حلاالخالدي ©؛°¨غرامي جديد¨°؛©

السلام عليكم ورحمة الله وبركاته ..
هي قصه حقيقة وليست خياليه ولكن لا تخلو من بعض الخيال ..
روايتنا اليوم سطّرناها بعد قصة حدثت وكانت تحتوي على الكثير من المفاجآت والأكشن حزينة بس فيها عبره إن الله ماينسى عبده ..
أول رواية نسطرها أنا وصديقتي من وحي الحقيقة اللي عشناه إن شاء الله تنال إعجابكم ..
في حالة إقبال عدد كبير لطلبها سيتم تنزيل البارتات وهي حصريه لم يسبق تنزلينها في أي منتدى من قبل أتمنى الأمانة عند النقل وذكر المصدر ..

البارت الأول :
جدتي اوعديني وان ذهبت الدنيا بأكملها !! لن تذهبي عني وتتركيني وحيدةً بين ثنايا الأحزان ,, فأنتي مصدر سعادتي فإن ذهبتي ستذهب ..
الجدة : تقبّلين الجنه ياقلبي .
الحفيدة : كيف اصبحت حبيبة قلبي اليوم ؟؟
الجدة : دام اني اصبحت على شوفتك يا أغلى حفيدة أكيد بخير .
الحفيدة : اووه ريحة الجنه مروقة اليوم احم وش رايك نطلع ؟!
اضحكت الجدة : يالعيارة خذيني بهالكلام الحلو نطلع لكن بشرط تذاكرين دروسك .
الحفيدة : يايمه حفيدتك ماشاء الله ماينخاف عليها
الجدة : ياام لسان طويل بتعطين نفسك عين بتكلمين السواق يتجهز ولا جلسنا
الحفيدة : لا لا قمت ثواني وهو عند الباب .
بين نسمات الهواء العليل والجو الربيعي اتجهت الجدة والحفيدة للبحر ..
عند وصول سيارة الحفيدة والجدة ,, نزلت تلكـ الجدة التي تملئ يديها وعينيها تجاعيد الكِبر ,, فرحةً تغمر قلبها بنظرة البحر الخلاب ..

تعريف الشخصيات :
الحفيدة : انين عمرها 17 سنه تمتلك قلب أبيض لايحقد مسالمة متوسطة الطول نحيفة ذات ملامح طفولية جذابة عيونها وسيعة شعرها ناعم طويل ..
الجدة : ميمونة عمرها 70 سنة زوجها متوفي من 10 سنوات عندها ثلاث أولاد وبنتين وكلهم متزوجين واقرب حفيدة لقلبها انين ..
ومضت تلك الايام .. مع الجدة والحفيدة تمتلئ بالابتهاج والفرحة ..
انين اصبحت بعمرها العشرون ..
انين : لا لا يا يمه ليه مايقبلوني حسبي الله عليهم انا جبت درجات زينه
الجدة : ياحبيبتي قطعتي قلبي ربي ماكتب يقبلونك واكيد ربي كاتب لك مستقبل ودراسة احسن
انين : " بين دموعها " بس انا كان خاطري ادخل طب حلمي من وانا صغيره واجتهدت وتعبت بالدراسة كثير
الجدة : ياحلاوة جدتك لكل مجتهد نصيب وصدقيني جايك الخير بالطريق ربي ماينسى عبده ..
لو أي انسان صار له شي ضايقه سوى اللي تسوينه مافي مخلوق عاش على الدنيا .. ماكل مايتمناه المرء يدركه ..
انين بين دموعها وصمت وحضن جدتها غفت ..
انين مفزوعة : بسم الله اعوذ بالله يمه يمه وينك يمه
الجدة : وش فيك يا بينتي بسم الله عليك انا جنبك
انين : مدري جده حلمت حلم مفزع يخوف ياجده
الجدة : تعوذي من بليس عشانك نمتي متضايقه قومي معي نتوضأ ونصلي بسم الله عليك ..
... وش رايك يايمه باللي قلته !
الجدة : يابنيتي دام هذا اللي حاصل لك الحين توكلي على رب العباد وسجلي احسن من جلستك بدون دراسة .
انين : بس يايمه انا
الجدة قاطعتها : لاتبسبسين توكلي على الله وانا متأكدة ان هذا الطريق فيه خير لك وبعدين يابنيتي هذا اللي مكتوب لك مكتوب .
انين : طيب شورك وهداية الله .. عن اذنك يالحبيبة بروح اشوف وش مطلوب مني عشان ابدأ بالإجرآءات .
الجده : الله يوفقك يابنيتي وييسر امورك ويسهل عليك ..
كانت محادثة الجدة مع انين ان فتح باب تسجيل التعيلم عن بعد في جامعة الدمام وبعد سنه اذا حصلت على معدل معين تحول انتظام ..


مقتطفات من البارت الثاني :
انتي كذابه وش تقولين من جدك تتكلمين ..
.. ايه هدي اعصابك ياحبيبتي ..
.. انتي كذابه مستحيل مستحيل ..

لاتغرك الضحكه؟ لي مع المقفين قلباا سكني(الله يرحمك)

بدايه مشووووقه
روووعه ي قلبي
استمري ع هالابداع
ودي

tulips97 ©؛°¨غرامي نشيط¨°؛©

ﺑﺪﺍﻳﻪ ﺭﺍﻯﻋﻪ و ﻣﺸﻮﻗه
ﺑﺎﻧﺘﻀﺎﺭ ﺍﻟﺒﺎﺭﺕ ﺍﻟﺠﺎﻱ
ﻣﻮﻓﻘﻪ ﺑﺮﻭﺍﻳﺘﻚ

حلاالخالدي ©؛°¨غرامي جديد¨°؛©

أتمنى أشوف تفاعل أكثر ..

البارت الثاني :


وابتدآ العام الدراسي أنين واجهت صعوبة في تقبل الدراسة عن بعد ..
سجلت بملتقى الجامعه وكآن على وقت الماسنجر تعرفت على بنات الجامعه عن طريق الملتقى في البدايه ماكانت متقبلة انها تتعرف على بنات من الانترنت ومع مرور الأيام تأقلمت أنين مع دراسة التعليم عن بعد ..
... ههههههههه أنينوه تمزحين من جدك انتي غريبه
أنين : نديو وجع وش فيك سخيفه مايضحك
... بصراحه ماتوقعتك تجتهدين هالأجتهاد وتلخصين بس والله فرحتيني توقعتك تسحبين من اول فصل .
أنين : والله ياندى ارتحت وحبيت التخصص وتعرفين هو كان من ضمن رغباتي .
ندى : الله يوفقك ياقلبي ويسهل عليك
( ندى : كانت صديقه لأنين من أيام الطفوله وبعد ماتخرجوا من الثانوي تزوجت ندى وانتقلت إلى منطقة ثانيه ) .
... لحظه لحظه يايمه بكمل السالفه
الجده : انتي من بديتي الدراسه وهالجهاز ماتفارقينه مابقى الا ينام معك ..
أنين : هههههههههههه فديت اللي يغارون أنا يازينهم ياناس
الجدة : أقول بس لاتجلسين تتغزلين فيني عشان ارضى
أنين : يمه ماخذني منك بس دراستي كلها عليه شوفي شوفي هذي بنت تعرفت عليها
الجدة : وينها هذي اللي بالصورة والله حلوه بس ماتستحي كل الناس يشوفونها
أنين : أنفجرت من الضحك يايمه هذي مو هي هذي اسمها صورة عرض ماعلينا هالبنت ارتحت لها يايمه حيييل احسها طيبه كلمتني قبل أمس وارتحت لها اكثر صوتها مريح
الجدة : ان كانها صديقة خير الله يبقيها معك وان كانها صديقة شر الله يبعدها عنك
أنين : آمييييين .. يمه جوعانه ( انين تطالع جدتها بنظرات استحيآء )
الجدة : وش عندك على هالنظرات جوعانه الأكل بالثلاجة
أنين : يمه شسمه أنا لازم أكل زين عشان أركز وخصوصا الاكل اللي أشتهيه
الجده : وش مشتهيه حضرتك
أنين : مشتهيه أطلب من المطعم تكفين تكفين
الجده : مافي مطاعم هذا الاكل موجود أكل المطعم كله سموم
أنين : لا يمه تكفين ترى برسب وبجلس مابدرس
الجده : حسبي الله على بليس " وضربتها الجده على خفيف " كله عشان هالمطعم بترسبين
أنين : بنظرات برآءه مابي خلاص شبعت .
الجدة : " انبها ضميرها " وش يبيع المطعم عندهم دجاج مع الخبز هذا مدري وش تسمونه
أنين : " بحماس " أيييه شاورما عندهم لذيييذه
رضت الجده لأنين وطلبت من المطعم
ومع مرور الأيام قربت فترة الأختبارات ..
.... ههههههه عاد انتي يا انين مااتخيل شكلك
أنين : ليه بتخقون علي اصلا
.... انا متحمسة اشوفك يا انون كيفك لازم تجين بدري ..
أنين : ان شاء الله بحاول اجي بدري فرووح متى بتجين
فرح : قبل الاختبار بساعة بإذن الله بتواجد
( كانت محادثه جماعية بالماسنجر بين أنين و بنات الجامعه )
قبل الاختبارات بكم يوم أضطرت الجده تسافر لبنتها للرياض بسبب قربت ولادتها وكانت حالتها في خطر .. وكان شعور أنين مزيج بين حزن سفر جدتها وفرح مقابل صديقاتها الجدد ..
أول يوم اختبار ...
.... أنين قومي يلا بسرعه مابقى على الاختبار شي ..
أنين : طيب يا امي بس لحظه أكلم جدتي ..
... وحشتيني يايمه ادعي لي شوي وبروح اختبر
الجده : الله يوفقك ياحبيبتي ويسهل امرك
... ياابوي بسرعه تأخرنا
... باقي ساعه ونص على الاختبار يابنتي وش مستعجله عليه
أنين : تعرفني انا حريصه وخايفه أول يوم
أب أنين : الله يوفقك يلا مشينا

تعريف بالشخصيات :
( أم أنين : خلود 38 سنه طيبه لكنها تمتلك الشده مع التعامل في الأمور , أب أنين : عبدالرحمن 42 سنه ملتزم إمام مسجد )
وصلت انين الجامعه : الجو شوي غريب عليها وكانت مستحيه بعض الشيء " كانت لابسه تنوره سوداء طويله وبلوزه رمادي و لافه شال على رقبتها كانت انيقه جداّ , مكياجها كان ناعم وخفيف وملامحه الناعمه بارزه وعيونها كانت ماشاء الله تجذب أي شخص يناظر فيها تألقت ورتبت شكلها ومشت ..
نوره : اما انتي ماتوقعت شكلك كذا
مريم : ههههههههه طلعتي دبدوبه
ملاك : انتوا قروب الجامعه
نوره : ايييه انا نوره
ملاك : هلا والله انا ملاك
مريم : انا مريم ياحليل اشكالهم غيير
نوره وملاك : ههههههههه من جد
أنين تايهه ماتدري وش تسوي تدور على فرح شوي الا رن جوالها " فرح يتصل بك "
ردت أنين : اهلين ..
فرح : هلا والله وينك .. أنين : هههه مدري " كانت مستحيه انها تقابلها "
فرح : يلا عاد متحمسه اشوفك . أنين : مدري ويني وتضحك
فرح كانت تناظر بالبنات وتدور يمكن تشوفها الا فجأه طاحت عينها عليها قالت : خلاص باي باي وقفلت
..... انسدت عيونها مين ؟!
فرح : وصدتك أخيراً
لفت أنين : هلا
فرح لاشعورياً ضمت أنين وكان شعور جمييل لايوصف .
ومضى الاسبوع الاول وكان ممتع بالنسبة لأنين وفرح
نهاية الأسبوع يوم الخميس رن جوال أنين :
ردت وبصرخه : انتي كذابه وش تقولين من جدك تتكلمين ..
.. ايه هدي اعصابك ياحبيبتي ..
أنين : انتي كذابه مستحيل مستحيل ..
في طريق العوده للجده حصل لها حادث سير وتم نقلها للمستشفى ..


مقتطفات من البارت الجاي :
بين دموعها لاتروحين عني وتخليني انا من لي غيرك ..
.. لازم تذاكرين وتنجحين مابقى الا كم ماده حرام يروح عليك هالمستوى ..
.. أنتي من جدك بالطقاق مايهمني لا دراسة ولا غيرها ..

كاريزما~ ©؛°¨غرامي فضي¨°؛©

سلام يا قميله
ازيك يختي
بسراحه روايه بدايتها قميله اوي ننتطر التكمله
دمتي بوددد

حلاالخالدي ©؛°¨غرامي جديد¨°؛©

السلام..

مافي اي تفاعل اكمل ولا؟!!

كاريزما~ ©؛°¨غرامي فضي¨°؛©

اي كمممملي

يؤؤه فديتنيء شء حلإتيء*# ©؛°¨غرامي مبدع¨°؛©

روااايتس رووعههه
كمممملي

حلاالخالدي ©؛°¨غرامي جديد¨°؛©

البارت الثالث :
قسم العنايه المركزة ..
الممرضه : دكتور هذا التقرير ويتطلب نجري لها عملية حالياً
الدكتور : مين الوصي عليها ؟
الممرضة : لو سمحت الدكتور طالبك ..
.. السلام عليكم ..
الدكتور : وعليكم السلام اخ فهد تفضل .. بختصر الموضوع والدتك تحتاج عملية ضرورية حالاً وأي تأخر في الوقت بتحصل مضاعفات مانقدر نسيطر عليها ..
فهد : ليه ؟؟ وش في ....
الدكتور قاطع فهد : مانقدر نطول بالنقاش جلطه بالقلب لازم نجري لها العملية بأسرع وقت ممكن تفضل وقّع ..
فهد وقع بسرعه ..
التعريف بالشخصية :
( فهد 43 سنه ابن الجدة الاكبر متزوج شغله اول اهتماماته )
الجده متجهه لغرفة العمليات ..
أنين : بين دموعها لاتروحين عني وتخليني انا من لي غيرك ..
أم أنين .. خلاص يابنتي لاتبكين ان شاء الله بتطلع بالسلامه .
مرت الساعات بطيئة على انين وكأنها سنوات .. طلع الدكتور وعلامات وجهه مثيره للقلق ..
... بشر يادكتور وش صار ؟؟
الدكتور :الحمدلله قدرنا نسيطر على الجلطة لكن عندها فقدان ذاكرة مؤقت يروح ويرجع لها احنا سوينا اللي علينا والباقي على رب العالمين ..
<< ورآح نطقها !!
جدتي بعد اليوم لن تتحدث , ولن أسمع صوتها , كيف سـ أمسك دموعي حين تشير بـ يدها إلى ماتريد وأعجز عن فهمها ؟! >>
في غرفة العناية المركزة دموع انين تنتثر خلف شباك الغرفة : جدتي تكفين قومي مابي مطاعم ولا ابي بحر بذاكر وبسوي كل اللي تبينه مابي اطلع ابيك بس جنبي لاتروحين عني من يفرحني من يحسسني بالآمان من يخاف علي من نسمة الهوا يمه قومي ..
{ آآه آيام راحت }
بين شهقات البكاء وحرقة الدموع : شفتي يافرح شفتي وش صار فيني انا مو مصدقة اللي يصير احسه حلم اشتقت لجدتي اشتقت لهواشها اشتقت لكل شي فيها اشتقت لنومتي معها اشتقت لحضنها واشتقت واشتقت ..
فرح : بسم الله عليك هدي اعصابك ادعي لها ان شاء الله بتقوم بالسلامه وترجع لك انتي الحين لازم تفكرين باختباراتك الجايه قربت ماباقي الا اسبوعين
أنين .. أنتي من جدك بالطقاق مايهمني لا دراسة ولا غيرها ..
فرح : لازم تذاكرين حرام يروح عليك هالمستوى .. لاتزعلين جدتك فرحيها بنجاحك قومي صلي ركعتين وادعي لها وبعدها كلميني
أنين : .........
ايش توقعاتكم ؟؟
الجده بتصحى ؟ بترجع لها الذاكره ؟ بتتذكر أنين ؟ هل أنين بترضى بالواقع ؟ بتكمل دراستها ؟؟
كيف بتصير حياة أنين في بيت أهلها ؟
اتمنى اشوف تفاعل أكثر .. وبتكون احداث حماسيه اكثر وواقعيه متنوعة بين الحزن والفرح ..


حَرفْ النّـآيْ !! ©؛°¨غرامي فعال ¨°؛©





هلا فيك يالزين بغرام موفقة بطرحك
كبداية الرواية حلوة ومافيها اي عيب
بس ياليت تخلين مسافات بي كل سطر وسطر ولا تسرعي ب الاحداث كذا القارئ بيمل بسرعة
اوصفي شعور كل شخصية تقمصي كل الشخصيات وكأنك هم
ولا تخلين كل الشخصيات تتشابه
سوي اختلاف بردات الفعل و المشاعر



بالتوفيق


تابعي موضوع قضايا وموضوع متنفس قلم حيفيدك كثير

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1