روعة غلا ©؛°¨غرامي نشيط¨°؛©

باااااااااااااااااااارت رااااااااااااااااائع
كملللللللللللللللللي

&نـــونـي بنت الجنوب & ©؛°¨غرامي فضي¨°؛©

المشاركة الأساسية كتبها روعة غلا اقتباس :
باااااااااااااااااااارت رااااااااااااااااائع
كملللللللللللللللللي
تسلمين حياتي انتي الأروع وان شاء الله راح اكمل

&نـــونـي بنت الجنوب & ©؛°¨غرامي فضي¨°؛©


آللهم إني استغفرك وأتوب أليك
سبحانك الله إني كنت من الظالمين ..

اللهم صل وسلم على محمد
صلو عليه

& البارت السادس &


فتحت عيوني وانا احس بهدوء حولي تحركت وسحبت جوالي إلا اشوف الساعه 2ونص
قمت وانا امشي بشويش ودخلت غسلت وتوضيت وطلعت اصلي صلاة العشاء أستغفر نمت بعد المغرب ماحسيت في نفسي وفاتتني الصلاه صرت اهرب لنوم عشان مااعيش الواقع اللي انا فيه قمت من ع السجادة وجلست وانا امشي جلست اشوف البنات كان
كلهم نايمين غريبه اليوم ماسهروا ومااادري متى اجوو من الطلعه حقهم اكيد نكد عليهم اخوهم الا أعوذ بالله
مايجلس مع احد إلا يقلب ع حياته زي ماقلب حياتي جلست افكر وانا سادحه ع السرير ليش وش اسوي لازم اقول لعنود
شوي الا اسمع صوت اذان الفجر قمت وانا اردد معاه ورحت توضيت وصليت
ورحت صحيت عنود تقوم تصلي شفت عنود تقول وشوي وهي
جايه تصلي واسمعها تصحي في البنات
شفت كل وحده منهم تقوم تصلي وترجع تنام ع طول وانا جلست اتقلب ع فراشي ودموعي عيت توقف جلست شوي
شفت الساعه 7 ونص حسيت في جوع لي يومين مقد اكلت زين وخفت اقوم للمطبخ واشوف تركي سبب لي عقدة حسبي الله علي رجعت قفلت عيوني احاول انام ومعاد حسيت في نفسي اللن شفت سماح وهي تصحي فيني
فتحت عيوني اللي هي قريبه مني وتقول انتي كيس نوم امس اجينا الساعه 12
وانتي نايمه وللين اللحين وانتي نايمه ايش فيك انتي
رهف رديت عليها وانا مسكره عيوني ... يالطيف حاسيدينا حتى النوم
سماح وهي تضربها ع يدها ... من زينك عاد احسدك قومي بس
شوي وعنود تحط الغداء ابوي موجود ويسأل عنك
حسيت بمغص لما قالت عمي يسأل عني والله خايفه اقابله بعد اللي صار
خايفة منه وهو مايدري أجل لو يدري ايش يصير فيني قمت ساكته
اخذت بجامه وملابس داخليه ودخلت الحمام اخذت شور وطلعت اصلي
وقفت عند التسريحه مشطت شعري اوف تعبني شعري نفسي اقصه اوف
انا في ايش افكر خليني اطلع عند عمي قدام مايشك فيني من جد واروح فيها
لبست جلال يكون يستر جسمي احتياط اذا اجاا احد الصاله دخلت عليهم وهم متجمعين
ابتسمت في وجههه عمي وهو يرحب فيني ابو فيصل ... هلا والله تو نور المكان
ردت جوري وهي تقول ... لا يبه وع وش ذا نور المكان قول العكس يبه
رهف وانا احاول ابتسم لهذي الملقوفه ... والله حياتي انتي مالك
دخل
ابو فيصل ... ايوه صدقت رهوفه حبيبة عمها انتي مالك دخل ومنور غصب عنك
سماح وهي تسوي معصبه ... يوبه والله اشك بعض مرات انا بناتك لما تشوف الخبله ذي
جوري وهي مبسوطه من سماح ... هههههه حلو ه الخبله اجل من اليوم مااناديك إلا الخبله
عنود وهي تدف جوري ع سماح ... روحي انتي وهي هناك بس لحد يغلط ع بنتي
جوري ... ياربي غبيه من جد احد يكبر نفسه ويقول هذي البقره بنتي ماتشوفيها ماتدخل من الباب
سماح .. خلاص انا من اول مغسله يدي من عنود
ام فيصل .. . مالك شغل انتم يالثنتين خليكم من عنود ورهف هي كذا
عنود من يوم مااجت رهف عندنا وهي توها بزر دوبها دخلت 12 سنه
وهي مهتمه بكل شيء يخص رهف فاااكيد تحس انها بنتها صح عنود شفتي
كيف امك سكتت الملاقف هذولا
عنود وهي تقوم وتضم امها .. حياتي ماما محد يعرف لهم إلا انتي
ابو فيصل ... طيب متنا جوع متى الغداء عاد ابي ارتاح شوي قبل العصر
ام فيصل ... اللحين اقوم اكيد جهز وهي تلف ع البنات
يالله بنات ساعدوني في تحضيره
وشفتهن قامن مع خالتي وانا اجيت اقوم حسيت في يد عمي
تمسكني
ابو فيصل بحنان ... حبيبتي ايش فيك من يومين مختفيه
وشكلك مو عاجبني فيك شيء قولي مايردك إلا لسانك
ترى والله انك غاليه واغلي من بناتي حتى انتي بنت الغالي
رديت وانا احس بدموعي راح تنزل مع حنان عمي
رهف ... لا لا مافيني شيء بس شوية سخونه
واللحين الحمدالله احسن بكثيرر وبعدين من امس وانا بخير
وسألت عنك وهم قالوووا انك في المزرعه
ابو فيصل ... ايوه جالس اجهز المزرعه ابي اسوي غداء لدلوع امه
مالت والله تكفى عمي لا تجيب سيرته احس بطني تقلب من اسمه حتى
رهف ... هااا ايوه قالوو لي البنات انكم راح تسوون غداء في المزرعه
يالله الله يعينك عمووو
ابو فيصل وهو يضحك على كلمة عمووو ... هههههه تسلمين ياروح عموو
اوف لو تجي جوري وتسمعني ادلعك تولع ههههه
رهف ... هههههههه احسن خلها
ماكملت كلمتي إلا البنات كل وحده شايله صحن وقمت افرش السفره معاهم
وجلسنا تغدينا وسوالف وضحك شوي إلا التلفون يدق حق البيت
طبعاً معروف اللي ترد عليه كل يوم ومايقهرني إلا لماتجري الخبله وهي
تتتفرج اذا كان احد يلحق وراها اولا جوري وهي تمسك السماعة .... الو

هلا هلا والله بتهاني زوجة اخوي العود اوك تمام اللحين اعطيها التلفون
شفتها وهي تشر ع تبغاني اقوم اكلم تهاني زوجة احمد
مسكت السماعه وانا احس قلبي يدق بسرعه رهف ... هلا
تهاني ... هلا فيك حبيبتي كيفك اليوم
رهف ... الحمدالله بخيرر
تهاني .... ماتشوفي شر ان شاءالله
رهف .... الشر مايجيك
تهاني .... ان شاءالله اليوم احسن
رهف .... ايوه بكثير احسن
تهاني .... الحمدلله اجل اليوم بعد المغرب ابي اجي عندكم
رهف رديت عليها وانا ابتسم ... حياك البيت بيتكم
تهاني ... ادري ياعمري بس خفت اجي وانتي تعبانه
وكمان في ناس هنا جننوني مسوين قلق الله وكيلك
غصب رديت عليها رهف .... اوك
تهاني ... هههههه ايش اوك والله ولدي خلاك ماتعرفي حتى تتكلمي
خلاص ابس ارحمك واقفل يالله باي
رهف وانا اسكر السماعه .... باي
شفت البنات وهو يقولون ايش فيه غريبه تتصل فيك مخصوص
جوري وهي تنط .... بنت لا يكون فصول الخايس هو اللي يكلمك
ترى تهاني تسويها هي من زمان زاحفه
عنود وهي تضرب جوري .... وجع جوري وش ذا الكلام لو يسمعك ابوي

والله يقص لسانك هذا الطويل
رديت وانا اضحك رهف ... ماعليك منها بس خليها هذي من زمان انا شلتها من هنا وانا اشر ع راسي
شوفووو كيف وجههها قلب وعيونها باين فيها العصبيه احسن تستاهل
سماح .... لا من جد رهوفه وش فيها تهاني تتتصل فيك
رهف .. ولا شي بس تقولي سلامات وتقول كمان جايه بعد المغرب عندنا
جوري .. صدق تهاني سامجه يعني من بعد البيت عشان تتتصل كلنا في سور واحد
رهف .... انتي ايش فيك بس تتأكد اذا كنت تعبانه تخاف تزعجني وكذا ان شاءالله فهمتي
جوري .... ايوه الحمدلله فهمت
سماح ... ايوه وانا اقول ليه متصله وهي دايم مدرعمه ع طول
عنود ... ولا كمان لقد تركي هنا ماتجي كثير عشان ماتزعجه ناس تعرف الاصول
قمنا كلنا من الصاله اللي قامت تنظف المطبخ واللي تنظف الصاله بس انا دخلت اول وحده
المطبخ خفت يقوم تركي او شيء لانه كان نايم سمعت عمتي تقول لا ترفعون الصوت حق
التلفزيون عشان مانزعجه مالت ع ولدها اللي يزعج بلد بحاله جلست اغسل من قلب احس اني
اطلع غيظي في التنظيف وافكر في كلام تهاني ان فيصل هو اللي قال لها تتصل
مسكين فيصل مايدري وش صار في خطيبته وش راح يصير في
المستقبل اني مو له
ومن سابع المستحيلا كمان اوف اسمع صوت تركي وع صحي من النوم وانا مقد هربت غرفتي
حسيت الدنيا تلف فيني بس من صوته اجل لو شفته يارب الطف فيني شوي إلا قد دخلت
عنود وهي تقول .... استغفر الله قام بشره
انا ساكته مارديت عليها
سماح ... وين غداء تركي يقول بسرعه جيعان
عنود ... الللحين احضره له
حاولت افتح فمي عشان اقدر اقول لسماح رهف ... سماح ابي اروح قفلي الباب الداخلي عشان اروح غرفتي
عنود وهي تتقرب مني وتحط يدها ع كتفي ..... لا تخافين ماراح يدخل المطبخ وانتي موجوده
وبعدين لا تنسين ابوي مو جود الللحين ماراح يطلع الا بعد صلاة المغرب فاتطمني
مايقدر يسوي شيء
سكت ماعرفت اتكلم عاد والله كان نفسي اقولها والله اخوك شيطان يقدر
يسوي اي شيء محد يقدر عليه إلا ربي وهو اللي راح يأخذ حقي منه
اوف ياربي ابي اطلع شفت المطبخ فاضي الامن جوري إللي
توها دخلت ع طول تكلمت معاها
رهف ... جوجو حبيبتي قفل باب المدخل عشان ابي اروح غرفتنا اخاف اخوك يشوفني
جوري وهي حزينه ع رهف وهي تشوف وجههها مخطوف كيف وهي بس تسمع صوته

ع طول قالت .. طيب اللحين اقفله
ع طول هي قفلته وانا طلعت لغرفتنا جلست وانا احس قلبي يدق بسرعة واحس
بخوف مو طبيعي ياربي كيف قدرت اكلمه البارح في الليل جلسنا شوي وقمنا صلينا انا والبنات وبعدين
كل وحده فينا جلست تتجهز كملنا وجلسنا نسولف اللين سمعنا صوت تهاني وهي ترد السلام
على تركي تهاني ... كيفك تركي والحمدلله ع السلامة
تركي .... الله يسلمك
وبعدين اختفى صوت تهاني لان جوري دخلتها الغرفه وكان بس اسمع صوت سمر
سمر ... كيفك عمووو .
تركي .... والله مبسوط انتي اخبارك يالله سافرو معي انتي وجوري مدام اجازه
سمر وهي صوتها كان مره مبسوط وعالي .... جد عمووو تكفى كلم ابوي
والله نفسي اشوف الجنوب
تركي .... ههههههههه
اوك ولا يهمك خليك بس جاهزه
احس صوته قريب من المدخل حق غرفتنا الله يستر منه وهذي
سمر مالقيت تسولف معه الا الا هنا
صدق انها من طينة جوري نفس الطبع الله يكفينا الشر والله اني احس بطني يقلب ع من كل كلمه يقولها
شفت الغرفه فاضيه وحسيت اني معاد سمعت صوتهم برا شكله هو طلع وهي دخلت مجلس الحريم

دخلت ع عنود وهي تقول .... يالله رهف تعالي سلمي ع تهاني جابت معاها باقة ورد
رهف رديت وانا مستغربه ..... ليه باقة ورد كلها بس سخونه يوم
عنود وهي تبتسم ..... شكله الحب ارسلها
رهف .... لا ليه كذا انا ماااحب هذي الحركات لو كان منه ابي ارجعها
بس لو منها هيا عادي
عنود ..... اشوفلك طريق حضرة الضباط تركي ماسك خفاره في الصاله
مدري وش عنده
رجعت جلست انتظرها عشان تجي تقولي يالله شوي إلا رجعت وهي وجهاااا معفوس
قلت لها رهف ..... ايش فيه
عنود وهي ترد ... اوف معند مايقوم يقول تلبسي جلال ولا عبايه
واطلعي
رهف .... كيف يعني امر من عنده
عنود .... مدري عنه الدلخ
شوي الا نسمع صوته وهو قريب من الغرفه حقنا ويقول اطلعووا عليكم الامان وجلس يضحك

صدق بايخ وماعنده سالفه ابو عين طويله يبغى يجلس يبصبص ويرمي كلام
سحبتني عنود بيدي ومشينا الا هو في وجهنا لا لا ع طول رجعت
ع ورا وانا خايفه وقامت عنود عصبت عليه
عنود وهي معصبه ..... ترى مالها داعي هذي الحركه
وبعدين لا تنسى انها مخطوبه ع ولد اخوك يعني شرفك ي غبي
تركي ... ههههههه مخطوبه لمين
عنود .... أستغفر الله ابعد بس وبعدين غض صوتك
لا تسمعك تهاني وامي وابعد عن الطريق وخلنا ندخل عند الحرمه هي جايه عشانها
تركي .... اوك وهذي جلسه في الصاله تبي تمر عادي مافيها شي تلبس العبايه وتمر ..

عنود ..... صدق مجنو والله لا اروح اقول لاامي تجي تشوف معك حل
معاد سمعت صوت وكنت خايفه مره لا تصير مشاكل وهذا الغبي يقعد يرمي حكي وانا اروح فيها
هذا اكيد له صله مع الشيطان لانه مستحيل يكون انسان ويحس شوفو الكلب لاايش يرمي قال اعرفها زين
دخلت ع عنود وهي تتسغفر وشكلها مره معصب ... يالله رهف راح
رهف .... متأكد ه والله من جد خايفه لو اطلع وهو قدامنا
عنود .... لا لا امي اعطته كلمتين يحبها قلبك وهو بعدها انقلع من البيت

مسوي نفسه زعلان والله بعض مرات اشك انه مريض نفسي من كثر مشاكله
صادقه عنود لان تصرفاته مو طبيعيه مره مشيت معاها وانا ادعي حسيت مشوار الغرفه بعيد من الخوف
دخلت الغرفه وإلا تهاني تجي يمي وتسلم علي وهي تقول ... كيفك حياتي
ساعه عشان تطلعين لنا لا يكون تغلي بس
وخذي هذي حبيبتي لك هديه وهي تغمز بعيونها والحمدلله ع سلامتك مره ثانيه

انتهي البارت


وان شاء الله اللقى تفاعل مع روايتي وتنال ع إعجابكم
استودعتكم الله


روعة غلا ©؛°¨غرامي نشيط¨°؛©

بااااااااااااااااااارت رااااااااااااااائع
استمري
نبغى بااااااااااااارت

&نـــونـي بنت الجنوب & ©؛°¨غرامي فضي¨°؛©

المشاركة الأساسية كتبها روعة غلا اقتباس :
بااااااااااااااااااارت رااااااااااااااائع
استمري
نبغى بااااااااااااارت
ان شاءالله حياتي انزل بارت قريب
وشاكره لك تواجدك في روايتي


&نـــونـي بنت الجنوب & ©؛°¨غرامي فضي¨°؛©

ياليت فيه ردود عشان اعرف انا روايتي اعجبت ناس واجد

&نـــونـي بنت الجنوب & ©؛°¨غرامي فضي¨°؛©

البارت السابع
اللهم اني أستغفرك واتوب اليك

حسيت نفسي منحرجه منه التعليقات اللي جالسين يقولها ونفس الوقت مقنوقه ابس اقول لهم خلا ص
ارحموني واسكتوووا لكن حاولت اضغط ع نفسي وابتسم مجامله اخاف احد يحس ان فيني شيء
جوري بخبث // بس والله طلع فصول ذوق
تهاني // والله حياتي ولدي ذوق من زمان طالع لي
سماح بلقافه // ياشين الغرور
تهاني وهي تبتسم // اقول اني محد حاكاك وانا ذوق غصب عنك
عنود وهي تمسك رهف وتبتسم // خلاص تسلمي انتي والورد ان
كان من عندك ولا من عند فصول الدب آخر مره شفته قبل يومين
غريبه مقد طل علينا
سمر وهل تضحك // قلقان ع الحبايب وهي تغمز لرهف
جوري برمانسيه // اخخخخ اذوب انا
سماح // هههههههه
عنود وهي معصبه // ترى خلاص مسخت السالفه
سماح // وانتي ايش حشرك
عنود //من جد بنات خلاص احرجتوا البنت حرام عليكم
تهاني // خلاص رهوفه ماعليك منهم هم غيرانين منك
عشان عندك واحد يموت على التراب اللي تمشي عليه
عنود // لا ماشاءالله عليك انتي اللحين قلك خفتتي من احراجها
لا الصراحه متقصرتي
تهاني //هههههههههه خلاص من جد وهي تنظر للبنات
ورفعت صوتها شوي بالله خليني اسمع وحده فيكم تفتح فمها
شوي وشفت ام فيصل مدري وين اختفت ورجعت وهي تقول وحده
منكم تدق ع تركي يجيب عشا من برا وخليه يدلعنا شوي
جوري وهي فرحانه // يب يب ماما نفسي في عشا من برا
ام فيصل //طيب قومي دقي عليه
جوري //دقي عليه انتي عشان هو يسمع كلامك اكثر
ام فيصل //لا لا دقي هو اللحين زعلان مني
الل يسامح عنود كنها كبرت السالفه وانا عصبت عليه
والعشا بس عشان ابي اطمن عليه فديته ولا انا مافكرت فيكم
ابي اروح عند عجيزي وانا بعد شوي
عنود // خفي من هذا الدلع له وهو يصير طبيعي والله
ام فيصل وهي معصبه // ليه شايفه مجنون اقول
اقول انتي انطمي ترا معي منك حره وش فيها ابي اطمن ع طلع وهو معصب
شفتن بانفسكن كيف قلب السالفه وصار هو الزعلان ويبغى خاله ترضيه طيب وانا
ليه خالتي مافكرت فيني وهو كان جالس يضايقني وعيا مايوخر عن الطريق توقعت
راح تزعل منه مو تجلس تبررر له حركته وتقول ان عنود كبرت السالفه
لا اطمنك خاله ترى السالفه كبيره وكبيره واجد
تهاني //بسم ايش صار وزعل وهو توه جاي من سفر
عنود // مافي شي بس لو تقول له كلمه ع طول تحسب انه زعل منها
تهاني //خلاص ي خاله وتركي مستحيل يزعل منك
واللحين وحده من البنات تكلمه وتقوله قلك تهاني جيب عشا
هيا ضيفه عندكم اليوم يالله مفروض حنا نضيفه لانه جاي من سفر
بس ماعليه يسلك لنا وكمام نسوي تغيررر ههههههه
ام فيصل // والله انتي تستاهلين يكفي انك ماتقصري مع البنات
تهاني // تسلمي وهم مثل خواتي الصغار
جوري // بس انا زي بنتك لا تنسي بينا سنه لا تصغرين عمرك
تهاني //ي حبك للفضايح ضروري يعني تذكرني في عمري اوف منك هادم الذات
جلسنا كلنا نضحك على تهاني هي وجوري وشفت سماح تقول لخالتي خلاص كلمته
واللحين راح يشتري احلى عشا لعيونك شفت خالتي تبتسم وهي تدعي له
ام فيصل وهي مبسوطه حيل // ربي يخليه لي ويطول في عمره
تهاني // امين يارب ويرزقه بنت الحلال اللي تملي عليه حياته
يستاهل تركي
لا لا حرام عليك تهاني يكفي تمدحي فيه ترى والله هو اقذر من القذاره نفسها
حتى مافكر في ولد اخوه ودايم يتريق فيه كان نفسي اقولهافي وجههها
بس يالله الايام راح تثبت لهم مين تركي واه من تركي ي هو عذابي في هذي الدنيا
شوي الا هو يدق ع البنات ويقول وحده تطلع عند الباب والبنات كلهم راحوو يجهزون السفره
وانا جلست خفت اطلع واحتك فيه او هو يسوي حركه من حركاته فقلت اجلس احسن
سماح وهي داخله // يمه كلمي تركي
ام فيصل // اللحين جايه
طلعت من عندنا بقينا انا وتهاني قامت تهاني من مكانها وهي تجلس بجنبي
تهاني وهي تمسك يد رهف بحنان // رهوفه حبيبتي اعتبرني امك
ولا تفكرين يوم من الايام اني راح افرق بينك وبين سمر وياقلبي انتي
بتصيري خطيبة الغالي الله يسعدكم يارب
رهف وهي مخنوقه من مقدمت الكلام اللي تقوله تهاني // تسلمين
وانا والله عارفه من قبل مافيصل يخطبني وانتي ماتفرقين بيني وبين سمر
اذكر ترى اول يوم لي هنا وكان اتعس يوم في حياتي لاني خلاص صرت بدون
بابا وماما لكن أنتم كلكم صرتووو أهلي ومافي احد قصر معي والحمدلله على كل شيء
تهاني وهي تحظنها // ياعمري انتي ايوه احنا اهلك والله يرحم امك وابوك خلاص حياتي لايكون
نكدت عليك بس انا ابي اقولك قبل الكل انتي لان لك الراي في هذا الموضوع
رهف //في ايش تاخذي راي
تهاني // فيصل يبي نظره وتوقع من حقه صح
حسيت بيغمى عليه ايش نظره لا لا كيف نظره وانا مو له احس نفسي كني جالسه اخدعهم
الله ينتقم منك تركي زي مالخبطت حياتي ايش اقول الآدمية تستنى كلمه مني
رهف وهي خلاص تحس دموعها راح تنزل // لا نظر لا
تهاني // ليه طيب انا ماقلت لخالتي ولعمي عشان اخاف يضغطووا عليك
وقلت اقولك انتي وتقومي ترفضي حرام عليك والله فيصل راح يزعل
بس نظر خمس دقايق وحفلة الخطبه بعد اول سنه جامعه لك وبعدين
هو يكمل جماعه وتعرسون هااا ايش رايك
رهف وهي محتاره ايش تقول لتهاني وماتزعلها منها // خلاص افكر
شفتووواكيف جالسه اخدعهم بس والله غصب عني
مصدقت وانا اشوف البنات يقولون يالله السفره جاهزه قمت انا وتهاني وتعشينا كلنا
وقامت عنود تسوي شاي واحنا طبعاً جلسنا في الصاله بعد العشا لان مافي احد في البيت
شوي إلا قالت تهاني //اوه استغفر الله والله نسيت اختي عزمتك ياخاله انتي والبنات
طبعاً جوري اول وحده ترد بلقافتها المعروفه // ايش المناسبه
خالتي وهي تضربها ع كتفها //اخخخ منك بس ايش المناسبه ي تهاني
تهاني وهي مقهوره من جوري ماخلتها تكمل كلامها // خطبة بنت اختي
ام فيصل // مين فيهم هيفا ولا سميره
تهاني // لا لا هيفاء ومسويه عزيمه كبيره كمان
عشان كذا لابد تجيون اني والبنات وطبعاً رهوفه كمان
ام فيصل ببتسامه //الله يوفقها وان شاء الله نجي
جوري // اكيد ماما نروح والله من زمان مقد حضرنا مناسبه
عنود // طيب قولي ان شاءالله
جوري // ان شاءالله
تهاني // ايوه كمان اللحين ابي اروح البيت وادق على اختك ياخاله
ام فيصل // خلاص اعزميها ولا انا اكلمها عادي
تهاني // لا تجي مني احسن
ام فيصل //ع راحتك
شوي وراحت تهاني وسمر وهم يأكدون علينا نحضر ضروري
انا ع طول قمت دخلت غرفتنا خفت اجلس مع البنات وتركي يجي فجأه
وطبعا هو تجيه فرصه ع طبق من ذهب عشان يجلس يقهرني هو هذي شغلته في هذي الدنيا
اخذت بجامه ودخلت الحمام ولبست وغسلت وجهي وطلعت الا البنات كلهم موجودين في الغرفه
جوري /// اوف دلا ل راح تحضر
سماح // والله كان نفسي اقول لتهاني لا تعزميهم
بس خفت من ماما
عنود // ياربي منكم ياحبكم للمشاكل انتم
يعني غصب بتزعلون امي
سماح وهي معصبه //ايش فيك انتي اقولك كان نفسي
اقولها مو قلت لها يعني امي ايش يزعلها اللحين
عنود // والله لا تجلسن عليها حتى بكره وراح تقولون اعرفكم انا
مستحيل تسكتن وتتجنبن المشاكل
رهف // خلاص عنود جوري وسماح مستحيل راح يفتحووو فمهم
عند خالتي صح ي بنات
عنود // الله يسمع منك بس متأكده ماراح يسكتن
جوري وهي تقوم // اروح عند تروك حبيبي احسن قال تعالي اسهري معي
سماح // وانا كمان رايحه صح انه غلس بس ارحم من عنود
عنود // احسن فكه تعالي رهف حبيبتي نجلس نسولف ع راحتنا
قمت جلست بجنبها وانا اضحك // مو فرصه صح يالله مابغينا الحمدلله اجت منهم
وجلسنا نضحك ع أشكالهم وهم مقهورات منا احسن يستاهلن
عنود بحنان // رهف احس بينك وبين تركي شي
ايش ايش لا لا حرام عليك عنود لا يكون حست فينا وتبي تتأكد من جد يالله ايش
اقولها اللحين خليني ارد عليها بسرعه عشان ماتشك أكثر
رهف وهي تبلع ريقها //لا مافي شيء ليه تقولين كذا
عنود // متأكده رهف حاسه فيه شيء
رهف // ايوه متاكده ولو فيه شيء راح اعلمك
عنود بصدق // رهف انا خايفه عليك من تركي احس اني
مو مرتاحه له واخاف اقول لاامي وتزعل وعادي ابوي
مقدر افتح فمي عنده تعرفي هو تركي زيت ونار
رهف // ليه ايش راح يسوي ماعليك بس وخلينا
نروح ننام بكره فيه عزميه وبعده في مزرعه يعني
مافي إلا اليوم ننام يالله تصبحي ع خيررر وهذي احلى
بوسه لماما ههههههههههه
حاولت اطمنها عشان ماتحس ان فيه شيء جلست اتقلب ع فراشي
وانا افكر صدق اني غبيه أجت الفرصه عندي وماقدرت اتكلم
احسن شيء انا م واكررر الاتصال ع تركي لما يسافر ابها يكون
بعيد واعرف اتفاهم معاه وقفلت عيوني ورحت عالم الاحلام
فتحت عيوني ع جوري وهي تقولي قومي صلاه قمت اتوضى واصلي الفجر
وبعدها رجعت انام ع طول
يوم جديد كان كلنا جالسين نتجهز عشان عزيمة الخطبه
انا طبعاً استشورت شعري ولبست فستان اسود ناعم له كرستال من عند الصدر مزموم
وسويت بس مكياج خفي حطيت مسكره وكحل اخضر من داخل عيوني عشان يبرز لون عيوني الملونه
انا ماحب لون عيوني بس البنات مقهورات منها يقولون ليه عيوني لونها اخضر ع عسلي
وانا طبعاً اتكبر عليهم ع طول واجلس استهبل واقول روحوو بس مااعرفكم انا اشكال هيلق
اخخخخ ياليت ارجع زي اول كان اكبر همي كيف اقهر جوري خلاص معاد ابي افكر
خليني اكمل احسن اخذت روج احمر صارخ يناسب ع بشرتي ويكفي عن المكياج الثقيل
طبعاً اخذت شنطتي وحطيت فيها عطري عشان اخاف مو عمي يوصلنا يمكن واحد من العيال
بس ان شاءالله عمي لاني مابي اشوف فيصل ولا تركي الهم
البنات كان كل وحد مشغوله منهم في حاجه اللين صرخت الخبله ذي
جوري // ليه حاطه احمر تطلعتي كذا فتح مني بكثير
رهف برفعة حاجب // وخير ايش عندك انا حر
جوري // لا مو حر وانا معاك حرام عليك كذا تصكين علينا
بعدين انتي مخطوبه ع الخروف ع قولة تركي وشوهله التزين ذا
شوفوو الزفته كيف تفكيرها // السكوت من ذهب
عنود // هههههه الله عليك ياجوري اللحين اللي يسمعك يقول هي
رايحه تبي عريس
جوري // لا لا انا ابي عريس بس اخاف وحده تقول تبيني وتشوف الغبيه
هذي وتقول يمكن شوفي يمكن يعني مواكيد ان رهف احسن مني
وانا كذا اروح فيها وطبعا هيا عريسها جاهز بس انا تروح عليه بس اسمنها خربت الزفته
رهف // هي هيي انتي زفته مو انا صدق مافيك حيا
سماح // لا تكفون لا تبدن والله تروح العزيمه وحنا ماسرينا
عنود // ههههههه صادقه سماح
قمت من عند جوري وانا امشي بغرور عشان اقهرها وطلعنا
كلنا الصاله نتظر عمي شوي إلا خالتي طلعت من غرفتها
وهي تقول ابوكم يقول جاي في الطريق بس تعبان ومافي
حيل يوصلنا اجل دقوووووا ع تركي
ايش تركي يوصلنا لا لا وع انا اركب سيارته ياليت فيني اجلس
بس خايفه اجلس لحالي في البيت والله مالي نفس من الاساس للعزايم
بس الخوف منعني لانه شيطان في اي وقت يطلع أعوذ بالله منه
ام فيصل وهي تدق ع تركي وطبعاً اسبيكر كذا هي طبعها دايم تكلم اسبيكر
تقول ماتحب تكلم إلا كذا // السلام عليكم حبيبي
تركي// هلا وعليكم السلام
ام فيصل // وينك حبيبي
تركي // امري ايش تبين انا قريب
ام فيصل // تودينا العزيمه
تركي // ليه وين ابوي
ام فيصل // يقول هو جاي تعبان وبكره عنده قومه من بدري
تركي // اوك اللحين اجي خليكم جاهزين
اوه ع فكره كلكم ولا بس انتي
ام فيصل // لا حبيبي كلنا ليه تسأل
تركي // لا لا ولا شيء بس اسأل يالله عشر دقايق وانا عندكم
ام فيصل // قول ان شاءالله
تركي بتسامه // ان شاءالله يالله باي وقفل
شوف الكلب يسأل لا ي شيخ تحسبني دخله لذي الدرجه واجلس في البيت
لا هي غلطه وحده وماراح تكرر لاني جالسه ادفع ثمنها غالي كثيررر
شوي إلا الحوال يرن في يد خالتي وهي تقول اوك طالعين
طلعت وانا اجر رجولي جر وجالسه ادعي ان ربي يساعدني
ركبوو البنات وخالتي قدام وانا طبعا اخر وحده من جهة خالتي وتوني اقفل الباب
الا اسمع صرخته بغيت اموت من الخرعه
تركي بصرخه // كسر ان شاءالله بشويش ع الباب
والله قفلت الباب بشويش بس هو يبغى عذر عشان يسبب مشكله الله يفكني شرك حتى اوصل
ام فيصل وهي متضايقه من تركي// ايش فيك انت عليها
تركي // هذي غبيه شفتي كيف تقفل باب سيارتي
عنود وهي مقهوره // والله بشويش بس انت تحب المشاكل
تركي // انتي كلي تبن فاهمه مالك دخل كم مره اقولك
لا تفتحين فمك ع وانا اتكلم بعدين شغل المحاماه ذا مااحبه
هي تعرف ترد بس مسويه محترمه وهي من جنبها
عنود // ايوه محترمه غصب عنك ولاتحب تحكي معك ولا مع
اي رجال هذي تربية عمي وابوي كمان
تركي بخبث // ايوه صح ماتحكي هههههههههههه
صدق مسخره
ام فيصل وهي معصبه منهم // خلاص بس تركي رجعنا البيت احسن

انتهى البارت
استودعتكم الله وان شاء الله البارت يعجبكم
وهل تتوقعون رهف بتكلم عنود عن اللي حصل
وايش السبب اللي يخليها تكلم عنود
يالله توقعاتكم ياحلوين


&نـــونـي بنت الجنوب & ©؛°¨غرامي فضي¨°؛©

معليش ع الاخطاء في الاملاء
لان لابي خربان واكتب من الجوال


روعة غلا ©؛°¨غرامي نشيط¨°؛©

وهل تتوقعون رهف بتكلم عنود عن اللي حصل
وايش السبب اللي يخليها تكلم عنود
اتوقع بتكلم عنود
باااااااااااااارت راااااااااااائع
تكفين كمللللللللللللللللي

&نـــونـي بنت الجنوب & ©؛°¨غرامي فضي¨°؛©

تسلمين وشاكره لك على تواجدك في روايتي

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1