غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 231
قديم(ـة) 26-08-2014, 06:35 PM
صورة - بئس حبك الرمزية
- بئس حبك - بئس حبك غير متصل
©؛°¨غرامي فعال ¨°؛©
 
الافتراضي رد: روايتي الثانية :أكابر والكبر لله أحبك بس أنا مغرور


________________________________________
كانت نايمه ع بطنها وممده جمبها وثانيه رجلها وشعرها منثور حولها , فتحت عيونها بسبب ريحة الاكل القويه ماقدرت تتحرك من الالم ومن اللي عاشته امس صحيح انها ماقاومت ولا تذكر مخها وين كان امس بس مااستوعبت الا بعد ماخسرت أغلى شي عندها صحيح انه زوجها وبالحلال بس ماكان مفروض يكون بهالطريقه المهينه هذي !
لمحت المخده كلها أسود بسبب دموعها وكحلها اللي سال .. قامت بسرعه وكأنها مقروصه وتوجهت للمرايه اثار الكحل للحين بوجهها والدمع للحين متعلق برمشها الكثيف .. شهقت : معقوله ! معقوله شافني وانا بهالشكل ؟ كيف استسلمت كيذا ؟ خذا مني شيين بليله وحده ! بكيت وعطيته اغلى مااملك ! اكيد الحين مبسوط
قاطعها صوت رشـاد : مابغيتي تصحين ؟
روابي نست الدنيا واللي فيها نست انه زوجها ونست انها بنت ! رجعت لها ايام طفولتها وضربها للاولاد وعربجتها فأيام الثنوي والمتوسط نقزت على رشاد وهي تضربه ببطنه وصدره وتصارخ : ياااحقيير ياااوااااطي أنتهكت شرفي أغتصبتني
رشـاد كان مصدوم من ردة فعلها ماعرف غير يدافع عن نفسه : وش تقولين انتي يامجنونه ؟ أي شرفف انا زوجكك ؟
روابـي مستمره بالضرب وأقوى بكثيير : تخسسي تصير زوجي أنتي جزمتي ياحماار
رشـاد بعدها بقوه بعد 10 دقايق من الضرب ورماها على السرير : انتي ولد ولا بنت ؟؟
روابـي بصراخ وهي مغمضه عيونها : أنقلع برا غرفتي !
رشـاد رمقها بنظره صحيح ضربها قوي وماعمرها قالت له كلمه حلوه من اول ماتقابلو وعربجيه لكن أجمل وانعم عربجيه بعيونه .. مسح الدم اللي في شفايفه وطلع ..
روابـي سكرت الباب وقفلته وبقت تدور فالغرفه ويدها على راسها .. وقفت عند صورته الكبيره ورمتها ماهمها القزاز اللي تكسر الاهم صورته اللي تكرها , داست على وجهه برجلها : يامدري وش اسمك بس ياااخرا يابن ستين الف كلب والله لأوريك وانتقم منك ..
_____________________________________
أسيل كانت جالسه بالحديقه ولابسه فستان نيلي طويل وماسك على جسمها وقبعه صيفيه من القش كبيره وتفكر في هاجس ..
متردده تتصل عليه ولالا ؟ ..
يمكن مايبيني اشغله ؟ , بس هو قال متى مابغيتيني دقي مراح اردك !
يالله وش اسوي ؟؟؟ وش اقوله ؟؟
خطرة ببالها فكره وفزت زي الاطفال .. آي اقول الدواء اللي عطيتيني مااعجبني وماقدرت اتأقلم معاه ..
أسيـل : سانتي .. في احد عندنا ؟
سـانتي : لا مافي احد
أسيـل : ماما وينها ؟
سـانتي : برا
أسيـل : طيب دقي على رقم الدكتور
سـانتي : مستشفى ال....
أسيـل : لالا *بخجل* أكتبي D.hags
سـانتي اتصلت وحطت السماعات بأذن أسيـل .. وبعد دقايق
هـاجس : الوو
أسـيل بصوتها الناعم الطفولي : السلام عليكم
هـاجس عرفها على طول : هلا وعليكم السلام والرحمه
أسيـل ترددت تسأله عن حاله او لا بس كسرت هالحاجز وقالت : كيفك دكتور ؟
هـاجس : بخير وانتي
أسـيل إبتسمت : بخير
بعد صمت خيم عليهم وكل واحد مايبي يسكر
أسيل مو عارفه شتقول ؟ وهاجس متردد يسألها عن اختها اريج
أسيـل : أنت لسى فالشرقيه ؟
هـاجس : أي واليوم ان شاء الله جاي
أسيـل : توصل بالسلامه
هـاجس : الله يسلمك ..
أسيـل بخجل : انا بس أبغى اقولك ان الدوا الوردي اللي خذيته ماتعودت عليه ولا حبيته
هـاجس : انا قلتلك الله يهداك يبغى لك اسبوع
أسيـل تبغى اي سبب عشان تشوفه لانها خايفه اذا رجع ينشغل : بس انا ماابغاه
هـاجس بعد يبيها من الله يتقابلون : خلاص اذا رجعت ان شاء الله نتقابل
سكر من عندها وهو فرحان انها اتصلت بس يحس بتأنيب الضمير صحيح مستحيل يخطأ ويكلمها من ورا اهلها او يعطيها فرصه لهالشي بس يحس يبغى يساعدها ..
ركب السياره ومشوو وبعد ساعه من الهدوء
هـاجس : زياد
زيـاد بملل وهو يناظر جواله : هلا
هـاجس : اترك جوالك بكلمك بموضوع جاد
زيـاد إبتسم وبانت غمازته اللي بالموت تبين بسبب دقنه الكثيف : انت حياتك كلها جديه
هـاجس : هالمره أبيك تنتبه لي
زيـاد طنشه ورد على راجو : هلا راجو
راجـو : زياد انتا وين ؟ لازم يجي ياخذ مكان انا
زيـاد : هه وتتأمر بعد ؟
راجـو بعصبيه : سوف زياد اذا مافي يجي انا كلام مديرر
زيـاد بصراخ : أشفيي ام انتتاااا ؟
راجـو : انا يبغى يروح سيرلانكا بكراا
زيـاد : خلاص يببوووي قلتلك بجي خلاص اخرس بئى
سكرالجوال وناظر زياد : ها وش سالفتك ياصاحبي ؟
هـاجس : راجو صار اهم مني ؟
زيـاد : انت وراجو قدركم واحد بس تكلم يلا
هـاجس قاله سالفته ويا اسيل والموضوع كله ...!
زيـاد : هاجس ! اذا وليد واطي وقال لأخوه عن حامد وخلاه يستصغره قدام الرّجال انت لاتصير مثله !؟ تراها اخت صديقك وبنت ناس ولا يعني ماعندك خوات تبي تستقوي
هـاجس ضرب الدركسون : يازياد انا وش قلت الحين ؟ انا قلبي مال لها يعني ابي اساعدها ولا انا مستحيل احبها مب عشان شي بس لأن البنت ماتناسبني
زيـاد إبتسم بسخريه : هه ؟ وبعد يبي يلعب فيها وبدون مايحبها ؟
هـاجس وقف على الطريق : ياكلب انت من وين تفهم ؟ أقولك البنت مااشوفها الا زي اختي اللي ماجابتها امي الله يرحمها
زيـاد : وليه تتقابل وياها ورا اخوها ؟ ليه ؟
هـاجس : ياحمار ترا الموضوع كله موضوع دكتور ومريضه , هي حالها حال اي مريضه عندي وحنا بعياده وبجلسه محترمه لاحنا بمطعم ولا بشقه
زيـاد : ها حضرتك مقتنع ليه تقول لي ؟
هـاجس : أقولك ابيك تطمن ضميري لاني خايف اني اكون اخون وليد وانت الله يهداك زدت علي
زيـاد بجديه نادرآ ماتتواجد فيه : أسمع انت خنته لما قلتلي الموضوع , بما انها مريضه عندك المفروض ماتقول لاحد .. واذا تبي تريح ضميرك اختار وحده من الثنتين يا انك تعتذر منها وماعاد تستقبلها لان مبين تعلقت فيك ولا قل لوليد الموضوع عشان تكون عنده فكره ..
هـاجس : انا الحين مقدر اخليها تروح .. أبي اعرف اللي شفتها بالمستشفى اختها ولالا
زيـاد حط يده على كتف هاجس : أسمع يبووي هذي مواضيع عائليه وانت مالك دخل فيها اختهم ولا مو اختهم لاتدخل نفسك بالموضوع وتحرج نفسك انت ماتعرف ظروفهم *وبإبتسامه* والحين سوق ودني لأقرب مطعم مندي لان صقور بطني بدأت تقعقع
هـاجس : قصدك عصافير بطني تزقزق
زيـاد : اعقب ! العصافير مخليها لك ..*بفخر* حناا صقور حنا المطانيخ هل الطولات
هـاجس رمقه بنظره وكمل الطريق ..
______________________________
كانت جالسه على سريرها الابيض الفندقي وحولها كله اوراق بأفضل التصاميم وقدامها لارا ولؤي اللي بدأو يطفشون ويتعبون من ذوقها
ريمـا بتذمر : يع كلهم يع يع يع
لارا : شو يع يامدام هاي احلى التصاميم
لـؤي جلس جمبها وهو يقلب بلاوراق : دول جديده لسى طبعتهم من البريد
سحبت الاوراق وهي تقلب بينها وبملل كلهم مو عاجباتها اخيييرااا وصلت للفستان اللي تطمح له فستان فخم يصلح لمناسبه فخمه وراقيه نفس زواجها
كان فستان ابيض طويل من قماش ساده وفوقه زخرفة دانتيل بيضا خفيفه فوق القماش بضبط وماسكه عليه ومسكر من عند الصدر ومن اليدين منفوخ زي الموديلات القديمه بس نفخه كبيره شوي وبسيطه ونص كم ..
والفستان ضيق بس من تحت الخصر فيه كسرتين من على جنب مخليته منفوخ شوي وبعدين يرجع من عند الفخوذ ضيق وطويل ..
ريمـا بفرحه : أبغى هذا ومعاه طرحته ابغاهم ضروري ضرووري *ألتفتت على لارا* الحين تروحين تتصلين عليهم تنبهين انهم مايعطونه اي احد ولا يعرضونه
لارا تنهدت بتعب : حازر لؤي حيكلمهم
طلع لؤي بسرعه لأنه فهم من نظرة لارا انها بتكلم ريمـا
لارا : ريما الملابس اللي طلبتيهم وصلو بس اللانجريات والملابس هاي ماطلبتي كثير
ريمـا بملل : عطيني اللاب بختار ..
~~
أسـامه رجع للبيت يبغى ينام شاف لؤي وأبتسم لانه مبين عليه تعبان حيييل من طلبات أخته
دخل غرفته وفسخ ثوبه وانسدح وهو يشيك على جواله ألينور مااتصلت ولا كلمته ولا قالت شي .. لهدرجه عنيده ؟ بس انا اسامه واهم ماعندي كرامتي نفس
صحيح انه غلط وطنشها بس كان مشغول وهي لازم تفهم انه موفاضي 24 ساعه لها ..
قبل ينام تذكر شكلها وهي تبدل للحين ماراح من باله حتى وهو بعز الشغل يتذكرها ..
_____________________________________
الصبح الساعه 11 ..
رشـاد دخل وبيده بطاقات زواج باللون الابيض وفيها زخرفه بسيطه بارزه ومن برا صوره بدون ملامح لبنت لابسه فستان عرس ومعها رجال لابس بدله رسميه ومن داخل مكتوبه بأنقليزي ..
جلس جمب ابوه وهمس له : يبه وصلت البطايق
ابورشـاد توتر لانه ماقال لام رشاد بأن الزواج برا السعوديه وحجز التذاكر له ولعايلته وخبر اخوانه بس بدون مايقولون لعيالهم ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 232
قديم(ـة) 26-08-2014, 06:36 PM
صورة - بئس حبك الرمزية
- بئس حبك - بئس حبك غير متصل
©؛°¨غرامي فعال ¨°؛©
 
الافتراضي رد: روايتي الثانية :أكابر والكبر لله أحبك بس أنا مغرور


الصبح الساعه 11 ..
رشـاد دخل وبيده بطاقات زواج باللون الابيض وفيها زخرفه بسيطه بارزه ومن برا صوره بدون ملامح لبنت لابسه فستان عرس ومعها رجال لابس بدله رسميه ومن داخل مكتوبه بأنقليزي ..
جلس جمب ابوه وهمس له : يبه وصلت البطايق
ابورشـاد توتر لانه ماقال لام رشاد بأن الزواج برا السعوديه وحجز التذاكر له ولعايلته وخبر اخوانه بس بدون مايقولون لعيالهم ..
ابورشـاد : وصلت بطاقات زواج رشـاد
نجـود بفرحه : جد !! ونااسه .. عطوني 6 بعزم صديقاتي
أم رشـاد : أي والله وانا بعد ابي اعزم خواتي وصديقاتي ازعجوني يقولون نبي نشوف بنت الـ....
رشـاد حط الـ11 بطاقه على الطاوله لأنه خذا 4 لروابي وخواتها عشان يقهرهم ..: يما هذي البطاقات
قلبتهم أم رشـاد : هااو وين الباقي ؟ وي ليه كاتبينهم بالانجليزي !
رشـاد : يمه هذي بس البطايق
أم رشـاد : 11 بطاقه ؟؟ وش اسوي فيها ؟
رشـاد : يمديك توزعينها وانتو بتحضرون بدون بطايق
أم رشـاد قرت التنبيه الواضح بطرف البطاقه : وليه كاتبيين البطاقه ماتدخل الا شخص واحد
رشـاد : يمه اقريها كلها ..
خذتها نجود وبدأت تقرا وبإستغراب : الساعه 7:am .. شكل زوجتك تخربطت مفروض تكتب بي ام ..
رشـاد ونظرة الخوف على وجهه : لا صحيح العرس الصبح
ام رشـاد بهجوميه : عرس الصبح ؟ ليه مدرسه هييي!! ؟
رشـاد : يمه انتو غصبتوني عليها وتحملو ..
أم رشـاد : أي غصبناك عليها اجل تبي تبقى ويا بنت الفقر اللي فوق ومتكبره حتى ماتطل بوجيهنا
رشـاد : انتي قلتي خلها تقعد بغرفتها ولا تطلع ولا اشوفها
أم رشـاد : أي بس مو يعني تقطعنا كيذاا .. بعدين هذا مو موضوعنا الحين ليه الصبح هااه ؟؟ بتقلد الاجانب حضرتها
نجـود بشهقه : الزواج بالنمسا ؟!
أم رشـاد شهقت أقوى من نجود : وشششش !! النمسااا ؟؟ أقري أقري عدل هذي شكلها بطايق تعزمنا فيها على شهر العسل
رشـاد ناظر ابوه بضعف يبيه يساعده ..
أبو رشـاد : لا العرس بالنمسا
أم رشـاد : خييير ؟ وين تبيني اشيل الناس من الرياض لزيلامسي ؟!!!
ابورشـاد : عاد العلم جاك واللي تبين تسوينه سويه
أم رشـاد : وانتو من متى تدروون هااه ؟ *تأملت البطاقه* لاوحضرتها بسفينه بعد
ابورشـاد : هذا شرطهم ..
بعد ساعتين مشحونات بالهواش رضت ام رشـاد
أبورشـاد بتحذير وبدون منطق ولا مبدأ كله عشان فلوس ابواسامه : شوفي يا نجود و وصلي الكلام لأسيل بخليكم ترمون الحجاب بس اول مايخلص العرس وحنا على السفينه ترجعون للبسكم المعتاديين عليه بطلعاتنا الحجاب ماينرمي .. ولبسكم يكون طويل وساتر فاهمات
نجـود(كل هذا لعيون منصور حبيب قلبك؟): طييب .. يمه انا بروح اوصل البطاقات لبيت عماني
أم رشـاد بتحذير : أسمعي .. سوي نفسك مبسوطه بالموضوع ..*بتذمر* شنسوي بنرضى غصب
نجـود : أي لاتوصين حريص
لبست ودقت على شيخه وقالت لها ان الينور عندها يعني مايحتاج تمرها وتوجهت لبيت عمهاا . .
فتحت الخدامه الباب ودخلت نجود لصاله اللي فيها البنات وكانت معها مايا تحسبآ لو شافو فهد مايا بتضمه وبتظطر توقف وتتمقل فيه اكثر
نـجود : السلام عليكم
ألينور وشيخه : وعليكم السلام
سلمو كالعاده باارد سلامهم إلا الينور اللي متحمسه لنجود ودها تتعرف عليها اكثر ..
نجـود بغرور : هذي بطاقات زواج أخوي رشاد فالنمسا ياليت تحضرون
شيخـه أنقهرت هي كانت مخططه على رشاد بس راح من يدينها وخلاص نسته ..
ألينـور نقزت على الاريكه : واااووو أخيراا بشوف عرس رومنسي زينا
شيخـه وهي تلعب بشعرها خطرة ببالها فكره لأنها خايفه ابوها يمنعهم ولا اخوانها رمت البطاقه بإهمال على الطاوله : العرس واضح بايخ وممل يمكن مااجي
نجـود وقفت : بكيفك بس ابيك تعرفين ان في بعدها رحله بالبحر ليومين
شيخـه قالت بدلع : مممم ملل
نجـود انقهرت منها مو هذا اللي جايه عشانه الاهم الحين فهد : هذي بطاقة عمي وامك وجابر *وبصوت مبحوح وفهد
ألينـور : فهـد بالصاله روحي عطيه
شيخـه رمقتها بنظره بس قاطعتها نجود : ها بالصاله ؟ أجل بخليه يشوف مايا ذبحتني تبي تشوفه ..
مشت وهي مطنشه شيخه ماتبيها تتكلم ودخلت لصاله بعد ماطقت الباب : السلام عليكم
فهـد ناظرها ببرود وكمل وعيونه ع الاب : وعليكم السلام هلا ام مايا كيفك ؟
نـجود انقهرت من تصرفه وجلست جمبه توها بتتكلم قاطعت كلامهم مايا اللي تركض لحضنه وهي تنادي : بابابااا
فـهد شالها وجلسها بينه وبين نجود عشان ماتقرب : ليه كيذا ماعاد تجين ؟ تبين تزعلين ابوك ؟
مـايا : انا ابغى بس ماما تقول لا
فهـد عقد حواجبه ببراءه : حتى ولو كلميني وانا اجيك يابطه
نجـود كانت سرحانه فيهم وعيونها مدمعه هذا فهد اللي تعرفه وتعودت عليه ودها لو يرجع الزمن لورا ويرجعون زي أول ماتعرفو ..
فهـد ناظرها : آمري
نجـود مدت البطاقه : هذي بطاقة دعوه لزواج رشـاد
فهـد خذاها : مشكوره
نجـود قعدت تناظره تبيه يسولف وياها لكن كان مطنش زي العاده وعيونه ع الاب استأذنت وطلعت
__________________________________
مرت الايام سريعه ألينور للحين تكابر وماتبغى تكلم أسامه لين مايتأسف صح الموضوع سخيف بس صدهم كبره وخلى من الحبه قبه .. أسامه مطنشها ولايفكر يكلمها لان مايرضى لنفسه كيذا , ويبغى يشوف شكلها إذا شافته بالعرس ..
هـاجس كمل مقابلاته مع أسيـل بس بعد ماوصف لها شعوره وحط بينهم حواجز وعد نفسه انه مايتعداها ولو فكر يتعداها يخطبها من اهلها .. وقلبه كان متعلق بأريج اللي شافها بالمستشفى ماحبها بس يحس يبغى يكشف هالسر , لكن كلام زياد يتردد بأذنه كل ماجا بيمشي لشرقيه ..
أسـيل تعلقت بهاجس وبدأت تتعود عليه وتقول له كل شي بحياتها صحيح للحين مافتحت بس يمكن هاجس يكون هو السبب الوحيد اللي يخليها تفتح عيونها , لكن بعد ماصار رسمي معاها حست بحزن وماحبت ترمي نفسها عليه وتجبره ..
روابي ورشـاد هذي حالتهم ماتغيرت مطنشين بعض رشاد طول الفتره اللي راحت وهو يابالشغل او بالاستديو يتصور مع ريمـا اللي احاسيسها اتجاهه بارده وماهمها غير ان عرسها يطلع اسطوري وبيرفكت ,
أما روابي كانت ناسيته حتى اهله مااحتكت فيهم و 24 ساعه يا فالبيت مقفله ع نفسها ولا عند خواتها ..
شيـخه وجابر مااحتكو ببعض شيخه شايله هم مرضها وكانت مشغوله فالمستشفيات والاستشارات من الخارج تبغى تدور علاج
وجابر ماكان له وجه يواجها بالموضوع أحرق الاوراق اللي تبثت انه مٌتبني واشغل نفسه برا عشان لايقابلها ولا يتكلمون ..
فهـد للحين بارد وماهمه غير دوامه وناسي نجود اللي كل ليله ماتنام الا وهي تفكر فيه
تتذكر كل ايامهم وتتمنى لو ترجع لو اسبوع بس ..
ولـيد يتردد على بيت حامد كثير عشان يشوف ضحى بس ماحصل له وبقى يلزم حامد على انه ضروري يجي للنمسا فالعرس بس حامد اعتذر وقال يمكن خواتي يروحون مع روابي
باليـوم اللي مقررين يسافرون فيه لأن بكرا الزواج وفي بيت حـامد ..
شـادن تمسح دموعها : ابي اجي معاكم والله مجهزه كل شي
زيـاد معطيهم ظهره : شادن قلتلك لا يلا ارجعي البيت


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 233
قديم(ـة) 26-08-2014, 06:37 PM
صورة - بئس حبك الرمزية
- بئس حبك - بئس حبك غير متصل
©؛°¨غرامي فعال ¨°؛©
 
الافتراضي رد: روايتي الثانية :أكابر والكبر لله أحبك بس أنا مغرور


نــــــــهــــــــايـــة الــــــــبـــارت
بإنتظـــــــــــــاركم ~


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 234
قديم(ـة) 26-08-2014, 07:02 PM
صورة أثيرA الرمزية
أثيرA أثيرA غير متصل
©؛°¨غرامي مشارك¨°؛©
 
الافتراضي رد: روايتي الثانية :أكابر والكبر لله أحبك بس أنا مغرور


ييوه تحممست حتى هنا وبعدها النهايه :(

بارتتتتتت ججججججممممل عيوني وسامحيني م رديت ع البارتات الي قبل
بس بججد روايتتكك رائعه وححححماس. :)
وحاولي م تتأخري ي قلبي

أيثو :)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 235
قديم(ـة) 26-08-2014, 08:49 PM
صورة Sun Fair الرمزية
Sun Fair Sun Fair غير متصل
©؛°¨غرامي مجتهد¨°؛©
 
الافتراضي رد: روايتي الثانية :أكابر والكبر لله أحبك بس أنا مغرور










روعة البارت م شاء الله
وطوله حلو .. بس ي ليت لو اطول



اتوقع ان صدفة بتجمع بين هاجس واريج .. وممكن ذا الشيء يزعل اسيل اللي بدا قلبها يتعلق فيه
وتتمنى موتها لانها سرقت هاجس منها

حامد .. الافضل انه م يروح وكمان م يخلي خواته يروحون

اكيد وليد واسامة بيستغلوا ذا العرس صح وبقوة
وممكن نجود تلقى نصيبها الجديد هناك

عندي احساس ان فهد لسى عنده مشاعر لنجود
واكيد بيغار ويعصب لو شاف احد يحتك فيها

وبث


تحياتي لك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 236
قديم(ـة) 26-08-2014, 09:37 PM
صورة ابوي اسمك ورى اسمي معزه الرمزية
ابوي اسمك ورى اسمي معزه ابوي اسمك ورى اسمي معزه غير متصل
©؛°¨غرامي مشارك¨°؛©
 
الافتراضي رد: روايتي الثانية :أكابر والكبر لله أحبك بس أنا مغرور


حماااااااااااااااااااااااااااااس حيييييييييييل

واتوقع حامد راح يعطي شاد البطاقه وهي يتنحرج وبترجعها لكن بيصر عليه انها تأخذها وبيستوي اكشن وبعدي ي بيضلون2 او بيرحون 2 او بضل حامد




واريج 100% اخت اسيل واسيل كاسره خاطري


وحمااااااااااااااااااااااااااااااااااااااااااااااا اااغسسسسسسسسسسسسسسس حييييييييييييل

ومتىىىىىىى الباااااااااااااااارت<<<<<هههههه ادري اي طمع توني قاري بارت واسأل متى الباارت بس شسوووي حمااااااااااس حييييييل روايتك وانا فضولي اشويه اشويه^_-

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 237
قديم(ـة) 26-08-2014, 09:43 PM
صورة Najoudh الرمزية
Najoudh Najoudh غير متصل
©؛°¨غرامي مجتهد¨°؛©
 
الافتراضي رد: روايتي الثانية :أكابر والكبر لله أحبك بس أنا مغرور


رشاد وروابي وريما
ماعرف علي اساس بدء يعجب او يستلطف رروابي
مافي اي احتكاك بينهم او مواقف ريما شخصية تافه سطحية
وفي فرق كبير بين روابي وريما رغم انهم مابانت شخصياتهم
ولاكن نقدر تقول بحكم الفرق الاجتماعي الي هما عايشينو
زياد وشادن
دوبي الي عرفت انهم اخوان وانا مع رفض زياد لسفرتها
نجود وفهد
مازالت مصرة انها تتلااقي معا والمفروض بعد الكلام الي انقال ليها
تحاول تتجنب انها تشوفو او تشوفو بطريقة غير مباشرة
وف النهاية عندي ملاحظة
الصراحه الرواية جميلة ولاكن يعيبة سرعة الاحداث
يعني رشاد دوبو متزوج روابي من تاني يوم خطب طيب علي اي اساس بدء يعجب
ولا استلطفها
شيخه فجئة كانت بالمستشفي متي خرجت ومتي شكت انها مريضة بالقلب وهي مالها اي بوادر
جاتها
يعني كان الافضل يصير احداث كتير بين الابطال مو شرط صدف نقاس مواقف بعدها خطبت رشاد
وشيخة تبدء نوبات المرض وبعدها بكم بارت تكتشف مرضها
سرعة الاحداث بتفقد الرواية قيمتها
واتمني ماتاخدي بخاطرك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 238
قديم(ـة) 26-08-2014, 09:47 PM
صورة عاصفة الرياح الرمزية
عاصفة الرياح عاصفة الرياح غير متصل
©؛°¨غرامي جديد¨°؛©
 
الافتراضي رد: روايتي الثانية :أكابر والكبر لله أحبك بس أنا مغرور


واو البارت مره روعه بس لو تسويين اكشن في الروايه عشان يتحمس القارى وتكون روايتك اجمل ومشكورة حياتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 239
قديم(ـة) 26-08-2014, 09:56 PM
صورة - بئس حبك الرمزية
- بئس حبك - بئس حبك غير متصل
©؛°¨غرامي فعال ¨°؛©
 
الافتراضي رد: روايتي الثانية :أكابر والكبر لله أحبك بس أنا مغرور


اقتباس:
المشاركة الأساسية كتبها najoudh مشاهدة المشاركة
رشاد وروابي وريما
ماعرف علي اساس بدء يعجب او يستلطف رروابي
مافي اي احتكاك بينهم او مواقف ريما شخصية تافه سطحية
وفي فرق كبير بين روابي وريما رغم انهم مابانت شخصياتهم
ولاكن نقدر تقول بحكم الفرق الاجتماعي الي هما عايشينو
زياد وشادن
دوبي الي عرفت انهم اخوان وانا مع رفض زياد لسفرتها
نجود وفهد
مازالت مصرة انها تتلااقي معا والمفروض بعد الكلام الي انقال ليها
تحاول تتجنب انها تشوفو او تشوفو بطريقة غير مباشرة
وف النهاية عندي ملاحظة
الصراحه الرواية جميلة ولاكن يعيبة سرعة الاحداث
يعني رشاد دوبو متزوج روابي من تاني يوم خطب طيب علي اي اساس بدء يعجب
ولا استلطفها
شيخه فجئة كانت بالمستشفي متي خرجت ومتي شكت انها مريضة بالقلب وهي مالها اي بوادر
جاتها
يعني كان الافضل يصير احداث كتير بين الابطال مو شرط صدف نقاس مواقف بعدها خطبت رشاد
وشيخة تبدء نوبات المرض وبعدها بكم بارت تكتشف مرضها
سرعة الاحداث بتفقد الرواية قيمتها
واتمني ماتاخدي بخاطرك
هلا حبيبتي

يعني مااشوف اتي سرعت الاحداث
رشاد كان متفق مع ابوه انه يخطب ريما ع طووول بعد زواجه من روابي وخاصتا بعد موقفها الاول ماكان يحمل لها مشاعر بس حب يكسر خشمها ويرضي ابوه بزواجه من ريما ...
يمكن سرعت لما خليت الزواج يجي بس كنت احط بليوم الواحد مية حدث .. وانا ابطال روايتي رشاد وروابي وريما وكنت ابيها تجي بسرعه عشان نبدأ بالجد ..

اما بخصوص شيخه ممممم يعني انا كنت مخليتها فابمستشفى بسبب هوشتها مع جابر ولما جا الدكتور يسوي الفحوصات قبل تطلع قالها هالشي واستدعى امها ورجعت وهي تبكي ...
حبيبتي بالعكس انتي نبهتيني لشغله مااازعجتيني ...
وبالصدف ابشري اللي جاي بيرضيك
نوووووورتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 240
قديم(ـة) 26-08-2014, 11:18 PM
صورة بنت العقيل الرمزية
بنت العقيل بنت العقيل غير متصل
©؛°¨غرامي مشارك¨°؛©
 
الافتراضي رد: روايتي الثانية :أكابر والكبر لله أحبك بس أنا مغرور


بارت جميل جداً
اكثر شي متحمسه له شيخه وجابر <33
ننتظر باقي الاحداث بفارغ الصبر

الرد باقتباس
إضافة رد

روايتي الثانية :أكابر والكبر لله أحبك بس أنا مغرور

الوسوم
مغرور/روايتي , الثانيه. , احبك , اكابر , بارت1ص1 , بارت2ص6 , بارت3ص10+ص11 , بارت4ص16 , بارت5ص20 , والكبر
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6843 14-01-2020 09:38 PM
روايتي الثانية : جلسات نسائية بقلوب الماسية Johnarr أرشيف الروايات المغلقة - لعدم إكتمالها 232 12-07-2013 03:14 PM
روايتي الثانية : رحلة الانتقام في مسيرة الظلام , كاملة لا للمستحيل روايات كامله - يتم نقل الرواية هنا بعد اكتمالها 98 19-03-2013 08:55 PM
روايتي الثانية : كتمت حبه بداخلي لكن هل رح يجي اليوم اللي أصرخ بحبه / كاملة غرآم الحب روايات كامله - يتم نقل الرواية هنا بعد اكتمالها 136 09-03-2013 06:59 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2127 08-11-2010 01:09 AM

الساعة الآن +3: 03:07 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1