فيتامين سي ©؛°¨غرامي متألق ¨°؛©

المشاركة الأساسية كتبها noony1405 اقتباس :
السلام عليكم ورحمة الله وبركاته
صباح الخيرر ان شاءالله البارت راح يكون الساعه عشره صباحاً
لكم ودي
أحلى صباح ياعسل


&نـــونـي بنت الجنوب & ©؛°¨غرامي فضي¨°؛©

المشاركة الأساسية كتبها فيتامين سي اقتباس :
أحلى صباح ياعسل
بوجودك يااحلوه ولعيونك دقايق وهوو نازل

&نـــونـي بنت الجنوب & ©؛°¨غرامي فضي¨°؛©

البارت الثاني والثلاثون

اللهم صل وسلم على نبينا محمد
*
*
*

مرحبااا اخباركم عساكم في احسن حال ان شاءالله
قبل مااااابدا البارت ودي اشكررالمشرفه فتيامين سي
عشان التثبيت والتميزز
و اشكرهااااا من كل قلبي ولهاااالفضل الكبيرر بعد ربي في تميزز روايتي الله يعطيهااا العافيه واشكرر المنتدى المجاور الذي منحني فرصه الوسام والتميززز ولا قصورر فيكم يالغوالي
بس هي اول المشجعين لي ودعمهااا ونقلهااا لروايتي
والحين تميزهاااااا وهذااا بارت هديه خاص لهااا
ومااراح انساكم ان شاءالله راح اخصصص لكل احد هديه من اللي رد على روايتي ودعمني وشاكره لللجميع
ويالله ان شاءالله تسمتعووا في البارت على اني مااحب الحزن الكثير وعشان كذا اختصرت شوي من احداث الحزن
**********************************

كلنا بصرخه وحده : ايشششششششششش
تركي وهو يبكي منهاررر: يمه ابوي ابوي راح
ام فيصل وهي تجلس معه الارض وهي مصدومه: كيف كيف
راح
عنود بصرخههه عبت البيت : يبههههه
جوري وهي ماسكه في عنود وهي منهارره
رهف
كنت مصدومه اناظرهم كيف راح يعني مافي عادعمي خلاص اشلون
الظهرر كان معنااااا يارب اللطف فينا يارب حلم إلا حناا فيه يارب بس وين حلم وصراخ البنات معبي المكان كله
ناظرت تركي كيف ماخذ امه في حضنه وامه احسهااا مصدومه حسيت دموعي تنزل بدون صوت كان ودي اصرخ اتكلم بس مو قادره احس ان لساني كذا مربوط نفس الاحداث تتكررر علي يوم موت اهلي ونفس الحاله شفتهن كلهم متجمعين عند باب المدخل جيت اقرب منهم ماقدرت حسيت نفسي يبى يغمى علي مو قادره احمل رجولي حتى ثقل في كل جسمي سحبت نفسي لااقرب كنبه وهذاك الوقت احس صوتي طلع صرخت صرخه حسيت اني بعدهاااابي اموت يارب هذا سندي في الدنيا بعدك يارب مالي غيره شفت تركي ياخذ امه من الارض وكان مغمى عليهااا
عنود وهي تبكي : يمه تكفين اصحي يمه
جوري وهي تبكي: تركي ابي اشوف ابوي شكلكم تكذبون صح قول قول انك تكذب صح وهي تضرب في صدره
تركي وهو يبكي بقوه ويضمهاا لصدره: جوري خلاص اسكتي شوي
وهوو يناظرر امهه وهي في عالم ثاني ابعدهاا عنه
وهو يقول لعنود : سرعه هاتي مويااا
عنود وهي تبكي : اللحين طيب قلي كيف مات تكفى يمكن جوري صادقه يمكن موو هووو
تتركي: خلاص عنود حبيبتي شوفي امي حالتهاا كيف ومفروض
انتي العاقله تعرفي كيف تهديهم
عنود وهي تبكي: اي عقل تتكلم عنه واهدي مين وانااابي مين يهديني فاهم ايش هذا ابوي ابوي وتعرف مكانته عندي
تركي : شوفي شكل امي ماراح تصحى هاتي العبايه بسرعه
خليني اروح فيهااا المستشفى
واخذهاااا ............
عنود وهي تتقرب من رهف اللي ماسمعت إلا بس صرختهاااا
: رهف
رهف وهي تبكي رفعت راسهااا: عنودي سندي راح عنود اللي يحميني بعد ربي راح خلاص اناااانتهيت مع عمي وبصرخه وهي منهاره تبكي ادفنوني معه ماابي اعيش حياه هوو مو فيهاااا
عنود وهي تضمهااومنهاره اكثرر منهااا وتبكي:عاد اناا وش اقول وهوو ابوي ااااه يارهف
شوفي كيف امس كناا فرحانين
واليوم شوفي كيف حالتنااااا
جوري وهي تصرخ: يبه يبه ليه ليه يروح في هالليل المزرعه ليه
عنود لماا شافت جوري منهاره : خلاص جوري حبيتبي ومايجوز اللي تقوليه هذا قدرر عليه وهي تبكي وقالت وهي لازم تكون قويه شوي عنهم وش اللحين بيدنااا غيرر الدعااااء له بالرحمه
وتسحب الجوال وتتدق على سوسن نايمه مع زوجهااا في المقلط
: سوسن تعالي
وهي تبكي خلاص سوسن تعالي ورمت الجوال وانهارت على الكنب تبكي مو مصدقه
ناظرت جوري خلاص جوري حبيتبي قومي من على الارض
سوسن داخله عليهم وهي مفجوعه تناظرهم اللي جالسه على
الكنب ومغطيه وجهاااا بالمخده وتبكي ماافي إلا صوت بس يطلع منهااا واللي جالسه في الارض وتبكي وتصرخ واللي جالسه على الكنبه الثانيه وتبكي بهدووء قالت وهي عارفه ان فيه مصيبه
بخوف: وش فيه حالكم مايسررر
جوري وهي تصرخ: خلاص ابوي راح ياسوسن
سوسن وهي فاتحه عيونهاا مصدومه:كيف راح وش قصدك
عنود وهي تبكي: قصدها ماتتتت ياسوسن عارفه يعني وش مات يعني ماراح نشوفه ثاني اااااه يبه
سوسن بصرخه: ايششششششش مات كيف واشلون لا موصدق
يبههه وهي تصرخ وتبكي اكيد تكذبووا صح
رهف
كلنااااا خفنااا من شكل سوسن كان منهاره بشكل أجل اناا وش اسوي سحبت حالي من عندهم ودخلت الغرفه ورميت حالي
جلستتت ابكي وابكي واحس خلاص نفسي تعبانه مو قادره احس اني لسى ماطلعت من الصدمه وعندي احسااسس يقولي كله هذا حلم رهف راح تصحي منه وعمك مافي شيء حسيت براسي ثقيللل سكرت عيوني ونمت يارب اصحى من هالحلم بسرعه ........... .....
فتحت عيوني على صرخه البنات يعني اشلون كل مااصحى اسمع صراخ وبكي واصوات حريم وشكلهم كثيرين
طلعت الصاله وانااااتخبط في مشيتي شفت الصاله كلهااا حريم وكثيرين كانن ابي اشوف وحده من البنات بس ماافي ماشوف احد
رجعت غرفتي وناظرت الساعه كان باقي ساعه وياذن المغرب
جلست ابكي لماا شفت الحريم يعني كل شيء حقيقه
بعدهاا غلست وصليت وطلعت ادورر البنات كنت امر في اللي
جالسين ولاااسلم ولاااناظر فيهم كان احس بخوف غيرر طبيعي احس بالوحده من جد اللحين دخلت غرفة خالتي شفتهااا نايمه على السريرر والبنات حولهااا تقربت من عنود وضميتهااا وجلسنااا نبكي وشفت سوسن نايمه بجنب خالتي وشكلهااا تعبان
عنودوهي تبكي: رهف ابوي خلاص اخذوه القبرر قبل ساعه
رهف واناا مقهوره ومصدومه وابكي: ايش خلاص اندفن كيف يعني حتى ماسلمت عليه
عنود : والله تركي رفض قال خلوهاا نايمه يكفي سوسن وجوري تعبووا عليناااا
رهف وانااابكي : ياربي حتى حرمني ماااشوفه اخر نظره
عنود وهي تبكي: وش تشوفي كان مكفن وبس سلمنا عليه في المجلس وطلعوه على طول
واللحين سماح في المستشفى اغمى عليهااا واعطوهااا مغذي اللحين دقيت على دلال الحمدلله على كل شيء الله يرحم ابوي يارهف كيف بنعيش بدونه
رهف وهي تبكي: الله يرحمه يارب ابي اضيع بدونه ي عنود
انتم عندكم اخوانكم بس اناااا وحيده في هالدنياااااا .............
بعد انتهاء العزززى بعد أسبوعين
كان البيت خف كثيرر عن اول حتى سوسن سافرت عيت تجلس تقول مو قادره تجلس وعمي مو موجود وكمان دراسة عيالهاااا
بس انااا الحزن احسه انه يبي يذبحني ...........
كان جالسين في الصاله وسماح دخلت عليناا سلمناا عليهااا كلناا كان شكلهااا تعبان وتحسيهاااا اكثرر وحده انصدمت من فرحهااا
لموت ابوهااا اااه ياعم ومين ماحزن ولا تعبب بسبب فرقاك يالغالي الله يرحمك كل يوم نبكي عليه اكثرر من اليوم الللي قبله
سماح وهي تجلس بجنب امهاااا : كيفك يمه اليوم
ام فيصل بحزن : الله يرحمه مدري اشلون اعيش بدونه
اااه شوفي البيت كيف صاررر بعده
عنود وهي تمسح دموعهاا: يمه حبيبتي ابوي ماراح يرضى اللي تسويه في نفسك شوفي كيف لا تاكلي ولاشي وكل يوم رايحين فيك المستشفى ضغطك مرتفع
سماح وهي تضم امهااا: يمه فديتك حنا معك حتى انااسفر مع علي ماراح اسافر
رهف
ناظرتهم وهزيت راسي بحزن ودخلت غرفتناا لمااسمعت صوت آذان العشاء توضيت وصليت ورميت حالي على السريرر ناظرت سريرر جوري وهي نايمه حبيبتي ياجوري مو مصدقه ان عمي خلاص راح ااااه ياعم مين بقي لناا بعدك اااه ياعزتي وباكي الله يرحمك يالغالي مسحت دموعي اللي لهاااا اسبوعين ماجفت احس اني مكسورره من داخل اكثررر وقلبي حزين حيللل على اللي بيصيرر فيني مدري وش مخبيه لي الدنيا كمان يارب للطفك وعفوك يارب ياحبيبي الطف فيناااااا
استغفر الله العظيم يارب مدري حياتي في هالدنيا كيف بتمشي كل شيء مجهول في مجهول ...................


&نـــونـي بنت الجنوب & ©؛°¨غرامي فضي¨°؛©

فتحيت عيوني لماااا حسيت بثقلل على سريري
انفجعت بسم الله ناظرته كان تركي جالس على طرف السريرر
وشكله تعبان وحزين ومسمرر وعيونه حممرر يالله اشكثر انهار عليه ماتوقعت يحب عمي بالطريقه لانه دايم عمي ضد تصرفات تركي وماكان حد يقدر يوقفه إلا هوو الله يرحمه
عدلت نفسي على السريرر وجلستت ركيت على حافة السريرر
وناظرته ابيه يتكلم بس جالس يناظر فيني بنظره حزن وعيونه احسهااا فيهااا دموع احس اني شفقت عليه وسالته
رهف : تركي وش فيه
تركي وهو يهز راسه : مافي شيء بس اناااتعبان يارهف حيلللل
رهف بحزن : اجل وش اقول انااا راح سندي وراح اللي ارتكي عليه من غدر الزمن بعد ربي اااه ياتركي مين يرد جبروتك علي اللحين
تركي بحزن: لهااا الدرجه انااا مسببب لك رعب
رهف وانااامسح دموعي : واكثرر ااه لو تعرف قد ايش
بعدهااا ناظرت سرير جوري وكان مو فيه
وحتى الغرفه كلهااا فاضيه سالت : وين البنات
تركي وهوو ياشررر بيده: في غرفة امي شوي تعبانه وكلهم عندهااااااا الله يهدي سوسن رفضت تجلس
رهف بحزن على حالة سوسن: احسن لهاا تبعد توقعت شوي وتستخف والله
تركي : بس مهمااا كان هي الكبيره مفروض تجلس
رهف عندهاا بزران كيف تخليهمم ولاتنسى دراسه
وانااااقوم ابي اروح عند البنات
تركي وهو يمسك يدهااا: وين
رهف بهدوء: عند البنات واشوف خالتي
تركي وهوو يناظرر في عيونهاا: ياليت يوم تحسي فيني بس
رهف واناااارجع اجلس: تركي ابي اقولك شيء صح انه مو في وقته بس لازم اقوله لاتفتكرر موت عمي غيرر شيء من ناحيتي لك
تركي بحزن: وش تبي اكثرر يصيرر فيني بالله
رهف : ماابي شيء ابيك بس تبتعد عني
تركي بحده: وين اذا ابتعدت عنك تروحي مين لك غيرر هالبيت قولي
رهف بحزن: صح مالي احد ومالي مكان غيرر هالبيت بس ماابيك ماابيك انااااوهي تبكي ابي عمي فاهم علي انااا ماابي احد غيره هووو هووابوي هو حياتي في هالدنياااا
تركي ضمهااا بسرعه وهو يبكي : حتى انااابي ابوي والله لو يرجع ماعمري اعصبه ولاااازعلله اه يبه
رهف وانااااحس بصوت شهقاته خلتني ابكي زياده: انت عندك امك خواتك تعوض فيهم بس انااااا مين
تركي وهوو يضمهااا بزياده على صدره: انااا موجودد وااصيرر كل اهلك بس انتي ارضي بحياتك معييي وخلينااا نننسى كل شيء
رهف حاولت افك نفسي احسهه خنقني : طيب فكني اخنقت
تركي وهو يمسح دموعه: انختقتي يالكذوب قولي فارق احسن
رهف : ايوه فارق وخلني انام
تركي بهدوء: يالله امشي معي غرفتي نامي عندي لان البنات بينامن عند امي
رهف برفض: لا مستحيل وعادي يعني البنات ينامووا عند خالتي ترى عادي كلهااا بينااا غرفه وماراح اخاف روح انت نام وخلني في حالي واعيدد واكررر لااتتامل مني رجعه لك فلاا تحرجني
ولااااحرجك
تركي بقهرر منهااا: يعني اشلون حتى ماتقدري ظروف اللي حنا فيهااااااا اقول امشي بلا عناد
رهف بقهرر: تركي تكفى ترى لا تبدأ تسوي حركاتك اللي تقهرني
تركي بقهرر: والله انتي حركاتك تنرفززز غبيه ماتقدرري اللي حنا فيه
رهف بقهرر: تركي اطلع برااا وخلني في حالي
تركي وهو يقوم بقهرر: شوفي اليوم بااترككك بس مو كثيرر صبري عليك يالله تصبحي على خيرر وقفل الباب بقوه
رهف
اوف رجع لي ياربي اللحين مين يرده عني وموو غصب اروح غرفته ماابي اعيش حتى معه في نفس البيت بس وش اسوي وين اروح وين اجي ياربي حتى وهوو مكسورر وحزين بس مشاكله تمشي معه جلست ابكي لاني عرفت مصيرييي كيف بيكون
في هالبيت ياربي عمي ماله اسبوعين ميت توه والله وهوو جاي يفرض علي كلامه ناظرت بطني باقي اسبوع واكمل الرابع وادخل الخامس ولسى مافي احد كشفني الحمدلله شكل يطني ماراح يكبرر مره يعني فيني اقدررر اشهرر زود ومحد يقدرر يكشفني بس تنهدت بحزن اخبي ااااه اول عشان اتطلق بس اللحين اخبي ليه لاني عارفه طلاق صار مثل الحلم فكرت فكره ليه مااكلم احمد واقول له ماابي اخوك ولو تفعل فيني خيرر خليه يطلقني ولو سالني اقول له كمان فعايل فيصل ولده وفعايل تركي واكيدد احمد ماراح يرضى بالظلم ......................
بعد مرورشهرر من موت عمي
كل يوم يمرر عليناا نحس فيه ان عمي وحشنااا حيل بس
الحمدلله ربي فكني من تركي اخرر مره احتك فيني هذاك اليوم في غرفتي حتى لو شافني في الصاله مع البنات مايتكلم علي................ ......
وحناااا جالسين في الصاله
سماح بقهرر من تركي: يمه كلمي اخوي تركي يقول إلا لازم اسافرر مع علي
ام فيصل بهدوء: اي يمه سافري الله يسترر عليك وكمان تغيرري جوو
سماح بحزن: يمهه اي تغيرر جوو اناااماودي افارقكم وانتم في هالظروف
جوري بقهرر: والله انك سنعه احسن من سوسن
عنود بحده: انكتمي سوسن لهاا ظروفهاا
ام فيصل بهدوء: بنات مافيني خلق مشاكلكم ترى
رهف واناااا اناظرهم بهدوءء وجالسه افكرر في حالي
شفته دخل علينااا الصاله وشكله معصب من سماح ياحبيبي هوو اللي اللحين راح يتولى البيت والله الظاهرر بيتنااا كل يوم حريقه مولعه يارب سترك بس
شوفووا كيف يكلمهاا ياربي هذا ماعنده أسلوب يبي له درس كيف يخاطب الخلق
تركي بحده: سماح لاتخليني افقد اعصابي اللحين
سماااح بخوف:ماابي اسافرر هي كلمه قلتهااا وبعدين انت وش لك علي راضي
تركي بصرخه : يازفت كيف راضي هااااا عريس توه هوو
وكيف يسافر لحاله وهوو مجهزز كل شيء على انك انتي معه يعني متاهل فاهمه يعني بتسافرر غصب عنك بعدين يالله مسكين قدر يجلس هالشهر
ام فيصل بهدوء: خلاص يمه انااااقنعهاااا بس انت هدي لا تعصبب
تركي وهوو مقهورر منهن : نفسي اعرف ليه بناتك مايسمعووا كلامي لازم اطلع وجهي الثاني عشان اقدر فيهم
سماح بقهرر: شوف قلت لك سفره ماراح اسافر وانت ماعليك كلمه علي كلمتي عند زوجي وبعدين اعرف كيف تمشي كلمتك على زوجتك بعدين تكلم علي
تركي بقهرر وده يقوم يخنقهاا: اه يالزفته تشمتي فيني وهذي الزفته الثانيه اعرف كيف امشي كلمتي عليهاااا اللحين كمان
رهف بقهر منهم ليه اللحين يدخلوهاا في السالفه:تكفون لا تدخلوني في مشاكلكم
تركي بقهرر وهوو يرمي عليهاا المخده بقوه: انكتمي المشاكل كلهاا من تحت راسك وخليني بالله مااشوفك اليوم في غرفتي
رهف بصرخه: الله يسامحك ياسماح اللحين لازم تدخليني في االسالفه شوفي وش حصلل
سماح بخوف: والله اسفه بس غصب عني
تركي بعصبيه: خيرر خير لاتفتكري انهاا هي ذكرتني اناا ناوي عليك من اول بس قلت يالله خليهاا الحين تعبانه وحزينه اخليك في حالك شوي وانتي الثانيه وش أسفه ذي
رهف وانااارمي المخده اللي رمهااا علي على الارض: ماابي ارجع لك افهم ماابيك
تركي بصرخه: ترى اقوم والله اخليهم يصلون عليك اليوم ام فيصل بصرخه: انكتمووا كلكم خلاص مافي عاد احترام لي كلن من عنده الله يرحمك يابو فيصلل
وانتت ياغبي تبي تلحق بزوجتك وولدك ابوك القبرر
تركي بصدمه: ولدي اي ولد تتكلمي عنه ............
رهف
واناافاتحه عيوني ياربي وش قصدهاا ذي كيف عرفت
لا يكون عنود قالت لهاااا اقسم بالله بيكون اخر مابيني وبينهاااا لاني حلفتهاااا معقوله خونت فيني ياربي الحين وش يفكني منه.....................


&نـــونـي بنت الجنوب & ©؛°¨غرامي فضي¨°؛©

رهف ناظرتهااا وقلت بخوف واناااااناظر الباب اخاف احد يدخل قلت بتررددد: جالس يتهمني اني كنت اكلمه ومسويه علاقه معه عند تركي
عنود وهي مصدومه: ايشششششش
رهف وانااامسح دموعي: والله العظيم ياعنود دايم يسوي لي مشاكل مع اخوك والسبب فيصل
عنود بقهرر منه: طيب ليه مافتحتي فمك قولي ليه اللحين جايه تتكلمي
رهف وانااااناظرها: لايكون مصدقه انتي كمان
عنود وهي تهز راسهااا بقوه: لا مو مصدقه فيك ولا عمرك تفتكري اني ابي اصدق فيك شيء وانتي تتدري
رهف : اجل ليه هذي النظره احس في عيونك شك
عنود بقهر: وانتي صادقه نظرة قهررر منك ومن سكوتك ذا اللي دايم يجي ضدك يعني ماكفتك سالفتك قبل مع تركي وقبل شوي الحمل واللحين فيصل هذا اللي مدري وش يحس فيه عشان يسوي هالحركات والله يارهف تصدقي بسكوتك ذا ضيعتي حالك ازود
رهف بخوف: سكتتت غصب عني أولاً اخوك ههدددني وبعدهااا فكرت فيهااا خفت لو اقول وتركي يقلب السالفه لمصلحته عند عمي الله يرحمه وعمي يعصب علي ويقولي اجل ارجعي لزوجك مدام هذي سواليفك واحمدي ربك وفيه احد يبي يسترر عليك.
عنود بزعل وحزن: ووتتتوقعي ابوي كان يبي يصدق فيك عشان تقولي كذا او تخبي هالشي
رهف وهي تبكي: اي اتوقع يصدق ولا نسيتي سالفتي مع اخوك وكيف قدر يخلص نفسه منهااا وعمي كان زعله مني اناا الحالي
وخفت لاايلعب تركي في عقله زياده مع سالفة فيصل واروح فيهاااا لكن ربي فوق ياااعنود ياخذ حقي من فيصل وتركي
عنود بحزن: ابوي على قولك صدق لانه كان مصدوم بس وتكفين لا تتدعي عليهم دعوة المظلوم مستجابة
رهف بقهرر: يستاهلن والله اللي صار منهم مو قليل
عنود وهي تمسك يدهااا وتهدي عليهااا: ابشري انااا بنفسي اتفاهم مع فيصل زفت واقوله ليه يرمي كذا عليك حكي وش قصده من ذا
رهف بسخريه: غبي يفتكر انه بهااالطريقه ان عمه يطلقني
ويحسب اني راح ارجع له جلس يتهم في شرفي
واني اكلمه وكملت وهي تبكي بالله عليك ياعنود عمرك شفتي علي تصرف غلط عشان الزفت وعمه يطاولن علي وعلى شرفي كلهم بس كل واحد بطريقه ثانيه قذف فيني
عنود: خلاص حياتي مصيرر الحق يبان
وهم مصيرهم يندمن على اللي سواه فيك
رهف واناااامسح دموعي : خلاص عنود تكفين لا تقولي شيء لفيصل
عنود : طيب ليه مااقوله عشان يتأدب
رهف بخوف: لالا فكيني من مشاكل تركي بالله اكيد راح ينتقم ويقعد يرمي كلام قدام عمه
عنود بقهرر: بس مفروض ماينسكت عن هالموضوع كذا
رهف بحزن: اوعديني عنود وفي رب ماينسى احد وكملت ودموعهااا تنزل اناااموت عمي كسرني كثيرر ياعنود
عنود وهي تبكي معاهااا: كلناا كسرنااا موت الغالي
وضموووا بعض وجلسن يبكووون ........................


&نـــونـي بنت الجنوب & ©؛°¨غرامي فضي¨°؛©

بعدهاااأاا ناظرت عنود وهي تمسح دموعهاااا
رهف بحزن: شوفي كيف كناا بوجود عمي وكيف صرناا بدونه
عنود بحزن : الحمدلله على كل شيء وش نقول هذا حكم ربي وحنااا راضين فيه اللهم لك الحمد
امشي يالله خلينااا نطلع نجلس مع سماح شوي وجوري حزينه حدهااا والله اني خايفه عليهااا احسهاا بس ساكته
رهف بخوف: يختي طلع وهووو يهددد ماابي اكسرر كلمته واطلع ويسوي مشاكل
عنود : لا لا هوو قصده انك تنامي هناا مو معاد تتطلعي من الغرفه فاهمه
رهف هزيت راسي بعجززز : اوك يالله اجل
طلعناا شفناا البنات جالسين في غرفة خالتي وخالتي شككلهااا نايمه اشرنااا لهم يطلعن معناااا الصاله
سماح وهي تبكي: تخيلوو بعد ثلاث ساعات علي جاي لي يعني على حول عشره والله ماابي اسافر واخليكم كذا بس اه ياتركي
الله يسامحك بس
جوري بقهرر: تصدقين حاسه انه زوجك الللي حارشه
سماح : معقوله طيب ليه قدامي يقول عادي اجلسي عند اهلك وانااااافي اقرب فرصه ان شاءالله اجي حتى لوو ان جيتي صعبه بس ابي احاول عشانك.
عنود بقهرر من جوري: بنت لا تجلسي تفتني بين المره وزوجهاااا وحتى لو قال مافيهاااشي زوجته وخلاص يعني جلستهاا بترد ابوي والله لو انهااا ترده كان اناااسويت المستحيل عشان تجلس فاااختصرري مشاكل بتشب وانتي السببب
جوري بقهرر: اي سافري وفكيناا من حنة خالتي والله لاتجلس
ماسكتهاااا علينااا الدهرر كله ولدي سافر لحاله وهوو توه متزوج ومدري ايش من سواليفهااااللي ماتخلص
عنود بحده: خلاص جوري مو وقتك ويمكن امي تصحى وتسمعك وتتكدرر زياده
رهف واناااا ظرهم ساكته
جوري بسخريه: وانتي وش طلعك توقعت انك محبوسه لمدة سنه
رهف بقهرر منهااا مو قتهاا: تكفين جوري لاتبدي
اللي فيني يكفيني
جوري بحزن: طيب ابي ابوي وحشني والله
رهف
هي قالت الكلمه من هناااا وكلنااااا انهارنااا نبكي
فعلااا تذكرنااا جلستنااا معه في الصاله وكيف كان يتنرفز لو انااوجوري نعصب بعض اااه يازينهااا من أيام
سكتناااا كلنناا لمااشفنااا مابقي شيء وسماح تسافر
عنود وهي تقوم: يالله بنات نسوي أكل ونعشي امي وكمان سماح قبل ماتسافر
رهف واناا امسح دموعي : يالله
سماح : انااااماابي شيء
جوري بقهرر : خلاص سماح ارضي وبس ماعندك خيار ثاني مدام تركي مشاكل دخل فيهااااااا
وبعدين انتي سحبتي من الجامعه يعني تجلسي هنااا وش تسوي بالله روحي مع زوجكك يكفي انك بتنفكيي من هالبيت الللي يكدر
عنود بسرعه: انطمي اسمعي صوت المفتاح في الباب شكله تركي
رهف قلت في صدري ياربي الله يعينااا الله يسترلا يسوي سالفه لي اللحين واني ليه طلعت من غرفته
شفت دخللل اوف وجههه مايبشرر بخيررر
تركي وهوو يرمي المفتاح على الطاوله وبجمود: السلام عليكم
اللكل رد السلام وتقرب من رهف وجلس على نفس الكنبه
رهف بقهرر اوف مافي مكان ثاني يعني يالله خليني ساكته احسن اوف ريحته دخان يكتم مع ريحته عطره مسويه كوكتيل
اوففف شكله بلع كم بكت ذا على هالريحه............
تركي وهوو يناظرر سماح: زوجك في الطريق يقول جاي يشوف كيف الوضع قلت له تعال وخذ زوجتك والله يسترر عليك والله يا سماح لووو اسمع اي اعتراض وهوو موجود ياويلك مني

سماح بخوف وبقهرر: طيب اوك خلاص ابي اسافرر وقلت له كمان
تركي بهدوء: كويس الله يكملك بعقلك
رهف واناااااقول في نفسي
الله يكملك انت بعقلك اللي فعلاً ناقص
شووفووا كيف هب في البنت مسكينه سماح ضعيفه ماتقدر ترد مثل جوري وعنود بس الزفته حرشت علي المغرب الله يسامحهااا بس
تركي وهوو يناظر الصاله كلهاا: ليه وين امي
عنود بهدوء:في غرفتهاا صلت العشاء ونامت
تركي بقهرر منهم:كيف تنام وهي ماتعشت ولا شربت الدواء
عنود : والله توني وانااابي اقوم اسوي عشا للجميع
رهف
كويس حتى اللحين ماوجهههه لي اي كلمه الحمدلله يارب مايحتك فيني مافيني على للسانه
شفت عنود وجوري يطلعن يبون يروحون المطبخ
وسماح ساكته ترسل جالسه في جوالهااا
قمت ابي الللحقهم حسيت بيده
تركي وهو ويناظرهااا بصوت واطي:وين
رهف بهدوء: رايحه اساعد البنات
تركي: كيفك اللحين
رهف فتحت عيوني على الاخرر: ايش
تركي بقهرر : وش هوو اللي ايش اقصد يعني ان شاءالله عقلتي
وكبرتي راسك وتصيري مره سنعه
رهف بقهرر واناااناظر سماح تقوم تلحق البنات: وقتك اللحين
تركي وهو يسحبهااا يقربهااا منه بعد ماطلعت سماح وبصوت هادي: طيب متى وقتي أجل
رهف وانا عيني من االباب لو احد يدخل وهوو ملزق فيني كذا: طيب خلني اروح احضررر مع البنات العشااا
تركي بطفش:الللي يسمع يقول مفطح كله نواشف و بيض اللحين تحصليه بالله عنود يطلع منهاا شيء سنع صح لوو امي هي اللي في المطبخ كان قلناااا قومي ساعدي لانهاا تحضرر كل اللي يحبه قلبك الله يحفظهااا لناا يارب
رهف بهدوء: يارب وكمان حرام عليك تقول كذا عن عنود والله انهااا سنعه
تركي وهووو يمسك يدهاا : تصدقي نفسي في ايش
رهف يالليل مااطولك قلت بطفش: في ايش
تركي وهو يرفع يدهاا ويسلم عليهاا: في كبسه اللي تسويهاا انتي وحشني طبخككك وهوو مقهورر ياحماره اخر مره طبختي لي وحناا في شقتناااا

رهف اوف اللحين يبدااا شقتنااا وايام ابهاا ومدري ايش
قلت بطفش حتى من حالي: تركي فك يدي عيب هالحركات والله
تركي وهو يضحك :والله تصدقي فرحان كثيرر بالحمل يمكن رحمه من عند ربي اني دريت به هالوقت واناااافي عز حزني على الغالي بس الله كريم دايم يجببر بخاطرناا
رهف ياربي وش يفكني منه: طيب خلني اروح والله شكلهاا بايخ اناااجالسه هناا وهم يشتغلن
تركي بقهرر: انقلعي قومي ولاتفكري اني نسيت سالفة الحمل اانك خبيتي علي يازفته عارف قصدك تبي تتخلصي مني لكن راح اطلعها من عيونك ان شاءالله هالحركات مسويه فيهاااا مستقويه بالكذب
رهف
شفتم بالله اني مااكذب يوم اقول انفصام في الشخصيه عنده
قبل دقايق وش زينه والحين قلب
تركي وهوو يناظرهاا: وش فيك معاد قمتي يالله فارقي
رهف قمت بهدوء بس وقفني سؤاله الغبي
تركي وهوو يناظر بطنهاا: ليه ماعندك بطن .
وبعدين كيف امي عرفت وانتي مخبيه عن الكل
رهف قلت بسخريه: مدري يمكن امك مخاويه
تركي بقهرر وهوو يرفع الجوال: والله بهذااا على وجههك اخليه يفلقكك اللحين
رهف بقهرر: مدري عنك جالس تحققق بعدين وش بطنه وانااالسى في الخامس دوبني داخله فيه وبعدين انااا ماعندي بطن من قبل يعني يالله يوضح يمكن في السادس بعدين فارق جالسه افهمك ليه
تركي بغباء: طيب ليه اللي في التي في : بطونهم قدامهم
رهف : صدق انك تافهه وانااااتفههه منك
تركي وهوو ده شوي يطلع من جوو الحزن : طيب يالتافههههه انقلعي يالله روحي سوي كبسه
رهف : ايش كبسه اللحين
مافيني حيلل
تركي بهدوء: خلاص من اصله اناا مااابي عشاااا ابي اروح اشوف امي فديتهااا


&نـــونـي بنت الجنوب & ©؛°¨غرامي فضي¨°؛©

شفته وهوو يدخل عند امههه وانا دخلت عند البنات
شفتهم كل وحده مسرحه في الشيء اللي في يدهااا
رهف : معليش تأخرت عليكم مسكني الغثيث وقلت بقهرر وبعدين اكرهكم اذااسحبتتوا علي واناامعه لحالي
جوري ببرود: والله لوو شفتي كيف يناظرنااا وده ننقلع من البيت كله
رهف بهدوء: لوو تشوفونه يشحطكم شحط من الصاله ماتتطلعن وتخلوني
سماح بقهر من رهف: رهف وش هالكلام هذا زوجك مافيهااا شيء لو جلستي معه لحالكم
بعدين وش لاتخلوني ومدري ايش تصدقي انااا متزوجه لي حول لشهر بس وطول الوقت عندكم بس لماااجلس معه احس انااا مولازم احد يجلس معي ولااااجلس متضايقه وبعدين انتي لاتنسي حامل ولازم تتعودي على حياتك معه واناامسافره ماابي بالله تحصل مشاكل وانااااغايبه اجلس قلقانه عليكم طمنيني من اللحين
رهف بقهرر منهااا: هيي هيي وش هالاسطوانه كلهاااا اللحين ترى توك متزوجه مالك فترره لا تسوي فيهاااا ام العريف والفاهمه وبعدين ليه تحذريني اناااامن المشاكل
جوري بسخريه: لان تاريخك يشهد حبيبتي محد يولع هالبيت إلا انتي
رهف بقهرر:اللحين المشاكل كلهاا اللي في البيت هذا انااااسبببهاااا
جوري : اذاكان مو السبب تكوني طرف فيهاااااا
رهف بقهرر: عنود شوفي خواتك كيف صفووا علي
عنود بهدوء: مافيني عليكم ترى خلوني اكمل اللي في يدي
رهف بقهرر منهاا: وش في يدك يعني على قول تركي كلهاا
نواشف اللي تحضريهااا
عنود بببرود:اجل تعالي واطبخي انتي لك ولتركي تبعك
رهف بقرف: وع وش تركي تبعك ذي الله لايقولهاا تبعي
جوري وسماح ياشرن لهااا تسكتتت من اللي يشوفونه واقف عن الباب
تركي بقهرر: اجل مين تبعك رهف هانم وبعدين وش ذي وع
هاااا يالله ردي اشوفف اللحين انخرصتي وين لسانك اللي قبل ثواني وهو يناظرر سماح زوجك في المقلط
تعالي يبيك عيشه تقرف وطلع
رهف بخوف: بنات طلع وماصار شيء الحمدلله والله اني قلت هالسكين في يدك ياعنود الليوم يذبحني فيه
جوري بقهرر: طيب مدام جبانه كذا وش هوله يالقزمه ماتعرفي تثمني كلامك
عنود بهدوء: رهف مو في مصلحتك وترى اليوم لو طنش كلامك فاااظن عشان الللي في بطنك بس والله اقولهاالك اخوي مااضمنه لمااايعصب مايعرف امه من ابوه فيوزاته كلهاا تضرب
رهف بقهرر: روحي زين ترى تذكرت اللحين يازفته ليه تفتني عند امك اني حامل هااا قولي وين الحلف اللي قطعتيه على نفسك
عنود وهي تناظر الصحن اللي في يدهااا : والله ماقلت لهاا شيء
جوري بقهر منهم الثانتين: اغبياء تتوقعووا امي يفوتهااا هالشي
بعدين اي مره كبيررره ولهااتجربه تفهم بهااا لشي
رهف مستغربه: كيف عرفت اناا ماعمري لبست ضيق بذات من يوم دخلت الخامس دايم البس في هالفتره فضفاض
جوري: وماشاءالله حاسبه لنفسك
رهف : اكيد مايبي لهااافهم بلا غباااء اكيد عرفت من متى حملت
جوري بدلاخه : من متى اجل
رهف : من رمضان اتوقع
جوري بقهرر: تتوقعي مو توو تقولي انك متأكده
عنود بطفش منهم: بنات اسكتووا شوي ويالله نحضرر السفره لعلي وتركي
جوري : ليه وين يبيون يتعشون
عنود :اكيد في المقلط يعني وين
رهف
ناظرت عنود شكلهااا حزينهه وماودهااا حتى تتكلم
كلناا ياعنود كذا بس وش نسوي لازم نصبرر احمدي ربك انتي عايشه وموو خايفه انااعايشه في هالبيت ومدري وش نهايتي فيه مع المجنون اللي معي وكمان السالفه اللي في المطبخ من تووو
تفتكرووا راح يمرر هااا ولا يسوي فيهااا النون ومايعلمون
طردت تركي اللحين من افكاري وجلست اساعد عنود
وبعدهااا تعشيناااا
وطلعنااا كلنا نودع سماح عند باب الصاله حسيت فيهاا تذكرت سفرتي بس اناارحت مع رجال يارب لللطفك منه بس هي ماشاءالله على زوجهاااا الله يسعدهم يحبهاااا اكثرر من روحه
سماح وهي تسلم على امهااااا: يمهه والله غصب عني
وانتي تدري
ام فيصل بحزن وتمسح دموعهاا: الله يحفظك ياقلبي وهي تحضنهااا وان شاء الله ربي يسهل عليكم سفركم يارب
ومااواصيك في زوجك
رهف وانااااسلم عليهاا وابكي: راح توحشني كثيررر
سماح وهي تبكي: والله انتي اكثرر وقالت بصوت واطي تفكيين لاتعصبي تركي وتجني على حالك والله خايفه عليك انااا وابي
مصلحتك
رهف واناااامسح دموعي وقلت بهدوء: ان شاءالله
عنود وهي تسحبهاا وتحضنهاا: حبيبتي ياسماح الله يوصلك بالسلامه ولا تقلقي على امي
جوري جالسه تبكي عند باب الصاله بعيد شوي عنهم
سماح وهي تناظرهاا وتمسح دموعهاا: ماتبي تودعيني
جوري جت ترقض ناحيتهااا وضمتهاا بقوه وجلسووو يبكون كلهممم
تركي وهوو يتقرب منهاا: يالله على يقول مافي وقت على الطياره ويالله يادوب اوصلكم
سماح وهي تضبط العبايه زين: ان شاءالله
تركي وهوو يسحبهاا بقوه ويضمهااا؛: لا تزعلي مني بس ابي مصلحتك وحزين على الرجال يسافر في بلد الغربه من حاله وابوي لو كان حي عارف انه ماراح يرضى
ماسمع إلا شهقاتهااا: خلاص سموحه اللحين ترى اطرده
سماح بفرحه: والله ايوه روح
تركي وهو يمسك يدهااا: اقول أمشي صدقتي انتي
رهف
رجعنااا سلمناا عليهاا مره ثانيه وسويناااا مناحه
شفت تركي وهوو يرجع يمسكهااا من يدهااا وطلعووو من عندناا
جوري وهي ترمي حالهااا في حضن امهااوهي تبكي:يمه ليه كذا تفرقناااا
ام فيصل وهي تبكي: الحمدلله يمه على كل شيء الله يوصلهاااابالسلامه معاد نقول إلا كذا
عنود وهي تبكي: ابوي وسماح كلهمم نقصووا من هالبيت
ام فيصل : ابوك الله يرحمه وسماح ربي يرجعهااا لناا بالسلامة
لا تفاولي عليهاااااا
رهف
شفت خالتي ترجع تدخل غرفتهااا ياربي البيت كيب وحزين
مره حتى لو فيناا وحده تبي تسولف تتذكر عمي تسكت
شفت البنات ينسحبن من الصاله ناظرت حولي ياربي وين اروح انام غرفتناا ولا غرفة تركي وقفت محتاره مشيت ورى البنات

شفت عنود جالسه تهدي في جوري جلست على السريرر
عنود وهي تاشرر لهاا: تعالي رهوفه تعالي يمكن هذي تسكت اذا كلمتيهاااا مو راضيه تتفهم الوضع ان سماح لازم تسافرر
رهف واناااجلس قريب منهاااا واسحبهاا من حضن عنود
وقلت واناااااحاول اضغط على نفسي: افاااا جوري تبكي ليه سافرت ولا مقهوره انهاااا معاهاا رجلل وانتي لسى
قولي الصدق
جوري وهي تضربهااا على كتفهاا : انقلعي والله مو كذا قصدي
بعدين خلاص ماابي اتزوج مره ابي اجلس عند امي فديتهاااا
رهف : يالله نشوف ياخوفي بس تجي عندناا بس جارتناااا وتغيري رايك
جوري وهي تمسح دموعههه : تتوقعي خطبة له امه
رهف : ههههههه
عنود : هههههههه اتوقع
رهف نفسي اسالهم وش اسوي انام عندكم ولا اروح غرفته
بس احس اني مقدرت اتكلم شفت عنود تناظرني عرفت انهاا حاسه فيني
هزيت راسي بعلامة عجزز مدري وش اسوي
عنود بهدووء: رهوفه حبيبتي روحي غرفة زوجك افضل
رهف وانااااحس بدموعي بتنزل: مو قادره والله وبعدين يعني خلاص اللحين خرب كل شيء علي طلاق مافي ولازم اعيش مع اخوك عنود ابي اضيع بدون عمي وش اسوي
عنود بحزن: رهف عيشي بسلام معه
رهف بقهرروهي تاشررعلى قلبهاا:وهذا كاره تتوقعي اقدر اعيش معه
عنود بزعل: حرام تقولي عنه كذا والله هوو يحبك بس يبي له صبرر عشان يطخ اللي في راسه وبهدوء كملت تصدقي توقعت موت ابوي يكسره شوي وو يخفف من هالعصبيه
رهف بقهر: والله مايكسرره شيء ذااا
عنود :إلا اذا حبيتيه صدقيني تركي بيتغيرر هوو الحين مقهورر يحس نفسه مرفوض
رهف واناااقوم ماابي اجلس واسمع عنه: وهوو دايم مرفوض مو مني بس من اللكل
عنود : الله يهديك وبس وروحي نامي في غرفته
يالله برااااا
رهف بقهرر: تتطرديني اااه يالزمن

عنود وهي تحسب المفرش وتغطي جسمهاا:ايه ويالله قفلي النور معك وليله سعيده مع تروككككك
رهف بقهرر قفلت الباب بقوه سمعت صرخت جوري وعنود
ههه احسن تستاهلن اوف تذكرت خلوني اخذ لي لبس واخذ شورر واناام قبل مايجي رجعت فتحت الباب كان معترضين طنشتهمم
بس سمعت الزفته جوري تقول شي عصبني
جوري : مشكله الللي ينطرد والله الله لايبلانااا
رهف وانااعض على شفايفي بقهرر:اااا ااه ي القهرر
سحبت لي قميص سوسن اخرر مرة جت ونسته والبنات خلوه في ركن ملابسي وكان كبيرر ماشاءالله وهي البنت شوي طويله وعريضه يعني انااااضيع فيه بس كذا لعانه في تركي
وكمان يدخل معي خمسه فيه هههههه والله لاانكد عليك
قال ايش اجي اشوفك في غرفتي مالت عليك وعلى غرفتك الللي سرعتناا بهاااا
دخلت غرفته فتحت التكيف .

دخلتوالحمام الله يعزكم واخذت شوررر بارد ونشفت شعري
وانااااناظر شكلي في المراياا جلست اضحك والله شكلي مضخره...........
وبعدهااا تمدتتتت على السريرر ............


&نـــونـي بنت الجنوب & ©؛°¨غرامي فضي¨°؛©

جلست اتقلب اوف احس مافيني نوم واكيد السبب لان احس الغرفه غريبه علي وموو متعوده انام فيهااا هي مره وحده الللي نمت فيهاا وكلها ساعات قليله اااه وحشني سريري
جيت اقوم اروح سريرري واروح عند البنات واللي يصيرر يصيرر يعني بالله وش راح يسوي بس يرفع صوته اللي فجرر اذونااا فيه ولا كم كف متعودين ...........
وصلت لمااااالباب وانااا اتعركل في قميصي الللي قدامي شبرر بعدهااا فكرت زين لا لا خليني ارجع ازين لي مافيني على ضربه والله يعورر رميت نفسي على السرير بقهرر وحقد على تركي ااااه من حظي الللي يرميني عليه ناظرت الساعه في جوالي كان باقي شوي وتجي ثلاثه فكه شكله سهران عند خويه بعدهااا بساعه
سمعت فتحت الباب سويت نفسي نايمه اخخخخ غبيه نسيت مااغطي حالي اوف اوف اكيد اللحين يكشفني
سمعت صوته : اللحين نايمه انتي معقوله لهاالدرجه التكيف حرر عشان نايمه بدون غطى ولا يكون عشان اشوف عليك هالقميص اللي يفتح نفس الواحد ويجددد حياته كمان عليه
رهف
وانامسكره عيوني بس فيني ضحكه احسه مقهور وش فيه قميصي يازينه يهبل
تركي وهو يجلس على السريرر: بنت نايمه
رهف اوف ياربي لازم يعني صاحيه غصبب
قلبت على الجههه الثانيه
تركي : كذابه صاحيه قومي مابقي شيء على صلاة الفجر صلي ونامي
رهف بطفش: ايوه صاحيه وانااامن اصله قدرت انام في الغرفه الزفت ذي
تركي وهوو يركي على السريرر قريب منهاا:اجل قومي هاتي مويااا
رهف بقهرر: يعني جاي من برااا ماتقدرر تمرر المطبخ وتجيب لك لازم رهف قومي
تركي وهوو يعض على شفايفه: رهف تبي تنامي اليوم وانتي مرتاحه .

رهف بسخريه: اكيد بس عارفه وين هالراحه واناا اا هناافي غرفتك
تركي بقهرر: روحي هاتي موياااا اخر مره اقولهااا بعدين انتي ليه تتطوليهااا دايم وهي قصيرره
رهف وهي تتفففف: اوف عيشه تقصر العمرر
وطلعت اجيب مويااااا سم ان شاءالله
ودخلت وشفته جالس يناظر جواله رمى الجوال واتعدل في جلسته واخذ مني الكاس
تركي وهوو يناولهاا الكاس: روحي رجعيه المطبخ مااحب غرفتي وسخههه
رهف بقهرر: اخس ي النظيف بالله اسكت لا تخليني اطلع فضايحك في شقة ابهاااااا غرفتك كان مزبله
تركي بسخريه:لاني منتظرررك ياقلبي تجي تنظفيهاااا
رهف وهي تجلس وتتطنشش: خله بكره اروح فيه
تركي بعناد: لااااللحين
رهف بقهرر الدنيااا كله قمتتت: هاتي ورفعت اصبعي اهددد ياويلك عاد ترسلني ثاني اوك
تركي وهوويلعب بحواجبه: والله على حسب يالله بسرعه
لااتتتاخرري
رهف طنشته ورحت رجعت الكاس ودخلت شفته يناظرر قميصي: خيرر خير وش تناظر فيه
تركي بقهرر: ابي سالك هالقميص متأكده لك
رهف بسخريه: لا لاامك
تركي بحده: رهف ماابي استقبلك اليوم بشي يحوس وجهككك ذااوفجأة تذكره بعدين وش هالكلمه يوم كنتووا في المطبخ في وحده متربيه تقولهااا كمان لزوحهااا
رهف سويت نفسي غبيه : اي كلمه ياربي مووقت تتبلى على
تركي بحقد : اتبلى عليك وكلمة وع مين قالهااا هاااا
رهف : اوف وش اللي ذكرك اللحين فيهاا
تركي بحقد: وليه مين قال اني نسيتهااا لكن شوفي اذا ماخليتك تتتدفعي ثمن هالكلمه مااكون ولد ابوي يارهف طيب الزمن بينااا اذاااربي اعطانااعمرر وقطع عليهم صوت الأذن
تركي وهو يقوم: انااارايح اتوضى وابي اصلي
وياليت مااشوفك صاحيه لماااجي لاني ماابي اشوف وجههك حاقد عليك والله
رهف بسخريه: وانت من متى ماحقدت عليه شكلك تغار مني صح
تركي بقهرر : صح
رهف
حسيت بخوف منه احسههه قلب فجاة جددد ياربي وش هالحال كل مره بشخصيه صراحه عجزت افهمه اللحين ليه يعصب من كلمة وع فيه شيء بالله انتم تشوفووا فيهاااشي هههههه
بعدهااا قمت توضيت وطلعت اجيب السجاده من غرفة البنات
وصحيتهم للصلاه ورجعت غرفة تركي صليت وتمدتتت بعدهاا جلستت تستغفرر بعدهااا بدقايق شفته جى ورمى حاله على السريرر بهدووء واعطاني ظهررره بدون حتى يتكلم
مالت مسوي زعلان معطيني ظهره والله احسن شيء حبيبي
انثبرر مكانك طلعت لساني له تمدتتت في مكاني وكنت اتقلب مافيني نوم جلست استغفر ابي انااام ماسمعت إلا صرخته
تركي بصرخه:والنهايه مع هالتقلب بالله الشمس طلعت وحنااا صاحين
رهف بخوف منه يمه يخوف فجعني : ماااجاني نوم خلني اروح عند البنات واناااانام بعدها خفت يعصب حاولت انام بعدها
ماحسيت إلا في دق على الباب فتحت عيوني حسيتحالي متحرره منه شفت تركي نايم على بطنه
قمت سحبت نفسي للباب فتحته وشفت جوري واقفه
جوري بهدوء: معليش ازعجتك
رهف واناااا ارتب شعري : لا حبيبتي عادي كويس وانتي
صحيتني ودي اطلع من هالغرفه
جوري:هههههه لا بس غسان برااا دق على جرس الباب وقالل تركي يطلع ضروري مدري وش عنده
قلت له نايم قال ماعليه لو ماعليك امرر صحيه
رهف واناااافتح الباب كله وابعد شوي: ادخلي صحيه
جوري : لا حياتي صحيه انتي اناااعلي خبرتك
وبعدين وش هالقميص لابسته حرام عليك سديتي نفس اخوي
رهف واناااادورر فيه: وش رايك بالله مو يجنننننن
جوري بسخريه:يجنننن وبس هذااا حق سوسن صح
هي الوحيده تلبس هالمقاس في البيت الدوبه
رهف : ايوه اخرر مره جت نسته وحبيت اخذه عشان ابسط اخوك فيه عندك شيء ثاني ست جوري تحقيق على هالظهررر
جوري وهي تهززز راسهاا: لا بس صحي تركي

رهف قفلت الباب في وجهههها
ودخلت ناظرته نايم ياربي ودي اذبحه اخخخ لوو امسك بهاالرقبه معك بس وين هذي تنذبح يبي لها ساطورر
تركي وهوو يناظرهااا: مطوله تناظري فيني
رهف بسم الله من متى صحى ذاا قلت بسخريه: لا افكرر
تركي وهوو يبعد المفرش: بااايش تفكري
رهف : تتوقع ساطورر ينفع فيك على هالرقبه
تركي وهوو يقوم ويناظظرر نفسه في المراياا ويمسك على رقبته
: جربي انتي وشوفي يمكن ينفع معك
رهف بصرخة خوف : يمه تخيلت الموقف يفجع
تركي متستغرب: اي موقف
رهف : اني اذبحك بالساطور
تركي بقهرر انه معطيهااا وجهه: صدق مخفه اقول انقلعي عني انتي وهالشكل اللي الواحد يقوم وتنسد نفسه لمااايناظرك
رهف مريت من عنده ابي اطلع : والله انك تموت فيه هالشكل بس مو محصلل لك وحسيت فيه يبي يمسكني ركضت على طول

تركي : هههه جبانه
رهف واناااواقفه عندالباب: اوف نسيت مااقولك غسان براا ينتظرك
تركي ببرود: سمعتتت جوري وهي تقول اللحين ادق عليه ها لعله ويالله روحي ابعدي هالقميص عليك لااااشوفك لابسته ذبحتك
رهف
طنشته ومشيت
دخلت الصاله شفت خالتي شفتهااا تناظرر قميصي بهدووء
وطنشت بعدهاااا نزلت عيونهاا للأرض
رهف : السلام عليكم
ام فيصل بهدوء: وعليكم السلام
رهف : كيفك اليوم
ام فيصل : نحمد الله يمه
جوري وهي من وراهاا: وانتي بهااالشكل اكيد امي مو بخيرررر
رهف ناظرتهااا نظره بحتقارر ومشيت بدلع واناارافعه قميصي
جوري بتريقه: وماشاءالله كمان تتدلعي هههههه والله لو تشوفي شكلك كيف فيه الله يسامحك ياسوسن
رهف
بعدهااا غسلت وغيررت لبسي وخليته على جنب عشان نروح ننام فيه في غرفة تركي فديته هالقميص هوو اللي خلى تركي يمسك مكانه سررر ايوه كذا ياحبي لك ي سوسن دايم اهل البيت هذا
يظلمك وانتي مايجي وراك إلا كل شيء زين يااام الزين كله وانااابوس القميص وبعدهاا فرشت السجاده وصليت الظهرر


&نـــونـي بنت الجنوب & ©؛°¨غرامي فضي¨°؛©

وبعدهاااا رتبت شكلي وطلعت الصاله عند خالتي والبنات
شفت في طريقى تركي وهوو يطلع من غرفته كان شعرة مبلل ولابس تيشرت وبنطلون جينزز وفي يده جواله ومحفظته
طنشته ومشيت سمعت تصفيره لي
بس اعطيته طافف ودخلت الصاله: السلام عليكم
اللكل رد السلام
رهف واناااجلس بجنب عنود وبصوت واطي اكلمهاا: غسان هنااا
عنود بحده: واناااا وش يهمني فيه وبعدين ليه تقولي
رهف وانااااالعب بحواحبي : ابيك تعرفي انه هناا فيهااا شيء
وقطع علينااا صوت تركي وهوو يسلم على خالتي
تركي : كيفك يمه
ام فيصل : الحمدلله حبيبي كيفك انتتت
وهي تشوفهه ليه وين رايح وباقي شوي وعنود تجهزز الغداء
تركي وهوو يعطي الجوال مشغول: يمه غسان اليوم عازمني في الاستراحه مسوي لي عزيمه البخيل مدري كيف طلع منه شيء الله يستررر لايكون ارجع لللغدى تبعكم ههههه
ام فيصل: ولد عيب عليك حد يعزمك وتقول عنه كذاااا
تركي وهو يسلم على راسهاا: امزح يمه هههههه بس والله يمه هوو يموت في الرياللل بس قبله ابوه بخيل لمين يطلع يعني شفتي كيف جمع ها الخيرر كله من بخله مايصرف شيء
ام فيصل : خلاص واستحى تقول عن رجال كبيرر قد ابوك بخيلل فاهم وهالخيرر اللي تقول عنده اكيد انه تعب عليه ومن حق له يحافظ عليه
تركي وهوو طالع: اوك ماراح عاد نقول شيء
وهوو يناظرر في عنودد غبيه هياا وش عليك لووافقتي عليه
شوفيه مسكين لسى ماتزوج عنده امل ويسكنك في قصرر ابوه يجننن ماشاءالله
جوري مستغربه: تصدق استغرب كيف ابوه غني وهوو من زمان في حارتناا معك ويدرس في نفس مدرستك وكمان وظيفته عسكري مفروض يريح نفسه ويجلس في بيته ولا في شركة ابوه
تركي : متواضع وكمان متربي في هالحاره عشان جدته كان ساكن عندهااقبل ماتموت ومايحب يعتمد على ابوه يبي يصرف من ماله هوو هذا الرجال بس فيه ناس ماتفهم واكرر لك انه عنده امل ياعنود فيك
عنود بقهرر: قوله يفقد الاملل
تركي بغموض: ان شاءالله خيرر
وناظرر رهف وانتي اكوي البدله بكرره دوام
وي ويلك تتطلعي حججج وطلع
عنود بقهرر بعد ماطلع: يمه وش قصده ان شاءالله خير
ام فيصل بهدوء: عادي مافيهااا شيء هالكلمه ان شاءالله خيرر في كل شيء
جوري بجديهه: والله حاسه ياااعنود انه ناوي عليك نيه قشره
هالمره الدور عليك ياقلبي
عنود بخوف : يمه من اللحين اقولك والله لو فيه راس ولدك شيء من اللحين خليه يهجد ترى خلاص صدق نفسه الللكلمه كلمته في هالبيت
ام فيصل بحده: اجل كلمة من ياعنود هذا اخوكم اللكبيرر
عنود وهي تقاطع امهااا: اخووي الكبيرر احمد الله يطول في عمره اللي ماعمره رفع صوته على وحده فيناااا ومتحرم اللكل حتى زوجته يعاملهاا احسن معامله ولا عمره قصرر في احدد
ام فيصل بقهرر منها: اللحين وش له هالظلم قولي وش قال لك
حرام عليك تحكي عنه كذا وهوو ماقال شيء يالله كلمه قالهاا واناااشوف مامنهاااشي وبعدين احمد اخوكم الكبيرر الله يطول في عمره في بيته ومشغول في عياله بس هذا عندكم في البيت ويعتبرر الكبيرر هناااا وغصب عنكم تحترمنه عشان يحترمكم وكمان وش شفل التفتن ذا ياعنود هاااا وش مايقصر مع زوجته حتى تركي يحب زوجته ومايقصر ان شاءالله معاهاااا
بس فيه شوية مشاكل وان شاء الله تعدي وهووو قدهااا اناااعارفته
رهف
لا لا تسالوني بعد كلام خالتي عضيت على شفايفي قهرر من كلامها ايش هوو قدهاااا وكمان يحبني روحي ياشيخه والله لولا حالتك ذي قدامي لكان سمعتك كم كلمه يحبهااا قلبك والله وعنود صادقه نظرته حتى اناااماريحتني لاني اعرف هالنظره زين مازين قال ايش ان شاءالله خيرررر وين يجي الخيرر وانتت موجود ................
عنود وهي معصبه: يالله رهف نحضرر الغداء اللي سد نفسنااا منه السيد تركي وطلع
ام فيصل : لا إله إلا الله نفسي اعرف وش قال حق ذا كله
عنود بقهرر: ماقال شيء خلاص
جوري وهي تتطلع وراهم وتدخل المطبخ وهي تتقرب من عنود
وبتريقة تسلم عليهاا:مبروك حبيبتي مقدما
عنود وهي تدفهاااا: انقلعي عن وجهي
رهف وهي تزيد عليهااا: ليه تنقلع وحنااا عارفين انك انتي منقلعه قريب من هالبيت ياقلبي والله اقولهااا لك اخوك ناوي شيء ولاتنسى الملعب كله في يده والله انه بيتحكم فيناا كلنااا وحده ورى الثانيه ومع كلام خالتي اللي من تووو عرفت وش مصيرنااا
وشكلناااااا بنمشي مثل ماهووو يحب اخوك بيعيد عصرر الجاهليه
شكلههه في هالبيت وقولي رهف ماقالت
جوري بخوف وغبااء: يعني بيدفناااا وحناا احياااء
عنود بصرخه وقهرر منهم: ياليت يدفنكم الثنتين ونرتاح
رهف وهي تسحب جوري معاهاااا : امشي نطلع البنت شكلهااا مولعه
عنود بقهر: انثبرن مكانكم وساعدوني
رهف وانااااسحب جوري معي قلت واناارافعه خشمي: لمااا تحترميناااا نفكرر نرجع نساعدك
جوري وهي تأكد كلامهااا: ايه اول احترمينااا
عنود وهي فاتحه عيونهههاا بقهرر منهم
رهف : امشي ياقلبي
جوري وهي تفكرر: ايش رايك نروح غرفة تركي
رهف واناااادف يدهااا بقوه: انقلعي وش ابي فيهاا مصدقت واناااطلع منهااا اقوم ادخل فيهاااوالللحين يكفي لماايجي الليل وقت النوم يطلع لي مية عفريت
جوري بقهرر منهاا: ياغبيه نروح ندور وش مخبي عنده من اسررار
رهف بببرود: وش بيكون عنده يعني
جوري وهي تسحبهاااا؛ : وش يدريك ايش عنده ولاتنسي مايخلي احد يدخل غرفته إلا امي بس وانااااذا سهرت عنده مايخليني اقوم من على لكرسي واذا وحده نظفتهاااا له فيناااا يجلس على راسهاااا
بالله هذا مايثيرر الشك
رهف بشك: والله انك صادقه اكيد عنده شيء وان شاء الله نحصل عاد شيء يسوى عشان نهدده فيه لو فرض عليناااا جبروته ونتغدى فيه قبل مايتعشى فينااااا وش رايك مخ صح
جوري بسخريه: اقول امشي بس يقال تهددد وتغغدى وتتعشى
اقول امشي يااام بطن ..............
انتهى البارت
استودعتكم الله
نوني


&نـــونـي بنت الجنوب & ©؛°¨غرامي فضي¨°؛©

يالله ان شاءالله تستمتعووا في البارت
ولاتحرموني ردودكم اللي تسعد قلبي كثيررر
لكم ودي
نوني


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1