غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 03-08-2014, 09:16 AM
ثامر آل عبدالعزيز ثامر آل عبدالعزيز غير متصل
©؛°¨غرامي جديد¨°؛©
 
الافتراضي رد: وان ماخذيتك بالحلال اول عيالي سميك


تابع البارت 7..


عند ثامر .


شفت توترها من سؤالي كاني بديت اوصل للحقيقه هدفي الحين اساعدها مو دراسه لاني مابسجل شي وبعيد الماده بس ماخون وعدي شي بداخلي تحداني احل مشكلتها واطلعها منها مثل الشعره من العجين ذي تحدي بين ثامر وبين عقله لانه بيثبت نفسه الي قبلي كلهم سلمو الحاله وهم بس مشخصين مرضه النفسي وطبعا ماشوفه مرض مثل ماهم يشوفونه ذا شي طبيعي انه بنت ودخلت السجن من كان عمره 18 لين يبلغ العمر المناسب للقصاص فاكيد بتتاثر بانهيار وتخويف السجينات وغيره وبتصير به حاله نفسيه من الاضطرابات لاكن هذا المرض ماينجيه من القصاص لانه مو مجنونه او ناقص عقله
تنحنحت وانا اناظر له وانتظر الجؤاب
الزين بحزن : دكتور
رديت عليه باستنكار : اسمي ثامر لسئ ماصرت دكتور وانا ماحب احد من الي اشخص حالتهم يناديني دكتور لاننا بنكسر الحواجز مع بعض ونكون اصحاب لين كل واحد يشوف طريقه .
الزين ببتسامه طفوليه : طيب ي ثامر ليه متعب حالك معي انا حاله صعبه ماقدر اقولك كل شي ولا راح تفهم شي من الي بقوله !
اول مره بحياتي احس اسمي حلو يمكن لان اول مره احد ينطقه بعفويه بدون رسميات دكتور طال عمرك الاخ . رفعت عيوني له وقلت بصدق وصراحه : انا متحدي نفسي فيك
الزين وهي معقده حواجبه باستغراب: كيف ؟
قمت من كرسي وجلست بالكرسي الي قدامه وانا اشرح له : شوفي انا اخذت حالات واجد شايب وشاب واطفال بس بنت او حرمه او عجوز ذي ماعمرهم يعطوني لان هالحالات للمتخصصين لان المره صبره كبير ومايصيبه حاله نفسيه او جنون او مرض الا من شي قوي ذا اول شي ثاني شي بملفك مكتوب ان الدكتور ..... والدكتور ..... والدكتوره .... كلهم خصصو حالتك وسكرو ملفك وهو مو مكتوب الا مرض الهستيريه التفاصيل حذفوها ذا الشي الي ابيه انا ابي اثبت لنفسي اني قدها اني اقدر اقدر الحين اسكر ملفك واعطي المدير رشوه انه يعطيني امتياز واعطيه دكتوري بس انا مو كذا ولا احب اني اصغر نفسي بنفسي احب اثبت لنفسي ان الفشل مو مكاني واثبت للكل اني فاشل بس لنفسي اثبت العكس علشان لاطالعت للمرايه ابتسم وانا اتذكر ان ماتجيني حاله الا وانا حال مشاكلها ولا مسوي لها خير لاشافت حياته بعدين تذكرني بالخير وتدعي لي .
ناظرت لعيونه بضياع وانا اشوف اليأس بعيونه والعجز شي داخلي ماقدر يتحمل النظرات ماحب الشوف العجز بعيون احد ليه ييأسون وربي الي خلقه والله موب ناسيه
ناضرتني بغصه ودموعها تنزل بغزاره وبضعف : ثامر انا كذبت عليك ماستاهل انك تضحي بسنه من عمرك علشاني





-







حلفت إنكِ غير عنهم كلهم الله يغفر لي يميني *music* .


__


سيــٓـف .



لي اسبوع ساحب على راشد يتصل وساحب عليه اخر شي ارسلت له رسأله اني بجيه بعد ماقنعت سند انه يسافر الترم الاول لبداية السنه بتبدا قريب وراح يروح ان شاءالله وانا متطمن عليه
رحت لبيت ابو رندا او ابو فاطمه
راحمه انا بس ذا الي بيوصلني لروسهم دخلت عليه بالمكتب الارضي بعد مافتحت لي الخدامه جلست بهدؤ وانا الف له انتظره يتكلم
راشد : وينك ي سيف لي اسبوع اتصل عليك وجؤالك مقفل !!!
سيف وهو يطق رقبته ويناظر له ببرود : ماكنت بالرياض
راشد بعصبيه : شلون تسافر وانا مادري وتترك شغلك
لفيت له وانا رافع حاجبي ومستنكر الوضع : صوتك لايرتفع !
راشد بصدمه : انت من تفكر نفسك !
ضحك باستهزاء وانا كارهه كل شي : عزراييل
راشد بخوف وصدمه : بنهي معاك العقد ولا.....
قاطعته وانا اقوم من كرسيي واحط وجههي قريب لوجهه وعيوني كله حقد : لا تههددني قلت لك انا عزراييل روحك لو اطلعها الحين مابتحرك بي شعره *وهو يشر على قلبه بهمس يخوف* ذا ميت
ابو راشد بخوف وهو يرجع على وراء : ا ا نت شتبي م ن ي ؟




..............




البارت 8.



عند ساليا .


ركبت السياره وانا احس روحي بتطلع كان جالس جنبي بس بيينا مسافهه من كثر ماني قرفانه حالي مالتفتت له حتى كنت اتمنئ ابكي اطلع الي بداخلي بس ماقدرت كل شي وقف قاطع سرحاني صوت السواق وهو يقولي انزلي لفيت وشفتهم منزلينه ونزلت وقبل لاندخل القصر قاطع الصمت صوته المبحوح وهو يتكلم للعامل حقه وبعد ولف لي وبنظرات استهزاء : تعالي دخليني
جيت وانا ارتجف مسكت الكرسي وجلست ادفهه دخلنا داخل وانا اناظر كل شي بفهاوه انا بسكن بهالبيت ! عمري ماحلمت بشقه صغيره علشان احلم بقصر اضيع فيه جتنا فرح وهي مبسوطه وتسلم علينا وانا ابتسمت له
فرح : تعالو تعشو قبل بعدين روحو لجناحكم
رد بصوته المبحوح الي كل مايتكلم احس الدم بجسمي يوقف من الخوف : وديني لجناحي
فرح باعتراض : لا فيصل تعال تعشاء ماكلت شي اليوم كله
انتظرت رده بس مارد رفعت راسي لفرح وانا اشوف الحزن بعيونه وهي تشر لي اسوي الي يبي مشيت معه وانا مادري وين جناحه وجلست افتر بالفله وهو ساكت اخر شي تعبت وتجرائة اسأله وبخجل : وين جناحك ؟
رفع عيونه وناظر لعيوني وانا قلبي بيوقف جمماله فوق ان عقلي يستوعبه عيوننه والحزن الواضح فيهن غموضه حواجبه المعقده ونظراته الي اهتز كل شي بداخلي ناظر لي ونزل راسه وسكت
حسيت بالاحراج انه مارد علي بس طنشت وانا احس نقابي بيخنقن فوق مانا مختنقه
مسكت كرسيه وجلست امشي بين الغرف وريحة عطره احسه تخترقني احس اني اخاف منه وحيل بعد مادري ليه الخوف انزرع داخلي له
تعبت وانا افتر بين الغرف لفيت له ورجعت سالته بعفويه : وين جناحك والله ماحس برجولي من الكعب
رفع نظره وجلس يناظر لي مرت دقيقه وهو يناظر بدون لايتكلم واخيرا رد بهدؤ : مادري وين جناحي .
رفعت راسي له بصدمه وطيرت عيوني : كيييف !!!






.................

عند فيصل .

دخلت معي وهي تدفني وانا متقرف منه حيل شلون ترخص بنفسه علشان الفلوس شلون توافق بدون فستان ابيض بدون حفله او على الاقل عزيمه ماحب الناس الضعيفه والاستغلاليه جلست تفتر بالقصر وانا ساكت عجزت اتكلم شفت لما لسانك يتعود الصمت تسكت لايام ولشهور وساعات ودك تتكلم بس ماتقدر انا كذا
جلست تفر بي بالقصر لين ضيعت بتستغربون شلون يضيع ببيتهم بس القصر كان كبير حيل حيل وانا من جناحي للصاله ومن الصاله للمسجد ومن المسجد لجناحي ماشوف باقي القصر غيرو فيه اشياء كثيره لين نسيته شفته تسأل وتسأل تافتت بداخلي حسيته ثرثاره وبس تتكلم
ساليا بصدمه : ككييييف !!!!
رفعت راسي وانا احس اني مرهق من هالكلمتين الي قلتهن ناظرته كان طوله وسط وجسمه نحيف ولابسه عبايه عاديه ونقاب ووقفته مو معتدله تنهدت بداخلي حسيت همي زاد
قاطع سرحاني وانا اشوفه تفك الكعب وتتبلم بصوت واطي وتتافف وانا ودي اكفخه قامت وهي ترفع عبايته وتربطه بخصره وتمشي بعربجه تفتح البيبان وانا اناظر له بتمعن وهي تطلع الخدامه من الغرفه قالت وهي تسحبه بعربجه : وين غرفها هذا *وهي تشر علي *
هنا انا كان نفسي اضحك بصوت طويل بس للاسف ماقدرت وابتسمت وانا اناظر له واناطر للخدامه وهي تناظر له بخوف واستغراب وتعجب وتقوله بالانقلش ماعرف عربي وهي مصره تسحبه عندي وتشر علي وتشر بيدينه ناظرت لي الخدامه كانه تقول من وين جايبين ذي رفعت راسي وانا خلاص صدعت وقلت له تودينا لجناحي جت تبي تدفن بس البنت رفضت وجلسنا نمشي وراه لين دخلنا الجناح ناظرت وجهه المصدوم وهي تلف علي : اسود باسود !!!
جلست اناظر له وانا انتظره تكمل وهي تمشي على الجناح الي كان اسود باسود وتقول بعربجه واستهبال عجبني : شوف انا لابسه اسود شرايك تلصقني بروش بالغرفه كني عينه صغيره منه
سكتت وانا اشوفه تفك عبايته وتلزق بالجدار وتغمض عيونه وتقول بضحكه : تحداك تلاقيني
اهه زمان ماشفت اطفال زمان ماشفت عفويه كذا زمان ماحسيت احد يكلمن كاني بشر كاني حالي حالهم بدون لاشوف نظرات الشفقه بعيونهم بدون لاحسهم يناظرون للساعه وياتففون بملل عمري ماحد استهبل عندي وهو يضحك بدون لاينتظر مني اني اضحك وابادله استهباله هي كذا
فكت نقابه وانا جالس اناظر له بتمعن كانت ناعمه حيل وعيونه كبار تحسس بالقوه بعيونه تحس عيونه مابكن بيوم الامل بعيونه ناظرته وانا ابعد نظري للمرايه واشوف عيوني الهالات السودا والحزن والبؤس والتشائم فيهم
قاطع سرحاني صوت شي طاح لفيت بسرعه وانا اشوفه تقمز على السرير وهي تضحك بجنون وهي مبسوطه على ملمس السرير جلست اراقب حركاته كانت بزر بزززر حسيته تقوم وتتجهه لي وهي تناظر لملابسي وبهدؤ عكس المجنونه الي مشوين : تبي ابدل لك ؟
هزيت راسي بايه
توجهت للدرج الكبير وعلامات الصدمه بوجهه وهي تشوف كل شي اسود ساده ناظرته وهي تناظر لي بخوف ونزلت عيوني وانا اتنهد بضيق


@@@@@@@@@@@@@@


عند نمر

كان واقف عند باب عمه ويناظر للباب وصل له خبر انه رجعت للسعوديه وصار كل يوم من يخلص شغله يوقف عند الباب لين يحس بالنوم يرجع ينام ساعات يشوفه تطلع وساعات لا تنهد بضيق على حاله مثل المجنون يوقف يوميا وكل يوم بسياره غير علشان عمه مايشك قاطع تاملي لبيتهم صوت جؤالي رديت بهدؤ
: الو
عز بعصبيه : ويننكك
عقدت حواجبي باستغراب : شتبي ؟
عز بجنون : انا بذبح ابوك بيفضحنا خذا معاو نجود وراحو بيجيبون البنت لي وحاجز قاعه ومضبط كل شي وماقال لي الا تو زواججي اللليلهه ولا انا ولا ليان ندري فيه حتى عممي ماتوقع يدري *وبصراخ* ابوك مرررررييييضضضض مابسامححه طول عمممري
نمر بصدمه وهو يحرك السياره بسرعه قبل يجيي ابوه ويشوفه : انت متاكد
عز وهو مايشوف الارض من العصبيه : هالموضوع ينمزحح فيه * وبجنون* بسافر ماراح احضر زواجي بنزل راسه عند الرجال علشان مايلعب بحياتي
نمر بصدمه : عزز اذكر ربكك والله مايرحمك يجيبك من تحت الارض وبعدين لاتفكر فيه كثر ماتفكر بعمي المسكين والبنت الي ماله ذنب شيقولون العالم ؟ ولد عمه بزواجه سافر وخلاه ! اول ماتدخل عليه خذه بليلته وروح اي مكان بس الحين لا اصحئ ي عز لاتسويها وتنزل راس اخوك قبل ابوك
عز بقهر : حياتتتي دمره دمممره
نمر : اذكر ربك وعين من الله خير يمكن خيره وانا الحين اجيك واتكلم معاك بهالموضوع .



________



عند ليان
من جاني هالخبر وانا بصاعقه كل شي قدامي كسرته قزاز حديد خشب وامي وخواتي يمسكني ويبكون وانا اشوف ابوي واقف لاحول له ولا قوه حسيت ان الدنيا سكرت بوجهي عممي اكرهه كره الموت وزواجي يتحدد وينعزمون العالم وانعزم معهم حتى فستان الزواج ماشريته والي زاد طعوني طعون ابوي الي منكسر من داخل وعيونه مليانه دموع يلف وجهه عني ويمسحهن بطرف شماغه والشيب تارس راسه حسيت ان روحي طلعت الا انت ي يبه مابي اشوف دمعه من دموعك تنزل
مسحت دموعي بعنف وانا اتوعد فيهم واقوم لابوي واضمه حيل وانا ماسكه نفسي لابكي واحاول اوضح له انه عادي : يبه ي الغالي وشبك متكدر ترا عادي واذا الليله زواجي انا بتزوج اليوم ولا بكرا ماعليك يالغالي اصلا كنت مستعدله لهالزواج من زمان وبعدين ترا من كنت صغيره وهو زوجي وش تغير !
رفع راسه ووجهه موجعه الزمان والتجاعيد والحيه البيضاء وعيونه الحمراء من البكي والعجز : ي بنتي سامحيني
حاولت اجرع غصتي وانا ابتسم وباستهبال وصوت مرتجف : يبه شدعوا كل هذا ترا كل يوم وانا عندكم بعدين انت قلته بلسانك عز مو مثل عمي رجال والنعم فيه وانا راضيه بنصيبي

جلست اواسيه وانا ابي احد يواسيني وماتركته الا وانا احس انه ارتاح رحت لغرفتي وانا اجر وجولي جر واول مادخلت وسكرت الباب طحت على رجولي وجلست ابكي بقهر شفتو لما تكونون مقهورين ومتألمين وتحسون كرامتكم انداست هذا احساسي صرت ابكي بنحيب وانا احس روحي بتطلع من الالم اوجعوني والله انا العروس انعزم مع المعازيم ! وابوي ينذل ويدخل يبكي من القهر ! وامي وخواتي الي صار بالنسبه لهم عزاء مو زواج اخخ ي عايلة ال متعب والله ماخلي غصصصتي تروح كذا والله ماخلي دمعة ابوي تروح بدون لاتتحاسبون عليه الله لايسامحكم لا دنيا ولا اخرهه



------


انتهاء البارت .
توقعاتكم ،

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 03-08-2014, 03:06 PM
صورة marofa الرمزية
marofa marofa غير متصل
©؛°¨غرامي مشارك¨°؛©
 
الافتراضي رد: وان ماخذيتك بالحلال اول عيالي سميك


روايه جدا جدا جدا جمييله ماشاءلله عليك أبدعت وبارت أجمل

بالنسبه لتوقعاتي :

ساليا وفيصل : أتوقع ساليا حتحاول تعرف الأسباب اللي خلت فيصل كذا وحتقدر تطلعو من عزلتو بعد معاناه

عز: انقهرت عليه مافي أب يسوي كذا فولدو أتوقع إن يحضر الزواج لاكن يهرب بعد الزواج ويسافر

ليان: واضح إنها بتنكد على عز من ليله الزواج , معاها حق مسكينه

سيف: على إيش ناوي .؟ الله أعلم بس شكلو ناوي على شي م يبشر بالخير .. الله يعين راشد لأن واضح ان سيف الحقد متغلغل في قلبو

الزين وثامر : إش قصه الزين ! م فهمت اذا كانت قصدها كذبت بكل اللي قالتو ! .. بس تشوقت أعرف اش قصتها الحقيقيه

وبس..

بارت جدا جميل يعطيك العافيه م قصرت .. إعتبرني من متابعين الروايه

في إنتضار البارت القادم.


تعديل marofa; بتاريخ 03-08-2014 الساعة 03:15 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 04-08-2014, 12:53 AM
صورة عشت معك الى حين الرمزية
عشت معك الى حين عشت معك الى حين غير متصل
©؛°¨غرامي فعال ¨°؛©
 
الافتراضي رد: وان ماخذيتك بالحلال اول عيالي سميك


لا ليه خلص البارت
الله يسعدك لا تطول تكفى

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 04-08-2014, 01:46 AM
ثامر آل عبدالعزيز ثامر آل عبدالعزيز غير متصل
©؛°¨غرامي جديد¨°؛©
 
الافتراضي رد: وان ماخذيتك بالحلال اول عيالي سميك


البارت 9 .




عند ثامر
ناضرت له ثواني وهي تبكي بضعف ماتصدقون لو قلت لكم ان كل شي قالته لي مو داخل راسي وادري انه تاليف لانه متناقض بالبدايه كنت مصدق بسس بعدين اختفو المشبوهين من قصته وحسيت فيه شي وجلست اسحبها بالكلام اننا اصحاب واجيه بالعاطفه مو بالعقل لان البنات اكثر شي يجيبهم قلوبهم مو عقولهم ويوم قالت كذا ابتسمت لشكوكي : تدرين اني عارف بكل شي وساكت بمزاجي
ناضرت فيني بصدمه : نعم !!!
قربت له وبجرائه سحبت يده وفتحت الدرج وانا ماسك يده وحطيت فيها ساطوره وهي تحاول تفلت يده من يدي مسكت يده بكل قوتي ورفعته فوق وضربته على المكتب وهي منهاره وخايفه ناضرته بغرابه : شفتي شاقصد ؟



_____




عند سيف
شفت راشد خايف وبقوه مني حاولت امسك اعصابي لاذبحه والطخ يدي بدمه وتنهدت بهدؤ وقلت له : ابيك تزوجني بنتك الكبيره
ناظر لي بصدمه وهو موسع عيونه كانه يقول وش جرائتك تطلب هالطلب رفعت راسي له وطلعت له المسجل وشغلته وهو فيه كل كلامه وكل مقابلاته وكيف ساعد شركات ال .. باعمالهم ووو ...
ناضرني وهو يهز راسه بنفي : انت شلون سويت كذا من انت ! وش تبي مني ؟
رديت له بكل بساطه وغرور : ابي بنتك بس خلك طيب وزوجني رندا *وبخبث* ومهره الشريط
شفته هو ماسك راسه والعرق يصب من جبينه بصدمه وخوف كملت وانا مابي اخلي له مجال يرفض ورقتتي الحين رندا : شوف ي ابو رندا انا راح احافظ عليه واحميه وانا شاريه وحابه ومافيه الا هالطريقه اني اقولك لانك بترفض بحكم اني اشتغل عندك وربي ماعطاني خير
رفع عيونه وهو يناظر لي بضياع : سيف روح واعطني فتره افكر
رديت بتسرع وابتسامه وانا اشر بيديني : يومين بس .
قمت وطلعت من مكتبه وانا واثق انه بيوافق التجار انا اعرفهم اكثر من نفسي من كنت صغير وانا اسمع عنهم وادور بملفاتهم وكل شي وبماضيهم وماتوقع فيه شخص بيضحي باسمه وفلوسه وعايلته ومنصبه علشان بنت وحده طلعت ورحت للبيت وانا احس يومهم قرب شايل من بالي فكرت حياتي مع رندا وايش بيخبي لي الزمن
دخلت لبيتنا وانا اتنهد بضيق وانا اتذكر ريم عمري ماحبيت احد كثره من بعده حسيت اني نجس بحياتي ماكنت استغلالي كذا او كنت اهدد احد والوي ذراعه باشياء من وراو دايم اخذ حقي بيدي ولايهمن اطول شارب بينهم بس هالحين المسأله انقلبت فوق تحت صارت طالعه من ارادتي
ابتسمت باسئ وانا اشوف رساله بجؤالي ان ريم تزوجت من ولد عمه اخخ ي وجع قلبي شلون بيضمه شلون بيشم عطره وشلون تخونن وهي حالفه بالموت انه ماحد يقرب له غيري *ضحكة باستهزاء* وش عندك ي سيف علشان توفي له زين انه لقت له واحد يشتري له الدنيا وينسيها سيف والي جابوه الله يسعده ويمحي حبي من قلبه



___________.



عند الزين .
ناظرت له وانا قلبي بيوقف عمري ماشفت احد مثله ذا مو دكتور جنني انصدمت من حركته وجرائته حسيت الدم وقف بعروقي يوم ضرب الطاوله بعنف يدي ماقدرت احركها من الوجع رفعت عيوني له وشفته يطالع لي ببرود والابتسامه بوجهه وقال كلامه الي صدمن
ثامر : طاوله واوجعت يدك شلون رقبت رجال ؟
ناظرته برعب وانا اسحب يدي والصق بالباب وانا خايفه من هالانسان الي قدامي ولا واحد من الدكاتره سوو نفسه شفته يقرب لي وانا اناظر لعيونه الي تحس بضياع منهن قرب لي وجلس على رجوله وجاب الساطوره وحطه بين يديني
ثامر بجديه وهو يناظر له : انتي صح قتلتيه ؟ الحين اقتليني واثبتي كلامك وانا مصرح لك بدمي
ناظرته وناظرت الساطوره الي بيدي وانا ارجف وطحت على رجولي بانهيار وانا ابكي جلس يناظر لي دقيقه وبعدين قال بجديه : انتي تخافين من الناس وماتخافين من ربك ؟
رديت بانهيار : انت شتببي من مسلطك علي -وبعصبيه- انت دعوة امي علي
رد بضحكه وهو يبتسم : لا داعيه لك ي جدار راسك لو اصبخه بهالجدار انكسر الجدار وهو مالان بعد
رفعت راسي وانا اشوفه يضحك ولا همه تنهدت بضيق وانا احسده ليتني مثله ليتني قويه مثله ليتني افكر باليوم وانسئ بكرا فجاءه شفته يتربع ويناظر لي
ثامر بتمعن : شوفي ي الزين باقي على قصاصك يومين بس صار لي خمس ايام وانا اجيي هنا من اقوم لين انام اهلي مو سأل عنهم تارك كل شي وجايي وانا عارف اني مابستفيد شي كله لمصلحتك واذا اقنعتيني انك انتي الي ذابحته بقنعك ان الانسان يقدر يطير
ناظرته وانا اشوف ثقته بي اول مره احد يحسسن انه يعرفن وواثق فيني حتى امي الي طالعه من بطنه صدقة كل شي
قاطعني وهو يستهبل : على فكره ي الزين تراك بارعه بالكذب بس مو على ثامر لان وزنك تقريبا بالخمسين والميت على ماسمعت كان مليان ونفترض انك نحفتي بهالثلاث سنوات البنت ماعنده القوه انه تسحب رجال او مراهق باقل من يومين وبتعب جبار -وهو يغمز- وماتوقع عادي عندك تغسلين رجال وتشوفين جسمه وانتي طفله
هناء انا تمنيت الموت وكان احد اعطاني كف وحسيت مافيه مجال للكذب مع هالجني ادخله يمين يروح يسار ادخله يسار يروح يمين عجزت له احس اني ماراح افلت منه ناظرت له وبتشجع : انا ماقتلته يالله الحين وش بتستفيد ؟
ناظر لي ببرود وهو يرفع حاجبه : ادري بس انا ابي بالتفصصيل المملل ابي اتفهه الاسباب تقولينه لي
ناظرت له بضياع وانا احس لاول مره بالامان شفتو لما تفقدون الامان بحياتكم وكل حياتكم خوف بين ام ضعيفه واخو عاجز وعم متسلط وقاسي تحسون انفسكم ضايعين كنت اتمنئ يكون عندي سند احس وانا معه بالقوه وانا ماني خايفه من شي احسه مايهاب الا من الموت كل هذا شفته بثامر والله احس نفسي قويه وانا معه نظراته تقولي الدنيا بخير قوته وحكمته تخليك غصب تستسلم احسه بحياته مانزرع الخوف بقلبه ولا له مكان بداخله ههه وشلون يخاف وامه وابوه عنده وهو كل مايبي شي قالو له لبيه هالايام البسيطه الي جلسته مع ثامر عرفة انه عايش حياته بسعاده بحب ابوه الي واضح عليه من اتصالاته المستمره بخوف امه الي دايم تتصل وتنبهه وتوصيه ثقته بنفسه انبنيت باهله لقئ عندهم الامان
قاطع سرحاني صوته وهو يستهبل : شوفي انتي ي خاقه ي خاقه *وبضحكه* لاتناظرين لي كذا
نزلت عيوني بتوتر وانا توني احس بنفسي اني جالسه اناظر فيه صدق اني ماستاهل احد يعطيني وجهه فجاءه شفته يرفع راسه لي ويناظر وهو معقد حواجبه وبجديه خوفتني : الزين حرام تموتين وانتي بريئه والله حرام *وبجنون وقف قلبي* انا مابخليك تموتين وانتي مو القاتله
ناظرته وانا قلبي يرجف اول مره احس بهالاحساس شعور ان فيه احد يخاف يفقدك ويسوي اي شي علشانك مره جميل حتى لو كان خوفه شفقه
رديت وانا احاول اتماسك اعصابي وابعد كل المشاعر الي جتني بهدؤ : ثامر انا بموت مافيه مفر لاتتعب حالك
قام وهو يدور بالغرفه وبتهور : بااجل القضيه وابي اعيد التحقيق وابي اطلع القتله واطلع برائتك قدام الكل
ناظرته وانا خايفه : لا خلك بعيد كل شي انتهاء مابي شي انا ولا ابي اعيش
ثامر : بس الحياه جميله وحلو انك تولدين ثاني مره والله حلو حرام تسكتين عن حقك لاتصيرين ضعيفه وجبانه انا اكرهه الضعفاء
الزين ببرود : انا ضعيفه ومابي اعيش
ثامر وهو يناظر لي بسخريه : وعادي عندك حياتك يعيشه احد غيرك وعادي عندك تموتين وهو ينبسط وعادي عندك دموع امك وضعف اخوك لما يكبر ويعايرونه اخويانه بك ؟ *وبصراخ* عادي عندك اخوك ينزل راسه طول عمره ان اختته وصخت يده عادي عندك يطق بيبان العالم يبي يتزوج حاله حال اي شاب ويرفضونه ان اختك *وبهمس* قاتله !
جلست ابكي بانهيار وضعف وكل شي جاني بوقته كلام ثامر خناجر لاتكلم يصيبني بالوتر الحساس والله انه دعوة امي علي
رديت بهمس : اقولك وتساعدني ؟
ثامر بثقه : بذبح نفسي بيوم قصاصك اذا قصوك وانتي مظلومه
كلامه هذا مستحيل انساو طول عمري هالجمله الي قاله لي بتبقئ بقلبي محفوره لحد مايدفنوني والله انه قويه قويه حيل لدرجة قلبي ماخلاها تروح كذا
رديت له بهمس وانا منزله عيوني وبضعف : ثامر ابي اعيش .






___


.






استأذنك !
بال المنتظر ماهو طويل و عتابنا عابر سبيل ، ووصالنا ارض وسماء ، وخصر السوالف ما يميل ، لا تنتظر مني حكي !
قد قلت لك : اني ثقيل ~




اليوم زواج عز وليان

كانت جالسه بفستانه الابيض الناعم وتسريحته الناعمه ومكياجه الناعم الي بارز اثنوته وهي صامده دموعه مانزلت واهله يبكونه وهي ماتبكي نفسه


ليــآن .


كنت جالسه وانا احس ببرود واشوف امي وخواتي يبكون وانا دمعه وحده مانزلت حتى الكلام عجزت لاتكلم كل شي وقف عندي شفت ام عز وبنات خالاته جو وسلمو علي برسميه وطلعن بس بقت امه وهي تقولي عز بيدخل الحين ناظرته ببرود ونزلت راسي وانا اناظر لاظافري بعدم مبالات كان نفسي ارتبك استحي ابكي حالي حال اي عروسه بلليلة زواجها بس للاسف ليله كاي لليله دخل وانا احس ريحة عطره ماليه المكان وريحة الدخان الي لاصقف فيه وشفته جلس جنبي بدون حتئ لايسلم رفعت عيني بجرائه لوجهه بشوف زوج الطفوله .....



البارت هذا حق بكرا لان بكرا مابنزل شي بكون بيزي مره .

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 04-08-2014, 09:56 PM
صورة عشت معك الى حين الرمزية
عشت معك الى حين عشت معك الى حين غير متصل
©؛°¨غرامي فعال ¨°؛©
 
الافتراضي رد: وان ماخذيتك بالحلال اول عيالي سميك


بارت رائع
بالانتظار البارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 05-08-2014, 12:47 PM
صورة nozx.0 الرمزية
nozx.0 nozx.0 غير متصل
©؛°¨غرامي جديد¨°؛©
 
الافتراضي رد: وان ماخذيتك بالحلال اول عيالي سميك


بباررتت جمممييلل وانتظظرر التكملهه عللى نناارر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 06-08-2014, 10:15 AM
صورة جوودي & الرمزية
جوودي & جوودي & غير متصل
©؛°¨غرامي فعال ¨°؛©
 
الافتراضي رد: وان ماخذيتك بالحلال اول عيالي سميك


البارت جدا جدا رااائع

ماشاء الله عقلية ثاامر عجييبة مافكرت ابدا كيف ان الزين صغيرة وتغسل جثة او انها تمسك ساطور

ساليا وفيصل يهبللون فيصل مرررة رحمتة يوم يقول مااعرف وين جناحي

ابدا ماااتوقت ان سيف يطلب الطلب ذا

بانتظار جديدك

تحيااتي جوودي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 06-08-2014, 10:25 AM
صورة غروور انثى 3> الرمزية
غروور انثى 3> غروور انثى 3> غير متصل
©؛°¨غرامي متألق ¨°؛©
 
الافتراضي رد: وان ماخذيتك بالحلال اول عيالي سميك


الرواييه جمييله
ننتظر جديدك
تقبل مروري/ذكريات مجروحه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 06-08-2014, 11:25 AM
صورة ملكة بكلمتي& الرمزية
ملكة بكلمتي& ملكة بكلمتي& غير متصل
©؛°¨غرامي مشارك¨°؛©
 
الافتراضي رد: وان ماخذيتك بالحلال اول عيالي سميك


رواية روعههههه
واستمر
وشسمه متى البارت ؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 07-08-2014, 12:27 PM
Deema1 Deema1 غير متصل
©؛°¨غرامي جديد¨°؛©
 
الافتراضي رد: وان ماخذيتك بالحلال اول عيالي سميك


سلااااام رواياتك جمييييللله ي اابن الناااس
وووهذي فيها غمووووض عجزت افهمها بس مع ذالك حلووه،،،ننتظر البارت الجااي

الرد باقتباس
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1