غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 25-08-2014, 06:54 PM
صورة البرنسيسه نودي الرمزية
البرنسيسه نودي البرنسيسه نودي غير متصل
©؛°¨غرامي جديد¨°؛©
 
الافتراضي حفظت الشوق في قلبي ووصيته على الكتمان/بقلمي؛كاملة


السلام عليكم ورحمة الله وبركاته ....

بصراحه مدري كيف ابدى ؟؟
هذي مو اول اكتبهاا كتبت روايه من قبل بس ما شفت فيها تفاعل
وبعدها تركت المنتدى وصرت دايما بالانستقرام
بس لما كتبت هالروايه اصريت انها تنزل بمنتدى غرام فرجعت للمنتدى وسجلت بحاسب جديد
واتمنى انها تنال اعجابكم ...
لا أحلل نقل روايتي دون ذكر أسمي (البرنسيسه نودي)
و ع فكره اي خواطر او حِكم انزلها بالبارت منقوله للامانه ...


تعديل البرنسيسه نودي; بتاريخ 25-08-2014 الساعة 08:42 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 25-08-2014, 06:57 PM
صورة Beno3sll الرمزية
Beno3sll Beno3sll غير متصل
©؛°¨غرامي فعال ¨°؛©
 
الافتراضي رد: حفظت الشوق في قلبي ووصيته على الكتمان


شكل. روايتك من اسمها
حلوه نزلي بارت يالغلا
واتمنى تتابعين روايتي
https://forums.graaam.com/580790.html
وانتظر تعليقك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 25-08-2014, 07:09 PM
صورة Black pearl 73 الرمزية
Black pearl 73 Black pearl 73 غير متصل
©؛°¨غرامي جديد¨°؛©
 
الافتراضي رد: حفظت الشوق في قلبي ووصيته على الكتمان


وعليكم السلام ورحمة الله وبركاته
أنا متحمسة وأيد
ننتظرك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 25-08-2014, 07:26 PM
صورة البرنسيسه نودي الرمزية
البرنسيسه نودي البرنسيسه نودي غير متصل
©؛°¨غرامي جديد¨°؛©
 
الافتراضي رد: حفظت الشوق في قلبي ووصيته على الكتمان


الشخصياات ...
عائلة ابو طلال ..
عبدالله :عمره 51 سنه ...متقاعد
زوجته هيا :عمرها 46سنه ...
طلال:عمره 27 سنهه ..موظف بالشركه مع ابو سلمان
مشعل :عمره 24سنه ..أخر سنه له بالجامعه تخصص علوم وهندسة الحاسب الآلي
سوسن :17 سنه ..ثاني ثانوي ..

عائله ابو عبدالله ..
أبراهيم :عمره 48 سنه ..شريك مع ابو سلمان بالشركه ...اخو عبدالله
زوجته لطيفه:عمرهاا45 سنه ..
عبدالله :عمره 29 سنه ..طبيب جراحه ..زوج أريج
منال :عمرهاا 28 سنه ..زوجة سلمان
يزيد :عمره 20 سنه(بأخصتار هو اخو لطيفه الصغير توفو أهلهم وكان عمره ثلاث سنوات فأخذته لطيفه وربته مع زوجهاا فيعتبرهم يزيد أمه وأبوه وعيال أخته أبداً ما عمره حس أنه خالهم بالعكس كأنهم أخوانه ....)يدرس من سنتين بأمريكا تخصص اقتصاد
سديم :عمرهاا 18 سنه ..ثالث ثانوي ...هي ويزيد اللي يشوفهم يعتقد أنهم تؤام أصلاً لقبهم بالعايله التوام لانهم من كانو صغار مقالب وسوالف وضحك ويشاركون بكل شئ حتى بأحزانهم وهم أكثر اثنين فاهمين لبعض
أسيل :عمرها 17 سنه ..ثاني ثانوي

عائلة أبو سلمان ...
راشد :عمره 48 سنه ..صديق أبراهيم وعبدالله من أيام الطفوله ..حتى أن الشركه ثلاثتهم شركاء فيها بس ابو طلال تقاعد وصار بداله ولده طلال ...رجل معروف وله سمعته بالبلد بثروته
زوجته شيخه :عمرهاا 47سنه
سلمان :عمره 29 سنه ..موظف مع ابوه بالشركه ..زوج منال
مشاري :عمره 24 سنهه ..يدرس في امريكا اخره ترم له تخصص إدراة أعمال

عائله أبو سامر ...
أبو سامر :متوفي من سنيين من كانو عياله صغار
زوجته نوف :عمرهاا 45سنه ..أخت هياا الصغيره
سامر :عمره 26 ..شاب طايش مقضي عمره بعلاقات مشبوهه وكل يوم مع بنت وشرب خمر ..اخر شهاده له متوسطه وبنسبه جيده
طارق :عمره 24 سنه ..يدرس بينبع
اريج:عمرها 21 سنه ..تدرس لغة أنجليزيه تربيه ..
مروه :عمرها 18 سنه ..ثالث ثانوي

من ناحية شخصيات أبطالناا راح نتعرف عليهاا مع احداث الروايه ..

"
"
"
"
"
"
"
"
"
"

اللهم صل وسلم على سيدناا محمد ..

البارت الاول :


حفظت الشوق في قلبي ووصيته على الكتمان

انــا قبــلك بــلا معنـى انـــا قبــلـك بقـــايـــا انســــان

مســافـر مــالقـى ديــرة تعـــوض عــن شقـــا بيتـــه

غــريبـه صـرت في قـلبــك أنــا قصـــة بـــلا عنــــوان

كــتبت الشعــر مـن قلـبي وبــــدم الجــرح خطـيتـــه

غــريبـه هــاذي الـدنيــا بهــــا وافـي وبهـــــا خـــوان

حســافه مــامضـى منـي حسـافـه عمـــرٍ امضيتــه

شكـيت الحـب على قلـبي عـلامــه حطّـم الـوجــدان

سـألت القـلب!! متى يـاقـلب؟ أشـوفك صـرت حبيتـه

كــثيــر قلــوب مـن حــولك وأخبـرك تعشق النسيـان

لقــيت الحـب في نبضــك وشعــورٍ صــادق أبـديتــــه

لقــيت الحـب في نبضــك زهـــورٍ تـنبـعــث ريحـــــان

سـكـنت الحــب في روحــك وبـاقـي النـاس خليتـــه

أنــا جيتــك أدور فيــك مـــايــروي ظمـــا العطشـــان

لقيتــك ظــامـــيٍ قبلــي وظمـــــا قلبــي أرويتـــــه

حـفظـت الشــوق في قلبي ووصيتــه على الكتمـان

لقــيت الشــوق في قلبــك علـى قلبـــي وضميتـــه

كــتبـت الشعــر في وصفــك قصــايـد كـلهـــا ألحــان

لجــل اوصــل حشـــا قـلبـــك كــم مـــره تمــنيتــــه

احبــك كلمـــه معنـــاهـا شعـــورٍ ممتـلـــي أشجـان

ابــي اكـــون ذاك اللـــي بـاســـــم قـلبـــك تـبنيتـــه

ابــي عهــد ووعـــد منــك تــوفـي لــي بـــلا نكـــران

ووعــد منـي تكـون اللـي مــن اقصــى القلب حبيتـه

أنــا اسعــد بشــر عــادي تــولـع فــي غــرام أنسـان

كــتبت حبــه على صــدري ووســط القلــب ضـميتــه

بســافر فـي بحــر حبــك وابيــك تكــون لـــي ربـــان

امــوت ولايخــونك قلبـي ولـــو خــانــــك تــوطيّتـــــه

ابــي أسكــن وطــن حبــك تــرا مـليـت هــالاوطــان

ابيــك تكـــون ذاك اللـي قصيـــدة عشــق سميتــــه

"
"
"
"
"
"
"
"
"
"
"
"
"
"
"
"
"

كانو عايلة ابو طلال وابو عبدالله فرحانين بملكة عيالهم (سديم وطلال )
بيت ابو طلال ....
طلال كااان باااارد ولا كأن اليوم ملكته ... وعكس الاغلبيه بيوم ملكتهم يكون متوتر ويمكن يجيب العيد بعد ..وسوسن ومشعل يعرفون ان طلال مجبور يتزوج سديم ويحاولون يخففون عنهه ويغيرون جوه بس طلال كان لا حياه لمن تنادي
اما بنسبه لابوه فكان فرحان ومتوتر وكل شوي يسأل لا تنسون تسوون كذا ..؟؟ جبتو كذا ...؟؟
تقولون هو اللي اليوم بيمّلك مو ولده ...
اما بيت ابو عبدالله ...
بعد صلاة العصر
كانو البنات مجتمعين عندهاا وهي حييل متوتره والبنات يحاولون يخففون عنهاا ..
اما مروه فتحججت بأنها تعبانه وما حضرت ...كانت سديم تعرف ان مروه فيهاا شئ بس ما حبت تضغط ع مروه ...
كانو البنات يسولفون وهي مو معهم ابدا ..وتفكر بمروه
حست بشخص يحضنها من ورى وابتسمت :اسيل
اسيل :وش فيهه الحلو متضايق ..؟؟
سديم ابتسمت :ومين اللي ضحك عليك وقال اني متضايقهه ..؟؟
اريج حبت تغير الموضوع :شوفو انا علي تسريحتهاا
اسيل:طيب وانا علي المكياج
سوسن :انا علي التصوير لاني ما اعرف بأمور المكياج والتسريحات ...
اسيل بنص عين :واضح ما تعرفين ..ومين اللي مسوي لك مكياجك
سوسن :اعرف اسوي لنفسي بس لغيري ما اعرف .....
،،،،،،،،،،،،،،،،،،،،،،،،،،،،،،
بعد صلاة العشاء ...
دخلت منال الغرفهه :ما خلصتو للحين الناس جت وصارت تسأل عنكم ...
اسيل وهي تحط لنفسها الماسكارا :يلا دقايق. ...
اريج :بروح اسلم مين تروح معي ؟؟؟
اسيل حطت الماسكاراا عالتسريحه:انا
سوسن وقفت :انا بروح معكم
سديم توسعت عيونها بصدمه :نعععم ..!! كلهم بترحون تسلمون وانا من يقعد معي ..؟؟
سوسن :عندك منال
منال :خلاص انتو روحو وانا بقعد معهاا ...
طلعو سوسن واريج
اسيل وهي تشوف شكلها بالمرايه وبدلع :بنات وش رايكم ...؟
منال :حلوه ماشاءالله بس استعجلي روحي سلمي
اعطت ظهرها اسيل وطلعت
سديم بصوت شبه عالي :بالله خففي من هالدلع
منال بضحكه :خلي البنت بحالها وكملي لبسك ...
بدت سديم تلبس اكسسواراتها وبعد ما خلصت جلست جنب منال
دقايق ودخلت ام عبدالله ..
ام عبدالله. :يلا سدوم عبدالله ينتظرك تحت حتى توقعين
سديم :هااه
منال :من قال هاه سمع
سديم تجمعت الدموع بعيونها :مابي اتزوج هونت خلاص كنسلو الملكه
منال توسعت عيونها:نععم ..!! تستهبلين انتي
ام عبدالله بحنان :ليه ما تبينه يمه ..؟؟
سديم :خايفه ..
منال ابتسمت :ما عليه التوتر طبيعي يلا امشي
سديم هزت راسها بأسى : محد حاس فيني ...
،،،،،،،،،،،،،،،،،،،،،،،،،،،،،،،،،،،،،،
عند الرجال
مشعل جالس جنب طلال
مشعل بهمس لاخوه :وش فيك مكشر ترى اليوم ملكتك
طلال ببرود :تبيني ارقص مثلاً ..؟؟ ادري انها ملكتي
مشعل :ابتسم حتى لو تسليك يأخي مو كل من مر وسلم عليك شاف هالوجه مكشر ..!!
طلال طنش مشعل "ياارب انها تغير رايها و ترفضيني "
،،،،،،،،،،،،،،،،،،،،،،،،،،،،،،،،،،،،،،
البنات ...
اسيل وقفت قدام سوسن واريج :بالله اسألكم لبسي حلو ولا اروح اغيره ..؟؟
سوسن مسكت عضد اسيل :والله كلك على بعضك قمر بس خلصيني
اسيل :اذكروا الله لا تصكوني بعين
سوسن واريج بملل :ماشاءالله لا إله إلا الله ...
اسيل :طيب وش رايكم ب......
سوسن قاطعتها لما مسكت عضد وسحبتها معها بعصبيهه ..
دخلو المجلس الحريم
ام طلال :تعالو سلمو يا بناات
اللي كانو موجودين كلهم كم حرمه من الجارات والقرايب وام سلمان
ام طلال التفتت للحرمه اللي كانت جنبها:ام حسام بنتي الوحيده سوسن
ام حسام ناظرت لسوسن بتفحص:قمر ماشاء الله
،،،،،،،،،،،،،،،،،،،،،،،،،،،،،،،،،،،
بعد ما سلمو عالحريم طلعو ع طول من المجلس
سوسن :افففففف واخيرا ...(وتذكرت وبعصبيه قالت) وبعدين سلامات حسسونا سياارت كل وحده وحده تقول اخترت لولدي والثانيه تقول وانا بعد اخترت كانهن يقولن اخترت لولدي سيارته ...وبذااات(وشددت ع هالكلمه) هالام حسام تحلم اخذ ولدها
اريج بضحكه :ليهه ..؟؟
قاطعت حوارهم ام سامر:هلا سوسو اخبارك ؟؟
سوسن :هلا خاله
سلمو ع ام سامر ..
اسيل :وينها مروه ما جت ؟؟
ام سامر :تعبانه وما قدرت تجي ...
البنات :ما تشوف شر
ام سامر :الشر ما يجيكن ..تعالي اريج ابيك ..
وراحت اريج مع امهاا
اسيل :احس ان الموضوع فيه شئ مو معقوله مروه ما تجي علشانها تعبانهه سديم ومروه ما يفترقو عن بعض خصوصاً بمثل هالمناسبات
سوسن :تتوقعين علشان كذا كانت متضايقه سديم
اسيل :يمكن ..
،،،،،،،،،،،،،،،،،،،،،،،،،،،،
عند سديم ...
مد لها الدفتر بدالله واعطاها القلم (واشر لها) وقعي هنا ....
وقعت بعد تردد
عبدالله ابتسم :الله يوفقك
سديم اكتفت بأبتسامه ....
وطلع عبدالله
وطلعت منال وراحت عند البنات
كانت بتطلع ورى منال بس فيه شخص مسكها التفتت :يمهه ...!!
ام عبدالله :على وين ..؟؟
سديم :بروح عند البنات
ام عبدالله :طلال يبي يشوفك
سديم :بس مابي
ام عبدالله:يبي يشوفك وهالشئ من حقه يلا امشي معي ...
وومشت مع امها لحد ما وقفو عند باب المجلس
سديم :موجود بالمجلس ؟؟
ام عبدالله :ايه ..
سديم :لحاله ولا معه احد ..؟؟
ام عبدالله:لحاله ..
سديم :اا شسمه
ام عبدالله:اقول يا شسمه خلصيني ادخلي
سديم ابتسمت كعادتهاا:طيب بس لا تعصبين
،،،،،،،،،،،،،،،،،،،،،،،،،،،،،،
عند طلال داخل المجلس ...
كان جالس على كنب مفرد وينتظرها ...
كان عنده امل ولو صغير ان اللي ملّك عليها اليوم حبيبة قلبه مروه ....
دخلت بهدوء وبكل اناقتهاا ووقفت بوسط المجلس ...
سديم "طيب الحين وش اسوي ؟؟ اقول له السلام ولا انتظره يقوله قبلي ..؟؟ يااااربي مو عارفه وش اسوي ..؟؟ ليتنننني ما وافقت بس وش تنفعني فيه كلمة ياليت الحين ..؟؟"
انتبهت لجزماته السوداء وانتم بالكرامه وطرف من ثوبه الابيض وبلعت ريقهاا "هذا اللي كان ناقصني ...ياخوفي بس اجيب العيد(قصدها يغمى عليهاا) "
مسك ذقنها ورفع راسها بس هي ضلت منزله عيونها ...
هناا عرف ان سديم حقيقه وماهي كابوس وانها الحين صارت زوجته <<تتوقعون راح يستسلم للامر الواقع ..؟؟
بعد عنها ورجع جلس
سديم ضلت مستغربه
طلال ببرود :اجلسي وش فيك واقفه ؟؟
انحرجت سديم وجلست جنبه بس فيه بينها وبينه مسافهه
وعم المكان الصمت
وماهي إلا دقايق ودخلت سوسن حتى بدون ما تستاذن وبيدها الكاميرا
سوسن :خسااارهـ كنت ناويه ادخل واشوفكم على وضعيه رومانسيه
سديم التفتت لها اعطتها نظرة حقد
طلال بعصبيه :استحي ع وجهك بزر وتقولين هالكلام اجل لو تزوجتي وش بتسوين ؟؟
سوسن بضحكه :عادي حبيبي هذي مراهقه
كان طلال بيقوم ويذبحهاا بس شاف امه ومرة عمه ام عبدالله دخلو
ام طلال : منك المال ومنها العيال والله يوفقكم يارب
نزل راسه حتى ما تعرف امه بأنزعاجه لما قالت منك المال ومنها العيال :تسلمين يالغاليه
وباركت لهم ام عبدالله
ام طلال اعطت ولدها الشبكه والدبله حتى يلبسهم سديم لبس سديم شبكتها ودبلتها
والحين دور سدوم تلبسه دبلته
توترت بس لبسته دبلته بسرعه وماهي الى لحظات والتقت عيونهم وماحسو بأنفسهم
وطلال حس بشعور غريب من نظرة سديم وتمنى يضل ينظر لعيونها لفتره اطول ما يدري ليه
اما سديم كانت متوتره
قطع عليهم هاللحظه ضوء بفلاش
سديم نزلت راسها شوي وتصيح من الاحراج
اما طلال اعطى سوسن نظره
سوسن خافت :خلاص خلاص الشره عاللي يصوركم(وطرت فكره ببالها وعلت صوتها) وش رايكم اصوركم ؟؟
ام طلال سمعتهاا :ايه صوريهم يمه حتى تظل ذكرى بعدين
طلال انصدم :بس يمه ...
سوسن قاطعته :لا تقعد تبسس واوقف عدل جنب سديم
وصوركم سوسن كم صوره ورغم تهديد طلال لها بعيونه بس ما اهتمت
وعدت الليله ع خير الحمدلله ......
،،،،،،،،،،،،،،،،،،،،،،،،،،،،،،،،،،،،،،،،،،،

يتبع

"
"
"
أستغفر الله وأتوب إليه ....

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 25-08-2014, 08:38 PM
صورة البرنسيسه نودي الرمزية
البرنسيسه نودي البرنسيسه نودي غير متصل
©؛°¨غرامي جديد¨°؛©
 
الافتراضي رد: حفظت الشوق في قلبي ووصيته على الكتمان


اللهم صل وسلم على سيدناا محمد


الباارت الثاني :


اليوم الثاني ....
عند طلال
كان بطريقه لدوامه
رن جواله وشاف اسمها ورد بلهفه :مروه
مروه :.................
طلال وقف ع جنب :مروه تكفين ردي علي ..سبيني اذا تبين دعي علي بس ابي اسمع صوتك يكفي اني لي اسبوع محروم من صوتك
مروه :................
طلال :مروه حبيبتي
مروه ما قدرت تتحمل وبدات تبكي
طلال :تكفين لا يا مروه لا تبكين تعرفين ان دموعك غاليه علي
بس مروه سكرت الخط بوجهه وبدات تبكي اكثر واكثر ....
،،،،،،،،،،،،،،،،،،،،
صحت من نومهاا ع صوت جوالها وهو يرن وبدات تافف
:شكلي بسوي زي عبدالله وبغلق جوالي لاجيت أنام
وردت بدون نفس:خير ..؟؟
الطرف الثاني بضحكه :الناس بالاول تسلم وتقول صباح الخير مو ع طول خير ومن دون نفس بعد
توسعت عيون سديم بصدمه وبعدت الجوال عن اذنها وشافت صورته عالشاشه اللي حطتها خلفيه حتى كل ما اتصل عليها تطلع لها صورته وأسمه (ضحكة حيااتي..~)
ورجعت الجوال عند اذنها :زيزوو
يزيد :سدوم كيفك أخبارك ..؟؟
سديم بفرحه:الحمدلله أنا بخير ..أنت اخبارك؟؟ وأخبار دراستك ؟؟وكيفها أمريكا؟؟ و.....
يزيد قاطعهاا:بس بس بس كل ذا تبيني أجاوبك عليك
سديم :أكيد
يزيد :الحمدلله كل أموري تمام
سديم تذكرت وقالت بعصبيه :وليه ما حضرت ملكتي أمس ..؟؟
يزيد:ما أقول غير الله يعين طلال ع مزاجك المتقلب ...
سديم :لا تضيع الموضوع ..
يزيد :أولا الله يوفقك معه ويسعدك .. وثانياً اعذريني والله ما قدرت بسبب الامتحانات ..وثالثاً بعوضك أن شاء الله بزواجك
سديم :أوكي ..متى راح تجي ..؟؟
يزيد :قريب أن شاءالله ....
،،،،،،،،،،،،،،،،،،،،،،،،،،،
بعد مرور اربع ايام ....
(الاحداث اللي صارت قبل في اجازت شهر 5)
كانت جالسه تلبس عبايتها انتبهت لجوالها يرن (عديل الروح..)<<طلال
ردت بعد تردد :ألو ...
مروه :................
طلال:مروه تكفين ردي علي ...
مروه بهدوء:وش تبي قول اللي عندك ..؟؟
طلال :ابي اقابلك وافهمك كل شئ ..
مروه :ما اقدر
طلال:مروه حبيبتي تكفين
مروه عورها قلبها هذا حبيبها وما تقدر ترفض له طلب وبعدين حتى هي عندها شئ وحابه تقوله له
مروه :اوكي وين حاب نتقابل ؟؟؟
طلال استانس :اي مكان انا موافق ...
،،،،،،،،،،،،،،،،،،،،،،،،،،،،،،،،،،،،،،،،،
في احد مدارس الثانويه للبنات بالرياض .....
دخلت فصلهاا وشافت شلتهاا جالسهه مكانها المعروف توجهت لهم :سلااااااااامم
وشافوها الشله وهجمو عليها اللي تضمهاا واللي وتقرصهاا وتعاتبهاا واللي تشد شعر سديم عناد لسديم لان سديم ما تحب احد يشد شعرهاا
بالموت ابتعدت عنهم وبدات تزين شعرهاا وتعدل مريولها:خربتو شكلي
والتفت وشافت البنات اللي بالفصل يناظرون لهم :ادعو أن الله يكون بعوني دام ذي شلتي
وجلست مع الشله
وبدات كل وحده تبارك لها بمناسبة ملكتهاا وشوي شوي بداء الفصل كله يبارك لها
ابتسمت سديم :الله يباارك فيكم ياارب .....وعقبال اللي لسى ما تزوجو يالله يارب تصبح والخطّاب واقفين طابور عند الباب
منى رفعت يديها وحده من الشله:أمييييين
سديم:لهدرجه متحمسهه للزواج ..؟؟
غدير اللي كانت جنب سديم قرصت كتف سديم :يالعوبه ورى ما عزمتينا على ملكتك ..؟؟؟
سديم مسحت ع كتفها مكان القرصه وهي تتألم :وش اسوي نسيت ..!!
منى بنص عين :ايه قولي قولي انك ما تبينا نحضر
غدير :ما علينا منك زواجك بنحضره وغصبن عنك
سديم بتضيع الموضوع:اببببييييي حبيبي كت كااات مين معهاا ..؟؟
منى:ما فيهه دامت ما عزمتيناا لملكتك ما فيه كت كات
سديم وقفت وحطت يدها ع خصرها :لا والله الحين بدال ما تسوون لي استقبال حلو بما اني عروس قلبتو علي ...اللي تضربي واللي تشد شعري واللي تقرصني وتبوني اعزمكم لزواجي بعد ....؟؟
منى التفتت لغدير :انا اعرف العروس تستحي ..اصلاً توقعتهاا ما تدوام اول اسبوع من الحياء
غدير تنهدت:ايييههه سديم وين والحياء وين ...؟؟ ما اقول إلا الله يعين مشعل عليهاا
سديم استغربت :وش دخل مشعل ..؟؟
غدير :مو مشعل زوجك
سديم توسعت عيونها بصدمه:نعععم ..؟؟ زوجي طلال وأخوه أسمه مشعل
غدير :مدري عايلتكم مع عايله مروه وعايله عمك مدري عايلتكم حوسهه
منى :يبي اللي يجيب ورقه وقلم ويسجلهم حتى يحلل ويعرف قرابتكم لبعض
غدير :وانتي وش موقفك اجلسي ..
سديم مدت بوزها :ما ابي
منى بتغيير للموضوع :سدوووم البشاره غديرووه حامل
سديم بصدمه :اححححلفيي ...!!!!
غدير ابتسمت :ليه ما قالو لك البنات ؟؟!
منى:ماهي الاسبوع اللي قبل الاجازه غابته كله وما سمعت البشاره
سديم ضمت غدير بقووه : يا قلبي تقومين بالسلامهه
غدير :تسلمين
وبعدت عنها سديم :إلا انتي حامل بأي شهر ..؟؟
غدير :الثالث
سديم :اوقفي
غدير :ليهه ..؟!
سديم بأصرار :اوقفي خلصيني
وقفت غدير وصارت واقفه قبال سديم
سديم ناظرتها بتفحص :وانا اقووووول وش عندهاا غدير لها كرش سمله عليها ..الله يستر ما تصيرين سمينهه حييل اذا صرتي بالشهر السابع والثامن وهذا يعني ان زوجك بيتزوج عليك
غدير ضربت كتف سديم بقهر :فال الله ولا فالك
سديم :ههههههههههههههـ
وانتبهت لسلمى اللي جتهم مستحيه :الله الله يا سلومم عطينا من اخبارك الحلوه ..؟؟
سلمى جلست معهم ونزلت راسها بخجل :.............
منى:قولي اللي عندك بسرعهه ...
سلمى :ناصر حدد الزواج 25/8 ان شاءالله
سديم :انا حدووه ب20/8 ان شاءالله
منى بصدمه :ما امداك ملكتي حتى تحددين الزواج
سديم :اذكري الله ...بعدبن اصلا من واقفت قال لي ابوي الملكه بعد اسبوعين والزواج 20/8
غدير :ماشاءالله محددين كل شئ من البدايهه
دخلت مروه الفصل مروه ومن شافت سديم غصب ابتسمت ..:سلامم
سديم من شافتهاا توجهت مروه وضمتها :مرووي اشتقت لك
مروه :وانا اكثر يا قلبي ...الله يوفقك مع طلال ...
سديم :عقبالك يارب ...
منى:وعقبالي انا بعد
وجلسو وبدو بسواليف
،،،،،،،،،،،،،،،،،،
العصر 4:43
اول مره راح يقابلون فيها دايما ً اللي كان بينهم اتصالات ومن يدري يمكن هذي اخر مره يتقابلون فيها
دخلت الكافي وانتبهت له جالس وواضح اللي كان متوتر توجهت عنده وسحبت لها الكرسي اللي كان مقابل له وجلست وحاولت تكون هاديه وطبيعيه :السلام عليكم
طلال :وعليكم السلام والرحمهه ..(وابتسم) اخبارك حبيبتي ..؟؟
مروه ببرود :لا تقول حبيبتي لاني ما عدت حبيبتك
طلال :مروه لا تفسيرين الموضوع ع كيفك
مروه رفعت راسها وحطت عينها بعين طلال وبعصبيه :اجل وش تفسير انك خطبت وانا ما دريت الا قبل الملكه بيومين ..يعني خلاص ما عدت اهمك مثل اول ولا كنت مجرد تسليه ..؟؟
طلال :والله كنت مجبور اتزوجهاا
ورجع بذاكرتهه لاسوء يوم بحياته
(كان راجع البيت دخل الصاله وشاف امه وابوه جالسين ويسولفون
طلال بأبتسامه :السلامم عليكم ...
امه وابوه :وعليكم السلااام والرحمه
امه :طمني اخبارك ؟؟
طلال :الحمدلله بخير ونعمه ..
ابوه بهدوء :سديم وافقت وملكتك راح تكون بعد اسبوعين يوم الاربعاء ان شاءالله
طلال بصدمه :نعععمم ..!!! بس يبه انا قلت لك ماابي سديم
ابوه :وش فيها سديم جمال واخلاق ماشاءالله بعدين البنت لولد عمها تبي البنت تتزوج واحد غريب وولد عمها موجود
طلال :يبه بنت عمي عالعين والراس والله يوفقها مع اللي احسن مني ..
ابوه :ووش فيها البنت حتى ترفضهاا ..؟؟؟
طلال :مو مستعد اتزوج ..بعدين يا يبه الزواج مو يوم وليله الزواج طول العمر ومسؤليات وانا مو مستعد
امه :عبدالله لا تضغط عالولد
ابوه :اسمع يا ولد ملكتك راح تكون بعد اسبوعين والله ثم والله ان ما جيت لأتبرى منك
طلال بصدمهه :تتبرى مني علشان سديم ..!!
ابوه :والله اللي يكسر كلمتي قدام اخوي ويفشلني ماهو بولدي ولا انا اعرفه ولأغضب عليه ليوم القيامه)
وبعد ما سرد طلال اللي صار لمروه
مروه تجمعت الدموع بعيونها :وش معنى سديم مو انا ...؟؟
طلال نزل راسه :لانك بنت خالتي وهي بنت عمي
مروه بدت تبكي :طيب واناا ؟؟ يعني خلاص انتهت قصة حبنا ؟؟ وين وعدك لي انك ما تتركني وبتتزوجني ووينن ؟؟
طلال :والله غصبن عني مو بيدي ..بس صدقيني مصيري بلقى حل
مروه وقفت :نشوف اخرتهاا يا طلال ...
،،،،،،،،،،،،،
بعد ثلاث شهور ...
جالسهه بغرفتهاا معطلهه لها اسبوع وطفشانهه حيييل
غفت بدون ما تحس بنفسهاا وماهي إلا ثوان الا وصحت ع جوالها وهو يرن ...
جلست وتأففت وشافت الرقم (عبدالله...~)
:هلا عبدالله
عبدالله :هلا بك سدوم امي تبيك
سديم :ليه وين روز ..؟؟
عبدالله:الله الله عالبر الحين امي تبيك انتي وانتي تبين ترسلين لها الخدامه ..؟؟
سديم :اوكي دقايق
سكرت الخط منه وطلعت من غرفتهاا
ومابين ماهي نازله من الدرج شافت شخص تعشقه لدرجة الجنون تعتبره نصفها الثاني :زيزوووو
يزيد فتح ذراعه حتى تضمه:يا قلب زيزو انتي
نزلت ركض من الدرج وضمته بقووه وهي تبكي
يزيد :حستيني بالكحل انتي واختك
سديم بضحكه بعدت عنه:لا تكذب تعرفني ما احب الكحل كثير اسيل هي اللي دايماً تحط كحل
يزيد :وليهه كل هالدموع ؟؟
سديم مسحت دموعهاا:وتحسب أن سنه هينه بالنسبهه لي ..
يزيد مسك يدهاا:يلاا ترى ينتظرونا عالقهوه
ودخلو الصاله وهم ماسكين بيدين بعض
عبدالله التفت لامه وابوه :متاكدين انهم اخوان مو متزوجين ..؟
سديم اخذت الخداديه اللي عالكنب ورمتها بقهر ع عبدالله بس عبدالله قد يمسك الخداديه وهو يضحك
سديم تذكرت:وينها اريج ؟؟
ام عبدالله:ببيت اهلهاا
يزيد :حبيبتي صبي لي قهوه
سديم فهمته وصبت له قهوه واعطته:تفضل حبيبي
يزيد :تسلمين
سديم بتمثيل للخجل:حبيبي
يزيد :يا عيون وقلب حبيبك
سديم:اا..ابي اروح السوق
يزيد:ابشري كم سدومه عندي ..
اسيل توسعت عيونهاا بصدمهه :بتروحون السووق ..؟؟
يزيد ضرب جبيه بيده:نمزح يأمي نمزح
عبدالله وبما انه جالس جنب امه سوى نفسه زعلان:يرضيك يمه يرضيك أن التوام يتطنزون علي. ..؟؟
ام عبدالله تحاول تمسك ضحكتهاا:بس يا عياال
سديم انسدحت وحطت راسها بحضن يزيد اللي كان متربع :اكيد ما راح ترضين عليه ماهو حبيب قلبك
يزيد:هيييه من جد ما تنعطين وجه قومي
سديم بعناد:ما راح أقوم إلا اذا قلت لي أنك جبت لي هديه زواجي
يزيد رفع راسه لامه وابوه:بنتكم فصخت الحياء
جلست سديم وتنهدت :وبعدين .... باباا
ابو عبدالله:يلاا عااد كلش ولا دلوعتي
قامت سديم ع طول وباست راسه وجلست جنبه :الله لا يحرمني منك (التفتت ليزيد) ارجع للي جيت منهم ما عاد ابيك (ومدت لسانها)
يزيد بتمثيل للعصبيه :بنت ..اعقلي
وكملو سواليف وطبعاً ما تكتمل الجسله إلا بهوشات سديم ويزيد او طقطقتهم عايله
،،،،،،،،،،،،،،،،،،،،،،،،،،،،،،،،،،،،،،
اليوم الثاني
بعد صلاة العصر ..
بغرفة سديم
سديم لابسه الكعب اللي بتلبسه بيوم زواجهاا واسيل تعلمهاا كيف تمشي فيه لان سديم ما تعرف للكعب
وام عبدالله جالسه ع طرف سرير وتطالعهم بهدوء
اسيل :شوي شوي
سديم تركت يد أسيل وبدت تمشي كم خطوه:كذا صح ..؟؟
أسيل :أيه كملي
سديم ما كملت خطوه إلا وطاحت ع وجههاا
أسيل :ههههههههههههههههههههـ
قامت ام عبدالله بسرعه عند بنتهاا :صار لك شئ ؟؟ فيه شئ يعورك ..؟؟
سديم جلست وهزت راسها بمعنى لا :ما فيني شئ الحمدلله ..(وألتفتت للاسيل)مصيرهاا بتدور الدنيا وبتطيحين وساعتهاا أنا اللي بضحك عليك
اسيل بدلع :بسم الله علي ....
،،،،،،،،،،،،،،،،،،،،،،،،،،،،،،،،،،،،،،،،،،،،،،،

يتبع
"
"
"
"
أستغفر الله وأتوب إليه

(البارت 3 راح أنزله يوم الاربعاء أن شاء الله )

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 25-08-2014, 08:54 PM
صورة Beno3sll الرمزية
Beno3sll Beno3sll غير متصل
©؛°¨غرامي فعال ¨°؛©
 
الافتراضي رد: حفظت الشوق في قلبي ووصيته على الكتمان


بدايه موفقه عزيزتي
بس كبري الخط 5<<

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 25-08-2014, 09:51 PM
صورة همس الخواطر.. الرمزية
همس الخواطر.. همس الخواطر.. غير متصل
©؛°¨غرامي مشارك¨°؛©
 
الافتراضي رد: حفظت الشوق في قلبي ووصيته على الكتمان


رواية رائعة جدا وانا متحمسه الاحداث بس لازم توصفي المكان
توصفي البيت المجلس الي جالسين فيه
كيف كان شكل القاعة كيف شكل سديم يوم الملكة هذي التفاصيل الصغيرة مهمه في كتابة الرواية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 25-08-2014, 11:07 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: حفظت الشوق في قلبي ووصيته على الكتمان


مساء الخير ... ياهلا فيك بغرام ... موفقة بطرحك ... عندي ملاحظات على الرواية اول شئ معتمدة على الحوار حاولي تستخدمي السرد والوصف لمكان الحدث والشخصيات

بما انو اغلب الشخصيات ماكان لها ظهور المفروض ماتعرفي عنهم بالبداية يعني كل مشهد يكون فيه ظهور لشخصية نهايته تعرفي عليه حتى يسهل الحفظ والطريقة تجذب اكثر

بالنسبة لمروة على اي اساس تقابل طلال ايش العلاقة الشرعية الي تربطهم علشان تكلمه وتطلع معاه استغفر الله ربي ماخافت غضبها ربها ومافكرت لاهي ولا طلال انو يمكن عدم زواجهم عقاب لهم .. وطلال اثبت انه مايملك من الغيرة والرجولة ذرة هل يرضى اخته تكون لها علاقة حتى لو مع ولد عمها ... ومروة لو هي متربية وتخاف ربها مارضت بعلاقة محرمة ولو طلال موشايفها رخيصة ماكلمها ولا فكر بالحرام لاتتوقع مروة بيوم انها بتتزوج واحد طالعة معاه ومكلمها وشبعان منها ...

الرجل مايوثق بوحدة ماصانت نفسها ولاصانت اهلها ... اتمنى عزيزتي ماتزيني الحرام بروايتك حتى لاينحسب عليك ذنب ..

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 26-08-2014, 05:44 AM
صورة روعة غلا الرمزية
روعة غلا روعة غلا غير متصل
©؛°¨غرامي نشيط¨°؛©
 
الافتراضي رد: حفظت الشوق في قلبي ووصيته على الكتمان/بقلمي


بااااااااااااااااااااارت رااااااااااائع
لا تعتمدي على الحوار وكثري السرد والوصف
ياليت تكبري الخط 5 لانه جدا صغير ومتعب في القراءة
ابعدي عن الالوان الفاتحه عشان عندي ضعف نظر
المفروض تكتبين رقم الباااااااااارت
بلييييييييييييييز نزلي باااااااااااااااااااااارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 26-08-2014, 05:55 AM
صورة البرنسيسه نودي الرمزية
البرنسيسه نودي البرنسيسه نودي غير متصل
©؛°¨غرامي جديد¨°؛©
 
الافتراضي رد: حفظت الشوق في قلبي ووصيته على الكتمان/بقلمي


حبايبي اسعدني مروركم
منورين روايتي بردودكم الجميلهه وهالشئ زاد من حماسي لكتابة الروايه
ومن ناحية وصف المكان والشخصياات راح اطبقهم بالبارات الجايه وراح اخذها نصيحه بعد لرواياتي الجايه أن شاءالله .....☺️❤️

وردة الزيزفون ..
شكراً ع نصيحتك
بس انا من كتبت الروايه ادري ان العلاقه بينهم حرام بس كنت حابه اوصلهاا لكل بنت تكلم رجال مو محرم لهاا تحت مسمى(الحب) عن طريق روايتي ...
فأكيد مروه وطلال راح تصير لهم احداث بالروايه بيتعاقبون فيهاا على هالعلاقه وبيندمون ...

ومره ثانيه شكراً ع مروركم
وانتظروني بالبارت الجاي يوم الاربعاء أن شاء الله ....

الرد باقتباس
إضافة رد

حفظت الشوق في قلبي ووصيته على الكتمان/بقلمي؛كاملة

الوسوم
الشوق , الكتمان , حفظة , ووصيته , قلبي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
عليك قلبي من حرقة الشوق خفاق / كاملة روح زايــــد روايات كامله - يتم نقل الرواية هنا بعد اكتمالها 137 13-10-2014 02:47 PM
الشوق القاتل ( صمتي جوابي ) منقولات أدبية 8 11-06-2010 10:38 AM
اكثر من 10000 مسج حسان العود رسائل جوال - مسجات - وسائط - sms - mms 16 17-04-2010 05:03 PM
هذا هو الشوق سعوديه وبنت الشرقيه خواطر - نثر - عذب الكلام 9 30-08-2007 02:03 PM
موسوعة اشعار اغاني راشد الماجد ..,,!! (TXT) عزت ابو عوف ارشيف غرام 1 26-08-2007 06:44 PM

الساعة الآن +3: 09:59 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1