منتديات غرام روايات غرام أرشيف الروايات المغلقة - لعدم إكتمالها روايتنا الاولى: جابته الصدفه وصار أغلى ما عندي/بقلمنا
نبض الطموح ©؛°¨غرامي جديد¨°؛©

مرحبا ال غرام اليوم نضع بين يديكم روايتنا الاولى
جابته الصدفه وصار أغلى ما عندي
ونتمنى ان تنال على اعجابكم ورضاكم

مع خالص حبنا:
نبض الطموح
جرح الماضي

لا نحلل النقل الا بذكر أسماء المؤلفتين


نبض الطموح ©؛°¨غرامي جديد¨°؛©

الشخصيات

تعريف بعائلة دانه

الاب (تركي): لواء متقاعد، عمره 50 سنه، حنون على عياله وشوي عصبي.
الام (العنود): توفت وهي تولد دانه.
مشاري: عمره 30 سنه،يشتغل صحفي بجريدة ال.....،عصبي حيل، متزوج امل، وعندهم تركي عمره سنه.
ريم: عمرها 24،حنونه مرا على أخوانها وتحاول تعوضهم عن أمهم،متزوجه من خالد، عندها ميمي (منيره) 6 شهور وسعود 4 سنوات.
بندر :عمره 21سنه، يدرس إدارة أعمال، حنون وطيوب وهو أقرب واحد لدانه.
بطلتنا 'دانه': عمرها 18، في ثالث ثانوي علمي، حلمها وطموحها تدرس طب أسنان بلندن.

تعريف بعائلة العم

العم (فيصل): عمره 55، قاسي حيل.
زوجة العم(هدى): عمرها 48، عصبيه ونادر ما تكون حنونه.
زايد:25 سنه خلص جامعه تخصص انجليزي وجالس بالبيت عطالي بطالي.
سمر:17 سنه، دايم مع دانه ومتعلقه فيها حيل.
احمد:15 سنه، دافور ودايم وجهه بالكتاب.
تعريف بعائلة العمه

العمه(منال): عمرها 45، حنونه وتعد دانه بنتها.
زوج العمه (جاسم): عمره 49، قاسي شوي.
نواف:عمره 20، يدرس مع بندر ادراة اعمال ،يحب يسوي مقالب بنوف.
نوف:عمرها 19، تدرس رياضيات، جديه أكثر من اللازم ماعندها لعب أو لف ودوران.


noor alanzi ©؛°¨غرامي جديد¨°؛©

السلام عليكم..
ننتظر البارت الاول بأمل انها تكون جميله ان شاء الله
والله يوفقك فيها
بكون من متابعينك للنهايه بأذن الله
تقبلي مروري...


اذا ماعليك امر ممكن تشرفيني في روايتي): ؟ https://forums.graaam.com/579993.html#post25733167


نبض الطموح ©؛°¨غرامي جديد¨°؛©

المشاركة الأساسية كتبها noor alanzi اقتباس :
السلام عليكم..
ننتظر البارت الاول بأمل انها تكون جميله ان شاء الله
والله يوفقك فيها
بكون من متابعينك للنهايه بأذن الله
تقبلي مروري...


اذا ماعليك امر ممكن تشرفيني في روايتي): ؟ https://forums.graaam.com/579993.html#post25733167
حبيبتي مشكوره ويسعدني تكونين اول رد مشاركه بروايتنا اللي نأمل انها تنال على رضاك

نبض الطموح ©؛°¨غرامي جديد¨°؛©

البارت 1
دانه: هذي أحلى قهوه لاحلى آب بالدنيا.
تركي: تسلم يدك حبيبتي، إلا اقول دندونه متى بتطلع النتايج؟
دانه:بعد بكرا أن شاء الله. تركي: موفقه حبيبتي.
شوي ولا يدخلون ريم وخالد ومعهم ميمي ودودو ولا شوي ويجون مشاري وأمل ومعهم ولدهم وجلسوا يسولفون ولا الابو اقترح انهم يطلعون يتعشون وراحو لمطعم مرا فخم:
بندر:يبه هالمطعم مرا حلو
ريم: يبه انت وش عرفك بهالمطعم؟
الابو: زمان انا وامكم كنا نجي هنا دايم.
دانه وهي مخنوقه: عن اذنكم بروح دورة المياه.
بندر حس أنها مرا مضايقة لأنهم كلهم عاشوا مع أمهم إلا هي.
بدورة المياه:دانه تصيح وبقلبها تقول " انا السبب لو انا ما انولدت كان ماما عايشه، انا السبب بموتها ياليتني ما انولدت" مسحت دموعها ورجعت لهم.
بندر بشك: دانه ليش خشمك احمر!؟
دانه بارتباك: مافيني شيء بس حرانه.
بندر ما صدق الي قالته دانه بس مشاها لها.
تركي: دندونه بابا فيك شيء؟
دانه ابتسمت مجامله:لا بابا ما فيني شيء.
أمل بتضيع الموضوع لأنها حست أن دانه متوهقه: إلا اقول وش بتطلبون؟
ريم: اكيد سلطة تونه اول شيء.
بندر:أهم شيء بطاطس مقلي وبرقر.
مشاري:انت اذا تبي وجبات سريعة كان قعدت بالبيت ليش جيت!؟
بندر بشوية عصبيه :انت وش دخلك؟ مافي أحد طلب رأيك.
مشاري بفشله: انطم انا اللي يعجبني اقوله.
بندر:أمل انتي كيف متحمله هذا؟
أمل:هذا اللي مو عاجبك عسل على قلبي.
مشاري متنح:
خالد:خفوا علينا روميو و جولييت
ريم:تعلم منهم ياحظي
خالد:آفا يعني انا مو رومانسي!؟
ريم:لا انت حسب المزاج اذا اوكي مافي أحلى منك واذا مو اوكي يتعكر جوك وتصير بس تتأمر.
تركي:آفا من اللي يتأمر على ريومتي الحلوه؟
خالد بهمس ومزح:هالبنت من يقدر عليها طالعه على أبوها نكديه.
تركي:خالد قلت شيء!؟
خالد بضحكه:سلامتك عمي عن اذنكم شوي وبجي.
ريم: وين رايح خلود؟
خالد:ياربي بدينا شك!؟
ريم بغيره:أخاف رايح ترقم كم بنت
خالد ضحك:هههههه لا بروح أجيب شيء من السياره.
ريم:اوكي انتبه على نفسك.
خالد استحى:ان شاء الله ❤
طلبوا وجا الاكل وخالد لسا بالسيارة ريم خافت يكون صار له شيء:عن اذنكم بروح اشوف خالد تأخر.
وراحت جهة السياره ولمحت خالد داخلها فركبت جنبه.
خالد:ريم وش جابك؟
ريم منصدمه:خالد انت مو وعدتني تترك التدخين؟
خالد:انا وعدتك اقطعه شوي شوي.
ريم:بس انت قاعد تدخن بهالفتره كثير.
خالد بسخريه: انتي تعرفيني اذا تضايقت ادخن.
ريم باستغراب: بس انت وش اللي مزعلك؟
خالد:أبوك يخلي أحد مرتاح!؟ دايم يذكرني انه كان يبيك لزايد.
ريم:حبيبي معليش هذا ابوي تحمله عشاني.
خالد تنهد:وهذا اللي مصبرني.
ريم: طيب يالله خل نرجع طولنا.
خالد:يالله اوكي.
ولما رجعوا
تركي:ليش طولتوا!؟؟
ريم بارتباك: ها لا بس رحنا الصيدلة أخذنا بندول خالد مصدع.
بندر:سلامات خلود ما تشوف شر ❤.
خالد:الشر ما يجيك حبيبي
وعدى اليوم على خير ورجعوا ناموا بعد يوم.


نبض الطموح ©؛°¨غرامي جديد¨°؛©

البارت 2
اليوم الثاني

الساعه 12 الظهر سمر دقت على دانه

سمر: ها نمتي ولا لسا تفكرين

دانه: لا غفيت يوم جت 9 والحين قمت

سمر: شرايك نروح السوق اقلها تنسين شوي

دانه: أي والله ياليت بس لازم استئذن من بابا اول

سمر: اوكي بس يالله عشان خاطري اتغدا براا

دانه: اوكي 5 دقايق وارد لك خبر

عند تركي ودانه

تركي: اشوف الحلوه قايمه مبكر شكلك ما نمتي كويس صح؟

دانه: أي والله جالسه افكر أي صح بابا عادي اروح مع سمر للسوق نتغدا ونتسوق؟

تركي: اوكي بس لا تطولون

دانه: اوكي

دقت دانه على سمر

دانه: الو سمور

سمر: هاا وش قال لا تقولين رفض؟

دانه: خخخخخ لا وافق بس يقول لا تطولون

سمر: اخيرا اوكي

دانه: تمريني ولا امرك؟

سمر: لا مريني انتي احسن ما عندي احد يجيبني زايد نايم وبابا بالشغل

دانه:اوكي خلاص اجهزي نص ساعه واجيك

سمر: اوكي باي

وهي بالسياره

دانه: الوو سمور ووجع لي نص ساعه عند الباب يالله انزلي

سمر: اوكي من الي جايبك؟

دانه: السواق اللي جايبني يعني من غيره

سمر: اوكي دقيقه بس

ركبت سمر

دانه: بدري عمتي انتي عارفه ان بابا موصيني ارجع بدري

سمر: سوري
و راحو برج المملكة عشان يتسوقون و دخلو المول و اول ما دخلو كل العيون عليهم(هم مب متغطين)
دانه:سمر وش فيهم يناظرونا كذا
سمر:مدري عنهم كأنهم اول مرة يشوفون بنات
دانه:مدري عنهم
سمر:تبغين نتغدا اول و لا نتسوق
دانه:نتسوق بعدين نروح ناكل
سمر:صديقتي مدحت لي محل فاتح جديد وش رايك نروح له
دانه:اوكي يلا شورانا
سمر:بس المحل شوي بعيد
دانه:اوكي ما عندي مشكلة
و راحو للمحل
سمر:وش رايك بذا التي شيرت يجنن
دانه:شوفي لك لون ثاني
سمر:ليه مب حلو ذا اللون
دانه:لا هاللون ما يناسب لبشرتك
سمر:بس انا عاجبني ذا اللون
دانه:طيب ليه تساليني دام هو عاجبك
سمر:حبيت اخذ رايك
دانه:كيفك عاد اذا تبينه خلصينا اشتريه و خلينا نطلع
سمر:ليه مب عاجبك المحل
دانه:لا مافي شي عجبني بضاعتهم قديمة
سمر:طيب بروح احاسب
دانه:اوكي
و خذو لهم فرة بالسوق و شروا كل السوق و راحو تحت للمطاعم عشان يتغدون
سمر:وش تبين تاكلين
دانه:ابغى ماك
سمر:وانا ابغى هرفي
دانه:طيب بروح اطلب لي و بشوف لنا مكان نجلس فيه
سمر:طيب و علميني وين المكان
دانه:اوكي بينا الو
و تغدو و خلصو و راحو يكملون تسوق و بعد اللفة بالسوق


همس الخواطر.. ©؛°¨غرامي مشارك¨°؛©

بداية موفقه يا حبوبة

أنا بس عندي تعليقات بسيطه وأتمنى أنك تتقبليها وما تتضايقي منها

أول شيء على بدايتك للرواية دائما أغلب الروايات الخليجية تبدأ بوصف الأبطال وبالتعريف بهم
والأفضل أننا نعرفهم مع سياق الأحداث بدل ما تعرفينا فيهم

والشي الثاني الحوارات

يعني الحوارات لما قرأتها كأنك بتتكلمي عن حياة عادية مافيها اي شيء راحو السوق اشتروا شربوا كوفي
مافي اي شيء يشد للقراءة
بس في شيء واحد شدني الي هوا موضوع دانة والأم

وغير كذا الوصف ما وصفتي اي شيء في الرواية
يعني اوصفي مثلا البيت المكان الحدث كيف تعابير وجههم زي كذا

وهذي البداية يعني وان شاء الله البارتات الجاية أكيد حتكون أحلى وأحلى

أنا بانتظارك واعتبريني اول متابعينك اتمنى ما تتضايقي من تعليقي

روعة غلا ©؛°¨غرامي نشيط¨°؛©

نبغى باااااااااااااااااارت

روعة غلا ©؛°¨غرامي نشيط¨°؛©

باااااااااااااااااااااارت راااااائع
لا تعتمدي على الحوار وكثري السرد والوصف
ابعدي عن الالوان الفاتحه عشان عندي ضعف نظر
بلييييييييييييييز ننزلي بااااااااااارت

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1