غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 18-06-2014, 01:00 AM
صورة Shroq_AY@ الرمزية
Shroq_AY@ Shroq_AY@ غير متصل
©؛°¨غرامي مشارك¨°؛©
 
الافتراضي رواية أين صديقي ؟!/بقلمي؛كاملة


السلام عليكم ورحمة الله وبركاته
كيفكم اعضاء ومشرفين ومسؤولين منتدى غرام ؟ ان شاء الله الكل بصحة وعافية ...

روايتي .. أين صديقي ..
احتمال اول رواية واخر رواية لأني ما قيد حسيت بذا التعب
مدري ايش اللي خلاني اكتب رواية بس عشان يمكن احب القراءة والخيال , فقلت ليش ما اكتب رواية خيالية وتكون من تأليفي
نوع الرواية : خيالية , مغامرة وشوية اكشن ^^
تنقسم روايتي 4 او 5 ابواب الى الان
اتمنى تكون الرواية جميلة ويكون جميع عناصر التشويق والمتعة فيها ..
قراءة ممتعة ودمتم سالمين ..

ملاحظة :
* لا اسمح بنقل الرواية في اي منتدى او موقع او اي مكان اخر دون اذن سابق مني .
* الاسماء في الرواية لا اقصد بها اي شخص .
* جميع افكار هذه الرواية هي من تأليفي وليست مأخوذة من كتاب او الانترنت او من اي مكان اخر .
* اي تعليق او نصيحة اتقبلها منكم بصدر رحب .
* اي سؤال او استفسار شرفوني في حسابي على الانستقرام ( موجود في صفحتي الشخصية )



تعديل Shroq_AY@; بتاريخ 18-06-2014 الساعة 01:51 AM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 18-06-2014, 01:04 AM
صورة Shroq_AY@ الرمزية
Shroq_AY@ Shroq_AY@ غير متصل
©؛°¨غرامي مشارك¨°؛©
 
الافتراضي رد: رواية أين صديقي ؟!



مقدمة
- أمي انا بقوم انام مرررة تعباان من جد ما قيد حسيت بذا التعب وكمان هذي الاجازة قربت تخلص وانا لسا ما اتزوجت ( جملتي الاخيرة قلتها بمزاح واضح )
- شوف الولد يبغى الفكه هههههههه طيب قوم نام ارتاح
في هذا الوقت كنا قد انتقلنا الى بيتنا الجديد ونحن الان نرتب اغراضنا ....



الفصل الأول
( حي الصديق اللي له القلب يرتاح
طيبه يفوح وعادة الطيب فواح )

استيقظت من النوم دخلت الى دورة المياه واستحممت بالماء البارد
- افففف اكره المويه الباردة تقشعرني
ذهبت الى المطبخ لأحتسي قهوتي الساخنة في هذا الصباح الباكر قبل ان اذهب الى الجامعة تعودت ان اشرب كوب من القهوة بالحليب كل صباح , لبست الجينز الازرق السكيني

والقميص الأبيض واغلقت الازارير ومشطت شعري وتعطرت
نزلت الى سيارتي " المرسيدس " البانوراما وانتظرها لكي تحمى انتظرت عشر دقائق تقريبا , لبست النظارة الشمسية السوداء من الريبان ومشيت
وصلت الى الجامعة واستقبلني اصدقائي : منصور وثامر وصقر

****

^^ انا مؤيد في ال23 من عمري , اخر سنة لي في الجامعة تخصصي هندسة ميكانيكية , كنت وما زلت الاول على دفعتي , طويل واسمر البشرة عريض الكتفين وجسمي جسم رياضي

عيناي السوداوين وسعيتين وخشمي طويل ونحيف وفمي حاد الشكل , رسمي الشخصية مع من لا اعرفهم ومتفاهم ومضحك مع اصدقائي القريبين الثلاثة , انا وجميع اصدقائي في

جامعة الملك عبدالعزيز بجدة
عندما استقبلني اصدقائي ذهب كل واحد لمحاضرته وانا ومنصور ذهبنا الى محاضرتنا التي كانت في نفس الوقت وكان موضوع المحاضرة عن الالات وكيفية التعامل معها ....
مؤيد : اقلك منصور ياخي عجبتني محاضرة اليوم ايش رايك انت ؟
منصور : ايوه والله تخيل يكون عندنا رجل آلي نقدر نتحكم فيه زي ما نبغا ,, والله فلة
- يبغالنا نخترع كيف نسوي واحد زي روبوت جاما وطبعا نبغاه ذكي وزي ما احنا في عالم العصر الحديث !!
- صقر : هيا شفلك بدينا خيالات ورجال آليين وخرابيط كالعادة ...
مؤيد : ياخي انت ايش حارق دمك ؟ ليش دايما تحطمنا ؟ ( وابتسمت له ابتسامة سخرية )
صقر : ما عندكم هرجة غيرها يعني ؟ خلاص غلقت الهروج ؟ واحنا طيب عشان مو معاكم في نفس القسم تقومو تروحو تتكلمو ؟
ثامر : ايووووه يالله قوموا افرشوا بعض نشوف مين حيفوز
وانتهى النقاش بضحك واستهبالات ثامر ومنصور ...
عدت الى المنزل ورأيت والدتي الحبيبة في المطبخ تطبخ احسن الطعام ورائحة الطعام تفوح في المنزل
- السلااام عليكم , ماشاء الله يا امي ايش الطبخ هذا ريحة الاكل تجنن بس ليش ما تخلي الشغالة تساعدك ولا تسوي الاكل عنك ؟
وعليكم السلام ورحمة الله وبركاته , جيت يا مؤيد بس طفشت وقلت خليني اسوي الغدا اليوم , والشغالة اليوم بتروح اجازة فقلتلها خلاص خليها ترتاح وانا اكمل عنها اليوم ,ايوه

كيف يومك في الجامعة ؟ ان شاء الله كل شيء تمام ؟
- ايوه الحمدلله كل شيء تمام يا امي لا تخافي عليا مو انتي تعرفي مؤيد كيف سوبر مان
وضحكت امي بدورها وقالت : ماشاء الله الله يحميك يا ولدي ويحفظك

****

في هذا الصباح الباكر الجميل , لا اعلم مالذي يميز هذا الصباح عن باقي الايام ولكن احساسي الان انه صباح جميل وغريب نوعا ما ...
استحممت وشربت القهوة الساخنة كعادتي ولكن الآن اسمع اصوات غريبة !! ربما هي صراصير الليل ! في وقت تفكيري في هذا الامر ضحكت على مقولتي الاخيرة وذهب الصوت ...
وأنا خارج من البيت للذهاب الى الجامعة سمعت الصوت نفسه
اصوات اسمعها كأنها تستغيثني تناديني بإسمي احس بشعور الصوت بعيد ولكن لماذا امي لم تسمعه ؟
وصلت الى الجامعة ورأيت امامي منصور ومازلت اسمع الصوت نفسه يردد في اذني
- منصور , سامع هذا الصوت ؟
- ايت صوت ؟
- هذا كأنو احد يناديني
- لا مني سامع شيء
- من جد ؟!!
- ايوه
- شيء غريب والله
- ايش هو وايت صوت ايش بتقول انت
- ولا حاجة خلاص خيالي شكلو
- ههههههه امشي بس شكلو عقلك اتمسح من كثر المذاكرة
- ههههههه مشينا بس
في هذا الوقت جاء اصدقائي من بعيد : ثامر وصقر
صرخ ثامر من بعيد : ايييييش بتتكلمووو هااا شايفينكم تضحكو من ورانا ايش فيييه هااا ؟
ابتسمت على كلام ثامر وقلت له : كل مرة تحشر خشمك
ثامر : احترم الجبهة ياخي
ضحكنا جميعا وفي ظل ضحكتنا سمعت ذلك الصوت مجددا !

****

قبل ان انام وانا اراجع دروسي قطع مذاكرتي ذلك الصوت مجددا
- استغفر الله العظيم اعوذ بالله من الشيطان الرجيم
تعبت وانزعجت كثيرا من هذا الصوت وبدأت اخاف الآن ...
- مؤييد , مؤيد
- مين هنا ؟؟ ياخي مين انت ؟؟ خوفتني بجد ايش تبا مني وليش تناديني وكيف كل مكان اسمع صوتك ؟؟ قلي تبا حاجة ؟
- ...............
نظرت الى جوالي ( الايفون ) وارى رسالة مفاجئة لا اعلم من اين ظهرت فهي ليست بأي برنامج تواصلي اجتماعي ولا هي sms , فوجئت في البداية ولكن بسرعة قرأت الرسالة ,

كنت خائف ان تختفي فجأة ولا يمكنني ان اقرأها مجددا ...
ابتسمت ابتسامة خوف مخلوطة باندهاش عندما رأيت الكلام المكتوب داخل الرسالة ( اتود ان تكون صديقي ؟ ) !
نظرت الى الرسالة بدهشة عجيبة وكأني في حلم من الذي سيرسل الي هذا الكلام !!
ومن ثم جاءت رسالة نصية اخرى ...
- ( لا تخاف مني )
بالفعل احسست بخوف وبأن هناك احد يراقبني , كنت افكر ان ارد عليه ولكن لا يوجد فراغ اكتب فيه رسالة نصية !!
وفجأة طلع مكان فارغ والحروف بدأت بالطلوع لأكتب له !!
- يقرأ افكاري كمان !!
وبدأت اكتب وقلت له في رسالتي ..
- مين انت ؟ وانت اللي كنت تناديني طول هذاك الوقت صح ؟
رد علي في رسالة اخرى ...
- ايوه انا
- طيب ايش تبغا مني ؟ وليش تبغاني اكون صديقك ؟
- لأنك الوحيد اللي تقدر تسمعني وتكلمني مباشرة بس مو دحين ..
- ليش طيب مو دحين ؟
- فيه حدود لكلام البشر وكل حاجة في وقتها حلو
- إنت مو بشري !!

****
لم يأتيني رد تلك اللحظة وفجأة نمت نوم عمييق جدا تأخرت كثيرا واصبحت الساعة 3 صباحا بسبب ارهاقي وتعبي , استيقظت صباحا ومسكت جوالي اريد ان ارى الرسائل التي

بالأمس ولكن لا يوجد شيء !!
- شكلوو حلم !!
لم يأتيني الصوت ذلك اليوم , توقعته ان يرسل اي شيء لأتأكد انه ليس حلم ولكني لم ارى اي شيء
وقلت في نفسي
- خلاص اكيد حيرجع يكلمني مرة ثانية بس شكلو انشغل بأموره الخاصة
مرّ اسبوع على ذلك اليوم ومنذ ذلك اليوم وانا في الحقيقة افكر في الرسالة وفي كلامي معه ...
وبتّ اسأل نفسي :
- ايش يبغا مني ؟ , وليش قلي انو محد يسمعو ويقدر يكلمو غيري ؟ من جد محد قدر يسمع صوته لمن كان يناديني ذيك الفترة غيري ..... اسئلة كثيرة معلقة في ذهني ولكني

اوهمت نفسي التي تعلم انه ليس وهما بأنه وهم لا أكثر ...

بعد اسبوعين من تلك الليلة عاد ذلك الصوت مجددا في نصف الليل وهو يناديني ويقول :
- مؤيد !
رديت عليه سريعا وكأني اشتاق له
- مين انت ياخي شغلت بالي وتفكيري لمدة اسبوعين !
لم يهتم لكلامي الذي قلته
- اسمعني كويس , انا اصلا رجل آلي اتمثلت في صورة لجوالك الايفون عشان اكلمك وما تنفجع مني
- يعني دحين الايفون حقي هو انت ؟
- ايوه انا
- يعني من يوم ما اشتريت الجوال وهو كان انت ؟
- لا من يوم ما بدأت انت تسمع صوتي يناديك انا جيتك , وطول الفترة اللي راحت وانا ادور عليك ودحين لقيتك !
- ايش تقصد ؟!
- ولا شيء
- طيب دحين ايش تبغا مني ؟
- تسير صديقي
- وليش ايش معنى انا يعني ؟
- قلتلك من قبل عشنك الوحيد اللي تسمعني وتقدر تكلمني مباشرة وهذي قوة وموهبة مافي عند احد غيرك
لم افهم ما قاله ذلك الآلي ايش يعني قوة وموهبة ومافي عند احد غيري ....
- اسمع يا مؤيد انا اسمي آشيون روبوت وجهاز آلي وانا هو آلي جاما انا محد يشوفني او يتكلم معايا الا تقريبا 15% في العالم في هذا الكوكب بالذات عشان كذا اقلك من يوم ما

انت انولدت من قبل 23 سنة جاتنا رسالة على كوكبنا انو طفل من اهل الارض انولد يقدر يسمعنا ويكلمنا وبالعربي يقدر يساعدنا !
- طيب دحين ايش المطلوب مني ؟
- فيه عصابة تدور عليك لأنها اكتشفت اني جيت ادور عليك من قبل 23 سنة وتبغا تستغلني عن طريقك فهيا تبحث عنك اول شيء عشان منك حتقدر تكشفنا احنا وكوكب اجيمي
- كوكب اجيمي ؟
- هذا كوكب خارج من مجرتكم مجرة درب التبانة اللي هو كوكبي اللي جيت منه فيلو كل الاليين اللي زيي واحسن واقل مني
احسست بقشعريرة تسري في عروقي لماذا انا خائف الى هذه الدرجة !! فقلت بتوتر
- وليش العصابة ذي تبغا تعرف مكانك لذي الدرجة ؟
- تبغا توصل لكوكبنا وتستغل الاليين اللي هناك عشان كوكبكم يتطور على حساب الاليين اللي عندنا وتبغا كمان تبرز نفسها عشان تصير شركة عالمية عندكم
- اهاا , طيب دحين انت صرت تكلمني كيف تباني اساعدك يا آشيون ؟
في هذا الوقت دخلت امي غرفتي ..
- مؤيد حبيبي
- ايوه يا امي
- ايش بتسوي يا ولدي سامعتك سامعة صوتك وانت بتتكلم اخر الليل وباين انك بتتكلم في الجوال !
اربكتني امي بكلامها وخصوصا ان جوالي بجانبها بجانب الباب على الجدار في الشاحن يشحن
- ...... آآ لا بس كنت جالس اراجع مع نفسي هندسة تصميم الروبوت وتخيلت اني جالس اكلم روبوت حقيقي عشان احفظ بسرعة وكمان اصلا دحين ابا انام خلاص اتأخر الوقت ..
- اها طيب يا ولدي بس لا تتأخر في الحفظ وقوم ارتاح نام
- ان شاء الله ابشري يا امي
وخرجت امي وقلت في نفسي يارب سامحني على كذبتي ذي بس صراحة الحمدلله انها صدقت كذبتي السريعة ذي ...
مسكت جوالي الذي احضرته من جنب الشاحن لأرى إن كانت فيه رسالة من آشيون
بالفعل وجدت رسالة تقول :
- كويس وانفضحت من امك
كان كلامه اشبه باستخفاف وايضا سمعته فعرفت انه يمزح معي وقلت له بجملة ساخرة
- اضحك يعني يا ظريف
وضحكت معه بدوري
اخبرت آشيون اني اريد ان انام لأني متعب ولديّ اختبار غدا وقلت له بأن يتمنى لي حظا موفقا ...

****

استيقظت كالعادة واستحممت ومن ثم شربت قهوتي الساخنة وراجعت دروسي واستودعتها لله

عند اصدقائي في الجامعة لم يأت منصور فقد كان مريضا لم يخبرني اصدقائي بذلك , اوه كلا كلا لقد اخبروني ولكن انا الذي لم ارد على اتصالاتهم ليلة البارحة فقد كنت منشغلا بالكلام

مع آشيون
في الحقيقة انا لم اخبرهم لى حد الان عن آشيون لا اعلم لم ولكن لابد لي من ان اسأل آشيون عن ذلك هل اخبرهم ام لا ...
اقرب صديق بشري لي هو منصور كان يجب علي زيارته والاعتذار له لأني لم اذهب له ليلة البارحة وهو الآن في مستشفى سليمان فقيه في جدة لديه حمّى شديدة وارتفاع كبير في

درجة حرارته ...
في الحقيقة منصور مناعة جسمه جدا ضعيفة وجسمه يتقبل اغلب الامراض المنتشرة , وكان بسبب ذلك هو دائما مريض وفي حالة يرثى لها

^^ منصور : عمره 23 تخصصه مثل مؤيد هندسة ميكانيكية متوسط الطول ووسيم الوجه واسع العينين عسليتيين اسمر البشرة عنده سكسوكة وذقن خفيف , صوته رجولي جداب

وانيق يحب النظافة والترتيب والهدوء , متفهم لا يحب ان يحكم على الاخرين بدون ان يتأكد بنفسه وشخصيا حنون وطيب القلب لا يروق له الجنون والسخافة ولكن يحب المزح

اللطيف ولا يحب التعامل برسمية يعني هناك حدود .

- الحمدلله على السلامة يا منصور اجر وعافية , سامحني والله ما دريت انك في تعبان وانا عارف اني في زيارتي دي متأخر
- الله يسلمك يارب , كويس عارف نفسك , امزح انا عارف كمان انك تنام بدري وما قدرت تشوف الجوال الا بعد ما توصل الجامعة .

في جملته الاخيرة احسست بالذنب فقد كنت مستيقظا تلك الليلة ولكن لم ارد عليهم لأني كنت مشغولا بالحديث مع آشيون , ولكني وعدت نفسي بأني اذا كنت مستيقظا وسمعت

صوت الجوال بإذن الله سوف ارد عليه بالذات اذا كان منصورا ...
قبل ان آتي الى المستشفى احضرت معي من السوبر ماركت بعض الشوكلاتات والحلويات التي يحبها منصور لكي يسامحني على عدم مجيئي له ليلة البارحة
وعندما دخلت عنده رأيت عائلة منصور ام منصور واب منصور واخت منصور تدعى ميار عندما رأوني خرجوا من الغرفة وسمحوا لي بالدخول والجلوس معه ..
عائلة منصور تعلم جيدا انني الصديق المقرب لمنصور وانه هو الصديق الذي اطلق عليه * الروح بالروح * فمن الروضة ونحن معا الى هذه السن واهلي يعرفوا اهله ويزورون بعضهم

باستمرار ...
في الحقيقة منصور يعلم جيدا بأنني معجب بأخته الوحيدة ميار , لا اعلم كيف عرف بذلك ولكن اعتقد بأن اسلوبي واهتمامي الزائد بها اشعره بذلك ...

^^ ميار : 18 سنة ثالث ثانوي بيضاء البشرة , متوسطة الطول , شعرها ايضا متوسط الطول كيرلي خفيف اسود , تخفي جبهتها بقصتها الجميلة , عيناها خضراوتان تخفيها بارتدائها

نظارات طبية شفايفها وردية مائل الى الاحمر خشمها طويل حواجبها طويلة ونحيلة , ذكية ومثقفة عقلها اكبر من سنها وراقية مثل اخيها تحب الهدوء وتحب اخيها الوحيد منصور ,

قوية النفس يعتمد عليها في اصعب الاوقات صعبة المنال لا يروقها الكثير من جيلها , صديقاتها : اسيل وريم

****
جلست عند منصور قرابة الساعتين نتحدث ونأكل الشوكلاته والحلويات التي احضرتها
- متى قالولك حتخرج من المستشفى ؟
- احتمال بكرة او بعد بكرة اذا هدأت السخونة
- طيب انا حجي اخذك لمن تخرج
- ايش ناوي تعشيني ؟
- ايش ما تفكر الا في بطنك ؟ طيب ولا يهمك اتعافى بسرعة انت بس
ابتسم منصور ابتسامة انتصار وهو يقول
- ايوه خليك رجّال .

****

ذهبت اليوم لأخذ منصور فقد جلس في المشفى لمدة 3 ايام وحضر معي ثامر وصقر
^^ ثامر : عمره 23 تخصصه ادارة اعمال , صديق مؤيد ومنصور , ابيض البشرة طويل عريض الكتفين , ملامحه ملامح كورية , شعره .ر وناعم اسود اللون وخفيف الشعر , يحب

الطراز الجديد ويهتم بالموضة وبعالم السيارات , يحب الفلة والضحك , معاملاته ومشاكله وهمومه تكون صغيرة جدا بحجم سعادته .

^^ صقر : وما ادراك ما صقر , اعتقد بأنه قادم من المريخ , لا يروقه شيء يحب التحكم في كل اموره تخصصه اعلام , قمحي اللون طويل جدا , عيناه صغيرتان بلونها الذهبي , كدش

الشعر وكثيف , صوته جذاب يشبه صوت مغني راب , جسمه جسم رياضي ومثير , يحب الازعاج والغناء والسفر , لديه معجبين كثيرين من البنات والأولاد , صديق ثامر المقرب .

في السيارة :
- صقر : ما تحس يا ثامر اننا ملاقيف داخلين عرض ؟
- مؤيد : من يومكم ملاقيف نعمة انك عارف ( قلتها بمزحة )
- ثامر : ههههههههه احنا مع بعض يا نموت مع بعض يا نعيش مع بعض
- صقر : وقت المصلحة بس ههههههههههه
- ثامر : ايوه الهرجة فيها اكل
- مؤيد : فيه مشكلة مع بطونكم , الله اعلم
- صقر : ايوه طبعا اقلك اككككلللللل فيه احد ما يحب الاكل ؟
- مؤيد : استغفر الله بس
- صقر : على حسابك حتعشينا يا مؤيد صح ؟
- مؤيد : امري الى الله
- صقر : ههههههههههه يالله خلينا نفلسك دي المرة دام انو دورك
- ثامر : ايوه ما اوصيكم كلو كلكم لين ننبشم
- منصور : بشويش مات الولد ليش الكره ذا ؟
- صقر : عشنه يميزك عننا
- منصور : طبعا انا سبيشل
- صقر : اس لا نفكك حش انت كمان
- منصور : خلاص اجل خليني ساكت
ذهبت وتعشيت رغبة لهم واحتفاءً بخروج منصور من المستشفى ...

رجعت الى المنزل مرهقا جدا أريد فقط التسدح والتبطح على السرير فقط ولا اريد ان افعل اي شيء اخر , قطع عناء تعبي بعد ان تذكرت آشيون والذي لم اكلمه لمدة يومين متتاليين

, بسرعة مسكت جوالي لأكلمه ...
- آشيون ...
- ...............
- آشيون ؟؟؟
- هلا مؤيد
- معليش على سحبتي آخر يومين بس منصور كان في المستشفى وانشغلنا معاه انا والعيال
- ايوه عارف
- كيف عارف ؟
- مو انا دحين جوالك ؟
- يووووه ايوه صح البودي قارد حقي
( تبسمت قليلا عندما قلت اخر جملة كنت اريد الضحك مجاملة لآشيون ولكن بسبب تعبي وارهاقي لم استطع )


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 18-06-2014, 01:45 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: رواية أين صديقي ؟!


صباح الخير .. ياهلا فيك بغرام .. موفقة بطرحك .. بداية جميلة من ناحية الاسلوب وطريقة السرد والوصف فيها متقن

مع انو المحتوى غريب شوي وخيالي ... لكن فيها تشويق ومغامرات واكشن


القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 18-06-2014, 01:53 AM
صورة Shroq_AY@ الرمزية
Shroq_AY@ Shroq_AY@ غير متصل
©؛°¨غرامي مشارك¨°؛©
 
الافتراضي رد: رواية أين صديقي ؟!


صباح النور ..
شكرا على مرورك وردة الزيزفون ..
اسعدني تعليقك ,,
من قبل دخلت وقرأت القوانين وان احاول الالتزام بجميعها
يعطيكِ العافية وما قصرتِ ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 18-06-2014, 10:40 AM
صورة .|جرحني الشوق|. الرمزية
.|جرحني الشوق|. .|جرحني الشوق|. غير متصل
©؛°¨غرامي فعال ¨°؛©
 
الافتراضي رد: رواية أين صديقي ؟!/بقلمي


سلاام
كيفك ؟
ممم بارت جمييل جدا واسلوبك حلوو ومتقن
الرواية خشت مزااجي .. ابدعتي يا بططله
مؤيد حبيته �� شخصيته جميله جدا
مع ان القصة خياليه حبتين بس حلووه وغريبه �� استمرري
ايه صح اللهجه اللي بالرواية تخققق �� احب اللهجه هذي
وبس وحبيت اقولك استمرري لانك واضح انك مبدعه ومتمكنه من الكتابه مشالله
وياليت اذا نزتلي بارت ترسلينه لي ع الخاص
ويعطيك العافيه ��

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 18-06-2014, 11:36 PM
صورة Shroq_AY@ الرمزية
Shroq_AY@ Shroq_AY@ غير متصل
©؛°¨غرامي مشارك¨°؛©
 
الافتراضي رد: رواية أين صديقي ؟!/بقلمي


اقتباس:
المشاركة الأساسية كتبها .|جرحني الشوق|. مشاهدة المشاركة
سلاام
كيفك ؟
ممم بارت جمييل جدا واسلوبك حلوو ومتقن
الرواية خشت مزااجي .. ابدعتي يا بططله
مؤيد حبيته �� شخصيته جميله جدا
مع ان القصة خياليه حبتين بس حلووه وغريبه �� استمرري
ايه صح اللهجه اللي بالرواية تخققق �� احب اللهجه هذي
وبس وحبيت اقولك استمرري لانك واضح انك مبدعه ومتمكنه من الكتابه مشالله
وياليت اذا نزتلي بارت ترسلينه لي ع الخاص
ويعطيك العافيه ��
تغيير شوي بدال الواقعي كل الروايات والقصص واقعية
وحبي للخيال هذا سبب ثاني
كل الشكر لمرورك وقراءتك روايتي
بس بمناسبة اني ارسلك هو ع الخاص بما اني عضو جديد فما اقدر ارسل رسائل خاصة لأي احد
مو مشكلة انا الان بنزل البارت الثاني ^^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 19-06-2014, 12:30 AM
صورة Shroq_AY@ الرمزية
Shroq_AY@ Shroq_AY@ غير متصل
©؛°¨غرامي مشارك¨°؛©
 
الافتراضي رد: رواية أين صديقي ؟!/بقلمي



الفصل الثاني
( العقل لا يجدي من دون التحدي وروح المغامرة
هيا يا صديقي شاركني طريقي كي يصبح النجاح في المنال )

- آشيون
- هلا
- تعرف مين الناس للي تقدر تشوفك كمان ؟
- لا لسا ما اعرف مين
- طيب دحين بشوف هيئتك الحقيقية
- وليش يعني ؟
- نسيت انو تخصصي هندسة ميكانيكا ؟ يعني ابا اشوف شيء واقعي بدل الخيال اللي بيقولوه , الين دحين ما ورونا شيء حقيقي
- هههههههههههه
- لا من جد ابغا اشوف كيف انت مصنوع يمكن اسوي صديق ليا بعد ما تروح اجيمي ( الكوكب الذي جاء منه آشيون ) اخليه صديقي الآلي ..
- ترى تركيبي معقد لا تحسب انك من اول مرة راح تعرف كيف تصنعني , وكمان ازيدك انو انا مخلوق مش مصنوع زي الالآت اللي عندكم
- من جدك ؟
- ايوه
- طيب وريني شكلك رجل آلي
- يالله جهز نفسك وركزز
بسرعة كبيرة وفي اجزاء اقل من الثانية حتى انني لم اراه وعيناي مفضوحتان مفضوحتان من الدهشة والانبهار , تحول آشيون الذي كنت اعتقد ان طوله بطولي او اقصر مني , لم اتخيله متضخم هكذا , افجعني شكله المرعب ولونه الرمادي الداكن وعيناه السماويتان التي عندما يغضب آشيون تتحول من الزرقاء السماويه الى الحمراء يشبه لون الدم ...
قاطع آشيون تفكيري وقال :
- اشبك مصدوم كذا
( ابتسمت ابتسامة انبهار واعجاب لأن كل شكلي واضح ومفضوح من الدهشه )
- عملاق ماشاء الله , بس سريع يا رجّال خفّف شويه خليني اتعلم
- انا كذا طبيعي ما ينفع اتحكم بتحويلي اخليه بسرعة ولا بطيء ايش قالولك سيارة
- طيب تشوف ان ما اخترعت آشيون ثاني بنفسي
- لا تنسى كمان انو انا آلي , لا تقارن قدرات البشر بقدراتنا احنا الاليين ...
قالها اشيون بجدية كبيرة وبحدة بصوته الكبير الضخم المفجع ...
لم اهتم فلم اعد اخاف منه كما في البداية , انا فقط ذهلت عندما رأيته يتحول !!
- طيب يا عملاق قلي دحين
- ايش ؟
- قلتلي انو محد يقدر يشوفك غيري صح ؟
- ايوه
- يعني دحين لو مشيت معايا في السيارة ولا في الشارع وانت على هذي الهيئة عادي ؟
- ايوه بس ممكن تلاقي اي شخص قلتلك عليه من ال15% ذول يقدروا يشوفوني
- 15% في العالم , مستحيل يكونو كلهم هنا في جدة قول انا ويمكن واحد ثاني هنا ما اعتقد فيه اكثر من اثنين في جدة
- مدري بس مو مستحيل
- يالله كويس انا اصلا من يوم ما انولدت وانا عارف نفسي سبيشل
- ههههههههه
استاذنت آشيون اني اريد النوم واخبرته بأني غدا اريد الذهاب الى البحر عصرا وطلبت منه ان يأتي معي لكي نستنشق بعض الهواء الجميل , وافق على عرضي وذهبت للنوم ..

****

صباح هذا الويكند على الساعة 7 اتصل ثامر
- السلام عليكم , ايوه كنت عارف انك صاحي زي البومات
- وعليكم السلام , دوبي صحيت , خير ان شاء الله ؟
- اما كذا !! وليه صاحي ؟
- خلاص اقوم اصلي الفجر واذاكر واسوي اشغالي كلها في الصباح في الهدوء تعرفني ما احب الازعاج والقروشة
- اها لا لا احنا سهرانين
- مين احنا ؟
- انا والعيال منصور وصقر
- طيب فينكم انتو دحين ؟
- كل واحد في بيتو بس قاعدين نتكلم في البي بي ام
- اها طيب
- اسمع فاضي انت دحين صح ؟
- ايوه ليش ؟
- نبغا نخرج نروح البحر نسبح اليوم الجو حلو تجي ؟
- طيب تعال مر عليا انا سيارتي دحين بوديها الصيانة
- طيب انا امر عليك انت جهز نفسك وودي سيارتك وانا اخذك من عند البنشري , ايوه صح الورشة اللي جنب عبداللطيف جميل صح ؟
- ايوه صح
- طيب كويس يالله 10 دقايق واكون عندك
- طيب يا متهور قول ان شاء الله
- ان شاء الله ..

بعد ما اغلقت من المكالمة تذكرت فورا آشيون الذي وعدته بالأمس اننا سوف نذهب اليوم الى البحر , يالغبائي ! , لحسن الحظ ان منصور يمكنني ان اخبره عن هذا الأمر ...
- آشيون .... آشيون
- ايوه يا مزعج ما تقدر تخلي الناس تنام
- اقلك يالله اصحى حنخرج دحين
- نخرج ؟ اليوم اجازة فين نخرج من صباح رب العالمين
- رايحين البحر
- مو كأنك قلت حنروح في العصر ؟
- ايوه بس دحين انقلب الوضع وكمان العيال جايين
- منصور وثامر وصقر ؟
- ايوه
- طيب
- وكمان حقول لمنصور اليوم عنك
- اها طيب بس قلو لا يقول لأحد
- ما عليك منصور انسان يؤتمن عليه
- الله يخليكم ويحفظكم لبعض
- آمين يارب , اسمع دحين بنروح البنشري وهناك بحط سيارتي في الصيانه وبياخذنا ثامر من هناك
- طيب يالله قوم
- طيب

عند وصولي للبنشر بدقيقة نظرت بدهشة الى سيارة ثامر وهو ينتظرني
- مجنووون !! على كم كنت قاعد تسوق ؟؟!! 280 ؟
ضحك ثامر بجنون وقال
- قول ماشاء الله تبغا تموتني شكلك
- ماشاء الله , جعل يومي قبل يومك !!
- لا تخاف لا تخاف انا من يوم ما قلتلي انك جاي للبنشر انا كنت مار من هنا وابغى اشتري كم شيء فقلت خلاص استناك مرة وحدة
- اها طيب قول كذا
- يالله حط سيارتك وامشي
- وضعت سيارتي في الورشة وذهبت مع ثامر ومعي آشيون في جيبي
- جبت معاك سروال سباحة ؟
- لا ما ابغى اسبح
- ليش ؟ خلينا نفلها مع بعض
- نركب جت بوت احسن من السباحة الجو بارد ومحنا ناقصين نمرض
- انت شكلك طفشان من السباحة من كثر ما تسبح في النادي
- ما احب السباحة كثير , المهم فين الباقين ؟
- مشيوا من اول اظنهم وصلوا
- اها طيب لمن نوصل قلي ابا انسدح
- طيب

وصلنا الكورنيش وبالفعل وصل قبلنا منصور وصقر اتوا في سيارة واحدة في سيارة منصور
الوقت كان تقريبا 8 ونصف الصباح , الجو بارد والهواء عليل ورائحة البحر تفوح في الارجاء , والبحر لونه لون السماء السماوية ويلمع بأشعة الشمس , والامواج الهادئة التي تبدو ناعسة ترتطم بعض القطرات على وجهي وتملأؤني السعادة والبهجة كأني طفل يرى هذا المنظر لأول مرة , والنظافة تملأ المكان , وصوت الاطفال يلعبون والأهالي على الطاولات ينظرون الى اطفالهم , ما اجمل هذا الوقت
وكم تمنيت ان يكون المنظر هكذا كل يوم بدون ازعاجات المشاغبين الذين يلعبون في ممتلكات الاخرين , حقيقة لا افهم تصرفهم لماذا يحبون تدمير كل ما تفعله الحكومة من اجلهم ؟

اردت ان اتمدد فقط وافرش نفسي لهذه الرمال الذهبية وانظر لجمال السماء , يا سبحان الله !
- منصور : مؤيد !! مؤيد !!
- ثامر : خليه سيبو شكلو اول مرة يجي البحر
- مؤيد : ها ...!
- منصور : ههههههه صح النوم
- مؤيد : ياخي عاجبني المنظر
- صقر : شايفينك تتأمل عيونك قالتلنا كل حاجة
- مؤيد : ههههههههه يا علم نفس انت
- صقر : حتى انا من يوم ما وصلت مدري ليه على طول افتكرت امريكا
- منصور : يمكن عشان النظافة
- صقر : يمكن والله بس من جد سبحان الله
- ثامر : طيب يالله دحين بتسبحو ولا كيف ؟
- منصور : يالله امشو
- مؤيد : انا حستناكم ما راح اسبح معاكم
- ثامر : ايوه مؤيد ما يبغى يسبح
- منصور : طيب اللي يريحك بس ما راح نطول نص ساعة وخارجين
- مؤيد : انتو بس انتبهو لنفسكم لا تمرضو
- ثامر : ان شاء الله انت لا تفاول علينا بس
- صقر : ههههههههههه من جد
- مؤيد : لا انا بس انصحكم
- ثامر : طيب طيب يالله بس

دخل اصدقائي الى البحر وبدأو يسبحون , اما انا فجلست على كرسي قد احضرته من احد المطاعم المفتوحة التي بالجوار واخبرت البائع اني سوف اعيده لك بعد نصف ساعة ووافق
في هذا الوقت تحول آشيون من جوالي الى شكله الحقيقي وجلس بجانبي , في الحقيقة البحر كان مزدحم ومليئ بالناس فخفت ان يراه احدا ويكتشف امره , ولكني لم اخبره بذلك فهو احرص مني في هذا الشيء
ولكن ما اثار انتباهي ان هناك عائلة بجانبنا مكونة من ام واب وفتاتين شابتان في مقتبل العمر , لم يجذبني شيء سوى ان تلك الفتاة تنظر الى آشيون !! , انا متأكد انها تنظر اليه ...
- آشيون ... شوف هذيك البنت تطالع فيك
ادار آشيون وجهه وبالفعل وجد الفتاة تنظر اليه بدهشة , رجع آشيون الى جوال ودخل في جيبي
- مو البنت تطالع فيك ؟
- ايوه
- يعني هيا كمان تقدر تشوفك
- ايوه
- طيب ايش حسوي دحين ؟
- مدري خلينا نفكر بس دقيقة خليني اخذ صورة من شكلها عشان اقدر اتتبعها بعدين وقت ما نبغاها نلاقيها بسهولة
- طيب
توترت من تلك الفتاة ومن نظراتها وخفت ان تقول شيئا لا ينبغي عليها قوله ...
في ذلك الوقت صرخ ثامر قائلا :
- مؤيااااااااااااااد , مؤياااااااااااااااااد
احسست بشعور ان محد تفشل غيري واجبته من بعيد ولوحت له
- انا رايح خلينا بعدين نتقابل ثاني
- ثامر : والجت بوت ؟
- خليها وقت ثاني
- منصور : استناني لا تروح انا جاي معاك
نسيت اني قد جئت بسيارة ثامر وسيارتي في الورشة ووقت مناسب لكي اخبر منصور عن الامر
خرج منصور من البحر وذهبت معه بسيارته , اما ثامر وصقر اكملا سباحة في البحر وصقر سوف يرجع مع ثامر
- اسمع منصور ابغى اقلك حاجة
- قول يالحبيب لا تسوي تستأذن
اخبرت منصور على كل شيء بالتفصيل الممل منذ ان سمعت ذلك الصوت واخبرته اني اسمعه في الجامعة الى هذا الوقت في البحر وتلك الفتاة التي كانت تنظر الينا .....
انا اعرف ان منصور هادئ وحكيم في قراراته ولا يتخذ خطوة ولا يتكلم كلمة الا وهو يعرف ماذا يفعل وما هي النتائج
منصور اصابته الدهشة ولكن ليست تلك الدهشة القوية التي كنت اتوقعها لابد لأنه كان يسوق
- منصور : طيب يعني دحين ايش حتسوي مع هذيك البنت ؟
- والله مدري مني عارف انت ايش رايك ؟
- ما ادري بس لو تكلمها وتقلها عن الوضع حيكون احسن لك
- فكرت في ذا الشيء بس ما اعرف كيف اكلمها وايش حتكون ردة فعلها ويمكن ما تكون متفهمة
- خلاص فكر انت مزبوط وشوف اتخذ قرار بس لا تندم عليه بعدين
- طيب فكر معايا انت كمان
- افا عليك ما توصيني بس دحين مني قادر افكر حقيقي نعساااان ما نمت من امس وكمان سباحة جابتلي النوم اهم شيء عشان تفكر وتتخذ قرار او خطوة لازم تكون ماخذ قدر كافي من الراحة والنوم
- هههههههه باين عليك التعب خلاص روح ارتاح وبعدين لمن تصحى فكر وقلي ع البال ما افكر انا
وصلت الى الورشة اريد اخذ سيارتي وهناك ودعت منصور ورجعت الى البيت بسيارتي وانا افكر ولكن مثلما قال منصور الراحة اهم شيء عشان تقدر تفكر , لم اصدق نفسي انني من يوم ما وضعت نفسي على السرير نمت .........

****

في المغرب ......
استيقظت على صوت هاتفي يرن ... إنه منصور
رديت عليه
- الوو ( بصوت ناعس )
- يالله صباح خير ترى مغرب
- من جد !!!! ... الساعة 6 ... ايش اللي خلاني انام الين دحين
- ههههههههه انا اللي هو انا سبحت اليوم وما نمت زيك
- ايش اسوي مرة تعبت من كثر التفكير
- ياخي حيجيك الشيب من كثرة التفكير هدي نفسك
- من جد بحاول اني ما افكر بس ما اقدر
- طيب اسمع دحين جاتني فكرة
- ايش ؟
- مدري بس انا رأيي انك تروح تكلم البنت وتفهمها الوضع يعني احسن من انها تروح في داهية وتندم بعدين
- فكرت في ذا الشيء بس خايف من ردة فعلها
- خلاص انت سوي اللي عليك اهم شيء وسيب الباقي على الله
- من جد خلاص اقنعتني
- يالله شوف متى تقابلها ؟
- مدري دحين اشوف آشيون ع البال ما يدورها في اقرب فرصة
- طيب وطمني بعدين
- ولا يهمك انت اولهم
اغلقت الهاتف وذهبت لأكلم آشيون ....
- اشيون !! ...... اشيون ...
- هلااا
- خلاص قررت اني اروح اكلم البنت وافهمها وان شاء الله تطلع متفهمة
- طيب دحين اشفلك هيا فين دحين
- اوكي
اخذ منصور دقيقتين فقط ورجع الي
- لقيتها
- فين ؟
- دحين بعد العشا حتخرج تروح مجمع العرب للعشاء مع صديقاتها ميار وريم ...
- كيف ؟؟!!! ميار ؟؟!!
- ايوه ميار
- ميار اخت منصور ؟
- ايوه هيا
- لا مستحيييييييييل !! يعني دحين ميار صحبة اسيل اللي لها القدرة انو تقدر تشوفك زيي !
- ايوه
- طيب كيف حقابل اسيل ومعاها ميار ؟ وانت عارف اكيد يا اشيون انو قلبي يحب ميار !
- انت رايح تتزوجها ولا رايح تفهمها عن الوضع ؟
- بس يمكن تفهم غلط
- لا ميار انسانة عاقلة وفاهمة
- لا ما اقدر
- طيب خلي منصور يفهمها وضعك
- اخاف بعدين منصور يفهم غلط انو صاحبو اقرب شيء منو يحب اختو !
- ترى هو يدري انك معجب بأخته ميار
- كيف عرفت ؟
- اهتمامك الزايد بيها وابتسامتك وفرحتك لما تشوفها , مفضوح مفضوح يا مؤيد
- يوووووووه فشلة
- دحين قوم كلم منصور يفهم اخته وانت قوم استعد عشان تروح تفهم البنت اسيل
- طيب دحين بتصل
مسكت جوالي اريد الاتصال بمنصور ...
- الوو
- ايوه مؤيد
- لقيت البنت حتكون في مجمع العرب اليوم
- من جد ؟
- ايوه ليش ؟
- حتى ميار حتروح هناك مع صحباتها اليوم
- ايوه دريت
- كيف دريت ؟
- آشيون قلي انو هيا صحبة اسيل وريم
- لا من جدك !!!
- ايوه ودحين حتى هيا رايحة تقعد معاهم
- الله يعينك كيف حتتحمل كل ذول البنات هههههههه
- انت اكيد عارف اني معجب بميار
-اكيد وهل يخفي شيء على منصور
( ابتسمت ابتسامة خفيفة ) وقلت :
- مو زعلان مني ؟
- وليش ازعل بالعكس ليا الشرف انك تحب اختي الوحيدة واضمن سعادتها معاك
- ههههههه حبيبي والله , طيب تعرف انت ايش مشاعر ميار ليا ؟
- ايوه , معجبة فيك كمان
- من جد ؟
- ايوه والله تستاهل حبيبي رجال شهم وقوي زيك يعتمد عليه تستاهلك اختي
- احرجتني احرجتني
- ههههههههههه اس بس , المهم طيب ايش حتسوي اليوم ؟ كيف حتتكلم مع اسيل ومعاها البنات ؟
- انا ما يهمني اكلمها عادي بس انا خايف تفهم غلط ميار ! لأنو انت تعرفني انو انا مو حق دي الحركات بس خايف تفهم غلط
- لا تخاف انت تعرف ميار انسانة عاقله ومتفهمة
- بس برضو لازم اخذ احتياطاتي
-طيب ايش احتياطاتك ؟
- ابغاك تقول لميار كل شيء من الالف الى الياء
- من جدك يواد ؟
- ايوه من جد اشبك انا احب ميار ومابا اخسرها
- من جد قوة الحب مذهلة اذا انا ما قلتلي بسهولة
- ايوه ذي ميار يالحبيب مو اي وحدة ثانية
- ههههههههههه شففف وقدامي
- خلاص معليش بس في اقرب وقت ان شاء الله حتقدم لها , احجزلي هيا ما اوصيك
- بدون ما توصي ميار لك من دحين
- قول ان شاء الله
- ان شاء الله , الزواج قسمة ونصيب
- من جد
- طيب دحين من جد تبغاني اقلها خلاص ؟
- ايوه قلها انا واثق فيها ماراح تقول لأحد اكيد صح ؟
- ايوه دام انك تعرفها لذي الدرجة ليش تسألني ؟
- بس كذا ازيد تأكيدي تأكيدين
- هههههههههه
- خلاص ان شاء الله ابشر اقلها كل حاجة وانا اليوم حجي معاك عشان اشغلهم شوية ع البال ما انت تتكلم مع اسيل
- شكرا يالحبيب والله مدري ايش كنت حسوي بدونك
- ما بيننا شكر اشبك يا وحش ؟ انا اخوك سندك وعونك اي وقت تقدر تعتمد عليا زي ما تعتمد على ميار
- هههههههههههه حبيبي والله الله يسعدك
- يالله قوم انت يومك بسنة
- ههههههه طيب طيب ياللي تبغا الفكة دحين بقوم
- اشوفك ان شاء الله
- ان شاء الله , مع السلامة
- مع السلامة

^^ أسيل : برونزية البشرة , شعرها طويل بني فاتح , قصيرة القامة , خشمها حاد كالسيف , عيونها سوداء اللون , فوضوية تحب الازعاج ولكنها متفهمة وطيبة القلب , تحب ميار كثيرا لأنها الصديقة التي يعتمد عليها .

^^ ريم : من عائلة فقيرة , سمراء البشرة , طويلة القامة , شعرها قصير جدا مثل الأولاد لونه اسود , تحب ارتداء الكعب العالي في كل الاماكن رغم طولها الفارع , عيناها السوداوتين حادتين وواسعتين , خشمها كبير وشفايفها كبيرة تغطيها بلون الشفاه الاحمر , جشعة وطامعة مزعجة وحقودة , تحب الازعاج والدشرة تحب صديقتها اسيل لانها تستمع لها ولا تحب كثيرا ميار لأن ميار قوية ومثقفة وايضا نصوحة وهي لا تحب النصيحة

****

بعد العشاء ...
وصلت الى مجمع العرب , بعد وصولي بخمس دقائق وصل منصور واخته ميار ...
- اهلا ... دوبي كنت بتصل عليك
- اوقاتي جدا مناسبة
- ههههههه مرة في الوقت المناسب
- مؤيد : ميار كيف حالك ؟
- ميار : الحمدلله بخير , انت كيفك ؟
- مؤيد : الحمدلله , بس ابغى اسألك كيف هي اخلاق اسيل ؟ يعني متفهمة ؟
- ميار : ايوه مرة متفهمة
- مؤيد : لا تفهمي غلط وانتي اكيد عارفة انا ليش بكلمها وايش بقلها صح ؟
- ميار : ايوه منصور قلي
- مؤيد : كويس , شكرا منصور ( وابتسمت وغمزت لمنصور ) ابغاكي تساعديني عشان اتكلم معاها لوحدها احسن
ردّ عليّ منصور بابتسامته المعهودة !
- ميار : طيب اكيد ولا يهمك

دخلنا المجمع وتبعت انا ومنصور ميار لأنها هي التي تعرف اين يجلسا صديقاتها , وصلنا الى هناك ونظرت اسيل إلي بدهشة وانا برفقة ميار ....
- اسيل : ميار كيف ومين دا الولد ؟
- ميار : هذا مؤيد صاحب منصور
- اسيل بصوت خافت ولم اسمعه : هذا اللي انتي دايما تحكيني عنه !
- ميار : اسكتي بس فضحتيني , المهم دحين مؤيد يبغا يكلمك ...
- اسيل : يبغا يكلمني ؟!!
- مؤيد : ايوه ابغاكي شوية في هرجة اذا ممكن ..! ( وقلتها بكل ادب واحترام )
- اسيل : ممكن ما عندي مشكلة

جلست انا واسيل في طاولة قريبة من طاولة ميار وريم كفاية لأن لا تستطيع الاستماع لنا , ومنصور ذهب الى دورة المياه ...
- مؤيد : عارفة ليش بجي اكلمك ؟
- اسيل : يمكن عشان هذيك المرة في البحر ؟
- مؤيد : ايوه ماشاء الله عليكي اذكى من ما اتوقعت
وابتسمت اسيل هنا ابتسامة انتصار
- اسيل : فكرت كثير ابا اعرف ايش الهرجة اذا ممكن
- اكيد انتي ما قلتي لاحد انك شفتي هذا الالي صح ؟
- قلت بس لميار وريم
- مو مشكلة ميار بس ريم !
- لا ترى ريم بنت محترمة وما تقول لأحد
( كنت اتمنى ان اثق بكلامها ولكن لأنها تثق في ريم فيجب ان اصدقها واعطيها بعض الثقة )
- اها طيب مو مشكلة
- دحين اسمعي كل الحكاية انو بس لا تقولي لأي احد انك شفتي هذا الشيء
- وليش ؟
- لأن في عصابة تدور علينا انا وانتي
- عصابة .... تدور علينا ... ؟؟!
- عصابة تدور علينا لأن انا وانتي نقدر نتكلم مع هذولا الاليين ونسمعهم ونشوفهم وعن طريقنا نقدر نشكل لهم ثروة
- طيب ايش المشكلة ؟
- هيا العصابة دي تبغا تتوصل عن طريقنا للآليين وتبغا تسيطر على الكوكب اللي جاؤوا منه كوكب اجيمي وووو...................
اخبرتها عن كل شيء خافت اسيل كثيرا مما سمعت فطمأنتها وقلت لها :
- عادي ترى ما حيقدروا يسوو شيء ولا حيوصلوا لنا دام انك ما قلتي لأحد وبعدين هذي الخطوة الاولى اني جيت وقلتلك قبل ما يفوت الاوان
- طيب ودحين انت ايش حتسوي ؟
- ولا شيء بس خلاص انا اطمأنت دحين اني قلتلك وبس
- اها طيب خلاص دحين اقدر استأذنك ؟ صحباتي يستنوني
- ايوه اذنك معاكي ...
رجعت اسيل الى طاولة صديقتاها ميار وريم واخبرتهما بكل شيء حدث بيننا , علمت بذلك عن طريق ميار التي اخبرت منصور بكل شيء
نزلت تحت عند سيارتي ورافقني منصور
- مؤيد : الحمدلله ما كنت متوقع من اسيل انها متفهمة لذي الدرجة
- الحمدلله عدت الخطوة الاولى على خير
- من جد الحمدلله
- ايوه دحين ايش بتسوي
- خلاص ولا حاجة على امل انو محد يوصل شيء لهذي العصابة , الله يستر
- بس تصدق اني خايف من هذيك البنت ريم ! طول جلستك مع اسيل وهيا معطيتكم ذيك النظرات
- والله حتى انا ما ارتحت لهذيك البنت مع اني قلت لأسيل هذا الشيء بس قالتلي انها واثقة في صحبتها ريم فقلتلها خلاص دام انك واثقة فيها يعني ان شاء الله تكون قد الثقة بس
- يالله من جد الله يستر

وفي طريقي الى البيت .... تحول اشيون الى هيئته الحقيقية وجلس بجانبي ...
- مؤيد : الحمدلله عدت على خير
- آشيون : من جد الحمدلله
وصلت الى البيت ومسكت بعض كتبي اراجعها سريعا , وفي عز مراجعتي نمت .....

بعد ثلاثة اسابيع من الاختبارات المتعبة والمملة كنت اود الخروج وارفه عن نفسي وازيل الطفش الذي سكن وعشّش في داخلي ...
لماذا اصبت فجأة بهذا الملل مع ان طول الوقت وانا لا اتعب من المذاكرة بل بالعكس اتحمس واتحدى نفسي .... لا اريد التفكير انا فقط اريد ان اخرج مع اصدقائي حقا كأني لم اراهم لمدة سنة !!
كان الوقت هذا قد بدأ بسقوط الامطار ولكن امطار خفيفة تستعد لأن تنزل بشكل اقوى
اتصلت بمنصور واخبرته اننا نود الخروج مع العيال واجبني انه ليس لديه مانع والخروج في هذه الامطار الغزيرة سيكون امرا ممتعا الذهاب الى البحر ..
لم اكن اعلم ان هناك اعينا تراقبني ولم احس بهذا الشيء ابدا الا عندما اخبرني آشيون هذا اليوم ان هناك اعينا تراقبنا !!
- من جد يا اشيون ؟؟
- ايوه
- طيب تعرف مين ؟
- ايوه
- مين !!
- العصابة اللي قلتلك عنهم
- من جد ؟؟؟
- ايوه والله
( لم اصدق ابدا مما قاله اشيون تغيرت فجأة ملامح وجهي خوفا ويأسا وسألت نفسي الآف الأسئلة , كيف اكتشفت امري ؟ ومين قالهم ؟ ومحد يدري بهذا الشيء الا احنا ومستحيل احد في اللي يعرف يخوننا او يطيح بنا في مصيبة لا نعرف منها خروجا ) سكت قليلا ثم قلت :
- تعرف كيف اكتشفونا .؟؟
- واحد فيهم خاين منهم الاربعة
- قصدك منصور وميار واسيل وريم ؟
- ايوه
- لا مستحيييييل منصور وميار واسيل !!! ..... اوه مستحيل تكون .... تكون ..... ريييم !!!
- هذي البنت من البداية محد ارتاح لها , ليش ما وثقت في حدسك بس وقلت لاسيل انها ما تقول لاحد !
- مدري ما كنت متوقع اصلا يمكن تقدر الصداقة بينها وبين ميار واسيل !!!
- خلاص روح وشوف اتأكد منها ليش سوت كذا
- دقيقة خليني اتصل بمنصور واقله
- لالالا تتصل عليه لان العصابة تراقب جوالك وكل اتصالاتك
- لا مستحييييييييل !! ايش هذا
- ايوه ودحين خذلك اي جوال وحاول ما تتكلم بيلو في الشارع عشان ما يراقبوه كمان
- طيب اخذ جوال امي الثاني اللي ما تستخدمو كثير ...
لأني لا اريد ان اجعل العصابة تعلم بأني اعرف بأنها تراقبني
اتصلت على منصور من جوال امي الثاني واخبرته بأني لا اريد الخروج بسبب الامطار الغزيرة التي بالخارج واني ايضا اعزمه في بيتي ... أخبرني بأنه لا مانع له ... ولحسن الحظ انه لم يكلم ثامر وصقر بعد , فأخبرته بأنه لا داعي فأنا اريد ان اتحدث معه بشأن مهم لا يعلمه الى الان ثامر وصقر ..
وصل منصور لبيتي واستقبلته بفرح وسرور ... كنت قد اخبرت الخادمة بأن تجهز غرفة المعيشة وتحضر بعض الحلوى ...
ادخلته صالون الرجال الذي كان على يمين مدخل الباب ولون الجدار البني المعتم وكنب جلد لونه احمر وسجادة ارض حمراء فخمة واللوحات والرسومات الابداعية المزينة في جميع انحاء الغرفة ورائحة البخور تملأ المكان ...
- تصدق انك اول مرة تدخلني مجلس بيتكم .؟!
- من جدك يواد ؟
- ما اتوقعت مجلسكم فخم كذا
- يا رجّال !! ههههههههه
- المهم هات ايوه ايش عندك ؟
- دحين اسمع العصابة لقيتني وتراقبني من بعد هذيك الليلة اللي قابلنا فيها اسيل والبنات
- من جد ؟
- ايوه والله انا اصلا من البداية ما كنت واثق فيها ذيك البنت , بس ما الومها صراحة ذكية قدرت تكسب قلب اسيل وميار مساكين وهم ما يدروا بهذا الشيء انو صحبتهم تخونهم ...
- طيب دحين انت ايش حتسوي ؟
- مدري مني عارف بس دحين عرفت انو العصابة اكتشفت وجودي وهذي الخطوة الثانية
- انا اقلك اذا العصابة مسكتك ولا حاجة قلهم انك ما تدري عن شيء ولا تفهم شيء
- شكلي ما حسوي الا كذا ..
لم اعلم وقتها بأن منصور قد خطط بهذا الشيء مع آشيون , فهو ابدا لم يرتاح لتلك الفتاة التي تدعى ريم , فأخبر اشيون ان يراقب ريم من بعيد ويحفظ شكلها لكي نستطيع ان نوجدها في اي وقت , وقد علم من قبل ان ريم هي التي اخبرت العصابة وذهب منصور اليها واخبرها لماذا فعلتي ذلك ولكنها لم تستجب لمنصور واخبرته بأنها فعلت ما كان يجب عليها ان تفعله ....
حزن منصور كثيرا لأجلي ولم يعرف ماذا يفعل فذهب منصور الى تلك العصابة بنفسه واخبرهم بأن الكلام الذي قالته تلك الفتاة كله كذب وليس لديها دليل لتثبت هذا الكلام , لم تصدق العصابة ما قاله منصور وفي نفس الوقت ريم هي عضو قديمة في هذه المنظمة ويستحيل عليها ان تكذب بهذا الشأن فجميع امورها ومصاريف علاج والدتها كله في يد هذه المنظمة الخبيثة ..... فتتبعت العصابة جوال منصور واتصالاته معي ولم يعلم هو وآشيون بذلك , علمت تلك العصابة ان منصور كان يكذب عليهم , فأمرت تلك العصابة بقتل منصور , وهو لا يعلم وآشيون بأن حياة منصور في خطر ....

لم يخبرني آشيون بما حدث له مع منصور , فلمنصور قوة اقناع عجيبة لكي يقنعه بأن مؤيد هو السبيل الوحيد لكي ينقذ كوكب اجيمي وهو الوحيد ايضا الذي يستطيع انقاذكم ... انقاذكم انتم الآليين ...!
يعلم منصور بأن نهايته ستنتهي هنا لا محالة من هذه العصابة ... فقد بحث عنها ان هذه العصابة سرية ولا يمكن ان تقول امر ما ولا تنفذه حتى لو كان هذا الامر على حساب ارواح البشرية ... ولكن لا يريد اخباري بهذا الامر لكي لا يزيد همي هما ....

عند خروج منصور من بيتي تلقيت مكالمة بأن منصور في خطر , كيف منصور في خطر ولتوه قد خرج من منزلي , ربما لأن هناك امطارا بالخارج فهو في خطر ؟؟ لا اعلم ... لابد ان هناك امرا ما , خرجت سريعا لسيارتي اريد ان الحق بمنصور ولكن قد فات الاوان ....
اراد منصور التضحية بنفسه ولكن لا يريد ان يلحق بي الأذى , كيف يا منصور ذلك وانت تعلم ان وجودك بجانبي يكفيني ويجعلني اشعر بالراحة والقوة
العصابة ايضا لا تعلم بأن منصور لتوه قد ذهب الى بيتي .... بيت مؤيد .... ولا تعلم ايضا العصابة بشكلي ولا بصوتي ولا تعلم اي شيء عني سوى ان الشخص الذي تريده ويعلم بشأن الاليين اسمه مؤيد .....
فات الاوان فالعصابة كانت بالخارج تنتظر منصور امام بيتي لكي تقتله , قتلته .. حقا لقد قُتل منصور على يد هؤلاء ... تجبست في مكاني لوهلة هل ما حدث حقيقة .. ! لقد قتل قتلة بشعة فصدره ينزف دما .. بكيت في مكاني حتى اغمي عليّ ....

****


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 19-06-2014, 12:32 AM
صورة Shroq_AY@ الرمزية
Shroq_AY@ Shroq_AY@ غير متصل
©؛°¨غرامي مشارك¨°؛©
 
الافتراضي رد: رواية أين صديقي ؟!/بقلمي


هذا البارت الثاني ونزل
البارت الثالث بما انه اطول باب حنزله على دفعتين وايضا لعدم اكمالي له
ومعليش يمكن اتأخر في البارت الثالث ايضا لظروف خاصة
شكرا لكم .... لقرّاء روايتي .. ^^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 19-06-2014, 02:14 AM
zainab..1999 zainab..1999 غير متصل
©؛°¨غرامي مشارك¨°؛©
 
الافتراضي رد: رواية أين صديقي ؟!/بقلمي


حبيت الرواية معنه فيها واايد خيال ..
بنتظاااااارك في البارت الثالث .............

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 19-06-2014, 03:19 AM
السنفورة سهآم السنفورة سهآم غير متصل
©؛°¨غرامي جديد¨°؛©
 
الافتراضي رد: رواية أين صديقي ؟!/بقلمي


حبيت روايتك كثيير وحبييت مؤيد ومنصور :( بس بلييز لا تموتي منصوور سوي اي شي له بس لا يموت اعجبتني شخصيته كثير. وو اسلوبك بالكتابه رائع استمري وياليت تنزلي مواعيد البارتات لاني بكون من متتابعينك
سنفورة♥

الرد باقتباس
إضافة رد

رواية أين صديقي ؟!/بقلمي؛كاملة

الوسوم
أين صديقي ؟! , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 33408 اليوم 03:57 AM
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2347 02-10-2016 04:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM

الساعة الآن +3: 04:33 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1