منتديات غرام روايات غرام أرشيف الروايات المغلقة - لعدم إكتمالها روايتي الاولى : شفتك وعرفت كيف يولد فينا الحب فجأه
Mema_ ©؛°¨غرامي جديد¨°؛©

البارت الخامس
.
.
وصلوا الكويت وكان الوقت متأخر ناموا
قاموا ع اذان العصر راحوا لمطعم وتغدوا
واتفقوا يروحون لابراج الكويت بعدها اكوا بارك المدينه المائيه
دخلو وقعدوا يتمشون وريماز تمشي وراهم وهي طفشانه
لانه من طبعها م تحب تروح السوق الا اذا كانت حاطه ببالها
حاجه تبغيها : انا تعبت لمتى بقعد اطاردكم بروح لابوي احسن
كلمت ابو خالد وقالها انه بالكافي : بنات ترا بصعد بالكافي عند ابوي
انتبهت انه ولا وحده منهم معطيتها وجه اللي تقيس واللي تدور واللي
تسأل واللي واللي ...
.................................................. .........................................
ريماز طلعت من المحل صعدت الاصنصير وطلعت ومشت تدور الكافي
(ياربي وينه فيه المفروض يكون هنا )
وقفت بمكانها مثل البزر اللي مضيع امه كانت شوي وتبكي من الخوف
سمعت صوت واحد يكلمها : لو سمحتي
التفت للي يكلمها تبي ترد عليه لكن يوم شافته اكلت تبن وسكتت
كان اللي يكلمها طووويل واسسمر ومعضل يعني لو يعطيها كف رجعها للسعوديه
ريماز : ه هلا نعم !
الرجال : بغيت اسئلج عن مكان دورة المياه ؟
ريماز ء: م م مادري
الرجال : مشكوره اختي , وراح يدور احد ثاني يسأله
ريماز ورجولها ترجف واقفه بنص المول م تدري تروح يمين ولا يسار
حست بخوف لانها م تدل وبمول اول مره تجيه وهي حتى جوالها مو معها
شافت واحد مو غريب عليها وجهه بس مو متأكده هو ولا لا
راحت وهي تمشي بسرعه تبي تلحق عليه قبل م يختفي بهالزحمه
شافته يمشي واسرعت بالمشي : سلطان وقف هيي
وهو م يسمعها وصلت له ومدت يدها ومسكت يده من ورا
وهي دموعها بعينها وقبلها يرجف من الخوف
ريماز : سلطان اصبر
.................................................. .........................................
سلطان كان واقف عند الكشك
(كان تيشيرته ابيض مخطط بكحلي ولابس برمودا كحلي مع جزمه
حمراء الله يكرمكم وكان مسوي شعره سبايكي لانه قزع )
اخذ طلبه ومشى متجه للاصنصير عشان يروح للكافي
انتبه ان فيه وحده تنادي بأسمه بس م اهتم قال يمكن م تقصدني حتى
البنات تحت م امداهم يخلصون فرفره وكمل مشي
فجأه حس بيد ع يده التفت شاف ريماز انصدم شجابها هنا لحالها
وحس بالخوف لما شاف دموعها بعينها : ريماز حبيبتي فيك شي صاير لك شي
ريماز قعدت تبكي : مافيني شي بس كنت بروح لابوي وضيعت
سلطان تنهد حس كأنه جبل وانزاح عن صدره : طيب انتي هدي انا اوصلك له
خلاص مسحي دموعك , شاف مافيه امل معها مسكها وقعد يمشي لدورة المياه
وقف وقالها : روحي غسلي وجهك وعدلي نفسك عشان م يشك عمي
وتعالي لي انا انتظرك هنا
ريماز دخلت دورة المياه وغسلت وجهها وطلعت
ركبو الاصنصير وطلعو لما قربو للكافي قالها تدخل بعدين هو بيجي
عشان م يعرفون انها كانت معه وتبدأ اسألتهم
كان يناظرها وهي تمشي ويحمد ربه اللي خلاه يصعد للدور اللي كانت فيه
ولا وش كانت تسوي لو ما كان موجود
.................................................. .........................................
ابو خالد وابو سالم قاعدين ع طاولة وجتهم ريماز
:السلام عليكم
الرجال : وعليكم السلام
ابو خالد : يابنتي ليش جايه لحالك كان جايبه معك وحده من البنات ؟
ريماز: قلت لهم ولا وحده فيهم رضت تجي
ابو خالد : كان قعدتي معهم لين يخلصون
ريماز : يبه يعني م تعرفني ! م تحب اتسوق الا اذا كنت ابي شي
ابو خالد : طيب طيب روحي اطلبي لك شي اذا تبغين
ريماز : ان شاءالله
ياسر كان متجه للطاوله ومعه محمد وسلطان : اوه خالي وش هالزين
تبي تتزوج الثانيه هاه ويغمز له
ابو سالم : ياسروه وتبن استح على وجهك
ريماز كانت تضحك وانتبهت لنظرات سلطان حست ان هالنظرات مو مثل
اللي قبل نظرات غير لها معنى بس ماكانت تدري وش هالمعنى .
محمد : اقول يبه متى بنمشي لاكوا بارك ترا بنتأخر ؟
ابو خالد : اي والله صادق يالله كل واحد يكلم اهله يقولهم يطلعون
.................................................. .........................................
طلعوا وراحوا اكوا بارك ولعبو
( بالفندق )
ريماز : ياربي بنات احس بصداع مره يخف ومره يزود
سمر : انتي لو تقللين من البنادول اللي تاكلينه كان انتي بخير
لوران : اي والله ترا كثرته يضر
ريماز تصرف : ان شاءالله ان شاءالله طفوا النور ابي انام
طفوا النور ونامت
لوران : سمير متى بنرجع ؟
سمر : بعد ثلاث ايام
لوران : يوه حسافه والله الكويت تجنن بس حر
سمر : اي والله م ينمل منها ماشاءالله
لوران : صادقه , نامي نامي بكرا ورانا طلعه من الفجر .
.................................................. .........................................
الفجر قبل الصلاة اتجهوا للبحر لانه بهالوقت براد
الحريم كانوا مجهزين فطوراتهم معهم
افطروا وبعضهم قام يتمشى واللي يسبح واللي يتقهوا
كانوا البنات يتمشون ، ريماز : بنات شرايكم نتسابق ؟
لوران : قدامممم اللي توصل لذاك المطعم وترجع لاهلنا اول هي الفائزه
سمر : لا بنات بعيد المطعم
لوران : ي الخوافه شوفيه قريب بعدين فيه اخواننا هناك
ريماز : يالله بنات تعدلو واللي تفوز نعزمها ع حسابنا
١..٢.....٣
انطلقوا واهلهم سوو نفسهم م يعرفونهم من الفشيله
وصلوا للمطعم ورجعن لوران وسمر الا ريماز انفكت ربطت جزماتها الله يكرمكم
وقعدت تربطها عشان م تطيح وهي تركض
وهي تربط جزماتها جاها واحد ووقف قدامها قامت وهي تنفض التراب
من عباتها كانت ترفع نظرها شوي شوي كانت متردده تناظر هالشخص اللي وقف قدامها
ضحك وقالها : ممكن ترجعين للبنات ؟ ناويه تسوين مثل امس !
ريماز خقت ع الضحكه ونست نفسها قعدت تتأمله
سلطان قعد يتأملها ( بكل يوم احاول انساك احبك اكثر من اللي قبله ! وجهك البريئ
ضحكتك نظراتك حتى ابتسامتك ونبرت صوتك , افكاري صارت كلها عنك
خيالاتي احلامي وتفكيري وكل شي فيني كله صار عنك ولك وفيك , لما اصحى
لما انام بضحكتي بحزني بسكوتي ايوه سيطرتي علي انا بدونك ولا شي)
انتبه انها مشت من عنده ضحك ع نفسه وكمل مشي لمكان الحريم
.................................................. .........................................
لوران فازت بالسباق وقعدن يرتاحن شوي
حسوا ان ريماز تأخرت وراحوا لها وهم يمشون انتبهت سمر انها مع سلطان
سمر : لورانوه شوفيها هناك مع سليطين
لوران بحماس : وين وين
سمر تضحك : هناك شوفي قبل المطعم بشوي
لوران : الحيوانه وحنا نحسبها ضايعه طلعت مستانسه مع حبيب القلب
سمر : امشي امشي نرجع للحريم واذا جت نعرف السالفه
رجعن وهن متحمسات يبن يعرفن وش عندهم واقفين مع بعضر
بعد كم دقيقه جتهم وقعدت عندهم
سمر : هلا هلا بحبيبة اخوي
لوران : هيه وش عندكم مع بعض وش قالك وش قلتي له ؟
ريماز طارت عيونها ( وش دراهم اني واقفه معه بسم الله ) : هي وش هالخرابيط
من قالكم كنت معه اصلا كنت اعدل جزمتي
لوران : اي اي اكذبي على غيرنا حبيبتي
سمر : ريمازوه بتقولين لنا ولا اروح اسئله شوفيه جاي ترا عادي
ريماز خافت تسويها الخبله : قلت لكم م فيه شي ياخي بس كان يسألني
عن خالتي وينها فيه , خلاص اسكتن لا يسمعنا .
جاهم سلطان : السلام عليكم شلونكم ؟
الحريم : وعليكم السلام , شلونك انت عساك بخير
سلطان : نحمده ونشكره , يمه اذا م عليك امر عطيني نظارتي بشنطتك
لوران تضرب سمر : هيه شوفي ريمازوه وتقول م فيه شي بعد
سمر : وييه الا فيه اشياء بس م راح اخليها الا لما اعرف هالاشياء
لوران : خلاص خلاص لا تنتبه لنا .
مر الوقت وافطروا ورجعوا نامو بالفندق
.................................................. .........................................


روعة غلا ©؛°¨غرامي نشيط¨°؛©

باااااااااااااااااااااااااارت رااااااااااااااااائع
انشري رابط روايتك على الاعضاااااااااااء عشان تلقى تفاعل
كملللللللللللللي

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1