غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 08-08-2014, 07:39 PM
صورة سفينة الغرام6 الرمزية
سفينة الغرام6 سفينة الغرام6 غير متصل
©؛°¨غرامي مشارك¨°؛©
 
11302798202 رواية سورية : خد بالك عليا


روايتي الاولى ...... وهي رواية سورية
روايتي حــملت كـــلماتها بعـض من الجـرأة....الرومانســية...الفرح..الحزن...الواقع
وحروفـــها تكلــمت بكـل شــفافية

ع فكرة انا قرأت كتير روايات من هادا المنتدى الرائع
بس ولا مرة قرأت رواية سورية لهيك حبيت نزل روايتي بالمنتدى
وبتمنى ان تنال اعجابكم ولا تحرموني من ردودكم واتقبل النقد البناء
ولا اسامح بنقل الرواية الى اي منتدى بدون ذكر اسمي


رح اترك كلماتي وحروفها تطير في صفحات الغـــــرااااااام

لاتحرمني هادا الحب ودفى القلب
عيش معي هالليلة وخلي الفراق بعيد
انا حبيتك من قلبي
قلبي لبقول انا من حقي اني حب
وعايش من شان حب
وعقلي بقلي لاء لا تحب
وقلبي بقلي لما حبيت
نسيت كل شي
نسيت الصح والغلط
نسيت المبادئ
وبقلي يامجنون
انت عم
تتعذب

ســـفينة الغـــرام

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 08-08-2014, 08:11 PM
اميرة الانسانية اميرة الانسانية غير متصل
©؛°¨غرامي جديد¨°؛©
 
الافتراضي رد: رواية سورية : خد بالك عليا


waw bjnenalqsede baltwfek

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 08-08-2014, 08:54 PM
صورة سفينة الغرام6 الرمزية
سفينة الغرام6 سفينة الغرام6 غير متصل
©؛°¨غرامي مشارك¨°؛©
 
الافتراضي رد: رواية سورية : خد بالك عليا


الــبارت الأول


في الجامعة بعد المحاضرة طلبوا عصير وقعدو بحديقة الجامعة
ريما: شو يابنات بعد الامتحانات مابدكن نطلع ونغير جو
ليلى: اي والله بدنا نطلع طلعة ننسى فيها كل فترة الامتحانات والدراسة والسهر
ريما: يلا فكرو بشي سفرة حلوي
فرح: اممم نسافر عاللاذقية شو رأيكن
ريما: فكرة حلوي نقعد بشاليه بابا كم يوم ومنرجع
ليلى وفرح :اوك اتفقنا
ليلى: سارة وينك ماعم تحكي معنا مين اخد عقلك
سارة كانت قاعدة وعم تشرب العصير بس ماعم تحكي وصافني بهالدنيا
<<بعدين منعرف وين كانت صافني>>
سارة :اي شو عم تحكو
ضحكو ريما وليلى وفرح
ريما: اكيد حدا اخد عقلك النا ساعة عم نفكر بسفرة حلوي
نغير جو وقررنا نروح عاللاذقية نقعد كم يوم بشاليه بابا شو رأيك
سارة : اوك فكرة حلوي

نتعرف على ابطالنا :
ريما <<عمرها 20 سنة حلوي كتير شقرا وطويلة جسمها رشيق
عيونها لون اخضر وتمها وانفها نعومين
يعني حلوي ونعومة ومن عيلة غنية>>
ليلى:<<عمرها 20 سنة طويلة وشعرا لون بني غامق جسمها رشيق
وعيونا لون بني فاتح ونعومة بس ريما احلا منها ومن عيلة غنية>>
فرح:<<عمرها 20 سنة طولا وسط وشعرا لون اسود رشيقة وعيونا لون بني غامق ومن عيلة غنية بس ريما وليلى اغنى >>
سارة:<<عمرها 20 سنة حلوي كتير ورشيقة وطويلة وشقرا شقارا فاتح لون عيونا ازرق وفيهن لمعة ونعومة كتير ومن عيلة فقيرة >>

نرجع لأبطالنا:
فرح: يلا بنات بدي روح جيب المحاضرة مين بيجي معي
ليلى: وانا كمان بدي اشتري كتاب وجاية معك انطريني
فرح وليلى اخدو كتبهن واغراضهن وراحو
ريما: سارة وين شاردي من الصبح ومو على بعضك حاسي انو مخبية شي علي
ريما رفيقة سارة كتير وبتساعدا بكتير شغلات وبحياتا ماتخلت عنها بأي شي دائما بتوقف جنبها لأن ظروفها المادية بتسمحلا تساعد رفيقتا بأي مساعدة
سارة تنهدت: اه ه مافي شي بس تعباني شوي
ريما: اكيد تعب ولا مخبية علي شي
سارة: لا حبيبتي مو مخبية شي بس يتعرفي امتحانات ودراسة وسهر لهيك تعبت هالفترة
ريما: انشالله مابضيع تعبنا بالدراسة
سارة: انشالله
اجو فرح وليلى ومعاهن امير وحسن
امير وحسن: هاي صبايا كيفكن
ريما وفرح: الحمدالله انتو كيفكن
امير: مشتاق للحبايب<<امير معجب بوحدة من ابطالنا>>
حسن: قومو صبايا نروح نقعد بالكافيه جوووعان
امير: يلا كلنا جوعانين وع حسابك العزيمة
حسن: ومين قلك اني عازم حدا قلتلكن قومو عالكافيه لأني جوعان ماقلت اني عازمكن
امير: ايوااا هلأ قلتا اني عازمكن يلا بنات بسرعة قبل مايغير رأيو هالبخيل
حسن: اخ منك مستحيل تضيع فرصة صغيرة من ايدك
صاروا يضحكو البنات ع حسن وامير اخدو اغراضن وراحو عالكافيه

لنعرفكن على امير وحسن:
امير:<< شب وسيم وانيق وكل بنات الجامعة بتحب تحكي معووبيتمنو نظرة من عيونو
مزوح ودائما وجهو بيضحك عمرو 24 سنة شعرو بني غامق وعيونو اخضر فاتح فيها لمعة فرح
عندو غمازات بتجنن عليه كل قترة بحب يغير بشكل دقنو ومن عيلة وسط بالمادة >>
حسن: << ابن عمو لامير عمرو 24 سنة كمان وسيم وانيق بس امير احلا منو شعرو اسود وعيونو لون بني
بيمزح وبحب السفر والطلعات ومن عيلة وسط بالمادة متل امير >>

طلبوا برغر وعصير وقعدو بطاولتن الي بيقعدو فيها كل يوم
ليلى: اي بنات شو ماقلتو ايمت بدكن نسافر حددو يوم لنجهز حالنا
حسن وامير: شو سفرة وماسفرة وين بدكن تروحو
فرح: عاللاذقية اتفقنا انا والبنات نقعد كم يوم بشاليه ريما
ليلى: شو رايكن تروحو معنا منتسلى اكتر
ريما: فكرة حلوي شو قلتو
حسن وامير: اي عادي منروح حلو البحر ومنغير جو
سارة: انا تأخرت عالبيت بشوفكن بعدين يلا باي
الصبايا والشباب: باي سارة
امير: سارة شوفيها كأنو هموم الدنيا فوق راسا
فرح: مابعرف من الصبح وهي هيك بس كأنو في شي ومخبيتو علينا
ريما: انشالله خير انا رح الحقا ووصلا عالبيت وشوف شوفيها يلا باي
فرح وليلى: يلا كمان نحن بدنا نروح عالبيت تأخرنا
ضلو امير وحسن اجو لعندن رفقاتن الشباب وصارو يضحكو ويمزحو وبعدين كل واحد راح ع بيتو
نرجع لريما وسارة....
ريما صارت تركض ورا سارة لتلحقا قبل ماتروح بالسرفيس وصلت لعندا وهي عم تلهت: سارة تعالي بوصلك بطريقي
سارة: يلا اوك
ركبو بالسيارة بالطريق...
ريما: سارة انتي مو تعباني منشان دراسة كلنا تعبنا بس ماصار فينا هيك شبك وكأنو حاملي هموم الدنيا فوق راسك احكيلي وفضفضي عن قلبك شوي بلكي بترتاحي
سارة نزلت دموعها غصب عنها: بعدين بقلك هلأ مو وقتا
ريما حست انو عم تبكي: شو سارة خوفتيني عليكي شوفيكي يمكن اقدر ساعدك وترتاحي ونحل المشكلة سوا
سارة: اخ ياريما ياريت لو تساعديني خلص بقلك بعدين
حبت تغير الموضوع مسحت دموعا : اي ماقلتيلي لهلأ مااعترفتي بحبك لحبيب القلب
ريما: اه ه ه لا لهلأ ماعم تصير فرصة وخايفة اعترف بهادا الشي وانزل من عينو ويفكرني وحدي مو منيحة
لهيك رح دوس ع قلبي واترك الموضوع لربي وشوف الايام شو كاتبتلي
سارة: ونعم بالله وكل شي اسمو نصيب
وصلت سارة ع بيتا وراحت ريما ع البيت
_ _ _ _ _ _ _ _ _ _ _ _ _ _ _ _

لا تحرموني ردودكم ياحلوين وبتمنى شوف التعليقات الحلوي الي بتستاهلا روايتي
وتوقعاتكم
سارة شوفيها ؟؟؟
وامير بمين معجب؟؟؟
وريما مين بتحب بس ماعم تعترف بحبا؟؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 08-08-2014, 09:07 PM
صورة سفينة الغرام6 الرمزية
سفينة الغرام6 سفينة الغرام6 غير متصل
©؛°¨غرامي مشارك¨°؛©
 
الافتراضي رد: رواية سورية : خد بالك عليا


اقتباس:
المشاركة الأساسية كتبها اميرة الانسانية مشاهدة المشاركة
waw bjnenalqsede baltwfek
شكرا الك حبيبة البي انتي الي بتجنني
نورتي صفحتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 08-08-2014, 10:18 PM
صورة روعة غلا الرمزية
روعة غلا روعة غلا غير متصل
©؛°¨غرامي نشيط¨°؛©
 
الافتراضي رد: رواية سورية : خد بالك عليا



واااااااااااااااااو روووووووايتك حلووووووه
عندي طلب ارجوك لاترديني
كبيري الخط 5 واختاري شكل الخط هذاArial
خلي تنزل الباااااااااااااااارت 3 ايام في الاسبوووووووووع عشان خاطري
مو مهم الردود اهم شي المشاهدين وعدد المشاهدين حلو
بلييييييييييز نزلي باااااااااااااارت
ارسلي رابط الرواية على الاعضاء عشان تلقى تفاااااااعل


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 08-08-2014, 10:25 PM
صورة سفينة الغرام6 الرمزية
سفينة الغرام6 سفينة الغرام6 غير متصل
©؛°¨غرامي مشارك¨°؛©
 
الافتراضي رد: رواية سورية : خد بالك عليا


اقتباس:
المشاركة الأساسية كتبها روعة غلا مشاهدة المشاركة

واااااااااااااااااو روووووووايتك حلووووووه
عندي طلب ارجوك لاترديني
كبيري الخط 5 واختاري شكل الخط هذاArial
خلي تنزل الباااااااااااااااارت 3 ايام في الاسبوووووووووع عشان خاطري
مو مهم الردود اهم شي المشاهدين وعدد المشاهدين حلو
بلييييييييييز نزلي باااااااااااااارت
ارسلي رابط الرواية على الاعضاء عشان تلقى تفاااااااعل
انتي الحلا حبيبتي
تكرم عيونك رح كبر الخط
كتبت البارت بسرعة وماانتبهت عالخط ولا ع شكلو
تكرمي بكرى بنزل بارت
نوررررتي ياقمر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 09-08-2014, 05:17 PM
صورة سفينة الغرام6 الرمزية
سفينة الغرام6 سفينة الغرام6 غير متصل
©؛°¨غرامي مشارك¨°؛©
 
الافتراضي رد: رواية سورية : خد بالك عليا


الــــــــبارت الــثــانـي

سارة: اخ ياريما ياريت لو تساعديني خلص بقلك بعدين
حبيت تغير الموضوع مسحت دموعا ... اي ماقلتيلي
لهلأ مااعترفتي بحبك لحبيب القلب
ريما:اه ه ه لهلأ ماعم تصير فرصة وخايفة اعترف بهادا الشي وانزل من عينو
ويفكرني وحدي مو منيحة
لهيك رح دوس ع قلبي واترك الموضوع لربي
وشوف الايام شو كاتبتلي
سارة: ونعم بالله وكل شي اسمو نصيب
وصلتا ع بيتا وراحت ريما عالبيت

_ _ _ _ _ _ _ _ _ _ _ _ _ _ _

فاتت سارة عالبيت سلمت ع اهلها
امها: يلا ماما غسلس وتعالي منشان نتغدا
اخو سارة احمد: ليش هالدلال كلو لسارة
وبعدين تاخرت عالبيت وين كنتي لهلأ ياانسة سارة
ام احمد: شو بدك بالبنت ماتأخرت ولا شي روحي ماما غسلي وتعالي
راحت سارة غسلت وحضرت الغدا مع امها وقعدو يتغدو

**عيلة سارة**
ابو احمد: << عمره 47 سنة عصبي وكلمتو مابتصير تنتين
والقرار الي بياخدو شو ماكان لازم يمشو عليه وهادا شي للاسف
الي مدمر حياة كتير ناس >>
ام احمد: << عمرها 39 سنة عكس ابو احمد طيوبة ومطيعة لجوزا
ومابترفضلو طلب رغم انو ابو احمد مابرد عليها بشي
بتحب عيلتا وملتزمة بدينا وعبادتا لرب العالمين >>
احمد: << الابن الكبير عمرو 25 سنة عصبي متل ابوه
وبغار كتير عاختو سارة متجوز وهلأ منتعرف ع زوجته >>
سارة : عرفناكن عليها
زوجة احمد: << عمرها 21 سنة وبالجمال مو كتير حلوي يعني لابقة لأحمد
بس حقودي كتير ودائما بتعلم احمد ع سارة
لانو بتغار من سارة وهادا شي طبيعي بما انو سارة ملكة بالجمال >>

تعالوا نروح لعند ريما ...
ريما: هاي دادي هاي مامي كيفكن ياعصافير
ابو ريما وامها ضحكو ع دلع ريما
ابو ريما: يسلملي الدلوع اهلين بابا
ام ريما: اهلين حبيبتي يلا بدلي ملابسك وتعالي تغدي
ريما البنت المدلله عند اهلا
ريما: يلا ماما بس بدل ملابسي وجايتكن

**عيلة ريما**
ابو سامر: << عمرو 41 سنة رجل طيوب وبحب مرتو وولادو
وعندو ريما بكل الدنيا وبحب شغلو عندو شركات بكل مكان بسورية
وبحب المساعدة ومو مقصر اتجاه اي حدا بخصو >>
ام سامر: << عمرها 35 سنة حلوي وبتهتم بصحتها وصحة جوزا وولادا
رشيقة وبتبين بعمر العشرين انيقة ومذوقة بس عندا شوية غرور >>
اخو ريما سامر: << عمرو 23 سنة شخصية حلوي ومرتب وانيق
بيشبه اختو ريما مسافر يدرس برا >>

طلعت ريما ع غرفتا عملت شور سريع
فتحت غرفة الملابس احتارت شو بدا تلبس اختارت فستان وردي
بيلبقلا هادا اللون كتير فستان حفر ولفوق الركبة بشوي
وحطت مكياج خفيف وتعطرت ونزلت عالغدا...

ريما: يسلم ماما هي الاكلة كتير بحبا
ابو سامر وامها: صحة وهنا
ام سامر: كيف قدمتي الامتحانات ماما
ريما: الحمدالله
ابو سامر: لا تشيلي هم بابا منشان نتائج الامتحانات
لأن رح تطلعي لعند اخوكي وتكفي دراسة برا
ريما اختنقت بالاكل: كح كح نعم بابا
ام سامر: خير ماما خدي مي حبيبتي سلامتك
ابو سامر: صحة بابا
ريما شربت مي: بابا ضروري اطلع لعند اخي وبعدين سامر مابقالو شي ليرجع
انا وين بدي ضل لحالي مابقدر ع فراقكن
ابو سامر: لا بابا ولا يهمك حتى لو رجع سامر عادي ضلي لوحدك هونيك
ريما: انشالله بابا ليجي الوقت المناسب منحكي ... خلصت غدا... الحمدالله
يلا انا طالعة احكي مع سامر اشتقتلو

**نروح ع بيت ليلى ونعرفكن على عيلتها**
ابو عدي: << عمرو 45 سنة طيوب وبحب شغلو كتير حياتو كلها شغل
وصديق ابو سامر بالشغل وبالحياة الاجتماعية >>
ام عدي:<< عمرا 40 سنة امرأة مثقفة وانيقة وبتحب الشغل وتساعد جوزها بشغلو
لهيك انعجب فيها ابو عدي وتجوزها >>
عدي اكبر من ليلى:<< عمرو 25 سنة شب وسيم وكل البنات بتتمناه
وحاليا عم يدرس برا مع سامر بنفس الجامعة >>

قاعدين بالحديقة
ابو عدي: اليوم حكا معي عدي ويمكن يجي بالاجازة هوي وسامر
ام عدي: ياقلبي ادي اشتقتلو انشالله الله يسرلو ويسهل امره
ليلى: ياااي يعني رح يجي ويجبلي الي وصيتو عليه من المانيا
ام عدي: كل هالاغراض الي عم يبعتلك ياها ومو عاجبك بدك كمان
ليلى: اي ماما اكيد بدي كمان وناقصني كتير شغلات ويلا انا طالعة
احكي معو لوصي ع شغلات تذكرتا هلا
بدكن قلو شي؟
ابو عدي وام عدي: سلامتك
ام عدي: اخ من هالبنت مدللا كتير ياابو عدي واخوها مدللا اكتر منك
ابو عدي: خليها تددلل بيلبقلا الدلال بعدين ماعنا غير هالبنت
والله يخليها النا هي واخوها
ام عدي: امين يارب .... بدي اسألك شو اخبار بيت ابو سامر الي زمان ماحكيت مع ام سامر
ابو عدي: الحمدالله ...شورأيك نعزمهن لما يجي عدي
ام عدي:انشالله

**نروح ع بيت فرح ونعرفكن على عيلتها**
ابو فرح:<< عمرو 47 سنة رجل عادي من الشغل للبيت ومن البيت للشغل >>
ام فرح:<<عمرها 40 سنة امرأة عادية وانيقة ومرتبة في بيتا وملتزمة بدينها وعبادتها >>
فرح البنت الوحيدة لاهلها

فرح: ماما اليوم اتفقنا انا ورفقاتي نروح بالاجازة عاللاذقية
نقعد كم يوم بشاليه ابو ريما
ام فرح: انشالله ماما بس خدي اذن ابوكي اذا بيسمحلك روحي وانبسطي
فرح: شكرا ماما انشالله وبابا اكيد بوافق

**بيت ابوسامر**
ريما قاعدي عالبرندة وعم تشرب نسكافيه
وتحكي مع اخوها سامر سكايب
ريما: سمورة اساتك بتحبا ل كارلا
سامر: ليش هالسؤال رمروم
ريما: ولا شي فضول
سامر: لتكوني شفتيلي شي عروس حلوي
ريما: لا اطمن بس فضول
سامر: اي ياريما بحبا وبحبا كتير كمان
ريما: طيب ولتخلص دراسة شو رح تعمل معاها
سامر: مابعرف محتار ومستحيل اترك حب حياتي
ريما: طيب ليش مابتتجوزو اذا هي بتحبك عنجد
سامر: جواز وانا عم فكر بهادا الشي بس خايف ماتقبل تجي معي لسورية
ريما: اذا بتحبك من كل قلبا اكيد بتقبل تجي معك
وانا متأكدة انو بتحبك
سامر: شو الي خلاكي تتاكدي
ريما: طبعا شب بكل هالجمال وموناقصو شي بتتركو وبتروح
لا حبيبي اكيد بتحبك وحتى لو مابتحبك انت اكيد بتحب جمالك
وضحكت هههههه
سامر: بعرف انا حلو ومافي بنت ومابتتمناني
ريما: ياوثق شو مغرور
سامر: شو غيراني مني
ريما: لا حبيبي انا بعرف نفسي ليش لحتى غار منك
بعدين قلي ايمت رح تجي
سامر: انشالله بالاجازة رح اجي انا و عدي
ريما: انشالله الله يسهلكن يلا بدي روح نام شوي بدك شي
سامر: سلامتك حبيبتي باي
ريما: باي
طفت اللابتوب ولبست بيجاما ونامت

نعرفكن على كارلا:<< عمرها 23 سنة حلوي عيونا لون ازرق بلون البحر بيضا وشقرا
طويلة ورشيقة من المانيا بنفس جامعة سامر وبتحبو كتير >>

** بيت ابو احمد**
ام احمد: طول بالك يارجال واستهدي بالرحمن
ابو احمد: انا اذا بقول كلمة لازم تتنفذ ومافي حدا يقلي لأ
احمد: اي بابا خليك ع كلمتك ولا تغيرا شو بدنا احسن من هيك
ام احمد: لا حول ولا قوة الابالله حرام عليكن الي عم تعملو بالبنت
نور: لا ياحماتي مو حرام شو بدا احسن من هيك خلص صار وقتا بقى

سارة بغرفتا وعم تبكي من كل قلب محروق وتدعي ربا يساعدا
لان ابوها واخوها رح يدمرو حياتا منشان سعادتن
وكل هادا تحريض من نور مرت اخوها احمد

سارة: دخيلك ياربي ساعدني وكتبلي الخير
بكل شي مابايدي اعمل شي غير اني اشكيلك ساعدني يارب
ونامت وهي عم تدعي ربا وتبكي

_ _ _ _ _ _ _ _ _ _ _

بعرف اني ماطولت البارت لأن خلص الشحن اللابتوب
انشالله بشحنو وبشوف اذا معي وقت بكتبلكن بارت ثالث



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 09-08-2014, 07:43 PM
صورة رمووششه الرمزية
رمووششه رمووششه غير متصل
©؛°¨غرامي متألق ¨°؛©
 
الافتراضي رد: رواية سورية : خد بالك عليا


اهلين ..

احم بدايةً اذا كنتي سوية فأنا من سوريا كمان
و بيشرفني تابع رواية سورية

هلأ بدي اعطيكي شوية نصائح مشان تصير الرواية احلى و احلى
و يجوكي متابعين كتار

الوصف ! ما عم تحطي وصف ابداً
يعني لا للمكان ولا للجامعة لا للبس ولا لحالة الابطال
مبتسمين حزينين مهمومين متفائلين مطنشين
ولا شي
مثلا رح اجيب الك مقطع وقت دخلت ريما عند اهلها و رح فرجيكي كيف

دخلت ريما من البوابة الخارجية للبيت
مرت بحديقة البيت
اللي عبارة عن اعشاب باللون الاخضر اللي يفتح النفس
و فيه على الاطراف ورود حمراء ، زهرية ، صفراء
و مليانه اشجار
في مرجوحة على الطرف بكل اوقات دراستها بتقعد عليها
ابتسمت بتحب هالحديقة بتقضي فيها وقت كتير
طلعت المفتاح من الشنتة
فتحت الباب و دخلت للصالة
لقت ابوها و امها قاعدين
على الكنبايات باللون الابيض و المخدات اللي باللون الاحمر
ريما بأبتسامة: هاي دادي هاي مامي كيفكن ياعصافير
ابو ريما وامها ضحكو ع دلع ريما
ابو ريما بحنية : يسلملي الدلوع اهلين بابا
ام ريما طلعت فيها بحب : اهلين حبيبتي يلا بدلي ملابسك وتعالي تغدي
ريما بتكون البنت المدلله و الدلوعة عند اهلا
ريما و هي عم تطلع الدرج اللي بيودي لغرفتها : يلا ماما بس بدل ملابسي وجايتكن

^ شفتي كيف فرق
انا ما بدي تزعلي من نقدي بس مشان تطلع الرواية حلوه
و الها متابعين كتاار (:

حابة الك كمان انشري الرواية
انسخي الرابط و ارسليه للأعضاء
و ان شاء الله بتلقي تفاعل كبير معك
ولا تستعجلي بنزول البارتات
كل يومين نزلي بارت احسن
و طولي البارتات و خلي فيها احداث اكتر

بجد اتمنى اني ما كون ازعجتك
و ارسلي الي رابط البارت الجاي اذا نزل

و نورتي منتدى غرام (:

،،
وددي ♡


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 09-08-2014, 11:08 PM
صورة سفينة الغرام6 الرمزية
سفينة الغرام6 سفينة الغرام6 غير متصل
©؛°¨غرامي مشارك¨°؛©
 
الافتراضي رد: رواية سورية : خد بالك عليا


اقتباس:
المشاركة الأساسية كتبها رمووششه مشاهدة المشاركة
اهلين ..

احم بدايةً اذا كنتي سوية فأنا من سوريا كمان
و بيشرفني تابع رواية سورية

هلأ بدي اعطيكي شوية نصائح مشان تصير الرواية احلى و احلى
و يجوكي متابعين كتار

الوصف ! ما عم تحطي وصف ابداً
يعني لا للمكان ولا للجامعة لا للبس ولا لحالة الابطال
مبتسمين حزينين مهمومين متفائلين مطنشين
ولا شي
مثلا رح اجيب الك مقطع وقت دخلت ريما عند اهلها و رح فرجيكي كيف

دخلت ريما من البوابة الخارجية للبيت
مرت بحديقة البيت
اللي عبارة عن اعشاب باللون الاخضر اللي يفتح النفس
و فيه على الاطراف ورود حمراء ، زهرية ، صفراء
و مليانه اشجار
في مرجوحة على الطرف بكل اوقات دراستها بتقعد عليها
ابتسمت بتحب هالحديقة بتقضي فيها وقت كتير
طلعت المفتاح من الشنتة
فتحت الباب و دخلت للصالة
لقت ابوها و امها قاعدين
على الكنبايات باللون الابيض و المخدات اللي باللون الاحمر
ريما بأبتسامة: هاي دادي هاي مامي كيفكن ياعصافير
ابو ريما وامها ضحكو ع دلع ريما
ابو ريما بحنية : يسلملي الدلوع اهلين بابا
ام ريما طلعت فيها بحب : اهلين حبيبتي يلا بدلي ملابسك وتعالي تغدي
ريما بتكون البنت المدلله و الدلوعة عند اهلا
ريما و هي عم تطلع الدرج اللي بيودي لغرفتها : يلا ماما بس بدل ملابسي وجايتكن

^ شفتي كيف فرق
انا ما بدي تزعلي من نقدي بس مشان تطلع الرواية حلوه
و الها متابعين كتاار (:

حابة الك كمان انشري الرواية
انسخي الرابط و ارسليه للأعضاء
و ان شاء الله بتلقي تفاعل كبير معك
ولا تستعجلي بنزول البارتات
كل يومين نزلي بارت احسن
و طولي البارتات و خلي فيها احداث اكتر

بجد اتمنى اني ما كون ازعجتك
و ارسلي الي رابط البارت الجاي اذا نزل

و نورتي منتدى غرام (:

،،
وددي ♡
اسعدني مرورك حبيبتي ويلي اسعدني اكتر نصيحتك خليتني انتبه لنقطة مهمة وهي وصف البيت
بس البارت الاول والتاني تركتو للتعارف ولمحة عن الرواية اكيد بالبارت التالت رح يكون فيه احداث واحداث مشوقة وكلها موصوفة بحسب الموقف يعني بالبارتات الي رح تجي واصفي فيها الاماكن والابطال والشخصيات بشكل ادق وبالعكس حبيبتي انتي ماازعجتيني
متل ما قلتلك خليتني انتبه لوصف البيت
وع فكرة الرواية تقريبا رح خلصا وكل يومين رح نزل بارت
ونورتي صفحاتي يابنت بلدي

تحياتي .....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 10-08-2014, 05:42 PM
صورة روعة غلا الرمزية
روعة غلا روعة غلا غير متصل
©؛°¨غرامي نشيط¨°؛©
 
الافتراضي رد: رواية سورية : خد بالك عليا


بااااااااااااااااااااااارت رااااااااااااااائع
كملي

الرد باقتباس
إضافة رد

رواية سورية : خد بالك عليا

الوسوم
بالك , رواية , سورية , عليا
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 34079 11-10-2019 11:59 PM
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2350 29-05-2019 09:51 AM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM

الساعة الآن +3: 06:31 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1