منتديات غرام

منتديات غرام (/)
-   أرشيف الروايات المغلقة - لعدم إكتمالها (https://forums.graaam.com/157/)
-   -   رواية انا فتاة تبحث عن انوثتها (https://forums.graaam.com/582189.html)

هواجس الاحلام 27-08-2014 03:52 AM

رواية انا فتاة تبحث عن انوثتها
 
السلام عليكم اليوم بنزل لكم روايتي


انا فتاة تبحث عن انوثتها

بقلم الكاتبة هدوء العبر

طبعا انا ما بنزل بارت اذا ما في ردود ابي تفاعل منكم وحماس
.
.
.
.
.
وانا بصراحة من المعجبين بمنتديات غرام عشان كذا بنزل الرواية هنا وبليز بليز ابي تفاعل اوكي

ابنتي 27-08-2014 06:59 AM

رد: رواية انا فتاة تبحث عن انوثتها
 
نزلي بارت اختي ان شاء الله تكون حلوه

lamaa14 27-08-2014 12:47 PM

رد: رواية انا فتاة تبحث عن انوثتها
 
نزلي بارت عشان نحكم إذا روايتك حلوه او لا

Beno3sll 27-08-2014 03:36 PM

رد: رواية انا فتاة تبحث عن انوثتها
 
نزلي بارت عشان نحكم او عالاقل نبذه بسيطه
واتمنى تتابعين روايتي الجميلة ....
https://forums.graaam.com/580790.html
ولك جزيل الشكر عزيزتي

Miss. crazy 27-08-2014 03:40 PM

رد: رواية انا فتاة تبحث عن انوثتها
 


حبيبتي كيف تبغين تفاعل وانتي باقي ما نزلتي ؟

نزلي عشان نحكم و قبل لا تتسكر الروايه

هواجس الاحلام 27-08-2014 05:21 PM

رد: رواية انا فتاة تبحث عن انوثتها
 
البارت الاول


ببدأ روايتي ببطلتها غزل وما ادرك ما غزل
صرخت باعلى صوتها : يـــا بـــنـــــــات
الكل ناظرها
غزل حطت يدها في جيوبها : بكرا ايش
البنات بصوت موحد : الخميس
غزل : اه وصلنا خير واي مناسبة بتقام بمدرستنا
البنات مع بعض : حفل امهات
غزل تهز راسها : زين طيب اي رح يصير بكرا
البنات بحماس وصارخ : بنبات بالبيت ومارح نحضر للمدرسة
غزل تصفق : شطار، وربي لو اسمع ان وحدة جايه منكم
البنات يكملون : بتكسرين راسها
غزل : يسـ يسـ
وصعدت على الطاولة وفتحت الشباك وشافت كيف الابلات يحضرون لحفل بكره ابتسمت وقفلت الشباك وقعدت مكانها
( غزل اظن انكم اخذتو فكرة عن شخصيتها شخصيتها مسيطرة جدا مرحة و كسولة وعربجية و خبيثة احيانا نوصل لشكلها متوسطة الطول حنطية البشرة شعرها قصير عيونها متوسطة نحيفة جدا بسبب الانيميا ( فقر الدم ) اللي لزمتها من اول ما انولدت وضعها المادي متوسط يعني مو محتاجين وعندها ثلاث اخوان اكبر منها وهي اخر العنقود و عمرها 17 سنة )

في اخر الدوام ( طلعة )

مروج : غزيل انا بفهم حاجة وحدة بس ليه لنغيب بكرة
غزل وقفت وناظرتها : تبين اكسر رقبتك
مروج : اوف معقدة امشي بس
غزل مشت معاها و وقفت : ايوه
مروج : ايش
غزل : مو شغلك انا راجعة للبيت
ومشت من عندها وهي تفكر
( مروج صقيقة او صديقة غزل مرجوجة حيل وتحب الاكشن تحب او مدمنة لافلام شريخان عرفته الممثل الهندي شكلها عادي وتحب البساطة طويلة شوي و وجسمها اقرب للنحيل شعرها لكتفها و عيونها كبار بشرتها فاتحة وضعها المادي متوسط وعندها اختين اكبر منها وعمرها 17 )
لبست عبايتها وراحت تمشي على رجولها لان بيتهم قريب من المدرسة وضربت الجرس فتح لها حسام * اخوها *
غزل دفته : اوف حر
ودخلت تجري لغرفتها ودخلت وسكرت الباب ورمت الشنطة والعباية على الارض وقفزت على السرير مسكت البي بي حقها ورسلت لقرب المدرسة على البي بي ••• اللي بتحضر بكرا بكسر راسها •••
ورمت فونها واسترخت على السرير
انتفح الباب بقوة : تبين غذاء
غزل : الله يلعنك انقلع بنام
راشد : يعني افهم انك ما تبين
غزل صرخت : الله ياخذك سكر الباب
ومسكت المخدة ورمتها عليه بس هو طلع وسكر الباب بقوة زفرت بضيق وقامت من مكانها واخذت المخدة ورجعت تتسدح لين داهمها النوم
.
.
.
.
.
رن منبة جوالها رفعت راسها بتكاسل وفتحت عيونه اخذت الجوال وطلعت البطارية مالها خلق تفتحه و تسكر المنبة ورجعت تتقلب بس طار النوم من عيونها راحت للحمام * الله يكرمكم * وغسلت وجهها توضت وصلاة العصر و المغرب بعدين قامت وحطت الجلال والسجادة فوق السرير وطفت المكيف وفتحت اللمبات و ال شباك اللي يطل على الحوش *•*
ونزلت للصالة
غزل : رشيد حبيبي
راشد : وقت المصالح تجي الكلاب مشتاقة
غزل ضربته على كتفه : اذا انا كلبة انت شتطلع
راشد بثقة : ولد ابوي
( راشد اخو غزل مرجوج مره وطيب نوصف شكلة طويل و نحيل عنده الانيميا مثل غزل بشرته افتح من غزل بكثير عيونه كبيرة و شعره لاخر رقبتة عمره 19 بس عايد سنة والحين في ثالث ثنوي )
غزل : ارحمني يا ولد ابوك
وسكتت شوي وقالت : اخوي حبيبي طلبتك ودني ماك الله يخليك وربي جوعانة
راشد : شرط ترتبين غرفتي
غزل رفعت حاجب : انا ما رتبت غرفتي عشان ارتب غرفتك
راشد يحط رجل على رجل : اجل تحلمي فيه
غزل : اوف طيب برتبها الحين بتوديني

راشد قام : خمس دقايق اذا ما جهزتي بروح عنك
غزل راحت تجري لفوق لبست عبايتها اللي على الكتف و طبعا هي تتنقب المهم نزلت تجري و راحت للسيارة
وركبت جنبه
راشد : هههههههه شكلك خطير وانتي تجرين
غزل تاخذ نفس : اقول امش لالعن خيرك
وحرك وبنص الطريق
غزل شهقت : يا فشلتي نسيت النعال
راشد : الله يفشلك بتمشين عند الناس حافيه
غزل : عادي عبايتي طويلة ماحد بيلاحظ
راشد : لا تمشين جنبي
غزل : كل تبن الله ياخذك اصلا كله بسبتك
و وصلو لماك ونزلو على قسم العائلات
وجلسو على طاولة
راشد راح يطلب بعد ما اخذ طلب غزل وغزل تطالع بالناس وقالت : كل هذول يحبون ماك مثلي
راشد جلس : يا اخ وين سرحت
غزل : اش دخلك حتى عقلي تدخل فيه
رلشد يتلفت : قصري صوتك فضحتينا
غزل سكتت وقالت : بررح الحمام * الله يكرمكم *
راشد : طيب
غزل تناظره : تبيني اروح حافية للحمام عطني النعول حقتك
راشد فسخ نعوله * الله يك* وغزل لبستها وراحت للحمامات * الله يك *
راشد شاف العامل ياشر له عشان ياخذ طلبه
راشد : الله يلعنك يا غزل اوف اروح حافي
قام وهو يمشي بهدوء ويلتفت و اخذ الطلب ورجع وحمد ربه ان ماحد شافه
غزل جلست : الله وجبتي
واخذتها وناظرت راشد ورمت النعال * الله يك*
عليه وقعدت تاكل وهو يخزها كل شوي وبعد ما خلصو طلعو من المطعم ورجعو البيت
غزل تدخل للصالة وصرخت : سدومتي
واخذتها من امها : فديتك والله
زهرة : طيب سلمي
غزل تصرفها : سلام سلام
راشد يدخل : اوه خالتي زهرة عندنا
وسحب سديم من غزل : فديتها الحلوة
غزل : انا اخذتها قبلك جيبها لا ادوس ببطنك
راشد : احلمي وانقلعي فوق رتبي غرفتي
غزل انقهرت وصعدت فوق
( زهرة خالتهم طيبة وحنونة جدا هادية احياننا نوصف شكلها متوسطة الطول جسمها وسط شعرها تحت كتفها وعيونها وسط وبشرتها مثل غزل متزوجة من سنتين وعندها بنت اسمها سديم وعمرها ست شهور
)
طلعت امهم من المطبخ : جيتو
راشد : لا لستنا براد
ام فهد عطته نظرة ولفت لختها : ايه اخبارك واخبارك ... الخ

فوق عند غزل

غزل : اوف وش هالغرفة ايش اللي يتنظف فيها
وشافت شي يلمع تحت السرير قربت وشهقت بقوة وووووووو

انتهى البارت

lamaa14 28-08-2014 12:47 PM

رد: رواية انا فتاة تبحث عن انوثتها
 
السلام عليكم
بدايه موفقه
رواريتك جميله
وبحكم انك بالبدايه ماراح احكم على اسلوبك
لاني توني ماتعرفت عليه وطبعا كل كاتب وكاتبه يواجهون صعوبه بكتابة البدايه
بس بعدين اذا تعمقوا بالروايه بيعرفون وش راح يكتبون

وممكن تعلمينا مواعيد تنزيل البارتات

انتظرك ❤️❤️❤️


الساعة الآن +3: 03:01 AM.


موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1