&نـــونـي بنت الجنوب & ©؛°¨غرامي فضي¨°؛©

الثالث والأربعون
&&&&&&&&&&&&&
أستغفر الله واتوب اليه
الروايه لاتليهكم عن الصلاة
&&&&&&&&&&&&&&&&&&&&&&&&&&&&
:
:
:
غسان ناظرهاا بصدمه: وش قصدك

عنود بستهزاء : سلامتك
بس ثاني مره لاتضحكني اوك
غسان وهوو يحاول يمسك اعصابه من اول بس اللحين لاا مافي عاد طاقه وقف وبحدة: امشي قدامي
عنود ضحكت بسخريه: ليه الاسعار غاليه ولايهمك اطلب واناادفع
غسان وهوو صاك على سنونه وده يفجرر في هالمطعم من كثرر عصبيه : عنود لاتستفزيني اكثرر امشي يابنت الناس اوصلك مكان مااجيتك منه يالله قدامي وياليت مااسمع لك حس
لاني خلاص مافيني
عنود
مالت عليك ميته اناالحين اخس يالماما قال ايش مافيني روح في جنهم مالت على هالخشه يالمغازلجي
ركبت السيارة بهدوء واناااضحك شاطرره عنود طلعتي النغه من طورة اقول استريح بس مسوي فيهاا رومانسي وعاشق من متى المعرفه وحنا ماندري ناس فاضيه
غسان
في قهرر الدنيااا لا كذا ماينفع ولا فيه طاقه يتحمل
وملعون ابووو حب ذا اللي يذل وبعدين غسان لاتضحك على حالك من البدايه مافي اي توافق بينكم البنت كان رافضه
وفجأة وافقت اكيد ضغط من اخوهاا انااعارف بس يسأل لعلى وعسى تقول كلمه تغيرر حاله اللحين وتبعد هالضيق بهدوء:ليه وافقتي
عنود وهي تناظر الشارع بدون رحمه قالت: تذكررر اول رد
غسان ينتظرر وش قصدهاا: ايه اذكره
عنود :وش هوو كان
غسان حاول ينتبه على الطريق وندم انه سأل :كان الرفض
عنود بكل قساوه: وحتى اللحين كان الرفض بس حكم القوي
غسان بجمود : قصدك المره الاخيررر يوم وافقتي
تركي غصبك
عنود بقهر:لو سمحت لا تقول وافقتي قول انغصبتي ايه واقولهاا لك وفي وجهكك لوو انت رجال لااتكمل هالزواج
غسان بغموض: ان شاءالله يصيرر خيرر
عنود
في وجهك وفي وجههه تركي خيرر إلا قول شررر
لكن حسبي الله عليكم
شفته وقف عند باب بيتناا جيت انزلل
غسان مسكهاا من يدهااا وهوو فاتح جواله ويدق
: هلا تركي ايه افتح الباب اختك جت وقفل
واشرر لهاا بيده انزلي
عنود
هزت راسهاا مستنكرر ه حركته مجنون صدق يعني يقال محافظ
مالت ان لوو اسلم منك اكون بخيرررر
فتحت الباب الخارجي وقفلته بقوه عارفه... انه مشى بس كذا قهررر حسيت اني ودي ابكي لاعنود خليك قويه ..مثل ماكنتي تو معه ايه ايه عنود عفيه عليك ..هههه مقدرر يفتح فمه
رفعت راسها شافت قدامهاا السيد وفي يده مشعل وهوو جاي يستقبلهم : وين غسان
عنود وهي ماتبيه يحس عليهاا: راح جاه اتصال من امه وراح بسرعه لدرجة العشاء تكنسل
وكملت في نفسهاا يارب اغفرر لي كذبي بس وش اسوي ذا مايرحم
تركي بهدوء: اكيد فيه مشاكل بين امه وابوه مدام انه راح مستعجل
عنود بكذب: الله يعنيه مشكله لوو كذا اهله لا كذا شكلي ماراح ارتاح انا يالله ابي اكون عاقله واتحمل
تركي بجمود: ادخلي بس
عنود
وجع مافي اسلوب الله يعين رهوف صح انه غسان خويه بس احس غسان ثوررر غبي ومسوي حساس ورومانسي مالت بس
اماا هذاا أعوذ بالله ابليس وبكبره بعد
دخلت الصاله وشفت حبايبي قدامي والله حسيت بفرحه لماا شفتهم
اتجهت لرهف وضمتهاابقوه: اشتقت لك
رهف وهي تضحك: بنت وين رحتي كلهاا نص سااعه
جوري وهي متكتفه :واناامافي ضمه
عنود ضمتهاا وجلست على الكنب
جوري جلست قريب منهاا وجلست تشم فيهاا
عنود ضربتهاا بقوه على راسهاا: وجع ان شاءالله وش فيكك تقول كلب بوليسي
جوري وهي ماسكه على راسهاا: كلب ي معفنه بعدين جالسة ابي اشم ريحة عطرة فيك كذا ابي اشوف ذوقه على انه عدم
وعارفه من يوم خطبك
رهف وهي تكمل عنهاا االاسطوانه المشروخه الللي دايم ترددهاا: وبدل قمر بقرد
جوري : وغصب عنك قمرر وقمر وقمر
ليه رجعتي بدري ست عنود توني ابي ادق عليك
تجيبي معك عشاا بس تركي قال اذبحك لوو سويتي هالحركه
وطبعاً بعدها انثبرت
عنود بكذب:وع مين زينه طلع بخيل تخيلوا ي بنات فتح المنيووا يبي يطلب شافه كله غالي قال وش رايك على الطريق شورماا مره اعرف مكان يسويهاا تجننن
جوري وهي متحمسه: ايه وبعدين
رهف معاهاا: لاا يكون طلعتووا واخذتووا شورما
عنود : لا لا انااصرخت وقلت ماابي عشاك يالبخيل
والشورماا خليهاا لاامك اللي شايفتن حالهاا على الفاضي
جوري : لو سمحتي لااتغلطي على خالتي قماشه
رهف بصدمه: اسمهاا قماشه من جد
جوري : مدري بس انااتوقعت كذا وتدري انتي ان عندي فطنه تف تف من عنيونكم يالحسودين
عنود : وجع خيستيناا وبلى كذب انتي وهي مسوين ماتعرفون اسمهاا
رهف بصدق: والله ماعرفه
عنود: اسمهاا غاده
جوري : وكملي وبعدين خلينا من اسمهاا
وش صار معك انت وهالجلدة اللي طلعتي معه
رهف
تذكرت يووم كان اتهم تركي ههههههه ويالته طلع بخيل كان اللحين كمل لي شقتي موو ياخذ الراتب من هنا واليوم الثاني مدري وين يروح كله في اشياء تافهههه ولا هوو مفكررروانااعارفه ان عنود كذابه بس جالسه اسلك لهاا
والله بالعكس شكلهم ناس ماتفكرر في الفلوس وهمهم الفشخره الزياده بس الدلخه ذي مصدقتهاا
جوري وهي فاتحه عيونهاا بصدمه:وكمان طلع الشورما بعشرة ريال وعيااا
عنود وهي مبسوطه اكيد راح تنبسط وهي نكدت عليه احسن عشان مايفكرر يطلعهاثاني:ايه تخيلي
جوري :وانتي كمان ضروري تتطلبي صاروخ كان طلبتي ابوو ثلاثه ريال
رهف : صح جابتهاا جوري
عنود بطفش منهن لوو جلست معاهن لللصبح كل وحدة اغبى من الثانيه خليهاا تروح تكمل احتفالها في غرفتهاا
دخل تركي
مرت من عنده وهي تحس قلبها يدق تخاف منه بشكلل
تركي وهوو يناول رهف مشعل: خذي هالرجه
رهف وهي تاخذه: لوو سمحت لا تقول عنه رجه قول قمرر سكرر طالع على امه حبيبي ذا
تركي وهوو يجلس قريب منهااا:اممم قمرر فعلا مانقدرر ننكرر لان هذا جمال رباني بس باقي كل شيء ي انك ثقيلة دم وغثا وقليله فيك كلك على بعضك امممممم مسوي يفكرر
رهف بقهرر:ايوه كمل ولا كل ذي يبي لهاا تفكيرررر
جوري بسرعه: اناااقول عنك تركي تكفى اعطني فرصه
تركي ناظرهاا: انتي اللحقي اختك احسن وخذي معاك مشعل والفرصه راح تجيك ان شاءالله الصبر ثم الصبرر
جوري بقهرر: شوف مفروض تتطلب بأدب وقول ممكن تروحي انااابي اجلس مع قزمتي شوي بدون هالخلاق الخايسه ولدك والله مااخذه وعندك غرفة استفرد في هالعله معك بس تتطردنا من الصاله لا والف لا انا احتج
رهف بقهرر: كم مره قلت لك لاتبدي وانااماسويت لك شيء اوف
وكمان ولدي ماارح اعطيك وناظرت تركي وبصرخه: وانت وش فيك عليه تبي تصرفه
تركي هز راسه وطنشهاا وسحب الريموت وجلس يتفرج
يكون عقله اصغر منها لو رد عليهاا
جوري وهي طالعه:انتظرر منك اتصال اقصد اعتذارر
رهف : حتى اناا ابي اعتذارر غلطتت في ولدي واللي يغلط في مشعلل كنه غلط فيني
تركي ناظرهن وقال بقهر منهن: تصدقووا انتوو حرام مكانكم هناا
جوري بغباء: صدق والله مكاناا مفروض في مكان احسن من كذا
بس انا الحمدلله يمكن احصل عريس غني كذا ويسافر فيني كل الدنيااا والرياض امر اسلم عليكم بس
اماانتي يارهف راحت عليك اخذتي هالمنتف اخوي نص الشهرر
مفلسسس وبقهرر انت ليه رتبه ومسوي فيها على االفاضي
تركي : مالك شغل مقد طلبتك ي البخيله اوكى واقصد ان مكانكم حديقة الحيوان بس انتي لعب فيك خيالك بزيادة
جوري ورهف بصوت واحد:حديقة الحيوان وهم يناظرن بعض
تركي :اي وكمان مفروض نفصلكن عن بعض كل وحده في حضيره اوشبك
جوري : شبكووا راسك يالتيس على قول جدتي
اناااافضل شيء اروح احسن من الجلسه معاكم اللي تغث الواحد وفعلاً لوو جلست دقيقه اتوقع يومين واناامكاني المكان الللي قلته ياربي ثقيله على لساني مقدرت اعيده وتقولهاا بدلع تقلد سارة ياهي غيرانه من ذي البنت
تركي : ولا يهمك اناااقولهاا بدالك حديقة الحيوان
جوري طنشته وهي رافعه خشمهاا وطلعتت
تركي ناظرر رهف: تصدقي اشك في عقلهاا والله هالبنت نفسي اعرف ليه كذا وبعض مرات انقهرر منك لووو تسوي دلاختهاا ذي
رهف :لوسمحت محدن فيناايقلد الثانيه كلن وله حقوقه ا لمحفوظة
تركي :وهذاا بلى ابوك ي عقاب كلن غباء من جهههه
رهف طنشت حكيه وتقربت منه
وجلست اسوي نفسي محترمه : تروك
تركي : نعم
رهف :ناظرني خلى هالمباراة اللي غثيتنا فيهاا
تركي : ماابي لان عارف بعدهاا ابي اقوم معصب او متنرفز واناالسى تعبان
رهف واناا اسدح ولدي على الكنبه وارجع تقربت منه و حطيت راسي على كتفه وقلت بدبع: افاااا تروكي حبيبي تعبان لسى
تركي ناظرهاا بنص عين: اقول رهوفه وش عندك
رهف وهي تمسك يده وتلعب فيها بدلع:اممممما ابي شقتي تجهزز
وتكفى بدون تعصيبببب
وحالة التهديد ترجع اتزوج ومدري ايه
تركي بطفش سحب يده: خلاص قلنا بعدين
رهف عصبت: ليه بعدين ليه مو اللحين تتطلع الفلوس في اي شيء بس انا بخلان تسوي في شقتي ولا لانها بتكون لي
عشان كذا معند والله قيمة الاشياء التافهه اللي تاخذها تسوي البيت كامل فلوسك كلهاا في عطور وساعات ونظارت وماركات على الفاضي
تركي : ومين قالك اني لوو سويتهاا بتكون لك بتكون لللثانيه
رهف بصدمه وهي فاتحه عيونهاا:ايشششششششش
وانااشوف ليه مطنش اتاريك لاعب لعبتك يالخبيث
تركي وهوو يضحك :ايه شفتي كيف الحمدلله يارب وانتي طلعتي تعرفي تفكري يالله اقلبي و جهككك عني اللحين
لاني بديت اعصبببب
رهف بقهرر: ليه طيب
تركي : وش اللي ليه عادي انتي متعوده على اهلي بس الجديدة بتكون غريبه عليهن وتبي شقه جديدة
رهف وهي تبكي : خلاص تركي لاتكمل اناعارفه بنيتك من اول واخذت ولدهاا ودخلت غرفتهااا
وجلست تبكي

اماااتركي جالس يضحك في الصاله
احسن خليني ابرد قلبي شوي
بعدهاا جت امه وجدته واللكل دخل ينام حاول يكلم امه عشان موضوع الزواج بس قال بكره احسن لما شاف جدته تعبانه وفيهاا النوم ودخل غرفته وشافها مطنشه ومسويه زعلانه طنشهاا ولااافكرر فيهاا


&نـــونـي بنت الجنوب & ©؛°¨غرامي فضي¨°؛©

عند غسان وهوو يلف في الشوارع بدون هدف
ياربي لماا متى اقدرر اتحمل يومين وراء بعض وهي على ذمتي ماقدرت اتحمل كلامهاا صراحه محدن يقدر ينرفزني مثلهاا
...! ليه كذا ي عنود ضحك بسخريه توقع يرجع مبسوط
وفرحان ااه .....
@@@@@@@@@@@@@@@@
اليوم الثاني بعد العشاء
كلهم متجمعين وطبعاً عنود فرحانه وحلفت إلاتجلس معاهم
ومبسوطه كثيررر.... وهي انتقمت من غسان باقي لها الراس الكبيرر لكن والله هي له اليوم وتتطلعه من طورة ...تدري فيه اقل كلمه تقهره ومابالكم باللي بتسويه.. والله لااتغدا فيك قبل ماتتعشى فيني قال ايه زواج انت وصاحبك ناظرت رهف سامحيني ادري اني راح اسببب لك مشكله بس ماعليه تحملي
رفعت جوالهااا ودقت رنه بس على جوال فيصل بعد ماشافت انه متصل في الواتس يعني راح اكيد يرجع يدق مدام انه ماسك جواله وفي نفس اللحظه بعد
تركي
وهوو يناظرر عنود غريبه اليوم جالستن معناا موو عوايدهاا بعد ماغصبتها على غسان اللحين كيف اكلم امي عشان موضوع الزواج اكيد بتسوي حرب ومشاكل
رهف
وهي تناظر ولدهاا اللي نايم في يدهاا ومن امس ماتكلمت ساكته
وخلاص حلفت معاد تقول له عن موضوع الشقه حب هوويسويهاا لهاا كان خيرر ماحب كيفه وعلى قوله طول عمري عايشه عندهم اجل انثبررر ومفروض انااعرف دايم حظي
ماعمري تمنيت شيء وحصل غيرر شعول ربي يطول عمره هوو الشي الووحيد اللي مسعدني في هالدنياا الحمدلله يارب انا راضيه بكل شيء
الجدة وهي تناظرهم: هووو علامكم ساكتين والله ي جوري اثرتس لك حس
ام فيصل وهي تتقهوى: تركي احس عندك حكي قول يمه
ولاا ماتجلس مسنتررر معناا كذا
تركي وهوو يضخك: قصدك اكون هايتتت ههههه
الجدة : ايه زين يمه وانت تعرف حالك
عنود
شافت رقم فيصل ينورر الشاشة هلا والله فديتك ي حبيب عمتك في وقتك والله والله ي تركي هالضحكه اقلبهاا لك ثواني بس واشوف كيف تضحك دست على الاخضرر وحطيت رجل على رجل ورفعت الجوال وببتسامة مكرر: اهيلين حبيبي
:
فيصل ببتسامه: هلا والله في العروس
وش هالبخل رنه وتقفلي لو رسلتي وقلتي اتصل كان احسن
عنود وهي ترفع صوتتهاا زياده عشان اللي مايسمع يسمع: فصول كذا تقول عن عمتك ترى بحق ذي
فيصل وهووو يضحك :فديتك كلي لك وش تبي وترضى علينااا يالقمرررر
عنود في نفسهااا ي هالولد عليه كلام : انت بياع كلام كذا دايم
وناظرت تركي شافت وجههه مايفسرر القهر باين عليه وهوو يناظرر رهف ومره يرجع يناظرني هههههه احسن موت بغيرتك مثل ماتموتني بقهري
فيصل وهوو يتكي على ظهرر السيارة ويناظر البحر: افااا وش
فيهاا العمه علينااا
عنود بدلع : اااامممااا زعلانه
فيصل وهوو ينتهد:فديت الزعلانين قولي وش الللي تامري بوه وحنا حاضرين للحلوين
عنود ودهاا تقهرر تركي زياده : طول عمرك ذوق ومنطقك ذوق ياليت اعطيت بعض الناس بس
تركي
عرف قصدهاااا بس طنش ولا هوو مفكرر فيهاا
بس كان يتابع رهف بيشوف كيف رد فعلهاا لمااتدري ان فيصل يكلم عنود ويشوف لوو راتبكت اوو توترت راح يتأكد ان له مكانه عندهااا بس لا شافهاا منزله راسهاا من اول الجلسه وتناظرر في ولدهاااااا ولا هي معناا بالمره عارف انهاا مقهورة مني عشان موضوع البيت.وعارف اني جرحتهاا بس هي دايم تخرب على نفسهاا بتسرعها ........
عنود بدلع: فصولي حبيبي وش هالصوت عندك
فيصل وهووي يناظر البحرر: هذي صوت ا لامواج
يازين البحرر يسمع همومك بسكات
عنود حست بشفقه عليه صح ان تتمنى لتركي السعادة مع رهف وكمان عارفة أن تصرفات فيصل لماا طلع كلام عن رهف غلط
وزعلت منه فترة بس اللحين حست بشفقه عليه وهي عارفة يمكن رهف لوو تزوجت فيصل بتكون ملكه والله لانه رومانسي ويعرف يحكي احسن من الدبش ذاا بس نصيب ربي كاتب انهاا تكون لتركي عنود وش فيك لهاالدرجه حاقد ة على اخوك لا انا مو كذا استغفر الله العظيم: بعد الشرر عنك حبيبي من الهموم وهي تناظرر تركي خلاص حبيبي مااطول عليك
فيصل بطفش: لا عمه خليك طاق من الطفش جالس انتظر
الاسبوع ذا يخلص واجي الرياض وحشتيني وكمان احظر زواجك
عنود وهي تقوم وهي عارفة ان تركي راح يولع اكيد بيشك ان فيصل يبي يقول لهاا شي عن رهف وهي مو قادرة ترد عليه وعشان كذاا راح تقوم لازم تكمل لعبتهاا وتقهره ياناس فيها غيض منه بذات مع نظراته ذي اللي يرسلهاا لهاا
: اوك حبيبي اللحين ادخل غرفتي وارد عليك
تركي بسخريه: معقول لهالدرجه السؤال خاص وماتقدري تجاوبي عليه قدامنااا هههههه مشكله والله أجل اذنك معك
عنود بقهر: متى استذنت عشان تعطيني الأذن

رهف
منزله راسي من وقت مااابدت عنود مكالمتهاا اللي مالهاا داعي ابدا طيب عنود انتي بهالحركه بتسوي مشكله وابي اطيح فيهاا يعني حبكت تكلمي فيصل قدام المجنون ذا كان انقلعتي غرفتك وكلمتي على راحتك بس اناااكون بيعده الله يسامحك بس
وشوفووا ذا وش جالس يقول ولا النظرات اللي احسهاا علي من
بدت المكالمه اكثرر من مره ابي اصرخ في وجههه واقوله خيرر تناظرر بس اتذكرر وجود خالتي وميمه وماابي اقوم واسبب الشك لي اني تضايقت لمااسمعت المكالمه او شيء الله يصبرني بس اليوم طيب عنود ماراح انسى هالحركه البايخه غبيه كذا توقع بين العم وابن اخوه اكثررر وصراحه اكثرر كارة سيرة فيصل اكره بشكل احسه حقيرررررر
عنود طنشت تركي ومشت متجهه لغرفتهاا
تركي لماا شافهاا بتطلع
قال ابشري اللحين اردهاا لك ي عنود: اقول يمه دقووا علي امس
يقولون يبوون الزواج هالاسبوع وانااارحبت فيهم
وقلت تم لكم ماطلبتوووا
ام فيصل بصدمه:نعممم
عنود طاح الجوال من يدهاا من غيرر ماتحس وش ذا يقول التفت له وقالت بقهرر: انت واعي للي تقوله
تركي وهوو يرفع احد حواجبه: اكيد حبيبتي روحي كملي مكالمتك ماعليك انتي في هالحكي
عنود بصرخه: معليه في هالحكي اجل مين السخله الي بترميهاا هااا قول بنت الجيران عشان هذاك الوقت تقول مايهمك يكون عندك حق
تركي وهوو يضحك :ههههه جبتيهاا اسخله
ام فيصل بحدة: تركي تكلم معي وش ذا
أسبوع من جدك انتت
تركي ناظرر امه: ايه يمه والله واعطيتهم كلمه وحلفت ماارجع فيهاا
ام فيصل بصرخه: لا لما هنا ي تركي وخلاص
ومستحيل يصيرر الزواج إلا بعد اسبوعين مثل موعده اول
تركي وقف وقال بقهرر:وتنزلي كلمة ولدك يمه
الجدة بسرعه:لا والله ماتنزل كلمتك وانااامك ويالله حبيبي قول لصاحبك حنا موافقين
ام فيصل بقهرر من امهاا: يمه وش فيك الله يهداك انتي عارفه
وش اسبوع يعني سته ايام باقي
الجدة وهي تهز بعصاهاا : ايه فاهمه وعارفه بس الولد اعطى كلمه اشلون يسحبهاا ولا خلاص معاد تعرفي السنع انتي عارفه الرجل بكلمته
تركي وهوو ينحي ويسلم فوق راسهاا: ربي يخليك لنا واعطاهم
ظهرة يبي يروح غرفته
ام فيصل : تركي وين رايح سويت سالفه وطلعت كذا وخليتهاا مفتوحه اسمع قول لصاحبك
الجدة بصرخه قاطعتها:والله ان تكسري كلمته اني جلسه في هالبيت ماجلست
عنود واقفه بصدمه تسمع حكيهم
تركي سمع الجدة وش قالت ابتسم بنتصارر ومرر من عند عنود وقال بهمس: هارد لك حبيبي مو انتي اللي بديتي أجل تحملي وطلع
عنود
وهي تصارخ : ايه هين لوو انزفيت ولا سويت حاجه
الجدة وهي معصبه: وش فرقت عن الاسبوع الللي جاي هاا كذا ولا كذا بتنزفي له فااختصري على عمرك احسن
عنود طنشتهم وطلعت لغرفتها وجلست تبكي وتبكي بقهرر
طيب تركي طيب مسوي فيهاا منتصررر
في الصاله
ام فيصل معصبه :يمه انتي عارفه ان الزواج ييبي له وقت
انااا يالله اسبوعين واقول قليل كيف يمدي واللحين صاراسبوع
والله اختلف زمنكم عن هالزمن يمه البنت الللحين يبي لهاا بس وحدهاا شهر تجهزز بس ملابسهاا
الجدة: عندك اسبوع جهزي بنتك
وهم متكفلين بكل شيء انتي معك عنود بس
رهف
انسحبت بهدوء من عندهم
وش ذا اسبوع توناا مكملين الملكه وهدت حيلناا بالتسوق واللحين زواج على طول كمان
دخلت شفت تركي جالس على جواله
طنشته وحطيت ولدي ومريت من عنده
انحنيت وسحبت ريموت التكيف وخفتتته شوي خايفه على ولدي لايمرض لان جوري كمان مريضه شكل هالسخونه بتمشي عليناا كلناا اكره السخونه تهد الحيل ............


&نـــونـي بنت الجنوب & ©؛°¨غرامي فضي¨°؛©

اليوم الثاني
ام فيصل وهي معصبه من امس : وناظرت رهف اللي طلعت من غرفتهاا ومتجهه للمطبخ
روحي صحي زوجك خليه يودينا السوق
ويالله يمدي مع الكلمه اللي اعطى صاحبه ياربي ابي انجن زواج في أسبوع
رهف وقفت لما كلمتها خالتها : امااطيب ذحين بس اسوي رضعه لمشعل واروح اصحيه
مشيت متجهه لممطبخ واناا افكرر كيف اصحيه مالي وجهه بعد صارخي امس اجي اتكلم معه عادي
وهوو اكيد ماراح يمررررها لي كذا
سويت الرضعه ورجعت دخلت غرفتي
قلت واناااخذ ولدي واجلس : قوم امك تبي توديهاا السوق
تركي طنشهاا وسحب المخدة وحطهاا على وجههه هذي حركته اذا معصب دايم يسويهاا
رهف : ترى اناا مالي شغل لوو جت تخاصم عليك وعشان ماتفتكرر اني ماقلت لك
تركي وفيه النوم: قومي جهزي فطوري وقايم اللحين
رهف بهدوء: اوكى اكمل رضعة مشعل واقوم
قمت بعدهاا سويت له فطورر وجبته له الغرفه انصدمت رجعت وهوو لسى نايم الله يفشلك قلت لخالتي دقايق ويكون جاهز
خليت الفطورر على الارض
وتقربت منه وانااسحب المفرش: قوم افطررر
تركي قام دفها عن طريقة بطريقة وقحه وجلس يفطرر
رهف بقهرر من حركته هزت راسهاا بعصبيه
وطنشته عارفة ان في راسه حرش
كويس والدولاب وراهاا ولا كان ارتميت على البلاط وتكسرت
رجعت مكاني تمددت وقفلت عيوني ابي ارجع انام
@@@@@@@@@@@@@@@@@@
@@@@@@@@@@@
عند عنود
فتحت عيونهاا حست نفسهاا مصدعه اكيد من امس وهي تبكي
وكمان جالسه مع جوري طول الليل كان تعبانه فديتهاا قمت تقربت من جوري ولمست جبهتهاا لا لا الحمدلله مافي حرارة
اتجهت للحمام الله يكرمكم وغسلت وتوضت وفرشت السجادة تصلي الضحى
رجعت تمدتت على فراشهاا وهي تفكرر في العرس المستعجل ذا
شافت جوالهاا يتهززز سحبته على طول
وهي تناظر الرقم فيصل بسم الله وش يبي من هالصباح: هلا فيصل
فيصل وهي يبتسم: اهلين فيك صباح الفل
عنود : صباح الورد حبيبي
سلامات غريبه داق في هالوقت
فيصل في نفسه اكيد ادق في كل وقت عشان بس اصدف انهاا تكون قريبه منك بس ودي اسمع شيء عنهاا ولا اسمع صوتهاا كذا وهي تتكلم معك قال بسخريه على حاله: اتصدف الوقت
والفرص
عنود بشك فيصل وش تقول انت موو فاهمه
فيصل بسرعه:لا لا بس حبيت ابارك لك ابوي قال ان زواجك بعد اسبوع مبروك وش قدمه خبري بعد اسبوعين
عنود بقهرر: يقطعه من طاري
اوف نكدت علي من هالصباح
فيصل بحزن: حالك مو اصعب من حالي ي عمه
انتي ماتبيه صح بس عندك امل انك تحبيه بس غيرك انخذ منه اللي يحبه ومستحيل يرجع له هياا شوفي ايش اصعب حالي ولا حالك
عنود بخوف من كلامه عارفه فيصل حقود: فيصل حبيبي ليه تقول كذا خلاص كلن ياخذ نصيبه في هالدنيااا
والبنت خلاص صارت ام لولد عمك
مفروض ترضى
فيصل بسخريه:مااشوفك رضيتي
عنود بهدوء: اناا غيرر عنك وخلاص تكفى لوو تبي تنكد علي وعلى حالك كذا لاتتدق
فيصل بسرعه: لا لا ي عمه معاد راح اطري هالسيرره مره
ويالله كملي نومك
عنود بهدوء: مع السلامه اجل
فيصل : مع السلامه
وقفل اوف كنت ابي اخرب على حالي يمكن هالطريقه اللي اصل لرهف وقد ايش عارف هي قريبه من رهوفه والله لااحرق قلبك ياعموووو .. ........
عند عنود وهي تشوف رسايل واتس
فتحتها كان كلهاا من القروب حق البنات وكمان في من سماح الللي مقهورة ليه ماتقدر تحضر ااه ي سماح انتي فين واناا فين
بس فيه وحدة من رقم غريب فتحتها وانصدمت من مضمونهاا
وش معنى هالكلام ناظرت الرقم تذكرت يوم دقت عليه هذا رقم غسان
ايه ايه رقمه اكيد كمان متذكرة منه الاخيرر واكيد مافي غيره يرسل كذا مالت عليك إلا ابي اسكرة واسكره يالغبي
اوف سد نفسي اكثرر
ياليتني مافتحت الواتس بس احسن شيء اسوي حظرر هه واجلس ارسل سيد غسان مصدق حالك مالت عليك بس
ام فيصل وهي تفتح باب الغرفه وتنحني لهاا:عنود يمه قومي
عنود بعدت المفرش: يمه صاحيه وش تبي
ام فيصل وهي تجلس قريب منهاا:قومي يمه ابي اوديك السوق عشان يمدي نسوي شي ونشوف الفستنان اللي قلنا له يعد اسبوعين يفصل بعد اسبوع الله يعني نزود له المبلغ وان شاء الله يرضى وكمان ابي اكمل لك لوو شوي من اغراضك يالله يمه
عنود : يمه مالي نفس اروح روحي انتي انااثق في ذوقك لاتنسي انتي االي دايم تاخذي لنا كل شيء وبعدين جوري تعبانه وميمه لحالهاا
ام فيصل : جوري ماعليهاا خلاف ان شاءالله اعطيتهاا دواء قبل ساعتين واللحين اكيد ماراح تقوم
وجدتك رجعت تنام يالله يمه اخوك يحتريناا في السيارة
عنود قامت غصب عنهاا اوف من هالحاله اللي هي فيهاا
بس مدام انهاا مغصوبه والله لا تخسرهم وتاخذ اللي تبيه واللي ماتبيه عندها امل في الفستان انه مايجهزز وعلى كذاا يصيرر الزواج في موعدة
بس تذكرت مين اللي قال كلمته تركي وذا لو يدفع نص عمره بس كلمته ماترجع يعني ياخذ لي فستان جاهز ولا يستاجرر لي يسويهاا والله لبست عبايتهاا
وطلعت لهم
وبعدهاا فرووا السوق كله
واخذوووا بعض االاغراض من عطورر وقمصان
نوم ومكياج خلصت نص المهرر
واللي قهرهاا اللي يفصل الفستان قال اوك في جاهزز بعد يومين انت بس ادفع فلوس كامل كان ودهاا تذبحه وتنتحر بعده
وهم في السيارة
ام فيصل : يالله الحمدلله ربي مسهلها علينا
تركي :ايه يمه انتووا بس تحبو تكبروا المواضيع وهي صغيرره
عنود بقهرر: لا تفتكرو بس هذي الللي محتاجتها
ام فيصل : لا حبيبتي عارفة انه باقي اشياء واجد ناقصه
بس اليوم ماقصرناا اخذناا الللي فيه الخيرر
تركي بتعب: ااااه اكره والله روحة السوق وكمان مانمت زين كملي اغراضك مع زوجك بعدين
عنود بصدمه: نعم
ام فيصل وهي تضحك:باقي زوجتك وجوري وباقي اغراض لعنود يعني سوق حتى ليلة الزواج ويالله يمدي ونخلص
تركي
لما قالت زوجتك تذكرر رهف وعصبيتهاا البارح
اول مره كذا تصارخ عليه وحسهاا مو خايفه منه
وحتى نظرة الخوف اللي في عيونهاا ماشافهاا امس
هز راسه وهوويقول لا كذا ماينفع معي ي رهوفه
بس امس طنشتك بمزاجي
@@@@@@@@@@@@@@@@@@@@ @@@@@@@@@@@


&نـــونـي بنت الجنوب & ©؛°¨غرامي فضي¨°؛©

بعد يومين

كل شوي ناطين السوق وي دوب يكملن شيء

في غرفة البنات
جوري بتعب: ااااه والله اني تعبانه الله يسامحك ياخاله مرة قدمتي الزواج
عنود بسخريه: خاله قصدك مين
جوري : ام عريسي اقصد عريسك
عنود: هاااا قصدك غادة
جوري :كم مره اقولك احترميهاا عيب ي بنت
عنود: بالله فيكنا بس من سيرتههم
جوري تذكرت سمرر: اااه سمرر زفت والله لوو موو ابوهاا معاها كان تكفخت احس فستانها احسن من فستاني اااه لوو يمدي كان فصلت وسويت فيه موديل مافي احد مسسوي مثله انتم ليه كذا دايم مصروعين على الزواج وكل شي بسرعه
ورجعت لكلمتهاا الله يسامحك ياخاله
عنود بطفش: الله يخلخل عظامك طفشتينااا ترى كل شوي تنطي
الله يسامحك ياخاله عمى ترى هي موو مفتكره فيك
جوري: عاادي ماراح ازعل منهاا وابي اقول لها الله يسامحك ياخاله اليوم معلقه على هالكلمه الهشتاق تبعي وتضحك بقوه ههههه وترمي حالهاا على السريرر يقال ميته ضحك
عنود وهي ترميهاابالكيس اللي قريب منها::الله ياخذك
سخيفه من جد يازينك وانتي مسخنه اوف تقهري والله
جوري :هههههههههه قومي بس نادي رهوفه خليهاا تاخذ وجبتهاا ونأكل هناا لان امي تعصب لوو اكلنا في الصاله تكرة ريحة اكل
المطاعم
عنود : قومي انتي ناديهاا انااماحب ادخل غرفة تركي
جوري : اوك وهي تنط وتلعب بشعرهاا وتغني عريسنا يابدر بادي طابت لياليك السروروترقص وهي تمشي
عنود هزت راسهاا بقهرر منهاا وقامت غسلت وجهااا وتوضت وتبي تصلي العشاء

@@@@@@@@@@@@@@@@@@
@@@@@@@@@@@
رهف
وهي في غرفتهاا ماتططلع منهاا مره بس ي دوب تأكل وترجع
تحس نفسها ضايقه حتى فستان زواج عنود لسى مااخذت
والبنات يرحون مع احمد السوق لان تركي رافض يقول تعب
عزموني هم وتهاني بس اناارفضت وقلت تركي يبي يوديني

دخلت علي المرجوجه جوري
جوري وهي واقفه عند الباب:يالله تعالي تعشي معناا
ولا كمان ماتبي تجي
رهف وهي تتعدل في جلستهاا:وش اخذتووا عشاااء
جوري:مفاجأة انتي بس تعالي
رهف : اوك طيب كيف حصلتي فستان
جوري : ايه تعالي بسرعه اللحين عنود تاكله كله
رهف ناظرت شعول نايم خليته وطلعت وخليت الباب مفتوح عشان اسمع لوو فتح فمه دخلت عندهم
واخذت وجبتي وجلسناا ناكل
بعدهاا قامت جوري تلبس الفستان يجنننن ماشاءالله بس لووتموت
ماراح امدحه لان هذي لوو مدحتى لهاا شيء خلاص اليوم كله وهي شايفه حالهاا : اااامممم يمشي حاله
جوري وهي تضربهاااعلىوجهااا بالفستان:كلي هووا والله يجننن
رهف وهي تحس انه ضرب في وجهاا بقوه قالت بعصبيه:غبيه لاتضربي كذا
انقلعي عني وطلعت من عندهن
جوري فاتحه عيونها: وش فيها ذي عصبت كذا
عنود هزت راسهاا : مدري
جوري: مع نفسهاا تعصب والللحين يجي تركي يعطيهاا المقسوم وينكسرر راسهاا
عنود بعصبيه:بنت احترمي حالك ولا تقولي هالحكي عنهاا فاهمه
وتركي مايقدرر يسوي لهاا شيء
وهي راسهاا مرفوع دايم
وماعمره حد يقدر يكسرره مدام ربي معاهاا ياليت ثاني مره تنتبهي على الفاظك لان الملافظ سعد
جوري:اقول متاكدة تركي مايقدرر يسوي شيء أجل وش هاللي مسويه فيك الللحين روحي بس والله لوو انه مايقدرر على قولك كان حالك موو كذا اللحين وبعدين مين سعد ذا اناا ماعرفه ي زفتة تعرفيه من وراناا وحنا ماندري لا كويس وانتي تركي ضغط عليك وانسترتي ي الوسخه
عنود قامت:انااانام احسن من مقابلة وجهكك
جوري : ايه هذا عذركم لووو مالقيتووا لكم مخرج نومه بلى قومه ان شاءالله الله بعدهاا حلفت اخذا عريسك الثورر ذا تصدقي عنود ابي ارفض مثلك وهوو بعدهاا اكيد يتمسك فيني عارفته اناا
يموت في اللي يرفضه واباااارجع ارفض وهوو يرجع يخطب
وارجع ارفض ويرجع يخطب وعلقت على ع الكلمتين
عنود بصرخه: وبعدين يعني
جوري: ولا قبلين بس ارفض وهوو يخطب
عنود بقهرر:اوف خلاص ارحميناا ولو نمت وماقمت حلال عليك خلاص بس تكفين اسكتي
جوري :اوك طيب ابغى وعد قبل اخاف تخوني فيني
عنود بقهرر: كيف اخون فيك وانااميته
جوري:مدري اخاف تصحي يوم الزواج
عنود :لا حياتي من اصله مشوارك طويل مو ناويه ترفضي وهوو يرجع يخطب
جوري: لا لا لا يمكن اوفق على طول اخاف تصحي
عنود: والله اني غبيه معطيتك وجههه وتعرفي لوو اموت مستحيل اصحى يعني استريحى خذي الوقت الللي تبي ماراح ارجع لوو مت
جوري:بسم الله عليك وهي تنط تضمهاا وقالت بهمس ابي اخذه
اوك تكفين عنود موتي
عنودفرحت بعد كلمتهاا الاخيره دفتهاا :حلال عليك
@@@@@@@@@@@@@@@@@@@
@@@@@@@@@@@

رهف
اوف مقهورة من جوري احس بألم في عيني منهاا
رمت الفستان في وجهي بقوه .. وهوو قماشه ثقيل مره ..
ناظرت عيني في المرايا حمراء.. ااه من هالبنت ماابي ادعي عليهاا
تركي فتح الباب بقوه ودخل ورجع سكره بنفس القوة
رهف اخترعت مكانهاا وش فيه ذاا :بسم الله
وش فيه
تركي وهو ياشرر على نفسه: قصدك انا
رهف عظيت شفايفي قهرر:لا معليش مااقصدك
وجلست على السريرر وسحبت جوالي وجلست اللعب فيه بطنشه بس تذكرت السوق واناالسى مااخذت شيء وباقي من الزواج ثلاثه أيام والبنات بكره رايحين مع تهاني شكلي اروح معاهم وبس تذكرت ماعندي فلوس واكيد الفستان يبي مبلغ

شفت تركي اتجههه لسريرر ولده اوف اللحين يصحيه
: لا تصحيه
تركي وهوو ينحني يسلم عليه بهدوء : خليه يصحى
رهف بقهرر:لا والله مايرجع ينام بسهوله
تركي :عادي اجلسي معه وش فايدتك انتي نفسي اعرف
رهف: ي سلام ومين يجلس معه كل يوم قال ايش وش فايدتك
تركي: يالله ان شاءالله تصيري ام زينه مدام انك فشلتي تصيرري زوجة سنعه
رهف : كويس واناانجحت في شيء احسن من عدمه
تركي :بس لو تنجحي في الثنتين بيكون مستقبلك باهرر معي
رهف بسخريه: تنكت حضرتك
تركي :لا لا طال عمرك بس انبهك
رهف : اوك مشكور المهم ابي فلوس
تركي :اوك خذي اللي تبي وهوو يناولهاا محفظته وبعدين وش فيهاا عينك حمراء
رهف طنشت سؤاله :ا اكيد الي فيهاا مايكفي ابي حول خمسه الف ويالله تكفي
ابي اروح مع البنات السوق بيوديهم أحمد
تركي : لا انااوديك وخذي اللي تبي وكمان نمرر كذا محل عشان الشقه
رهف مسويه ثقيله:اوك على راحتك وقالت بهمس
والله لااخسرك
تركي سمعها تقرب منها وقال بهمس : يفداك ..
رهف فتحت عيونها بصدمه وتنحت مكانهاا شافته معطيهاا
ظهرة ودخل الحمام
هزت راسهاا بعجززز اقسم بالله بيجنني بحركاته وتصرفاته
بعدها طلع وهوو ينشف شعره ناظرني وهو مبستم
صرخت بقهرر: تركي لا تجنننيي
تركي وهوو يرمي المنشفه على وجهاا:تركي يحبك يالمجنونه
رهف قمت قربت منه : طيب ليه تقهرني
وتعصبني وتخيليني اسوي اشياء ماحبهاا
تركي مسوي نفسه مسكين مسكهاا من عند كتوفهاا: ايه وانا اتحمل صوتك المرتفع ولا تكسيرر الاغراض وحركاتك المجنونة

رهف : كسرت بس الريموت بلى افترى اللحين
ولسى ابي اكسرر راسك لوو تقول لي ابي اتزوج وتسكنهاا في شقتي
تركي لف ياخذ عطرة ويرش منه :اوف تكسيرر راس مره وحدة ماتحسيهاا حيل قويه عليك وبعدين وش عليك منهاا بالله انتي هنا في غرفتك وهي فوق في شقتك وهوو يغمزز لهاا عشان يقهرهاا واحد صفررر ههههه
رهف ضربته بقوة على صدرة : انت ماتتوب
تركي هوو ماسك كتوفهاا ويناظرهااا وقال وهوو ياشرر على قلبه : انتي هنا وماغيرك ولا بدالك بتجي كله كلام على الفاضي
رهف ناظرتة واحس دموعي بتنزل مقدرت اتكلم احس فرحه
ياناس كنت مقهورة من سالفة انه يتزوج ومدري ايش بس اللحين احس اني طايررة ماراح اضيع هاالفرصه اني افرح ياناس احبه

تركي وهو مبسوط: ههههههه مسوي فيك رعب تستاهلي ههههههه
رهف بقهر : مااحبك
تركي ابتسم : من جد ..
@@@@@@@@@@@@@@@@@@@@@@
@@@@@@@@@@@@@

بيت ابو غسان
طلال :يمه والله تعبت كل يوم اروح استقبل احد من اهلك
ارسلي لهم السواق وبس
ام غسان: لا فشله ارسل لهم السواق لازم احد من اهل البيت يستقبلهم
طلال بقهرر:ايه واناالسواق اللي من اهل البيت
يمه والله من جد تعبت
سارة وهي تتدخل عليهم تصارخ بدلع:مامي شوفي كيف الخياط
الزفت لعب في فستاني احسه من تحت صار مايل
وهي ترميه في الأرض والله ماالبسه
ام غسان : ايش مسوي فيه
ساره بصرخه: شوفي كيف مامي لا تنرفزيني
طلال بعصبيه: اقول انقلعي انتي وهالفستان لااقوم اكوفنك فيه
سارة: مين كلمك انتت روح ي الهايت وش مجلسك في البيت
طلال بقهرر:والله اللي مجلسني عرس اخوك ذا اللي موو في وقته
هو مرتاح واناااارايح جاي للمطار
ام غسان: انكتم لا تسمعك اختي هي وبناتهاا نايمين هنا في قسم الضيوف
طلال: احسن خليهن يسمعن عشان يدقووا على اهلك الباقي واكيد اهلك راح يكنسلووا حفاظن على كرامتهن وانااارتاح من مشاويرر المطارر ذي
ام غسان بصرخه: خمس دقايق لوو اشوفك قدامي تعرف وش اسوي فارق أعوذ بالله بس حنة
طلال بقهرر: ان شاءالله بنتك ذي تجلس في خشتك عانس وهوو ياشر على سارة
ام غسان ماسكه نفسهاا غصب لاتضحك : روح بس
@@@@@@@@@@@@@@@@@@@@
@@@@@@@@@@@@@


&نـــونـي بنت الجنوب & ©؛°¨غرامي فضي¨°؛©

غسان
انصدم لماا فتح ويبي يشوف اخرر ظهور لهاا مسويه حظرر يالعنود يعني ماراح اتصل ولا اشلون لا غسان لاتتصل
وخلي عنادهاا وحركاتهاا تنفعهاا ....اخر شيء اتوقعه تكون قاسيه كذا ....غسان اشلون تقدرر تفهمك وانت ماقلت لهاا ولا فهمتهاا انك خلاص تغيرت ومو هذاك المغازلجي اللي في نظرها
طيب كيف تفهم ذي .... متى هي اعطتني فرصه دايم تخرب علي بكلامهاا
دق رقمهااا جلس يرن ويرن وماردت ورمى جواله بقهرر وش هالمذله
@@@@@@@@@@@@@@@@
@@@@@@@@
عند عنود توهاا جايه من عند الخياط ومعصبه حدهااا
منه وماضبط لهاا الفستان مثل ماتبي كلهم يقولووا حلوووومدري ايش...وهي عارفة . عشان بس يجبرون بخاطرهاا ...
جوري وهي تناظرهاا قالت بخبث: عنود هذا وانتي رافضه الزواج ومسويه فيهاا
عنود ناظرتهاا بحتقارر : وش عندك من لآخر انطقي الجوهرة اللي بتقوليهاا
جوري : لا جد عنود اللي يشوف كيف زعلانه على الفستان يقول فرحانه وودك تتطلعي في احلى طله وهي تغمزز له
عنود بقهرر: ماهمني هوو حتى خيشه تخب عليه بس تدري فيني احب كل شيء مضبوط بعدين لاتنسي المعازيم اطلع لهم بفستان يقطع الرزق
رهف دخلت عليهم وهي ماسكه كيس فستناهاا تبي تلبسه عشان
يشوفون وش ناقصه تعديل :لا تقولي لسى زعلانه على الفستان والله يجننن
بس انتي مزودتهاا حبتين صح شوي واسع وهذا انتي السببب لاتاكلي ولا شيء خلاص اللحين راح يضبطه لك وفكيناا
جوري وهي تنتا ظر الكيس اللي في يدهاا:وانتي كمان جايه تسوي مناحه مثلهاا مدام ذا معك
رهف ؛ : ههههه لا لا بس جايه البسه واخليكم تشوفووا لوو يبي تعديل
جوري:اوك والله اليوم حزنت على تركي دفع لمافلس
رهف بدلع:هوو قالي فداك كلي وش دخلك انتي
جوري بصوت عالي تنادي تركي: تركي تعال بسرعه
تركي اللي جالس يتقهوى مع امه : خير وش تبي
جوري بكل صوتهاا من عند الباب : بسرعه تكفى ي خوي
رهف وهي فاتحه عيونهاا : وش تبي فيه بلى مساخه
تركي وهو واقف عند الباب: خيرر وش له هالصراخ
جوري وهي تناظر رهف: انت فعلا قلت لهاا خذي فداك كلي
وهي تغمض له عشان يفهمهاا والمقصد يرفعووا ضغط رهف
تركي فهم عليهاا ومسوي نفسه مصدوم: اناا متي قلت إلا قولي فلستني ومارحمتني
رهف بقهرر: ي الكذوب لكن مين اختك وهي تاشرر على جوري
جوري :خلاص تركي شفقت عليهاا صراحه ندمت اني سويت كذا وفشلتها
تركي ضحك بصوت عالي وهوو يناظرهاا ياناس يحبهااا وبذات لما كذا تجلس تناظر بقهرر: هههههههههه
رهف بقهرر: محدن طلب شفقتك وهي تضرب تركي بدلع على كتفه :وانت لا تضحك ترى كلكم ماسخين
تركي مسك يدهاا ولفهاا خفيف وقال وهوو مسوي يهدد:اكسرهاا لك قبل الزواج
جوري :لا لا مافيني حيل احمل ولدك
رهف بقهرر: انقلعي ماراح اطلب منك تحملي مشعل لوو كسرهاا
تركي وهوو يشد شوي:هااا اكسرهاا لك
رهف بدلع وهي تناظر عيونه : لو اهون عليك احضر الزواج ويدي مكسورة اكسرهاا
تركي وده يضمهاا بس هذولا مغلسين عليه تنحنح : احم يالله هالمره سماح وهمس بصوت واطي مااشوف هالدلع في غرفتناااا
رهف حست بخجل
بعدت عنه وجلست قريب من عنود اللي تتابعهم من اول بصمت
وهي تناظر رقم العله يدق كويس وهوو صامت جوالهاا عشان محدن ينتبهههه سحبته ودخلته تحت المخدة
تركي ناظر لعنود وبهدوء: انتي راح تتطلعي بعد يومين وانتي كذا
عنود وهي تناظره بسخريه:واشلون كذا
تركي : لا سلامتك
بس كنت حاب اخرر شيء مايكون بيناا زعل بس
جوري بغباء صرخت: ايشششش عنود راح تموت
تركي : بسم الله لايقولها وش فيك انتي كذا خبله
جوري:انت تقول توك ان مايكون اخر شي بينكم زعل
تركي بقهرر من غباهاا صدق وراثه في بنات العيله هالغباء:قصدي تتطلع من بيتناا وتروح لبيت رجلهاا
جوري :اااه افتكرت والله حسبت تبي تموت عشان حنا بينا وعد انا وعنود
تركي بصرخه:وش فيك انتي ترددي هالحكي لاا ربي يوقفهاا مع
رجلهاا ويرزقهاا الولد الصالح وتقرب منهاا وانحنى يسلم فوق راسهاا وقال بهدوء يحس ان فراق عنود من البيت صعب: ياليت موو شايله علي في قلبك
عنود وقفت على طول وضمته وبكت على صدرة : مابي اتزوج
تركي بعدهاا بصدمه: نعم يعني اعطيتك كلمه حلووه على طول قلبتي اقول انثبري ازعلي ومصيررك ترضي
رهف ضحكت غصب عني على صدمة تركي :هههههه
وش كان تتوقع منهاا
تركي ناظرهاا: انتي اخرر وحدة تتكلم كلكم نفس الطينه
جوري وهي ترفع نفسهاا بفخرر:لا ي خوي انااا اغيرر
ابي اتزوج وانسترر في بيتي وشكلي في النهايه ابي ارجع لاابوتيشرت اتحادي ولد الخال الكذوب اللي ماعمرة جاب سالفه صدق اااه ي قهري على حالي اااه ومسويه مناحه وتندب حظهاا
تركي تقرب منهاا وهو عاظ على شفته بقهررربس يبيهااا تكمل حكيهاا اللي وده يذبحهاا عشانه مسكهاا من شعرهااا:ليه انتي كذا ماتستحي وبعدين ليه كذا تتريقي بولد الخال لاابشرك غير التيشرت حق الاتحاد ولبس حق برشلونه
جوري : كويس تتطورر برشلونه مره وحدة ولماا حست في شد زيادة صرخت رهف اللحقي على من زوجك
رهف :مالي دخل انتي صيحتي عليه تحملي
تركي وهوو يشدد على شعرهاا: قولي لسى تبي عريس وتنستري على قولك
جوري وهي تتألم:لا ابي اكون خدامه تحت رجلك ي خوي فديتك جالستن عندك وماراح افارقك مو مثل عنود الكخههه
تركي رمها بقوه على السرير:الله لايقولهاا
جوري بقهرر:اوف احترناا فيكم قلناا نبي نتزوج قلتووا عيب
ومدري ايه وقلنا نبي نجلس عندكم قلتووا الله لايقولهاا وش اسوي اروح اموت احسن
رهف : ياليت وتفكيناا
جوري : على راسك اناا وهي تناظرر تركي انت ي الأخوة خذ مرتك معك نبي ننام وتكفى اسحبهاا بشعرهاا ولا احملهاا لانها لزقة ماراح تتطلع اعرفهاا حبيبي ذي عشره عمر
تركي تقرب منهاا : اوك اللحين اخذهااا ولايهمك
ادري انهاا مثقله عليكم
وفجأة حملهاااااا وهي تصارخ
جوري بقوه تصرخ وتنط: هيييي حماس تكفى احملني
عنود ضحكت غصب عنهااا وهي تشوف رهف كيف تصارخ : ههه
رهف بصرخه:تكفى نزلني والله راح اطيح
تركي وهوو يهزهااعشان يخوفهاا :افااا تتطيحي وانتي مع تروك يعني كل هالعظلات على الفاضي
جوري كم تعطيني وارميهااا في لارض
جوري وهي تصرخ :الللي تبي بس تكفى ارفعهاا لفوق وارمها عشان اضمن انهااا تموت وتريحنااا ولاترقد في المستشفى وماتحضر الزواج عشانك ي قلبي لانك اكيد راح تتفشلي من جمالي لانهم راح يقولووا معقوله هذي تقرب لك ي جوري انتي القمرر الحلوه العسل لا لا مانصدق غيرر عنهم انتي ماشاءالله عليك ي امورة ي حلوة
تركي وهوو ينتظرر متى تكمل رفع حاجبه على اخرر كلامها: قصدك العكس
جوري:يالله ابي اعمل نفسي موو فاهمه
رهف بصرخه وخوف: مطولين يعني انت وهي
حرام عليك تركي نزلني
الجدة دخلت عليهم وهي طالعة من غرفة بنتها اللي مقابلة الغرفه على صراخهم مفجوعه وهي تمشي علىعكازتهاا : وش فيهاا كذا حاملهاا عسى موو متعورة
جوري :ماشاءالله صحيتي
تركي وهوو يضحك: جدة احملك مثلهاا
رهف متفشله بذات لماا شافت كمان ام فيصل واقفه وراء امهاا
قالت بصوت واطي: تكفى تركي نزلني
تركي نزل راسه لهاا وقال بصوت عالي :ايشششش مااسمع
الجدة وهي تضربه بعصاتهاا: نزلهاا لابركتن فيك
تركي صرخ وهو يضحك: ااه ميمه والله تعورر
ام فيصل وهي ماسكه مشعل في يدها : تركي وش فيك اليوم
جوري :لا تركي تكفى لا تنزلهااا إلا بالطريقة اللي اتفقناا عليهاا
الجدة بعصبيه:وش هي طريقتس قوليهاا وخليه ينزل البنت
رهف :لا لا جدة طريقتها اجرام
تركي تكفى نزلني
تركي وهوو يهزز راسه: ومشى فيهاا: يمه تكفين مشعلل اليوم هوو ضيف عندك
وهوو متجههه لغرفته وهي تصرخ معترضة على نومة ولدها بعيد عنهاا
تركي بهمس : اوش بدون صوت ....................


&نـــونـي بنت الجنوب & ©؛°¨غرامي فضي¨°؛©

يوم الزواج
اللكل من الظهررر عند الكوفيرا اللي رفضت تجي القاعه
سوسن وفيها النوم: ااه من امس مانمت من المطارر لهنا على طول والله لوو ادري ان الزواج بعد اسبوع كان ماسافرت
جوري : اقول كلهاا ساعه بلى دلع
وهي تناظرر حالهاا في المراياا بالله مين احسن انا ولا رهف
سوسن بصدق: وذي يبي لها كلام
اكيد رهف ماشاءالله عليهاا قمر ي بخت اخوي فيك حبيبتي وهي ترفع صوتهاا وتسمع رهف اللي جالسه تسوي لعبيرر فستانهاا
جوري بقهررولسى مافقدت الأمل:طيب مين احسن انااوولابنتك
ولوو تقولي بنتك ذبحتك لاني انا احلى
سوسن:وليه حياتي تهدددي ولا مووواثقه من حالك
جوري : لا حياتي واثقه وبقوة بس انااحلى من بنتك الللي تشبههه ابوهاا ابو كرشه إلا ابي اقولك ليه ماجبتي معك ام رجلك احبهاا هالعجيزز
سوسن: والله لما درت انهاا بتقابلك قالت اجل اعتذري من امك
جوري بسخريه : بتقابلني ولا مسويهاا الداده حق بزرانك ياللي ماتخافي ربك
سوسن : فديتهاا والله ماتقصرر قالت خذي بنتك ورجلك وخلوني
اناا مع هالبزران
جوري: تصدقي وحشني الطفس ولدك
سوسن: اااه جنننني تصدقي قلت ليه مااخليهم يجوو معي مدام اجازة بس تذكرت يوم سافرناا نتمشى تركياا اوف ي هم جننوونا في المطارر وابوهم حلف معاد يسفرهم طيارة
جوري بقهرر: خلاص خلاص موو لازم تذكرينا في كل مرة
انك سافرتي تركياا ترى طفشناا
سوسن: علامك مقهورة انتي ان شاءالله يجي عريس الغفله ويسفرك السوادن ان شاءالله
جوري بدلع: وش فيهاا السودان حبايبناا أهل السودان ويازينهن عندي وحدة في الجامعه قسم احبهاا ووفيه فديتهاا
سوسن: قولي هي اللي تحملتك بس
ام فيصل : سوسن بلى هذرة مع ذي ودقي سرعه على زوجك يجي بسرعه بالله لان احمد دقيت عليه قال مشغول وتركي يقول شوي بعيد
سوسن: اوك اللحين
دقت عليه
وقال دقايق وجاي
بعدهاا طلعووا ام فيصل وسوسن وعبيرر وسمرر
رهف وهي تشوف عنود ساكته : عنود حبيبي حاسه فيك بس
مدري ليه قلبي يقولي غسان طيب
ولا تحزني حبيبتي
شوفي اناا قالت بخجل كيف كنت وكيف صرت
عنود : يعني تحبي تركي
رهف بخجل هزت راسهااا وبهمس: موت
عنود بصدمه: رهف من جد من متى وحنا ماندري
رهف : مدري بس لماا يعاملني حلوو ومايعصب احس اني اموت فيه وكل مااابي اقول له اني ااحبك دايم تنقلب جلستنا هوشه واهون وكمان خايفه اتسرع فيي هالكلمه وهو لسى كذا كل شيء عنده عصبيه وهواش
عنود : قوليهاا له بعدهاا اكيد راح يركد لان تركي يحبك والله يارهف وكمان موت
رهف وهي تهز راسهاا: ان شاءالله الليله يسمعهاا مني والله احبه قالتهاا بخجل
جوري تقربت منهم تبي تسمع: اقول حتى هناا وانتوو تساسروا وش هالحركات فيكم عيب والله ماتحسوووا ابدد
امشوووا فيصل جااا بالجمس تقول تهاني وبياخذناا
رهف بخوف:لا لا انتوو رحووا وانااتركي جاي لي هوو قالي دقي علي
وهي تدق رقمه : اوف مقفل غريبه
عنود بهدوء: امشي خليناا نروح معي زهق من هالمكان
جوري بسخريه: زهق بعد ماحستيهم وسويتي مشاكل بس هم طلع فيهم خيرر وماانتقمووا وحاسووا لك مكياجك
عنود بطفش: مو وقتك صراحه امشي هاتي اغراضي اللي في الغرفه الثانيه
جوري : اوف وليه ماقلتي من قبل وراحت وهي معصبه
تهاني بعجله وهي تلبس العبايه والطرحه بحذر: يالله بنات فيصل براا
رهف مسكت في يد عنود بخوف : عنود اناا مستحيل اروح والله تركي يذبحني
عنود بصوت واطي عشان تهاني ماتسمع:طيب اوك دقي وانااجلس انتظرر معك
رهف رجعت تتدق مافي مقفل اوف تركي وقتك اللحين ياربي مااتفشل من تهاني بس مافيهاا شيء اقولهاا زوحي مايحب اركب مع احد ايه كذا اقول يعني اقصد الجميع موو هووخص نص
ياليتني رحت مع سوسن كان يمكن اهون
جوري دخلت وفي يدهاا اغراض عنود واليد الثانيه ماسكه جوالها وهي تبعده من صوت امهااا: خذي تفاهمي مع امي
معصبه حدهاا
عنود : هلا يمه
ام فيصل بصرخه:تعالووا يالله الدقاقه بدت وانتووا لسى والمعازيم كلهن هنااا وكمان ابي اغراض من فيصل يمرر ياخذهاا لي من البيت وقال قريب منكم مايمدي يرجع يوصلكم ويرجع بسرعه
عنود : يمه جوري وتهاني جاين حنا تركي جاي لنا
بس جواله مقفل وحنا جالسين نحاول
ام فيصل بعصبيه:قلت تعالووا كلكم وش فيهاا لوو جيتووا مع فيصل
اعطيني رهف
رهف وهي تاخذ الجوال : هلا خالتي
ام فيصل بحدة: امشي انتي وعنود مع تهاني بسرعه
انا وسوسن محتاسين لحالنا واهل العريس كلهم هنا مع المعازيم ولدك عياا يسكت من صوت الدقاقه وعبيررعجزت تسكته تعالي له بسرعه
وقفلت
رهف ناظرت البنات ماتدري وش تسوي وضروري كان عبيرر تاخذة اوف يالتني رفضت بس والله استحيت لماا طلبت تاخذة متعلقه فيه بالمره
عنود هزت راسهاا : ماعليك والله مايسوي شيء بعدين شوفي ذولا موو طايقنا في المحل
جوري : والله من حقهم من الظهر وحنا مسنترين عندهن
تهاني وهي تكلم فيصل : هلا يمه
ايه طالعين ايه فديتك
دقايق بس
رهف بخوف وهي تتدق ماتبي تروح معه ومنحرجه من تهاني وهي تناظرهاا اوف ياربي وش يفكني منه اكيد ماراح يدري تركي اني رحت معه اقول اني مع سوسن وزوجهااوايه كمان دقيت جوالك مقفل
تهاني : يالله مشينا
اللكل طلع
رهف كان تقدم خطوة وترجع خطوة وتحس كارهاا حتى حالهاا ضروي فيصل كان أحمد طيب يجي الله يسامحك ي تركي وقت تقفيل جوالك
وكمان احس بقلق ليه قفل جواله شفته مقبل عليناا بعدت على طول ياربي احس بضيق وانااشوفه
ركبت السيارة واناا احس بمغص وثقل في رجولي
قفلت الباب بهدوء
فيصل
كنت انتظرهم شفتهم جووا نزلت اخذت منهم الاغراض
وتقربت من عمة عنود اساعدهاا تركب مع فستانهااذااا
الللي وراهاا عشر مترر يمكن
شفت اللي بعدت وهي كان قريبه منهاا شكيت معقول رهف ايه رهف لا فيصل تاكد حسيت قلبي يدق بسرعه
ايه مدام هذا دق والله انهاا حبيبته

حسيت اني متوترر بعد ماساعدت عمتي عنود رجعت مكاني

جوري :تكفى فصولي مره اقرب مطعم وخذلي وجبه جيعانه موت
تهاني بعصبيه:الحين وقتك خالتي محتاسه هناك يبي لنا وقت على
بال مايطلب
جوري:اوف بخل
طيب فصولي خذي لي عصيرر يبرد قلبي
وصرخت لماا مارد عليهاا فصول وجع مسوي اسمخ يالبخيل
فيصل مايدرى وش تقول يحس قلبه من كثرر دقه ينسمع : احم وش تبي
جوري : عصيررر
فيصل :اوك اخذ لك
رهف
وش اوصف الكم حالي خوف وقلق وضيق وكرة للإنسان الللي جالس قدامي سمعت جوالي يدق نزلت نفسي لشنطه وبسرعه سحبته وانااااخايفة بس شفت رقم غريب
قفل بعد ماجلس يرن وانااناظر فيه ارتحت لاني خفت حسبت تركي
والله لايذبحني اليوم جيت ارجع الجوال شفت رساله وصلت فتحتها كانت من نفس الرقم (اناتركي ردي علي بسرعه اكلمك من جوال غسان جوالي انسرق اناا جاي كملتي ولاباقي )
رهف فتحت عيوني بصدمه وش اقول له ياربي اناامع فيصل خلاص طلعت لاتجي ولا ايشش
رسلت بسرعه كلمتن بس ( خلاص اناا قريبه من القاعة )
تركي بسرعه رد عليهاا: ( نعم مع مين جيتي )
رهف ااااه وش اقول له ايه الله يسامحني على الكذب بس غصب عني ( مع سوسن وزوجهااا )
تركي: (يعني هنا كيف تقولي قريبه من القاعه )
رهف خلاص بغت تموت وش الللي هببته ياليت قلت انافي القاعه
ااااه اللحين كيف اصرف نفسي اكيد هوو دري ان سوسن وخالتي
وصلووا من زمان القاعه لان شكله هناك كان يوم وصلوو
خليني اقفل الجوال واقول انه كمل شحن وبس
قفلته ورجعته في الشنطه بسرعه
ورفعت راسهاا شافت فيصل يناظرهاا في المرايا بغت تموت نزلت راسهااا بسرعه وهي تتاكد من غطاهااا
فيصل وهوو واقف عند الاشارة وينتظر متى تفتح وعينه في المرايا وعارف انهاا مشغوله في حاجه في يدهاا فجاة رفعت راسهاا وبعدهاا نزلته ياربي رهف تبي تذبحيني اااه ي عم الله لايسامحك فرقت بين قلبين انااعارف انها تحبني كذا قلبي يقول لي بس اللي فرق بيناا قوي لكن ربي اقوى منه اوك تركي راح تبكي قهرر مثل ماقهرتني
تهاني وهي تصرخ عليه: فيصل من اول فتحت الاشارة وانت حضرتك مدري وين
فيصل في نفسه مع الحب
: قال بسرعه : مبروك عمة عنود
جوري : لايكون من اول تفكرر كيف تبدأ تبارك لهاا ترى لك ساعه مسنترر واقف صدق انك مفهي وحنا مبطي لنا معك في السيارة
فيصل : ههههههه لا لا بس كنت افكرر كيف بيتناا بدون هالقمرر عنود
جوري : اكيد انا مو جودة ان بغيتوها دلع ولا ركادة والله اني في كل الحالتين اجننن وماراح تحسوو بالفرق بعدين وش هالحركات انت وتركي مسوين فيهاا انكم راح توحشكم وانتم كذابين
فيصل بسرعه: ايه تركي كذاب في مشاعره بس انااصاادق قالهاا برمانسيه
تهاني بصرخه: ولد احترم عمك
فيصل بسخريه:وهوو اعطانا مجال عشان نحترمه
رهف
حسيت بغيض وقهرر من ذاا عشان يتكلم عنه كذا
كل تبن تركي احسن منك أحمد الله واناامن نصيبك تركي
ولا هالخروف المايع اشكرك وانت بعدتني عنه حتى لوو طريقتك
غلط بس احسن من مقابلة خشتة الغثيث ذا وصلووو القاعه
فيصل نزل فتح الباب
تركي شك انهاا تكذب
دق على امه من جوال صاحبه قالت له باقي ماوصلت واللحين هم في الطريق مع فيصل
طيب رهف تكذبي علي وانتي جايه مع فيصل ياليتك قلتي الصدق كان ماراح اسوي شيء مشيت ناحية سيارتهم لمااوقفت اشرت لفيصل
بحدة: دخل السيارة من المدخل ذاا قريب من غرفة العروس
رهف
ياويلي ياويلي تركي لا لا يارب الطف فيناا
شفته مشى متجهه للمكان اللي قال لفيصل يوقف عنده ااه والله معصب من مشيته ومن كلامه يارب كن معي والله اني احبك واموت فيك بعد بس اخاف منك مسبب لي عقدة الله يسامحك


فيصل مشى بعد ماقال له
وهوو فرحان عارف انه مقهورر لازم يرمي عليه كم كلمه هذي فرصته بس اكيد راح يطين عيشته هنااا ويمكن يدفنه مكانه لا لا مو لازم اتهورر وكل شي حبه حبه وضحك بمكررر
وقف ونزل
تركي تقرب: خلاص روح انااانزلهاا
فيصل بعتراض:لا اناا اللي بنزلهاا
تركي وهوو يكور يده وناوي عليه بووبكس يعدل ملامحه:ترى صبري قليل وانت تدري فيني
اقول امش احسن
تهاني نزلت عرفت انهم بيسووا مشاكل
وطبعاً لا تسألوا عن حالة رهف شوي وتموت من رعبهاا
جوري نزلت وطنشتهم بسرعه مقهورة ليه عبير وسوسن هنا وهي فاتهاا كثيرر وهذولا هوشاتهم ماتخلص
تهاني بهدوء: خلاص هي تنزل انتووا كلكم روحووا
تركي : لا انااابي انزلهاا وبعدهاا انادي عليك تجي لسيارتك تتطلعهاا
فيصل : لا
تركي بقهرر: ياخي ماابي احوسك مكانك اللحين وافشلك قدام الخلق
فيصل تراجع لمااشاف راح يسويهاا :اوك
وراح بعيد شوي وهوو مقهورر
ويتمنى لوو معه مسدس ويفضيه في راسه العنيد
تركي تقرب من السيارة ومد يدة لعنود: يالله ياحبيبة اخوهاا انزلي
ومبروك ياقلبي اللي يشوفه وهوو يعامل عنود يقول في قمة روقانه... وهوو يغلي وده يذبحهاا والذبح فيهاا قليل بعد كذبهاعليه طيب يارهف
عنود وهي تنزل وتحس قلبه يدق بسرعه شافت امهاا طلعت لهاا وهي لابسه العبايه
رهف نزلت من الباب الثاني وهي تتدعي تصل لباب الصاله بسرعه قبل مايقول لهاا كلمه
تركي طنشهاا ولا قال شيء نزل اخته ولمااشافهم دخلوو مشى مطنش فيصل حتى ماقال له تعال لسيارتك
رهف وهي تفتح العبايه
وتحس ان مكياجهاا خرب وتحس برجفه في يدهاا ياربي ليه اخاف منه كذا وتقربت من عنود تساعدهاا تخلع العبايه
عبيررر : خذي ولدك طفشني يبكي وخايف من الدق
رهف اخذته منهاا واناامافيني احمله احس انه بيقع من يدي وكان حالته حاله وجهه احمر ومعدوم دموع فديتك يمه والله غامرت عشانك
حبيبي خايف اكيد من الزحمه سحبت منديل وانااانظف وجههه وابوسه حسيت جالس يتفرح فيني يبي يتاكد مني حبيبي ماعرفني مع المكياج ضميته وانا اضحك والله هوو الوحيد اللي احس بوناسه معه اااه تذكرت تركي وكذبي عليه ااه يمه وش تتوقع ابوك يسوي فيني ........


&نـــونـي بنت الجنوب & ©؛°¨غرامي فضي¨°؛©

ام غسان وهي تمشي وهي رافعه خشمهاا: اختك جت
سوسن مسويه نفس حركتهاا في الوقفه: ايه جتت
انتي ولدك جااا
ام غسان : نعم
سوسن : لا سلامتك ادخلي لوو تبي
ام غسان : اكيد راح ادخل واشوفها
سوسن: لاابشرك قمر ماشاءالله
ام غسان بسخريه: ياليت هادا االي أتمنى عشان ولدي ينبسط
سوسن بسخريه اكثرر منها:لا بينبسط وهوو حفي وراهاا
وهي ترفع أصابعها ثلاثه مرات وانتي ادرى
ام غسان عرفت انهاا قويه موو مثل امهاا اللي طول الوقت ساكته طنشتهاا ومشت الله يسامحك ي غسان

اللكل يتكلم عن سالفة خطبتك بعدين انت قلت لي مره والمرة التانيه وافقت طيب لي معك كلام تاني بس اشوفك
ودخلت شافت اختها المجنونه اللي تنبسط عليهاا
جوري وهي تتقرب منهااوهي مسويه نفسهاا مستحيه : كيفك خالتي قمرر
ام غسان وهي تسلم عليهاا:اسمي غادة موو قمرر
جوري وهي تهزز راسها بدلع:لا اناافي عيوني قمرر واحس هالاسم مناسب لك اكثرر """"ااه لو تدري وش مسميتك
ام غسان انبسطت كثيرر هادي اللي مفروض تكون مرة ولدي موو المتكبرره دي : حياتي تسلمي والله وهي تضمهاا لصدرهاا
جوري خلاص البنت بغت تتطيرر لزقت فيهاا ماصدقت خبررر
ام غسان وهي تمسكهاا من كتوفهاا وتبعدهاا شوي وقالت بتريقه: افتكرتك نمتي
جوري تفشلت بس ابتسمت غصب عنهااا وراحت
ام غسان وهي تتدخل عند عنود : السلام عليكم
اللكل رد السلام
ام غسان وهي تسلم عليهاا: مبروك ياعروسه
عنود وهي ترفع حاجب بقهرر: الله يبارك فيك
ام فيصل : ومبروك علينا كلنااا حبيبتي
ام غسان: الله يبارك فيك
وناظرت رهف
ماشاءالله على زوجة تركي قمرر قمرر احسن وحدة في هالعايله
اااه ياليتك مو متزوجة كان خطبتك لطلال حبيب قلبي
يالله كل شيء نصيب ويابخت زوجك فيك ماشاءالله تبارك الله هذي يبي لها تحصين قبل ماتتطلع تقربت منها سلمت عليهاا وقلت بصوت واطي: حصني نفسك ماما
رهف بصدمه ناظرتهاا ماما: ان شاءالله
ام غسان: ماشاءالله عليك قمر يمشي على الارض
رهف خجلت ماتدري وش تقولهاا : شكراً عيونك الحلوة
وكملت في صدرهاا ااااه لوتدري جوري وش تسوي تنتحر البنت
ام غسان : اوك غسان يبي يدخل عشان التصويرر ومره وحدة يزفهاا
وطلعت
عنود : يمه وش ذا يدخل ويصورر ماابي تصويرر
ام فيصل : خلاص عنود مو وقت حركاتك اللحين
عنود هزت راسهاا وهي تحس نفسهاا مخنوقة من ذا كله ودهاا تتطلع ماتبيه يدخلل اوف ضروي تصويرر وذاا كله
هي ماطلبت تصويرر ولاجابت ولافكرت كمان ليه هم يقرروا من عندهم
@@@@@@@@@@@@@@@@@@@@
@@@@@@@@@@@@@@
بعد نص ساعه
جوري جت : يالله امه تقول يبي يدخل وكمان المصورة وصلت
عنود بخوف وتوترر: ايش
رهف وتقربت منهاا:عنود حبيبتي خليك عاقله وسوي اللي تتطلبه منك المصورة
عنود هزت راسهاا
وطلعووا من عندهاا
في الصاله
جوري : شوفي كيف اخته يقال ترقص مصري نفسي اعرف
مين لاعب عليهاا وقال لهاا رقصك حلوو
مرت ام غسان من عندهن وهي تتدق على غسان
جوري بسرعه: ماشاءالله على بنتك ي خاله قمرر رقصهاا يجنننن اكيد انتي تتحديهااا في الرقص عيله تربية مراقص وقطعت كلمتها ا لاخير ياربي اناا وش هببت
رهف دقتها: غبيه انتي
ام غسان موو منتبه لها وش تقول ولا هي معاهاا هذي البنت كلامها كتيرر
ومع الدق وغسان مايسمع زين اوف طفشهاا
جوري لمااشافتهاا راحت وماعلقت :اكيد ماسمعت صح
مدري كيف طلعت الكلمه كذا
رهف:من كذبك من توو تحشي في رقصهاا ولما شفتي امهاا مسحتي جوخ ع قولهم
جوري : امشي امشي خليناا نرقص ونفلها
رهف على ان مالي نفس وحاسه بخوف
من الللي بيحصل لي مع تركي بس قلت اكيد راح افرح لعنود
وارقص لهاا مشيت معاهاا والبنات كلهم تجمعووا معنا يرقصووا صراحه كان هيصه ووناسه وبذات لماا سوسن يقال تتحدى

سارة في الرقص المصري كلنا متنا ضحك على رقصهاا
سارة بدلع تصرخ: لا لا مو كده
جوري : الا كذا انتي ماتعرفي ترقص وهي تتدق خصرر بقوة
كلنا ضحكنااا لما ساره صرخت ونزلت
انصرعت من رقصهن وحلفت معاد ترجع ترقص
جوري وهي تسحب من محفظة امهاا فلوس وتحط على راس سوسن: ايوه رقصني ي قدع وترقص معاهاا
رهف اناا خلاص مت ضحك
احس الناس يضحكون عليناا فشله
بس قلت لازم اسوي شي والحق شوي من الفشله اللي خلونا فيهاا تقربت من المطربة : تكفين سكري المصري وانتي غني
بناتنا انهبلووا
المطربه : وش تقولي ي حلووه
رهف
بعدت عنهاا وقلت بسرعه:غيري تكفين
المطربه وهي مبتسمه : اوك اللحين
@@@@@@@@@@@@@@@@@@@@@
@@@@@@@@@@@@
عند عنود
تحس نفسهاا ترجف خوف وتوترر
بذات لمااسمعت صوت امه وهي ترحب فيه
غسان
من وقت مادقت عليه امه وهو يحس نفسه يبي يطيرر من الفرحه واي فرحه هذي حبيبة قلبه يبي يختلي فيهاا اليوم
ااه وتكون له وحده دخل مع امه اللي استقبلتة عند مدخل العروس
ودخلت على طول دخل شافهاا منزله راسهاا اوف عنود وش هالحركه ترى طفشتيني بهاا كل ماادخل عليك منزلة راسك
تقرب منهاا وهووينحني ويبوسهاا على راسهاا ونزل على خدهاا باسهاا بشوق وبهمس : مبروك ي قلبي
عنود تحس خلاص راح تموت اكيد راح تموت الهواء انقطع عنهاا
ام غسان : هادي عروستك اللي جنتننا عليهاا
ويالله تجهزوا المصورة راح تتدخل وبعدها الزفه
غسان : اوك
وشاف امه طلعت جلس قريب منهاا وهوو مبتسم : عنودي
عنود لفت وجهاا عنه بدون صوت
غسان مد يده وسحب وجهاااا بحنان وخلاهاا تناظرة: اخبارك
عنود بهمس : مو بخيررر
غسان بخوف: بسم الله وش فيك
عنود : مافيني شيء بس اكون بخيرر لمااتكون بعيد عني
غسان : عنود ليه انتي كذا قاسيه
عنود بحتقارر: قاسيه اقول استطلب بس وش فيك كذا خفيف
غسان انقهرر وسكت هذي ماينفع معاهاا الطيب
شكلهاا بس يالله راح اصبرر عشان اليوم اول يوم مع بعض
قطع تفكيرة دق الباب قال بجمود: تفضل
دخلت المصورة ومعاهاا عدتهاا
وبدت التصويرر :يالله جاهزين
وياليت تقربي شوي منه
عنود بقهرر: صوري بس
غسان مد يدها لكتوفهاا وقربهاا منه: يالله كذا تمام
المصورة بقهر من عنود ومن اخلاقهاا: ايه تمام بس ياليت اشوف ابتسامه من الطرفين
عنود لفت راسهاا بعناد ماتناظر الكاميرا
غسان انحنى لهاا: ترى بعدين بتتحسفي وانتي تناظري صورك
وتندمي انك مو مبسوطه كنتي
عنود بقهرر: لا واثق ي شيخ
المصورة: لوو سمحتووا اجلووا اي كلام بينكم لما انتهي من شغلي
عنود بصوت واطي:اكفخهاا ذي
غسان سمعهاا ضحك بصوت عالي:هههههههههه
عنود بقهر ناظرته: مجنون
بدت التصويرر بعد ماعصبت عليهم اكثرر من مره
وغسان كان موو مقصرر اي حركه تقولها يسويهاا ع طول حتى لوو غصب على عنود...............
انتهي البارت

شفتووا اني طيبه وخليت القفله ماتعذب فديتكم هههههه
وكمان اكيد مامني قصورر مخليه البارت طويل حيل
راح تقرواا وتطفشووا من طوله ههههههه


استودعتكم الله
نوني

سبحان الله وبحمده سبحان الله العظيم


sandra1sandros ©؛°¨غرامي مجتهد¨°؛©

المشاركة الأساسية كتبها nasime اقتباس :
السلام عليكم بنات
طبعا جبتلكم ليوم شئ جميل لحزب تركي
ان شاء الله يعجبكم وخصوص يعجب نوني وبنتها
يجنن يجنن يجنن زين ماقلتلك انا ياجعلني فدا صوابعك الفنانه ههههههههه ابدعتي حبيتي


&نـــونـي بنت الجنوب & ©؛°¨غرامي فضي¨°؛©

قراة ممتعه للجميع
لا تحرموني ردودكم ي عسولات
واقبل باي نقد في الروايه لوو فيه احداث مو حابينها
نوني


&نـــونـي بنت الجنوب & ©؛°¨غرامي فضي¨°؛©

المشاركة الأساسية كتبها sandra1sandros اقتباس :
يجنن يجنن يجنن زين ماقلتلك انا ياجعلني فدا صوابعك الفنانه ههههههههه ابدعتي حبيتي
اقول بلا هياط ر وحي اقري احسن قال ايه يجننن روحي زين ترى حدي معصبه
وضغطي واصل مليون من شغلكم

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1