وهَم ©؛°¨غرامي جديد¨°؛©

البااارتي الاول
بعد انتهاء الدراسه يوم الخميس بعد صلاة العشاء في بيت الجد
...................
.....:بنااات متى نسوي حفل التخرج
.....:قصدك وين مو متى
:يوم الاحد طيب
:في استراحة جدي
:يعععع خيااااس فين اصلا تفشل
:اقول عندك فلوس ادفعي وجيبي لنا استراحه
:اقووول مروه خلينا على استراحة جدي
مروه:اجل على كيفكم
:هبه خيررر الي الاحد
هبه:ها اجل متى ست غزل
غزل:الخميس احلا نكون رتبنا نفسنا
مروه:روان وين موقعك في الهرجه
روان:متابع بصمت
هبه:الا صح وين الكبيرات
مروه:مدري عنهم اكيد جاين من الدومات تعبانين
غزل:هههههههههههههه من جد
روان:خلاص دحين اعتمدتو على الخميس الجاي
مروه:ايوه خلاص ان شاء الله
غزل:عاد بكره خدو فلوس وتعالو بيت جدي علشان روح السوق ونقضي
روان :وبس مااعندك شغله غير تقضي
مروه:ايوه اجل ايش نبغا نلبس يعني
هبه:خلاص بكره ان شاء الله بس كلمو بدور علشان الاستراحه
غزل:ايوه شويه اروح اكلمها
روان:هبه كم وصلت لستتك
هبه:200
روان:انا اكثرررر 250
غزل:بدينااااا
...........................
امجاد:ياشيخه جاني واحد في الدوام قرفني
تقى:الله يعطيك العافيه عاد عشنها مستشفى تشوفي العجب
امل:من جد والله تشوفي العجب بس خليها على ربك
بدور:على اساس شغلتنا احسن
ضحى:اقلها في السوق ماتشوفي ناس مريضه
بعد 5 دقائق
غزل:السلااام عليكم
مروه:عجيب وينكم ماشفناكم اليوم
امل:بس تعبانين
مروه: طول ايامكم
بدور:ايش عندكم
غزل:نبغا استراحة جدي
تقى:ليش ايش تبغو فيها
هبه:نبغا نسوي حفل التخرج عاد هالله هالله بالفزعات
ضحى:اهم شي الفزعات
روان:ايوه مافيها شي تساعدونا
بدور :طيب انا اكلم ابويه
.............................
روان (18) متخرجه من الثنويه_عمار (15)اولى ثنوي_مازن(10)الخامس االابتدائي
عزيز(22)موظف في شركه_جواد(20) جامعي_هبه(18)متخرجه من الثنويه
فهد(23) لاعب كوره_غزل(18)خريجة ثنوي_مهند(10) الخامس الابتدائي_غرام(5) روضه
فيصل(25) متوظف_تقى(24)متوظفه في السوق_مروه(18) متخرجه من الثنوي_راما(5) روضه
ضحى(26) متزوجه_امجاد(24) موظفه في مستشفى_راكان(20)متوظف
امل(25)متوظفه في مستشفى_كاظم(23)متوظف
الجد والجده وبدووور وامهتنا و خوالنا راح تعرفونهم من القصه
.......................................
مروه:هي متى جاين بكره
امجاد:ليش ايش في بكره كمان
غزل:بس نبغا نجيب لنا اغراض
امجاد:اها
روان:العصر عشان يمدينا نخرج
هبه:لمتى طيب نبات في بيت جدي
مروه:الى يوم الحفله
غزل:احسن ماتسو
تقى:مروه امي دقة على ابويه
مروه:مادري ؟
تقى:طيب قومي شوفيها
مروه:طيب
............
مروه:يا امي اتصلتي على ابويه
ام مروه:لا لسى ليش مصرع
مروه:بس علشان بكره بنجي بيت جدي العصر
ام غزل:ليش ايش عندكم
مروه:عشان الاغراض حقت الحفله وكده يعني
ام هبه:ماتخلصووون
ا مروان:ليش يوم ايش الحفله
مروه:الخميس
ام ضحى: وليه من بكره تبغون تقضون
ام امل:بس على مايخلصو
ام ضحى:الل يعين اهلكم
مروه: يالله ي امي اتصلي وانا رايحه عند البنات
ام روان:اجل حتى انا خليني اتصل
ام غزل:على قولك خليني اتصل دام بكره العصر يبغو يرجعو
ام هبه:يادوب يشبعو نوم لبكره
واتصل الجميييع على رجالهم
..................................
بيت ا م روان
كان الاب يتعشى ومعا عمار ومازن
ابو روان:ي روان تعالي اتعشي
روان:لا ما ابغا شبعانه
عمار:ليش ايش اكله
مازن:شكلها من البيك واحنا ماندري
روان:ايش دخلكم انتو من البيك وله مو من البيك المهم ابوويه ابغا فلوس
ابو روان:طيب روحي خودي من جيبي
روان:لا اقصد فلوس فلوس مو ابو عشره وكده
ابو روان:ليش ايش تبغي تسااوي فيها
ا م روان وهي توها جايه تجلس بالشاهي:بس يقولو يبغو يسو حفل تخرجهم
عمار:تفااااها وربي حقت بنات بلا حفل بلا مفل اقول اعطوني الفلوس انا اصرف
روان:اعتقد مايخصك هدا الشي
ابو روان:طيب بكره اسحب لك
روان:بس قبل العصر علشان رايحه بيت جدي
مازن:ماعندكم شغله غير بيت جدي وله تخترعو حفلات
عمار:ههههههههههههههه والله انك صادق
ابو روان:بس انت وهو مالكم فيها
روان وهيه قايمه :يالله رايحه اناام اشوفكم على خير
عمار:بس جايه علشان الفلوس
مازن :نوووم وله بيبي
ا مروان:انتو ماتخلو البنت في حالها
.....................
بيت ام هبه
ام هبه : ها تبغون عشاء احط لكم
هبه : لا انا مالي نفس
عزيز : دحين تقولين مالك نفس و النحف يزيد
هبه : مالك فيا
ابو هبه : و الله هو صادق شايفه جسمك يابنيتي
جواد : ظهرك لااصف في بطنك
هبه : اكلتوني بقشوري لزم اكل قل مابغى
ام هبه : خوها براحتها انتو تبغون ولا
ابو هبه : حطي خينا ناكل
هبه : المهم قبل لا اروح انام بابا بكرا ابغى فلوس
ابو هبه : يعني كم
هبه : يعني فلوس عشان الحلفه
عزيز حفلة ايش كمان
هبه : ماما خلي ولدك يسكت
ابو هبه : طيب بكرا اجيبها لك
هبه : ابغاها قبل العصر لاني العصر بروح بيت جدي
ابو هبه طيب يابنتي
هبه : يالله بروح انام
ان هبه: نوم العوافي
.....................
بيت ام غزل
غزل :ماما قولي لبابا ابغى فلوس للحفله
ام غزل : و انتي ماعندك لسان
غزل:ماما قولي له
ام غزل: ان شال الله
غزل :اهم شي بكره قبل العصر
ام غزل: ان شاء الله
غزل : يالله انا بروح انام
ام غزل : نوم العوافي
............
بيت ام مروه
مروه :تقى ابغى فلوس لبكره
تقى : يعني كم تبغين
مروه : و الله مدري يعني كثير
تقى : ان شاء الله لا جاء بكرا يحلها الف حلال
مروه: طيب اهم شي لا تنسي
تقى : اوكك
...........................
في قروب البيبي
روان: بنااااااااات ايش صار جايين بكرا ولا
هبه : اكيييد كيف مانجي
روان : وين غزل ومروه
هبه : مدري عنهم
غزل : ايوه جاييين
مروه : كيف مانجي
روان : يالله طيب بنام اشوفكم بكراا
هبه+غزل+مروه: يالله باااي
................................
اليوم الثاني الظهر الساعه 1
بيت ام روان
روان : اووه بدري الوقت خليني اقوم بس اشوف بابا جاب الفلوس ولا لا
روان :بابا جبت الفلوس ولا
ابو روان : ايوه جبتها شوفيها في التوب
روان : طيب
..............................
هبه و هيا تدور جوالها بتشوف الساعه كم : ياليل الليل مصرع صاحي هانا متى ببطل القومه ذي مرره بدري خليني بس اروح لبابا اشوفه جاب الفلوس ولا لا
هبه : بابا جبت الفلوس الي قلت لك عليها
ابو هبه : ايوه جبتها تعالى خذيها
هبه: طيب
................................
وجاء العصر
تقى كلمت باقي البنات انهم يجو بيت الجد
تقى:مروووه بت
مروه:هااا
تقى:يالله قومي الساعه 4 ماتبغي تروحي بيت جدي
مروه تقووم تنقز:من جد الساعه 4
تقى وهي متجهزه:ايوه
مروه وهي خلاص مو شايفه قدامها :ياويلي من البنات ايش يخلصني من لساانهم دحين
دخلت مروه الحمام (وانتم بكرامه )
بيت ام غزل
صحيت غزل بالقوه تفتح عيونه رفعت الجوال وشافت الساعه :يالله والله مافيه حيل اقو م لاكن متفقه مع البنات لازم اروح
.................
ضحى:امجاد تبغي تروح
امجاد:ايوه يلا
..............
امل:امي رايحه بيت جدي دحين
ام امل:طيب
....................
مروه:خير على وين انتي
تقى:معاك
مروه:وين معايه من عزم عليك
تقى:مولازم احد يعزمني بيت جدي انا اعزم نفسي بنفسي
مروه:اقول اقعدي بس
تقى:لا ماني قاعده كلهم رايحين
تقى بكدب:بعدين بدور دقت علينا
مروه مافيها حيل لختها وحاولة تمش الموضوع:طييب

و تجمع الكل بيت الجده
هبه:مااشاء الله كلكم رايحين
ضحى:ايوه وين نبغا نقعد
مروه:نفسي اعرف بس مين الي عزمكم
امل:تقى
مروه:تقىىىىى
تقى:لا لا بدور مو انا
بدور بدون فهم:لا مو انا
امجاد تحاول تنقذ تقى :انا بس شكلها هي لخبطت
تقى:ايوا صح امجاد بس شكلي نسيت احسبها بدوور
روان :ههههههههههههههه والله يا جالسين يرمو ارااانب
مروه:قاعده احااول امشي
غزل:المهم مين يبغا يودينا
الكل؟؟؟؟؟؟؟؟؟؟؟
هبه:كالعاااده
بدور:دحين اشوف فهد
روان:ماتكفي سياره وحده
امل:طيب شوفو واحد تاني معا
بدور طيب اكلمو وهو يشوف الي معا
.............
بعد دقائق ومناقشات ومشاورات جاء فهد و فيصل
اتوجهو البناات للمول
تقى:دحين ايش تبغو من هنا
مروه:اسكتي انتي فشلتنا بصوتك دا
بدور:هههههههه وانتي كل همك صوتها
غزل:دحين وقتكم
روان:اقول كل ناس تروح على حالها
هبه:ايوه نتقابل عند المطاعم
الكل :طيب
راحو روان و غزل وهبه ومروه مع بعض واباقين كل مين على حاله

غزل:بنااات شوفو دا اللبس ينااااسو
هبه:على اساس دقتي لمى تقولي يناسو
غزل:يوو خلاص لا تقعدي على الكلمه
مروه:لا ماااتقدر اذا ماتعلق
روان:طيب خلونا ندخ نشوف
بعد دوووران لمدة ساعه في السوق
روان:خلاااااااااااص انا تعبت ماني قادره امشي
مروه:وجععع لا تصرخخي بلا فشاايل حقتك
هبه:من جد لا تصرخي
غزل:يالله طيب نطلع فوق
وهم طالعين فووق
روان:بناااااات شوووفو هدي مو امل
مروه:اماااااا الا والله
هبه :من جدددد بس من من
غزل:من دا الي معااها
طرااااااااااخ
روان:اااااااه

يترى ايش قصة أمل ؟ومين الي معاها؟
ايش صاار مع روان؟
ايش راح تكون احداث حفلهم؟
ابغا تفاااعلكم معايه

..black shadow.. ©؛°¨غرامي مشارك¨°؛©

بداية الروايه ما حمستني بس قلت خلوني اكملها و قريت لنهاية الحين تحمست ابي اعرف ايش صار ابي بارت متى تنزلينه

Beno3sll ©؛°¨غرامي فعال ¨°؛©

استمري عزيزتي
https://forums.graaam.com/580790-7.html
اتمن تتابعينها

وهَم ©؛°¨غرامي جديد¨°؛©

لسا ماحددت متى تنزيل البارتأت بس إن شاء قرب

باريسية الهوا ©؛°¨غرامي مشارك¨°؛©

مشكلتك بالسرد ...

على طول حوار بدون سرد وهذا قد يؤدي لملل القارئ

فالقارئ يميل للسرد والوصف الذي يجعله يتخيل ويدخل جو مع الرواية

انتبهي لذي النقطه وركزي فيها راح تفيدك



موفقه


وهَم ©؛°¨غرامي جديد¨°؛©

Beno3sll تسلمي ي قلبي ليه الشرف اتاابعك

وهَم ©؛°¨غرامي جديد¨°؛©

باريسية الهوا :شكراً ع مرورك و شكراً ع المعلومة

وهَم ©؛°¨غرامي جديد¨°؛©

تنبيه: احب ان اوضح شي للجميع..بأن احداث القصه من نسج خيالي..وابطالها ايضا من اعماق خيالي.. ولا تنتمي لأي مجتمع غير الذي في مخيلتي..قد تكون جريئه بعض الشي ..قد تكون فيها بعض الغرابه..واتمنى من كل قلبي ان تنال اعجاب الجميع..واتقبل النقد الايجابي من الكل.....
...........................................
المدخل:
مهما أوتيت عِلماً وفهماً وحفظاً
وفقهاً ودراية و رواية, إن لم تكن
مصحُوبة بحسن الخلق فلن يتعدى
عِلمك عتبة بابِك.

..........................................


البارت الثاني


امجاد:وين الناس محد جاء خليني اتصل عليهم
على جيت بدور :مرحباا
امجاد:اهلين وينكم
بدور :كنت اشتري فشار
امجاد:وين الباقيات
بدور:والله ما ادري عن احد
اتقابلو ضحى وتقى مع بعض ودخلوا الكوفي
ضحى:ايش تبغي تطلوبي

تقى:مدري ؟انتي ايش تبغي
ضحى:موكا
تقى:طيب اجل اخد زيك
..............................................

......:طيب قومي نتمشى
أمل:لا كيف بعدين اهلي يشوفونا
.....:على راحتك
امل:انا شويه راح ارحلهم
.....................

مروه:ههههههههههههههههههههههههههههه
هبه:ههههههههههههههههههههههههههههههههههههههههههه
روان:وجع في اشكالكم لا تضحكو ..معليش ما انتبهت
البنت بعصبيه:ايش الي معليش ما انتبهتي وين اصرفها دي
مروه :خيرررر يابو ايشبناااا قالت لك معليش
البنت بقهر:ايش عيونها معلقه في السماء لمى ماتشوف كده
غزل:انتي شكلك غاااويه نكد
مروه بعصبيه:اقولك شوفي درب غير دا الدرب لا يجيك شي ماايعجبك سامعه
البنت:خفي علينا ي اندر ديكا
بدات اصوات البنات تتعالى مما خلا امل تنتبه لبنات خالتها وجات تجري
امل:خير ايش في ايش صاير
هبه:عادي واحنا طالعين من الدرج صقعت فيها روان واختنا في الله ماصدقت
امل:اقول طيب يلا اخصرووها وامشو
مروه بتهديد للبنت:احمدي ربك انها جات فكتك مني
راحو البنات عند امجاد وبدور
امل:فاتكم ايش صار
بداءت امل تحكي ايش صار اما الاربعه البنات جلسو جمب بعض
مروه:وبعددين ولاكنها مسويه شي عادي تهرج
روان:اصلا لو تستحي ماتجيبو مكان عاام
غزل:تجيب لنا الكلام معا الناس
هبه:اقول اسكتو لا تسمعكم دحين
مروه:حتى لو سمعت ماراح تقول شي خيرر يعني بتقولليش تقولو شفتوني معا واحد
امجاد:بس انتوو من لمى جلستو وانتم شغالين حش
هبه:وانتي ليش راميه ادنك معانا
امجاد:مو راميتها وبعدين ماسمعة ايش تقولو
روان:طيب انتو اشتريتو اكل
امجاد:ايوه
مروه:طيب واحنى
بدور:اطلبو على ما اتصل على العيال
هبه:طيب من وين تبغو
غزل:خلاص كلنا نجيب من البيك علشان الوقت
روان:ايوه احسن بس انا مافيه اروح
غزل:خلاص مو مشكله انا اروح بس مين يجي معايه
هبه:انا
مروه:وانا
راحو هبه وغزل و مروه للبيك
روان:الا فين ضحى و تقى
امجاد:مادري شويه نتصل عليهم
بدور:طيب اتصالي علشان اتصل على فهد وفيصل
امجاد اتصلت ع ضحى وتقى وجوا
تقى:لي وين مروه
امجاد:راحت تشتري اكل
امل:دحين انتو تبغو تروحو على بيت جدي وله كيف علشان بكره دوام
تقى:لا انا على البيت
ضحى:خلاص طيب الي يبغو يروحو بيت جدي يركبو سياره وحده
روان:بدور اتصلتي
بدور وهي ترفع الجوال:يلا شوفيني..الو ..السلام عليكم...وينك...طيب يلا تعال وخلي فيصل يجي...طيب ....باي
امجاد:ها ايش قال
بدور:شويه ويجي
بعد دقاق جو البنات وجاء فهد و فيصل

في السياره
عند فهد الي معاه (بدور _غزل_مروه _هبه _روان )
عند فيصل (تقى _ضحى_امل_امجاد )
في سياره فهد
كانت بدور قدام
و وراء فهد روان وجمبها غزل و مروه و هبه
مروه:كالعاده ماتخلونا نجلفس جمب القزاز
غزل:ايوه وجع في اشكالهم
هبه:انتو كده وزاحمينا كيف لو نخليكم في الطرف
روان:من جد ايش اكلتو لمى كده فجاءه سرنا مزحومين
................
السياره الثانيه
فيصل:دحين على وين
تقى:كل مين على بيتو
فيصل:اصلا مين الى معانا
تقى:ضحى وامجاد وامل
فيصل:مرحبااا الساع
ضحى:الله يحيك
...............
في بيت الجد
بيت الجد مكون من طابقين فله
الدور الارضي عباره عن اربعه غرف وصاله كله لستقبال الضيوف
الطابق الثاني خمسه غرف الغرفه وصاله الاولى للجد والجده والغرفه الثانيه لبدور والغرفه الثالثه للاربعه البنات والخامسه للخالات
بدور وهي توها داخله من الباب وطالعه ع فوق
بدور:يلا يبنات انا رايحه انام
البنات وهم وراها ماشين
روان:تصبحي ع خير
دور:وانتي من اهل الخير
مروه:نوم العوافي
بدور الله يعافيكم
غزل:صح وين جده وجدي
دور:يعني ماتعرفيهم اكيد في سااابع نومه
هبه:هههههههههههههه من جد
بعد ماراحت بدور لغرفتها راحو البنات غرفتهم
بالنسبه لغرفة البنات الغرفه مو كبيره ولا صغيره فيها اربعه سرر

فرشو البنات السفره وحطو الاكل
مروه:بكره ع وين
غزل سوبر ماركة
روان:ليش ايش في
هبه:ايش الي ايش في اكيد اغراض بنااات
غزل:ايوه
روان وهي تصلح جلستها:اقوول اكتبوها في ورقه
مرووه:خيررر شخباري من يكتب في اوراق دحين اكتبيها في البي بي في الواتس طيب ملاحظه امااا ورقه
روان:اقوول في ورقه بلا شخباري بلا هرج فاضي
هبه:عايشه على زمن الطيبين
روان:قلت في ورقه يعني في ورقه
غزل:خلااص ياشيخين فكونا في ورقه بس اهم شي تسكت
مروه:اللله يالبيك عشق عشق
هبه:أي والله
روان:ومع من نبغا نروح
غزل بزغره لروان:انتي ماتخلي الوحده تاكل
روان:ليش
غزل:يا مع مين؟ ي ايش تبغو تجيبو والنهااايه معاك
روان:طيب ياكلمه ارجعي مكانك
هبه:الصبااح نروح
مروه:فايقه انتي من فاضي لك الصباح
هبه:اقول الصبااح احلا
غزل:والليل نروح الاستراحه نودي الاغراض ونشوف ايش وضعها
روان:بدررري خير انتي خبلتي
غزل:ها اجل
روان:ماتبغو تروحو تحجزو سماعات وكمان نشوف الاكل ايش وضعو ونعزم البنات
هبه:أي والله وبعدين نودي ااغراض
مروه:اجل خلو السوبر ماركة اخر شي
روان:ايوه احسن علشان لا تخرب الاشياء
مروه:اقول ماشبعتو
روان وهي قايمه:الا الحمدلله
هبه وهي تنسدح ع الارض :أي والله كبس
غزل:مررره ع اساس اكله مندي
مروه:هههههههه من جد
غزل:اعطوني السفره بس خلوني اشيلها
روان بعد ما انسدحة ع سريرها:بنات صح كيف امل شكلها تحبو
مروه تصحص نفسها:من جد والله شكلها تحبه بس خير غبيه هو في احد يحب في دا الزمن
هبه:اكيد تحبه والله ماكان جابتو في مكان عام
غزل بعد ماجات وجلسة ع سريرها وبرفعة حاجب:ايش دخل الحب في انها تجيبو في مكان عام
روان:ي غبيه يعني دام حبتو اكيييد وثقة في علشان كده خلتو يجي
مروه:ايوه صح كلامها طيب كيف نعرف دحين
هبه:احنا ايش دخلنا فيها
روان:ايش الي ايش دخلنا لااااازم نعرف ايش هرجتها
غزل:من جد عاد انا حارقتني القافه
مروه وهيا قايمه ع سريرها:أي والله هي بس حارقتني الا بتموتني
هبه:اقول اتعودو من ابليس ونااامو ومالكم ومال الناس
..........................
...:كيفك ي حياتي
...:تمام ي قلبي انت كيفك
...:تمام الحمدالله..ها كيف المول معاك عسى ماتعبتي
...:بعد ماشفتك راح التعب
...:اتمنيت اسمع صوتك
....:وانا اتمنيت اشوفك اكثر
...:طيب اجي اطلعك بكره من الدوام
.....:اممم براحتك..بس اذا بتجي اكد لي علشان اخلي الباص يروح اما مو يروح بعدين ماتجي
.....:افااا ايش الكلام دا تبغينا نزعل من بعض كيف اخليك تجلسي لحالك
.....:ايوا انا بس اقولك
.............................................
في بيت اخر
امل:طيب كيف دحين اكيد شافوني معاك
محمد:لا مااتوقع انتبهو
امل:يعني قولك كده
محمد:ايوه يعني لو شافو كان سئلو
امل:ايوه صح لو شافو كان سئلو ولا هم ملاقيف
محمد:طيب ي حبي اخليك ترتاحي بكره وراك دوام
امل:طيب باي احبك
محمد:بايات اموت فيك
..........................
بعد ما قفل الخط
نامة امل برااحه لئنو طمنها اما هوو
راح محمد عن صديقه وهو طفشااان ويكلم نفسه
محمد بتملل:اووووووف ايش النشبه دي متى بفتك منك
مشعل حب ينبه صديقو :هوب هوب ايشبنا ي حلو ايش فيك
محمد:يااخي نشه قسم بالله ماهي راضيه تفك
مشعل وهو يعدل جلستو:ترا والله محد معطيها وجه غيرك اسححب عليها
محمد:ماني قاادر اجلسة لي زي العظم في البلعوم
مشعل بضحكه شيطانيه:هههههههههههه شكلك شبعة منها
محمد:اكييد خلاص صور وعندي خرجات وخرجنا وبعدين يعني تبغاني افضحها مثلا
مشعل:لا حرام لا تفضحها بس هددها اناها اذا ماسيبتك راح تعطي الصور ابوها
محمد:شكله دا الي راح يصير
................................
الوضع عندهم كان كل مين ع سريرها هبه في سابع نومه مروه خلاص شويه والنوم اما روان و غزل
غزل:روان
روان:هلا
غزل:مانمتي
روان:لا لسى انتي ليش مانمتي
غزل:مو راضي يجي وانتي ليش
روان:قاعده افكر ب امل
غزل:من جد حتى انا
روان بقهر وعصبيه وحزن :مرره قاهرتني ليش تسوي كده هدا جزات اهلها الي وثقو فيها وخلوها تتوظف اذا مو خايفه على نفسها على القليل تخاف على امها وابوها الي لو عرفو ايش راح يصير فيهم
غزل بتحسر:هي لو فكرة بهلها ما كان سوت كده
روان:غبيه تقهر لو تحبو صح طيب كلمي بس في الجوال اما مو تجيك الجراءه تخرجي معا ولا في مكان عام


غزل:مخها كيف مركب مدري على اساس يعني لو خرجة معا راح يجي ويتزوجها
روان:ماتدري على دا الغباء
......................
قضا منتصف الليل بتفكير روان وغزل وخوفهم من القادم حتى اوقف تفكيرهم وتعصبهم نداء الرحمن
غزل:ادن ولا حسينا بالوقت
روان:أي والله
غزل :اجل خلينا نقوم نصلي
روان:من جد ذكر الله ولا ذكر خلقه
صلو روان وغزل وبعدين صحو مروه وهبه ونامو
......................
الساعه 1 في الظهر
مروه و هيا توها صاحيه و رايحه الحمام (و انتُ بكرامه )
هبه و هي توها ترفع راسها و تشوف مروه :مرووه كم الساعه
مروه : اقوول شوفي جوالك
هبه : مروه قولي مو فاضيه لك
مروهه : اقول هبه افتحي جوالك بلا امتحان حقك
هبه : طيييييب
بعد ماخلصوا راحوا عند الجده
البنات :سلام
الجده : و عليكم السلام .....ماشاء الله صحيتوا
هبه : يب
الجده :ايش تقولي يابنتي
مروه: قصدها ايوه ياجده
الجده بتصريف:عن البربره الفاضيه و قولولي اتغديتوا ؟ صليتوا ؟
هبه : ايوه صلينا بس غداء لسا
مروه : جده و ين بدور
الجده : و الله يابنيتي تلاقيها لسا في الباص ماوصلت
على دخلت الجد : السلام عليكم
و قاموا البنات و سلمو على جدهم
هبه : الا ياجده ايش غداكم
الجده : قومي شوفيه
............................
في مكان اخر في جده في شقة عزاب
كانو شلة شباب جالسين و يهرجوا عن كلا لا يرضي الله
سلطان : اقول شباب اليوم وين بنروح
عبد العزيز : ايش رايكم الردسي
خالد: و الله ماهي شينه بس اهم شي البنات امزز
سلطان : هناك الاصل يابويا
احمد : اقول شباب تتذكروا يوم رحنا الشلال البنات الي رقمناهم
نايف : ايوه المزز
احمد : الي كلمتها رسلت صورتهاا
فادي : اكيد نااااااااااااار
عبدالرحمن : قوييييييه
وليد : اقول دحين وين بتتغدوا
عبد العزيز : قومو خلينا نروح العرب
مجدي: اوك بس خلينا نروح بالجمس
عيسى : يالله قوموا
.................................
سلطان(ولد وسيم شعره كدش كيرلي جسمه معضل بس مو مره طوله مربوع عيونه عسليه ناعسه يحب البزران واذا عصب مايعرف امه من ابوه شفايفه منفوخه في غمزات واضحه انفه سيف اسمر الون اخلاقه عاليه ومتفهم عمره 22)
............................
خالد(ولد اسمراني شعره سبايكي . وسيم لأبعد درجه مرره يجنن .. عيونه بني فاتح واسعه تدوخ خشمه صغير وطويل .. شفايفه وسط.. حواجبه مرسومه رسم .. له سكسوكه هذي بالذات تطيح الطير من السما...وجسمه حلو بتميز بالثقل والرزانه والركاده. حبوب وطيوب.. يعني بإختصار كله على بعضه حلو.. عمره 24)
..................
عبدالعزيز (قمحي شعره كدش كيرلي جسمه رياضي طوله وسط وصوتو يجنن خخصوصا وقت يغني مركب تقويم مخلي ابتسامتو جميله مرجوج نسبين محرك القروب بخفة ضله حنون ورومنسي وراعي بنات عمره 23)
...........
عبدالرحمن(اسمر شعره قصة الديك صابغ القصه بلون اشقر جسمه مرتب طوله مناسب جميل جذاب في حنان ورومنسيه بس مايحب يظهرها غير في اوقات محدده ويكره أي شخص يغلط معا في الكلام عمره 24 )
.....................
نايف(حنطي البشره ..شعره اسود طويل الى رقبتو..عيونه بني ..جسمه يجنن ..دفش ودايم ناكبهم مع البنات عمره 25)
.............
وليد(حبوب وهادي وجميل بمعنى الكلمه من ناحية حدة ملامحه وجذااااااااب بشكل مو طبيعي والبنات يطيرون عليه بس ما يعطي احد وجه الا الي يدخل مزاجه عمره 23)

.............
احمد ( مملوح .اسمر وحبوب وطيوب وهادي عمره 24)


عيسى(ابيض البشره دبدوب وهادي وحيوي(يستحي) ومرره طيب ومسالم عمره 22)

مجدي_فادي(مثل التؤؤم مايفترقون نفس الاطبباع والشخصياااات .. لعابييييييين جدااا ومتهورين وماغمريييين واللي براسهم بيسونه بيسووونه عمره25 ..)

.................................................. ........................
جات بدور من الدوام تعبانه
بدور:ايش ماحطيتو الغدا
مروه:لا نستناك
بدور وهي رايحه ع غرفتها باستعجال:طيب يلا حطو بسرعه على ما ابدل ملابسي
هبه ومروه وهم قايمين:طيب
في المطبخ
مروه:ماشاء الله على اساس نشتغل عندها
هبه:ههههههه بس انتي ليش معصبه
مروه:مدري
هبه وهي تحط السلطه :ولمتى روان وغزل نايمين
مروه:ماادري خلينا نتغدا وبعدين نصحيهم
هبه:طيب
اتغدو ...
بعد الغداء راحت بدور تاخد قيلوله علشان ترجع الدوام بعد العصر والجد والجده لازم من القيلوله اما مروه وهبه غسلو المواعين بتملل ورجعو على جوالتهم
اذن العصر
الله اكبر ...الله اكبر
الله اكبر...الله اكبر
اشهد ان لا اله الا الله
اشهد ان لا اله الا الله
اشهد ان محمداً رسول الله
اشهد ان محمداً رسول الله
حي على الصلاه
حي على الصلاه
حي على الفلاح
حي على الفلاح
الله اكبر...الله اكبر
لا اله الا الله
..........
الجده كانت منسدحه عند مروه وهبه صحيت على صوت الاذان :لا اله الا الله بس بس قومو صلو بس مقابلين الجولات دي لما تخبلكم
مروه تكلم هبه:ايش عنده جدتك دي اليوم مستلمتنا
هبه وهي حاشكه الضحكه:بس ياحيوانه
مروه:امتحنتنا اقولك
هبه بضحك:اقول خلينا نقوم عن وجهها لا تزيد دحين ونصحي غزل وروان
مروه وهي قايمه:يلاا
الجده بعد ماخرجو من عندها تقول بزعل:وبس على هدا الحال ياخارجين يا نايمين يا على الجوالات بنات اخر زمن
.................................................. .................................
هبه تصقع في غزل:قووووووووومي يلاااا
غزل بطفش وتقلب وجهه يمين ويسار:اوووف خلاص روحي ما نمة بدري
مروه:والله محد قالكم تسهرو وتقلب على روان هي دي كمان متشربطه فوق من يبغا يطلع لها
روان كانت صاحيه وقامة تضحك:هههههههههههههههه احسن شي دا
مروه:ودامك صاحيه ليه ماتقومي تصلي
روان بتمغط وصريخ:ااااااااااااه قاعده اتفكك
هبه:اقول بس لا ترمي كسلك علينا
روان وهي نازله من سريره ومتوجه للحمام :خلاص ازعجتونا
مروه:علشان السهر خلي ينفعكم
غزل:خلاص طيب انقلعو برا لحد ما نتفكك ونجيكم
هبه ومروه وهم خارجين :طيب اخلصو علينا
...........................
امل تكلم نفسها:يالله مدري ايش في اتصل عليه ولا يرد اخاف ساير له شي
وشوي جاء مريض و قطع عليهاا تفكيرهاا في محمد
المريض: لو سمحتي اختي ابغى الدكتور حمزه
امل بعصبيه انو خالد مارد عليها : ياخو مو على كيفكك تختار الدكتور
المريض: خير مو على كيفي انا دافع فلوس
امل بتصرفه : ططييييب اخلص عليا اعطيني البطاقه
....................................
مين شباب جده وايش قصتهم ؟
امل وخالد وين راح يوصلو؟
ومين تتوقعو الشخصيتين ؟
ابغا تفاعلكم معايه وتشجيعكم ليه
...........................
المخرج:
التجاهل فن كما
هو الاهتمام تماما !
........................................


Beno3sll ©؛°¨غرامي فعال ¨°؛©

البارت جميييلهـ

وهَم ©؛°¨غرامي جديد¨°؛©

المشاركة الأساسية كتبها Beno3sll اقتباس :
البارت جميييلهـ





مرورك الاجمل


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1