غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 25-07-2014, 03:05 AM
قيثارة خرساء قيثارة خرساء غير متصل
©؛°¨غرامي جديد¨°؛©
 
الافتراضي وجع فقط !/بقلمي


خالد : رباب خلاص قفلي على الموضوع
رباب : خالد وش اللي قفلي نلعب احنا ؟ رجعت تكلم هند ؟ و مسجل اسمها بجوالك !
و تدق عليك أمس الساعة أربعة الفجر
و تقول لي قفلي على الموضوع ! خالد انا مالي قعدة معك لين تختار بيني و بينها !
خالد بنرفزة : رباب إعقلي ماني فاضي لبثارتك
رباب بعصبية و دموعها بدت تنزل : الحين هاذي بثارة ؟ و أنا اللي اغار عليك من أي وحدة ؟
ترا انا من حقي أسألك يوم أشوفك رجعت تكلمها , من حقي أسالك يوم أشوفك متغير عليّ ! خالد هذا مو بوضع اللي احنا عايشينه ,
إنت وعدتني إنك بتنساها و بتبعد عنها , و لا تنسى انت قايل لي أنك مطلقها ! .. خــ...
خالد بضيق : رباب خلاص
رباب : لا مو خلاص , أنا ماقدر استحمل هالعيشة يا خالد , إنت تحبها و لا تنكر هالشي , و اللي يثبت حبك لها إنك مطلقني مرتين عشان
سواد عيونها ! و ما استبعد إنك تطلقني للمرة الثالثة .. خالد أنا تعبت , أنا مابي وحدة تشاركني فيك "بضيق" أنا أبيك لي لحالي ,
مارضى بوجود طرف ثاني معاي .. بذمتك إنت ترضى إني أكلم ناصر من وراك !
خالد بصراخ : رباب لا عاد تجيبين سيرة ناصر لا اقص لسانك , "يضغط على يده" أنا مابي الوضع يتأزم أكثر " و قام بيخرج "
رباب : لا منت خارج , إنت مجبور تختار .. يا أنا ياهي .. و صدقني الطلاق أرحم بكثير من إن وحدة تشاركني فيك ..
أرحم من إني شوفك كل يوم معي و عقلك معاها , أحسن من هذيانك فيها , أحسن من كل اللي نحن نعيشه ! , خالد .. يا أنا يا هند
خالد بتردد : آآآ .. رباب إنتــ... "بصراخ" إنت مجنونة ؟ وش هالكلام ؟ إنتي زوجتي و هي ... "سكت"
رباب بوجع : إي ليش سكت ؟ شفت ؟ "بدموع " شفت إنك ما طلقتها ؟ و إنها عايشة فيك و كل يوم حبها يزيد بقلبك ؟ خالد خلاص طلقني ..
طلقني يا خالد , لا إنت تحبني و لا انا ياللي بترمي حالها عليك , خالد لين هنا و خلاص , إحنا ما نصلح حق بعض ..
إنت تحب هند و ما تكن لي أي مشاعر , و نا مابي أكون سبب لوجعك أو وجعها , هند كانت صديقتي , و ما انسى العشرة اللي بيننا ,
ومارضى لها الوجع ولارضاه لك , و إنتوا وجعكم ببدعكم عن بعض .. إرجع لها و طلقني الحين يا خالد
خالد ضيق : رباب صدقيني أنـــ..
رباب بوجع تحاول تخفيه : الحين يا خالد .. صار لنا ثلاث سنوات ويا بعض و ما اتفقنا للحين , طلقني و خلينا نرتاح

خالد سكت لدقايق طويلة عقله يفكر بأشياء كثير , يطلقها و يرجع لروحه و زوجته هند , بس هو ما يبي يوجع رباب , هو فعلاً غلط يوم تزوج رباب لكنه يكن لها مشاعر , بس مشاعر حبه لهند أقوى بكثير ,, عقله مو قادر يجمّع , كل فكره راح لهند و لفرحتها بإنه بيصير لها لحالها , بطريقة غبية فكر إنه رباب بتنساه و بترجع لناصر

: إنتِ طالق

رباب نزلت عليها هالكلمة زي السيف , تقطّع قلبها و هي تشوف حبها يضيع منها , لكن هي عندها كبرياء و مشت بكل صمود و شموخ للغرفة عشان تلم أغراضها

بقول لكم قصة رباب و خالد..
رباب كانت تحب ولد خالتها ناصر , لكنّ صارت مشاكل قبل وفاة أبوها و أمها و لهذا السبب أبوها ما وافق على زواجها من ناصر ,
و بأوج هذه المشاكل "أبو خالد" أقنع خالد إنه يتقدم ليطلب يد رباب , و إنها تناسبه و تناسب تفكيره و طباعه , خالد وافق و تقدم لها
و هي إنجبرت إنها توافق بضغط من أبوها , مرت أول سنة على زواجهم و هي ما تقبلته , بس مع الأيام حبّته و نست ناصر .. هند ..
كانت صديقة رباب من ايام الثانوي تخرجوا مع بعض و دخلوا نفس الجامعة , كانت هند تروح كثير لبيت رباب و تجلس معاها بالساعات ..
و بالصدفة خالد شافها و أعجب فيها , مع الأيام تمرد و لحقها .. و هي بعد حبته و من بعدها بدأوا يتواصلوا مع بعض ..
و تقدم لها بعد شهرين من علاقتهم و أهلها وافقوا و خالد إشترط إن الفرح يكون عائلي بس ! , و بكذا خالد عقله و قلبه كله مع هند ,
و نسى أيامه مع رباب و نسى الحب و العشرة !

__________________________________________________ _________________________
بعد شهر ..~

أبوخالد بعصبية يصرخ على خالد اللي جا زفّ له خبر الطلاق : إنت مجنون ! , أنا زوجتك هي عشان تطلقها , صدق انك ما تستحي ..
حسبي الله عليك من ولد هالحين يالثور يوم انك تطلقها ما دريت انها ماعاد تحل لك ! و مالها رجعة لك ؟ سوّدت وجهي سوّد الله وجهك , هالحين وش أقول لعمّ البنت ! ,
أٌقول له طلقها عشان يحب صديقتها ؟
خالد بضيق : يبا تكفى لا تسوي فيني كذا , إنت تدري أنا شكثر أحب رباب بس هي أصرت و ...
أبو خالد بصراخ : مو من فعايلك يَ الخسيس ! , البنت ما طلبت الطلاق لله في الله ,
سوّدت عيشتها سود الله وجهك , تخونها مع صديقتها! و متزوجها بعد ؟ حسبي ربي عليك , إطلع برا .. روح للي بديتها على كلامي و أوامري ,
روح للي طلقت بنت الناس علشانها , إنت لا ولدي و لا نا اعرفك , متبري منك ليوم الدين ياخالد ليوم الدين !
خالد و صوته بدأ يروح : يبه تكفى لا تسويها
أبو خالد بنبرة مُرعبة : إطلع بــــــررررررررررررررررررا !

خرج خالد و الضيق يعتلي ملامحه , أبوه تبرئ منه عشان رباب ! , و من تكون رباب ؟ مجرد بنت لشريكه القديم بشغله ,
" يارب فرّجها علي " تنهد بضيق و هو يحس ان كل شي واقف ضده ,توجه للمكان الوحيد اللي يرتاح فيه .. شقته القديمة ,
بعد ربع ساعة بالطريق وصل .. توجه لمكانه المفضل "البلكونة"
وقف يفكر بكل شي , فكّر برباب كثير وفكر بهند أكثر , هند إستحوذت على قلبه و عقله ,
و رباب أخذت روحه بطيبة قلبها و ضحكتها .. بس اللي متأكد منه إنه يحب هند , و إن هند هي اللي بتكمل معاه .

"مُلاحظة : خالد إنتقل مع رباب لإنجلترا بعد زواجهم بثلاثة شهور , و بعد ما طلقها رجع للرياض عشان يقول لأبوه ,
هند عايشة بالرياض و تزوجها قبل سفرهم "


رباب إنتقلت للعيش مع أخواتها في إنجلترا "عفاف و أسرار"
__________________________________________________ ___
عفاف : رباب أنا و اسرار بنروح بارتي حنان تعرفينها صح ؟
رباب بملل : إي أعرفها
عفاف : طيّب قومي روحي معنا
رباب : لا مابغى ما فحيلي
-يا الله يا رباب , شاللي حطيتي فيه نفسك , ضحيتي بزوجك عشان سعادته ؟ و
ما فكرتي بنفسك أو بسعادتك , هاذي إنتي يا رباب طول عمرك تقدمين للناس تضحيات على حساب نفسك !


"""""""""""""""""""""""""""""""""""""""""""""""""" """"""""

رباب : 26 سنة , أمها و أبوها توفوا بحادث .. عايشة هي و أخواتها في إنجلترا .
عفاف : 20 سنة , تخصص هندسة معمارية
أسرار : 20 سنة , حاسب آلي

.................................................. .........

خالد : 30 سنة
هند : 26 سنة

إنتهى إلى هُنا ..

-يوجد ركاكة في بعض التعابير , أتقبل النقد الصّريح .. أوّل معزوفة أرويها !



تعديل قيثارة خرساء; بتاريخ 25-07-2014 الساعة 03:14 AM.
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 25-07-2014, 03:29 AM
صورة وردة الزيزفون الرمزية
وردة الزيزفون وردة الزيزفون متصل الآن
مشـ© القصص والروايات©ـرفة
 
الافتراضي رد: وجع فقط !


صباح الخير .. ياهلا فيك بغرام .. موفقة بطرحك .. بدايتك جيدة لكن ينقصها السرد والوصف لانك معتمدة على الحوار وهالشي غير كافي

حددي احداث روايتك بأي منطقة وقبل كل مشهد حددي المكان والتوقيت اوصفي مكان الحدث ووضعية الشخصيات وتعمقي في وصف المشاعر
مثل موقف رباب ماوصلتي لنا مدى حزنها وصدمتها في زوجها وصديقتها لانك ماوصفتي تعابير الوجه وردات الفعل لكل شخصية

عجبني موقف رباب انها تمسكت بكبريائها وماكانت ضعيفة ولاسمحت لخالد انه يتجاهلها اكثر وطلاقها افضل من استمرارها مع واحد خاين بس اتمنى انها تتزوج وتشوف حياتها وتنسى خالد الخاين لانه مايستحق انها تعطيه ولاذرة من مشاعرها ومثل مافضل وحدة خاينة مثل هند الي واضح تعمدها تخلي خالد يشوفها والا مافي بنت محترمة لاهي ولا اهلها يزوجو واحد بدون علم اهله ومتزوج وهالزوجة صديقة بنتهم لكن مثل ماغدر خالد برباب عادي تجي وحدة ببساطة تغري خالد ويتزوج على بنتهم الدنيا دواره واحلى شي سووها ابو خالد انو طرد ولده ومااعترف بهند الخبيثة ولا قبلها وبنشوف اذا رضت تعيش بمستوى اقل من المستوى الي كانت متوقعته وهذا افضل درس لخويلد

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 15-08-2014, 01:44 AM
صورة وردة الزيزفون الرمزية
وردة الزيزفون وردة الزيزفون متصل الآن
مشـ© القصص والروايات©ـرفة
 
الافتراضي رد: وجع فقط !/بقلمي


/ إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

وجع فقط !/بقلمي

أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية تعالو احكي روايتي وهبالي مع صديقاتي /بقلمي تورطنا بحبك روايات - طويلة 7 19-06-2014 12:47 AM
رواية روحين بروح /بقلمي اتنفسه عشق أرشيف الروايات المغلقة - لعدم إكتمالها 1 03-10-2012 12:24 AM
روايتي الأولى رومانسيه حزينه جريئه /بقلمي LOZZA ارشيف غرام 5 20-04-2010 10:17 PM
صقر العروبة.../بقلمي الخاص بلا حدود خواطر - نثر - عذب الكلام 4 27-06-2006 11:22 PM
مريض بلا حدود.../بقلمي الخاص بلا حدود خواطر - نثر - عذب الكلام 9 03-03-2006 08:26 PM

الساعة الآن +3: 12:18 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1