&نـــونـي بنت الجنوب & ©؛°¨غرامي فضي¨°؛©

البارت السابع عشر

سبحان الله وبحمده سبحان الله العظيم

حزين ولا قدرت اوصل نهايات الحزن والويل
حنون ولا قدرت اقسى ولا حتى على العدوان
غريب ولا قدرت اسكن كذا مدري بلا تفصيل
ولا ادري غربتي تلقى مساكن تكفل النسيان
تنسيني هموم الامس ولأهات والتنكيل
تعيشني بعيد عن سجن نفسي بلا سجان
وانا اكثر من سجن نفسه وسط نفسه يخاف القيل
حبس دمعه ورى اهدابه هدب عينه غدا قضبان
كتمت الهم في صدري واعرف انه علي ثقيل
وانا ادري عذب قليبي سكوتي واتعب الشريان

عنود وهي حزينه عليها : حرام عليك رهف وش هالكلام والله اللكل يحبك
رهف بسخريه : مين يحبني قولي مافي إلا انتي والبنات
عنود :وهذا مايكفي
رهف بغصه : يكفي بس كان ودي عمي مايظلمني ويقف معي ومايخذلني
عنود وهي تمسك كتفها :خلاص لا تفكري في شيء اللحين وحاولي تكوني قويه
مو ضعيفه وهذاك الوقت يعرف تركي مين رهف إلا مايكسرها
رهف بضحكة استهزاء : ايش مايكسرني مو كسرني وخلاص
عنود : والله ودي اقول لااابوي بس خايفه عليك لانك مسافره وحده معه
رهف : يالله كله محصل كله ولا تقولي لعمي ولا شيء صراحه ماودي اطلع بمشاكل
عنود : اوك حياتي والله انك راح توحشني وبكت على طول
رهف وهي تضمها : حياتي وش هوله هالبكي اللحين خلاص عنود ترى انا ماسكه نفسي غصب
عنود وهي تبكي :مو قادره اتخيل يمر يومي وانتي مو جنبي
رهف ودموعها تنزل : ايش نسوي هذا القدر فرق بينا
وهي تغير الموضوع بعدين قومي ساعديني أخذ اغراضي كلها ولا جالسه تنزلين في هالدموع
عشان ماتساعديني
عنود : هههههههع كشفتيني
رهف وهي تاخذ ملابسها ودخلها الشنطه : ايوه من اول
عنود وهي ترفع الاستشوار : خذي هذا معك
رهف : لا اعطيني الثاني
عنود : لا خذي هذا وانا اطلب واحد ثاني
رهف بتريقه: حرام عليك يبي لك وقت عشان الطلب وقتها وش تسووون في شعر جوري
يالله هذا الاستشوار وينفع معه الله وكيلك سلك مواعين مو شعر
عنود : ههههههههه والله لو تسمعك اخخخخخ كان اليوم صارت علوم
رهف : لا من جد هذا مابيه ابي الثاني انا بس اجففف فيه شعري وبدلع تدرين في شعري ناعم
عنود بقهر: تصدقين اكرهكم انتي وحوري لا بديتوا تمدحوا في انفسكم
رهف وهي تطلع لسانها : عادي اكرهيني
جوري وهي واقفه عند الباب : بالله تقول ماما الغداء جاهز
رهف وهي تناظر عنود : غريبه خالتي ماعزمت اختها وكمان تهاني وين ماشوفها
عنود : تهاني اعتذرت تقول انها تعبانه وسمر نايمه
رهف : سلامتها بس انا زعلانه منها حتى امس ماسلمت علي
عنود : تصدقي سالتها قالت مو متخيله انك لغير فيصل وعشان كذا ماقدرت حتى تقوم تسلم حضرت بس مجامله
رهف بسخريه : كان كملت المجامله وسلمت وبقهر صراحه قهرتني تهاني كأن انا السبببب في اللي صار
جوري : خلاص رهف لاتفكري في احد اللحين وفكري وخلي بالك على طول مع تركي
رهف وهي ترمي عليها المخده : انتي انقلعي قال ايش افكر في تركي
ام فيصل تدخل فجأة عليهم وبسخريه: وليه ياحسره ماتفكري فيه هااا قولي
ماهو زوجك واجب عليك تفكري فيه وتسعديه
عنود على طول تدخلت : يمه رهف مو قصدها بس كان تقهر جوري
ام فيصل ببرود: يالله ماعلينا ويالله الغداء جاهز وطلعت
رهف : اوف ياربي وش هالحظ معي يعني لازم كان خالتي تسمعني
عنود وهي تسحب يدها : يالله بس الغداء اللحين ابوي بيعصب
رهف وهي ترجع لاوراء : ايش يعني نأكل كلنا سوا
عنود وهي مستغربه : ايوه وش فيها مو دايم ناكل سوا
رهف : لا هذا اول قبل ماعمي يقلب علي وكمان تركي موجود مستحيل اني أكل شيء
عنود : اقول امشي وفكينا من ابوي لا يعصب من جد كمان تركي مو بس بتاكلي معه إلا بتسافري معه وخلاص عيشتك كلها معاه
رهف بقهر منها: اوف لازم تذكريني امشي طيب
في الصالة اللكل متجمع حول الغداء
رهف وعنود : السلام عليكم
ابو فيصل وهو يرفع راسه ويناظرهم وبدون نفس : هلا تفضلوو ا الغداء برد
ام فيصل : تعالي هنا يارهف اجلسي بجنب زوجك
تركي ساكت وهو يناظرها
رهف مسكت على طول في يد عنود ماابي اروح اجلس قريب منه : لا هنا ابي اجلس
تركي بقهر وده يقوم يزنطها بس خايف من ابوه : امي وش قالت تجلسي هنا وهو ياشر لمكان قريب منه
عنود وهي تفك يدها من يد رهف : روحي حياتي اجلسي هناك
رهف وهي تمشي ناحيته وجلست وسحبت ملعقه وهي تحاول انها تأكل
وفي نفسها اوف ماابي اجلس قريبه منه اوف لازم شغل التلزق ذا اوف من خالتي
مو قتها صراحه كان ودي افشله ومااجلس بس شفت عمي وهو يناظر ببرود وخالتي شكلها راح تعصب
يالله مو قادره أكل شيء
ام فيصل وهي تقرب أكل زود لهم : كل حبيبي وراك سفر وخط طويل
تركي : تسلمين ي الغالية وهذا انا أكل
جوري : اوف قهر انا اللي كان ودي اسافر ابها مو هذي وهي تاشر على رهف
تركي: ههههههه يالله روحي جهزي شنطتك
جوري بفرحه : والله يبه ايش رايك
ابو فيصل بحده: عشان ادفنك محلك
جوري : يبه وش فيها ودي اسافر
تركي : ايه يبه خلها تسافر تغير جوووو
ابو فيصل بصرخه : قلت مافي سفر وانت كل وانت ساكت وبعد ماتكمل غداء يالله توكل انت وزوجتك
رهف على طول نطقت معي اخر امل عشان هالسفره تتتفركش واجلس هنا: عمي جامعتي كيف
الاسبوع هذا يبدا دوامي
ابوفيصل : انا مالي شغل فيك عندك زوجك يقدر ينقل ملفك هناك
تركي وهو يقفل السالفه : ومن اللحين اقولها قدام اللكل مافي جامعه خلاص انتهى
رهف بقهر ودموعها تنزل حرام يضيع مستقبلها زود : لا لا إلا جامعتي مستحيل تخليني اتركها
تركي بصرخه : يالله خليني اشوف وش راح تعملي وبصرخه ثانيه قلت مافي جامعه يعني مافي
عنود : لا تركي حرام عليك
تركي وهو يرفع يده في وجهااا : تكفين لا تدخلي
ابو فيصل ببرود : خلاص زوجها قال مافي جامعه يعني مافي جامعه
تركي وهو يناظر رهف وهي تبكي بسخريه : لا كمان موتي احسن
ويالله مافي وقت قومي البسي عباتك وامشي قدامي
ام فيصل : حبيبي اجلس شوي
ابو فيصل بحده : وش يجلس شوي خليه يتوكل
تركي بسخريه : اوك متوكل وافكك منا
وهو يرجع يناظر رهف وانتي يالله خلاص بكي ودلع وطلع يغسل
جلست ابكي مقهوره كل ضاع مني حرام وشكل عمي وهو مو طايقني قهرني زود
ياربي رايحه معه لمكان مجهول ماادري كيف حياتي بتصير مع واحد مايخاف الله فيني
شفت عنود وهي تمد يدها لي على طول قفت وهي ضمتني وجلست تبكي
سماح وهي تبكي : يالله كيف بيتنا بدونك وتضمها
رهف سلمت على البنات وانا ابكي بس استغربت جوري وينها شفتها على الكنب وتبكي
تقربت منها وقلت خلاص لا تبكي كل يوم ابي ادق عليك واحرق دمك
جوري وهي تبكي : انا مابكي عليك ابكي مقهوره ليه انتي تسافر وانا لا
رهف وهي مصدومه : ايش الله ياخذك يازفته ان شاءالله ماتسافري طول عمرك
عنود : هههههههه
سماح بسخريه: خبله من جد وحنا قلنا الحمدلله البنت صارت تحس
جوري : انقلعووووا مالي دخل ابي اسافر
رهف بصدق : والله ياليت عمي يوافق وكمان ماراح اخاف وهي معي
ام فيصل بسخريه : وليه تخافي لايكون ولدي ياكل وحنا ماندري
رهف تقربت منها سلمت عليها وقلت وانا دموعي تنزل : لا ياخالتي موقصدي كذا قصدي
خايفه من االمكان بيكون علي غريب ودي كمان تكون معي
ام فيصل وهي تحس بشفقه عليها : خلاص حبيبتي معليش واللحين زوجك اللي يكون معك
ولا تزعلي منا اذا قسينا شوي بس لمصلحتكم وراح تعرفي بعدين
رهف : عادي مثل امي انتي ويكفي انك متحاملتني في بيتك
ام فيصل وهي ترجع تضمها : حياتي لا تقولي كذا وانا اذا قسيت عليك هالفتره بس عشان تركي
تدري فيني اموت فيها وبضحكه تصدقي فرحانه وانتي له حتى لو كان الطريقه من اول غلط
عنود : هااا من حظك ام فيصل رضيت عليك
ام فيصل : من اول راضيه عليها
رهف
مشيت ناحية الغرفه وشيكت على شنطتي ولبست عباتي والبنات دخلوواا علي وهم ساكتين
عنود بحزن: يالله تركي جالس ياخذ الاغراض يعني اللحين بتمشون
رهف ودموعي تنزل هزيت راسي : اوك
جوري وهي تجي تضم رهف : يازفته من جد راح توحشيني
سماح : الحمدلله وانتي اعترفتي انك تبكي عليها
جوري بعباطه: لا اول كنت ودي اسافر بس اللحين لما فقدت الامل وابوي رفض خلاص قلت ابكي عليها
عنود بتريقه: الحمدلله وانتي بكيتي عليها
تركي وهو واقف عند الباب : هذي كل الاغراض
عنود : ايوه كلها
تركي وهو يجي ناحية الشنطه وياخذها : يالله رهف امشي مره وحده ننزل
وقفت على طول وانا كاره اروح معاه مكان شفت البنات وهم يرجعون يبكون
حاولت اضحك : خلاص بنات يكفي بكي
ان شاءالله للعيد نجي
تركي بسخريه: ايوه كثري منها
عنود : الله يستر عليكم وحنا راح نخلي ابوي يودينا عندك
جوري بوناسه: الله نسافر ابها
تركي : ههههههه صدق خبله
عند باب الصاله
ام فيصل وهي تبكي: يمه انتبههه على بنت عمك
تركي : اوك يمه لا توصي
ام فيصل وهي تضربه على كتفه: لا اوصي هااا يعني انا ماعرف حركاتك
تركي وهي يسلم على يدها :: المصيبه انك تعرفيني
ام فيصل بصدق : من جد اتكلم معك لا اسمع رهف تشكي منك
تركي وهو يناظر رهف : وهذي تجي مستحيل نزعلها
عنود بسخريه : ايوه مره ماش عليك لسانك ينقط عسل دوم
تركي وهو يسلم عليها : بس لاني مسافر إلا كان خليتك تشوفي لساني اللي ينقط عسل
رهف : وين عمي مااشوفه ابي اودعه
ام فيصل : عمك دخل ينام وقال سلمووا على رهف
رهف حسيت بغصه يالله حتى ماوده يودعني : اوك الله يسلمه وسلمي عليه
وقولووا له كان رهف ودها تودعك وتسامحها
عنود : ان شاءالله حبيبتي وراح يكلمك هو بنفسه
تركي بتريقه: ايوه راح يدق عليك اكيد اقول امشي بس ابوي ماوده حتى يناظر في وجهك يقوم يكلمك
وانتم يبنات بلى كذب
ام فيصل وهي تقاطعه : تركي من اللحين هااا وعادك ماطلعت وانت هذا حكيك معاها
تركي : هههههههه معليش يمه نسيت وطلعوا
سويت نقابي زين وطلعت ناظرت البنات وشفتهم يبكون وخالتي تهدي فيهم
مشيت طلعت للحوش ناظرته واقف ويرتب في العفش
ركبت على طول بس شفت فيصل يدخل جاي من برا وشكله مبهذل وشفته ياشر لصحابه بسلام
لما شفت تركي يمشي ناحيته عرفت ان بتصير مشكله فتحت الدريشه ابي اسمع
وش يقولون تركي وهو يسلم عليه: وينك يارجال ماحضرت زواجي
فيصل : معليش كنت في الشرقيه اتمشى
تركي : مو عذر انك تتمشى وتترك زواج عمك
فيصل يبي يقهره : والله تبي الصدق
تركي بسخريه : اكيد ومااابي غيره
فيصل : والله ماقدرت احس اني متفشل منك
تركي برفعة حاجب : وش هو اللي متفشل منه
فيصل يبي يقهره زود : متفشل اني كنت اكلمها ونسمر سوا على الجوال وفي النهايه
تاخذك
تركي بقهر: ومقهور اني اخذتها عليك
فيصل بصخريه: لا وانت الصادق ويا عمي العزيز متفشل انك تاخذ وحده كلمت غيرك
واللي كلمته ولد اخوك صراحه ماتخيل انحط في نفس موقفك احسه صعب حيل
تركي وهو يهجم عليه يبي يضربه : ياكلب
على طول احمد طلع من البيت وهو يفكهم عن بعض : ايش فيه وانت ابعد عنه اقولك
تركي وهو ثاير : ابعد خلني اربيه لانك مع احترامي لك ماربيته
احمدوهو يرجع يدف تركي : اقولك ابعد عنه وسافر وفكنا من مشاكلك
ويرجع يناظر فيصل وانت انقلع داخل
تركي وهو يشوف فيصل يدخل : ايوه يالجبان خلك واقف وكون قدها بس اقسم بالله
لا حكيك كله راح اطلعه منك يالزفت
احمد وهو يمسك يد تركي ويهدي فيه:خلاص اهدى وانا بنفسي راح اعرف وش قالك واتفاهم معه
تركي وهو يد ف يده : انت ابعد عني
رهف
على طول قفلت الدريشه وانا مصدومه من فيصل وظلمه لي ليه ليه سوا كذا
وش يفهم المجنون هذا اللحين ياربي وش هالحظ معي كلهم ضدي صراحه كرهت
عمري والسبب هم تركي لاني رفضته اغتصبني وفيصل لاني تزوجت عمه ظلمني واتهمني اني اكلمه
وعمي قلب علي يحسب ان لي علاقه مع تركي وصار اللي صار والحين حتى وداع ماودعني
انتبهت على تسكيرت الباب بقوه يالله حسيت بخوف منه يالله شكله يخوف وهو معصب كذا
احسن شي اسكت ومافتح فمي
تركي بعصبيه وبصوت عالي : بسرعه قولي من متى تكلميه
رهف طنشته وش اقول حتى لو حلفت وهو في حالته هذي مستحيل يصدقني اني مظلومه
احسن شيء اسكت وربي يفرجها من عنده
تركي وهو يحرك السياره ويطلع من الشارع : اقسم بالله لو ماتقولي من متى


&نـــونـي بنت الجنوب & ©؛°¨غرامي فضي¨°؛©

تكملة البارت


بصوت عالي بسرعه انطقي من متى
رهف : وش من متى مو فاهمه شيء وش تقول انت واكلم مين
تركي وهو صاك على اسنانه : رهف بسرعه انطقي
رهف : اوف اقولك مادري عن وش تتتكلم
تركي وهو يعطيها كف على راسها بقوه : اللحين ان شاءالله تدري عن وش اتكلم
رهف حسيت الدنيا تدور فيني من قوة الضربه لاني على طول ضربت في الباب
اخخخخ ياراسي بعدها ماحسيت بالدنيا بعدها فتحت عيوني وشفت الدنيا ليل
رجعت سكرت عيوني ابي احس اللي صار معي حلم يارب انه حلم هذا كله يارب
رجعت فتحتها بس اخخخخ هذا الواقع بذات لما شفت تركي وهو يسوق ساكت
يالله كم الساعه مسكت على طول على بطني لاني حسيت بلوعه : ابي حمام
تركي وهو يلتفت مفجوع : بسم الله من متى صحيتي وانا فرحان توقعتك متي
رهف وانا غصب اتكلم واحس راسي راح ينفجر : ابي حمام بسرعه بطني تقلب علي
تركي بقرف :وع الله يقرفك اصبري شوي قدامنا مسجد وبجنبه حمام
رهف
طنشته وحاولت امسك نفسي يارب خففف علي يارب مو قادره
اتحمل :سرعه تركي مو قادره
تركي وهو يسرع زود : طيب اللحين دقايق بس
غمضت عيوني ابي الوقت يمر بسرعه
بس الحمدلله قدرت امسك نفسي حتى وقف السياره
تركي: هيه وقفي خليني اشوف المكان اول
رهف :اوف يالله بسرعه
تركي بسخريه : اوف منك ومن قرفك
شفته وهو ياشر لي انزل نزلت على طول دخلت الحمام الله يكرمكم
واستفرغت وغسلت وجهي بس حسيت الدنيا تدور حولي مو قادر امشي
مسكت الجدار ومشيت فتحت الباب إلا تركي واقف على طول مسكت فيه
رهف وهي غصب تتتكلم: احس بدوخه قويه
تركي وهو يمساكها من عند كتوفهاويتفرج لناس : اوف امشي فشلتني من الناس
ياربي انا وين والزواج وين اوف اركبي انفضحنا اليوم
رهف
طنشت كلامه كله ولا فكرت فيه جالسه ادعي ربي ان هالدوخه تخف شفته يركب
بجنبي وجالس مدري و يقول
تركي : هيه انا اكلمك خذي العصير هذا وهي تهدى عليك الدوخه
رهف وهي تسحب من العصير : ان شاءالله
تركي وهو يناظره : هااا كيف اللحين
رهف فتحت عيوني : الحمدلله احسن بس ابي اصلي المغرب والعشاء
تركي : ايوه اكيد حاولي تقوي نفسك لاني معاد ودي اوقف في مكان
رهف : طيب ابي انزل اتوضى
تركي : يالله
رهف
بعدها دخلت اتوضى وبعدها دخلت المسجد شفت بنات داخلين
صراحه فرحت لان المكان يخوف ومهجور صلينا كلنا وانا جلست اعدل نقابي زين
شفت البنت جايه ناحيتي
البنت : سعوديه
رهف وهي مستغربه اول مره احد يسالها هالسوال : ايوه ليه تسألي
البنت : من جد سعوديه صراحه عيونك لونها غريب
رهف بطفش : لا سعوديه وماغريب إلا الشيطان
وعن اذنك ابي امشي ابعدي عن الطريق
شفتها خويتها تسحبها وهي تقول وش هااللقافه فيك إلا تساليها يعني أمشي الله يفشلك
لما قالت كذا صراحه كان ودي اضحك تذكرت ع طول لللقافه جوري الله يحفظها
طلعت امشي شفت البنات اللي من تو معي يركبون والاخ تركي مسطل يناظرهم
صدق مايستحي دوبه مصلي مالت عليه ولا استغل ان السواق حقهم مدري وين راح
وأخذ راحته الحبيب يناظر فيهم مريت من عنده وقلت : عيونك لاتطلع
تركي : ههههههههه امشي بس اركبي
ركبنا السياره وانا مقهوره منه ومن ضحكته غبي مدري وش يحس مع وجههههه
تركي :من اللحين اقولك مافي عاد وقفه إلا ابها
رهف :قول ان شاءالله
تركي بهدوء : ان شاءالله
كان السياره هدوء صراحه ماتوقعت تركي يهدى بعد ماعصبه فيصل توقعت اليوم نهايتي
بس شكل ضربته لي قبل شوي هدته والله يستر لا يكون الهدوء اللي يسبق العاصفه
قفلت عيوني ابي انام سمعته وهو يسألني
تركي بقهر : بالله وش استفدتي من الزواج اللحين
رهف بسخريه :عشان استر نفسي ولا انت تدري اخر واحد افكر فيه انت
تركي بعصبيه : اقول انطمي بس وخليني ساكت لانها واصله معي وهو ياشر على خشمه هتا
ولو تبي حياتك اليوم افتحي فمك
رهف : انت اللي سألت وانا اعطيتك الجواب
تركي وهو يقاطعهت بصرخه : اقولك انطمي واشتري عافيتك
بعد هالصرخه منه فعلاً انطميت ولا فتحت فمي وجلست اتفرج من الدريشه يالله
احس كل مابعدت احس بخوف من المكان اللي مقبله له
حسيت بجوع ...... وخايفه افتح فمي له اوف لي ثلاث ايام مااكلت زي الناس
اوف حاولت انام اعشان يخف الجوع بس الغبي هذا مين ينام معه
فاك الصوت اعلى شيء وياليت شي ينفع لا اغاني مالت عليك نفسي اقوله حرام صك الصوت
بس عالغبي وش يفهمه بالحرام والحلال والا اللي سواه فيني حلال
طنشت ورجعت سكرت عيوني حسيت وهو يوقف بجنب كوفي نفسي أسأله وين حنا
بس تراجعت خفت يكسحني
تركي وهو يطلب : جيب دونات مع كوفي
ورجع ناظر هف تبين شي
رهف الحمدلله وهو عزمني : جيب اي شيء
تركي : جيب سندوتش مع عصير برتقال
رهف
وع كان نفسي اقوله ترى مو لايق عليك تكون طيب اللحين اللي يسمعه وهو يطلب لي
عصير برتقال يقول خايف على صحتي مالت عليك بس وهي تقلد صوته بصوت خفيف عصير برتقال
تركي وهو يناظرها :نعم قلتي شيء
رهف بخوف : لا ماقلت
تركي : أشوى وانتي مافتحتي فمك
وهو يناول الطلب لان هذا كان راح ينكب كله في وجهك
رهف
اوف ياناس كريه من جد اهذت الاكل منه وهو حرك
وانا جلست أكل بهدوا وشربت العصير بقي نص حطيته على جنب
بس قهرني لما سحبه وكمل شربه كله
تركي : وجع ليه تناظريني كذا
لا يكون ودك فيه كان
رهف بسخريه وقهر : لا بالعافيه اشربه

انتهي البارت
استودعتكم الله حبايبي
الله الله في الردود


ابنتي ©؛°¨غرامي مشارك¨°؛©

تسلمين على بارااااااات لحلو صراحه حس تركي يحب رهف

فيتامين سي ©؛°¨غرامي متألق ¨°؛©


السلام عليكم ورحمة الله وبركاته
بارات راائع تسلم يمينك

فيصل
نذل مثل تركي أفتريت على رهف واظنك من أول تكذب على تركي
وتقول إنها تكلمك وهذا اللي خلا تركي يتهمها انها تكلمك

أم تركي وأبوه
هم عارفين ولدهم زين ومتأكدين إن رهف مظلومه لكن اللي سار ماهو سهل
عليهم لكن ليت قسوتهم جت على تركي لأنه هو الغلطان ولوهي تحبه وتبغاه
كان وافقت عليه ومارفضته ووافقت على فيصل

تركي

واضح يحب رهف ولو كابر واللي سواه كله حتى يجبرها توافق عليه ولو قال
عكس ذالك وغضبه لأنها فضحته عند أهله وهوصعب يتقبل إن أحد يجبره على
شيء أويمشي كلمته عليه وهو مقهور منها لأنها فضلت فيصل عليه وإهتمامه بها وبأكلها لما عرف إنها دايخه دليل على حبه لها وكلامه القاسي لها حتى ماتكشفه رهف

رهف

أنت عارفه تركي وعناده وعصبيته تحمدي السلامه ولا تستفزينه زياده

منتظرين بقيةالاحداث يعطيك العافيه


&نـــونـي بنت الجنوب & ©؛°¨غرامي فضي¨°؛©

المشاركة الأساسية كتبها ابنتي اقتباس :
تسلمين على بارااااااات لحلو صراحه حس تركي يحب رهف
تسلمين وعيونك الحلوه
ان شاءالله يطلع يحبها هههههههه
كوني بالقرب
دمتي بود


&نـــونـي بنت الجنوب & ©؛°¨غرامي فضي¨°؛©

المشاركة الأساسية كتبها فيتامين سي اقتباس :

السلام عليكم ورحمة الله وبركاته
بارات راائع تسلم يمينك

فيصل
نذل مثل تركي أفتريت على رهف واظنك من أول تكذب على تركي
وتقول إنها تكلمك وهذا اللي خلا تركي يتهمها انها تكلمك

أم تركي وأبوه
هم عارفين ولدهم زين ومتأكدين إن رهف مظلومه لكن اللي سار ماهو سهل
عليهم لكن ليت قسوتهم جت على تركي لأنه هو الغلطان ولوهي تحبه وتبغاه
كان وافقت عليه ومارفضته ووافقت على

تركي

واضح يحب رهف ولو كابر واللي سواه كله حتى يجبرها توافق عليه ولو قال
عكس ذالك وغضبه لأنها فضحته عند أهله وهوصعب يتقبل إن أحد يجبره على
شيء أويمشي كلمته عليه وهو مقهور منها لأنها فضلت فيصل عليه وإهتمامه بها وبأكلها لما عرف إنها دايخه دليل على حبه لها وكلامه القاسي لها حتى ماتكشفه رهف

رهف

أنت عارفه تركي وعناده وعصبيته تحمدي السلامه ولا تستفزينه زياده

منتظرين بقيةالاحداث يعطيك العافيه
[/size]
عليكم السلام ورحمة الله وبركاته
سعيدة جداً بتعليقك على روايتي المتواضعة
وبردك عليها
كوني بالقرب
دمتي بود


&نـــونـي بنت الجنوب & ©؛°¨غرامي فضي¨°؛©

ان شاءالله انزل بارت يوم السبت كونوا بالقرب حبايبي

ابنتي ©؛°¨غرامي مشارك¨°؛©

انبغى بااااااااااااااااااااارت

&نـــونـي بنت الجنوب & ©؛°¨غرامي فضي¨°؛©

البارت الثامن عشر
اللهم اني استغفرك واتوب اليك


حبايبي ودي اغير عنوان الروايه ايش رايكم
إلا هو بيكون هذا ) اصفق للزمن ولا اصفقلك وكل واحد علي اشطر من الثاني )
انتظر ردكم اغيره اولا

تركي : ههههههههه ايوه مره واضح
رهف
طنشته هو وضحكته اللي تتستفز الواحد احسن شيء
اغمض عيوني وارجع انام عشان ابي الوقت يمر بسرعه لاني بصراحة
مليت من هاالسياره وشكل السفره باقي طويله وانا احس ظهري انكسر من كثر الجلسة
الجلسه واحس بألم فيه من ضرب امس على طول تذكرت ضربه لي ناظرته على طول
كان ودي اقتله والله من كثر القهر اللي فيني ياناس يقهر من جد وكمل علي اليوم لما قال مافي جامعه
ياربي انا انظلمت كثير من هالادمي وحطم كل شي حلو فيني يارب كن معي ماعندي غيرك
اوف صوت الاغاني قوي ومن غير ماحس صرخت غض الصوت شوي مره عالي
تركي طنشها ؟ ............
رهف بقهر: حرام عليك فيني نوم وماقدرت انام من صوته وتدري انك تأخذ أثم
تركي : اوف انتي ماتشبعي نوم ولا اقولك اوك راح انقص شوي عشان ارتاح منك
لما تنامي لانك بصراحه وانتي صاحيه ترفعي ضغطي
رهف وانا مبسوطه كويس طلعت ارفع ضغطه وانا صاحيه : طيب زود كما ن اقصر عليه زياده
تركي بصرخه : اقول انقلعي اعطيتك وجههههه زياده ويالله انخمدي لاني لو سمعت لك صوت
مره ثانيه دفنتك هنا
رهف
مالت عليك قال يدفني هنا ليه الدنيا فوضه كان ودي ارد عليه بس قلت احسن شيء
احقره اوف يقال اللحين قصر الصوت ..... واناكمان مدري ايش فيني مانام
مدري احس بقلق مافيني نوم وصراحه خايفه من سواقته احسه متهور بزياده
بس مافيني افتح فمي بعدين وش ابي من هالدنيا إلا كل تلطم فييني من جههه ....... يالله وش
اقول انا أستغفر الله يارب تغفرلي مهما كان مفروض ماقول كذا بعدها نمت من جد
فتحت عيوني وانا اشوفه مشعل دخانه وجالس يدخن ويد وحده ماسك فيها الطاره
على طول قلت : حنا وين وكم باقي ونصل
تركي وهو يطفي الدخان وبطفش : باقي حول ساعه ونصل
رهف على طول شفت الساعه وكان اربعه ونص الفجر يالله المسافه بعيده
مره من العصر طالعين واللحين الفجر ولسى باقي ساعه جلست اتفرج لللطريق
الل بداية الفجر صراحه مره حلو بس الجوووو بارد مره
تركي :اخيرآ دخلنا ابها يالله
ناظرة شوارعها صراحه تخوف مره كلها طلعات شفت السياره تنزل بطريقه تفجع صرخت
من غير مااحس : هيييه انتبههههههه
تركي بفجعه : ايش فيه
رهف بخوف: انتبهههه وسوق زين شوف كيف شوارعهم تخوف
تركي :صدق ماعندك سالفه وبعدين تعودي من اليوم ورايح على شوارعهم
رهف
بعدها جلست ماسكه في المقعده خايفه صراحه واحس بمغص وظهري يزيد علي لما السياره تطلع او تنزل فجأه
ومع سياقة تركي صارت تخوف اكثر لو يهدي والله مااحس باهالخوف
شفته وقف بجنب عماره
تركي وهو يرجع ظهره على ور ا ويحرك رقبته : اوف الحمدلله وصلنا
وهو يناظرها يالله انزلي
رهف
نزلت على طول كان شكل العماره جديد على طول شفته يمشي قدامي
مشيت وراه سالته : في اي دور شقتك
تركي بطفش :الدور الثاني ويالله بسرعه امشي اوصلك وارجع للعفش
رهف
هزيت راسي ومشيت وبعدها وقفت وانا اشوفه يفتح باب الشقه
ودخلت وهو على طول رجع جلست اتفرج للصاله وكان فيها اربع ابواب
والمطبخ قدامي على طول ياربي وين غرفة النوم ودي ارمي حالي على السرير وانام
مشيت فتحت اول باب وكان غرفه فاضبه مافيها ولا اثاث وبعدها شفت ممر طويل وفيه باب وبجنبه باب حمام الله يكرمكم
على طول عرفت ان هنا غرفة النوم مشيت وفتحت الباب وع وش هالقرف الغرفه حوسه
كلها ملابس واغراض مالها داعي صراحه توقعته انظف من كذا مشيت ناحية السرير
رميت الملابس اللي عليه ورتبت شوي الغرفه ويادوب ارمي حالي على السرير إلا هذا واقف على الباب
تركي وهو ياشر : برا ولا اسمع لك صوت ابي انام
رهف بقهر وتعب : وين برا مافي مكان انام فيه إلا هنا
تركي : اقول انقلعي في هالساعه مافيني اتكلم تعبان حيل
رهف : ليه وانا مو تعبانه ومفروض انا انام هنا وانت تنام في الصاله لان ظهري مره يوجعني وكملت بقهر
وانت ماشاءالله ماقصرت فيه قبل امس بالضرب الله يكسر يدك
تركي بصرخه :اقسم بالله لو تمر دقيقه وحده بس وانتي باقي هنا لا أخلي قبل امس على قولك ينعاد
رهف
لماسمعته يهددددد على طول طلعت من الغرفه وانا ادعي واتحسب عليه مفروض من كيفه يقول البنت مسكينه ظهرها يعورها من السفر
ولازم تنام على سرير وكمان يكون مريح انا وش اقول مفروض هالكلام اذا كان زوج فيه خير
بس هذا وينه وين الخير شفت الكنبه اللي في الصاله انسدحت عليها وبعدين تذكرت انا ماصليت الفجر
على طول قمت فتحت الشنطه اللي كان مرميه عند باب الشقه وجع في شكله حتى مادخلها الغرفه
فتحته وعلى طول طلعت بجامه شتويه وسجاده وجلالي ودخلت أخذ شور دافي شوي
وبعدها طلعت وانا احس ببرد حيل يالله هنا مافي حتى دفايه هنا في الصاله
صليت ورجعت انسدحت على الكنب شفت تركي وهو يطلع من غرفته ويدخل المطبخ
تركي وفي يده مويا : شوفي لو تنفجر هالشقه ماتصحيني فاهمه
طنشته ومارديت شفته واقف عرفت انه ينتظر مني رد هزيت راسي بااوكى
ودي اقوله من زينك عاد اجي اصحيك مصدق حاله صراحه مالت بس روح نام نوم الظالم عباده
جلست اتقلب عيا يجيني نوم اوف ياربي ايش فيني ماانام اكيد مارح يجيني نوم وانا نايمه طول الطريق
بس احس جسمي مكسر علي وتعبانه اخخخخ ياليت فيني حيل واقوم انظفي هالشقه المعفنه
احسن شيء احاول انام شوي عشان اقدر اقوم فيني طاقه سكرت عيوني غصب وبعدها نمت
فتحت عيوني على صوت الأذان شفت من الدريشه الجووو كان مو كانه الظهر على طول ناظرت الساعه
اللي في الصاله كان سته المغرب يالله احسب اذان الظهر ياربي كان مافيني نوم ويوم نمت نمت اليوم كله
قمت على طول اغسل واتوضى واخذ سجادتي واصلي اللي فاتني وانا استغفر الله
ياربي كم فرض فاتني يارب تغفرلي يارب اوف مقهوره ابس جوالي بس اليوم اول ماوصلت
رميت شنطتي في غرفته اكيد اللحين عنود دقت علي او ترسل على الواتس اكيد
مشيت ناحية المطبخ كان زباله مافي ولا شي نظيف في هالشقه ياربي كان ودي خالتي تشوف ولدها بس
كيف معفن واللي قهرني زود هناك لو يوم يمر ومافي وحده من البنات نظفت غرفته يقلب الدنيا ويحوسها
وخالتي طول اليوم زعلانه على البنات ليه مانظفوااا ومسكينه هي بعض مرات تقوم تنظف له الغرفه
حسيت بجوع قلت فتحت الثلاجه ياربي مافيها الا بيض وجبن ومويا قلت تمام خليني اسوي بيض واكل
طلعت البيض بس وين الخبز تفرجت في الثلاجه زين يمكن احصل مافي اوف رجعت البيض محله وسحبت علبة مويا وسكرت الثلاجه
جلست انظف الدولاب اخذت الاغراض ولاكياس اللي مالها داعي ورميتها وبعدها نظفت الغاز إلا كله وسخ وغسلت الصحون اللي مرميه مع الاكواب وخميت الارض ناظرت المطبخ يالله اللخين طلع يفتح النفس من نظافته وبعدها طلعت الصاله
رتبت المخاد على الكنب ززين ولمعت الماصات والبلازما وخميت الارض مشيت ناحية الباب اللي مافتحه لسى وشفت ايش هو طلع
على طول في وجهي سيب وفيه باب دخلت وشفته كان مجلس رجال وكان فيه كنب ارضي وتي في
بس كان نظيف رجعت رميت حالي على الكنب وجلست اتفرج على البيت ألله شكل النظافه حلووو
بس كنت احس بجوع فظيع ومدري وش اسوي مافي شي في هالمطبخ من جد طلع بخيل
ياربي مافي ولا صفه زينه تشفع له ناظره باب الغرفه الفاضيه لو كان فيها اثاث كان يمديني
اجلس فيها بدال جلستي هنا في الصاله وعشان كمان ماشوفه لما يطلع ويدخل
فكرت فكره على طول وقفت ابي اسحب الكنبه لداخل الغرفه وتكون هناك وانام فيها
قمت اصلي العشاء جلست اناظر غرفة تركي مفروض اروح اصحيه يقوم يصلي
حرام ع الاقل يلحق وقت صلاة العشاء يالله ماعليه فيه عنده جوال ومفروض يعدله لو يبي يقوم
قمت فتحت التي في وجلست اقلب فيه حطيته على مسلسل خليجي تذكرت البنات يوم كنا نتابع سوا
سمعت باب الغرفه ينفتح سويت جلستي زين شفته واقف وهو لابس بجامه كحلي وشعره معفوس
تركي ويده على شعره : قومي سوي اي شي اكله
رهف بترددد : مافي شي اسويه الثلاجه فاضيه
تركي بصرخه: دبري حالك بسرعه أقسم بالله لو اخذت شور وصليت وطلعت ومافي اكل
اخذ عمرك وبصرخه اعلى فاهمه
رهف هزيت راسي ومشيت دخلت المطبخ ياربي وش اسوي
مافي شيء فتحت الدولاب كله مافي كان شي ينطبخ حتى مافي إلا كم قدر وكم صحن بس
رجعت فتحت الثلاجه وطلعت بيض و قليته له وحطيته في طبق واخذت طبق ثاني حطيت جبن
فيه ههههههه يقالي اكثر صحون اللحين وحطيت ملعقه بجنبه وسويت له شاي وطلعت اشوف موجود في الصاله
بس كان لسى ماكمل شكله رجعت المطبخ وانا اناظر الاكل اكيد اللحين راح يعصب وهو مافي خبز
بس والله معي ضحكه وخوف في نفس الوقت كيف ياكل البيض بدون خبز يستاهل هو قالي دبري حالك
سمعت صوته وهو يقول يالله بسرعه سميت بالله وطلعت اخذت الاكل وحطيته له بجنبه على الطاوله وناظرته كان جالس
على الكنبه وماسك الريموت ويقلب رمى الرموت وقرب الطاوله منه ورفع راسه يناظرني
تركي : وين الخبز
رهف بخوف : مافي خبز
تركي وهو يرجع يناظر الأكل ويرفع الملعقه وبقهر:تبيني اكل البيض بملعقه
وبصرخه اعلى انطقي تبيني اكل الجبن والبيض بدون خبز
رهف : قلت لك من قبل مافي شيء في المطبخ وقلت دبري نفسك وهاللي قدرت ادبره
تركي وهو يرمي الطبق من على الطاوله وبصرخه: ويقالك اللحين دبرتي حالك وسويتي شيء
رهف بخوف وهي تبعد عنه : ايوه هذا اللي موجود وبعدين حرام ترمي نعمة ربي كذا على الارض غيرك مو لا قيها
تركي وهو يجي ناحيتها ويمسك شعرها : والله الحرام اللي بااسويه فيك الحين ياتبن
ونزل يده وفتح حزام الجنز من على خصره
رهف
على طول لما شفته فك يدي وجلس يسحب حزامه استغليت الفرصه وشردت اجري
ناحية الغرفه الفاضيه على طول سحبت المفتاح اللي كان موجود في الباب من برا وحاولت ادخله بسرعه وقفلت الباب
اخخخخخ جلست بجنب الباب مو مصدقه حالي اني شردت يالله احس فرحه وبخوف في نفس الوقت
مسكت على صدري احس قلبي يطلع من مكانه من كثر مايدق
تركي من وراء الباب بعصبيه وقهر: يازفته افتحي الباب قبل ماكسره على راسك
رهف بتريقه : اقول روح اشترى لك عشاء وفكنا منك
وكمان لو تسوي خير جيب معاك
نركي بصرخه : رهف اقولك افتحي قبل ماافتح قبرك اليوم
رهف : تكون تسوي خير بالله قلي وش ابي من هالدنيا إلا انت منكد علي فيها
تركي : اوك يارهف بس والله راح تندمي كثيررر
طنشته وجلست بعيد عن الباب مابي اسمع صوته يالله البلاط بارد بشكل مايتصور
بعدها سمعت تسكيرت الباب بقوه احسن طلع فكه ان شاءالله مايرجع أعوذ بالله ياحبه لشر
مستحيل يجلس بدون مشاكل بعدها بنص ساعه والله اني غبيه استغل انه مو جود واروح غرفته واخذ
شنطتي واشوف لي فرش يدفيني من هالبرد مشيت ناحية الباب قربت اذني ابي اتأكد
بس كان هدوء مافي صوت الحمدلله يعني اطلع امان فتحت الباب ورحت اجري بسرعه
ادخل غرفته اخخخخ كان دافيه شفت الدفايه شغاله يالله قهر هالحقير معه دفايه
وانا ابي اموت من البرد سحبت شنطتي وطلعت بسرعه اجري ناحية الغرفه وارجع اقفل الباب
فتحت الشنطه واخذت الجوال كان طافي حاولت افتحه اخخخخخ رفض ينفتح كان مافي شحن
دورت في شنطتي شاحن بس شكلي نسيته هناك اوف قهر اجلس كذا بدون جوال شكلي برجع اغامر
وطلع اشوف لي شاحن يشحن جوالي طلعت مره ثانيه ودخلت غرفته لاني متأكده الصاله مافيه كان شاحن فيها
جلست ادور على الادراج لللقيت شاحن بس كان شاحن الآيفون تذكرت جواله آيفون اوف ياربي ابي حل
انا جوالي جالكسي نوت 2 ومايركب فيه هالشاحن جيت اطلع بس انقهرت اطلع كذا يدي فاضيه على طول
تذكرت اني ابي مفرش يدفيني واقدر انا فيه سحبت على طول مفرشه اللي كان على السرير وانا اضحك
اخخخخخخخ اليوم وللمره الثانيه اقهره احسن خليه يجلس بدون مفرش .....


انتهى البارت حبايبي
وانا انتظر ردكم علي في تغيرررر اسم الروايه
استودعتكم الله


&نـــونـي بنت الجنوب & ©؛°¨غرامي فضي¨°؛©

المشاركة الأساسية كتبها ابنتي اقتباس :
انبغى بااااااااااااااااااااارت
معليش حبيبتي تأخرت عليكم بس كان عندي ضيوف واللحين نزلته
يالله ان شاءالله تسمتعي فيه وانا انتظر ردك


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1