منتديات غرام روايات غرام أرشيف الروايات المغلقة - لعدم إكتمالها أنت الوحيد الي لا لمحته صكتني حالة فهاوه/بقلمي
cher lloyd ©؛°¨غرامي جديد¨°؛©

بسسم الله الرحمن الرحيم
السلام عليكم ورحمة الله وبركاته
اخباركم ؟ ان شاء الله تمام
ورمضان كريم :)
المهم انا من النوع اللي م اعرف للمقدمات كثير xD
وحبيت احط روايتي الاولى بهذا المنتدى الرائع واتمنى اني اشوف تفاعل
ولا احلل نقلها الا بأسمي :)
اتمنى ان تتابعوا روايتي وتحبوها
وارجوا كل الرجاء من ناقلي روايتي
ان يذكروا اسمي للامانه :(
روايتي فيها م كل شئ
فيها الدجة والرجة
الرومانسيه والعاطفه
احزن والفرح
وكل ما تتمنوه
ابدا روايتي تحت عنواان
(انت الشخص الوحيد الي لا لمحته صكتني حالة فهاوه )
ملاحظه بسيطه : مو انا كاتبة الروايه صديقي كتبتها وتنتظر التفعيل وقلتلي نزليها لين يتفعل الحساب :)
-----
البارت والتعريف بالرد التالي

cher lloyd ©؛°¨غرامي جديد¨°؛©

التعريف بالشخصيات:
هم 3 عوائل فقط طبعاً هم اغنياء ومن اغنى العوائل في الشرقية:
عائله اابو مشعل
ابو مشعل:45 يشتغل في شركة هو واخوانة
ام مشعل:39

مشعل :25 يدرس في الجامعه تخصص ادراة اعمال وسيييييم لدرجه تفوق الخيال اسمراني عيونه
رماديه وسيعه ورموشه كثييرة فم وردي فاتح له نضرة تذوب الواحد شعره اسود ناعم.

حور:18 ثالث ثانوي ادبي هاذي البنت جمييييله تخقق عيونها رماديه تسحر الواحد حتى اهلها يخقو عليها
عشان كذا دايم تحط القصه ( الغرة ) على عيونها رموشها كثيرة
فمها صغير توتي ولها غمازات تذوب اذا عصبت وجهها يكون
يخقق تسوي حركات لا اراديه يعني بالأختصار ( اذا عصبت يصير وجهها بيبي فيس )
صديقتها سمر ومها تحبهم مرة..شخصيتها عند البنات تكون فلاويه
وعند الاولاد تكون هاديه بس تمزح شعرها لونه اشقر فاتح يخقق عليها لأنها بيضاء.
--------------------------------
العائله الثانيه
عائله ابو فيصل
ابو فيصل:47 سنه
ام فيصل:40 سنه

تركي:23 سنه يدرس مع فيصل ومشعل عيونه خضرا على امه تخقق وابيض شعره اشقر
طويل شوي لحد الرقبه له عضلات نضرته تذوب الواحد .

فيصل:25 سنهه يدرس مع مشعل صديقه الروح بالروح تخصص اداره اعمال ويحب الاستهبال
يخقق ابيض بياض متوسط له غمازات تخقق نضرته تذوب الواحد عيونه بني فاتح شعر بني
رموشه كثيرة فمه وردي فاتح.

سمر:18 سنهه ثالث ثانوي ادبي صديقه حور الروح بالروح عيونها سودا تذوب وشعرها بني لها غمازات فمها صغير وردي
وشخصيتها مثل شخصيه حور.

راما:عمرها 16 أول ثانوي شعرها اشقر وهي بيضاء عيونها رماديه واسعه فمها صغير توتي فلاويهى مرره
لها غمازات رومانسيه كل الناس يحبونها يعني بالعربي محبوبه + تخقق.
-------------------------------
العائله الثالثه
عائله ابو راكان:
ابو راكان :44
ام راكان: 40

مها :18 سنهه تدرس مع حور وسمر وصديقتهم الروح بالروح سمرا سمار حلو لها غمازات فمها وردي
صغير عيونها بني فاتح شخصيتها مثل شخصيه حور وسمر شعرها بندقي نااعم.

راكان:17 ثاني ثانوي حلوو مره جريئ مرره ابيض عيونه سودا تخقق اذا طالع في الواحد يذوب وما يدري
وش سر هاذي النضره يعني تكون نضره غامضه وتجذب.
البارت 1
في بيت ابو مشعل:
ام مشعل /حور ..حور قومي يلا عشان تروحي المدرسه هذا اخر يوم اختبارات..
حور/طيب طيب يمه انتي روحي خلي مشعل يصحى وبعدين انا
ام مشعل/اقول بلا دلع زايد يلا قومي
حور/طيب خلاص قمت
( رآحت حور للحمام الله يكرمكم اخذت لها شاور سريع فرشت اسنانها لبست مريولها وظبطت شعرها سوته
كعكه وحطت قلوس خفيف وكحل خفيف ورشت من عطرها المفضل ونزلت تحت )
حور/السلآم عليكم وصباح الخير
ام مشعل وابو مشعل ومشعل /وعليكم السلام صباح النور
حور/كيفكم ؟؟
كلهم /تماام وانتي
حور/الحمدلله بخير يس هذا اخر يوم اختبارات
ام مشعل/ الله يوفقك يلآ افطرو عشان تروحي المدرسه تروح للجامعه يا مشعل .
حور و مشعل /ان شاء الله يمه.
(راآح مشعل للجامعه وابو مشعل كمان راح شغله وحور تروح مشي لان المدرسه قريبه شوي‘ وصلت
المدرسه ولقت صديقاتها الي هم بنات اعمامها .
وسلمت عليهم .
حور/يس ببنات هذا اخر يوم في المدرسه.
مها/بنات عندي فكره !!
حور وسمر وراما / وش هي؟؟
مها/وش رايكم اذا رجعنا نخلي آبائنا يطلعونا للشاليه ونقعد هناك 3 اسابيع .
سمر/وااو جبتيها يا مهوش وانا اقول على مين طالعه بذكائك اثرك طالعه علي
مها /مع نفسك بعدين مين ضحك عليك وقال انك ذكيه .
سمر /محد بس انا...
قاطعتهم حور:بس خلاص انتي وياها خليكم عاقلين زيي البنت التي هي كويسه .
سمر ومها/ يا شيخهه !!
راما /بنات كل وحده تقول لأبوها عن الشاليه اوكي؟؟
البنات/اوكي
حور/واذا ما وافقو؟؟
راما/لا اكيد بيوافقو من زمان ما طلعو مع بعض ويقولون تفاءلو بالخير تجدوه.
البنات /خلاص.
خلصت المدرسه ورجعو البنات لبيوتهم.
بيت ابو فيصل:
دخلو سمر وراما /ماما بابا احنا جينا..
جاهم فيصل/امي وابوي طلعو..
راما/وين راحو؟
فيصل/راحو يتمشون شوي
سمر وراما /اهاا خلاص احنا بنطلع نغير وننام.
فيصلاوكي وانا بعد بناام.
بيت ابو راكان :
مها/السلآم عليكم
ابو وام راكان/وعليكم السلام هلا
مها/وين راكاني؟؟
ام راكان/جاء من المدرسه و على طول ناام .
مها/اهاا اجل انا بروح ابدل وانام بغيتو شي .
ابو وام راكان/سلامتكك
وطلعت بدلت ونامت.
ملآحضه ( بيت ابو فيصل وابو مشعل وابو راكان لآصقه في بعض وكذا يكون دريشه غرفه راما
قريبه او مواجهه دريشهه غرفه راكان )
بيت ابو فيصل:
قامت راما وغسلت وتضوت وصلت وفتحت دريشتها وكانت تشوف الدريشه الي قدامها مفتوحه بس ما تدري
غرفه مين غرفه مها ولا راكان )هي اصلاً غرفه راكان بس ما تدري )
وظلت واقفه عند الدريشه وتقرأ كتاب روايه رومانسيهه)
دخل راكان غرفته وشاف راما طبعاً راما مو منتبهه ابداً شاف ملاك قدامه انبهر من جمالها
والي زاد جمالها جاء هواء وصار شعر راما الاشقر يطير وهذا زاد جمالها لدرجه تفوق الخيال.
خق عليها راكان وفجأه جت سمر ونادت اختها.
سمر/رامــــــــا
راكان عرف اسمها.
راما/ طيب الحين جايهه.قفلت الدريشه وراحت.
راكان في نفسه ( اهاا الحين هاذي اسمها راما ما شاء الله عليها تخقق )
-------------
سمر/راما عندي خبر بمليون
راما/قولي يلا بسرعه
سمر/ اعمامي وافقو على الشاليه
راما / قولي قسم
سمر/قسم
راما/ونااااااااسه
سمر/ يب يب اتصلي على مها وحور وقولي لهم يجهزو عفشنا بكرا بنمشي ..
راما/اوكي
اتصلت راما على مها وحور وقالت لهم لآ ينسون خرابيطهم ( شبسات - شقلاطات -جلكسيات -وغير ذلك)
-------------
جاء الصباح وجهزو العوائل اغراضهم وخلاص بيمشون.
اقول توزيعهم:
سياره فيصل :
راكان وراما وحور وسمر ومها.
سياره مشعل:
مشعل وابو مشعل وام مشعل.
سياره ابو راكان:ابو وام راكان
سياره ابو مشعل نفس الشيء.
وابو فيصل كمان نفس الشيء.
-------------
في سياره فيصل:
سمر/فصول نزلنا للسوبر ماركت
فيصل/اولاً اسمي فيصل مو فصول ثانياً ليش وش بتاخذون؟؟
سمر/هذا بالله سؤال؟؟الصراحه سؤال غبي اكيد يعني عشان نشتري خرابيطنا الي هي شبسات وبيبسيات و..
قاطعها فيصل/ بس بس خلاص عرفت الحين اوديكم.
سمر /شكرا يا احلى اخ.
حور قالت لا شعورياً/لآ تصدقها تراها مصلحه
حور جالسه ورا فيصل..
فيصل لف المرايا عليها بحيث يطالعها هي بس :ومن قال اني صدقت؟؟ادري اصلاً انا مصلحه.
وابتسم ابتسامه تخقق حور ذابت عليه واستحت وشالت نظرها عنه..ابتسم فيصل وكمل السواقه.
نزلو البنات للسوبر ماركت واشترو اغراضهم ورجعو للسياره .
راما/فيصل اي اغنيه نبي نفلها شوي
فيصل/خخخ طيب بحط اغنيه حماسيه بس اجنبيه
راما/اوك نو بروبلم
فيصل/الشريط تحت المقعده الي جالسه عليها حور حور عطيني الشريط تحت المقعده..
حور فزت يوم سمعت فيصل يانديها وعرفت وش يبغى .
حور نزلت تحت المقعده وجابت الشريط وعطته فيصل تلامست ايديهم وارتبك فيصل من نعومه يدها وحور نفس
الشيء بس الحمدلله محد لآحظ.
شغل فيصل الشريط والبنات انواع الرقص والوناسه والفلهه بس راما كانت نايمه وراكان لآنه قدامها يسمع
صوت شخيرها وكل ما شخرت راما ضحك راكان يكتم ضحكته طبعاً ونفسه يعرف مين هاذي البنت؟
سمر/رامــــــــــــــــــا
راما انفجعت/هااه وش فيه من مات ووش صار؟؟
راكان عرف انها راماه وكاتم ضحكتهه ويسمع وش يقولون:
سمر/صحصحي وفليها معنا ^^
راما على الريحه قامت ترقص وسمر تضحك على هبالها
راكان نفسه يشوف راما وهي ترقص كانت بس حاطه الشيله ( الطرحه ) على راسها وحاول راكان انه
يشوفها وفكر انه يسوي نفسه يطالع لورا من المرايه وفتح المرايه وشافها وهي ترقص خق عليها.
وبفضل الله وصلو الشاليه .
------------------
أنتهى البارت
توقعاتكم :) ؟.

زِئبقيَّہ الأمْزجَہ *| ©؛°¨غرامي مشارك¨°؛©

* ~










بداية موفقة.. ربما ستكون قصة رآئـعة


الأسلوب جيد ..
لكن عزيزتي اعتمدتي كثير على الحوار .. يا ليت تزيدين السرد أكثر *)





لم استطع بناء الكثير من التوقعات .. فالقصة لا تزال في البداية


راكان يبدو معجبًا بـ راما .. وفيصل بـ حور .. وربما مشعل سيعجب بـ سمر .، أو ربما مها .. ~ مجرد تخمين





ونقطة ثانية .. ذكرتي في الوصف احدى البطلات لها "شعر أشقر فاتح " ..
هل لها قرابة من الأجانب ~> لأن هذا شي نادر لدى السعوديين





بانتظـآر المزيد من ابداعكم ،..







~

غَيدْ ! ©؛°¨غرامي فعال ¨°؛©

مساء الخير .. موفقة بطرحك حبيبتي.. بداية موفقة ان شاء الله وياهلا بك .. الملاحظات اللي بعطيك اياها سبق وان عطيتها جميع الكاتبات اللي واجهتهم .. وعندهم نفس الخطأ ..

اتمنى حبيبتي تحطي هالشيء بعين الاعتبار.. المبالغة في وصف جمال الشخصيات .. يفقد الرواية مصداقيتها .. وتكون الرواية شبه ثقيلة التقبل على عقل القارئ.. اي كاتبة تبالغ في وصف جمال الشخصيات هي ايضا عندها حب للجانب الظاهري.. وتهتم بالمظاهر.. بينما الافظل لنجاح الرواية انك تهتمي بالجمال الجوهري لكل بطل..

هذي حقيقة حبيت اوجهها لك.. الجمال الباطني للأشخاص يعلق القارئات فيها.. وممكن يكون للكاتبة هدف حقيقي تشوفين القارئات من بعدها يتغيرون جذريا .. وهذا بسبب رسالتها الصريحة.. مانقول مانوصف جمال الاشخاص.. لكن المبالغة .. بأنه يدوخ وان مخقق نص بنات الشرقية ولا الرياض.. هذا فعلا موضوع مبالغ فيه..

الشيء الاهم .. الغناء الفاحش.. خلصوا الشركات اللي عندنا وانتم بعدكم مصرين ان باقي شركات $"
من كثر ما الكاتبات متعلقين بالشركات .. والغناء.. والقصور.. خذونا بالواقع .. الكل يعيش بكرامة بمستوى متوسط .. او بمستوى الفقر.. وحياة الابطال بتكون جميله ايضا بالفقر وبالمستوى المعيشي المتوسط ..مو شرط يكونوا اغنياء حتى ينالوا السعادة ..

كثري الوصف والسرد.. ولاتعتمدي ع الحوار.. لان هذا احد اهم الركائز الاساسية اللي تهتم لها الكاتبة "$ والقرآء ايضا "$

موفقة بالطرح ..

cher lloyd ©؛°¨غرامي جديد¨°؛©

وعليكم السلام ورحمة الله وبركاتة
الصراحة نورتو روايتي يا جميلات
واتقبل انتقاداتكم
مشكورين عالمرور الجميل
فمان الله
~♥~

cher lloyd ©؛°¨غرامي جديد¨°؛©

بنات وينكم ؟ -.-

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1