سلآمـوو غلآي ..
نورتينــي ، أتمنـى متآبعتكـ

:::

صبآحكـ عسـل هيوونآ

شووفي أول 5 فصول نهآيتهم مغلقه لأنهآ مجرد بدآيه مبدئيـه .. أعرفكم فيهآ على الشخصيآت وموقع كل شخصيه من الأحدآث آيش بيكوون ...

نورتينـي ...

:::

حبيت تصريحكـ بعدم إعجآبكـ بـ الإسم .. بس بشكل أو ثآني أكيد مرتبط بـ الأحدآث ...
مو نوع وآحد من العآطفه .. كثير .. فيهآ من كل مفردآت العآطفه ومتضآدآتهآ ...
سوآ حبّ أو بغـض .. وفآ وإخلآص أو خيآنه .. حقد وعدآوه أو ودّ ووئآم وصدآقه ... مترجمـه بأفعآل مآديه "جسـديّه " ...

بآآقـي بعـد شخصيآت كثيـر ... وكلاً بقصتـه ..

مبسووطـهـ حيـل آنو السردّ عجبكـ ... أتمنـى متآبعتكـ ..

:::

( إننآ لسنآ بحآجه للبحث عن الحب خآرج أنفسنآ ، بل كلّ مآعلينآ عمله هو أن نتمكن من إزآلة العقبآت التي تبعدنآ عن الحب بدآخلنآ ! ) - مقتبـس -


/
/
/


بوآحد من مطآعم نيويورك الشعبيه ،، 10 الصبــآح ...

إبتسم لنظرآتهآ المثآره وهي تتأمله بإفترآس وهو يأشر لهآ بيدهآ تجلس على الكرسي بعد مآسحبه لهآ: thanx
قطبت جبينهآ مآده شفآيفهآ الرقيقه لقدآم مبوزه بعد مآسمعت صوت جوآله .. رفع سبآبته لهآ بمعنى دقيقه وحده !
خرج برآ المطعم وهو مبتسم بعد مآشآف إسم المتصل: Namasty
بلهجه خليجيه زميله هشآم: والله ! نآمستي ! مسويلي فيهآ هندي إنت ووجهك
فتح فمه المشدود بضحكه تكشف عن رتآبة أسنآنه: ههههههه هآت إللي عندك بسرعه ترآ عندي ميتينـج مهم
هشآم: وش بيكون هآلميتينج يعني غير مع وحده من إياهم
نجم: لآ لآ لآ مع وحده أيوه بس مو أي وحده
هشآم: قلتلك خبري بك رآعي حريم وخرآبيط
غمض عيونه بإبتسآمه حآلمه ونبره أشبه بـ الهمس: John s wife (زوجة جون)
فنجل عيونه بصدمه: وشــــــــــوووو !!!
ميل رآسه بخفه لليمين وهو ينآظرهآ من ورآ قزآز المطعم: قلتلك مو أي وحده
هشآم: الله يقطع خبرك مجنون إنت ! صآحـي ! لآ من جدك إنت جنيت ع الآخر
نجم: أنآ مآطلبت أحد .. هي إللي جت لـــــــــحدّ عنــــــــدّي !
بضحكة عدم تصديق وإستيعآب للي يسمعه: والله إنك مو سهل يآخي بس والله لو درى جون ليقص رقبتك .. من جدك ! هـه .. زوجة مديرك !! والله لو يدري ليسود عيشتك عآد من قلة الحريم
سكت لثوآني مآيسمع أي رد منه: نجـم !! نجــم معـي !!
ظلت عيونه معلقه عليهآ تمر من قدآمه تدخل بنفس المطعم مآ لآحظته أبدّ .. أيوآ هي نفسهآ ذيك البنت !


طآلع بـ شآشة جوآله بعد مآسكر هشآم الخط ملّ من منآدآته بدون أي ردّ منه .. دخل ورآهآ بسرعه متوجه لطآولة سينتيآ زوجة جون .. بآسهآ بخفه من رقبتهآ تحت أذنهآ اليمين وهو وآقف ورآهآ وعيونه على ليلآ: sry bayb 4 bing late (آسف لتأخري عزيزتي)
لفت رآسهآ لورآ عليه وطبعت قبله خفيفه على فمه المشدود: does not matter (لآيهم)
بعده عيونه معلقه عليهآ: I ll go 2 get our drink (سأذهب لأحضر مشروبنآ)
قرب من طآولة البآر الرخآميه مسند عليهآ بجنبه اليمين معطي ظهره لـ ليلآ: two of Vermouth (كأسآن فيرموت)
على نفس البآر كآنت تحرك أصآبعهآ بتوتر على طآولة المشرب وعيونهآ معلقه على المكآن اللي دخل منه رئيس العمآل والمسئول عن الخدمه .. ضيقت عيونهآ بإستفسآر وهو ينآظرهآ بخيبة أمل ويهز رآسه بـ النفي قدملهآ الملف .


ليلآ: wt !! doesnt seen the other pa....... (مآذآ ألم تنظر لبآقـي الأو ........)
فتحت الملف بتوتر قآطعه كلآمهآ وصآرت تطلع منه أورآق وشهآدآت بلخبطه وهي ترتجف: look, jus look des aaaann des, no no look at des one (انظـر .. فقط انظـر لهـذه .. لآ لآ انظر لهـذه)
هز رآسهآ بإعتذآر مآفي فآيده .. لحقته بسرعه: doesnt matter cookin, I can cleanin, glass polishing da glass, or even dump da trash. Look, try me for a month without pay, haaa !!
(لآيهم الطبخ .. بإمكآني التنظيف .. تلميع الزجآج أو حتى تفريغ النفآيآت . انظر بإمكآنك تجربتي مدة شهر بدون رآتب .. هآآ !!)



رفع رآسه للويتر بعد مآقدم له طلبه مبتسم بضيق من كلآمهآ وترجيهآ الوظيفه بهآلشكل المهين .. أشر له نجم بإصبعيه الوسطى والسبآبه بمعنى قرب علي .. حآكآه بصوت أشبه بـ الهمس: see da girl behind me ! (أترى الفتآه خلفـي !)
نآظرهآ الويتر وهي بعدهآ تترجى الوظيفه بأسى وقلة حيله: yup (أجل)
نجم: wanna give her des card plz (أريدك أن تعطيهآ هذه البطآقه)
مدّ له كآرت عليه إسم مطعم وعنوآن للفرع الرئيسي فقط: jus give it 2 her an don tell her anythin about me, K ?! (فقط أعطهآ لهآ ولآ تخبرهآ أي شيئ عني .. آوكي ؟!)
طآلعه الويتر بإندهآش بعد مآشآف إسم المطعم من أشهر المطآعم محلياً والتآبعه لفندق سيآحي مشهور .

كمل وهو مآسك بـ الكآسين وبيروح: tell her that there a job waitn
أخذ الكآسين وبعد عنه متوجه لـ سينتيآ إللي تنآظره وهو يقرب منهآ متبآدلين نفس الإبتسآمه العريضه
لمت الأورآق بقلة حيله بعد مآ أقنعهآ إن كل الموظفين من الرجآل بس وأن صآحب المكآن مآيقبل بـ البنآت لأجل المشآكل إللي تصير بسببهم بينهم وبين الزبآين .


قرب الكآس من فمه مضيق عيونه ينآظرهآ تجرّ بثقل فـ رجولهآ ضآمه الملف لصدرهآ برآ المكآن .
مدت يدهآ لأسفل ذقنه حركت رآسه تجآههآ بعد مآكآن ينآظر على يسآره برآ المطعم على الويتر وهو يمد لهآ الكآرت ونظرآت الإستفهآم والتعجب متمكه من ملآمحهآ المحبطه .
أبعدت شعرهآ الأشقر الحريري بدلع مصطنع لورآ أذنهآ: and why u get yr eyes off on me ? (ولمآذا تبعد نظرك عني ؟)
رفع عيونه للويتر بعد مآدخل وأشر له وهو ضآم قبضته ورآفع إبهآمه بمعنى: its okay
إبتسم بخبث: I cant do it (لآ أستطيع فعلهآ)


أسندت ذقنهآ على ظهر كفوفهآ بعد مآشبكتهم: so ! (إذاً !)
نجم: sooo, I was suggested, wt if u came with me to show u ma new partment, I jus movet from Greec.......
(إذاً كنت أقترح مآذآ لو أتيتي معي لأريكي شقتي الجديده لقد انتقلت تواً من اليونـ ......)
مآكمل كلآمه لأنهآ وقفت بسرعه سآحبته من معصمه: ya, ya i would luv dat soo much, wanna see it an try it asloooo أتبعتهآ بغمزه خبيثه
(نعم نعم , أودّ ذلك كثيراً .. أودّ رؤيتهــآ ... وتجربتهآ أيضاً)
عقد حآجبيه مبتسم بإستفهآم في خآطره: try it !!!!! (تجربتهــآ !!!!!)





======
-----------
======




بـ السعووديه ،، 4 العصــر ...

في غرفه كلآسيكية التصميم قآتمة اللون صوت جوآلهآ بـ نغمة تقليديه ممله يتكرر وهي تدور مكآنه في زحمة أغرآضهآ المبعثره وصورهآ الفوتوغرآفيه سكت الصوت للمره الثآنيه وهي تدوره بدون تركيز .

بلهجه مصريه بآئسه: مش عآرفه البنت دي إمتى هتعقل بئه !
......: ورده ؟ ليش شو صآير ؟
جيهآن: مش عآرفه والله أقولك إيه ! مهمله بشكل فظيع .. طفله .. لسه طفله .. تغرق فـ شبر ميه
رآمآ السوريه صآحبة إيتليه فسآتين صديقة جيهآن "أم ورده" من أيآم درآسهآ بمصر قبل زوآجهآ من رجل سعودي وإنتقآلهآ للسعوديه: عكسك يعني
برقت جيهآن عيونهآ بوسعهآ: تمآمـــــــــــــــاً .. شوفي كل دآ بتصل عليهآ وتلآقيهآ كـ العآده مضيعه موبآيلهآ وسط كرآكيبهآ


رآمآ: شو هآد ! لهآلدرجه ؟ له له
جيهآن: واكتر كمآن .. المهم لمآ تيجي هنآ عوزآكي تقنعيهآ بـالفسآتين إللي اخترنآهم وبس لحفلة البنآت إللي هتروحهآ النهرده ولحفلة جوآز إبن عمهآ بحكم إنك خبيره في الحجآت دي فهميهآ إن دآ هو المنآسب ليهآ وبسسسسس .
حركت رآسهآ بـ الإيجآب وهي مغمضه عيونهآ بتأكيد: مآتخآفي حبيبتي .. بتدخل عندي ورده وبتخرج ورده ثآنيه ووعد مآرح يعدي هالزوآج إلآ وعندك 100 عريس لهآ
إتسعت إبتسآمتهآ بإستخفآف: 100 !! لآ إنتي لسه متعرفيش ورده .. نفسي أتطمن عليهآ عندهآ 23 سنه .. أحس بس إنهآ بنت زي كل البنآت .. إنتي عآرفه عيشتهآ كلهآ فـ مصر حيآتهآ كلهآ إختلآط سوآء فـ الدرآسه أو شغلهآ حتى .. وبردو ولآ عمرهآ لفتهآ الشيئ دآ وكل خوفي تحضر الفرح دآ بجينز وتيشيرت
بققت عيونهآ بعدم تصديق: لـــــه .. لاتقوليهآ !
جيهآن: فعلاً سآعتهآ هيجيلهآ 100 وآحد يآخدوهآ لمستشفى المجآنين !




نطت على السرير تفتح درج الكومدينه بعد مآركزت على مصدر الصوت لجوآلهآ بدآخل الدرج: هآآ هآآ آآلـووو مـــ .......
مآكملت لأنه طآح من يدهآ !
نآظرت جيهآن بـ رآمـآ وهي تهز رآسهآ بـ النفي وقلة حيله إنه مآفي فآيده .
جيهآن: حبيبتي خلصتي ؟
ورده: أيوآ بس بلبس العبآيه وأكون خلصت
جيهآن: طيب بسرعه أنآ بعتلك السوآق زمآنه فـ الطريق ليكي متتأخريش هو هيوصلك لهنآ تمآم !
قآمت من على السرير مسنده الجوآل بخدهآ على كتوفهآ تدخل ذرآعيهآ بأكمآم عبآيتهآ: أممم أوكي مآمآ يلآ بآي
بعدت الجوآل وعيونهآ على شبآك الغرفه تسمع صوت سيآره بمدخل العمآره: دآ السوآق ؟!!
تمت تلم أغرآضهآ بدآخل شنطتهآ اللويس فيتون الكبيره .. أغرآض كثيره وغريبه مآلهآ دآعي بـ المشوآر: الكآم .. الكآم .. وينهآ كآميرتي ! مدت يدهآ تحت السرير سحبتهآ رمشت بعيونهآ البنيه الوسآع لكآميرآ الجيب الصغيره: حبيبتي إنتي مآقدر أخليك .


طلعت متوجهه لمدخل الشقه جلست على الأرض تربط ربآط جزمتهآ النآيك الريآضيه كل مآتربطه يرجع وينفك: هفففف أمآ الربآط دآ عقدتي طول عمري
تمت تحآول تربطه أكثر من مره وكل مره ينلف حول أصآبعهآ بدون مآينربط .
وقفت بنرفزه وهي تضرب رجهآ بـ الأرض: هف مآعنك إنربطت حتى
طآلعت شكلهآ بـ المرآيه الطويله الممتده بطول بآب الشقه .. عبآيتهآ قصيره عليهآ أو هي إللي طويله .. الربع الأخير من بنطلونهآ ظآهر: يـ الله وش هآلحآله ! أشبه للهنود بعبآيآتهم القصيره مآهو منظر ذآ
لفت الطرحه بإهمآل على شعرهآ ولبست نظآرآتهآ الطبيه المستطيله .




بمدخل العمآره ...

نزل سمآعة السيآره من أذنه بعد مآخلص مكآلمه جمآعيه مع رآمز ووآئل بعد إتفآقهم يتجمعوآ للترتيب إنطلآقة الكوليكشن الجديده لرآمز ووآئل قبل سفرة آدم .
سحب المفآتيح ورفع رآسه يطآلعهآ من ورآ قزآز سيآرته .. عبآيتهآ مفتوحه تبين جسمهآ النحيف من بنطلونهآ الإسكيني الفآتح وشوي من جلدهآ ظآهر من الفخذ من قصة البنطلون المقطع لأجزآء .. طويله مره .. دخلت اللبآنه وهي تدفهآ بطرف سبآبتهآ لفمهآ .. هزّ رآسه بقوه مغمض عيونه اكثر من مره يستوعب الوضع وإللي يشوفه .. فتح بآب السيآره بسرعه بعد مآقربت منه ووقفت قبآله ميلت رآسهآ لقدآم منزله نظآرتهآ لطرف خشمهآ تطآلعه بتدقيق: سوآق ذوق .. نازل عشآني !


رفعت النظآره لعيونهآ وأشرت له بيدهآ يرجع مكآنه: مآفي دآعي أنآ بفتح البآب لوحدي عآدي يعني
لفت للجهه الثآنيه من السيآره وهي تطآلع بـ السيآره آسبورت كوبيه .. 2 رآكب فقط بخآطرهآ " هذي مو البورش إللي شفتهآ أمس مسرعه جمبنآ !!": تعرف أول مره أشوف سوآق بسيآره سبور يلآ مآفي مشكله بتنآزل وأجلس جمبك
طآلعت بملآمح وجهه المتيبسه وهو ينآظرهآ ببرود .. إبتسمت له ببرآءه إبتسآمه وآسعه وأشرت بيدهآ: just kidiiiiiiiing (أمزح فقط) .. إفتح البآب يلآ ..
بعده على وضعه بدون أي ردّ .


ورده: open the door, open it
قربت منه وهي تحس حآلهآ تحآكي شبح وقفت قبآله موآجهه له طولهآ بطوله عيونهآ معلقه بعيونه .. حطت سبآبتهآ أسفل ذقنه ورفعت رآسه .. إبتسمت لمآ سمعت صوت أسنآنه تصك ببعضهآ .
بعده مو مستوعب أبدّ مين هذي ! هذي حقيقه ولآ أنآ إيش إللي صآبني .. هآلعمآره جد شكلهآ مسكونه !
بصوت عآلي وتأفف: وش هآلسوآق العآهه
ضيق عيونه بإستنكآر لكلامها بدون ردّ .
تمت تنآظره بتفحص من منبت شعره لبآقي جسمه: سوآق آسيوي حلو .. آمممم وشيك كمآن خسآره فيك إنك ..... just driver ! (مجرد سآيق)



مسكت يآقة قميصه الأبيض بيديهآ الثنتين حول رقبته وقربته لهآ .. همست وهي ضآغطه على أسنآنهآ: look, I don’t know what the fucking language are you understand ana I don’t care. Just move and open the fucking door (انظر, أ،آ لآ أعلم أي لغه لعينه تستطيع فهمهآ ولآ أهتم . فقط إفتح البآب اللعيـن وتحرك)
فكت يديهآ من يآقة قميصه ودفته بقوه لورآ وتوهآ بتلف الا ويده مسكتهآ من مرفقهآ ولفهآ بقوه لعنده .. نزلت خصله من غرتها بسبب حدة التفاتها عليه وهو ضآغط على أسنآنه بنفس أسلوبهآ: and who is the fucking are you ? (ومن أنتي بحق اللعنـه ؟)
ضيقت عيونهآ بإستنكآر وعصبيه: whaaaat !!! (مآذآآآآآآآ)
حطت يدهآ على يده تبعدهآ عن مرفقهآ إللي بدآ الألم يسري فيه من شدة مسكة آدم: what the hell are you doing, leave me (مآذآ تفعـل .. اتركنـي)


مسكت ذرآعهآ تتحسسه بوجع .. رفعت رآسهآ بحده مضيقه عيونهآ بحقـد تنآظره .. توه بيفتح فمه ويتكلم إلآ وكـف قوي إستقر على خده .. بعدت عنه جري لبرآ العمآره وقفت عند البوآبه: يآ .. يآآ يآ حيوآن يآحقير .. إنت مآتدري مين أنآ ولآ شكلك نآسي إنت إللي مين والله لآ أشتكيك وتنطرد وترجع بلدك المكآن الحقير إللي جيت منه .
طلعت برآ العمآره تآركه آدم ورآهآ فـ صدمه يتحسس خده مردد كلآمهآ الأخير له بهمس فـ خآطره !!!!
بعدت عن العمآره مأشره لتآكسي وهي تعدل طرحتهآ على شعرهآ: سنتر رآمآ كول بليـز ...






======
-----------
======






نفس اليوم .. 9 الليـل ..

بـ الكآديلآك البيضآء وجهت رآسهآ للشبآك بتأفف من نظرآتهآ التفحصيه لهآ من أول الطريق بخآطرهآ: هفففف كأني نآقصه مشآلتش عينيهآ من عليّآ معندهآش زوء !
مآتدري كمّ مرّ من الوقت وهم بهآلحآله وهآلصمت نسمه مشغوله بـ النوت فـ يدهآ ومرآم معلقه عيونهآ عليهآ بتفحـص لحد مآ وقفت السيآره قدام بوابه عريضه والنخل الطويل الكثيف ظاهر من ورا البوابه
رفعت عيونها للشباك: وصلنــآ !
حوريه: أهآ تقريبا
نزلت مرام الغطآ على وجههآ وهي تستعد للنزول بعد ما فتح لها السايق باب السياره وبعدها نسمه ثم حوريه .
رفعت عيونها للنخلات الشاهقه الكثيفه المتواصه بنظام جمب بعض حول ممر ترابي من بعد البوابه لحد مدخل الحديقه: وآآآآآو إيه دآ ! بجد تحفـه
نسمه: عادي يعني اللي عندنا أحسن منه وبعد أكثر من كذآ والمكان اوسع
مآهتمت حوريه لتعليق نسمه إلآ أنهآ أشرت لها بصمت لتشوف مكآن مآهي تنآظر , وجهت نظرهآ للحديقه من بعد الممر الترآبي إللي سآرو عليه مسآفه كآنت أعمده طويله مثبته بأرض الحديقه وموصلين بقماش شيفون أبيض شفآف يشبه الستاير المعلقه بأعمده حول السرير ومحوطين بأنوآر ملونه وديجيهآت كبيره موزعه بكل مكآن مشغله بأغآني أجنبيه ع الهآدي ..




نسمه: وآو مره رومآنس جد حبيتهآ
مرآم: بخليكم الحين وبروح لشروق أشوفهآ
همست نسمه لحوريه بعد مآ أقفت عنهم مرآم: مرآم صديقة شروق من زمآن
حوريه: أهآآآ تلآقيهآ مبسوطه كآم يوم وهتيجي شروق تعيش فـ نفس البيت مع مرام
نسمه: آممممم
التفتت عليهآ وكأنهآ تذكرت شي: نسمه بئولك إيه ! بس متئوليش لحد هآآآآ
نسمه: وشوو ؟
بتوتر من إللي ببآلهآ وشآغلهآ من أول مآدخلت مرآم بـ السيآره وكشفت الغطآ عن وجههآ: مرآت أخوكي مرآم دي ملآمحهآ .. آمممم يعنـي ... آآآ ..
أطلقت نسمه ضحكه عآليه ويدهآ على فمهآ: ههههههه أيوآ ايوآ تشبه الشغآلآت
عقدت حوريه حآجبيهآ بإستنكآر على تشبيه نسمه لزوجة أخوهآ بهآلتشبيه مهمآ كآنت ملآمحهآ فعلاً قريبه بدرجه كبير للآسيويين .
حوريه: يعني فيهآ شبه من الآسيويين شويه !
نسمه: إيه أدري تشبه أمهآ .. ولهآ أخ بعد .. آدم .. خوي رآمز أخوي عآد هو شكله غريب أكثر منهآ
حوريه: جينآت ورآثيه على كدآ كلهم نفس الشكل
نسمه: لآ مو كلهم لهم أخ مآيشبههم أبدّ
نقلت عيونهآ ع الموجودين بعد مآقربو من العشب الأخضر الندي بـ الأرض: آمــمممم
شبكت ذرآعهآ بذرآع حوريه مبتسمه: المهم الحين خلني أعرفك ع البنآت
حوريه: لآ نسمه بليز خلينآ لوحدنآ أحسن



نسمه: هف منك .. لآ مو أحسن .. تعرفي ع البني آدمين وإنبسطي بعرفك عليهم الأول من بعيد لبعيد .. هآآ شووفي هآلدبه البيضآء تشبه البآندآ مو ؟ هههههههههه
نآظرتهآ بإستخفآف وهي تهز رآسهآ بـ النفي هذي نسمه مآرح تتغير بعمرهآ.
نسمه: هذي نآهد بنت علي عبدالرحمن
حوريه: أهآآ عرفآه مش دآ مدير مركز البحوث !
نسمه: إيه هو .. متزوجه من بسّآم أخو مرآم زوجة أخوي
حوريه: آممم دآ أكيد إللي شكله طبيعي زينآ
نسمه: ههههههه إيه هو .. هذآك الفلبيني آدم .. المهم شوفي هذيك .. هذي صيته أخت نآهد
حوريه: بجد ! مش شبه بعض أبداً
نسمه: إيه أدري صيته مملوحه عن هآلنآهد دمهآ مره ثقيل مآطيقهآ مع إنهآ أحلى ! إيه إيه وتشتغل ممرضه بعد
حوريه: نآهـد !
نسمه: لآ يآخبله نآهد متزوجه وبآلبيت .. صيته إللي ممرضه .. مآعلينآ منهم بس .. إيه شوفي ذيك الحلوه
طآلعت حوريه محل مآ أشرت لهآ نسمه بعيونها على بنت طويله بيضآ وشكلهآ مره هادي ونآعم بـ الفستآن الشيفون الأوف وآيت المنسآب بوسع على جسمهآ .
نسمه: هذي تغريد أخت العروس
حوريه: نسمه شوفي شوفي أم شورت جينز دي ! ورآ تغريد
نسمه: يآزينهآ .. إيه هذي دآرين توأم تغريد
برقت عيونهآ رآفعه حآجبيهآ بإندهآش: توأم إزآآي !! مش شبه بعـض !!
نسمه: لآ يشبهون بعض مرره مآتفرقينهم بس تغريد هي كذآ شكلهآ الطبيعي ذيك المآيعه مسويه بآربي .. صآبغه شعرهآ كله أشقر وعدسآت زرق مآلت عليهآ
حوريه: بس جذآبه أكتر من تغريد .. الصرآحه يعني
عوجت فمهآ بإستنكآر: بس مآتعجبني مره جريئه ومآهي نعومه زي تغريد شوفي بس وش لآبسه هذي ! لآفه إيشآرب على صدرهآ كل ظهرهآ عآري وهآلشورت إللي شبر ونص ! مآتستحي أبدّ وين إنّآ ع البلآج ! هفف مآعلينآ



مآعلقت الآ أنهآ صآرت تهز برآسهآ على تعليقآت نسمه إللي مآترحم أحدّ فيهآ: نسسسسمـه ..
بعدهآ تدور بعيونهآ ع الموجودين وهي تحرك اللبآنه دآخل فمهآ بلكآعه: آممممم
حوريه: مين الطويله أوي دي ؟
صآحت مبرقه عيونهآ ويدهآ على فمه بدهشه كبيره: أووو مون ديـوووو ! مآصدق وش ذآآآ .. مآدري أنهآ وصلت
حوريه: مين دي يآبنتي !
نآظرتهآ نسمه وهي تلعب لهآ حوآجبهآ مبتسمه: هذي عآد بتعجبك لآزم تتعرفي عليهآ
حوريه: وليه يعني ؟
نسمه: هذي بنت عمي المصريه
عقدت حآجبيهآ بإستفسآر: بنت عمك المصريه !!!


نسمه: إفهمي يآخبله هي بنت عمي معآذ إللي متزوج من ذيك المصريه جيهآن .. عآد ورده هذي عمرها كلو عآيشه بمصر مآيجو السعوديه غير أجآزآت قصيره مره أو منآسبآت كذآ يعني .. توهآ جآيه من مصر أكيد مشآن زوآج أحمد أخوي
نآظرتهآ حوريه مره ثآنيه مبتسمه .. شكلهآ ملفت بطولهآ الفآرع ونحفهآ .. خآلفت إقترآح أمهآ ورآمآ بـ أنهآ تلبس فستآن لهآلحفله ومآرضت إلآ بـ إللي ينآسبهآ شخصياَ ببنطلون قمآش وآسع بـ اللون الفيروزي وبلوزه شيفون بيضآء خفيفه مره بأزرآر مفتوحه بدون أكمآم شعرهآ قصير مره بقصة الـ بوي ونظآرآتهآ الطبيه المحدده بإطآر أسود عريض .. كآن شكلهآ مميز وملفت عن كل الموجودات ..
نسمه: هي كذآ مو رآعية هآلشغلآت أبدّ شوفيهآ تصور المكآن .. هي أصلاً فوتوجرآفر تصويرهآ روعه رح أخليهآ تصورنآ أنآ ويآك بس تعآلي نسلم عليهآ




بخطوآت سريعه جهة ورده كآنت مبتسمه على تعليقآت نسمه وطريقتهآ فـ التعليق على كل وحده من الموجودات سوآ كآن عآجبهآ أو لآ .
وقفت فجأه مقطبه جبينهآ بدهشه: آوبـسسس
حوريه: إيـه ؟
نسمه: شوفي شوفي هذيك
رفعت رآسهآ لمكآن بعيد شوي على بنت شكلهآ نآعم مره وهآدي على كرسي متحرك
عقدت حآجبيهآ: مين دي يآنسمه ؟
نسمه: إحزري !
رجعت تنآظرهآ وهي على كرسيهآ بتنوره بيضآء وآسعه توصل لآخر سآقهآ وبلوزه دآنتيل مخرمه بـ اللون الأحمر تبين التوب الأبيض تحتها بدون أكمآم ونسمآت الهوآ تطير خصلآت من شعرهآ الكستنآئي الحريري المسدول على كتوفهآ بسيطه ومو متكلفه بمظهرهآ أبدّ عكس أغلب الموجودآت: آممم مش عآرفه .. مين ؟
نسمه: هذي ميسم بنت عم العروس شروق .. و خطيبة أخوي فرآس الله يرحمه
سكتت لثوآني بعد مآستوعبت: آممم قصدي إللي كآنت خطيبة أخوي
رجعت تنآظرهآ بتفحص وتدقيق أكثر: دي !!! وهو كآن خآطبهآ وهيـــآآآآآ ....
نسمه: لآ طبعاً هذآ من الحآدث .. كآنت معآه بـ السيآره هو إتوفى وهي زي ماتشوفينها
نآظرت حوريه بعيون نسمه إللي إنكسرت بنظره للأرض وخفت صوتهآ: طيب طيب إمشي نروح لورده الأول



رفعت رآسهآ بإبتسآمه: أيوه تعآلي .. مره حبوبه وبتعجبك
توجهو لورده إللي نزلت الكآميرآ من على عيونهآ أول مآظهر لهآ بـمربع التصوير نسمه مبتسمه إبتسآمه عريضه ومآده بوزهآ رآفعه إصبعيهآ الوسطى والسبآبه الحركه المعتآده فـ الصور: ههههههههه نسسسسمــه
مدت ذرآعيه بوسعهآ تحضنهآ: وحشتييينـي
نسمه: لآ والله مو وآضح ! فـ السعوديه بنت عمك وحبيبتك وروحك وقلبك وكل اعضائك ويوم تروحين لمصر مآعآد درينآ عنك حتى بـ إتصآل
شدتهآ من خدهآ اليسآر المنتفخ وهي تميل عليهآ وتبوسهآ من خدهآ الثآني وعيونهآ على حوريه .. بعدت عن نسمه وحركت رآسهآ بـ الإيجآب مبتسمه لحوريه وهي مآده لهآ يدهآ تسلم عليهآ: أهليـن
بآدلتهآ حوريه الإبتسآمه: أهلاً
نسمه: عآد شوفي ورده .. من بين كل الموجودآت قآلت بتتعرف عليك إنتي أول وحده
ورده: والله .. عآد هذآ شرف لي بس إشمعنى
نسمه: هذي حوريه بنت خآلتي مروه .. مصريـه .. طآر عقلهآ يوم قلت لهآ إنك عآيشه عمرك كله بمصر


قربت منهآ ورده وهي تضمهآ برآحه: عآد خلآص مآبي من الحفله بكبرهآ غير هآلحوريه .. نقضيهآ سوآ ونترك هآلبنآت إللي مآعندهم سآلفه
حوريه: ههههه أنآ بردو بقول كدآ أحسن
رفعت حآجبيهآ بإعجآب وهي تنآظر نسمه إللي لعبت لهآ حآجبيهآ بإبتسآمه وهي زآمه شفآيفهآ على بعض إن حوريه مآتحكي غير بـ المصري .
ورده: حيث كدآ بئآ أنآ هقلب مصري أنآ كمآن .. تعرفي أمي مصريه مع إن بآبآ سعودي بس مبتتكلمش غير مصري
حوريه: أنآ نفس الشيئ تمآماً بآبآ مصري بس مآمآ سعوديه بآبآ أوقآت بيقلب سعودي بس أنآ مش ممكن .. قطعت كلآمهآ وهي تلتفت لنسمه إللي أقفت عنهم بمسآفه طويله تآركتهم لوحدهم .
ورده: هه تدرين نسمه إجتمآعيه وتحب تتكلم مع الكل إللي تعرفه وإللي مآتعرفه .



/
/
/


فـ الجهه الثآنيه من الحديقه ورآ البيت مكآن مآدلتهآ وحده من البنآت لآخر مره شآفت فيهآ البنت المقعده على كرسي .. كآنت تدورهآ بين كل الموجودآت .. من بين الشجيرآت القصيره الكثيفه تخطتهآ بتأفف .. تجمدت قدآم المشهد إللي طآحت عيونهآ عليهآ .. أنوآر بنفسجيه خآفته حول المسبح المستطيل .. قربت أكثر من المكآن وعيونهآ عليه وهو يهز فـ الجسم الممدد .. نطقت إسمهآ بهمس وهي تشوفه يقرب بتوتر وتردد وآضح من هآلشخص الممدد: ميســــم !
صآحت بعدهآ تمنعه يقرب منهآ بعد مآشآفته يقرب فمه من فمهآ: لآآآآآآآآ
إنتفض جسمه مفزوع وعيونه عليهآ وهي تجري بإتجآههم .. جلست على ركبتيهآ رفعت ذقنهآ تهزهآ: ميسم .. ميييييســم .. ميسم إيش فيك !!
نآظرهآ ببلآهه وهي تردد إسمهآ وهمس: ميسم !
نسمه: لحظه .. لآتقرب لهآ ولآ تلمسهآ في هنآ ممرضه بنآديهآ ثوآني بس
حرك رآسه بـ الموآفقه وملآمحه مآليهآ القلق والخوف .




نآظرتهآ صيته بصدمه وإستنكآر وهي تسحبهآ بقوه من يدهآ ورآهآ
صيته: وقفـي .. مين إنتي .. وإش ذآ !!
وقفت نسمه فجأه وإلتفتت لهآ: فيه وحده غرقآنه هنآ عند المسبح مآعرف إيش أسوي .. أدري إنك ممرضه الحقيهآ
صيته: غرقآنه !! هنـآ !!
رجعت سحبتهآ بقوه: صدقيني مو وقت أسئلتك أبدّ تعآلي معي بسرعه
مشت لمسآفه بخطوآت سريعه وقفت بعدهآ فجأه وكأنهآ تذكرت شي: وقفي شوي بس هنآ وجآيتك ع طول لآتتحركي
بعدت عنهآ وعيون صيته تتآبعهآ مستغربه الموقف ومو فآهمه شي مين هآلطفله ومين هآلغرقآنه ووين غرقت أصلاً: هذي شكلهآ طفله وتلعب معي تستخف جآبتني هنآ فـ هآلظلآم وتركتني ..
جت بترجع لمكآن الحفل وقفهآ صوت نسمه الطفولي الرفيع: إستنـي .. استني صيتـه .. خذي
مدت لهآ العبآيه بيد ويدها الثآنيه على صدرهآ إللي يرتفع بقوه ويهبط بسبب جريهآ السريع
نآظرت بـ العبآيتين بيدهآ ونسمه عليهآ وحده: هذي لمين ؟
نسمه: تعآلي بسرعه



دخلت يديهآ بـ أكمآم العبآيه إللي مآتدري أصلاً عبآية مين .. نآظرت بـ كبآسين العبآيه لآبستهآ غلط .. ضمتهآ على جسمهآ بإهمآل وهي تتبع نسمه بهروله لحد مآوقفت مصومه لمآ شآفت جسم أنثوي ممدد على طرف المسبح وشآب جآلس على ركبتيه مغرق بـ المويه وملآمحه شآحبه: شكله هو إللي طلعهآ !
نزلت بـ الأرض لميسم وتمت تضغط على صدرهآ أكثر من مره بس مآفي فآيده .. سكرت خشمهآ وقربت من فمهآ بتعطيهآ النفس الإصطنآعي مره وإثنين وثلآثه وبعدهآ تضغط على صدرهآ توقفت لمآ شهقت ميسم وفتحت عيونهآ لثوآني بعد مآرجعت من فمهآ وأنفهآ كميه من المويه إللي شربتهآ ورجعت غمت مره ثآنيه .. صآرت تلطم لهآ وجههآ توعيهآ من جديد بس مآفي فآيده حتى دقآت قلبهآ ومستوى تنفسهآ إنخفض أكثر ..
رفع رآسه بخوف وآضح على ملآمحه وهو يهز رآسه يسأل عن حآلهآ !
صيته: الحمدلله بس لآزم نوديهآ مستشفى الحين صدرهآ منتفخ وأصآبعهآ بعد مآدري السبب
وآئل: أيوه بوديهآ
صيته: وقـف !


نآظرت بنسمه المتنحه ورآهآ وخوفهآ وقلقهآ مآيقل عن خوف وقلق وآئل المبين على ملآمحهم سوآ .
صيته: هآتي العبآيه إللي معك هذي ..
نسمه: ..........
شدتهآ منهآ بقوه بعد لمآ مآلقت منهآ ردّ عيونهآ معلقه على وآئل وهو شآيل ميسم بين ذرآعآته .. قربت منه ولفت العبآيه بإهمآل على جسمهآ: بجي معك المستشفى .. أنآ ممرضه فيهآ
مشت ورآ وآئل إللي يهرول لبرآ الحديقه .. إلتفتت ورآهآ لنسمه بتأكيد: لآتخبري أحد عن إللي صآر لأجل مآتخرب هآلحفله لآتخوفيهم ولآ تخآفي إنتي بعد مآفيهآ شي
مرت ثوآني وعيونهآ معلقه عليهم لحد مآ إختفى أثرهم فـ ظلآم الحديقه مآدرت على حآلهآ إلآ وقت إنتفض جسمهآ برعشه قويه من الجسم إللي التصق فيهآ من ورآ ظهرهآ ومحوط خصرهآ بيديه: البرنسيسه هنآ بتعمل إيه لوحد ....... قطعت كلآمهآ من إنتفآضة جسم نسمه إللي أفزعهآ وبعدهآ عنهآ بسرعه .
حوريه: بسم الله الرحمن الرحيم .. مآلك يآبنتي فزعتيني بجد
نسمه: إنتي إللي فزعتيني



نآظرتهآ بقلق بعد مآنزلت رآسهآ للأرض والدموع متجمعه بعيونهآ الصغيره: نسمه مآلك ؟ فيه حآقه !! ..
مدت يدهآ لذقنهآ ورفعت لهآ رآسهآ حتى تعرف تشوفهآ وفعلاً كآنت ملآمحهآ غريبه واللون مسحوب من بشرتهآ الشآحبه: نسسسسسمـــه .. مآلك إيه إللي حصل ؟ وإنتي وآقفه في الظلمه هنآ لوحدك ليه ؟
همست بخفوف: ميسم
حوريه: ميسم مين !
بنبره مقطوعه مبحوحه: ميسم الي كآنت على الكرسي المتحرك .. وريتك هيّ
حوريه: أهآ .. مآلهآ ميسم ؟
التفتت ورآهآ وهي تأشر بأصآبع مرتجفه جهة المسبح : ميسم غرقت هنآ .. بـ المويه
نآظرت حوريه للمسبح وإللي طآفي عليه الكرسي المتحرك معقده حآجبيهآ ومبرقه عيونهآ بفزع: وإزآي غرقت وهي فين أصلاً !!!
نسمه: مآدري شلون طآحت بـ المويه .. وآئل شآفهآ وهو إللي طلعهآ من المويه رآحو للمستشفى هو وصيته
بعدهآ معقده حآجبيهآ بعدم فهم وإستيعآب للي تسمعه: صيته !! ووآئل !! مين وآئل !!


صآحت بصوت مبحوح وهي ترتمي بحضن حوريه: وآئل ابن عمهآ أخو شروق .. هذآ بيته هو طلعهآ من المويه ورآحو للمستشفى مآدري حوريه إيش فيهآ ولآ إيش إللي صآر معهآ
مسحت على شعرهآ تهديهآ: خلآص يآروحي خير إن شآء الله مش بتقولي الممرضه دي فوقتهآ أكيد رآحو المستشفى زيآدة تأكيد على حآلتهآ إنهآ أحسن بس مش أكتر
نسمه: إيه صيته تقول إنهآ بخير بس مآدري يآحور .. مآدري
بعدتهآ عن صدرهآ وهي محتضنه وجههآ الصغير بيديهآ: خلآص يآنسمه لو فيه حآقه مش كويسه كآنت قآلتلك أكيد خير خير .. خير إن شآء الله المهم دلوقتي شوفي إحنآ ملنآش دعوه إبن عمهآ معآهم وهو هيعرف يتصرف ويقولهم بمعرفته .. تمآم !
هزت رآسهآ بـ الموآفقه وهي تمسح بقآيآ دموعهآ .
نفخت هوآ بنفس عميق: هــــــــــــوفف تعآلي نروح أحسن خلآص كفآيآ كدآ وشهآ فقر شروق دي
نسمه: إيه أحسن أبي أروح .. مآبي أظل هنآ
حوريه: نسلم الأول على العروسه ونمشي ... لطفك يآآآآآآرب



======
-----------
======


يتبــــــع ...

:::

======
-----------
======



بمدخل الطوآرئ .. الإستقبآل هآدي والحركه خفيفه تمشي بخطوآت سريعه وهي ضآمه العبآيه عليهآ لأنهآ لبستهآ بـ الغلط ومآعرفت تسكر كبآسينهآ وهو ورآهآ يتبعهآ: تعآل هنآ .. إدخل .. ثوآني وبجي
خرجت من الغرفه بعد مآنيمهآ وآئل على التروللي الأبيض متوجهه للأرشيف: عبد الصمد مين موجود من الدكآتره ؟


نزل كوب القهوه من يده: آمممم فيه دكتر خليل ودكتر عديّ
قآطعته بلهفه: وينه دكتر عديّ
كمل بهمس كلآمه إللي قطعته: ودكتر عٌمر
برقت عيونهآ بدهشه: دكتر عٌمر هنآ !!! مو دوآمه ! وينه دكتر عٌمر !
عبدالصمد: مآعرف والله يمكنه بـ المستشفى الحين
جرت لبرآ الطوآرئ بدون مآترد عليه .. هز رآسه بقلة حيله: متى بتعقل !
فـ الممرآت البيضآ الطويله تدور بعيونهآ بقلة إنتبآه لحد مآشآفت ثنتين من الممرضآت: وقفي وقفي أسمآ وينه دكتر عٌمر ؟
أسمآ: آآآآمممم فـ أرشيف الملفآت لسه شيفآه حآلن مـ ........
قآطعتهآ صيته وهي تكمل مشي بخطوآت سريعه .
نرجس: مآلهآ دي ؟
أسمآ بلهجه مصريه: شوفي بنت اللذينآ حتى فـ أجآزتهآ جيآلو .. قلدت صوتهآ بإستهزآء وهي تنطق إسم عٌمر: دكتر عٌمـــر .. عٌمــر .. دكتر عٌمــر .. هه ويآريتهآ تفهم إنو مش معبرهآ أصلاً
حطت يدهآ على فمهآ مبتسمه بعدم تصديق وهي مبرقه عيونهآ: لآآآآآآ متئوليهاااش .. صيته ود/عٌمـر !!!
أسمآ: مآتفهمي يآمتخلفه إنتي هيّآ بتدرب عنده وبس عشآن لسه جديده وهو بيعاملهآ ع الأسآس دآ هي بئآ إللي فآهمه الحوآر غلط
نرجس: يعني مش لاقيه غير د/عٌمـر مآتشوفلهآ وآحد سعودي إيه من قلتهم يعني
أسمآ: مثلاً يعني
نرجس: إمشي إمشي خلينآ نروح خلصنآ ورديتنآ


/
/
/


دفت بآب الغرفه بقوه: د/عٌمــــــــــر !
لف بظهره وهو يشوفهآ مدنقه بجسمهآ لقدآم ويدهآ على صدرهآ تكلمه وهي بنفس الوضعيه: د/عٌمـر في حآله خآصه
أول مآرفعت رآسهآ تعلقت عيونهآ بعيونه وهو ينزل فنجآن النسكآفيه من يده وينآظرها بنص عين .. إتسمرت بمكآنهآ لثوآني لحد مآحركهآ صوت عٌمـر إللي وآقف قدآم درج الملفآت الطويل المقسم لأدرآج مستطيله: صيته ! خير ! مآخلصتي دوريتك !!!
بعدت عيونهآ عن عديّ وهي ترمش بسرعه وبشكل متوآلي بتوتر: آآآ .. آآنـآآ .. إيه .. لآ بس فيه .. فيه وحده قريبتي نزلت بمسبح مويه .. هيّ مقعده مآتتحرك .. غرقت .. أنآ فوقتهآ وحست علي بس رجعت غمت وصدرهآ منفوخ شوي مآدري ليش !


قطب جبينه وهو ينزل الملف من يديه على الطآوله بعكس عدي إللي مآنزل عيونه من عليهآ يتأملهآ بتدقيق من فوقهآ لتحتهآ ببتسآمة إستمتآع خبيثه .. كآن فستآنهآ الستآن الفوشيآ القصير لتحت ركبتهآ محدد منحنيآت جسمهآ البآرزه مآتغير طولهآ المتوسط بسبب جزمتهآ الفلآت بنفس خآمة الفستآن الستآن ولونه .. وترهآ بنظرآته التفحصيه لهآ وظهر بلعثمة كلآمهآ: طيـ .. طيـب .. أنآآ .. أنآ .. أنآ دخلتهآ غر .. غرفـه ومعآهآ وآ .. وآآ ...
عٌمر: صيته لهآلدرجه قلقآنه عليهآ ومو قآدره تجمعي كلمتين على بعض !! هذآ حآل المتدربين الجدد دآيم .. " بهآللحظه إبتسم عديّ إبتسآمه جآبت آخر صيته وهو يدري إن توترهآ هذآ بسبب نظرآته له مو سبب ثآني "


عٌمر: إهدي بس بسيطه أهم شي الإسعآفآت الأوليه إللي سويتيهآ ونفسهآ إللي ردّ لهآ .. تعآلي معي
دخلت خصله من شعرهآ الأسود اللي ظهر بتمرد من تحت طرحتهآ ورجعت ضمت العبآيه بقوه على جسمهآ بعد مآحست على حآلهآ وإن عديّ كل هآلوقت وهو ينآظرهآ بدون أي مرآعآه .. عضت على شفتهآ السفلى بتأنيب كردّ فعل تلقآئي على غبآءهآ !
رجع إبتسم مره ثآنيه وهو يحرك رآسه بـ النفي بخآطره: مآفي فآيده !
مدّ له الملف قدآمه: شوف راجعهم كذآ على مآ أشوف الحآله وبردلك أو تعآل معي كذآ كذآ خلصنآ ..
نزل الفنجآن من يده بس مآرشف آخر قطره فيه ووقف .. رفعت رآسهآ وعيونهآ الوسآع الدآكنه معلقه بعيونه الذهبيه .. خرج من الغرفه بثقل ويدينه بجيوب البآلطو الأبيض .. خرجت من بعده وبعدهم عٌمر



/
/
/



بـ غرفه بـ الطوآرئ ..
فتحت عيونهآ بضيق من النور الشديد المسلط عليهآ .. عيونهآ بعيونه تحس بأنفآسه الحآره تحرق وجهها البارد .. غمضت عيونها بإبتسآمه خفيفه .. شعورهآ بـ العآطفه مسيطر عليهآ وهو يحرك أنآمله على خدهآ الممتلئ يبعد خصلآت شعرهآ المبلله ونظرة الدفآ والحنآن بعيونه .
فتحت عيونهآ بسرعه وأبعد هو رآسه عنهآ بشكل أسرع لمآ تنحنح بصوت جهوري ضخم .. دخلت جسمهآ الصغير بينآتهم وهم وآقفين ع البآب .
صيته مأشره عليه: هذآ د/عٌمـر .. يقول خير إنشآلله بسيطـه
هزت رآسهآ بقوه وهي تغمض عيونهآ وتفتحهآ أكثر من مره على التوآلي في محآوله منهآ للإسيعآب بعد مآعدلت من وضعيتهآ على السرير للجلوس همست بعدم تصديق فـ خآطرهآ: منو ذآ ! وينه فرآس ؟ هذآ مو فرآس !
بصوت مهزوز مرتجف: إنت .. إنت .. إنـت مين ؟



قطب عديّ وعٌمر حآجبيهم إستنكآراً لسؤآلهآ عن هويته ووضعهم قبل دخولهم إثنين عآشقين ! اللحظه إللي كآنت لثوآني الآ أنهآ أظهرت الكثير من المشآعر الدآفيه بنظرة وآئل لميسم وإبتسآمتهآ برآحه وإستسلآم وهي مغمضه عيونهآ متطمنه لوجوده جمبهآ .
نآظر وآئل لصيته بقلق .. ملآمحه متوتره ووجهه شآحب بخوف .. قرب عٌمر بعدهآ من ميسم وبدآ يفحصهآ وعيون وآئل تتآبعه بإهتمآم .
شدهآ بقوه من ذرآعهآ لورى ستآر سرير ثآني بنفس الغرفه وشد الستآر عليهم .. حزته بنظرة إشمئزآز حآده وعيونهآ على يده المشدوده على ذرآعهآ .. نزل عيونه مكآن مآتنآظر هي فهم قصدهآ بس مآهتم ولآ عبرهآ .
من بين أسنآنه وهي تحآول تضبط هدوءهآ: د/عـــديّ ..
سكت لثوآني وهو مضيق عيونه بعد مآسمع إسمه بـ الطريقه إللي تأسره بشكل أو ثآني منهآ .. هـ التضخيم لإسمه وإللي مآعمره سمعه غير منهآ
برقت عيونهآ بتهديد زآمه شفآيفهآ بقوه إللي ظهرت كخط رفيع بوجههآ .
عديّ: وإنتي يآهآنم مو نآويه تسكري هآلعبآيه وتدآري جسمك بدآل هآلإستعرآض !! كل الرجآل شبعوآ فرجه عليك .. مو كفآيآ كذآ ولآ شلون ؟




فكت ذرآعهآ من قبضة يده بعنف .. قربت وجههآ رآفعه ذقنهآ تحآول توصل لطوله وتقآبله وجهاً لوجه من بين أسنآنهآ: وشكلك نآسي إنك أول وآحد شبع فرجـه !
نآظرهآ بإستخفآف وكأنه ينآظر قزم تحت رجوله: هه .. ريحي حآلك هذي كآنت تطليعه بسيطه .. أقيم وضعك مو أكثر
ضيقت عيونهآ بحقد وهو يحس بـ أنفآسهآ الحآره القريبه منه تزيد وتحتد أكثر .
غمض عيونه بثبآت محرك رآسه بـ الإيجآب: آممم أيوه .. وضعك كـ أنثى .. يعني أشوف مقومآتك .. حرك يده بظهر أصآبعه من كتفهآ لكوعهآ ملآمس لعبآيتهآ الحرير ..
رفعت صوتهآ بحده: تعرف إنك وآحد حقـ ......
حط يده على فمهآ بقوه يمنعهآ وهمس: إتطمني .. مقومآتك عآليه .. بس مآتعجبيني !
بعد عنهآ بسرعه وخرج لعٌمر مبتسـم .. ردّ له عٌمر الإبتسآمه وهو يحرك رآسه بالنفي بعد مآخرجت صيته من بعده ولونهآ شآحب بملآمح متوتره
همس بـ أذنه بعد مآقرب عليه: عديّ .. إنت حقير !
إتسعت إبتسآمته السآحره وهو يأكد كلآم عٌمر بتعآبير وجهه بدون ردّ .
قطع الهدوء صوت ميسم الحآدّ الموجه بحقد وكرآهيه لوآئل: إنت إيش تسوي هنآ !!!
وآئل: ميسم أنآ وآئـ .....
قآطعته بحده من بين أسنآنهآ: أدري إنك وآئل .. أخو الست هآنم دآرين وإللي المفروض إني بنت عمكم !



نقل نظره بين الموجودين والإستفهآم على ملآمحهم كلهم .. قرب منهآ بهمس: ميسم وش فيك ؟!!
نآظرته بحقد صآحت بوجهه والدموع متجمعه بعيونهآ: أن إللي وش فيني ولآ إنتو إللي وش فيكم !!! أختك دآرين يآ أستآذ وآئل هي إللي رمتني بمسبح المويه وأنآ معآقه مآ أتحرك .. رمتني وهي تدري أنهآ آخر مره رح تشوفني فيهآ .. إن كنت كآفر كآن رحمتني وأنآ أترجآهآ .. رمتني بـ المويه بكل دنآوه وحقآره ولآ سألت .. عطتني ظهرهآ ومشت
نآظر عٌمر بـ عديّ وصيته وثلآثتهم ملآمح وحده متجمده .. متبلده تحآول تفسر هآلمشهد الغريب وصدمتهم مآتقلّ بشي عن صدمة وآئل وهو يشوفهآ مغطيه وجههآ بكفوفهآ ومنهآره بكآ .. جلس على طرف السرير مآد يده ليدهآ يبعدهآ عن وجههآ: ميسم نآظريني .. وش هآلكلآم .. دآرين سوت فيك كذآ !!! وليش طيب ! مآني مستوعب !!
بعدت يده عن يدهآ بقوه وصآحت: ولآ انشآلله عنك استوعبت .. اطلع بـــــــــــرآآآ .. برآآ مآبغى أشوف وجهك .. لآ انت ولآ خوآتك .. إبعدو عني ابعدووووو حسبي الله عليكم


وقف من ع السرير رجع خطوتين لورآ بتثآقل نظرآته ضآيعه بإستفهآم للي قآعد يصير .
قطع الموقف دخول زبيده تلهث وهي تهوي بـ الغطآ على وجههآ: ميسم .. ميسم يآبنتي ..
قربت من سريرهآ ضمتهآ بقوه لصدرهآ: يآعمري وش فيك وش إللي صآرلك والله تخرعت بغى قلبي يوقف .. بغيت أموت يوم قآلتلي دآرين .
نآظرتهآ بترجي وعيونهآ محمره من الدموع: دآآآدآآآآآآآ
ضمت زبيده وجه ميسم بيديهآ الثنتين وهي تمسح دموعهآ بـ إبهآميهآ وبعدهآ مسحت بـ كم عبآيتهآ مخاطهآ إللي سآل من خشمهآ: خلآص حبيبتي إهدي مآصآر شي .. خير الحمدلله
رفعت نظرها لـ عديّ: مآفيهآ شي دكتور واللي يعآفيك طمني !
هز رآسه بـ الموآفقه وهو مغمض عيونه بهدوء تأكيد على كلآمهآ
مسحت زبيده دموعهآ إللي تسللت غصب عنهآ: هآ يآعمري سمعتي .. مآفيه شي
ميسم: دآدآ بنطلع من هنآ الحين .. أبغى أروح البيت
أسندت زبيده يدهآ ورآ ظهرهآ تقومهآ من على السرير .. طآحت عيونهآ وهي تحآول توقف من على السرير عليهآ وآقفه على البآب مسنده عليه بكتفهآ ومكتفه يدينهآ الثنتين تطآلعهآ بنظرآت انتصآر حآده رآفعه حآجب وآحد .


ميسم: ولك عين بعد تجين لهنآ يآللي مآتخآفين ربك حسبي الله ونعم الوكيل
كل الغرفه تحول نظرهآ عند البآب ببلآهه لهآلمشهد الدرآمي إللي مآيصير غير بـ المسلسلآت .
بصوت هآدي حآلم: ألف لآبآس عليك حبيبتي ميسم .. مآتشوفين شرّ إنشآلله !
بصوت جهوري ضخم حآد: دآريـــــــــــــــــن !!!
رمشت بعدم إستيعآب وهو تشوفه يقرب منهآ والشرر يتطآير من عيونه .. بلعت ريقهآ بصعوبه: وآآئل .. وش تسوي هنآ !
مآدرت الآ بكف عنيف صفع خدهآ جآبهآ الأرض
جرت زبيده لعند وآئل مسكته من يده إللي مآسكه شعر أخته من تحت الطرحه يحآول يقومهآ من على الأرض وهو شآد شعرهآ .
زبيده: لآ يآوآئل لآ .. تكفى .. وإللي يرضى عليك يآولدي لآآآآ
إنسحب عديّ بهدوء سآحب معه صيته إللي كآنت مبرقه عيونهآ وفآتحه فمهآ ببلآهه شآددهآ من ذرآعهآ لبرآ الغرفه .


عديّ: إنتظري هنآ بجيب جآكيتي وجوآلي مآبتأخر
صيته: وليش إنتظرك ؟
عديّ: بوصلك .. ولآ إنشآلله بتآخذين تآكسي بهآلوقت من الليل !
زفرت هوآ بضيق من أسلوبه وتحكمه المو منطقي أبدّ وفوق كل ذآ تصرفآته .. شلون تروح معه بـ السيآره بأي وقت من الأوقآت أجل كيف بهآلوقت .. هذآ شلون يفكر: هففف وإنت مين مفكر حآلك بـ الله عشآن تعآملني كذآ !! إيش هآلوقآحه إللي فيك ! وبعدين مين قآلك إني محتآجه لك ولآ لخدمآتك ! أروح مشي ولآ إني أكون معك ولآ انشآلله مآرحت حتى ببيـت هنآ بـ المستشفى
رفع أكتآفه بلآ مبآلآه وبعدهآ عطآهآ ظهره: برآحتك !
بصوت مهزوز تحآول تجمع قوتهآ: إسمــع ! .. أنآ لحد اليوم كنت مسويه إعتبآر لعلآقتك بدكتر عُمر وأعآملك بلطف وإحترآم ولآ انآ ترآ مآ اطيق مصالتك هذي من أول يوم شفتك فيه .. هذآ غير وقآحتك .. وإذآ بتظل على وضعك وإسلوبك ذآ معي يآ عٌــدَيّ صدقني رح تشوف إللي مآيعجبك !
لف برآسه بس وبعده معطيهآ ظهره: وتعرفين تعلين صوتك وتهددين بعد ! آمممم حلـوو
أقفى عنهآ بخطوتين وبعدهآ وقف كأنه تذكر شي: بس حلو إسمي منك بدون كلمة دكتور على فكره !
ظلت تتآبعه بقهر وهي عآضه على شفتهآ السفلى بقوه لحد مآختفى عند آخر الممرّ .



/
/
/



بـ نفس المكآن بعيد عن برودة وجمود الموقف بين عديّ وصيته كآنت الأجوآء طآحنه من صيآح ميسم وترجي زبيده وأنين دآرين وزفرآت وآئل الحآده .. بـ زآوية الغرفه فـ جمود مبرق عيونه بصدمه من هآلموقف إللي يشوفه قدآمه مآيدري هل يتدخل يبعده عنهآ أو هو كذآ ممكن يحرج نفسه فـ حوآر شخصي عآئلي .. وآئل معذور بردة الفعل العنيفه هذي منه لأن نيتهآ كآنت شرّ ببنت عمهآ لولآ الصدفه إللي نجتهآ يعني كآن ممكن وتصير جريمه والموضوع له أبعآد بس عذره مآيعطيه الحق أنه يعآقبهآ بهآلشكل وبهآلمكآن .



شده بقوه من معصمه رفعه من فوقهآ: يآخوي مآيصير كذآ .. إنّآ بمستشفى .. مب ذآ المكآن المنآسب إللي تحلون فيه خلآفآتكم وإن كآن فيه حل فصدقني مو كذآ .. مو بهآلطريقه أبد ! آسف إن كنت بتدخل بس لآتنسى إنهآ بنت ! .. حآول تسيطر على أعصآبك شوي أكثر من كذآ .. شوي وبتروح بين يديك .. مآرح تكون أحسن منهآ فـ إللي سوته هي مع بنت عمهآ إنت بتسويه مع أختك !
غمض عيونه بهدوء تأكيد على كلآمه وهو يشوفه يلتقط أنفآسه بصعوبه بعد مآحرك نظره لدآرين المرميه بـ الأرض والدم من أنفهآ وفمهآ صبغ الأرضيه تحت رآسهآ .. نفض معصمه من قبضة يد عٌمر المشدده بقوه وخرج بسرعه من الغرفه بخطوآت زلزآليه عنيفه !


أشرت بأصآبع مرتجفه وشفآه متخبطه والدموع بعيونهآ على دآرين: دكـ .. دكتـ وور .. دكتـور شوفهآ .. شوفهآ وش فيهآ تكفـــآآآآآآ شووفهآ .. الحقهآآ .. دآدآ زبيده شوفي دآرين .. وش فيهآآ آآآآه يآربي
شآلهآ بين ذرآعيه بعد مآ بعد إثنين من الممرضين إللي دخلو الغرفه مصدومين من كل هـ الصيآح والضجه إللي كآنت موجوده
عٌمر: ارتآحو إنتو شوي أو تقدرو تروحو وترسلو أحد من أهلهآ .. خير انشآلله مو صآير شي
جلست مربعه على الأرض مآسكه رآسهآ بيدينهآ وتهز بقوه فـ جسمهآ: يآآآربي وش ذآ .. وش إللي صآير !! عين وصآبتكم .. يـ الله فرحة العروس تنطفي كذآ بـ إللي صآر لأختهآ وبنت عمهآ .. لطفك يآربي
خرج لغرفه ثآنيه فآرغه بـ الطوآرئ .. سكر البآب برجله بعد مآدخل وهو شآيلهآ على ذرآعآته مددهآ على التروللي الأبيض وبدآ يسعفهآ !



======
-----------
======


يتبـــــع ....


:::

======
-----------
======




كآن الوقت مخآلف لظـلآم الليـل بـ السعووديه ...

صبآح نيويوركـ البآكر ...
في شقته الأميركن ستآيل مع رفيقه الشآمي الشيف الرئيسي المسآعد .
نزل قزآزة المويه من على فمه بعتب على تصرفآته الغير منطقيه: ولك عم تحرجني هيك
وآقف ورآ المشرب الدورآني الرخآمي للمطبخ المفتوح على الصآله ببنطلون ريآضي مربوط الخصر وصدره عآري ..


نآظره وهو يسكب الحليب بـ الكآسه بدون أي تعليق منه: عم حآكيك .. شـووو !
نجم: دبر حآلك
إدوآرد: لك والله مآفيني خبر هآلمآيكل المجنون يسرح وآحد مشآن حيآلله بنت مآبعرفهآ .. ولك !!! "ضرب قبضتة اليمين بكفه اليسآر وهو يزفر بعصبيه": ولك ولآ إنت حتى بتعرفهآ .. كل الموجودين كفآءآت وإمتيآزآت
نجم: إدي .. صدقني هذي أكثر وحده رح تشتغل بـ إمتيآز وكفآءه .. بس أعمل إللي وصيتك فيه وبكرآ قآبلني وقول صدقت يآنجم
إدوآرد: وكيف بتعرف وإنت مآبتعرفهآ أصلاً ؟ وليش حتى تسآوي كل هآد مشآنهآ !
مد شفآيفه مبوز بلآ مبآلآه: شفقه من أكثر
ميل فمه بـ إستخفآف: هيهيهيهي .. شووو !! ولك إنت مآفي مره مآبتشفق عليهآ ولآ بينولهآ نصيب من عطفك !
غمز له بـ إبتسآمه عريضه جذآبه وهو يرفع له كآس الحليب: you got it (لقد أصبـت)
هز رآسه بقلة حيله: ومتى بتشرف ! مآفيني سرح حدآ وعطل الشغل مشآنهآ
نجم: دونت ووري .. اليوم او بكثيره بكرآ وتكون عندك .. بس أهم شي مثل مآوصيتك .. لآتوآفق عليهآ بسرعه .. عآملهآ بـ إستخفآف وبدون أييييي مبآلآآآآآآه .. كنك مستحقر وحده مثلهآ تشتغل عندك
إدوآرد: هه صدقني أنا مآرح كون كزب إذآ هيك خبرتآ .. أنآ فعلاً إستحقرتهآ من كلآمك قبل مآشوفهآ حتى !
نجم: حطهآ تحت فترة إختبآر قبل تثبيتهآ
إدوآرد: ولك خلآص صرت عآيد الحكي شي 100 مره !
نجم: somthing missd ! (فآتك شيئاً مآ !)
إدوآرد: شو في بعد !



بطرفة عين كآن نجم مطير مفتآح من بين أصآبعه استقر على الطآوله قدآم إدوآرد بعد مآخلص تقطيع الفوآكه المشكله بـ الطبق الكبير قدآمه: تسألهآ عن مسكنهآ بحجة إن كآن قريب من مقرّ الشغل أو لآ وإللي أكيد رح يأثر .. وإذآ لآحظت توترهآ وهذآ الأكيد لأنه مآلهآ سكن أصلاً .......
قآطعه بحده ونفآذ صبر: شـــــــووو !!! وبتشغللي بنت شوآرع كمآن لك هآد إللي كآن نآقصنآ
علق قطعة كيوي وفرآوله بـ الشوكه دخلهآ لفمه بـ إستمتآع وهو مغمض عيونه برآحه: هـمممم .. بتسوي حآلك تفكر بموضوع السكن وبعدين بتعطيهآ هـ المفتآح وإللي عنوآنه هنـآ ...
برق عيونه بصدمه: هنــآ ! وين يعني هنا !
أشر بعيونه على البآب الخشبي من يسآره: تــؤ مو هنا .. هنآك
التفت ورآه مكآن مآ أشر له نجم بطرف عيونه فآتح فمه ببلآهه مآفهم قصده !
نجم: هذآ ملحق شقتي .. بتدبر حآلهآ فيهآ لحد مآتلآقي سكن
هز رآسه بـعدم إستيعآب للي يسمعه: أجـــدب !
نجم: مآرح وصيك !
تنهد بعمق بـ قلة حيله: دآم هيك بدك
أرسل له نجم بوسه خفيفه من فمه المضموم بـ الهوآ .. وقف بعدهآ إدوآرد بـ إبتسآمه عريضه: ولك خليني روح هلـلأ بخآف ع حآلي
نجم: والله ! أجل إنقلع برآ الشقه يللآ
توجه لبآب الشقه وإللي بنفس الصآله: هللأ بتقلعني .. طآآيب يللآ طآلع .. سلآم



خرج إدوآرد وظل من بعده نجم معلق عيونه على البآب الفآصل شقته عن الملحق الثآني وإللي عبآره عن صآله صغيره يتوسطهآ مشرب خشبي قصير بشكل حرف الـ L ورآه فرن كهربآ وثلآجه صغيره و 3 درجآت سلم عريضه تطلع على غرفة نوم صغيره وحمآم وحيد مرتبط فيهآ .. كآن هـ الملحق لشريكه فـ السكن قبل مآيرتبط وينتقل لشقة حبيبته !! (عآدآت غربيه مآلنآ فيهآ -_-) .. من وقتها وهآلملحق مقفل بمفتآح وحيد مع نجم ومفتآح ثآني للبآب الرئيسي لهآلملحق من برآ وإللي يظهر إن شقة نجم وهآلملحق شقتين منفصلتين تمآماً ببآبين جمب بعض ..
نآظر بـ الصحن قدآمه وصآر يقلب سلطة الفوآكه بـ الشوكه إللي بين أصآبعه وعلى طرف فمه شبح إبتسآمه .




======
-----------
======




منتصف الليـل بـ السعووديه .. بـ المستشفـى ...

رفعت يديها لجبهتهآ تتحسسهآ وهي تحآول تفتح عيونهآ بألم .. قآم من على الكرسي المجآور لسريرهآ: آآآآ .. آمممم ويـن .. وين أنآ !!
إبتسم بهدوء: بـ المستشفى .. هآ وش تحسين فيه !
غمضت عيونهآ بتشديد وهي تحآول تتمآسك أكثر ومآتظهر أي ضعف زآمه شفآيفهآ بقوه مطبقه عليهم: أنآ تمآم
أطبق فمه بقلة حيله على تصنعهآ فـ كبت إللي تحسه من ألم .. قرب منهآ وسآعدهآ تعدل وضعيتهآ .. رفعت يدهآ لجبهتهآ تتحسسهآ: إيش .. هذآ إللي ع رآسي ؟
عٌمر: شآش
نآظرته بعيون مزرقه منتفخه متصنعه القوه والحزم والحده .. تمّ معلق عيونه العسليه بعيونهآ الوسآع الدآكنه .. حسّ بـ ضغط الدم بـ أوردته يعلى أكثر ويحتد .. نبضآت قلبه تضآعفت بعنف لحد مآزفر نفس حآر وهو يشوفهآ تميل برآسهآ لقدآم بإختلآل .. حط يده تحت رآسهآ أسندهآ على المخده ورآهآ .. طلع شريط من جيب البآلطو حقه وفك منه حبـه مدهآ لهآ بوسط كفه الكبير وبيده الثآنيه قزآزة مويه معدنيه .



مسكت طرف كمه بضعف بعد مآشربت الحبه: دكتـور
زآد توتره من مسكة يدهآ المرتجفه .. عقد حآجبيه بإستفهآم !
دآرين: مويه .. أبي مويه بعـد .. حلقي نآشف
رجع مدّ لهآ القزآزه بإبتسآمه حآنيه خفيفه .. قرب بعدهآ الكرسي للسرير وجلس مكتف يدينه عيونه معلقه عليهآ حركة تنفسهآ الهآديه المستقره مغمضه عيونهآ فـ سكينه
دآرين: دكتور هنآ !
رفع نظره بإنتبآه: أيـوه !
دآرين: شكراً
إبتسم كرد فعل تلقآئي على شكرهآ الغريب له وهذي وظيفته: أنآ دكتور
دآرين: أنت أبعدته عني
عٌمر: أي أحد مكآني كآن رح يبعده .. حتى بنت عمك كآنت تبعده عنك بصيآحهآ وترجيهآ له .. وهذيك الدآدآ كمآن ..
زمت شفآيفهآ بحده للي فهمته من كلآمه واللي يقصد يرميهآ فيه حتى وإن مآكآن يقصد فـ الرسآله وآضحه .. لآحظ الخطوط العريضه إللي ارتسمت فـ جبينهآ تحآول تكبح وجعهآ .. نزل عيونه للأرض مميل فمه بإستنكآر: لآتضغطي على أعصآبك .. ولآتحآولي تكبحي أي ألم تحسي فيه عشآن مآترجعي تنزفي .



ظلت تزفر هوآ بحده كنوع تخفيف من حدة إللي تحس فيه بدون أي تعليق .
عٌمر: آممم هذي الدآدآ زبيده .. وصلت قريبتك ورجعت هنآ طول الوقت تستنآك فـ الإستقبآل ..
فتحت عيونهآ بدهشه ملتفته له: زبيده ! هنآ !
عٌمر: أهـآآ
دآرين: مآحد من أهلي جآ ؟
زم شفآيفه بأسف بدون رد .. رفعت جسمهآ بصعوبه وهي تبعد الغطآ الأبيض عنهآ: ابغى أروح
وقف بسرعه يلحقهآ رفعت يدهآ بوجهه تبعده: لآ تقرب علي .. إبعـد
وقف متجمد بمكآنه مقطب جبينه العريض معقد حآجبه بإستنكآر لهآلرفض فـ مسآعدتهآ وهي بهآلحآله !
مدت يدهآ لطرحتهآ إللي كآنت جمبهآ على السرير .. لفتهآ بإهمآل على رآسهآ وملآمح التعب متمكنه من وجههآ المجهم .
عٌمر: بعدك محتآجه للرآحه
دآرين: خلآص إبعــد .. كملت بـ إشمئزآز وهي تحرك يدهآ بلآ مبآلآه: شكـراً
بعد عنهآ رجع خطوتين لورآ وهو يلعن حآله .. هل بآلغ بردّ فعله وهآلشي ضآيقهآ أو هيّ إللي التحقير بطبعهآ !
خرجت بتثآقل تجر رجولهآ مسنده بجسمهآ على الجدآر إللي مشت وهي تمسحه بكتفهآ .




======
-----------
======



مقتطفآت من أحدآث الفصل الثآلـث ...



تحررت دموعها بعد مافهمت المغزى من نظرته الآسفـه لها .
همس بدفآ: وليش البكآ الحين ؟
مسحت دموعها بظهر كفها: مافي .. مافي شي من ذا أبدّ .. لآعمري فكرت ولا رح افكر بدكتور عٌمر بوضع غير وضعه الطبيعي بالنسبه لي .. انه مجرد دكتور وانا متدربه عنده مو اكثر من كذا او اقل .. واللي يفهم غير هالحكي .......... سكتت مطلقه زفره عميقه وعيونها بسقف الغرفه تمنع البآقي من دموعهآ ينزل .............

>
<
>
<

رمش مرتين بثبآت في محآوله للإستيعآب .. ظل معلق عيونه عليهآ بتفحص وهي تلف حول الطآوله وأطرآف أصآبعهآ تلآمس حوآف الطآوله بهدوء .. ظلّ يتآبعهآ من مكآنه .. نصه السفلي ممدد على الكنبه مسند ذقنه على ظهر الكنبه من فوق .. ضيق عيونه بترقب لهآ وهي تمسك عصآ البليآرد .. ميلت جسمهآ بطريقه مغريه على الطآوله تنآظر بـ الكرآت المجمعه مغمضه عين وفآتحه الثآنيه .. ضربتهم ضربه فآشله لتفرقهم عن بعض ببرود .. رجعت العصآ على الطآوله وهي مبتسمه تبعد خصلآت شعرهآ عن وجههآ ورآ أذونهآ: تــؤ تـؤ ضربه فآشلـه

>
<
>
<

دخل يديه بجيوب بنطلونه البآقي الكحلي وبعدها برق عيونه وكآنه تذكر شي .. توه يستوعب الموقف إللي مآعرف يتصرف فيه صح من أول .. أعرض عنهآ بحده وآضحه معطيهآ ظهره: إحـم .. خذي رآحتك وآسف مره ثآنيه ..
هزت رآسهآ بآلإيجآب بدون أي رد ّ .. خرج بعدهآ من الجنآح بهدوء يلعن سوآته بعد مآلعن نفسه قبلهآ 100 مره .. وآلله إني مبّ رجّـآل !!.
ظلت مميله رآسه تشوفه من ورآ البآب بعد مآخرج وهي ضآمه العبآيه بقوه عليهآ .. حركت يدهآ تهوي على وجههآ: أوفف وش ذآ .. وش هآلموقف يآربي !!!

>
<
>
<

بخطوات سارقه هاديه مشت تمنع صوت الكعب بعد مآطلعت من غرفتهآ لحد مآوصلت لدرآبزين الدور الثآني كأنه شرفه مطله على مدخل الدور الأول تحتهم .. البيت هآدي .. الشغآلين مشطبين من بدري لأن مآحد بيكون موجود .. كملت بنفس خطوآتهآ الهآديه جهة الغرفه المقآبله لغرفتهآ هي وزوجهآ وعيونهآ بترقب لورى على بآب غرفتهآ .. لحد مآوصلت بآب غرفته دخلت بسرعه وقفلت البآب ورآهآ .
لف رآسه بسرعه من إنفتح البآب وتقفـلل مصدوم !
بخطوآت سريعه خآطفـه وصل لهآ مبرق عيونه بغضب وهمس بين أسنآنه: نآهـد ! إنتي وش إللي جآبك هنآ !

>
<
>
<

بعدهآ على وضعهآ تضحك بهستريآ: ههههههه والله بموت .. آآآه يآبطنـي .. مآشفتيه شلون ينآظرك ولآ عبرني بكلمه حتى إنه مآنآظرني .. طبببببببعاً وشلون بيلآحظني وأنتي معي قدآمه ! هههههههه يـ الله بآلله شفتيه وهو يعدل الكبك حقه يوم إنه رفع رآسه شلون كآن شكله .. مآطآحت عيونه غير عليك ومآشآلهآ عنك .. أيــــوآ أيوآآآآآ ضربتهآ بكوعهآ وهي تغمز لهآ
طيرت عيونهآ وهي تنفخ هوآ: سخيفـــــه

>
<
>
<


نهآية الفصل الثآني


:::