غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 25-06-2014, 01:27 AM
صورة Just writer الرمزية
Just writer Just writer غير متصل
©؛°¨غرامي مشارك¨°؛©
 
Upload1120a2f436 تلك هي الحياة/بقلمي؛كاملة


تلك هي الحياة
الروايه هي افضل روايه احببت ان انشرها لما فيها من مواقف واحداث قد تعرضتم او شاهدتم مثلها
اذا وجدتم في روايتي شي سلبي فلا تترددوا في كتابة ما لا يعجيكم روااايه من مخيلتي
اتمنى لكم قراءه ممتع
ه



بداية هذي القصه من جامعة الكويت في نهاية العام 4 شباب اصدقاء من المتوسط ما تفرقوا كل لحظات
حياتهم يشاركونها ويابعض ~~ ابدا القصه بالتعرف على الشخصيات :
الصدقاء: سعد-محمد-خالد-راشد

عائلة سعد
ابوه متوفي و امه بعد بسبب حادث
شافي اخوه الكبير طويل شعره اسود عيونه سود
سعد اقصر من اخوه بشوي شعره اسود و عيونه عسليه ما يلبس غير الجنز
رغد اخته الصغيره تقريبا مثل مواصفات شافي

ترك ابوهم ورث عملاق لهم 2شركتين و فيلا في لندن و ثانيه في تركيا
هذي الامور يديرها شافي علشان جذي تاخر بالزواج لانه مو متفرغ و حاول يرسل سعد يدرس برا لكن سعد اصر
انه يقعد بالكويت عند ربعه

بيتهم كبير و فيه خدم كثير بختصار ( ناس من مستوى مادي عالي )



عائله محمد

ابوه متوفي و امه مريضه بالضغط
اخته مها اخر العنقود بيضه و شعرها اسود عيونها سود
محمد هو كبير البيت شعره بني و عيونه سود زوجه بنت عمه نوره اللي بينه و بينها 5سنين تزوجوا
غصب عنها و عنه لانها يتيمه لاابو ولا ام و امه اصرت انها تزوجه بفلوس ابوه مع انه لحد الحين ما توظف


عائلة خالد
لمى اخته الكبيره متزوجه و عندها 2 صبيان سالم و سلمان متزوجه ولد عمها
ناصر اخوه الكبير عصبي شوي و انسان مهمل لابعد درجه
خالد ابيض شعره اسود و عينه عسليه انسان شخصيته مو بعيده ان ناصر من صغره يحب الهوشات و مسيطر على الشارع اللي قدام بيتهم
وسن اخته الصغيره العنديه شعرها قصير كل يوم لها صبغه و عينها بنيه

يعيشون في بيت جدهم عند عمانهم ناس وضعهم المادي ممتاز ابوهم شيخ كبير بالسن و امهم حرمه كبيره بالعمر بعد
عمانهم 3 سعود و شريف و راجح راح نتعرف على عيالهم في احداث القصه



عائلة راشد
راشد ابوه متزوج 4 حريم و مجمعهم في بيت واحد
ام عبدالله1
عبدالله 28و ممدوح 27و ساره18

ام راشد2
راشد23 و حنان16

ام وهج 3
وهج 12وهند9

ام عبيد 4
عبيد 7و فهد 5 وصفاء 3

طبعا البيت مزعج لابعد من الخيال خاصه عيال ام عبيد لانهم صغار و اكبر وحاد فيهم عمره 7
هذا غير هوشات الحريم و مجاكرهم و كل وحده تنادي ابوه على اسم اكبر ولد عندها الا ام وهج اذا نادته ضحكوا عليها



صباح يوم جميل الريح فيه متوازنه صوت الاذان الاول لصلاة الجمعه كل البيوت ريحة البخور و العود فيها الا بيت ابوعبدالله او راشد او وهج او عبيد

ام عبدالله بالمطبخ قاعده على الكرسي و بصوت عالي: فههههد ابعد عن الخدامه خلها تشب البخور
فهد بسخريه: انتي مالج دخل ...يالعجوزه
ام عبدالله بصوت عالي: انا عجوزه ياولد ام السعف وليف ...
فهد بغضب: انا امي ام السعف وليف ...زين انا اوريج
ركض فهد و طفى ليت المطبخ و نحاش
ام عبدالله: انا اوريك...يالهيس...انا اوريك

ام عبيد و ام وهج في الصاله
ام وهج بسخريه: شفيه ولدج ...يركض خايف مسوي شي اكيد..عفيه على التربيه
ام عبيد بسخريه: الا صج بنتج وهج متفوقه ولا...اتوقع النتايج طلعت من زمان
ام وهج بعناد: لااا ما طلعت و بنتي متفوقه
ام عبيد بتافف: اي خير

عبدالله دخل : السلام عليكم
ام عبيد و ام وهج: وعليكم السلام
عبدالله بستغراب: وينه ابوي و ممدوح وراشد ما قموا
ام عبيد: والله مدري عنهم ما شفنا احد لحد الحين غيرك

عبدالله بستغراب: وين البخور وين السنع ...
ام وهج و ام عبيد ساكتين
عبدالله عرف ما منهم فايده راح للمطبخ عند امه حب راسها: صباح الخير يمه
ام عبدالله : هلا ..عبدالله قوم ممدوح و تعالوا تبخروا ...يلا اذكر العجله و انا امك


في نفس الوقت فيب بيت ابوناصر

سعود و راجح و شريف و ابو ناصر يتبخرون و ناصر يعدل شماغه
سعود بغضب: ناااصر ...روح قوم عيال عمك يلا..لايقيم ثم نقعد
ناصر وهو يتافف: ياااعيال ...يلا قوموا خلصوا علي ...ياا عيال
صوت خطوات سريعه ورى ناصر التفت ناصر ولا سالم و سلمان ماسكين مبخر الحريم منحاشين فيه
ولا صوت خطوات مخيفه كانها زلازال لمى بصوت عالي: يااااااعيال ...جيبوا المبخر
سالم و سلمان انخشوا ورى ناصر ناصر :ب....شوي شوي اذني تعورني
لمى جرت اذن سالم و سلمان : تعالوا تعالوا انا اوريكم...هين
ناصر التفت وراه ولا العيال كلهم فاتحين باب غرفهم و جاهزين
ناصر يضحك: تتههههههـ شايفين اشكالكم ...انتم فلم
ماجد (ولد عمه سعود): صوتك صراحه......اسمع ترا مو معاي المبخر
هادي(ولد عمه شريف): ولا هو معاي .
معاذ(ولد عمه راجح): انا مالي دخل ...
ماصر يضحك عليهم وهم ينزلون و مستغربين ليش يضحك
ناصر راح لغرفة خالد: خالد قم ...قم
خالد يتقلب بالفراش : ناصر ...فكني من سوالف وطلع
ناصر بخبث: انا اعرف شلون اقومك
خالد فتح عين وحده ولا دولكته الماي البارده كبها ناصر على راسه
خالد وهو يرجف:ن..نا..ااااصر انا..اوريك يال##
ناصر ينزل مسرع :الصلاه..الصلاه خير من النوم

كلهم قاعدين بالدوانيه ينطرون خالد
خالد دخل عليهم : لاحد يقول ليش اخرتنا...يلا انا بروح اشغل السياره
راجح بستعجال: محد بيسال خلص علينا بس



في بيت محمد

ام محمد بتافف : يا مها يا بنيتي قومي اخوج الحين بيقيم
مها طفت الايفون و بكل غضب طقت الباب : يا جماعه ...محمد الصلاااه الله يخلف
نوره فتحت الباب وكانت تلتقط انفاسها : اشششش...خلاص انا اقومه ..اه..تعبت
مها بخوف: نوره...ليش تتكلمين جذي .. شفيج
نوره تبتسم و بسخريه: يعني تعرفين اخوج ماشاء الله يحبني ...انتم تنرفزونه من جهه و هو يجي و يفك حرته فيني
مها اكتفت بالابتسام و راحت لامها وهي تعرف ان محمد علاقته بنوره علاقه غير متزنه لانه متزوجها غصب عنه لانها بنت خالتها و بنت عمه بنفس الوقت ولانها وحيده لا ام ولا اب رق قلب امه وحلفت انها ما تخلي بنت اختها فزوجتها بمحمد ولدها الوحيد نظر عينها و سندها

محمد يتقلب بالفراش نوره بصوت جاف بدون اي مشاعر: محمد قوم الاذان الاول صار له سنه خلص لا يقيم
محمد يطالع فيها و بمدى طريقة كلامها الجاف ابتسم ابتسامه خفيفه و قام راح للحمام اول ما دخل الحمام نوره حدفت نفسها ع السرير و بينها و بين نفسها: اه...لمتى يعني احس نفسي مخنوقه ..ياخي انا مابي فلوس ابي قلبه ابيه يحس فيني حتى لو مابينت ..وربي مو صعب ..مابي احس انه يجاملني ..ياااارب


و نوصل لبيت سعد بيت العز ودلال بيت اللي يشوفه من الخارج يحسدهم عليه لكن المناظر خداعه احيانا و مو كل من ابتسم سعيد ولا كل من عبس حزين

الخادمه 1: سلام...وين بابا ..اليوم جمعه سه (صح)
الخادمه2: اييي...لازم شبي عود و بكور سه
رئيسة الخدم (جودي): هاي انتي وياها فوتوا على المطبخ لشوف..بدل حكي بلا طعمه

جودي عطت اوامرها للخدمات و الخدم و راحت تقوم النايمين
جودي بصوت عالي: سيدي سعد فيني ادخل ...سيدي
سعد وهو على فراشه: ج...جودي...كم الساعه
جودي : سيدي بدي ادخل ..
سعد فتح الباب و طالع فيها بشمئزاز: نعم
جودي و معاها ورقه طويله: اولا سيدي الصلاه بالمسجد اهم شي...ثانيا هايدي اوراق جات على فاكس من الصبح
سعد وهو دايخ: زين..اولا ..بروح اصلي ان شاء الله..ثانيا ..شافي غرفته اخر الممر علشان جذي لازم تتفاهمين معاه
فجاه بصوت عالي حاد ناعم: جوووووجووو وصل الفااااااكس
سعد وهو مغمض عينه: رحماااك ياارب
جودي تبتسم: اهلين انسه رغد كيفك...هاي الفاكس الك
رغد تبتسم: yes..اهذا شفيه سعد ...
سعد سكر الباب بقوه
رغد بسخريه: ترا هلا و السلام عليكم ما تعور ..جودي ابيج توصين لادي+السواق+ يشغل سيارتي..اوك
جودي : متل ما بدك...بس شافي
رغد بخبث: خلي شافي لي ههههههـ

رغد فتحت الباب و راحت للمكيف: سيد شافي..يارجل الاعمال...يابااشه شافي ...يابرنس شاافي ..
شافي وهو دايخ : رغد وربي ...اقسم بالله اذا طفيتيه
رغد تبتسم: شفوي ...شوشو...1...2.....3
شافي بصوت عالي : ررررررررررررررررغغغغغغغغغغغغغد
رغد طلعت تركض بسرعه نازله مع الدرج: يلاااااااا قوموااااااا
سعد يعدل شماغه: يالله هذي شتبي بشاافي..الحين بيقلب الريوق على روسنا


كان هذا يوم من ايامه خالي من المشاكل لكن الفرح مايدوم ابدا حتى الحزن مافي احد يعيش حزين طول عمره
هذا شي راح تتعلمونه منه هذي الروايه التي صممتها في عااالم من الخيال


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 25-06-2014, 02:14 AM
صورة Just writer الرمزية
Just writer Just writer غير متصل
©؛°¨غرامي مشارك¨°؛©
 
الافتراضي رد: تلك هي الحياة


في انتظااار ردودكم و راااااااااايكم ^__^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 25-06-2014, 06:50 PM
صورة Just writer الرمزية
Just writer Just writer غير متصل
©؛°¨غرامي مشارك¨°؛©
 
الافتراضي رد: تلك هي الحياة


يوم السبت يوم ممطر مختلف عن امس موجة هواء عاليه تنافس الشجر وكانها تتحداها قطرات المطر كالخام الناعم

في بيت راشد

عبيد و صفاء و فهد وهند لاصقين في الدريشه متمتعين بمنظر الاكياس المتطايره و المطر و الشجر الذي يلوح لهم اعينهم البريئه تكاد تخرج من شدة الفرح بالمطر ..شعور الطفوله مدهش~~

فهد يبتسم: انا ذا كبرت بصير طيااار..علشان اشوفكم مثل النمله
عبيد بغضب طفولي: يالقلاد ...انا قلت قبلك بصير طيااار ليش تقلدني
صفاء مطلعه لسانها و تلحس الدريشه و هند تحاول توخرها: يع..صفاء لا توصخين الدريشه

ام عبيد و ام وهج و ام عبدالله على الكرسي و ام راشد و زعيم البيت ابو عبدالله/راشد/ وهج/عبيد
ام عبيد كاشخه بالكياج و بكل مكابره: تدري حبيبي انا اليوم مدري احسه يوم جمييل يعني حلو حق الطلعات
ام عبدالله بصوت منخفض: طلعة روحج ..ام وهج شوفي وجهها كانه ركبتي
ام وهج تهمس لام عبدالله: انا اشهد انه ركبتج ازين ههههههـ
ام عبيد ضحكت معاهم
ابو عبدالله بصوت عالي : ياااااعيال ابعدوا عن الدريشه .....فهد..ياااافهد العقل
ام عبيد كبرة عينها على ولدها اللي احرجها

وفجاه ولا بصوت صراااخ: الفلوس معاي و كنتاكي يعني كنتااااااااااااااااكي
حنان متعلقه بيد ممدوح و ساره باليد الثانيه و راشد و عبدالله وراه
حنان : دوحي الله يخليك خلها برقركنج تكفى
سااره بستغراب: نعم ...لالالالااااا هارديز وبس
ممدوح يحاول يبعد الفلوس عن خواته اللي صاروا مثل القرود: كنتاكي ولا مافي
بحركه سريع و جرئيه اخذ عبدالله كبير البيت الفلوس وصعد الدرج بشموخ: برقركنج و بس اذا اتفقتم على طلب علموني غير جذي مااااااافي ..سلام
ام عبدالله تبتسم: انا اشهد ان ولدي ذيب
ممدوح يلتفت لامه: هو ذيب ها ...جبتيها يعني حيواان
حريم ابو عبدالله يضحكون
ام عبدالله باحراج : لا يعني...انا اقصد انه،..قوي ها انت فهمت ولا
حنان بدلع:عبووووود انطرني ابي اقولك طلبي
ساره بغضب: اييي تدلعي اخواني ما منهم بركه
راشد يضحك : سوير جربيني ....
ساره تضحك : لا...صج...زين اجل ودني بكره السوق
راشد يحاول يصرف الموضوع : تلفوني يدق يااجماعه تسمعون ..سلام
ممدوح متسند على الطوفه: اي صح يدق رووح الحق ...هه يقول جربيني
ساره تضحك: والله عاد هو يعرف ينكت انت...افف ما تنبلع
ممدوح بيأس: انا ابي ابلع كنتاااااااكي


في بيت خالد بيت المزاج بيت الاخوان اللي قرروا ما يتركون بيت ابوهم ابداااا تجمعهم الاخوه اللي ما ذبلت مع مر السنين

عمه سعود (فالح 30 زوج لمى/ ماجد 25/نوير23/ياسر16/سلطان 11)ء
عمه شريف(هادي27/عمر23/وضحى18)
عمه راجح(راشد27/ معاذ25/ شيخه16)
عمته صيته ( هنادي24/فاطمه22) مطلقه
صوت الفناجيل وريحة القهوه تحاوط الدوانيه اما صالة الحريم فاريحة العود وصوت ضحكات الحريم
اليوم عندهم خطاب يخطبون وضحى
وضحى تقدم لها اكثر من واحد و كانت ترفض لكن يوم تقدم منصور شاب يشتغل عسكري وقفة وقالت افكر الكل كان ينطر الا خالد حس في شي بينه و بينها وكان دايما يعطيها تلميحات انه يحس انها تحب منصور و كانت وضحى ذكيه تتخلص من ضغط التلميحات بهدوء وهذا اللي مخلي خالد يكابر

لمى ببتسامه كبيره: ماشاء الله يعني يمكن توافق
شيخه بحماس: انا اول ما يجون الحريم بنثر عليهم الورد ههههههـ تخيلوا
صيته تضحك: علشان نصير سالفه في حلق اللي يسوى ولي ما يسوى
فاطمه ببرائه: الاصج انا اتوقع خالد بعارض هههههـ بس خلود دايما له نظره فكل رجال
نوير بجديه: انا بصراحه مع خالد اذا عارض ياختي والله ربي معطيه فطنه و ذكاء ماشاآء الله
فاطمه تضحك: الله يستر على اخوج لمى هههههههـ
صيته تبتسم: خالد من يوم وهو صغير دايما يشارك في كل شي و عمانك يوافقونه الراي ...وخاصه في قرارات وضحى
لانها تاايم تغلط وهو داايم يطلعها من المشاكل ..يمكن هذا الشي الي ما خلا احد يستغرب من مشاركة خالد في امورها او امرنا ..اه ياخلود الله يرزقك بنت الحلال اللي تخاف الله
فاطمه و نوير: اي والله
لمى تبتسم: اللهم امين


في غرفة وضحى
فاطمه تحذف نفسها على الفراش: وبس هذا اللي صار في الصاله
وضحى تنشف شعرها : والله عاد انا لاعت جبدي اكثر من مره يتدخل...ياخي مااحب احد يتدخل بخصوصيتي
فاطمه : يابنت عنده وجهة نظر ..يعني تذكرين يوم كان متقدم لج واحد يشرب منو اللي صاده..خاااالد
وضحى قامت بغضب: شوفي فطوووم هذا ولد عمي مو اخوي ....عمر ماسوى جذي يجي هو وينهي و يامر ..واذا انتي عاجبج تدخله ...اقول...قومي اطلعي برا
فاطمه حطت يدها على فمها: خلااص ما تكلم عن شي خلااص ها اصص
وضحى قعدت وكملت شغلها وبينها وبين نفسها مقتنعه بان خالد فطيين ويعرف معادن الرجال و واثقه انها لو تركت امرها لله ثم لخالد من بين الناس يمكن تعيش سعيده لكنها داايم تحب تثبت وجودها و تفرض راايه ...اي نعم..وضحى عنيييده

في اادوانيه
ناصر بتافف: ياخي وقت الفراغ قااتل
سلطان يبتسم: تلعب معاي فيفا فوق
ناصر يضحك : قوم ياسلطه خلنا نلعب
سلطان بضيق: زين بدون دلعك المعفن قال سلطه قال
طلع ناصر وسلطان من الدوانيه ودخل سعود وقعد يسولف عن الخطاب اللي جاين وضحى
راجح بستغراب: ياخي وضحى متى توااافق ماشاء الله مافي حريم ماجو
سعود يضحك: لا بعض الناس صج ماقالوا رايهم
خالد عدل قعدته وقابل عمه: والله ياعمي انا واحد حقاني و احب انصح الباقي عليكم
ووضحى لمتى بقعد انصحها ..اسكت لا تكون تكرهني
طلع خالد وستاذن راجح التفت لسعود
راجح بحماس: تعااال ياولد...ليش ما ازوج وضحى لخالد ...رجال ذكي وراعي فزعات تربيتنا
ودمه من دمها...ولد عمها سندها وعزها في وقت ذلها
سعود يحك راسه: والله ياخوي ..شف كلامك صح بس خالد شكله ما يبيها
شريف يبتسم: رااجح كلم ابوه شرط يواافق ..اخوك علي يواافق على طول
راجح : والله انك جبتها انا بقترح عليه و هو عاد يقرر
سعود بسخريه: يالحبيب الحين في خطاب جااين اصبروا شوفوا البنت وش تقول


عند الحريم
صيته بفرح: ياهلا و مرحبا ..توه مانور البيت
اخت منصور: منور باهله ...شلونكم انتم
صيته : بخير جعلج بخير ياقلبي انتم شلونكم
ام منصور: ..الحمد لله تمااام
صيته : الله يجعله دوم ياحياتي
لمى و فاطمه وشيخه و نوير من ورى الباب
هنادي بصوت عالي: شنوووووو تسوووووووون
فاطمه صكت فمها: اششش..هذولي خطاب لوضحى
شيخه بستغراب: وضحى شكلها مو عندهم..مالها حس
فجاه نزلت وضحى كانت ايه بالجمال لابسه فستان اسود مفتوح ظهره من ورى وقلاده ذهبيه
زادت الشكل جمالا وكان مكياجها رووعه و رموشها عاكفتها و عيونها البنيه معطيه شكلها
اناااقه وجمال
لمى تبتسم و بينها وبين نفسها"ماشاء الله تبارك الرحمن ...ياخي اكثر من مره ودي احجزها لخالد
بس خالد رجال ما كون نفسه وانا مابي اعيشها على كم مئة دينار ..الله يرزقها بولد الحلال "
شيخه بحمااس:وضحححححى..شكلج ماشاء الله ياختي ابي اشوف وجههم وهم يشوفونج
فاطمه تبتسم: وضحى ما اوصيج ...اطلبي منهم اللي تبين حج عمره شبكه ان شاء الله 70ناقه ...ترا تستاهلين اكثر
وضحى تبتسم : بس بناات احرجتوني ...عاد بالعكس احس اني غبيه هههههـ مدري ليه
هنادي وهي تاشر بصبعها على عينها: يمااااا يعوووب البنااااات
كلهم هههههههههههـ
لمى فتحت الباب ودخلت وضحى سلمت عليه ام منصور خزت وضحى حللت امها واخت منصور حست بالغيره لانها موحاطه مكياج
ام منصور تبتسم: منصور ولدي تراه ولد نشمي رجال وكل القبيله تشهد له
ومع كلام ام منصور عن مرجلة منصور كانت وضحى تتذكر كلام خالد في ذاك اليوم
خالد بغضب :وضحى ..بنت طاااايشه اي واحد يجبها ويتقدم بتواافق...ياعمي انت لو تجي مركب بايب في كتفك وااافقت..لا وانا انصحهم واعلم واخر شي ..يعطونك انطباع الشاكين فيك
محمد يضحك: الله يعينك ياااخالد
كان كلامه هذا يدور في راسه لانها حسته انه صادق دايما النساء ينجذبون للمظاهر ناسين الخافي هذا مو عيب هذا طريقة حكم عند بعض الحريم
صيته تطالع وضحى ووضحى سرحاانه
صيته: وضححححى
وضحى انتبهت: هلا ....هلا عمه
صيته بابتسامه مصنعه من الاحراج الشديد: طلابتج يامي ماقلتي شي ..ههههـ وين سرحتي
وضحى ابتسمت: انا ابي احج مرتين بس
صيته تطالع وضحى منصدمه حتى البنات ورى الباب
فاطمه بستغراب: شن بس حج...وين الشبكه و سبعين ناقه
راحوا الحريم ودخلوا البنات للصاله
صيته بدهشه: وضحى ..بس حجتين متاكده
وضحى تبتسم: مابي شي انتم مو مقصرين معاي
البنات :لاااااااااااا
وضحى تضحك: لاصج والله يعيني اي شي ابيه عندي .ههههههـ شفيكم
صيته بجديه: وضحى انتي وين سرحتي ...ياختي اذا الحريم موجوداات لا تسرحين ..تعالي الحين وين سرحتي بخيااالج الوااسع
وضحى نزلعت عيناها ماتبي تعترف انها مقتنعه بكلام خالد: ..ع..عمه كنت افكر بكلام قالي ايها انسان
صيته بسخريه: اكيد انسان يعني مو حيوان...وضحى انا مااضحك معاج الموضوع يقهر
وضحى بغضب: يعني اقولج افكر بكلام خالد...زين...اي افكر بكلامه واحسه صح بس ماني نقتنعه
صيته والبنات انصدموا

وضحى لبست العبايه و النقاب صاعده لبيتهم او شقتهم بالاصح
طول الوقت كانت تتذمر : ياخي لازم الاحراج ليش ومتى..حتى لو كلامه صح مااااابي افففف
وكان صوتها عالي داخل خالد كان ينطر المصعد الكهربائي يوصل وكان خالد يسمع صوت احد فيه
خالد توقع سالم وسلمان قال في نفسه اول مايفتح بصارخ في وجههم
وفتح وكانت وضحى واقفه ورافعه يدينها من الغضب في الكلام وخالد صاارخ (بووووووو) بس سرعان ماشافها عدل وقفته و بدا يكحه
وضحى بسخريه : والله مو منك من تدخلاتك
خالد التفت عليها : اقول كملي سوالفج مع نفسج الحمدلله على نعمة العقل
وضحى احترقت غيظ
بس باب المصعد سكر خالد حط يده على وجهه: ااك الاحراااج هههههـ ياخي وجهي صار زيتون
وضحى تعض اضافرها: اففف اجل اكلم نفسي و مجنونه ...مو مشكله .لحظه هو قال بووو ههههههههـ

في الصاله
خالد دخل مكان موجود غير لمى و ضيته
خالد قعد: ها منو اللي جاي يخطب
صيته بضيق: اهل منصور مره ثانيه
لمى بستغراب: شكلهم يبونها ...عاد نشوف شنو تقول
خالد بجديه: عمه ...منصور هذا من وجهة نظري
قاطعته صيته: مايصلح ..خالد دايما تقول جذي..ياولدي البنت تعبت من معارضاتك و
انا معاك صح بعض الاحيان تكون صادق بس الحياه لازم تمشي..انا مدري بس الله يوفقها
خالد بدهشه: يعني انتي مستعده تحذفينها في حياه زوجيه احتمال الطلاق فيها كبير
لمى بغضب: خالد ..ليش ما تتزوجها و تفكنا
خالد منصدم من كلام اخته: هههههـ...اولا انا رجال ما كونت نفسي مااااااتوظفت
صيته: عادي نحجزها لك
خالد يضحك و يحرك راسه: لا جذي انتم تبون توهقوني
لمى بجديه: اصلا انا من زمان ابيها لك...خالد
خالد قام وستاذن
صيته بضيق: والله ما يصلح لها غير خالد
لمى تطالع في عمتها و الارض و تفكر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 25-06-2014, 06:51 PM
صورة Just writer الرمزية
Just writer Just writer غير متصل
©؛°¨غرامي مشارك¨°؛©
 
الافتراضي رد: تلك هي الحياة


في انتظاااااااااااااااار تفااااااااااااااااعلكم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 25-06-2014, 11:41 PM
صورة Just writer الرمزية
Just writer Just writer غير متصل
©؛°¨غرامي مشارك¨°؛©
 
الافتراضي رد: تلك هي الحياة


ماااااافي تفااااعل :'(

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 26-06-2014, 12:51 AM
وردةشقى وردةشقى غير متصل
©؛°¨غرامي فعال ¨°؛©
 
الافتراضي رد: تلك هي الحياة/بقلمي


صباح النوير ..


انا اندمجت
حسيت نفسي معاهم ..
لا يهمج المتابعين ترى
مو شرط متابعي الروايه من اول ما ينزل ..

بيت بوعبدالله
توحفه :)
و نجرة الاخوان عجيبه و ضحكتني
خاصه سالفة المطعم ..


موفقه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 26-06-2014, 02:12 AM
صورة Just writer الرمزية
Just writer Just writer غير متصل
©؛°¨غرامي مشارك¨°؛©
 
الافتراضي رد: تلك هي الحياة/بقلمي


اقتباس:
المشاركة الأساسية كتبها وردةشقى مشاهدة المشاركة
صباح النوير ..


انا اندمجت
حسيت نفسي معاهم ..
لا يهمج المتابعين ترى
مو شرط متابعي الروايه من اول ما ينزل ..

بيت بوعبدالله
توحفه :)
و نجرة الاخوان عجيبه و ضحكتني
خاصه سالفة المطعم ..


موفقه

شكرا لتشجيعج بصراااااحه كنت فااقده الامل لكن ثاااااانكس منـ القلب والله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 26-06-2014, 02:30 AM
صورة Just writer الرمزية
Just writer Just writer غير متصل
©؛°¨غرامي مشارك¨°؛©
 
الافتراضي رد: تلك هي الحياة/بقلمي


يوم الاحد الساعه 9:15
في الكوفيتريا
راشد قاعد يحوس قهوته اللي صار لها ربع ساعه
خالد جاء من وراه وصارخ : سلااااااااام
راشد انتبه : هلا..وعليكم السلام
خالد : علامك سرحان ..ترا القهوه بردت ..
راشد بضيق: ياخي مانمت عدل وهذا الدكتور ناشب في حلقي ماااينبلع ويعشق
الصفر يحبه
خالد يضحك:اجل ما شفت اذيك الدكتوره الدلوعه تتصنع القوه على اساس تلاميذها شباااب ههههههـ
راشد: خلنا منهم..وين العيال
خالد : مدري

عند بوابة
رغد بسخريه: اذا تاخرت علي ها ترا اروح
سعد بتافف: متى تطلعين علشان اعرف
رغد تضحك: صدقت ههههههههـ
سعد : ياااليل بدينا
رغد تضحك: شوف هذا الرجال شكله شارب ما يعرف يركن سيارته هههههـ
سعد بدهشه: هذي جنها سيارة محمد
رغد: منو محمد ..دكتور ولا
سعد ينزل: اي دكتور محمد رفيقي

محمد نزل من السياره كان شكله شوي متبهذل لكن كانت فيه جاذبيه محمد في طبيعته
جذاب حبوب انسان تصير ميانه معاه بسرع
رغد اعجبت بجمال وقعدة تتامله وعينها مفتوحه من الدهشه
سعد سلم على محمد ومشوا للجامعه
سعد: علام شكلك جذي
محمد يضحك: ياولد اسكت ..الشماغ مبين فيه شي
سعد يضحك:لا بس دشداشتك من تحت فيها ماي
محمد : طحت طيحه ياولد احس اني صرت شايب
خالد وراشد طالعين من الكوفيتريا
خالد يضحك: سلامات يالحبيب ..علامك هههههـ
راشد يضحك: شعرك مبين انه متفجر
محمد يضحك: طحت في الدرج...هههههـ
خالد : زين متى بتطلعون
راشد بتافف:10:30 محاضرتين بس
سعد: 12:00
محمد:12:30
خالد يضحك :لا اجل انا الوحيد اللي بيتكي هني ههههههه
محمد: ليه..متى تطلع
خالد:1:30
راشد يضحك : اجل انا اللي بيشخر قبلكم ههههههههههـ
سعد يبتسم: زين لا تنسون القهوه عندي اليوم في بيتنا 5:00
الشباب: ابشر


الساعه 2 الظهر
بيت خالد
خالد نزل من سياارته ولا صووت صرااخ: خاااااااااالد خاااالد افزع لي
التفت خالد كان سلطان يركض و وراه شبااب
سلطان وصل عند خالد: خالد وربي مو انا اقسم بالله خااااالد والله خاالد مو انا
خالد مو فاهم شي ومندهش من خوف ولد عمه ،جو الشباب يبون يتفاهمون مع خالد
1: اسمع هذا الولد اخوك مدري ولد اختك ماخذ كرتنا وفاااشها
2: لا ويركض وخاااايف ..عيوون ماما والله
3،2،4،1:هههههههههههههههههههـ
خالد بشمئزاز: اولا السلام عليكم ووو هذا ولد عمي اللي تربى على يدي اعرف اقصاه و اعرف مقاصده
وشي من هذي السوالف اعتقد هو يترفع عنها لانهااااا (وبكل برود وخبث)..تفاااااهه
4: اسمع عاد انا دااافع فلوس على الكره هذي
خالد بتملق: وووووه كم دينار ..نص ديناار....ربع ...ولا مئة فلس
3:قوله يتاسف ويعتذر مثل الخلق
1: ترا حنا ما نضحك معاااك الموضوع جدي
خالد يدز سلطان: سلطان ..ادخل شكل الموضوع بدا ياخذ شكل ثاني مختلف
سلطان عرف ان خالد صبره نفذ راح ركض لعيال عمه
2: الحين شنو منحشه يعني
خالد : انا مدخله علشان تختارون شغلتين يا اعلمكم شلون تتعاونون على ولد عمي ولا ترجعون محل ما جيتم اعتذار للاسف مااااااااااااااافي

قاموا الشباب يضربون خالد وخالد يضربهم
في البيت سلطان دخل الدوانيه ما لقاء احد
وضحى و شيخه في المطبخ
شيخه بحنان: سلطاااان حبي ..شفيك شنو تبي
سلطان بخوف: في شباب برى يبون يتهاوشون مع خالد وانا مدري وين العيال
شيخه بخوف: نعم.....خ....خالد شنو يبون بعدين العيال جنهم راحوا يتغدون برا
وضحى تطل من الدريشه : ايهه تعالي شوفيهم تحت دريشتنا بضبط
شيخه بخوف: خالد كم مره يطيح ..الله يستر
وضحى بشمئزاز : هيه انتي ...مو كاانج خربتيها شوي ..يعني ناقص تبجين وتقولين لاااء يروحي
شيخه استحت وحكت راسها: لا ..عاد انا مو قصدي
وضحى شالت جدر ماي حاااار
شيخه بدهشه:و....وضحى شنو هذا ...شنو بتسوووين
وضحى وصوتها راايح: ارفعي معاااي..ماقدر اتكلم تعبت
شيخه بخوف: والله خالد يذبحنا
وضحى تاخذ نفس : البيت مافيه احد...اسمعي نكبه مره وحده

خالد تحت حس بالماي الحر و دخل و الشباب تطشرون ماي حر وعز الظهر راحوا فيها
خالد دخل راسه يقطر ماي سلطان يركض: خااالد نحاشوا والله نحاشوا
خالد بغضب: انت اللي كاااااب الماي
سلطان بتردد: ل...لاوالله و....وضحى مو انا
خالد يضحك : ههههههههـ وضحى ها...تقول وضحى كابه الماي الحار هذا
خالد يكلم وضحى من الصاله: صراحه ..ماشاء الله عليج يعني انتي قمه في الذكاء ..في عز الحر و تكب ماي حار ..اصلا في احد طلب منج الفزعه ولا صوتنا ماذيج ..ولا انتي حابه تسبحيني يعني
شيخه بخوف: وضحى ...سمعتيه والله الحين يدخل علينا و يزفنا ..وضحى وضحى شنو تسوين
وضحى تلبس نقابها: بروح اتفاهم معاااه

وضحى طلعت لخالد بعباتها لكن خالد كان منصدم من جراتها
خالد بسخريه: لاااا اشوف تطورنا صرنا نطلع و نتفاهم فيس تو فيس
وضحى بغضب و ارتباك: البيت مافيه شباب علشان جذي رحت و ساعدتك
خالد بسخريه: انا طلبت انج تساعديني
سلطان : ان..انا
وضحى قاطعت سلطان: لما يطيحونك كانك ذبانه مدعوسه شي طبيعي اني بساعدك ولا اخليك تنضرب
خالد بسخريه: لا ومراقبه احداث الهوشه ...اتخيل منصور يكون فيها معقوله بتكبين الماي الحار
شيخه و وضحى انصدموا من جرائته
وضحى برتباك :ش...شدخل منصور بالسالفه
خالد يقرب : لاااااا عيب شلون ماله دخل ...مو انتي موافقه عليه
وضحى برتباك: س...سلطان حبيبي روح غرفتك يلاااا
خالد يضحك: لا خايفه عليه وضحى خافي على نفسج
وضحى بغضب: اسمع خالد الموضوع هذا معاد ينسكت عليه
خالد بغضب و ملل من طول الحوار و مرادد وضحى اللي ما ينتهي ضرب الطاوله : اقسسسم بالله ياووضوح ماااا تتزوجيه والله ثم والله ...علشان تعرفيني لما احلف و اخذ الموضوع بجديه شيصير
وضحى ارتبكت من ردة فعل خالد السريعه: ا...انا رايحه.... مابي ندخل في موضوع اكبر
سلطان راح مع وضحى فوق و خالد قعد على الكنب يفرك وجهه نادم على صراخه و فقدان اعصابه خاصه ان البيت مو بيته وبس في بنات عمانه وعيالهم وهذا سبب يخلي الاسرار صعبه تكون صامته لازم يجي يوم وتنطق
شيخه قعدت تفكر: ليش خالد معصب و مايبيها تتزوج منصور مع انه ولد مقبول ...لحظه يمكن خالد يحبها اح معقوووووووووووووووووووله؟؟؟؟

وضحى مسكت سلطان : سلطه لا تروح وتقول لاحد عن اللي صار زين...خالد كان يضحك معاي بس
سلطان بتردد: وضحى خالد كان معصب وين يضحك...اصلا كان يبي يضربج بس ضرب الطاوله..خالد مايحب الماي الحار اصلا مفروض تعرفين ..ولا تدلعيني سلطه شنو هذا
وضحى تضحك: ليش زعلت ههههههههـ خلاص علشانك بروح اتاسف لخالد بس لا تعلم احد
سلطان يبتسم: وضحى...ترا خالد طيب والله لا يغرج عناده
وضحى تغمز: يااولد...والله كبرت
سلطان يضحك : والله نا اعلم احد وعد

العيال دخلوا
معاذ يضحك : خااالد سيارته برا هههههههـ ياويلنا
ياسر وعمر يضحكون
باقي الشباب رحوا لغرفهم

ناصر يطق باب غرفة خالد: خالد ....ولد افتح الغرفه
خالد حاط يده على وجهه يتذكر وجهه وضحى و ارتباكها
ناصر : يووووووه خالد زعلان ما خذيناك ...الشباب طلعوا من الجامعه قبلك ورحنا ..افتح زين
خالد فتح وقعد
ناصر بستغراب: شفيك.....خالد معاي
خالد يطالع في ناصر: لااا انا مو مع احد ...انا تعبت
ناصر قام وقفل الباب : ولد ....شنو فيك اهرج لا انادي لمى
خالد يفرك عينه: م...مااتحمل اللي يصير
ناصر وقف بغضب: وضحى ها....خاااالد انت ما تخلص
خالد بغضب: البنت متعرفه عليه و يقوم ويطرش اهله يخطبونها له وتتكرر دخلات الحريم و كانها تكلمه لحد الحين و تقول تعالي و اخطبني
ناصر بغضب: مااااااااااااالك دخل تفهم...تكلمه ما تكلمه لا تتدخل
خالد بغضب: بنت عمي هذي مو غريبه هذي عرضي هذي شرفي هذي عروق دمها من دمي
ناصر شد خالد من قميصه: اسمع اذا بتضل ما تتحمل تشوفها او تتدخل بخصوصيتها..انقلع برا البيت ولا ادرس برا ...ابوي رجال كبير و عماني ناس مو ناقصه مشاكل لا تدخلنا بسالفه نندم عليها
طلع ناصر بغضب وخالد قعد في حيرته

في غرفة وضحى
وضحى بالحمام تغسل وجهها و تطالع نفسها بالمرايه وتقول بينها وبين نفسها: والله ما اكلمه بعد ما صادني اصلا معاد نتكلم بس ليش هو مو راضي يصدق...ياخي ليش يتهاوش معاي اساسا..ليه


على السفره
صيته: بنااات وين وضحى
فاطمه : اروح اناديها ولا
شيخه بتردد: لا ...مدري بس اليوم وضحى وخالد تهاوشوا هوشه اتوقع انه يبي يضربها
لمى التفتت لشيخه بصدمه: عن شنو تهاوشوا
شيخه بخوف: مدري منصور ولا الماي الحار اللي كتته
صيته بستغراب: ماي حار!!!؟

عند الرجال
سعود يضحك: ها ماتبون غداء يا خونه ههههههههـ
راجح: مخلينك يا خالد ها هههههههـ
معاذ نزل : ها يلا انا بتغداء معاكم
شريف يضحك: لا تجاملنا انت ووجهك
سلطان ببرائه : خالد وضحى تاسفت صح ...هي قالت اللي انها راح تتاسف لك لانها خلت معصب
الكل انصدم
سعود يحاول يستوعب:و...وضحى تاسفت؟
شريف يطالع بخالد بغضب : ممكن اعرف شنو السالفه
قام شريف وراح خالد قام وراه وسعود وراجح و ابو خالد يمشون
معاذ: هذي بدايت عاااصفه
عمر راح يركض لوضحى
ياسر بخوف: الله يستر

في غرفة وضحى
وضحى فتحت الباب : عمر شفيك
عمر دخل و قفل الباب : شفيني؟...انتي لي شفيج
وضحى بستغراب: عمر انا مو فاهمه شي
عمر بغضب:شلون تتكلمين مع خالد لا وتتاسفين وعن شنو،..وماي حار
وضحى بصوت منخفض: سلطاان
عمر بغضب: وضحى ابي شرح الحين ابوي و عماني عند خالد
وضحى شرحت لعمر
عمر يفرك وجهه: هذا كله خالد خاشه
وصحى : والله بعدها ما كلمته
عمر قام : بروح ارقع وجههج عندهم
وضحى حست انها مخنوقه وقعدت تبجي



*توقعاااْتـكم*
^هل اعجااب رغد راح يكبر مع اعلم ان محمد متزوج
^ شرايكمـ بفعل وضحى و ردة فعل خالد




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 26-06-2014, 05:59 AM
صورة Just writer الرمزية
Just writer Just writer غير متصل
©؛°¨غرامي مشارك¨°؛©
 
الافتراضي رد: تلك هي الحياة/بقلمي


راح انزل البااارت الجاي يوم الجمعه في انتظاااااار توقعااااتكم احبتي ^_*

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 26-06-2014, 07:10 PM
صورة Just writer الرمزية
Just writer Just writer غير متصل
©؛°¨غرامي مشارك¨°؛©
 
الافتراضي رد: تلك هي الحياة/بقلمي


راح انزل الباارت الجاي بكره حتى لو مااافي ردود

الرد باقتباس
إضافة رد

تلك هي الحياة/بقلمي؛كاملة

الوسوم
رواية . بقلمي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
تموت أرواحنا ونحن علي قيد الحياة/بقلمي؛كاملة BOSHRA* روايات كامله - يتم نقل الرواية هنا بعد اكتمالها 24 30-01-2014 05:46 AM

الساعة الآن +3: 05:06 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1