غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 07-07-2014, 07:17 AM
Mrmr15 Mrmr15 غير متصل
©؛°¨غرامي جديد¨°؛©
 
Uploadef24302391 روايتي الاولى: ظلمني وندم


السـلام وعلـيكم ورحـمـة الـلـة وبـركـاتـه:
ااتي هنا بروايتي الاولى لكي ادخلكم لعالمي الخاص والخيالي حبيت انكم تشاركوني فيه عشان كذا كتبت لكم روايتي طبعاً راح يكون فيها انسجه من عالم الخيال وانسجه من الواقع ..
بـسـم الـلـه الـرحـمـن الـرحـيم نبداء ..
.
.
.
.

طق طق طق طق
..: ياخي زين خلاص قتلك اني بقوم لا تأذوني
..:اخلص علينا ترانا تأخرنا وانت خضرتك للحين بفراشك
..: نوره اقسم بالله لو ما توخرين عن الباب لاقوم اتوطى ببطنك..
نوره : زين زين والله اذا ما قمت بفجر بابك الحين
..: انتي بس حاولي تطقينه بعد وطالعي شيصير لك
نوره: بلا هذره زايده قوم يا احمد ولا لي تصرف ثاني معاك
احمد تنهد بضيق واخذ فوطته وراح للحمام خذا شور عالسريع وللحين نوره تتكلم مع نفسها طبعاً سافها ولا عطاها اي اهميه هذا احسن حل لقااه

نزل تحت وشاف ساعته الساعه 6:45 ص
فطر عالسريع ثم سلم على امه وطلع مع خواته
ركب السياره
نوره استلمته : زين انك جيت واللله توني بنزل اكفخ الباب !!
احمد ساكت..
نوره استغلت الفرصه وتقعد تسب فييه
الى ان صرخ ذيك الصرخه الي الكل فز ممنها من قوو الصرخه اسكتت ونزلت راسها
احمد: اي خلك كذا لا افقع وجهك يا الحنانه ..
الحين بعرفكم على عائلة نوره واخوانها
ام نوره: انسانسه طيبه لابعد حد وحنونه جداً
عمرها 41 تهتم بنفسها والي يشوفها يقول عمرها 30 وتحت .. توفى زوجها لمن كان عمرها 36 ربت عيالها بنفسها ولا تحب الخدم ولا شيء
احمد: اكبر عيالها واللي تعتمد عليه عمره 26 يشتغل بشركة ابوه طبعاً هم من الهوامير وابوهم كان يتعب على الشركه .. جميل لابعد حد عيونه ناعسه وجسمه جميل وشعره دايم مكسر .. حنون وطيب لكن يكره نوره وبتعرفون السبب .. غامض جداً ..

نوره : جميله واهيا اجمل اخوانها واخواتها عيونها وسيعه لونها عسلي انفها صغير
شفايفها ورديه وصغار .. شعرها دايم تفله ولا تسوي فيه شيء طويل لين اخر ظهرها لونه اسوود .. بصف ثاني ثانوي عمرها 17 سنه نعومه بس وقت الهبال ما تعرفونها فلهههه حيل تحب ترقص واذا استانست ما تعبر دموعها الي تعبر عنهاا ومره حساسه وتحب اخوها احمد بس هو يكرها ..<< طولت عليكم ادري😂

ساره : اخت نوره الاصغر منها عمرها 16 اولى ثانوي شعرها لين نص ظهرها تحب نوره بشكل مو طبيعي ومتعلقه فيها حيل واهيا كاتمة اسرارهاا واي شيء يصير سيده تقول لنوره ..

ريوف : اختهم الاصغر عمرها 15 ثالث متوسط تشابه ساره حيل بس شعرها بوي عيونها صغار بس مو حيل كانت متعلقه ب ابوها حيل بس من راح واهي دايم حزينه وكل ما احد يجرحها تقول لو ابوي هنا كان ماسويتوا كذا فيني

خالد : اخوهم الفله دايم يضحكهم ما يحب يشوف احد من خواته زعلانين وحتى اصدقاءه ما يحب يشوف بعيونهم الحزن عمره 21 ذكي جداً يحب وحده من بنات عمه بتعرفونها بالبارتات الجايه .. حنون جداً عيونه لونها اسوود شعره جميل اسود نفس اخوه دايم.. ومو كتوم الي بقلبه على اللسانه عكس اخوه الي غامض مره .. < ^_*

هذي اهي عائلة نوره --
نرد للاحداث
بعد ما وصلهم على مدارسهم راح للشركه قعد يوقع على اوراق مهمه مندمج حيلل بالشغل .. شوي الا احد الموظفين طاق الباب ..
احمد:تفضل
..: اسف استاذ احمد ازعجتك بس كنت بقووو
احمد قاطعه: عادي عادي وش بغيت ؟؟
..: راقبنا البنت و *سكتء*
احمد بصراخ وعصبيه : و وش ياناصر تكلم !
ناصر ارتبك~ ياربي وشلون بقوله؟ امري لله:...
انتهى البارت
التوقعات :
منو البنت اللي يتكلمون عنها؟ وايش تصير لاحمد

اذا شفت ردود كثيرة ودعم راح انزل باقي البارتات ..! واذا ماكو بقفل الراويه ؟؟

مع السلامة حبايبي❤️❤️


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 07-07-2014, 07:54 AM
Mrmr15 Mrmr15 غير متصل
©؛°¨غرامي جديد¨°؛©
 
الافتراضي رد: روايتي الاولى: ظلمني وندم


حبيت اقولكم لو ان انجحت روايتي ان شاء لله وبأذن الله ما راح احلل الي ينسب الروايه لاسمه وشكراً حبايبي


تعديل Mrmr15; بتاريخ 07-07-2014 الساعة 08:36 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 07-07-2014, 08:33 AM
همس القواف همس القواف غير متصل
©؛°¨غرامي فعال ¨°؛©
 
الافتراضي رد: روايتي الاولى: ظلمني وندم


بداية موفقة حبيبتي كملي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 07-07-2014, 08:42 AM
Mrmr15 Mrmr15 غير متصل
©؛°¨غرامي جديد¨°؛©
 
الافتراضي رد: روايتي الاولى: ظلمني وندم


اقتباس:
المشاركة الأساسية كتبها همس القواف مشاهدة المشاركة
بداية موفقة حبيبتي كملي
حبيبتي ان شاءالله من عيوني راح اكمل اذا شفت ردود اكثر ومشكوره

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 07-07-2014, 08:48 AM
صورة بــنــوتــه كـلاسـيـكـيهه الرمزية
بــنــوتــه كـلاسـيـكـيهه بــنــوتــه كـلاسـيـكـيهه غير متصل
©؛°¨غرامي مشارك¨°؛©
 
الافتراضي رد: روايتي الاولى: ظلمني وندم


بداية جميله
بس كمليها حبيبتي بالمرة تحمست
موفقه ياروحي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 07-07-2014, 09:17 AM
Mrmr15 Mrmr15 غير متصل
©؛°¨غرامي جديد¨°؛©
 
الافتراضي رد: روايتي الاولى: ظلمني وندم


اقتباس:
المشاركة الأساسية كتبها بــنــوتــه كـلاسـيـكـيهه مشاهدة المشاركة
بداية جميله
بس كمليها حبيبتي بالمرة تحمست
موفقه ياروحي
ان شاءالله حبي بنزل بارتين بعد الفطور اوكي ❤️

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 07-07-2014, 08:15 PM
Mrmr15 Mrmr15 غير متصل
©؛°¨غرامي جديد¨°؛©
 
الافتراضي رد: روايتي الاولى: ظلمني وندم


البـارت الـثـانـي :
احد الموظفين طاق الباب ..
احمد : تفضل
..: طال عمرك راقبنا البنت و
احمد بصراخ : و ايششش تكلم يا ناصر ؟
ناصر ارتبك~ شلون بقوله ؟ امري لله : ا ا .. امس كانت رايحه لشقة واحد
احمد بهدووء: واحد ومن هوو؟؟
ناصر : مدري بس الي عرفناه واحد هو وشلته ماهم بزينين داشرين !!
احمد~ ماشي: خلاص توكل ياناصر مشكور وماقصرت ..
ناصر : ولو طال عمرك واجبنا هذا .. عن اذنك ..
احمد هز راسه بالايجاب
ثم طلع ناصر
احمد ظل يفكر ~ ياربي ذي بتجلطني بحركاتهاا ياربيييي وش اسوي !! تنهد بضيق وسكر الاوراق واستاذن من الشركة وراح على طول لبيتهم
اول ما وصل

امه كالعاده استقبلته وسلمت علييه
ام احمد: ها يا وليدي فيك شيء عسى ما شر طالع بدري؟؟

احمد~ لوتدرين يا يمه: لا يايمه مافي شي بس صداع خفيف

ام احمد بحنيه نفس كل مره : من وشهو ياعمري
احمد : مدري الظاهر من النوم!! امس نمت متاخر
ام احمد راحت تجيب حبة بنادول وقلاص ماي
احمد : يايمه تكفيين قتللك صداع خفيف ويروح ان شاء الله ..
ام احمد : لا ماتقوم الا لمن تاكلها
احمد : من عيوني ..
اكل الحبة ثم استاذن من اممه وراح لغرفته ينام

نتركه ونروح نشوف نوره وصديقاتها..

نوره : ياربي اف وش ذي الخنقه ابي اخلص مدرسه �� ..؟
وحده من صاحباتها : يانوره وش بعد تبين احمدي ربك باقي لك سنه وتخلصين وتتمنين هاالايام تعود .. شوفي الي توهم ب اول ابتدائي

نوره تحمد ربها وتشكره : الحمدالله يا رب ان بفتك بعد سنه .. ببس وش يصبرني يا ليان ؟؟
ليان: انتظري انتي ووجهك بعد شتسوين
نوره : ووش عندي غير الانتظار :)؟ استغفرالله!!
وحده ثانيه من صاحبتها : افف اصلا انا ما ابي تخلص المدرسه بعدين منو بيونسني لي خلصت المدرسه !!
نوره: انتي ولا كلمه الا قولي وشهو بسوي من غير دراسه يومياً يالدافوره .؟
اسرار : اي كيفي كيفي احب الدراسه ! انتي وش دخل امك ..
نووره بستهزاء :كيفي بتكلم بقول وجهة نظري ولا حرام ؟؟

ارجوان : لا والله مو حرام يا عمري انتي
نوره : بعد عمري بنت العم احبكك

خلينا نعرفكم على اصدقاء نوره!!
نبداء ب ليان
ليان؛ بيضه ضعيفه حيل وتعاني كثير من هالشيء طويله عيونها حلوه لونهم اسوود وتحب بطل من ابطالنا بتعرفونه منو<< عمرها 17 كبر نوره ومعها في نفس الفصل ..!
ارجوان : تكون بنت عم لنوره شوي تشابهاا بس هي بيضه ونوره حنطيه عمرها 17 ودايم مع نوره وتحبها مثل اختها وتكتم اسرارها دايم .. وكذلك نوره وتعتبر ساره اختها وارجوان بنت عمهاا اهم شخصين في حياتها ما تتخلى عنهم ابد وطبعا من بعد امها واخوها احمد و خالد لان ماعندها اخوان غيرهم❤️❤️

اسرار: بيضه عيونها صغار نفس عيون ريوف تقريباً..! شاطره .. شعرها لي تحت اذنها ودايم ترفعه .. فيها خباثه شوي ورفيجاتها يعرفون هالشيء بس ساكتين بيشوفون لين وين بتوصل وتحقد بسرعه ومن اي شي هم اهي ابوها من الهوامير ..! عمرها 17 سنه ..

نرد للاحداث -

اسرار طنشتهم وقامت ..
نوره : الحمدالله والشكر ناس متخلفه
ليان وارجوان في نفس الوقت: ايي والله صدقتي ..
مر عليهم اليوم عادي من غير ااي احداث بالمدرسه ::~

السواق جابهم من المدرسه

اول ما دشو
نوره : اف ياربييه وش ذا الحر شلون بتحمل
ام احمد: الناس تسلم او وبعدين قولي اللهم اجرنا من نار جهنم مو تقعدين تتأفأفين
ساره سلمت على امها وباستها على راسها كذلك ريوف سوت نفس الشيء
ام احمد : اي هذيل بناتي السنعات مو انتي تتحلطمين !
نوره : خلاص حقك علي يا حلوة اللبن وقامت باست رسهاا ..
ام احمد: ها يا بنات شلون الدراسه معكم؟؟

البنات بردود مختلفه : تمام~ ماشي الحال~ زينه ..

ام احمد دعت من قلبها: الله يوفقكم يابناتي واشوفكم بالجامعه ..
البنات : امين

تغدوا وكل وحده راحت غرفتها ..
عن ريوف : بدلت ملابسها ثم حطت راسها ونامت~ هذي حالتها وتحب تنعزل عن الناس من موت ابوهاا هي اكثر وحده حزنانه.. وبالغصب تطلع ~

ساره : كالعاده بدلت وراحت عند اختها نوره تتونس معاهاا..

نوره بدلت ~ شوي الا احد طاق الباب

نوره : ساره الادب من متى بطلي الباب ودشي يعني
ساره:~ لا رد......
نوره : تستعبطين تراني بنام خلصيني

تبطل الباب وو ........؟

نروح لجهة ثانيه

بطلت التلفون ودقت على رقم معين

...: الوو هلا ... شسويت ان شاء الله كل شي تمام ؟
... ابتسم بخبث: كل شيء تمام ياطويلة العمر بس متى تردين لي ؟
..اففف ياربي وش اقوله مالي خلقه ردت بنفسيه: خلاص ان شاءالله اذا صار كل شي تمام ..!
...: ماشي حبيبتي الحين اخليك كلميني بعدين
.. بقرف قال حبيبتي قال : خلاص خلاص زين بايي ..

--£/&/"-£/_$^\^.$\*\*\*_*

نرد لنوره ؟؟
تبطل الباب و دخل احمد سيدا راح لعندها وشد شعرها: وين كنتي امس وبصراخ تكلمىيي !!
نوره ببكي : والله مارحت مكان بس السوبر ماركت فكني والله ماسويت شي
احمد : الا كنتي رايحه عند واحد صحح ؟ تكلممي

نوره انصدمت : والله يا احمد ما سويت شيء انا اختك انت ما تثق فيني ووببكي يقطع القلب: هدني يا احمد هدني اذا بتشك باختك كيفك بس والله انا ما سويت شي والله صدقني

احمد: انا اعلمك قومميي البسي عباتك بسسرعه
نوره : وين بتوديني يا احمد وين ؟
احمد: وانتي وش دخلك البسي وبسرعه تعالي انا بالسياره !!

دشت ساره طبعاً اسمعت كل شي ودموعها اربع اربع : يا احمد وش فيك على نوره والله انا كنت معها امسس بالسوبر ماركت ..
احمد: انتي مالك شغل واطلعي بره لا اكفخك الحين معها !
ساره احترمت احمد وردت غرفتها ما قدرت تنام
..
بعدها نوره انزلت للسياره وماتدري لوين بتروح!!

انتهـى البـارت ؟
توقـعـاتكـم :
احمد وين بيودي نوره؟
ومنو الشخصين الي قاعدين يخططون على الشر؟؟

اخـليـكم مع البـارت احـبـتٓي ولا تنسـون الردود الطيبه وآرائكم بالرواية و اكلمها ولا اقفلهـا ❤️- ^_*



تعديل Mrmr15; بتاريخ 07-07-2014 الساعة 11:06 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 07-07-2014, 09:38 PM
Mrmr15 Mrmr15 غير متصل
©؛°¨غرامي جديد¨°؛©
 
الافتراضي رد: روايتي الاولى: ظلمني وندم


الحين حبيت اعرفكم على عائلة نوره كلهم احسن عشان بعدين ما اتعب ❤️

بـيـت الـــجـــد & الجـده

الجد محمد : عمر 69 سنه الشيب مالي راسه عنده بيت كأنة قصر وعند 5 عيال وبنتين ولـه هيبه بالسوق .. وعنـدهم مزرعـه < بعدين اوصفها^_* ويحب احفاده حيل اكثر من اي شيء ودايم يلبي طلباته وكل شيء يقولونه سيده يجيبه لهم وموفر لهم كل شيء ❤️
الجده نوره؛ طبعا هي اصرت ان حفيدة ولدها تكون ب اسمها عمرها 65 طبعا متزوجين من زمان مثل ما قلت لكم عندهم بنتين وخمس عيال .. وهم اهي تحب احفادها بشكل مو طبيعي وكل ويك اند تلزم عليهم يجون ينامون عندهـا ...
اكبر عيالهـا : يوسف : ابو احمد عمره 49 واهو اكبر من زوجته بكثير وتحترمه حيل ..زوجته ام احمد : حصه : توفى لمن كان عمر زوجته 36 عندهم 3 بنات ريوف وساره ونوره وشابين خالد و احمد حنون وطيب طبعا عياله ورثوا هالشيء .. يحبون ابوهم حيل واكثر وحده ريووف واهوا يموت عليهم ..

ام احمد حصه : ذكرت لكم شكلها و عمرها .. وهم عيالها وصفتهم

نجي حق الي اصغر من يوسف
وليد : عمره 48 شديد على عياله بس مو حييل فيه حنيه اكثر من الشده .. يحب عياله ويلبي طلباتهم
سميه : زوجته : طيبه بس تحب المظاهر عندها بنتين وولد تموت عليهم .. عمرها44
ارجوان : وصفتها لكم طبعا ..
اختها سلاف : عمرها 15 كبر ريوف كانت معها حيل قبل لا يتوفى ابو ريوف بس بعد ما توفى ابتعدت عنهاا لانها رغبة ريوف .. وللحين تبكي تبي ترد لها ريوف .. وتحب ريوف حيل .. من بعد ريوف تعلقت ب اخوها محمد وكل اسراها عنده وهي الحين دلوعته

اخوهم اسامه : ابيض طويل معضل شعره لين رقبته دايم مسويه تكسير جميييل عمره 22 سنه صديق خالد الروح بالروح ومايفارقه وكل اسراره عند خالد ..

محمد على اسم الجد*_^ : يحبه الجد اكثر عشانه نفس اسمه .. عمر 20 سنه مع سلاف دايم ويشكي لها وتشكي له يحبها حيل ويعزها وخصوصا اهي ما يحب يشوفها زعلانه.. ما يطلع حيل كل بدوانية بيتهم وربعه يجونه يقعدون معه ..

اخو وليد الاصغر ..

سامي : عمره 47 سنه عصبي على عياله بس يحبهم ومرات تجيله حنيه .. كان مع اخوه يوسف دايم مايفارقه بس لمن توفى كلا يشغل نفسه بالشركه عشان ما يذكره( طبعاً كلهم يشتغلون بشركة الجد وبعضهم بشركاتهم الخاصة ) عنده ولدين وبنت

ساره : زوجة سامي تحب زوجها حيل وتقدره عمرها 45 حنانها اكثر من اي شي بدنياء
على عيالها خصوصا بنتها .. ومن زمااااان متزوجه زوجهاا

ولدها الكبير بدر : عمره 25 مع احمد دايم ويعتبره اخوه الثالث حنون وزعول وحساس متزوج بنت عمته.. اسماء..

اخوه الاصغر يزيد: عمره 19 حنطي يحب وحده من بنات عمته واهي تموت فيه .. دايم مع خالد واسامه ..

اختهم حلا : وحيدة امها وابوها دلوعه ويموتون عليها فلله وتحب الوناسه بس شوي عربجيه ..! عمرها 17 ثاني ثانوي مع واخوانها كلهم يحبونها دايم تونسهم .. مع نوره وارجوان بالمدرسه ..!

اخوهم الاصغر من سامي نايف : دلوع امه وابوه عمره 30 مو متزوج .. دايم مع عيال خواته واخوانه ويموتت عليهم ويضحكهم مع خالد دايم فصله لابعد حد ..


نجي عند البنات

ربيعه : اختهم اكبر من نايف ب 5 سنوات عمرها 35 متزوجه ولد عمها حسن تحبه واهوا يموت عليها متزوجين من كانوا بالثانوي (الحب ومايسوي*_^ )

عندهاا ثلاث بنات واربع اولاد

اكبر عيالها عمر : بالشرطه عمره 26 .. ومايشوفونه كثير وسييم لابعد حد جسمه يخقق وحتى عيونه خشمه سلة سيف وفي وحده من بنات عمه تحبه!؟ ياترى من اهياا؟؟؟ عصببيييي يخرع له هيبه

تركي اصغر من عمر .... عمر 22 طبعا مع شلة المهبل الي فوق ^^ حتى اهوا جميل ويشاابه اخوه عمر بالمواصفات بس مو نفس الشخصيه طيب وحنون ومرهه فال امهاا !!

اسماء عمره 20 جميييله متزوجه بدر .. ولد عمها تحبه وهو يموت علي ترابها

الاصغر من تركي اسمه رائد عمره 16 مع ولد عمته دايم بتعرفونه بعدين .. ممنعزلين ودايم على البلايستيشن عاقلين ومؤدبين ..!

اخر ولد رامي5 سنوات
البنتين
رنا وريناد توأم اعمارهم 13 سنه متعلقين ببعض حيل ويخققوننننننننننن...!!! جميلين .؟ ودايم مع بنت عمتهم ومع عمهم نايف يموت عليهم ..!
------
اختهم الاصغر دانه عمرها 34
من زمان بعد متزوجه من واحد برى العايله اسمه نادر تموت فيه واهو يعشقها
نادر عمره 35 : يحبهاا ويتمنى ما يخسرها واهي دلوعته طبعاً من بعد عياله ..

ععندهم توام وولد وبنت كبار

البنت الكبيره لينا : عمرها 14 من عمر بنات عمها جميله شعرها طويل لي اخر ظهرها حنطيه شفايفها ورديه وداييييييم مع ؟ ريناد ورنه ما يفترقون !!

التوأم : بنتين


شيخه وديمه اعمارهم 6 سنوات والولد اسمه سليمااان عمره 16 سنه هذا تبع رائد.. جميلين طبعا طالعين على امهم ..!

وبس بكذا خلصنا العائلة الكريمه ..!
[/color]



تعديل Mrmr15; بتاريخ 07-07-2014 الساعة 10:40 PM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 08-07-2014, 03:28 AM
Mrmr15 Mrmr15 غير متصل
©؛°¨غرامي جديد¨°؛©
 
الافتراضي رد: روايتي الاولى: ظلمني وندم


امممم قاعده اشوف ان ماكو تفاعل بس مشاهدات:(
اقفلهااا ولا لا :(؟؟


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 31-08-2014, 03:50 AM
Mrmr15 Mrmr15 غير متصل
©؛°¨غرامي جديد¨°؛©
 
الافتراضي رد: روايتي الاولى: ظلمني وندم


السلام عليكم
كيفكم حبايبي انشاءالله بخير؟
انا ادري انقطعت فترة عنكم بس انشغلت من كذا ما قام يدشون روايتي ولان انا حطيت روايتي في رمضان اغلب الناس تكون منشغلة بطاعة الله من كذذا وقفتها وتوني ارد انشاءالله تتفاعلون فيها والحين ابسألكم
اكمل الروايه ولا اقفلها ؟
مع السـلامه وانا بكون موجوده اعطوني ارائكم واي وحده بتكلمني خليها تجي على الخاص واكتبو ارائكم هنا❤️
بنتظارككم❤️❤️


روايتي الاولى: ظلمني وندم

الوسوم
الاولى: , روايتي , علمني , نويل
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الاولى في النهايه انا احبك ضحكتي معذبتهم روايات - طويلة 0 07-01-2014 12:51 AM
علمني كبريائي القمر هو حبيبي مواضيع عامة - غرام 28 31-01-2013 02:58 PM
عندما تحاول ان تبتسم اطفاك القدر ياشمعتي ارشيف غرام 8 28-10-2011 04:23 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
روايتي الأولى : علمني الحب a7la mesho أرشيف الروايات المغلقة - لعدم إكتمالها 19 31-05-2010 07:45 AM

الساعة الآن +3: 03:22 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1