غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 07-08-2014, 04:57 PM
elreem_2020 elreem_2020 غير متصل
©؛°¨غرامي جديد¨°؛©
 
Uploadfef5c031fd حب ما بعده حب


السلام عليكم..
حبيت اني انزل روايه من تأليفي واتمنى تعجبكم وبنزل الحين اول بارت ...

البارت الأول..

ريم:بنت حساسه بس ماتبين لأحد تحب تنكت وتضحك وتحب لمة الاهل واذا حد قالها كلام يحز ف خاطرها بس ماتبين لهم ،عمرها 16 سنه وهي اكبر خواتها واخوانها.
__________
ف المدرسه ::
كان عليهم عربي وصاكينها سوالف..

فاطمه: ريموه انتي من بدايه السنه مايبتي كتابج كيف بتمتحنين ؟
ريم:في شي اسمه غش
فاطمه:الله يهديج
ابله العربي:انتي وياها اذا ماسكتو راح اطلعكم لبرا
ريم:مب ميتين ع الحصه
البنات :هههههههههه
ابله العربي:قومي اطلعي
ريم تستهبل:مابدي يلا انتي اطلعي لبرا لا اناديلك الشرطه وتردك لبلادك يلا ولاه
البنات :هههههههههههههه
ابله العربي ضرب الكيج عندها سارت اشتكت عليها عند الاخصائيه وزقرو اسمها من الميكرفون
سارت ريم وهي ترتب الكلام ف مخها ومسحت الي ف ويها ويوم وصلت دقت الباب ودخلت ريم:السلام عليكم
الاخصائيه:عليكم السلام،اقعدي
ريم قعدت
الاخصائيه:مشتكيه عليج الابله ع طولت لسانج!
ريم:اناا!!!!، ابله البنات يرمسون وترد علي انا وكم مره سكت بس اليوم ماسكت خلني بس اقول حق ربيعتي شو كاتبه عصبت علي وتقولي انتي قليلة الادب وانتي وانتي
الاخصائيه:تعالي خبريني ونحن بنتصرف وياها بس لاطولين لسانج وسيري اعتذريلها
ريم:انزين
سارت ريم وتقول ف خاطرها خسي اعتذرلها ها الي ناقص، دشت الصف وهي شاقه الحلج والابله تطالعها جان تضحك بصوت عالي ودخلت
ابله العربي:مامنج فايده وكملت الدرس....
خلصت الحصه ومر هاليوم ع خير ، وصلت ريم البيت سيده قعدت ع فونها تلعب فيه وتشوف عقبها سارت بدلت وتغدت وحطت راسها ونامت ، نشت ع الساعه سبع طبعا عليها امتحان باجر عربي وماسوت سالفه،سارت الصاله شافت امها
ريم:هاي مامي
ام ناصر:هايات
ريم:انزين
ام ناصر:خالج بيتزوج وحده قطريه والعرس بيكون ف قطر تبين ........
قطعت كلامها ريم:بسييير وياجج
ام ناصر:حشى خليني اكمل كلامي وحضرتج ريم والمدرسه؟
ريم:عادي عادي
ام ناصر:كيفج بتصل عليه خله يحجزلنا
سارت ام ناصر تتصل ع اخوها
ام ناصر:السلام عليكم
خالد:عليكم السلام اخباركم
ام ناصر:الحمدالله ، الا اقولك احجزلنا حقي انا وريموه الباجين مايبون يوم
خالد:ان شاءالله
ام ناصر:مع السلامه
صكرت الفون ريم نقزت عليها
ريم:منو بيي ويانا
ام ناصر:خالتج ام علي وبناتها الثنتين وخالج محمد
ريم بتأفف :انزين متى بنسير
ام ناصر: ورا باجر ان شاءالله
ريم:زين ويلست ع الفون تخبر ربعها
وام ناصر طلعت ويا ريلها ياخذولهم حق السفره وريم ماطاعت تسير تبا ترد ترقد
-ثاني يوم الصبح-
ريم راقده ولا حاسه بالدنيا يت الخدامه معصبه:رييم قومي يلا واحد سويتي تاخير
ريم:انزين افففف
نشت ريم تسبحت ولبست وسارت بدون ريوق وكانت متأخره كالعاده وزختها المشرفه
المشرفه:ماشاءالله عليج ليش متاخره
ريم:السياره اختربت ولين مابدلو وغيره من جي
المشرفه:مره سياره مره اخوي يلا طوفي
ريم:انزين لاه
سارت الصف كان عليهم انجليزي وكانت خامدتنها
الابله:ريييييييم
ريم خافت:بلاح تصارخين اسمعج والله شو ها افتك من البيت تين انتي .. ويلست تتحرطم
الابله:بس بس سكتي حطي راسج وكملي رقادج
طبعا ريم سييده نامت
دق جرس حسه الثانيه ولا حست
وعدا هالدوام ع خير
ردت البيت كالعاده مسكت فونها تشوف اخر الاخبار عقب دقايق يت امها
ام ناصر:ريم قومي جهزي ملابسج يلا
ريم:اوكيهه
سارت وحطتلها ملابس وايد واكسسوارات والعبي فوق ال5 عقب ساعه خلصت ويلست تتذكر اذا نست شي ولا لا
ويلست تفكر ف السفره
-يوم السفر-
نشو يتسبحون ويتلبسون وريم حطت ميكب وماخلت سواره مالبستها
ام ناصر تصرخ:رييمموهه تاخخرناا يلاا
ريم:انزييييين
سارو توجهو الى المطار وعقب ماخلصو قعدو ف الانتظار
ريم بصوت عالي:يوعاااننه ياناااس
ام علي:اششش فضختينا
نوره بنتها:تصدقين حتى انا يعت
نوف:انا بععد
ريم:قومو قومو ناخذ من ماك
سارو طلبو بيزات وخذو ويوم ردو قعدو ياكلون ياعو الباجين وسارو خذو
عقب نص ساعه سارو الطياره
-ف قطر-
خالة العروس: احمد وسالم
قومو المطار اهل المعرس بيوصلون
احمد وسليمان:ان شاءالله
توجهو الى المطار وعقب ساعه وصلو اهل الامارات
ريم قبل لاتنزل من الطياره شافت الطيار وتخبلت سارت دقت سوالف ويا من وين وكم عمرك وشو اسمك ومن متى تشتغل ومتزوج وغييره.....
الكابتن كان يجاوبها ومستانس عليها وطبعا ريم كانت اخر وحده ف الطياره يت بنت خالتها زقرتها وراحو
عقب الاجرائات انقسمو الى سيارتين
كانت ريم قاعده ف النص و على يسارها امها وعلى يمينها خالتها و وراها نوره ونوف وام عبدالرحمن ، كان احمد مسرع وفجاه الي جدامه ضرب بريك واحمد ضرب البريك بس ما وقفت السياره ولف ع اليسار .........


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 07-08-2014, 04:57 PM
elreem_2020 elreem_2020 غير متصل
©؛°¨غرامي جديد¨°؛©
 
الافتراضي رد: حب مآ بعده ححب❤️.


اتريا الردود عشان اكمل

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 03-01-2015, 08:41 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: حب ما بعده حب


اقتباس:
3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

.............


موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1