻل : خﻻص سكتوه ﻻيصيح علينا .. شباب نسيتوا ان ابوي يحبه .. اخاف يروح يصيح عند ابوي هههههههههههه

ضحكوا كلهم .. وطنشوا الموضوع و كملوا سواليفهم ولعبهم

وانا بعد رحت وتركتهم .. الحمدلله اني من النوع اللي مايهتم كثير .. وما ازعل وﻻ اتحسس .. صحيح انقهر بس بعد شوي انسى كل شي وما كأن شي صار

بعد ساعة اذن العشاء .. طلعت وانا بطريقي مريت عليهم .. كانوا للحين قاعدين يسولفون وضحكهم واصل اخر الدنيا .. جيت بطلع بس وقفني طﻻل: وين رايح ؟

خالد: بروح اصلي

طﻻل رمى علي عشرة ريال: ﻻ خلصت مر البقاله جيب لي باكيت دخان هاه؟

اخذت العشرة ومشيت .. اللي اعرفه ان ابو طﻻل متشدد ويكره الدخان مادري كيف طلع ولده كذا ..

بعد ماخلصت الصﻻة مريت البقاله وجبت لطﻻل اللي يبيه .. ومريت الصيدلية عشان اجيب لديومه الاغراض .. ورجعت للمزرعة ..

قبل ﻻ يجي طﻻل كانت المزرعة نظيفة ومرتبة .. لكن بفضل طﻻل واصدقاه "الجحلط" تحولت المزرعة الى "مزبلة" .. وكل شي فيها وصصصخ .. شكلي ماراح ارتاح ابدا بوجود طﻻل .. واصدقائه زادوا الطين بله

رحت اعطي طﻻل الدخان .. ورجعت لبيت الشعر اقضي وقتي .. كنت دايخ وابي انام .. ومابي اطلع قبل ﻻ ينتهي موعد شغلي الساعه 10 .. قعدت ببيت الشعر اقلب بالتلفزيون واقاوم النوم .. دخل واحد من الشباب اللي كانوا يلعبون بلوت وناظرني بستغراب: انت وش تسوي هنا ؟؟

خالد: ما اسوي شي

قال: اقصد وش جابك هنا ؟

ابو طﻻل قالي خذ راحتك في المزرعة .. ومعطيني الحرية اقعد بأي مكان .. اﻻ اذا كان ابو طﻻل جايب حريمه وقتها اقعد برا .. لكن بما ان مافي حريم اقدر اخذ راحتي بالمزرعة

جيت برد عليه لكنه مانتظر مني اجابه على طول راح فتح كل الانوار وقال: يﻻ قوم بنقعد هنا

ثواني ودخلوا كل الشباب وكان معهم طبول وعود واضح انهم مجهزين "جلسة طرب" .. الحين فهمت وش الاشياء اللي طﻻل مايبي ابوه يدري عنها .. ﻻن ابو طﻻل متشدد .. وما يحب هذي الامور

جلسوا الشباب على شكل دائرة .. وانا وقفت بعيد اناظرهم .. بندر اللي هو صديق طﻻل المقرب كان هو رئيس الجلسة .. معاه العود وجالس يغني ويعزف بشاعرية .. والباقين كانوا يطبلون وبعضهم يصفقون ..

انا قعدت عند الدكه بعيد واناظرهم مبتسم .. بندر مشالله صوته حلوو .. ينفع يصير مغني .. وفنان في العزف على العود .. وكانوا كلهم مبسوطين منه ومن غناءه الحلو

جت الساعة 10 .. فرحت اخيرا بروح لبيتنا .. دخلت بيت الشعر عشان اخذ دفتر ديم .. وقبل ﻻ اطلع وقفني طﻻل: بتروح ؟

خالد: ايه بروح خلص دوامي

وقفوا غناء وقال طﻻل: ﻻ ﻻ اقعد محتاجينك

اﻻ قصدك تبي تكرفني .. رفعت حاجب: بس اهلي بعد محتاجيني .. "قلت بعفوية" واختي تبيني اجيب اغراض

فجأه التفتوا طﻻل وبندر وابتسموا لبعض .. قال بندر بضحكه: خالد عرفنا على اختك ومالك اﻻ طيبة الخاطر

قلت بعصبيه: وشوووو

ماتوا كل الشباب من الضحك على جملة بندر .. قال طﻻل بضحكه: ماعليك من بندر تراه يمزح

الله ياخذك ياوصخ انت وياااه .. ﻻبوكم ﻻبو من جمعكم ..

رحت واخذت الكيسة اللي فيها اغراض ديم بقهر وجيت بطلع بس سمعت طﻻل يقول: خالد دقيقه .. روح سو شيشه لبندر ثم اطلع

بعد هذا اللي ناقص ..قلت بعصبيه: اتوقع انتهى وقت شغلي .. وثاني شي ماعرف اسوي شيشه .. انا بطلع الحين

طلعت ورحت مشي لبيتنا اللي كان قريب شوي من هنا .. اووه نسيت اروح للمطعم اجيب اكل لديم .. خﻻص بخليها تاكل اي شي من البيت ﻻني تعبان و مقدر اروح

دخلت بيتنا .. لقيت امي كالعاده منسدحه على السرير .. و ديم تمشط شعرها قدام المراية

حبيت راس امي وجلست .. التفتت علي ديم: جبت لي الاغراض ؟

خالد: ايه .. بس ترا ماجبت اكل نسيت وماتذكرت اﻻ اخر شي

ديم: خﻻص عادي .. بسوي لي ساندويش جبن

قلت ببتسامة: احلى شي فيك انك قنوعة

ديم : تراني ساكتة لك بس عشان تشتريلي بآخر الشهر جوال .. وش ذا وصل عمري 18 وللحين ماعندي جوال
خالد: يصير خير .. بس قومي سويلي عشا معك

ديم: وانت بعد ماتعشيت ؟؟

خالد: ﻻ .. اليوم اخيس يوم مر علي في المزرعة

جلست ديم جنبي ومعها فرشة الشعر وقالت بستغراب: ليه وش صار ؟

قلت عن طﻻل .. وعن اللي صار لي مع اصدقاه في المزرعة .. وعاد هي تضامنا معي قامت تسب طﻻل وتقول عنه مغرور ومخيس .. مع بعض السبات البناتية اللي تعلمتها من صديقاتها .. هههه ياحليلها متحمسسه

ديم: كم عمره هو ؟

خالد: عمره 22 اكبر مني بسنتين .. واصدقاه بنفس عمره .. ويﻻ قومي سويلي عشا جوعان


قامت ديم للمطبخ .. وبعد 10 دقايق جابت صامولي بجبن .. وسوت شاي .. وجابت بسكوت شاي بعد .. جلسنا ناكل انا وياها وامي معنا .. وبعد ماخلصنا راحت ديم تعطي امي الدواء .. ورحت انا انام


والساعة 10 قمت من النوم .. تروشت ولبست ثوبي وطلعت للمزرعة .. شفت العمال كان عددهم 4 قاعدين ينظفون المزرعة .. قعدت اساعدهم ﻻن الشغل كثييير .. وماخلصنا اﻻ 2 الظهر .. طاح حيلي من كثر الشغل


الساعة 2 ونص .. انفتح باب المزرعة ودخل طﻻل وهو يكح .. اخيرا شرف الاخ ..كان سهران من اول ماجا من الرياض يعني من امس العصر الى الحييين ..

وقعد يصارخ : يا اهل البيييت .. ياللي هنااا

قربت منه باستغراب .. قال وهو يناظرني وهو دايخ: رح ناد ذاك اللي اسمه خالد

خالد: انا خالد .. سم وش بغيت

طﻻل: هااه !! .. كح كح .. رح ولع مكيف غرفتي بنام

ثواني .. واستوعبت ان طﻻل ماكان بوعيه .. او بالاصح سكران .. استغفر الله كرهته هالمرة صدق ..

مشيت عنه و دخلت غرفته .. اللي عرفتها من ابو طﻻل .. كانت الغرفة سيراميك وكلها بيضاا وبااارده .. كأني داخل ثﻻجة .. خصوصا مع اللون الابيض زاد التشبيه اكثر ..

والمكيف كان شغال الظاهر طﻻل نسى امس يطفيه .. دخل وراي طﻻل وريحته تسد النفس من الخمر .. انسدح على بطنه على السرير وترك المخده والبطانيه .. طفيت اللمبة و سكرت الباب وطلعت

ابد ماكنت اتوقع ولد ابو طﻻل يسوي كذا .. ابو طﻻل متدين وخلوق جدا .. رجل معروف بالدين وسمعته حسنه .. وهذا البزر بافعاله الشينة بيشوه سمعة ابوه .. الحين عرفت ليش كان ابوه يدعي له بالهداية والصﻻح

□■□


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 09-06-2014, 09:32 PM
صورة .|جرحني الشوق|. الرمزية
.|جرحني الشوق|. .|جرحني الشوق|. غير متصل
©؛°¨غرامي فعال ¨°؛©
 
الافتراضي رد: روايتي الثانية : ﻻ شفت الخيانة من اعز اصحابك غمض عينك وتذكرني


اتمنى تكون بداية خير ويعجبكم البارت ❤��
البارتات كل اثنين وخميس
ودي لكم ♡

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 09-06-2014, 09:34 PM
صورة .|جرحني الشوق|. الرمزية
.|جرحني الشوق|. .|جرحني الشوق|. غير متصل
©؛°¨غرامي فعال ¨°؛©
 
الافتراضي رد: روايتي الثانية : ﻻ شفت الخيانة من اعز اصحابك غمض عينك وتذكرني


اقتباس:
المشاركة الأساسية كتبها Kntferoo7ytsri مشاهدة المشاركة
ي الله نستناج
بسرعه بسرعه هههه
ان شاء الله بكون اول متابعه لج
اهلييين
عز الله بدايتي تبشر بالخير بطلتك ♡
تو مانورت الرواية ♡♡

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 09-06-2014, 10:25 PM
صورة غرام ورود m الرمزية
غرام ورود m غرام ورود m غير متصل
©؛°¨غرامي مشارك¨°؛©
 
الافتراضي رد: روايتي الثانية : ? شفت الخيانة من اعز اصحابك غمض عينك وتذكرني



سلام عيلكم

^ _ ^ أول تعليق بعد البارت ولي الشرف

الله يوفقك بهالطرح الجميل

أمممم
كرهت اللي اسمه طلال و بندر الحيوانين
بصراحه أمثالهم كثيره بين الشباب الله يهديهم

وخالد نادر وجوده و الله يعينه علي اللي بيجيه من هالعله و ربعه هذا وهو أول يوم إجل وش بيسوي طول الشهر

إحساسي يقول ديم تنتظرها مصائب من وري المقاريد وخصوصاً بندر الله يستر


متشوقه لشخصية تركي


انتظر
لي مداخله ثاني لا تطولين

"" غرام ورود ""



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 09-06-2014, 10:35 PM
صورة .|جرحني الشوق|. الرمزية
.|جرحني الشوق|. .|جرحني الشوق|. غير متصل
©؛°¨غرامي فعال ¨°؛©
 
الافتراضي رد: روايتي الثانية : ? شفت الخيانة من اعز اصحابك غمض عينك وتذكرني


اقتباس:
المشاركة الأساسية كتبها غرام ورود m مشاهدة المشاركة

سلام عيلكم

^ _ ^ أول تعليق بعد البارت ولي الشرف

الله يوفقك بهالطرح الجميل

أمممم
كرهت اللي اسمه طلال و بندر الحيوانين
بصراحه أمثالهم كثيره بين الشباب الله يهديهم

وخالد نادر وجوده و الله يعينه علي اللي بيجيه من هالعله و ربعه هذا وهو أول يوم إجل وش بيسوي طول الشهر

إحساسي يقول ديم تنتظرها مصائب من وري المقاريد وخصوصاً بندر الله يستر


متشوقه لشخصية تركي


انتظر
لي مداخله ثاني لا تطولين

"" غرام ورود ""

وعليكم السلام
هﻻ قلبي تو مانورت الرواية ♡
تسلمين على الرد الحلو والتوقعات الممتازة ♡
وهذا احلى رد جاني للآن > ههههههه لسى بالبداية انا
اتمنى تكونين متابعه للرواية ♡ ودي لك يا قمر

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 10-06-2014, 05:30 AM
رضينا بالهم رضينا بالهم غير متصل
©؛°¨غرامي جديد¨°؛©
 
الافتراضي رد: روايتي الثانية : ﻻ شفت الخيانة من اعز اصحابك غمض عينك وتذكرني


صبآح الخير

واخييييييييييييرا نزلتي روايه

ابدعتي ياجميله

لاتطولين عليناا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 10-06-2014, 06:28 AM
صورة رنوشة~ الرمزية
رنوشة~ رنوشة~ غير متصل
©؛°¨غرامي مشارك¨°؛©
 
الافتراضي رد: روايتي الثانية : ﻻ شفت الخيانة من اعز اصحابك غمض عينك وتذكرني


قبل ما اقرا البارت ودي اقولك شووووووووووووووووووووكراً لانك علمتيني لاني بصراحه اعجبني اسلوبك بروايتك الاولى كان قمه بالجمال وازين شئ ان ما تتكلم عن الحب وانها تتكلم عن الصداقه روايتك الاولى الصراحه قريتها ثلاث مرات من كثر ما اعجبتني وسجليني من متابعين روايتك هاذي صح اني لسى ما قريت البارت بس متاكده مليون بالميه انها بتطلع جميله نفس روايتك الاولى

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 10-06-2014, 06:38 AM
م ـسك م ـسك غير متصل
©؛°¨غرامي جديد¨°؛©
 
الافتراضي رد: روايتي الثانية : ﻻ شفت الخيانة من اعز اصحابك غمض عينك وتذكرني


صباح الخيرات

واضح ان الروايه راح تكون جميله
مع اني ما قرأت البارت بس شفت الردود و عرفت مبدأيا إ إنها عن الصداقه ومدري يمكن فيها جوانب ثانيه المهم
حسيت إنها دخلت مزاجي بس ماراح أقراها الحين إلا يوم تكملينها و بحطها بالمفضله
موفقه حبيبتي :)

روايتي الثانية : ﻻ شفت الخيانة من اعز اصحابك غمض عينك وتذكرني

الوسوم
ﻻ شفت ، اعز ، خيانة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية آذان مثقوبه لنيشان الخطوبة / بقلمي،كاملة ترجيه شذر روايات كامله - يتم نقل الرواية هنا بعد اكتمالها 73 24-03-2014 11:48 PM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
روايتي الثانية : صدمة شعوري بالبشر ماهي غريبة بس الغريبه ليش أنا ماتعلمت Cry,LIES أرشيف الروايات المغلقة - لعدم إكتمالها 83 03-01-2013 01:19 AM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2127 08-11-2010 01:09 AM
هلال تحول الى فانووووس! U Think U Know Me كووره عربية 45 13-09-2006 04:05 PM

الساعة الآن +3: 07:46 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1