منتديات غرام روايات غرام روايات كامله - يتم نقل الرواية هنا بعد اكتمالها روايه ليش أنا اللي بقيت ليش ما جيت معكم وأنتهيت /بقلمي؛كاملة
Beno3sll ©؛°¨غرامي فعال ¨°؛©

~~~~مقتطفات قبل بدايه البارت~~~~

مدخل





يا من كان مـن أحلامـي أجملهـا..وبـدر الـدُجى تعالـى فـي لياليهــا

حَبــاكَ اللـه مـن أبهـــى عطاياه.. فزدّتَ الروح غروراً في تباهيهــا

وإذ بـالنفس قــد بانــت معـايبهـا.. بسُـمّ الغـدر قـد جـاءت سَواقيهـا

فجئت الروح في الأعماق تقتلها.. وإثــر القتـل تـَـرثينـي وتَـرثيـهــا

وريح الهجر قـد عاثت نسائمهـا.. بشذى الأزهار والأوراق ترميهـا

وبـالأقــدام قــد داســت أمــانـينـا.. وتحت التُرب قد راحـت تُداريهـا

إنّ النّـفــس بــالأوهـــام مثـقـلــة..ومـوج الشكّ إلى الأعماق يُلقيهـا

تنادي الصبر قبـل أوان مقتلـهـا.. لـعـلّ الصبـر مـع الأيـام يشـفيـهـا

يـا مـاضٍ ! بـلا نــدم سـأقتـلـــه... لعــلّ القتـل لـلأنـفــاس يُـحييـهــا

سأمحو سطورا كنّا قد كتبنـاهـا...وبتنـا الـليــل أشــجـانــا نُــغنّيـهــا

مـا عُدت أرجو شيئا منك أملكه.. ولا روحـي تــَـراك فــي تهـاديـههـ
مددّت يداك إلـى عينـي تكحّلهـا.. وإذ بـالشمس عــن عينـي تغطيهـا



**بسم الله الرحمن الرحيم**
** بدايه البـــارت**
{{البارت الخامس عشر}}
{{قرائه ممتعه ومسليه لكم}}
اليوم الثاني-الاثنين
* بيت ابو سعد*

**جناح ميس**
الساعه 1:38 دقيقه م
صحت ميساء من نومها الجميل … وحلمت احلام سعيده
دخلت دوره المياه ^^اكرمكم الله^^ توضت وطلعت تصلي صلاه الظهر اللي فاتتها…
خلصت من الصلاه طوت سجادتها راحت عند المرايه وصارت تناظر وجهها اللي منتفخ وعيونها بذات من كثره النوم…
مسكت المشط بيدها الصغيره …وصارت تمشط بـ شعرها القصير اللي ودها يطول بسرعه..
حطت مرطب بشافايفها ووـحطت عطر صباحي راحت للدولاب اللي فيه الأحذية واختارت نعله ورديه ^أكرمكم الله^
لبستها وطلعت من غرفه ميس... ونزلت تحت شافت امها وأخوها سعد ...في الصاله يسولفون سوالف ...عاديـه
توجهت لهم وشافتها امها وابتسمت ابتسامه مزيفه باست ميساء طرف راسها ومدت يدها لاخوها
توتر سعد وأول مره تسويه كذا كانت دائم تتفاداه مد يده وسلم عليها وبسرعه سحبها حس ان فيه كهرباء بينهم
استغربت ميساء منه راحت جلست على الكنبه ال منفرده اللي لونها بني ساده ومسكت الريموت وقامت تقلب....
على المحطات طفشت ما لقت شي زين فتحت على محطمه لفتت انتباهها فيها مواد غذائية كانت تناظر الخضروات
والفواكه أشكال وألوان جذبتها الأشكال ناظروها سعد وام ميس استغربو حب يتكلم سعد ببتسامه صباحية:الحلوة شفيها
ميساء موب لمه أبدا مستمتعه وهي تناظر المواد الغذائي هـ …......خخخخخ
سعد بصوت عالي:مييـييـيــس ناظريـنـيــٰ
لفت بسرعه عليه ميساء وهي منفجعه وتناظره بصدمه:ها
ضحك سعد عليها وقال:أشوفك عاجبك المكان تبين نروح نتقظى كم حاجه بسيطه...
ما صدقت ميساء على طول نقزه عنده:صص صدق اللي تقوله تؤيدني هناك...........
يناظرها وهو مذهول سعد:ايه ويلا اجهزي انتظرك بسرعه اذا تاخرتي بغير رأيي للعكس...
ميساء وما ادراك ما ميساء نقزه بسرعه نقزت الفهد وعلى طول لغرفه ميس تلبس عباتها وتتحجب....
نزلت تحت وشافت ام ميس طالعه من المطبخ ومعها كوب قهوه راحت لها:ماما تبين اجيب معنا لك شي
ام ميس تناظرها بدون نفس :لا مابي شي عندي شوي تعب ويخف <<نـصـابـهـ
استغربت ميساء من نظرتها بس ما اهتمت اهم شي تطلع ودعت امها وراحت جري للسياره عشان ما تتأخر عليه
ركبتها وهي تلهث تعب:ها سعد تأخرت عليك دقيقه صح
جته الضحكه من أسلوبها:اي كنت بروح واتركك… ضحك
بوزت ميساء من ضحكه :اقوك امش بس امش … بصوت عالي :يلا
مشى سعد متوجهه لـي مجمع غذائي ........الطريق زحمه طفشت ميساء وصارت تلعب بطرف أصابع رجلها لين ما يوصلون
وأخيرا وصلو ~المجمع الغذائي~ نزلو وودخلو المجمع وأخد سعد عربيه وصارو يتسوقون ويلقطون كم غرض يبونه وصلو عند الفواكه ميساء تقشعر جسدها يوم شافت البرتقال ….....
خلصو من التسوق راحو عند الكاشير وصار العامل يحط الأشياء في المحاسب هـ عشان يحاسبونهم ...
طولو وهم واقفين ينتظرون لان الأشياء كثيره كلها~ شوكلاتات -وحلويات -ومشروبات- ~ حقت ميساء…. …
لفت انتباهه سعد بنت واقفه عند الكاشير ولمح نص وجهها وبدت الصدمه تبين على وجهه صار يغمض ويفتح في نفسه..؛ذي تشبه ميس بقوه كيييييف!!؟ … … ميل راسه وهو مو متوقع انه في وحده تصير شبيهه ميس...
لفت البنت وارتاعت يوم شافت الولد ...انصدم سعد يوم شافها ولاحظ انها انحاشت
بسرعه لحقها سعد وصار يلحقها لين ما طلعو من المجمع الغذائي صارت ميساء ورآه تلحق وتلهث
البنت تجاوزت الشارع وراحت للجهه الثانيه ولمحتها ميساء وانصدمت انها شبيهتها بدون وعي وحس راحت بسرعه و
تعدت الشارع والصدمة القويه ال فضيعه ان سياره تضرب بوري قويييي بي بي بي بي بي بييًــبـ في ذي اللحظه
سحبها سعد وتشقلبو لين ما وصلو الرصيف وصارت بحضنه...
قامت من حضنه ميساء بسرعه وبفجعه : ليه ساعدتني ليه ما لحقتها ذيك تشبهني انا انا تشبهني شبيهتي
قام سعد وساعدها:حياتك اهم … وهو قاعد يفكر بشبيهه ميس....وحس بغموض فضيع
رجعو للمجمع الغذائي وخذو الأغراض وحاسبو وركبو السياره...... سعد بغموض فضيع: لا تعلمين امي عن شبيهتك فهمتي
ميساء بخوف وطاعه:اي سمعت ماراح أعلم احد حتى ^^وبحرج^^ خطيبي....
مشو وتوجهو للبيت وسعد حاس بغموض ومستغرب ليش انحاشت شبيهه ميس.......تنهد
وصلو البيت دخلو وحط سعد الأشياء في المطبخ ورقى غرفته اما ميساء ..نست ...شبيهتها وراحت تأخذ حلويات وتأكل
وفتحت التلفزيون وصارت تناظر مسلسل انمي ^ رئيسه مجلس الطلبه نادله^ <<<ذاااا الانمي اعشقه مرررره


_______________________________________________


في الدمام~الخبر
فندق سوفيتل الخبر - الكورنيش
وصلت الفندق بسرعه وهي تلهث من التعب
دخلت الفندق وراحت جناحها بسرعه ودخلته
شافت امها في الصاله وجالسه على الكنبه
وحاطه رجل على رجل وتناظر ها بتفحص
ميس بارتباك راحت لامها وجلست جمب كنبتها
وقالت:امم متى وصلتي هنا ماشاءالله عليك
امها بغضب :من سمح لك تطلعين بدون استاذان
ميس برتباك:حبيت اتقظى كم حاجه بسيطه لي
امها وهي تناظرها:ما اشوف معك شي يوم جيتي
ميس انطلق لسانها:بصراحته شفت سعد وميساء
غمضت عينها امها وبقهر: وش صار شافوك..ولا
ميس بعتاب:اي شافوني صراحه بس نحشت
وسمعت صوت حادث بس زين ما تاذت ميساء
امها بتوتر:ايييش حادث ..استغفر الله العظيم انا
لازم الحين ارجع البيت واي شي تبينه قولي
للسواق يجيبه لك فهمتي ويا ويلك اذ شفتك طالعه
ميس مدت بوزها :طيب يلا باي مام مي حبيبتي
ودعتها امها وطلعت تشوف حال ميساء
...هل هي بخير او لا...


_______________________________________________



{{مركز الشرطه}}
{عصرا}
{في الزنزانه عند نجوى}
جا لها سمير وشافها منحشره
في الزاويه وترتجف'حن قلبه عليها فتح الزنزانه وقرب منها
لفت عليه وصارت تناظره وهو يأخذ عباتها من الارض ........
سمير ببتسامه:يلا البسي عبايتك ..ورماها عليها
:بوديك للشيخ زي ما قلت لك امس لا تخافين ......
شافها ما لبستها راح عندها وساعدها في لبس عباتها
وهي حست بحرج منه جت بتطلع لكن فجأه حست بصداع قوي في راسها
انتبه لها سمير انها مو ورآه لف عليها وانصدم يوم شافها طايحه على الارض
صحي من صدمته ارتبك ما يدري وش بيسوي توكل على الله وشالها وركض عند طبيب المغفر
وصل ودخل للطبيب حطها على السرير وسندها جا الطبيب بسرعه يوم شافها..وصار يفحصها وهو خايف من شعرها الطويل الأسود خلص فحصه… …
:جاها حاله اغماء هي فيها مرض بس ما اقدر افحصها لان ما عندي اجهزه كامله..
سمير بخوف:هي فيها "مس" كنت تو بوديها للشيخ بس فجاه لقيتها طايحه على الارض…
الطبيب:لازم توديها المستشفى قبل ما توديها للشيخ عشان يفحصونها ويشوفون ايش فيها
سمير:طيب علي قولتك نروح المستشفى اول.......
راح سمير و معه نجوي للمستشفى فحصها الدكتور :هي ما فيها شي بس ارهاق
سمير براحه :مشكور بس متي اقدر اطلعها
الدكتور: بعد ما ينتهي المغذي
سمير:طيب اقدر ادخل عليها الحين
الدكتور:لا لازم ترتاح بعد نص ساعه تقدر تدخل عليها
مرر الوقت وانتهت النص ساعه
سال الطبيب ووافق على دخوله دخل وشافها متسنده على المخده والحزن باين على وجهها والهالات السوداء باينه مرره
توجه لها وهو منزل راسه من الحياء يوم شالها في المخفر
:احم احم
لفت عليه وصارت تناظره نظرات كئيبه........
سمير:انا أب ي
ما كمل كلامه الا ودخلت السستر وصارت تفحصها
السستر وهي تناظره:انت وش تقربلها
سمير بدون وعي:زوجها ..اقدر اطلعها --حس بكلمته يوم قال زوجها انحرج بقوه
السستر:اوك تقدر تطلعها
بس انتبه عليها ولا تخليها تتعرض للكئابه لان حالتها خطيره
خذ عباتها سمير وحاول يلبسها
بعد موافقتها لبسها ونزلت
من السرير وطلعو من الجناح
وصارو يمشون في الممرات
طلعو من المستشفى....
وتوجهو للسياره ركبوها ونجوى ركبت ورى..
شافها سمير وهي راكبه وري
سمير: ليش ما تركبي قدام
نجوي: ..........لارد
سمير : نجوي انا اكلمك
نجوي:ما ابي اركب قدام ورا اريح
سمير تنهد ومشي بالسيارة للشيخ عشان يقرأ على نجوي....

_______________________________________________


{بيت ابوسعد}
وصلت ام ميس البيت نزلت من السياره ودخلت البيت ..
شافت ميساء ،وسعد، ومروان في الصاله يناظرون ال تي في...
كانو يشوفون فيلم رعب ومطفين الأنوار فجأه جت لقطه مخيفه صرخت ميساء من الخوف سعد و مروان:هههههههههههههههههههههههههههههه
ميساء مقهوره و مبوزه:ليش تضحكو
سعد و مروان ما وقفو من الضحك
رقت ميساء لغرفه ميس من القهر
سعد و مروان وقفو ضحك وكملو الفيلم ولا كأن شي صار...........
عند ميساء كانت مقهوره من ضحك سعد و مروان عليها بس جتها فكره تسوي لهم مقلب
سعد و مروان وقفو ضحك وكملو الفيلم ولا كأن شي صار...........
عند ميساء كانت مقهوره من ضحك سعد و مروان عليها بس جتها فكره تسوي لهم مقلب
عبت ميساء سطل مويه بارده و معه ثلج وحطته عند دريشت غرفتها المطله علي الساحه وربطه السطل بحبل .......
راحت نادت سعد وروان عشان يطلعون للساحه معها
ميساء:سعد مروان تعالو معي برا نسيت شي في الساحه واخاف اطلع
سعد و مروان: طيب
طلعو للساحه وطلعت معهم ميساء وراحو لمكان قريب من دريشة غرفه ميس
سعد: وين الي نسيتي
مروان:ايه وينه
ميساء بمكر اشرت لمكان تحت دريشه غرفتها ...
راحو سعد و مروان للمكان وا لقو شي
نادوها سعد ومروان :ميس وينه ما فيه شي
ميساء:لحظه اجيكم
راحت ميساء جمب سعد و مروان و سحبت الحبل المربوط بالسطل وانكبت المويه علي سعد و مروان
ميساء:هههههههههههههههههههههههههههههه
سعد و مروان شهقوا:هييييييييي
يالنذله
ميساء:هههههههههههههههههههههههههههههه
انحاشت ميساء وهي تضحك
وسعد ومروان يلحقونها
وقدرو يمسكونها : يالنذله ليش سويتي كذا
ميساء:لاني كنت مقهوره منكم وكنت ابي انتقم وجت في بالي هذي الفكره
وهذي كانت تحت أنظار ام ميس… …
ام ميس كانت تناظر المشهد وفار دمها منها :آه يالقذره انا اربيك…
اعتذرت ميساء لسعد و مروان وارح لغرفتها
لحقتها ام ميس للغرفه وطقت الباب بقوه
ميساء من قوه الطق نقزت من الخوف وعلي طول فتحت الباب
ميساء:هلا يمه بغيتي شي
ام ميس بنظرات استحقار:انا ايش قلت لك احترمي الناس وحتى إخوانك والخدم "بصوت عالي ما تفهمين
ميساء بلعت ريقها من الخوف:طط طيب ان شاءالله ..بس انا كنت امزح مع اخواني،،ونزلت راسها
ام ميس حاولت تهدي نفسها راحت لها ومسحت ظهرها :الله يهديك بس<<مو لله......
طلعت ام ميس من الجناح وصارت ميساء تناظر الباب اللي تسكر ومستغربه منها ممره ..طيبه..ومره شريرة
تنهدت :آه اهه ااه… …
رفعت نظرها للسقف وجتها فكره نزلت نظرها وراحت خذت ايباد ميس "نست ميس ما خذته "فتحته ولقت كلمه سر حاولت فيه وأخر محاوله
**6789**فجاه انفتح ابتسمت بنصر خخخ صارت تناظر البرامج فتحت ..البوم الصور..
وشافت صور كثييييره :يا كثرها كل ذي انا صورتها يا ساتر.......
شافت صور اوراق كثيره وباين انها مهمه فتحتها بلقافه وصارت تقرا المكتوب وكل مالها تنصدم وتطلع عينها للآخر وو و


وو و ثم
^
^
^
^
^
^
^
^
^
^
^
^
^
^
^
^

^
^
^
^
^
^
^
^

صارت تقرا المكتوب في الأوراق ..اللي في الايباد"""
"معلومات خاصه عن شركه ال …المدير سيف الحمد ال ....
معلومة شخصيه :عن المدير ولا. يسمح لغير الشركاء او الموضفين ،الممسوحين قرائتها....
المعلومات:. ربح الصفقة الواحده اكثر من اللللزززز… … .
وو في الشهر جني المال حوالي ...اللللزززز ...
وو وو و وصارت تقرا المعلومات الخاصه
سمعت صوت شخص بسرعه طلعت من الألبوم وسكرت الجهاز
وحست انها متوتره وفي نفسها:كل ذا انا مسويته!!؟


'''تبون تعرفون من وين صورت الاوراق'''
في يوم راحت فيه ميس للشركه حقت سيف ودخلت المكتب حقه لان كان عنده اجتماع سنوي
وصارت تفتش في الأوراق وتصور.......







__________________________________________________ _

[بيت ابو بدر]
[[الوقت الزمني المغرب]]
طلع يمشي ومعه عكازته ماسك جواله الايفون ويضغط فيه لين ما وصل رقم السواق
دق عليه:براندي جهز سياره الحين ..
براندي السواق:افف انت كل شوي اطلع روح أجي
ثامر تنرفز:قلت لك جهز السياره بسرعه
براندي بتافف:هذي سياره خربان يلا روح داخل اليوم انا مافي فاضي لانت<<يقوله كذا لانه يعميان
ثامر يزفر:ياليل مطولك اذ ما جهزتها راح أشيل مصروفك اليومي
براندي خاف كلش ولا الفلوس:اوك اوك انا في سياره الحين يلا اطلع
طلع ثامر وجا له السواق يساعده وركبه السياره وركب ورى
براندي وهو يهز راسه:وين في روح بابا
حط راسه على كتفه وتنهد:امش روح اي مكان
براندي:اوك!!
بعد حوالي لثالث ساعات في السياره والسواق بس يدور وحس بملل:بابا تامر انا في تعب بس دور دور
ثامر بدون شعور صرخ صرخه قويه على براندي:خلاص قلت لك امش وبس افففف منك
إرتاع براندي وحس بعرشه من صراخه هدى الساعه والتفت وشاف ثامر دموعه تنزل
حزن عليه مده يده له وصار يمسح على صدره:انت ليه في صيح
مسك يده ثامر وبعدها :خلاص ولا شي
براندي بلطف:تبي ودي انت مستشفى!!!!
ثامر:قلت لا يعني لا امش وانت صاكت
انقهر السواق وصار يمشي لاحظ ان فيه عج وكل مال الرمل يكثر
براندي يحسب انه مسكر كل الشبابيك بس نسى شباك ثامر اللي كان مفهي وعينه تدمع
كل مال الطريق يتغير والجو صار احمر فجاه والصدمة ان السواق صائر يمشي على التراب
وفيه وحده من الجهات اللي طيرها الهوى والصدمة فيه قزازه جت مع الريح وبقوه دخلت على الشباك وشطحت عيون ثامر
الثنتين ثامر: صار يشاهق ها ها حاول يفتح عينه ما قدر صار يرتجف
لف عليه السواق وشافه انهبل ولمح الشباك مفتوح سكره بسرعه ورجع ورى ووقف السياره :بابا اشفيك
ثامر وهو يشاهق:ودني المستشفى بسرعه المستشفى وبصوت عالي:بصير اعمى بصير اعمى
وو و
بسرعه جنونية ومر مستوعب شي براندي وداه المستشفى بسرعه نزل وفتح باب ثامر وشاله على كتفه وصار
يركض فيه دخل المشفى بسرعه راح الدكتور:هذا في ادخل هي قزاز
الدكتور بصدمه::اييش دخل عينه قزاز؟؟
الدكتور ساعد السواق وودها الجناح وحاول يهدي ثامر اللي يصرخ ويردد كلمات: صرت اعمى صرت اعمى
كشف عينه الدكتور وبعد فتره: راح للسواق وقال وهو يهز راسه:دق على ولي أمره ولديكم صار اعمى وما يشوف
السواق باستغراب :بس هذا من زمان اعمى
الدكتور بستغراب :ايش وش ذي العائله شلون من زمان اعمى وهو يقول صرت اعمى!!
السواق :مافي معلوم
راح دق براندي على ابوه واستغرب بس جا هو وبدر بعد ربع ساعه وصلو المستشفى ...
ابو بدر وهو يدور على السواق لقاه وراح له. ركض هو وبدر:وش السالفه براندي
علمه براندي وش صار استغربو ابو بدر وبدر من كلام ثامر
وراح ابو بدر وبدر لغرفه للدكتور وصارو يسألون عن ولدهم ثامر
الدكتور:والله انا مستغرب مثلك كيف صار اعمى مره ثانيه
وصارو يتكلمون ويسأل الدكتور وقال:الله يعينكم تقدرون تاخذونه هالحين
هز راسه ابو بدر وطلعو من الغرفه وتوجهو لغرفه ثامر
دخلو الغرفه وشافو ثامر هادي وباين انه مصدوم.....
ابو بدر بتعجب:الحين ورا ضايق صدرك انت من زمان اعمى
ثامر؛لا رد
بدر:خلاص يبا يلا ثامر مشينا للبيت
ابو بدر :الجو مغبر اليوم ..""
طلعو من الغرفه وطلعو من المستشفى وركبو السياره والسواق راح بلحاله
وثامر الله اعلم في حاله كانت حالته سيئه وأهله مستغربين منه ومن تصرفه وحزنه بس محد شك انه قبل ماكان اعمى


____________[[]]______________________________[][]_____

[[بيت ابو سيف]]
*جناح سمر**
^^الوقت الزمني العشاء 7:45 دقيقه^^
عند دولاب ملابسها احتارت وش تلبس ولبست بنطلون جنز وتيشيرت...وجزمه بيضه "أكرمكم. الله"
لبست عباتها وراحت للتسريحه حطت قلوس وخذت شنطتها
وطلعت من الجناح نزلت تحت ودقت على السواق يجهز السياره....
بعد دقيقتين طلعت من البيت وثم طلعت من البوابه تدمرت عباتها من التراب ركبت السياره.
السواق :وين في روح
سمر ببتسامه شريرة:بيت عمي سعد....
هز راسه السواق وتوجهه لبيت ابو سعد وصلو بعد ربع ساعه من العج .......
نزلت وقالت له ينتظرها نص ساعه توجهت للبيت ورنت الجرس فتحته الخادمه ودخلتها..
بعد ما قالت لام مييس اللي استغربت وخافت...!!!؟؟
دخلت سمر والابتسامه الخبيثه على وجهها
ام ميس برتباك:هلا نورتي حبيبتي ايش جابك هنا؟
رفعت حاجبها سمر :ابي ميس قلبي وييييينها
ام ميس بكذب:هي الحين مو مو
ما كملت كلامها الا ونزلت ميساء من الدرج ...
ام ميس:هذي ميس وهمست لسمر ..تراها فاقده الذاكره لا تنسين
هزت راسها سمر وناظرت ميساء اللي نظراتها غير وهاديه كانت..
ام ميس وهي ماسكه عباتها:اخليكم لحالكم انا طالعه الحين
طلعت ام ميس من البيت متوجهه للفندق اللي فيه بنتها ميس~~
ميساء ببتسامه:اهلًا. اا مين معي
سمر وتولي فمها:سمر بنت عمك ""اخت خطيبك
ميساء ببتسامه:إها شرفتي خل نجلس في المجلس مرره طفشانه
سمر في نفسها اي باين:طيب مشينا...!!
دخلو المجلس وأستأذنت ميساء تجيب المأكولات ....~~
عند سمر حطت رجل على. رجل وطلعت جوالها وصارت تطق طق فيه..
بعد فتره طوييله استغربت سمر انها تأخرت جاها فضول قامت من مكانها وطلعت من المجلس...
توجهت للصالح ما لقتها دخلت المطبخ الكبيره وصارت ودورها سالت وحده من الخدم:وين ميس!!؟
الخادمه ببتسامه:هذي بنتي روح مع مدام ام سعد..
سمر باستغراب:اييش؟؟
الخادمه الثانيه جت بلقافه:ايوه مدام اسحب ميس وركب سياره وفي روح.
سمر باستنكار :هااااو شدعوه ذي شفيها امها
هزو رؤوسهم الخدم وطلعت سمر من المطبخ وطلعت من البيت وركبت السياره وتوجهت لبيتهم باستغراب وشك....


____________________________________________


في الدمام~الخبر
فندق سوفيتل الخبر - الكورنيش
دخلو الفندق وميساء مستغربه من ام ميس
وتصرفاتها الغريبة بالنسبه لها… … …
وصلو الجناح فتحت ام ميس الباب.......
ودخلت ومعها ميساء الخائف هـ والمستغربه
دخلو الصاله شالت عباتها ام ميس وامرت
ميساء تشيل عباتها شالتها وحطتها على الكنبه
ام ميس وهي تصفق:يااا ميس عندنا ضيف
طلعت من الجناح ميس بسرعه وقفت في مكانها
وانصدمت يوم شافت ميساء… .......
ناظرتها ميساء وفتحت فمها من الصدمه القويه
ام ميس بستحقار:يا بنت الشوارع انت من اليوم راح تصيرين جهاز آلي لنا فاهمه
ميس ابتسمت بمكر:عاد يا ويلك اذا وقعتي بحب خطيبي يا بنت الفقر...هههههههه
ميساء تناظرهم باستغراب ، وبصدمه :ايييييييييش
ميس باستفزاز :ما تفهمين انت غبيه نبيك تعاملين سيف احسن المعاملات
كملت عنها ام ميس: وذا وقع بحبك نبيك تخزينه يكتب اسم الشركه باسمك اللي هو اسم بنتي..
ميس بغرور:وثم راح نرميك مثل الزبالة بس لا تخافين راح نعطيك مبلغ كبيره يعيشك طول عمرك
ام ميس:راح نوديك لآخر الدنيا هههههه
ميساء ودموعها تطيح بصدمه:كيف أنتم مجانين ولا ايش أنتم بشر
ام ميس بغضب:اقول ولا كلمه أول ما يكتب سيف اسم الشركه باسم بنتي راح تتبدلون وميس
راح تجي مكانك وانت خلاص مهمتك انتهت فهمتي
طاحت ميساء على رجلها بصدمه
طلعت ورقه من جيبها ام ميس ونزلت عند ميساء فتحت الورقه وعطتها قلم:يلا وقعي العقد والعقد الثاني اول ما تخلص مهمتك بنعطيك مليون ريال راح تعيشك طول عمرك ....يعني لا تخافين في المستقبل الجاي
ميساء بدون شعور مسكت القلم ووقعت على العقد الاول ثم الثاني.....
ابتسمو بنصر ام ميس وميس وطلعو من الجناح ميساء وام ميس وتوجهو للبيت… …وكانت فيه قلوب متكسره

_______________________________________



الكاتبه/beno3sll

[نهايه البارت]
[ توقعاتكم وارائكم]
[ان شاءالله أعجبكم البارت]
[ابي ردود تشجع الواحد اوك صبايا]
[وأتمنى تعلموني السلبيات عشان اصححها]
[دمتم بخير ... انتظروني في البارت السادس عشر]

توقعاتكم/يلا قولو اللي تبونه ووش تتوقعون يصير في البارت القادم بإذن الله تعالى


aryam2014 ©؛°¨غرامي مشارك¨°؛©

ابصراحه ماعندي توقعات

بس من جد البارت اجناااااان

إلى الأمام عزيزتي

تقبلي مروري

ايه خبلة ولكن بسببك ©؛°¨غرامي مشارك¨°؛©

روووووووووووعه بجد
ينتظاار البارت القادم
توقعاتي
انه ميساء بتخبر اما سمر او سيف او اخوها سعد عن السالفه او انه احد منهم بيكتشف وبيسالها وبتقول وكذاا

صرخه ندم ©؛°¨غرامي فعال ¨°؛©

مره البات مره يجنن ي خذالعقل


انتظر البارت الجاي على احر من الجمر

مره ي خذ العقل البارت. ربي يعطيك العافيه

Beno3sll ©؛°¨غرامي فعال ¨°؛©

المشاركة الأساسية كتبها aryam2014 اقتباس :
ابصراحه ماعندي توقعات

بس من جد البارت اجناااااان

إلى الأمام عزيزتي

تقبلي مروري
يا هلا فيك والله
حليتي الروايه بقدومك مره اخرى
دمتي بود عزيزتي

Beno3sll ©؛°¨غرامي فعال ¨°؛©

المشاركة الأساسية كتبها ايه خبلة ولكن بسببك اقتباس :
روووووووووووعه بجد
ينتظاار البارت القادم
توقعاتي
انه ميساء بتخبر اما سمر او سيف او اخوها سعد عن السالفه او انه احد منهم بيكتشف وبيسالها وبتقول وكذاا
شط حتي شكلك خخخخ
المهم سلام ان شاءالله تكون توقعاتك صحيحه
وانت الأروع حبيبتي

Beno3sll ©؛°¨غرامي فعال ¨°؛©

المشاركة الأساسية كتبها صرخه ندم اقتباس :
مره البات مره يجنن ي خذالعقل


انتظر البارت الجاي على احر من الجمر

مره ي خذ العقل البارت. ربي يعطيك العافيه
أهلين حلوتي انت الي تاخذين العقل والله
اممم

لهيب عشق الهوى ©؛°¨غرامي جديد¨°؛©

حلوة بس زعلت على ميساء بجد زعلت عليها

Beno3sll ©؛°¨غرامي فعال ¨°؛©

المشاركة الأساسية كتبها لهيب عشق الهوى اقتباس :
حلوة بس زعلت على ميساء بجد زعلت عليها
هلا حبيبتي
انت الحلوة والله
احس هي مالها ذنب لانها بدون شعور وقعت
عل العقد

رآعـيـهـ فزعهـ ~ ©؛°¨غرامي مشارك¨°؛©

باااااااااااااااااارت كوناااااااان <<<<خخخخخ جوناااان
بس ميساء ليش سوت كذا صدمتني شكله الحماس الحين بيطلع نيهاهاهاهاهاها ف انتظارك ي حلوه
"بنت الجنيبي"


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1