&نـــونـي بنت الجنوب & ©؛°¨غرامي فضي¨°؛©

المشاركة الأساسية كتبها البنوتات اقتباس :
إبداع. .كملي حبيبتي
الابداع منك وفيك حبيبتي
وتسلمي على الرد وان شاء الله اشوف لك
رد ثاني بعد نزول البارت اليوم فديتك
لك ودي


&نـــونـي بنت الجنوب & ©؛°¨غرامي فضي¨°؛©

المشاركة الأساسية كتبها نونو الشهري اقتباس :
روايتك مررره روعه وانا من متابعينك من زان بس مكنت مسجله في المنتدى واول ما سجلت انتي اول وحده رديت عليك ابي بس اساك انتي متى تنزلي روايتك وش الايام وطلب حاولي ما تطولي علينا
مرورك هو الاروع فديتك
ولي الشرف وانتي اول رد لك يكون على روايتي
وعشان مواعيد البارتات شوفي الفتر ه الاخيره صرت انزل بارتين في الاسبوع
واذا عندي وقت انزل ازود ان شاءالله في الاسبوع
لك ودي


&نـــونـي بنت الجنوب & ©؛°¨غرامي فضي¨°؛©

المشاركة الأساسية كتبها فيتامين سي اقتباس :

السلام عليكم ورحمة الله وبركاته
بارت رااائع برد قلبنا وقلب رهف
مثل ماتوقعت تركي مافكرفي نفسه لما ترجى رهف ماتعلم
أبوه كل همه أمه خايف عليها من زعل أبوه واللي خاف
منه صار
تركي غبي كان قدامه فتره طويله وهو مختلي برهف
مافكر يكسبها ويخليها تحبه لأنه هوواضح يحبها بالعكس
كل يوم يكرها فيه زياده
الله يستر منه ما اظن يفوت لرغد فضحها له وطلاق امه
ماهي بعيده يستغل عدم وجود أبوه وياخذها ويبعدها عنهم ويستفرد بها
وجايزيتمسكن لحد مايتمكن لكن رهف ماراح تمشي عليها حيلته
بيجن لما رهف تطلب الطلاق وما اظن يطلق إلا أذا أبوه خلى ترجيع أمه
مقابل طلاق رهف
منتظره بقية الأحداث بفارغ الصبر
شكرا حبيبتي يعطيك العافيه
عليكم السلام ورحمة الله وبركاته
ماشاءالله عليك دايم توقعاتك في محلها
وردك ومتابعتك لروايتي المتواضغه هو الاروع يالغلا
وان شاء الله اليوم كمان البارت يبرد قلبك ازود
ويعافيك حبيبتي لك ودي

&نـــونـي بنت الجنوب & ©؛°¨غرامي فضي¨°؛©

البارت السادس والعشرون
سبحان الله وبحمده عدد خلقه ورضا نفسه وزنة عرشه
ومداد كلماته
*
*
رهف
على طول قفلت جوالي خفت يتصل علي لما يشوفه مفتوح وغطيت نفسي بالمفرش ارجف ياربي متى ارتاح منه
خايفه من تهديده سمعت صوت عنودوهي تكلمني
عنود وهي تهز كتوفها : رهف نمتي
رهف وهي تبعد المفرش عن وجهااا : لا بس حابه اجلس لوحدي
عنود وهي تجلس قريب منها : وش فيك اللحين وليه حابه تجلسي لحالك
تعالي واجلسي في الصاله معنا مو حل جلستك لوحدك
رهف بهدوء : مقدرت اجلس معاكم والبنات احسهن مو بطايقيني
عنود : لا حياتي بس البنات شوي زعلانين على امي وجوري تعرفنها تحب تركي وعشان كذا هي ترمي عليك حكي
وان شاء الله بكره بعد التراويح تركي بيجي ويتافهم مع ابوي وتنتهي هالمشكله كلها
رهف :انا مستعده اكلم عمي لو اللحين انه يرجع خالتي مهما كان مستحيل انسى انها ربتني في بيتها وزعلي منها احتفظ فيه لنفسي
وانا سويت كذا بس عشان عمي يعرف كل شيء واني مظلومه وكملت بحسره لانها تقتل ياعنود النظره اللي كان عمي يناظرني فيها وانا مستحيل اخرب بيوت
وهي
تبكي بقهر من اللي فيه مو عارفه وش تسوي
عنود وهي تمسح دموعها : خلاص حبيبتي لا تبكي
رهف وهي تضم عنود: انا اضعف من اني اسوي مشاكل بس والله من قهري ومن الظلم اللي تعرضت له
عنود وهي تمسكها من عند كتوفها :رهف ابي اقولك شيء ولا تفكر اني ادافع عن امي او اني اقول انها مو غلطانه بس ابي افهمك امي دايم معميه عند تركي تحبه بجنون وتسوي اي شيء يبيه وانتي عارفه السبب لأنه يشبه اخوي فيصل الله يرحمه عشان كذا امي تحبه بزياده وتسوي اللي يبي بدون تفكيرربس والله امي طيبه يارهف دايم توصي عليك وتقول لا تقصرن في بنت عمكم
والله لعب في عقلها تركي وخلها تسوي كذا تكفين رهف سامحي امي
اما تركي غلطان وبقوه كمان ولاراح احكي عنه شي وانا اعرفه واعرف اخلاقه الله يهديه بس
رهف وانا ارمي حالي على المخده:عارفه بس مو لهذي الدرجه خلوني اكره حالي واعيش في خوف بس لانها تحب ولدها
عنود وهي تسحب يدها : ياشيخه قومي خلاص يكفي بس نايمه وخلينا ننسى شوي ونطلع عند البنات في الصاله
رهف بحزن : مالي مزاج اطلع وانا احس البنات مو بطايقيني
عنود: قومي بس وبالله خلينا نغلس شوي على جوري مسويه نفسها زعلانه وهي والله كلش مو لايق عليها
رهف : لا خليني هنا احسن
عنود : رهف والنهايه معك وبعدين البنات ماعليك فيهم
رهف
هزيت راسي وقمت وقفت عند المرايا اعدل شعري
عنود بتريقه : ترى تركي مو موجود بس البنات هنا وش هوله هالتعديل كله
رهف بعصبيه :من زينه اخوك اتعدل له وبعدين لو انه موجود كان ماطلعت معك
عنود وهي تضحك :هههههه نمزح معك وش فيك
رهف بقهر من سخافتها :صراحه مزحك ماسخ
عنود: اوف لها الدرجه كاره تركي
رهف بصدق : واكثرر كمان
عنود وهي تمشيها معاها : يستاهل تركي اللي يحصل له
رهف
مشيت معاها وطلعت الصاله شفت البنات منسدحين قريب من التي في تذكرت قبل كنت معاهم وانتضارب على هالمكان بس اليوم كل شيء تغيرر حتى ماودهم يناظروني
رهف بهدوء : السلام
سماح ببرود : هلا وعليكم السلام وأخيرًا طلعتي من العزله اللي مسويتها لنفسك
رهف :مو حكاية عزله بس كان ودي اجلس مع حالي شوي
جوري بحقد : على مين تفكري هالمره تطلعيه من البيت هااه قولي
عنودبعصبيه وبصرخه:جوري اقسم بالله لو ماعتدلتي مع رهف لا اقول لااابوي وهو يعرف يتصرف معك
رهف : خليها معاها حق على امها وانا اقولها لك ياجوري انا بنفسي ابي اكلم عمي انه يرد خالتي لللبيت مهما كان مالي حق في خراب بيتها وانها تبعد عنكم وانا اسفه كثيررر ياجوري ماودي تصل بينا كذا والله بس غصب عني
جوري بقهر : وش هو الغصب انك لازم تجي وتقولي لاابوي
ياخذ حقك روحي ياشيخه والله تركي معيشك احسن عيشه هو يحصلك ولا بس كذا نحاسه وغيرانه منا لان امنا عندنا وانتي امك ميته وحبيتي تشردينا مثلك

&نـــونـي بنت الجنوب & ©؛°¨غرامي فضي¨°؛©

[size="6"][/عنود وهي تقاطعها بكف : يازفته انكتمي
مو رهف اللي تقولي عنها كذا وكلامك كله عند ابوي خليه بس يجي والله
جوري وهي تبكي وماسكه مكان الكف : وينك يمه شوفي وش يصيررفيني بدونك الله يقهرك يارهف مثل ماقهرتينا وخليتي ماما تتطلق من ابوي
رهف سكيت على اذوني من كلامها وجلست ابكي بقهر تدعي على ياجوري انا ااااه ياعذابي يارب كل مره يصيرر فيني شيء اللحين جوري كمان ضدي
انا ياربي مو قادره عاد اتحمل تعبت والله اللكل يلطش فيني بالحكي يارب
عنود وهي تمسكها : خلاص رهوفه وهذي يبي لها تربيه ع كلامها ذا كله
سماح وهي تجي تضم رهف : خلاص رهف انا صح زعلانه منك بس جوري غلطت في حقك كثيرر وخلاص لاتبكي عشاني وامي ان شاءالله ترجع ونرجع مثل قبل
رهف وهي تناظر سماح : زعلانه مني ياسماح عشان كان ودي اخذ حقي بس
ماكان ودي بهذي الطريقه عمي استعجل كثيرر وانا مالي ذنب
سماح وهي ترجع تضمها :لا مو زعلانه حبيتبي خلاص لا تبكي وجوري تدري فيها خبله من يومها ماتعرف تتكلم وبكره بس امي ترجع وشوفي كيف ترجع معك مثل قبل واحسن كمان
عنود : الله يكدر عليك ياجووري مثل ماكدرتي جونا اوف هالبنت ودي ازنطها ماعمرها سوت خيرر
رهف وهي تمسح دموعها : تكفين عنود لا
تقولي لعمي ماودي في مشاكل ازود من كذا يكفي اللي حنا فيه
عنود : لا هذي مايعرف لها إلا ابوي يكفخها عشان تعرف كيف تتكلم مره ثانيه
رهف : يكفي انتي كفختيها خلاص بالله تعبت من المشاكل
سماح بتريقه : والله انك تموتي فيها
رهف بقهر وهي ترمي عليها المخده : انقلعي
عنود بصرخه : سماح بس وهي تناظر رهف مو تموت فيها إلا كمان تعشقها
رهف وهي معصبه : انا استاهل طلعت جلست معكم
سماح : هههههه نمزح نمزح اجلسي خلاص ماتعرفي المزح يابنت
عنود : ههههههه
خلينا نضحك شوي بالله
رهف بقهر : انقلعوووا اضحكوو بعيد عني مو تضحكوووا عليه يازفتات
قطع علينا دخلت عمي وهو يقول : وش فيكم على حبيبة عمها
رهف الله وحشتني هالكلمه : قلت وانا
ادلع شوي عليه بناتك شرريرات ياعمووو
ابوفيصل وهو يسوي نفسه معصب : قولي وش صار منهم وانا اخذ حقك كله
عنود : يبه لا تقويها علينا بالله من اصله شايفه نفسها
رهف بدلع : من حقلي صح عمووو
سماح : وع وش هالمساخه فيه يارهف
ترى مو لايق عليك صرتي مره كبيره ومتزوجه كمان
رهف بقهر منها لازم تذكرها انها متزوج : مالك شغل فيني
ابو فيصل : خذي راحتك في الدلع ياروح عمك مدام انا موجود لا تخافي من شيء وانا عمك وحقك من تركي والله يارهف اني لااخذه لك كله بس صبرك عليه لااااخليه يتمنى يرجع فيه الزمن ومايسوي سواته الكلب
عنود وهي تحاول تهدي في ابوها لما شافته قلب السالفه جد : يبه الله يهديك خلاص بكره تركي يبي يجي هنا ويعتذر منك تكفى يبه لا ترده
ابو فيصل بجمود : وش يبي هذا جاي انا
وش قلت ماابي اشوف وجهههه
سماح : يبه جاي هو بس عشان تسامحه ويقول اي شيء تتطلبه منه موافق انه يسويه بس لا تزعل منه
ابو فيصل : خلاص سكرووا ع الموضوع اللحين لان احمد غثني فيه وقلت خليه يجي ونشوف وش عنده
عنود وهي تقوم تسلم على راس ابوها : الله يخليك لنا يبه ولا يحرمنا منك
ابو فيصل بحسره : نفسي اعرف تركي ليه يحب يسوي مشاكل من يوم وهو
صغيرر مافي واحد سلم منه في الحاره
ودايم يجيب لي الاحراج من الكل
سماح : خلاص يبه بكره يجي وانت عاتبه بهدوووء واكيد هو ندمان اللحين والله وده يرضيك
ابو فيصل وهو يهز راسه : يصيررر خيرر ان شاءالله
شكل اليوم مافي سحوررر اشوفكم جالسين كلكم ولاحده في المطبخ ولا يكون جوري هي ودها تطبخ ترى تكفون ماودي اصوم بدون سحورر
عنود : ههههههه اللحين اسويلك احلى سحور
سماح بهدوء : جوري مسويه نفسها زعلانه على امي
ابو فيصل نزل راسه وسكت
رهف
ناظرت عمي حسيت لما جابت سماح سيرة خالتي نزل راسه شكله متحسف جيت ابي اقوله ردها ياعم وعشان مااكون انا سبب تعاسة هالبيت بس جيت اتكلم ناظرت حولي ماشفته بس كان سماح
سالت وانا مستغربه : وين عمي بسم الله توه هنا
سماح : لا راح وانتي في مكان ثاني ومدري وين وصلتي
رهف : وين راح ابي اكلمه
سماح : يقول يبي ينام ساعه قبل السحور يحس بتعب
رهف : اوك نوم العوافي
يالله خلينا نقوم نساعد عنود
بعد ها سوينا السحورر
وتسحرنا بس شفت عمي ماله مزاج اني
افتح معه اي موضوع افضل شيء اجلها بكره واشوف ان شاءالله اقدر اقنعه يرجع زوجته ويفكني من ولده بس هذا اللي ابيه
وان شاء الله البنات يرجعن يفرحن بس
ااااه كل مااذكر كلام جوري احس قلبي يتقطع يعني شايفتني اني غيرانه ان عندها ام وانا لا اااه ياوجع قلبي من كلامها بس اكيد بتجي في صف امها واخوها يعني انا مهما قربت منها اللهم بنت عم وفي نظرها انا اللي فرقتهم عن امها فاااااكيد بتكرهني
الله يسامحك
صلينا الفجر وبعدها نمنا وانا خايفه
من بكره وكيف تركي لما يقابل عمي وش راح يحصل بس اللي مطمني في الموضوع احمد يكون موجود لانه ماشاءالله عليه عاقل واكيد راح يقنع عمي انه يرجع خالتي سكرت عيوني وانا اترقب بكره وش راح يحصل
اليوم الثاني بعد الفطور
رهف
احس عنود خايفه حتى فطور ماافطرت زين هه مافي ولا احد افطر زين
عنود وهي تجلس بجنب رهف : تصدقي خايفه لا تكبرر السالفه وتصيرر مشاكل
تدري في ابوي نار وتركي عصبي وقليل حيا مايحترم احد
سماح : لا تركي مهما كان اخلاقه ماعمره رفع صوته على ابوي ياعنود
عنود وهي تهز راسها :مدري خايفه اليوم ابوي يعصبه ويرفع صوته وتكبر بينهم
سماح : لا تخافي ان شاءالله مايحصل شي انتي قولي بس يارب تركي وأحمد يقدرون يقنعون ابوي يرجع امي
عنود وهي ترفع يدها :يارب والله انها وحشني كثيررر
سماح : قالي تركي انه مستأجر لها شقه مفروشه وهو جالس معاها
يقول رفضت تروح عند ميمتي تبي تجلس لوحدها والله قطع قلبي وهو يحكي عنها
والمصيبه رفضت تكلم احد فينا يقول مسكره على نفسها
جوري وهي تحت المفرش وتبكي لما سمعت حكيهم وبقهر:شفتي يارهف هانم وش سويتي خليتي امي تنقهر ر
رهف
وانا اسمع حكيهم كان ودي اقولهم خلاص اسكتوووا بس مهما كان امهم ومقهورات عليها ناظرت جوري وهي معصبه علي
وطنشتها وسحبت المفرش وغطيت راسي فيه
جوري : جبانه طول عمرك
عنود بقهر من جوري : والنهايه معك يابنت
سماح : نفسي اعرف هي الللحين وش عملت لك عشان تثوري كذا عليها
جوري بعصبيه :يااااغبياء هي تسببت في قهر امي واسمعي تركي وش يقول عنها يقول رافضه حتى تتكلم وكملت وهي تبكي انا خايفه عليها وبصرخه والله لو يحصل لها شيء مااسامحك يارهف
رهف
سكرت عيوني بقوه واحس من كثرر الدموع تحرقني وقلبي ينحرق زود من كلام جوري
صادقه جوري انا جبانه ومقدر حتى انتقم من اي احد ضرني اااا ياعذابي
بعدها ماسمعت احد في الغرفه شكل البنات سحبن جوري للصاله عشان ماتزود في الحكي معي

سمعت صوت اذان العشاء قمت اخذت ملابس وابي اخذ شور بارد يمكن يطفي اللي جواي دخلت تحت الدش وفتحته وكان المويا مع دموعي ينزلون حسيت شوي براحه طلعت من تحت الدش وتوضيت وطلعت انشف شعري
وفرشت السجاده وجلست اصلي العشاء
وبعدها التراويح تذكرت حنا اليوم فيه صلاة قيام يالله رمضان مر بسرعه قدينا في العشر الأواخر جلست اكرر اللهم اتنا في الدنيا حسنة وفي الآخرة حسنة وقنا عذاب النار اللهم انك عفواً تحب العفو فاعف عنا .....بعدها رفعت السجاده ومشيت ناحية المرايا اناظر شكلي كيف وجهي تعبان ومصفر وتذكرت الموقف اللي قبل ما نسسافر يوم قالي قزمه وقفنا قدام المرايا بعدته على طول من بالي وع من زينه اذكره تركي مشاكل .......
سحبت المشط وسرحت شعري كله رفعته لفوق بطريقه عشوائية احب دايم اسوي كذا في شعري مااحبه مفتوح على وجهي بالمره وصراحه احس طوله يضايقني كثيرر صار ودي اقصه شوي
ع الاقل لنص ظهري دايم اللكل يمدح طول شعري بس انا مااااحبه احب الشعر القصيررر احسه سهل تقدري تسوي فيه اللي تبي
هزيت راسي صدق فاضيه انا في ايش افكر اللحين في شيء اهم المصيبه اللي
جايه اللحين مع تركي مشاكل مدري وش راح يصيررر الليله في هالبيت
رحت انسدحت على السريرر وفتحت الدرج اللي قريب مني وسحبت جوالي ابي اشوف لو ارسل شيء ثاني وكمان ابي احفظ رقم اميره تذكرت انه في الشنطه قمت واخذت الشنطه وفتحتها وطلعت الرقم وسجلته في الجوال ودخلت على طول الواتس
شفت اخر ظهور لها قبل يومين على طول طلعت من الواتس وقفلت الجوال
خايفه ...........
بعدها شفت عنود وهي تفتح الباب بقوه وشكلها مرتبك حسيت برجفه في كل جسمي يارب استر
عنود وهي خايفه : رهف ابوي وتركي واحمد في الصاله وابوي رفض يسلم على تركي
رهف بخوف : كيفه مع عمي انا مالي شغل
سماح وهي تجي تجري : عنود تكفين ابوي معصب وجالس يهددد في تركي
تعالي بالله انتي تقدري تهدي ابوي
احس احمد عجز ماقدر في ابوي مره معصب
عنود وهي تطلع : الله يسترر
سماح وهي تجلس قريب مني : اكره هالللحظه اللي يكون فيه مشكله بين ابوي وتركي من زمان مسببه لي عقده والله وبكت
رهف وانا اضمها حسيت بتنيب ضميرر اكثرررمن قبل ياليتني مافتحت فمي وجلست أتألم وحدي ولا خليت اللكل
يعاني : خلاص سماح انا بنفسي اطلع لو تبيني اروح اقنع عمي والله اللحين اقوم سماح وهي تبكي : لا انتي وش بيدك بعدين لا تنسي ابوي يسوي كله ذا عشانك يعني هو يقصده ياخذ حقك
رهف بغصه : خلاص انا اقوله متنازله عن حقي بس تكفين لا تقطعي قلبي عليك
وسالت بتردد وين جوري اكيد اللحين تبكي
سماح وهي تمسح دموعها : جالسه عند تركي
عنود وهي تدخل عليهم وعيونها فيها دموع وخوف : رهف ابوي يبيك
وطلع احمد ويقولك تعالي
رهف بخوف : يعني تركي موجود
عنود : ايوه بس لا تخافي ابوي موجود
رهف بخوف : لا ماااابي اطلع وبعدين عمي وش يبي فيني قولي له رهف ماتبي تتطلع
عنود وهي تقنعها : تكفين رهف دخلت امي على هالبيت مره ثانيه في يدك وهو يبك عشان هالسالفه تكفين يارهف عشاني
بس
سماح وهي تمسك يدها : يالله رهف تكفين وحنا كلنا معك وبعدين تركي مستحيل يسوي شيء انتي لو تشوفي قد ايش هو زعلان وده السالفه تنتهي بسرعه]

&نـــونـي بنت الجنوب & ©؛°¨غرامي فضي¨°؛©

رهف
مشيت معاهم وانا ارجف مو عارفه ايش اسوي وكيف اتصرف
وكيف ادخل وتركي موجود عند عمي ياترى عمي وش يبي فيني
معقوله يبي يخليه يطلقني اه ياليت والله حبيت هالفكره
ياليت عشان كذا طلبني شفت البنات يدخلن قبلي
وانا دخلت ومشيت ناحيةعمي وجلست قريبه منه عشان احس بأمان والله كل هذا وماناظرت فيه
رهف بهدوء وهي تناظر عمها: سم ياعمي وش تبي طلبتني
ابو فيصل وهو يحط يده على كتوفها ويقربها منه : بس حبيت اشاورك في ان خالتك ودهم ارجعها وانا حلفت قلت انتي تقولي انها ترجع اولا وشوفي حتى لو قلتي لا والله اني مااراح ازعل منك فديتك الشور بيدك وانا اشوف خليها تتعاقب وتجلس عند ولدها اللي ضيعها
تركي بقهر وهو يناظرها : اللحين يبه الشور بيد هذي والله ان مقام امي عالي
ابو فيصل بصرخه : انا وش قلت لا اسمع كلمه منك او اي اعتراض
تركي بقهر: خلاص يبه اهدى
رهف وانا احاول ابعد الخوف عني رفعت راسي وناظرت عمي : شوف ياعم انا مالي حكم عليها انها ماترجع بيتها ولا ودي في خراب هالبيت وانا كان بنفسي ابي اجي عندك واكلمك انك ترجعها مهما سوت فيني مستحيل انسى انها في يوم ربتني وعدتني وحده من بناتها وانا ماعندي مشكله مع خالتي بس حبيت اوضح لك اني بريئة من اي كذبه عيشونا فيها وبعدين انا مشكلتي مو مع خالتي الله يسامحها مشكلتي وهي تاشر على تركي : مع هذا ودي بس تفكني منه وتخليه يطلقني
تركي بصرخه : يازفته هذا له اسم والله لو انك مو في حمى ابوي كان وراك هذا وش يعمل فيك
ابو فيصل وهو مقهور من تركي اللي مايعرف يتصرف : تهددها قدامي بدل ماتاخذ بخاطرها وتخليها تبعد فكرة الطلاق من راسها تقوم تزيد عليها وتجلس تهدد صدق انك غبي
تركي : والله مابقي إلا هي اجلس اخذ بخاطرها ولو ابيها اخليها ترجع معي غصب بس انا الللحين ماابيها ومخليها ع كيفها
ابو فيصل وهو يطنش ولده يدري فيه غبي و عصبيته تخرب عليه وهو يناظر رهف : يبه انا ماودي اغصبك على شيء بس سالفة الطلاق هذي انا مو حابها والله ودي انك ترجعي وهالزفت اخليه يدفع مهر من جديد لو تبي واطلبي اللي تبي واخليه يجيبه لك وهو راضي كمان
رهف
وانا مصدومه من عمي كان معي في كل شيء بس وقت ماقلت طلاق احسه ماعجبته الفكره وجالس يحاول يصلح بيني وبين ولده نزلت اسلم على يد عمي : تكفي ياعم ماابي شيء غيرر الطلاق تكفى خلك معي وانت مستحيل تخليني ارجع له
ابو فيصل وهو يرفعها : ياروح عمك لا تبكي بس انا اشوف ان الطلاق مو حل وماودي اخرب بيتك كمان
رهف وهي منهاره : تكفى ياعم تكفى ولا لاني ماعندي اب ياخذ لي حقي
تركي بعصبيه : انكتمي وش سويت فيك انا يكفي خربتي على امي وطلعتيها من بيتها
رهف بصرخه: انكتم انتا فاهم ولا نسيت ياما ضربتي حتى كتفي خلعته لي ولا النومه في عز البرد بدون غطى يدفي جسمي
هااا نسيت قولي وهي تناظر عمها قلي ياعم وش هو الذنب اللي
انا سويته فيه عشان هذا كله ونكد علي عيشتي كلها تكفى ياعم عارفه انه ولدك وتعزه يمكن اكثر مني بس انا بنت اخوك وماعندي احد بعدربي إلا انت ولا تكون انت والزمن علي
ابو فيصل وهو يضمها : خلاص اهدي ولا يكون خاطرك إلا طيب ورجعه ماراح ترجعي له مدام انا بخيررر وخلاص وانا ابوك لا تبكي مدام هذي عمايله فيك مايستاهل حتى اتوسط له
اهدي فديتك ومن ناحية الغلا والله ان لك في قلبي غلا محد فيهم اخذه
تركي : يبه الله يهديك وش ماترجعي له بدل ماتعطيها كف على وجهاا لانها رفعت صوتها علي
ابو فيصل بصرخه : انطم لا بارك الله فيك ويالله انقلع لا اشوفك قدامي
تركي وهو يتقرب من ابوه ويسلم فوق راسه : تكفى ياابوي لا تدعي علي وخلك راضي علي
ابوفيصل بهدوء : اوك بس طلق رهف وانا اكون راضي فعلاً
تركي : يبه وش طلاقه خلها تجلس كذا لما تتربى
رهف وهي تبكي : تكفى ياعم خله يطلقني
مابي اي شيء عاد يربطني فيه
ابو فيصل : خلاص اهدي وانا اخلي هالرخمه يطلقك ولا يهمك وتعيشي هنا عندي معزززه مكرمه ولاااحد يقدر يفتح فمه عليك مدام اني حي
رهف وهي تضمه : فديتك يالغالي الله لا يحرمني منك
تركي بقهر منهم مو عارف كيف يقدر يرجعها تعصبه غصب عنه وده بس يستفرد فيها :ايوه ع هالدلع والله ماترجع من جد
ابو فيصل :تركي انقلع لا ترفع ضغطي
تركي : اوك منقلع من غير ماتقول بس متى اخلي امي تجي
ابو فيصل بحده : خلها تتنطق لما يوم العيد
البنات كان ساكتين من وقت مابدت الجلسه
بس لما سمعووو ا ايش ابوهم قال كلهم بصرخه وحده
لاااااااااااااا يبه تكفى
ابو فيصل : خلاص قلت يوم العيد ماابي اسمع اي اعتراض
تركي بهدوء وهو يحاول يقنع ابوه : تكفى يبه لا نننفضح وانت تدري يوم العيد كلنا نتجمع وصعبه اذا احد دري يوم العيد وامي مو في بيتها حرام عليك يبه تكفى والله انها تصعب عليك
ابو فيصل بقهر : خلها تعرف كيف ثاني مره تخطط معك
وتتفقوووا على هالضعيفه تحسب ماورها اهل لا وربي
لاااخليها تثمن حركتها وانا ماودي ارجعها بس عشان احمد حلف عليه اني مااطردك من البيت وارجع امك وهاذني شاورت رهف ومارفضت والله وهذا انا اقولها لكم كلكم لو قالت رهف لاان هالبيت ماتدخله ولا تزيد في كلمه ياتركي معي ترى والله لسا مقهور منك ومن امك يا اللي فعايلك مايسونها الرجال
تركي وهو يوقف خايف من عصبية ابوه وهو مصدق واحمد يقنعه : اوك وقت ماتقولي خليها تجي على طول راح اجي فيها
ابو فيصل : اوك لما اقولك ولما يطيح إلا هنا وهوياشر على راسه
خليها تجي
جوري وهي تبكي: يعني اشلون يبه والله حرام اللي تسويه في ماما
ابو فيصل : انكتمي وامك تحمدربها وانا ابي ارجعها ع عصمتي مره ثانيه بعدسواتها
تركي وهو يسلم على راس ابوه : يالله يبه مع السلامه
وهو ياشر على رهف وهذي متى ترجعها لي
ابو فيصل بصرخه قهر : انت تستهبل ولا شلون البنت تقولك
ماتبيك
افهم عاد
تركي بقهر : والله طلاق ماعندي لااخليها تعفن كذا
وهي معلقه
ابو فيصل وهو يستغفر الله مايبي يعصب اكثرر من كذا : تركي فارق والنفس زينه عليك ولا تخليني اخلي رجعة امك بطلاقك لرهف
تركي بسرعه : لا يبه لاتربط رجعة امي بطلاقي لرهف تكفى يبه
ابو فيصل : طيب انقلع
عنود لما شافت ابوها في لحظه راح ينفجر على طول تدخلت: خلاص يبه اهدى الله يطول في عمرك وهي تدف تركي وتقوله خلا ص تركي روح الللحين حنا ماصدقنا وانت رجعت لللبيت
تركي بزعل وهو يناظر رهف : يبه طيب ودي اجلس مع رهف لحالنا يمكن اقدر اقنعها
رهف على طول مسكت في يد عمها بخوف : لا تكفى ياعم لاتخليني معاه لوحدي
ابو فيصل وخلاص اعصابه تلفت من هالولد : تركي انقلع عن وجهي يالله خلاص البنت عايفتك افهم
تركي وهو معصب راح وقفل الباب بقوه
ابو فيصل كان وده يدعي عليه بس استغفر الله وجلس يدعي له بالهداية
رهف
كان ودي اضحك لما طلع وهو معصب خليه يستاهل
غبي من جد يررادد بالحكي قدام عمي بس عرفت حاجه ان تركي مايخاف من احد ويمكن بس يقدر عمي وماوده يغضب عليه بس
امااالو في راسه شيء يجلس يلح فيه لما الواحد يرضى غصب
احس عمي كان يحاول يقنعني ارجع له لما جلس يزن ع راسه بس الحمدلله عمي يحس بالذنب من جهتي ووقف معي وطنش تركي فديتك ياعم الله يطول في عمرك
ع طول وقفت وقلت عن اذنكم ابي اروح ارتاح شوي
دخلت الغرفه عشان خفت البنات ودهم ياخذون راحتهم مع عمي حسيت بطفش الدنيا اوف ياربي وش اعمل حتى ولا وحده من البنات اجت عندي الغرفه .........
سحبت جوالي وفتحته قلت خليني اشوف اميره فديتها وحشني والله دخلت الواتس شفتها متصله فرحت ياي خليني العب عليها شوي
ارسلت لها : هاي
ارسلت لي : مين
رهف : تعرفي
اميره: والله معليش شربت توت ومافيني حيل افكر
رهف مت ضحك عليها وش دخل التوت اللحين في التعرف :وش دخل التوت
اميره : لا بس كثرت منه قولي بالله مين عشان اعرف احكي معك
رهف : متاكده ماعرفتيني
اميره : اقول انتي شكلك فاضيه وماعندك سالفه تكلمي ولا احظرك
رهف : اوف ياحمش
اميره : مين
رهف : غبيه انا رهف فديتك
اميره :فديتك قلبك الله والله اني فرحانه فيك قلبي
اخبارك واخبار المزيون بالله ي هي العماره ظلام بدونكم
رهف ارسلت لها فيس ساخر
اميره: ههههه فديتك والله تغاري
رهف : لا بس اعطيني بالله اخبار امك وسعاد والله وحشوني كثيرر
اميره : امي وخالتي سعاد بس يدورن من شقه لشقه ومن عماره لعماره الله وكيلك مايجلسن مره
رهف حسيت بمغص لما شفت تركي ارسل ع الواتس
اعتذرت على طول من اميره بس هي نشبت فيني
بس انا طنشتها ورميت الجوال
اخخخ ياربي وش خلاني افتح الجوال اوف وهذا مثل الجني مراقب جوالي فتحت وش ارسل ) تبي الطلاق ردي على الجوال ) والثانيه رهف مصيري استفرد فيك والله لاااطلع هالدلع كله وتعصيب ابوي عليه كله اطلع من عيونك (يازفته متصله ومطنشتني اوك مصيرك توقعين في يدي يارهف والله لاااخليك تتمني الموت ماتحصليه
جلست افكر في كلامه الله يخلي عمي لي مدام انه موجود مستحيل هالغبي يسوي فيني شيء هه بس يهدد مع وجههه
صدق ماعنده دم ولا ذوق ولد امه
شفت عنود تفتح الباب وتدخل بهدوء وتجلس قريبه مني : اوف الحمدلله اخيرآ امي بترجع لنا والمشاكل بتنحل والله
رهف بسخريه : الا مشكلتي مع اخوك مالها حل
عنود بهدوء : رهف حبيبتي والله اني احبك اكثررر من روحي
ياعمري بس ودي اقولك شيء بس لا تزعلي مني والله اني احس الغبي تركي يحبك حاولي ترجعي له وتفهمي هو وش يبي
رهف وانا رافضه حتى اتكلم في هالموضوع: عنود تكفين ماابي
اسمع شيء عنه
عنود : تصدقي حزنت عليه احسه يكابر وده انك ترجعي له والله بعدين ماشفتي شكله كيف نحف ومسمرر مو مثل قبل وهو بس في اسبوع غبتي عنه شوفي وش صار فيه
رهف : اخوك نذل وده بس ارجع لك عشان ياخذ حقه مني وياخذ حق امك طبعاً وشكل كذا صار لانه مقهور انه انهزم ولد امه
عنود بزعل : وش ذي ولد امه يارهف
رهف بسخريه : اللحين زعلتي ليه قلت له كذا اجل اللي سواه فيني مايزعل اقول خليني ساكته ياعنود ماابي احد يزعل مني

&نـــونـي بنت الجنوب & ©؛°¨غرامي فضي¨°؛©

[size="6" ][/حسيت انا عنود زعلت مني بس طنشت يالله كله محصل كله اول جوري واللحين عنود غطيت نفسي بالمفرش وتكلمت من تحته : عنود بالله لما تتطلعي سكري الباب معك
عنود بهدوء: تبي تنامي ومابقي ع السحور شيء
قومي بس عارفه ودك تسوي ان ودك تنامي كله تفتكري ان زعلانه منك وهي تسحب المفرش بقوه قومي خلينا نطبخ السحورسوى ونفلها شوي ياربي اول رمضان يمر علينا كذا
رهف وانا اسحب المفر ش منها : عنود والله ودي انام
عنود وهي تهز راسها بقوه: كذابه ودك تجلسي لحالك وعارفتك دايم تبكي تحت المفرش دايم احس عليك
رهف وانا اجلس : اوف ياانك غثا يالله جلسنا وش تبي
عنود وهي تسحبها للمطبخ شفنا قدامنا جوري
قلت الله يستر ماودي تقط عليه كلمه اوف .....
جوري وهي تتطلع بهدوء من المطبخ
عنود :وع مسويه انها زعلانه اكثرر منا
رهف
قلت بغصه يالله اللحين خالتي ترجع للبيت ويرجع كل شيء مثل ماهووو وكملت بحزن تتتوقعي لما يطلقني تركي ارجع مثل قبل
ولا كذا حياتي كلها حزن وكدر
عنود بحزن على حالها: حياتي الله يسعدك والله ماودي تتطلقي وانتي صغيره كذا حرام بس هذا طلبك وتشوفي راحتك اذا تتطلقتي
إلا مهما كان انتي ماتهوني علي وكمان اخوي اللي بدون عقل مايهون علي تصدقي احسه مجنون شفتي كيف ابوي يقوله كلمه يرد بكلمه ثانيه ويبي يثبت كلمته غصب الله يهديه بس
رهف
تبسمت مدري ليه والله على اللي يسويه فيني بس بعض مرات اضحك غصب عني على حركاته احسه مجنون صادقه عنود عمي يكلمه في شي يرد عليه كلمه في شيء ثاني ينرفز بقوه اللي قدامه بعدها جلسنا نسوي سحورر
وجلسنا انا وعنود وسماح نسولف لما الصباح وبعدها نوم
بعد اسبوع قبل العيد بيومين
بعد الفطور دخلت علي عنود وهي تعطيني فلوس
عنود وهي تناولها : خذي هذي من عند تركي
يقول خذي للعيد اللي تحبيه
رهف عيت ماامد يدي : وقلت قولي له ماتبي منك شيء
عنود : حرام عليك اعطاني هو اللحين وكان مستعجل
يقول اذا ابوي راح فيكم السوق اليوم اعطي رهف هذي وقولي لها تركي يسلم عليك
رهف مو مطمنه له : تكفين عنود لا تضغطي علي قلت لك فلوس من عنده مابي ومين قالك اني ابي اعيد اوابي اطلع لاااحد
عنود : ياسلام ابوي اليوم يبي يودينا السوق ويقول كلكم راح تروحون وتاخذون اللي تبيون
رهف : اوك روحووا انتم انا ماودي اروح مكان
عنود : انتي مايعرف لك إلا ابوي
ورمت الظرف وطلعت
رهف
جلست اناظر في الظرف ياترى وش طلع من هالبخيل اكيد اللحين خمسين ريال وكمان جالس يبكي والله اشك ان عمي قال له إلا هو مايحس اجاني فضول اشوف كم بس
ودي اضحك شوي فتحته وكان خمس الف فتحت عيوني مو مصدقه وش ناوي عليه ذا معقول يعطيني هذا المبلغ عشان بس
اخذ لبس سكرت الظرف وقلت ترجع عنود تاخذه وترجعه له
ابو فيصل وهو يدخل عليها الغرفه : ليه ماودك تروحي السوق
اللحين قالت لي عنود
رهف وانا اعدل جلستي : تسلم ياعم والله مافيني حيل على دوارة السوق
ابو فيصل : افاااا اذكرك قبل كان اول وحده تنط وش اللحين تغيرر وكمان تركي اعطى عنود فلوس توصلها لك
بس لا تصرفيها خليها لك في وقت ثاني لان هدية العيد علي مثل كل سنه
رهف وانا اسحب الظرف : خذ ياعم اعطى ولدك وقوله ماتبي إلا ورقه طلاقها ماتبي فلوس وانت ياعم طول عمرك ماتقصرر معي ودايم تاخذ اللي ابي يجعلك سالم
ابو فيصل بجديه : وش ارجعه له إلا خذيه وكمان مفروض يدفع اكثرر وماعليك منه ورقة طلاقك ان شاءالله قريب تصلك
وقومي اللحين تجهزي للسوق باقي شوي وياذن وبعدها نروح
وهو يقوم الله يعينا على الزحمه وطلع
رهف
اخذت الفلوس ودخلتها في الدرج وتذكرت اني معي فلوس من قبل في الشنطه اخذتها ورحت اتجهز وبعدها صلينا
ورحنا السوق
عمي نزلنا وقال مشوار بسيط وارجع لكم ان شاءالله
دخلنا كلنا السوق وجلسنا نحوس فيه حول ساعتين
انا كان مالي مزاج اخذ شيء اخذت بس لبس مع جزمته واكسسوار وجلست انتظرر البنات
عنود وهي تشوف اغرضها: بس هذي لبس مع جزمه الله يكرمكم وش ذا اول مره كذا تتسوقي
رهف بطفش : اوف مافيني اتسوق ولا لي نفس خلاص يكفي هذا وبس يالله اذا خلصتوووا دقوووا علي عمي خليه يجي
عنود : اوك اللحين ادق عليه شكلك تعبانه صح
وهي تدق على ابوها عنود : يبه وينك حنا كملنا تعال
ايش طيب كيف اوك مدام انك دقيت على فيصل تمام
رهف وانا فاتحه عيوني : فيصل جاي
عنود وهي تسكر الجوال:ايوه ابوي راح المزرعه وصى علينا فيصل لان واحد من العمال تعبان وفي المستشفى
رهف بسرعه : لا لا عنود تكفين فيصل لا يجي وبعدين ماودي اركب مع فيصل
عنود وهي شاكه فيها: رهف وش فيك على فيصل اذكر يوم سبيتيه قدام ابوي وسالتك قلتي بعدين
رهف بطفش : مو قتك عنود بس حاولي تخلي عمي يجي فيصل مستحيل اركب معه اعطيني انا ادق على عمي واقوله يجي
عنود وهي تناولها الجوال :اوك خذي انتي كلميه وان شاء الله هو يجي
رهف اخذت الجوال منها ودقيت على عمي :عمي
ابو فيصل بسرعه: وش فيك يارهف انا مشغول اللحين
رهف بسرعه: تكفى عم انت تاخذنا
ابوفيصل بسرعه:حبيبتي بعدين اكلمك مو فاضي الرجال تعبان مره لا تخافون فيصل اللحين جاي وقفل
رهف ناظرت الجوال بقهر ياربي وش اعمل مابي اروح مع هالزفت الحقيررر اوف اكره بشكل وبعدين لو دري تركي راح افتح مشكله ثانيه وانا في غنى عنها وياربي مو قادره اكلم عنود عشان فيصل اخاف الزفت يعبي راسها عليها ويخليها تشك في اخلاقي مثل اخوها ياربي ليه انا كذا جبانه مقدر اسوي شي
عنود وهي تنادي البنات يالله ابي ادق على فيصل
سماح وهي تجلس بتعب : ايوه دقي خلاص انا هلكت
جوري وهي تجلس : يالله بسرعه دقي
رهف
جلست خايفه كيف ياربي اطلع معاه
اوف ليه انا دايم كذا كل شيء ضدي
حسيت بعنود وهي تهز كتفي ناظرتها
عنود : يالله فيصل وصل
وقفت وانا اسحب رجولي غصب ياربي غصب عني ابي اطلع مع هذا ولا انا ماودي مشينا شفته وهو واقف قدام البوابه وهو يكلم عنود
عنود : ايوه خلاص شفناك
مشينا كلنا ناحية سيارته سميت بالله وركبت
حسيت ببروده في جسمي من الخوف
سعمت صوته وهو يتكلم مع البنات حسيت بقرف منه
فيصل : هلا والله بعماتي
البنات كلهم: هلا فيك
عنود وهي تضربه على كتفه: انقلع انا زعلانه منك
فيصل : اصبري ياعمه خليني اسلم على زوجة عموووو
وبسخريه كيفك رهوووفه
جلس ينتظر منها رد هه شكلها ماتبي ترد علينا على كيفك وبتريقه عمه رهف وش رايك صرتي عمتي بدل خطيبتي زمن والله عجيب
عنود وهي مقهوره من فيصل وش فيه كذا تغيرر: فيصل احترم حالك ولا تنسى انها زوجة عمك
جوري بسخريه : لا تسوي حركات يافيصل ترى هي راح تتطلق
من اخوي وخذها حلال عليك وترجع خطيبتك بدل عمتك ههههه وكملت وهي تضحك
فيصل وهو فاتح عيونه: صدق تبي تتطلقي يارهف
وبقهر انا نفسي اعرف ليه وافقتي عليه والله انه مايستاهلك
سماح : فيصل خلاص فكنا
عنود بقهر :اقسم بالله يافيصل لو عاد تقول كلمه زياده اني ازعل منك وانت تعرف زعلي
فيصل وهو رايق وحبيبته معه: خلاص ياعمه فديتك ماراح افتح فمي وانتي ياجوري الله يفرحك مثل مافرحتيني
وقال بصوت رومانسي فديتك رهوفه والله لو تتطلقي من عمي اني لاخذك وادلع كمان
رهف
كان يتكلم وانا ابكي بدون صوت حسيت نفسي رخيصه واكثرر شيء قهرني كلام جوري وش دخلها تقوله كذا
كرهتهم كلهم وكرهت حالي معاهم ياويل حالك يارهف من اللي يصير لك من العم ولد اخوه
حسيت السياره كلها ساكته لما عنود صرخت في فيصل بعدها انكتم يادوب نوصل إلا سيارة تركي بجنب البوابه لاااااااااااااااااا
مووقتك والله .........
فيصل بسخريه : اوف اوف العم قدامنا
عنود :لا مو قته اللحين
وهي تكلم البنات بسرعه خذوا رهف ودخلوها داخل قبل مايسوي مشكله وابوي مو فيه
فيصل بنخوه: افاااا والله مايقدر يقرب منها وانا موجود
عنود بصرخه: ياغبي زوجها ويقدر يسوي فيها اللي يبي وتكفى فيصل انكتم مو قتك
رهف
انا لا تسالوووا عن حالي خلاص ابي اموت ياربي الطف فيني يارب نزلنا بسرعه انا وسماح وحنا نشرد نبي ندخل داخل وتركي بسرعه فتح باب السياره واجى ناحيتنا ..............
انتهي البارت حبايبي
استودعتكم الله]

&نـــونـي بنت الجنوب & ©؛°¨غرامي فضي¨°؛©

معليش والله حبايبي على صغر الخط
بس والله جوالي علق وعيا يخليه على حجم رقم سته
وان شاء الله لبارت ينال على اعجابكم ولا تحرموني توقعاتكم وردودكم
فديتكم يالله استمتعووا فيه


غلا الريم. ©؛°¨غرامي ذهبي¨°؛©

يااااااااااااربييي لالالا تخلي تركي يسوى لهم شي خليها تدخل الغرفة بسرعة
بس اتوقع ما راح تلحق تسكره وراح يضربها الله يستر خليها تتطلق عشان تعمله بنات الناس مو لعبه عنده
وتاخد واحد تانى غير تركي وفيصل
الباااارت كتيييييييير حلو
تسلم ايدك اختى عالبارت
تحياتي

ديب فريز ©؛°¨غرامي مشارك¨°؛©

تسلم ايدج عالبارت الحلو وننتظرج بالبارت القادم وشنو الي راح يسوي تركي لرهف اتمنى اتنزليه قريب

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1