غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 12-07-2014, 01:50 AM
shadon_13 shadon_13 غير متصل
©؛°¨غرامي مشارك¨°؛©
 
الافتراضي روايه هذا الزمان/بقلمي، كاملة


بسم الله الرحمن الرحيم

اول روايه لي اتمنى تعجبكم
ناظرت نفسها بالمرايه المكسوره (وجد) طفله بشكلها لكن تفكيرها كبير
مشطت (سرحت) شعرها الحرير الكستنائي دخل عليها اخوها من ابوها (نواف):وجد يقول ابوي تعالي للعشاء
وجد:حاظر
طلع نواف و وراه وجد
جلسو على سفره على الارض واكلوا بهدوء
تكلمت ام نواف:ابو وجد نبي كم غرض للبيت
ابو وجد:كم مره قلت لك يا حرمه ما معاي ما تفهمين انتي؟
ام نواف:طيب وش اسوي لك لازم هالاغراض عشان البيت (وبنظرة خبث) خل وجد تجلس بالبيت ماله داعي روحتها للمدرسه ومصاريفها الزايده
شهقت وجد خافت ابوها يسمع كلام مرت ابوها:لا يبه انا اخر سنه لي بالثانوي خلني اكملها
ابو وجد:اووف خلاص اسكتوا

نتركهم شوي ونروح للبيت مستواه متوسط بس راقي
دخل سعد:السلام عليكم
ام خالد:وعليكم السلام
ام خالد:وينك يا ولدي ما شفتك من امس؟
سعد حب راس امه:اسف يام سعد بس انشغلت مع واحد من الشباب
...:احم احم ، السلام عليكم
سعد وامه:وعليكم السلام
خالد (بضحكه):زين شفناك يالدب
سعد:ههههههههههههه وين تشوفنا وانت لازق بحرمتك
منال (زوجة خالد)استحت وحمرت خدودها وبرز بياضها مع الحجاب
خالد:هههههههههههههههههه خلني مع حرمتي على الاقل انا بالبيت مو اصيع بالشوارع
سعد:بدينا بالموال (ناظر امه) انا طالع فوق اذا جاء الوالد نادوني ابيه وطلع
وهو على الدرج صقعت فيه توأمه
سعد:يا هلاا والله بسارونه ، وش فيك مستعجله؟
ساره:هلابك ، لا بس فيه بارتي بكرا وابي اروح وابي استأذن من ماما
سعد وهو يكمل الدرج:الحمدلله والشكر انتي بس همك السوق والبارتيات؟
ساره بدلع:اييوا
دخلت ساره الصاله:سلااام
الكل:وعليكم السلام
خالد:وش فيك داخله كذا تقل احد يركض وراك؟
ساره طنشته:ماما بكرا فيه بارتي وابي اروح
خالد:وانتي بس همك هالبارتيات؟
ساره مطنننشه:هاه ماما اروح؟
ام خالد:أا...
قاطعها خالد:خيير انا اكلمك ليه ما تردين؟
ساره بدلع ينررفز:بسهوله مااالك دخلل
خالد:الا لي دخل تراك مو صغيره تراك بالجامعه مو الثانويه اهتمي بدروسك شوي واتركي عنك هالسوالف الماصخه
ساره:ادري بالجامعه مو لازم تذركني(وبلامبالاه) ليه ادرس واتعب نفسي (بغرور) انا اخرتها ببيت واحد بطرااان وم راح يخليني اشتغل
خالد يسايرها:وليه ان شاء الله؟
ساره بغرور:لان بختصاار انا جميييله
(ساره كانت جدد جمييله بيضاء ونحيفه وشعرها بني مايل على الاشقر وطويله .. الخ يعني فيها كل مواصفات الجمال)
خالد:أا..
قاطعته امه:خير انت وياها مو عاملين لي حساب وانا جالسه بينكم تتهاوشون
خالد وساره:العذر والسموحه
ام خالد لساره:اطلعي ذاكري بكرا عندك امتحان
ساره:مااماا ذاكرت ، هاه اروح بكرا؟
...:احم احم،السلام عليكم
الكل:وعليكم السلام
ساره:ماقلتيلي ماما اروح؟
ابو خالد جلس :خير وين تبين تروحين؟
ساره: بكرا فيه بارتي وابي اروح
ابو خالد:ومين الي عامل البارتي؟(يقال انه مهتم)
ساره:وحده من صحباتي
ابو خالد مستحيل يرفض طلب لدلوعته ساره:خلاص روحي بس لا تتأخرين وارجعي مع سعد ولا مشعل(اخوهم الثالث)
ساره بدلع و وناسه:ياااي بابا شككرا
ابو خالد:يلا حطو العشاء
ام خالد:ابشر دقايق ويكون قدامك
خالد بأستهزاء:انسه ساره روحي جهزي العشاء مع ماااماا
ساره بقررف:اناا اجهز العشاء مستحييل (وبأستهزاء) ليه ما تقول لمنوووله تجهز العشاء؟
انحررجت منال وفزت:أءء انا بروح اساعد خالتي
خالد انقهرر من ساره بس م يقدر يتكلم لان ابوه موجود وهذي دلوعة البابا
ساره:هههههههههههههههههههههههه لا تنادوني للعشاء ما ابي
مرت من عند المطبخ متجهه للدرج وتسمع صوت امها
دخلت المطبخ
ام خالد:ساره حبيبتي دامك طالعه نادي سعد
ساره:حاظر ماما
طلعت وهي تفتح البرود كاست بالبيبي وتقراء وتضحك
دخلت غرفة سعد بقووه انخرع سعد
سعد:أءء حبيبي منى بعدين اكلمك الوالد يبيني (وسكر) ناظر ساره الي تنااظره بضحكه
سعد معصب:خيير ما تعرفين تطقين الباب ولا تدخلين بهدوء؟
ساره:هههههههههههههههه لا ما اعرف ، منهي هذي منى؟ (تغمز له) وحده جديده؟
سعد:وانتي وش دخلك روحي بس اهتمي بالبارتيات واشيائك السخيفه(يتهرب)
ساره:هههههههههههههههه سعوود ترا انا اكثر وحده تعرفك اخلص تكلم
سعد وهو يبي يطلع ويدفها لبره: اقول اطلعي بس كانك دايم فاضحتني ، ابوي جاء؟
ساره:Yes
نزل سعد وترك ساره تدخل لغرفتها

دخلت ساره غرفتها وسكرت الباب وقفلته فتحت الدولاب(الخزانه) وفتحت البوم الصور وبدت دموعها تنزل على كل صوره تطيح عينها عليها وبدأ موالها كل يوم قبل ما تنام ..
.
.
عند مشعل كان جالس عند البحر هو وصاحبه (تركي)
مشعل:اممم ومتى بتطلعون؟
تركي:بكرا اذا مو الفجر الظهر
مشعل:اها ، طيب لا تتأخر علي يومين وارجع
تركي:ههههههههههه زوجتك انا لا اتأخر عليك؟
مشعل:ههههههههههههههههه
تركي:طيب ليه ما تطلع معانا؟
مشعل:انت تعرفني طلعة البر ما احبها
تركي:الله يرحم ايام اول يوم كنت تعد الاسابيع والايام عشان نطلع للبر
مشعل بضيقه:تركي ممكن تسكت ولا عاد تفتح هالسيره؟
تركي:ياخوي لازم تنسى لمتى بتظل كذا؟
مشعل:مو بإيدي(بهم وضيقه)خلاص سكر على الموضوع
تركي:أءء(بأرتباك)مشعل بقول لك شي
مشعل مو يمه جالس يفكر:هممم
تركي:أءءء انا ......
دخلت بشقه مشبوهه كاسات الخمر فكل مكان
العيال فأحضانهم بنتين وثلاث خنقتها العبره بس قوة نفسها وسحبت لها كأس وصارت ترقص من غير لا تشرب......


نهاية البارت!!

ابي توقعات وابي اشوف التفاعل وان شاء الله يعجبكم
مع تحياتي:shadon_13

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 12-07-2014, 06:15 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: روايه هذا الزمان/بقلمي


صباح الخير .. ياهلا فيك بغرام .. موفقة بطرحك .. عزيزتي لاتعتمدي على الحوار استخدمي السرد والوصف لمكان الحدث وللشخصيات .. وحطي احدث ملفتة وتجذب القارئ


القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 12-07-2014, 02:23 PM
shadon_13 shadon_13 غير متصل
©؛°¨غرامي مشارك¨°؛©
 
الافتراضي رد: روايه هذا الزمان/بقلمي


اقتباس:
المشاركة الأساسية كتبها وردة الزيزفون مشاهدة المشاركة
صباح الخير .. ياهلا فيك بغرام .. موفقة بطرحك .. عزيزتي لاتعتمدي على الحوار استخدمي السرد والوصف لمكان الحدث وللشخصيات .. وحطي احدث ملفتة وتجذب القارئ


القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه





قضايا






طيب انا كتبت بارتيين ان شاء الله الثالث بوصف الاحداث زين وشكرا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 12-07-2014, 02:44 PM
shadon_13 shadon_13 غير متصل
©؛°¨غرامي مشارك¨°؛©
 
الافتراضي رد: روايه هذا الزمان/بقلمي


البارت الثاني

دخلت بشقه مشبوهه كاسات الخمر فكل مكان
العيال فأحضانهم بنتين وثلاث خنقتها العبره بس قوة نفسها وسحبت لها كأس وصارت ترقص من غير لا تشرب..... شافها يزيد وابتسم بخبث وقرب لها
يزيد بأستهزاء:اووه الحلوه جت؟ ما توقعت بعد امس تجين
وجدان معصبه:اووف انت وش تبي بس تتلصق فيني؟
يزيد:لا ابد بس اعجبني رقصك وجسممك بعد(ويغمز لها)
وجدان من غير شعور كبت الي فالكأس على يزيد
هي صحيح بهالمكان القذرر بس حافظت على شرفها منه امس
يزيد بعصبيه مسكها مع يدها وسحبها لوحده من الغرف ورماها على الارض وقفل الباب
يزيد بصراخ:انتيي كيييف تتجرئين تسوين هالحركه هااه؟
وجدان ببرود قامت من الارض ورجعت شعرها الكستنائي لورا:اي اتجرأ وبسوي اعظم من كذا لو فكرت تلمسني
يزيد فصخ التيشيرت حقه:انا اوريك الحين مين بيفكك مني
وجدان بخوف بس بينت البرود:استاذ يزيد اذا قربت لي بثانيه اخبر عنك (بأستهزاء) الوااالد مثل امس
يزيد مسكته مع الايد الي توجعه رجع لبس تيشيرته ولف عنها وفتح الباب:اصلا اقرفتيني مالت عليك
وطلع
وجدان ما تحملت وطلعت على طول من الغرفه ومن الشقه ومن القرف هذا كله لبست عبايتها المزخرفه ونزلت لسيارة السايق الي يستناها تحت مثل العاده
دخلت السياره وهي تبكي:بسررعه للڤيلا
السايق:اوك انسه
صحت على هواش مرت ابوها
ام نواف:قوومي لا بارك الله فيك قومي سوي الفطور لأبوك
وجد:حاظر
طلعت مرت ابوها من هنا ونزلت دموعها من هنا
وجد:اميي ويينك لييه رحتي وتركتيني عند هالي ما ترحمم الله يسامحك بس(مسحت دموعها وطلعت للحمام اكرمكم الله توضأت وصلت الفجر وبدت تجهز الفطور)
لبست مريول المدرسه ورجلست على السفره مع ابوها واخوها
ابو وجد:اسمعي انا بتأخر اليوم (وجهه كلامه لنواف)وانت تطلع من المدرسه عند اختك على طول سوالف الصياعه ما ابيها فااهم؟
نواف:فاهم ، حاظر يبه (ليه متى انت جبتها احس انا ابوها مو انت اووف)
وجد:الحمدلله يلا يبه لا نتأخر
ابو وجد:يلا
ظفت وجد السفره ولبست عبايتها السااده وطلعت مع ابوها
صحت وعيونها متورمات من البكى ناظرت الساعه
7:00
...:يووووه راحت علي نوومه بتأخر على الجامعه كذا
قامت دخلت الالبوم بالدولاب(الخزانه) ودخلت تروشت ولبست ورفعت شعرها بسرعه مو محتاج لا استشوار ولا اي شي هو ناعم ولبست عبايتها الي ما بقى لون الا وهو فيها ونزلت
مرت على غرفة الطعام ما لقت احد:اكيد طلعوا لدواماتهم وماما نايمه كالعاده
طلعت للسايق:بسررعه للجامعه
بالجامعه بالكفيتيريا
مشعل:اووف ليته ما راح اشتقت له الدب
حمد (واحد من اصحابه):وش فيه الحبيب ؟
مشعل: لا ابد بس مشتاق لتركي الدب
حمد:طيب ليه ما طلعت معاهم
مشعل بضيقه:هاه لا ما ابي
حمد:اقول قم بس قم الحين تبدأ المحاظره وانت جالس هنا تقل مرأه زوجها مسافر عنها
مشعل:هههههههههههههههههههههههههه الله ياخذ عدوك يلا بس مشينا
ودخلوا محاظرتهم
بالمدرسه
دخلت وجد وفصخت عبايتها ودخلتها بالشنطه وقامت ترتب شعرها الكستنائي المربوط
جتها صديقتها (شوق)
شوق:صبااح الخييير كيف الحلو؟
وجد:ههههههههه صباح الورد بخير وانتي؟
شوق:مشتااقه لك
وجد:هههههههههههههه وش فيك لسى امس شايفتني
شوق:وش اسوي عاد احبك
وجد:هههههههههههههههههههههه الله يأخذ عدوك بس خليني ادخل شنطتي بالفصل واقولك وش سوت العقربه(مرت ابوها)
شوق:حسبي الله عليها وش مسويه بعد
ودخلوا وهم يسولفون
صحت وناظرت غرفتها المظلمه:يووه كم الساعه
9:00
...:يووووه تأخرت على المدرسه ماله داعي اروح بغيب اليوم امس يزيد الغبي عكر مزاجي
قامت تروشت ولبست ونزلت تحت وهي تشوف اكره انسانه عندها بهالوجود(اممهااا)
وجدان:اووف (بصراخ)رووووووز(خدامتهم)
(طبعا الكلام بالانجليزي وانا خليته بالعربي)
روز:Yes
وجدان:جهزي لي الفطور
روز:اوك انسه
ام وجدان:خير ليه غايبه بعد اليوم؟
وجدان:اي بغيب وما راح اكمل بعد انقليني
ام وجدان:ترا هذي ثاني مدرسه تغيرينها
وجدان:مابي الابلات مو عاجبيني ولا الطالبات بعد (طبعا مو هذا هو السبب هي تبي تطفش امها لانها تكرهها)
ام وجدان:طيب وين تبين بعد؟
وجدان :عادي اي مكان
بعد 5 دقايق
دخلت روز:انسه وجدان جهز الفطور
قامت وجدان وافطرت ولبست عبايتها و وينك ي اقرب مول
سعد جالسه بالمحاظره ويتذكر كلام ابوه امس(
سعد:يبه خلنا نطلع للمزرعه بالويك اند
ابو خالد:هالفتره امتحانات ذاكر وخل الطلعات بعدين
سعد:لو ان سويره هي الي طلبتك كان وافقت على طول
خالد:ايي هذي سوييره حبيبت القلب الدلووعه
ابو خالد طفش من حنتهم:اووف خلاص اتفقوا بينكم وخبروني
سعد:الله يخليك لنا ولا يحرمنا منك يالغالي
ابو خالد:يا حبك للمصحله
سعد:ههههههههههههههههه
ام خالد:يلا تفضلوا على العشاء ، وين ساره؟
خالد يقلد دلع ساره:لا تنادوني على العشاء ما ابي
ام خالد:خويلد لا تتريق على اختك)
فيصل(واحد من اصحاب سعد): يابو الشباب وين رحت؟
سعد:هاه لا معاك
فيصل:اقول ركز بالمحاظره بس قال معاي قال
عند مشعل بالمحاظره يتذكر كلام تركي(
تركي:أءءء انا شسممه احبب
مشعل لف له بقووه وصار يناظره بتفحص وبعدين: هههههههههههههههههههههههههههههههههههههههههههههههههه تررركي يحبب؟ هههههههههه ومن تعيسة اووه اقصد سعيدة الحظظ؟
تركي بعصبيه: خيير قايل نكته اناا؟ بعدين تحمد ربها انا ترركي ال..... لفيت لها وحبيتها
مشعل:امووووت انا على الثقه طيب مين؟
تركي بأرتباك:أءءء مو لازم تعرف الحين كل شي بوقته حلو) يا ترى منهي الي يحبها تركي؟ (مشعل بنفسه)
بعد ما طلعت من الامتحان ناظرت ساعتها:باقي ساعه على المحاظره الجايه ادق على شعوله اشوف وينها؟
المكالمه:
ساره:الوو
مشاعل(صاحبتها):ي هلا والله صباح الخير وينك ما شفتك اليوم قبل الامتحان؟
ساره:صباح الورد ، امم جيت متأخر ودخلت الامتحان على طول انتي وينك الحين؟
مشاعل:انا بالمكتبه صورت لي كم ورقه تعالي للكفيتيريا دقايق واجيك
ساره:اوك لا تتأخرين
مشاعل:اوك
دقايق ولا مشاعل وساره على احد طاولات الكفيتيريا
ساره:اليوم فيه بارتي عند ميّ تروحين؟
مشاعل:اييي اكييد
ساره:زين بمرك على 8:30 تكونين جازه
مشاعل:اوك ، وايش راح تلبسين
ساره:ذاك الفستان الي .....
وبدأت سوالفهم السطحيه
عند وجدان بالمول
كانت متلثمه والعبايه مخصصره وكأنه فستان مو عبايه ولثمتها خفييفه لدرجة مبين الروج الفوشي
شافوها الشباب وصاروا وراها
الاول:ااححح شوف جسمها يخببل
الثاني:لالا والا الروج اخقق اناا
هي تنرفزت بس قوة نفسها لازم تقهر امها وتعلمها كيف تهتم فيها(حراام تفكر بهالشيء تضر امها ما درت انها تضر نفسها)
وجدان بنعومه ودلع:اووف مراا حرر (كان معاها كوب قهوه من ستار بوكس) لفت على الشباب ابتسمت لهم وراحت كبت كوب القهوه وهي بتموت من الضحك على اشكالهم وهم خاقين عليها دخلت زارا وصارت تناظر الفساتين والتيشيرتات وخذت منهم ليين قالت بسس ولما جت عند الكاشير تبي تحاسب جاء واحد من الشباب الي لحقوها:احمم عنك انا احاسب
وجدان فنفسها(عممى بعينه مسوي رجوله):لا ماله داعي هذي اغراضي وانا احاسب
الشاب:لا ما يصير
وجدان تنرفززت مررره خلاص مو طايقه شي:اووف خلاص قلت لك انا بحاسب
الشاب اوك خلااص بس خوذي هذا رقمي متى ما احتجتي شي انا تحت الخدمه وعطاها ورقه بيضاء عليها رقمه خذتها ودخلتها بشنطتها وحاسبت وطلعت و وراها روز تشيل الاكياس طلعت من المول كله وهي بالسياره طلعت الورقه وقطعتها ورمتها:هههه هذا الي ناقص اكلمه هو وخشته
عند وجد نهاية الدوام وطلعوا البنات وهي تلبس عبايتها وبجنبها صاحبتها شوق:اليوم ابوي كالعاده بيتأخر علي ونواف بيجيني والله اعلم متى يخلص صياعه ويجي
شوق:وجعع هذا متى بيعقل هالبزر(الطفل)؟
وجد:ماراح يعقل دام ما وراه احد يربيه
شوق:الله لا تبلانا بس ، تعالي معاي انا اوصلك مع السايق
وجد :لا شوق انتي مو مجبوره كل يوم توصليني هم اهلي ومكلوفين فيني(وجد كانت جد فقيره بس كانت عزيزة نفس بالمررره)
شوق:وجيييد تتحسسين مني وانا الي دايم تقولين اني اختك ؟
وجد:مو كذا بس ..
شوق قاطعتها:خلاص دامها كذا لا تكلميني زعلانه
وجد بأنفعال:لااا لا وش تزعلين حقك علي وما اعيدها
شوق:اجل يلا تعالي معاي
وجد:شكرا بس هـ......
شوق قاطعتها:هم اهلي ومكلوفين فيني ، ادري بس انا صديقتك واختك وما فيه بيننا هالكلام وبعدين كيف بخليك لحالك وما يندرى متى يشرف الاخ نوافوه
وجد جدد ما عرفت وش تقول
شوق: يلا اركبي بس
وركبوا مع سايق شوق و وصلتها لبيتها وراحت لبيتهم دخلت وجد مييته تعب ومييته جوع وحرر
...:اخييرا شرفتي
وجد بهمس:استغفر الله بدينا
ام نواف:خيير انسه وجد ما سمعت
وجد:قلت السلام عليكم
ام نواف:الله لا يسلم فيك عظم ما اقول الا الله لا يسامح الي رمتك علي حتى امك ما بغتك
وجد غرقت عيونها بالدموع بس كابرت:انا طالعه اغير ملابسي
ام نواف:بسرعه عشان تجهزين لغداء لأبوك
(ابو وجد يطلع من دوامه بعد ساعه من طلعة وجد ونواف) وجد:حاظر
طلعت تغير ملابسها وهي تبكي ونزلت تجهز الغداء لأبوها
عند سعد رجع البيت ومالقى احد طلع لغرفته على طول
سعد:الو (يكلم)
...:هلا والله
سعد: هلابك كيفك؟
...:بخير ، وانت؟
سعد:مشتاااق لك
....بحياء:وانا بعد
سعد:ايه ما قلت لك الوالد وافق على المزرعه
...:جدد؟ زيين يعني بقدر اشوفك
سعد:اييه يا اني مشتاااق لك
...:وانا بعد
سعد:منى حبيبتي ليه ما تتقربين من سارونه؟
منى:سعد اطلب مني كل شي الا هالشيء مستحيل
سعد:ليه مستحيل؟
منى:اختك مرره مغروره وشايفه نفسها ليه لانها جميله ترا الجمال ما يدوم(منى كانت حنطيه وشعرها اسود مثل الليل ومليانه شوي يعني جميله شوي)
سعد:عشاني حبيبتي بعدين لا تسبينها نسيتي انها توأمي وانها تشبهني؟
منى:ما نسيت بس تقهررني بغرورها
سعد:يحق لها دامها اختي
منى:ههههههههههههههههه بدينا يعني؟
سعد:هههههههههههههههههههه اي
منى:يلا حبيبي روح تغدأ ونام وانا بروح اتغدأ وانام
سعد:ابشري يلا بالعافيه
منى:الله يعافيك
(اعرفكم على منى تكون بنت خالة سعد اخت منال زوجة خالد يحبها سعد من مراقتهم يعني بالمتوسط هي اصغر منه بسنه يعني هي بثالث ثانوي)
رجعت البيت هدوووء كأنه مهجور وكالعاده
... بصراخ:يا هوووووه وييييينكممم
....نزل من الدرج:خييير خيير انتي ليه تصارخين؟
نهاية البارت!!
اتمنى يعجبكم واعطوني رايكم واعطوني توقعات للبارت الجاي مع تحياتي shadon_13

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 13-07-2014, 02:15 AM
shadon_13 shadon_13 غير متصل
©؛°¨غرامي مشارك¨°؛©
 
الافتراضي رد: روايه هذا الزمان/بقلمي


البارت الثالث
رجعت البيت هدوووء كأنه مهجور وكالعاده
... بصراخ:يا هوووووه وييييينكممم
....نزل من الدرج:خييير خيير انتي ليه تصارخين؟
..:اووف خالد انت وش تبي فيني مااالك دخل فيني
خالد:ساره تأدبي احسن لك
ساره بدلع:اووف وين ماما بس؟
خالد:نايمه اكيد
ساره:طيب وطلعت تغير ملابسها ونامت
عند وجد تغدوا وظفت الغداء وراحت لغرفتها
وجد:ااه تعب متى بس ربي يفكني منها
ام نواف دخلت غرفتها:انسه وجد يلا قومي نظفي المطبخ
وجد:نظفته
ام نواف بقهر:قومي اغسلي الغسيل يلا خلصيني
وجد:ااه حاظر
وقامت تغسل الغسيل وهي خانقتها العبره
عند شوق:مااماا
ام شوق:هلا انا بالمطبخ تعالي
شوق:ماما خلص الغدأ لان حدددي جوعانه
ام شوق:روحي غيري ملابسك وغسلي وتعالي تغدي
شوق:اوك (وقبل ما تروح) ماما يزيد رجع من الجامعه؟!!
ام شوق:اي رجع شوفيه بغرفته
شوق:طيب
وطلعت ، دخلت غرفة اخوها:يزيييدوه
يزيد كان منسدح على سريره ويفكر بوجدان! : خيير وش تبين؟
شوق:امس متى رجعت؟
يزيد ناظرها من فوق لتحت وبعدين صد:وانتي وش دخلك
شوق:يزيد اترك عنك هالأماكن ولا وربي اعلم عليك ابوي
يزيد جلس وهو يناظرها بقوه:شوقوه مو انا الي اتهدد تسمعين؟ بعدين وش دخلك فيني ويلا فارقي
شوق:الحمدلله والشكر ي رب لا تبلاناا
وراحت لغرفتها
عند مشعل رجع للبيت وشافهم متجمعين على طاولة الاكل من غير ساره
مشعل:السلام عليكم
الكل:وعليكم السلام
ام خالد:يا وليدي روح غسل وتعال تغدأ
مشعل:ابشري
بعد الغدأ الكل دخل غرفته
بغرفة خالد ومنال
خالد:منول صار لنا متزوجين 4 شهور ولا حملتي
منال بهم:ادري بس هذا بإيد رب العالمين
خالد:الحمدلله على كل حال ، اسمعي على نهاية هالشر اذا ما حملتي لازم نروح نحلل ونشوف ايش فيه
منال:طيب
عند يزيد:اووف انا المفروض ما اعاملها كذا ، بس هي كبت علي الي فالكأس ، بس ولو هي ناعمه لازم ما اعاملها كذا ، اوووف انا الحين افكر فيها وهي ما همها لبس ثوبه واخذ مفاتيحه وطلع
عند سعد بعد م صحى المغرب طلع على طول مع صاحبه فيصل وكالعاده يرقمون بنات وسوالف الصياعه
عند وجد:ااه الحمدلله اعتقتني شوي
فتحت كتابها وبدال ما تذاكر صارت تكتب خواطر وتبكي ( وجد بنت صغيره تحملت الالم بسبب طيش امها وابوها ، امها رمتها على ابوها واختفت بعد ما طلقها ابوها وهي ظلت مع هالي ما ترحم ام نواف)
وجدان منسدحه بغرفتها وبحظنها بستها(قطوتها) وتذكرت كلام امها لها لما تخرجت من المتوسط يعني قبل سنتين(ام وجدان:وجدان انتي كبرتي ولازم اقولك شي
وجدان مستانسه بتخرجها:ماما مو لازم هدايا ومفاجأت ما ابي
ام وجدان بجديه:ما راح اعطيك هدايا اسمعيني للأخر
وجدان انصدمت من جدية امها وسكتت
ام وجدان:انا قلت لك ان ابوك توفى صح؟ (وجدان هزت راسها ب(ايه) بس ابوك مو متوفي انا لما كنت بمراهقتي غلطت مع واحد من برا السعوديه (ام وجدان بريطانيه بس انولدت وعاشت بالسعوديه وكانوا اهلها مره اغنياء) وجدان انصدمت لدرجة عجزت تتكلم
ام وجدان تكمل:انا ما حبيت اقولك لانك كنتي صغيره لكن الحين انتي كبرتي وأءء....
قاطعتها وجدان بصراخ وبكى:يعنيي انا بنتت حراام لييه لييه تسوون فيني كذا طيب اناا وش ذنبي ليه ولدتيني ليه م سقطتي لييه وطاحت على الارض تبكى وترجف
ام وجدان:وجدان انا...
قاطعتها وجدان وهي توقف وتتطلع
ام وجدان بنفسها(ااه مظطره اكذب عليك واشوه صورتي قدامك عشان مصلحتك ي بنتي)
وجدان صحت من سرحانها بدمعه حاره على خدها مسحتها (مستحيل اخلي احد يتشمت فيني) ودخلت حمامها ( اكرمكم الله) الابيض مع غرفتها الورديه وطلعت لبست فستان احمر صارخ وبرز بياضها ومع شعرها الكستنائي طلعت خرافيييه مع اكسسوارات ذهبيه وحزام ذهبي يتوسط الفستان ولبست كعبها(اكرمكم الله) وعبايتها وطلعت حتى ما قالت لأمها ولا عبرتها (هذي اخرة الحريه)
لبست ساره فستان تيفاني مع كعب واكسسوارات ورديه وتركت شعرها (استريت) واخذت عبايتها بيدها ونزلت قابلت بالدرج سعد ومشعل
سعد:شعوله يلا يا حلو وافق تراه ويك اند يعني ما راح يكون عندك شي
مشعل مسوي معصب:شعوله بعينك اسمي مشعل ، بعدين خلاص قلت لك ما ابي يعني ما ابي
سعد:مشييعل اوف منك عنيييد
ساره:احمم
لفوا لها وصفر سعد بأعجاب
مشعل:بنتت اقرأي على نفسك لا يصكوك عين
ساره بدلع:ههههههههههه احمم قريت
سعد بضحكه:ساره تشبكين ؟
ساره:ههههههههههههههههههههههههههههههههههلا روح لم...
قاطعها سعد بأرتباك:احمم اي ومن بيجيبك؟
ساره:هههههههههههههه اكيد انت او مشعل
مشعل ينزل بسرعه:هيه ما اعرفكم دبري حالك وطلع
سعد:اووف الله يعينني انا الي بجيبك
ساره:ههههههه اوك باي وطلعت وهي تلبس بعبايتها مرت على صاحبتها مشاعل واخذتها وراحوا للشاليه الي فيه البارتي
(يعني لهدرجه صرنا Free؟ بنات يروحون لبارتيات لحالهم؟؟ والخافي اعظم)
دخلت بفستانها الاحمر كالعاده الانظار كلها عليها
وفصخت عبايتها ودخلتها لشنطتها وخذت لها كأس فيه بايسن وصارت تشرب منه وهي جالسه دخلت ساره ومشاعل وفصخوا عباياتهم
ساره:شعووله شوفي شوفي ذيك شكلهاا من الهوامير خلينا نروح لها
مشاعل:سويره وش عرفك انها من الهوامير؟
ساره:شوفي لبسها يلاا تعالي
(طبعا كانوا يتكلمون عن وجدان ) راحوا لها
ساره ومشاعل:مرحباا
وجدان:هلا
ساره:ليه جالسه لحالك؟
وجدان:لا ابد بس م احب ارقص فقلت اجلس (وجدان كانت تكذب لان ما عندها صاحبات هي كذا من بعد ما عرفت عن حالها صارت ما تحب تصاحب عشان محد يدري ويعايرها)
ساره:دام كذا اجل بنجلس معاك ممكن؟
وجدان(اووف والله ذي النشبه):اي تعالوا
مشعال:انا مشاعل ال... وهذي ساره ال...
(يتباهون انهم من عوايل اصل ومعروفه وهم بمكان مثل ذا) وبدؤا سوالف
ساره متحمسه:وجداان مشعال قوموا قوموا نررقص
وجدان بأبتسامه:قوموا انتم انا ما ابي
مشاعل وساره اسحبوها وهي ترفض بس بعدين استسلمت لهم وصارت ترقص معاهم
كانت ترقص ومرره مستانسه مع مشاعل وساره الي حبتهم وهم اكبر منها بسنه فجأه
حست الدنيا تلف فيها م قدرت تتحمل و......
وجد كانت بالمطبخ ماسكه كأس الماء ترتاح من مرت ابوها الي نايمه وما راح تجهز العشاء لان ابوها راح يجيب عشاء من برا فجأه
طططططططرررررررااااااخخخخخخ
عند نواف (اخو وجد من ابوها) خلني ادخل قبل ما يجي ابوي ويسويها سالفه دخل ما شاف احد دخل المطبخ نواف بصراخ:ووووجججدد
وحاول يشيلها ( نواف ولد بال15 من عمره ) وجد نحيفه وقدر يشيلها بس وصل للصاله ما قدر يتحمل وطاح هو وياها وضرب رأسها بالارض بقوه نواف بصراخ:يممممه يممممه وطلع جواله دق على ابوه:يببه الحق علي وجد لقيتها طايحه بالمطبخ
ابو وجد الي جايب لهم العشاء:اييش؟ يلا انا جاي
ما فيه دقايق الا جاء ابو وجد ونواف كان جايب عباية وجد ولبسها وراحوا للمستشفئ

نهاية البارت!
اتمنى يعجبكم واعذروني اذا قصير بس كانت عندي ظروف مع تحياتي shadon_13

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 13-07-2014, 07:02 AM
امانيارا امانيارا غير متصل
©؛°¨غرامي جديد¨°؛©
 
الافتراضي رد: روايه هذا الزمان/بقلمي


اول رد :)
الروايه بدايتها جميله
واعتبريني متابعه لك
وعندي ملاحظه كل ما انتقلتي من مكان لمكان حطي فاصل
مثلا:
وجدان صحت من سرحانها بدمعه حاره على خدها مسحتها (مستحيل اخلي احد يتشمت فيني) ودخلت حمامها ( اكرمكم الله) الابيض مع غرفتها الورديه وطلعت لبست فستان احمر صارخ وبرز بياضها ومع شعرها الكستنائي طلعت خرافيييه مع اكسسوارات ذهبيه وحزام ذهبي يتوسط الفستان ولبست كعبها(اكرمكم الله) وعبايتها وطلعت حتى ما قالت لأمها ولا عبرتها (هذي اخرة الحريه)
-----------------------------------------------------------------------------------------------------------------------
لبست ساره فستان تيفاني مع كعب واكسسوارات ورديه وتركت شعرها (استريت) واخذت عبايتها بيدها ونزلت قابلت بالدرج سعد ومشعل
سعد:شعوله يلا يا حلو وافق تراه ويك اند يعني ما راح يكون عندك شي
مشعل مسوي معصب:شعوله بعينك اسمي مشعل ، بعدين خلاص قلت لك ما ابي يعني ما ابي
سعد:مشييعل اوف منك عنيييد.

اتمنى تكوني فهمتي قصدي.
ودي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 13-07-2014, 08:38 AM
shadon_13 shadon_13 غير متصل
©؛°¨غرامي مشارك¨°؛©
 
الافتراضي رد: روايه هذا الزمان/بقلمي


اقتباس:
المشاركة الأساسية كتبها امانيارا مشاهدة المشاركة
اول رد :)
الروايه بدايتها جميله
واعتبريني متابعه لك
وعندي ملاحظه كل ما انتقلتي من مكان لمكان حطي فاصل
مثلا:
وجدان صحت من سرحانها بدمعه حاره على خدها مسحتها (مستحيل اخلي احد يتشمت فيني) ودخلت حمامها ( اكرمكم الله) الابيض مع غرفتها الورديه وطلعت لبست فستان احمر صارخ وبرز بياضها ومع شعرها الكستنائي طلعت خرافيييه مع اكسسوارات ذهبيه وحزام ذهبي يتوسط الفستان ولبست كعبها(اكرمكم الله) وعبايتها وطلعت حتى ما قالت لأمها ولا عبرتها (هذي اخرة الحريه)
-----------------------------------------------------------------------------------------------------------------------
لبست ساره فستان تيفاني مع كعب واكسسوارات ورديه وتركت شعرها (استريت) واخذت عبايتها بيدها ونزلت قابلت بالدرج سعد ومشعل
سعد:شعوله يلا يا حلو وافق تراه ويك اند يعني ما راح يكون عندك شي
مشعل مسوي معصب:شعوله بعينك اسمي مشعل ، بعدين خلاص قلت لك ما ابي يعني ما ابي
سعد:مشييعل اوف منك عنيييد.

اتمنى تكوني فهمتي قصدي.
ودي


حبيبتي انتي شكرا
اي اي فهمتك خلاص ابشري البارت الرابع بسوي كذا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 15-07-2014, 08:32 PM
shadon_13 shadon_13 غير متصل
©؛°¨غرامي مشارك¨°؛©
 
الافتراضي رد: روايه هذا الزمان/بقلمي


البارت الرابع
فالمستشفئ ابو وجد رايح جاي عند الغرفه الي فيها وجد وعندها الدكتور يفحصتها ونواف واقف عند ابوه طلع الدكتور من عند وجد وعلى طول جاء له سريع ابو وجد:هاه دكتور طمني وش فيها؟
الدكتور:ما فيها الا العافيه بس ارهاق وقلة اكل
ابو وجد:الحمدلله جات على كذا والحين اقدر ادخل اتطمن عليها؟
الدكتور:ايه تفضل وتقدر تطلعها اذا تبي
ابو وجد:شكرا تعبناك معانا
الدكتور:لا ابد هذا واجبي
وراح ودخل ابو وجد عند بنته الوحيده و وراه ولده الي ما نطق بحرفف
ابو وجد:الحمدلله على سلامتك يابنتي وش صارلك ليه دختي؟
وجد بتعب:الله يسلمك، ما فيني شي كنت اشرب ماء وبعدها ما حسيت بشيء
ابو وجد:المهم انك بخير الحين يلا خلونا نطلع ولبست عبايتها وطلعوا
----------------------------------------
كانت ترقص ومرره مستانسه مع مشاعل وساره الي حبتهم وهم اكبر منها بسنه فجأه
حست الدنيا تلف فيها م قدرت تتحمل وطاحت على الارض خافوا عليها مشاعل وساره وعلى طول لبسوها عبايتها ولبسوا عباياتهم وشالوها مع مساعده من البنات الي بالبارتي
كان واقف يناظر بالشاليه شاف حبيبته وروحه تدخل بهالمكان اييه يحبها يزيد يحب وجدان بس ما قال لها لانه داري انها تكرهه وما تطيقه ابد تعرف عليها قبل شهر ببارتي مختلط شافها لحاله جالسه ما تعطي احد وجه دخلت مزاجه مره وحلف الا يجيب راسها بس شكلها هي الي بتجيب راسه فجأه شاف مجموعة بنات يطلعون من الشاليه وشايلينها جد ما كان مبين وجهها بس يعرف زولها على طول نزل من السياره وراح للبنات
يزيد بخوف ولهفه:وش فيه؟وجدان وش فيها؟
ساره بخوف وهي ما تعرفه:ما ادري فجأه طاحت مغمى عليها
يزيد شالها وركض لسيارته حطها ورا ولا انتظر وحده من البنات تجي معاه عشان تساعده بوجدان لا كان خايف عليها هي اول حب له هي قلبه وروحه ودنيته كلها ركب سيارته ومشى بسررررعه قدام عيون البنات الي مليانه خوف على وجدان واستغراب من هالشاب الجميل الي اخذها(يمكن يقرب لها)قالتها ساره لمشاعل
مشاعل:اوف ساره خلينا نرجع
ساره يلا الحين ادق على سعد
ودقت على سعد وجاء اخذها ووصلوا مشاعل وراحوا للبيت اول ما وصلوا ساره على طول راحت لغرفتها تروشت وغيرت ملابسها وناامت
----------------------------------------
اما عند يزيد كان خاايف الا مييت خوف على حبيبته وكل شوي يناظر ورا يتطمن عليها وصل لأقرب مستشفى ونزل ونزلها معاه ودخلها على الطوارئ شوي والا طلع من عندها الدكتور:انت تقرب للمريضه؟
يزيد:اءء ايه اخوها ليه صاير شي؟
الدكتور:لا ما فيه شي بس شكل اختك تتدلع عليك انتظرها لين تصحى وتقدر تطلعها
يزيد براحه:الحمدلله اقدر ادخل اتطمن عليها؟
الدكتور:ايه تفضل
دخل يزيد بتردد خاااف ايه خاف منها ومن ردت فعلها لما تشوفه وجلس على اقرب كرسي
بدت تفتح عيونها وتناظر بالمكان:اااه انا وين؟ شوي انتبهت بيزيد فزت تقل مقروصه:خير انا وين وانت وش تسوي هنا
يزيد ناظرها بتركيز بعيونها الي تسحره:لا ابد بس اغمى عليك بالبارتي وكنت قريب واخذتك للمستشفئ
وجدان بتوتر من نظراته:طيب ابي ارجع للبيت رجعني لبيتنا
يزيد وقف وعطاها ظهره: يلا تغطي وامشي معاي
وجدان:ما ابي اتغطى
يزيد لف عليها بقوه وناظرها بعصبيه:بتتغطين والا اخليك هنا لوحدك
وجدان بضعف اول مره يشوفه يزيد:يلا خلنا نطلع
لف وطلع وهي وراه بعد ما تغطت بالشيله
ركبت قدام ما تبي هواش معاه تدري ما راح يرضى يخليها تركب ورا وصلت للبيت وطلعت على طول لغرفتها وصارت تبكي من الي هي فيه
---------------------------------------
بعد اسبوع ما صار فيه شي مهم
وجد على حالها مع مرت ابوها وزادت مرت ابوها من الشغل لان ابوها سافر عشان شغل له
يزيد بس يفكر بوجدان ويتمنى يقابلها صارت ما تجي للبارتيات المختلطه بأختصار صارت ما تطلع من البيت كله
ساره ومشاعل على حالهم
خالد ومنال يبون يروحون لدكتوره عشان يعرفون سبب تأخر حمل منال ومنال مره تعبانه نفسيتها واي كلمه يقولها خالد تزعل منها وتبكي
سعد ومنى على حالهم كل يوم مكالمات
اليوم السبت وبكرا الاحد الدوامات
وجدان تطلع مريولها من الدولاب(الخزانه) ااه الله يعينني بكرا
-----------------------------------------
خالد ومنال بغرفتهم يبون ينامون
خالد:لا تنسين بكرا موعد الدكتوره
منال بغصه:طيب
وطفت النور وصارت تبكي بهدوء من غير ما يحس عليها خالد الي نام على طول
----------------------------------------
صبااح الاحد دخلت المدرسه كالعاده قابلت بوجهها شوق صاحبتها وجد بتعب:صباح الخير
شوق:صباح النور وش فيك؟
وجد:هالعقربه مو راحمتني ابد من سافر ابوي وهي كارفتني كرف
شوق:الله يعينك بس يلا خلينا ندخل
دخلت وجد والبنات يناظرونها ويتهامسون لدرجة شكت بنفسها ولفت على شوق:شووقوه فيني شي؟
شوق بتوتر من نظرات البنات لهم:لا ليه
وجد بأحراج ما تحب احد يناظرها بتفحص:لا بس شوفي نظرات البنات
شوق:امشي بس ندخل
ودخلوا بعد الطابور الحصه الاولى بالفصل
دخلت المدرسه تبي تبدأ تشرح الا وينطق الباب وتدخل المديره وراها بنت
المديره هياء:اسفه على المقاطعه بس فيه بنت نقلت اليوم وراح تصير بفصلكم يلا حبيبتي ادخلي وطلعت المديره
وجد كانت منزله رأسها تطلع كتابها رفعت رأسها وانصدددمت
---------------------------------------
دخلت وجدان المدرسه وفصخت عبايتها ودخلتها الشنطه ودخلت قابلت بوجهها استاذتين:لو سمحتوا وين مكتب المديره انا طالبه جديده
الاستاذه:اخر الممر
وجدان:شكرا
ودخلت على مكتب المديره وعرفتها بنفسها ومنهي امها وخلتها المديره بمكتبها لين ما رن الجرس لبداية الحصه الاولى وراحت المديره عشان توري وجدان فصلها دخلت ورا المديره ولما طلعت المديره صارت تناظر بالبنات الي مو من مستواها بس اكيد ما راح تطول فيها طاحت عينها بعين بنت وانصدمت نسخهه منها الا مرايه تشوف نفسها فيها نفس البياض نفس لون الشعر نفس الملامح بس الي تختلف طريقة رفعتهم لشعر
وجد بنفسها منصدمه:بسم الله هذي ايش تشبهني بالمره
وجدان بنفسها:اعوذ بالله منهي هذي
..:احمم ما قلتي ايش اسمك
وجدان لفت على الاستاذه بتمثيل للغرور عشان محد يقرب لها:اسمي وجدان ال...
شعور يوجع لما تمثل انك شي وانت بالحقيقه شي ثاني عشان تحمي نفسك
الاستاذه:اهلين وجدان يلا تفضلي لأخر كرسي
راحت وجدان وجلست بجنب وحده من صاحبات وجد بس مو قريبه لها مثل شوق
ريم صاحبة وجد:مرحبا انا ريم
وجدان بغرور:اظن سمعتي ايش اسمي مو لازم اعيد صح؟
ريم بأحراج:اممم ايه اهلين وجدان
وجدان طنشتها وصارت تناظر شرح الاستاذه وهي مو معاهم جالسه تفكر بهالي تشبهها
-----------------------------------------
بالجامعه عند مشعل:اووف تركي ليه واقفين هنا خلنا نروح للكفتيريا على الاقل
تركي بطفش من حنة مشعل:مشييعل كم مره اقولك انتظر واحد من اصحابي ليه ما تفهم
شوي الا جاء واحد جمييل ومعضل شوي ومعاه ملزمتين :اسف خليتكم تنتظرون
مشعل بطفش:لا عادي خلونا نروح للكفتيريا مت من الحر هنا
تركي وصاحبه:يلا
-----------------------------------------
عند خالد ومنال جلسوا على مكتب الدكتوره وهي معاها التحاليل لهم الدكتوره:لا حول ولا قوة الا بالله
خالد بأرتباك:خير وش فيه؟
منال والدموع بعيونها خايفه الي تفكر فيه حقيقه
الدكتوره:اسفه بس التحاليل تقول ان المداما عقيم!
منال ما انصدمت لانها توقعت هالشيء وصارت تبكي بصوت عالي
خالد وقف منصدم:لالا مستحيل اكيد فيه لخبطه بالتحاليل تأكدي تكفين والا اقول نعيد التحاليل (ناظر بمنال الي منزله راسها وتبكيي) منال نعيد التحاليل ما عليك لا تبكين اكيد فيه لخبطه اكيد وضمها وصارت دموعه تنزل على حبيبته وزوجته
الدكتوره:لا حول ولا قوة الا بالله انا اسفه بس هذي التحاليل
فجأه وقفت منال وابعدت خالد عنها ومسحت دموعها:يلا خلنا نرجع للبيت وتغطت وطلعت ولحقها خالد
خالد:منول حبيبتي...
قاطعته منال:خالد تكفى لا تكلمني مو رايقه ودني لبيت اهلي
خالدبضيقه:منال كيف بصبر عنك تكفين لا تبعدين عني
منال رجعت تبكي:تكفى خلني اروح
خالد بهم:طيب وراح لبيت خالته نزلت منال واول ما دخلت البيت مشى وهو مسرع ما يدري وين يروح بس يبي يهرب من الدنيا كلها
----------------------------------------
مشاعل وساره واقفات عند باب الجامعه بعباياتهم الملفته مشاعل:هاه تعزمينها ولا انا اعزمها
ساره: لالا انا الي بعزمها(يا حبببها للفشخره)
شوي والا جاء حبيبها الي ما يدري عن هوا دارها وركبوا معاه
ساره:سعد ليه تأخرت اليوم
سعد:كان عندي محاظره طلعت وعلى طول جيتك(طبعا كذاب كان بالمول يرقم)بعدين ليه ما كلمتي السايق؟
ساره تلعب بأضافرها تفكر بالويك اند الجاي بيجتمعون العايله بالمزرعه:دقيت وقال انه بالصناعيه
سعد:اها ولف المرايه الاماميه وصار يقدر يناظر بعيون مشاعل:يالله حيها(يقصد مشاعل)
مشعال من الحياء نزلت راسها وردت بصوت يالله ينسمع: الله يحييك
وصلها لبيتها واول ما دخلت بيتهم سعد:ابي افهم هذي ما عندها اهل؟
ساره ناظرته بنص عين:اقول اعقل بس انت عاجبك الوضع
سعد:ههههههههههههههههههههه فديتها توأمي
---------------------------------------------------------------
عند الشباب بالكفتيريا
مشعل:لا والله الغداء عندي بالبيت
تركي:يا ابن الحلال خل كل واحد يروح لبيته
مشعل:اقول اذا انت ما تعرف الاصول مع الولد(يقصد صاحب تركي) انا اعرف الاصول
... بأحراج:لا تكلف على نفسك يا مشعل ماله داعي كل ذا
مشعل:ولو انت صرت اخونا يا يزيد!!

نهاية البارت
اتمنى يعجبكم واعطوني رايكم وتفاعلوا معاي واعطوني توقعاتكم مع تحياتي shadon_13

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 17-07-2014, 08:28 PM
shadon_13 shadon_13 غير متصل
©؛°¨غرامي مشارك¨°؛©
 
الافتراضي رد: روايه هذا الزمان/بقلمي


البارت الخامس

عند الشباب بالكفتيريا
مشعل:لا والله الغداء عندي بالبيت
تركي:يا ابن الحلال خل كل واحد يروح لبيته
مشعل:اقول اذا انت ما تعرف الاصول مع الولد(يقصد صاحب تركي) انا اعرف الاصول
... بأحراج:لا تكلف على نفسك يا مشعل ماله داعي كل ذا
مشعل:ولو انت صرت اخونا يا يزيد!!
يزيد:تسلم
مشعل:الله يسلمك ، يلا قوموا معاي للبيت
وطلعوا
------------------------------------------
عند منال لما دخلت للبيت وكانوا توهم اختها واخوها راجعين من الدوامات وامها بالمطبخ ومنال عيونها متنفخه من البكى
منى:منااال وش فيك ليه تبكين؟
منال بدأ صوتها يعلى بالبكي وضمت اختها
منى:بسم الله عليك حبيبتي وش فيك فهميني؟
عبدالله بعصبيه:مناال خالد ضربك سوا فيك شي؟
(عبدالله اخوهم الكبير يشتغل بالمحاسبه بوحده من الشركات)
منى:لا حول ولا قوة الا بالله وش هالكلام يا عبدالله ان شاء الله ما فيه الا كل خير خلها تهدأ بس
عبدالله جلس وهو يفرك يدينه من العصبيه
طلعت امهم من المطبخ
ام عبدالله:خير خير وش فـ... (ضاع الكلام لما شافت شكل بنتها وشهقت)منااال يمه وش فييك
ومنال ما يسمعون منها غير شهقاتها
بعد دقايق هدت وبعدت عن حضن اختها وراحت غلست وجهها وجلست عندهم بهدوء استغربوا حركتها عبدالله بأنفعال:منال فهمينا وش صاير؟
منال بهدوء غير الي بداخلها:رحت للدكتوره مع خالد وحللنا و....
قاطعتها منى:جدد؟ و وش قالت؟
عبدالله عطاها نظره سكتت منها وكملت منال: و.. (رجعت دموعها تنزل) وطلعت عقييم (وحطت يدينها على وجهها وصارت تبكي)
امها شهقت:منال انتي صادقه؟ لالا اكيد فيه غلط قومي قومي نروح نعيد التحاليل قومي(لفت على عبدالله)قوم ودنا للمستشفئ مستحيل تكون بنتي عقيم مستحيييل وجلست على الكنب وصارت تبكي على بنتها الي ما تهنت بشبابها ولا راح تخلف وهي تموت على الاطفال
اما منى من الصدمه ظلت ساكته بس ضمت اختها تهديها
وعبدالله نزلت دموعه على اخته وحبيبته الي ما يرضى عليها ويخاف عليها من نسمة الهوا قام وطلع بسرعه نزلت وفاء(زوجة عبدالله امها صاحبة ام عبدالله وهي وحيدة اهلها) :السلام عل...
انهبلت لما شافت خالتها تبكي ومنى ضامه منال ومنال تبكي
وفاء جلست عند خالتها وبلهفه:خاله بسم الله عليكم وش فيك؟
ام عبدالله تمسح دموعها:منال حللت وطلعت ...
وفاء قاطعتها بفرحه:حااامل؟
منال زاد بكيها وام عبدالله رجعت دموعها تنزل: لا طلعت عقيم
وفاء من غير شعور قامت وجلست عند منال وبدأت تبكي على صاحبتها الي ساعدتها كثير واكبر مساعداتها هي الي وصلت لها ان عبدالله يحبها وبيموت لو ما تزوجها يعني هي سبب من اسباب زواجهم
------------------------------------------
نتركهم شوي ونروح عند وجدان رجعت لبيتهم وغيرت ملابسها وحطت بستها(قطوتها)بحضنها وتتذكر الي صار بالمدرسه(بالفسحه راحت للمقصف خذت ماء وجلست بأحد كراسي المدرسه الي بالساحه وتشرب الماء وتناظر بالي رايح وجاي شافوها جالسه لحالها:حرام ما عندها احد خلينا نروح لها <قالتها وجد لشوق
شوق:احلفي بس ما سمعتي ريم وش قالت عنها تقول شايفه نفسها بالمرره
وجد:واذا خلينا نعمل بأصلنا ونروح لها
شوق بطفش:وجييد روحي انتي انا بروح لريم والبنات
وجد وهي ماشيه:طيب طيب روحي
وجد راحت عند وجدان ولما شافتها وجدان سوت نفسها ما انتبهت وجد:احمم اقدر اجلس؟
وجدان بنفسها بدينا بالتلزق نشوف وش وراك:ايه
وجد:انا اسمي وجد ال... (جت تبي تتكلم وجدان وقاطعتها) ادري انا اعرف اسمك اممم (سكتت وهي مو عارفه كيف بتبدأ)
وجدان:شكلك تبين تتكلمين بموضوع جدّي تقضلي قولي وش عندك(لا صفقيها بعد)
وجد:اممم انتي شايفه التشابه الكبير الي بيننا؟
وجدان بلامبالاه صدت بعد ما كانت تناظر بوجد: اي عادي يخلق من الشبه اربعين
وجد:اممم ممكن بس انا مستغربه من هالشبه واممم حبيت اتعرف عليك
وجدان:ماله داعي نتعرف
ما انصدمت وجد لانهم حذروها منها
لفت وجد وصارت تناظر بالبنات: طيب بحكيلك عن نفسي(ما تدري وجدان كيف سكتت ولا قالت لها تبعد عنها كانت متشووقه تعرف هذي الي تشبهها بس ما بينت وسكتت تسمع) انا وجد تربيت فبيت فيه مرت ابو ما تطيقني وعندها ولد وحيدها وسكتت ما تدري وش تقول وكيف بتحكي قصتها لوجدان
وجدان لفت لها:ما عندك اخوات؟
وجد:ما ادري!!
وجدان:كيف ما تدرين؟؟!
وجد:امي تركتني عند ابوي لما كنت باللفه لسى ما كملت سنه رمتني ولا سألت عني ابوي ما كان يعرف كيف بيربيني ويهتم فيني وكيف يشتغل راح وتزوج وجاب ولد اصغر مني بسنتين
وجدان حزنت عليها (يعني تألمت مثل ما تألمت انا بس انا اهون شوي) وجدان بحزن صارت تتكلم وهي ما تحس بنفسها بس تبي تفضفض:انا عشت مع امي وانا مثل الاميره كل ما طلبت شي قالت امري ولبيه لين ما تخرجت من المتوسط وقالت لي حقيقتي(كملت بغصه)قالت اني بنت حرام(شهقت وجد ولفت تناظرها وجدان غرقت عيونها بالدموع)انا نتيجة طيشها اكرهها ومابيها تصير امي اكرهها اكرهها قامت وجد وسحبت وجدان مع يدها و ودتها للحمامات عشان تبكي براحتها وجد تدري ان الناس ما يحبون يبكون او يبينون ضعفهم لأحد وهي اولهم ما عمرها بكت قدام احد ولا راح تبكي قدام احد وضلت وجدان تبكي و وجد صاده عنها شوي وهدأت وجدان وغسلت وجهها ولفت على وجد:اتمنى تنسين الكلام الي قل.....
وجد:وجدان لا تتحسسين مني انا جد ما اعرفك زين بس وربي دخلتي قلبي مرره
وجدان بأبتسامه:طيب يلا خلينا نطلع
وجد:يلا )وجدان بنفسها ما ادري انا الي سويته صح اوخطأ كان لازم اقول لها او لا اووه ما ادري وصارت تلعب بستها(قطوتها)
------------------------------------------
عند مشعل دخل المجلس وجلسوا يزيد وتركي واستأذن منهم مشعل ودخل داخل
مشعل لأمه:يمه معاي اثنين من اخوياي وعزمتهم على الغداء
ام خالد:طيب والحين اقول للخدامه تسوي لكم القهوه
مشعل وهو يطلع:طيب استعجليها
جلس مشعل معاهم وسوالف وضحك وشوي قام جاب القهوه وقهواهم وقام يجيب الغداء وطلع تركي يكلم بالحوش سمع يزيد صوت ضحك رفع راسه وانصدم
------------------------------------------
عند سعد كان جالس يكلم منى:يا حبيبتي والله ما ادري عنه ما شفته اليوم
ساره دخلت غرفته وسمعته وصارت تقلده:يا حبيبتي والله ما ادري عنه ما شفته اليوم(وتناظره بقهر ما تبيه يكلمها اي تغار عليه من هالي ما تتسمى)سعدد تكللم مين؟
سعد يكلم منى:طيب خلاص بعدين اكلمك(سكر وهو ما سمع ردها) خير انسه ساره وش تبين؟
ساره بدلع:مين كنت تكلم؟
سعد:مالك دخـ....
ما كمل لان ساره خذت جواله وهربت وهي تضحك ونزلت لتحت ما تدري وين تروح وسعد وراها يلحقها وراحت رككض للمجلس وطلعت للحوش(مجلس الرجال له قسم لحاله بالبيت له باب يدخلون منه من الشارع وبعدين حوش وبعدين باب المجلس وبعدين باب يوصل لداخل) صقعت بواحد ما تدري منهو ومن وين جاء وطاحت على الارض

نهاية البارت
كتبت ذا البارت لعيون الي طلبوني اكمل بالبيبي تفاعلوا معاي وعطوني توقعاتكم مع تحياتي shadon_13

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 18-07-2014, 03:56 AM
صورة نور في سماء الرمزية
نور في سماء نور في سماء غير متصل
©؛°¨غرامي مشارك¨°؛©
 
الافتراضي رد: روايه هذا الزمان/بقلمي


الرواية شكلها حمااااس استمري

الرد باقتباس
إضافة رد

روايه هذا الزمان/بقلمي، كاملة

الوسوم
هذا الزمان بقلمي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايه هو قيسي وانا بالعشق ليلاه نوناه روايات - طويلة 51 25-12-2016 02:41 PM
روايه سوادك لم يزدك الا جمالا ..أوَليس عنتر في عين عبله فتنه/بقلمي الليدي ديان روايات - طويلة 72 07-05-2015 02:38 PM
روايه :ثلاثه في واحد flame نونو 1 روايات - طويلة 9 14-04-2015 10:58 PM
تصويت : روايه دهاليز الحياه / بقلمي .Joana روايات - طويلة 4 11-03-2015 07:42 PM
ابا روايه فيها اكشن وعصابات وغموض a_alnuaimii_ ارشيف غرام 3 27-02-2015 02:11 AM

الساعة الآن +3: 12:20 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1