غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 15-07-2014, 02:47 AM
صورة Angel sinless الرمزية
Angel sinless Angel sinless غير متصل
©؛°¨غرامي مجتهد¨°؛©
 
B9 رواية للجرأه طعم/كاملة


هذي الروايه رسلتها وحده على ايميلي
وراح انشرها زي ماهي
وعلى لسانها

/
\
/
\

" البارتـ الاولـ "
السلام عليكمـ ..
كيف الحال !!
ان شاء الله كلكم بخير !!
لأولـ مرهـ اكتبـ في قروبـ
ولأولـ مرهـ " انشر روايهـ " ..
بسـ اعجبني القروبـ
وتحسفت على روايتي << هع هع والله من زين الروايه
و با البدايهـ اقول

اللي مايحب الروايات " العاميه " : لا تتعب نفسك وتقراء
اللي يحبـ الروايات " الحزينه البحته " : روايتي يمكن ماتعجبكـ ..
اللي يحبـ رويات " الخبال " : ان شاء الله راح تعجبكـ ..
واللي يحبـ الروايات " الجريئه " : روايتي لكـ انتـ ..
واللي مايحبـ الرواياتـ : وشوله داخل رسالتي !!
............ ......... ......... .......
روايتيـ " واقعيهـ " 100%
و " صاحبة الروايه " عاشتها بكل تفاصيلها ..
............ ......... ......... ......... .........
"" للجرائه طعمـ ""
!!
في يوم من الايام وعلى قوله اخوانا المصريين(يوم اسود ).
سافر ابوي (ترا بداية القصه قبل لا اشوف الدنيا)
المهم :ان ابوي سافر للمغرب واساسا نيته يوم راح شينه.
راح للمغرب وزي اي واحد يروح المغرب اذا جاء الليل تزين وراح للمراقص يدور لهـــــ(مشفر حاليا لين تندمج مع القصه ويصير مو مشفر)
ولقا له وحده مهبوله صغيره الظاهر اول مره تجي الاماكن اللي كذا .وطبعا طارت بوهته" يعني فرح لغير الناطقين با القصيمي " وشبكها و راحت معه البيت وكانت جمــــــيله مره.
فرح هو جلست معه يوم بسعر ولا احلى.هو توقع انها من بكره تروح بس هي لزقت عنده وسكت ودفع لها حق الليله الثانيه.
ونشبت له.
قالها:ماعندك بيت ماعندك أهل.
سكتت و برضوا لزقت ..
طنشها وماصار يدفع لها و هي معطته اللي يبي بدون أي مقابل.
وقبل لايروح السعوديه اخذت البنت ذي كل شيء عنه وأخذت منه ارقامه على اساس اذا رجع تشوفه.
بعد اسبوعين رجع السعوديه وبعد شهر تقريبا دقت عليه وسلمت وبعدين سكرت وبعد اسبوع نقز عندها با المغرب.
صارت سفرياته لها كثيره وصار لازم يكلمها يوميا.
بعد فتره امه شكت وسألته وقالها طبعا هي ما ارتاحت للسالفه بس ولدها الوحيد ولاتقدر تقوله شيء..وكلمته وقالتله دامها عاجبتك تزوجها على سنه الله ورسوله.
قال لها هي فاتحتني بس انا انتظر الفرصه اللي اكلمك فيها يمه ..
ومالكم با الطويله تزوجها وجابها السعوديه [وزي اي اجنبيه يتزوجها سعودي ماتبيه هو وش تبي فيه هو وشهابته تبي اللي في مخباته و تبيه يدلعها ]..
كان مهووس فيها بقوه لدرجه انهم يقولون انها يمكن ساحرته والبعض الثاني يقول الله لا يلومه يوم مايصير مهووس صغنونه وحلوه وبيضاء ودلوعه " تعرفون القديمين اهم شيء البيااض " ...
المهم بعد سنتين من "غفص" ابوي لها جابتني وسموني على جدتي(فاطمه).
وتربيت
في بيت مكون من اب وام وجده وجد.
ويوم كان عمري سنتين وتطق بأمي الوسيعه وترجع للمغرب مع ان ابوي ماقصر معها بس الخبال الزايد ..
ابوي الرومانسي ما استحمل غيبتها وجته سكته ومات (الله يرحمه ان شاء الله)
طبعا وقتها ما كنت ادري وش السالفه وماحسيت بأبوي ولا فقدته كان عمري تقريبا 3 سنوات.
وكبرت وماصرت افكر لا بأبوي ولا امي لأني ما اعرفهم.
عرفت ام وحده وهي (امي فطيم) <<جدتي.
وابو واحد وهو عبد العزيز(جدي).
ونشأت في حاره بدويه(لأننا كنا بدو اساسا).

و من نذالتي وقوه دهائي كنت زعيمه بنات الحاره(بس طبعا با الليل اما بعز القايله اصير اصدق صدوقين عيال الحاره لأن البنات يكونون نايمات ولا فيه الا العيال وكانوا يسموني (طلال )
كنا نلعب كوره كل ظهر وصرت من المحترفين فيها.
وكانت جدتي مصبحتني ومسيتني على [الشباشب]
الله لايلومها ما اجي البيت الا الساعه 12 با الليل.
طفشت مني جدتي لأني دايم اطلع من البيت واللي يقهرها اجيب الاولى على المدرسه يعني ما كانت تقدر تقولي شيء...
مرت الايام وصرت بأول متوسط وجدتي تنتظري اعقل وانا ماعندي طاري.
هي كانت تنتظر(الدوره ) " الله يكرم القارئين " تجيني على شان تمنعني . بس ما جتني وبيوم من الايام مرني واحد من عيال حارتنا اسمه مزيد " صديقي من اول " وسارق ددسن سواقهم وطبعا انا ماكان عندي مشاكل اركب معه عادي وامي تدري..
ركبت معه وقالي العيال متجمعين با الحاره الفلانيه بنروح لمهم .
قلت متجمعين اجل يا الله قدام..


بس كانت فيه مشكله اني لابسه مريول وعبايه الله با الخير.
طبعا هو بحكم خبرته الخنفشاريه جاب لي ثوبه كان بكيسه يبون يودونهم المغسله.
المسبوهه انا طبعا لبسته صدق كان كبير شوي بس يعبر.المهم لبسته ودخلت جديلتي( يا قدمي.. عاد جدتي كانت تجدلني من قلب لدرجه احس شعري بيتقطع من قوه الشد وجديلتي كانت طويلة.)
رحت للعيال وكانوا اكثر من 16 واحد وفيه منهم كبار وصغار.
طبعا اول ماجيت قالوا مانبي بنات بس "مزيد" اقنعهم انه لازم اجلس ويكفي اني اعرف كوره...
صرت كل يوم نطلع انا ومزيد با الظهر ونلعب معهم. .
ومره دخلت حوش واحد وجلست انا انتظره با الحوش ليين يخلص سارق فلوس من امه..
جاني واحد من اخوانه واستغرب شكلي الغبي وسألني وش إسمك?قلت له طلال وفطس ضحك ..
وقالي تعالي نسولف.
طبعا اول كنا نتميز بصفه البرائه.
المهم رحت معه لغرفته وجلسنا نسولف وكان يدرس بصف ثالث ثانوي كان حليل معي مره وصار هو الثاني صديقي واسمه ياسر .سحبت على مزيد سحبه أليمه.
مرت الايام وقالي بكره بأفحط فيك يوم قالي كذا وانا امووت من الفرحه وقلت له خلاص بس تزيني بكره ولاتلبسين ثوب خلي عليك عباتك.والبسي لبس تحت ملابس المدرسه...
با الفجر اول ما قالت لي جدتي:فطوم قومي وانا افز من الفرحه.وانا البس جينز تحت المريول وبلوزه حلوه وكل هذا بدون ماتدري جدتي.
(طبعا انا كنت حلوه مره يوم اني صغيره واللي يشوفني يقول بصف خامس مع اني كنت بأول متوسط وكنت داجــــــه مــــــره).
خلص الدوام ومرني ياسر وطلعت انا واياه ونزلنا با ملحق بيتهم علشان العصر نطلع مع العيال ونفحط.
دخلنا الملحق ولا رضا يفتح الانوار يقول بنلعب.
و اللعبه كانت(يسكر الانوار واللي يلقا الثاني قبل ينسدح فوقه وكنت انا دايم القاه وبعدين جاء الدور عليه ولقاني وبعدها جلس يبوسني طبعا من برائتي سألته:معليش نحب بعض والا عيب..قالي لا عادي اذا كنا نعرف بعض) وجلس يبوسني لين انا مليت و وخرت و ولعت النور.
وجلسنا نسولف.
وقلت وش ودك اذا كبرت تصير?
قال لي: ج.. " كلمه وسخه " (طبعا انا مافهمته وسكتت)
سألته سؤال:وانا وش ودك اصير اذا كبرت!

قالي: ـبـــ.(برضوا مافهمتها وانبسطت عليها)
جاء العصر وركبنا السياره ورحنا عند اخوياه رفضوا با البدايه اركب معهم وهم يفحطون بس انا بكيت لين وافقوا .

بعد عشر دقائق من احلا شيء سويته بحياتي صدمنا صدمه قويه و اليمه مره وجت الشرطه و انا كنت انزف ومابقا شيء مانزف فيني و ودوني المستشفى اما هم مافيهم الا العافيه اخذوهم الشرطه و انا جاني كسر برجلي اليميين.
الشرطه على بالها انهم مختطفيني ومفحطين فيني مادروا اني انا اللي كنت ابكي علشان اركب..
طبعا جدتي زعلت علي لأني طالعه مع عيال اكبر مني وافحط بعد هي تفشلت قدام الحريم.
ومزيد زعل علي علشان ماعلمته اني بفحط مع الكبار.
حلفت جدتي ان طلعت ودجيت اكثر من ما دجيت انها بتكسر رجلي الثانيه.
جلست 6 شهور لازم عربيه وسويت اكثر من عمليه فيها.
وصرت ما اطلع كثير من البيت للمدرسه ومن المدرسه للبيت)
و تضايقت.
وصار فيني عيب با المشي(يعني اعرج)
ومره نسولف انا وجدتي وسألتها:يمه الحين لو كبرت عادي اصير وانا رجلي كذا [****].

تغيرت ملامح جدتي وعصبت وسحبت لي اذاني وقالت لي من اللي قالك كذا?
قلت لها ياسر.
قالت لي وش ياسره ياقليله الأدب وضربتني ضرب ولا خلت [شب شب والا طوفريه] با البيت الا وشاتتها علي.
عاد قامت تهاوشني وسألتني وش كان يسوي وقلت لها كل شيء وقلت لها يوم لعبنا وفهمتني كل شيء.
و من بعدها كرهت شيء اسمه رجال. وكرهت طفولتي كلها...
++يعني انا كانت نياتي بريئه ولا كنت اعرف الخرابيط ++

بدت ملامحي تكبر وبديت اصير احلا من قبل.

بشرتي اللي كانت شهباء ورصاصيه رجعت لأصلها الطبيعي.
بديت اكون صداقات (بنوتات طبعا).

و سالفه ياسر حطمتني مره ولا خلتني اندمج مع احد بسرعه.

دخلت اول ثانوي و [بلغت].كان بلوغي عند جدتي عرس وسوت عشاء.

والظاهر بلوغي على قوله جدتي [وجه خير علينا]..

لأن جدي شغله كان حلو و دخل با الاسهم وقام قومه ما احد كان يتوقعها صرنا على قولته[بطرانين]..


اول شيء قرر يسويه جدي نغير بيتنا اللي حاله امه صعبه..

واشترى لنا بيت بأرقى أحياء الرياض و دخلني مدارس بنات العز[احب احتفظ في اسمها اخاف اقولها وأنكشف
<< مررره بتنكشفين ]..
طبعا بالأول عجزت اندمج معهم .
يعني لبسهم كان من أرقى الماركات وانا (برمودا ومسويه زحمه)..
ساعاتهم اقل شيء على 6 الاف وانا اغلى ساعه عندي ساعه (زواج امي اللي نست تأخذهم مع الذهب اللي أخذته من جدتي)
هي كانت سعرها 7 الاف بس كانت تراث انا حتى استحي البسها بس جدتي تقنعني تقول بترجع موضتها[جدتي فاهمه الموضه]..
طبعا اقتنعت جدي اني مايصلح كذا ياأما يعطيني مبلغ صح واعدل نفسي واشتري لي إشياء حلوه يا أما يوديني مدرسه حكوميه الله با الخير ..
طبعا جدي عرف انه هو يكرف ويتعب علشاني انا بس ومابقى من عمره شيء ويبي ينبسط با الفلوس اللي طلعت له..


طبعا عطاني بطاقته وقال ادفعي منها ولا تقولين لأي شيء غالي اشتري اللي نفسك فيه..

وطبعا اقنعت جدتي وأخذتها معي با الغصب لم السوق وكانت وجهتنا لم (صحارى)
وطبعا اول شيء سويته أشتريت 3 ساعات ( وحده بناتيه لي و وحده نسائيه لجدتي و وحده رجاليه لجدي)
كلف سعرها 20 الف .
سعر عادي با النسبه لي يمكن لأني مااحس بقيمته او ما اتعب عليه..
اما جدتي شوي وتقطع ملابسها من السعر بس انا غصبتها...

دخلنا محل وكانت فيه بلوفرات حلوه مره .
اعجبني واحد وكان سعره غالي مره..
جدتي:لا وانا امك وش تبين فيه بتلبسينه مرتين وبتخلينه با الدولاب ومايستاهل..
انا;يا قلبي يا يمه انسي الفقر و بعدين ابوي من يجمع له صح لي?! ..
طبعا ما خليت شيء الظاهر وشريته..
وصممت لي عكازه صغير بنوتيه حلوه لأنني ماصرت اعرف امشي الا فيها ....

بعد فتره فتح لي ابوي حساب في البنك وكان ينزل كل شهر 3000 طبعا غير اللي أخذهم على جنب.

(كنت مسرفه بشكل غير طبيعي )

مرت الايام وكنت توني اطف بشي أسمه نت..
فتحت لي اكثر من 7 مواقع ودفعت عليها دفع مو صاحي وقامت وصرت تدخل اكثر من اللي تعبت عليها ( تدخل من الاعلانات طبعا واللي يبي سوابر...الخ ).

المهم

اندمجت مع البنات وكانوا كلهم بنات بطره. ومامنعتني رجلي من ان البنات يصادقوني با العكس البنات حبوها على اساس انها جزئ مني.

وصرت اطلع معهم كثير ودايم اطلع من البيت يا اما حفلات يا اما عشيات يا اما ........ الخ من المناسبات اللي ماتخلص..

خلصت سنه اولى ثانوي وكانت احلا سنه عشتها.
وبا الاجازه قررنا نسافر [واول مره كنت أسافر فيها برا السعوديه]

بعد دراسه عميقه وبشور مني لجدي قررنا نسافر لــــ!تركيا!
حاولت قبل اسافر تركيا اتعلم شوي من لغتهم بس كانت صعبه شوي.
رحنا تركيا وسكنا في بورصه وكان السكن عباره عن مجموعه فلل صغيره بجنب بعض.

في اول يوم اقترح علي جدي اني أشيل عباتي والبس حجاب ولبس ساتر بس انا ما اقتنعت با البدايه بعدين اقتنعت .... [ وبدون وثوق ولا غرور ملامحي ما كانت غريبه عنهم يعني هم بيض وانا بيضاء وهم حلوات وانا يمكن كنت احلا لأن العرق السعودي اندمج مع العرق المغربي اللي فرحانه ومتشرفه فيه لأنه بس ورثني ها الجمال والا هم ابغض شعب عندي ولا يهونون المغربين ].

كنت اروح مع بنت جيرانا اسمها "لينار" عراقيين ساكنين بتركيا.(بس مو اكراد).
وصارت هي المرشد لي كانت تترجم لي ومساعدتني كثير.
طبعا امي وابوي الظاهر رجعوا لشهر عسلهم كل شوي وهم طالعين مع بعض ومخليني اروح مع لينار هي اللي تمشيني وتطلع(طبعا بمقابل)..
وكنت اول ما اشوف خليجيين اصد استحي منهم مع اني متحجبه.
لينار الله يصلحها كانت تطلعني مع شلتها وكانت شباب وبنات طبعا هم يسولفون سوا ويضحكون وفالينها وانا "درجه" و مسبوهه ما ادري وش يقولون بس اذا ضحكوا اضحك وانا ما ادري وش السالفه ما ادري هم يضحكون علي والا لا.( لا بعد يقال انهم راحميني وحاطيني با الوسط بينهم وكنت بين ولدين بس عيالهم يفتحون النفس طبعا).
ومره قالت لي بنروح المتحف العثماني طبعا فرحت وقلت لجدتي وقالت لي بكيفك وهم يبوون يروحون لجزيره الاميرات.
جهزت الكاميرا علشان ابصور ورحنا و دخلنا المتحف كان روعه روعه.
طبعا لينار الخياس شافت واحد وقالت لي هذا حبيبي شوي بروح معه واجيك اذا خلصت بدق على جوالك.
رحمتها وقلت لها خلاص.
وجلست ادور انا المتحف و كان كبير, وادخل اتفرج وبس طفشت ابي احد يقولي هذا وش ومن كم وحق مين..
وبنت اللذين لينار الظاهر متفقه هي وحبيبها لأنها سحبت علي.
ودخلت قسم فيه لوحات رسم الحكماء.وانا قاعده اتفرج لقيت مجموعه شباب ومعهم واحد شايب ويشرح ويتكلم عن التاريخ.
شدني كلامه وجلست اسمع انا كل شوي اقرب منهم واذا مشوا مشيت وصرت قريبه منهم مره اللي يعلق شافني وابتسم.
وهم يمشون وانا الدجه وراهم ,وطاح جوال واحد فيهم ونزل على الارض يجيبه, طبعا انا ما انتبهت له كان كل همي مايروحون مني ذي المجموعه,
نزل يجيب الجوال وكان قريب مني انا ماشفته ومشيت وكان هو تحتي وتعكرفت عليه وطحت على رجليني ورجلي اليمنى با الذات عجزت اقوم وجلست ابكي مكاني وهو انخبص عقله ويقولي معليش معليش.
جت كل المجموعه اللي معه وجلسوا يحاولون فيني اقوم بس انا كنت رافضه وابكي.
سكتت ومسكت عكازتي وحاولت اوقف عليها و وقفت بس كانت تعورني مره.
وبديت امشي علشان ابعد عنهم كنت جالسه اصيح ومن زود خبصتي نسيت شنطتي وانا ابعد تذكرتها علشان كنت بدق على لينار والعن ابو خامسها بس ما لقيت الشنطه .
رجعت للمكان اللي طحت عنده مالقيت الشنطه وجاني احد يركض.
قال ذي شنطتك وعطاني اياها.
قلت شكرا.
ورحت هو جاء وراي وقال لي كيف رجلك?!قلت احسن.
طلعت الجوال وهو كان معي وفتحته لقيت مسج فتحته"
فوفو سوري اضطريت اروح فيه مشكله بس اوعدك بعد 4 ساعات راح اجيك انتي اطلعي من المتحف وراح تلقين برا اسواق ومطاعم تمشي لين ادق عليك"".


انقهرت ودقيت على جوالها مغلق .وخفت ادق على جدتي اضيق صدرها وتحرم علي اطلع لحالي مع لينار..
قلت في نفسي هين يا العراقيه والله العن ابو خيرك اذا رجعتي.

سألني اللي كان ماسك لي الشنطه وقال وين اهلك!?.
وضحكت من زود القهر .
و قلت : سؤال محرج لأني جايه لحالي..

بنظرات تعجب قالي: وش ? لحالك! لا كثري منها انتي مو في الرياض يوم تطلعين لحالك?انتي بتركيا..

انقهر وعصب وقال وش لون لحالك?!ماتخافين.
قلت له سالفه السلتوحه لينار
وقال خلاص تعالي معنا الين تجي.
با الاول قلت لا كذا "اغصبني واتغيصب"
لين حطيتها براسي "مع سعوديين اظمن اني اروح لحالي "

قالي ماعرفتك بنفسي..معك طلال فلان بن فلان آل فلان من الرياض.

أبتسمت وتذكرت اسمي ايام الطفوله.
وقلت له اسمي.
ورحت معهم .
طلال:بتنظم لمجموعتنا وحده وهي الفطفوطه فاطمه اللي كان تركي راح ينهي رجلها.
جلست معهم وكانوا يوسعون الصدر.
طبعا زي اي بنت فيها عرق سعودي تموت بشيء اسمه " ثقل على غير سنع " ..
بعد نص ساعه من الدوران با المتحف.طلعنا برا علشان نأكل وكان وقت الغداء و الجو مره حلو.المجموعه اللي معه تشتت وبقيت انا و المرشد السياحي حقهم و طلال و واحد ثاني يقاله مشاري.

ودخلنا مطعم قريب وجلسنا فيه وجلس كل واحد يسولف ويقوول اللي عنده ودريت انهم شله شباب جايين سياحه.


سألني طلال : انتي سعوديه?!
ضحكت وقلت بعد كل هذا وتسألني..
قال : ملامحك مو بينه..
مشاري:ايه والله صح..

(طبعا لأني سعوديه احب اسمع احد يمدح فيني)
قلت:كيف يعني..
ضحك وسكت وغير السالفه وبعدين سألني مشاري.
مشاري : عسا ماشر ايش فيها رجلك.
قلت: لا عادي صار لها 3 سنوات.
مشاري :يؤ يؤ ? من ايش طيب.
طلال : اكيد زلقتي من الدرج عاد انتم يا البنات نعومات مره..
(انا استحيت ما ادري وش اقوله)
قلت: لا للأسف ولأنهم كانوا يقولون لي طلال.
ركبت مع العيال اللي يفحطون وصدمت و من يومها وانا ذا الحال.
انا خلصت من قول صدمت وانا ما اسمع الا ضحكات قويه من تركي ومشاري..
(استحيت مره وطاحت عيني على يديني ولقيتها حمراء ,دريت ان وجهي صار أحمر قمت ورحت دوره المياه)
وانا فيها انبني ظميري اني جالسه معهم وخفت ودقيت على " البقره " لينار بس برضوا لقيته مغلق.

رجعت وجلست عندهم لأن مالي الا هم...
مشاري اضطر يقوم يبي يشتري اغراض وأخذ ابو رشاد معه(المرشد)..

جلسنا انا وطلال ..

(طلال كان اجمل ولد سعودي شفته,كان جذاب بزياده ,عيونه سوداء وكبار, ملامحه رجوليه حلوه ,شفايفه كانت تجنن,خشمه صغير شوي بس ما كان "افنس" ,غمازته اللي كانت بدقنه كانت روعه يعني من الأخير يخقق )

المهم:
وحنا جالسين قرب طلال با الكرسي اللي جنبي على طول.
انا بانت علي علامات الخوف.
ابتسم وقال لا تخافين.
تكلم لي عن نفسه.
قال :صدق بغيت اسألك بس لاتزعلين مني?
قلت: لا عادي اسأل.
قال: لاحظت انك جرئيه شوي وهذا الشيء استغربته على أي بنت سعوديه...
ابتسمت وقلت: الحين انت كا ولد بتخاف من ولد ثاني? والا بتخاف تطلع لحالك?!
والا بتخاف من البنات?!
قال: لا ..
قلت : انا كذا..
حسيت انه فيه استفهامات تدور فوق راسه .
قال:كيف..!!
قلت: انا يا طويل العمر تربيت طول عمري بين عيال وصاروا الحين عادي عندي زيك كذا..
قال: اها ;يعني كل اخوانك عيال.
فهمته ماضيي بس ماقلت له عن مضايي الخياس مع ياسر...

طلب مني نطلع نتمشا برا طلعنا وكانت تمطر طبعا متعودين با السعوديه اذا كان عندنا مطر مانخاف منه او نحط مضلات او اي شيء با العكس نحب نلعب بس المطر با السعوديه هو اللي كان يخاف منا لأنه يرش ساعتين با الكثير و ينقطع.


طبعا حركات الاطفال ماخليتها " اذا جاء المطر فتح فمه ورفعه للسماء علشان يدخل المطر".
وصار لي فاتحه فمي اكثر من دقيقه ولا احس دخل كثير طلال رحمني وكانت معه قاروره ماء فتحها و صب شوي بفمي .
كحيت وتروعت وغصيت . .
طلال:سوري معليش..

ضحكت على حركته وقلت له : الظاهر ما راح ارجع البيت الا وانا صاير لي شيء ..


............ ......... ......... ......... ......

واذا اعجبتكم القصهـ راح آكملها واتمنى للي يبوني اكمل القصه يكتبون ليـ ..
آعتذر عن جرئاتي الزايدهـ .. بس هذا الواقع اللي عاشتهـ البنتـ .. وقالتـ "ماضيها بأدق تفاصيلهـ " ..
والباقيـ " اكثر جرأءهـ " ..
اتقبل النقد " البناء " فقط ..
القصه من الواقع ولا احد يقوول كذب او أي شيء
يعلم الله انيـ اذا مانقصت من القصه " مازدت "
والقصهـ . حصرياً .. على " قرووب سنفور سكرانـ " ..
واتمنى من يريد النقل " ذكر المصدر " لا هنتوا " ..
واذا ما اعجبتكم القصه " مالها لزوومـ " ..
" نقطعها سيرة " على قولة اخوانا المصريين ..
............ ......... ......... ......... ......... ......... ..
يتبع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 15-07-2014, 02:49 AM
صورة Angel sinless الرمزية
Angel sinless Angel sinless غير متصل
©؛°¨غرامي مجتهد¨°؛©
 
الافتراضي رد: رواية للجرأه طعم


............ ......... ......... ......... ......... ......... ..

\

/

\

/

اهلين هلااا والله

كيفكمـ " شباب وصبايا , شياباانـ , وعجز " !!

مرررررررررررره انبسطت انها

اعجبتكم القصه .. واتمنى يعجبكم البااقي بعد

واعتذر عن التأخير
بس كاان عنديـ اختبااار ..

طبعاً شاااكرهـ لكل من ارسلي مسج سواء نقد او مدح او " شخابيط " << -- لا تسألوني وش شخاابيط حتى اناا عجزت اترجم المسجات اللي زي كذاا بس الظاهر المشكله من اليااهو ..

واريح كل احد يبيـ يضيفيني " تراا ماعندي ماسنجر با اليااهو " هع هع هع

وسوااء للي يبـيـ اجزاء القصة بدوون حذف أي شيء
يرسلي رساله
عنوانها " ياليت القصه بدون حذف أي شيء "

يعني اللي يبي يتاابع القصه على قناة السعوديه لا يرسلي
واللي يبي " شوتاايمـ " يرسلي رساله انه يبيه ...


واحترااميـ لكل اللي يقروونـ



يا الله بلاااش مقدماات وااجد ..

و ان شاء الله راح يكوون كل يومين " بارتـ "

................................................

نستكملـ ..

ضحكت على حركته وقلت له : الظاهر ما راح ارجع البيت الا وانا صاير لي شيء ..

مرينا محلات واشتريت جينزات على ذوقه واشتريت له جزمات " الله يكرمكم " على ذوقي..

.
.
.
.
.
مرت ال4 ساعات اللي غابت عني فيها لينار بسرعه ولا حسيت فيها كنت مبسوطه مره مع طلال وحسيت ان العيال السعوديين طيبين مره ...

دقت لينار علي وسألتني وينك علشان تجي طبعا انا دجه ما اعرف ادلها خليت طلال يدلها وجت.
قبل لا اروح .
طلال: فاطمه ممكن جوالك?
انا: ايه عادي خذه ..ومديت له الجوال..
قال:لا قصدي ممكن رقمك .

" والله من السبااهه اللي فيني احسبه يبي يدق على احد "
ابتسمت وعطيته نظرة خجل وقلت :اها.. و عطيته رقمي..


رجعت البيت .
ولقيت جدتي وجدي نايميين(ازين ما كان فيهم اهلي ما يقولون لي شيء اذا طلعت)

وقعدنا انا و طلال اسبوع على هذا الحال اطلع معه من الساعه 1 الظهر الا 12 الا ربع باالليل.
لينار بنت اللذين من يوم تعرفت على طلال وهي مبسوطه علشان تروح مع حبيبها...


دخلنا مطعم وكان اكثره خليجيين وجلسنا بطاوله .. وطلب لنا طلال اكل وكانوا بجنبنا شله بنات بين على اشكالهم سعوديات بس ما كانوا متحجبات.


طبعا كانوا جنبنا مره لدرجه ان الوحده لو تتكلم بهمس سمعت وش تقول..

بس طلال ما كان يسمعهم.
رن جوال طلال وجلس يتكلم في الجوال
وانا سمعت اللي بجنبي تقول:الا انا متأكده ان هذا طلال..


انا جذبتني السالفه وفتحت اذاني زين علشان اسمع
قالت وحده منهم:تتوقعين مين اللي معه ذي?!
قالت وحده :يمكن زوجته..
قالت الثانيه:لا ما اتوقع تزوج لو تزوج كان كتبوا مباركة له.
(انا شكيت انه شخصيه معروفه)
قالت:بعدين هو كتب انه راح يصييف بتركيا وانا فرحت قلت يمكن اشوفه وارسلت له رساله خاصه?اسأله بأي مكان بتركيا بيروح حاولت اشبك معه بس هو ثقيل مع البنات يقهر..

انا يوم قالت رساله خاصه عرفت انه في عالم النت..

"تتوقعين ذي زوجته ياحليلها صغيره"<<< --- هذا اللي قالتها وحده منهم..
ردت عليها الثانيه : ماشاء الله مخليها تنضبط محجبها..
ردت الثانيه عليها "بس ماشاء الله شكلها مرتب ونعومه وحلوه بس سبحان الله الزين ما يكمل تمشي بعكازه"..
جت وحده منهم وقالت : الحمد الله يارب والله انه موو صاحي
مخلي البناات الحلووات ومتزوج وحده " معوقه " استغفر الله بسـ اللهم لا شمااته ..

انا انبسطت با المدح اللي جاني بس لأول مره اتضايق من عكازتي..

سكر طلال وجلسنا انا واياه نسولف وكانوا البنات السعوديات اللي جنبنا عيونهم علينا طلال ما كان منتبه بس انا كنت منتبهه.

جاء بزر مصري ملقوف وأخذ عصاتي يلعب فيها (لقافة عيال مصر) " تراا احب المصرييين "

انا قلت بقوم اجيبها و بأبين للبنات اني اعرف امشي بدونها..

قدرت اوقف بدونها بس " صنمت " ما قدرت احرك رجلي اليمين علشان امشي.
قمت احرك رجلي اليسار واسحب الثانيه بس على طول [دردب على وجهي] قام طلال يساعدني وقدر يجلسني على الكرسي وشاف البنات يضحكون علي بس راح يجيب لي عكازتي ورجع وشاف البنات مازالوا يضحكون علي وشاف صدري ضايق قام وراح للبنات.

و قالهم: ما اظن انه فيه شيء يضحك والا لو فيه كان شفت كل المطعم ضحك.

ورجع و انا ضايق صدري .وحاول يواسيني . بس حتى ولو انا كنت منقهره من اللي صار.
سحب كرسيه ولصق بجنبي قالي : رجلك تعورك?
(عاد انا شوي واصيح منها)
قلت: لا.
قال : طيب وش فيك تضايقتي ?!
انا :لا ولا شيء عادي .

قال :من رجلك صح.
اشرت له برقبتي يعني ايه .

حط يدينه عند رجلي وجلس يدلك فيها..

وجلس يقول لي اي سالفه علشان يضحكني.

وضحكت .

ابتسم وقال ايه: لاتحرمينا من شوفه غمازتك الحلوه وحط يده على خدي ولمس الغمازه.

قلت:غمازتك احلا.
وحطيت يدي عند دقنه هو مسك يدي بخفيف وقربها لشفته وباسها..

ولأول مره :حسيت بشيء غريب حسيت[ان شعر جسمي وقف] ..


بعدين التفت على البنات ولقيتهم يشوفونا واول ماشفتهم كل وحده لفت لجهه.

جاء طلبنا و قعد يأكلني طلال..
....
...
..
بعدين رجعت البيت ومن الليله ذي, بديت افكر بطلال بكثره.

من بكره حسيت اني ماطلعت مع جداني وصرت اطلع معهم 3 ايام واساسا انا حسيت انهم ودهم يعيدون شبابهم ..

ورجعت اطلع مع "السلتوحه" لينار هي تديت حبيبها وانا اروح مع طلال.

رحنا منطقه كبيره كلها محلات ..

ما خلينا انا وطلال شيء الا اشتريناه انا اشتريت لخوياتي وطلال يشتري لأهله.
انا كان ببطاقتي 9700
وبقا فيها 200 بس .
وهو اشترى بمبلغ اكثر مني واشترى لي خاتم قيمته 2300..

ورحنا نتمشا بعيد وكان معنا حمال لأن اكياسنا مره كثيره.


وبعدين بلشنا با الاغراض الكثيره وكان فيه محل دخل لهم طلال وتفاهم معهم وقالهم بنخلي الاغراض عندكم وبندفع لكم مبلغ وقدره وعطاهم رقم جواله وأخذ ارقامهم وطلبهم بضمان وعطاه واحد من اصل سوري بطاقته.
واخذ الكيسه اللي فيها الخاتم وقالي خليها بشنطتك .
خليتها ورحنا نتمشا .
ودخلنا مطعم علشان نتعشا وكان المطعم مره رومنسي .وجلسنا بمكان بعيد عن الانظار.
وكان طلال ماسك يدي طول الوقت حتى وهو يطلب.

وانا قلبي يدق بسرعه.


ومرت لحظات السكوت فجأه وقرب طلال وجهه مني.
"وانا قلبي شوي ينفجر من كثر مايدق بسرعه"
قرب شفايفه لشفتي وباسني بخفيف

بعدين شال شفته عن شفتي ورجع وباسها بقوه وجلس يمص فيها"وانا كنت متنحه ما اعرف وش اسوي بس مسلمتله شفتي"
هو شاف اني مفهيه وعض شفتي وبديت اتجاوب معه

[با اللحظه ذي تكرر احساسي وعرفت ان هذا الاحساس ماطلع الا وانا مع طلال]

وجلسنا تقريبا ربع ساعه وأحنا نشف شف ببعض.


جاء الطلب وبدينا نأكل ونسولف.
وحنا نسولف قالي تصدقين ماقد شفت شعرك ونفسي اشوفه .
شيلي الحجاب اللي متحجبه فيه با البداايه رفضت .. وجلس يحاول فيني
عاااد انا ما اقدر اقوول شيء قداام نظراات عيونه وشلته وهو انجن على شعري وحلفني ما اقصه وحلف انه احلا شعر شافه بحياته.


المهم
بعد العشاء رحنا للمحل وأخذنا اغراضنا وجت لينار ورجعنا انا واياها ومن فرحتي و ووناستي نسيت جوالي في الباص اللي كنا راكبينه.

ويوم جت الساعه 1 با الليل دورت جوالي دورته وتذكرت اني الظاهر نسيته انا ماهمني جوالي همني انه فيه رقم طلال وانا ما حفظته.
طلعت وشافتني جدتي.
جدتي :فطوم وين انتي طالعه بنص الليل?.
قلت:يمه عاد آخر يوم بطلع مع لينار لم الشاطئ ..
وافقت جدتي ورحت طيران لبيت لينار وكنت متأكده ان رقم طلال عندها وفعلا كان عندها ودقيت عليه وقلت له اني نسيت اقوله انا بكره راح ارجع يوم قلت له كذا قال عطيني لينار وطلب منها وصف المكان اللي احنا فيه واتفقت لينار اننا نروح للشاطئ القريب ويجينا هناك وهذا اللي حصل هو جاء مع (مرشدهم).
لينار: فوفو انا بدي روح البيت من شان تأخدوا راحتكون وانتي متى ما فكرتي تجي اديني الو وانا اوصف للي بدوا يجيبك مكان البيت...

هو قال لمرشدهم نفس الكلام.
ورحنا انا و اياه قريب من البحر وجلسنا نلعب في الماء والمكان اللي فيه كان مافيه ناس كثير.
جلسنا نشفشف بعض طول السهره.
واعترف لي بكل شي بخاطره.
وانا قلت له سالفتي من يوم ولادتي وعرف ان امي مغربيه وعرف كل شيء عني 'مدرستي و و ين بيتنا واسمي كامل وارقامي في السعوديه '


وسهرت معه احلا سهره .....
(لدرجه اني حسيت انه حلم)

وقلت له عن سالفه البنات اللي ذاك اليوم وفعلا زي ماتوقعت"مشرف وكاتب بأحدى المنتديات المعروفه وكان يحط صورته توقيع علشان كذا عرفوه البنات..


رجعت السعوديه وصدق انه ضاق صدري علشاني رجعت.بس ابدا ماتوقعت ان كل ها الوناسه بتصيير..

.
.
.
....رجعت ......
وصرت اكلمه كل يوم وكل اسبوع اشوفه مرتين..
حبيته مرهـ وتعلقت فيه مره..
جلسنا سنه على هذا الحال انا احبه وهو يموت فيني.


تخرجت من ثاني ثانوي وبدت الاجازه الصيفيه ..


في يوم نجاحي اخذني طلال للثمامه وبمكان بعيد خلاني اسوق وجلسنا انا واياه في البر الى الساعه 7 بالصباح.
ورحنا بيتهم [لأن وقتها اهله كانوا مسافرين ]....
(والمسكينه جدتي على بالها اني نايمه عند خويتي )

تمـ حذف كلااااامـ

الجزء المحذوفـ

" ولأول مره نمت معه و كانت ليله حلوه .. ولأول مره شلت ملابسي فيها وصرت ربي كما خلقتني وهو بعد.
كان ما خلا شيء الا وسواه جلسنا الا الساعه ٢ با الظهر على ها الحال نفصخ ونلبس ونأكل ونفصخ.

وانا بحضنه وضامته بقوه نمت قمت على المغرب ومالقيت احد جنبي وقمت ادوره في البيت ولا لقيته دقيت على جواله مغلق خفت و دقيت على خويتي وقلت لها السالفه وقالت لي الحين يمكن يجي وترا جدتك دقت وقلت لها نايمه.

سكرت من خويتي وقلت خليني أخذ لي شور لين يجي اخذت لي واحتريت احتريت اثاريه ما جاء نزلت تحت لأني جوعانه وا اول ماقربت ابي ادخل المطبخ كانت فيه غرفه بجنب المطبخ فيها صوت اغنيه كلاسيك ونور خفيف دخلت لها ولقيته نايم الظاهر تعب وهو يحتريني ونام انا ما ودي ازعجه وقربت منه وجلست ابوس فيه لأني احبه والله .هو قام على طول وقام وقالي بغسل وجهي واجي وراح ورجع بسرعه وجلسنا نحتفل لأني خلصت من ثاني ثاانوي ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 15-07-2014, 02:51 AM
صورة Angel sinless الرمزية
Angel sinless Angel sinless غير متصل
©؛°¨غرامي مجتهد¨°؛©
 
الافتراضي رد: رواية للجرأه طعم


رجعت لبيتنا و اول ماجيت دخلت البيت خفت جدتي تشوف الـ[المصات]اللي فيني رقيت لغرفتي وقفلت الباب وجلست عليها يوم كامل وانا نايمه .
ويوم صحيت حسيت اني تعبانه مره مره قلت لجدتي وماخلت جدتي علاج الا وجابته لي جلست يومين تعبانه.
وماكلمت طلال 3 ايام (اليوم اللي نمت فيه واليوميين اللي تعبت فيهم)
يوم حسيت اني شفيت الحمد الله دقيت عليه بس جواله كله مغلق .جلست يوميين على هذا الحال وبصراحه بديت أخاف عليه .
دقيت على ارقام اخوياه وقالوا انهم مثلي مايعرفون شيء عنه وان آخر مره شافوه ايام الاختبارات..
عدا اسبوع وانا شوي اموت من القهر..ماعرفت أكل ولا عرفت انام ولا خليت احد يعرفه الا وسألته ما بقا الا اروح اطق باب بيتهم واسأل عنه.
.
.
مر شهر ولا اعرف عنه شيء قلت: مالك يافاطمه الا تروحين عند بيتهم.
والله وأشاور البنات وقالت لي وحده :بخلي خويي يروح له وانا معه ونشوفه ونكلمه..


راحت خويتي وانا من يوم قالت لي ركبت مع خويي وانا مزعجتها بكثره اتصالاتي وكنت معها لين وصلوا البيت ومر بزر صغير من عندهم (انا كنت اسمع صوته)
سأله خوي خويتي (نايف): هذا بيت فلان الفلاني /وسأله عن اسم ابو خويي/
قال البزر:لا هذا بيت ....{وقال له اسم غير}
قال نايف:انا متأكد ان هذا بيته ?
البزر: والله لا هذا بيت عماني..
نايف: طيب وين بيته?!
البزر:ما ادري اساسا ماعندنا احد با الحاره كلها با الأسم هذا.
نايف:طيب عمانك ذولي عندهم واحد اسمه طلال..
البزر: لا عندهم ولد وحيد اسمه مشاري..

{انا قاعده اسمع على السماعه ومو مصدقه سمعي}
[كّذبت نايف وخويتي بس وصفولي البيت صح نفس الشكل ]

انصدمت في طلال ..< معقوله طلال يسويها?معقوله كذب علي! وليه طيب? انا ايش سويت له?طيب وهو وينه!>


كثرت الاسئله براسي انجنيت من كثر التفكير.
الناس با الاجازه ينبسطون وانا الله يعلم بحالي..


سألت مشاري لأني توقعت البيت اللي طلعنا له بيت مشاري.

انا:آلو السلام مشاري.
مشاري: هلا وعليكم السلام.
انا:كيفك مشاري?
مشاري:تمام والله بس من معي.
انا:معك فاطمه خوية طلال.
مشاري:اهلين كيفك!
انا:تمام.,مشاري الا بغيت اسألك بصراحه وين طلال!?

مشاري: والله يافطومه انه هو محلفني انه اذا سألني اي احد اقول ما ادري..
انا:طيب بس انا مو اي احد الظاهر انت تدري عن علاقتنا..
مشاري:اعذريني ما اقدر.
جلست ابكي عنده وبرضوا اعتذر وبعد اسبوع من المحاولات معه قلت له :خلاص ما ابي اعرف وينه?اسأله ليش سوا فيني كذا ?.
مشاري:طيب خلاص ان شاء الله ..


بعد كم يوم دق مشاري.
مشاري:آلو السلام فاطمه اعذريني وبقولك الكلام بسرعه اخاف اجرحك.
انا جلست ابكي قبل اسمع الكلام.
مشاري:ابيك تعرفين اول شيء ان مافيه ولد يستاهل دمعتك و ان الكلام اللي بقولك اياه كلام طلال با الحرف الواحد وفيه كلام قالي لاتقوله بس انتي علشانك باين عليك مسكينه بقولك..
انا:قل خوفتني.
مشاري: ياطويله العمر يقول مايبي يسافر ويتعبك او يخلييك مايبييك تتعذبين بغيابه ..
انا : طيب هو وينه ؟؟!
مشاري : مسافر با السفاره في بريطانيا ابووه لقاله وظيفه مره حلوهـ هناك.

انا : طيب ليش ؟ ماقال لي ؟؟
مشاري : مايبييك تشيلين همه ..ويقول تدور واحد غيري ..
انا : با الله هذا كلامه ..

مشاري : بيني وبينك يافاطمه هو صح خويي بس خليه ..

انا : با السهوله ذي ؟ انا احبه طيب ..

مشاري : آخر مره طلعتي معه صار بينكم شيء غير اللي دايم صح ..
انا انحرجت وقلت : ايه ..
مشاري : خلاص طاح اللي براسه ..
انا " واناا ابكيـ " : كيف ؟
مشاري :هو كان متعلق فيك مره لأنك ماعطيتيه اللي يبي بس يووم عطيتيه خلاص طاب خاطره ..


انصدمت وكرهت اليوم اللي سافرت فيه تركيا وتعرفت عليه.

سكرت الخط بوجه مشاري وقررت اني بعد ها المره ما اجيب طاري طلال ..

اللي سواه فيني مو شويه ؟؟( ليش ؟؟ يسوي كذا .؟ حتى بهذا الشيء ماقصرت معه وعطيته ؟ علشان مايدور وحده غيري ؟ هذا جزاتي ؟!.. هو يدري ان الشيء هذا ماعطيته ؟ الا لأني امووت فيه )
بس خلاص راح انساه ...


حاولت انساه وعجزت با اليوم امووت الف مرره بسبته ..
كرهت حتى اسمه .. ماتوقعتها منه ..

وبدت الدوامات وبديت اشد حيلي علشان ثالث ..
بس ربي ما كتب ..

بعد بداية الدوامات بأسبوووع
خــــــسر جدي كل فلووووسه ..(با الاسـهم الله لايعيدها )

جته جلطه وتعب ..
زاد همي وعجزت اذااكر . اغلى ماعندي جته جلطه ؟؟ وش؟اسوي ؟


وخسرنا البيت , السيارات , الاراضي اللي اشتراهم , (كل هذا يسدد ديونه) .

صديق جدي ماقصر استأجر لنا شقه صغيره مرره بس الحاره اللي كانت فيها الشقه تخووف ..

وجدي صار مايقدر يتحرك وكله على الفراش ..

صاار كل الحمل علي اناا ..
وجدتي صارت ملازمته .. حسيت با الوحده . وتضايقت مرره .. وصارت حالتنا زففففت ..
واحيانا مانلقا اللقمه ..
اضطريت اني ابيع كل شيء عندنا من ساعات ومن ذهب وفضه وكل شيء بعته ..
نقلت من مدرستي لمدرسه حكوميه قريبه لشقتنا . اساسا انا مابغيت اكمل دراستي بس جدتي حلفتني ..
صرت ابيع على البنات في المدرسه شنطي.. واي شيء حلو عندي ..
الا شيء وحيد مابعته .. خاتم طلال , ماقدرت ابيعه ,ودي بس عجزت ..
وصرت اصرف على جدي المريض وجدتي اللي ماتقدر تتحرك عنه ..
بديت ادور لي شغل اكسب منه لأن كل شيء بعته ومابقا شيء ابيعه ..
دورت دورت .. مالقيت .. اظطريت اني اطبخ با البيت وابيعه للناس اللي يطلبون مني ..

كانت جدتي تساعدني ..
وتقولي : لا تتعبيين نفسك وذاكري وخليني اشتغل ,

وانا العب عليها واقولها لا ياجده انا مبسووطه ..
" كيف اذااكر بس وحناا حالتنا كذاا , قهر الوااحد تتبدل حالته من الافضل للأسوااء ,, مايقدر يتأقلم بسرعه ,, "

وكل ماتسألني جدتي : مبسوطه ..
اقولها : الحمد الله ..
ما ابي اضايقها ..

وفي يووم الساعه 7 با المغرب . طق باب شقتنا ..
وجدتي اول ماسمعت طق الباب قالت : يارب انه جاينا فرج يارب ..

وفتحت الباب انا وناظرت من وراء الباب ولقيته رجال كبير ..
قلت له من وراء الباب : مين ؟

قال : انا صديق جدك ابو خالد ( ابو خالد رجل اعمال معرووف في الرياض ) ؟ وين جدتك ؟!
رحت وناديت جدتي ولبست عبايه ودخلته عند جدي وسلم عليه .
و طلعوا جدتي وهو عن جدي وجلسوا با الصاله .. وجلسوا يسولفون
وانا انقهرت ابي اعرف وش يقول ..
طلع وجتني جدتي والابتسامه على وجهها ..
قلت : بشري ياجده ؟؟ وش يبي؟
جدتي : بقووولك شيء وانا امك , الزواج زين .. والخ ( محاظره أي بنت يبوون يفتحوون معها ان احد خاطبها )

قلت : ومن هو ياجده اللي خاطبني ؟ يعني من الاخير ..
قالت : اللي تو جاني ابو خالد ..
قلت : و اي واحد من عياله ؟
قالت : يقوول انه اذا تزوجتوا انه بيساعدنا وبيقووم فلوس ابوك وبيتكفل بعلاج ابوك وراح يرجعنا زي اول واحسن ..
قلت : طيب أي ولد ؟فيهم ..
قالت : هو ابو خالد ..

طارت عيوني وبانت علاماات الاستغراب على وجههي ..
قلت بنظرات استحقار : وش وش ؟؟ الشايب ذا ؟؟ لو يمووت ما اتزوجه ؟ لو ما يبقا با الدنيا الا انا وهو ما اتزوجه , يمه عنده عيال اكبر مني وعياله 12 , بعد بعد الشايب . مابقى الا هي ..

عصبت جدتي : وقالت وش زينه الشايب شووفي فلووسه وشوفي العز اللي هم فيه ..
علا صوتي على جدتي وقلت : بس شايب يمه .

قالت : هذا الزين .. يدلعك ويشيلك على كفوف الراحه ..
قلت : ما ابي يمه مو هذا اللي تخيلته ..

انقهرت جدتي وصار وجهها احمر : اجل وش تخيليتي يجييك واحد زين وصغير ومعه فلوس , هذا كان اول قبل لا تكونين با الفقر اللي انتي فيه الحين وش يبوون فيك يصرفون عليك انتي وجدك وجدتك , على الاقل ذا الشايب اللي تقولين عنه بيرجعنا زي اوول , انتي لا تتسرعين فكري ومعك لين بعد يوميين , وحطي في بالك ان مصيرنا متعلق بيدينك ..

رحت لغرفتي ابكي . ماكان هذا اللي تخيلته ..
ماكان هذا فارس احلامي .ماكان هذا اللي توقعت راح اعيش عمري معه ..
وفكرت طبعا غصب عني و وافقت مو علشانه علشان فلووسه ..
( طبعاً الكل برااسه انها كيف تتزوج بعد اللي صاار مع طلال واحب اقوولكم مع طلاال ماصار شيء يخرب مستقبلها )


قررنا الزواج طبعا مهري كان : يدخل ابوي المستشفى ويتكفل بعلاجه ..
حولت دراستي لأنتساب .

مرت الايام وصار باقي على الزواج ليله وحده بس
طوول الليله ذي جلست ابكي فيها . ( زواجي راح يكوون غير اللي تخيلته , لا فيه لا فستان ابيض ولا زفه , ولا طقطقه ولا فرح , با العكس صار زواجي با النسبه لي عزاء)
جاء الشايب ابو خالد لبيتنا .
وتزينت علشان اقدر املك قلبه من البدايه ..
ورحنا للشقه اللي مستأجرها لي :
اول مادخلنا الشقه على باله رومنسي هو وسنونه حاط شمووع و خرابيط..

اول مادخلت تذكرت يووم انا مع طلال وجلست ابكي ..
وحسيت الفرق بين واحد احبه و واحد اكرهه و واحد بسني و واحد شايب ..
جلس يسكتني ذا الشايب (وانا معه احس اني مع جدي )

طبعا الشيبان ماعندهم وقت من اوول ليله يبي كل شيء ..
نام معي . وربي حسيت بقرف غيرر طبيعي . بس اقوول يا الله الشكوى لله , اتعبني وهلكني واقوول يارب يمووت الحين وهو فوقي .
نام .
وجلست ابكي لأن "جزء حلوو منيـ " راح على ذا الشايب يعني واحد ما احبه ..
تمنيت اني امووت قبل لا اودع بـ .... مع هذا الدب .
مرت الايام وكانت بطيئه باالنسبه لي ..
ما اكذب انا, ما قصر معي ابو خالد كل شيء ابيه اشتراه , بس بعد ما اتحايل عليه واتدلع واتميلح عنده ..
قرر انه يجيبني في بيته واجلس فيه بلاها الشقه .
رحت البيت وكان مطلق زوجته , يعني البيت مافيه الا انا وعياله.
وعياله كانوا ( 4 بنات و8 اولاد )
البنات كلهم اصغر مني يعني اكبر وحده فيهم في خامس ابتدائي اما العيال اكبر مني ..
با البدايه مسويه مستحيه انا و وجهي صرت اتغطا عن عياله وبعدين قالي : لا تتغطين منهم عادي تفتشين عندهم يجوز ..
وبديت افتش ..
وكانوا يصبحووني بكلام سم ويمسووني بكلام اسم .
بس انا كنت اسفههم ..
بناته الصغار حبووني مرره وانا حبيتهم .

تحسنت حال جدي , واشترا ابو خالد لأهلي شقه صغيره .
و قلت لجدتي عياله مايحبوني وجننوني .
قالت لي : اقرب طريق لقلب الرجل الطبخ ..
" يقالها جدتي بتنصحني , تحسبهم رجال زماان "
جلست اطبخ لهم مع انه مابقا شيء على اختبارات الفصل الدراسي الاول يعني المفروض اذاكر ..

كل يووم اطبخ لهم كذا صنف وبلا فايده .
ومره وانا و ابو خالد نسوولف
قالي : ابيك تشدين على عيالي .
قلت : عيالك رجاجيل وشلوون اشد عليهم .
قال : انتي وطريقتك بس ابي عيالي ينظبطوون , حسسيهم انك حرمه في البيت عوظيعهم عن امهم .
قلت : ابو خالد من جدك انت . انا اصغر منهم كيف احسسهم بأحساس الام واعوضهم , صدقني ما اقدر .
قال : الا تقدرين , بيني لي انك زوجه وام في البيت , مو بس اسم زوجه ..
تمنيت اني امسك التحفه اللي بجنبي واصطرها على الشايب ذا , بس وش نسوي. منحده لك يا ابو خالد ..

قلت : طيب ان شاء الله ... .

جلست افكر وش اسوي لعياله اللي كبرهم كبر قريح

وشلون اعووضهم !! مهووب صااحي ابوو خالد
بس ما اقدر اقوله لاا علشااان مايعصب علي وتعصيبه شين هو وصلعته ..

قلت بأسوي اللي تسويه جدتي داايم علي ..


ومن بكره بديت امثل دوور الام على البناات , البنات تقبلوني بسرعه ,العيال ما بقا واحد ما لعن ابو خامسي .

وفي يوم
بـ ++ الصباح ++
مع الاذان
قال لي ابو خالد : قومي العيال علشان يروحون معي المسجد.
طقيت الباب على منصور مافتح وجلست اطق ..
منصور يصووت من وراء الباب : ميييييييييين؟
انا : منصور افتح يا الله رح للمسجد قم صلي .
فتح الباب وبنظره حقد وعصبيه وناظرني وقال : اخص يا اللي تقومنا للصلاه اقوول وخري لـ ( .... ) " قذر ها المنصوور " تراني مشتهي وسكر الباب بوجهي ..
انقهرت وجلست ابكي وقلت معليش ما الومهم ,
رحت اقوم الباقي واللي سفهني واللي قام بس عطاني تهزيئه يحبها قلبكم .
رجعوا من الصلاة ودخل ابو خالد علي وانا اصلي قالي الساعه 9 قومي فهد بكره عنده محاظره وخايف يسحب .
فرحت لأنه قال قوميني .
وسألت ابو خالد : هو قالك قل لفطووم تقومني ؟؟
قال : لا . قالي انا اذا بغيت اروح الدوام اقومه بس انا برووح بدري اليوم .
تحطمت وسكتت .. جت الساعه 9 وكنت حاطه المنبه علشان اقوومه .
رحت لغرفته وطقيت الباب ..
فهد : مين ؟
قلت : فهد قووم الله يعافييك علشان عندك محاظره لا تتأخر.
فتح وقال : وانتي وش دخل امك ؟ لها الدرجه شايله همي .
قررت اكوون جلفه وعطيته نظرة حاادهـ و قلت : لا يكثر يا الله والبس ومسويه لك فطور دحدر وكله .
قال : وش تبين انتي ؟ يا الفطفوطه !! با الله هذاا وجه يصلح يقومني الصبااح !! هذا الوجه يقومونه للمدرسه ..
قلت وبعصبيه : ابي ريااال ..
قال : ماكفاك اللي صرفه ابوي عليك .
قلت : كل تبن ومالك دخل وانزل ولا تطوول صوتك علي .
قال : عشنا يا المبزره صرنا ننافخ .
قلت : الظاهر النقاش معك عقيم , يا الله انزل .
نزلت انا اجهز الفطور له .
نزل هو ..
انا ناديته : فهد هنا الفطور ..
قال : انتي الحين ما كفاك ان عندنا 3 خدامات هم يطبخوون الفطور والا بتمثليين دوور الحنونه , لالا اووه نسيت , وجه فقر .
قلت : صح عليك يابابا تبي فطور الحين والا لا ..
قال : لا خليه لك اخاف تحطين لي سم ..
وطلع .
وبديت اذاكر الليل والنهار .
وازعجت العيال : كل شوي اسأل وينهم ؟ و وين طالعين . صدق كانوا يسكروون الخط بوجههي بس ابو خالد محلفني.
دخل منصور وانا جالسه اذاكر با الصاله .
منصور : اللي تسوي نفسها امنا تذاكر , ياحليلها .
ويضحك ومعه اخوه احمد .
وجلسوا عندي با الصاله يضحكوون علي .
انا مطنشه وكأني ما اسمع .
مسك احمد كتاب الرياضيات ..
وضحك وقال : لا بعد ثالث علمي .
منصورر يقوولها بتريقه ويثقل صوته : جيبي نسبه عاد انتي ثالث . علشان تدخلين الجامعه .
تجمعوا العيال كلهم با الصاله عندي وقاموا يجننوني بس انا حسستهم اني ولا حاسه .
البنات كانوا يجوون يجلسوون بجنبي ويبوون اذاكر لهم.
وكانت لأبو خالد بنت اسمها روان (بصف رابع أبتدائي )
جتني وقالت لي سمعي لي ..
ناداها متعب وراحت لمه وقال بصووت عالي : تعالي انا اذاكر لك ترا فطووم مو حلووه كذابه هي اللي خلت ماما ترووح من البيت تراهي ماتحبك تكذب ..
روان ( حبيبة قلبي ) : قالت : كذاب اصلا ماما راحت قبل لا تجي فطووم , وبعدين فطووم حلوه و انا احبها .
وجت لي : وقالت : صح ميتو كذاب؟
قلت لها : لا لا ميتو اخوك الكبير مايكذب بس هوو يمزح وينسى كثير , تذكرين يووم قالك ابي اشتري لك هديه اذا جبتي درجات حلوه وجبتي درجات حلوه وماجاب لك .

احمد : بصراحه بنفتح معك يافطيم موضوع جاد ..
انا : تفضل ..
فهد على طول قال : ليش تزوجتي ابوي ?.
انا بنظرة من عيوني السوود ورفعة بحاجبي : نصيب .
احمد : لا وش السبب اللي خلاك توافقين ؟ بنت حلوه وصغيره ومليوون واحد يتمناها ليش تزوجت واحد كبير .
انا : با البدايه تزوجته لأني مظطره اما الحين حبيته ..
متعب : علشان يصرف عليك انتي واهلك .. فاضي ابوي يصرف على الناس .
احمد : مرتاحه وانتي عايشه مع ابوي .
انا : اكيد .
احمد: بس حنا مانبيك بينا , نبي امي .
انا : اولا ماتهموني تبوني او لا , بعدين ابوك لو بيرجع امك كان رجعها قبل لا يتزوجني .
احمد : والله النشبه نقوولك ما نبيك ..
انا : الظاهر سمعتني وانا اقوول مايهمني بعدين يكفي البنات يبووني صح روان ؟
روان : ايه نبيك ..
احمد : ترا ابوي مايبييك ام في البيت يبييك وحده ينبسط معها آخر الليل ..
انا : ما آظن ان ابووك مرااهق و لو مايبيني ام كان ماجابني عندكم با البيت.

فهد : تتوقعين ابوي يحبك ؟
انا : ايه متأكدهـ ولو مايحبني كان ما خلاني اربي بناته .

دخل ابو خالد .
وجلس بجنبي وقال : عسا ما ضايقك واحد من العيال .
جلستـ آزين شعري واتدلع فيه
انا : لا الحمد الله كلهم حبوبين معي ..
قال : زين اشوا ؟ وانتي كيف اختباراتك ..؟
انا : خلاص راح تبدا بعد يوميين ان شاء الله , الا صدق نسيت اقوولك اذا خلصنا نبي نسافر .
قال : وين ان شاء الله ؟؟
قلت : أي مكان بس بنفهه عن العيال اذا خلصت الاختبارات .

احمد : انا ما ابي اسافر ولا انفه ..
يزيد : ولا انا .. وفهد برضوا قال : ولا انا مانبي نسافر .

انا : ازين يا ابو خالد ننبسط حنا والبنات بدون عيال خليهم هنا رجاجيل ماينخاف عليهم ..
ابو خالد : خلاص اتفقوا انتم والبنات وين تبوون ترووحون وعطوني خبر ..
وقام ابو خالد للغرفه

جلست اتعدل قدامهم واقهرهم وبعد دقيقه قمت وراه ..
سمعت تعليق من احمد بصوت قصير .
احمد : بدا الشغل .
منصور : انتبهي يعورك . وضحك ...
انقهرت والتفت عليه وقلت : عادي تعبه راحه .. وطلعت لساني ورحت ..
انقهرررر ..


مــــرت الايام وتخرجت من ثالث ثانوي بنسبه حلووه ودخلت الجامعه وجدي الحمد الله تشفا وصار يشتغل ..
والعيال معاملتهم على ماهي عليه ..
وزادت بعد لدرجه انهم يخوفوني بعض الاحياان ويسوون فيني مقالب باايخه ,, هم يبوني اقوول لأبوهم عن حركااتهم علشاان يـ " شبونها " بس اناا قهرتهم ماقلت له ولا شيء ..
ربي وفقني مع ابو خالد و ارتحت با العيشه معه .
بعد سنه ....



صااااااااااار شيء ماتوقعته


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 15-07-2014, 02:52 AM
صورة Angel sinless الرمزية
Angel sinless Angel sinless غير متصل
©؛°¨غرامي مجتهد¨°؛©
 
الافتراضي رد: رواية للجرأه طعم


تـــــــــــــــــــــــــوفى ابو خالد ..
كانت صدمه لي .. صدق ماحبيته مره بس تعودت عليه ..

( رااحت كل الاياام الحلووه اللي معه , وين اللي يقومني كل يووم لصلاة الصبااح ! ,, وين اللي مايرفض لي طلب !! وين اللي عيشني حيااة مستقرهـ اكثر من ماكانت حلوهـ , وين اللي يدافع عني كل ما احد غلط ,, وين اللي يعصب علي ويزعل اذا اخطيت بحقه ,,
ويـــــــــــــــــــــــــــــنه ) !!

معقوله رااح كذا وخلااني

ما فكر فيني وش بيصير لي من بعده !!

مين اللي يواسيني اذا تضاايقت !!

مين اللي راح يشيل همي من بعده !!


تعبت وتعبت نفسيتي زياده كل ما اتعلق بشيء يرووح مني..

تمنيت الموت ...
.................................................. ..........................................

" البارتـ الثالث "




............ ......... ......... ......... ......... ......... ......


رجعت لشقة جدتي وقضيت ايام الحداد وانا كارهه نفسي .

وعياله وزعوا الحلال .. وربي ماكان يهمني كثر ماكنت ابي ابو خالد ..



خلصت ايام الحداد ..
و اكلمهم احيانا ابي اشوف البنات ابيهم يجون لي..
فهد : يقووول انسي البنات خلاص ..
احمد يقول : لا تفكرين في يوم انك تشوفين البنات , احمدي ربك معطينك من الورث ..

سحبت نفسي من حياتهم ورجعت لحياة الفقر..

وصرت اكمل دراستي والحمد الله مشيت فيها وجبت معدل حلو اول سنه ..

وتعرفت على وحده اسمها (مشاعر) .. كانت تقريبا زي حالتي, امها مو سعوديه وحياتها حياة فقر .
با الاول انا ما لاحظت يعني اللي في البدايه يشوفها يقول ذي بنت عز بقوه ..
بس بعدين هي كلمتني عن حياتها ..
كلمتها عن ضيق مادتنا ..
وقالت لي كلام غريب ..
قالت : مشاء الله انتي حلوه مره و مطلقه وامك مغربيه , والله ينجنوون عليك العيال ..
قلت لها : المشكله ماجاني احد ولا احد يبي يتزوج وحده طفرانه ..
قالت : مجنونه انتي تبين تتزوجين ؟ ماكفاك اللي جاك ؟ من عيال زوجك الاول ؟ بعدين وش تبين با الغثا والعيال والمسؤوليه ..
قلت : اجل ؟؟ وش قصدك ..
قالت : انا اعلمك .. بس قوليلي انتي فاضيه يوم الاثنين ..
قلت : ايه فاضيه ,, اسااساً انا طول حياتي فاضيه .
قالت : يوم الاثنين والله لأخليك تدخلين 2000 رياال ..

فرحت انا وقلت : ايه وربي محتاجتهم مره ابي اشتري أغراض للبيت ..
قالت : مالك هم .. بجي وامرك اوكي ..

جاء يوم الاثنين وجت لم شقتنا العصر كذا وطلعنا لصالون ونزلنا
وقالت للكوفيرا: نبي شيل حلاوة جسم كامل وتنظيف جسم وحمام بخار وبعدين قالت للكوفيرا حددي شعرها وقصصيه و استشوريها ..
وسوي لها مكياج كامل ..

انا : اوووووووووووووف من زمان مارحت الكوفيرا , طيب ليش ؟؟ , وبعدين تراني مطفره وانتي ادرى عن الحال ..
قالت : اقوولك انسي حياة الفقر , وماعليك بفهمك السالفه كلها ..
انا : طيب براسك ..

خلصنا .. ومن زمااان احس اني ما نظفت صدق ..
وهي تزينت برضوا ..
واااو طلع شكلي انا واياهاا روعه ..
عطتني فستان قالت يا الله البسيه بسرعه ..
وهي لبست فستان ..
قلت لها : ليش ؟؟
قالت : بنروح حفله و وناسه ..
قلت : بس انا ماراح البس الفستان هذا مرره مرره كاشف عن جسمي ..
قالت : عندك فستان غيره ؟؟
قلت بنبرة قهر : لا ..
قالت : اجل البسيه لو سمحتي قبل لا نتأخر ..
قلت : طيب ...
قالت : الحين انتي ماتقدرين تستغنين عن عكازتك شوي ؟؟
قلت : ودي بس ما اقدر والله ,اذا خليتها اقدر اوقف وبس امشي لا ..
قالت : يا الله مو مشكله , سبحان الله الزين مايكمل .


+++ الساعه 11 ونص +++
جت سياره للصالون غير اللي اخذتني من شقتنا ..
وكانت السياره مره حلووه ..
سألتها : سياره من ؟؟
قالت : وحده من خوياتي ؟ والا تبينا نروح الحفله بكامري ..
انا استغربت (وش فيها الكامري والله انها تخدم ياحبيـ لها بسـ)

طلعنا با السياره ..
وحنا با السياره قالت لي : اذا سألك احد قولي اسمي روى .
وانا هنادي .. طيب ..
قلت : طيب ..
قالت : واذا جاء احد يتميلح لا تعطينه وجه بسرعه وعليك با الشياب..
بانت علامات الاستغراب على وجههي , وسكتت وماقلت شيء ..

نزلنا وكانت استراحه صغيره مره و بعيييييييييييده مرررره ..
نزلنا واول ماشفت بوجههي با المدخل بنات كأنهم سوريات او شيء كذا وفيه سعوديات وكانوا يتزينون ..
وكنا نسمع المطرب يغني ..
انا صراحه انبسطت احب الحفلات والفله ومن زمان بعد مارحت لها .. يعني انواع الفله
واول مادخلت الاستراحه من جوا لقيت بنات و
بعدين ناظرت بتمعن ولقيت ( رجااااااااااااااااااال ) انهبلت وطارت عيوني ..
التفت على مشاعر وقلت : وش هذا ؟؟ ماكان اتفاقنا كذا ..
قالت : اجل وش على بالك انتي ؟؟ ادخلي ولا تخافين , ماراح يتعرض لك احد انا مدبره الوضع ..

قلت : لا آماانه خلينا نطلع الله يخليك ..
قالتـ : وين بنروح ياوجه الفقر ..
قلت : أي مكااان يرحم امك ابي اطلع ابي ارووح ..
قالت : ماعندنا غيره اجلسي بس , وبعدين مو تقولين جدك تعبان تبين تصرفين عليه !! ,, هذااك تكدين عليه من عرق جبينكـ ..

سكتت وقلت .. [من بغا الدح ماقال اح ]..
وانا محتده ابي فلوس من جد ابيها ..
جلست طوول الفترة افكر بيني وبين الشيطاان " الله يلعنه "

لين زينها برااسي ..

" بس ذي الليله مافيه مرهـ ثانيه , واناا محتده "
جتني البكيه شفت مناظر غريبه شفت ناس فاقدين مرررررره ..
وانا اناظر ;جاني واحد اعطيه عمر 37 .
قال:اهلين.
ومد يده يسلم بس انا طنشته.
قال:اول مره تجين صح?!.
قلت:ايه صح اول مره اجي وش تبي !!..
قال:طيب اذا ماعندك مانع نجلس بعيد.
قلت:لا سوري.
ورحت وخليته.

جلست على الكرسي.
وكان وراي 4 يضحكون.

اسمعهم وهم يتكلمون.واحد قال وبكل وقاحه:اتحداني اخلي العرجاء اللي قدامنا ترقص وتعطيني بوسه ..
وهم يضحكون.
رد عليه واحد ثاني وقال:اذا خليتها ترقص لك مني 6 الآف.
واذا خليتها تبوسك قدامنا لك 4 الآف.
قال:ان شاء الله.

انا انقهرت وفكرت على طول وجت ببالي فكره.

جاني وقالي,انا قربت لم أذنه وقلت له :سمعت اللي صار ورقص صعبه ماراح ارقص بس البوسه سهله بس على شرط 3 الآف و500 لي و 500 لك..
قال: لا نو وي..
قلت بنظرة قويه :لو برفضك ماراح تكسب شيء يعني اكسب 500 احسن من ولا شيء..
فكر شوي و حس ان ماله الا ذي الفكره..

قال:بس على شرط بوسه زي العالم والناس يعني ابيهم ينجنون منها, وانتي اكيد تعرفين من هو اللي متحديني ?..

سلكت له وانا ما اعرف من هو..


آخذني وجلسني با الطاوله اللي هم فيها.
وهو كان اسمه سلطان واللي متحديه يزيد .

وجلس سلطان يتكلم ويسولف وهو يسولف قربت منه وبسرعه و حطيت شفتي بشفته وبديت ابوس فيه, ساااده كل بلاااعيمي , ما ابي ريقه الله يقرفه , وغمضت عيوني علشاان ما احس ,وهو شوي و يأكل شفايفي أكل " وجع ً يووجع عظاامه " ..

وسحبت شفتي بسرعه وبديت امسح [الروج] اللي فيه..


وقمت وانا اتفل با المنديل اللي معي.

بعدين رجعت وهمست بأذن سلطان وقلت:سلطان وين الفلوس ....

قام وأخذني بعيد.
وقال:يزيد عرف السالفه وقال لو تسهر معي الليله لأحط على ال3 الآف اللي معها 3الآف ثانيه.
انا:لا لا مستحيل ما اقدر.
قال:فكري وعطيني رأيك وراح..

جتني مشااعر وسألتني وش فيك !!

انا:مشاعر ..السالفه كذا وكذا وش رأيك بس انا ما ابي اسهر قولي له يعطيني الفلوس بدون سهرهـ ?!..
مشاعر: انقلعي بسـ بيعطيك فلوس كذاا وش تحسبين المكاان هذا التبرعاات الخيريه !! بس والله شيء حلو ياحركااات انتي هذا وهو اول يوم ..
ابتسمت لها ابتسامه الخايف.

[من جد باين انه جنتل مان ,جسمه كان روعه , وكان لافت انتباه كل البنات, ضحكاته حلوه,رقصه جنان,واهم شيء معروف انه بطران]

و انا جالسه على الكرسي ناظرني يزيد نظره وابتسم ,عطيته ابتسامه خفيفه وصديت..

جأني ومد يده,طنشته ما مديت يدي له..
ضحك وقال : علينا الثقل..
ابتسمت له.
قال : شو رأيك با اللي قلت لك..
ومشاعر وبسرعه: ايه اوكي اذا بغيت تطلع تأخذها معك بس تعطيني الفلوس انا وتأخذها..
هز برأسه.
وحسيت انه يقول في نفسه[مسويات ذكيات يا>ق...<]..
انتهت السهره على الساعه 4 الا ثلث..
قامت مشاعر تعطيني نصائح قالت:1- لاتعطينه وجه وسوي انك جد ثقل.
-2خليك واثقه من نفسك ولا تتكلمين كثير خليك مستمعه بس.
-3 لاتعطينه اللي يبي بسرعه جننيه قبل تعطينه اي شيء.
-4 قبل لايبوسك أكليه او شربيه اي شيء تحبينه علشان ماتنشبين بريحه فمه.[<ادري مقرفه خويتي]
-5 انتبهي تشربين منه شيء ماتدرين شو هو?!..
-6 اذا نام نفضي محفظته....
7 - لاتعطينه معلومه صح ..
____________ ___
طلعنا انا وأياه في سيارته وانا في السياره جالسه احفظ نصائح مشاعر..
واردد في نفسي " بس ها المره بس ها المره بس ها المره "
الله يلعن الشيطااان زين كل الموضوع براااسي ..

وحنا نمشي حسيت احد يلحقنا
سألته وقال: ذولي يظبطون لنا الوضع ..
سكت ...
_____مقاطع اباحيه_[للي اكبر من 20 سنه الفطافيط لايقرونها بليز ما ابي احذف ولا أي شيء .. ]__
و وصلنا بيته وانا قلبي شوي ويروح من مكانه.
دخلني البيت و أول ما سكر الباب قرب مني وكان بيبوسني بس انا تحركت ورحت عنه.

نزلت عباتي و قلت له : دلني على غرفه النوم.

طلعنا فوق و دخلت غرفه النوم وجلست على السرير وحطيت العكازه بجنبي بحيث اذا بغيت اقوم القاها بجنبي..

هو راح شغل الاستريوا وفتح الدولاب ونزل لبسه ولبس البيجامه قدامي حتى مالبس البيجامه كامله بس البنطلون حقها[مسوي يغري هع هع].

قرب لسرير وجلس عليه
وقال: ماعرفنا اسمك تلاحظين..
وانا عطيته اقرب اسم براسي قلت له فاتن.
قرب مني مره.
لاحظت نظراته نظرات الممحـ.. " يمه يخووف " ..
قرب شفته [وانا قلبي يدق],حطها بشفتي,وانا مسكت عكازتي علشان بقوم.
مسك العكازه ورمااها بعيد .
واخذ يشفشفني وكل مالها شفته لي تقوى .
حسيت انا با العجز ما ادري وش اسوي,و حسيت بقيمه رجلي في ها اللحظه..
صرخت بقوه.هو انهبل و وخر عني.
قال:وش فيك!?
قلت:ليش ترمي عكازتي بعيد.
قال:انا شفتك تبي تبعدينها قلت ابعدها عنك احسن.
قلت:لا ابيها بجنبي.
ناظرني بأستغراب:وقال:ماتتحركين الا فيها?!
وانا ابكي منقهره:ايه .
قال:خلاص ولاتزعلين اقوم اجيبها.
قام وجابها وهو يجيبها حسيته يقول(وش القــ... العرجاء ذي)..
ورجع لمي وقالي ولا تبكين وذي عكازتك وجبناها اي شي ثاني يافتونه .
ابتسمت وهو قرب مني وكمل شفشفته.
قال:فاتن ماودك تشيليين اللي عليك.
ناظرته بنظره يعني أستحاله.
بدا يبوس رقبتي و شوي شوي ينزل. وقاعد يلمس الخلفيه . " جعل يدينه للقص "
وانا في بالي اقول[وش لون ابعد ذا اللي موب صاحي " الممحـ " عني ,وش جوه]

قمت وصرخت مره ثانيه.
قال: هاه وش فيك بعد ?
قلت:انت عورتني[انا كذابه ما عورني ولا يحزنون]
قال: وش لون عورتك ماسويت شيء.
وبدأ يكمل ويبوس قهرني.
ويوم مسك سحاب الفستان بينزله.
قمت اتحرك ما ابيه ينزله ..
قلت: يزيد عن أذنك بروح دوره المياه " الله يكرمكم " [<اصرف نفسي].

قال:طيب,واخذ عكازتي ورماها وقال :يالله قومي.

ونزل سحابي بسرعه وقال:ابي [......] يلعن اصلك,ادري بحركاتك تصرفين بس مو علي ..

حسيت با الاحباط وأستسلمت للأمر ..
ونزل كل ملااابس وبدا يخربط ويسوي .
ويوم بدا الشغل الجد
انا في نفسي[ والله لأوريك يا يزيد خليك قد رميتك لعكازتي]..
ويوم حسيته خلاص واصل حده بدرجه خياليه .
قمت اصيح واصرخ.
هو على باله اني متحمسه با الجو.
يوم شفته ماحس دفيته بيديني.
و وخرته من فوقي.
هو وجه حمر وقال : وجع فاتن وش فيك !!..
ورجع يبي يكمل.
وانا امثل يعنني ابكي والا انا من جوا ميته ضحك على شكله.
قام يبوس رجليني وقال :تدرين انك صاحبه احلى رجلين با العالم ..
وانا مشاء الله علي مواصله كذبتي وابكي.
قام ولبس البوكسار وقرب مني وباسني على رأسي وقال:نصابه انتي..
علت ضحكتي وقمت الفلف نفسي با البطانيه..
كان بيطلع ناديته وقلت : آخص عليك حا تمشي كده وتسبني ..
رد علي بنفس اللهجه : ما هو انتي اللي عاوزه .
قلت: اقول لايكثر وترا قصدي ابي عكازتي يا ابن اللذين .
" انااا من هوول الموقف جتني صدمه وصرت بس اضحك ,, انقلب كل الخووف ,, ضحك , تقولون شااربه شيء "
ناظرني بطرف عين وقال: مستحيل اجيبها وريني شطارتك و خوذيها.
وطلع برا الغرفه .
انا جلست اصارخ[كذا بس لعانه له ]..
وهو مطنش ما ادري وش يسوي..
فقدت الأمل فيه قمت وأتكيت على كل شيء لين وصلت لها..
واخذها و آخذت لي شور وطلعت له لقيته مشغل الآستريوا با الصاله وجالس يكتب .
[قلت في نفسي والله لأجننه وازهقه]

ولأخليه يندم با اليوم اللي جابني عندهـ ..

جيت بجنبه مره وقلت وش تكتب?
قال : وش دخلك?
واناظر الاوراق آثاريه مسكين [شاعر].

وانا اناظر واقرا بصوت عالي.
بعد الاوراق عني وقال : قلت لك وش دخلك?.
قلت: لا يكثر ترا ماعندك سالفه وأنت دجه واللي تكتبه تراه مجرد كم بيت حافظه و السلام وقم سوي لنا أكل اصرف ..


بانت على وجهه علامات التعصيب وقال: فاتن حرام عليك والله اني شاعر..

يوم قال شاعر وانا اموت ضحك.
و ناظرته وقلت:انت شاعر ههه مسكين الشعر انظلم يوم شال واحد زيك .....آآووبس " وحطيت يدي عند فمي" نسيت يمكن انت من أكبر شعراء الشعر الأباحي باااين عليك آصلاً ...

ضحك وقال: اسمعي...
بنتفنادسجطهبفنافنبج <-- هذا يعني الشعر حقه بس ما حفظته.

انا تنحت و فهيت لأن قصيدته كانت روعه وكان واصفني من لون المناكير اللي برجولي لين نهايه شعر راسي, حسيت با القصيده ذي اني احلا وحده..

وبا اللحظه ذي هو شافني مبتسمه ..
قال: وش رأيك..
(انا ابي اقهره)
قلت: ويه الله يحوم بكبدك, وش هذا ? المهم انا جوعانه ابي أكل ..
ناظرني وقال: انا جايبك اني... والا اعشيك..

حذفت عليه الوساده ..
وقمت للمطبخ هو جاء وراي وقام يطبخ لي وصلح لي فطور..

قال: وين تبين نأكل.
قلت:مثلا في الشارع.
قال:يعني باالصاله والا باالغرفه.
قلت:بكيفك.

رحنا با الغرفه وأكلنا بعدين جلسنا على السرير وجلس يسولف ويسولف.
وأنا سحبتها نومه.


الساعه 4 قمت ولقيته نايم بجنبي.
رحت للثابت با الصاله ودقيت على امي وجلست اسولف معها وقلت لها انا نايمه عند مشاعر اذاكر انا وأياها علشان الاختبارات,جدتي بصراحه كانت تقهر ,, فله بزياادهـ يعني ماعندها خلاف اهم شيء انا مرتاحه ,,ماتدري وش اسوي علشاانهمـ ...

أنرفعت سماعه الثابت وطلع صوت يزيد يقول آلو آلو وسكت..
جدتي: من ذا يا فطيم.
انا:ما ادري يمه الظاهر ولدهم رفع السماعه.
جدتي: ياخزياه اجل سكري يمكن يبيه.
انا:طيب ياالله مع السلامه.



رحت انا له وهو ضحك قال:اجل فطيم ههههههه .
طنشته كأني ما اسمع ولا ادري وش قال ...
قرب مني قال:تكفين ابي .... مره ... حسي ( كان يقرب مني ويخليني احس فيه ويقول تعباان و يقرب و كل ماله يقرب زياادة)
لين ظمني مره ولأني كنت قصيره عنده كان يرفعني له.
قال: حسيتي? وش رأيك !! با الاحساس هذا ..

وبصراحه انا خفت منه مره.

وبدون كذب " انااا خقيت " كل شيء فيه يخلي الوحدهـ تخق ..
وصار بدل مايقربني هو له انا صرت أقرب له.

و[....] و جننته

طبعا انا مقصدي من هذا كله اخليه يتعب و ينام ابي انحاش ..

" احسب الدعووه ساايبه "


دقيت على مشاعر وقلت لها السالفه و قالت لي : يامجنونه هذا مو اي واحد هذا يزيد يعني لو طلعتي وخليتيه بيلعن ابو اللي جابك.
قلت:ياليل يعني وش اسوي..
قالت:اسمعي ياغبيه قولي له ابي 3000 ثانيه لأن كل مره يصير شيء ب500 .
وخليه يجيبك عندي.
قلت:الله يلعنه هلكني يوم اني متزوجه ما سويت كذاا .
قالت:الشكوى لله , يحللون فلووسهم الله يلعنهم ,ياالله روحي قوميه خليه يجيبك.


رحت له وكان شبه نايم با السرير.
قلت:يزيد يا الله بروح.
قال:ليش بدري?
قلت:وش اللي بدري يا الله بس قم.
قال:تعالي اجلسي بجنبي وشوي برجعك ..
قلت:بس.
قال:أدري الفلوس بعطيك والله اللي تبين .

انسدحت بجنبه وظمني ظمه حسيت بها اللحظه اني ابي اشكي وافضفض وأقول له.
ترا هذا الشيء مو من طبعي واول مره تصير لي ..

جلس يسألني عن حياتي.
وقلت له سالفه رجلي,وسالفه يوم اغتنينا فجأه وقلت له سالفه اننا رجعنا طفرنا مره ثانيه..قلت له كل شيء بس احتفظت باالاسماء خوفا على نفسي..



قالي:شوفي انا عندي لك رأيي وش رأيك تجين انتي وأهلك با البيت هذا الفاضي وتجلسون فيه علشان انا متى مابغيتك لقيتك وبعدين رحمتك..


خفت من كلامه هذا.
قلت:يزيد بلاش الكلام هذا انا ما ابي رحمة احد وانا ماجيتك اشحذ.


قال:ياليت شحاذه كان قدرت أتزوجك ,وعلى الأقل شحاذه أحسن من [....].


يوم قالها تمنيت الأرض تنشق وتبلعني .صح انا كذا وهذا الواقع بس ما كنت حاسته الا يووم قالها بصووت يخووف ..

ناظرته وتفلتـ بوجهه : وقلت انت ماعشت اللي اناا عايشته
صحيح انااا غلطاانه والغلط راكبني من ساسي لرأسي بس تراني محتده الله لا يحدكـ ,,

(والله ماراح اسويها مره ثانيه ان شاء الله عمري ما أكلت وأموت من الجوع بس ماراح اسويها)<-هذا الكلام قلته لنفسي بعد ما قالي هذا الكلام.


رجعت لمشاعر وقلت لها انسي اسوي هذا الشيء مره ثانيه.
وذي الفلووس تصرفي فيها مثل ماتبين
ما ابي آخلي يأكلوون مااال حرااام ..
قالت : طيب خوذي الفلووس وخليهم معك ,ولا رااح تسووين شيء مره ثاانيه ..
قلت : ما ابي آخذ الفلووس و آحس بلذتها , وارجع مره ثاانيه , خلااص ما ابيها ..
ورجعت البيت وانا ابكي ودخلت الغرفه وجلست أبكي فيها .

دخلت علي جدتي.
قالت:فطيم وش فيك ?تبكين وانا امك?
انا:مافيني شيء الله يخليك لي.
قالت:اقول قولي.
خرفت لها سالفه وصدقت.
وبعدين قالت لي:أبشرك اليوم دقت علي وحده وقالت تبي وحده طباخه تشتغل با البيت لأنه ماتبي تجيب أكل من برا وان الراتب 2100 با الشهر بس المهم تبدعين با الطبخ ,وتراهم اهل عز مره يعني صيري حليله معهم علشان يزيدون راتبك ...
انا على طول قلت لجدتي:قولي موافقين خلاص بس الشرط اللي عندي ان الصباح اروح للجامعه, وانا أطبخ و وحده من الخدامات معي تساعدني لأني مستحيل اسوي السفره لحالي برجلي. .

قالت:طيب بقولها , بس اعرفي انك ماراح تنامين احيانا في البيت..


قلت:عادي..

فكرت بهذا الشيء وقلت في نفسي[أشتغل شغله شريفه اصرف من هذا الشيء لين اخلص دراستي الجامعيه و أتوظف وظيفه رسمي]...



وكلمتها جدتي وقالت ام سعود (اللي راح اشتغل عندها): ماعندي مانع تروح الجامعه بس اكيد بتنام عندنا وقبل لاتروح الجامعه تسوي فطور لعيالي...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 15-07-2014, 02:53 AM
صورة Angel sinless الرمزية
Angel sinless Angel sinless غير متصل
©؛°¨غرامي مجتهد¨°؛©
 
الافتراضي رد: رواية للجرأه طعم


أخذت أغراضي ورحت بيتهم.
أول مادخلنا الحي اللي هم فيه تذكرت بيتنا[لأنه كان هنا].
كان الحي كله فلل وقصور فخمه وكل اللي فيه ناس راقيه..

دخلت البيت وكان [أبداع].شفت إشياء كنت اشوفها بس في مجلات الديكور والتأثيث.
دخلتني ام سعود المطبخ وكان يمكن المطبخ لحاله قد شقتنا.
جلسنا وتناقشنا انا وأياها.
وقالت لي انها هي و زوجها مناسباتهم كثيره علشان كذا يبون طباخه نظيفه و فنانه تريحهم من شراء الأكل اللي من برا...
وقالت لي ان عندهم خدامتين بيساعدوني با المطبخ بس يبون وحده تشرف عليهم.

أعجبني نظامهم.
سألتها عن عيالها وش يحبون و كم أعمارهم علشان يتناسب الأكل اللي اسويه لهم مع سنهم .
علمتني و قالت: ورينا شغلك الليله با العشاء.

تحمست وقمت أشتغل من المغرب على العشاء وكان قليل ومنوع. وحطيته با السفره بشكل حلو [وما أمدح نفسي بصراحه كان روعه] ..


جت الساعه 10 ودخلوا يتعشون وكنت انا أتصنت ابي اسمع وش رأيهم ..

قالت ام سعود: وش رأيكم با العشاء اليوم ? ان شاء الله اعجبكم,انا عني اشوفه يجنن وطريقه ترتيبه احلا ..

قال واحد منهم [ماكنت اعرفهم]: والله اليوم رهيب هذا المطعم احسن من المطعم اللي دايم نأكل منه..

ضحكت امه وقالت: الطبخ هذا مو من المطعم هذا الطبخ طبخ الطباخه الجديده.


قالت بنتهم (اللي اسمها لمى لأنها البنت الوحيده عندهم.كانت بثالث ثانوي): باالله عليك يمه معقوله والله روعه يجنن? وش جنسيتها..?


قالت:سعوديه.
لمى:يمه بلا مزح.
قالت:والله سعوديه.

قال واحد من العيال: وش ها المصخره ذي يمه سعوديه تشتغل?معقوله!وبعدين ليش تدخل وحده غريبه للبيت.

قالت:الحين 6 اللي عندنا كلهم مو غريبات والا كلهم بنات عمانك والا يمكن خواتك?
بعدين البنيه وش حليلها متنقبه ولابسه لبس ساتر.


انا كنت اسمع ومنقهره و فرحانه بنفس الوقت..

سمعت صوت واحد من عيالها قال: طيب كم عمرها.

قالت:عمرها22
أبوهم:ياحليلها صغيره.
قالت:بس مشاء الله عقلها كبير[انا فرحت يوم قالتها]
وكملت : ماقد شفت عند احد عزم زيها تخيل انها تدرس با الجامعه ومعدلها بعد حلو,لا والمسكينه عرجاء .
[<-ماتدرين اني أدرس محتده الله لايحدك]
ابوهم:مشاء الله يحفظها.

أنبسطت عندهم وهم أنبسطوا فيني .وصارت علاقتنا انا و لمى اكثر من خوات وحسيت بطعم الخوات لأول مره.
تشكيلي وانا الصرااحه " مستمعه "

ما ابي اصاارح احد واخسرهـ ..



كنت اذا جاء الصباح اسوي الفطور واطلع بعدها الجامعه وأكون قبلها قايله للخدامه كل شيء علشان تسويه للغداء ارجع من الجامعه أكمل الباقي و نخليهم يتغدون,العصر انام لي ساعه بعدين اقوم اسوي حلا و شاهي للعصر,, المغرباحياانا ً اروح لجداني شوي واحيانا اجلس اذاكر..
وبعد المغرب اجهز للعشاء

بعد شهرين تقريبا .

وبيوم قالت لي ام سعود روحي قومي محمد خليه يجي يتغداء. [ولدها ابو 6 سنوات]

رقيت فوق و حاولت فيه يمين يسار ما رضا با القوه با الطيب مارضا برضوا قلت له ترا مافيه طلعه اليوم ..
وانا قلتها والا ماقلتها الا ويجيني تكفيخ منه ويتكلم علي.
عفشته مع شوشته بشويش وطلعت بسرعه علشاان مايلحقني ونزلت مع الدرج وانا كنت انزل بسرعه وهم كانوا با الصاله وكانت تقريبا عيونهم علي و خففت مشيي ....
انا شفت قدامي جاسم[نهائي با الجامعه] ونزلت عيوني با الأرض مادريت الا وانا طايحه من نص الدرج لين نهايته وأتوقع كل البيت سمع صرختي ..
و جاني ألم برجلي غير طبيعي لدرجه اني قلت بتروح.
كلهم تجمعوا حولي وكنت أنزف ,فمي كله قام ينزف وظهري مره يعورني..
وعرفت ان محمد هو اللي دفني من الدرج.

آخذني صالح[صالح هذا دكتور مشاء الله]
ودخلني على طول المستشفى ,بدون حتى انتظر ثانيه وحده دخلت على الدكتور لأنه يشتغل هنا والكل يحترمه.

كشفوا علي و سووا لي اشعه.
وأتضح انه يبي لي 4 عمليات وحده لرجلي ويصيير أقدر امشي فيها وعمليه في خشمي لأنه جاه كسر بسيط وعمليه لظهري و عمليه تركيب أسنان لأن اسناني خلاص على وشك انها تطيح.


حلف صالح انه مااحد بيدفع ريال واحد لعالجي وأنه راح يتكفل بكل العمليات.

ودخلوني على أساس اني اخته لمى وكل آجرائتي بأسم لمى وبدت جلساتي وعملياتي
ولأن صالح دكتور كان كل شيء تمام..

كان صالح (ثقيل نوعا ما,وكان بريء وعلى نياته واللي بقلبه على لسانه ) ..
كان متحمس لي مره مره وجدتي وثقت فيه مره , والدليل آنها قبل كانت تروح معي اذا رحت مراجعه اما بعدين لا, صرنا انا وصالح لحالنا..


سويت عمليات برجلي وبديت أتعالج طبيعي.
وصالح وربي سوا لي جميل ما أنساه (ولين اليوم مانسيته)..

تعرفت على الدكتورات اللي با المستشفى وكلهم كانوا يحبوني وطيبات معي..

تعاملهم كلهم حلو[طبعا اكيد بظنهم انا أخت صالح]

الصراحه صالح كان يعاملني كأني طفله يعني حركاته حتى هو قالها مو مصدق ان عمرك تقريبا 22 احسك اصغر بكثير.
تعلمت منه إشياء كثير تعلمت اني أبتسم بوجه من زعلني , علمني ان مافيه أحد ماعنده هموم, وعلمني شيء حلو بعد اني اذا تألمت ما أبكي.

أرتحت له لأنه كان صادق معي..


و بيوم كنا جالسين بمكان عمله لأنه كان باقي ربع ساعه وينتهي دوامه.
كنت جالسه بمكتبه في [غرفه د.صالح ] اقرا كتاب وهو برا يخلص اشغال دخل علي وقال : خلصت انا يا الله.
أنطق باب الغرفه ودخلت وحده اللي باين انها دكتوره او ممرضه ما ادري عنها,بس الحق ينقال كانت تخقق يعني كانت قمر.

قالت:اهلين دكتور صالح كيفك.?

بانت على وجه صالح علامات التعجب.
و رد ببرود: اهلين ديما كيفك من زمان عنك مشاء الله تخرجتي .
قالت: الحمد الله تخرجت.

انا قاعده اراقب وحسيت وحللت أن كان بينهم شيء.
على طول وقبل تتكلم ديما
قال:ديما أعرفك على خطيبتي وحبيبه قلبي فاطمه.
ديما كأنها أنصدمت ومو بس هي أنصدمت انا برضوا أنصدمت.
قالت: بس كل اللي با المستشفى يقولون أختك.
قال:انا اقول أختي علشان اعالجها على حسابهم وعطااها غمزه على السريع ..
وضحك بعدين قال: عاد ما أوصيك لايطلع.

أبتسمت وقالت: لا وش دعوى.
وطلعت براا الغرفه ..

وهو أخذني وطلعنا[ طبعا احنا دايم نطلع من المستشفى و ينزلني بشقتنا].
طلعنا وركبت السياره وحسيت أنه منقهر سكتت.

رحنا بعيد و حسيت أنه مو هذا طريق شقتنا.
قلت:صالح وين رحت مو هذا طريق بيتنا.

وهو ساكت كررت له الجمله يمكن 4 مرات.

بعدها ألتفت علي بعصبيه وصرخ بوجهي وقال: هوص ولا كلمه.

سكتت وقلت : طيب تكلم قول شيء.وهو ساكت.
قلت:طيب من هي ديما وش تعني لك.?
كررت السؤال.
ألتفت وهو منقهر وقال: ديما هي اللي تكفلت بعلاجك علشانها,ديما هي اللي خلتني ارتاح معك بسرعه, ديما كانت [قبل طبعا] نفس حركاتك بنوته طيوبه مزعجه وملقوفه احيانا بس كان أزعاجها حلو على قلبي,تحبني بكل مافيها أستمرت علاقتنا 4 سنوات,بس تعرفت على بنات طيروها مني الله يسامحهم عرفوها على واحد لعب في مخها و خانتني وأنتهت علاقتنا..


أنا جلست أبكي من وراء الطرحه ,, الله لا يلومني من الخوف. وسكتت .
وصار يدور با السياره وانا ماقلت شيء [لأنه انا نفسي اذا كنت متضايقه اخلي جدي يطلعني يدور فيني لين ما تهدا اعصابي واهم شيء يكون الجو سايلنت مره]

مرت ساعه وساعتين وهو يدور انا غفيت شوي.
وهو صار يقلب من اغنيه لأغنيه.
وانا تعبت مره من الدوران ونمت.
سمعته وهو ينادي:فاطمه فاطمه قومي وصلنا.
انا ناظرت الساعه اذا هي الساعه 11 با الليل.
ناظرت من حولي استغربت المكان اللي حنا فيه.
ناظرته وانا مطيره عيوني و قلت: صالح وينا فيه?
ابتسم وقال:دقت علي امك و لا رديت..
بعدين دقيت على الدكتوره ساره تعرفينها اللي با الأشعه وقلت لها تكلم امك وتقول نقلناها الشرقيه علشان فيه دكتور لازم يشوفها..

سكتت
و كمل : بس امك ماطاب خاطرها دقت علي ورديت عليها وحلفتني اني اكون معك ولا اخليك وانا بسمع وصاتها.

عصبت وانقهرت وقلت: كل تبن طيب ,, كل هذا سويته وانا نايمه
قال: لو اقولك مسكنا خط الشرقيه وانتي ولا تحركتي حركه وحده تصدقين..

طرطعت زياده وحسيت اني بقره و دلخه ,, معقووله ولا حسيت !! جلست اتذكر أي شيء ,, بس صدق ما اتذكر اني تحركت .
قلت : من سمح لك تمسكني خط !! ومن قالك اني ابجلس معك وليش تستغل جدتي حراامـ عليك ..

قال : فااطمه هووصـ .. بتنزلين انزلي حيااك .. مارااح تنزلين امسكي مفتاح السياره وامسكي الخط وارجعي وبعدين انا ما استغليت جدتك صدق بعرضك على دكتوور هناا ..
رمى علي مفتااح السيارة

وجلست اناا با السيااره لحالي وهو رااح
رجع لي وقال بتجين
سكرت بااب السياره و
نزلت معه لبيت كان مره مره حلو و مطل على البحر .
قلت: هذا بيت مين ?


.

.

.

.............. ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 15-07-2014, 02:54 AM
صورة Angel sinless الرمزية
Angel sinless Angel sinless غير متصل
©؛°¨غرامي مجتهد¨°؛©
 
الافتراضي رد: رواية للجرأه طعم


بككمل الروايه و تكون من الروايات المكتمله اليووم تحياتي ^_^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 15-07-2014, 02:58 AM
صورة Angel sinless الرمزية
Angel sinless Angel sinless غير متصل
©؛°¨غرامي مجتهد¨°؛©
 
الافتراضي رد: رواية للجرأه طعم


.............. ..
" البارتـ الرابع "



السلامـ

اهلين هلااا والله كيفكمـ !!

ان شاء الله كلكم بخير

واقولـ " للفطافيط " اللي عندهم اختباارات

" با التوفيق بكلـ اختبااراتكم الجايه "

وكتبت القصة بسرعة علشاانكمـ

واللي ارسليـ رسائل شكر

احبـ اشكرهـ اكثر لأنه حمسنيـ آكملـ

وباقيـ " رسائلكمـ " عنديـ

وكل من ارسل رسائل نصائح : جزاك الله خير , ويعطيك العافيه على الرساله , وصدقوني قريتها لين نهايتها ,, ورسالتي مكتوب موضوعها من برا .. اقلها اذا وصلتك صح عليها ودلييت ..

وانا مافتحتـ عيوون أي احد ,, ذي الاشياء موجودهـ
..

واللي ارسل رسائل سب : عاااتي ترا ما اهتم ونفس الكلامـ لك "رسالتي مكتوب عليها العنوان حط عليها صح ودلييت " ..

واللي ماصدقـ الروايه بكيفه هو مو مجبور ..

واللي يبي يعتبرها خيال يعتبرها ..

وهذا القروبـ فاتح آبوابه للكلـ وكل واحد يعبر بطريقتهـ ..
.............................................

قال:سالفه البيت طويله بعدين تعرفينها.
نزلت وغسلت وجلست با الصاله ما ادري وش اسوي.
هو طلع و بعد 10 دقايق جاني وقال تعالي بنطلع.
طلعنا وصرنا نتمشا وانا فجأه كذا قلت لأني معصبه اساسا: وش اللي خلاك تجيبني هنا من اللي سمح لك ? !

ضحك وانا انقهرت زياده.
قلت: اسمعني مو علشانك تعالجني بحسابك تأخذني وتوديني على كيفك ? ترا انا لي سمعه و لي اهل..

ناظرني وقال : فطوم لايكثر انتي زي اختي واللي ما ارضاه على اختي ما ارضاه عليك ولو ان اختي هي اللي كانت معي كان خليتها تمسك معي خط.

وكا العاده (اسكت).
واشترينا عشاء وجلسنا على البحر.
بمكاان هاادئ وظلماء مافيه احد ..
وتعشينا وجلسنا نسولف.
مرت علينا لحظه صمت قطعها صالح وقال: فطوم ممكن انام على رجلينك والعبي بشعري ابي انام.

وتوني بقول لا لقيته يضبط نفسه علشان ينام.
خليته وصرت العب بشعره
جلس يفض فض وانا ساكته

خلص كلامه وناظرني ينتظر كلمه مني
بس انا سكتت ولا قلت له ولا حرف.
سألني: فاطمه انتي كيف عايشه حياتك!?
قلت:نفسك.
وسكتت
ناظرته نظره قويه وقلت:صالح قوم ابي ارجع البيت.
قال:الحين
قلت :ايه الحين.وابي جدتي بعد .
قال:وش فيك فاطمه انا ماقصدت اضيق صدرك ولا شيء ..
قلت:انا ابي ارجع ,حرام عليكم احترموا قراري ولو مره وحده.
قال: اوكي بس وش فيك انتي? ليش انا فضفضت وقلت اللي بخاطري وانتي لا.
قلت: انا ما ابي خلاص ارتحت رجعني البيت الحين.
رجعنا لبيته وخلاني انام بغرفته وهو نام با الغرفه الثانيه.
عجزت انام لأني نايمه با السياره.حاولت أشغل الTV‏ بس شكله خربان.
قفلت باب الغرفه وجلست امارس هوايتي المفضله [التفتيش].
اول شيء رحت له الاستريوا وشغلت شيء اروق عليه وبعدين رحت الدولاب واول مافتحت الدولاب شفت ملابسه حوسه مره.
قلت في نفسي دامني فاضيه خليني ارتبهم.
جلست ارتب واطرق.خلصت.
فتحت الدولاب الثاني لقيت ثيابه معلقه وشد انتباهي علبه هديه تحت.
طبعاً من اللقاافه ..
سحبته وفتحته لقيت بلوزه نسائيه وروج وعطر نسائي وبعدين لقيت صور,جلست اقلب با الصور.الصور كانت لصالح وحبيبته " اللي شفتها با المستشفى " بنفس البيت هذا وصوره هو واياها برا.كانت حلوه مره ومبين من الصور انه كان يحبها مره حتى هي كانت تحبه.
دخلت العلبه داخل الدولااب ورجعت فراشي احاول با النوم مارضا يجيني.جلست افكر بحياتي كذا من مصيبه لمصيبه.
تعبني التفكير وطفشت منه.
كنت دايم اتهرب من التفكير بمشااكليـ .

جاء الصباااح وطلع النوور .

طلعت برا الغرفه ورحت غرفه صالح.
طقيت طقيت مافتح ولا قال ادخلي.
فتحت الباب ولقيته منزل بلوزته ونايم بسروال البيجامه.
ناديته:صالح صالح نايم
فز على طول وقال: لالا تبين شيء.
وانا ادري انه نايم.
قلت:طفشت لحالي قوم اجلس معي بعدين طلع النور .
ناظرني نظره حلوه.
وقال:وبعد ?
قلت بنظره دلع: وقلي قصه.
ابتسم وقال:تعالي اقولك قصه.
مسكت بلوزته ورميتها عليه وقلت:طيب البس.
هو وجهه صار احمر وقال معليش معليش.
لبس وغسل وجهه وجلسنا على السرير.
قال:تسولفين او اسولف.
قلت:انت سولف?
اخذت المخده وتراكيت عليها وهو جلس يسولف سواليف تضحك.
بعدين سكت:وقال :جاء الحين دور القصه.
ناظرته نظرت تعجب: اي قصه.?
قال: قصتك.

اناا طاارتـ عيوني وارتبكتـ وقلت بصووت يرجف : آي قصة ..

قال بنظراات جديه : فااطمه عيونك انتي فاضحتك !!
بااين انك شايله كل هم الدنيا فووق رااسك , عاادي فضفضي صدقيني رااح ترتااحين ..

ابتسمت وعيوونه مغرقتها الدمووع : انت تحسب الكلام هين اوو الفضفضه هينه !! لااااا ترااهي اصعب بكثير ..

قال : حاولي مااراح تخسرين شيء ..

قلت : الا بأخسر اشيااء ..

قال : وش بتخسرين !!

قلت : يمكن اذا قلت الحقيقه بخسر اللي حوولي ,, اناا عشت اشيااء نادراً مافيه بنت تعيشها ..

قال : ادري والله يافطوم بوضعك ..

قلت واناا ابكي : لااا ماتدري , وش اللي تدري عنه !!

قال : ادري ان حالتكم الماديه موو حلوه وهذا اللي حدك تشتغلين ..

ناظرته بقهر : بس هذاا اللي تدري عنه !!

ناظرني بتعجب ..

قلتـ : تدري اني عااايشه حيااة اكبر من سني بكثير !! تدري اني ارخصـت نفسي للي يسوى ومايسوى كذا مرهـ علشاان جدتي وجدي يأكلون
تدري اني تزوجت قبل كذا !! ,, تدري اني عشت حيااة العز اللي انت فيها اكثر من مرهـ ,, وتدري ... وتدري .. !!


كل هذاا تدري عنه !!


هوو سكت وماقال شيء


ناظرته وبأبتساامة قهر : والا فيه بنت تساافر مع وااحد !! كذاا و جدتها رااضيه وتحسب الووضع علاااج !! والله ان جدتي مووب صاحيه..

قال : فاطمه انتي صادقة يووم تقولين تزوجتي !!

قلت : ليه مو مصدق !! غريبه جدتي ماقالت لكم ..

قال : ما ادري والله بس تووكـ , ويمكن امي عندها علم ..


" لحظة صمتـ " لأكثر من 5 دقائق

قال : كيف ارخصتي نفسك للي يسوى ومايسوى !!

انااا خفتـ ما ابي اقوله وبكرهـ يفضحني بين الله وخلقه ..

ورقعتها قلت : يعني تزوجت شايب ما احبه علشاان اهليـ ..


هو اشفى حرقة نااره من الكلمه وارتااحـ

خااف انه شيء ثاااني

ما درى انها اشياااء بس الله يعينـ ..



صالح بشكل عفوي : فااطمه انتي حلووهـ ..

اناا استغربتـ ..

صالح : جد , مارااح امدحك او أي شيء انا اقوول الحقيقه

انتي حلووه حلووه بحيااتي ماشفت مثلك ,, لا تحمر خدودك ماقلت شيء ,, شعرك خيال مشاء الله ,, عيوونك روعه ,, ملامحك احلى ملامح شفتها ,,
يحمدون ربهم البناات انك ماتحظرين زوااجاات والا كان كل الرياض تتكلم فيك ,, يا اخي فيك انووثه طااغيه مابينتها ملابسك بينتها ملاامحك , تشبهين ديما ..

اكتفيت بقولة : عيونك الحلوهـ ..


ابتسم ..

جلسنا ساكتين فترة ..

قال : وش رأيك نلعب !!

بضحكة قلت : نلعب !

قال : ايه نلعب

راح على طوول جاب ورقة وقلمين

وقااام يحط نقط

انااا بأستغراب جلست اناظر فيه !!

قال : ماتعرفينها !!
قلت : لااا ..

خلص نقط وقال : ذي لعبة كل يوصل خط بخط لين يصير مربع ويكتب حرفه فيه ..

قلت ببلاهة ودلاخه : مافهمت !!

قال : يعني انا آوصل بين النقطتين وانتي توصلين واللي يوصل خط ويسوي مربع يكتب حرفة فيه ويلعب مره ثانيه ..
" اكيد ذي اللعبه الكل يعرفها ,, هي صح قديممه مره ,, ويبيلها مخ "

قلت : طيب خلااص ..

ناظرني بنظراات تخلي الوحده تضحك وبرفعة حاجبه : واللي يفوز طيب !

قلت : ما ادري ..

قال : يا الله قولي .. ما ابي اقول شيء يمكن ماتقدرين عليه ..

قلت : انت اللي جبت اللعبه انت اللي حدد !!

قال : اللي يخسر يقوول للثاني سر اول مرهـ يقوله لأحد و آخر مرهـ يقوله !!

قلت : خلاااص

قال : وعد !!

تنهدت وقلت : وعد ..

طبعاً اللعبه يبيلها مخ ..

جلسنا نلعب ,,

وهو كان يلعب بحمااس واناا متحمسه اكثر منه .


بدينا خط واثنين وثلاثة ووووو .. وللحين ولا واحد منا صلح له مربع ..

جلس يفكر وانااا انااظر فيه وهو عينه في الورقه ,, يمسك القلم اللي بيده ويحطه فمه ويطلعه ويحرك القلم يمين ويسار << -- متحمس مع اللعبه ويفكر
اول مره اشووف صالح با الحمااس هذا ..

بنفسي اقول " معقووله لها الدرجه متحمس اقوله السر ,, او متحمس مايبي يقوولي سرهـ "

وانا قاااعدهـ افكر بيني وبين نفسي

قال : فطووووم دوورك يا الله ..

قلت بتنااحة : هااااهـ !!

قال : دوورك يا الله ..

ناظرت الورقة اذا هي معبيها بحرفه " S "

قلت : مشااااء الله , شكلك غشيت !!

قال : لالا ياويلك من الله ..

قلت بنفسي : " ماارااح كل ها التفكير عبث يا صالح ,, بس اذا انت متحمس با اللعبه جد بوريك مين بيفووز "

ابتسمت له ابتساامة الخبيث

ضحك وقال : يمه منك تخوفين ..

وجلست افكر وين احط الخط اللي يطغي فيه حرفي على حرفه ..

واناا اذا جلست افكر اعظ اظاافري و انزل شعري واربطه ..

هوو عيوونه مافارقتني

جلست اكثر من دقيقه افكر ..

وحطيت الخط وانااا اشووف نظرات عيونه

ما انتبه اني حطيت خط لأنه جالس يطالع شعري

حطيت حرفي با المربع "f" وبديت احط خط وراء خط

لين حرفي صار اكثر من حرفه هوو ما انتبه .

الاا يووم شااف ابتسااماتي زادت ..


قال وتعاابير وجهه كلها قهر : يووووووووووووووووووه كيييييييييييييييف !!

طلعت لسااني بخفيف وقلت : ما ادري ,, شغلت بس هذاا " واشرت على مخي " ...


هوو وجهه حمر باانت علاماات وجهه خايف يقولي السر ..

حفظت آمااااكن خطوطي وشكل الورقه وقمتـ ..


قلتـ بأروح اجيب ماء تبي !!

قال : لالا رووحي ..


واناا رايحه اجيب مااء عارفه انه رااح يغش .

واقول بنفسي " مانيب غبيه يااصالح ورااح اكشفك الحين و بفووز اناا ,, واعرف سرك اللي مخبيه عن الكل . "


رجعت با الماء وانا ابتسم

ناظرت الورقة ..

غييييييييييييييييييييير مره اللي خليتها

حاااط خطوط بلون القلم اللي معي يعنني انا اللي لعبت ..


ناظرته وقلت : صالح طبعاً ماغشيت !!

قال : هااه .. لالا ماغشيت .. وش دعوى !!

قلت : اجل وين لعبت !!

قال : هذا خطي اللي توو خطيته .


قلت : واللي تقول لك انك غااااش بقلمي بعد وحااط خطوط ماحطيتها !!

قال : لاااا ماحطيت ..

قلت : متأكد ..

قال : متأكد مرتين ..

قمت آشرت على الخطوط اللي حاطها واناا اقول : وهذاا وهذاا وهذاا مين حطه ...

قال بصووت قصير : يلعن اصلك كيف عرفتي !!



ضحكت وقلت : ليه غبيه لها الدرجة اناا !!

قال : خلاااص بنمسحها واعتبريها خطوطي ..

قلت : لااااااا خلااص انت اللي غشيت وانت تتحمل ذنب غشك ..

قال : كيف .. !!
قلت : انت الخسرااان يعني .. !!

قال : لااااااااااااااااااا لاااااااا ,, نعيدها ..

قلت بنظرة قويه : ولا نعيدها ولا شيء انت غشااش وانت تستاهل ..

انقهر وسكتت ..


قلت بنطق يقهر : السر السر !!

قال : يووووووووه طيب ..


دق الجرس ..


انا زااادت دقاات قلبي مع دقة الجرس ..

اول مره اجيه ويدق الجرس ..


قال : لحظه برووح افتح ..!

قلت : ميين !! ..

قال : ما ادري برووح اشووف مين ؟

نزل واناا نزلت معه بشووف مين !!


هوو رااح للباب وانا جلست با الصااله انتظره ..

فتح الباب وشكل اللي كان عند الباب رجال .. ودخله صالح داخل البيت ..


انا يووم حسيت انهم دخلو,, دخلت داخل المطبخ ..

اسمع ضحكهم من الصاله ..

اعرف الصوت اللي مع صالح .. مااكااان غريب علي !!

مين مين !! << --- جلست اتذكر !


ضحك بقووه وعرفته على طوول ..


ذي الضحكه هي ضحكة منصوور ولد ابوو خالد .. عرفتها !!

كيف راحت عن بالي !! وهي اكثر ضحكه تقهرني !! ..

معقووله صالح !! يعرف منصور !

وش جاااااااااااااب لجاااب !!


صالح عقل و آدب ومحترم .. ومنصور كل شيء شين فيه !

دخل علي صالح وانفجعت على بالي منصور ..

قال : معليش فطووم سوي لنا شاهي هذا واحد من اخويااي ..

قلت بعصبيه : لااا آسفه , وبعدين خويك مايستحي جاي الساعه 8 الصبح !!

قال : بليز فطوم تعرفين مافيه خداامه وفشيله مع الرجال ..


قلت وانا منقهره " ما ادري ليش !! يمكن كنت ابي انتقم من منصور ولا ابي اخدمه .. اللي سواه فيني موو شوي " : لااا ياصالح مارااح اسوي شاهي !! لك يدين انت وخويك سووو شاهي اذا بغيت ..

عصب صالح اول مره يقلب علي : طيب يافطووم شكراً , انا اول مره اطلب منك طلب , وترديني على طوول وبا الاسلوب هذا بعد ,, ترا ماطلبت الا شااهي ..

قلت : ما ابي اسووي كيفي ..

ومنصوور ينااادي : صلووح مايحتااج تعال بس ..


قام صالح يطلع الليبتون ويخلي الماء يغلي .

قال وهو منقهر : طيب تعالي ساعديني .


انا بقهر : لاا ما ابي انت ما انت صغير تعرف تسوي شاهي ..

قال : يوووه يافاطمه وانتي ليش ماتسوين وش حظرتك !!

قلت بعصبيه : ليش جايبني خدااامه انااا اكرف عندك !! وبعدين ايه صح اصلاً انت ليش جايبني آبي ارجععععععععع

ناظرني نظرة تقهر ..

وقال : متى بس تبين ترجعين !!


وسكر الغلاايه وترك الليبتون اللي بيدهـ ..

و آخذ منصوور وطلع برااا البيت


انا انقهرتـ مرررره ..

وجلست ادق على جواله مايرد

ادق وادق وهو ولاا معبرني ..


دقيت على جدتي ..

قلت : آلوو

قالت : هلااا ..

قلت : وش اخبارك ! يمه وش اخباار جدي والله منشغل بالي عليه ..

قالت : فطيم ياقلبي وش اخبااارك !! .. جدك ماعليه مبسوط , المدير صارف له مكافأهـ , ويقول اذا رجعت بأعشيها منها .


قلت : مشاء الله ,, بشري كم يمه !!

قالتـ : زينه 300 ريال ..

انقهرت وخنقتني العبرة بعد ماااكنت انا العب با الفلوس لعب وال 300 ماتسوى شيء عندي .. الحين صاارت فرحة عند جدتي ..

قلت : الله مررره ونااسة يمه قولي له لا يتصرف فيها لين آجي .. " كنت العب على امي بقوولة ونااسة "

قالت بصووت مخنووق : بس ابو ريان جانا يطلب منا تسديد ديونه !

قلت : مين ابوو ريان يمه ؟

قالت : واحد من زماان يطلب ابووك ديون !

قلت : مو سددنا ديوون ابوي من اللي ورثته ,, ولا تذكريني با الورث لا تذكرته انقهر يكفي انهم شافطين 3 اربااعه وخلص الورث على الدين !!

قالت : هذاا يطلب ابووك من زماان وتوه يشووفه وابوك تووه يذكر ..

قلت : كم يمه !! بدوون نقصاان الله يخليك ولا تكذبين علي !!

قالت : 30 آلف ..

آوجعني راااسي من كبر المبلغ ...


قلت : ومن وين بنجيبها ذي !! انا على بالي 6 الاف قلت بتتدبر ان شاء الله ...

قالت : انتي ماعليك راح تتدبر وابوك بيتصرف فيها ..

انقهرت وكتمت القهر عن جدتي ما ابيها تتضايق اكثر من اللي فيها ..

قلت : لا يمه قولي لأبوي لا يسوي آي شيء لين آجي , الله بيفرجها ان شاء الله من عنده..

قالت : ان شاء الله .. انتي وش اخباارك !!

قلت : والله يا يمه احاول اسعد نفسي .. الا صدق مادق عليك صالح اليوم!!

قالت : الا من شووي ..

قلت واناا باين علي اللهفه : وش قال !!

قالت : يقوول تونا جايين من الدكتور ونزلتها البيت وبنرجع شوي للرياض ..

قلت وانا اكذب : آيه آيه صح ..

وسكت بعدين قلت : خلااص يمه بأسكر الحين ان شاء الله اليوم بأشوفك..

قالت : ياليت والله مشتاقه لك ...


وسكرت الخط ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 15-07-2014, 02:59 AM
صورة Angel sinless الرمزية
Angel sinless Angel sinless غير متصل
©؛°¨غرامي مجتهد¨°؛©
 
الافتراضي رد: رواية للجرأه طعم


جلست اناا ادوور با البيت وماخليت مكان الا و دخلته ..



دخلت غرفة كأنها مستودع .

فيها اغرااض كثيرررهـ ..

ومن ظمنها

شفت شنط نساائيه كثير ,, جزمات نسائيه كثييير " الله يكرمكم " وكانت فيه شنطة كبيرهـ فتحتها

ولقيت ملااابس وعطورااات واكسسواراات كثيييرهـ ,, وميكااج ,,

يعني اشيااء تخص وحدهـ و لقيت ورقة

مكتووب فيها با الانجلش ..

طبعاً اناا مو فالحه با الانجليزي ..

حاوولت اترجمه ماعرفت مرهـ

بس اني استنتجت من الرساله ..

هذا الكلام " حبيبي صالح ,, آسفه اني تركتك كذاا فجاءه, وبدون

وداع وبدون خبر , بس مليت معك , انا حبيتك وانت بالك مو معي , بس تفكر فيها , صحيح انت ماقصرت علي بشيء بس يكفيني ان قلبك موو لي , ومتأكده انه ماراح يصير لأحد غيري ,, و عمري ماطمعت فيك انت تدري عن حالتنا المااديه انها احسن منك ,, لذالك تركت لك كل شيء انت جبته لي .. "

وبا الاخير كتبت "زوجتك ".

يووم سمعت باب البيت انفتح سكرت كل شيء وطلعت من الغرفه ..

وهو يصووت علي

جيت له وقلت : يا الله بنمشيء ..

قال وهو معصبـ : يا الله اسبقيني السياره بأجيب كم غرض واجي .

آخذت اغرااضي و بعدين نسيت ان طرحتي بغرفته

رقيت اجيبها

يووم دخلت الغرفه اثااريه عند الدولاب وبنفس المكاان اللي داخله العلبه


عرفت انه عند العلبه ..


ما ادري كيف قلت له : تعال يا الله بس ما رااح ترجع لو جلست تنااظر صورتها ..

سكت .

ونزلت تحت وهو لحقني

ركبت السيارة وجاء هو ركب ..
قال : تبين شيء قبل نمشي .. !

قلت : لاا ,, ابي بس نمشيء بسرعه .

" جااني احساس اني انتقم له لأنه خوي منصور "

جلسناا سااكتين

قلت : صالح مين اللي تو جاك !!

قال : بلا لقاافه ..

قلت : ابي اعرف بس ,, وش يبي جااي الصبااح !!

قال : آظني قلت لك بلا لقاافه !!

" قلت في نفسي اهااا طلعت ياصالح على حقيقتك "

قلت بصووت يقهر : ياااربيه ياصالح بلا سخاافة قوول ..

قال : واحد من اخويااي ..

قلت : وش اسمه !

قال : وش تبين بأسمه قلت لك واحد من اخوياي .

ما ادري كيف قلت : منصوور صح !!

ناظرني وعيونه حمراء

قال : من وين تعرفينه !!

اااناا خفت وقلت : هاااه .. لاا سمعتك تنادينه بس يومك تكلمه

لف وجهه وصار ينااظر الخط

وقال : ايه منصوور وبعدين انتي قااعده تتصنتين علينا والا كيف !!

قلت : لالا بس سمعت كذا ..

قال : انتي وش فيك !!

قلت : ولا شيء انت اللي وش فيك !!


جلس يقلب با الاغااني

سـألته فجاءه : انت متزوج !

كأنه اختبص وقال : لا , من قالك اني متزوج ..

قلت : ما احد قالي بس حسيت كذاا ..

قال : اعذريني اقولك احسااسك غبي

قلت : طيب ياصالح ! كم بااقي واخلص كل عمليااتي ..

قال : ما ادري تقريباً اسبوعين با الكثير .

قلت : وخلااص ان شاء الله , مافيه مرااجعاات ولا شيء !

قال : الا بس من فترة لفترة ..

قلت : مشكور ياا صالح على تكفلك وعلااجي ..

سكت مارد علي ..

قال : وش فيك تغيرتي !! قبل ساعتين وانتي مافيك الا العافيه ..

قلت : مافيني شيء بس انت قهرتني من جد وش اللي اسوي لك شااهي!!

قال : هذاا جزااي اني مسوي امون عليك واطلبك شاهي ..

قلت : لك انت مايخاالف بس للي معك لاا .

قال : ليش !!

قلت : كذاا ما ابي اسووي شيء لأحد ما اعرفه ..

قال : يكفي انه خويي والشينه بوجهي انااا ..

قلت : ما اشتهيت اسوي له ليييه خدااامه اناا ..

قال : يكفي اسلوبك هذاا ما احبه , اسلوب المعااند , مااتعودت عليه منك..

قلت بقهر : تعوود..

وسكتنا ..

قلت وانا من قهره من نفسي " ليش سويت فيه كل هذاا هو مايستااهل هوو ماهو منصور " : صالح آسفه , ما ادري ليش تنرفزت وعصبت عليك " ..

قال : والله ماهمني انك عييتي انك تسوين الشااهي , بس اسلوبك معي كان جاف ولا رضيتي حتى تساعديني ..

قلت : آسفه والله ماكاان قصدي ..

قال : ماحصل الا الخير ..

وناظرني و عطاني ابتسامه رضا وجلس يناظر الخط ..

قلت : تذكر سري !! اللي ماقلته ..

ضحك وقال : ايه مانسيتي انتي !!

قلت : لااا

وناظرته وقال : ماعندي سر ..

قلت : ما ابي تقولي سر .. ابي اعرف ليش تزوجت ! وانت تحب ديما !


عصب ونااظرني وقال : وانتي كيف عرفتي !

قلت: بطريقتي .

قال ووجهه محمر : اولاً اظنها تسمي لقاافة انك تتلقفين بأغرااضي صح والا !! .. ثانياً انك تفتشين البيت غرفة غرفة ما اظنه طبع حلوو ..


تجاهلت كلاامه ..

و قلت : طيب ليش تزوجت !!

قال : ترا والله علشاانك تمونين سمحت لك وعذرتك ..

قلت : اللي قاهرني انك تقوول تحبها !!

قال : زواجي اولا ما احد يدري عنه ,, انتي اول وحده تدري من طرفي اناا ,, ثانياً زواجي صاار بعد ماخانتني ديما ,, عجزت استحمل الفكرة وسافرت لبنان ولقيت بنت نااس مؤدبه و اخلاق وتزوجتها على طول .

قاطعته بقولة : ظن منك انك رااح تنسى ديما !

قال : هذا كنت اللي ابيه , بس عجزت وكان كل تفكيري مع ديما , ودايم مطنش زوجتي و آجيب لها كل شيء ,, آخذها السوق كل اسبووع واشتري لها كل شيء بس علشاان ماتحس اني مقصر معها ,, بس هي كاان تفكيرها مو ماديات بس تبي حناان وحب وهذا اللي حرمتها انا منه,, ورااحت من نفسها هي ..

قلت : ولا كلمتها ولا شيء !!

قال : من بعدها بأسبوع ارسلت لها اورااق الطلااق , وماعااد عرفت عنها شيء الا قريب ,, دقت علي وقالت انها انخطبت ,, يمكن كانت تبي تقهرني اوو تبي تسعدني اوو اوو ما ادري عنها , تستاهل بنت الحلال ماقصرت معي ابداً ,, كانت دايم بجنبي بس انا ماقدرتها .

قلت : ليش طيب !!

قال : عجزت يافااطمه والله , عجز قلبي يميل لغير ديما الاا .. وسكت

ابتسمت له وسكتـ ..

وبعدين قلت : هذا السر اللي تبي تقوله !!

قال : بصرااحه لا .


قلت : ماينفع اعرف السر طيب !


قال : السر وبكل صرااحه ,, انااا بدا قلبي يميل لكـ ..


انااا انصدمت

وقلت في نفسي " اناا ,, ليييش طيب !! وش يبي مني ! ,, اكيد قالها بس كذا ,, ما ادري ليش ماحسيت فيها , ماتقبلتها منك "


قلت : شكراً شيء حلو ..


قال : وبس !

قلت : وش تبي اقولك !!

قال : لا خلااص ولا شيء ..

قال : اناا طيب ممكن اعرف سرك !!

قلت: لاا مافزت انت اصلاً ..

قال : قوولي بليز ..

قلت : لااا حساافة فزت و آخر شيء تبيني اقولـ .

قال : يووه فطووم قوليـ .

قلت : اساساً اناا ماعندي اسراار حيااتي كتااب واضح من عنوانه " طبعاً اكذب عليه "


هوو حس انها تصريفه وسكت .


مسكنا الخط كلهاا ضحك ..


وصلنا الرياض ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 15-07-2014, 03:01 AM
صورة Angel sinless الرمزية
Angel sinless Angel sinless غير متصل
©؛°¨غرامي مجتهد¨°؛©
 
الافتراضي رد: رواية للجرأه طعم


ونزلني الشقه ودخلت الشقه

فتحت باب الشقة ..

جدتي : مين فطومـ !!


قلت : آيه يمه جيـت اناا ..


جتني وسلمنا على بعض .. وجلسناا نسوولفـ ,, وهي تسوولف نمت اناا..


مرتـ الاسبوووعين على خير ..

صالح تغير كلامه معي ..

صار بس يناديني ياعمري و ياقلبي ..

وصارت حركااته غير عن قبل , حتى نظرااته تغيرت , واذا كنت معه طوول الوقت مااسك يديني ,, غير عن قبل ..

ويدور أي فرصة علشاان يحضني بس انااا كنت اطنشه



يعني زي مرهـ

جالسين في مكتبه اناا واياهـ ..

قاليـ خلاص كلها كم يووم ولاا عااد نشووفك زي قبل ..

قلت : آيه والله عاااد بشتااق لكـ .

قال : لالا وربي انا اكثر منك ..


وقرب مني يبيني احظنه ومسك يديني


بعدت يديني و بعدت عنه وقلت له يا الله وصلني البيتـ ..

ما ادري ليش ماحسيت بأي حب لصالح ولا اعتبرته الا اخو , يمكن رسخت في بالي انه لا يمكن ينسى ديما وان ديما حبه الوحيد ,, او الحب ماعااد يهمني ,, او ماات احساسي ,, او صالح يكذب ,, او او ,, المهم اني عجزت آباادلهـ نفس الشعور ,, وحسيت انه يمثل هذا الدور علشاان ينسى ديما , او شااف فيني ديماا ,, شعور غريب جاني اني ما احب صالح ..




مرت الاياام

بكرهـ آخر مرااجعه يوميه ليـ ..

داخل مكتب الدكتور

الدكتور : خلاص العكازهـ اللي معك لو تبي ترميها عاادي الا اذا راح تحتفظين فيها ذكرى , لأنك الحين تقدرين تمشين بدونها ..

قلت : دكتور قلت لك قبل فترة اناا اني اقدر امشي بدونها وانت رفضت اني امشي بدونها ..

قال : لا الحين لا تأكدنا كل شيء سليم ..

صالح : طيب هذا العرج يادكتور دائم !

قال : هذا اللي كنت ابي اقوله انه للأسف هذا العرج احتمال يكوون داايم , بس ما يأثر عليك , يعني تقدرين تمشين با المساافات اللي تبينها بدوون ماتخافين عليها ..

كااان خبر يفرح من جد .

صالح خلاا اللي كنت اظن انه مستحيل شيء حقيقي ..


صالح : وباقي الاشياء !!

الدكتور : الحين الحمد الله اسنانك مافيها شيء , وخشمك سليم وكل شيء الحمد الله عندك سليم ..



قلت : الحمد الله يادكتور ويعطيكم الله العافيه على المجهود اللي بذلتووهـ معي ..

قال : ولو يكفي انك من طرف صالح ..

قلت : شكراً ونشووفك على خير ..


وطلعت وجاء صالح لحقني ..


قالي صالح تعالي فيه نااس يبونك .


دخلت غرفة فيها يجلسون الدكتورات والممرضات وقت الفراغ كنت دايم اجيها ونسولف سواا ..


دخلت الغرفه

آثااريهم جايبين حلوويات وعصيرات ومحتفلين فيني ..


والله خنقتني العبرة وسلمت عليهم كلهم و ودعتهم ..

دخلت ديما سلمت عليها وسلمت علي ,, نظراتها كانت موجه لصالح بس ..

ماشالت عينها عنه ..

صالح كان يناظرها بس مسوي متجاهلها .

قربت هي تسولف معي او با الاصح تقرب من صالح لأنه كان " لازق فيني "

صالح يوم قربت مسك يدي وخلااها تلاحظ ها الشيء ..

ما ادري بمسكة اليد وش يقصد " يقهرها !! اوو يبي ينساها من جد ويحبني !! اوو يبي يحسسني بهمه اوو و اوو ,, مشااعر كثيرة عجزت افهمها مع صالح "

نااظرت القهر بعيوون ديما

و قلت : يا الله ياصالح تأخرنا ..


طلعنا برا المستشفى واناا ساااكته ..

ركبت السياره ..

صالح : وين تبينا نروح !!

قلت : نبي نروح " لنايت كلوب " وين بنروح مثلاً البيت .. !

ضحك وقال : معليش من الفرحة خبطت ,, طيب ماتبين نروح نتعشى برا نحتفل !!

(جاني احساس غريب ان صالح مو فرحان علشاني فرحاان انه شااف القهر بعيون ديما ,, لأنه اول ماطلعنا من الدكتور ماكاان فرحان كذا )

فهيت وانا افكر

وسمعته ينااادي

وقال : فطووم كل هذا تفكرين ! وين راح نتعشى !! من كثر مطااعم الرياض عااد ..


ضحكت و قلت : اصلاً من اللي قالك اني وافقت على الدعوهـ ,, ابي اروح البيت .

قال : طيب كيفك ..

قلت بيني وبين نفسي " اهااا يا صالح طلعت على حقيقتك هذاا اللي كنت تبيه ! تنتقم بس من ديما ! هذا اللي كنت تدوره من وراي ! من طبعك تلح علي لين اوافق الحين تغيرت ,, ماينلاام فرحاان "


قطعت تفكيري وقلت : صالح

قال : هلاا

قلت : مشكور على كل شيء سويته لي ,, عمري ماراح انساه ابداً , من جد مشكور ما ادري بعد هي تكفي او لا ..

قال : وش دعوى يافطوم ماسويت الا الواجب وانتي تستاهلين كل خير والله ..

قلت : لا والله بس انت ماتقصر وكثر الله خيرك ..


مايحب يتكلم كثير با المواقف اللي كذا .

سكت وقال : لجلـ عين تكرم مدينة ..


قربنا من البيت وبداا صالح يتوتر ..
اعرفه اذا توتر خشمه يحمر مايخفى علي ها الشيء ..


ويوم خلاص ماباقي على البيت الا " حذفة حصا . على قولتهم "

ولف بمكان مظلم قريب من بيتنا و وقف ..

ناظرني صالح وقال : فاطمه ابيك تعرفين شيء .


قلت : وش !! .. ها الشيء !! ..


مسك يديني بقووه وكل مالها تزيد مسكته

و انا اسااسا كنت قريبه منه و هو قرب ..

قال : فاطمه اناااا ,,,, آآآآآ .....


........................................

السلامـ عليكمـ ....


-- البارتـ الخامسـ والاخير --




" عرفتها هي ماغيرها باااين انهاا هي ,, ليش يقولها !! ليش يكذب بااين عليه يكذب صووته صووت الكذااب وهو يقولها ,, "

... آآآآآحبك ..


قلت في نفسي " آسفه صالح ماحسيت فيها " ..

وقرب مني مره يبي يبوسني

بس آنااا بعدت عنه


قال : فاطمه وش فيك !

قلت : ولا شيء !!

وسكت

قال : ردي طيب !!

قلت : آرد علي وش ؟

قال : على الكلمه ..

قلت : ما ادري وش اقول لك .. بس انت ماتحبني تحب ديما ..

قال : لااااااااااااااااااااااااااااااااااا ما احبها والله خلاااص ما احبها ,, ماعاد افكر فيها الحين ,, انتي اللي شاغلتني ..

في نفسي " لا يااصالح لا تكذب على نفسك وعلي انت تحبها "

قلت بنبرة قهر : طيب خلاص الحين بس ابي ارجع البيت ..

مشا ورااح لمكان شقتنا و قبل آنزل مديت يدي لصالح

كاان عندي آحساس انه آخر مره راح يمسك صالح يدي

ومسكت يده بقوهـ وقربتها لشفتي وبستها

وقلت : شكراً على كل شيء ياصالح عمري مارااح انسى لك شيء, و آسفه على كل شيء سويته لك .

ماعطيته فرصة يتكلم

نزلت وسكرت الباب ورحت الشقة

كنت احس بفرح داخلي ما ادري ليش !


دخلت الشقة على جداني

ياقلبي عليهم جايبين لنا عشاء من براا ومتحمسين , كل هذا علشااني ..

دخلت الغرفة ابي انااام

جتني جدتي


وقالت : فااطمه

قلت : هلاا .

قالت : يمه ياقلبي ,, الفلوس اللي تحت سريرك لمين !!

قلت : أي فلوس !

قالت : السبعة و شوي ..

قلت : هاااه ,,, لاا يمه هذا دين علي وبرجعه ..

قالت : يعني مو هذا اللي مجمعته لدين جدك !!

قلت : لا لا لا هذاا ديني اناا هاتي الفلووس وينها !!

مدت لي الفلوس ..

ما ادري ليش حتى يدي ما تبي تمسكها ..

قلت حطيها با الدرج ..

( طبعاً الفلوس ذي هي الفلوس اللي عطاني اياها يزيد,,اصرت علي مشاعر اني آخذها )

وطلعت جدتي

وجلست اناا على السرير
وقررتـ اني اتصدق با الفلوس على أي احد اشووفه محتاجه
اهووجس

" ياربيه ليه حياتي اناا كذا !! اللهم لا اعترااض !!

وينك يبه تشيل الهم عني !! ولا بس شلت هم امي ولا فكرت فيني انااا , في بنتك اللي شايله هم الدنيا فوق رااسها , آآه بس , لو انت عندي كان ماصار لي كل هذا , وكان معيشني بعزك انت مو بعز الغير , كان ما انذليت لأحد , ليش خليتني لحالي ! يعني ماتحبني والا ! وانتي يا يمه وينك , معقولة قلبك قاسي لها الدرجة ! رحتي وخليتي بنتك كذاا لا سألتي ولا شيء ! هذا اللي كان همك الفلووس وبس , كل يووم احااول اخلق سبب لغايبك ,, اصنع لك مليوون عذر بس انتي ماخليتي للواحد مجال يعذرك , معقوله سألتي عني ! او فكرتي فيني ,, اكيد جالك احد غيري وصرتي تفكرين فيه , ابوي عذرته مااااات بس انتي خليتيني وبرضااك بعد , ليش اناا ماتهنيت لاا بـ أم ولا بـ أب ...

انقطع حبل افكاري بدقة الجوال .

مسحت دموعي ورحت اجيب الجوال ..

ناظرت الجوال .. صالح وش يبي ها الحزه !!

مارديت .

دق مرهـ واثنين وطنشته ..
آرسلي رساله : فاطمه قلبي ناغزني من مسكة يدك متوقع انها الاخيرة , ليش انا وش سويت !!

" ارسل له والا ما ارسل " << هذا الكلام اللي كان في بالي ..

فتحت رسالة جديدة وكتبت : صالح آسفه ماحسيت با الحب معاك , انسااني خلاص ولا توقف بطريقي ..

وارسلتها

حسيت بسعااادة بعد ما ارسلتها ما ادري ليش !


ماكنت انتظر رد منه ولاشيء ..

خلااااص ياصالح اللي بيناااا رااااح ..

ونمتـ ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 15-07-2014, 03:03 AM
صورة Angel sinless الرمزية
Angel sinless Angel sinless غير متصل
©؛°¨غرامي مجتهد¨°؛©
 
الافتراضي رد: رواية للجرأه طعم


مرت الايااام بسرعه , يووم ورااء يووم

وصار هذا آخر ترم في الجامعه .. عشنا الايام اللي راحت ميسورين الحال

" مكافأتي و راتب جدي و الاكل اللي نسويه انا وجدتي " وعشنا عليها ..



باقي 5 آيااام واخلص كل اختباراتي واتخرج

الحمد الله ماكنت شايله هم النتائج ,, بس كنت شايله هم اذا خلصت با القى وظيفة والا !!


عدت الـ5 اياامـ وكنت متحمسه مرهـ ..


جلست عاااد انتظر النتائج ..

وبعدها بيومين ..


جاء الصباح وبا العادهـ جدتي تقومني صلاة الفجر

بس ماقومتني ,, قلت يمكن غفت ونست ..


قمت انا وصليت

ورحت لجدي وجدتي وقلت لهم يقومون

جدي قاام وطلعت اناا برا الغرفه ...


توني ابرجع اناام مره ثانية الا وجدي يجيني .


مشيته مو زينه ونظرااته فيها شيء ..


يبي يتكلم بس مو قاادر جالس يتلعثم ..


صرخت بقوووووووووووووووووووووووووه

عرفت انه في شيء بجدتي

ركضت لهاااا

عل طول حظنتها وقلت : يمه يمه قوومي يا الله تأخرتي على الصلاة


وجدي وراااي ولا يسوي ولا شيء ساااكت .


احركها يمين ويساار وادفها


واقوول وانا اصاارخ : يمه قومي لا تستهبلين , يا الله عشاااني قومي , ادري ماصاار لك شيء تستهبلين علي , يوووووه يمه قووومي يا الله, قومي سوي لنا آكل يا الله .

وهي ولا حركة ..

امسك يدها واتركها تطيح مني ..

مافيها نبض ,,,

بس ماصدقت ..

وانا ابكي : يمه حراااام عليك ليييييييييييش تسوين فيني كذاا !! لا تستهبلين قومي , الله يخليك لا ترووحين ,


وقمت اصرخ واصييح وامسكها ما ابيها ترووح .

آخر شيء اتذكره من هذا الموقف صوووت الاسعااف , مع صووت صرااخي ..

بعد يوووم قمت ولقيتني بسريري ..


فرحت وقلت : يووه اشواا حلم ..

طلعت با الصالة ولقيت حريييم كثييير


تفاجأت

وكانت ام تركي جارتنا معهم

جتني وحظنتني وقالت : عظم اجرك .

قلت : ليش ما مات عندنا احد !

ناظرتهم بأستغرااب وقلت واناا اصاارخ : برااا ما عندنا احد ميت .


ويجوون الحريم يمسكوني ويهدوني

ويقولون : فاطمه اذكري الله ..

وام صالح كانت من ظمنهم ..

ناظرتها وقلت : صدق جدتي ماتت !

قالت : ان شاء الله انها من اهل الجنة وخيرة لها الموت .

قلت : لا تكذبوون ماا ماتت هي جالسه تسولف معي امس و آخر شيء سوته قصصت آظاافرها وصلحت شعرها وناامت ,, ما ماتت ,, طيب كيف تموت وتخليني اناا لحالي ؟ هي قالت لي انها راح تكون معي دايم ! جدتي ماتكذب انا اعرفها ,, ليش ماقالت لي !!
وصااروا يهدوون فينيـ ..


غصبـً عني رضيت بها الشيء

خلااص وش باقي بها الحيااة بعدها !! ليش اعيش !

صرت ملاازمة جدي و هو ملازم لي

غصبً عناا ..

وعرفت اني مكتوب لي الشقاء من ولادتيـ ..

عجزت اتخيل البيت بدوونها كل مره ادخل المطبخ ادورها ,

اتذكر ضحكتها , كلامها ,, نظرااتها اذا عصبت , كلامها اذا جت تواسيني,, غلطت عليها كذا مرهـ ولا تزعل معي ,, خنت ثقتها فيني وماتت ولا تعذرت لها ,, آآه بس ياليتك عندي ام زي باقي البناات تواسيني وتخاف علي ..


جدي لأنه لحاله كان شديد علي ما اطلع ولا اروح ولا اجي الا رجله برجلي ..

اصلاً انا ماكنت اطلع كثير ..

حاولتـ ابعد نفسي عن كل شيء حراام ..

وبصرااحه مااكان شيء صعب علي " اللي يبي يسوويه صدقوني ابداً مو صعب "



تخرجت بشيء حلوو من الجامعه ..

وقدمت على كذا بنك " لأن تخصصي كان مرتبط بهذا المجال " ..


كذا بنك رفضني الا بنك واحد ..

رحت لهم وآجريت المقابله ..


و توظفت بوظيفة حلووه فيه وراتبها اكثر من حلو ,,

جدي كان يوديني و يأخذني من الدوام ونرجع البيت نسولف اوو هوو يناام وانا اجلس اسوي أي شيء ..

كانت ملل ..

استقريت بعملي مدة 5 شهور ..


وكنت آجمع ثلاثة اربااع راتبي علشاان اسدد الدين اللي على جدي ونسا هم الدياانه ,, والباقي اللي يحتاجه البيت ..


كان جدي الشيء الوحيد اللي باقي لي ..


كنت اخااف عليه حتى من نسمة الهواء ..


.................................................. ...............

مره وانا با الدواام وجالسه مع وحده يقولون لها ام عبد العزيز

كانت كبيرة با السن وحبيبة واخلااق ..

ام عبد العزيز : فطيم بصراحه وش رأيك ب محمد ..

انا بأستغراب : آآآي محمد ..

قالت : تعرفين مدير الفرع اللي حنا فيه ..

قلت : لاا ما اعرفهـ ..

قالت : مدير الفرع اللي حنا فيه صغير السن عمرهـ حوالي 32 وشوي .

قلت : ومدير فرع !!

قالت : شفتي كيف .. يازين الواسطاات خلينا ساكتين بس ,, بس بصرااحه بعد الولد ظليمته شينة ذكي وشخصيته قوية وخلووق مرهـ ..

قلت : والله ما ادري ,,

قالت : آخته جتنا الاسبوع اللي فاتـ .

قلت : ماعرفتها ..

قالت : كلً يبي رضااها يوم جت , الحامل ذيك ,, ام خدود مشاء الله ..

قلت : ما اتذكرها ..

قالت : جتك وشافتك انتي و سألت عنك البنات اللي معنا با القسم وماعيبوا فيك وقالولها عنك ,, وكلمت اخوها انه يأخذك ,, وهو ما عارض بس قال خلي احد يسأل عنها , واخته تموون علي وقالت لي ,, عااد انتي هاه وش رأيك !! وهم يبون يعرفون عنك كل شيء ..

استغربت الموضوع ..

قلت : والله ما ادري يا ام عبد العزيز ..

قالت : هم الحين يبون يعرفون عنك كل شيء ..


قلت : آول شيء قالولهم اني اعرج عرج بسيط !!

قالت : والله ما ادري انهم عندهم علم والا,, بس يهم مو مره واضحه .

قلت : لا قوليلهم هذا اول شيء ,, وقولي لهم آمي مغربيه بس ما اعرف عنها شيء ,, وبعد قولي لهم اني مالي با الدنيا ذي الا جدي و لو فرضاً صار بينا نصيب لازم جدي يسكن معي بنفس البيت ,, وقولي لهم اني مطلقة ..

قالت : هين مطلقة يدرون .

قلت : حلوو ,, وكتبت لها بورقة وصف الحارة اللي انا فيها ,, وخليه يسأل عننا ..

قالت : والله اشووف انه فيه اشياء ماله داعي اقولها ..

قلت : حلفتك يا ام عبد العزيز تقولين لهم كل شيء , واذا انتي شايفه علي شيء شين قولي لهم ولا تسترين ..

قالت : لا والله مشاء الله كلك اخلااق ..

"" اذا جاء طااري الاخلااق آنبني ظميري ,, كيف قبل ارخصت نفسي وارتكبت ذنووب ما اتوقع ان الله بيغفر لي اياها ""

قلت : خلااص .

قالت : خلااص ان شاء الله والله يكتب اللي فيه الخير .


ما ادري ليش قلت لها كل هذا يمكن بأطير ها الفرصة مني او خايفة انه ينغش او يحس انه ندم بعد ما يأخذني ..


رجعت مكتبي وجلست و اذا كنت فااضيه رحت عند البناات اشرب قهوهـ .
البنات اللي معي حبوبات وكل وحده في حالها ,, بس مشاء الله كل وحده تقول الذكاء عني .

جلست بجنب وحدهـ ,,

قربت من اذني و بصوت قصير .. يقولون محمد خطبك ..

قلت : لاالا تووه ماصاار شيء والله ..

قالت : ياربييييه يا فطووم وش فيك تخبين مارااح اقول لأحد ..

قلت : لا والله بس جد ماصار شيء للحين واساسا توني اعرف ان محمد مدير الفرع ..

قالت : معقوله ماتعرفين مدير الفرع .

قلت: اسمع انه محمد ,, بس ماتوقعته شااب توقعته شاايب ..

قالت : بأقولك شيء خلينا نطلع من هنا ونروح مكان مكتبك ..

قلت : طيب اناا بروح وانتي الحقيني ...

قالت : طيب .

ورحت انااا
وبعدها بشوي لحقتني ..


قالت : بقولك شيء بصراحه ..

قلت : سمي هلاا ..

قالت : سم الله عدوك ,, تعرفين انتي طبعاً منى اللي معنا ..

قلت : تقصدين منى السمراء النحيفة شوي ..

قالت : ايه هي تعرفينها !! وش تعرفين عنها و وش انطباعك عنها !

قلت : لييه !! ما ادري ما اعرفها زين ولا قد تكلمت معها , حبيبة البنت ولا شفت منها ضرر وشخصيتها باين عليها انها قويه ,, وعلى فكرة يعجبني لون بشرتها ..

قالت : شفتي منى ذي !! هي تخطط على محمد ..

قلت وانا رافعه حاجب من التعجب : كيف يعني !!

قالت : يعني من زمان تخطط عليه لها الحين سنتين , وما اتوقع راح تخليك تأخذينه بسهوله ..

انا خفت وقلت : آآناا ما اخذته هوو اللي جاني ,, اصلاً انا ما اعرفه ..

قالت : ما اقولك كذا يعني لا تأخذينه والله بس انا ابي انبهك منها .

قلت : مشكورهـ ماقصرتي وتوهـ ترا ماصار شيء ..


بعد اسبووع وشوي من السالفة ذي ..

جتني ام عبد العزيز

وفي وجها ابتساامااتـ وقالت : هلاا هلاا با العروسة ..

انا غصباً عني ابتسمت ..


وقلت : هلا فيك ..

وقربت مني وبحمااس قالت : آبشرك سأل محمد عنك ,, وعرف كل شيء وصار الحين يقول ابيها اكثر من اول .

ما ادري وش اقول ..

قالت : آدري انك خايفه , كلنا كذا تراا ..

انا ما ادري وش اقول جلست ابكي .

ماعندي آحد اشااورهـ او اسأله او حتى اخليه يجيب لي خبر عن محمد ..

قالت وهي خاايفه : وش فيك يافاطمة !! ورااك تبكين !

بديت امسح دموعي واحااول اتصنع البسمة وقلت : ما ادري والله ..

قالت : انتي فكري زين و الله يكتب اللي فيه الخير .

قلت : ومنى !

هي خافت وقالت : وش فيها منى !!

قلت : موو هي تبيه ! وتخطط عليه ..!

قالت : وانتي وش دخلك فيها ! لاتفكرين بمنى ابداً ,, ان كان لها نصيب فيه بتأخذه ..


جلست افكر ..

ماراح تحصل لي ابداا

رجال يقولون عنه خلووق و مؤدب ومكانته حلوهـ و مو راعي لف ودوران .. وش ابي بأكثر من كذا .. ولا بنت تحلم با اللي آخذته ,, بس برضوا ما ابي اتسرع بسأل عنه .

من اسأل ياربـي مين !! اقوول لجدي يسأل عنه ,, بس ماراح يعرف جدي,, مالي الا ,, اهاااااااا لمى .


آرسلت لها رساله : السلام لمى كيفك ! و وش اخبارك !! انا فاطمه بليز اذا فضيتي كلميني ..


على طووول دقت ..


قالت : هلااااااااا والله فطوووم

قلت : هلا لموو وش اخباارك !!

قالت : وش الدنيا فيك لا تدقين ولا تسألين !!

قلت : الله يعلم من القطعه ..

" حسيت صدق انها فرحانه وهي تكلمني "

قالت : وحشتيني مرهـ والله مالك داعي انقطعتي مرهـ وحده كذا

قلت : العذر والسمووحه يالموو اذا انا قطعت بس صدقيني انتي القاطعه..

جلسنا نسولفـ سواء ..



بعدين قلت لها عن سالفة اللي خاطبني وابيها تسأل اخوانها عنه اذا مايكلفهم يعني ..

آكدت لي انهم راح يجيبون الخبر الاكيد عنها ..


طلعت من الدوام ورحت البيت وحنا جالسين نأكل .


قلت : يبه فيه واحد تقدم لي !!

قال : هااااه ,,, وش !! متى !! ومن هو !

قلت : مدير الفرع عندنا با البنك , ومن زمان قالولي وسألوا عني والحين يبون يخطبون رسمي ..

قال بعصبيه : كيف يعرفك !!

قلت : مايعرفني بس مره اخته جت فرعنا وشافتني وسألت عني

قال : وش اسمه !

قلت : محمد ..... ال..

قال : كم عمرهـ !!

قلت : ما ادري با الضبط بسـ يقولون 32 ..

سكت وكأنه تضايق ..

قلت : وش فيك يبه !!

قال : وانتي وش رأيك !!

قلت : الرأي رأيك ,

قال : بس .. وسكت ..

قلت : وش !!

قال : احسك صغيرة على الزواج ..

في نفسي اقول " ماعرفت تصرفها يا يبه عمري بيصفق ال 30 وانت تقول توك صغيرة وين توك صغيرة يوم اتزوج الشايب "

قلت : لا يبه مانيب صغيرهـ وعمريـ الحين حوالي 25 ..

قال : بسأل عنه ,, وانتي صلي صلاة استخارة ..

قلت : ان شاء الله , وترا على فكرة انا قلت لهم انك بتسكن معي وهو ماعندهـ مانع ..

قال : لاا لا ماعليك مني اناا ..

قلت : وش ماعلي منك انت تااج رأسي ,, ومن عندي با الدنيا غيركـ ,, وبعدين انت صاحي بتسكن لحالك ..

سكت وكملنا الاكل وجلست افكر با الزوااج آخيرااً بتزوج وااحد سنع ..


كيف شكله ..

دورت كتاب عن كيفية صلاة الاستخاره لأني بصراحه ماكنت اعرفها .

صليت اول مرهـ ماحسيت

من بكرة ماحسيت بشيء برضوا

صليت بعدها بيومين و الحمد الله من جد ارتحت ..

دقت ام صالح ورديت

قالت : الوو .. فاطمه .

قلت : هلا والله ..

قالت : وش اخبارك ! وش الدنيا فيك !

قلت : الحمد الله انتم بشروني عنكم ..

قالت : الحمد الله حنا بخير .

قلت : زين الحمد الله

قالت : على البركة يا العروس ..

ضحكت

قالت : تبين الصرااحه سألنا عن الرجال وطلع نعم الرجال وانا من رأيي انك توافقين ..


الرد باقتباس
إضافة رد

رواية للجرأه طعم/كاملة

الوسوم
آلجرأه , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 33385 اليوم 04:47 AM
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2347 02-10-2016 04:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM

الساعة الآن +3: 11:19 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1