عرض نتائج التصويت: هل اعجبتكم الرواية؟
امممم لم تحز اهتمامي وبرأايي فاشلة
20.00%
1
لا لم تعجبني
0%
0
انها متوسطة الاعجاب
0%
0
غير مفهومة ولكن جميلة
0%
0
رواية رائعة وجميلة جدا وقد حازت على اهتمامي
80.00%
4
hanenanajdy ©؛°¨غرامي جديد¨°؛©

السلام عليكم ورحمة الله وبركاته انا عضوة جديدة في المنتدى وهاذي اول رواية لي:
التعريف باأبرز الشخصيات:
عائلة ابو شوق:
احمد (ابو شوق) عصبي مرة ويتنرفز بسهولة ويضرب كثير ، انسان ذكي بس احيانًا يختار اشياء غبية عنده 7 اولاد : 3 اولاد و4 بنات ومتزوج ثنتين امل ودرية وعنده بيتين لكل زوجة واولادها.
امل ( ام شوق): حنونة مررة وتحب بناتها : شوق وسارة وتحب ابنها عبدالرحمن اللي من اب ثاني غير ابو شوق.
شوق (البنت الاكبر) : عمرها 14س تحب تلعب وتحب الدراسة ذكية ومحبوبة طيوبة بس في وقت الجد تعصب احيانا وتقدر تاخذ حقها عن اللزوم وتحب تساعد الناس .
سارا(الاخت الاصغر): عمرها 12س اصغر من شوق بسنة ونص طيبة مرة بس احيانا تكون شريرة تكره اختها شوق شوي وماتعرف تتصرف بمواقف صعبة .
عبدالرحمن (اخ اكبر من شوق وسارة ) بس من اب ثاني هو يحب خواته وخواته يحبونه مرة اهو طيب وحنون ومايفكر غير في مصلحتهم ومن ثم مصلحته ويدافع عنهم ضد ابوهم (وابوه مبهدله.)
الرواية:
البارت الاول:
شوق : يما بسرعة صحي سارة قبل مانتاخر عن المدرسة:
ام شوق : طيب طيب
سارة : اففف وطو صوتكم ابي اناممممم
شوق: انتي يالكسلانة يلا قومي وخلصينا بنتاخر الساعة ستة وخمس يلا
سارة : نطت من السرير وقالت : اوف طيب طيب خلص فهمنا يارب منك انتي ودراستك يالدافورة *_*
شوق : يما روحي صحي ابوي يلا بنتاخر يلا
ام شوق: طيب طيب روح اصحيه بس انتي البسي عباتك عشان مايعصب عليكي
شوق : حاضر حاضر بس يلا
ام شوق راحت لغرفتها وقالت له: احمد يلا قوم اصحى وودي البنات على المدرسة.
ابو شوق: طيب طيب بس خمس دقايق خخخخخخخخخخخخ
ام شوق : وش خمس دقايق الساعة ست وربع الطابور بيبدأ
ابو شوق: طيب طيب يلا بقوم
قام ابو شوق ودخل الحمام غسل وجهه وطلع لبس ثوبه وقال يلا انا بطلع بصوت عالي ، فزت شوق وقامت تجري عالسيارة وراحت اختها سارة طلعت وراها تجري ودفتها وقدمت عليها وطبعا كل هذا عشان تركب قدام. راحت شوق نزلت من الدرج بكل عفوية وبطء وفتحت الباب حق البيت بعد ماسكرته في وجهها اختها سارة.
اتمنى تعجبكم المقدمة واود ان انال اعجابكم وارائكم حول الرواية وتقييمكم.
وشكرا...

غرام ورود m ©؛°¨غرامي مشارك¨°؛©


سلام عليكم حبابه
الله يوفقك بالبدائه الجديده
عندي ملاحظتين
علشان تستفدين منها مستقبلاً
الأول
أنا أحبذ التعريف عن الأشخاص يكون من مرتبط مع الاحدث علشان نقدر نميز شخصيته من باقي الشخصيات
الثاني
البارت جداً قصير أقل ما يسمي مشهد مو بارت

الله يوفقك فيها و تنجحين
إذا نزل بارت أرسليه علي بروفالي
و لي مداخله ثانيه

"غرام ورود"

hanenanajdy ©؛°¨غرامي جديد¨°؛©

السلام عليكمم...

سلام عليكم حبابه
الله يوفقك بالبدائه الجديده
عندي ملاحظتين
علشان تستفدين منها مستقبلاً
الأول
أنا أحبذ التعريف عن الأشخاص يكون من مرتبط مع الاحدث علشان نقدر نميز شخصيته من باقي الشخصيات
الثاني
البارت جداً قصير أقل ما يسمي مشهد مو بارت

الله يوفقك فيها و تنجحين
إذا نزل بارت أرسليه علي بروفالي
و لي مداخله ثانيه

"غرام ورود"




اشكرك اخت غرام ورود على الرد وانا انشاء الله بطول البارت الجاي وشكرا عالنصيحة والتعليق

قلم مجهول ©؛°¨غرامي جديد¨°؛©

بداية موفقة
البارت جدا قصير .. واسلوبك حلو
عبد الرحمن راح تكون له بطولة في الرواية؟؟
احساسي يقول انه له دور مهم بالرواية والله تعالى اعلم ^_^

hanenanajdy ©؛°¨غرامي جديد¨°؛©

بداية موفقة
البارت جدا قصير .. واسلوبك حلو
عبد الرحمن راح تكون له بطولة في الرواية؟؟
احساسي يقول انه له دور مهم بالرواية والله تعالى اعلم ^_^
اختي قلم مجهول اشكرك عالرد الرائع وانا برسل انشاء الله البارت الثاني اطول
وبالنسبة لسؤالك عن عبد الرحمن فنعم له دور ودور محزن جدا
وشكرا على ردك

hanenanajdy ©؛°¨غرامي جديد¨°؛©

بداية موفقة
البارت جدا قصير .. واسلوبك حلو
عبد الرحمن راح تكون له بطولة في الرواية؟؟
احساسي يقول انه له دور مهم بالرواية والله تعالى اعلم ^_^
اختي قلم مجهول اشكرك عالرد الرائع وانا برسل انشاء الله البارت الثاني اطول
وبالنسبة لسؤالك عن عبد الرحمن فنعم له دور ودور محزن جدا
وشكرا على ردك

hanenanajdy ©؛°¨غرامي جديد¨°؛©


البارت الثاني:

السيارة كانت هادية لين ماجت سيارة وفيها شباب يدرسون في مدرسة جمب مدرسة شوق وسارا
شوق حاولت ماتناظر السيارة بس في حركات بداخلها تلفتها للنظر فجلست شوق تناظر واول ماحطت عينها عالسيارة فتحت الاشارة وسيارة الشباب عدة قدام سيارتهم طبعا ابو شو ق عصب مرة وقعد يشتم ويبهدل، وصلت شوق للمدرسة على قولتها ( بامان وسلام) وهي تطلع على الدرج حق المدخل ، قبل ماتدخل قال لها البواب: هييي انتي يلا داخل خلصينا
شوق: وانت ايش دخلك قلة ادب ترا بشتكي عليك
البواب : انا اللي بقول لابوكي
شوق بخوف : اييييه عادي قولة واصلا بتكون مطرود من هنا وراحت
لما دخلت كان في شلة بنات شايفين نفسهم جالسات عالباب وحاطين رجولهم مسكرين الطريق

فقالت شوق: لوسمحتي انتي وياها شيلو رجولكم ابي اعدي
البنات : لا ماراح نعديكي
شوق : ابلللللللللللللة
البنات : خلص خلص عدي الله ياخذك
شوق وبصوت عالي : ايه ماتيجون الا بالعين الحمرا:
جات بنت تجري عليها وتحضنها وتقلها ها بشري انشاء الله ما عصب عليكي ذاك الغبي ههههههه
شوق: هههههههه مريم من جد بلا استهبال هذا رجال راعي مشاكل وضرب خليه بحاله لو يطردونه بس :: وضغطت على لسانها من القهر
وقالت :
شوق : تخيلي وانا طالعة عالدرج يستعجلني كاني بزرة عنده افففففففف الله ياخذه
جت بيان البنت اللي شوق تكرهها من كل اعماق قلبها وكان نفسها تنصب لها فخ عشان تنتقم منها عاللي سوته لها من بهدلة ...
اضطرت شوق تجامل وتكذب على بيان وتعمل نفسها زميلتها
عشان ما تحطها بيان في موقف محرج قدام المدرسة كلها !!
سلمت عليها أي كلام وسلمت على صحباتها بحضن و ضحك وسحبت عليها
بيان صارت مثل النار من القهر وقعدت تلقح كلام ومريم تضحك معها مجاملة ، المهم شوق سحبت عليهم وراحت تحط شنطتها في الطابورر وهي تحط شنطتها شافت ذيك الشلة اللي تحس انها شلة اولاد مو بنات والمشكلة انهم كلهك قمرررات كل ما وحدة تجي عينها لجهتها تنزل شوق راسها وتسوي حركات ثانية تشغلها عالعيون الحلوة،، المهم شوق اتوترت وبدت تشلح عبايتها وتشيل غطوتها عن رقبتها اللي دايم تعلق فيها وصارت تتأفأف لين ماخلعت هالغطوة المتعلقة برقبتها ، في هاللحظة جت نورة صديقة شوق المقربة لها بس احيانا شوق تحس انها تبي تقتلها وتكرهها مؤقتا ،، جت وقربة نورة على شوق وسلمت عليها وحظنو بعض وقالت شوق لنوره ها كيفك اليوم ردت عليها نوره: كويسة بس احس الدنيا مللل.
قالت شوق : ومين سامعك وانا مثلك والمدرسة كلها
قالت لها نورة : اقول خليكي بس من هالسيرة هالحين وش بنسوي في سالفة الاختبارات المقرفة ؟؟
شوق: والله مادري بس نتوكل على الله
نورة ايه وانتي الصادقة وفجاة تررررررررررررررررررررررررررررررن رن جرس المدرسة المزعج الكئيب اللي يفقع طبلة الاذن
فزعت شوق من الصوت وقالت يمه وش هالرعب احس قلبي بيوقف وصارت تضحك عليها نورة
شوق : ياخي في كوريا الجرس حقهم موسيقى هادية مو مثلنا قنبلة نووية واقعة من السما
ضحكت نورة بصوت اعلى فاجتمعو البنات عندها من صوتها يبون يعرفون السالفة فقالت لهم نورة القصة المضحكة وصارو البنات يضحكون مررة وشوق متنرفزة من اول ماشافت بيان الفتاة اللي برأيي شوق ونصف بنات الفصل ( الفتاة العنيفة المقهورة) واللي قطع حبل افكار شوق ببيان وانتقاماتها صوت ابلة شريفة ا.(الاستاذة الحلوة بس مغرورة واسلوبها صارم مرة مع البنات ) يلا يابنات عالطوابير خلصونا يلا انتي وياها بلا استهبال وضحك وكانت تشاور باصبعها على جميع فصل 2/أ اللي شوق فيه فقالو البنات طيب طيب يا استاذة ومن وراها الله يقلعها وش تبي هاذي مثل الثور الهايج افففففففف
وبدو الابلات يخرجون من الباب حق غرفة المعلمات وبدو يقولون يلا يابنات الفاتحة والنشيد الوطني :
البنات : اعوذ بالله من الشيطان الرجيم بسم الله الرحمن الرحيم الحمدلله رب العالمين ...
وبعد ماخلصو الابلات عيدوها مرة ثانية ياقلات الحيا هاذا قران ارجعو اقراوه
البنات ليش ياابلة .؟؟
الابلات عشان مو كلكم تقرأوون ومو نفس التلاوة يلا عيدو
شوق :اففف من هالابلة اللي سمعها يقول مطوعة )البنات انفجرو ضحك لين ماعطتهم الابلة نظرة حادة تعلمهم انهم لازم يسكتون
الابلات يلا خلصونا
البنات:اعوذ بالله من الشيطان الرجيم بسم الله الرحمن الرحيم الحمدلله رب العالمين ...
البنات : سارعي للمجد والعلياء...
المديرة : يلا فوققققق بسرعة
ولما جا يطلع فصل 3 متوسط وقفوهم الابلات عشان التفتيش لانو كان اكثر فصل مليان مخالفات في المدرسة
شوق : ودي افهم هالاداريات وش يسووون يعني حبكت الحين يفتشون واحنا بالطوابير والجو مرة حررررر اففففففف
نورة : اقول ارحمينا مو انتي تحبيين الاداريات وش اللي غير الاحوال
شوق: لا تكوني تصدقين ذيك المرة هههههههههه لاياعمري انا اجاملهم بس ما ابيهم ينشبون
نورة طيب اسكتي اسكتي ما نبيهم ينتبهون
شوق :..........
المديرة بصوت واطي : ابلة سلمى احنا لازم نرتب احوالنا اليوم عشان بكرا بتيجينا موجهة من الوزارة يعني قولي للاستاذات ينبهو البنات
الادارية سلمى: حاضر والحين بعلمهم
المديرة : طيب يلا طلعو البنات وش ذا التفتيش اللي له 3 دقايق البنات خاسو وطلعت ريحتهم من الحر
الادارية سلمى: الحين بنطلعهم
شوق تهز بيدها نورة عشان تنتبه لها
نورة : ها وش بغيتي ؟؟
شوق سمعتي ؟؟
نورة: سمعت وش؟؟
شوق المحاد.....
وقطع كلام شوق صوت ابلة سلمى ( الادارية ): يلا يا ابلة لطيفة طلعيهم هالبنات وانتو يالمخالفات بوريكم شغلكم
وطلعو البنات لين ما فضت الساحة الا من البنات المخالفات :
البنات : ابلة وش سوينا؟؟
المديرة: وش سويتو ياقلات الادب شوفو هالعلبة شوفو كلها اكسسوارات ومكياجات وين جايين انتو ها ؟؟ وين جايين ؟؟ حنا بمدرسة هنا ولازم تحترمو قوانينها. وبعدين انتو ماتبون تعقلون ؟ ليش كل هالبهدلة اللي تجيبونها لانفسكم؟؟ بس الواضح ماينفع معكم غير التعهدات
ابلة سلمى خذي البنات لفوق ودوري بهم عالفصول وبالمسطرة قدام البنات خليهم عظة وعبرة وبعدين كتبيهم تعهدين!
البنات: لا يا ابلة خلص خلص حرمنا
ابلة سلمى: اصص ولا كلمة هاذي 6 مرة تسووون كذا وتقولون نفس الكلام يلا قدامي يلا
طلعو الابلات لفوق ومعهم المخالفات ودارو بهم عالفصول وعند كل فصل تنضرب البنت 6 ضربات وتتبهدل لين ما كتتبو اخر شي تعهدين
ورجعو البنات لفصولهم
هديل من عند الباب: هههههههههههه وش هالهبل قال ضربونا وكتبونا تعهدات على اساس بنحرم لو يموتون بكرا بجيب اكثر واكثر هههههههههه
شوق : انتي من جدك تجيبين البهدلة لنفسك ؟؟
هديل : وش دخلك انتي؟؟
شوق : والله منجد وش دخلني ؟؟ روحي مووتي بس بكرا بتندمين عاللي تسوينه
هديل: .......
راحت شوق جلست جمب نورة على طاولتها
شوق : انتي يالدبة : سمعتي الحوار اللي بين المديرة وابلة سلمى ؟؟؟؟
نورة : لاااااا
وقالت لها شوق السالفة لين مادخلت عالفصل ذيك البنت الحلوة ذات الشعبية للبنات والمعلمات صديقة شوق ونورة والاء اللي ماراح يفرقهم احد غير الحاقدين
تسنيم : هااااي بنات
الفصل : هايات
رقية : وعليكم السلام ورحمة الله .. اللي يدخل يسلم موه اي
تسنيم : هههههههههههه طيب اسفين
رقية اييه احسن كذا
شوق انتي يالحقيرة ليش ماتسلمين علي اول ماتدخلي؟؟
تسنيم : وش اسوي لك دوبني داخلة وهي اول حضن وبوسة
شوق : بعد ايش بس يلا مقبولة
تسنيم : هههههههه اه يالطيبة
نورة : وانا؟؟
تسنيم : طيب طيب بوسة وحظن
وقعدو البنات يسولفون ويسولفون واللي يقطع احاديثهم جرس المدرسة وطارت عليهم حصتين
وفي الحصة الثالثة شوق ما تطمنت وحست انه في ابلة جاية فانسحبت من الدائرة حقت السوالف
البنات : شوق اجلسي ليش قمتي؟؟
شوق تناظرهم بحذر وتتطلع عالباب وتقلهم
شوق: اسسسس بنات احس في استاذة جاية
البنات: ههههههههه طيب يا محقق كونان تقدر تقول لنا مين هي كمان هههههههههههههه
شوق : شافت ظل احد جاي وصرخت بصوت عالي
شوق: بناااااااااااااااااااااااااااااااات بسرعة ظبطو حالكم في استاذة جاية
تسنيم : ايه صح يلا بسرعة قومو
نورة جلست مكانها بسرعة ووقعت اغراضها اللي عالطاولة من الرعبة وشوق كانت قاعدة من الاول عالكرسي حقها ومظبطا امورها لانها هي كانت حاسة اما تسنيم فنطت على مكانها بنفس مدة دخول الاستاذة عليهم
ابلة لطيفة : هييييييييييي انتي ياتسنيم ليش تنطين كذا كأنك قرد؟
البنات: هههههههههههههههههههههههههههههههههههههههههههههههههه ههههههههههههههههههههههههههههه
تسنيم \ ابلة انتي خوفتينا
الابلة : ليش شايفتيني وحش قدامك
تسنيم: لا بس دخولك علينا مرعب
الابلة: طيب انا اوريكي المرعب
وصارت الابلة تجيب جمل اعرابية وتبي تسنيم تعربها كلها
البنات: خخخخخخخخخخخخخخخخخخخ الله يعينك
الابلة: بس بلا كلام يلا اعربي لنا يا ام الرعب
تسنيم: ايه ايييييييييييييييييه حرف مرفوع منصوب بالضمة على اخره
الابلة : اييييييييييييييييييييييش
في هاللحظة البنات كان بيغمى عليهم من الضحك من اعراباتها
الابلة : تسنيم انتي بتجيبيلي الجلطة .. لعلمك انا مكا راح اموت موتة طبيعية منك اه قلبي اااااااااااه
تسنيم : لا لا استهبل استهبل مبتدأ مرفوع وعلامة رفعه الضمة الظاهرة على اخره
الابلة : ااااااااااه واخيرا
ومسكت اذن تسنيم وصارت تمط فيها وتضربها
تسنييم: اييي ايييي يا ابلة خلص خلص حرمت
الابلة : طيب يلا ارجعي مكانك
ورجعت تسنيم والبنات ميتين ضحك عليها وكملو البنات الحصص لين ما خلص الدوام
خلصنا البارت الثاني .. اتمنى يعجبكم وينال اعجابكم وانا طولت البارت
واتمنى التقييم
بقلم: hanenanajdy
وشكرا ....

وهم بن رحم ©؛°¨غرامي مشارك¨°؛©

السلام عليكم.......صوت لت وعجبتني الرواية وايد

hanenanajdy ©؛°¨غرامي جديد¨°؛©

شكرا اختي وهم بن رحم عل مرورك الرائع والمتميز ويسعدني ان الرواية اعجبتك

hanenanajdy ©؛°¨غرامي جديد¨°؛©

البارت الثالث:
تسنيم : لا لا استهبل استهبل مبتدأ مرفوع وعلامة رفعه الضمة الظاهرة على اخره
الابلة : ااااااااااه واخيرا
ومسكت اذن تسنيم وصارت تمط فيها وتضربها
تسنييم: اييي ايييي يا ابلة خلص خلص حرمت
الابلة : طيب يلا ارجعي مكانك
ورجعت تسنيم والبنات ميتين ضحك عليها وكملو البنات الحصص لين ما خلص الدوام
نهاية الدوام اجتمعت شلة تسنيم (شوق –نورة- ميساء- الاء)وجلسو عالارض.
شوق :بصراحة ياتسنيم اعرابك روعة خخخخخخخخخ
نورة: ايه منجد خطير ومبتكر هههه
تسنيم: اصصصصص انتي وياها انا سويت كذا بس عشان اقهر الاستاذة
عشان تقولي مرة ثانية ياقردة
شوق: ياكرهي لها الاستاذة هي ومادة لغتي اففففف
نورة : ماعلينا من هالسيرة ،، اسمعو بنات وش صار امس مع شوق،،، يلا ايلا قولي متشوقة من امس
شوق: اييييييييييه والله امس حلمت فيه.
تسنيم: مين هو؟؟
شوق: واحد سعودي مكدش بس اشهد والله انه قمررر
نورة : اصصصصصصص بنات خليها تكمل وش صار امس
شوق : امس كنا بنروح على مول.................
وحنا بالدوار كان في تقاطع فالسيارات وقفت عشان ندور وعلى اخرة طلعتنا من الدوار دعس ليموزين البنزين وخبط سيارتنا من ورى وفجأة ابوي وقف ونزل يشوف السيارة وانا ماكنت مهتمة بالقصة ونايمة عالكرسي وعيني عالشباك وانا اناظر شفت ذاك الولد اللي كلمة قمررررر عليه قليلات وكان مكدش بس كدشه ناعم مو خشن المهم انا بلمت وصرت اناظره وماشلت عيني من عليه وهو كان يتكلم بالتلفونوبعدين انتبه علي وابتسم وانا بادلته الابتسامة....
الاء بمقاطعة: وشششششششش انتي ابتسمتي له؟؟؟ والله مانك بهينة ياشوق
نورة وتسنيم : الاء اصصصصصص خليها تكمل .

الاء: اسفين خلاص باكلكم يعني
تسنيم : والله شوقتينا يالحيوانة
نورة : ايه ايه كملي
شوق: وبعدين انا غمزت لأختي سارة اقولها..
شوق: شوفي ذاك المز ههههه
سارة: ايه حبيبتي شايفته قبليكي
شوق: طيب طيب........
ولما رجعت اناظره مالاقيته بس كأني سامعه طرف ثالث بين ابوي والسواق اللي انو بالسيارة من ورا
ولما ناظرت ورا لاقيته يتكلم مع ابوي وكان ابوي معصب وواصل حده مرة من اللي صار وكان السعودي يتكلم مع ابوي ويضحك ولما ناظرنا بالسيارة ضحكلي مرة ثانية وانا حسيت اني بموت من هالضحكة الحلوة،،، بعد شوي جت الشرطة وتكلم الشرطي مع ابوي والولد والسواق ودقايق ودخل ابوي السيارة :
ابو شوق: والله هالولد اللي كان واقف معنا رجال بجد،، وانا ابي اموت واتكلم معه اعرف هالشخصية الحلوة
ابوي: يقول للسواق طيب اعتذر والسواق يقوله في تأمين
امي: طيب وش بتسوي الحين؟؟؟
ابوي: ماراح اسوي له شي ولا حبلغ عليه انا ما حب اأذي االناس
نورة مقاطعة شوق: يالله خلي ابوكي يرحمنا بس قال ما احب اأذي احد
البنات:خخخخهههههههههههه أي منجد
شوق : احيانا يكون طيوب ،،،، خلص ابي اكمل
البنات : خلص خلص كملي
شوق : المهم ابوي مشى بالسيارة وانا ابي اشوفه ناظرت بالشباك وشفته اهو ابتسم وانا غمزت له
تسنيم: ياعيني ياعيني ناقص بس ترقمي
شوق : هههههههههههههههه لا بس عنجد حسيت اني ابي ارقمه
نورة : وش قلنا يابنات ماحد يقاطع
شوق: انتي اخر وحدة تتكلمي عن المقاطعة
تسنيم : طيب كملي
شوق /وبس
البنات : بس؟؟؟ هذا اللي صار؟
شوق: ايه بس هذا اللي صار
واللي قطع كلام البنات الحارس...
الحارس/ شوق احمد شوق احمد يلا يا شوق احمد
شوق : افففففففف من هالغبي هو وصوته
تسنيم : ايه وانتي الصادقة
نورة : طيب احد يقومني اسلم على شوشو
تسنيم: تطمني ماحد راح يقومك
شوق وهي تلبس عبايتها : يلا سلام بنات
نورة : طيب استني اقوم اسلم عليكي
شوق : يلا بسرعة اخلصي عليا
تسنيم وهي تقوم تجري تبي تسبق نورة عشان تبي تسلم على شوق : هاهاها سبقتك يادبة
وطلعت فجأة سارة من الباب..
سارة : يلا خلصي ابوي معصب حده
شوق : طيب طيب طالعين مو شايفتني البس؟؟
سارة : تلبسين ولا تستهبلين؟؟؟ يلا بس الكلام معك عقيم / انا طالعة
شوق: يلا اخلصو هالغبي يناهق
الحارس:شوق احمد يلا ياشوق احمد اخلصي
شوق : سامعين هالبزر اففففففففففففف الله يعينننا
تسنيم: اييه ايييه والله الله يعينك على الحارس واختك وابوكي
شوق : أي والله
نورة والاء يحضنو شوق: يلا بااااااااااااااااي كلمينا اليوم عالجروب
شوق : انشاء الله ،، يلا سلام
وطلعت شوق برا وشافها الحارس
الحارس: انتي شوق احمد؟؟
شوق:................
الحارس: رديييي
شوق:.................
ومشت شوق وكأنها مو سامعته وشافت ابوها
شوق هلا يبى يلا مشينا
ابو شوق: ليشت اتأخرتي اختك طلعت قبلك كالعادة
شوق: كنت البس عبايتي
ابو شوق متوجه لسيارته: واللي تلبس عباتها تجلس نص ساعة تلبسها ؟؟
شوق: لا بس كله من الغطوة
ابو شوق: طيب اركبي بس
شوق فتحت باب السيارة وركبت
سارة : يبا انا مليت وقرفت كل يوم اطلع الساعة 11 واستنى شوق ساعة يعني ماينفع كذا وفي الاخر تقعد تسلم على صديقاتها ساعتين
ابو شوق: صحيح هالكلام شوق؟؟؟ كنتي تسلمين على صديقاتك؟؟
سارة : ايه وربي قبل ماتطلع قاعدة تسلم عليهم وتحكي
شوق: لا مو صحيح يبا سارة تكذب
ابو شوق : شكلي باخذ سارة والساعة 1 باخذك ياشوق
سارة : ايه ايه يا يبا فكنا الله يخليك
شوق: لا يا يبى والله اخيس من الحر بعدين
ابو شوق: طيب وش الحل؟؟
شوق: خلاص بعسكر عند باب المدرسة
ابو شوق: هههه بس بلا هبال بتطلعي قبل اختك فاهمة؟؟
شوق: يعني استئذن من حصتي؟؟
ابو شوق : لأ بس قصدي انك اول ماتنزلي من درجك تطلعين على طول عالسيارة
سارة : اييه ايييه يايبا هالنظام احسن!!
شوق : لا يا يبا ودي اجلس مع صديقاتي
ابو شوق: بلا صديقات بلا هبل ،، كلامي واضح هالنظام بنمشي عليه
شوق: طيب طيب خلاص
سارة تبوس راس ابوها: شكرا يايبا ريحتنى
شوق في نفسها : الله ياخذك ياسارة انا اوريك
وعم الهدوء المكان لين ماوصل ابوشوق للبيت ووقف السيارة
سارة : افتحو الباب ، شوق ياكيس الجوافة افتحي الباب
شوق: .............
وفتحت شوق الباب من نفس القفل وسحبته لبرا وفتحت الباب بدونن ماتضغط على مفتاح فتح القفل لكل ابواب السيارة
ابو شوق: أي والله كيس جوافة
وفتح الباب لسارة
شوق وقفت قدام باب البيت تستنى ابوها يفتحه،،،،،، وفجأة جات سارة وقدمت على شوق ((نفس حركاتها كل يوم))
دخلت سارة وبعدين ابوهم واخر شي شوق
شوق: يبا سارة قليلة الادب شوف حل معها تقدم علي وتدوس على رجلي كل مرة
ابو شوق: مرة ثانية لاتقولي على اختك قليلة ادب
سارة : يبا شوق دايما تشتمني
شوق تضرب كتف سارة وتقول : لا يا يبا كذابة كذابة
سسارة بصوت عالي: أي أي يبا تضربني
طلعت شوق عالدرج وبعديها اختها سارة ولما فتح ابوهم الباب ودخل وبعدين دخلو
طلعلهم اخوهم عبدالرحمن....
عبدالرحمن : مفاجئة
شوق وسارة : بسسسسسسسسسسم الله وش ذا الرعب
عبدالرحمن: حبيت اسويلكم مفاجئة
سارة ارتمت في حضن عبدالرحمن تصييييييح: وتقوله ليش ماتيجي تزورنا كثير
عبدالرحمن : وش اسوي والله ياحبيبتي مو بيدي كله بسبب الإمارة
شوق سكرت الباب وحضنته وسلمت عليه
ابو شوق : طيب يلا ادخلو عشان نتغدى
عبدالرحمن: ايه والله انا على لحم بطني من الصبح
ام شوق تحضن شوق وسارة : ها شوق بشري وش صار بموضوع اختبارك؟؟
شوق: بكرا اختبار العلوم ،، الاستاذة اجلته عشان البنات الغايبات
ام شوق: ايييه الله ينجحك
شوق وعبدالرحمن : امين
سارة : يما وش طبختي؟؟؟
ام شوق: طبخت كبسة دجاج
شوق: الله الله والله نفسي فيها
سارة : يما كل يوم كبسة كل يوم
عبدالرحمن: قولي الحمدلله
دخلت سارة الغرفة وهي معصبة ..
سارة : افففففففففففف متى اكل ماك؟؟
دخلت شوق تغير ملابسها وقالت,,,
شوق: وش فيك؟؟
سارة: ولاشي بس سويت كذا عشان اجلس على فلم زاك ايفرون
شوق: ياخي مامليتي منه؟؟
سارة: وليييه اموت منه تراه قمر
انتهى البارت الثالث اتمنى يعجبكم وابيكم تصوتولي عشان نقدر نكمل الرواية بالشكل اللي يعجبكم
اتمنى التعليق
رواية رنات قلبي
بقلم : hanenanajdy
وشكرا...

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1