منتديات غرام روايات غرام أرشيف الروايات المغلقة - لعدم إكتمالها رواية سبحت بمدك وجزرك وبحرك مايغرقني/بقلمي
قلبي صويب ©؛°¨غرامي مشارك¨°؛©

الســــلام عليكــــــم جميعـــــاً
اول شي حبيت امسي عليكم
وثاني شي ..
اححم هههه المهم انا راح انزل روايتي الاوله ومن تاليفي واتمنى القى منكم حماس وتشجيع
وان شاء الله ينال على اعجابكم ..
.
.
.
.
روايتي الاوله: سبحت بمدك وجزرك وبحرك مايغرقني

قلبي صويب ©؛°¨غرامي مشارك¨°؛©

روايه: سبحت بمدك وجزرك وبحرك مايغرقني
.
.
.
.
.
(البــــــارت الاول)


كاااان ناااايم ومب حااس بعمره ..
وفجاااه نش من الرقاد ع ازعااج اربيعه سهيل ..
سهيل وهو يزاعق: قووووووم ياااابوك هب رقاد عليك هذا
نش مايد : اففف منك خلاص قمت اسمييييك انت بعد الا مخرب الاحلام
سهيل: ههههه يلا يلا قوم شو نسيت ان وراك سفر
مايد توه يتذكر: اوووو شت نسيت ..
ركض دش الحمام يتسبح ..
وسهيل طلع وهو يضحك عليه ....

خل اقول لكم مواصفات مايد .. مايد طويل معضل بسس شوي هب وايد و ابيضااني وشعره ناعم طويل اليين نص رقبته ومخلنه بطريقه روعه .. ومايد ما شاء الله عليه وسيييييييم ...

طلع من الحمام ينشف شعره وراح لبس له كندوره وسحه شعره ولبس له غتره وعقال وتسبح بالعطوور ..وطلع ..

سهيل كان قاعد يترياه ف الصاله ..
سهيل: الحمدلله انك خلصت تو الناس
مايد مستغرب: وانت شدرااك اني اهنه
سهيل ضحك: بعد كيف من ريحه عطررك اللي متسبح فيه
مايد: هههههه ويا راسك
سهيل: تتمنى نفس راسي
مايد: هيه صح يصير خير الا اقول الساعه جم الطياره
سهيل: وليش مستعيل؟؟
مايد: شو ليش صارلي سنتين وانا اهنا ف الغربه عشان الدراسه وبصراحه اشتقت حق امايه حلوة اللبن وابويه الغالي وخواتي واخوي وكل اهلي
سهيل بشك: علييي الا قول حق الحب
مايد استغرب: اي حب الله يهديك انا وين وهالسوالف وين
ضحك عليه سهيل: ما عليييه مصيرك بتحب
مايد: فكنا يا بوووك هب متفيجلك احينه هههه
سهيل: ههههه انزين يلا ورانا سفره
مايد: توكلنا ..
وطلعووو راحو المطاار راادين بلادهم راااك ..

وطني اُحِبُكَ لابديل
أتريدُ من قولي دليل
سيضلُ حُبك في دمي
لا لن أحيد ولن أميل
سيضلُ ذِكرُكَ في فمي
ووصيتي في كل جيل
حُبُ الوطن ليسَ إدعاء
حُبُ الوطن عملٌ ثقيل
ودليلُ حُبي يا بلادي
سيشهد به الزمنُ الطويل
فأ نا أُجاهِدُ صابراً
لاِحُققَ الهدفَ النبيل
عمري سأعملُ مُخلِصا
يُعطي ولن اُصبح بخيل
وطني يامأوى الطفوله
علمتني الخلقُ الاصيل
قسما بمن فطر السماء
ألا اُفرِِ ِطَ َ في الجميل
فأنا السلاحُ المُنفجِر
في وجهِ حاقد أو عميل
وأنا اللهيب ُ المشتعل
لِكُلِ ساقط أو دخيل
سأكونُ سيفا قاطعا
فأنا شجاعٌ لاذليل
عهدُ عليا يا وطن
نذرٌ عليا ياجليل
سأكون ناصح ُمؤتمن
لِكُلِ من عشِقَ الرحيل

ووصلو البلاد اللي كانو غايبين عنها سنتين .. كانو في استراليا يكملون دراستهم ..طبعا هم مسوين مفاجاه حق اهلهم وما خبروهم انهم بييون بس خبرو ربعهم اللي ف راك عشان يستقبلونهم ..

كانو يمشون وهم يدورون ربعهم ..
سهيل: هاااكووهم تعال تعال
راحوو صوب ربعهم وسلمو وجيه ..
حمدان وسعود : الحمدلله ع سلامتكم
سهيل ومايد: الله يسلمكم
مايد: ياااااه شكثر اشتقت حق البلاد واللي ساكنينها
سهيل: هيييه والله يلا يلا خل نطلع ونجووف شو صار من تغييراات ..
وطلعو وركبو السياره .. كان حمدان يسوق واللي حذاله سعود ..وورى حمدان كان مايد وحذاله سهيل..


كانوو يتحوطون اشوي الييين ما يروحون البيت..

مايد: بس بس خلاص ودوني البييييت يلااا
حمدان: زين زين يلا
سهيل: والوجهه الى اييييين
الكل: الى المنزل هههههههههه ..

طبعاا وصلو سهيل اول لانه ع دربهم اول شي ..

قلبي صويب ©؛°¨غرامي مشارك¨°؛©

سهيل دخل البيت وكانو اهله موجودين ..انصدموو لما جافووو وبنفس الوقت استااانسووو واااايد ..
اﻻم وهي تصيح من الفرحه: الحمدلله ع سلامتك يا ولديه يا غناتي ..
سهيل يبوس راس امه وايدها: الله يسلمج يالغاليه ..
وراح باس راس ابوه وسلم عليييه .. و ع اخواانه وخوااته ..
الاب: الا ولد عمك بعد رد وياك
سهيل: هيه يالوالد رد ونحن متفقين ما نخبر حد من اهالينا مفاجاه يعني ..
امون: واحلى مفاجاه ياخي ما تدري شكثررر اشتقت لك ..
سهيل: وانا بعد والله اشتقت لج واااااايد
امون: هااا عيل شو يبت لي هديه
حسن: انتي بس هاا اللي هامنج
امون: وانت شلك
حسن: كيفي كيفي
امون: جب جب
مهاري: اييه كله ولا تؤامتي ما يخصك فيهاا
امون تبوس خد مهاري: فديتج والله لا خلى ولا عدم
مهاري: افداااج ياا رووح تؤامج
سيف: بدا محور المغازله من بينهم
الكل: هههههههههههههههههه

خل اعرفكم ع عائله سهيل..
اول شي سهيل ..
سهيل: عمره 24 سنه كان يدرس برع من سنتين مع مايد والحينه ردو عشان يشتغلون اهنا ف البلاد وهو طويل وضعيف شوي بس عنده عضلات وشعره نفس مايد ولد عمه وناعم يعني جميل جميل ما شاء الله عليه ..
سيف: 26 سنه خاطب بنت عمه ميثه يعني تصير اخت مايد .. هو قصير شوووي ومعضل يعني باختصار جميل ..
امون ومهاري: هااييل طبعا تؤام عمرهن 17 سنه صف ثالث ثانوي ..هن جميلااات بمعنى الكلمه ما شاء الله عليهن ضعاااف وجسمهن جسم عارضاات ازيااء وعيونهن كباار وعسلياات وبشرتهن بيييضه بس فييه اختلااف ان مهاري ما تحب الشعر الطويل ف شعرها واصل اليييين كتفها بسس ولونه كستنائي ونااعم اما امون شعرها طويييييل لين ركبتها ونااااعم ولونه اسود مثل سواااد الليل وامون لها جاذبيه غيرر يعني جمالها غيررر احلى من مهاري بشوي واللي يميزها اكثر غمازتها اللي ع اليساار واايد مطلعنها كيووت ..
حسن: 16 سنه صف ثاني ثانوي هوو بعد وسيييم ومغاازلجي ..بهالسن ومغازلجي الله يعين بعدين ههههه..المهم هوو ولا همه ف الدراسه ورااعي سواالف ونكت والقعده معااه وااايد حلووه وملح البيت بعد ..
..
..
..


نروح صوب مايد ..
طبعا وصلووه حمدان وسعود وراحوو..
مايد اول ما دش ما لقى حد تم يزقر ..
مايد: امااايه ابوووويه وييينكم انا يييت ..
فجااه يت غاليه تركض صوووب ماايد وتحضنننننه ..
غاليه وهي مستانسه: ميووووودي حبيبي الحمدلله ع سلامتك توووو ما نووور البيت يالغالي ..
مايد: هههه الله يسلمج غلاي الا اقول وين اهل البيت ما شووف حد ..
غاليه: اصبر اصبر .. (تزااعق) اماااااااايه ابووووويه ميثووووووو نوووووووره خلووووووف تعالوووووو ميوووووود رد من السفر ..
مايد ماسك اذونه: ول عثره صميتيني هب صوت علييج
غاليه: ههههههه
ويووو كل الاهل سلمووو عليييه كلهم وتحمدوو له ع السلامه وجييه..
غاليه: بهالمناسبه لاازم ياابووي نطلع عواافي مع كل الاهل ولا شرااايك
نوره: هيييه ابويه الله يخليكككك يالغااالي انته امواااح
الاب: هههههه اسميييج مصلحه انتي بعد هههه
الام: هيه والله يا بومايد محتايين انغيرر جووو وبالمره نعزم الاهل بهالمناسبه.
الاب: خلاص تم مادام ام مايد طلبت ما نردهاا
غاليه تطالع ابوها بطرف عينها: لو كنت ادري جان ما ذليت عمري وخليت امي تقول من البدايه
نوره: اوب اوب امااايه شعليييييج
الام استحت وتمت ساكته
الاب ضحك ع الام: ههههههه يوزو عن حبيبتي خلااص
الام اهني ما رامت راحت ركضت فوق وهي ميته حيه
الكل: هههههههههههههههههه
ميثو: جنه توها مخطوبه وتستحي ههههههه
خليفه: خلووووها يمي عن يضاربكم الوالد هههههههه
الاب: زين قلت بروحك يلا بروووح اجوفهااا
الكل: اووووووووووووب
الاب: هههههههه جب لا ...ورااح
غاليه: انا بروح اقول حق امون ومهاري عشان يتجهزون
نوره: هيه يلااا بييي وياااج
خليفه: بل ما صدقوو ع طووووول امون ومهاااري ..
غاليه: هيه هيه ليش تغااار
خليفه: ليش اغااار عاادي الحين بتصل عند حبيبي حسوون واقوله عشاان يجهزز
مايد: هههههههه اسميييكم انتووو بعد انا بروح ارتاح ف الغرفه باااااي ..ورااح
وتموو خليفه وغلوي يضااربون وميثو ونوره ميتات ضحك عليهم ...هههههههههه ..

خل اعرفكم ع اهل ماايد ..

ماايد: 24 سنه مثل ما قلت لكم كان مسافر يدرس برع ..هو اكبر اخوانه وخواته ..وسييييييييم بمعنى الكلمه ..وقلت لكم مواصفاته ف البدايه ..
ميثه: 21 سنه مخطوبه حق سيف ولد عمها هي جميله شعرها لين نص ظهرها ووايد تستحي ..
غاليه: 17 سنه ربيعت امون ومهاري وااايد ..هي حلوه مثل اخوها مايد ..ثالث ثانوي ..جريئه وحبوبه ومال سوالف ..
والحين عند التؤام نوره وخليفه ..
نوره: 16سنه هي وااايد بعد مع امون ومهاري وغاليه صح انها اصغر عنهم بسنه بس عادي وحلوووه بس شوي متينه يعني ..
خليفه: 16 سنه صف ثاني ثانوي هوو حلوو ووسيييم ومغازلجي نفس ربيعه حسن اللي هو بنفس الوقت ولد عمه ووااايد مع بعض همم ..♡♡♡♡

.
.
.
.
ف الغرفه عند مهاري وامون .. كانو يالسات يسولفون وفجاااه رن موبايل امون .. كانت غاليه متصله ..
امون ردت: السلام عليكم
غاليه: وعليكم السلام شحالج
امون: تمام ومن صوبج
غاليه: تمام .. اقولج انا اتصلت عشان اقولج ان اخر الاسبوع بنروح العزبه وانتو بتيوون ويانا
امون استانست: واااااو وناااسه من زمااان ما تيمعنا
غاليه: هييه والله
امون: الا شو المناسبه
غاليه: اول شي عشان ردت مايد وسهيل من السفر وثاني شي تغيير جوو
امون: واااو صج وناسه
غاليه: هيه والله انا متحمسه من الحين
امون: ههههههه ويا راسج انزين يلا اخليج احين
غاليه: ههههههه اوكي باي ..
وبندت ..
.
.
مهاري: شو السالفه
امون قالت لها كل السالفه
مهاري تمت تناقز من الوناسه: واااااي وااااي وناااااسه اخيرااا بنطلع والله مليت من قعدة البيت واااااااي
امون تمت تضحك عليها
.
.
.
.
.
ف اليوم الثاني .. ف بيت بوسيف
قامو امون ومهاري عشان المدرسه ..
امون ومهاري لبسو مريولهم وعدلو شعورهم وخذو شنطهم ونزلو تحت يتريقون ..
كانو بوسيف وام سيف وسيف وسهيل واعيين
دشو امون ومهاري: السلام عليكم
الكل: وعليكم السلام ..
راحو باسو راس امهم وابوهم وقعدو ..
بوسيف: الا وين حسن ماجوفه موجود
ام سيف: انا بروح اجوفه وراحت ..
.
.
دشت الغرفه وكانت الغرفه ثلج وظلاااام والاخ بعده ناايم ..
ام سيف وهي توعي حسن: حسن ...وهي تهزه ...حسن يمي قووم ورااك مدرسه ..
حسن مسطل: امااايه الله يخليج شوييييه بسس
ام سيف: لا شوي ولا شي يلا قوم لا تخليني ازقر ابوك احينه
حسن من سمع اسم ابوه فززز بسررعه: امايه الله يخليج مابي ارووح المدرسه الله يخليج
ام سيف: ليش يمي فيك شي
حسن: هيه فيني رقاااااااد
ام سيف: اقووووول قووووم يدامي يلااااا ولا ازقر ابوك ..
قام حسن وهو يتحرطم وراح يتسبح وطلعت ام سيف ..
خلص حسن ولبس كندوره وخذ الغتره وتعصم وشل كتبه وطلع ناازل تحت ..
.
.
حسن توه دااش: السلااام عليكم
الكل: وعليكم السلام
راح باس راس امه وابوه وقعد ..
بوسيف: يوم الجمعه بنطلع كلنا بنروح العزبه مع عمكم وعيال عمكم
امون ومهاري متحمسات: هيييه هيييه ابويه ندري
سهيل ضحك ع اشكالهن: ههههههههه انزين بلاكن جي بسم الله
حسن: خلهم خلهم جنه اول مره يسمعون طاري الطلعه
امون تطالعهم بنص عين: هييييه اكيييد بتعيبوون علينا نحن المسااكين كله قااعدين ف البيت وانتو اربعه وعشرين ساعه طالعين
مهاري تكمل: هيه والله وبعد يتمصخرون علينا نحن المساكين ف السنه مره نطلع ..
امون تساسر مهاري: مب جنج زودتيها اونه ف السنه مره نطلع
مهاري تساسرها بعد: مادري قلت يمكن يتأثرون
بوسيف: هااا الحين بينااقشون قضيه حقوق المرأه
الكل ما عدا امون ومهاري: هههههههههههههههه
امون ومهاري: ابووووووويه
بوسيف: انزين انزين خلاص يلا ما بتروحون المدرسه
حسن: اقوول الغالي
بوسيف: كم تبا؟
حسن فاتح عيونه ع الاخر: بل كيييف عرفت؟
بوسيف: انت ما تقول الغالي الصبح الا اذا تبا فلوس
حسن: ههههههههه انزين اممم ابا 200 درهم
بوسيف:ليشش؟
حسن: اليوم بيطلعونا من وقت من المدرسه ف بطلع انا وخليفه بنروح المول يعني
مهاري: بتطلعون ولا بتشردون
حسن: لا والله ما نشرد وانتي جب ما يخصج لا تلعبين بعقل ابويه
بوسيف: ههههههه انزين انزين ... وطلع من بوكه 200 وعطاهن حسن ..
امون ومهاري: ابويه ما يستوي نحن بعد
سهيل: بل بل ابويه الله يعينك
بوسيف: ههههههه انزين انزين ... وعطاهن 200 كل وحده ..
قامو امون ومهاري وحسن فجااه راحو يبوسون راس ابوهم وكلهم متيمعين فوق راسه ..
سهيل: ايييه اييييه عن تجلعون راس ابويه بعد
ام سيف: هههههههههههه
سيف: لااا بالله رااااح الوااالد
بوسيف: بس بس خلااااص قووموووو ..
قاموو والكل يضحك على اشكالهم ..
وبعدين طلعو امون ومهاري وحسن مع الدريول رايحين المدرسه

قلبي صويب ©؛°¨غرامي مشارك¨°؛©

.
.
.
.
.
.
ف بيت بومايد الكل متيمع ع الطاوله يتريقون ..
مايد: الا ابوويه خلاص يعني بنطلع يوم الجمعه العزبه
بومايد: هيه ابويه
غاليه متحمسه: صج صج بيكون وناسه
ميثوو: هيييه والله
نوره تطالع ميثه بنص عين: اكيييد بيكوون ونااسه مادام الحب بيكون موجود ( تقصد سيف)
ميثه استحت ونزلت راسها ..
الكل ضحك على شكلها: هههههههههههههههه
خليفه: بس خليها اطاعي ويهها غادي جنه طماط
مايد: هههههههههه عيل هييه والله ( يقلد صوتها )
ام مايد: بسسس خلاااص يوزو عنهااا
غاليه: خلاص خلاص انزين المهم يلا بنتأخر عن المدرسه
نوره: هييييييه يلا يلا
سلمو ع امهم وابوهم وطلعو ومعاهم خليفه مع الدريول رايحين المدرسه ..
.
.
.
.
.
ف مدرسه البنات.. بدأ الطابور والبنات دايما يتأخروون عن الطابور ..
نوره: شوو مب نااويين تطلعوون ترى دق الجرس
مهاري: اووووه والله هب متفيجه وهااييل ما يحسوون يسوون طابور والجو جي حررر
امون: هيه والله عيل شرايكم نكشت هالمره وما نروح الطابور
غلووي: هييه والله احسن وبعدين ما بيلاحظوون
نوره: هيييه انتوو عادي لانكم بنفس الصف ومع بعض بس انا المسكينه بروحي محد معاي واذا زخونا بنتورط
امون: اسمييييج انتي بعد خواااافه يلااا عاااد كل مره اجووف بناات ينخشن ف الصفوف وما يزخونهم يعني يت علينا نحن الحين
نوره: بل بل كلتيني انزين خلاص بتم
مهاري: هههههههههه
وتمو يسولفون وطبعا ما حظرو الطابور وعلى حظهم الردي كان في تفتيش ف الصفوف ..وفجااااااااه .. الا تدخل الاخصائيه عليهم ..
الاخصائيه: ما شاء الله
البنات تمو واقفين وما تكلمو
الاخصائيه: امشو يدامي ع الاداره ( تعلي صوتها) يلااااااا
وطلعوو البنات يمشوون والاخصائيه ورااهم. . دخلو الاداره وقعدو في غرفه الاخصائيات ..
الاخصائيه: تمو اهنا انا بسير وبس يخلص الطابور بوريكم انا وياا ويلكم اذا طلعتووو. .وطلعت
امون: بلللل شو هالحظ يعني واايد بنات ما يحظروون وما ينزخوون ليش لما نحن بسس نجرب ع طووول ننزخ ليش حظنااا جيه ..
مهاري: الله كرريم عفاني الله ماشي حظظ مووووول
غاليه: ههههههه اقولكم قعدو قعدو لاه ارتاحو البيت بيتكم
امون: هييه لاا
وقعدو امون وغلوي وحطو ريل ع ريل. .
نوره: انتوو ايييه ولا جنه زااخينه الاداره ماخذين راحتهم
امون مسويه طاااف: الا اقول غلوي حبيبتي ريجي نشف ابا شي اشربه. .
غلوي قامت : افا عليييج ..
طبعا في ثلاجه صغيره ف الغرفه حق الاخصائيات. .
وراحت غلوي وفتحت الثلاجه وخذت عصيرين حقها وحق امون. .
مهاري: انا انا بعد ابا
وخذت لها غلوي: وانتي ما تبين ( ترمس نوره )
نوره: لاا
امون: نورو بلااج جي خواافه لا تخافين عاادي الشي بس بتنازعنا وخلااص بنطلع
غاليه: هييه والله
نوره: واذا وقعتنا تعهد؟
مهاري: بلاااج مستحيل توقعنا تعهد لان اول مره. .
نوره هدت شوي: اونه احلفي
مهاري: والله
قعدت نوره وحطت ريل ع ريل: الا وين عصيري؟
الكل: هههههههههههههههههه

ف مدرسه الاولاد ..
سوو الطابور وخلصوو وكل واحد راح صفه ..طبعا حسن وخليفه بنفس الصف ..
خليفه بدون نفس: اقوول شو علينا الحين
حسن: هه علينا حبيبك استاذ الفيزياء
خليفه تنرفز: وع يخسي اففف اكره حصتهه
وفجااااااااه الا يدخل رييعهم اللي معاهم ف الصف ..
عبدالله: شباااااب ابشركممم الاستااذ غااايب
حسن وخليفه ما صدقوو: اححححلف
عبدالله: والله
خليفه: يسسسس والله احلى خبرر
حسن: يلا يلا خل نطلع نتحوط بررع يلا
عبدالله: هيه يلا
وطلعوو برع يتمشوون ف الساحه الا ويجوفون اولاد قاعدين يضاربون مع استاذ الرياضيات ويضربونه وبالاساس اصلا الكل ما يداني هالاستاذ ف المدرسه ف راح حسن اونه يسوي عمره بطل وينقذ الاستاذ تم يوخر الاولاد وجيه يعني وبعدين راحو الاولاد ..
الاستاذ متبهدل: شكراا ليك يا حسن ( طبعا هو مصري)
حسن بخبث: افا عليييك استاذ عييل تباني اجوفهم يضربوونك واتم اطالعهم ..
الاستاذ: واللهي ما اصرت ومعرفش منين اطلع من جزااك
حسن يمثل البرائه: لا ولو استاذ يلا عن اذنك ..
وراح صوب خليفه وعبدالله
خليفه مستغرب: غرييبه من وين طلعت هالمحبه
عبدالله: صدق صدق شو سالفتك انت اللي ما ادانيه موول والحين ترووح اداافع عنه
حسن : يا حبايبي انت وهو هالشي اللي سويته من مصلحتي
خليفه وعبدالله: مصلحتك ؟
حسن بثقه : يب
عبدالله : وكيف ان شاء الله
حسن: شو يالاغبياء ما تعرفون ان هالاستاذ يتعامل بالمصلحه يعني تعطييه شي ولا ادافع عنه ولا اي شي ثااني يرووح هوو ويرفع درجاتك فووووق حتى لو كنت فاشل ف الماده وانا سويت هالشي عشان اضمن عمري
خليفه: صدق انك دااهيه
عبدالله: لعبتهاا صح
حسن: افا عليكم ههههههه
.
.
.
ف الكوفي مع مايد وسهيل وحمدان وسعود ..
مايد: الا شرايكم اتيوون ويانا العزبه ( يرمس حمدان وسعود)
حمدان: لا وين هاي يمعه اهل شدخلنا نحن معاكم
سعود: هييه والله
سهيل: لااا عاادي والله ابوي وعمي متعودين عليكم وانتو متعودين ويانا بعد يعني عادي يلا
حمدان حب يتفلسف: انززين بفكر وبرد لكم خبر
مايد: ان شاء الله الغالي كم يوم يبالك عشان تفكر
حمدان: اممم يومين جي وبرد عليكم
سهيل: ليشش بنخطب نحن عشان تاخذ لك يومين تفكر
مايد: ههههههههههههه حسيت
سهيل: اجوفه تراني ( اونه يهدد) جوووف بتي وريلك فوق رااسك فاااهم وانت ( يرمس سعود) بتي بعد فاااهم ( اونه عصب )
حمدان وسعود اونه خافو: ان شاء الله عمي
سهيل حط ريل ع ريل: ما ايوون الا بالعين الحمرى
مايد وحمدان وسعود جافو بعض: ههههههههههههههه
.
.
.





امون: وينهاا هااي بعد شكلها نستنا ( تقصد الاخصائيه)
غلوي: احسن احسن عشان ما نحضر الحصه
الا وتدخل ربيعتهم **شيخه
شيخه: اووو زخووكم عيل هااا شو مسوييين
غلوي: ماشي بس ما حضرنا الطابور وكنا منخشين ف الصف
نوره: وعلى حظنا الردي كان في تفتيش ف الصفوف وزخوناا
امون: وهااي حصوو قالت لنا نقعد اهنا ( تقصد الاخصائيه لان اسمها حصه )
شيخه: اييــه انتي قصري حسج نحن ف الاداره اذا سمعتج
امون هب مهتمه: تولي
شيخه: المهم انا ييت اتطمن عليكم وبروح
مهاري: جوفي اذا سألت عنا الابله قولي ف الاداره
شيخه: حظكم ما بتحضرون شكلكم مطولييين
امون وغلوي حطو ريل ع ريل
امون: تتمنين لو كنتي معانا
غلوي: يلا يلا روحي عن تنقصج الابله ع التأخير
شيخه قامت: اووو يلا بااي ..وراحت ..
تمو قاعدين شوي ولا تدخل الاخصائيه وقامو وقفوو
الاخصائيه: ما شاء الله انتو بعدكم اهني
امون: ابله انتي قلتي لنا نتم نترياج وما نطلع
الاخصائيه: انتو كلكم ف صف واحد
غلوي: لا بس انا وهاي ( تاشر ع امون) وهاي ( تاشر ع مهاري) ف صف واحد اما هاي ( تاشر ع نوره) ف صف ثاني
الاخصائيه ترمس غلوي: وانتو صف كم؟
غلوي: 12 ادبي 2
الاخصائيه ترمس نوره: وانتي؟
نوره: 11 ادبي 3
الاخصائيه: انزين انا بسامحكم هالمره لان اول مره بس ان عدتوها بوقعكم تعهد ( تعلي صوتها) فااهمين
البنات: فاهمين
الاخصائيه: يلا روحو ع صفوفكم
طلعوو وراحوو صفوفهم ..

Beno3sll ©؛°¨غرامي فعال ¨°؛©

حلوه بدايتها

قلبي صويب ©؛°¨غرامي مشارك¨°؛©

ابــــا رااايكم بالبـــاارت ....

قلبي صويب ©؛°¨غرامي مشارك¨°؛©

اشكرج ع مرورج

كاريزما~ ©؛°¨غرامي فضي¨°؛©

بدايتها جمممميله
ننتظر التكمله يختي
حاسه بتصير مغامره

وردة الزيزفون
✿ إدارة الإقسام ✿

صباح الخير .. ياهلا فيك بغرام .. موفقة بطرحك .. بداية جيدة لكن لو تحددي مكان الحدث بأي منطقة وتوصفي مكان الحدث بشكل مختصر ووضعية الشخصيات في الحدث

اغلب ابطالك جميلين لو نوعتي في المواصفات كنتي عطيتي واقعية اكثر لان القارئ لما يشوف كل الابطال متشابهين يحس ان الكاتبة اعتمادها على جمال الشخصيات مو على فكرة الرواية

والاهم ان ماتكون فكرة الرواية معتمدة على الصدف ومايكون في رفع كلفة بين البنات والشباب حتى لاتكون منفرة

القوانين / الإطلاع هام و الإلتزام ضروري


وهذا الموضوع راح يفيدك ياليت تطلعي عليه

قضايا

قلبي صويب ©؛°¨غرامي مشارك¨°؛©

اشكـــــــــرج على طرحج لهذا الموضوع

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1