غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 18-06-2014, 11:15 PM
صورة Just me1990 الرمزية
Just me1990 Just me1990 غير متصل
©؛°¨غرامي مشارك¨°؛©
 
الافتراضي خفض صوت طعونك جروحي من مبطيء مالها حس/بقلمي





اضغط على الصورة لرؤيتها بحجمها الطبيعي

صباح/مساء الخير ..ال غرام هُنا اضع بين ذائقتكم مولودتي الاولى ع امل ان تنال استحسانكم ..!

في زمن ليل ولدي.
لأن العمر ذاب كما تذوب الأمنيات
ولأن ليل اليأس يعصف بالبنين
ويستحل دم البنات
ولأن أيام الظلام طويلة
ولأن ضوء الصبح مات
أخشى عليك من السنين
وأنت يا ولدي وحيد في انتظار المعجزات
فالأرض يا ولدي تجور
وتأكل الآن. النبات
ولدي
لأن الناس تعشق دائما لحم الصغير
ولأن ماء النهر يلتهم الغدير
ولأن دخان المدينة يذبح الآن العبير
لا تبك يوما يا بني بوجعك العذب النضير
فلقد أضعت العمر يا ولدي. رفيقا للشجن
وقضيت أيامي أسب الدهر ألعن في الزمن
والدمع يا ولدي طريق التائهين
الدمع يا ولدي عزاء العاجزين
ولدي
إذا ما تهت يوما
يا صغيري في الزحام
ورأيت كل الناس تقتات الكلام
ورأيت أجساما تصيح
وتشتكي فيها العظام
ورأيت في الطرقات أطفالا تئن
على بقايا. من طعام
ورأيت أسوارا تحيطك
لا تنم. مثل النيام
لا تبك يوما يا بني من الزحام
فلقد قضيت العمر أبكي
ثم يصفعني الظلام
ومضت سنين العمر يا ولدي. بكاء أو كلام.
ولدي.
إذا ما جئت يوما في طريق
ورأيت كل الناس تقتل في غريق
ورأيت يا ولدي صديقا
يرتوي بدم الصديق
لا تنس يا ولدي
بأن النار تسكر بالحريق
والناس يا ولدي رماد
أو دخان. في حريق
ولدي
لأني لم أكن يوما رفيقا للزمن
حاربته يوما وحاربني
وصرت بلا وطن
وطني هموم حرت في شطآنها
لا أعرف المرسى وضقت من الشجن
لا فرح يا ولدي هناك
ولا أمان. ولا سكن!
ولدي.
لأنك يا بني تعيش في عمر سعيد
وعلى ظلالك يرقص الأمل الجديد
ما زلت يا ولدي صغيرا تحضن الفرح الوليد
وغدا تحب. وتعرف الأشواق
تسأل عن مزيد
فإذا وجدت الحب لا تحرم فؤادك ما يريد.
فالعمر يا ولدي سنين
والهوى. يوم وحيد
فإذا رأيت الحب يسبح في خيالك
ورأيت أشواق السنين تصير ظلا من ظلالك
لا تنس يوما يا بني بأنني
غنيت شوق العاشقين
وبأنني يوما حلمت
بأن يصير الحب بيت المتعبين
لكنني يوما
رأيت الدرب أظلم حولنا
ضاع الطريق
وتاه في قلبي الحنين
فرجعت يا ولدي رمادا
في دروب السائرين
وغدوت أغنية
تحدق في عيون الناس عن حلم السنين
قد كان حلما يا بني
من قال يا ولدي بأن الليل
يهدي التائهين؟!
-فاروق جويده





تعديل روح زايــــد; بتاريخ 14-07-2014 الساعة 11:25 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 18-06-2014, 11:20 PM
صورة Just me1990 الرمزية
Just me1990 Just me1990 غير متصل
©؛°¨غرامي مشارك¨°؛©
 
الافتراضي رد: خفض صوت طعونك جروحي من مبطيء مالها حس/روايتي الاولى


علمتك انا كيف جبر الخواطر..وعلمتني وشلون كسر المجاديف ,
رجعت من المدرسه اللي بجنب بيتهمم وجات من حظها انها جنب بيتهم تدخل :السلام عليكم
الام :جيتي بوقتك بدلي بسرعه وسوي الغداء انتي بتموتين اخوانك جوع الله ياخذك وارتاح منك شكل هالمدرسه ماش خربت علينا النظام شكلي بفصلك منها
عليا برجاء:يمه لا لا تكفين الحين اسوويه في دقايق وهربت عنها عشان لاتنفذ قرارها >> لغرفتها مو غرفه بالاصح مخزن المطبخ قاطتهافيه غرفه الشخص الواحد يالله توسعه وبين بعض العفش من قدور قديمه وثلاجه قديمه ريحتها معفنه مع ذلك متحمله الغثاء ما تدري لي متى
بدلت بسرعه قبل تهجم عليها مرة ابوها اللي تتحاشى النظر فيها عشان تخاف تفصلها بجد من المدرسه خلصت وطبخت الغداء بسرعه وحطته لهم وطبعاً تجلس لين يخلصوون اذا بقى بعدهم تاكله واذا مافيه تجلس ع لحم بطنها بس ع الماء دخلت عليها مرت ابوها وتشوتها في بطنها لان عليا بانتظارها لهم غفت وهي جالسه ع ارضية المطبخ ضامه رجولها ونايمه الاتفز عليا بخووف وتوقف:ااس..فه يمه هاتي عنك واخذت الصحن عنها وهي جالسه تخززها بغضب بس عليا متجاهله نظراتها وحطت الصحن ع الدرج وراحت تجيب السفره بعدهم
:شوفي عليووه الاكل لا عاد تكثرينه كذا جعل يدك الكسر بتخلص الماكله قبل يجيء اخر الشههر ثم من وين اجيب لكم اكل ياعلك البط انشالله قولي امييين الله ياخذك بس وارتاح منك وراحت عنها
اما عليا ساع طلعت حطت الصحن ع الارض وتاكل بنهم من زمان عن الاكل واكلت ليما شبعت: الحمدالله وتنهدت بعد مابلعت اللقمه وبصوت مخنوق ياررررررررررب فرج علي يارب قامت بأسى غسلت المواعين وراحت لغرفتها ومسكت تحل واجباتها لان وراها يوم طويل تكررف فيه فهذا احسن وقت تذاكر فيه لان مرة ابووها تنام هالحززه فتستغل وقتها بالمذاكره دامها نايمه لو صااااحيه ما تخليها تجلس دقيقه وحدده...!!


نتعرف ع العايله :مرة الاب (شريفه)وعمرها 36سنه الشر باين من عيونها من اول ما يناظر فيها الشخص متزوج ابو عليا اللي توفى من سنتين وتوفت روح عليا معه اللي قتلتها شرريفه بيدها قلبت حياتها لجهنم مقتنعه انو عليا هي سبب وفاة ابووها وحرمتها منه مو انها ميته عليه بس تبيه يتحمل المسؤليه عنها ويصرف ويكد ويجيب لهم المال
شريفه وعليها محمد12سنه ووافي10سنين عليا عمرها 19سنه راحت عليها الدراسه من بعد وفاة ابووها ورجعت تكمل اول ثانوي منازل وبما انها شاططططره حولها انتظام بثاني ثانوي بس رفضت بس ظروف تقتل طموحها

بأنتظار تفاعلكم ردودكم ارائكم انتقادكم بكل صدق ❤️
محبتكم just me



تعديل Just me1990; بتاريخ 19-06-2014 الساعة 12:41 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 18-06-2014, 11:34 PM
Roa. Roa. غير متصل
©؛°¨غرامي مشارك¨°؛©
 
الافتراضي رد: خفض صوت طعونك جروحي من مبطيء مالها حس/روايتي الاولى


-
السلام عليكم .
مساء الخير يا جميلة 3<
بداية موفقة لك . وباين الروايه جميله من اسمها .
بالنسبه للنقد فعندي شغله : البارت قصير مرة مفروض يكون أطول من كذء . أصلن كان موقف
يخص البطلة على ما أظن . فلو كان أطول كان تحمسنا أكثر للرواية .
والخط صغير , ياليت لو تكبرينة .
سجليني من متابعينك , والله يوفقك ي رب .
بسألك في أوقات محدهه للبارت؟ $:
دمتي بخير 3<


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 18-06-2014, 11:57 PM
صورة Just me1990 الرمزية
Just me1990 Just me1990 غير متصل
©؛°¨غرامي مشارك¨°؛©
 
الافتراضي رد: خفض صوت طعونك جروحي من مبطيء مالها حس/بقلمي


Roa / يااهلين �� حاضر تامرين امر ع عيني وشكراً للتنبيهه
والبارت قصير لانو انتظر تفاعل مو بس عليا البطله الروايه متعددة الابطال
ولك مني اجمل تحيه متابعه طيبه والبارت بنزل ع حسب التفاعل ��والروايه جاهزه ❤️

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 19-06-2014, 12:02 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: خفض صوت طعونك جروحي من مبطيء مالها حس/بقلمي


مساء الخير .. ياهلا فيك بغرام .. موفقة بطرحك .. عندي ملاحظات على البارت جدا قصير يعتبر مشهد واحد .. الفكرة مستهلكة جدا ومكررة مافيها اي شئ جديد ويجذب واحس انك مبالغة في بعض الاشياء او الوصف في الشئ .. مافي انسان يقدر يعيش على الموية وخصوصا اذا كان الشخص يستخدم طاقته كلها .. وانتي صورتي لنا عليا بهالصورة وانها ماتاكل بالايام ... بعدين وين اهل عليا من الام او من الاب مو معقولة انها معدمة من الاقارب وحتى شريفة وين اهلها عنها بعد ماترملت ليش تاركينها بلا حسيب ولا رقيب لازم يكون في وكيل او ولي امر لعليا واخوانها حتى تمشي امورهم
مو معقولة الاب ميت من سنتين وبعدين راح يطلع الاقارب الي كانو مقاطعين الاب بصراحة كثير روايات كانت تعتمد على نفس هالاحداث

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 19-06-2014, 12:14 AM
صورة Just me1990 الرمزية
Just me1990 Just me1990 غير متصل
©؛°¨غرامي مشارك¨°؛©
 
الافتراضي رد: خفض صوت طعونك جروحي من مبطيء مالها حس/بقلمي


حالة عليا حقيقه من الواقع والعميق لسى بندخل فيه من ناحية الاقارب فيه والبارت كبدايه وشكراً حبيتي ع الرابط راح يتم الاطلاع حالاً

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 19-06-2014, 12:37 AM
صورة Just me1990 الرمزية
Just me1990 Just me1990 غير متصل
©؛°¨غرامي مشارك¨°؛©
 
الافتراضي رد: خفض صوت طعونك جروحي من مبطيء مالها حس/بقلمي


(البارت الثاني )
ما إشتقت لي.. ؟
يا سؤالٍ يطرق
أبواب المواجع
في عيون اللي
في غيابِك : مبتلي
----
نازله من الدرج تركض :وخر عني زيدووه وخر
زياد يمسكها ويحط يده حول رقبتها :كم مره قلتلك لا تدخلين غرفتي
لجين:تكفى اخر مره وخر لا اطيح
يجيهم ابوهم ع صراخهم :اقسم بالله يا اثنين تصبحون لا امردغكم بهالعقال وخر عن اختك
زياد يفكها بعصبيه:ورب البيت تدخل غرفتي وتاخذ اللي مالها فيه والله لعقالي مع عقالك
لجين تنزل :😒طيب اعصابك برجعه
ابو محمد :مسكها من اذنها وش ماخذه؟
لجين بتألم :يبه بس ماخذه والايباد حقه😁
ابو محمد يتركها :ان لله ؛اسمع صراخكم لو ع حبة ذره مايصير طيب كان معصب عليهم ع هواشهم اللي ليل ونهار
ناظرت فيه بحقد وهوو يتوعد فيها :طيب حسابك عندي يالسحليه
تجيهم ام زياد وهي شايله صينية الاكل :يالله صباح خير
تبوس امها وتاخذ الصينيه منها :صبحك بالنور والسرور يالغاليه
زياد :اهلين يمه صباح الخير
نزل ودخلوا مع ابوهم بالمشب وافطروا فيه يدخل عليهم رائد:صبحهمبالخير
الكل :صباح النور والسرور
لجين:الحمدالله.. وهي تنفض يدها بعد الاكل رائد طلبتك
امها:ماعطاك
لجين:يمه
ام زياد :تبين تطلبينه يوديك المدرسه صح
ابوها :السايق وينه
رائد:طيب انا راعي الطلب وانا موافق
ابو محمد :السايق وينه وليش ماتروحين معه
لجين :يبه تكفى بس اليوم وبعدين رنيم تتأخر علي ع ماتلبس وتخلص يكون الطابور بداء وخصوصاً اليوم خميس محاظرتها متأخره وانا باكلي اكله من المديره
ام زياد:تاكلين ماتنوكلين يمه رائد اتركها منك وروحو لشغلك
ابومحمد:خلاص خليهم دامه ود رائد
رائد :يالله لك خمس دقايق انتظرك اذا ماجيت مشيت
لجين:ياجعلني فدوتن لك قبلك انا مافيهاكلام
ضحكوا عليها ابو محمد :نصابه
الا رنيم تدخل :السلام عليكم
ويلقاها رائد وهو طالع :هلا وغلا بالزين كله
رنيم:فديتكك الزين من عندك عطاها قبله ع جبينها :يلا لجين
رنيم :تهمس لها يعني اقنعتيهم 😒 ليش ما خذتوني معكم
لجين بعجل:باي بعدين نتهاوش
تقدمت رنيم صوب ابوها :صبحه بالنور ابو رنيم وتضمه وتقبل يده وجبينه
ابو محمد بحنيه الام والاب اللي دايم يحاول يعوضها فيه يبادلها نفس القبله ع جبينها:فديتك يابعدي شلونك امس ماشفتك
ام زياد:تعبانه مسخنه ماخذه شوية برد

ابو محمد :افاوزياد يقولي تذاكرين جعل وجعك بضلوعي ولا فيك
رنيم تشهق:يبه وش هالكلام لا يالغالي معليك شرر وانا قلتله ادري فيك راح تقلق والتعب بسيط بس شفني حصان بسم الله علي
ابومحمد بحب :الله يخليك ولا يحرمني منك باسة يد ابوها :ولا منك يالغالي
زياد يدخل بعد ماراح يجيباغراضه من داخل:رنيم يله
رنيم يلا انا جاهزه ودعت ابوها ومرته ومشت عنهم
....
بالسياره
رائد:ابشري من عيوني ومتى تبينهم
لجين تنط باخوها وتبوس وهم عند الاشاره
رائد:ههههههه فضحتيني
لجين :رائدبعد حيي يلومني في حبك
رائد :ايه وبعدين ادري فيتس تسذوب
لجين:هههههههههههههههه ممم ابيهاالساعه تسعه
بعد كم دقيقه مرت:
رائد:اجل يله دحدري وصلتي خليني الحق ع دوامي
لجين بحب :فدوووه يالغالي الله يحفظك معسلامه
......
نتعرف ع العايله
ابومحمد (سعود)متزوج ثنتين ام محمد وام ياسر
ام محمد عليها(متوفيه وقصة وفاتهانعرفها من خلال الروايه)(نوره)
محمد عمره 40سنه رجل جنتل ومو مبين عليه الكبر انسان جدي ما يحب اللف والدوران مربي عياله وكل واحدماشي ع الالف متزوج مها حبوبه لا منها وعليها تعرف وش تقول وش تخلي تعيش لعيالها وزوجها ونفسها فوق كل شي لها مركزها معيده بجامعة الملك سعود ما وتحاول ما تغلط ع حد لانها ماتحب الغلط ولاترضى فيه وما تحب احد ينصحها تحب تعيش بأستقلاليه وعليهم
سعود وعمره 22سنه يدرس ادارة اعمال سنه ثالثه
نوف عمرها18سنه ثالث ثانوي
وجواد8سنوات
.......وخلصت عايلة محمد نرجع للعايله الاساسيه
رائد عمره27سنه محامي معروف ماسك قضاياء كبيره مما تخلي له مركزه مع انه هو انسان ماتهمه المراكز اهم شيء يقضيء شغله باللي يرضي الله وشرعه يمثل ذاته فقط هذا شعاره
منصور عمره 24سنه يدرس طب بكندا نتعرف ع شخصيته من الروايه
رنيم بطلتنا عمرها 22سنه طالبة بجامعة الملك سعود تخصص علم اجتماع
اولاد ام زياد
زياد عمره 19سنه اولى جامعه تخصص تربيه خاصه مع انو ابوه مو راضي بس زياد حاب هذا الشيء ويبي يخوض فيه لانه يحسها باحساسهم وااللي يمرون فيه>>ليش ؟نعرف من خلال الروايه

لجين عمرها 18 سنه صررقعه مع بنت اخووها محمد ام المصايب هالثنتين شخصها جميل الكل يحبها ولها جو خاص

... ...........
وخلصنا من العايله وكل شيءله قصه وحكايه نكمل.
...
جالسه بالصف تهمس لها نوف:وش سويتي ..
تغمز لها:كل شيء تمام فديت رائد
نوف:ياجعني فدوتن له ويلومنا بحبه
الاستاذه بصراخ :نوف
نوف:وجع طلعت منها بعفويه وكردة فعل سمعتهاالمدرسه جن جنونها :انا يانوف تقولين لي وجع اختك ولا صديقتك هاه جاوبيني
نوف ببرود:خوفتيني ردة فعل لا اكثر
الاستاذه تنرفزت اكثر:قومي قدامي للمديرره صاير لسانك اطول منك
لجين :الله ياخذك مو وقتك الحين (تقصد المدرسه )
نوف :معليك استانسوا راح اجيكم لاتخافين علي (نوف فيها حركات صبيانيه هي كذا بشخصيتها وخصوصاً من كثر ماتجلس مع عمامها تتأثر كان شعرها قصير مره وسمراء سمار يفتح النفس يعطيها شكككل جميل وعيونها وساع وفيه غمزه ع خدها اليمين كانت مخققه بنات المدرسه بس هي مو حقه كيني ميني ع قولتها طوويله وجسمها جميل وترفع اكمامها بشكل بسيط وتلبس اسوارت وساعات سبورتيه وكل شيء لها سبورت ضايف لها شكل جميل وحلو )

......
المديره خليها تدخل علي ...
دخلت نوف
المديره :نوف وبعدين معكك هاه انتي كل يوم ووحده من المدرسات تشكي منك
نوف:يا استاذه صلي ع النبي هي صارخت علي وانا مفهيه الا تطلع وجع وش اسوي غصب عني
المديره:لا والله وتقولينها ببساطه عطيني رقم امك والحين
نوف توترت لما انطرى اسم امها:هاه امي
المديره انبسطت انها عرفت ان امهانقطت ضعفها لانهم خلاص ماعاد يتحملون نوف وتصرفاتها
نوف بذكاء :طيب اروح اجيبه من عند عمتي مو حافظته
االمديره بأنتصار بس خافت من ردها الواثق:يله خمس دقايق
نوف طلعت الا كان وقت الفسحه عرفت انه موعدهم 😓اجل خمس دقايق يبئ اباليني(بالمصري يبقى قابليني)راحت للشله وشافت لجين مو معهم راحت للجين من الباب الخلفي للمدرسه ولقوا احد العاملات اللي متفقين تدخل لهم الاغراض دخلته بسرقة المفاتيح من عند المسؤوله الا ورائد جايب كل شيء بس مو فاهم ان القصه فيها حيله لو يدري كان امست العصا ع جلودهم لجين تاخذ الاغراض وهي تتأرجح من كثرها
الا تجيها نوف بفرح :جات
لجين تطيح الاغراض من يدها:نوفوه الله ياخذك خوفتيني
نوف تشيل عنها الاغراض وشالوا كل شيء وعطوا العامله حقها :نوفوه كيف فكوك بهالسهوله
نوف :بنت محمد بن سعود افا عليك
لجين :بعدين افهم منك طلعوا الفصل بتسلل بدون م احد ينتبهه وزيونه وضبطوه
يوم خلصوا نوف:يوووه نسيت بسررعه عطيني رقم رنيم
لجين بعبط :وش تبين بوه
خبرتها بكل شيء
لجين تشهق:هييييييييييئ ياويلك الحين قالبين المدرسه يالله نطلع ونزلوا وعطتها الرقم الا المناوبه تشوفها وتصارخ ع نوف :تعالي هنا جاتها نوف:نعم
المدرسه:المديره تندهه عليك ليها ساعه خشي يالله(مصريه متزوجه بسعودي ومعها الجنسيه)
نوف بقرف :طيب لا تدفين وخري
دخلت ع المديرره اللي شكلها ما يطمن ومعصبه حيل:انتي وين رحتي خمس دقايق مو خمس ساعات
نوف:وقت الفسحه افطرت وجيتك ولا مو من كرم مدرساتنا يتبرعون لي بحصصهم ويخلوني اكل
المديره بنفاذ صبر:طيب يانوف حسابك عسير فصل ثلاث ايام وخصم من درجات السلوك والحين اتصل ع امك
جاتها تبي تعطيها الرقم بس شافتها تدق😱نوف :ياويلي من وين لها رقم امي
المديره قفلت السماعه ولا لقت رد :انصرفي الحين حسابك لما تجيني امك ما اقدر اتفاهم معك نفذ صبري
نوف برجاء ما ترد امها طلعت وعيونهاعليها وهي تدق ع امها كانت حاطه يدها بجيوبها طالعت الساحه فاضيه الا تركض تذكرت الوعد وجات تبي تدخل وناظرت باستاذه عاليه اللي كانت عند الباب مع المشرفه والمرشده والمديره طالعه من الدرج الثاني واستاذه ياسمين المناوبه المصريه() طالعه معها عضت ع شفايفها اللي حست الدم بينفجر من قوة ضغطها عرفت انهم كشفوهم والبنات مالهم حس
المرشده :داخل معهم لانك ببتعاقبين وانا متأكده انك ورى ذا كله
دخلت مو انها مستمعه ومنصاعه لامرها تبي تعرف وش اللي صار
...
تحياتي just me


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 20-06-2014, 01:34 AM
صورة Just me1990 الرمزية
Just me1990 Just me1990 غير متصل
©؛°¨غرامي مشارك¨°؛©
 
الافتراضي رد: خفض صوت طعونك جروحي من مبطيء مالها حس/بقلمي


(البارت الثالث)
بالفسحه)
بعد ما تفسحوا لجين تغمز لبقية الشله انوا كل شيء تمام دق الجرس. وانتهت الفسحه
طلعوا لفصلهم كانت لجين ماخذه صاحبتها وقلبها واختها وكل شيء بالنسبه لها الهنوف لاخر الطابور
الهنوف بنفاذ صبر:وجع وش فيك اليوم ترى قدني زهقانه من تصرفاتك
لجين:يوجعك يادب سكتي ولما دخلوا الفصل كانوا البنات يصارخون ويصفقون ويصفرون هنوف بصدمه وبعدم استيعاب
ناظرت لجين اللي دمعت من الفرح ومو مصدقه ان كل شيء تمام وزعلانه ليش نوف مابعد جات للحين اخذو الهنوف بالاحضان ويباركون لها بعيد ميلادها وهي مو مصدقه كانوا مزينين الفصل وحاطين الطاولات بالوسط وعليها كل مالذا وطاب من باسكن رونرز ايسكريمات ترت وعصيرات بيره وبيبيسي وفروتز وكل شيء وشيبسات وحركات البنات وجايبين لها هداياء اما لجين ماجب لها هداياها هنا تخاف ياخذونها قالت لنوف انو يرسلونها مع السايق
وبعد ما كلوا وخلصوا ومتفقين مع استاذه عاليه تفضي لهم حصتها وافقت وكانت متبريه منهم اذا صارت لهم مشكله وقالوا عادي مو مشكله اهم شيء يحتفلوون الا صار اللي ماتوقعوه دخلت المرشده البنات وقفوا هبال ورقص واستدعوا استاذه عاليه والمديره والمشرفات
...
دخلت نوف تناظرهم وهم مفزوعين وخايفين :لا تخافون امسحوها بوجههي كل شيء بينحل
البنات ارتاحوا شوي خصوصاً الشطار واللي يعرفون ان اهلهم م راح يرحمونهم لانهم يعرفون نوف قد الكلمه وراعية
فززعه >>مو قلتلكم ولد هههههههههههه
لجين مسكتها وسحبتها:جلسي الحين خلينا نشوف وش بيسوون
نوف :هنوف بعد حيي كل سنه وانتي طيبه ياقلبي كنا نبيها بالبيت بس البنات كلهم حابين يحتفلون معنا بس تبشرين بالعوض ببيتنا
الهنوف تضمها :فديتك نوفوا الله لا يحرمني منكم واللي سويتوه شيء كبير بالنسبه لي فدووه يالغالين
لجين تفكهم من بعض :وجع انتي ووياه تبونهم يمسكونكم بالجرم المشهود وخروا من بعض
نوف :لو تدرون بمصيبتي تهون مصيبتكم
لجين وعرفت. وش بتقول:لاتقولين
نوف تهز راسها بايه
لجين :وش بنسوووي 😱
نوف ترفع حاجب:وشدخلك انتي دامها خاربه خاربه راح اقوول انا سويت كل شيء
لجين :تعقبين يابنت محمد كلنا ناكلها
الا تدخل المرشده بعد نص ساعه من المشاكل والوضع متوتر وما يطمن :نوف اطلعلي
لجين:وانا معها احنا سوينـ
نوف تضرب كوعها ببطنها :انطمي الله ياخذك طيب استاذه جايه
نوف تطلع الا وامها موجوده نوف نزلت راسها لما شافت امها
ام نوف وباناقتها المحتشمه وبصوتها الناعم الجهوري وبأسلوبها اللي يفرض الاحترام غصب بعد ماتفاهمت معهم وحلت كل شيء:استاذه فاطمه امسحيها بوجههي وانشالله ما راح تشوفون منها شيء ومو معناته هي مو غلطانه لكن حسابها عسير اشكركم
المديره واحتراماً لامها وطلبها وشخصيتهااللي انبهروا فيها وانصدموا انها معيده وان نوف بنت لها
المرشده تهمس للمشرفه:مستحيل تكون بنتها سبحان الله
نوف كانت ساكت وتعرف العقاب اللي بيلحقها انهت ام نوف الموضوع وسامحوهم دخلت نوف بعد ما اجبترها امها تتأسف من استاذتها والمديره والمشرفات مع انها ما تحب تتأسف لانها بنظرها ما غلطت
دخلت الفصل وقاموا البنات يضمون فيها ويبوسون :ههههههههههههه والله لو اني مسجله لكم هدف
يجيها صوت من بعيد كارهه لها حاقد :تخسين يالقوطي
كانت بنتقض عليها وتضرب بس لجين والهنوف مسكوها ماصدقوا بمشكلتها تعدي
ترجع مكانها :خبرتهم باللي صار وانها منقهره انها تأسفت :اووف الحين وش اسوي وش السواه مع امي
لجين :قلبي معك بس رائد لو يدرري تشر ع رقبتها يذبحنا هقوتك بتقوله امك >>فيس خايف
نوف :ماراح يدري سكتي امي قانونها مالي شغل الا فيكم تعرفينها
الهنوف :بنات اسفه تسببت لكم بمشاكل
نوف بنظراته حاقده:شكلك من يوم جابتك امك حظك نحس كل يوم نسوي حفلات جات ع حفلتك
الهنوف :ياحماره واتأسف الله ياخذك مايبرد حرتي فيك الا امك
لجين:ههههههههههههههههه اول عقابات مها ماتخليهاتجينا
نوف:وجع خلوني افكر بكذبه ما ابي انقطع عنكم مو عشانك بس مشتاقه لعمامي لا وهذا اخر اسبوع لمنصور😱
لالا مالي شغل لازم اطلع منها وتعض ع شفتها وتفرك يديها بتوتر
الهنوف :نزلي من ع الطاوله المدرسه جات
نوف ساكته وماتدري وش ينتظرها تعرف امها وعقاباتها الصارمه لجين مشاركتها التفكير بصمت هنوف طقطق عليهم من وقت لوقت
......
اخر الدوام نوف :بنات حليتهااا
الهنوف لجين بفرح:ها قوووولي
نوف بخبث:برجع مع لولو البيت😏
لجين😨:والله تذبحك امك وتعاقبك عقاب ماتسلمين منه سنه
الهنوف:روحي واطلبي حد من عمامك يتوسط
لجين:ماتعرفين اخوانها بيحرضون علي ملاعين خير
لجي:استغفري انتي واللعن
نوف: المهم بروح معك واللي يصير يصير
لجين :جعني فدوه ابشري بعزك
الهنوف تناظر فيها بنظرات نوف فهمتها
نوف:خير بتنصحين اهفك كف
هنوف:ياجرائتك وانتي تشجعينهامدري ليش احس اكلتك قوويه اليووم ليت امك تسووي لك مسلسل كويتي ببيت عمامك
هنوف وتكمل بنظرات تأمل وتغمض عيونها ثم تفتح عيونها بخبث وتسوي حركات تمثيليه من قوة الحماس :ثمن تجرك من كشتك من فوق الدرج وتعطيك ذاك الطراق اللي ماتنامين منه شهر
نوف:هههههههههههههههههههههههههههههههههههههههههههههه ههههههه يالخسيسه تعالي وقامت ع الهنوف وتضرب فيها ولجين تضحكككك :وتفك بينهم يالمهابيل بس
نوف توخر منها وهي تعدل ثيابها والقميص: بتركك ذي المره وتغمز المره الجايه انتف راسك وتناظر بلجين الللي. فاقعه ضحك بحقد :لاتموتين لجينوه لجين:اقول وتضحك امشي امشي السايق جاء
الهنوف:والله فيك يالدب فغصتيني 😒 شكلها بخاطرك من زمان
نوف تغمز لها :هذي هديتي منك اليوم
الهنوف حاقده :كلي تبن جعلك ماعاد تحتحفلين ياحظي، يارب ي حبيبي حقق امنيتي
لجين:وبعدينمعكم خلاص يله نطلع عبد السلام بيحمق علينا
نوف وترفع يدها👌:وهو ينكتم لاعطيه ..
لجين :لاوالله ماعاد الا سلاموه مالك شغل فيه امشي قدامي حياتك كلها طق وهواش
وتلتفت ع هنوف:تروحين معنا
الهنوف:لافدوه فيصل الحين برى اكيد
ولبسوا عبايتهم وطلعوا اول م ركبوا سيارة السايق وجلسوا يناظرون فيصل
نوف:وشهالجمال احلى منها الزق
لجين:الله ياخذك ع الفاظك لا والله هنوف فديتها احلى
ناظرتها نوف ورجعت راسها ع الكرسي تبي تنام :اف وش هالزحمه
سكتت عنها لجين اللي خايفه من نتيجة اليوم اللي تحس انو بينكشف كل شيء بس ما حبت تبين لهنوف عشان ماتخرب عليها فرحتها
............
جالسين بالصاله وينتظرون الغداء
جابريدخل:السلام عليكم
الكل وعليكم السلام
ام فهد:لاهنت ياولدي
جابر :ولاهي ويقرب منها يقبلها ع جبينها
ابوجابر:شلونك شكلك تعبان
جابريرجع راسه ع ورى :والله ماسك معي صدداع مكرهني عيشتي
يحيى:ذنوبك يالطيب
جابر:كل تبن يالخبيث
ام فهد :هه شفيكم تطاقوا احسن
دخلت دانه تعبانه وشنطتها بظهرها:السلام عليكم
وتجلس جنب جدتها وتعطيها بوسها ع جبينها: وتكلم ابوها:يبه انا تعبت ما عاد ابي ادرس😖
يحيى:وش قد جاك عاد التعب بالجامعه وهانت باقي شهر وتخرجيين
ابوها :وهو صادق ، سندت راسها ع الكنب بتعب
جابر:هههههههههههه تعبانه من قلب اجل تشافيت يوم شفتك رفعت نص عينها اللي كانت مغمضتها :يالبيه يعني انا دواك هههههههههههههه
يحيى:انتي دواء الا داء وانتي الصادقه
فزت وناظرت فيه :من زينك مبسوط في نفسك الله يعين اللي بتاخذك اصلا وش مجلسني اطلع انام ابرك
يحيى:ويحك راسه بعبط يبي ينرفزها الحين مرتي وش دخلها
سكتت عنها لان مافيها للهواش معه
ابوجابر :الا وين اختك ما اشوفها معك
دانه وهي تتثاوب :يبه محاظرتها للساعه 3 اليوم خميس ولا ناسي دانه بعبط:تصبحون ع خير
جدها يضحكك ههههههههه هالبنت ماش
جابر بعد م عدل جلسته وضغط ع يده ودخلهم في بعض يمنع التوتر يبين عليه : يمه تدرين منو جاني اليوم بالدوام
ام فهد :من
جابر :عمي ابو محمد
ام فهد:وش يبي لابارك الله في هالطاري
ابوجابرر يخز ولده ليش انه قالها يدري ان امه بيترفز حتى الاكل م راح ياكل
جابر :يبيك يبي يشوفك
ام فهد توقف :لو ع قص هالرقبه ماعاد ابي شوفه ولقياه وراحت وهي معصبه
ابوجابر :ليش تقولها الحين
يحيى:انت حمار ياخي مع مرتبة الشرف
جابر :جدتي لازم تشوفه وتنحزم الامور وانا اللي راح اسعى لهالقاء بأذن الله مشى عنهم وتركهم
..........
نتعرف ع العايله
ابوفهد الجد
فهد (ابو جابر) متزوج ام جابر(صيته)
جابر 26 متوظف هندسة طيران
هدى عمرها 34سنه
ومتزوجه وعليها مهند 19سنه وساره 13سنه
عبدالله 9سنين
نرجع للعايله نوره وعمره 23سنه متخرجه من الجامعه تخصص رياضيات ووظيفتها راح تباشر فيها بعد شهر مدرسه
ريم 21سنه تخصص اداب لغه انجليزيه
دانه 18سنه
يحيى وهو العم اكيد اخو ابو فهد يدرس بكندا عمره24سنه
..........
/”عند البوابه حقت الجامعه جود :يمكن اجيكم اليوم
رنيم بفرح :يالبييه حياك وناسه
جود :رنومتي قلت يمكن ع حسب جدول العايله
رنيم :اووه اهلي بيجتمعون اليووم اجليها لبكره
جود:حلو يكوون افضل فديتك سلمان يدق اكيد جاء يله اشوفك ع خيرر
سلموا ع بعض وطلعووا رنيم تدخل السياره بتعب :السلام عليكم
لجين :وعليكم
رنيم:اوف حر اشوف الاخلاق قافله
لجين:يختي كله منك ساعه نتظرررك لطعه هي حر متنا
رنيم بدهشهه :لا طقيني احسن قصري صوتك
لجين سكتت واستندت ع الكرسي
رنيم :بعد ما انتبهت لنوف اللي رايحه بسابع نومه
رنيم:نوف
لجين :ايه
رنيم:اكيد مسويه بلاء وجايه معك
لجين :وهي تغوص بالنومه بعدين نفهمك
الرياض وزحمتها تخليك تنام نومه تشبعك سنه خصوصاً مدرستهم بعيده كانت من اختيار مها بحكم انها خبره بهالمجال وتقول سمعتهازينه كان بود مها ان بنتها بخاصه بس رفضت اولاً عشان عمتها اللي رفضت الخاصه زيهاو لانهم يقولون كلها ترزز وفشخره يبون يعيشوون مع العالم ببساطه يصيعون بس ببرائه خاليه من القذاره
تحياتي just me




تعديل Just me1990; بتاريخ 20-06-2014 الساعة 01:52 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 20-06-2014, 01:44 AM
صورة Just me1990 الرمزية
Just me1990 Just me1990 غير متصل
©؛°¨غرامي مشارك¨°؛©
 
الافتراضي رد: خفض صوت طعونك جروحي من مبطيء مالها حس/بقلمي


ارائكم ابي تفاعل بليز حبايبي ❤️تفاعل جدي مو تسليك وموفقه اللي بيرد كذا يوفره ابي ناس تعيش كأنها وحده من ابطالي محبتكم just me

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 22-06-2014, 05:36 AM
صورة Just me1990 الرمزية
Just me1990 Just me1990 غير متصل
©؛°¨غرامي مشارك¨°؛©
 
الافتراضي رد: خفض صوت طعونك جروحي من مبطيء مالها حس/بقلمي



(البارت الرابع)
دخلوا البنات :السلام عليكم
لجين ورنيم مستسلمين للنوم وطلعوا
نوف وهي توخر عبايتها وتروح تغسل وتجلس مع جدها وعمامها ع الاكل :بسم الله
وقامت تاكل
منصور مبسوط انها موجوده يحب يطقطق عليها ويتهاوش معها:ولا سلام ولاهم يحزنون والله من الفجاعه
زياد فاتح فمه:هييي اللي يشوفك يقوول اوخوي مجوعك وجع بكره تزوجين وتفضحينا
نوف وهي تاكل:وجع بعينك جدي شوفه
الجد وهو يضحك:اكلي ياجعل فيه العافيه
نوف تبلع وخلصت وجلست تشرب ماء الا يدق منصور الكاس ويتانثر الماء عليها
نوف تشهق وتشرغ فيه وجلست تكح ويطلع من ع انفها وفمها ودموعها تنزل :كح منصوروهكح كح اخذت كاس الما الباقي ورشت عليه وقامت تضرب فيه وهو يضحك ويبعدها عنه
الجد ينبسط عليها يموت ع جوها:ههههههههههه يستاهل عليك به
وخرت منه وهي تتنفس :باطلع انا، جدي ابي اطلب منك طلب بس ماهو بحضور ع هالاثنين

منصور بنظرات واثقه:يمكن انفعك مانفعك ابوي
نوف تعرفه دايم راعي فزعه لها
نوف :من زينك سكتت بعدين شافتهم جالسين وملزمين يعرفون
مممم جدي تكفى طلبتك
الجد:ها مابقول عطيتك الا لين اشوف الطلب
نوف :يبه امي تبي تعاقبني واول عقابها تمنعني من الجيه هنا
منصور يقرب منها ومسك اذنها :ويقرص وانتي وش مسويه
نوف بحقد:وخر اكلم جدي مو انت
الجد يسحبها صوبه بحنيه:وليش وش مسويه يا بنتي
نوف:هاه طيب اسمع السالفه بس علي الامان
الجد يضحك :عليك الامان
قالت لهم السالفه بس ماطرت الحفله ابد
منصور :بس ؟بنظرات تحري قامت تضيع عيونها :ايه بس تعرف منصور نقطة ضعفها وبيسحب منها الكلام
الجد:يابنتي امك تعرفينها ماتحبنا نتدخل بس بطلبها مالك الا اللي يرضيكك
نوف:لا لا جدي بس اطلبها اجلس عندكم ذا الاسبوع وسو نفسك م عندك خبر بتهاوشني ليش قلت وكذا
زياد :مدرستك هذي وش تحس به تنادي امك عشان هالكلمه
نوف:الله ياخذها حاطه علي
منصور :انا طالع انام استأذن
نوف:وانا بطلع وقبلت جدها ع راسه
وبنص الدرج كان منصور يستثقل دمه عليها
نوف:آي شعري فكه
منصور :ع بالك السالفه مرت علي بعد ما اصحى علميني بكل شيء
نوف:هييييييئ تشهق نسيت اعطي امي خبر اني عندكم لجين نازله وهي لافه المنشفه ع راسها:اناقلتلها وش فيك تأخرتي
نوف :لولو بعد. راسي
منصور كان صاد من لجين وطلع
نوف تقرب منها :متهاوشين ؟
لجين:ايه
نوف:ليش
لجين :مالك شغل
نوف لي شغل غصبا عنك بس بنام الحين
دخلووا ع رنيم اللي باقي جالسه ع الايباد تقلب فيه
وسولفوا رنيم وش صار
رنيم عنت الله عليكم نوف وش هالجرئه بايعتها اليووم
نوف تتثاوب :حصل خير تمغربون ع خير
ضحكوووا عليها بايعه الدنيا بتراب
مها كانت مشتطه وتتحلف فيها >>ياويلك يانوفوه جنيتي ع نفسك
...
بعد المغرب
ام زياد كانت مجهزه القهاوي وحلا وكيك وموصيه السايق عصيرات وشيبسات للبنات >>مسوويه لهم جو بما انه نهاية الاسبوع
كانوا متجمعين البنات اللي تسبحوا ولبسوا ونزلوا نوف:بنزل لحصانتي جدو قبل تجيء امي
لجين:يالله وانا معك
رنيم جالسه ومتضايقه وماتدري وش فيها :يمكن الحلم اللي شفته لا والله ماهو حلم الا كابوس تنهدت بضيق
مر من عند غرفتها وسمع هالتنهيده اللي كسرت خاطره :افا وش هالتهيده اللي طالعه من الصميم يقرب منها
رنيم ارتبكت يوم شافته:ولا شيء بس مصدعه بعد هالنومه
رائد :رنيم حياتي وش مضايقك
رنيم:ما ادري شفت حلم وضيقني
رائد:اوف وكل هالحلم تطلع عشانه التنهيده
دمعت عيونها سحبه لحضنه:ياقلبي خلاص ارتاحي والحمدالله كان حلم
تنفست بعمق ترتاح له ولوجوده تحبه ابوها وامها تلقاه بوجهها دايم حزة ضيقاتها
:فديتك رائد الله لا يحرمني منك
رائد يمسح دموعها ماش وجهك تخربينه بدموعك يالله غسلي ننزل تحت
ابتسمت وسوت مثل ماقال
تجمعووا العايله كلها
كانت جالسه حذال جدها ودخلوا هلها وسلمت ع ابوها
محمد :وخري ما ابي سلامك اجل هاربه من البيت
نوف :يبه وين هاربه انا ببيت ابوك
محمد يمسكها من على رقبتها :مها امري تبين امصع لها رقبتها
نوف طالعت بعيون امها اللي كلها تهديد ووعيد
سوت يدينها نفس حركة الهنود اذا يتمسكنون ��بابي تكف، ما اهون عليك
منصور داخل جاي من برى:وسحبها من ابوها في وجههي هالمره
ابو محمد :قام وفكها منهم انا اللي بعاقبها خلها عتدي ذا الاسبوع
نوف تسوي انها متضايقه
محمد :هي لك يبه
مها كانت تتوعد فيها وتدري هذي من حركات نوف
لجين :بأنتصارر يالبييه
يدخل رائد ورنيم :السلام عليكم
الكل وعليكم السلام
سلموا وجلسووا رنيم جلست بين ام زياد ومها
مها :شلونك رنيم
رنيم :تمام الله يسلمك انتي شلونك وشخبارك
وتسالموا وسوالف عن الجامعه
سعود:عمتي شلونك
رنيم فديتك سّعودي طيبه وانت
سعود:طيب طاب حالك
نوف كانت نظرات امها ماكلتهام ارتاحت
لجين بهمس :نوفوه نظرات امك تخوف
نوف :ادري الله ياخذك الا ماقلتي لي شنو قالتلك يوم دقيتي عليها
لجين :انا مجنونه ولا هبله ادق ع امك دقيت ع سعود فديته
ننوف تهمس لسعود :سعود وش صار البيت
سعود:انا وانا رجال ماهربت تهربين انتي
نوف بقهر��:اجل انحرم من هالجمعه
سعود:كلي تبن وبترجعين البيت امي تعرف حركاتك المكشوفه
نوف:والله م ارجع
سعود:ياختي الثقه اللي عندك اللي لو توزعينها ع بلد تكفيهم
نوف بفخر:اعجبك
سعود:اكسر راسك ��
نوف:خلاص اصلاً انا الغلطانه استنجد فيك
سعود:هه هذا اول ابوك عنده علم من كلمة وجع للحفله وكيف دخلتوا الاغراض
نوف��من جدك وليش ابوي سكت مابهذلني
سعود :لاتخافين مخبيها لكم
محمد بصرامه:لجين نوف قدامي المجلس
نوف ولجين يشهقون:هييييييييئ����
لجين:انا مشغوله بروح اساعد امي
محمد عصب :اقول قدامي ويشيل عقاله لا بذا
لجين�� خافت تعرف محمد ماراح يرحمهم
نوف :يبه ترى عمتي مالها شغل وو..
محمد :بتمشون ولا كيف
رائد:وش مسوين
لجين تذكرت انو رائد اللي اخذ الاغراض>>يمه وش هالمصيبه
محمد:بعدين تدري
مشوا قدامه وهم يتحلطمون
دخلوا المجلس جلس مقابلهم :يالله قولوا لي وش صار وياويلكم تنقصون ولاتزودون انا عارف كل شيء بس ابغى اسمع منكم
نوف :يبه اللي علمتك فيه امي هو اللي صار
محمد :ابغى اسمع منكم انطقوا
لجين بنفاذ صبر وقل حيله:قالت السالفه كلها
محمد ويحك ذقنه بيده بحيره وش يكون العقاب المناسبه:
قبل يتكلم نوف :يبه والله بس نبي نستانس ونوسع صدورنا
محمد بعصبيه :ومافكرتي انتي وهي في عواقب اللي تسوونه الحين رائد جايب لكم الاغراض مافكرتوا وش بيقولون لو يكشفونكم بيقولون متفقين لكم شباب ماهو مع هلكم لان مافيه اهل يرضون باللي تسوونه والمدرسه قالوا كذا لامك يافهيمه انتي وهي
نوف وهي معصبه من التهم توقف:يبه حنا واثقين بانفسنا ومايهم شنو قالوا الا يوقف ابوها ويمسكها من ذراعها محمد بصرامه:اقسم بالله يانوف تتعدلين اخوك وهوو رجال مايجيني بمصايبك
نوف وتحط عينها بعين ابوها :يبه الا يعطيها كف خلاها تبلع العافيه
لجين :محمد ليش الا يعطيها الثاني وكان ناوي يخلص عليهم الا يدخل منصور ويخلصهم من يده وطلعه :تكفى عشانيتعالي ابوي معصب واخاف لا ينخفض السكر عنده خرج محمد وهويتوعد فيهم
اما عند اخواتنا:
لجين تبكي :ليش يضربني وهو وش دخله فيني ابوي موجود
نوف وتحك وجهها وتمسك راسها:اف انا راح اقرع واصلع من اخوانك
لجين وهي تبكي تضحك :وجع انا وين وانتي وين
نوف :ياعمي مو منقهره الا من الاسف اللي تأسفته لو ادري باكل هذا كله ما تأسفت من شيون الطبايع
لجين :اخخ وجههي يحرقني الا تقرب منها نوف :يووو محمد بدع فيك >>ماتناديهم بأسمائهم تقول ليش عماتي ينادونكم باسمكم فاصله هالبنت:تعالي اكمد وجههك
لجين:لهالدرجه
نوف:قومي شوفي وجههك وراحت تشووفه :يمه كنه قارصني نحله
نوف:ليت بكره مدرسه نضحك عليك هههههههههههههههههههه
لجين تمسك يدها وتعضها
نوف:اي اي يا وجعه وجع وخري وخرت عنها سمعوا رنيمم تضحك
رنيم :مالت انا اقوول بلقاكم تصيحون اثاري ولا على بالكم يمه لولو وجهك منتفخ
لجيين:وش اسووي كان ببيخلص علي بس جاء منصور ووخره
رنيم تقرب من اخته:ياحبيبتي يالجين اخذتها للمطبخ ونوف معهم جلسوا ع الكراسي اللي حول الكاونتر راحت سديم تجيب ثلج ونوف اخذت لها بطاطس وقربت الشطه والجبن والخبز وجلست تبلع
رنيم مند الفريزر :عرق الاحساس منقطععع بالخالص
لجين:ايوالله المشكله باقي العقاب الاكبر ومو خايفه تقصد امها
مطنشتهم وتاكل
دخل منصور :مو وخرته عنكم معناته راضي باللي صار اصلاً م كنت ادري ولا كان ييدي مع يده
نوف توقف اكل:طيب وبعدين خلاص والله عفنا العافيه
رنيم جلست جنب اختها تكمد فيها بالثلج وتصارخ كل م حطته
رنيم :هيييييئ وش هالجرح شكل محمد جرحك بدون مايحس
منصور كان بيهجم ع نوف الا يقرب من اخته :وخري اشوف
لجين :ابعد مالك شغل
منصور ماكلمها وشافه: لاحول بس تستاهلون
لجين:يووه وخر قلتلك مايسوى علينا
منصور يرفع يده كتهديد قصري صوتك لاهفك طراق يشق وجههك
لجين وهي تبكي:ابوي موجود مالكم شغل وخر وابعدت عنه
طلعت غرفتها وغسلت وجهها وعقمت الجرح وحطت عليه لصق:هالمجنونه بتضبط وضعها تحت وبتجيني
مايسوى علينا هالحفل
......
منصور :ماراح تلحقينها
نوف :مالك شغل
منصور يقرب منها ويمسك شعرها:وش قلتي
نوف :واللي يرحم والدينك شعرري نتفته خلاص ماعاد معي
منصور فكها :اطلعي شوفي لجين شوفي وجهها
نوف تغسل يدها :شوي واطع
راحت صوب الصالهوتدخل راحت تركض لجدها وتخبت في حضنه :انا في وجههك يبه وتراك عطيتني وعد الظهر ولا نسيته
ابومحمد:عليك الامان
نوف وتخزه بعيونها:والوعد الثاني
ابو محمد:اي وعد؟؟؟
تعدلت بجلستها وقامت تشاور جدها قام يضحك :ههههههههه ايه ايه ويشر ع خشمه ع ذي
نوف عليها الشحم يابعد كبدي والله
محمد:وش قوة العين اللي فيك قومي انقلعي من قدامي
ابومحمد :مالكم شغل فيهم واللي يمسهم عشان ذي السالفه مايصير له طيب الا وين لجين
نوف :يبه يوم ضربها ولدك عور وجهها وبكت وطلعت تكمده وولدك الثاني جاء وكملها معها
منصور:ايالخسيسه ويعض ع شفته
رائد كان لابتوبه بحضنه ومطنش كل اللي يصير حوله طبعاً لجين ماراح تسلم من العقاب بس مأجلها لي بعدين بس بعد م سمع انها تعورت رفع راسه ووخر النظاره:شلوون تعورت
ابومحمد:افا وانا اخو مهره>>يتعزوى ولي مت بكره ولا بعده اخليهم وراكم يالرخوم يحرم عليكم ضرب بناتي منا ليوم الدين والله اللي يمد يده عليهم من غير حق وباطل الله لايسامحه فيهم
محمد يناظر شلون طالع بخاتمه اكيد به>>يقصد عورها بخاتمه:الله يهداك تراهم غلطانين وانت الله يخليك ويطول لنا بعمرك
ابو محمد :نادوها لي
الا تدخل رنيم نامت يبه
قطعوا السالفه بعد هجوم ابوهم عليهم واللي عصب من قلب ورب
......
جابر جالس بغرفته ويدور بالكرسي يفكر :وشلوون اخخخ بس
اسند راسه ع الكرسي
وبعد تفكككككير عميييق :ايه جبتهاا..حط اللي بيده
ونزل تحت وكان الكل متجمع وهدى موجوده هي واولادها
سلم عليهم وجلس وتسالموا
مهند :كيف انت يا خال.
جابر:طيب يسرك الحال شلونك وكيف الدراسه
مهند :ماشي حالها،
جابر :شد حيلك ياولد ترى الجامعهه جد ومافيها مهززله
مهند :ابشر لا توصي
هدى من بعيد:والله ولا يمسك الكتاب الشكوى لله ث عليك وحامل ثلاث مواد
مهند:يمه >>مايحب امه اذا دايم تجلس تشكي منه مع انه جدار ما يحس بس يعتبر دراسته خصوصيه مالاحد شغل فيها
هدى :وصمه اص ولا كلمه
جابر:يطالعه :خليه يغسل لك مواعين وملابس
يحيى :بلاك ربي بشله خربانه ماش
مهند هنا عصب ويوقف:مالاحد شغل فيني وابووي ع راسي
جابر :تخسي وتعقب والله ثم والله شلتك اللي مو عاجبني حالها ووسمعتها واصله لاخر الدنيا ان تخليها ولا مايصير طيب
ام جابر: يمه مهند امسحها بوجههي تعال يمه
هدى:يمه خليه... قبل تكمل طلع و طنش كل نداء هتف باسمه
ام جابر:شوفو انتوا وياه وهي النصيحه ماتجيء كذا وولدك بضيع من يدك كل ماجلس شكيت منه كنه مثل ابليس عندك
يحيى وهو يبي يطلع:ام جابر الصبي بيضيع هدى انتبهي لولدك لو علي كلمه عليه كان لي كلام ثاني معه
نوره:بسم الله عليه الولد ماعليهرشر وخلوه علي ادري بغلاتي عنده وادري بيسمع لي بس هدووا مايسوى عليه
هدى بنفاذ صبر :هو لك
ابوجابر يدخل جايي من صلاة العشاء
وجلسوا حديث وسالفه
دانه:يبه طلبتك
ابو جابر:سمي
دانه :سم عدوك يبه ،يبه تكفى خلينا نطلع بكره المزرعه
الجده اعجبته الفكره زمان عنها:جبتيها يا بنتي
ابو جابر:والله ماتجلس بخاطرك يمه ابشري من فجرالله واحنا ماشين وانتي ياهدى هذا محلك لا تمشون اليوم
هدى :بوناسه :لاتوصي
البنات فررحوا وطبعاً ام جابر عزمت خواتها للطلعه بعد اذن ابو جابرر وهوو عزم الرجاجيل
......



تعديل روح زايــــد; بتاريخ 14-07-2014 الساعة 11:33 PM.

خفض صوت طعونك جروحي من مبطيء مالها حس/بقلمي

الوسوم
مالها , مبطيء , الاولى , جروحي , حس/روايتي , طعونك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية لمني بشوق وأحضني بعادك عني يبعثرني / كاملة لمحت بعيونك غرامي روايات كامله - يتم نقل الرواية هنا بعد اكتمالها 741 06-08-2019 03:08 AM
صندوق النكت والمواقف والطرائف والقصص القصيره هنا ((لـحـظـات حـزيـنـه)) نكت - ضحك - وناسة - فرفشة 25490 15-05-2013 03:28 PM
جمل سعوديه مالها معنى صدى حب ارشيف غرام 34 22-03-2012 03:17 AM
فضل سور القران القمر الغامض ارشيف غرام 2 10-10-2010 08:32 AM
ِِ جروحي مالها اول وتالي ِِِ miss_dajah معرض تصاميم أعضاء غرام 17 26-05-2008 06:56 PM

الساعة الآن +3: 04:40 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1