&نـــونـي بنت الجنوب & ©؛°¨غرامي فضي¨°؛©

رهف
يعني في الغرفه تمام شكل جوري خافت من خالتي لو جابتهاا هنا في المطبخ بعد الغداء كلنا نظفناا المطبخ والبيت كله
بعدهاا دخلناا غرفتناا
رهف وهي تركض لسريرهااوتجلس عليه: الله وحشني وتسحب المخده وتبوسهاا
عنود بقهر منها: بنت نسيتي انك حامل انتي وهالركض حرام عليك انتبهي ترى مو كل مره راح تسلمي
رهف بهدوء: تصدقووا ي بنات بعض مرات انسى اني حامل
بس يذكرني بالحركة اللي احس فيهاا من فتره لفتره
جوري وهي تناظر بطنهاا: تصدقي اشك انك حامل والله مدري ليه
عنود : المهم رهف مدام اللحين كلن دري قولي لتركي يروح فيك المستشفى عشان تتابع معك وتشوف كيف وضعه وكذا
رهف : يصيرر خيرر
جوري : من غير ي عنود امي مو كلمته امس وحناا في غرفتهاا وقالت له روح فيهاا وشوفي يوم جلس معصب ليه مادري لايكون نسيتي ياعنود وهي تناظر رهف يوم جلس يسب في رهف ومعصب عليهاا اوف لايكون ناسيه ياعنود حتى اذكري يوم قال عنهاا
عنود بقهر منها وهي تقاطعها ا: خلاص تذكرت لزوم الفضايح كلهاا تقوليها
رهف بقهرر: فين في غرفة خالتي وقت ماعصب على سماح ااه ياالنذل وش قال بالله عني قولي والله اطلع اي كلمه قالها من عيونه اليوم
جوري : سوري رهف اناامااحب الفتنه اسالي عنود دايم هذا
طبعهااا نقلة الحكي وهي تناظر عنود طبع خايس ياعنود لزوم تغيريه
عنود بقهرر : والله الطبع الخايس فيك
رهف بصرخه: بسرعه جوري وش قال خليني لمايجي احوسه
جوري بلعانه: اقول رهف ماتلاحظي هالايام انك صرتي تهايطي كثيرر
عنود بصرخه: تكفون لا تبدن ترى والله هذا مقفل وبعدين ليه انتم كذا ماتحسن في احد
جوري بسرعه قامت ورفعت المخده وطلعت الصوره: سكري عيونك عنود جاا وقت المفاجأة
رهف واناااقوم اوقف قريب منهاا وانا متحمسه: ايه ايه بسرعه عنود فديت قلبك
عنود بشك : خبله اناااسكر عيوني واسلم نفسي لكم قولوو وش عندكن بسرعه فيني نوم
جوري : اقول سكري عيونك واناااشهد بعد ماتشوفي المفاجأة النوم بيطيرر شهرر
عنود بخوف : يمه وش معكن
رهف وهي تبي تقفل عيونهاا بيدهاا
عنود بعصبيه: رهف انقلعي مااابي قفل عيوني وفارقووا عني يالله
جوري : اجل اوك وهي تقرب الصوره من عنود
عنود بفضول بتعرف مين سحبت الصوره منهاا : هاتي اشوف مين ذا ناظرت زين شافته وعلى طول رمت الصوره في الأرض
وبعصبيه صدق قليلات حيا وماتربيتن طيب خلووا تركي يجي وهوو مستحيل راح يرضى ان زوجته واخته ياخذون صورة رجال غريب عنهن ويجلسن يناظرن فيه طيب يالحقيرات إلا
مافيكن حيااا
جوري وهي تناظر رهف: لايكون تغار عليه
رهف : شكلهااا
عنود بصرخه ارعبتهم الثنتين: غبيااات وش أغار عليه بس انا مقهوره مايجوز الللي تسوونه بس
جوري بخبث: طيب بالله ايش رايك فيه مو حلوووو
رهف بتريقه: لسى تسالي يا جوري شوفي كيف حالة البنت
اقولك خذي بس الصوره من الارض عشان ماتغافلنا وتترجع تخبيهاا في في صدرهاا وتجلس الليل كله وهي تناظر صورته وتدعي يارب ترجع تخطبني من ثاني
جوري بتريقه: هههه والله صادقه يمكن تسويهاا بس انااطمنك يااعنوده ياحلوو بيرجع يخطبك يعني وفري وقتك وانتي تدعي لنفسك ادعي لي اناا
عنود بقهر منهن: طيب اوك ومشت ناحية الباب وقفلت الباب بالمفتاح
جوري ورهف مفهين فيهااا وش بتسوي ذي
عنود على طول مشت ناحية سلك الشاحن وسحبته
وهي تلفه في يدهاا
رهف بصرخه: هيي وش بتسوي
عنود : سلامتك بس ابي اذوقكم بهذا شوي وهي ترفعه
جوري بخوف : ياويلك تقربي وهي تتطلع على السريرر وتسحب المخده
رهف بصرخه: بنت نسيتي اني حامل والله لوو يصير فيني شيء ياويلك ترى
عنود : ماصار فيه شيء من قبل وانتي بس تنطي وتشردي دوم مااشوف شي حصل لك بيحصل من هذا وهي ترفع السلللك
رهف : يمكن من الخوف ينزل
عنود : طيب اوك اجل انقلعي برا وخليني مع ذي دايم اقول لهاا لاتفتحي هالسالفه مره ثانيه بس ماتفهم لا وصارت تجيب صورر
ليه حنا وين
رهف : لا لا هي قصدهاا شريف فاهمه ودها من اول تشتغل خطابه وكان بس تبي تستفتح فيك عشان البركه
جوري بخوف: ايه ايه كلامهاا صح
عنود بسخريه: خطابه اقول رهف براا وخليني مع ذي ال....... وانتي يارهف بس عشان خايفه ابلي نفسي فيك لكن لك طريقه ثانيه ان شاءالله اعرف اربيك فيهاا
رهف واناااجلس على السرير باحترام: خلاص مابي اطلع ابي اجلس هنا وكملت بنذاله ولا راح افتح فمي صراحه جوري تستاهل
جوري بصرخه : اااه يالنذله وماكملت كلامهاا ماحست إلا بسلك الشاحن على جسمهاا وهي تصرخ بقوه يمه اللحقي علي وتبكي من قلبهاا
رهف : اخخخخ ياعنود خلاص يكفي
عنود بقهر: انتي انكتمي لا اسمع لك حس
رهف : خساره ياجوري ودي اساعدك بس مافيني اختك حدهااا معصبه يالله تحملي الله يعينك وانااشوفهاا تنضرب قدامي وتسحب في المخدات والمفرش واشوف عنود وهي تحاول تبعد المخده عشان تجي الضربه فيهاا وانا من الحماس كنت منتبههه من جد وبصرخه من غيرر مااحس بنفسي : بسرعه عنود فرصتك المخده وقعت منهااا
جوري وهي تبكي : اااه يالخاينهه كمان تقولي لهاا
عنود : وهي ترمي السلك بعصبيه وتعب: يالله ان شاءالله تتربي
هالمره
وكملت بصرخه اقسم بالله ياجوري هذي المره اوديك عند تركي وهو يعرف يتفاهم معك عاد تعرفيه وهو والتفاهم تبعه وناظرت رهف وانتي كمان الكلام موجههه لك الله ياخذكن الثنتين ساحبين صورة الرجال باي حق وطلعت قفلت الباب بقوه من وراهاا
جوري وهي تبكي وتناظر يدهاا: شوفي الزفته وش سوت فيني الله ياخذك ياغسان ياعديم الكرامه
رهف وانا ارفع يدي لفوق: يارب والله هوو غلطان تسبب في اللي حنا فيه تعالي ياقلبي اشوف يدك صراحه عنود هذي صارت متوحشه
جوري بصرخه: انقلعي يازفته ياخاينه وهي ترمي عليهاا المخده
رهف على طول شردت على غرفة تركي
واناااضحك هههههه مسكينه جوري اكلتهااا لحالهاا وحطيت يدي على بطني فديتك ياروح امك شفت كيف وجودك في بطني حمايه لي وان شاء الله كمان لمااتطلع للدنياا تكون سند لي وحامي لي
ياربي ناظرت الغرفه حسيت بطفش اوف لوو اني ماعصبت جوري كان جلست معاهاا اللحين اكيد جالسه تبكي وعنود عند خالتي سمعت صوت اذان المغرب قمت توضيت وصليت
وجلست اذكرر اذكار المساء واستغفررر
بعدهاا اخذت السجاده والجلال رجعتهاا مكانها
وقفت عند التسريحه سحبت المشط وسرحت شعري فيه وبعدهاا سحبت عطر من عطور تركي ورفته اشم ريحته هذا عطره المفضل دايم فيه رجعته وسحبت واحد ثاني كان اهداا من الاول
رشيت منه على يدي شوي ورشيت على بلوزتي صراحه ريحته اعجبني على انه رجالي وضحكت بمصخره من اصله وش فرقت
صارت العطور الرجاليه والنسائي كلهاا مثل بعض
شفت التي في مقفل رحت شغلته خليني اتسلى شوي وكمان جوالي في المطبخ من العصر وخايفه اطلع واشوف جوري وتعصب علي خليني انثبرر مكاني احسن واجلس على التلفاز ذا جلست اقلب واقلب لماا رسيت على مسلسل حلوو جلست اتابع بعدها سمعت صوت اذان العشاء قمت وصليت ورجعت مكاني حسيت بجوع شوي رحت جهة الثلاجه الللي في الزاوية صغيره مره في حجمهااا فتحتهااا وكان فيهاا عصيرر ومويا وجالكسي وبونتي
احلى ياتركي مونس نفسه سحبت جالكسي واخذت عصيرر
صح ماتجي بس وش نسوي الجوع ذابحني هذي المره اسوي لي ترمس قهوه وادخلهاا معي هالغرفه مدام هذي سواليف تركي جالكسي وحركات جلست اكل واتفرج سمعت فتحت الباب
ودخل السيد تركي هلا والله شرفت اجل الله يعني على المغثه ناظرت وجههه شفته شكله رايق وشوفووا القرف يعلك علكه في فمه وع اكره الرجل عندي اللي اشوفه قدامي يعلك
تركي وهو يجلس مقابلهاا على السريربروق: السلام
رهف بهدوء: وعليكم السلام ابعد شوي كذا خلني اتفرج
تركي بهدوء: اللحين انتي يقال متابعه
رهف بطفش: اجل ايش كذا مفهيه فيه يعني
تركي : كيف يومك ياحلوه يقولها وهو يعلك بطريقه تستفز
رهف بقهر منه: ارقص من وقت ماطلعت هاا يادوب جلست
تركي بقهرر : لا تعرفي تنكتي
رهف : مدري عنك وش تبيني اقول
تركي بنرفزه :عادي قولي كنت مبسوطه كنت بخيرر كنت ان شاءالله عله بس اهم شيء في ردود كثيرر غيرر الرقص اللي قلتيه
رهف بقهرر وانااناظر فمه: اول ابعد هاللي في فمك بعدين تتكلم زين
تركي وهو يلعب بالعلك في فمهه: وليه منقهره اللحين
وماراح اابعدها ولا يكون تبيهااا وهوو يطلعهاا من فمه ويناولهاا هي
رهف بقرف وصرخه: يامعفن انقلع ابعد عفنك عني وع الله ياخذك
تركي قام واخذهاا من الارض ورمهاا في السله اللي على الزاويه
وقال بغموض: شكلنا سكتنا واجدد وشكل سكوتنا ذا بيجي علينا
رهف : وش ذا يقول خرف اكيد طنشته وسحبت الريموت ارفع الصوت عالي كذا عناد فيه وش بيسوي يعني يكفي كارهتن روحي من هالغرفه وهو جاي يغلس على بقرفه
شفته وهوو يدخل الحمام الله يعزكم
:


&نـــونـي بنت الجنوب & ©؛°¨غرامي فضي¨°؛©

اوف ياربي وش جابه ذا وبعدين وش قصده من التخريف اللي قاله من توو مالت انت من متى سكت دايم تاخذ حقك وازود
يالله ماعليناا طنش تعش تنتعش سحبت الريموت سكرت التي في سد نفسي صراحه اوف وتمددت وسحبت المفرش واعطيته ظهري وسكرت عيوني ابي انام قبل مايكمل من الشورر تبعه
سمعت فتحت الباب
تركي وهوو ينشف شعره: بنت اسحبي رميوت التكيف وسكري شوي عشان مااصدع
رهف مطنشه
تركي بصرخه: زفت وش قلت
رهف اوف: ياسلام اسكره مقدر انام لازم اسمع صوت التكيف وانام
تركي بقهررمنهاا: رهف مو قت عنادك وقال بهدوء والله اصدع
وترى لو صدعت مو في صالحك
رهف وانااسحب الريموت وسكرته : اوف هيا بالله لاسمع لك صوت
تركي بقهر رمى عليها وجاا تقرب منهاا وسحبها من كتفهاا بقوه وعنف: بنت ماينفع معي كذا ولاتفتكري ان هالحمل بيكون لك درع مني فاهمه وهو يرجع يرميهاا على المخده
رهف بخوف وبكذب : اااه يابطني الله ياخذك وش سويت فيني
تركي ولا هو معطيهاا وجهه: كذابه والله من صرختك وفتح الدولاب يبي يطلع له ملابس طلع شورت وبلوزه وقال بقهر
مفروض لو فيه مره سنعه كان حضرت ملابس زوجهاا من قبل مايطلع من الشور بس وش نقول
رهف بقهرر: اقول تركي مشاكل لاترمي حكي اللحين موو قتك
يكفي بطني يعورني منك وكملت بصرخه ياخي لو ماتبي هاللي في بطني اناابيه
تركي وهوو يلبس البلوزه: اقول رهف لاتكذبي الكذبه وتصدقيهاا اللحين بالله تبيني اصدق بطنك قام عليك مني ليه رفعتك بيدك كمان على خفيف اذكر انك اكلتي مني اكثرر من كذا ماصار فيك شي
رهف بصرخة قهرر لمااجلس يعايرهاا لما يضربهاا: ياغبي ماكنت حامل يومهااا يعني اللحين اي حركه من حركاتك ذي اروح فيهااا والله وبعدهاا اذبحك لوو صار شيء لولدي
تركي بطفش وهو يبعد المفرش ويجلس : ياذا الحمل اللي فلقتي راسي فيه خلاص آسفين غلطنا ولدك ذا اللي وده ازنطه مافي احد بيقرب منه
رهف بقهر: تزنطه والله ياويلك قسم بالله اتحول لك للللبوه
تركي بطفش منهاا : اقول ياللبوه شوفي شي اكله جيعان
رهف واناااعدل المفر ش علي لان ال ...... سحبه: روح عندك المطبخ اناامافيني اقوم
تركي وهو يتقرب منهاا ويسحب المفرش وقال بهدوء: افااا انام جيعان
رهف بصرخه : ابعد وجهك عني وقومه والله مااقوم
تركي من صرختهاا ضربهاا على وجههاا بقوه
رهف بصرخه: اااه وهي تحط يدهاا على فمهااا وبعدت المفرش بقوه وراحتت للمغسله لما حست بطعم الدم في فمهاا
وهي تناظر شفتهاا في المراياا بقهرر كيف انجرحت من الختام اللي في يده غسلت فمي ودعيت عليه يارب انت اقوى منه
غسلت وجهي كامل ومسحت دموعي وطلعت شفته وهو متكي على السرير ويناظر فيني بعصبيه
تركي بحده: يالله انقلعي هاتي شيء أكله
رهف بهدوء طلعت ساكته ورحت المطبخ ماشفت احد فيه
دورت وش في الثلاجه يناكل بسرعه مافيني اطبخ اللحين
طلعت نواشف والله ادري انه مايحبهاا كثيرر بس كذا عناد وكمان طلعت حبتين بيض وبسرعه قليتها له عشان مايعصب لما يشوف بس نواشف وطلعت فيهاا للغرفه دخلت بهدوء ومشيت ناحيته وشفت في عيونه انه ناوي على مشاكل احسن شي ماارد عليه بكلمه مافيني اعصبه وبعدهاا يمكن اندم اناا اذا صار فيني شيء لان هذا مجرم مايفكرر
تركي وهو يسحب الصينيه وينزل فيهاا الارض وياكل بهدوء
وبعدهاا بصرخه: قومي اخذيه وهاتي موياا هناا مكمل في الثلاجه
رهف بهدوء: فتحت الثلاجه وسحبت قاروه واعطيته هي
مالت يكذب انه مافي موياا سحبت الصينيه من الارض
ورحت فيهاا المطبخ ورجعت ولا تكلمت عليه بكلمه
شفته راح جهة الدولاب وفتحه وبعدهاا ماسمعت إلا صرخته
يايمه وش فيه
تركي بعصبيه: اناا وش قلت قبل مااطلع
رهف واناا مو فاهمه شيء : وش قلت مدري قالتهاا بخوف منه لماا شافت الشرر في عيونه ولما شافت انه يقرب منها رفعت يدهاا بسرعه على وجهااا بخوف تحمي نفسهااا
تركي وقف مكانه لما شاف حركتهاا وبصرخه: وش قلت هاااانطقي
رهف بخوف وهي تناظرر فيه: والله مدري وش قلت
تركي وهو يرمي قارورة المويا من يده بقوه على الارض وبصرخه: اذبحك اللحين
رهف بخوف: يمه
تركي بقهر وهو صاك على سنونه : اعصري مخك يمكن تتذكري مو فالحه إلا بس في طولة الللسان والمرادد بالحكي يالله اجل تحملي كم مره قلت لك يامره اتقي شري بس وين هالكلام ينسمع وشوفي كيف شكلكك تبي تموتي من الخوف وين الشجاعه اللي من توو في وجهككك هاااا قولي
رهف وانااااحاول امتص غضبه قلت بهدوء: قولي وش اللي قلته لي واناا والله اسويه لك بس تكفى لاتعصب وهاا توبه وهي تحط يدهاا على فمهااا مااااطول للساني ثاني
تركي وهو يرجع مكانه وينسدح: اجل يالله مدام اعتذرتي
رهف
في نفسي متى اعتذرت يالكذوب اه الله ينتقم منك كان نفسي اصرخ في وجههه واقول له قول بسرعه وش طلبت وخلصني
لا رهف هدي احسن شي وكويس وانااحاولت امتص غضبه
عشان والله اني فالغرفه ومعه لحالي لوو اموت وانااصرخ مافي احديسمعني وحتى لو طلعت خالتي يالله اذا ربي قدرهاا وقالت الله يهديك ياتركي مو زين كذا تعصب اعرفهاا هذي دايم كلمتهاا
تركي بصرخه فزعتهاا من سرحانهاا : وش تفكري فيه
رهف بخوف : ولا شيء بس جالسه افكر وش طلبت
تركي وهو يرمي راسه بقوه على المخده: يارب صبررني
واناا من توو وش قلت
رهف بسرعه: والله ماسمعت وش قلت كنت مسرحه شوي
تركي بقهر: قولي مفهيه الله ياخذك قومي يالعله الله يعني اعيدها لك اكوي بدلتي بكره علي دوام طول اليوم لمدة اربعه وعشرين ساعه والله كثيرر ومعي واحد في العمل نفسي اخلص عليه وارتاح انتهت الاجازه الله يعيناا بس
رهف
والله كنت ابي انط من الفرحه كويس يعني ينام هناك
ان شاءالله يستلم على طول ويفكناااا من شره
اوف اللحين تذكرت فعلاً هوو قالي بس نسيت
قمت ساكته وفتحت الدولاب وشفت فيه اكثر من وحده معلقه
ومكويه جاهزه اجل وشلون يقول قومي اكوي
رهف واناا ااشر على البدله: هذي مكويه وكمان شوف الثانيه كلهن مكويات وش اكوي فيه اجل
تركي وهو يناظر مكان ماتاشرر : لا هذي مااابيهااا خذي اللي في الكيس شوفيهااا جديده توني مفصلههااا وامي الله يعطيهااالعافيه غسلتهاا واناامااامداني ارواح فيهاا عند الكواي
رهف نزلت نفسي شوي وسحبت الكيس
وطلعت غرفة البنات المكوى هناااك دخلت شفت عنود جالسه على الجوال وجوري نايمه
رهف بصوت واطي : افتكرتك نايمه
عنود : هلاا وهي تناظرهاا لايكون انطردتي لاني شفت تركي جااا

رهف بقهر: ياليت كان يسوي خيرر والله بس يبيني اكوي له
عنود : ايه هوو من اول قال لك وافتكرتك كويتي له والله
هاتي انااكوي عنك وبعدين وهي تناظر شفتهاا وش فيهاا وهي تاشر عليها
رهف بقهر : لا مافيهاا شيء انااعضيت عليهاا بس .
عنود ماحبت تحرجهااا زود: هاتي طيب
رهف : لا اناااااكويهاا بسرعه اللحين
جوري بصرخه انفجعن الثانتين: تتعزمن جالسين وازعجتوني الله ياخذكم يالله ماتنتقدن سربوتت ماوراكم جامعه ولا شي الله
ياخذكن ان شاءالله
عنود بقهرر: اقول يالعجوز نامي ولا ترى السلك جاهز شوفي جالس يشحن قريب منك
جوري طنشتهم وغطت راسهاا بالمفرش وهي تتتحلطم وتسب فيهن
رهف : ههههههه كويس والله وهالسللك ينفع
شكلي اناا من بكره اخذ معي واحد كمان واخليه قريب مني
عنود بتريقه: لتركي ولااالجوري
رهف : لهم كلهم هههههه
بعدهاا عنود حلفت علي إلا تكوي وانااجلست اكمل مراسله مع سماح من جوال عنوداللي مسكينه تقول تعبت من السفر حول يوم كامل وهم من طياره لطياره بعدهاا اخذت البدله
وطلعت وتذكرت جوالي مرمي من العصررفي المطبخ توجهت له وبعدها طلعت لغرفته فتحت الباب ودخلت بهدوء وبدون صوت لماا شفته نايم على بطنه نوم الظالم عباده علقت البدله وجيت امشي بشويش عشان مااطلع صوت وجلست على السرير تمددت وسحبت المفرش شوي وغطيت فيه جسمي
حسيت بدموعي تنزل لما حطيت يدي على شفايفي مكان الضربه احسهاا توجعني الله يصبرني بس عرفت حاجه والله تركي مجنون مايفكرر في شيء مافي شيء يرده لا حمل ولا شيء

صبراً جميل والله المستعان مسحت دموعي وبعدهاا جلست استغفر عشان ارتاح ونمت .....................


&نـــونـي بنت الجنوب & ©؛°¨غرامي فضي¨°؛©

بعدت المفرش عني ورحت غسلت وصليت الفجرر ناظرت الساعه في جوالي باقي شوي وتجي سبعه خليني اروح افطرر وارجع انام
رحت المطبخ شفت جوري لا لا لا مو وقتك والله
سويت نفسي اني مااشوفهااااا مشيت سيده جهة الثلاجه
طلعت جبن
جوري بسخريه: لهااالدرجه ماانشاف
رهف قلت احسن شيء على قول المثل خذوهم بالصوت : شوفي يكفي امس سكتلك فاليوم احسن لك تبتعدي عني لاني فيني حره منك فاهمه وياليت لو تشوفييي ثاني لاتكلميني مره
دايم احاول ابتعد عنك وعن مشاكلك بس وش اسوي دايم تلزقي لي واروح فيهاااا انااااا لكن هالمره لا توبه خلاص فهمت اللي يمشي معك يضيع
جوري بقهرر منهااا وهي ترميهااا بكوب بلاستيك : يازفته اللحين انتي اللي رحتي فيهاا والله بس لو مو شوي باقي واروح جامعتي يالعاطله كان على قول تركي دفنتك مكانك وقامت مرت
من عندهااا يالعاطله والله انااالمفروض ماامشي معك
رهف
واناااعض شفايفي قهرر اه تعايرر الحين مالت عليك خليني بس اولد اذا مارجعت للجامعتي ماااكون رهف واناا متأكده اني راح اللحق فيك ي الكسلانهه واعدي كمان وانتي لسى
سحبت شطيره وسويت عليهاا جبنه ومربى وسويت لي كوب نسكافه
فكرت ارجع انام عند عنود مدام العله ماراح يرجع إلا بكره الصبح مثل هالوقت لا لا خليني اروح انام في غرفته احسن مافيني خالتي تقوم وانانايمه عند عنود مااحب نظراتهابعدها دخلت الغرفه وتمددت و نمت واناااافكر اروح ولا ماروح .............. ......
ماحسيت إلا بعنود جالسه قريب مني وتصحي فيني
عنود : رهوفه وش هالنوم قومي خلاص طفشت لحالي
رهف بقهر منهاا:ابعدي عني هناك بعدين ليه لاحقتني هنااا انقلعي من غرفتي
عنود وهي ترجع تسحب المفرش : اقول قومي وخلي عندك اخلاق بعدين كم حنا استضفناك في غرفتناا وانتي ياالجاحده تنكري كذاا
رهف بقهرر: عنود ابعدي عني مو قتك ابي انام وبعدين روحي سولفي مع جوري وابعدي عني ترى اعصب عليك اللحين
عنود وهي تتمدد مكان تركي: عصبي عادي وبعدين جوري ماتتكلم علي يقال مقاطعتني
رهف واناااشوفهاا وهي متمتده : وانتي صدقتي حالك شكلك وبنتامي قومي وجع
عنود بسخريه: لايكون تبي تحتفظي بريحة تركي من مكانه
رهف طنشتهاااا وقمت دخلت الحمام الله يكرمكم
غسلت وتوضيت وطلعت فرشت السجاده وصليت الظهرر
وناظرتهاا وهي متمدده لسى وقلت بهدوء واناجالسه على السجاده :عنود ممكن اسالك شيء بس ماتعصبي علي

عنود وهي تتعدل في جلستهاا: وش فيه وايش هوو السؤال
رهف واناااقوم واجلس قريب منهاا بعد مابعدت الجلال : وش بينك بين غسان
عنود بقهرر: وش هالسؤال حتى بدون مقدمات
وهي تلف وجهااا بضيق مافي شيء عشان اجاوب عليه ست رهف
رهف بشك: والله ياعنود شوفيني حلفت هااااه انك مو خاليه وفيك شيء من ناحية غسان قولي لي تكفين لاني بكل صراحه اقولهاا لك اخوك نظرته ماتبشرر بالخيرر وغسان شكله بيستغل تحكم تركي في البيت وشكله بيطلبك من ثاني قولي يمكن اقدر اسوي شيء واساعدك
عنود بسخريه: هه انتي قدرتي تساعدي نفسك اول عشان تقدري تساعديني اااه يارهف خليني ساكته احسن وبعدين مافي شيء بيني وبيه وبذات هالفتره الزواج كله مسحته من عقلي ماابي اتزوج ابي بس اجلس عند امي وودي تتطلع شوي من الحاله اللي فيهاااا
رهف بحزن: الله يعينهااا فرقاا عمي مو سهل علينا بس وش نسوي لازم الحياة تستمرر وبعدين صح انا ماقدرت اساعد نفسي على قولك لاني وحيده بس انتي ماشاءالله عندك احمد عندك امك إلا كلمه منهااا توقف تركي مكانه بس الله يهديهاا خالتي مسلمه له كل شيء ونفسي اعرف ليه كذا خلاص قلنا تحبه بس موكذا
لدرجه يدوس على اهل البيت وهي ماتتكلم
عنود بنكسارر: وش نسوي هذي امي حبهاا لتركي بيضيعناا كلنا
رهف وهي تمسك يدهاا: خليناا اللحين من تركي وخالتي
قولي لي ايش الللي بينك وبين غسان ويالله بسرعه ماعندنا فرصه مثل ذي مدام الاخت زعلانه وماتكلم احد يعني فرصتنا ياحلوه عشان تخبريني
عنود وهي تبي تقوم: فارقي عني انااطلع احسن من هالتحقيق
وبعصبيه ونفسي اعرف ليه الللحين فتحتي سيرته يختي اكره واكره اي شيء يجي من طاريه
رهف وهي تمسك فيهاا: طيب عنود حبيبتي افهمي علي تكفين قولي لي والله مااخبر احد
عنود بحده: رهف وش اقول تبيني اتبلى على الرجال كذا بس كل الحكايه مااااحبه من الله يعني لازم فيه شيء
رهف بقهر منهاا: والله معاد اقولك شيء يخصني وانتي اللحين عرفت نك ماتثقي فيني وشوفيني قلقانه عليك والله من اخوك بس انتي شكلك ماتستاهلي حتى افكرر فيك
عنود بخوف : لا تخوفيني رهف تتوقعي اخوي ناوي على هالمره
رهف بتأكيد: والله مو اتوقع إلا هذا اللي بيصيرر وقولي رهف ماقالت فاحسن شيء قولي خليني اعرف وش قصتك مع هالغبي الثاني واناعارفه مدام انك كذا كارهته فااكيد صار منه شيء يقهرر وناظرتهاا بشكل لايكون تعرض لك ولا بينكم شيء من زمان
عنود بسرعه وبخوف: وش هالكلام عمى ان شاءالله وش بينا شيء ذي بعد
رهف بشكل : اجل والله مافي قومه من هالمكان إلا انتي قايله
عنود بقهر منها: اوف وش لك تبي تعرفي بالله
خلاص سالفه وانتهت
رهف بقهرر منهاا: اللحين تأكدت ان فيه شيء ولااابشرك مانتهت قولي بدت مع اللي جايك مع تركي
عنود وهي تتطالع في الأرض : ااه يارهف وش تبيني اقولك
تبيني اقولك ان اللي يمشي مع اخوي خاين ومافكر حتى في صديقه هذا بالله وينه وين الرجوله عشان اوافق عليه
رهف وهي تجرهاا في الحكي: ايوه ايش صار منه
عنود بقهر وهي تذكر السالفه لهاا: شوفي مره يوم كنت ادرس في الجامعه قبل سنتين مو في يوم اعتذر راعي السياره اللي كان توديني الجامعه صار عليهم حادث وانعدمت يومهاا سيارته
واتصل باابوي وقال له بعدهاا اخوي تركي اتصل علي وقالي ان السواق اللي دايم تجي وتروحي معه صار عليه حادث واللحين انااجاي لك دق علي ابوي عشر دقايق واكون عندك ان شاءالله
رهف وهي متشوقه تعرف : ايوه وبعدها وش دخل السواق اللحين
عنود بضيق: اسكتي عشان اعرف اكملك يومهاادق علي تركي وعلى طول طلعت مادريت ان صاحبه معه انقهرت ووللعت كيف تركي يخلي صاحبه وهوو جايلي
رهف وهي تقاطعهاا: والله مفروض هوو يفهم ويقول وش يودني معك واختك معك
عنود : مدري وش بينهم كان لدرجه تركي وصلني بسرعه وراح الللمهم خليني اكمل شفت تركي فك الزجاج واشرر لي اركب ورى ركبت بهدوء وكان عادي يسولف مع تركي بكل احترام ومسوي نفسه انه محترم ويادوب ابوي اتصل على تركي وقال يجيب معه اغراض ضروري للمطبخ تركي حاول يتعذر من ابوي وانه مايمديه معاهم مشوار بيرحون له بس تعرفي ابوي الله
يرحمه اذا قال كلمه اللمهم نزل تركي عند اقرب بقاله
رهف بصدمه: لا تقولي تركي تركه عندك في السياره
عنود : لا مو لهاالدرجه تركي غبي اوف منك قلت لك انكتمي عشان اقدر اكمل لك

رهف : ايه كملي يالله حدي متشوقه
عنود بقهر : قام حضرته نزل مع اخوي حتى من غيرر تركي مايعرض عليه مسوي فيهاا فاهم قبل مايقول له اخوي وعشان يظهرر المحترم قلنا كويس ماشاءالله عليه حتى نظره ماناظرني يومهاااا طنشت وجلست ارسل في جوالي للبنات اني روحت واسالهم هم روحووا ولا باقي رفعت راسي شفته ووهو واقف عند الطاوله حق راعي البقاله ويناظرر في جهة السياره
نزلت عيوني على طول خفت ينتبهه لي
قلت سلامات ليه يناظرر كذا بعدهاا شفت يكلم الرجال وياخذ منه شي ونزل راسه وجلس يكتب
رهف بقهر منهاا: وانتي ليه حضرتك مبحلقه في الرجال هاااا


عنود: مدري كذا فضول شفت تركي يجي عنده ويحاسب ويطلعووا مع بعض كلن ركب بعدهاا بخمس دقايق يمكن ..........


&نـــونـي بنت الجنوب & ©؛°¨غرامي فضي¨°؛©

رهف بحماس : ايه وش صارر بعدهاا
عنود وهي تحس بضيق :اوف اكره هالسالفه
رهف : لا لا تكفين كملي
عنود بعجز: اكيد بااكمل مدام بديت كان فيه نقطة تفتيش وقف تركي وفتح الدريشه وكان منتبهه للعسكري ويناظر فيه ويطلع اثبات مدري وش كان والله بس قبل ماتركي يحرك هذا على طول استغفل تركي وهو يكلم الرجال رمى بورقه صغيرر عند رجولي ورجع يده بسرعه ولا كانه مسوي شيء
اناا هذا الوقت خفت تبنجت في مكاني وش هالورقه هذي
وليه كذا وش قصده من هالحركه حتى شككني في حجابي تأكدت من العبايه كان على راسي وعيوني مقفله النقاب ويدي دخلتهاا في العبايه الله ياخذه وقتهاا شكننني في نفسي ياربي كيف قدر يسوي هالحركه واناا ماطلع من اي شيء اوحركه كذا ولا كذا كنت طول الوقت جالسه على جوالي حتى راسي مارفعته مافي إلا يوم نزل السوبر ناظرت كذا بالغلط وشفته يناظر السياره هذا الللي يمكن سويتهاا بس موممكن يخليه يقدرر يغامر وفي سيارة اخوي حسيت وقتهاا يارهف اني ابي اموت خفت من تركي لو انتبههه او شيء وبعدهااا مشى تركى بسرعه ماحس بشي ولا حاجه لانه طول الطريق وهوو يضحك معه حسيت قد ايش هو حقيرر ونذل ودي كان السياره تنفجر فيه بس قعدت استغفر حتى تركي وقف عند البيت بس فيه حركة غباء مني اني قبل مااانزل نزلت نفسي شوي واخذت الورقه رفعت راسي شفت نظرة وابتسامة سخريه في وجهههه مثل اللي يقولي ماشاءالله مسويه نفسك أخلاق وانتي من جنبهاااا كرهت حالي بعدهاا
رهف بصرخه: ياغبيه ليه اخذتي الورق كان خليتيهااا
عنود بقهرر: خفت فاهمه خفت من تركي لو مثل ينتبهه للورقه في السياره او شيء قمت سحبتهاااا معي فتحتهاا وكان رقمه تخيلي وكاتب انتظرر ياحلووه تحت الرقم حسيت قد ايش هوو نذل وغبي ومتخلف ومن خوفي خبيتهااا لماا نمتووا رحت وحرقتهااا في المطبخ عشان من كثرر ماجب لي وسواس قلت اخاف ارميهااا في مكان وتصل لتركي ويشوف رقم صاحبه وهذا الوقت اقسم بالله عارفه تركي لايذبخه ويروح فيهاا تدري في عقله انتي ويمكن اكثرر وحده مجربببه جنونه انتي
رهف وانااامصدومه: كيف كذا قدر يخدع صاحبه في عرضه
وكمان في نفس السياره يكفى انه امنه وخله يركب معه وهوو مع احد من خواته ليه كذا بالله وش استفاد اللحين وبعدين وش هالحركة البايخه يرمي ورقه وفيهاا رقمه ويكتب انتظرر ليه متأكد انك رخيصه وبتدقي عليه حنا مانخاف ربي ياولي حالي عليك ي عنود وبظرة شرر تصدقي حلوو لو اخوك غصب عليك قولي له بالسالفه لا تسكتي فاهمه علي
عنود بخوف: لا والله مااقول اخاف يورطني معه الزفت ويمكن يقلب السالفه كلهاا له واحسه انه خبيث من نظرته يختي
والله لو اموت ماانسى ابتسامته ونظرة السخريه اللي كان في وجهههه
رهف بقهر وعصبيه: والحقيرر جاي يخطب بعدهاا ليه بعد فعلته اللي مثل وجههههه بس اناااقولك ماعندك إلا انك تقولي لتركي وبس لووعند معك وكملت بسخريه:ولا على قولك يمكن يقلب السالفه كلهااا له وترى لاتنسي كلهم مثل بعض الاثنين
سبحان الله واناااقول ايش علاقة الصداقه ذي لهاا سنوات وماخربت حتى يوم انرفض ماخرب شيء بينهم
اتاريهم على الشررر أعوذ بالله من رجال كذا
عنود بقهرر: مع الأسف اكثرر شبابنا كذا إلا من رحم ربي الله يهدي الجميع يارب
رهف : طيب بس هالموقف اللي تعرض لك فيهاا بس ولا كمان شيء ثاني لاتخبي لاني احس في شيء كمان من عيونك
عنود : في موقف ثاني اذكرر مره دقت علي تهاني وقالت تعالي تقهوي معي العصريه يومهاا وقالت مافي احد في الحوش ترى خذي راحتك والباب الكبيرر مقفلل تعالي اخذت جلالي ولبسته وطلعت ورحت عند تهاني وبعدهاا وانااخارجه من بيتهاا شفته واقف عند المجالس اللي برى وعينه مني وجلس يصفرر بحركه حقيرره ودايم ماتصادف معه إلا اشوف في عيونه نظره لي اني خربانه او شي وبذات لما اخذت الورقه افتكر كذا اني رخيصه رجعت على طول بيت احمد شفت تهاني مستغربه اني رجعت قالت وش عندك قلت لهاا لا بس صاحب تركي برى ومقدرت اطلع واناامو لابسه عبايه قالت تهاني غريبه
تركي مو في كيف يجي قلت لهااا لا شكله جااا الحين وهاللزقه معه وبعدهاا حرمت اطلع بيت احمد بدون عبايه حتى لوو الحوش واحد حتى لووالباب مقفل وماتشوفيني دايم اخاصم جوري وسمرر ان يطلعن لبيتناا او لبيت احمد بدون عبايه ودايم يقولون انتي معقده نلبس عبايه في نفس البيت كله حوش ومغطي كمان هذي كل سالفتي معه حسيته ينظررر لي كوحده مو متربيه مدري ليه
رهف بقهرر: تصدقي نفسي اعرف كيف عرف انك انتي عنود وطلبك بالاسم
عنود بقهرر: وهذاا اللي قهريني نفسي اعرف كيف
رهف : معقول تركي يقول بأسماء اخواته
عنود :لالا مستحيل بس لاتنسي كان ساكن قريب منا عند جدته حتى كان جوري دايم تحذف عليهم
رهف : ايه اذكررر فضايح اختك من زمان
يختي فيني قهرر منههه طيب تعرض لك كمان ثاني
عنود : لا لا بس هالمريتين وبعدهاا خطبني كم مره
رهف وهي تقهرها: صح انامقهوره منه ومن حركاته والمصيبه انه يخون صاحبه وهوو بجنبه ومافكرر بس لمااخطبك حلوو وهوو احسه طلع عاقل وهوو فكر في الحلال
عنود: قولي بيصلح لنفسه وانه خان صديقه ويبيني اوفق لا والله مارميت حالي عند واحد نسونجي يموت في الحريم
رهف واناااافكرر: اماااا والله مدري وش اقول بس الله يعينك لوو خطب ثالثه ويفككك شره ان شاءالله وربي يكشفه لتركي عشان يعرف هوو مين مصادقق
عنود وهي تبي تغيرر السالفه: اقولكك امشي نطلع الصاله يمكن امي صحيت وناكل شيء احس بجوع
رهف : يالله وكمان اناابي اخذ شورر ملابسي كلهاا عندكم
عنود : اجل يالله خذي شور وانااااسوي اي شيء
قطع علينااا صوت الجوال رحت اشوف مين كان تركي مالي مزاج ارد
وخايفه اطنشه ويسوي لي سالفه
عنود وهي تستفسر : مين يارهف
رهف وانااافك الخط تركي
عنود : اوك انااطالعه وانتي كملي مكالمه وتعالي
رهف بهدووء: الو
تركي بصوت تعبان وفيه نوم: الوو السلام
رهف : وعليكم السلام تبي شي
تركي وهو يتففف : اوف ويعني وش ابي وانا هنامنجلط
رهف في نفسي ياليتك هناك على طول يازين البيت بدون ياشيخ قسم بالله هدوء ومافي لا صراخ ولا هوشات
قلت اصرف ان شاءالله يحس على دمه ويقفل بس ادري فيه دمه ثقيل والله مايقفل لماايطيب خاطره هوو: الله يعين تبي شيء انااابي اروح اكل شيء
تركي بقهرر: اللحين لمااكلمتك جعتي ومن قبل ليه مااكلتي
رهف وانااااسكرر عيوني واهدي نفسي اللهم طولك ياروح
: توني صاحيه من النوم
تركي بقهرر: كذابه اخر ظهورر لك في الواتس قبل ساعه ونص
يعني صاحيه من قبل
رهف وانااعض على شفايفي بقهر: يعني اشلون صحيت فتحت وبعدهاا بكذب قلت اخذت شورر وصليت عشان كذا تاخرت ماكلت شي
خيرر وبعدين ليه جالس تراقب آخر ظهور لي
تركي : عشان اعرف انك صاحيه وادق
رهف بصوت واطي: والله لوادري اني مادخلت الواتس مره اليوم عشان انفك من هالصوت
تركي بقهرر: ترى اسمعك وياليت اني قريب منك كان اشوف تقدري كيف تقولي هالحكي
بس يالله كلهاا حول 15 ساعه وانااعندك مشرف

رهف : قول ان شاءالله
تركي: ان شاءالله وادري انه ما ودك
رهف بطفش: تركي عندك شيء ترى والله حدي جوعانه
تركي : ايه عندي ابي اقولك بكره لمااجي انام حول ساعتين
ونروح عند الدكتور حجزت لك موعد عشان الحمل اوك
رهف : يصيرر خيرر ان شاءالله تبي شيء ثاني
تركي يقهرر : ليه تكلميني كذا ولا اقولك انااستاهل انزل نفسي لااااشكالك الخايسه وقفلل
رهف
ناظرت الجوال بقهرر والله مافي غيرك خايس ي........
طلعت ورحت غرفتناا فتحت الباب وشفت جوري جالسه ترتب في الغرفه مريت من عندهاا وقلت خليني اتحرش فيهاا شوي.
: ماشاءالله سنعه بالله باقي غرفة اخوك لاهنتي
جوري وهي ترفع يدهاا في وجهه رهف: لو سمحتي اناامااعرفك ف عشان كذا مااحب اتكلم مع ناس غرب
رهف بقهر: اه يازفته تنكرتي مره وحده
جوري وهي مطنشه : والله حبيبتي في اشكال ماينفع فيهاا إلا كذا والله لا يجعلني منهم وبصرخه وبعدين وش عندك داخله غرفتنا يالله انقلعي منهاااا اوف ناس مغثه
رهف بقهرر منهاا مشيت نا حية الدولاب وطلعت ملابس وقفت معي قهرر من حكيهاا على طول سحبت علبة لوشن من على التسريحه
وعلى طول في ظهررهاا وهي معطيتني هوو وترتب السرير
وماسمعت إلا صرختهاا وانااااا شرده على الحمام سمعتهاا وهي تصارخ وتهددد انهاا بتجلس عند الباب تنتظرني ماعليه فيهاا فكيت الدش ودخلت تحته واخذت احلى شورر بعد ماقهرتت جوري هههههه مبسوطه كثيرر وعقبال تركي زفت اقهره
وقفت عند المرايا ناظرت شفتي شوي منتفخه من تحت والله شكلي ابي اتشوه عنده نشفت جسمي وطلعت اتسحبب خايفه من الخبله ذي دخلت الغرفه ماشفتهااا الحمدلله مدري وين انقلعت
جلست انشف شعري وبعدهاا خليت المنشفه عليه وطلعت عند عنود المطبخ شفتهاا جالسه مسرحه وتناظر الطاوله
جلست بعد مارديت السلام : وش فيك احسك مو على بعضك
عنود بهدوء: مافي شيء
رهف وهي تناظرهاا: لا يكون ندمانه انك قلتي لي وترى سالفتك ماتخوف عشان هالخوف كله هوو الللي غلط وبنظرة شك عنود لايكون كلمتيه واللحين ندمانه وعشان كذا خبيتي ووكمان رفضتي الخطبه
عنود بقهر وهي ترفع علبة الشطه:الله ياخذك خليني اسمع هالحكي ينعاد والله بهذي وهي ترفع العلبه
وبعدين وش ذي كلمته اناااخاف ربي قبل الللكل فاهمه وشكلي بندم اني قلت لك
رهف وهي تبي تفهمهااا لمااشافتهاا معصبه: افهمي علي
عنود وهي تقاطعهاا بحده : خلاص انكتمي اللحين جوري بتجي اكيد لاني ارسلتهاا تصحي امي تجي تتغدى
رهف سكتناا كلناا لمااشفناا فعلاً خالتي وجوري دخلوو عليناا..............


&نـــونـي بنت الجنوب & ©؛°¨غرامي فضي¨°؛©

ناظرتهاا كان شكلهاا يكسرر الخاطر والله بدون عمي احسهاا حزينه ااه ياعم بدونك كلناا مو على حالنا الله يرحمك
حسيت بحزن عليهاا واكثر شيء رجعت احترمهاا لانها ماتتعرض لي باي شيء وكمان انا مو جاحده يماا عاملتني احسن حتى من بناتهاا بس غلطتهاا اتفقت مع ولد ها والحسنه الوحيده اللي يمكن تشفع لهاا عندي وراح ارجع معاهاا اكثر من قبل لو توقف في وجهه تركي بس مره وتقول له هالبيت باامري مو بامرك اقسم بالله وقتهاا ابوسها فوق راسهاا بس الله يهديهاا مقويتن راسه
خالتي وهي تجلس على الطاوله
وتناظر عنود وهي تغرف لهاا: لا يمه كافي ماراح اكل ذا كله
عنود بهدوء: يمه تكفين مايصيرر كذا شوفي كيف شكلك
ام فيصل وهي منزله راسهااا للصحن: الحمدلله وناا مافيني شيء
عنود : الحمدلله ماقلنا فيك شيء بس اجلسي معنااا سولفي شوي
ام فيصل وهي تناظرر رهف وقالت بشك:وش ذا رهف وهي تاشرر على شفتهااا
جوري بللقافهتا : لا لا بس حبت تجرب تسوي عملية تجميل وقالت خلني بس ابدا اشوف كيف تعورر ولا لمااتنتفخ شوي اشوف كيف شكلي لازم التجربة قبل المغامره وبسخريه بس خبله الناس اكثرر شيء ينفخوو الشفه اللي فوق هذي فاهمه غلط التجميل وهوو انااا معك انك تسوي تجميل لانك تحتاجي هذا الشي
وكمان اكثر من عمليه طبعاً في كل وجههك وبذات يشوفون صرفه للون عيونك ذا اللي يفجع بس ختمت بكلمتهاا الاخيره وهي ودهاااا تقهرهاا زود بالله هذي المره لعاد تحطي راسك براس احد عشان مو كل ساعه تجلسي تجربي في مكان لماا
وجهك كله يخرب مثل حالتك اللحين
ام فيصل بحده: اناسالتهاا هي انتي ليه تحشري نفسك وش هالعاده إلا كل ماقلنا بتخف ترجع تزيد
رهف بهدوء: مافي شيء خالتي وعلى قول جوري نجرب نسوي عملية تجميل عشان لو نجحت بعدي امسكهاا هي لانه محتاجه واجد عمليات
عنود بقهر منهن الثنتين:وش عملياته ذي اللي فقلتووا راسي فيه
وبعدين ست جوري امي سالت رهف
جوري وهي تأكل : لو سمحتي عنود لا تلزقي فيني مستحيل اسامحك وهي تناظرر امهااا يمه امس ضربتي يمه قطعت جلدي والله شوفي هااا هذا يرضيك يمه
ام فيصل وهي تقوم من على الطاوله: ياليت ي عنود تعيدي الكره يمكن على يدك يطلع فيهاا شي سنع وطنشتهم وطلعت رجعت غرفتهااا
عنود : هههههههه احسن والله تستاهلي
جوري بقهرر رمت الملعقه ودخلت غرفتهم يقال زعلانه وهي تهدد والله اعلم تركي عليكم
رهف
اااه يازفته عارفه وش قصدهاا وقت ماقالت هذي المره لاتحطي راسك براس احد عارفه قصدهاا ان تركي هوو اللي ضربني
والله العمليات انتي تحتاجيهاا وبذات مع هالكشه
عنود بصرخه: بنت اكلمك وين وصلتي انتي
رهف بقهرر: يختي اخوتك ذي نفسي افرمهاااا
عنود ببرود: ماعليك منهاا امشي نسوي شاي ونطلع السطح العصريه
رهف : وين نطلع بعدين لسى فيه حديد مرمى وخرابيط اخاف
نتعورر منهاا
عنود بطفش: يختي طفشانه ودي اغيرر جوو والحوش تحت مانقدر ننزل احمد رايح جاي إلا فيصل مو فيه في الشرقيه امه بس تشكي منه تقول بس هايت صارر والجامعه مايدر هي فين واحمد عجز منه وعصب عليه وقال له سوي اللي تبي مسكينه تهاني احسهااا زعلانه كثيرر عليه هاا ايش رايك كمان
ناخذ فرشه ونشوف مكان مافي اغراض ونجلس فيه
رهف بهدوء: اوك
بعد العصرر سويناا شاي وطلعناا السطح
طبعاً عزمنا جوري بس هي عيت وعصبت عليناا والبنت شكلهاا تبي تتتبرى منا من جد ولا الغبيه تهدد تقول لتركي وش حنا سويناا فيهاا وهي لو تدري ان لو تركي دري ليه ضربتهاا عنود هذاك الوقت تترحم على حالهااا بس وش نقول اللعقل ماينشره عليه بعدهااا نزلنا من السطح وجت تهاني وماطلعت إلا بعد العشاء
حسيت بتعب رحت غرفة تركي
دخلت الله يزينهاا هالغرفه لو ان تركي مو موجود فيهاا الله احس بحريه فيهاا اكثرر تذكرت جوالي اوف لايكون دق ولا شيء
ويقتلني بعدها فتحته وشفت مكالمه له
اوف هذا ليه دق اللحين ياربي اللحين بيذلني عليهاا
خليني ادق عليه واسوي نفسي محترمه عشان مافيني على حنته
دقيت سمعته يرن ......
اه يا... ...... قفل في وجهي طيب اوريك لو رديت عليك
صراحه انقهرت ليه اللحين يقفل في وجهي وش سويت هذا جزاي مابي اسوي مشاكل معه ورجعت دقيت ياربي انا وش اسوي اذا كذا حياتي راح تستمرر جالسه اضحك مع البنات وانا
من داخل اتقطع الم وخوف من مستقبلي وياربي كيف حياتي كذا بتستمر مع تركي كل يوم هواش وتعب وضرب وذل ويوم قالي تعالي ننسى ماقدرت وش اسوي احس قلبي حاقد عليه بقوه ولاقدرت حتى أحبه ولوو شوي جلست ابكي احس بحزن في داخلي تذكرت عمي حبيبي انت الله يرحمك يالغالي
مدري وش مصيري مع ولدك اااه ونظرة خالتي اليوم لي حسيت فيهاا عصبت لماشافت شفتي منفوخه ياليت تعصب عليه ويمكن يسمع كلام امه هالمره ويكف يده عني إلا على اتفهه شي يمدهااشكلي اروح اشتكي عليه هالمره ههههههه تتوقعووا اسويهااا ............ودي في شور بارد كذا يخفف عني شوي يمكن بس اه مافيني حيل اروح الغرفه الثانيه واطلع لي ملابس اوف انا من بكره انقل كل اغراضي هنااا لاني شكل حياتي كلهاا في هالغرفه وجلست اناظرهاا حبيتهاا والله بس لو اني فيها الحالي حسيت بنعاس بعدهااا نمت..............
ماحسيت إلا بضربة الباب بقوه قمت مفزوعه من النوم: يمه
تركي وهويرمي المفتاح والجوال ويفسخ بدلته وبعصبيه : يمه اللحين خايفه يقال انتي
رهف بقهر وصوت في النوم : ليه اللحين كذا تقفل الباب
حرام عليك والله انفزعت من جد
تركي بقهر : اقول ارجعي انخمدي ترى تافل العافية وابي تكه بس واطلع حرتي فيك
رهف بخوف سكتت بعدت المفرش عني ورحت غسلت وتوضيت وصليت الفجرر وجيت ابي ارجع انام بي النوم شكله طار من الفزعه اللي حصلتهاا
تركي وهوو يتمدد بعد مااخذ شورر وبحده : اشوفك تتطلعي من هالغرفه قتلتك فاهمه عشان ثاني مره تعرفي كيف تتطنشي
رهف قلت تذكره بسرعه:طيب موعدي عند الدكتوره
تركي بحده:مايضر بكره نروح انتظرتي هالمده كلهاا واللحين يقال محافظه
رهف بهدوء: اوك على راحتك
تركي بصرخه: انتكتمي لا سمع لك صوت
رهف
نعم نعم وش هالنظام الجديد يعني لو اسوي اللحين اي غلطه بيحبسني في هالغرفه اناابي الفكه منه اقوم اجلس هنا مقابله خشته ذي اللي تسد النفس اوف انااحب اجلس مع البنات مابي اجلس عنده ياربي مو قلت لكم هالغرفه حلوه بدونه
جلست اتقلب واتقلب مدري متى نمت ..................
فتحت عيوني ناظرت حولي شفته لسى منخمد مالت سحبت جوالي شفت الساعه جايه 12 قمت رحت الحمام الله يكرمكم
وغسلت وجهي ياربي نفسي اخذ شورر واغيرر ملابسي
خايفه اطلع ويسوي لي سالفه سمعت صوت الأذن توضيت جيت ابي اصحيه حرام الصلاة كذا وتفوته
رهف من بعيد : تركي
رجعت من ثاني علت صوتهاا تركي قوم صلاه يأذن
ترى
تركي وهو يخذ المخده ويحطهاا فوق راسه بضيق: انقلعي ابي انام
رهف بقهر منه: هيي قوم صل وبعدين ارجع انخمد كمان مافي احد بيتكلم عليك ولا تقلعني عشان صحيتك للصلاه
تركي سحب المخده من على وجههه وناظرهاا: استغفر الله اوك
قام وهو لسى ماشبع نوم غسل وتوضى وجلس ينشف وجههه وغير ملابسه وقف عند لباب قبل مايطلع : ياويلك تتطلعي فاهمه
والله هذني حلفت لو اجي وانتي قدامي مسنتره عند البنات ياويلك وعاد اناا حذرتك ونزل يصلي

رهف بقهر : كيف يعني وش قصده من هالحركه اجلس طول اليوم هنا وبعدين ابي ملابس اوف اخاف اطلع ويجي فجأه
استغفر الله بس فرشت السجاده وصليت بعدها رجعت مكاني
ودي ابكي ياربي والله مو قاصده اطنشه دق وانا مو فيه يعني خلاص خربت الدنيااا
شفته وهو يدخل خليني افهمه بهدوء يمكن يسمع مني
تركي وهو يبي يرجع ينام وهو يناظرهاا: ارجعي انخمدي
رهف بقهر: مافيني نوم وبعدين ابي اخذ شورر
تركي بطفش: روحي خذي شورر مين ماسك فيك
رهف بقهرر: ملابسي كلهاا هناك
تركي :تستاهلي ليه ماجبتي اغراضك كلهاا ولا لسى عندك امل بترجعي تنامي عند البنات هاا وهو يناظرهاا بسخريه
رهف بكذب: لا اغراضي كثيرر وبعدين اخاف اشيل شي ثقيل يالله اتركني اروح اجمعهاا الحين وبعدهاا انت تاخذهاا ايش رايك
تركي : اقول خلي الكذب اللحين ليه وش عندك انا غبي قولي بتطلعي وبس وكمان ياللي خايفه عليه لا ينزل تراه ماشاءالله عليه مثل ابوه قوي ماصار فيه شيء في هالظروف اللي مرت كلهاا
رهف بصرخه: قول ماشاءالله حرام عليك وبعدين الله لا يقولها يطلع لك بسم الله على ولدي ان شاءالله يطلع لي
تركي وهوو يسحبهاا قريب منه وهو يتأمل ملامحهاا:لا لا لو لدي طلع يشبك اجل كذا خكري بذات اذا اخذ لون بشرتك شوفي انا كيف ملامحي كذا
كلهاا رجولهاا
رهف وانااخايفه من قربه خايفه اقوله ابعد يعصب علي قلت بخوف : طيب خلاص يشبهك ولا تزعل
تركي وهو يضحك بصوت عالي: هههههههههه اللحين مين قالك اني زعلان هاااا
رهف : من تو كان زعلان
تركي وهو يبعدهاا عنه وبقهر: ليه مارديتي عليه
رهف لا لا صدق اني غبيه ليه ذكرته
تركي وهو يغطي راسه بالمفرش : لما يأذن العصر صحيني طيب
رهف بقهرر اوف اجلس هنا محبوسه حتى العصرر
قلت بقهرر: طيب اناجوعانه ابي اطلع
تركي بحده : خلاص قلت لماااتصحيني العصرر نطلع مع بعض ونتغدى جميع
رهف
اوف اوف وش هالعيشه كلهااا تحكم
سحبت جوالي جلست اقلب فيه عشان اتسلى حسيت بطفش الدنيا كلهاا دخلت الواتس ارسلت لعنود وش تسووون
عنود : ابد جالسين تعالي اطلعي حنا في الصاله
رهف بقهررارسلت فيس مقهوور اخوك حابسني
عنود ارسلت فيس يضحك
رهف انقهرت ارسلت فيس معصب
يازفته تشمتي فيني
عنود : هههههههه لا لا بس وش سبب الحبس
رهف : يقول يبي يناظر خشتي
عنود : هههههههه أجل اجلسي مكانك وخليه يتمنقل فيك
رهف: طيب يالله انقلعي
هيي انتبهي تقولي لجوري راح تشمت فيني
عنود : صدق بزارين فارقي


&نـــونـي بنت الجنوب & ©؛°¨غرامي فضي¨°؛©

رميت الجوال بقهرر اوف




ناظرته وكان يناظرني بسم الله هذا مو يبي ينام
تركي بهدوء وهو ياشر على شفتهاا: وش فيهاا
رهف بقهر: لا سلامتك انا عورت نفسي
تركي بتريقه: افاا ليه طيب ترى هيا انتبهي على نفسك ترى عزيزه وغاليه
رهف بقهر : لا بالله عزيزه وغاليه وانتبه على نفسي
تركي :هههههههههه ايوه هل عندك شك
رهف : طيب ممكن شوف هاا اقول لك ممكن عشان ماتعصب علي
تركي بطفش: ايه فاهم انه ممكن واللحين يقال انتي مؤدبه قولي وش بعد الممكن ذي
رهف : ابي اطلع اخذ شورر واتغدى جيعانه واحس بقرف من حالي وملابسي علي من امس
تركي بهدوء: طيب يالمعفنه قومي واللحين الحقكك ابي كمان غداء يالله فارقي
رهف
قمت بهدوء وطلعت شفت خالتي في الصاله وعنود عندها تسولف
رديت السلام
ام فيصل ؛ : هلا حبيبتي عليكم السلام ابي أسألك عنود تقول
تركي نايم لسى اللحين صحي ولا باقي
رهف بهدوء: لا صحي اكيد االحين يطلع لانه جيعان
ام فيصل بهدوء: لو ماعليك امر روحي ناديه وقولي له امك تبيك ضروري
رهف واناااهز راسي: ابشري
دخلت الغرفه وشفته مو موجود شكله ياخذ شورر دقيت على الباب كلمني بصرخه وجع ان شاءالله
تركي بصرخه: خير خير مالا حقتني هنا حتى
رهف بقهر: اقول لا تصدق نفسك وتعال امك تبيك
تركي : اوك قولي لهاا دقايق وانااعندهاا
طلعت وقلت لهاا وانسحبت الغرفه
طلعت ملابس ورحت اخذت شورر حسيت براحه بعده
رتبت شكلي في المرايا شفت جوري نايمه حزنت عليهاا
لما تذكرت كيف امس انضربت تقربت منهاا وبوستها على خدهاا شفتها فتحت عيونهاا ورجعت نامت غطيتهاا زين وطلعت
لما سمعت عنود تنادي علي عشان نتغدى
طلعت شفت السفره على الارض في الصاله
جلست بهدوء شفت تركي ناظرني ونزل يكمل اكله
ام فيصل : خلاص يمه انااابي اكلم احمد بعد الغداء مدام انك راضي
يشوف مزرعه ابوك لاني عرفت انك انت مشغول
وهوو فاضي ويحب هالشي مثل ابوك الله يرحمه
تركي بحزن: والله يمه ماقدرت اروح حتى فيهاا بعد موت ابوي
ام فيصل : ومين له نفس عاد بس هو كان يحبهاا عشان كذا مو راضيه ابيعهاا فاهم علي وابي كل شيء مثل ماهوو واحمد وعدني انه يهتم فيهاا وحتى حساب العمال اللي فيهاا اعطيته
اللحين
تركي بهدوء وهو يأكل: تمام يمه زين ماسويتي واناعارف احمد ماراح يقصرر الله يطول في عمره
رهف
حسيت بحزن وهم يتكلمون عن مزرعة عمي تذكرته على طول
شوفي كيف الدنياا قبل فتره وهوو فرحان ويسوي فيهاا جالس
وسبحان الله الواحد مايظمن عمره راح وخلى كل شيء
الله يرحمه شفت اللكل متكدر
بعد الغداء وحنا جالسين في الصاله
تركي وهو يناظر امه : يمه ان شاءالله بعد ماتكملي العده اخذك عمره ان شاءالله بعدها ترتاحي
ام فيصل بهدوء وهي تقوم : ان شاءالله يمه يالله حبايبي راسي مصدع وابي انام شوي وطلعت من الصاله
عنود بجدية: تركي حاول تقنع ميمتي خليهاا تجي هالفتره عندنا واكيد هي تسمع كلامك والله اناا عارفه لو جت امي بتتغير نفسيتهاا شوي وانت عارف قد ايش هي تحبهاا صعبه نسكت عن حالة امي كذا وأسأل رهف كمان ماتجلس معنا مره بس في غرفتهاا وحتى لو جلست شوي على طول تستاذن مثل اللحين
تركي بهدوء: ان شاءالله اليوم امر عليهاا بعد المغرب واحاول فيهاا
رهف بحماس: الله وناسه ميمتي جايه
تركي وهو يرفع حاجبه : ماشاءالله لهالدرجه فرحانه فيهاا
رهف بهدوء: ايه فرحانه حيلللل احبهاا وبذات لو اعطتك من العصى شوي الي معاهاا هذاك الوقت احبهاا اكثرر
تركي بقهرر: ايه وان اشوف هالوناسه اثرر قصدك كذاا نذله وش نقول وهوو توه يتذكر جوري إلا وين الخبله هذيك مااشوفهاا
عنود : يقال زعلانه وماتبي تجلس معنا وتخيل الخبله مصدقه حالها حتى الاكل ماتكل معنا وكمان امس سوت لي سالفه تقولي يااانا في هالعرفه ياانتي طنشتهاا وهي راحت عند امي ونامت
تركي : وليه هذا كله وش سويتي فيهاا بالله عشان تقلب عليك كذا
رهف وهي مسويه نفسها حزينه: حرام تصدق كذا مسكينه جوري
دايم تتحمل أشياء واجد من عنود

تركي مستغرب: غريبه اشوفك معاهاا ومسويه حزينه عليها انااللي اعرفه انكن ماتحبن بعض
رهف بصدمه : اناا مااحب جوري مين قالك
عنود بسخريه: لا لا ابشرك ياتركي صاروا هالفتره يحبن بعض في الشرر أعوذ بالله منهم هااارهف هانم اقول وش صار منكم
وقطع عليهم دخول جوري وهي معصبه ليه مانتظروهاا على الغدى تركي وهو يرحب فيهاا:هلا والله توو في سيرتك كنا
جوري بصوت ثقيل من النوم: اكيد تحشن فيني اعرفكم كلكم تغارون مني
رهف بسرعه: افاا حنا نحش فيك
جوري بقهر: ايه مااانتظرتوني على الغداء
عنود : كم مره صحيتك وعيتي بعدين شفتك تبلعي قبل ماتنامي قلت البنت مقاطعه وعندك الأكل في المطبخ واجد
جوري بغباء: تركي شوف عنود يااانهاا امس ضربتني
وكمان زوجتك الخايسه ذي ساعدتهاا
تركي: ليه عنود سويتي فيهاا كذا وانتي يارهف وش فيكم عليهاا
عنود بنظرة شرر: هاا جوري اقول وش السببب
رهف بسرعه هذي غبيه جالسه تستفز عنود ويمكن هذي من قهرهاا من الصوره بتورطنا مع تركي
رهف واناااغمز لجوري ابيهاا تفهم : جوري حبيبتي سامحيهااا
جوري بسرعه لما فهمت : ايه الله يسامحك حبيبتي وانتي اختي الكبيره وهذي بوسه على راسك
تركي بشك: عنود ليه ضربتي جوري
رهف بسرعه:لانها دايم ماتفهم تخيل ياتركي وش صار
تركي وهو يقاطعهاابصرخه كلهن انفزعوو منهاا
وش سوت جوري ياعنود وافضل تقولي الحقيقه
لاني راح اعرفك اذا كذبتي ومدام هذي وهو ياشر على رهف معاهاا وجالسه تضيع السالفه اكيد مسويه شيء كبيرر
عنود بخوف : ماسوت شيء بس قهرتني عيت ماتقوم تشتغل معي والبيت كله علي وعلى رهف وعشان كذا ضربتهاا بس
تركي بشك: ياليت كلامك صدق بس عشان هذا السبب التافهة
مو عشان سبب ثاني اقسم بالله ياجوري لو اشوف منك حركه كذا ولا كذا اذبحك فاهمه صح انااحبك ولك معزه غير في قلبي بس انتبهي تغلطي فاهمه
رهف بقهر منه ومن كلامه دايم تفكيره شك: قلنا لك ماسوت شيء غيرر اللي ذكرته لك عنود وبعدين وش هالتهديد كله
وجوري اعقل من تفكيرك
تركي بحقاره : طيب ليه انتي اللحين نطيتي هي تتد افع عن حالهاا وبعدين انتي اخر وحده تتكلم علي لمااتكلم على خواتي فاهمه وهم عارفين وش قصدي اني اخاف عليهم من كل شيء وماودي فيهم احد يغلط لان هالزمن كله مافي أمان وناظرهاا بنظرة شك ولاتخليني اذكرك اوك ...................وطلع من عندهم لما سمع صوت اذان العصرر
جوري وهي ترجف: يمه راح فكه والله كنت ابي اموت في مكاني
رهف بعصبيه : شفتي كيف جوري خبله انتي تجي تشكي عليه
اللحين بالله لو دري بالسالفه اقسم بالله نروح فيهاا تعرفي قد ايش هوو يغار والله لو مين مافكنا من يده وهي متنرفزه منهاا
عنود : مستحيل انا راح قول
رهف : لا يمكن يعصب ويضغط عليك وتقولي وهذاك الوقت نروح فيهاا كلنا والله غبيه من جد ي جوري
جوري بقهرر: خلاص الحمدلله عدت لا تجلسي اليوم كله تتتشرهي عليه
عنود : هههههههه والله على قد خوفي منه بس والله حسيت كذا بنتصار عليكم خليه يربيكم شوي ويبرد قلبي الله يطول عمرك ياتركي والله صادقه امي يوم قالت مايعرف يسنع هالبيت بعد ابوي غيره فديتك ياخوي وفديت شخصيتك اللي كلهاا رجوله
البنات يناظرنهاا بقهرر بس مافيهم يحكوون لانهم عارفين انفسهن غلطانين

ا


&نـــونـي بنت الجنوب & ©؛°¨غرامي فضي¨°؛©

رهف طنشتهم ا
ورحت الغرفه وجلست ابكي ليه ماعمره فكر يحترمني قدام اهله وبعدين لسى شاك فيني ولا عليها يقول نبدا من اول ونسسى كل شيء بالله هذا احد يسامحه ولا يفكرر انه يعيش معه بسلام ياربي البنت نط فيهاا بياكلهاا الحمدلله وهي عدت السالفه
مافيني على المشاكل وبيني وبينكم رجع خوفي اللي قبل منه يوم حياتي معه في الشقه اللحين رجع بعد مامات عمي
ياليت خوالي يسالن عني لوو مره كلن ملتهي في بيته
طيب رهف كيف تعيشي معاهم وهو البيت كله شباب
وحريمهم كلن من عنده اكيد مارح تستقبلني فيهم احد
وكمان كان فيه مشاكل بينهم وبين امي ليه رفضت اخو هم
لان اخوالي متزوجين ثنتين خوات وبعدهاا تزوجت ابوي
وطبعاً صارت مشاكل بذات بعد مامات جدي وجدتي
هذا الكلام كله حكته لي ميمتي وهي بنفسهاا يوم اختارت امي لاابوي شوفووا كيف قلب هالانسانه بعد ماماتت بنتها زوجة ابوي
لا احسن اتحمل جحيم تركي ولا ذل حريم اخوالي عاد هنا البنات يحبوني واناااحبهم الله يخليهم لي ولا يحرمنا من بعض
قمت صليت العصرر ورجعت عند البنات جلسنا نسولف ونضحك
بعدها سمعنا صوت اذان المغرب وصلينا
فجاة دخل تركي بميمتي وه فديتك
الجده : السلام عليكم
البنات كلهم نطواا يحضنوو فيهاا ويسلمواا عليهاا
الجده وهي تجلس: يمه تعبت وش هالسلام بالله ولا مصلحه هاا مثل اخوكم جاا وهوو اليوم كله نبيتس تجلسي عندي امي ونبيتس تتطلعيهاا من حالتهاا
عنود بفرحه:اي يمه ياليت والله
الجده : وين امتس اللحين روحي صيحي عليهاا وقولي لهاا ميمتس جت
تركي وهو يجلس قريب منهاا: فديتك يمه البيت بيحلى بوجودك
الجده وهي تتدفه : ابعد هناك ماابيك تقرب وخلى هالمزيونه تجي يمي فديتس يمه تعالي وهي تاشر لهاا
تركي وهو يعاند جدته ويقرب منها زود : افاا يمه تعوفي قربي عشان هالعله
الجده بعصبيه: والله العله تعل عدوتس ي تسلب فارق هناك وهي تضربه بعصاتههاا
تركي بعد شوي وسحب رهف وجلسهاا بينهم : هاا يمه اربتس رضيتي
الجده وهي تضم رهف على صدرهاا: تقلد حكيي صدز من قال مافيتس حياا
رهف واناا احس بحنان واتقرب منهاا واضمهاا : احبك يمه
تركي وهو يناظرهم: نعم نعم وش احبك ذي وهالحضن ذا
اقول هاتي مرتي وهو يسحبهاا لعنده ترى هي خربانه من قبل ماتجي فلا تزودي يمه وتاخذيهاا علي بالمره ترى يالله تعطينا نظرة من هالعيون
الجده وهي مو فاهمه عليه: انت وش جالس تبربر وبعدين انتبه تجر مرتك كذاا ترى بطنهاا مو خالي فيه ورع
جوري وهي تتريق: هههههههههه اقول يام الورع شكل ميمتي
بتصيرر محاميه لتس وهي تقلد جدتهااا
تركي بقهرر: اي والله ياجوري شكلي ارجعهاا اللحين بتقوي ذي عليناا وبتريقه ام الورع
رهف واناامطنشتهم وتكلمت بصوت واطي: يمه شفتي وش
يسوون فيني خليك على طول هناا فديت قلبك
الجده بحقد وهي تناظر تركي: ايه يمه انا يمتس لاتخافي من ولد امه
تركي بقهر: لا لاهنا وبس وش فيك ياجده قالبه علي
الجده بقهر: قلبت عليك من فعايلك اللي تسود الوجههه
تركي بجديه: بسم الله يمه وش سويت اناا
الجده: وش اللي ماسويته رايح تخطب بنت خالتك وتبيني ارضى عليك ياولد هاا قولي وش فيهاا هالمزيونه بالله وش ناقصهاا ياحليها فقلة قمرر بسم الله عليهاا بس بردت لي قلبي دلال يوم ارفتضس
تركي بقهر وهو يشوف ابتسامة رهف: يمه هذي سالفه وانتهت وانتي اللحين جايه تعاتبي علي وبعدين شوفيناا رجعنا على قولك لفلقة القمرر هذي وفكي مرتي لوو سمحتي لاتخربيهاا ازود
الجده وهي تضربه : اخربهاا انااعليك من اول مادخلت وانت هذا حكيك فارق عني يالله هناك مابيك انا تجلس في مكان انافيه
تركي : لا لا ميمه وش فيك اكيد عشان العذال اللي دخلوو بيناا
الجده بعصبيه : انقلعي يالجورنادي امتس تجي تفكني من دلوعها هذا ماقوت راسه إلا هي
جوري بقهر: طيب ولو سمحتي لا تقولي الجور اسمي جوري
الجده بعصبيه: انا بنت ابوي وش ذي لو سمحتي تعالي بس اذا ماخليت ذي تتراقص على ضرتس وهي ترفع عصاتهاا
تركي بصوت واطي: شكلي ماسويت خيرر يوم جبتس وهو يضحك
الجده بقهر: قاعده على قلبتس ياالتيس
تركي بصوت عالي يضحك: هههههههههه
ام فيصل وهي تدخل تسلم على امهاا وتجلس قريب منها
رهف على طول وسعت لها مكان عشان تجلس وقربت اكثرر من تركي
تركي وهو يتكلم بصوت واطي لرهف: من بكره ترى راح ارجعهاا لا تفرحي انتي وهالخشهه
الجده: وش فيتس قولي الحمدلله يمه الله يرحمه يكفي اللكل يذكره بالخيرر وان شاء ربي يعوضك احسن
جوري بصرخه: ايششششششش قصدك تتجوز غير ابوي
الجده بعصبيه: اقول تقلعي عن وجهي وانا ماقلت كذاا بس مو منتس من اخوك هالتيس يسمعك وهوو ساكت قم يامال العافيه هاك العصى برد قليب ميمتس الله يبرد قلبس قم سرعه قبل ماتشرد
ام فيصل بهدوء: الله يرحمه وانتي يا جوري امي مو كذا قصدها
عنود بهدوء:ماعليك فيهاا ياجده هي كذا دوم ماتفهم ولو فهمت تفهم غلط
الجده وهي مطنشتهم وتناظر تركي: قم يمه هاك
تركي : هههههههههه ماراح اضربهاا لان جوري ماغلطت خلي عصاك عندك ومن بكره اناابنفسي اوديك بيتك
الجده وهي تضرب على صدرها : هووو
ام فيصل وهي تضحك بهدوء: يمه يمزح عليك والحين اعطيني العصاا وانا اضربهاا بنفسي
جوري وهي تشرد من امها وتصرخ: الله لايبارك فيك ياعنود انتي وهالشورر انك تخلي ميمتي عندنا هاا عجبك اللحين
اللكل ضحك عليهاا
والجده تتحلطم ليه ماضربوهاا
وهي تناظر بنتهاا : تربيتك خايسه في عويلك
ام فيصل : عندك يمه خذي راحتك فيهم
الجده بقهر: وش ينفع اللحين الواحد مايدخل من الباب
عنود بزعل: والله يمه وهذني طلبتك اناا
الجده وهي تناظرها بحنان: لا يمه انتي ورهف مامثلكم حد إلا والله واحمد ماشاءالله عليه
تركي : جده على حد علمي انااالغالي عندك وش اللي تغيرر الله يهديك
الجده بعصبيه: من يوم ماخطبت واناا قافلتن عليك
تركي بقهرر:جده حبيبتي ابي اذكرك بس ان دلال قريبه منك اكثر من هذي اللي جالسسه تحببي فيهاا
الجده وهي ترجع تضم رهف: فديتها هذي بنت الغالي إلا يوك كان متزوج خالتك الله يرحمهاا كان والله اغليه اكثر من روحي ومن كثر غلاي له بنفسي خطبت له اللي فعلاً بتعوض مكان بنتي
وفعلاً الحمدلله ربي عوضه في هالبنت وهم ربي مااعطاهم عمرر لا هو ولا مرته الله يرحمهاا تبهذلت مع اخوانهاا وحريمهم

رهف حسيت بحزن وهي ترجع تتذكر سالفة امي بس بعدهاا جلست طول الوقت وهي ماتعطي تركي وجهههه
جلست اضحك بصوت عالي اموت فيهاا لما تكسح تركي بعدها سوينا العشا جلسنا شوي وكلن راح لغرفته وانا طبعاً السيد جرني جر معه كنت ناويه اسهر مع عنود بعد ماللكل ينام
دخلت الغرفه وانا معصبه منه مانسيت العصر يوم صرخ علي
تركي وهي يرمي حاله على السرير: وش فيك قالبه خشتك وفي الصاله مع جدتي وعنود ضحكك معبي المكان
رهف بقهر: انت وش فيك ليه ماعمرك اعتذرت تجي كذا تسأل
وش فيك وتقلب اللحق لك نسيت كيف صرخت علي قدام البنات ولا نظرات الشك اللي في عيونك هذي تولع فيني
ولا عليهاا تجي تقول تعالي نبدا من جديد وش هاللي نبدا فيه وانت كذا حالك
تركي بحده: يوم قلت لك نبدا من جديد ترى مو حب في وجهك
اوك كان للحظة ضعف مني وانتي عجبك حالك معي ماعجبك شوفي حولك كم جدرر فاهمه ولا تصدقي اني ابي ابداا معك واعيشك ملكه ترى لو تموتي مانسيت وش ماضيك مع فيصل
رهف بقهر : محد طلب منك تعيشني ملكه وكمان اتحدى انك مصدق ان فيصل يكلمني كان ماخليتني على ذمتك دقيقه لان مافي رجال في العالم يرضى مرته كلمت ويسكت ولايعيش معاهاا حتى مثل عيشتي معك ولا تقول كلامي كذب اوك لاني عارفة ماسكهاا بس حجه عشان تتطلع جنونك علي وانا اللي طلبته بس شوية احترام قدام خواتك فاهم كافيه الضرب اللي صار قدامهم
تركي وهو فاتح عيونه على الاخر: متى انا ضربتك قدامهم
رهف : لا لا اقول لا تهايط اللحين ومتذكرر والله نسيت مين كمان فكني من يدك خالتك اقسم بالله كل مااذكر اني اموت من قهري ولا الكف اللي اخذته منك بعد طلوعك من المستشفى في المطبخ
تركي بهدوء: كان لي اسبابي وانتي تعصبي الواحد ومايفكررر وقتهاا مين يكون موجود
وخالتي مستحيل تقول لحد
رهف بقهر: والله انها سوت يومهاا حفله
تركي بحده: بنت احترمي حالك لااسمعك تغلطي عليهاا ترى خالتي ومارضى عليهاا
رهف بسخريه: انا ماقلت شيء عنها عشان كذا تعصب وغريبه لسى تحبهاا هالحب حتى من بعد مارفضتك بنتهاا
تركي بقهرر: ي هذي السالفه اللي ماراح تنتهي وبعدين وش هالنظره في عيونك ترى ابي اقولك شيء لاتفرحي كثيرر اذا ماخطبت وتزوجت مااكون ولد ابوي فاهمه وبعدين هي شكلهاا رفضت لان ميمتي عصبت عليهاا وعشان كذا رفضتني يعني مو قصور فيني وغيري هالنظره في عيونك إلا ارميك بذا اللحين وهو يرفع ريموت التكيف
رهف بسخريه : الله يسعدك معاها ولا مع غيرهاا
وقمت ابي اطلع تذكرت ملابسي ابي اروح اجمعهاا
تركي وهو يشوفهاا تتطلع: على وين
رهف : ابي ملابسي واغراضي كلهاا جمعتها وابي ارتبهاا هناا
وياليت تقوم تساعدني وتحملهاا معي لهنا لانها كثيره وانا مافيني بطني على اي شيء يقوم علي
تركي : خلي البنات يساعدونك مارح يقصرن وهو يسحب الاب ويفتحه
رهف طلعت بقهررر وقفلت الباب بقوه بعدي...........................
انتهى البارت
استودعتكم الله
نوني


&نـــونـي بنت الجنوب & ©؛°¨غرامي فضي¨°؛©

يالله ان شاءالله تستمتعووا في البارت
ولاتحرموني ردودكم
نوني

Maram_fofo ©؛°¨غرامي ماسي ¨°؛©

السلام عليكم
روايةة جميلةة ، و مشوقةة تسلم يدك ع الابداع .!


انتظر البارت القادم + لا تنسي ترسلي رابط البارت (: ..!

^^


في مخيلتي ©؛°¨غرامي جديد¨°؛©

تسلمم يمناككك صراحه روعه معني م كملت بس متحمسه لروايه

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1