غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 101
قديم(ـة) 02-10-2014, 07:06 PM
صورة هتون الغيم.. الرمزية
هتون الغيم.. هتون الغيم.. غير متصل
س أبقىّ أُنثَىَ مُخْتلفهِ لا يشبهني إلا انا ღ
 
الافتراضي رد: لمني بحضنك عن برد هالشتاء ودفيني لاصارت الدنيا جليد/بقلمي





السلام عليكم ورحمه الله وبركاته
يسعد صباحكم / مساؤكم بكل خير

الله يسعدكم سعاده اهل الجنه برودودكم الجميله..

روعه غلا
حسوني المزيوني
معشوقه الجماهير
مسك العسيري
لهيب عشق الهوى
شمعه الليالي
و la plus belle fille

تسعدوني دائما بكل بارت اسعدكم الله ..

وكمان فيه وحده من خلف الكواليس ..
الله يسعدها سجلت وم تفعلت عضويتيها للحين ..
كتبت لي كلام جميل عن الروايه ..
الله يجزاها الجنه ي رب ..

وأن شاء الله تتفعل عضويتها قريب عشان تشاركنا..
وقبل م انسى ..

كل عآم وأنتوا بخير *
وكل عآم وأنتوا لقلبي مصدر فرحه *
ويجعل افراحكم وكل اوقاتكم عامره بالفرح وذكر الله *




رجعت بعد طول غياب مدري قسى علي وقتي ومدري ويين بداياتي ..



- البارت السابع عشر -


مر تقريبا اسبوع تماما
احداثه كانت عاديه لا شي يذكر

بالصاله مجتمعين كان العيال كلهم بطرف والشياب بطرف يسولفون وجالسين ع الارض ..

فهد التفت لفيصل : فيصل ! فيصل فيصل
فيصل بفهاوه : ن ننعم
فهد : وش فيك !
فيصل رفع حاجب : ولا شي
فهد غمز له : متاكد !
الشباب بصوت متفرق التفتوا له : وش سالفتك
فيصل يتحسب ع فهد بنفسه وبثقه وجمود : انا
نواف بضحكه : لاالجدار اللي وراك ! ايه انت !
فيصل يخز فهد :م فيني شي
فهد حس بنظرات فيصل وبدا يصرف السالفه : شباب وش رايكم نلعب بلوت
نواف ومهند بصوت واحد : يلا

فهد بس يبي لي مكان وهو ياشر ع عكازته ورجوله * وانتوا بكرامه *
نواف بضحكه : طيب اجلس مكانك وبنقرب الكنبات جنب بعض ونسوي حلقه
فهد بتردد واحراج : لالا خلاص م بلعب اصلا م اعرف مرهه انتوا العبوا
محمد : بنعلمك
فيصل فهم على فهد : اتركهه ع راحته ويلا نلعب

جلسوا ع شكل حلقه وبدا فهد ينظم اللعب وهما يلعبون

طبعا الشياب كانوا بجهه يسولفون ..
وكل منهم مندمج بشغله ..

انفتح الباب وبصوت مرتفع : السلام عليكم

كلها فزوا وبصوت واحد : وعليكم السلام
نواف اتجهه لابوه وسلم ففوق راسه ويده : ليش يبه م تقول لنا انك جاي عشان نستقبلك
ابو نواف : لا ماله داعي
وسلم ع الكل وجلس

ابو فهد : سعد
التفت له ابو نواف : سم
: سم الله عدوك . الا ليش سافرت
ابو نواف عدل جلسته : انا كنت بخبركم بعد الغدا بس دامك فتحت الموضوع بخبركم
ابو فهد : ان شاء الله كل خير
ابو نواف : ان شاء الله

وحكى لهم الي صار لما كلمه الدكتور المشرف ع حاله رائد ..

نواف بفرحهه : الحمدلله الحمدلله
طيب يبه بسافر بكره او بعده اتطمن عليه
ابو نواف بابتسامه : مافيه داعي هو اصلا جا معاي
نواف فز : من جدك يبه وينه
ابو نواف : تركته يرتاح بغرفته لبعد الغداء عشان بنروح المشفى بعد الغداء
نواف بدت الدموع تتجمع بعيونه من الفرحه: الحمدلله
وصار الكل يتحمدون لابو نواف بسلامة رائد


*أحبك كثر
ماقالوا"أحبك
في لغات الكون
أحبك كثر
ما حن"الغريب
لديرة أجداده
وأحبك كثر
ماينبش غيابك
حزني المدفون
أحبك كثرحبي
للسهر والقهوه الساده

**
--
**


جالسه مع الحريم بالجسد فقط ..
لكن بالروح مع الي اخذوا قلبها وسافروا ..
و م انتبهت لجوالها الي يرن ..

ام فيصل : ام نواف ام نواف
ام نواف التفت لها : سمي
ام فيصل : سم الله عدوك واشرت ع الجولل

ام نواف استوعبت وردت باستغراب
: هلا والله وعليكم السلام .وصلتوا . الحمدلله الحمدلله . طيب بروح اشوفه . طيب ع امرك
وقفلت الجوال ومن فرحتها بكت

همس فزت لامها وبخوف: وش فيك يمه
ام نواف رفعت راسها : رائد
الكل بخوف : وش فيه
ام نواف : هنا رائد هنا
همس ورغد بصراخ : من جد يمه وينه
ام نواف مسحت دموعها : بغرفته يرتاح
همس ورغد بصوت واحد : بنروح له !
ام نواف باندفاع : لالا يقول ابوك لايصحى الابعد الغداء

الكل بدوا يتحمدون ربي ع قومه رائد بالسلامه ..
التفتت يمين ويسار تدور ل لمى بس م كانت موجوده ..
فزت وبسرعه صعدت لها وهي تركض بالدرج وتاخذ كل درجتين بخطوه ..
وصلت للغرفه وفتحت الباب بقوه ..

لمى فزت بفجعه وبخوف من ملامح رغد الغريبه..
ركضت لها : رغوده فيك شي
رغد رمت بنفسها ع السرير تسترجع نفسها وبكلمات متقطعه : ر ا ئ د ر ج ع
لمى جاء ببالها شي ثاني وطاحت بالارض وم سمعت بقيه كلام رغد : لالاااا
رغد ضمتها : لا تخافين رائد بخير
لمى والدموع تملا وجهها : تكذبين علي!
رغد تضمها اكثر : والله ي لمى اني اتكلم ججججد رائد بالندن
لمى فزت من حضن رغد : احححلفي
رغد بملامح جاده : والله اتكلم جد بعد ترا هنا بالفلا
لمى رمت نفسها بحضن رغد وجلست تبكي من الفرحه وتحمد ربي..

علموه اني احبه بجنون من وريدي للوريـد
علموه ان الليالي المضلمه دون حسه موجعه
وعلموه اني فقدت روحه ياعسا عمره مديد
وعلموه ان القصايد كانت في غيابه تتبعه


**
--
**


من عرف السالفه استانس بالحيل ..
وقرر هو الي خبر غلا بنفسه ..

دخل الصاله وبابتسامه واسععه جلس جنبها : لولو
غلا التفت لهه
خالد ضمها : اقولك بخبر بيسعدكك كثير كثيييييييير
غلا بضحه : اما كثيييير كثيييير
خالد بادلها الضحكه : والله
غلا بفضول : طيب وشو !
خالد وهو ياشر لخده : اولا بوسه واقولك
غلا : من عيوني وباسته : والحين قولي
خالد بابتسامه واسعه : راائد بالندن
غلا فاتحه عيونها ع الاخير الي متجمعه فيها الدموع من الفرحه : هاه
خالد بابتسامه : والله اتكلم جد
غلا بدت دموعها تنزل وتحمد ربها..

رفعت راسها وبابتسامه : خالد ممكن نروح له
خالد ياشر ع عيونها : من عيوني
غلا احمرت خدودها : شكرا تسلم عيونك
خالد : طيب يلا روحي البسي
غلا قامت: يلا

**
--
**

من بعد م سافروا وهي طفشانه لوحدها ..
ورنا مشغوله مع ولدها وطلال م تعرف وش تسوي ..

جت ببالها فكره وبسرعه اتجهت لصاله الي فيها امها : يمه
ام طلال : هلا يمه
: بصراحه من بعد م سافروا اخوالي وانا طفشانه م خرجنا و كله بالبيت وبس لوحدي
ام طلال : وليش لوحدك رنا معاك
افنان : يمه رنا مشغوله بولدها وطليل
ام طلال باستفهام : والمطلوب مني !
افنان : بخرج لسوق او لاي مكان
ام طلال : لوحدك
افنان : باخذ رنا معاي ولدها ببجلس مع الشغاله ومعاك تكفين
ام طلال بابتسامه : انا موافقه بس كلمي ابوك
فزت لامها وباست راسها بفرحه : اخيرا بخرج
واتجهت لغرفه ابوها وامها

اخذت نفس طويل ..
وسمت ودقت الباب بخفيف..

: ادخل
دخلت والابتسامه تملا وجها : مساء الخيرات
: مساء النور
باست راسه ويده وجلست ع طرف السرير : كيفك يبه
: طيب ي ابوك
: الله لايغير عليك
سكتت شوي : يبه
: سمي
وبتردد : سم الله عدوك ابي اخرج انا ورنا
: وين
: اي مكان والله يبه طفشت من سافروا اخوالي بس مقابله لهجدران
بابتسامه : طيب بس مو لوحدك
: اكيد ان شاء الله
وسلمت ع ابوها وخرجت ركض مستانسه ..
ارسلت لرنا بالجوال وهيرلبست عبايتها ..
واخذت شنطتها بسرعه ورمت فيها بوكها وجوالها اخذت ساعتها وخرجت من الغرفه ..

وبعجله فتحت الباب وهي تسابق رنا ..
فجاء صدمت بشخص وطاحت ساعتها من الاحراج وبدون م ترفع نظرها له ..
رجعت ركض وتركت الساعه الغاليه ع قلبها كثثثثثير كثيييير ..
رجعت وجلست ع الدرج تنتظر رنا ..
وبعد م يقارب دقيقه تذكرت ساعتها ورجعت تدور لها بس م لقتها سالت الشغاله ورنا وامها بس م فيه احد شالها ..

نزلت دمعه من عينها : ضاعت !
رنا بابتسامه : ان شاء تلاقينها وهيا نخرج نغير جو

خرجوا ورنا كانت مستانسه بعكس افنان الي كان بالها مع ساعتها وحزينه عليها


- وش سالفه هالساعه ! -

**
-
**

- بمكان ثاني -

متمدد ع السرير يناظر بالفراغ ..
وجهه شاحب وفمه جاف ومتشقق ..
مصدوم من كثر الاجهزه الي تحوطه ..

: يمهه
التفت للصوت وابتسم ..
ركضت له وضمته وهي تدعي ع اللي كان السبب .. بحادثه : الله يفرح عيوني بشوفتك بصحه وسلامه
: يمه ابي اسلم عليه
: رغدوه انا الكبيره انا اولا
رغد خزتها وجلست ع طرف السرير
بعدت عنه ام نواف

وباست جبينه همس : الحمدلله ع السلامه ي الغالي
: ا آ آ الله يسلمك

رغد نزلت من ع السرير وضمته : والله اشتقت لك ايام بدونك ما تسوى
وبهمس : قوم بالسلامه اذا مو عشانا عشان لمى
وجلست جنبه

ام نواف : تعالي مكاني بجلس جنبه
وجلست جنبه وهي تقرا عليه لحد م غفى


خرجوا همس و رغد
غلا : السلام عليكم
همس ورغد : هلا والله وعليكم السلام
: كيف رائد ! طمنوني عليه
: الحمدلله بصحه وسلامه
غلا تنهدت : الحمدلله

خرجت ام نواف و بنفس الوقت دخل خالد بعد تاكد ان البنات تغطوا ..
ام نواف : ي هلا والله
خالد باس راسه : ي هلا فيك
: كيف رائد ! الله يشفيه
ام نواف : الحمدلله بخير
: الله يديمها عليه ي رب
ام نواف ب ابتسامه : كيفكم انتوا ! والتفتت لغلا : وكيف لولو ان شاء الله مستانسه
خالد ب ابتسامه عريضه : الحمدلله بخير وصحه
ام نواف : الحمدلله و ب ابتسامه : قول امين
: امين
ام نواف : ي رب افرح بحفيد صغير و قريب
خالد ناظر بغلا وتعمد يحرجها : ان شاء الله قريب وقريب بالحيل
ام نواف مو فاهمه
خالد بضحكه : اقصد انك بتصيرين جده بعد 8 شهور الا شي بسيط
ام نواف دمعت عيونها من الفرحه : الله يفرحكم اضعاف م فرحتوني
: مبروكك يمه
غلا ب ابتسامه خجل : يبارك بعمرك

سحبوها همس ورغد لكراسي وهما يضحكون عليها ..
و ع وجهها الي تقلب اللوان ..

- الله يتمم لها ع خير -

**
--
**

جالسه بالحديقه متوتره وقلقانه ..
اللى اللي ماخذ قلبها وروحها ..
اشلغت نفسها بالجوال بس سرعان م رجعت تفكر ..
وبلحضات دخلت رغد ..

اول م دخلت اخذت بيدها لمى وصعدوا فوق ..
رغد تسترجع نفسها : ل ل لـ لمى انتظري
لمى بعجله : كيف رائد !
رغد ب ابتسامه : الحمدللت بخير
تكلمتي معاه
تتافف : لا م تركوني بس شوي وخرجت لانه نام وبعدها دخلوا الرجال
: طيب اشرحي لي كل شي عنه بالتفصيل
: م اعرف شي ب التفصيل بس هو بخير الحمدلله
: وشو الي م تعرفين
رغد : بس دخلت عليه وجلست معاه شوي

لمى رمت نفسها ع السرير ..
وعيونها معلقه بالفراغ وتدعي له ..


كيف يومك ؟
صرت احاتي غيبتك
عني والومك
صرت اقول الحين نام
وبين هذا الوقت و
ب-مدري جيت فْـ باله ولا نساني
اشغلتني غيبتك وش هي علومك !


**
--
**

قفل كتابه وفز يوضي ويصلي ..
بعد م انتهى صلاته اخذ كتابه ودخل المطبخ يسوي له قهوه عربيه ..
شغل عليها ..
وجلس ع الطاوله الي بالمطبخ يذاكر ..

حس بحركه بجيبه ودخل يده ..
كان جواله صامت هزاز ..
قرا الاسم و رد والابتسامه تملا وجهه ..

: ي هلا والله ي هلا بالغالي
ابو فرح ب ابتسامه : ي هلافيك ي بوي طمنيني عنك لك اسبوعين م دقيت خفت عليكك
: المعذره والله اني مضغوط بالحيل اسبوعين اختبارات ورا بعض واليوم اخر اختبار
: الحمدلله الله يوفق ي ولدي
: امين ي رب
ابو فرح بتردد : تركي
تركي : سم
: سم الله عدوك بس حبيت اقولك ترا مو مجبور ع فرح واللي سويته ماهو قليل ورايتك بيضاء
تركي قاطعه : ي عم وش هالكلام ! ليش اخلفت بوعد او شي ! احنا اتفقنا ان الزواج بعد م ارجع م ابيها تتغرب زي م انا الحين م تغربت ومو مأمن نفسي انا عادي اذا صار لي شي لاسمح الله بس هي لا
ابو فرح ارتاح بشكل كبير من كلامه : الله يجزاك الجنه ي ولدي
تركي : اجمعين ي رب
ابو فرح : المهم تعال بايام الاجازه و صوم رمضان هنا م اشتقت لنا
تركي بضحكه : لو ما اشتقت لكم كان م اكلمك كل اسبوع او اسبوعين ولو بيدي كل يوم بس تعرف
ابو فرح : طيب تعال
تركي : ان شاء الله اجي برمضان واذا م قدرت بالعيد بس الاكيد اني جاي ان شاء الله
ابو فرح : ان شاء الله والحين م اطول عليك ذاكر ي ابوك م بقى الا القليل
تركي وهو يصب له كوب قهوه : ان شاء الله . معسلامه وقفلوا

اخذ الكوب وجلس وهو يفكر ..
ليش هو مو متحمس لهزواج ابد ابد ..
مو ماخذه جزء من تفكيره ابد ولاكانها زوجته ..
هز راسه يمكن يرتاح من افكاره وفتح كتابه ..

أصعب شي ترتبط بشخص م تكن له آي مشاعر ابد ..
بس نقول ي رب يتزوجها ووتتحرك مشاعره تجاهها ..



**
--


ترفع يدينها المغطاه بالدم ..
وبشهقه طاحت بالارض ..

وهي تصارخ وتبكي بنحيب ..
: بموت بموت
وضلت ع حالتها فتره طويله م بين بكا وصراخ ..

بس لمحت شخص يركض تجاها ..
ومن الخوف فزت من نومها مفزوعه ..

مسحت ع وجهها وهي تحاول تكتم شهاقاتها ..
قامت من فراشها ببطا و دخلت الحمام * وانتوا بكرامه * ..

غسلت وجهها وتعوذت من الشيطان ..
ورجعت لسريرها تلحفت بالكامل حتى وججها ..
وهي تقرا الاذكار وتحاول تنام ..

احلامها كثير وكثير ..
الله ييكفيها شرها ..


- ي ترى وش سالفه هالحلم ! -


وبكذا انتهى البارت ..
أعرف انه قصير بس بعوضعكم أن شاء الله ببارت جميل يوم السبت ..
الله يجزاكم الجنه البارده ..
انتوا وردودكم وتواجدكم الجميل ..
ودي لكم ..
هتون الغيم ..




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 102
قديم(ـة) 02-10-2014, 07:09 PM
صورة منهو بعدك مهم الرمزية
منهو بعدك مهم منهو بعدك مهم غير متصل
©؛°¨غرامي مبدع¨°؛©
 
الافتراضي رد: لمني بحضنك عن برد هالشتاء ودفيني لاصارت الدنيا جليد/بقلمي


هتون الغيم

روعه ما نثرتي تقبلي مروري

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 103
قديم(ـة) 02-10-2014, 08:01 PM
صورة حب في مهب الريح :) الرمزية
حب في مهب الريح :) حب في مهب الريح :) غير متصل
©؛°¨غرامي متألق ¨°؛©
 
الافتراضي رد: لمني بحضنك عن برد هالشتاء ودفيني لاصارت الدنيا جليد/بقلمي


باااارت مميز حبيبتي معليش قصيير بس يالله بإإإنتظار يووم السبت
و عيد مبااارك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 104
قديم(ـة) 03-10-2014, 02:23 AM
صورة سراب. الرمزية
سراب. سراب. غير متصل
©؛°¨غرامي جديد¨°؛©
 
الافتراضي رد: لمني بحضنك عن برد هالشتاء ودفيني لاصارت الدنيا جليد/بقلمي




وعليكم السلآم ورحمه الله وبركاته

ويسعد صباحك ياروحي
سلمت اناملك ع هالبارت الجميل

والله فرحت لما تفعلت عضويتي عشآن ارد عليك
وتكون لي بصمه في الروايه

الله يسعدك يارب على هالروايه الرائعه
زينك وزين روايتك
مره اعجبتني الشخصيات خاصه شخصيه لمى ورائد
واعجبني اسلوبك بالطرح والترتيب بالكتابه
والاخطاء بالكتابه شبه معدومه
من جد اعجبتني بالحيل
انا قرات روايتك الاولى ومارديت
وحبيت اكون معاك بروايتك الثانيه

الله يعطيك العافيه ي رب
بس حبيت اسالك فيه اسم مشترك بين روايتك هذي وروايتك الاولى ليش !
اذا فيه احراج لك مو لازم تجاوبين

وتوقعاتي :
ساعه افنان وراها سالفه يمكن من احد تحبه وتغليه.
وحلم لمى ان شاء الله م يتكرر ويكون كابوس مافي داعي لتفكير فيه .
ورائد ان شاء الله يقوم بالسلامه وتفرح لمى برجعته بس .
لاتطولين علينا


وكل عام وانتي بخير وصحه وسلامه .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 105
قديم(ـة) 03-10-2014, 03:26 AM
صورة شمعه الليالي الرمزية
شمعه الليالي شمعه الليالي غير متصل
©؛°¨غرامي مشارك¨°؛©
 
الافتراضي رد: لمني بحضنك عن برد هالشتاء ودفيني لاصارت الدنيا جليد/بقلمي


احم احم مبدعــــــــــــــــــــــــــــــــــــــــــــــ ـــه كعادتك مايبي لها كلام >>

متحمسه ليوم السبت وكل عام ونتي بخير يالغلا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 106
قديم(ـة) 03-10-2014, 03:42 AM
صورة احلى البنات فالشرقيه الرمزية
احلى البنات فالشرقيه احلى البنات فالشرقيه غير متصل
©؛°¨غرامي نشيط¨°؛©
 
الافتراضي رد: لمني بحضنك عن برد هالشتاء ودفيني لاصارت الدنيا جليد/بقلمي


واو. صدق يوم السبت بارت يعني بكرا واييي حماس <<<كاني تبيزرت بزياده احم احم
السلام والرحمه اخبارك اشتقت لابطال روايتك ولحسن حظي بكرا كمان بارت ويسعدني اني اسعدك بردي
بس جد جد جد حماسسسس رائد بيصحى وبيكون احسن مايكون وكانه حصان على قولت جدي كانه حصان مايهجد
فهد راح ينسى هاذي الي نسيت اسمها
فيصل راح يخطب رغد
وهاذا بعض من توقعاتي طبعا موكلها تنقال بعضها خيالي بزياده وماراح يصير ابدا
بس هاذا العدي المجنون ودي يموت كيف ينجو من الحوادث المجنونه زيه انا الصراحه موطايقه بعيشته ودي اكوفنه وادفنه بمكانه بس صدق يقهر ودي يموت اليوم قبل بكره انفيييه نهائيا من الوجود قاهرني ومسويلي حره ودي اطلعها فيه بس موموجود بالحياه هو اساسا احسن انه موموجود كافينا شره
هههه طلعت من حرتي بس ماشفتي كيف قاهرني
انتظر بكرا بفارغ الصبر وانتمنى تبعتيلي رابط حماسي زي العاده وارييد تشوق زي فوق والي بيكون تحت ادري روايتك مشوقه وكل اشوي يزيدني اثاره وحماس حبيت شخصيه فهد وفيصل ورائد اكثر شي وكرهت عدي كل الكره والكراهيه واتمنى يبعد عنا بخيره وشره اذا كان عنده خير اصلا
فهد احسنلك واضب على علاجك شفت كلا من سبتك طولو مده العلاج لو انك مستمر على تعليمات الطبيب كان المده اقل كالك بس العلاج الطبيعي يعني كل يوم تتدرب لين تطيب
فيصل حاس انك. راح تتزوج قريب ليه مادري بس احساسي يقولي هههه
رائد ربي يشفيك ادري انك قوي وراح تتشافه سريع
وبسسسسس
المعجب نمبر(1)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 107
قديم(ـة) 03-10-2014, 06:57 AM
هادي قلبى هادي قلبى غير متصل
©؛°¨غرامي مشارك¨°؛©
 
الافتراضي رد: لمني بحضنك عن برد هالشتاء ودفيني لاصارت الدنيا جليد/بقلمي


واااااااااااااااااااااو بارت روعه
أنا أنتظر البرت الجاي على أحر من الجمر تحياتي حبيبتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 108
قديم(ـة) 04-10-2014, 08:21 AM
صورة لهيب عشق الهوى الرمزية
لهيب عشق الهوى لهيب عشق الهوى غير متصل
©؛°¨غرامي جديد¨°؛©
 
الافتراضي رد: لمني بحضنك عن برد هالشتاء ودفيني لاصارت الدنيا جليد/بقلمي


تسلم ايديك رائع جدا البارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 109
قديم(ـة) 04-10-2014, 10:01 AM
صورة هتون الغيم.. الرمزية
هتون الغيم.. هتون الغيم.. غير متصل
س أبقىّ أُنثَىَ مُخْتلفهِ لا يشبهني إلا انا ღ
 
الافتراضي رد: لمني بحضنك عن برد هالشتاء ودفيني لاصارت الدنيا جليد/بقلمي


اقتباس:
المشاركة الأساسية كتبها منهو بعدك مهم مشاهدة المشاركة
هتون الغيم

روعه ما نثرتي تقبلي مروري
ي هلا والله
نورت الروايه
شكرا الله يسعدك ي رب
كن بالقرب .


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 110
قديم(ـة) 04-10-2014, 10:02 AM
صورة هتون الغيم.. الرمزية
هتون الغيم.. هتون الغيم.. غير متصل
س أبقىّ أُنثَىَ مُخْتلفهِ لا يشبهني إلا انا ღ
 
الافتراضي رد: لمني بحضنك عن برد هالشتاء ودفيني لاصارت الدنيا جليد/بقلمي


اقتباس:
المشاركة الأساسية كتبها la plus belle fille مشاهدة المشاركة
باااارت مميز حبيبتي معليش قصيير بس يالله بإإإنتظار يووم السبت
و عيد مبااارك
قلبي تسلمين
الله يسعدك سعاده اهل الجنه ي رب
سلمتي


الرد باقتباس
إضافة رد

لمني بحضنك عن برد هالشتاء ودفيني لاصارت الدنيا جليد/بقلمي؛كاملة

الوسوم
روايتي2
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
تيسير الكريم الرحمن في تفسير كلام المنان سورة الفاتحة والبقرة حلومي5555 ارشيف غرام 3 08-05-2009 10:26 AM
الأماني والمنون اليقـيــــــــــــن مواضيع إسلامية - فقه - عقيدة 8 08-04-2008 07:45 PM
عش في الدنيا كأنك غريب عاشق الجنة مواضيع إسلامية - فقه - عقيدة 6 05-12-2007 08:53 AM
موسوعة اشعار اغاني راشد الماجد ..,,!! (TXT) عزت ابو عوف ارشيف غرام 1 26-08-2007 06:44 PM
الدنيا مزرعة الآخرة عـبـود مواضيع إسلامية - فقه - عقيدة 7 05-08-2005 02:14 PM

الساعة الآن +3: 07:20 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1