منتديات غرام

منتديات غرام (/)
-   منقولات أدبية (https://forums.graaam.com/118/)
-   -   تتركيني؟ (https://forums.graaam.com/578613.html)

ديمٌو ! 09-07-2014 06:06 PM

تتركيني؟
 


تتركيني ! ماقدر افتي واقول : انه حرام

لكن اللي اقدر افتي فيه جرحي و الحنين

يعني صار الحين همك تتركيني والسلام

ماحسبتي حساب عيش وملح و معاشر سنين

ماخطر في بالك اني ممكن اتعذب وانام

نومة ماعقبها ... الا صلاة الميتين

مو حرام ان تاخذيني لحم ترميني عظام

يعني ناقصني جروح الا تجين وتجرحين

خلي عندك لو شوية ذوق وشوي احترام

مو كذا من الباب للطاقه ياحلوه ترحلين

شايفتني طفل ولاّ كنت مو قد المقام

لا بغيتك ماتجين ولا بغيتيني تجين

لو ابفعل مثل منتي تفعلينه بالتمام

صدقيني مثل ماستحملت .. ماتستحملين

بس انا واحد اقدر شي يسمونه غرام

مبدأي : من حبني مره احبه مرتين

كيف سميتي علاقتنا معزه وانسجام

والشعور اللي احسه هو شعور العاشقين

حاجه اكبر من حكاية حب واسطورة هيام

سجلتني في سجل : المغرمين الضايعين

من ضياعي صرت احس اني اعيش الانفصام

بين شخصية مراهق طايش و شايب رزين

الله اكبر كنّ مالي واحد وعشرين عام

شايل الدنيا على راسي ونفسياً حزين

تايه ومابين عاطفتي وفكري اصطدام

ضعت مدري ليه ؟ ولاّ كيف ضعت ؟ ولجل مين

يتهمك الجرح .. وانا اقول ليه الاتهام ؟

الضلوع اصلاً ضلوعي وانتي اللي تطعنين

يعني لاشرهه عليك ولا عليك اية ملام

ولا يردّك عن طعوني والضلوع الا اليدين

سوي اللي مابدالك لو تجاوزتي النظام

صَك ملكية حياتي معك لا تترددين

اجرحيني واعرفي مادام لله الدوام

ميّت مهما تكون اسباب موتي .. بأي حين

طالما ماني بخير وحالي اسوأ مايرام

تكرم الدنيا واهلها .. وعيشتي من اجل عين

وبعد هذا وبعد كل اللي سمعتي من كلام

وبعدما دنقت راسي لجل اكفكف دمعتين

وبعدما حطيت نفسي بين جدران وظلام

وبعدما عديتك انتي الاهل .. والناس اجمعين

وبعد كل اللي لقيتي من رعاية واهتمام

وبعدما حسستك انك غير وطينك غير طين

وش تبين اكثر عشان اثبت لك انّي كالحطام ؟

يعني لو يرضيك اموت ! اموت لكن ترجعين ؟



محمود الزهراني 14-07-2014 03:34 AM

رد: شعر [ تتركيني؟ ]
 
طرح في قمة الروعه

يعطيك العافيه وما قصرتي

أشكرك

صح لسانك غمازه

تقبلي مروري / محمود

عثراات 14-07-2014 04:55 AM

رد: شعر [ تتركيني؟ ]
 
رووووووووووووووووووووووووووووووووعه
تسلم يداتك ي عسسسسسل
راااق لي كلامك جداا
يعطيك العافييية

Dodz. 14-07-2014 05:00 AM

رد: شعر [ تتركيني؟ ]
 
-










كَكلِمات جمِيلهَه جِداً و مُتألِقهه ..
رائِعهَه ..

ودِي لكِ .

tornado soon 17-07-2014 03:12 PM

رد: شعر [ تتركيني؟ ]
 
يعطيك الف عافية على الذائقة والاختيار
والمعذرة .. ينقل طرحك للقسم الانسب ، منقولات ادبية

شاكرة مجهودك

’،

جَـذْلَــى 18-07-2014 11:34 AM

رد: تتركيني؟
 
صبــاح الجــــــوري
صح لســـان قاايلهـا
انتقــــــــااء جميــــــل
يعطيـــــــــك العاافيه ع النقــل
وبانتظـــــاار جديـــــــــــدك..


الساعة الآن +3: 01:38 PM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1