غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 23-07-2014, 08:01 AM
صورة مجنونه,بس حنونه الرمزية
مجنونه,بس حنونه مجنونه,بس حنونه غير متصل
©؛°¨غرامي مشارك¨°؛©
 
الافتراضي رد: الحب كلمه وفعل


كنت حاطه بين المواقف صور بس للاسف ماطلعو مادري ليش بس ان شاء الله يعجبكم:)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 05-08-2014, 11:32 PM
صورة مجنونه,بس حنونه الرمزية
مجنونه,بس حنونه مجنونه,بس حنونه غير متصل
©؛°¨غرامي مشارك¨°؛©
 
الافتراضي رد: الحب كلمه وفعل


بعد جم ساعه بنزل البارت لاني الحين اكتبه
انتظروني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 06-08-2014, 02:50 AM
صورة مجنونه,بس حنونه الرمزية
مجنونه,بس حنونه مجنونه,بس حنونه غير متصل
©؛°¨غرامي مشارك¨°؛©
 
الافتراضي رد: الحب كلمه وفعل


البارت الثامن
اليوم الثاني راح عبدالرحمن وخبر الدكتورعسب يرخصون عليا كانو بيقعدونها ع كرسي عسب ريلها بس قالت انها تبي عكاز لانه بس ريلها اليمين الي فيها شرخ بسيط المهم طلعو و راحو البيت
عليا دخلت كانت ميوده العكاز بيدها اليمنى وعبدالرحمن ماسك ايدها اليسار
دخلو البيت مالقو حد برع اول ما فتحو باب الصاله
فجئه الكل صارخ:مفااجئه(كانو مزينين الصاله وبالونات وحاله يعني)
عليا بوناسه:حبايبي والله مشكورين
بو عبدالله:نورتي البيت حبيبتي
عليا بخجل:النور نورك عمي(باست راسه
ساره:واخيرا رخصوج مابغوا
عليا:هههه شفتي كيف
يت هنادي من وراها وحضنتها:اشتقت لج يالحيواانه
عليا:هههه بطيحيني (وحضنو بعض
علي:وايد بتمون واقفين ع الباب يعني
عبدالله:حسيت دخلو دخلو
دخلوا راحو قعدو ف الصاله يسولفون ويضحكون شوي ودخلت عليهم خالتهم غدير وعيالها(فجر ومحمد و مايد):السلام عليكم
الكل:وعليكم السلام
راحت غدير اتسلم ع عليا:الحمد الله ع سلامتج حبيبتي
عليا:الله يسلمج
راحت فجر حضنتها:الحمدالله ع سلامتج حبيبتي
عليا:الله يسلمج حياتي
وقعدوالشباب و البنات ف الصاله و بو عبدالله و ام عبدالله وخالتهم غدير راحو يقعدون ف الميلس
عند الشباب والبنات
عبدالله يكلم عليا:شو سويتي فيهم الله يهديج
علي:بس عبدالرحمن ماهقيته ي
عبدالرحمن قاطعه:جب
فجر: مقلب و مقلب شفتي شو صار لج
مايد:ليش شو كانت بتسوي
عليا:اسكتو لا تقولون
هنادي:هههه انا بقول قالت الله يسلمكم اونه
عليا اطالعتها بنظره:هنادي
هنادي:خلاص بسكت
مريم:هي اسكتي يمكن بتسويه عقب
عبدالرحمن:خير ان شاء الله(يكلم عليا*)لو الحين كان صاير لج شي شو اسوي بنفسي انا
عليا انحرجت و ماردت
محمد:الحمدالله ماصار الا كل خير و ردت لكم بسلامه
الكل:الحمدالله
علي:والله لا يعيد هاليوم لاي حد
الكل:اميين
ساره:اححم حمنووه
عبدالرحمن:ها
ساره:متى بتراوي عليا الهديه
عليا تذكرت:هي صح يالله متحمسه اشوفها
عبدالرحمن يطالع شي كان ع شكل طاوله كبيره ومغطينها بحرير احمر قال لها:روحي خوزي الفرش من ع الطاوله
شلت عليا عكازها و مشت عند الي مغطينه و سحبت حرير نقزت من الفرحه بدون ماتحس وطاحت:ااااايي
ركضو لها هنادي وعبدالرحمن:شوي شوي
الكل:هههههههههههههههههههههههههههههههههههه
عليا:هههههه مشكوور حمنووو بس كيف تعرف اني اعرف و احب اعزف
هنادي:اححم انا خبرته طبعا
عليا باستها ع خدها:فديتج
عبدالرحمن يستهبل:بس انا الي شارنها ماكو بوسه يعني
الكل الطالعه
عبدالرحمن قام راح قعد مكانه:خييبه كيف يطالعون والله استهبل
الكل:ههههههههه
عبدالله:هههههه ندري انك تستهبل
(شاري لها بيانو كبير لونه بني فاتح مع الكرسي ماله وناثر عليه ورود حمره وورديه وكان الشكل واايد حلو)


علي:اطربينا
عليا:شو تبون تسمعون
ساره:نبي شي انتي تعزفينه ونحن انغني وراج
عليا:مممم مثل
مريم:بغيضك
عزفت عليا وكلهم غنو وهم يصفقون:بغيضك قلتلك مابيك انا مابيك معقوله ولو صدقت انا اخليك حبيبي الله لايقوله تراني ما اروح بعيد مهما صار ياحبي صحيح احيان اجيب العيد لا كن من ورا قلبي بغييضك
علي:ثنتين(صفقه)
يوم خلصو قالت ساره:اعزفي هندي(تم هي هو
الشباب كلهم بصوت واحد:لا حوووووووووووووووول
عبدالرحمن:بس ها انتو هندي وهندي ومن هناك ماتفهمون ولا كلمه
مايد:ولاء الي يغني عادي يسبهم وهم بعبط يسبون عمارهم وفرحانين بعد
الكل:ههههههههههههه
محمد:ههه حسييت
ساره:طااف اعزفي اعزفي
عليا عزفت والبنات يغنون
شوي و خرب عليهم عبدالرحمن:بس بسس رقدتونا يابوي
علي يعيب على اشكالهم واصواتهم وهم يغنون
الكل:هههههههههههههههههههههههههههه
ساره:ههههههه خل عنك عاد
محمد:اعزفي لرابح
عليا:اي وحده
محمد:من كبرها
مايد:يبتها
علي:ع الجرح
هنادي:متعذبين
فجر:ههه حسيتي
مايد:اعزفي اعزفي ماعليج منهم
عزفت عليا وكلهم اشتلو معاها
الشباب بصوت واحد:من كبرها هانت علي يامسلمين حسيت نفسي عايش بالف كذبه الجرح منه يابشر صار جرحين جرح تشوفونه وجرح تخبى وين تخبى بين الضلوع التعوج
البنات:ويين
الشباب:لقلت لي ويين
البنات:ويين
الشباب:اشرت منا لعن ابوها محبه
قامو الشباب يتنكسون وكملوا البنات معاهم بصوت عالي:من كبرها هانت علي يا مسلمين ...............

ف الميلس
بو عبدالله:شو هالحشره
غدير:هههههه مشتلين الجماعه
ام عبدالله:ههههه تلاقي حد يعزف بلي يايبه عبدالرحمن لعليا والباجين يرقصون و يغنون
بوعبدالله:هههه حليلهم
ام عبدالله:غدير فديتج ع الساعه 4 روحي بيتكم جهزي ملابسج انتي وعيالج ع ال5 بنروح الشاليه بنتم السبوع
غدير:عبالي الطرديني.ان شاء الله
ام عبدالله:هههههه لا والله حشى والحشى عن الف يمين البيت بيتج
بو عبدالله:ههههههه
غدير:ههههه مشكوره حبيبتي

ف الصاله
عقب ماتنكسو ع الاغاني وشبعو ردو يقعدون ويسولفون
مريم:ساروه كلمي عواش قوليلها عن الشاليه خليها تجهز ع الساعه 5
ساره:اوكي
هنادي:قم ابرار مابيون
عبدالله:بيون الشاليه مره وحده
عليا:زين يالله قومو خلنا نجهز اغراضنا
الكل:يالله
قامو دخلو البنات غرفتهم والشباب دخلو غرفتهم
عندالبنات
عليا:جم شنطه ناخذ
مريم:خلو شنطه للملابس وشنطه للعطور وهالسوالف
هنادي:انا وعليا شنطه وانتي و ساره شنطه
ساره:هي عسب مانسوي زحمه
مريم:اوكي يالله حركو ايدكم وطقمو بلبس
هنادي:اوكي

عند الشباب
عبدالله:ها جسام و فصول بيون ولالا
علي:امبله بيون كلمتهم مساع
عبدالرحمن:وفارس بي
عبدالله:بيلحقنا باجر
محمد:بوي مايد خلنا نقوم نروح نحط اغراضنا مافي وقت
مايد:يالله قوم
طلعو من الغرفه وراح مايد يدق الباب ع البنات
هنادي:منووو
مايد:ولد خالتج قولي لفجر تطلع بنروح البيت عسب نحط اغراضنا
فجر:انزيين يايه يايه
مايد يستخف دمه:يايه ولا لحمه وااااااككك(وراح
فجر:ياامليييييييق
ف الغرفه
عليا:هههههه اخوانج تحفه
فجر:اي وناسه الله يخليج الا لوووعه
عليا:حراام عليج (اتنهدت)لو كان عندي اخوان مثل اخوانج ماكانت هاذي حالتي
هنادي تبي تغير الجو(تكلم فجر)يالله يالله قومي روحي حطي اغراضج عن يروحون عنج وانتي الثانيه قومي شوفي لج شي تلبسينه يالله الشوف
طلعت فجر وقامت عليا خذت ملابسها ودخلت الحمام(عزكم الله)
ساره:والله معوره قلبي هالعليا
مريم:هي والله طيوبه وحبوبه ابوها ليش يسوي فيها جي والله بي يوم وبيندم فيه
هنادي:الله يعينها.خلاص غيرو الموضوع عن تطلع وتسمعكم

ع الساعه 5 طلعو وتوكلو الشاليه كل واحد حجز له غرفه وحطو اغراضهم عقب اتجمعو ف الحديقه
علي:واويلااهه جو نفرين ياخي
عبدالله:هي والله ابرار وينها
ساره:داخل شوي وبتي
عبدالله:فديتهااا
حسن:اي ترا اختي
عبدالله:هههه تراخطيبتي
هنادي تكلم عبدالرحمن:وانت مابتشل عليا تتمشى معاها شوي
عبدالرحمن:توها ع لساني
هنادي:خل لسانك حقك وقومو تمشو يالله
عبدالرحمن:ههههه ان شاء الله عموه..يالله يالحب قومي(راح يود ايدها وعطاها العكاز وراحو يمشون
شوي ويت ابرار وخذها عبدالله وراحو يمشون
قامو علي ومحمد و مايد راحو يلعبون سوني ومريم وفجر وهنادي راحو يرتبون ااغراضهم وتمت ساره قاعده بروحها تلعب بفونها
حست انه في حد ياي صوبها صدت وراعلى طول ووقفت:ف فيصل
فيصل:هي فيصل.شفيج وقفتي اقعدي
قعدت وهو قاعد
فيصل:عيل وين الباجين
ساره:البنات راحو يرتبون اغراضهم و علي و محمد ومايد يلعبون سوني وحمنو يتمشى مع عليا و عبدالله مع ابراروه
فيصل:عقبال ما نكون مكانهم
ساره انحرجت قامت:انا بقوم بروح عندالبنات تامرني ع شي
فيصل:اقعدي شوي
ساره قعدت:امرني
فيصل:لهدرجه تبين الفكه مني
ساره:لاوالله حشى بس عن حد اي ويشوفنا
فيصل:انزين هاتي فونج بضيفج عندي وبكلمج
ساره عطته الفون وضاف نفسه وعطاها
فيصل:يالله قومي روحي وانا بروح عند علوي
ساره:ان شاء الله
فيصل قام:كلميني ها(وراح
ساره راحت عند البنات وهي طاايره من الوناسه
عند عبدالرحمن وعليا
عليا:بس عبدالرحمن خلنا نقعد هني جدام البحر شوي تعبت
عبدالرحمن قعدها وقعد حذالها
عبدالرحمن:احس من زمان ما قعدت وياج اتصدقين
عليا:حتى انا اشتقت لك و لقعداتنا وسوالفك وحركاتك
عبدالرحمن:حركاتي ها
عليا:هههه انزين خبرني شو صار ع موضوعنا
عبدالرحمن:كل شي تمام
عليا:ليش انت رحت عند ابوي!!!!
عبدالرحمن:هي رحت
عليا:وليش ماخبرتني
عبدالرحمن:انا اشوفج عسب اخبرج
عليا:انزين متى
عبدالرحمن:رحت له يوم كنتي ف العنايه طلعت عنهم ولحقوني مايد وجاسم
عليا:انزيييين
عبدالرحمن:قلت.محد اي وراي اتريوني
جاسم:بيت منو ها
مايد:شو بتسوي هني
عبدالرحمن:قلت لكم محد يلحقني (وراح
دق الجرس طلعت له البشكاره
عبدالرحمن:السلام عليكم بابا فاضل موجود
البشكاره:ايوا موجود
عبدالرحمن:روحي نادييه
البشكاره:مينو قول
عبدالرحمن:قولي عبدالرحمن
البشكاره:اوكي(راحت
شوي وطلع له فاضل(ابو عليا
عبدالحمن:السلام عليكم
فاضل يطالعه بستغراب:وعليكم السلام
عبدالرحمن:انا عبدالرحمن الي دقيت لك و كلمتك عن عليا
فاضل:ايوا ايوا ذكرت تفضل
دخلو الصاله ويت مرته تقعد معاهم
عبدالرحمن:عمي عليا صار لها حادث وهي الحين فالعنايه وتعبانه ماودك تطمن عليها
فاضل قلبه عوره ع بنته بس مابين لهم:لااا.عطني من الاخر
عبدالرحمن عطاه الاوراق:هاك عمي وقع هني
مرته:اوراق شو هاي
عبدالرحمن:زواجي من عليا
مرته:شووو.عليا السسم بتتزوج
عبدالرحمن:لو سمحتي ارمسي عدل
مرته:عشتو شوف منو يرمس.خذ اوراقك وفارج من البيت يالله
قام عبدالرحمن خذ الاوراق من ابو عليا وباسه ع راسه وطلع
عليا:وابوي ماقال شي
عبدالرحمن:شو بيقول يعني احس كان ف خاطره شي بس سكت لوجود مرته احسها مصيطره عليه
عليا تهدت:هي والله ان شاء الله بي يوم وبطيح ع ويهها وبتعرف انه الله حق
عبدالرحمن:لاتتضايجين.انا معاج
عليا:هاذا الي مريحني للحين
عبدالرحمن:ودوم ان شاء الله

عند الحريم
غدير:والله وعرف ينقي ولدج يا ام عبدالله
ام حسن بلقافه:هي حبيبتي بنتي محد يعوفها
غدير:لا حبيبتي اقصد عليا
ام عبدالله ضحكت بصوت خفيف و ام حسن قفطت
ام حسن:هاي احيدهم داعمينها ما ماتت
ام عبدالله:استغفري ربج لا الحمد الله ما ماتت
غدير بخاطرها:ماسمعج عبدالرحمن ولا بيخليج تموتين بدالها
ام حسن بخاطرها:خيبه اام سبعة ارواحح ع السرعه الي اندعمت فيها وما ماتت
غدير:الله يطول بعمرها والموتت لعدوينها ان شاء الله
ام حسن اطالعتها بنظرات شك

عند البنات
ساره:فديييييييييتهه قسم بالله
مريم:شوي شوي ع عمرج بابا
فجر:عن تموتين علينا
هنادي:هههههه.رنوه وريموه مايردون ابيهم ايون
فجر:السهره صباحي اليوم
مريم:اخوج حمود يايب جيتاره ولا!
فجر:توامه الثالث ها كيف مايبه
ساره:ياسلااااامم
هنادي:قومو خلونا نروح نقعد عند قم اميه لين ما يوصلون الباجين
فجر:منو الباجين
هنادي:مادري ههههههههههه يعني ربع اخواني وعويش وقم ريمو
ساره بشك:ربع اخوانج ها
هنادي:انجعمي ويالله قومو خلونا نطلع(طلعو

توقعاتكم
ام حسن شو قصدها بالسرعه الي اندعمت فيها!!!!
عبدالرحمن بيستعيل ولا بياخر الملجه شوي!!!!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 16-08-2014, 12:26 AM
صورة مجنونه,بس حنونه الرمزية
مجنونه,بس حنونه مجنونه,بس حنونه غير متصل
©؛°¨غرامي مشارك¨°؛©
 
الافتراضي رد: الحب كلمه وفعل


البارت التاسع
ع الساعه 6 المغرب الكل كان موجود ف الشاليه
ف الحديقه(ام عبدالله, ,غدير,ام فيصل, ,ام حسن)بو عبدالله رد البيت لانه عنده اشغال ماقدر يتم معاهم
والي قاعدين ع الجلسه الي مجابل البحر(علي,عبدالله,عبدالرحمن,حسن,فيصل,جاسم,فارس,محم د,مايد, ,هنادي, عايشه,مريوم,ساره,فجر,عليا,ابرار)
عند الشباب
كانو قاعدين ياكلون مكسرات
علي:ها ياحلوين شو بتعشونا اليوم
هنادي:عشى شو المغرب
علي:يعني بعدين يالطمطم
ابرار:بنسوي لكم صمون مع نقانق وبنحطيلكم عن خاطركم ماينيز وكاتشب
عبدالله:وييععع نقانق استغفر الله
مايد:كليه بروحج
هنادي:هههههههههه اونكم يعني ماتحبونه
عبدالرحمن:هي قالولج انتي وساروه
ساره:هاها شو ساروه انا مايخصني
محمد:وفجور وياهم
مايد:ههههههه اذكر يوم يراكضون بحفاضاتهم ومترووسه بوو
مريم فرت عليه دبة ماي:هههههه جب يالحيوان الحين شدخل الحفاضات
علي:ههههههه حسيتي بس صدقه ماجذب كنتو تراكضن بحفاضاتكن اونها كشخه يعني هههههههههههه
هنادي:والله عاد نحن انسويها ف حفاضاتنا مب نوقف ورا نخلة عزبة يدي ونخورها
الكل:ههههههههههههههههههههههههههههههههههههههههه
ساره:هههههههههه القطو ويوهكم
محمد اونه اتفشل:بس بس عيب عليكم
فجر:واااااااااااااااااااااااكككك
عليا ضربتها ع ايدها:هههههههه شو وااك مب ولد انتي حسسيهم انج انثى
مايد:هي والله ياخي خاطري مره احس انج بنت
فجر :انا اثلا بنت بس انتو ماتثوفون
علي:وين انا اثلا انا اثلا مول مب لايق عليج فجروه
فجر:انت جب وياهالويه
علي:فدييييييييييتت ويهي تتمنيه اصلا
فجر:ويع مادري شو ابا فيه
هنادي:بس انتي وياه
فارس:ها سهره اليوم ولا مب ويه سهرات انتو
عبدالرحمن:افا عليك نعجبك نحن
عبدالله:دام جيتار حمود موجود وشرايط الافلام موجوده صباحي
هنادي:كشخه
علي:ليش متحمسه انزين ننحن بروحنا بس الشباب انتو مع نفسكم
ساره:شو مع نفسنا مانبا بنقعد معاكم
عبدالرحمن:يالله مناك
هنادي:حمنوووووه
عبدالرحمن:خيييرر
هنادي:بنقعد معاكم قلنا
عبدالرحمن:بشرط
البنات كلهم بصوت واحد:اااممر
علي:هههههه يالله بستر كل ها عسب تقعدون معانا
فيصل:حليلهم متحمسات
مايد:اشوفهن هههههههههههه
عبدالرحمن:هههههه خلوهم خلوهم.اامر ها
ساره:اخيي عاد ها الي بيذلنا
هنادي:بسرعه فكنا
عبدالرحمن:بتشوون لنا باجر
عليا:افا عليك ماطلبت شي
عبدالرحمن:لا انتي ماتسوين شي بعدج تعبانه الكلام للعفاريت الي معاج
عليا:ههههه لالا مافيني شي بنشوي لكم عادي
ساره:هي انته عليا ماتسوي شي بس نحن لاه
عليا:قلت بسوي
هنادي:ادور مشاكل اختي
ابرار:اشوفها
علي يطالع عواش:ماعرفتونا عليها
مريم:هاذي الله يسلمكم ربيعتي عويش ماي بيست فريند
الكل:ونعم
عبدالله:كلهم يبربرون وهي ساكته عادي يبا اخذي وعطي معانا
علي:لاتستحين عادي
عايشه:لا مب مستحيه عادي
محمد يبي يحرجها:يالبييييي ع الصوت
مايد كمل:من حقها تسكت
عايشه انحرجت
الكل:هههههههههههه
مريم:اي انته وياه بس عاد
محمد:ههههههه نمزح والله
عايشه نزلت راسها ضحكت بصوت خفيف
فيصل:اتعلمو الرقه منها مالت عليكم
ساره:يعني الحين انا دفشه
فيصل:ههههه لا بس خبله
عايشه:يوعانه مافي شي ينوكل
علي:ويه هنادي
هنادي:انجعم
مريم:قومو قومو خلونا ندخل المطبخ نسوي لنا شي ناكله
فيصل:لاتنسونا ها
فجر:تسمعون شي
هنادي:اسمع شي بس الصوت يقطع
مريم:لا حبايبي تتوهمون
عليا:اها عيل امشو
الشباب:هههههههههههه
علي:ههه والله انكم جلاب
عبدالرحمن:بشووف منو بيخليكم تسهرون معانا
البنات صدو ع فيصل
هنادي:وصل الصوت
ساره:مابننساكم اكيد
فجر:طيراان للمطبخ
وراحو يتراكضن
عبدالله:الحمدالله والشكر ههههههههههه
فيصل:لهدرجه نحن محبوبين
مايد:هههه حسيت
محمد:يسمونها مصلحه مب محبه
فارس:صح يعني لو ماكنتو يايبين الافلام جان ماشفتو ويوههم
عبدالله:بس زين بنستغلهم
علي:ههههه وايد بعد
عند البنات
فجر:شو بتطبخون
عليا:نبي وايد اكلات
ابرار:صج لانه ماشاء الله مانشبع بسرعه
ساره:عيل كل وحده تسوي شي
مريم:حد يروح يسال قم ماما اذا يبون العشى معانا ولالاء
عليا:انا بروح منو بي معاي
عايشه:خلهم يعطونكم رقم الدكان لانه في اغراض مب موجوده
ساره:اوكك يالله عليا امشي(راحو
ابرار:يالله كل وحده تشوف لها طبخه تطبخها
عايشه:انا علي الباسته
مريم:انا الورق عنب بس يباله وقت
ابرار:عادي انا بساعدج وبعدين في وقت وايد
فجر:وانا وعليوه وسويره علينا لسويتات
عايشه:زين يالله ابدو شغلكم
عند الحريم
ام فيصل:هي خبرني ولدي فيصل الله يهنيهم وان شاء الله تفرحين فيهم ف يوم واححد
غدير و ام عبدالله:اميين
(شوي ودخلو عليهم عليا وساره)
غدير:هاذي هي عروسة معرسنا
ام فيصل:ماشاء الله عليها عرف يختار حمنوه
ساره:هي بوي اخوي مب سهل
ام عبدالله:عقبال ماتفرحين بولدج فيصل
ساره حست بدت تتسارع دقات قلبها
ام فيصل:امييين
غدير:ها شوعندكن
عليا:عموه بس بغينا نسالكم اذاا تبون عشى لانه الحين رايحين نطبخ لنا ولشباب
ام عبدالله:لاحبيبتي مانبا طالبين
ساره:اوكي نبي رقم الدكان اذا تعرففونه
غدير:بتلاقينه ورا الباب
ساره:اوكي مشكورين(راحو
عليا:انا بسبقج بروح المطبخ خذي الرقم وتعالي
ساره:اوكي
شوي ورن فون ام حسن:استاذنكم شوي
الحريم:ااذنج معاج
طلعت ام حسن وكانت حذال الباب الي ساره ورا بس ام حسن ماشافتها ولا حست فيها
ام حسن:هلا حبيبتي,لاحبيبتي ماصار شي كل شي يمشي مثل ما اهم يبون(ساره كانت بتطلع بس ردت وقفت مكانها وتسمعها لانها حست انه وراها شي),اكيد عبدالرحمن حققج لاتحاتين,لا محد مسكه واصلا هم مابلغو وماشاكين انه في حد ورا سالفة الحادث حاطين ف بالهم صدفه وبس,اكيد حبيبتي بسوي شي,خلاص لاتحاتين انا بسكر الحين بكلمج بعدين باي(سكرت ودخلت
ساره واقفه ومصدومه من الي سمعته طلعت من ورا الباب ومشت للمطبخ وهي تفكر:معقوله هي ورا حادث عليا انزين ليش البنت شو سوت لها ولا وتقول بسوي شي شو بتسوين اكثر عن جي الله واكبر عليج
قاطع تفكيرها ايد هنادي:بسم الله عليج ساره حبيبتي شفيج
(ساره كان مبين ف ويهها الخوف والحيره
عايشه:ايبولها ماي
عليا راحت يابت لها الماي وساره تمت تطالعها والدموع بدت تتجمع ف عينها
عليا:ساره حبيبي شفيج صار شي
ساره مسحت دموعها وقامت:لا مافي شي,يالله كملو شغلكم انا شو اسوي
فجر:تعالي سوي لسويتات معانا
مريم:عليا خذي الرقم من عند ساره وروحي خذي الورقه الي كاتبتنها عايشه واطلبي
عليا:وين الورقه
عايشه:فوق المايكرويف
شوي ودخلو عليهم ريم ورنا:سلام عليكم
الكل:وعليكم السلام
هنادي:يالله افصخن عبيكن وكل وحده تمسك لها شي
وكملو شغلهم
عند الشباب
فارس:عبود استعيل نبي عرس
عبدالله:والله لو بيدي خليته باجر بس نتريا الشياب يحددون
فيصل:يالله عقبال اخو قلبي حمنوه
علي:لا هذا تو الناس عليه
عبدالرحمن:لا منو قال تو الناس عكيفك شو
محمد:مستعيلين الشبيبه
مايد:اشوفهم
حسن:لاحقين على المسووليه وعوار الراس
جاسم:وياشين البنات يوم يدلعن(يعيب عليهم)حبيبي ابي بيزات بروح اسوي لي شوبينق حبيبي ابي فلوس بروح الصالون وبروح اشتريلي فستان لعرس ربيعتي حبيبي و حبيبي
فارس:حبه ف لسانها انا اقول
الكل:هههههههههههههههههههههههههههههههههه
عبدالرحمن:بس نحن حريمنا غير
عبدالله:اكييد
محمد:انا اشهد
مايد:ها الا الحين عقب العرس بتطلع العجايب
فيصل:خلونا من البنات سوالفهم مول ماتخلص.تعالو خلنا نروح نسبح فالبحر
الكل:يالله(قامو وفصخو ملابسهم وتممو بشورت ونقزو البحر
عقب 4 ساعات خلصو البنات وراحو يسبحون عقب نزلو فرشو لهم جدام البحر وحطو الاكل ونادو على الشباب(طبعا ولا واحد فيهم في دهون ف جسمه واجسامهم ولا اروع تقاسيم خفيفه وحركات خقققه يعني)
عبدالله:وين الفوط
ابرار:وانتو يوم مب حاطين لكم افوط ليش تسبحون
حسن:انتو فيكم الخير و لبركه
مريم:هييي بدت المصلحه
علي:لا تتفلسفون ياخي روحو ايبولنا بموت من البرد
راحت عايشه ويابت لهم وعطت واحد واحد
وقفو البنات يطالعونهم خاقين عليهم هههه
(حطو لفوط عليهم وقعدو)
فارس:وين لصحون
البنات لاحياة لمن تنادي
السباب كلهم بصوت رجولي واحد:اييييييي
هنادي:ها
فجر:شو
عايشه:شفيكم
مريم:بسم الله
الكل:هههههههههههههههههههههههههههه
مايد:الحمدالله والشكر
مريم:فجر روحي هاتي لصحون
راحت يابتهم وقعدت:يالله اغرفو لككم
كل واحد خذ له صحن وحط له وبدو ياكلون
علي:يمي لذيييذهه الباستا
مايد:هي والله مرررررررررههه
فيصل:كل وحده تخبرنا شو طابخه عسب نحكم
عايشه:انا الباسته
علي:اااي بطني
عايشه:ايب الصحن
علي:ههههه والله امزح
فارس:ههههه على طول ايب الصحن بدون نقاش
عبدالله:ومنو مسوي الورق عنب
مريم:انا وابرار
كلهم بصوت واحد:اااااي بططني
ابرار:حلفو انتو بس
مريم شلت نعالها(عزكم الله)وفرته عليهم:بسرعه قومو
محمد:مب قايمين
(كملو اكلهم عقب انتشو بخبركم كل واحد وين كان
مريم وابرار وعايشه كانو يتمشون
هنادي وريم وعليا ورنا كانو قاعدين ويسولفون
فجر وساره كانو قاعدين ججدام البحر ويسولفون
علي ومحمد و مايد كانو يلعبون سوني
فيصل وفارس كانو قاعدين بعد مجابلين البحر بس بعييد عنهم
عبدالله وحسن قاعدين ع الكرسي الي برع
عبدالرحمن وجاسم يتمشون
عند فجر وساره
فجر:ساروه حبيبي شفيج من يتي من عند قم اميه وانتي مب على طبيعتج
ساره ف خاطرها:اقول ولا اسكت
فجر:ساره بابا حبيبي ارمسي
ساره:بقولج بس اوعديني انه محد يعرف بالموضوع
فجر:وعد بسرعه ارمسي خوفتيني
ساره:مساع سمعت ام ابرار ترمس بالفون وتقول......

عند فيصل وفارس
فارس:ونقضى عليك يالذيب هههههه
فيصل:ههههه هي والله
فارس:وخاش علي من متى
فيصل:من زمان بس من بعيد لبعيد ويمكن بس مرتين كلمتها وهي جدامي
فارس:ومافكرت بقم عبدالرحمن لو عرفو شو بيسوون
فيصل:بس انا مستحيل اسوي شي يضرها وناوي للخير
فارس بتردد ومستحى:بيني وبينك حتى انا
فيصل بشك:شو حتى انته
فارس:في وحده من الموجودات عاجبتني
فيصل:هههههههه منو سعيدة الحظ

عند عبدالله وحسن
عبدالله:ابوك مالمح لك بشي عن موضوعي انا وعروستي
حسن:اذكر قال انهم بيستعيلون
عبدالله:واخيرا حسو انهم معلقينا
حسن:متعذب الريال
عبدالله:هي وايد ههههه,نات مابتحس لين ماتجرب موقفي
حسن:مجرب بس بعدني بالمرحله الاولى
عبدالله:هااا حسسوونيه من وراي
حسن:حسونيه ابو حرمتك
عبدالله:يعني ابوك واااااااااااااككك
حسن:تخسي هههههههههه
عبدالله:بروحك سبيته انا مايخصني هههههه المهم منو هاذي
حسن:عقب بتعرف
عبدالله:الله يستر

عند هنادي
ريم:والله اشتقت ليام المدرسه
عليا:هي والله ايام ماتنسى
رنا:تذكرون يوم شردنا من حصة الانجليزي رحنا قعدنا على الدري ويتنا الوكيله
الوكيله:ها يابنات ليش مب قاعدين ف صفكم ماعندكم حصه
هنادي:هي اقصد لا فاضين
الوكيله:بسرعه على صفكم اشوف انتو صف جم
(هني الوهقه)
ريم:ثاني علمي واحد
رنا:لا مب واحد ثلاثه
عليا:لا واحد
الوكيله:الحين واحد ولا ثلاثه
البنات:واحد
الوكيله تطالع رنا:وليش تقولين ثلاثه
رنا منزله راسها وبتموت من الخوف:ابله نسيت
الوكيله:روحو الصف بسرعه الشوف جدامي

البنات:هههههههههههههههههه
هنادي:كيف نسيتي
رنا:هههه خفت تلحقنا الصف وتشوف الابله وتوقعنا
عليا:ههههه بس الحمد الله مرت على خير
رنا:اقولج هنوده منو الي كان لابس شورت رمادي وشعره بني لونه سماري صافي
هنادي:هذا الله يسلمج اخو فجر مايد
عليا:ريمووه اختج شكلها شايفتلها شوفه
ريم:رنووه
رنا:ها
ريم:لايكوون
رنا:احم,حرام الواحد يسال
هنادي:السالفه فيها احم الله يستر
رنا:جب انتي وياها وبعدين ليش كل حد راح مكان متى بيون
ريم:بيون عسب يشوفون الفلم لاه
عليا:حمني مالي فديته وينه ماكلمته اليوم
رنا:يعيني على الولهانين
هنادي:اتصليله انزين خلي ايج وروحو اتمشو شوي
عليا:والله محد فاهمني غيرج

عند جاسم وعبدالرحمن
جاسم:انزيين لاحق عليها ليشم ستعيل
عبدالرحمن:ادري لاحق عليها بس احسها وايد تنحرج ف اغلب الوقات لانه مافي ولا صله بينا وبينها غير انها ربيعة اختي وانا ابيها ياخي
جاسم:هي بوي اختصر الله يهنيكم
عبدالرحمن:اميين(شوي ورن فونن عبدالرحمن)ها ذي هي تتصل الو
عليا:الو خلا حمني انته وين
عبدالرحمن:اتمشى مع جسام ليش
عليا:كنت ابي اقعد معاك شوي بس خلاص خلك معاه بكلمك عقب
عبدالرحمن:الحب مالي يقول لي بقعد معاك اقول لاء ثواني وبكون عندج
عليا:ههه اوك اترياك(سكرت
جاسم:خلاص روح بروح انا عند الشباب
عبدالرحمن:اوكي (راح

عند ساره وفجر
فجر:انتي متاكده ساره
ساره:اقولج سامعتنها بذوني اتقوليلي متاكده
فجر تبي تقوم:والله اراويها
ساره مسكت ايدها وقعدتها:قلت لج مابي حد يعرف لين مانشوف لنا حل معاها
فجر:انزين والحل
ساره:بنجوف لين عقب,يالله تعالي خلينا نروح عندهم
كانو كلهم موجودين
فيصل:عبدالرحمن وين
هنادي:مع عليا راحو يتمشون
شوي ووصلو ساره وفجر وكان مبين على ويوههم التتوتر والحيره من قعدو مارمسو
عبدالله:وين قم علوه
فارس:اضن يلعبون سوني فالغرفه
جاسم:انا بروح اقول لهم يبندونه ويشغلون الجهاز ويشغلون الفلم وانتو شوي ولحقوني,بس حد يروح ينادي قم عبدالرحمن
ساره:انا بروح(قتمت

عند عليا وعبدالرحمن
كانت عليا ف حضن عبدالرحمن وكانو مجابلين البحر
عبدالرحمن:مب كثري طبعا
عليا:مبين اصلا لو كنت صج مشتاق لي جان دقيت مب تترياني انا ادق
عبدالرحمن:قلت لج مشتاق لج وجب
عليا:انزيين
مشت ساره عندهم شوي شوي ووقفت:احم
صدو عندها
عبدالرحمن:هلا ساروه امري
ساره:يقولون بيشغلون الفلم وييت عسب اناديكم
عبدالرحمن:اوكي يايين
ساره سرحت فيهم شوي عقب حست على عمرها ومشت عنهم
عبدالرحمن:شفيها
عليا:مادري من مساع وهي هاذي حالتها
عبدالرحمن:قومي شوي,سااره(وقام لها
ساره:هلا
عبدالرحمن:ساره حبيبتي شفيج مستوي شي
ساره بصوت خفيف:اقول ولا اسكت
عبدالرحمن:قولي حبيبتي صاير لكم شي


توقعاتكم
ساره بتقول لعبدالرحمن ولا بتسكت!!!
فارس وحسن ف منو معجبين!!!
ام بتخطط بروحها ولا حد بيكون معاها!!!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 16-08-2014, 05:39 PM
صورة روعة غلا الرمزية
روعة غلا روعة غلا غير متصل
©؛°¨غرامي نشيط¨°؛©
 
الافتراضي رد: الحب كلمه وفعل


باااااااااااااارت راااااااااااااائع
لا تعتمدي على الحوار
بليييييييييييييييييييييز نبغى بااااااااااااااااااارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 27-08-2014, 10:37 PM
صورة مجنونه,بس حنونه الرمزية
مجنونه,بس حنونه مجنونه,بس حنونه غير متصل
©؛°¨غرامي مشارك¨°؛©
 
الافتراضي رد: الحب كلمه وفعل


سوري ادري اني طولت عليكم
شوي وبنزل البارت ان شاء الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 27-08-2014, 11:47 PM
صورة مجنونه,بس حنونه الرمزية
مجنونه,بس حنونه مجنونه,بس حنونه غير متصل
©؛°¨غرامي مشارك¨°؛©
 
الافتراضي رد: الحب كلمه وفعل


البارت العاشر
عبدالرحمن:ساره حبيبتي شفيج مستوي شي
ساره بصوت خفيف:اقول ولا اسكت
عبدالرحمن:قولي حبيبتي صاير لكم شي
ساره:لا مب صايير شي راسي يعورني شوي
عبدالرحمن بشك:انتي متاكدة بس راس يعورج
ساره:هيي متاكده ويالله تعالو لاتتاخرون(راحت
عبدالرحمن تم يطالعها لين ماراحت:يالله عليا قومي(مسك ايدها وراحو
كللهم كانو فالغرفه كانت وسيعه وفي لها جهاز لشاشه كبير
) R... Rajkumarفلم هندي(
بخبركم كيف كانو قاعدين ممم جدام محمد و مايد و علي و حسن كانو طايحين ع ظهرهم
ووراهم فارس طايح ع ظهره وفيصل حاط راسه على بطن فارس و جاسم راسه على ريل فيصل
والبنات كلهم كانو قاعدين اخر شي هنادي وحذالها رنا عقب ريم وساره و مريم
على الزاويه الي عاليمين (عبدالرحمن وعليا)عليا كانت لامه ريلها وعبدالرحمن على يمينها وظهره فحضن عليا وراسه على كتفها الثاني
على الزاويه الي عاليسار(عبدالله وابرار) كانو قاعدين ومادين ريلهم وماسكين ايد بعض وابرار حاطه راسها على كتف عبدالله وهو راسه فوق راسها(ههههه ماعرف اشرح ان شاء الله فهمتو)
وكانو مبندين اليتات وحركات يعني
شوي ودخلت عليهم ام حسن بس ماشغلت اليت ومانتبهت على الي على الزاويه:انتن ليش منخشات بين المصبنه طلعو جدامي اشوف(تقصد البنات
ساره:مب طالعين ولو سمحتي سكري الباب وراج لانج خربتي علينا الفلم
ام حسن:ماعليه(طلععت
عند الحريم
غدير:وين تو الناس بعدها الساعه 12 ونص
ام عبدالله:متى تبينا انام
ام فيصل:لا حبيبتي نحن متجسحات مانروم انواصل مثلج ما شاء الله عليج
دخلت عليهم ام حسن:نشن شوفن بناتكن قاعدات بين المصبنه وبندين اليتات ويتعلثن بالفلم
ام عبدالله:دام اخوانهم عندهم ماعيلهم خوف
ام فيصل:خليهن لا تغثينهن
ام حسن:هي الحين انا صرت مغثة مابتسمعون مني لين ماتصير لكم مصيبه
الحريم:فال الله ولا فالج
غدير تغير الموضوع:خلاص عيل روحو نامو انا بروح اقعد معاهم بشوف الفلم(راحت
ام عبدالله:يالله تصبحون على خير(راحت
ام فيصل:واتي من اهله.يالله اسمحيلي ام حسن بروح ارقد
ام حسن:مسموحه

غدير دخلت عليهم وشغلت الليت وجاسم كان عنده الجهاز وقف الفلم
ساره بطفش:يبوووووووووووووووي
غدير:يعيني علي فالزاويه
كلهم صدو عليهم وبصوت واحد وهم يهزون راسهم:همممممممممممممممممم
فيصل:من جي صاخين
فجر:ماما حبيبتي خربتي علينا الفلم يابوي بندي الليت
غدير:بدخل(سكرت الباب)منو بيخليني ف حضنه جيه ابراروه وعليوه مب احسن عني
محمد ومايد فتحو اياديهم:تعالي بين احضاني يا امتاه
غدير سكرت الليت وراحت بين اعيالها وهم طاحو ف حضنها
غدير:الحين انا اقولكم بي فحضنكم و انتو اطيحون ف حضني
فجر بصوت ياهل:انتو ثلون تحضنون امي بدوني ها(وراحت نقزت فوقهم
محمد:وعمى
مايد:خيبه تخيب عدوج عورتينا
كلهم:هههههههههههههه
مريم:شوي شوي على خالتي يا ادفشين
هنادي:بس خلاص صخو جاسم يالله شغل
(ردو يشوفون الفلم بهدوووء لين ما خلص)
مريم:مابيني واحد يضحي عشاني
رنا:ااخخ ربج كريم
فارس:ها اتخبلن
هنادي:قومن يالله
قامو كلهم و ابرار و عليا ماتحركن
فجر صدت عليهم:وانتو مب ناوين تطلعون ولا عايبنكم الوضع
عليا:هي والله عايبنه
ساره:يالله يالله قومو بسرعه
ابرار قامت هي وعليا وطلعو وتمو الشباب
ريم:الجو روعه
رنا:هي والله
هنادي:شرايكم نرقد هني برع جدام البحر
مريم:ليش مخبل
فجر:هي والله فكره يالله كل وحده تروح تيب لها فرش لها وتي بسرعه(راحو
وانسدحو كلهم ع الرحمل واتغطو وتمو يسولفون لين ما رقدو

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 28-08-2014, 12:54 AM
صورة مجنونه,بس حنونه الرمزية
مجنونه,بس حنونه مجنونه,بس حنونه غير متصل
©؛°¨غرامي مشارك¨°؛©
 
الافتراضي رد: الحب كلمه وفعل


تابع

الصبح قامت ساره وراحت اتسوي لها كوفي وقعدت جدام البحر حاطه سماعه تسمع اغاني شوي وحد يا من وراها وحط ايده على عينها
خوزت السماعه من اذنها:فجوره!!
حطت ايدها فوق الايد الي ع عينها:منو
فيصل قرب من اذنها:صباح الخير
ساره:صباح انور
فيصل قعد حذالها:ها شعندج ناشه من صباح الله خير
ساره:شبعت نوم وانت!
فيصل:انا الله يسلمج بروح ايب مهاري
ساره:فديتها والله مشتاقه لها زين اتسوي ايبها انا بجابلها
(مهره اخت فيصل من الابو صغيره عمرها سنتين تقريبا شعرها اسود و عيوناتها وساع وبنيات كيوت ماشاء الله عليها فيصل يعشقها)
فيصل:زين بتساعديني شوي(قام) تامريني على شي
ساره:سلامتك بس شوي شوي فالدرب
فيصل:بتين معاي!
ساره:لا شو اي معاك مينونه
فيصل:مالت عليج
ساره:لو كان بيدي عبالك بترياك تقول لي تعالي جان شفتني فالسياره قبل ما تقول لي
فيصل:ادري بس ربج كريم.يالله الحب اشوفج عقب
ساره:اوكي .قومني(مسك ايدها ووقفها)
فيصل:على وين
ساره:بروح اسبح يالله اتوكل(راحت
فيصل:ساره
ساره صدت له:هلا
فيصل:احبج
ساره ابتسمت ونزلت راسها وراحت وفيصل راح
شوي وقامت عايشه حست بعطش راحت المطبخ صبت لها ماي
شوي وحد يا من وراها:بووو
عايشه نقزت:بسم الله
علي:ها خفتي
عايشه:احلف انته بس
علي:هههه يالله اشوف صبيلي ماي
عايشه راحت تبي اطلع له كوب
علي:لا.صبيلي من الكوب الي ف ايدج
عايشه:انا شاربه منه.صبر بغسله
علي:بمط شعرج والله صبيلي ماقلت لج اغسليه
عايشه ايتسمت له:انزين(صبت له وعطته وتمت تطالعه
علي حس فيها:ليش تطالعين
عايشه:ذكرتني بخوي كثر ماكان ناشب لي بكل شي كثر ما اني احبه
علي ابتسم لها:وينه ليش ماقلتيله اي معاج
عايشه دمعت عينها:الله يرحمه
علي انحرج وقام لها:اسف(ومسح دموعها)ويالله هاج الكوب(كان بيطلع
عايشه:علي
علي صد لها:ها علي
عايشه مسحت دموعها:احم دام الجو حلو اليوم و
علي:الزبده
عايشه:طلعونا
علي:ممم بفكر
عايشه:يالله عاد
علي:انزين يالله روحي خبريهم
عايشه:صدق
علي:لا انا جذاب لالا قولي جذاب
عايشه:ههه لا ماقلت جي
علي:يالله روحي بسرعه قبل ما اغير رايي
عايشه:لا بوي لاتغيره ولا عندك خبر(ركضت للبنات
علي:هههه حليلها
قامو البنات والشباب وقعدو شوي وعقب طلعو
راحو الامارات مول
محمد:عيل فيصل وين
ساره:راح اييب اخته مهاري
عبدالله بشك:وانتي شدراج
ساره:ها ل لانه هو قبل مايطلع شافني قاعده وقالي اذا قامو وسالو عني قوليلهم اني بروح ايب مهاري
عبدالله:هي عبالي
مايد:حد يدق له يقول له اي هني عن يرد الشاليه
عبدالرحمن:انا بدق له
ابرار:يوعانه تعالو خلونا نقعد في مكان ناكل لنا شي
هنادي:هي والله مافطرنا
علي:يالله امشو
راحو قعدو ف مكان وقعدو ياكلون لين ماوصل فيصل
ساره فتحت ايدها:مهاري حبيبتي تعالي فديتج
ركضت مهره ف حضنها
ساره:شخبارج حبيبتي
مهره:بخيل
ساره:يوعانه
مهره:لا
هنادي:مهاري حياتي ايبيها شوي
ساره:يالله مناك انا شليتها قبلج
مايد:الحين عاد بيلسون يضاربون عالبنت
محمد:بيكرهونها عيشتها
فجر:انتو شعليكم ساروه فديتج ايبيها بشلها شوي
ساره:ماعطيت هنادي بعطيج انتي يالله مناك
فارس:يالله لهدرجه تحبون اليهال.لو كنت ادري جان يبت عبدالرحمن اصغير
فجر:صغير!
فارس:هي صغير عمره 3 سنين تقريبا
فجر:اباااههه ايبه امانه
فارس:صدقتي لابوي مافيني على حشرته
فجر:ايبه وخله عندي
فارس:يصير خير
فجر:بتيبه صح
فارس:هي
هنادي:مهاري لقينا لج معرس فديتج
علي دز راسها: لاتيلسين تعلمينها من الحين
هنادي:ههه ماتفهم عادي
فيصل:ها شباب بتدخلون سكي دبي
فارس:يالله فوقه
كلهم قامو وراحو يلبسون ودخلو داخل
مهره:الله ثلج
ساره:يالله انروح نلعب
مهره:يالله
تمو يتفرفرون بثلج ويلعبون ويزحلقون وناسه يعني
عقب ماطلعو راحو يتمشون في جميرا وعقب على الساعه 1 ردو الشاليه كانو كلهم قاعدين فالغرفه الي برع وكان ابو عبدالله وابو حسن موجودين
دخلو كلهم وسلمو عليهم وقعدو
بو عبدالله:من وين يايين ماشاء الله
علي:رحنا المول وعقب تمشينا شوي وردينا
شوي ودخلت ام فيصل ركضت لها مهره:ماما حبيبتي
ام فيصل حضنتها وباستها:مهاري منو يابج حبيبتي
مهره:اخوي حبيبي يابني
ام عبدالله:ههه ماشاء الله عليها
ام فيصل:اخوها يا حبيبها ليش ماخبرتني انها بتي
فيصل:امها دقت لي قالت تعال شلها تبي تي عندكم رحت يبتها
ام فيصل:زين سويت
غدير:ها تبون غدى
محمد:لامشكوره الغاليه متغدين
بو حسن:دام الكل موجود خلنا نخبركم على شي مهم
حسن:ها ابوي قول
هنادي:مستوي شي
مريم:اللهم اجله خير
بو حسن: خير ان شاء الله
بو عبدالله:قررنا انه نخلي ملجة ابرار و عبدالله لسبوع الياي
مايد:اوب اوب مبروك اخو قلبي
هنادي:بس ابوي مب جنه قريب وايد و مابيمديها تخلص اخراضها
عبدالله:جب انتي شو بتخلص الا ملجه مب عرس
بو عبدالله:انزين خلوني اكمل
ساره:كمل ابوي
بو عبدالله:واحتمال يكون بنفس اليوم ملجة عليا و عبدالرحمن يعني عروستين و عريسين
رنا:وااااي وناسه
مريم:ياسلام
غدير:عقبال مانفرح فيكم يابنات
كل البنات بصوت واحد:امييييييييين
علي:خيبه كيف متخبلين على الزواج
الكل:هههههههه
بو حسن:عشان جي بنرد باجر عسب يخلصون اغراضهم
فجر:زين
فارس:اشوف المعاريس ال4 من يابو لهم طاري الملجه مانتطقو
ساره:هههه حسيت
رنا:خلوههم يعيشون الصدمه
مريم:كبرتو وصرتو حريم والله
طلعت عليا ولحقتها ابرار
ام عبدالله:ههههه دوج انتي
ام فيصل:حليلهم
فجر:ها مابتلحقونهم انته وياه بعد
عبدالرحمن:هايي بتسكتوها عني ولا اطر راسها بهالكوب الي جدام اميه
فجر:خيبه كيف بيستوي اجرامي بوي لا اطر راسي ولا اطر راسك بقوم انا بوي بنات تعالو خلنا نروح عند العروستين(راحو
توقعاتكم
بيصير شي قبل الملجه!!
كل شي بيمشي ف السليم ولا ام حسن بتخرب عليهم فرحتهم!!!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 28-08-2014, 05:25 PM
صورة روعة غلا الرمزية
روعة غلا روعة غلا غير متصل
©؛°¨غرامي نشيط¨°؛©
 
الافتراضي رد: الحب كلمه وفعل


بااااااااااااااااااااارت رااااااااااائع
كملللللللللللللللي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 29-08-2014, 01:38 PM
صورة مجنونه,بس حنونه الرمزية
مجنونه,بس حنونه مجنونه,بس حنونه غير متصل
©؛°¨غرامي مشارك¨°؛©
 
الافتراضي رد: الحب كلمه وفعل


اقتباس:
المشاركة الأساسية كتبها روعة غلا مشاهدة المشاركة
بااااااااااااااااااااارت رااااااااااائع
كملللللللللللللللي
تسسسللمييينن حبيبتي

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1