&نـــونـي بنت الجنوب & ©؛°¨غرامي فضي¨°؛©

&البآرت العاشر &



رهف وهي تغير الموضوع // اقول ماعندي شيء ومدام انك صحيتي
تكفين سويلي فطور جيعانه واحس اني تعبانه مافيني حيل اقوم اسوي
عنود / خدامتك وأنا مدري قومي سوي لنفسك
رهف وهي ترمش بعيونها وبدلع // حرام عليك اقولك تعبانه وبعدين انا حبيبتك وبنت
عمك وبنتك كمان ودلوعتك وبدلع ماما انا جيعانه
عنود / / خلاص اللحين اسويلك فطور بس مو عشانك بس عشان انا جيعانه
وقامت عنود تحضر الفطور وانا جلست افكر صدق عنود راح تساعدني ضد اخوك
ظي كل مره ولا هذي المره فيها شرف والموضوع كبير
عنود وهي تحط الفطور ع الطاوله / /وهذا احلى فطور لرهوفه
رهف// احم احم اوف منك تخلي الواحد يعصب عليك وشوهله العناد
كان من بدري بدون مااظهر عليك شخصيتي بنات عم مغثه
عنود بقهر // اقولك مع نفسك يااام شخصيه ابلعي وانتي ساكته
احسن لا افصل عليك
جلسنا نضحك ونستهبل شوي ماحسينا إلا في خالتي واقفه ع الباب حق المطبخ
دخلت وهي ترد السلام بس والله شكلها كان مره حزين ومزاجهاا
معكر
عنود وهي ترحب //هلا هلا يمه حياك تعالي افطري معنا
رهف / / حياك خالتي تعالي ذوقي الفطور اللي انا سويته

ام فيصل / / لا لا عليكم بالعافيه والله مالي نفس
عنود برفعة حاجب / / ايوه ذوقي فطور رهف
وبمسخره ياحرام تعبت مره
رهف // ههههههههه لا عادي بالعافيه عليكم
ام فيصل / / اقولكم والله مالي نفس
عنود // اوك ع راحتك يمه
واكيد مزاجك صفر وحبيبك سافر
ام فيصل بحزن // والله البيت بدونه مو شي
عنود // الله يرده بالسلامه ويسهل طريقه ويصل ابها بحفظ وسلامه
ام فيصل / / ياليت يسمعك وانتي تدعي له
الله يهديك انتي وهو بس هواش
عنود / / والله يمه ولدك هو يحب المشاكل
ام فيصل // هو شويه عصبي بس انتي مفروض
ماتردي له في الحكي وش يصير لك لو احترمتيه شوي
عنود وهي تبرر لنفسها // يمه والله ولدك كلامه يرفع الضغط
بس هاالمره لعيونك ماراح ارد عليه وهذي بوسه لاحلى ام
بس لا تزعلي مني
ام فيصل / / الله يهديكم وبس قومي حضري اغراض الغداء ابوك
توه اتصل ويقول الغداء يبيه ع وحد ه يكون جاهز
جلست اشوف خالتي جالس كيف تبررر لولدها وتحاول تخلي
الكل غلطان
هل ياترا خالتي إذا دريت بفعلته اللي سوها معي بتقوم معي ولا ضدي

اوف لو قامت ضدي وانا ساكنه في بيتها اكيد ماراح اتحمل كرها لي يارب كن معي ومعيني
يالله مالي غيرك جلست احضر مع عنود اغراض الغداء
عنود // الله يازين امس كان مرتاحين
رهف / / ي الكسوله انا ابي اطبخ الغداء
عنود / / لا حياتي ابوي جالس يكرف في المزرعه ومشوار طويل ويجي يبي غداء سنع
رهف وهي مقهوره من عنود / مالت عليك طبخي احلى من طبخك
عنود وهي تدفها على خفيف // اقول روحي هناك بس قال اش
طبخك احسن روحسلكي لنفسك بعيد
رجعت ابي اضرب عنود لا هذي زودتها في الحكي // انقلعي
ام فيصل وهي تقاطعهم بصوت عالي // انقعلووو عن وجهي انتم الثنتين
ابو فيصل ماياكل إلا من يدي اجل استريحي انتي وهي
صراحه انكرشنا كلنا انا طلعت من المطبخ وقلت لابد اروح انكد على البنات شوي الله وناسه
دخلت الغرفه كانت بارده بزياده سحب المفرش على جوري// جوجو جوجو
جوري وهي معصبه //رهف ابعدي عني
رهف // لا لا حياتي يالله الغداء قريب ويكون جاهز
جوري// ماابي غدا بس انقلعي واطلعي من الغرفه
رهف / / نووو مستحيل اللحين عمي يزعلي مني
جوري بقهر // وانتي شكووو يزعل منك
رهف // حرام عليك جوجو اصحي تدري انا عمي

لازم الكل على السفر وقت الغداء وانتي كذا لو ماصحيتي تزعلي ابوك
يالله وش ذا العقوق وين بر الوالدين بس أستغفر الله بس
جوري وهي ترمي المخده عليها // كلي تبن ليه شايفاني عاقه
عشان تعطيني هذي المحاظره الطويلة
رهف بمسكنه //انا خايفه عليك ي قلبي
سماح / / اوف ايش هذا الإزعاج
رهف // اصحي بس يالبارده قومي الغداء قرب يجهز
اوف ترى كرهت نفسي من كثر ماااكرر هذي الجمله
جوري بتريقه// اعطيها محاضره عن العقوق
رهف بمسخره // لا حياتي مافي إلا انتي عاقه بس وطلعت اشرد قبل ماتمسكني
يالله وناسه ان اغلس على جوري نومها دخلت المطبخ وجلست احضر معاهم السلطات
وطلعنا كلنا نصلي ورجعنا حضرنا السفره إلا عمي دخل علينا وتغدينا بعدها عمي دخل ينام
على طول نطت سماح قريب من خالتي وهي تقول //يمه اليوم ابي اروح
المكتبة ابي اغراض للجامعة ضروري
ام فيصل // خلاص انا شوي وادق على اخوك احمد ويوديك
سماح //لا لا فيصل راح يودينا انا وسمر
جوري بلقافه // وانا كمان ابي اروح
ام فيصل بمسخره وهي تضربها على كتفها // وليه ياحسره
لا يكون انتي كمان تبي اغراض من المكتبة
عنود بتريقه //لا حرام يمه كذا تجرحيها

رهف // ههههههههههه اخخ ي جوجو صرتي مسخره
جوري وهي معصبه // والله لااروح غصب
ام فيصل وهي مقهوره منها // اقول انثبري مكانك لو انك درستي هذا الترم كان وش راح يحصل لك
أجل تحملي مافي احد ضربك على يدك وقالك انسحبي من الفصل الأول
عنود //اخخ يمه لا تذكريني كل مااذكر انها سحبت الفصل ودي اقوم اصفقها
جوري // مالكم شغل ابوي وافق وقال عادي اسحبي وادرسي الفصل الثاني
زي رهف وش عندكم انتم اوف بس تحبون تنكدون ع الواحد
رهف // يعني كذا السالفه كلها غيره مني ياخبله انا مو بكيفي قالووا زحمه قسم الرياضيات
عشان كذا اجلوني للفصل الثاني فهمتي وبعدين افتحي مخك انتي في قسم وانا وامل في قسم
انتي رافضه الرياضيات ودخلتي تخصص غير عني يعني مع احترامي الشديد
لك ان مخك هذا مركب شمال
جوري وهي معصبه من هذا الموضوع // خلاص مابي اروح بس قفلو الموضوع
خالتي طنشنا وراحت غرفتها واخنا طبعاً ام الاستهبال طلعنا قرون لجوري
سماح وهي ترجع تفتح سيرة الجامعه// الله ي جوري لو انك ماسحبتي
كان رحتي فليتيها معنا تعرفي كيف الروحه مع فصولي

جوري / لا وع و ش فلته مع الخروف ع قولة تركي حبيبي والله وحشني
امس زي هذا الوقت وحنا نطعس فديتك انتا ابو الفله من جد
سماح // والله تركي مزاج اذا كان معصب ياويلك حتى يسمع نفسك
واذا كان رايق مزحه ثقالة دم
جوري //اقول يالبارده مو كنك اليوم لسانك شوي طويل ترى عادك فيني
تقوم واعطيك اللي فيه خير واقدر عليه ويمكن يرجع لك برودك
رهف // ههههههههه رهيبه يرجع لك برودك
جوري بغرور // اعجبتك اكيد ماقول إلا شي رهيب
رهف // مع نفسك
سماح وهي تنط واقفه وبصوت عالي // بنات
كلنا انفجعنا نحسب فيه شيء وبصوت ؛ وأحد // ايييشششش
سماح وهي تدور حول نفسها // نحفت صح
جوري بغباء // خساره اللحين معاد جسمك زي عارضة الأزياء لما نحفتي
لو انك شوي متينه كان صرتي عارضة
اسعووو الدلخه هذي وش تقول لو انك متينه كان صرتي عارضة ياربي من متى
عارضة الأزياء متينه قلت لها بمسخره// انتي وين سامعه كلمة عارضة أزياء
جوري / لا في التي في قبل قبل يومين
رهف // وانا اقول البنت توها تسمع فيها عشان كذا ركبتها غلط

عنود // رهف كنك ماتعرفي جوري من يومها غبيه وتركب كل كلمه في محل غلط
جوري // اقول انتي وهي انثبرن مكانكن بس ولا تفتحن فمكن عليه اوك
عنود // لا من جد نصصح لك افهمي عارضة الأزياء تكون نحيفه وطويله
مو متينه على قولك خلاص دخلت المعلومة
رهف بتريقه //خلاص عنود اكيد تعبتي وهي ولا فاهمه شيء
انا من اليوم ورايح اخصص لك وقت عشان اجلس افهمك تركبي كل كلمه في محلها
بعد ها كل وحده راحت تصلي وبعدين خالتي دخلت علينا الغرفه وهي تقول لسماح
ابوك يقول اذا كان تبي تروحي عادي يوديك
سماح / / لا لا يمه فيصل قال نص ساعه واكون عند الباب
راحت سماح وطبعا جوجو تبي تموت قهر لان خالتي عيت تروح معاهم
شوي إلا جوال عنود يدق // الو هلا تهاني
عنود / / الحين نجي اوك اشوف رهف وجو جو
قفلت من عندها وتقول انا البيت فاضي عندها وتبينا نتسلى معاها شوي
رحنا كلنا عندها البيت وجاسنا في الصاله سواليف وفله
شوي إلا جوال تهاني يرن طنت جوري بلقافه تشوف// اوف
عمرك يتصل
تهاني بصدق // فديته انا اعطيني هو
طلعت تتكلم معه شوي ورجعت تبتسم ومبسوطه

جوري بلقافه / بالله انتم ماطفشتوو من بعض
تهاني برفعة حاجب // وليه نطفش من بعض بسم الله علينا
جوري // من زمان في وجهه بعض لكم عشرين سنه متزوجه اخوي
مسكين اخوي ماعاش المراهقه تمام اتوقع ضرس العقل طلع وهو متزوجك
مدري وش كان ابوي يحس فيه يوم يزوجه وهو لسى دوبه كمل ثنوي
تهاني // الله واكبر عليك خمسه وخميسه في عينك
بسم الله عليه انا ورجلي وبعدين وش دخلك في ضرس العقل حقه
جوري //لا بس حابه اعرف هو طلع له وهو متزوجك
جلسنا نضحك عليهم إذن المغرب رجعنا البيت


انتهى
اللهم صل وسلم على نبينا محمد



روعة غلا ©؛°¨غرامي نشيط¨°؛©

بااااااااااااارت راااااااااااااااااائع
لا تعتمدي على الحوار وكثري السرد والوصف
كملللللللللللللي

&نـــونـي بنت الجنوب & ©؛°¨غرامي فضي¨°؛©

المشاركة الأساسية كتبها روعة غلا اقتباس :
بااااااااااااارت راااااااااااااااااائع
لا تعتمدي على الحوار وكثري السرد والوصف
كملللللللللللللي
ان شاءالله وشكراً على مرورك

&نـــونـي بنت الجنوب & ©؛°¨غرامي فضي¨°؛©



{[ اللهم لكـ الحمد والشكر كما ينبغي لجلال وجهكـ وعظيم سلطانكـ ]}-
البارت الحادي عشر

،،
،،
،،
،،
،،
اللهم صل وسلم على نبينا محمد
جلست اصيح منهاره وش ينفع مع هذا المجنون جلست مدري كم
من الوقت في الحمام وانا اصيح نبهني صوت اذان الفجر
توضيت وطلعت فرشت السجادة وقعدت اصلي واستغفر الله
وجلست اكررر يالله اني وكلتك امري فكن لي خير وكيل
بعدها انسدحت على فرشي ونمت من التعب والصياح
فتحت عيوني وشفت الغرفه فاضيه سحبت جوالي
اشوف الساعة إلا هي سته ونص يالله كل هذا نوم
غريبه البنات مافي احد منهم صحاني وقمت ع طول
فتحت الدولاب اخذت لي ملابس واخذت المنشفه
ودخلت الحمام الله يكرمكم واخذت شور حسيت
بشوية راحه بعد الشور نشفت جسمي وشعري
ولبست وطلعت فرشت وصليت اللي فاتني
يارب تغفرلي كم فرض راح علي بعدها جلست
اسرح شعري ولفيته كله على فوق وطلعت
جهة الصاله إلا اسمع صوت البنات عند التي في
ومسوين قهوه وحلى

رهف // مو كذا النذاله
عنود // اول ردي السلام
جوري // والله حياتي صحيت فيك لما طفشت
حتى توقعتك ميته
رهف // واذا كان ميته عادي تجلسي تتقهوي
عنود // ههههههه خبله من يومها تعالي بس تقهوي وخلي
عنك الهذره الزياده وهذا احلى فنجان قهوه لرهوفه
رهف بمسخر // اللحين تعالي بعد ايش
سماح // اهم شي انك لحقتي
رهف // تصدقين سماح أمنيتي في هذي الدنيا ايش
سماح ببرود // ايش لا يكون ودك تقومي تضمني ترى معليش مااحب هذي الحركات
والدلع اللي تسويه مع عنود
رهف وهي مقهوره منها // لا ودي اقوم اصفقك ولااحد يقدر يفككك من يدي
جوري بضحكه // هههههههه شوفي شكلك اول بعدين صفقي سماح
بس ماعليك انا ابي افزع معك واصفقها
رهف بعصبيه // انتي مالك شغل في شكلي
جوري // هذا رد المعروف اني بقوم اصفقها معك
رهف // محد طلب منك مساعده
جوري // اوك ع راحتك بس انا شفقت عليك لان سماح راح تمردغك
ماشاءالله عليها طول وجسم انتي وش هو معاها زي طول صبعي
الصغيرر

عنود وهي تضرب سماح ع كتفها // ياالبارده الكلام عنك وهم واصلين حريقه وانتي ساكته
سماح ببرود // طنشيهم ماعليك منهم وبعدين انا مااحب انزل نفسي لهم
جوري // اخس وش هوله شوفة النفس هذي
سماح // مو شوفة نفس بالعكس تبكيرر عقل لانكم معليش على هذي الكلمه مخفه
رهف // لا حياتي عادي خذي راحتك وهي تناظر في جوري
عادك قد كلمتك تساعدني فيها
جور بفزعه // افااا والله انا اللي اساعد
عنود بعصبيه منهم // خلاص انتي وهي صكيتوو راسي وانتي خذي فنجالك
واسكتي قايمه بالشياطين معك
جوري // ههههههههه احسن اعطيها كمان
عنود // وانتي كمان انطمي حاشره نفسك في كل شي
وطبعاً شي اكيد مدام دخلتي في السالفه اكيد تصير هوشه
رهف // اقول جوري مو كن اليوم عنود ودها تصير شخصيه ع حسابنا
جوري // حرام خليها تفرح اليوم ونحققق لها انها شخصيه بس يوم مو دوم
عنود // غصب عنكن شخصيه ولا اسمع حس وبعدين ست رهف بدل الهذره
روحي المطبخ وكلي لك شيء عزلتلك شوي من الغداء
رهف وهي تدلع ع عنود // ماابي ليه ماقومتيني من النوم وكنت
اكلت معكم

عنود // والله قومتك بس انتي مو معنا مره وقال ابوي خلاص يمكن تعبانه خلوها تنام
رهف // خلتص هذي المره سماح بس لا تبكي خلاص ياقلبي سامحتك
عنود وهي تدفها // كلي هواااا ابعدي عني اقال ايش سامحتك
والله انتي مفروض احد يلطشك عشان تسيبي الدلع اللي فيك
سماح وجوري بصوت واحد// الله اخيرآ شفنا عنود قلبت على رهف
يالله مو مصدقين
جوري وهي تزيد عشان تقهر رهف // الله لو صدق عنود تقوم وتعطيها هذاك الكف
سماح // ههههههه ياليت
عنود ع طول قامت عشان تقهرهم المطبخ وجابت الغداء لرهف // بالعافيه حبيبتي
واحسن شيء انك طنشتيهم
رهف بدلع // بعد ايش بعد ماضحكتيهم عليه
عنود وهي تقرب من خدها // وهذي بوسه بس لاتزعلي وماعليك
في العذال
رهف وهي تبي تقهرهم زود وبدلع // تيب
جوري // وع وش ذي تيب
عنود // خلاص انتي اسكتي خليها تأكل
سماح بمصخره // ياحرام نونو
بعدها دخلت علينا خالتي وهي تقول بنات
الللحين دقت عليه ام محمد تقول بكره عندها ملكه

جوري // ملكة مين
ام فيصل // بنتها
جوري // مين فيهم
ام فيصل // الكبيره
جوري // يالله اللكل تزوج مافي إلا انا جالسه مع هذولا العوانس
سماح // كلي تبن وشو عوانس لسى صغار بعدين وش هوله مستعجله على العرس
عنود // من جد جوري ايش تبي في العرس شوفي انا اكبر منك ماقلت ابي اعرس
جوري // خبلات من يومكن العرس ستر صح يمه
ام فيصل وهي مقهوره من جوري // والله انتي مافيك حيا
جوري // يمه وش فيها ابي بس اطمن على نفسي
عنود بمسخر // اللحين يقالك تبي تطمني
جوري // ايه ابي اطمن بعدين انتي واثقه انك راح تتزوجي
عنود // بالله صدق واثقه
جوري // ايوه واثقه ولا نسيتي زميل اخوي تركي مو خطبك
عنود // بس انا ماوافقت
ام فيصل وهي ودها عنود توافق // من جد يمه ليه ماتوافقي
عنود // يمه والله ماابي اتزوج
ام فيصل // وليه طيب
عنود // كذا يمه
جوري // خبله وهو كمان الغبي ماقال اخطب اختها الصغيره اللي احلا منها
لا جاي يخطب مرتين وهو يدري انه مرفوض وإلا اقول الحمدلله
انا ماابي
واحد غبي نقوله البنت ماتبي تزوج يجلس شهر ويرجع يخطب
سماح // والله ماغبي غيرك
جوري بغباء // لايكون انتي تبيه وعشان كذا جالسه تحامي عنه
وانا اقول وش هوله عنود رفضته عشان ماتكسر خاطرك
ام فيصل هي ترميها بالريموت // اقول انطمي قبل مااقوم انا واكسر راسك
وش هذا الكلام والله ابوك لو يسمعك تعرفي انتي وش راح يصير فيك
عنود وهي مقهوره من جوري لا تفتح سالفة زميل تركي// والله يمه من جد
جوري تبي لها احد يربيها
ام فيصل // والله ياليت تركي هنا والله ماتفتح فمها
جوري / بسم الله عليه وش فيكم اكلتوني كنت امزح بس وش فيكم قلبتووو السالفه جد
رهف في نفسهااا تستاهلين ياجوري صراحه زودتها في الحكي وبعدين احسن
وعنود رفضت زميل تركي لانه مدام انه صاحبه فااكيد مثله ماعنده ضمير
وبعدين صدقت جوري انه غبي وحده رفضته يقوم يرجع يخطبها مره ثانيه
حنا يوم اجااا مره ثانيه توقعنا انه يبي سماح ولانه حاب تركي ويبي يناسبه
بس انصدمنا مره ثانيه يوم عمي اجااا وكلم عنود مره ثانيه انه خطبها
بس عنود ع طول رفضت وقالت ماابيه قولوا له لعاد يجي
ويخطب
طبعاً يومها قامت الحرب العالمية بين عنود وتركي وجلس
ش هوله ترفضه وهو لو مايبيها كان ماخطب مرتين اعرفه خوي
عزيز نفس بس انه حاب يناسبنا وطبعاً عمي تدخل وانهى الموضوع
وقال خلاص كل شيء قسمه ونصيب وبعدها راح تركي ابها وتسكرت السالفه
واليوم الخبله جوري فتحتها من جديد
ام فيصل وهي تغير السالفه // اللحين مين تبي تروح معي بكره
جوري // انا اكيد اول وحده
سماح // وانا كمان
جوري // وذي تجي انا اروح وانتي لا مالت عليك بس ياحبك لللتقليد
عنود // قولووا ان شاءالله
جوري وسماح بصوت واحد // ان شاءالله
ام فيصل // وانتي يارهف ايش فيك ساكته
طالعت عنود وهزيت راسي بدون صوت

عنود // خلاص يمه خليها ع راحتها وانا ابي اجلس معاها

جوري // ايوه احسن رهف لا تروحي
رهف // ليه اروح اجلس على راسك
جوري // لا بس نبي نشوف نصيبنا وانتي تروحي تصكي علينا
سماح // يالله رجعت لنفس السالفه
عنود بقهر منها وبحده// انتي وش عند ع الزواج هاااااا انطقي
جوري // لا من جد تروح معنا هذي الخبله تخرب علينا ونفسي اعرف وش عاجبهم فيها
سماح وهي تقهرها زود // عشان عيونها ملونه
جوري // وع من زين عيونها حتى في الظلام تخوف
انا دايم افتح ستارة الغرفه عشان يدخل منها نور اخاف اقوم وهي مفتحه عيونها
وانفزع وبعدها تجيني خرعه ومعاد اقدر اتزوج ولااحد يقول عني مشفوحه ع الزواج
رهف // أجل كذا السالفه تخافي من عيوني هاااا وعشان كذا تفتحي الستاره
عنود // خليك منها هذي كذا تهذر وهي تخوف بلد
رهف // اوك وانا راح ار ح الملكة بس كذا قهر فيك واصك عليك وانتي تروح عليك فرصة الزواج
سماح // هههههههههه حرام
عنود // هههههههه احسن عشان تعرف ثاني مره تتكلم
جوري // ماعليه فيكم وانتي خليك عند كلمتك انك ماتبي تروحي ولا السالفه عناد
رهف // ايوه عناد وعشان ثاني مره تعرفي تكلمي عمتك رهف قال ايش تخاف من عيوني
روحي بس والله ودك في لون عيوني

بعدها كملنا السهر اللي مع جوري وطبعاً مع كلامها اللي يغث
وبعدها نمنا بس انا نمت ساعه وصحيت سحبت جوالي فتحت الواتس
وعلى طول ع رقمه فتحت الحظر وارسلت له لاني ماابي اسمع صوته اللي يغث
هااا متى راح تجي ارسل على طول = ماراح اجي
ارسلت له = اوك راح اقول لعمي وبس لانك مو مقدر المصيبه إلا حنا فيها
ارسل == اوك سوي اللي تبين قولي لعمك قولي لااهل البيت كلهم انا زواج ماراح اتزوجك
افهمي وخاي عندك كرامه
ع طول رميت الجوال وندمت اني ارسلت لها بس ايش اسوي شي غصب عني والله
هذي فضيحه مو لي بس للعايله كلها ليه مايفكر وانا والله جالسه احاول فيه عشان
ماعندي القدره عشان اقول لعمي عمي يخوف اذا عصب والسالفه فيها تركي
واكيد راح تحصل مشاكل وحرب نفسي هوو يجي ويخطبني عشان اقدر اكفى المشاكل
وكمان استر نفسي اخخخخ ي دنيا ليه كذا تسوي فيني اجيك يمين تجيني شمال
جلست استغفر الله واتعوذ من الشيطان لاني لو جلست افكر زياده والله راح انهبل
وبعدها رجعت نمت
اليوم الثاني جلست اشوف البنات وهم يتجهزن وجوري مشطته من جدها ذي
مصدقه حالها انها اليوم راح تنخطب صدق هذي البنت يبي لها حل
رهف بتريقه// ماشاءالله اللحين واثقه انك راح تنخطبي
جوري // ايوم مدام انتي منثبره في البيت وماتغلسي عليه
رهف // حياتي اثرك من زمان تعاني من روحتي معك
جوري بحزن مصطنع // ايوه من زمان بس القهر وين
انهم لما يجووو ويكلمووو امي عشانك تقول لهم مخطوبه وطبعاً هم ينصدموو
وخلاص معاد نشوفهم
رهف بمصخره // لالا صراحه مالهم حق مفروض يرجعووو ا يخطبونك
عنود بتريقه// مفروض بس وش نقول
سماح // اكيد فيه شيء إلا جوري ماشاءالله عليها زي القمر
جوري بعصبيه // انقلعوووا انتي وهي وانتي كمان قمر وغصب عنك
وتكفيني كملي بس شعري واني ساكته لان اول ماتتكلمي بطني يقلب علي
سماح وهي ترمي الفرشه // شوفي مين يكملك اجل
جوري بقهر // حرام عليك سماح والله تكملي غصب
سماح // يالله اشوف كيف تغصبيني
رهف // لا لا سماح حرام عليك كملي لها
جوري // انتي ي السوسه مالك دخل كان مكملين حلوين اللين
ماتدخلتي
وانتي والله لو ماتكملي شعري لا اقول لاامي اللحين
رهف بقهر // اجل والله تكملي لها ياسماح انك بقره بعد هالتحكم كله
سماح // خليها ماراح اكملها اللحين حتى لوقالت لاابوي مو امي بس
عنود // احسن عشان ثاني مره ماترفعي صوتك
جوري وهي تبي تبكي // حرام عليكم
رهف // اجل اول شيء اعتذري مني وانا احاول اقنع سماح
سماح // اقول انتي كمان مين كذب عليك وقال راح اسمع كلامك
عنود بطفش // خلاص سماح كملي لها
قبل امي ماتجي والله كلكم الثنتين ماترحون
سماح / والله مالمس شي فيها واحسن مولازم الروحه
عنود وهي تقوم تمسك الفرشه وتكمل لها // خلاص انا اسويلك هوو
جوري وفي عيونها دموع // ماراح تعرفي تلفي شعري زيها
عنود // اقول احمدي ربك وان شاءالله احاول اعرف
رهف // ههههههه حظك دايم مو حلووو اللحين كيف يتفرجون فيك شوفي
انا جلست مارحت عشان ماخرب عليك بس شعرك خرب عليك من اللحين
اقولك هارد لك حياتي هههههه
جوري ودموعها تنزل // انقلعي اطلعي خليني اكمل مالت عليك من بنت عم شريره
رهف // ايوه شريره طالعه عليك حياتي وانا اعتبر كمات تلميذه
عندك
عنود بحزن على جوري // خلاص رهف ارحميها واسكتي
رهف وهي تقفل على فمها // وهذي سكته ويالله نشوف كيف تطلع السندريلا جوري

بعدها الكل راح قربت مني عنود وسألت بقلق
: رهف حلفت تخبريني وش مخبيه

نزلت دموعي وبسرعه دخلت راسي بحضنها وصحت وصحت وانا كاره نفسي وكاره كل شي
تركي حطمني قتل كل شي فيني ذبحني وقهرني الكلب الله ياخذ حقي منه حسيتها وهي تمسك وجهي وتهمس :حبيبتي عمري ياروحي قولي وش فيك
صحت منهاره وصرخت :تدرين وش فيني أخوك تعرض لي

عنود صرخت : ايششش وشلون وكيف

رهف : مدري بس دخل وأنا بغرفته رسلتني خالتي
وبعدها تلفظ علي واغمى عليه ومن يومها بموت مدري ايش صار فيني
بس سكتووو من صراخ الي وراهم : ايشششششش


روعة غلا ©؛°¨غرامي نشيط¨°؛©

بااااااااااارت جميييييييييل
كملللللللللللللي

&نـــونـي بنت الجنوب & ©؛°¨غرامي فضي¨°؛©

المشاركة الأساسية كتبها روعة غلا اقتباس :
بااااااااااارت جميييييييييل
كملللللللللللللي
تواجدك في روايتي هو الاجمل

&نـــونـي بنت الجنوب & ©؛°¨غرامي فضي¨°؛©

البارت الثاني عشر
قرب منها وضربها بقوه على وجهااااا وهو يصرخ
: ايشش صار بينكم


رهف خلاص حست بروحها تنسحب منها وهي تسمع السب والدعاء والظلم الي تعرض له من عمها ماهي ناقصه هي ماتدري ايش صار وعايشه بوهم وشلون تفهمه انه اغمى عليها من وقت ماشافت وجهه بالغرفه

طالعت عنود وهي تحاول تفكني من عمي وتصرخ اني مظلومه

بسرعه طلع جواله ودق بس مافي مارد عليه لانه نزله وهو يسب وكلها ثواني ودق على خالتي وفعلاً رجعت من المناسبه وهي مفزوعه كنت اسمع صراخه وتهديده وهو يقول فضيحتي بس الدنيا سودت بوجهي يوم قالت

ام فيصل // كيف اتصل عليه اقوله تعال وهو مظلوم
سماح // يمه والله رهف اللي مظلومه وانا دايم اشوف تركي يتعرض لرهف
ام فيصل // كلكم مافيكم خير ضد اخوكم
ابو فيصل // اقول بلى كثرة حكي خذي جوالك ودقي على تركي
وقولي له اقسم بالله لو بكره مايكون موجود اني لا افرغ المسدس في راسه وراسها
عنود / يبه خلاص اهدى انتبه على صحتك ونا اللحين ادق عليه ولا يهمك
ابو فيصل // لا امك تدق وتقوله وعشان تعرف هي مين تركي اللي دايم حنا
غلطانين وضده الله لا يبارك فيه من ولد ياليته هو اللي مات مو فيصل
ام فيصل وهي منهاره// حرام عليك تدعي كذا عليه
ابو فيصل بتعب // والله الحرام اللي سواه ولدك فينا الله ياخذه ولدك تعرض لشرفي وشرفه قبل
عنود سرعه دقي عليه واعطي امك تكلمه
عنود وهي تسحب الجوال // اوك اللحين ادق عليه
وهي تعطي امها الجوال خذي يمه
ام فيصل وهي تسمعه يرن //هلا يمه
ابو فيصل افتحي سبيكر خليني اسمع ايش يقول
ام فيصل وهي تفتح السبيكر // الوو يمه تسمعني تعالي وابيك ضروري تنزل الرياض
تركي // ايش يمه
ام فيصل // اللي سمعته انزل ضروري
تركي //عسى ماشر ايش فيه
ابو فيصل بعصبيه // إلا الشر بعينه ياكلب اقسم بالله لو ماتنزل
لا تشوف شي عمرك ماشفته يانجس
تركي // خير يبه ايش فيه
ابوفيصل // اقول بلا استغباء انت عارف ايش المصيبه اللي صارت وانت السبب فيها
تركي // طيب يبه ابي افهم انت داق عليه ومعصب مدري علي ايش
ابو فيصل / اقسم بالله ان موتك مايكفيني على اللي سويته
تركي // ماذكر اني سويت شيء
ابو فيصل بقهر// مره ماتذكر ايش سويت اوك انزل وانا اذكرك ايش سويت
تركي // مو نازل حتى اعرف
ابو فيصل // لا بتنزل ياكلب وغصب عنك فاهم وبعدين مالقيت إلا شرف عمك تلعب فيه
تركي // اي شرف تتكلم عنه وانا مالعبت في شرف احد وبنت اخوك لا ترمي بلاها علي
ابو فيصل بصرخه// خليني بكره اقوم وانت مو هنا وقفل الجوال في وجهه
بنات أخذوا الكلبه هذي من وجهي قبل مااقوم اخص عليها
عنود وهي تمسك مع جوري عشان يوقفون رهف// ان شاءالله يبه
يالله رهف حبيبتي قومي
مسكت في يد عنود وانا احس جسمي كله مخدر من الضرب والإهانة اللي تعرضت لها
من عمي وخالتي سحبت رجولي سحب يارب كون معي يارب انا مظلومه
انسدحت على السرير وانا خلاص ابي اموت وبس ماابي شيء من هذي الدنيا
ابي اللحق على امي وابوي لاني اتعذب من بعدهم من التعب ماحسيت في نفسي
فتحت عيوني على صوت عنود // رهف حياتي انتي بخير
رهف وهي مو قادره تتكلم // لا مو بخير مدام اخوك موجود في هذي الدنيا
عنود وهي حزينه عليها// خلاص حبيبتي اللحين ابوي كلمه ويقول ان شاءالله في الليل يكون هنا
رهف وهي تبكي // ايش راح يسوي يعني اذا اجى مو كل شي انفضح
عنود وهي تضمها // على الأقل يصلح غلطته ويعرف وشلون الكلب يتعرض لبنات الناس
رهف // الله لا يسامحه عذبني في حياتي
نفسي اعرف ايش استفاد اللحين بس فضحني
وخلى عمي يزعل مني ويبي يطردني من بيته
عنود وهي تهدي فيها // خلاص حياتي وابوي مستحيل يطردك بس قال كذا لانه معصب
بس يهدا وهو بنفسه يجي ويعتذر منك انا اعرفه ابوي مستحيل يقسى عليك
يحبك اكثر منا وراح يوقف معك ضد تركي امااا امي فااقولك معليش توقعي
منها اي شيء عشان تركي
رهف // خلاص كل شي انكشف اللحين وماراح اتوقع شيء
بس كان ودي عمي مايظلمني ويفهم مني وش ابي اقول
عنود وهي تقاطعها // ابوي كان مصدوم ومعصب مايدري وش يقول
استودعتكم الله


روعة غلا ©؛°¨غرامي نشيط¨°؛©

باااااااااااااااررت رااااااااائع
كملللللللللللللللللي

&نـــونـي بنت الجنوب & ©؛°¨غرامي فضي¨°؛©

المشاركة الأساسية كتبها روعة غلا اقتباس :
باااااااااااااااررت رااااااااائع
كملللللللللللللللللي
شاكره لك متابعتك لروايتي

&نـــونـي بنت الجنوب & ©؛°¨غرامي فضي¨°؛©

معليش على الأخطاء في الإملاء والله من الجوال يحذف حرف ويضيف حرف

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1