غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 22-07-2014, 06:06 AM
nseem7 nseem7 غير متصل
©؛°¨غرامي جديد¨°؛©
 
الافتراضي الوحده تقتلني


بسم الله الرحمن الرحيم
السلام عليكم ورحمة الله وبركاته
بدون مقدمات انا وحده الحمدلله عايشه بنعمه بس الوحده اتتعبتني
صحيح اني عادي اسولف واستهبل واضحك بس كانت لي علاقه سابقه بصديقه كانت كل شي بحياتي صرت احبب الحياه بسببها راحت ومابقى لي بعدها احد كل ما سويت صداقات القا نفسي اول شي قريبه بعدين ابعد والسبب اني ابي احس بالاحساس اللي احسه مع صديقتي السابقه واللحين احس اني وحيده وماني قادره اضحك واسولف حاولت اتأقلم مع الوضع بس ماقدرت صرت احس اني اتنصع لين صرت ما احتك مع احد لين بعدو عني الناس انا احس اني قادره اني اكون انسانه عظيمه بس اني ماقدرت لسبب مجهوول تعبت احس اني وحيده انا محتاجه اهتمام احد يحبني بس مالقيت واحس اني فيني فراغ عاطفي يعني مثلا احس اني ادور اي احد عشان احبه عطوني حل الله يسعدكم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 22-07-2014, 06:49 AM
صورة توليب2014 الرمزية
توليب2014 توليب2014 غير متصل
©؛°¨غرامي مشارك¨°؛©
 
الافتراضي رد: الوحده تقتلني


عليكم السلام ورحمة الله وبركاته
حبيبة قلبي اولا لازم تنسي الي فات ولا تشغلي تفكيرك في ناس ماهتمت أصلا لمشاعرك، حياتك ماحتوقف عند دا الحد ولا تخليها توقف كوني صداقات جديدة ، انسي الموضوع لا تفكري في كثير خلي في الماضي حاسة بأحساسك لأني مريت بنفس الموقف بس ربنا عوضني بصحبات عن الدنيا ومافيها، والعزلة ماهي الحل اتقربي من الناس وعيشي حياتك عادي المسئلة يبغالها بس شوية وقت وحاتتعودي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 22-07-2014, 07:52 AM
nseem7 nseem7 غير متصل
©؛°¨غرامي جديد¨°؛©
 
الافتراضي رد: الوحده تقتلني


مشكوره اختي توليب على النصيحه وان شاءالله احاول اطبقها ❤

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 22-07-2014, 10:51 AM
صورة ابو سـعد الرمزية
ابو سـعد ابو سـعد غير متصل
©؛°¨غرامي متألق ¨°؛©
 
الافتراضي رد: الوحده تقتلني



nseem7
انا وحده الحمدلله عايشه بنعمه
هذا يكفي محتاجه شكر ها النعمه وربك بيسهل امورك
بس الوحده اتتعبتني :
ما انتي وحيده عندك زميلات واقارب ومعارف راح تلقين مع الوقت اللي تناسب شخصيتك وترتاحين لها لاتستعجلين الصداقه ابد اتركيها لما تيجي من نفسها لانها توافقات مشاعر وعواطف واحاسيس انتي ترتاحين لها وهي ترتاح لك وعيشي طبيعيه ترا اكثر الناس عايش كذا بدون صديق او صديقه لانه ما لقى اللي يتوافق معه .
احس اني وحيده انا محتاجه اهتمام احد يحبني بس مالقيت
لاتسعجلين يجيك واحد او وحده مثل الاوله ويروحون مثل ما راحت الحين الحمد لله ما فيه احد يكرهك اذا انتي محبوبه من الجميع وهذ يكفي مع الوقت تلقين اللي يحبك وتحبينه يكون فيه مشاعر صادقه متوافقه حتى لو اكبر او اصغر منك شوي مو مهم .
واحس اني فيني فراغ عاطفي يعني مثلا احس اني ادور اي احد عشان احبه :
الفراغ العاطفي يااختي هو انك تبين احد يحبك يهتم فيك يقدرك مو انتي اللي تحبينه مشاعر تبي من يرويها وهذا يحتاج منك تروي وحذر علشان ما تطيحين في احد يلعب بمشاعرك وقت ويتركك .توك على الحياة لاحقه خير بس لاتستعجلين والله يوفقك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 22-07-2014, 09:43 PM
صورة روليت. الرمزية
روليت. روليت. غير متصل
©؛°¨غرامي مجتهد¨°؛©
 
الافتراضي رد: الوحده تقتلني


مشكلتك قريبه حيل من مشكلتي .. الاختلاف شيء بسيط

انا كانوا لي 4 صديقات وتركوني كذا ؛ بصراحه مره صدمه تخيلي يمكن 8 سنوات مع بعض!

وربي من قبل لا أدخل المدرسه الى ان صار عمري 15 سنه واحنا مع بعض

يعني يمكن 10 سنوات ؛ كنت ب البدايه متإثره حيل وما أكل ولا أشرب والصدمه واضحه من تصرفاتي

وحتى اذا قابلتهم بالمدرسه هم يضحكون ومبسوطين وانا اطالعهم بإلم !

والحمدلله تقبلت الوضع وصرت أطنشهم واذا شفتهم ابتسم وابين اني عاديه مره .

وترا فيه بدال الصديقه ألف ؛ انتي تركتك وحده بس انظري بمشاكل غيرك وتهون مشكلتك

كيف انا اللي تركوني 4 بنات . وكانوا بالنسبه لي كل شيء بحياتي

خواتي .. صحباتي .. أهلي .. وناستي .. دنيتي .. أقوولك كل شيء

شوفي اذا كنتي تدرسين ف هذي اسهل طريقه بإنك تتعرفين ع صحبآت جُدد

بني آدم ينعرف من عيونه وتصرفاته .. قبل لاتمشي مع اي احد اسألي عنها بس بطريقه غير مباشره

وراقبي تصرفاتها بدون لاهي تدري ، عشان مو لاتعرفتي عليها تقول ذي معجبه ومن كلام بنات المدارس

واذا شفتي انها طيبه وصالحه وحبوبه ومحترمه وتستحق تكون صديقتك .

خلاص تعرفي عليهآ ومع الايام انتي وياها بتتعرفون على بنت وبنت وبنت الين ماتكٌونون شله حلوه

وحافظي على هالشله نصيحه .. كوني لهم صديقه وأخت وأم .. أنصحيهم واذا تهاوشوا صالحي بينهم

مو تفزعين مع وحده وتتركين الثانيه .. لانها بتتعذب نفس ما انا تعذبت

كلهم وقفوا بصف وحده بدال مايصالحون بيننا ؛ وأكتشفت ان هـالعشره سنين

كانت صداقه مؤقته بس!!! تخيلي 10 سنين مو سنه ولا سنتين ولا ثلاث

من يوم ماطلعت ع الدنيا وهم صحبااتي...من طفولتي

بس وعزة الله وجلاله مثل ماهم نسوني لا أنسى امً جابتهم

هم اللي خسروني لان الكل يعرفني بإني وفيٌه وأحب الصدآقه وأقدرهآ ؛ وهم مصلحجيات

والله يكون بعونك ...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 22-07-2014, 11:59 PM
nseem7 nseem7 غير متصل
©؛°¨غرامي جديد¨°؛©
 
الافتراضي رد: الوحده تقتلني


تسلمين اختي دلوعة ماما ان شاءالله اني بقدر اتغلب على الوحده وعلى فقدان صديقتي مشكوره حفزتيني .

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 23-07-2014, 01:44 AM
صورة روليت. الرمزية
روليت. روليت. غير متصل
©؛°¨غرامي مجتهد¨°؛©
 
الافتراضي رد: الوحده تقتلني


اقتباس:
المشاركة الأساسية كتبها nseem7 مشاهدة المشاركة
تسلمين اختي دلوعة ماما ان شاءالله اني بقدر اتغلب على الوحده وعلى فقدان صديقتي مشكوره حفزتيني .
ربي يسلمك واحنا هنا خوات ومابيننا شكر
والناس بالناس وانا اختك ؛ عارفه انتي قويه وراح تتغلبين على الوحده
بس اياااااك ايااااااااك ان تختارين وحده سيئه لانها بتسحبك لطريق الهلاك
وراح تنساك بعدين وتعذبك وراها ؛ مثل الساحره تخليك تحبينها غصب عنك
واذا طفشت وملت منك راح ترميك وتطنشك صدقيني ؛ ووقتها بتذوقين نفس الكاس المر
اللي ذقتيه بفراق صديقتك الاولى ,؛ خليك حذره ترا الصداقه مو شيء سهل

خذي هذا شعار بحياتك .. هذا شعاري اللي دايم يكون ببالي وينجيني

اياك أن تكن كالدخان .. إن طفشوا منك دعسوا عليك
بل كن كالمخدرات .. إن لم يحصلوا عليك ماتوا



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 23-07-2014, 05:39 AM
صورة دلعي وبس الرمزية
دلعي وبس دلعي وبس غير متصل
©؛°¨غرامي متألق ¨°؛©
 
الافتراضي رد: الوحده تقتلني


اهلين طبيعي تشعري بفراغ عاطفي لانك لسه صغيره وتفكيرك وعواطفك كله محصور بصداقات وشلة بنات وكذا
بكرى مستقبلا راح تنسي كل هالاشياء وراح تكون مراحل جديده كثير بحياتك وانشغالات ونا اعرف الصداقه
حلوووه وموسهل عليك فراق صديقتك بس تمني لها السعاده وين ماكانت ونت تعرفي على صديقات جدد ولاتخلين
تفكيرك بس محصور على الصداقه وان من غيرها تتعبين وتكتئبن لا حبي نفسك حبي ذاتك اشغلي تفكيرك باشياء مفيده
اقري كتب ثقافيه اشغلي وقت فراغك اقري اشياء تسليك وتفيدك اطلعي مع اهلك حاولي تطلعين نفسك من
هالشي يا اصدقاء يا اكتئاب لا هذا غلط كوني ذاتك اول وصداقه تروح وتجي محد دايم لااحد هذي الدنيا ناس تروح وناس تجي
لاتوقفين حياتك عشان احد
وربي يوفقك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 23-07-2014, 07:16 AM
صورة جميله الرياض الرمزية
جميله الرياض جميله الرياض غير متصل
©؛°¨غرامي متألق ¨°؛©
 
الافتراضي رد: الوحده تقتلني


دايم ادعي قولي الهم املء قلبي بحبك وحب نبيك عليه الصلاه والسلام ودايم سبحي هللي استغفري تسنني ادخلي النت اشغلي نفسك بنفسك لا يصير والله يرزقك الصحبه الصالحه يارب ودايم قولي يارب لا تحوجني لغيرك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 23-07-2014, 01:44 PM
صورة بعد نظر(! الرمزية
بعد نظر(! بعد نظر(! غير متصل
©؛°¨غرامي ماسي ¨°؛©
 
الافتراضي رد: الوحده تقتلني


السلام عليكم ..

اقتباس:
انا وحده الحمدلله عايشه بنعمه بس الوحده اتتعبتني
الله يديم عليك النعمة والوحدة متعبة لأي انسان ما يستغلها بشكل ايجابي

اقتباس:
صحيح اني عادي اسولف واستهبل واضحك
بس كانت لي علاقه سابقه بصديقه كانت كل شي بحياتي صرت
احبب الحياه بسببها راحت ومابقى لي بعدها احد
احيانا نعتقد أن هذا الصديق/ه هو كل شي بحياتنا وهذا المعتقد خطأ
لو كان صحيح كان تعطلت جميع مصالحنا ومشاعرنا حال ابتعاده
لا ندرس ولا نضحك ولا نطلع ووووو .... الخ

من الأفضل أن ننظر للامور بواقعية وعقلانية وليست عاطفية حتى لا نستشعر
مع الوقت ان ما نشعر به حقيقة ونتعب نفسياتنا ونحملها فوق طاقتها
صحيح فراق الصديق/ه له تأثير ولكن لا يجب ان يعطل حياتي او اعتقد انه هو حياتي
لو أيقنت ان اللقاء والفراق من سنن الحياة لما المت نفسي وحملتها ما لا يحتمل .

حتى لو راحت يفترض يكون لدي بدائل اشغل نفسي فيها ما استسلم للتفكير في انسان/ه
اجبرته الظروف ايا كانت عايش حياته اللي اتمنى له التوفيق فيها والسعادة .

اقتباس:
كل ما سويت صداقات القا نفسي اول شي قريبه بعدين
ابعد والسبب اني ابي احس بالاحساس اللي احسه مع صديقتي السابقه
على كذا ماراح تلاقي صديقة ثانية طول ما انتي تبحثين عن صديقتك في انسانة اخرى
لسبب بسيط وهو أن الأشخاص يختلفون في قدراتهم وأنماط شخصياتهم ومشاعرهم واحاسيسهم
وتفكيرهم يصعب عليك ان تجدي نسخة مكربنه من صديقتك بشخصية انسانة اخرى .

اقتباس:
واللحين احس اني وحيده وماني قادره اضحك واسولف حاولت
اتأقلم مع الوضع بس ماقدرت صرت احس اني اتنصع لين صرت ما احتك مع احد لين بعدو
عني الناس انا احس اني قادره اني اكون انسانه عظيمه بس اني ماقدرت لسبب مجهوول
بالأول فكري كيف تتخلصي من المعتقد اللي انتي معيشة روحك فيه ان صديقتك الأولى
هي كل حياتك وصلي ودعي ربك ان الله يسخر لك صديقة تتمتع بالخلق والتربية الصالحة

واذا سالك عبادى عنى فانى قريب اجيب دعوة الداعى اذا دعان فليستجيبوا لى وليؤمنوا بى لعلهم يرشدون

كوني على ثقة انك متى ما قررتي التغير من نفسك وتوكلتي واحسنتي الظن بالله تعالى
راح تلاقي حياتك تغيرت بس استعين بالصلاة والدعاء واعملي لك جدول يومي صغير
تمشي عليه يشغل وقتك عن الفراغ اللي مخليك تستسلمي للتفكير السلبي مع انك قادرة
على انك تكوني انسانة عظيمة وهذا شيء رائع جدا عززي تلك الثقة وستنالين بإذن الله
ما تتمنين .

اقتباس:
انا محتاجه اهتمام احد يحبني بس مالقيت واحس اني فيني فراغ
عاطفي يعني مثلا احس اني ادور اي احد عشان احبه
ماراح يحبك احد اكثر من نفسك جربتي تحبي نفسك وتدلعينها حاولتي تشوفي نفسك
في المرآة وتكلمينها بكلمات تعزز فيك الثقة الحب والأهتمام ما يطلب عشان ندور عليه
هذه احدى النعم التي ينعم بها الخالق علينا فنتظري نصيبك من هذه النعم بكرى ان شاء الله
تتزوجين وتعيش الحب اللي ينسيك تعب السنين .

وبعدين اهتمام وحب الوالدة لا يضاهيه حب انغمسي بحضنها لحظات كل ما شعرتي بالتعب
افضل من التفكير بالبحث عن مشاعر ممكن تكون سبب في تدميرك لا قدر الله ؟

انتي رائعه ولكن تحتاجين تستغلين وقتك بصورة افضل مما انتي عليه الأن

بالتوفيق ان شاء الله وكل عام وانت بخير ..

الرد باقتباس
إضافة رد

الوحده تقتلني

الوسوم
الوحده تقتلني
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
تكاد الحيره تقتلني أوهام خائفه خواطر - نثر - عذب الكلام 2 01-11-2013 01:16 AM
لا تحسب إني لا أبتسمت بوجهك أغليك بعض الوجيه أهينها بإبتسامة / بقلمي × || NahoOosh 1994 || × أرشيف الروايات المغلقة - لعدم إكتمالها 2367 26-09-2012 06:11 PM
يالإتٍي' عَلٍمْهُم مِنْ تَكُونْ ؟ | تقديم : الإتحاد vs الوحده من دوري زيــن الجولــه 22 | {تقارير واهداف المباراهـ بعد اللقاء بأذن الله} اتحاديه لحد الجنون كووره عربية 22 11-04-2011 08:42 PM
ساعدوني ترى والله الوحده صعبه ايسانه سجل الأعضاء - للتواصل بين الأعضاء 25 26-06-2010 09:05 PM
الوحده قمـــــــــــــــــــــر خواطر - نثر - عذب الكلام 17 10-05-2008 01:44 PM

الساعة الآن +3: 09:30 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1