دلعي يكفيني ©؛°¨غرامي مشارك¨°؛©

بسم الله الرحمن الرحيم
السلام عليكم ورحمه الله وبركاته
حبايبي اليوم باذن الله بنزل لكم روايتي
اتمنى من كل قلبي تعجبكم
واتمنى احصل الردود الطيبه
كل يوم ان شالله بنزل بارت
عسب ابغي اخلص قبل لا تبدي الجامعه
×اذا احد حب ينقلها بليز يذكر اسمي..
م اطول عليكم خنشوف الروايه..

ليليانه ©؛°¨غرامي فعال ¨°؛©

اهلاً فيك بغرام..

نتظرك.

لاتغرك الضحكه؟ لي مع المقفين قلباا سكني(الله يرحمك)

ننتظرك ي الغلا



ودي

دلعي يكفيني ©؛°¨غرامي مشارك¨°؛©

الساعه4 العصر:
هلا شحالكم? انا ساره.. الحمدلله خلصت من اختبارات الثانويه العامه امس
احس نفسي حليت عدل عاد ان شالله النتيجه تكون طيبه.. تصدقون.. امي وابوي متوفين بحادث سياره قبل خمس سنين رحمه الله عليهم.. عندي اختين واربع اخوان
اختي الكبيره اسمها ميره عمرها22سنه متزوجه وعندها ولد عمره سنه وجم شهر اسمه فارس
اختي الثانيه اسمها شما عمرها20 سنه ومالكه.عرسها ماباجي عليه الا شهر
اخواني :
تركي:عمره 26 سنه يشتغل بالشرطه
خالد:عمره 24 سنه يشتغل بشركه
احمد:21 سنه بطالي لا شغله ولا مشغله
عمر:17 سنه اخر سنه وابد مايذاكر كله مع ربعه مرتغد
انا:اسمي ساره عمري18 سنه دلوعه البيت بخبركم سر صغير عني انا .......................................
قبل سنتين"
كان عمري حزتها16 سنه
طبعا نحن بيتنا ع قد حالنا حوش كبير فيه بيتنا واخر شي فيه ميلس معزول يتجمعو فيه عيال عمي واخواني وربعهم..
كانو اخواني رايحين دبي مع ربعهم يتمشون
فقررت اروح اذاكر بلميس علي اختبار باجر اخذت شيلتي احتياط وحطيتها ع جتفي وسميت بالله فتحت الباب وصكرته قعدت ع اول كنبه.حسيت في شخص قاعد قبالي رفعت راسي وجفت شاب قاعد ع الكنبه ويطالعني
اوووويه انا كيف م انتبهت له
ركضت صوب الباب وفتحته نسيت كتبي داخل بس نفاد اهم شي اطلع
ظلعت وشفت تركي اخوي نازل من سيارته رحت صوبه وانا انافخ
انا:ترووووك يالحمار منوه داخل الميلس
تركي رفع حواجبه وقالي:لا يكون دخلتي الميلس
انا تنهدت وقلت بخوف :هيه دشيت وشفت واحد متفيزر ع الكنبه ولله تروك م انتبهت له
تركي عصب وعلا نبرت صوته:يالحماره ليش تدخلين الميلس تعرفين انه م يفضى
تكتفت وقلت له:وانا شدراني عبالي سايرين دبي ليش رجعتو
تركي يدفني داخل:سيري داخل وان طلعتي من حجزتج ي ويلج فاهمه
طنشته دخل تركي بلميلس وانا دخلت داخل وانا افكر بالشخص الي بلميلس يالله كيف جميل ولله انه اجمل م رات عيني



توقعاتكم،،
تريوني عقب جم ساعه بنزل البارتات اليايه

دلعي يكفيني ©؛°¨غرامي مشارك¨°؛©

البارت الاول:
عقب اسبوع من هاي الحادثه
كنت قاعده انا وشماني وميروه بلحوش
الجو كان عجيب ايام الشتا
كان مغيم وهوا باااااارد يلفح وجوهنا
ميره:شماني بليز ارقدي عندنا اليوم
شما:هههه ياليت بس محمد مايرضى
ميره لفت ويها الصوب الثاني:اووووووف ياخي حسو فيني ولله ملل
انا رفعت حواجبي:ليش ان شالله انا ماتارسه عينج ولا شوه!
ميره طالعتني ورفعت حواجبها:ليش عيوني انتي منوه تكونين

تصدقون ولله انها جرحتني بهاي الكلمه بس شو اقدر اسوي غير التطنيش نزلت راسي وقعدت العب بلفون
شما:حرام عليج ميروه انتي مته بتعدلين اسلوبج مع ساره
ميره:شماني ولي يسلمج هاي ياهله غبيه مادري مته بتصير شرات الاوادم وبتعقل وبتعتمد ع نفسها
طنشتها وقمت رايحه ادور ع اخواني
احس اخواني يحبوني اكثر من خواتي مدري ليش احس خواتي يكرهني خصوصا ميره
وقفت عند باب الحوش شفت حماده*احمد* قاعد يعابل فسيارته
توجهت صوبه فتحت باب السباره وقعدت حذاله
طالعني ورفع حواجبه:خير
قعدت اطالع جدام وانا احس كارهه حياتي طالعته وقلت له:حماده بليز ودني البحر
حماده اشر بايده :نزلي نزلي مب فاضي ليهالوه انا نزلي
مدري ليش هالايام وااايد صايره حساسه
طالعت عيونه وقلت له:بليز
طنشني ورجع ياشر بايده:اقولج انجلعي برع.احين بيمرني مايد ولد عمي وبنسير نحوط انا وياه
فتحت الباب وقلت له:ترا انتو فاضين لربعكم لكن انا قولي منوه فاضي بي منووووه
صكرت باب سيارته اقوى شي ورجعت دخلت داخل
شفت شموه وميروه قاعدات مكانهن يشربن شاي
سمعت ميروه تقول:جوفي ماعندها شغله غير انها تحوط وانا هنيه تخليني بلبيت بروحي
رديت عليها بكل قهر:كيييييفي فاهمه كيفي نالج دخل فيني
كملت طريجي دخلت الصاله
سمعت حماده يناديني بس طنشته دخلت حجرتي وانسدحت ع السرير
فتح حماده الباب وانا عبالي احين بيراضيني وبيقولي يلا لبسي عباتج بنروح البحر بس اخواني مافيهم احساس ابد قالي:يالسباله مره ثانيه ان صكرتي باب سيارتي جيه ي ويلج
سكت م قلت شي
تصدقون يعرف اني زعلانه ويبغي يراضيني بس مايعرف شلون
حماده:ايه ردي علي يوم اكلمج
انا منسدحه ع السرير واطالع السقف
حماده بنبره حنونه:علامج ساروه يلا عاد تعرفين اني م اقصد
قمت من السرير وجابلته:اعرف انك م تقصد
حماده:يعني م زعلانه!
انا:غيب لاه ولله م زعلانه
طالعني ودق راسي بيده وطلع
فديته حماده اطيب واحد من اخواني انا اعتبره ابوي
اخواني كل واحد لاهي بحياته الا هو مب مقصر معاي باي شي مع انه ما يشتغل لكنه يوفر لي الي ابغاه عكس
خالد وتركي
دوووم لاهين فحياتهم والبيت من اخر اهتمامتهم
....................
طلع حماده من حجرتي رحت اصلي العشا
وعقب ماطويت السجاده سمعت فوني يرن بس مالحقت عليه
رن مره ثانيه فسخت شيله الصلاه مسكت فوني جفت رقم غريب رديت عليه
الو
.....:الو السلام عليكم
اوويه صوت ريال
انا:عليكم السلام
...:شحالج?!
انا:اخوي لو سمحت م عرفتك امنوه انتا?
.....:معاج فهد بس قبل لا تصكرين الخط حبيت اقولج كلمتين وياريت تسمعيني
... :لو سمحت خلص شو تبغا
....:انا فهد رفيج تركي قبل اسبوع كنت فميلسكم لما دخلتي و ....
قاطعته:اووويه
فهد:لو سمحتي خليني اكمل ولا تقاطعيني
انا:خلص شو تبا
فهد:ولله ي ساره من يوم شفتج وانتي فبالي
انا:من وين اخذت رقمي!
فهد:من فون تركي بس مايدري
انا:وشوه المطلوب مني
فهد:ابغي اتواصل اوياج صدقيني ولله انج م بتندمي
صكرت الخط بويهه
.................
عقب محاولات من فهد
رضيت اتواصل معه لا تقولون ليش!
انا صغيره عمري16 سنه ماعندي احد يوجهني ويعلمني الصح من الغلط اخواني شفتو شلون يعاملوني ع اساس اني ياهل خواتي كل وحده لاهيه فحياتها كنت هامش فحياتهم لقيت فهد فطريجي
ماكنت ادري انه حرام اتواصل مع اي شاب مب محرم لي
لكن فهد لعب بعقلي مثل م يقولون
قالي انه عمره22سنه ويشتغل بشركه والحمدلله حالتهم الماديه فوق الممتاز
تعلقت بفهد وصار اهوا دنيتي الي اموت واحيا به
...........................
نرجع للوقت الحالي
مثل م عرفتو اني احب واحد اسمه فهد اهوا رفيج تركي اخوي
اليوم كملت سنتين معه اتمنى من كل قلبي انا نتزوج ونعيش حياه سعيده

دلعي يكفيني ©؛°¨غرامي مشارك¨°؛©

البارت الثاني:


وويوم الجمعه س12الظهر
اخواني كل جمعه يقومون لصلاه الظهر يتلبسون ويتكشخون ويحشرو البيت عسب صلاه الجمعه
طبعا انا وميره نقوم من الساعه10 نتريق وجيه عقب نقوم نسوي الغدا مع بعض بس من ملجت ميروه كل الشغل يطيح فوق راسي اونها تقعد لساعه4 الفير ترمس مع سيفوه ريلها
ترا حتى انا وفهود نقعد نسولف لي ماياذن الفير هههههه بس اشتغل م اقول تعبانه ولا شي بس ترا ميروه فيه مكر زياده
اوويه لو خواتي او اخواني يدرون اني اتواصل مع فهد ولله انهم بيذبحوني
ماحد يدري ابد غير شيخه بنت عمي
اهيه الي شجعتني اتواصل اوياه فديتها شواخ من مته ماجفتها
المهم سويت الغدا وخلصت رحت اقوم خواني من النوم عشان يلحقون ع صلاه الجمعه
فتحت حجره حماده وعمور
لقيتها بااارده وظلاام استغفر الله جن مب ناس
صكرت المكيف وشغلت النوور
بس يحليلهم حماده وعمور بسرعه يقومون مب شرات العله خلود وتركي
دخلت غرفه خلود ووويع ريحتها كلها زقاير مالت عليه صكرت المكيف وشغلت النور
هزيته:خلووووود خلووووود قوم
صرخت بصوت اعلى قوووووم خلووود قووم صلاه الجمعه ماباقي عليها شي شلت اللحاف عنه
قسم بالله انا ارويك
رحت الحمام اخذت كوب ماي وصبيته ع ويهه ركضت غرفه تروك
اعرفه بيصفعني بس يولي لاه
فتحت غرفت تركي بس ماحصلته احسن بعد
طلعت ركض ع غرفتي ورحت ابدل ملابسي
ع الغدا
رجعو اخواني من الصلاه وقعدنا نتغدا
خلود طول هالفتره واهوا يطالعني بنص عين اوويه اخافه يضربني
تشجعت وقلت له:خلود حبيبي بلاك اطالعني جيه*ابتسمت له*
خلود يبلع اللقمه:خليني اخلص غدا وانا اراويج
ميره:ليش شو مسويه لك
ههههههههههه انا م قدرت امسك ضحكتي ابد وهذا الشي استفز خلود
خلود يطالعني وعيونه شوي وبيطلع منها شرار:ضحكي ضحكي انا اوريج
عمور:شو مسويه لك زين
طنشهم خلود ورجع يكمل غداه
انا:اوووف شو هالحاله ترا كذا ولا كذا اعرفك بتضربني
لو ماكبيت عليك ماي مابتقوم وبتفوتك الصلاه وعقب بتضربني
ولما قومتك بلماي بعد بتضربني
شوه هالحياه الي معكم
حماده:ماعليج منه مايقدر يضربج
تركي:دلعها انتا دلعها ماحد ضيعها غيرك انته وياهالدلع
احمد:بلاك انته معصب تراها ماقالت شي غلط خلود بروحه يبغي يسوي مشاكل
عمور:ساروه ماحد يقدر يضربج
خلود:جب انته
عمور:عيل ليش ماتقول حق ميروه تقومك من النوم
ميره:جب انتا جب ها الي ناقص يهالوه يتكلمو .وساروه تستاهل هاي مافيها ادب خلهم يئدبوها شوي
انسدت نفسي من تكلمت ميره
قمت من ع السفره غسلت ايدي ودخلت حجرتي وقفلت الباب
دقيت ع فهوود بس عطاني مشغول رجعت ادق له مره ثانيه
فهد:الوو
انا:الوو اهلين
فهد:ها حبي غريبه متصله بهالوقت
انا تنهدت بقوو:مضايقه
فهد: من اخوانج اكيد
انا:ولله فهود كارهه حياتي انا ابغي افهم انا شو مسويه لهم عسب م يحبوني شرات ما يحبو ميروه وشماني
فهد بنبره عورت قلبي:احسن انا ماابغي حد فهالعالم يحبج ويهتم فيج غيري
انا خانتني كل الحروف ياربي دوم يحرجني:جب جب
فهود:ههههههههه فديتج ولله
طق طق طق
انا بهمس:يلا باي باي عقب ارمسك
صكرت الخط فويهه
قمت وفتحت الباب لقيت عمور
دخل الحجره ودخلت وراه قعد ع السرير وانا قعدت حذاله
مسك ايدي وقال:ساروه لا تضايقي منهم
طالعت عمور وقلت له:عادي اصلا تعودت يلا الله كريم
عمور:ترا حتا انا شراتج كل ماتكلمت سكتوني بس شو اسوي متحمل وصابر
طططططخ دخل حماده الغرفه . حناده دفش من يومه. فتح الباب بكل قوته
حماده قعد حذالنا:بلاهم تيمون وبومبا
ضحكت ع تعليقه ههههههه
عمور:جب جب قال تيمون وبومبا قال
حماده:عمور اسكت عني لا اكوفنك
عمور ابتسم بخبث:ولله م تقدر تراني اقدر اقول لساروه
حماده:كل تبن يالسبال
انا استغربت بلاهم
مسك حماده ايدي وقام:ساروه قومي بوديج البحر
ما عطاني مجال ارد عليه طلعن.ا وبمواقف السيارات شفت تركي واقف اويا واحد
تعااااالو هذا فهود
انتبه لي فهود بس انا طنشت ركبت سياره حماده
وانطلقنا
اوني عاد ابغي اعرف كيف علاقه فهود بحماده
قلت له:منوه ها الي واقف مع تركي
حماده يحليله ع نياته اذا سالتيه عن شي خلاص م بيسكت قالي:ها ربيعه فهد
قلت له اوني عاد استغبا:اهاا شكله صغير ها من عمر خلود لاه
ضحك حماده :هههههه احين ها صغير
استغربت قلت له:ليش كم عمره
حماده:ها الله يسلمج اكبر ع تروك وعن خلود وانتي تقولي صغير
انصدمت كيف اكبر ع تروك واهوا عمره24 سنه
سالت حماده ابغي اتاكد:كم عمره?
حماده:ها عمره 27 سنه
انا بانفعال قلت : ششششششو 27 سنه
حماده طالعني مستغرب رفع حواجبه:شفيج
اووويه احين ها شلون ابرر له موقفي:هههه لا ترا شسمه وايد شكله صغير ابد م توقعت ان عمره جيه
حماده:كل البنات يقولن عنه جيه

كل علامات الاستفهام صارن فوق راسي شقصده كل البنات:ليش يعني اهوا لعاب ويغازل ولا شو
حماده:فهوود مامخلي بنت فحالها المغازل يجري فدمه اكبر نذل شفته فحياتي
كمل
تخيلي يقص ع البنات ع اساس انه يحبهن ولما يتجمعو الشباب يقعد يتكلم عنهن استغفر الله
بس تعرفين شو يستاهلن هالنوع من البنات يخونن اهلهن ويقعدن يرمسن من هب ودب
خلاص حماده حرام عليك يكفي يكككككككككفي الي تقوله ولله م اصدق انه فهود جيه
فهود غير قسم بالله غير
يويلي لو كان صدق هالكلام ولله انه تركي وخلود وحماده بيذبحوني
اوووووويه شو هالمصيبه الي طاحت فوق راسي
وصلنا البحر بس ريلي ماقدرت تشيلني ظليت قاعده فسياره حماده استغرب مني بس طنشته ماطولنا ع طول رجعنا البيت وصلنا ع اذان العصر
دخلت غرفتي صليت وقعدت ع سيادتي استغفر واسبح واصلي ع الرسول
عقبها قمت وقعدت ع السرير وانا بالي ابد مب معي
افكر بالورطه الي انا طحت فيها..
دخلت ميروه الغرفه
ميره:ساروه قومي معي سيفوه احين بيمرنا عشان اكمل باجي اغراض الزهبه
سكت عنها وقعدت ع السرير العب بلفون:روحي بروحج انا م اقدر تعبانه
ميره بتهديد:بتروحي غصبن عنج يلا بروح البس عبايتي القاج جاهزه مشت خطوتين بس رديت عليها:قلت لج م رايحه روحي بروحج اووف
طالعتني بحقد :قسم انا ارويج ان ما شيشت عليج خلود وتركي ماعليه هين
قلت لها:انا ابغي افهم شي واحد انتي ليش تكرهيني جيه!
تجدمت مني وقالت بكل حقد وكره:كيفي اكرهج احبج مالج خص
طلعت من الغرفه وانا مستغربه ابغي افهم ليش هاي تكرهني
سمعت الفون يرن بس طنشت سمعته مره ثانيه يرن غلقته وفريته ع السرير
........................................
مر اسبوع وانا غالقه فوني م اعرف شو اسوي او كيف اتصرف اصدق منوه ولا منوه
احس بملل فهالوقت لان ميروه كانت بسوق تكمل اغراض العرس
عمور يلعب كوره مع ربعه
حماده منخمد راقد
تركي طالع مدري وين
وخلود قاعد يشوف مباراه فصاله
طلعت وكالعاده طنشني
وقفت وقلت له انا بروح بيت عمي
ما سوالي سالفه اوووف يقهر
طلعت جفت باب الميلس مفتوح ها اكيد واحد من عيال عمي
بروح اشوف منوه منهم عشان يوصلني بيتهم
مع انه بيتهم مجابل بيتنا
دخلت الميلس حسيت انه في احد قاعد يقفل الباب صديت ورا انصدمت جفت فهد قاعد يقفل الباب وياخذ المفتاح معه
انا بخوف:فهود شو قاعد تسوي افتح الباب عن يشوفوك اخواني بطل الباب
........................

دلعي يكفيني ©؛°¨غرامي مشارك¨°؛©

انها البدايه فقطططططط

دلعي يكفيني ©؛°¨غرامي مشارك¨°؛©

البارت الثالث:
انا بخوف:فهود شو قاعد تسوي افتح الباب عن يشوفوك اخواني بطل

تجرب مني وبكل غيض قال:ليش غالقه فونج اه ليشششش
رحت صوب البا ترجيته يفتح:دخيلك فهود بطل الباب وانا احين رايحه افتح الفون
جابلني عند الباب وقال بنبره حسيته شوي وبيصيح:حرام عليج اسبوع يالظالمه وانا احاتيج ماتهنيت فدقيقه مدري شلون اوصل لج
فتح الباب وطلع ماعرفت شسوي ع طول قعدت ع اول كنبه حذالي
خفت يسوي بي شي بس الحمدلله حتى ايدي مب مسكها
ليش احسه صادق ويحبني
حماده مستحيل يكذب
انا شقاعده اقول صادق لو صادق ليش كذب فعمره ليش
انا مستحيل اخذ واحد اكبر عني ب9 سنين اووووه ماعارفه كيف اتصرف
انا لازم احط النقط فوق الحروف
قمت ع طول ع حجرتي دورت ع فوني فتحته دقيت لفهود بس مارد رجعت اتصل مره ثانيه صكر الخط بويهي
اكيد قاعد مع ربعه
اوووف طلعت مره ثانيه من البيت رحت بيت عمي فتحت الباب لقيتهم قاعدين بلحوش
اووويه بررررد
رحت سلمت عليهم
:السلام عليكم ورحمه الله وبركاته
الكل:عليكم السلام ورحمه الله وبركاته
عموه موزه*حرمت عمي*:هلا ولله بالقاطعه
انا:هههه ماقاطعه ابد سئلي بنتج
عموه موزه:ي مرحبا بج قعدي
قعدت حذال خالوه وبنتها شيخه
وكانو قاعدين محمد وشما اختي وفروس ولدها ومايد وامنه وفيصل وسيفوه عيال عمي
............................
عايله عمي سعيد..
عمي:متوفي ريال كبير فسن
موزه:حرمت عمي طيوبه حيل نناديها عموه احترام لسنها
محمد:25سنه ريل شماني اختي
سيف:24 سنه ريل ميروه اختي. ربيع خلود اخوي الروح بالروح
فيصل:23سنه *يحبني هههه بس انا ما ابغيه ولا احبه*
مايد:21سنه رفيج حماده وايد حبوب هالانسان
امنه:20 سنه كريهه شرات ميروه
شيخه*شوشو*:19سنه عمري هالبنت احبها اقرب انسانه لي
..................................
اكرهه القعده اذا فيصل كان موجود لانه ابد مايشيل عينه عني
وهالشي ينرفز م تقدرين تاخذي راحتج اذا كان شخص يطالعج .
انا:سيفوه عيل منوه ماخذ ميره السوق
سيفوه اونه م يرمسني:جب جب انتي م اكلمج انا
انا:ههههه اويه ليش!
سيفوه:ليش تزعلين حرمتي اربع وعشرين ساعه
يحليلك سيفوه ولله ميروه ما تنفع لك ابد:هههههه كيفي اطفشها من البيت
سيفوه:اونج الخبله لا تطفشيها من البيت عسب عقب اهيه م اطفشجج من بيتنا.
ها شو يقصد طالعته باستغراب
محمد:مدام فيصل موجود ماحد يقدر يطفشها بنت العم
اهااااااا احين فهمت شو يقصدون
عموه:يلا فيصل خلص من هالجامعه دور لك شغل العروس وجاهزه
شيخه تبغي تنقذني من هالكلام:لالا ساروه اصلا انا مابخليها تاخذ فيصل عشتو فيصل هالصايع ياخذ ساروه
انا:هههههه
شما بتهديد بطريقه غير مباشره:بتاخذه غصب عنج وعنها
طالعت فيصل شفته يطالعني وجنه يقول غصب عنج
رفعت حاجب وقلت:هيه خير ان شابله
قمت عنهم
يلا انا اترخص
مشيت قبل لا اسمع اي رد
يخلون الواحد يطلع من طوره.
دخلت البيت صليت المغرب وقعدت اقول اذكار المسا واستغفر عقبها قمت حصلت فهود راسل لي ع الواتس شفته متصل رسلت له هلا
عقبها اتصل رديت عليه وانا ابغي احدد مصير علاقتي معاه.
فهود:الو
انا: ٲ الو
فهود بغيض:ليش غالقه فونج اسبوع
انا رديت بسرعه:ماقبل ماتقول لي عمرك
حسيت اني غبيه ليش رديت عليه كذا اوووف
فهد:شدخل عمري بالسالفه احين
انا:فهود قولي جاوب ع السوال
فهد بسخريه:24 ولا نسيتي
انا:اكيد
فهد:اكيدين.انتي شنو سالفتج
حسيت انه قاعد يلعب عليي قررت اقوله كل الي عرفته
انا بسخريه:تصدق عيل ليش حماده يقولي27
فهد حسته ارتبك: ا ا شو شدخل حماده
انا بغيض:فهود لا تقعد تلف وتدور ليش كذبت علي
فهد سكت فتره طويله اعرفه اذا سكت معناته معصب وقاعد يهدي نفسه عسب مايجرحني بالكلام
بعد 5دقايق من السكوت مليت قررت اتكلم
انا بهدو:فهد انا احين بصكر
انتظرته يتكلم بس ظل ساكت
انا:يلا باي
فهود:لحظه لا تصكرين
انا فرحت انه اخيرا تكلم:ها قول الي عندك
فهد:سمعيني لاخر شي وعديني انج م تقاطعيني وتتفهمي موقفي
انا:اوعدك يلا قول
فهد تنهد تنهيده طويله وقال:لما جفتج اول مره كنتي صغيره حيل بنت 16سنه ع طول كلمت
تركي اخوج قلت له
..........................
دخل تركي الميلس من بعد مادخلت ساره الميلس وشافت فهد قاعد بالصدفه
دخل تركي واهوا منحرج من اخته الياهل:فهود اعذرني اختي ياهل ماعبالها احد موجود
فهد:عادي ياريال ولا تشيل بخاطرك ابد
قعدو يسولفون قرر فهد يقول الي بخاطره
فهد:تروك ياخي مااعرف شو اقولك
تركي:تكلم فهود شو عندك
فهد:اممم يعني شسمه ابغي اخطب اختك
تركي:هههههههه تتمصخر ولا شو اختي الاولى معرسه والثانيه محيره لسيفوه ولد عمي
فهد:اقصد هاي الي دشت قبل شوي
تركي:هههههههههههه تتغشمر ولا شوه هاي ياهل
فهد:جب جب انا اتكلم جد
تركي تكلم جد هالمره:فهود انتا ع عيني وع راسي بس هاي ياهل انتا اكبر عنها ب9 سنين
لو انا وافقت اخواني مستحيل يوافقون وحتا لو نحن وافقنا اهيه مابترضى هاي ياهل سامحني
فهد:انزين انا م ابغي اعرس احين انا بنتضرها لي م تكبر وذيج الساعه يصير خير
تركي:يصير خير ياخوي
................................
فهد كمل كلامه:قررت اني اتجرب منج عسب اقنعج بروحي
كذبت عليج لاني اعرف لو قلت عن عمري الحقيقي مستحيل ترضين حبي افهميني
انا :لاه
فهد بنبره عجججججيبه:اصلا احلا شي انه حرمتي تكون ياهل عسب اربيها ع كيفي
انا ماعرفت شقول :جب جب ترا انا اعرف انك لعاب خبرني حماده عن سوالفك انك تلعب ع البنات واخر شي تفضحهن
فهد فنفسه*الله ياخذ حماده فاضحني*:حماده شسالفته ترا جد يقهر. هالاشيا انا كنت اسويها قبل لا اعرفج
انا:بس حماده ماقالي جيه
فهد انقهر مني:روحي سئليه وعقب كلميني
صكر الخط بويهي
فريت الفون ع السرير وقعدت افكر بكلامه

دلعي يكفيني ©؛°¨غرامي مشارك¨°؛©

اوووووويه ليش ماححد يقري الروايه
ع الاقل شجعوني
عطوني رايكم
استغفر الله الذي لا اله الا هو الحي القيوم واتوب اليه

safa89 ©؛°¨غرامي مشارك¨°؛©

بدايه رائعه استمري وبانتظارك

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1