غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 27-08-2014, 01:24 PM
صورة toto-soso الرمزية
toto-soso toto-soso غير متصل
©؛°¨غرامي جديد¨°؛©
 
01302798240 نويت اعذبها لاكن طحت بحبها


السلام عليكم ورحمه الله وبركاته
انا عضوه جديده واشتركت في المنتدى عشان انزل روايتي فيه ولان المنتدى فعلا في هالمواضيع حبيت انزلها هنا لو لقيت ردود باكمل فابي حماس يعطيكم العافيه
ونبدا في الروايه :



التعريف بالشخصيات:
عائله ابو فيصل:
ابو فيصل"عبدالعزيز" شخص في متوسط العمر 45سنه وهو رجل اعمال ومن التجار المشهورين وهو حنون ع عياله بس شديد شوي
ام فيصل"نوره"أمراه طيبه وعمرها40سنه وحنننونه ع عيالها
فيصل:الاخو الكبير عمره23سنه ويشتغل مع ابوه في الشركه وهو طويل اسمر وعيونه وساع وأنفه حاد وطويل ويحب ايلان كثير ويحسها قريبه منه
ايلان:ايلان تدرس أولى جامعه وعمرها20سنه وهي بيضاء وقصيره وشعرها اسود لنهايه ظهرها وعيونها وساع وانفها حاد وتشبه فيصل كثير وهي كمان تحبببه
رائد ورند:توأم عمرهم10سنوات وهم اللي معطين البيت حيويه ورأس المصائب ويحبون المقالب ويحبون يستفزون أختهم ايلان لانها تعصب بسرعه
*************************************
عائله ابو وليد:
ابو وليد"محمد":رجل متوسط في السن عمره تقريبا47 حنون ع عياله ولو يطلبونه عيونه أعطاهم وهذا اللي ضيعهم
ام وليد"ليلى"عمرها45تقريبا وحنننونه بس شديده ع عيالها شوي لان أبوهم مدلعهم كثيير
وليد:هذا عمره23وهو اسمر وطويل ومملوح بس هو يكلم بنات ويقابل ويدخن وسيء الخلق وصاحبه ريان هو نفسه في الصفات بس طويل واسمر وعيونه وساع وأنفه حاد وابتسامته تذبح
ريم:عمرها20سنه وهي صاحبه ايلان من هم في الابتدائي وتحببها كثير وهي طويله ومنطقه وعيونها وساع ومملوحه وهي تحب ولييد كثير بس تتضايق من تصرفاته
……................………............................. ..
البارت الاول ...
ريم:اووووف علينا الدكتوره هند اللحين:(
أيلان:اوووف ايش رايك نسحب ع المحاضره
ريم:وشو لا استخفيتي!!حبي تبين تحملين المادة !
ايلان:فآل الله ولا فالك لا ان شاء الله
ريم:اجل يلا إمشي قدامي
ايلان:اوك اوك يلا
دخلو للكلاس وهم معصبين مايبون المحاضره ،ودخلت الدكتوره
الدكتوره :السلام عليكم
الطلاب :وعليكم السلام
وبدأت الدكتوره في الشرح وريم منتبهه معاها اما ايلان بعالم ثاني وتطقطق بجوالها
مرت ساعتين ع المحاضره وريم مو يماها انتهت المحاضره
الدكتوره :لا تنسون تحلون الواجب ..ويلا السلام عليكم..
ريم:ايلان يالخبببله ليش تطقطقين بجوالك والله لو شافتك الدكتوره لاتذبحك..
ايلان:ياشيخه طيري محاضرتها طووويله ومملة
ريم:لاوالله
ايلان :والله !
ريم :تستهبلين مع وجهك قومي قومي يلا انا ابي اروح اكل وانتي خليك الين لما تحملين الماده
ايلان: لا ان شاء الله ايش هالفال حرام عليك؟
ريم: والله حبيبتي انا ماتفاولت عليك بس هذا اهمالك
ايلان:خلاص ياشيخه امشي بس نمر ع الكافيتريا ناخذ تصبيره
مروا ع الكافيتريا وأخذوا لهم تصبيره وجلسوا يسولفون
ريم: ايلآن ،انا باتصل في اخوي يجي يأخذني
ايلان: لا وليش ما نروح انا وانتي مع السواق
ريم:لاا اليوم وعدني نتغدى سوا ؟
ايلان:اها..روحي معاي واغديك احسن غدا
ريم:اقول مليت منك كل يوم مقابله خشتك.. باروح معاه عشان اتامر عليه وكذا تعرفين انتي عاد :)
ايلان: براحتك انا بـ اتغدى في احسن مطعم
ريم:عوافي مابيه طيب
ايلان:احسن
ريم:اقول الحكي معك ضايع أقوم اكلم وليد احسن مايسحب علي
ايلان :يارب يسحب عليك وخل اشوفك ترجعين لي اي مطعم تروحين يايلان ؟
ريم تضحك وراحت اتصلت في وليد .
………………………………………………………………...………
عند وليد كان نايم ومو حاس في شيء
اتصلت ريم كذا مره ومارد
ريم:حسبي الله عليك ياوليد هذا مو منك من اللي تشربه اكيد
ريم رجعت لايلان اللي باقي تكمل فطورها
ايلان: بشري ما بيوديك صح ؟
ريم:مارد علي ؟:(
ايلان :تستاهلين .دوري مين يوديك اللحين
ريم: مافيها كلام انتي بتوديني
ايلان:هه ! قديمك نديمك ولو الجديد أغناك
ريم: خلاص ياسخيفه لاتجلسين تذليني ي خخي اللي فيني كافيني
ايلان:احسسن تستاهلين أقولك انا أوديك واغديك في احسن المطاعم
تقلد صوت ريم..لا مليت منك كل يوم مقابله خشتك.باروح معاه عشان اتامر عليه وكذا ؟
مالت
ريم: اوووف ايش هالمذله ادق ع ابوي احسن منك انتي ووليدوه
ايلان: اقول ارتاحي بس اسمعي كلامي مره ثانيه اوك
ريم: بتوصليني بدون هالذل ولا كيف
ايلان:خلاص بنوصلك
ريم ابتسمت: فين أحسن مطعم اللي تقولين عنه بتغدينا فيه
ايلان: يمه يمه منك! ما تنسى انتي باجيب لك من اقرب بوفيه ساندوتش ويخب؟
ريم كشرت : افا أهون عليك
أيلان: والله ياعيني هذا اتفاق مسبق وانتي ماوفقتي ع الشرط
ريم:زين خلاص لا تغديني وصليني البيت احسن
ايلان: خلاص سماح هالمره
ريم:اقول عطيتك وجه قومي ولا يكثر ؟
ايلان: شف شف اقول قومي بس السواق برا ينتظر
ريم:يلا
……………….……………………………………………………………………………
عند وليد قام من النوم بعد ربع ساعه تقريبا من اتصال ريم فيه واستند ع السرير ومسك جواله يناظره
وشاف 5 اتصالات من ريم
وليد: يوووووووه ايش تبي هذي بعد ؟اوف ياربي نسيت اني وعدتها اغديها ؟
اقول خل تقعد وانا ارجع انام احسن لي بعدين اكيد لقت احد يوصلها البيت ورجع نام وليد
………………….……….……………………………….………………….…..
ريم:يلا بسرعه اي مطعم بتوديني ؟
ايلان: مادري اختاري اي مطعم تبين؟
ريم:مالت وذابحتني من الجامعه وتقلد صوت ايلان :باوديك لاحسن مطعم.
ايلان:اقول انطقي بس لولا الله ثم انا كان انتي اللحين لسى بالجامعه؟
ريم:ياليل ابو لمبه ع هالمذله .
ايلان:ريم احد قالك ان تهذرين كثير اختاري مطعم وخلصي ابي اروح انام
ريم:اي انتي :).
ايلان :اقول ارجعك بيتك احسن وافتك منك
ريم:لا لا خلاص بسم الله امممممممم ايش رايك بمطعم....
ايلان :اوك يلا
راحو المطعم وتغدوا ورحوا لبيت ريم عشان ينزلوها
ريم وهي نازله: ايلان حبيبتي تكفين لاتنسين اليوم ضروري تكونين هنا عشان نكمل
مذاكره طيب
ايلان:طيب ان شاء الله العصر واانا عندك
ريم: يلا الله يحفظك
ايلان :يلا
……………………………………………….
ايلان ووصلت للبيت
دخلت وهي حدها تعبانه من دوام الجامعه اول سنه لها عشان كذا تحس الجامعه مرهقه
دخلت تصارخ سيتي سيتي
سيتي جات:نأم مدام
ايلان:خذي الشنطه وطلعيها لغرفتي يلا
سيتي:طيب مدام
أخذت الشنطه وصعدت الدرج
أمها خرجت من المطبخ:هلا يمه
ايلان تبوس راس أمها :هلا فيك يمه ..
ام فيصل:يلا يمه بدلي ملابسك وانزلي عشان تتغدين
ايلان:لا لا يمه توي تغديت اانا وريم بالمطعم
ام فيصل: اجل خلاص يمه اللي تبينه.
ايلان:يلا عن اذنك يمه
ام فيصل: اذنك معك حبيبتي
صعدت الدرج وشافت بسام
بسام يناظر فيها برأه
ايلان:هالنظره وراها شيء بسرعه اعترف ايش سويت؟
بسام:ماسويت شيء :).
ايلان:اكيد.
بسام:اكيدين
صعدت ايلان الدرج تبي تدخل غرفته الا تشوف بسام مطيح ملابسها كلها ع الارض
ايلان:بساممممممموه خير تشوف ايش أسوي فيك لو انا مو تعبانه كان ذبحتك.
ابو فيصل:ليش ايش سوا!!
ايلان:هلا يبه وباست راس أبوها لا سلامتك بس تعرف بسام
ابو فيصل: وفي احد سلم من بسام بس يالله الصغير واخر العنقود لازم نصبر عليه.
ايلان: الله يعيني بس يلا يبه عن اذك بروح انام
ابو فيصل:والغدا؟
ايلان: لا تو تغديت مع ريم في مطاعم بس ابي انام اللحين
ابو فيصل:يلا اجل اذنك معك.
ايلان دخلت غرفتها أخذت شاور ع السريع وبدلت وراحت تنام
قامت ايلان ع المنبه غسلت وجهها ووضت وصلت ونزلت تحت في الصاله
شافت اهلها كلهم جالسين بالصاله دخلت سلمت
فيصل: اهلين ايلان وعليكم السلام وينك ماتنشافين؟
ايلان: وانا اقدر اتنفس من هالجامعه؟
فيصل: يلا اصبري والله يعينك ان شاء الله شفيني صبرت الين فرجها ربي الحمدلله
ايلان:ان شاء الله،الا يمه ؟؟
ام فيصل :هلا يمه
ايلان:اليوم ريم عزمتني وتبيني اروح لها ؟
ام فيصل:والاختبارات اجلسي ذاكري احسن من الهذره ياايلان
ايلان: يمه باروح اذكر ماني رايحه اهذر
ام فيصل : لا اجلسي ذاكري لحالك ببيتك هينا احسن لك
ايلان دقت فيصل عشان يساعدها تقنع امها لانه حبيبها وهو الكبيرفيصل فهمها
فيصل:يمه خليها تروح حرام يمه
ام فيصل: لا يافيصل تجلس تذاكر احسن لها
فيصل: طلبتك يمه وباس راسها وانا يمه بنفسي اجيبها بعد العشاء يعني مارح تطول
ابو فيصل: خلاص يام فيصل خلي البنت تروح
ام فيصل: خلاص روحي بس ماتطولين طيب.
ايلان نطت يييسسس .
ايلان صعدت غرفتها تتصل في ريم
………………………………………….………………………………
عند ريم الي لسى نايمه قامت ع صوت الجوال
مسكت الجوال وردت
ايلان: الوو ريم
ريم وهي لسى شبه نايمه:هممممم!
ايلان صرخت في التيلفون :رييييييييييييم!!!
ريم نطت من السرير: وججججججع صمخ ايش تبين داقه علي الحين خضيتيني
ايلان:هههههههههههههههههههههههههههه تستاهلين نايمه الين اللحين
ريم:ضحك بلا سنون ياتبن ايش بغيتي الحين اخلصي علي؟
ايلان:اقول قومي يانومه انا جايتك الحين
ريم: بس ومسببه هالازعاج بس عشان سموك بتشرفين
ايلان:احم احم اي عندك اعتراض
ريم:لا لا بس يالله باقوم اصلي
ايلان:يالله
ريم ووضت وصلت ولما جت تبي تلبس وجلست ع السرير انسدحت ونامت
………………………………………………………………………….
عند ايلان اللي أخذت شاور وطلعت تلبس
لبست بنطلون اسود سكيني وعليه ورود احمر واخضر
وبدئ احمر عليه رسمات بالاسود وجاكيت رسمي اسود وشعرها ذيل حصان ولبست شوزأسود
وقفت عند المرايه تسوي مكياجها حطت ايلاينر فرنسي ورسمته باتقان وحطت اضاءه بسيطه
وحطت روج احمر راحت للمرايه تشوف شكلها وابتسمت ابتسامه رضا أخذت عبايتها وطلعت
ايلان شافت أمها جالسه بالصالة باست رأسها
ايلان:يلا يمه انا رايحه
ام فيصل :روحي الله يحفظك ولاتطولين
ايلان: اوك يمه سي يو
ايلان وهي رايحه قابلت اخوها فيصل
فيصل ابتسم:أهلين ايلان وين رايحه!
ايلان:رايحه لصديقتي بسرعه نسيت!
فيصل: اها بس تعالي ايش المقابل لما ساعدتك اليوم؟
ايلان: ياعمي اقول طير مافي مقابل ترا بس كلمتها ما اخترعت الذره عشان
اعطيك مقابل؟
فيصل: يمه.
ام فيصل:نعم يمه
فيصل ايلان تقول ويطالع ايلان اللي نطت وحطت يدها ع فمه
اخوها وعارفه حركاته
ايلان:خلاص خخخخلللاااص ايش تبي اللحين لما ارجع اعطيك ؟
فيصل: لا اللحين ابي
ايلان: اللهم طولك ياروح يلا خذ ورح ومدت له 50ريال
فيصل رفع حاجبه: هي هههي ! تلعبين ع مين اقول ميه ولا اقول ؟
ايلان: مامعي اللحين لما ارجع
فيصل: نووو نننو اللحين ولا
ايلان:خذ حسبي الله ع ابليسك ومدت له 50ثانيه
فيصل ابتسم برضا: تسلمي لي اختي الحبيبه يلا الله يحفظك
ناظرت فيه ايلان:يمه منك بس وراحت عنه
.. ركبت مع السواق ووصلها لبيت ريم
نزلت البيت ودقت الباب
فتحت لها الشغاله : هلا مدام
ايلان: السلام عليكم وين ريم؟
الشغاله:ريم فوق نايم؟
ايلان: ايييش لسى نايمه؟ اقول في احد بطريقي ولا امشي
الشغاله:لا مافي اهد ؟"احد"
ريم:اها طيب جيبي لي كاس مويه بارده بسرعه
الشغاله:طيب مدام
جابت الشغاله كاس مويه بارد لايلان اللي طلعت لغرفه ريم
وكبت المويه ع وجهها بسرعه ريم نطت من السرير .
ريم:وليددووووووووووه وجع ان شاء الله ترا لسى حركه الغداء مانسيتها
ايلان ماتت من الضحك
ريم فتحت عينها زين الا تشوف ايلان
وقالت باستغراب :ايلاااااااااااااااااان
ايلان : ايه يالفالحه ايلان قومي بس قومي
ريم:ياشيخه متى جيتي؟
ايلان: امس :).
ريم:هه هه هه ! ماتضحك
ايلان: اقول قومي بس ترا ماراح اطول الين العشاء ويجي فيصل ياخذني قوووومي
ريم:امما ليش بس الين العشاء؟:(
ايلان :قومي وخلصي بعدين انا باقولك
ريم : طيب بس روحي المجلس الين اجيك مايحتاج تدلين طريقه عاد
ايلان:اوك اوك بس يلا بسرعه طيب..
دخلت ايلان للمجلس
جلست ايلان تطقطق بجوالها وانتظرت ريم .
************************************************** ************************************
في مكان ثاني من البيت كان جالس وليد وريان يسولفون
وليد: ريان دقايق واجيك
ريان:خذ وقتك
طلع وليد اللي شاف ريم في المطبخ وجلس يراضيها ع حركته اليوم
ريم اللي نست من ايلان وجلست تضحك مع اخوه ويسولفون
************************************************** **************************************
عند ايلان اللي طلعت تدور لها وشافت اقرب مجلس دخلت وهي تطقطق ع الجوال
وصرخت :ريممموه
ولفت تبي تطلع الا وهي واقفه مصدومه من الشخص اللي قدامها وهو يطالعها بنظرات متفحصه
وقفت شوي تبي تستوعب الموقف شوي الا ايلان ركضت بسسسرعه للمجلس وهي خايفه وعيونها تلم
جلست لوحدها ربع ساعه تقريبا جلست تكلم نفسها وتفكر وتقول ياويلك يايلان دخلتي ع وليد اكيد هاللحين اصلن مين قالك تتمشين في البيت كانه بيتك وماخذه راحتك ...والخ
وريم لسى مع اخوها بعدين جات عندها ريم وجلست تصب لها
ريم:اي قولي لي ليش ماراح تطولين ؟
ايلان وهي تفكر في اللي شافته من شوي :لا والله زين تذكرتيني .. يالمهبوله اخوك شافني!!
ريم وهي مستغربه:ولييييييييدددددد!!..
ايلان : ايه وليد وعندك اخو غيره!
ريم:تستهبلين هو معي بالمطبخ اللحين طلع معاي لعند صديقه
ايلان:صدييقه وعيونها طالعه وين صديقه ذا!!
ريم:بالمجلس اللي جنبنا بس ليش!!
ايلان:ياويل حالي هو اللي شافني بعد مو اخوك
ريم:ههههههههههههه عادي..وغمزت لها .. الا اقول دخلتي كذا
حسبي الله ع ابليسك اكيد هبلتي بالمسكين
ايلان:انتي وين وانا وين صبي بس صبي اخر مره اجيك!!
ريم:هههههههه عادي عادي ايش فيك؟؟بالغلط
****************************************
وليد اللي رجع لريان وريان كان مسرح
وليد: اسف طولت عليك
ريان اللي اصلا ماحس بالوقت: لا لا عادي
جلس وليد يسولف لريان وريان مو معاه ابد يفكر باللي شافه بس ماعمره شاف احد بجمالها
رغم اختلاطه بكثير من البنات ومعرفته للبنات الا انه حس ان هالبنت غير وانه يبي يجيب راسها هي بالذات
وليد: ريان وييينك!! عقلك مو معاي
ريان:هاه لا معاك
وليد:أقول تكلم ايش فيك !!انت مو طبيعي
ريان يكلم نفسه:والله لو تدري أني شفت أختك لاتذبحني
وليد طالع فيه بنظرات تخوف :أذبحك ليش ايش سويت !!
ريان اللي بدى الخوف يبان عليه: هاه لا ماسويت شيء
وليد بنبره تخوف :ريان تكلم أحسن لك
ريان:اوووف قلت لك مأسويت شيء
وليد عصب :بتكلم ولا شلون؟
ريان:اوك اوك بس شوف انا مالي دخل كل شيء صار بالغلط ..وقبل ما يبدأ السالفة جلس يتذكر البنت اللي دخلت عليه
كانت تنادي ريم "ريممووه" واخت وليد اللي يعرفه ان اسمها ريم هذي مو اخته ولا عنده غير ذا الاخت اجل ذي ميييين!!
وليد:رييييان وينك..تكلم ايش سويت؟؟
ريان ابتسم براحه لما عرف انها مو اخته وبدى يقوله اللي صار
*********************************
ايلان:ريموه خايفه يقول لأخوك شيء
ريم:اولا اسمي ريم ثانيا صاحيه انتي يقوله شفت أختك
ايلان:لا اجل انتي الصاحية..ايش فيك أقولك شافني ليش مايقوله
ريم:ياغبيييه بيفكر انك انا يعني اخت وليد وما راح يقول شيء وبعدين اذا قال شيء انتي ماسويتي شيء غلط
كل اللي صار بالغلط
ايلان:اجل يلا فيصل برا انا رايحه
ريم: مع انك رحتي بسرعه ومفروض ازعل بس يالله امري لله و يلا الله يحفظك
ايلان ودعت ريم وراحت لسواق وريم طلعت غرفتها
**********************************************
ريان:اخخخخ لو تشوفها ياوليد تذذذبح
وليد:تبي اظبطها لك وغمز له
ريان:ياليييت
وليد:اجل خلها علي يومين بالكثير ورقمها واسمها عندك ايش تبي اكثر
ريان ابتسم:فديييتك تسلم لي
****************************************
ايش راح يسوي وليد عشان يجيب رقم ايلان؟
ريان ايش بيسوي لايلان ؟
ريم ايش رده فعله لما تعرف ان اخوها هو اللي اعطاه الرقم؟
توقعاتكم..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 28-08-2014, 04:03 PM
صورة روعة غلا الرمزية
روعة غلا روعة غلا غير متصل
©؛°¨غرامي نشيط¨°؛©
 
الافتراضي رد: نويت اعذبها لاكن طحت بحبها


بااااااااااااااااااااارت رااااااااائع
كثري السرد
ارسلي رابط روايتك على الاعضااااء عشان تلقى تفاااااااااااااااعل
واذا نزلت بااااااااااارت ارسلي رابط البارت على الاعضاء
كملللللللللللللي

الرد باقتباس
إضافة رد

نويت اعذبها لاكن طحت بحبها

الوسوم
اول روايه لي/بقلمي
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
صرخت بحبها سمعتني الدنيا ولم تسمعني نافشه شوشتها منقولات أدبية 7 26-02-2011 12:09 AM
وصاياء الرسول عبد المجيد موسى الحربي ارشيف غرام 4 22-08-2010 07:38 AM
صلاة المرأة في بيتها أفضل من صلاتها في المسجد forget--me--not مواضيع إسلامية - فقه - عقيدة 17 20-08-2010 11:08 PM
صلاة المرأة في بيتها افضل ارس ياترس ارشيف غرام 2 15-08-2010 04:31 AM

الساعة الآن +3: 12:58 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1