ديب فريز ©؛°¨غرامي مشارك¨°؛©

صباح الانوار واحنا بالانتظار

&نـــونـي بنت الجنوب & ©؛°¨غرامي فضي¨°؛©

المشاركة الأساسية كتبها noor al noor اقتباس :
صبااح الانواار والمسراات

بنتظارك ياعسل


سبحان الله وبحمده سبحان الله العظيم
ويسعد صباحك حبيبتي
وان شاءالله ينال على اعجابكم
سبحان الله وبحمده سبحان الله العظيم

&نـــونـي بنت الجنوب & ©؛°¨غرامي فضي¨°؛©

المشاركة الأساسية كتبها ديب فريز اقتباس :
صباح الانوار واحنا بالانتظار
الله ينور حياتك
ان شاءالله حبيبتي

غلا الريم. ©؛°¨غرامي ذهبي¨°؛©

الله يسعد صباحك
بانتظارك حبيبتي
تحياتي

&نـــونـي بنت الجنوب & ©؛°¨غرامي فضي¨°؛©

المشاركة الأساسية كتبها لوجـين اقتباس :
الله يسعد صباحك
بانتظارك حبيبتي
تحياتي
الله يسلمك
وفرحانه كثيرر بك جديده في روايتي
وابنتظار ردك على البارت
تحياتي

&نـــونـي بنت الجنوب & ©؛°¨غرامي فضي¨°؛©

&البارت الثلاثون &

لا إله إلا أنت سبحانك إني كنت من الظالمين

************************* &
&اي محبه واي عشره واي حنان &
*
*
*

ولعت من كلامه ونظراته اللي مثل وجههه قهرني والله ودي
ارد عليه بكم كلمه بس اخخخخخ ياليت سوسن مو هنا كان
عرفت كيف اتصرف معه وانكد عليه حتى فرحته بطلوعه من المستشفى بس احترمت حالي وجيت اطلع بسس اخخخخ وقفني صوت هذي الملقوفه حمدت ربي في سري انها مو عايشه في الرياض كلهاااا كان والله راح انتحررر ناظرتهااا : هلا
سوسن وهي تسحبهااا من يدها: تعالي اجلسي وين رايحه
رهف حاولت اعتذر وان شاء الله عاد تفهم: معليش بس شوي احس بتعب ودي اروح ارتاح
سوسن وهي تناظرها: من جد شكلك تعبان ونحفانه كثيرر
وهي تناظرر تركي انت وش فيك كذا صار في زوجتك بعد ماخذتهااا شكلك مسوي فيهااا العمايل اعرفك ترى من يومك مافي احد سلم منك وهي تغمز لرهف والله هاذي مفروض عسل على قلبك
رهف ودي اقوم اخنقهااا وارتاح منهاا ول ول عليهاا لسان
ماتسكت مره خيرر وهذا شاق البسمه وش عندك تضحك
شكله مبسوط على حكي اخته
تركي وهو يناظر رهف: اساليهااا وش اسوي فيهاااا
سوسن: يالله اعترفي وش يسوي فيك
رهف ياربي وش اللي خلهااا تجي قلت بسخريه: لا لا مايسوي شي حرام اظلمه
ام فيصل بحده:سوسن وش عندك يعني كبرتي وخرفتي زياده
سوسن : يمه اللحين وش سويت بس ودي اعرف وش فيهاا
البنت كذا متغيرره اذكرهاا بس تضحك ومبسوطه
تركي بسرعه لما شاف حكي سوسن بدا يقلب جد: لا لا مافيها
شيء بس لما دخلت المستشفى وخافت علي وكمل بكذب وتعرفي
انتي هي تخاف من حاجه اسمهااا مستشفى بعد موت اهلها
رهف ناظرته بقهر
اوف اوف يرمي جالس طوبات كذا كل طوبه اكبر من الثانيه
انا خفت عليك وانا معقده من المستشفيات ومن موت اهلي من متى هالحكي كان ودي اقولهااا في وجههه بس اعرف هذي اللي بجنبه ماراح تسكت
سوسن وهي تذكر : استغفر الله ماصليت العشاء
سماح وهي تسحب سوسن : تعالي معي احضر لك السجاده وارتاحي شوي من السفرر وكمان
ابيك تتطلعي الاغراض اللي قلت لك خذيهااا لي من جده
سوسن : اوف من جد طمع يالله أمشي بس ترى مافيني افتح انا الشنط انتي شوفي شغلك
جوري بسرعه:وش هالشنط اللي معك اقول انتي مصدقه حالك انك مسافره كلهااا شنطه صغيرر ماتكفي لبسين
ويالله خلينا نشوف وش جبتي معك
وطلعووو كلهمم .............
ام فيصل : كويس والبنات اخذوهااا ياهي حشريه هالبنت الله يهديهاا والمصيبه جوري مثلهااا في كل شيء
تركي وهو يدافع عنها: بالعكس وناسه هالبنت هههه اشك انهاا اصغر وحده من البنات ماكنهااا الكبيره وهو يناظر عنود هذي
يضبط عليهااا دور الكبيره

عنود طنشته و تناظر رهف وبحزن عليهاا: خلاص رهوفه قومي ارتاحي شوي
رهف هزيت راسي بسرعه مصدقت وهي قالت كذا احبك ياعنود
جيت اقوم ومريت من عنده بس حسيت ب سحب يدي ناظرته بقهرر وقلت بصوت واطي وانا قريبه منه: فك يدي
تركي وهو يقرب منهااا: مو قدام سوسن فاهمه بلاش نطلع فضايحنا قدامهاااا يكفي جايه فرحانه فينا ويكفي البيت كله يدري
بمشاكلنا
رهف رديت عليه وانا احاول اسحب يدي منه : ومين السبب في هالمشاكل كلهااا اجل تحملووو كلكم اللي بيصيرر
تركي وهو يضغط على يديها بقوه :شوفي لا يكون خليتك على راحتك هالفتره قلتي خلاص اقدر ارفع خشمي عليهم لا بيبي ارجع اكسررك واكسر راسك كمان وفيني اللحين اسحبك لغرفتي من غيرر ماتقدري تتكلمي واشوف واحد يمنعني بالله
رهف وهي تصرخ من الم يدها: فك يدي
ام فيصل وهي تتدخل وتحاول تفك يد رهف من تركي وبعصبيه
وقهر: وش فيك انت عليهااا الحين خلاص البنت بتروح ترتاح شوفهااا كيف تعبانه وش هوله هالعناد كله وانت كمان جالس تعتمد على يد وحده لا تتعب حالك كذا
تركي وهو مغمض عيونه ويحاول يمسك اعصابه قدام امه وعنود
ومايبي سوسن تحس بشي بس فيه قهرر منها: يمه تكفين خليني بس اعرف كيف اتصرف معاهااا هذي ماتجي إلا بهاالطريقه
عنود وهي تحاول تهديه لانه تشوف شوي ويذبحهااا:خلاص تركي حبيبي ادخل غرفتك ارتاح ونام لك من اول ما طلعت وانت جالس فااكيد تعبان الحين
تركي بهدوء قام وهو يحس بالم في يده: اوك بس طلعي المسكن وجيبي معك مويا وناظر رهف مصيرك ترجعين لي واقسم بالله وقتهااا مارحمك شوفيني يارهف حلفت لااخذ كل كلمه غلطتي فيهاااا علي وعلى امي كمان
ام فيصل بسرعه: ماغلطت عليه وانت بس روح نام
ولا تشوه صورتكم قدام سوسن وبعدين انت مفروض العاقل الكبيرر الفاهم تحاول تهدي الوضع مهما كان رهف بزره
تركي : بزره والله اللي يبي لهاا احد يعدل هالرس وان شاء الله انا لهاااا طيب بس اخف واعرف كيف اتفاهم مع ابوي
ام فيصل وهي تمسكه من يده : خلاص حبيبي لا تعصب
وتتعب حالك ومرتك ان شاءالله ترجع لك
رهف
ناظرته بخوف لما دخل غرفته ارتحت
ياربي مافيني على مشاكله وكنت حاسه لو يسكن هنا اقسم بالله لا يقلب البيت علينا اعرفه مايجلس في مكان إلا يولعه
الله يخليك ياعم لو انك هنا كان ماقدر يفتح فمه
وبعدين وش خالتي جالسه تقول ان شاءالله مرتك ترجع لك والله لو يحب الأرض ولدك مارجعت له شفت عنود تناظرني وصراحه اكره هالنظره منهااا قلت ببرود: هاا خير وش عندك انتي كمان
عنود بهدوء: تصدقين احس انك غبيه
رهف بسخريه:لا بالله انك صادقه
عنود بجديه:من جد ليه ماتحاولي تكسبي تركي وتحاول تغيري فيه ترى والله هو يبي له صبر ومايبي احد يعانده
رهف بقهر مافيني عاد اتكلم خلاص تعبت كل مره ازيد واعيد في الحكي لا هالمره ودي احرق في البيت كله يمكن يفهمون
سحبت الخداديه وعلى طول على راسهااا : يمكن تحسين عاد
عنود وهي تسحب الخداديه: والله لو مو اللي في بطنك قسم بالله اسدحك هنااا بس اولدي بس يازفته
ام فيصل وهي طالعه من غرفة ولدهاا: وش فيكم


&نـــونـي بنت الجنوب & ©؛°¨غرامي فضي¨°؛©

رهف
حسيت بقلبي طاح يمه لا يكون سمعت كلام عنود
لا لا لانهااا على طول طنشتنا وراحت غرفتهااا اخخ ياربي وش اسوي فيهااا الحين شفتهااا وهي ميته ضحك
عنود : ههههههه يمه شوفي وجهك كيف صار تطمني ماسمعت كان اللحين تشوفيهااا قدامك
رهف بقهر : كلي هوووا فاهمه الله ياخذك كان تبي تفضحينا
والله وانا اجلس على الكنبه بقوه: الحمدلله ربي سترر
عنود : وش له كله ها لخوف ترى عادي متزوجه وعادي يحصل حمل وتصدقي والله اني غبيه مثلك اني معك ادري ولا قلت لااحد مدري وش احس بوه
رهف بقهر منهااا: وش فيك انتي اليوم هاااا كم مره قلت لك ماابي احد يدري حتى اخذ حريتي فاهمه ليه حابه تقهريني ياعنود حسيت دموعي تنزل من اول وانا احاول ماابكي من وقت ماشفت تركي بس اللحين مع استفززاز عنودي ماقدرت اسيطر على نفسي
عنود وهي تضمهااا : خلاص ياقلبي مو قايله لااحد حتى هالدبه تفضح نفسهاااا هااا وش عندك عاد اهم شيء لا تزعلي
رهف مسحت دموعي وقلت بهدوء: وياليت مو كل ساعه تذكريني بسالفة الحمل مافيني احد يسمع والله هذاك الوقت فعلاً ياعنود راح ازعل منك
عنود وهي تهز راسهاا: اوك خلاص توبه
بس وهي تهددد هاااا ياويلك ماتسمي علي
رهف ببرود: هذا اذا طلعت بنت يمكن يطلع ولد
وبسخريه كملت والله لو يطلع مثل ابوه عفريت ذبحته
عنود : خبله ابوه يحبك
رهف
احسن شي اقوم لان هذي اليوم راح تجيب اجلي
رحت الغرفه شفت سوسن جالسه على السجاده شكلها صلت وجلست عليها تسولف مع البنات دخلنا جووو كلهااا ضحك وتعليق على جوري صراحه سوسن هذي وناسه
سوسن وهي نعسانه: يالله نوم مافني عاد اسهرر
اكثرر من كذا ولاتنسووا بكره عزيمه
جوري : تبي تنامي هنا معنا
سوسن : ايوه
سماح : غريبه وزوجك المجلس مفروش لكم
سوسن : قبل شوي دق عليه وقال رايح مع احمد الاستراحه وشكلهم السهره صباحي وانا مافيني اسهر انتظره يجي ويدبررنفسهه واحمد اكيد ماراح يخليه اكيد راح ينامون في المجلس
رهف
يعني اشلون هذي انا وين انام هذي اخذت سريري حتي
ياربي ياسوسن جيتك مو وقتهاااا صراحه
ياربي وش فيهاا اذا قلت لهاا ترى انا واخوك نبي ننفصل ويالله روحي دبري لك سرير وخليني انام ترى بديت من جد اعصب وش هالحاله كل شيء مايبون احد يدري بعدين هي بنتهم مافيهااا شيء انا اشوف شغل التخبي ذا ماله داعي وجالسه انااروح فيهااا
سوسن وهي تناظر رهف؛: وانتي يالله انقلعي روحي نامي عند زوجك وش مجلسك معنا وكمان سهرانه وهو توه اليوم طالع مسكين ياخوي زوجتك رفله
رهف بقهر الدنيا كله من لقافتهاا : والله الرفله انتي ويالله قومي من سريري
سوسن : ايش سريرك لا حياتي روحي هناك سريرك عند زوجك وهي فاتحه عيونهاا لا يكون تنامي مع البنات واخوي الضعيف ينام لحاله
شفتوووا مو قلت لكم ملقوفه بشكل
لا لا اسمعووا اخوهاا الضعيف اخخخ شكلي اليوم راح افجر فيهااا هذي الغبيه من وين طلعت لي شفت البنات ابيهن يفزعن معي بس غبيات مو حولي اجل اوك انا لك ياسوسن : شوفي معك خمس دقايق لو ماتقومي من سريري سحبتك بكشتك فاهمه
سوسن : وش هو يا زفته انا مثل امك وش سحبتك بكشتك ذي والله لو انك مو مرة الغالي فديته انا حامي الوطن
رهف وهي تقاطعهاا: اقول مشوارك طويل في تمدح اخوك انتي قومي يالله وفكينااا نفسي اعرف انتي وش جابك بالله
سوسن : هههههه اسحتي يابنت قلتلك مثل امك بنتي ترى قدك
اكيد تمزحي صح انك تنامي هنا
عنود بسرعه لما شافت السالفه امسخت : لا لا تكذب عليك ويالله ناموووا كلكم وهي تسحب رهف معاهاا
جوري بتريقه : رهوفه يمدحون الكنب ترى
سوسن : والله ان في شي بس شكلكم مخبين مثل العاده ياربي انا مو بنتكم دايم كذا ماتبون تعلموني بشي صرت والله اكره اجي هنا
سماح: سوسن شغل الدراما ذا خليه منك ونامي احسن لك
ومافي شيء وعادي شوفيهاا رهف منقلعه رايحه تنام عند زوجهااا
رهف بقهر وهي واقفه عند الباب: انقلعي انتي
وان شاءالله كوابيس ماتتتهنووا في نومكم بنات عم حقيرات
جوري وهي تناظر سوسن: ماكنها تسب علينا
سوسن : لا لا ماظن معقوله رهف تسب
سماح بصرخه: نوم وبكره اجلسووو فكرووا انها سبتكم ام لا
رهف وانا اسكر الباب بقهرر
وانا ظر عنود وقلت بعجز : وشلون يعني اليوم مافي نوم
اقسم بالله احس بطني يبي يتقطع علي فيني الم له فتره يجي ويروح
عنود بخوف: رهف حبيبتي لايكون هالمغص ياثر على الحمل وترى شوفي لو صار فيه شيء في ذمتك انا مالي دخل
رهف وهي ترمي نفسهاا ع الكنب : اخخ ياعنود انتي في وش تفكري اللحين وهذا ماراح يصيررفيه شيء مثل ابوه ابو سبع ارواح
عنود : غبيه قولي ماشاءالله تحسدي ولدك وزوجك
رهف : ههههه جد مسخره هذا اللي انا فيه
حتى نوم مثل الخلق ماعندي مكان ارتاح فيه
ناظرت غرفة عمي وخالتي: شكل عمي دخل ينام
عنود بحسره: كلهم دخلوو ينامووا مافي إلا انا وانتي
رهف بقهر: نفسي اعرف كان لازم هالسوسن تجي تفزع لااخوهاا
عنود: هههههههه مقهوره منهاااا بقوه صح
رهف : اي والله شوفي كيف حنا تقول عسه في اخر هاليل
عنود: على قولك عسه حراس على اهل البيت
رهف بقهر: طيب والنهايه يعني
عنود بهدوء: ياليت ربي يهديك اليوم وتروحي تنامي عند زوجك بس اليوم وتخلينا ننام
رهف وانا فاتحه عيوني انقلعي مافي احد قلك تجلسي معي
روحي زين قال ايش انام عنده مال الوجع اللي يوجعك ان شاءالله
عنود جايه تبي ترد قطع عليهاا صوت الجوال وهي تناظر رقم
تركي ردت بسرعه: هلا تركي وش فيك طيب اللحين
رهف
وانا اشوفهاا ترد عليهاا ماامداني مااخليها ترد الزفته على طول فكت الخط وش يبي ذا لا يكون سمع صوتنا من غرفته ويبي يجي لا لا ياربي والله اليوم كرهت سوسن من قلب
خلينا اسمع الخبله هذي وش تقوله فتحت عيوني على اخر كلمه قالتهاا
عنود : ايوه بجنبي طيب اكيد راح ترفض
طيب راح اقولهااا وهي تناظر رهف تركي يبيك في الغرفه
وبسرعه كمان
رهف بقهرر: قولي له ابشرر اللحين اجي
عنود وهي تقفل على اذونهااا من صرخته: بشويش ايش ذنب اذوني انا
شوف ابي احطه سبيكر وانت تفاهم معاهاا
تركي بصرخه: بسرعه
رهف زفت بسرعه تعالي وبدون تريقه لا اجي ادفنك مكانك
رهف وهي تحط رجل على رجل : اقول استريح مكانك انت اليوم مافيك تحرك يدك جاي تقتل مره وحده
تركي بهدووء: رهف بدون عناد وتعالي الغرفه نامي وخلي عنود تنام تروح لان سوسن دقت علي اللحين تقول طردت زوجتك وتخاصم علي تقول ليه تنام عند البنات
تعالي بدون كلام زايد لاني تعبان ومافيني والله
رهف : خلاص كملت يالله تصبح على شررر


&نـــونـي بنت الجنوب & ©؛°¨غرامي فضي¨°؛©

تركي بصرخه قهرر : رهف ياويلك تقفلي


رهف : اوك وقفلت الخط في وجههه ورميت الجوال على عنود
خيرر تناظريني كذا
عنود بحسره عليهاا: تصدقين ابي اقولك شيء مهما تظاهرتي بالقوه بس مستحيل تكوني اقوى من تركي فكينا من شره في هالليل وروحي
رهف : عنود روحي نامي وخليني انام هنا وبس
ترى والله تعبت ماابي اتكلم في شيء بذات في هذي اللحظه
تركي وهو واقف عند باب الصاله وبتعب : لا ياشيخه ماودك تتكلمي اقول امشي معي ساكته
عنود على طول وقفت بخوف: تركي تكفى روح وهي راح تجي
ابوي لا يسمع اصواتكم بالله مافينا على هالمشاكل في تالي هالليل
تركي وهو يرفع يده: بالله ياعنود لو سمحتي لاتدخلي وروحي نامي وخليني اتفاهم مع هذي العنيده
عنود : لا كيف اروح
تركي بصرخه قاطعهااا: عنود وش قلت
رهف
كنت مطنشه بس لما شفت عنود تعطيني ظهرهااا ناويه تروح
لا لا تجنننت يعني اشلون والله ماااجلس معك لو ايش على طول وقفت ومسكت عنود بس عنود كان شكلهاا خايفه منه
تركي بصرخه عنود فكي يدهاا بسرعه وهي يمسك يد رهف بيده السليمه ويسحبهاا بقوه: امشي قدامي
عنود بصرخه خايفه على رهف من سحبته لهاا: لا لا تركي انتبههه ترى
رهف على طول قاطعتهااا هذي ناويه تفضحني شكلهااا حسيت
بكتفي انخلع من سحبته لي بس على طول تكلمت : خلاص عنود روحي نامي وانا اتفاهم معه
تركي وهو ياشر بيده لعنود : سمعتي وش قالت يالله فارقي وتصبحي على خيرر
عنود وهي تسحب يدهااا:رهف حبيبتي لا تعاندي عشان وسكت ........ انتي فاهمه علي صح
رهف بسرعه هذي اليوم ناويه شكلها تفضحني بربكه:خلاص قلت لك نامي وانا مافيني شيء ولا يصير شيء لا تخافي
تركي بطفش: مطولين
رهف لا هزيت راسي ومشيت ناحية غرفته بهدوء
ودخلت وقفلت الباب في وجهههه احسن يستاهل
تركي فتح الباب بقهرر: قليلة حيااا
تذكري انهااا عرفتي
رهف وانا جالسه على السريرر واحس بشجاعه حطيت رجل على رجل وقلت بمسخره: ادري بس انت حاب تضيفني فيهاا اليوم وصراحه انا اليوم محتاجه ضيافه منك لاني لا سرير ولا شيء
تركي ناوي يقهرهاا: شفتي كيف يارهف لو مافي احد شفق عليك في هذا البيت تضيعي الله لا يبلانا مابلاك فيه مشكله اللي يعيش على حساب غيرره ومشكله احد يسكن في بيت غيرره مهما كان مصيررر الواحد يطفش من كثرر مايعطي وضحك بسخريه الله
لا يبلانا
رهف
حسيت كلامه سكاكين تقطع فيني
بس ولا راح افكرر هوو كذا دايم يذكرني بيتمي واني ساكنه عندهم لانه جبان ماهووو رجال قلت لهاا وانا احاول ان كلمتي
تكون في الصميم : والله لو انك رجال ماكان ممننت على كرمكم
بس يالله من متى انا اعتب عليك يكفي عملتك السودة فيني والله لو اموت ي تركي مانسى كذبتك والوهم الي عيشتني فيه
تركي بقهرر : اقول انقلعي انخمدي يكون احسن
رهف وانا اناظر سريره وبعدها الارض تذكرت موقفي اللي صار معه اول كرهته بزياده حاولت امسح هذي الذكره السودا من راسي حسيت بالم في بطني الله ياخذك سحبني بقوه
طنشته وشفته هو تمدد على السرير شفت جرحه مغطي وشكله يتالم لانه مسكرر عيونه بقوه بس يكابرر شكله بس يستاهل مين قاله يسحبني كذا غبي توه مسوي عمليه وفيه قوه أعوذ بالله منه ياربي بغى يفرم كتفي وهو بيد وحده اجل لو الثانيه سليمه وش صار بس ياشماته سبحان الله هو مره تسبب في خلع كتفي وسبحان الله هذي ثاني اصابه له في كتفه المره الجايه ان شاءالله عملية بترر ههههه بعدت نظري عنه و تمنيت كنبه هنا عشان انام عليهااا مافيني انام بجنبه والله احس بقرف الدنيا كلهااا من دخلتي غرفته مابالكم انام معه
تركي وهو يسحب مسكن ثاني وبقهرر: الله ياخذك خليتي مكان العمليه تقوم تضرب علي يوم كنت في المستشفى كنت مرتاح
وبعدين مدري ليه هذي اليد دايم اتضرر فيهااا
رهف بقهر :يجعلهااا القص ونت جبت نفسك وش تبي فيني انام
معك ياخي لاتذل نفسك اقسم بالله كاره هالغرفه وكارهتك كمان وصراحه ودي احي اللي رماك برصاصه ريحنا منك اسبوع
تركي وهو يناظرهاا: مافي شيء جديد في كلامك طول عمرك كارهتني ........ واللي ريحك حبيبتي على قولك ان شاءالله يعفن في السجن ويالله انخمدي نوم وغطى راسه بالمفرش ...
رهف ناظرته بسخريه
تركي : هههه اقسم بالله وحشتني هالنظرات
رهف : تصدق بديت اشك انك فعلاً عندك انفصام في الشخصيه
تركي طنشهاااا ونام
رهف
جلست شوي جالسه افكرر في حالي يعني اشلون دخلت غرفته بس عشان خفت لا عنود تفضحني بموضوع الحمل ياليت عنود ماكان موجوده كان عرفت كيف اطنشه وماراح يقدر فيني ولا راح يقدر يغصبني على شي ماابيييه هه رهف وش فيك مو طول

عمره يغصبك على اللي يبيه مشكله لو عمي يدري اني نمت معه اكيد بيقول بتصلح الوضع بينا بس لا لو قال اي شي ابي اقوله بس عشانك ياعم لانك ماودك سوسن تدري ومهما كان ماودي في مشاكل بذات وهم في هذا الوضع وفرحانين بولدهم الللي قرفني عيشتي حسيت ظهري عورني ناظرته شكله نام
قمت بعدت المفرش من جهتي وتمدددتت على طرف السريرر ابي انام بس شوي قبل مايصحى احاول انسحب من هاالغرفه ويكون ان شاءالله اخته الملقوفه صحيت عشان تشوف اني نمت عند اخوهااا بعدهااا سكرت عيوني ونمت ..............بس بعد ساعه صحيت على صوته وهو يتالم اوف يعني شلون مانام اليوم
ناظرته وهو فتح الابجوره اللي بجنبه
تركي وهو صاك على سنونه : مدري وش فيهاااا اليوم مو راضيه تخف من المسكن رهف بصوت واطي: تستاهل
تركي بقهر : بنت ترى سمعتك وانا اللحين ماودي اسمع اي كلمه قومي انقلعي جيبي لي مويا خليني اشرب مسكن ثاني يمكن تخف
رهف : توك شارب مالك ساعتين
تركي وهو مغمض عيونه: مالك شغل يهمك هوو اللحين قومي بس
رهف ببرود وانا اعطيه ظهري : قوم اخدم نفسك
مافيني حيل اقوم ولو قمت مستحيل ارجع عندك خبله انا
ارجع ثاني
تركي : ليه ماودك ترجعي للغرفة معقول غرفتي ماعجبتك افااا وهذا لك ذكريات فيهاااا ..
رهف رفعت راسي وناظرته واحاول ابعد عنه وقلت بمراره
قول ذكرى سوده نكدت علي حياتي ناظرته عافس وجهه
تركي تصدقي عندي مسكن اخذه واكيد راح يخف بعده الم يدي
رهف طفش: اشربه وريحنا خلنا ننام
تركي ناظرها بقهر : وش فيك كذا ترا أقسم بالله ماسك حالي غصب لكن طيب ابشري بلي راح يجيك
رهف : ي كثرر تهديدك يا شيخ
تركي : نشوف اذا كان تهديد او لا انخمدي شكل يدي هدت علي
خليني انام قبل ماتضرب علي
رهف وانا اعدل المفرش فوقي : ياليت عليهااا عاقل حتى وانت مصاب بلى
تركي : ايش
رهف : سلامتك انخمد وخلنا نعدي هالليله على خيرر من
هالنومه
في غرفتك
تركي بقهر : وش فيهاا بالله نايمه عند ولد الجيران انتي ترى نايمه عند زوجك
رهف بسخريه: الله والزواج
وبعدهااا جلس يتحلطم ويهدددد طنشته ونمت مافيني عليه

اليوم الثاني

فتحت عيوني ناظرته كان نايم ومايحس في شيء سحبت نفسي ابي اشوف الساعه ياربي جوالي مو معي ناظرت الغرفه ماكان فيهااا ساعه وجواله مستحيل المسه قمت دخلت الحمام الله يكرمكم غسلت وجهي
ورتبت شعري طلعت مريت من المرر سمعت صوت خالتي وسوسن وجوري كلهم صاحين وجالسين في الصاله اخذتهااا فرصه حاولت امر من غيرر ماينتبهون لي
دخلت غرفتنا شفت عنود نايمه هي وسماح بسرعه مشيت جهة الدولاب وفتحته واخذت ملابس ورفعت عيوني شفت الساعه عشره الصبح ودخلت اخذت شوررر يبرد على شوي من قهري ياربي كل خطوه امشيهااا فيها رعب وش هالحاله وبعدهااا توضيت وصليت الفجرر وجفتت شعري وبخيت شوي من عطري وجلست قريبه من عنود ابي انغس عليهاا نومتهاااا بس اخخخخخ اسمعوووا الزفته هذي تنادي بكل صوتهااااالله يستر الغبي اخوهااااا لا يسمع وهي تنادي باسمي ويصحى
جوري وهي واقفه عند الباب: تتفتكري ماشفناك وانتي تتسحبي
رهف بقهرر: انكتمي وجع على هذا الصوت
جوري : يالله بس كلمي سوسن تبيك ضروري
رهف بطفش : وش تبي فيني اختك ترى هذي شكل نهايتهااا على يدي من وقت ماجت مغلسه عليه
جوري بطفش: امشي بس ترى مافيني على لسانهاااا
رهف قمت غصب عني : اوف من هالحاله
جوري : هههههههه والله تعجبني فيكم سوسن ياليت البيت كذا يقدرني مثلهااا
رهف بسخريه: لا حياتي مانقدرهاا نخاف من لسانهاا اللي متبري منهااا
جوري : اسمنهااا مسويه شيء لسانهااا ولا تقدروهاا ماتفرق
رهف دفيتها بقهرررمنها
ودخلت الصاله شفتهم جالسين معاهم قهوه شكلهم افطرووا
رهف : السلام عليكم
ام فيصل وسوسن : عليكم السلام
سوسن : هلا والله تعالي اجلسي روحي ياجوري حضري فطور لروفي
جوري وهي فاتحههه عيونهاا لللاخر: ايش اقول روحي زين مابقي إلا هي اشتغل عند ذي
رهف وانا ادلع واقهرر جوري: شفتي كيف ي سوسن كذا دوم تعاملني حرام والله نفسي اعرف وش سويت فيهاااا
سوسن: ههههههههه افااا ليه كذا طيب كل البنات كذا معك
ولا بس هذي الخبله
رهف وانا اهز راسي بدلع: لا لا بس هذي
جوري بقهر: وع وع وع مره مو لايق عليك
رهف تبي تقهرهاا زود: اقول قومي حضري لي فطور وانتي ساكته
جوري وهي ترمي الخداديه عليها بقوه:انقلعي
سوسن : خلاص خلاص وانتي انثبري مكانك صدقتي حالك انهااتقوم تسويلك وانتي جالسه
رهف :اجل اشلون
جوري : كك كك كك قلبت عليك
رهف بقهرر: وانتي بسرعه قلبتي اللي مافيك خيرر صدق مستحيل تتتغيري
سوسن : خلاص اسكتووا شوي خلوني اقولكم وش صار معنا
جوري ورهف في نفس الوقت وبسرعه: لا لا تكفين لاتبدي
ولا ودنا نعرف وش صار معاك انتي وزوجك
سوسن مستغربه: ليه طيب
رهف بسرعه: قسم المغرب وحنا هنا مسنترين وانتي تزيد ي وتعيدي في نفس السالفه
جوري : وياليت اكثرر من سالفه عندك لا بس هي وحده بس كل مره تغيري فيهاا شيء
ام فيصل : ههههههههههههه الله يقطع ابليسكم
وجع احترمووا اختكم الكبيره
سوسن : لا يمه بعد ضحككك ذا وتقولي احترمووا اختكم
ام فيصل : والله غصب عني هههههههههه مساكين شكلهم معانيين من سوالفك ههههه
جوري : اه يمه اليمه معانين ههههههههههههه
معانيين وبس إلا قولي منتهيننن
سوسن انتم يحصلكم
اه وينك ي خالتي هي اللي دايم تحب سواليفي وتموت فيني اخخخخ واهلي إلا من لحمي ودمي يطفشن مني
جوري : اقول لا تسوقي علينا حركاتك وخالتك اذا كان متحملتك
فهو مو عشان سواد عيونك لا حياتي عشان ولدهاااا
رهف وهي تقاطعهاا: اي والله تدري اذا قالت لهاا كلمه والله ي ولدهاا ماينام
ام فيصل مسويه نفسههه معصبه: والنهايه يعني ويالله ياسوسن كملي حبيبتي سواليفك إلا ماتخلص بس تكفين اختصري
جوري : هههههههه
رهف : هههههههههههههه
سوسن مابي اسولف معاكم اروح اصحي عنود تحترمني احسن منكم وقامت
ام فيصل وهي تناظر رهف : اذا كان تبي فطور روحي المطبخ تلقيه جاهز وافطري بالعافيه وانا ابي اقوم اشوف تركي عشان يشرب دواه
رهف
هزيت راسي بهدوء ياربي وش اسوي معاهاا كيف تفهم اني ماودي اسولف معاهاااا بس اخاف ارد برد مو حلو ويرجعن البنات يقلبن علي احسن شيء اطنشهااا عشان مايكوون علي شيء بس والله اتضايق لماا اجلس في مكان هي موجوده او لما توجههه سواليفهاا معايه اللحين مشيتهاا ضحك قبل شوي معاهاا
بس عشان اقهرر سوسن شوي مثل مانيمتني عند اخوهاااااا
لا وبعدين اللحين تروح تصحيه اوف انا ناقصه اللحين لما يصحى اكيد العبيطه هذيك تبدا تتدقق في تصرفاتنا .......
خلني اقوم افطرر احسن واروح الغرفه قبل مايطلع الصاله

وابتلش فيه وفي حركاته الطايشه اللي دايم تنرفزني


&نـــونـي بنت الجنوب & ©؛°¨غرامي فضي¨°؛©

دخلت الغرفه بعد ماافطرت على السريع
شفت سوسن تكلم في الجوال يارب رجلهااا يبي ياخذهاا مشوار وننفك اليوم حتى وقت العزيمه تجي يارب ......
جلست على سرير عنود وشفتهاا صاحيه قومي بلا كسل
عنود وهي تغمز لي وتكلمهاا بصوت واطي: وش صار معك
رهف هزيت راسي لها: ماصار شي بس نمت
عنود : متاكده وهي تغمز لهااا
رهف بقهر ضربتهاا بقوه من فوق المفرش خلى الملقوفه تتنبه لنا
وقلت بقهر: زفته قومي وجع وراكم عزيمه
سوسن وهي تقفل الجوال : حبيبي يارجلي نام لحاله في المجلس
سحب عليه احمد
رهف وانا اتشمت: عيب والله عليك تخلي زوجك ينام لحاله
صراحه ياسوسن حركه بايخه مفروض انتي مره كبيره وفاهمه كيف يجيك نوم قبل ماتتطمني على زوجك رجع البيت ولا مارجع نام ولا مانام
عنود بضحكه عاليه: هههههههههه ههههه حلوه يارهف
رهف : هههههههه خليني ابرد بطني شوي واقلبهاا عليهاا غثتني الله يغثهااا
سوسن بقهر: ارفعن اصواتكن بدل هالمساسره
وانتي مالك شغل واكيد زوجي حبيبي مايزعل مني وهو عارف اني كنت تعبانه وجايه من سفر وهو وده يسهرر فااكيد راح يعذرني
رهف : روحي ياشيخه اللي يسمعك تقولي جايه برر ترى طياره اللي جايه فيهاا ترى هي ساعه او اقل بس ماتبي تتطلعي تقصيرك والله مايستاهل ابو عيالك
سوسن بسخريه: روحي شوفي رجلك انتي اول مسكين حتى شكل
فطور ماافطررر وعليهاا تعبان
عنود : حلووو كل وحده تعاند الثانيه انهاا مقصره في زوجهااا
سوسن : وانتي لو وافقتي على غسان مدري غسن مدري وش اسمههه كان اللحين تعاندي معنا بس خليك كذا غبيه ماتفكري في مصلحتك إلا في واحد اسمع غصن وينرفض
رهف : هههههههههههه غصن صادقه ماتبي غصن تبي الشجره كلهااا
عنود بقهر : ماسخين وربي
وانتي سوسن هانم مالك دخل وانا مارفضت الزواج كلها لا تتطلعي قصص من عندك ترى هذي حركاتك حبيبتي
سوسن: لا بالله مو رافضه الزواج كله طيب ليه رفضتي غسان وكمان ولد جارنا المطوع
عنود بقهرر:غسان كذا رفضته مزاج وش عندك و الله ياخذك تبيي اخذ المطوع على قولك وهو متزوج ثنتين قبلي
سوسن : وش فيهااااا عادي كلن له بيت وكلن له يومه
عنود يقهر: يجعل يومك اليوم يا حقيره وقامت معصبه منهااا
سوسن : وش فيهاا بسم الله نطت فينا
رهف ببرود: لا سلامتك مافيهاا شيء بس فيه وحده شوي زودت الحكي معاهاا
سوسن : الله يعينهاا على نفسهاا إلا فيه وحده ترفض مطوع
رهف بسخريه: صادقه فيه وحده ترفض مطوع وغصن
الله يعينهااا ويعينا عليك
سوسن : ايش
رهف : سلامتك حبيبتي
سوسن : خليني اروح اشوف امي ونشوف وش ناقص للعزيمه احسن من القعده معك ومع هذي العصبيه ياربي هالبيت كله نار
رهف
صراحه ضحكت غصب عني ياشيخه والله الواحد يعصب غصب عنه منك وكمان تقول هالبيت ناررهههههههههههه
اقسم بالله اموت فيهاااا تعجبني مره لاتزعل ولا شيء وعادي اي كلمه تقولهااا عادي عندهااا تخلي اختهاا تتزوج واحد معه ثنتين قبلهااا الله يعطيك عقل ياسوسن
شفت سماح ساكته مدري وش فيهااا احس فيهاا شيء
قمت جلست على سريرهاا: وش فيك سماح حبيبتي
من اول نسولف مع الخبله وانتي مو معنا
سماح : لا لا مافي شيء بس خايفه كل ماقرب موعد الزواج وانا احس نفسي مو متأكده
رهف فتحت عيوني على الاخرر: اي زواج تتكلمي عنه
سماح: زواجي
رهف : متى زواجك وانا ماعندي خبرر
سماح : ابوي كلمني امس لحالي وقالي ان علي يبيه في اجازة العيد
رهف وانا متافجاه: ايش يعني باقي اقل من شهرر وماتجهزنا بشي غريبه خالتي ماقالت لك وحنا ماندري
سماح بقهر:مدري بس ابوي يقول عنده بعثه خارج المملكه
ويبي يتزوجني وياخذني معه
رهف : لا طيب وجامعتك
سماح: مدري وش اسوي والله
رهف : طيب في حل ليه مايسافرر ويحي اجازه لما تنتهي السنه
يكون كملتي السنه كامله وعادي بعدهاا سافري معه وتبقى عليك سنه بس
سماح: المصيبه رفض قد قاله ابوي والحين ابوي جاا وشاورني
وقال اذا ماتبيه ارفضي وريحينا من السالفه كلهاا
وتصدقي احسه يعاند ليه رفضت الملكه
رهف : وش ذي الحاله يااماا ترفضيه ياتاخذيه اللحين وتسافري معه وانتي شكلك تحبيه صح ومو قادره تجلسي سنتين بعد مايرجع من بعثته
سماح : والله مدري وش اسوي وابي اقولك شيء بس ماتقولي للبنات ولا لتركي
رهف : مستحيل تعرفيني انتي وبعدين من زيني علاقتي بااخوك اقوله والبنات مستحيل اقولهن
سماح وهي خايفه احد يسمع: امس وانا في الجامعه لما جلسنا في الساحه تخيلي دلال سوت حركه من حركاتهاا واعطتني الجوال وقالت كلمي امي
اخذت الجوال على اساس خالتي بس طلع اخوهاااا وقالي بسرعه شوفي قبل ماتقفلي تكفين وافقي وسافري معي وانا مستعد اسوي لك احسن زواج واحجز لك في اكبرر قاعات الرياض بس وافقي
قفلت في وجهههه ومافتحت فمي لما اللحين انتي قلت لك
رهف وانا فاتحه فمي: ايش كلمك كيف قدر يسوي كذا والله لو يدري عمي ولا تركي قسم لا يكسرنه بس تصدقين احسه قصده انه يخليك توافقي بس وانصحك مدام انه وده فيك بها السرعه وافقي وسافري معه وكملت بتريقه وانفكي من جوري انا لو يحصل لي اطلع من هالبيت من اختك
سماح : مدري خايفه كيف اخلي السعوديه كلهاا واروح معه مكان مااعرف فيه شيء وكمان الزواج بسرعه
رهف وهي تقنعهاا: مدام انك تحبيه وباين هذا ياسماح لاتنكري
وافقي على الزواج ويمدي معنا حول شهرر نقدر نكمل فيه كل شيء وقلت بحزن تذكري زواجي في أسبوع جهزنا كل شيء
وطلع كامل من كل شيء ماناقصه إلا عريس وعروسه متفاهمين بس وراضين على الحياه اللي مقبلين عليهاا
سماح وهي تحط يدهااعلى ككتفهاا: يعني اوفق وارد لاابوي خبرر
لانه جالس ينتظر مني الرد
رهف : ايوه حبيبتي وعيشي حياتك
سماح ؛: والجامعه
رهف : اسحبي عليهاا حتى ترجعي شوفيني انا عندك
ساحبه مدري حتى متى تصدقي مافي عاد لي نفس اكمل بس لازم اكمل عشان انا محتاجه اكمل دراستي واعتمد على نفسي
سماح: الله يعين بس
رهف بتريقه: تكفين لا تقولي لسوسن عشان اخاف تجلس لما تدري بزواجك قريب
سماح : ههههه يعني مابتجي اكيد بتحضرر
رهف: احسن تدري قبل الزواج بااسبوع وكمان لو يكون بيوم حسن هههههه بس اهم شيء ارتاح منهااا
سماح : ههههه عقدتك
رهف : والله وانتي وش تشوفي حتى نومه مثل الناس مانمت وهي ماحلي لهاا النوم إلا على سريري
سكتنا كلنا لما سمعنا صوت اذان الظهرر بعدها صلينا
وطلعنا نحضرر الغداء ونجهزز البيت للضيوف
حاولت اللهي نفسي معاهم واسوي اي شغل عشان سوسن ماتقولي روحي شوفي زوجك جالس في الصاله بس اللي قهر ني هذا وش يبي ينادي علي طلعت وقفت عند باب الصاله وناظرته وهو مرجع جسمه كله على الكنب وماسك الريموت ويقلب فيه وعمي معصب عليه من شكله
وسوسن جالسه تتقهوي عمي وتسولف معه
تركي بضحكه: تعالي ابيك
ابو فيصل : وش تبي فيهااااا
سوسن مستغربه: يبه بسم الله عليك وش فيك يبي زوجته مافيهاا شيء تعالي يارهف شوفي زوجك وش يبي
ابو فيصل : لا لا تجي ولا شيء روحي اجلسي مع البنات وهو يناظرر تركي وانت وش فيك صدقت حالك اقول لا تخليني اقلب عليك واخليك تجلس في شقتك لحالك وخذ امك معك لما تصيرر بخيرر ترجع امك وانت تنثبرر مكانك
تركي : يبه ايش فيك عصبت خلاص مابيهااا تجي
سوسن : وش فيه يبه
ابو فيصل : مافي شيء بس فيه خلاف بينه وبين زوجته
وماانحل لسى يعني البنت مااخذت حقهاا من اخوك
سوسن : من متى يبه
ابو فيصل بهدوء: من اول بس الظروف اللي حصلت وخلتني التهي شوي عن موضوعهم وحالته لها دور
ام فيصل : الله يهديك ليه اللحين تفتح هالسالفه
ابو فيصل : مااانقفلت عشان تنفتح بس انا مااجلهااا لوقتهاا
سوسن : يبه البنت وزوجها مافيهم شيء والدليل امس نايمه معه في غرفته
ابو فيصل : ايش وهو يناظر رهف صدق يارهف نمتي عنده
رهف وهي منزله راسهاا: ايوه بس والله غصب عني خفت تزعل مني لو اسوي مشاكل وهو توه طالع فااطريت انام عنده وعشان ماكان ودي ازعلك لو قلت لسوسن او اوضح
تركي: يبه ليه ماتصلح الوضع بينا بدل ماخربته الحين
ابو فيصل : ماخربت شيء انا عشان اصلح هذي سوات يدك تحمل اللي بيجي منهاااا
سوسن : هيي انا مثل البلهههه هنا وش كمان ماتبيوني ادري
ورهف راحت تنام عنده عشان انا ماادري وتزعل منهاا
ام فيصل بهدوء: مافي شيء بس مشكله بسيطه وتنحل ان شاءالله

تركي وه يصد بوجههه بضيق : وين تنحل وابوي معاهاا في كل شيء
ابو فيصل :اكيد معاهاا هذي بنت الغالي هذي بنت اللي كنت له ابوو قبل اخ فاهم علي
رهف وانا احس دموعي بنتزل لما تذكرت ابوي : تسلم لي يالغالي
تركي بنرفزه: هه هذا اللي اخذناه وبعدين يبه توقعت انك غيرت رايك بعد اللي حصل لي
ابو فيصل بهدوء: الحمدلله مافيك شيء والحمدلله ان ربي سلمك لي بس هذا موضوع لحاله وانت ولدي وهي بنتي ومااحب احد ينظام فيكم
تركي : طيب يبه واللي راح تسويه اكيد هي بتنبسط بس ولدك اخخخ خليني ساكت احسن
ابو فيصل بهدوء: خلاص مافي نصيب بينكم والبنت ماتبيك ولو تبي اليوم اخطب لك في العزيمه اوعد اي رجال حاب عنده واقوله نبي نزورك ونخطب لك وكمان انت كان تبي بنت خالتك صح
نخطبهااا ولا يهمك ومن بكره بس قبل ماتملك عليهاا تتطلق رهف
هاااه رهف عندك شيء تبي تقوليه ولا تزعلي مني لو زوجتهه لانك انتي رافضه
رهف بهدوء: لا ماراح ازعل الله يوفقه وعادي اكيد بتخطب
لولدك والله يسعده مع مين يختار بس ابي طلبي وانت عارفه وش ه
تركي بقهرر: لا احسن اخذواا القرار عني كمان بتخطبووا لي
ابو فيصل :لا مانقررر بس ابي اعوضك اذا طلقت رهف
ومهما كان انت ولدي وماودي تزعل عشان كذا ابي افرحك بزواجه ثانيه وهو يناظر رهف ومافي قصور فيك يارهف بس انتي ماتبيه
رهف هزيت راسي بهدوء وخايفه من الموقف كله ودي انسحب بسرعه
سوسن : يمه تكلمي شوفي وش يقولون هذولا حرام والله
ام فيصل : انا مالي دخل ماابي اتدخل في مشاكلهم
يكفي اللي جا يوم تدخلت
تركي بضيق : لا يمه لا تدخلي ولا شيء ولا احد يتدخل وخلاص يبه على قولك انا ابي دلال من اول وقد قلت لك اخطبهااا لي انا موافق عليهااا
ابو فيصل : بشرط قبل ماتملك عليهاا تطلق رهف اعيدهااا لك للمره المليون
رهف وقفت اسلم فوق راس عمي: تسلم ياعم
تركي بقهر رمى الريموت وبعصبيه: اوف من هذي العيشه وبصرخه تدرون اكره ماعلي احد يغصبني على شيء ...
ابو فيصل بصرخه: تركي
سوسن على طول تدخلت وحزنت على حالة تركي: يبه خلاص اهدى وهي تمسك يد تركي امشي معي غرفتك حبيبي
ومرت من عند رهف غبيه جالسه تخربين بيتك

رهف
ناظرت حولي شفت عمي رجع يتفرج وخالتي جالسه ساكته بس شكلهاا حزينه قمت سحبت حالي ودخلت الغرفه ورميت حالي وجلست ابكي وابكي وكمان فرحانه شكل فرجي قريب من تركي اكيد عمي راح يوفي في كلمته قبل مايملك يطلق
اخخخ انقهرت لما تذكرت امس وكيف خلاني انام عنده وانا ايش مسويه ماابي مشاكل معاهم وسوسن هنا لان عمي دايم يحذر ماتوقعت ان عمي هو بنفسه اليوم يقول بس تذكرت يوم عمي حذر لان اول كان فضيحه بتصير اللعايله بس اللحين عادي مو اول وحده تتطلق ولا اول وحده تحصل بينهاااا وبين زوجهااا مشاكل ...................


&نـــونـي بنت الجنوب & ©؛°¨غرامي فضي¨°؛©

قمت مسحت دموعي اللي تنزل مدري ليه بس فيني كذا قهررر


شفت عنود تدخل الغرفه وتجي تضمني
عنود بحزن عليهاا: وش صارر سوسن معصبه
رهف ببرود: ولا شيء خلاص تركي يبي يطلقني وعمي يبي يزوجه دلال
عنود : وانتي عندك عادي يتزوج عليك
رهف : ايوه بس اهم شيء انفك
بعدين مافيهااا شيء يتزوج حرام يجلس كذا لاني انا وهوو ماااتفقنا
عنود : على راحتك انا حلفت معاد اتدخل في حياتك حتى ولو بكلمه
رهف : وش فيك كذا حزينه
عنود : مقهوره لانه بيتزوج واكيد بكره هو ابوي راح يرحوووا يخطبووا ولا تنسي زواج سماح امي قالت لي عنه وياخوفي يصيرر الزواج زواجين سماح ودلال والعرسان علي وتركي فاهمه وش تركي
رهف ببرود: ايوه عارفه انه تركي يتزوج ياشيخه يفكنا وان شاء الله مو يجلس شهر إلا اسبوع وبعدين وش يروح يخطب بكره يمديه طلع من المستشفى
عنود : تعرفي تركي لو في راسه شيء مايفكرر لو انه يبي يموت ينفذ وبس
رهف : بالعافيه على قلبه والله يسعده معاهاا
عنود وهي ودهاا تقهرهاا: ان شاءالله مهما كان انا عارفه بحب دلال لتركي اكيد بتسعده
رهف بسخريه: يالله يارب انهاا تحبه
عنود وهي تهز راسهاا : تصدقي نفسي ادخل هالمخ واشوف كيف
مركب ي خبله في مره عاقله رجلهاا يبي يتزوج عليهااا وهي كذا بارده ولا مفكره في شيء
رهف ببرود: انا
عنود بقهر: عساك ان شاءالله يجيب فوقك اربع كمان
رهف : هههههههههههه اقول فارقي يااخت الحج متولي
قال اربع قال
عنود : يالله قومي خلينا نجلس في الصاله شوي
رهف : لا ماابي اجلس معاكم مافيني على كلام سوسن
عنود : اوك على راحتك اجل
طلعت من عندي وانا حسيت اني نعسانه لاني مانمت زين
سكرت عيوني ونمت...............
ماحسيت إلا بصرخه فوق راسي ودي كان اقوم اذبحهااا على هالصرخه
جوري : قومي بسرعه باقي شوي وياذن المغرب وانتي لسى ماتجهزتي مابقي وقت كلها ساعتين ويالله يمديك
رهف سحبت المفرش وغطيت راسي وقلت بصوت ثقيل من النوم : مين قال اني ابي احضر عزيمتكم انقلعي وسكري الباب معاك
جوري وهي تسحب المفرش : اقولك قومي حلوه ذي زوجته وماتحضري العزيمه الللي بمناسبة خروج زوجك
رهف بطفش: خلاص كملتي فارقي
جوري بقهر: عيب والله قومي يالله
رهف وهي تجلس بقهر: مزاج كذا مابي احضرر وش عندك وبعدين المنقود علي انا مو عليك هااا في شيء اناسه جوري
يالله برااا من غيررر مطرود
جوري : لا انتي ماينفع فيك إلا سوسن وطلعت
رهف وانا ارجع انام مالت عليك انتي وسوسن
اللحين مايهمني لا سوسن ولاغيرهااااا تقلبت ساعه بس طار النوم الله ينكد عليك ياجوري زفت سمعت صوت اذان المغرب بعدت المفرش عني وانا احس ببرد اخذت الريموت وقفلت التكيف
ودخلت غسلت وتوضيت وصليت وجلست استغفر الله
انتبهت لعنود تدخل وتصلي بعدهاا جلسنا مقابلين بعض على السجاده
عنود: رهف

رهف: هلا
عنود : جوري تقول انك ماتبي تتطلعي للعزيمه
رهف : كذابه جوري تعرفيهااا ام الاشاعات
وكملت بسخريه افااا تجي دلال ومااطلع بالعكس لازم اطلع
وشكلي انا اللي ابي اخطبهااااا لتركي مشاكل
عنود وهي تناظرهاا: غريب امرك انتي
وتصدقي احس دلال ماراح توافق احسهااا متغيرره من فترة ماتزوج تركي بعدهااا احسهااا صار مايهمههاا حتى دايم تسال عنك لو انتي مو موجوده
رهف وانا اهزكتوفي : ماعلي منهااا وافقت ماوافقت كيفها
اهمي شيء حريتي وبس
وكملت بسخريه بعدين لايكون هذي خطه مسويه نفسهاااا طيبه بس حتى توثق ان تركي بيرجع لهااا
عنود : مدري كل شيء جايززز
تخيلي ابوي قال لاامي تكلم خالتي اليوم انهم بيزورهم بعد يومين يخطبون وبعد اسبوع تركي يروح معاهم عشان النظره ويخطب
رسمي تخيلي جوري ولعت في الدنيا وكملت وهي تضحك
تخيلي مسكت سماح مسكينه تقول لهاا كله من خطيبك من دخل العايله صار يسحب واحد ورى الثاني الحمدلله ومافي عنده اخوووو ثاني كان رحت وطي مصدقه حالهااا البنت
رهف : ههههههههه ياحبي لهااا
عنود وهي تناظر الساعه قومي خلينا نتجهزز باقي ساعه ويجيون الضيوف
البنات كلهم جاهزين مابقي إلا انا وانتي
رهف هزيت راسي: اي شفت جوري ام كشه كشخه اليوم
عنود :ههههههههه الله وكيليك من الظهررر وسماح ماسكه شعرهاااااا
رهف : ههههههه مشكله شعرهاا هالبنت
بعدهااا جلست عنود تتجهز وانا احس نفسي مكسله مافيني اقوم بس عنود عصبت علي وطلعت وقالت ياويلك ارجع ومااشوفك جاهزه قمت استشور شعري وبعدهافتحت الدولاب واخذت فستان لونه اصفررساده رايق مره كم طويل وصدريتههه شوي مفتوحه ومن ورا كله ربطات اشارة ضرب يجي ماسك على جسمي فكيت شعري كله على طوله اخذت المقص عدلت فيه شوي من تحت
اخذت قلوس احمرر صارخ ومررته على شفايفي ناظرت عيوني وش اسوي فيهااا سحبت الكحل ودعجت عيوني احس الكحل برز
لوني عسدساتي ناظرت عيوني تذكرت كلام ميمتي الكبيرر جدة تركي تقول ابوك ضيعه عيون امك حتى نسي بنتي الله يرحمهااا وانا عيوني نسخه من امي الله يرحمهااااا اه وحشتوني ماما وبابا

حاولت اربط اخرر ربطه من فستاني ماقدرت ناديت بصوت
عالي : عنود
اوف ماسمعتني ناظرت في المرايا كيف الفستان ماسك علي احس بطني شوي بارز فيه اوف ان شاءالله مافي احد ينتبههه
اخذت نظره اخيرره على شكلي وطلعت اشوف عنود لي فستاني دخلت المطبخ وشفتهااا في وجهيي وماسكه دلة القهوه
عنود وهي تنتبه لهاا وهي مبهوره من جمالها: اوف اوف وش هالجمال والون صراحه مع بياضك طالع شيء
رهف : اقول بلى كذب ومجامله مالها داعي وتعالي اربيطي لي فستاني
عنود : تعالي
بس جوري قطعت عليهم وهي تنادي بصوت عالي على عنود
وتقول لهااا بسرعه اللحقي الفرشه انحرقت
عنود وهي تفك رهف: ايش انحرقت خليني اروح اشوف واجي واكملك
رهف : طيب روحي على بال مااكل شيء
مشيت ناحية الثلاجه وفتحتهااا اخذت عصير بس حسيت باااحد دخل المطبخ على ناظرت من دخل بس كان..............
شفته وهو يقفل الباب ويتقرب مني وعينه علي
انا مافيني اتحرك او افتح فمي بكلمه
تركي وهو يصفرر: وش هالحلى ذا كله
رهف
جيت امر من عنده ابي اطلع وماودي احكي معه سبيت نفسي كان لازم اكل شيء كان انقلعت غرفتي عصبت يوم قفل عليه رهف : ابعد عن طريقي خلني اطلع
تركي بقهر :ليه ي رهف
رهف رفعت راسي وناظرت عيونه وقلت ببرود: ماعندي شيء اقوله لك
تركي : اااه ياايام ابهاااا ياليتهاا تعود
رهف بقهرروهي تنزل راسهاا ماحبت نظراته لهاا : تركي ليه ماتفهم اني ماابيك وبعدين وش قال عمي لك اليوم خلاص يبي يخطب لك وطلقني والله وادعي لك من قلبي انك تكون سعيد مع دلال
تركي وهو يرجع يرفع راسهاااعشان تناظره وبرقه: اكون سعيد لو مااطلقك ونرجع نعيش مع بعض
رهف بطفش: تركي والله تعبت وانا اردد الحكي ومليت كمان من متى عشنا مع بعض
تركي : فاا ماعشنا مع بعض حنااااا
رهف بعدت عنه وبقهر : عشنا ايوه بس كلهاا نكد في نكد
تركي بصدق: عندك نكد بس انا لا
رهف : خلاص تركي ماابي اسوي مشاكل تكفى تتطلع
وانا بنفسي اليوم لو تبي اكلم دلال
تركي بقهر وهو يدفهااا من عند كتفهااا: ليه انتي كذا تقهري الواحد وتنرفزيه
رهف ببرود: قلت من اول فكني او اطلع انت بس انت رافض
تركي بعصبيه: شوفي انا سكت كثيررر والله واحاول امسك نفسي عليك بقدر مااقدر بس شكل سكوتي جاي ضدي اقسم بالله
يارهف لو نفذتي كلامك علي وخليتي ابوي يغصبني على طلاقك
قسم ماراح اخليك في حالك وشوفني حلفت يارهف والله لاانكد عليك عيشتك
رهف : انت بس طلقني وراح اتحمل اللي يجيني منك بس اهم شيء مااكون على ذمتك
تركي : اوك يارهف مدام بتحطي راسك براسي اجل تحملي اللي بيجيك وترى اللي راح يصيرر فيك مني كثيررر ماراح تتحمليه والله وهذا انا حذرتك
وهو يمسك كتفهاا ويهززها بقوه وبصرخه: فاهمه
وبعدهاا غمض عيونه حس بالم في يده
دايم جايبه لي التعب
رهف وانا اشوفه كيف مسكر عيونه وشكله من جد يتالم جيت استغل هالللحظه ابي اطلع من عنده بس مالحقت رجع مسك يدي اوف بعدين يعني ابعد عني خلني اطلع وبعدين اكيد اللحين في ضيوف المجلس روح لهم لا يجي عمي يدورك
تركي بقهر: انا اللي ابي اقهرك يارهف اليوم راح اكلم ابو دلال بنفسي وماارح انتظر ابوي يجلهااا لبكره فاهمه
رهف : والله تسوي خيرر كل ماقرب موعد ملكتك منهاا تذكر قبل ماتملك تتطلق وانا ارفع يدي ترى هذا مو كلامي كلام عمي وانت سمعته بنفسك بس حبيت اذكرك
تركي بحده: متذكر مايحتاح بس ابي اقولك فيصل هذا الكلب مستحيل تحلمي فيه انا عارف ليه مستعجله على الطلاق وكمان زواجي مافرقت معك عشان بس تسوي انتي وهو لعبه من الاعيبكم القذره وتخلي ابوي يزوجك هوووو صح بس لا انا
بنفسي راح اقول لاابوي انك على علاقه مع فيصل
رهف وانا فاتحه عيوني للاخرر من كلامه: ايش تقول لعمي
طيب ليه ماخليتني اقوله انااا ليه هددت وقلت ياويلك اعتبري نفسك منتهيه ومن هالكلام بس انا استاهل سمعت كلامك حتى خليت واحد مثلك ومثل فيصل تتمادووا علي بسكوتي اللي دايم يضيعني ..........
تركي بخبث: اللحين اللي يسمعك يقول انك تسمعي كلامي وتخافي من تهديدي وجالسه تنفذي كلامي روحي ياشيخه قولي خايفه تفضحي نفسك وبس
رهف بصرخه وانا اضربه على صدره وبصرخه : قمه في الحقاره دايم تخدعني
ام فيصل على طول دخلت وفتحت الباب: وش فيه
وانت وش مدخلك هنا واللحين جاين حريم توقعتك في المجلس
رهف بقهرر: شوفي وش سويتي فيني الله لا يسامحك انت ولدك
تركي وهو يمسك رهف من عند رقبتهاا ويضغط عليهااا
بقوه وبعصبيه: هذي تحترميهااا فاهمه وحسك عينك ترفعي
صوتك عليهااا
رهف خلاص مو قادره تاخذ نفس : كح كح ف كني يازفت
ام فيصل وهي تفك يده من رهف: خلا ص يمه روح المجلس
وفكنا من المشاكل خالتك جايه في الطريق والجيران كلهم على وصول
تركي وهو يقبض على يده في حره وده يطلعهااا فيهاا وبصرخه: كم مره اقولك مو انتي اللي ترفعي صوتك على امي فاهممه اقسم بالله لو ماهي حاميتك عني اللحين لااااعرفك قدرك ي ..........وبصرخه انتي صدقتي حالك بزياده ياشيخه روحي اقسم بالله فيني اسحبك اللحين واروح فيك مكان الجني مايعرفه
وهذاك الوقت يمكن تعرفي كيف تحترمي حالك
عنود على طول سمعت الصوت ودخلت
وناظرت تركي : وش فيه بعدين وش قلت لنا اناوسوسن انك تبي تدخل تتافهم معاهااا مو تسوي مشاكل
رهف بقهر وهي تناظرر عنود: يعني انتي مخططه انه يدخل علي هنااا
تركي يقاطعهاابصرخه : مافي احد يخططط لي عشان اشوفك لو ابي اشوفك اطلعك من تحت الارض وهو يمسكهاا من عند كتفهاا
بقوه وقسم بالله اليوم اطلب دلال من ابوهاا والله لا اذلك بعدهااا وتعرفي كيف لاتركي قال كلمه
رهف وهي تدفه عنهاا: كم مره قلت لي انك بتخطب روح زين مو بس تخطب دلال جيب ثلاث كمان فوقهاااا مايهمني ولو تهمني ماعفتك وتذكر انا فرحانه كثيرر بزواجك منها مقابل حريتي يعني لااتفتكر اني راح ازعل عليك بس وش نقول عقليه متخلفه وطول عمرك غبي وجالس تهدد وتتكرر نفس الكلام
تركي خلاص اتجههه عليهاا مولع منهاا للاخر: بس امه وقفت في طريقه ام فيصل وهي تبكي: خلاص تكفى ياتركي احس نفسي ابي اموت والله تكفى ترحمني وتتطلع
تركي وهو يحاول يمسك نفسه عشان امه: خلاص يمه عشانك بس وهو يانظرهاا وانتي ........ يالله اعتذري من امي لااااولع فيك هنا وبصرخه زلزلت البيت بسرعه قومي
ام فيصل :خلاص يمه انا مو زعلانه وهي من حق لهاا تقول هذا الكلام
تركي بصرخه: يمه لا تكوني كذا ضعيفه قدام رهف
وعادي عندك تدعي عليك كذا يمه انتي الجالسه في هالبيت وهي
الطالعه فاهمه علي لاتخلي طلاق ابوي يكسرك يمه ترى والله
اللحين افرمهاااا قدامك
وهو يناظر رهف بسرعه اعتذري
ام فيصل : خلاص يمه تكفى اطلع وشوف كيف شكلك صار ويدك متعوره وفيهااا عمليه وانت مارحمت حالك
سوسن وهي واقفه عند الباب : خلاص تركي انا اتفاهم مع رهف
رهف بصرخه: ماابي احد يتفاهم معي كله من تحت راسك دبرتي معه وخليتيه يدخل علي ...........
تركي بسرعه اعطاهااا كف قوي على فمهاااا بيده السليمه
وبصرخه: هذا اللي تبي توصلي له وتسكتي دايم انتي كذا تاخذي كم كف على وجههك بعدهاا تتعدلي حاولت امسك نفسي عنك بس مافي فايده
رهف بصرخة الم : ااااه طول عمرك جبان ومرجلتك بس في يدك لكن اقسم بالله لو عمي ماطلقني منك اني اروح بنفسي المحكمه واطلب خلع ليه تحسب مافيني اخلعك وبصرخه لا اسوي اكبر من كذا
تركي وهو ناوي يقتلهااا نرفزته الآخر شيء" : ايش محكمه وتروحي انتي ياشيخه روحي اللعبي غيرهااا وثاني مره تكلمي على قدك
عنود وهي توقف في طريقه وتبعد رهف عنه وبصرخه :تركي حرام عليك خلاص يكفي وانتي يارهف لا عاد تزيدي في الحكي وتثيريه زياده مافينا عليه وعلى جنونه ترى
سوسن بصرخه:تركي ليه كذا وش صار عشان تمد يدك عليهااا وتكبرر السالفه حنا بس كنا ودنا خيرر مافكرت بيحصل كذا
تركي وهو مغمض عيونه يحس بالم مكان العمليه وحده معصب
قال وهو مسكر على سنونه: خذوهااا من قدامي قبل ماااخذ عمرهااا اللحين ترى خلاص ماسك نفسي غصب
ام فيصل وهي تبكي:خلاص لا يصل اصواتكم انت وبنت عمك للجماعه في المجلس ولا ننفضح الناس جايين وانت انقلع ضبط نفسك وروح المجلس و تصدق ياتركي الله يسامحني على اللي سويته في هاليتيمه والله اني غلطت كثيرر في حقهاا يوم وافقت على كلامك اول ومشيت معك

تركي وهو يسلم على راس امه وبصوت تعبان حيل: يمه تكفين لا تقولي كذا ........


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1