منتديات غرام روايات غرام أرشيف الروايات المغلقة - لعدم إكتمالها رواية لمار حياتى أنا/ للكاتبة :رسولى قدوتى
اسيرة الماضى والذكريات ©؛°¨غرامي مشارك¨°؛©

السلام عليكم ورحمة الله وبركاتة
الرواية دى فى قمة الروعة اتمنى ان تعجبكم وهيكون بارتين فى اليوم اوك

شخصيات القصة :


1- لمار : بنوتة جميلة شعرها اشقر وبيضة وعنيها لونها ازرق وزي القمر عندها 22 سنة فى كلية صيدلة تاني سنة رومانسية بس ساعات بتقلب

2- عمر : صديق لمار من الكلية ولد طايش بس لمار بتحبه عانده 23 فى سنة تالتة كلية صيدلة

3- سيف : ولد مؤدب ومحترم عانده 24 سنة فى كلية طب

4- احمد : بابا لمار بيحبها اوي وحنين بس ساعات بيبقي عصبي جدا من خوفوا عليها

5- تسنيم : بنت عامة لمار بتحبها مووووت ومش بيخبوا ع بعض حاجة لانهم كمان متربين مع بعض

6- نوران : مامة تسنيم وعمة لمار بتحب لمار وبتحس انها بنتها لانها اتربيت مع تسنيم بعد وفاة مامتها وهى بتولدها


وبقية الشخصيات هنعرفها من خلال القصة



نبدا
الحلقة الاولي

(لمار قاعدة ع مكتبها وماسكة القلم والورقة)

احبك..
يا من سرق قلبي مني
يا من غير لي حياتي
يا من احببته من كل قلبي
يا من قادني الى الخيال
حبيبي
أهديتك قلبي وروحي
وبين ظلوعي اسكنتك
ورسمت معك احلامي
و وعــــــودي
.........

(دخلت تسنيم ع لمار لقيتها سرحانة وبتكتب فى ورقة)


تسنيم (بصوت عالي) : قفشـــــــتك يابنت عمو احمد
لمار (بخضة) : هه حرام عليكي يا تسنيم انتى هبلة يابت ولا بتستعبطي ده انا ممكن كنت اروح فيها دلوقتي
تسنيم : هههههههههه ليه بس يا قطتي بعد الشر عليكي
لمار : مكنش هيبقي شر لو مت دلوقتي ياختي .. انتى ايه الى جابك صحيح
تسنيم : انتى مالك انتى (وبتطلعلها لسانها) .. ده بيت خالي وجاية اشوفوه فى مانع
لمار : اه خالك ماشي ياختي يلا هوينا بقي
تسنيم : لا مش هطلع وريني انتى كاتبة ايه فى الورقة
لمار : وانتى تشوفي ليه يا ماما الى انا كتباه اطلعي بره يابت
تسنيم : وريني بدل ما اعلي صوتي واعملك فضيحة تسمع الشارع كله
لمار : انتى بتخوفيني ولا ايه روحي يا حلوة يلا من هنا هش هش يلا خالك بينادي عليكي
تسنيم : هعمل نفسي مش سامعة حاجة

(راحت اخدت تسنيم الورقة وجريت بيها فى الاوضة)
لمار (اتعصبت) : تسنــــــــــــيم اديني الورقة يلا
تسنيم : هههههه توء توء لو قعدت وحكتيلي عملتي ايه مع الواد عمر هديلك الورقة
لمار (بكسوف) : يوووه يا سيمو بقي
تسنيم : هههههههه حلوة الطمطماية دي يلا اقعدي واحكي
لمار : طيب طيب
تسنيم : هاااااا
لمار : مفيش ياستي معملش حاجة انتى عارفة انى متضايقة منه جدا مش بيسأل عليا معأني كل يوم بكلمه بالعشر مرات واكتر وهو مش بيعبرني ولو حتي بميسد كول
تسنيم : بصي يا لمار انا قلتلك بلاش عمر شكله طايش ومش بيعرف يتحمل مسؤلية
لمار : يعني اعمل ايه يا تسنيم حبيته اوووي اعمل ايه طيب قوليلي انتي
تسنيم : متعمليش انتى حرة انا قلتلك وحظرتك منه
لمار : انتى عارفة لو يقولي بس انه عايز يطلب ايدي هرتاح ساعتها بجد وهحس انه واخد الموضوع جد
تسنيم : نعم ؟؟؟ اومال هو مقالكيش ولا ايه
لمار : ها
تسنيم : هو ايه الى ها يا لمار مقالش ولا ايه
لمار (بحزن) : لا مقالش يا تسنيم
تسنيم : طب ازاي انتى من فترة قولتيلي انه عايز يطلب ايديكي
لمار : مكنش ينفع اقولك انه مطلبش ايدي يا تسنيم .. انا بحبه وبتكسف جداا اساله او حتي اقوله كلمة تضايقه
تسنيم : والله ما عارفة اقولك ايه بس بجد انتى زعلتيني منك ... انا هقوم اشوف حاجة اكلها
تسنيم : طيب روحي وانا جاية وراكي
تسنيم : ماشي

(خرجت تسنيم من الاوضة ومسكت لمار الموبيل واتصلت بعمر)

*****

نروح عند عمر

خالد (صاحب عمر) : ههههههههه يا عم ده واد فكسان خالص سيبك منه
عمر : هههههههه لا عندك حق اول مرة ياض تقول كلمة حلوة
خالد : ههههههههه تلميذك

وموبيل عمر يرن

خالد : رد يالا ع الموبيل
عمر (بص فى الموبيل) : يا ساتر بقي
خالد : ايه ياض فى ايه
عمر : دي لمار
خالد (تنح) : لمار !!!
عمر : اه ياض مالك تنحت ليه
خالد : لا مفيش حاجة طب ما ترد عليها


(اصل خالد بيحبها بس هو عارف انها بتحب عمر فا ساكت)


عمر : مليش مزاج
خالد : يابني عيب رد عليها هتسيبها ترن كده
عمر : خاليها براحتها .. وبعدين خلاص هى قفلت
خالد : طب ما تكلمها
عمر : انا مش بكلم حد الى عايزني يكلمني
خالد : طب ماهى كلمتك وانت مردتش
عمر : خالد خلاص بقي فكك يا عم دي بت لازقة اساسا
خالد : طيب يلا نمشي من هنا

*****

خرجت لمار وقعدت مع باباها وتسنيم وعدي اليوم وهى تتصل بعمر وهو ميردش لحد لما اتخنقت ودخلت نامت

جه تاني يوم وراحت لمار الكلية ووشها احمر وعنيها وارمة وكانت لابسة نضارة شمس عشان محدش ياخود باله

اول لما دخلت لمحت عمر راحت رحيتلوه


لمار (بتنده عليه) : عمر عمر عمر

عمر لف وراه لقاه لمار وبعدين رحلها

عمر : صباح الخير يا اجمل ورده فى بستان حديقتنا
لمار : ياسلام وردة ايه وبستان ايه بس (وبتدلع) .. انت مكنتش بترد عليا ليه امبارح
عمر : انا اسف يا عمري بس كان ابويا مقعدني جمبه بنعمل شوية شغل
لمار (بفرح) : ايه ده انت هتشتغل مع باباك وانت بتدرس
عمر : لا طبعا ايه الهبل ده انا بس لقيت نفسي فاضي قلت اعمله اى حاجة وخلاص عشان هو كان بيزن ع وداني
لمار (بحزن) : طيب ماشي
عمر : ايه كان فى حاجة امبارح كنتي عيزاني فى ايه
لمار : مكنتش عيزاك فى حاجة بس كنت واحشني فا حبيت اكلمك بس يعني (بكسوف)
عمر : ربنا يخاليكي ليا
لمار : صحيح ماما عاملة ايه انهاردة
عمر : كويسة بتسالي ليه
لمار : مش انت قولتيلي اول امبارح انها تعبانة وفى المستشفي
عمر : ايه .. ها اه اه فى المستشفي كويسة الحمد لله
لمار : طب الحمد لله .. انا كنت عايزة اروحلها بس مش عارفة انت مش عاوزني اروح ليه
عمر : مش عايزك تتعبي يا حبيبتي
لمار : وهتعب ليه دي زي مامتي يعني وانا بحبها وعادي لما ازورها
عمر : خلاص بقي يا ليمي مش وقته بقي
لمار : طيب خلاص انا هطلع المحاضرة عايز حاجة
عمر : لا سلامتك
لمار : طيب استناني بعد المحاضرة عشان عيزاك
عمر : من عنيا الاتنين

لمار وهى ماشية خبطت فى خالد

لمار (بأرتباك) : اسفة اسفة مكنش قصدي
خالد : لمار .. ولا يهمك يا قمر .. عاملة ايه
لمار : الحمد لله انت عامل ايه
خالد : بخير طول ما انا شايفك بخير
لمار : شكرا عن اذنك
خالد : اتفضلي

خالد وقف مكانه وقعد يفكر

خالد ( لو تعرفي قد ايه بحبك وقد ايه بتمنالك السعادة مكنتيش دلوقتي تحبي عمر مش عارف بتحبيه ع ايه ده حتي طايش ومش بيحبك ولا بيخاف عليكي وبيمثل عليكي بس بجد مش عارفة اقولك ازاي معأني عارف انك عمرك ما هتصدقيني وعمرك ما هتفكري انى بحبك انا فعلا بحبك وخايف عليكي ونفسي تحسي بيا وتحسي بالي جوايا .. ع العموم ربنا يهديكي ويسعدك مع عمر)

***************************************

نروح لنوران واحمد فى الشركة


احمد : احنا لازم نروح بكرة الشهر العقاري عشان نسجل الحاجات دي
نوران : طب هو لازم اروح معاك يعني ما تروح انت
احمد : مش هينفع يا نوران انتى ناسية انك شريكة معايا فى الشركة
نوران : انا قلتلك يا احمد خلي الشركة كلها بأسمك وانت مش راضي
احمد : ازاي يعني يا نوران انتى مش اختي ودي مش شركة ابونا وانا لازم انفذ وصية بابا ومينفعش اشيلك من الشراكة
نوران : بس انا مش حمل ده كله وانت عارف انى مهتمية بالبيت والعيال وجوزي
احمد : خلاص بقي يا نوران انا حابب ان اختي حبيبتي تبقي معايا فى الشركة الله بقي
نوران : خلاص ماشي يا احمد .. اخبار لمار ايه
احمد : الحمد لله لسه مكلامنى من شوية هي وتسنيم
نوران : اه ماهي تسنيم قالتلي انها هتروحلها انهاردة كمان
احمد : ربنا معاهم .. انا حاسس ان لمار متغيرة اوي اليومين دول
نوران : مش عارفة والله يا احمد انا مش حسة بحاجة بس تلاقيك خايف عشان هى دخلت الكلية بس
احمد : انتى عارفة يا نوران انا قد ايه بحبها ولازم اخاف عليها بتجنني هى والله بتصرفتها
نوران : معلش يا احمد
احمد : بصي انا عايز اقولك ع خبر بس متقوليش لتسنيم عشان متقولش للمار
نوران : خير
احمد : انا ..............


ياتري ايه الخبر الى احمد هيقوله لنوران عايزين تعرفوا استنوني فى حلقة جديدة مع


(لمـــــــــار حيـــــــاتي انا)

اسيرة الماضى والذكريات ©؛°¨غرامي مشارك¨°؛©

الحلقة التانية

(خلصت لمار المحاضرة وخرجت ملقتش عمر بره اضيقت جدا بس وهى ماشية لقيت صوت بينده عليها)


....... : لمار لماااااااار لماااااااااااااااااااااااار


بصيت لمار وراها


لمار : عبير !!!!

عبير : بنوتة عسل مع لمار فى دفعتها عصبية جدا بس فيها برائة الاطفال

عبير (بأبتسامة خفيفة) : ازيك يا لمار عاملة ايه
لمار : الحمد لله .. انتى عاملة ايه
عبير : بخير الحمد لله
لمار : ايه مالك فى حاجة ولا ايه
عبير : مشوفتيش خالد
لمار : شوفته الصبح بس وبعدين مشوفتوش تاني
عبير (بحزن) : طيب
لمار : ايه مالك فى ايه
عبير (بدموع) : انا مخنوقة اوي يا لمار مخنوقة اوي
لمار (بخوف) : مالك بس فى ايه .. تعالي نقعد فى العربية عشاان نعرف نتكلم واهو بالمرة اوصلك البيت ايه رأيك
عبير : طيب طيب


وراحوا ركبوا هما الاتنين عربية لمار


لمار : مالك بقي يا ستي
عبير (بدموع) : انا مخنوقة اوي يا لمار ومش عارفة اقولك ايه بجد
لمار : امسحي دموعك الاول وبعدين قوليلي مالك
عبير : طيب
لمار : يلا قوليلي بقي مالك
عبير : خالد
لمار : ماله خالد
عبير (بعياط) : انا بحب خالد اوي يا لمار بحبه جداااا ونفسي يحس بيا
لمار : ايه ده بجد
عبير : اه والله يا لمار .. بحبه جداااااا عمري ما حبيت حد غيره ولا حاولت افكر فى حد غيره
لمار : طب وهو يا عبير
عبير (بدموع) : هو (وبصت ع جمب) .. هو بيحب بيحب واحدة اعرفها بيحبها اوووووي وانا متاكده من كده كمان
لمار : مين دي
عبير : دي .....


وفجأأأأأأأة رن موبيل لمار


لمار : ثواني يا عبير هرد ع الموبيل بس
عبير : اتفضلي


ورديت لمار ع التليفون


لمار : ايوة... طيب... حاضر جاية ماشي سلام


وقفلت


لمار : انا اسفة اوي يا عبير لازم اروحك علطول دلوقتي واروح البيت ونبقي نكمل كلمنا بعدين
عبير : ولا يهمك يا لمار مفيش مشكلة لسه الايام عندنا طويلة
لمار : معلش متزعليش مني انا اسفة بجد
عبير : ولا يهمك يا لمار مفيش بينا الكلام ده
لمار : المهم دلوقتي انك متفكريش فى حاجة وان شاء الله خير وياستي اول لما هفضي هكلمك واقولك نتقابل ونفكر انا وانتى سوي تعملي ايه مع خالد ونشوف موضوع البنت الى بيحبها دي
عبير (بأبتسامة خفيفة) : ربنا يخاليكي
لمار : ويخاليكي
عبير (فى بالها) : مش عارفة اقولك ايه يا لمار اعتبرتك زي اختي واكتر وطلع خالد بيحبك انتى هو مقالش بس انا حسيت حسيت انه بيحبك واحساسي عمره ما يكدب ابدا ياااااا صعب عليا اوي بس كان نفسي اقولك بس انا عارفة انك ملكيش ذمب وعارفة انتى قد ايه بتحبي عمر بس خالد بيحبك وده الى مخليني بدأت اكرهك اه لو تعرفي انا جوايا ايه بس خالد هو السبب هو السبب الى خلانى احس بكده من نحيتك ربنا يسمحه ربنا يسمحه ع الى عمله فيا وخلانى اتعلقت بيه بالشكل الى انا فيه دلوقتي ده !!!!!!


**************************


نروح للاحمد ونوران


احمد : انا قررت اجوز لمار
نوران (بخضة) : ايه تجوز مين
احمد : اجوز لمار .. ومالك كده فى ايه اتخضيتي من ايه
نوران : اصل غريبة تجوز لمار اازاي يعني


(نوران اتخضت لانها عارفه ان لمار بتحب واحد زميلها فى الكلية )


احمد : انتى محسساني انى بقول حاجة غريبة ايوة هجوز لمار جالها عريس محترم اوي وفى كلية طب يتخطبوا لحد لما يخلصوا هما الاتنين وبعدين يتجوزوا
نوران : طب انت اخدت رأيها يا احمد
احمد : واخود رأيها ليه فى حد يجيلوه عريس عانده مواصفات كل عروسة تتمناها وترفض
نوران : ايوة يا احمد بس مينفعش لازم تتكلم معاها وتقولها ان فى عريس جيلها
احمد : ان شاء الله هبقي اقولها انهاردة لما اروح البيت بس انا متاكد ان هى عمرها ما هترفض دي بنتي وانا عرفها
نوران (فى سرها) : عارف بنتك ايه بس ماهو مشكلتك انك متعرفش حاجة ربنا يستر ع لمار مش عارفة بجد لما هتقولها ايه الي هيحصل
احمد : بتقولي ايه
نوران : هقول ايه يعني ربنا معاك ومعاها والى فيه الخير ان شاء الله هيحصل
احمد : يارب يا نوران انتى عارفة انا بحب لمار قد ايه من ساعة ما مامتها اتوفيت وهى بتولدها وانا شايلها ع دماغي وعايش ليها وبس
نوران : انا عارفة والله يا احمد وحسة بيك وعارفة انت قد ايه تعبت فى تربية لمار عشان تبقي بالشكل ده
احمد : انا من يوم ما سمر(مامة لمار) ماتت يا نوران وانا عاندي امل واحد انى اكبر لمار واجوزها لان ده كان حلم مامتها قبل ما تموت
نوران : ان شاء الله خير .. بس كويس انك فكرتني انت عملت ايه مع منار دي زعلانة جدا وكالمتني وهى متضايقة ومخنوقة وبتقولي اخوكي مبقاش عايزني
احمد : يووووه بقي هى بتلحقني ليه كل شوية انا قلتلها خلاص الموضوع انتهي ما بينا وانا قلتلها الكلام ده وهي مش عايزة تفهم حتي
نوران : ايوة يا احمد بس منار بتحبك اوي وانت علقتها بيك واوهمتها انك هتتجوزها
احمد : انا مأوهمتش حد هى الى اوهمت نفسها انى بحبها وانى عايز اتجوزها
نوران : انا مش عارفة تفكيرك هيوصلنا لايه والله
احمد : متقلقيش يا نوران انا مش عارف انتى خايفة من ايه
نوران : والله انا ما خايفة ع حد اكتر ما خايفة عليك
احمد : خير خير يا حبيبتي يلا بقي نروح البيت عقبال لما لمار تيجي
نوران : لا مش هينفع روح انت عايزة اروح اشتري شوية حاجات من السوق
احمد : طيب براحتك بس ابقي تعالي انتى وتسنيم والعيال
نوران : طيب يلا عايز حاجة مني
احمد : طب ما تستني اروحك
نوران : لا بلاش روح انت انا هركب تاكسي
احمد : بقي اخوكي يبقي معاكي ويقولك اوصلك وتقوليلوه لا اركب تاكسي
نوران : خلاص بقي يا احمد روح انت وانا هروح اركب تاكسي
احمد : خلاص الى انتى شيفاه صح اعمليه يلا سلام
نوران : سلام



**********

نروح بقي لسيف (بطل قصتنا)

اوعوا تكونوا نسيتوه ولا حاجة اقطعكوا هع هع هع


سيف قاعد ع مكتبه ومنهمك جدا فى المذاكرة


(محدش يسألني يعني ايه منهمك انا نفسي مش عارفة يعني ايه)

المهم انه كان قاعد يذاكر ومشغول جدا


تدخل عليه مامته


ليلي : مامة سيف بتحبه اووووووي بس عيزاه يتجوز بسرعة عشان تفرح بيه وبعياله زي ما فرحت بأخواته كريم ومرام
ليلي : سيف عامل ايه يا حبيبي دلوقتي
سيف (بأبتسامة) : الحمد لله كله بفضل دعاكي ليا
ليلي : ربنا يكرمك يابني يارب وينجحك ويرزقك ببنت الحلال
سيف : هههههههههه انتى لسه يا ماما
ليلي : اومال ايه يا سيف هو انا افديك الساعة لما سيف حبيبي ودلوع مامته يتجوز
سيف : ههههههه يا ماما قلتلك لسه بدري انا مش ناوي اتجوز غير لما اخلص دراستي واظبط حياتي .. انتى عيزاني اتعب زي ما كريم ومرام تعبوا فى حياتهم ولا ايه
ليلي : وتتعب ليه يا حبيبي ماهي مستشفي باباك موجوده وبعدين هو باباك هيلاقي فين دكتور شاطر زي ابني سيف
سيف : هههههههههههههه ربنا يخاليكي ليا بس انا ع مبدأي لسه مش هشتغل فى مستشفي بابا انا عايز اعتمد ع نفسي
ليلي : برضوا يا سيف يابني اسمع الكلام ده انت هتتهني لما تشتغل فى مستشفي باباك وبعدين اخواتك كل واحد منهم اخد مجال غير الى ابوك بيشتغل فيه مفيش غيرك انت يبقي لازم انت الى تمسك المستشفي وتديرها من دلوقتي عشان لا قدر الله لو حصل حاجة
سيف : بعد الشر عليه يا ماما بس الله يخاليكي سبيني اختار بنفسي عشان الموضوع ده هو الى هيحدد مصار حياتي
ليلي : طيب يا سيف الى يريحك يابني
سيف : صحيح انتى جيتي ليه فى حاجة ولا ايه
ليلي : يووووووه صحيح نسيتني ده ابوك عايزك جوه وقالي اندهولي عشان كده جيتلك
سيف : طيب اتفضلي حضرتك وانا جاي وراكي
ليلي : بس انا عايزة امسك ايد ابني وامشي انا وهو لحد باب الاوضة
سيف : هههههههه وانا مش هحرمك من امنيتك يا ماما يلا بينا
ليلي : يلا يا حبيبي


(ومسكوا هما الاتنين فى ايد بعض وراحوا ع الاوضة)


سيف و ليلي : سووق ع مهلك سووووق بكرة الدنيا تروق ههههههههههههههه
اشرف : الله الله ده ايه الحلاوة الي انتوا فيها دي
اشرف : بابا سيف راجل محترم وعانده مستشفي كبيرة اتجوز وهو صغير وجاب كريم ومرام والاخر سيف بيحبهم كلهم وسيف الوحيد الى حقق امله فى انه دخل كلية طب
اشرف : ابعد يابني عن مراتي وعيب تعاكسها قدامي
سيف : هههههههههههه ماهي امي برضوا وبراحتي لما اعاكسها ولا انت ايه رأيك (وبيغمزله)
اشرف : ههههههههههههه طيب .. اقعد يا سيف عشان عايزك فى كلمتين يابني
سيف : حاضر يا بابا ... اتفضل اتكلم
اشرف : ام كريم روحي اعمليلنا كوبيتين شاي
ليلي : طيب يا ابو كريم


وخرجت ليلي


اشرف : انت كبرت دلوقتي يا سيف وانا بجد مش مصدق عيني وانا شايفك قدامي دلوقتي مش مصدق ان انت سيف حبيبي الى لسه كان من كام سنة كان صغير وبيلعب معايا
سيف : الواحد مش بيفضل طول عمره صغير يا بابا اكيد هيجي يوم عليه وهيكبر واانا قدامك اهو
اشرف : ماهو ده الى مخاليني مبسوط ومخاليني حزين فى نفس الوقت
سيف : ليه يابابا
اشرف : انا خايف يجرالي حاجة وانت واخواتك تتعذبوا من بعدي
سيف : بعد الشر عليك يا بابا متقولش كده ربنا يديك طولة العمر ان شاء الله
اشرف : وحتي لو مدنيش يابني .. الحياة قصيرة اوي
سيف : مالك يا بابا انت حاسس انك تعبان
اشرف : انا مش تعبان يابني انا بس خايف ع مستقبلك انت واخواتك مش اكتر
سيف : لا متقلقش ادام انت معانا يبقي كله يهون
اشرف : انا مش هعيشلكوا طول عمري يا سيف والصراحة انا كنت حابب ان كريم هو الى يدخل كليه طب بس انت شوفت بنفسك ازاي هو عاندني ودخل الكلية الى ع مزاجه
سيف : معلش يا بابا .. وبعدين انت مش مبسوط يا حج ولا ايه انى دخلتها انا برضوا ابنك ولا لقيتيني ع باب الجامع
اشرف : ههههههههههه اهو انا بقي بحبك عشان حققتلي حلمي الى كنت بتمناه من ربنا
سيف : متقلقش يا بابا ان شاء الله خير
اشرف : يارب يابني
سيف : هو ده ياحج المووضوع الى كنت عايزني فيه ده انا قلبي كان هيقع فى رجلي
اشرف : لا مش هو يا سيف
سيف : اومال ؟؟؟
اشرف : ........................


يا تري ايه الموضوع الى اشرف عايز سيف فيه ؟؟
تفتكروا لمار هتوافق انها تتجوز ؟؟ وهتعمل ايه مع عمر ؟؟


استنوني فى الحلقة الجاية



(لمـــــــــار حيـــــــاتي انا)

اسيرة الماضى والذكريات ©؛°¨غرامي مشارك¨°؛©

ها الرواية عجبتكوا

اسيرة الماضى والذكريات ©؛°¨غرامي مشارك¨°؛©

الحلقة التالتة هنزل مع انى مش شايفة تفاعل خالص

لمار وصلت عبير ع بيتها وروحت هي البيت

واول لما دخلت لقيت باباها فى البيت

لمار : ايه ده حمدالله ع السلامة يا بابا

احمد : الله يسلمك .. اتأخرتي ليه انهاردة ده انا قاعد من بدري مستنيكي

لمار : معلش كنت مع واحدة صحبتي بس وجيت اهو

احمد : طيب يا حبيبتي اكلتي ولا تاكلي

لمار : مليش نفس والله يا بابا انت جعان احضرلك الاكل

احمد : لالالا خشي غيري هدومك عشان عايز اتكلم معاكي

لمار : حاضر يا بابا


ودخلت لمار وغيرت هدومها وبعدين جت قعدت مع باباها فى البلكونة


لمار : انا جيت اهو يا بابا فى حاجة ولا ايه

احمد : لا يا حبيبتي مفيش بس كنت حابب اتكلم معاكي شوية

لمار : ماشي اتفضل يا بابا

احمد : طبعا يا لمار انتى عارفة انك غالية عاندي اوي وعارفة كمان انا بحبك قد ايه
لانك بنتي الوحيدة الى بحبها وبخاف عليها من اى حاجة حتى ولو صغيرة

لمار (بأبتسامة) : انت مش محتاج تقول الكلام ده يا بابا لانى عرفاه كويس

احمد : انا بس حبيت افهمك ان اى حاجة بعملها وهعملها هتبقي فى مصلحتك

لمار : متقلقش انا عارفة كويس قد ايه انت عايز مصلحتي

احمد : طيب بما انك عارفة بقي .. اقولك الموضوع الى كنت عايزك فيه

لمار : خير يا بابا

احمد : انا جايبلك عريس

لمار (اتفأجات واختفيت الابتسامة من ع وشها) : عريس ؟؟

احمد : اه عريس راجل محترم اوووي وهو فى كلية طب ومن عيلة محترمة جداااا

لمار (حابسة دموعها) : بس انت عارف يا بابا انى مش عايزة اتجوز دلوقتي

احمد : يا حبيبتي مين قال جواز بس دلوقتي

لمار : مش حضرتك بتقول عريس

احمد : ايوة انتوا تتخطبوا بس كده لحد لما تخلصوا انتوا الاتنين كلية هو خلاص فى اخر سنة وهيشتغل فى مستشفي باباه

لمار (قامت وقفت ووديت وشها الناحية التانية) : بس يا بابا انا ...

احمد : بصي انا مش عايزك تستعجلي وتقولي ردك دلوقتي هما جاين الاسبوع الجاي عشان يتعرفوا علينا انا عزمتهم ع العشا حضري نفسك بقي عشان تقعدي معاه وصدقيني الولد محترم جداااا وابن ناس

لمار (بدموع) : طيب يا بابا عن اذنك

دخلت لمار الاوضة وقفلت عليها وانهارت فى العياط


لمار (بعياط) : ليه يا بابا عملت كده فيا انا مش عرفاه ولا بحبه انا مش بحب غير عمر ومش هحب فى حياتي غيره ليه يا بابا بتعمل كده فيا ليييييييه انا عارفة انك مش عارف انى بحب بس كنت لازم تاخود رأي ليييييييييييه كده بس ليه يا بابا ليييييييه انا لازم اكلم عمر


اتصلت لمار بعمر ودار بينهم الحوار ده


عمر : الوووو

لمار : عمر الحقني

عمر : مالك يا لمار فى ايه

لمار : بابا عايز يجوزني لواحد مش اعرفه

عمر : ههههههههههههه هو ابوكي خرف ع اخر اليوم ولا ايه

لمار : انت بتضحك يا عمر بقولك هيجوزني عارف يعني ايه هيجوزني

عمر : لمار حبيبتي خشي نامي شكلك كنتى بتحلمي ولا حاجة

لمار (بزعيق) : عمررررر متتكلمش كده بقولك بابا هيجوزني انت لازم تيجي تتقدملي انت سامع

عمر : انا مش بتهدد انتى فاهمة سلام


وقفل عمر السكة فى وشها


لمار (بعياط) : ااااااااااااااااه حرام والله حرام الى بيحصلي ده حتي انت كمان يا عمر بتبعد عني وبتقفل السكة فى وشي ااااااااه ياانا اعمل ايه بس دلوقتي .. ياريتك كنتى معايا يا ماما متعرفيش انا قد ايه محتجالك جمبي دلوقتي بالذات

نروح لنوران وتسنيم


نوران : تسنيم تسنيم تعالي عوزاكي

تسنيم (من اوضتها) : حاضر يا ماما جاية


وجت تسنيم


نوران : اقعدي يا تسنيم عايزة اتكلم معاكي

تسنيم : نعم ؟؟

نوران : لمار عاملة ايه انهاردة لما روحتيلها

تسنيم : تمام الحمد لله يا ماما

نوران (بحزن) : طيب

تسنيم : مالك يا ماما فى ايه انا حسة انك عايزة تقولي حاجة

نوران : اصل خالك عايز ...

تسنيم : خالي عايز ايه

نوران : خالك عايز يجوز لمار وجابلها عريس

تسنيم (مصدومة) : ايييييه انتى بتقولي ايه يا ماما ده زمان لمار مدمرة دلوقتي

نوران : مش عارفة بقي يا تسنيم


وهما قاعدين موبيل تسنيم رن


تسنيم (بصت فى الموبيل وبعدين بصت لمامتها) : دي لمار يا ماما

نوران : طب ردي عليها بسرعة

تسنيم : طيب


ورديت تسنيم


تسنيم : ايوة يا لمار

لمار (بعياط) : تسنيم تعاليلي حالا باابا عايز يجوزني واحد معرفوش تعاليلي بسرعة يا تسنييم انا تعبانة اوي

تسنيم : اهدي يا لمار عشان خاطري اهدي وهحاول انا وماما نجيلك بس اهدي

لمار ( بعياط) : اهدي ازاي ياتسنيم اهدي اازاي طب وعمر هعمل معاه ايه انا بحب عمر وومش هقدر اتجوز واحد غيره يا تسنيم انتى سمعاني مش هتجوز حد غيره لانى محبتش غيره فى حياتي كلها

تسنيم : يا لمار ...


واخدت نوران التليفون من تسنيم


نوران : لمار حبيبتي انتى كويسة

لمار (بعياط) : انا مش كويسة يا عمتو انا تعبانة اوي عشان خاطري تعاليلي

نوران : بصي عشان خاطري انا تماسكي لحد الصبح بس مش هينفع نجيلك دلوقتي عشان باباكي ميتخضش

لمار (بعياط) : مش قادرة يا عمتو انا حسة انى تعبانة اوي انا مفيش حد جمبي ومحتجاكي اوي

نوران : ليه بتقولي كده يا لمار مانا وتسنيم جمبك اهو بس اسمعي الكلام نامي والصباح رباح وبلاش تروحي الكلية الصبح

لمار(بعياط) : انا لازم اروح الكلية يا عمتو

نوران : ليه يا لمار

لمار(بعياط) : عشان اشوف عمر لانه ..

نوران : لانه ايه يا لمار ما تقولي بسرعة يا بنتي متقلقنيش

لمار (بعياط) : مفيش يا عمتو انا هقفل سلام


وقفلت


نوران : لمار فيها حاجة

تسنيم : اكيد عمر هو السبب

نوران : انتى مقولتيلهاش انى عرفت بمووضوعها مع عمر

تسنيم : لا طبعا يا ماما انتى لازم تعرفي منها عشان مخصرهاش

نوران : ربنا يستر بكرة تروحي الكلية عشان تاخديها انتى سامعة لازم تروحي
تاخديها من الكلية لحسن تعمل حاجة فى نفسها

تسنيم : طيب يا ماما .. بس ع فكرة انا خايفة اوي عليها ليه خالو يعمل كده

نوران : مش عارفة والله يا تسنيم انا استغربت اوي والله

تسنيم : خالو عمره ما كان ظالم اوي كده ايه الى حصله

نوران : اكيد فى حاجة فى دماغه وبعدين انا متاكده ان عمره ما يعمل حاجة يضر بيها بنته

تسنيم : ربنا يستر انا هقوم انام يا ماما عشان اللحق اروح للمار الصبح

نوران : طيب يا حبيبتي انا هروح لخالك الشغل بكرة وبعدين هجيلكوا ع البيت وانتي ولمار مروحين كالميني

تسنيم : حاضر يا ماما



نروح لسيف


سيف : اومال يا بابا ؟؟؟

اشرف : انا جبتلك عروسة

سيف (مصدوم) : عروسة ؟؟؟؟؟؟؟

اشرف : اه عروسة مالك اضيقت ليه كده

سيف : لا اصل غريبة .. ايه العروسة دي

اشرف : عروسة بنت ناس وقمر ومحترمة جدا ووالدها انسان مهذب وعليتها كلها محترمة وسمعتها كويسة

سيف : ازاي يعني يا بابا انا مش فاهم

اشرف : مش فاهم ايه يا سيف

سيف : مش فاهم الى حضرتك بتقوله انت جايبلي عروسة ليه

اشرف : يعني هكون جايبلك عروسة ليه اكيد يعني عشان تتجوزها

سيف : ايوة يا بابا بس مين هيرضي بواحد لسه متخرجش من الكلية ازاي هيقبل يجوز بنته ليه

اشرف : متخرجش ايه انت خلاص فى اخر سنة والسنة قربت تخلص يا بني وبعدين انت بس تخطبها وبعدين نبقي نشوف ساعتها ايه الى هيحصل

سيف : بس انا مش بفكر فىى الموضوع ده دلوقتي

اشرف : اومال هتفكر فيه امتي لما تبقي عجوز

سيف : مش كده يا بابا بس ع الاقل اخلص الكلية وبعدين اخطب

اشرف : وماله يعني يابني ايه الى هيحصل اما تخطب دلوقتي وبعدين لما تخلص تتجوزوا

سيف : لسه بدري يا بابا

اشرف : بص انا اتفقت مع والدها وهو عازمنا ع العشا عندهم الاسبوع الجاي عشان نتعرف عليهم

سيف : الاسبوع الجاي ؟؟

اشرف : ايوة فى حاجة ولا ايه

سيف : مش عارف والله يا بابا اصلك فجأتني اوي

اشرف : ههههههه معلش اهو نروح نشوفها وبعدين نبقي نقرر

سيف : ربنا يسهل الى فيه الخير يعملوه ربنا

ليلي : اتفضلوا الشاي

اشرف : زغرطي لسيف ابنك يا ام كريم

ليلي : ليه يا اخويا خير

اشرف : هنروح نخطبله الاسبوع الجاي

ليلي : ايه ده بجد لولولولولولولولي مبروك يا سيف عقبال لما اشوف ولاد ولادك

سيف : ايه يا ماما ده بس اصبري لما اشوف العروسة الاول وبعدين اقرر

ليلي : تشوف العروسة .. ايه ده انت مشوفتهاش

سيف : شوفتها فين دي بس انا حتي معرفش اسمها لحد دلوقتي

ليلي : اومال ازاى هنروح نخطبهالك

سيف : اسالي بابا (وراح قام دخل ع اوضته)

ليلي : فى ايه يا ابو كريم .. سيف قام ليه وايه موضوع العروسة الى مشفهاش دي
ورايح يخطبها

اشرف : انا الى جيبهاله يا ام كريم بنت مؤدبة ومحترمة ومن عيلة كويسة

ليلي : ايوة بس اازاي هتجوز ابنك واحدة مشفهاش ولا عرفها يا اشرف

اشرف : فى ايه يا ام كريم ما انا قولتلوا هنروح نشوفها الاول ونزورهم عادي وبعدين نقرر ياستي

ليلي : طيب الي يريحك انا هقوم اشوف سيف

اشرف : طيب ياريت تعقليه كمان

ليلي (وهى متضايقة) : طيب



دخلت ليلي ع سيف لقيته قاعد ع السرير


ليلي : سيف مالك يابني فيك ايه بس

سيف : مش عارف يا ماما بس كلام بابا ضيقني اوي ازاي يروح ويحتارلي العروسة ع مزاجه كمان طب انا ايه لزمتي فى الحياة دي

ليلي : طيب اصبر بس لما نروح الاسبوع الجاي ونشوف العروسة مش يمكن حلوة وربنا يباركلك فيها

سيف : ازاي يا ماما ازاي انا طول عمري بحلم ان الى هحبها دي لاززم اكون عارفها وقلبي هو الى يخترها

ليلي : انا حسة بيك والله ومش عارفة انا كمان ابوك ماله بس هو اكيد شافها عشان كده عجبته وبعدين انا معاك اهو اصبر الاسبوع الجاي بس نشوف البنت ولو معجبتناش انا مش هخالي ابوك يجوزهالك مهما حصل

سيف : طب هو ليه يعمل فيا كده من الاول انا اساسا مش ناوي احب بالطريقة دي وبعدين الطريقة دي يا ماما انتهت من زمان جاي هو يرجعها ليه

ليلي : طريقة ايه بس يابني انا واثقة فى اختيار ابوك اسمعها مني بس واصبر للاسبوع الجاي ونشوف البنوتة وبعدين ليك الاختيار متقلقش مش هنجبرك ع حاجة
سيف : حاضر يا ماما

ليلي : عشان خاطري انا يا سيف اهدي كده وان شاء الله خير يابني

سيف : حاضر

ليلي : يلا اسيبك بقي تنام واقوم كلم اختك اطمن عليها

سيف : طيب ساليملي عليها وقوليلها انى هاروحلها بكرة عشان عايز اشوف ولادها وحشوني اوي

ليلي : حاضر تصبح ع خير

سيف : وانتي من اهله .. اقفلي النور وانتى خارجة

ليلي : حاضر يا سيف


رن موبيل خالد وهو نايم


خالد (بصوت نايم) : الوو

.... : ايوة خالد

خالد (بخضة) : عبير

عبير : ايوة ... ازيك

خالد : الحمد لله تمام وانتي

عبير : الحمد لله .. انت كنت نايم

خالد : اه

عبير : طيب انا اسفة تحب اقفل

خالد : لالالالا مفيش حاجة ولا يهمك .. كنتى عيزاني فى حاجة ولا ايه

عبير : الصراحة اه كنت حبة اتكلم معاك

خالد : ممممممم طيب تحبين نتكلم فين

عبير : مش عارفة بس انا محتاجة فعلا اتكلم معاك

خالد : طيب بصي انا بكرة هاجي الكلية اشوفك هناك تمام

عبير : طيب .. انا اسفة انى صحيتك تصبح ع خير

خالد : لا مفيش مشكلة .. وانتى من اهله سلام

عبير : سلام



وقفلوا مع بعض ودخلوا ناموا

ياتري عبير عايزة ايه من خالد ؟؟

وايه الى هيحصل مع لمار وسيف ؟؟

ولمار رايحة الجامعة ليه ؟؟


عايزين تعرفوا استنوني فى حلقة جديدة

اسيرة الماضى والذكريات ©؛°¨غرامي مشارك¨°؛©

ليش ما فى تفاعل

اسيرة الماضى والذكريات ©؛°¨غرامي مشارك¨°؛©

الحلقة الرابعة


صحيت لمار الصبح مش شايفة قدمها وعنيها متنفخة جامد من كتر العياط قامت لبست وراحت نازلة ع الكلية علطول واول لما دخلت لقيت خالد فى وشها وهو اول لما شافها راح يصبح عليها


خالد (بأبتسامة) : صباح الخير يا لمار

لمار : عمر فين يا خالد

خالد (بخضة) : مالك يا لمار ومال عينيكي انتى كنتى بتعيطي

لمار (بزعيق) : فين عمر يا خالد فييييين

خالد : عمر مجاش انهاردة ولما كلمته قالي انه نايم

لمار (بعياط) : اااااااه ياربي اااااااااااه مش عارفة ليه بيحصل كل ده معايا ااااااااااااااه

خالد (بخوف) : لمار الله يخاليكي متخضنيش فى ايه

لمار (بعياط) : انا مش قادرة اتكلم مش قااااااااااادرة

خالد : طيب انتى عاندك انهاردة محاضرات

لمار (بعياط) : لا

خالد : طب ايه الى جابك

لمار (بعياط) : انا جيت عشان عمر عايزة اتكلم معاه بس هو سابني ومحولش يسال عليا

خالد : طيب ممكن نروح نقعد فى مكان هادي براحة كده

لمار (بعياط) : طيب


خالد اخد لمار ووداها ع كافية جمب الكلية


خالد : تحبي تشربي ايه

لمار : شكرا يا خالد انا مش عايزة اشرب

خالد : لا انتى كده هتزعليني منك يا لمار .. عشان خاطري انا تشربي ايه

لمار : الى انت عايزه وخلاص يا خالد انا مش عارفة افكر

خالد : طيب .. (للجرسون) لو سمحت عايزين 2 فراولة

الجرسون : حاضر يا فندم

خالد : ها يا لمار مالك بقي

لمار : مش عارفة اقولك ايه يا خالد (وبدأت تعيط)

خالد : لالالالا دموعك غالية عاندي ومحبش اشوفك كده

لمار (بعياط) : مش قادرة يا خالد .. انا مخنوقة اوي وحسة ان مفيش حد جمبي

خالد : اومال انا روحت فين

لمار (بعياط) : انت مش فاهمني يا خالد .. انا كنت محتاجة ماما هى الى تبقي جمبي

خالد : معلش هى اكيد دلوقتي حسة بيكي

لمار (بعياط) : انا عارفة بس كنت محتجاها جمبي

خالد : طيب تسمحي تقوليلي مالك ولا انتى مش معتبراني اخوكي

لمار (بعياط) : مش عارفة اقولك ايه يا خالد .. اقولك ان بابا عايز يجوزني لواحد مشوفتوش ولا اعرفه عايزني اشوفوه ونقعد مع بعض وبعدين نتجوز ولا اقولك انى لما كلمت عمر قفل فى وشي وقالي مش بتهدد كل ده عشان قولتله لازم يجي يتقدملي تحب اقولك ايه ولا ايه

خالد : ايه ده انا مش فاهم حاجة .. انتى باباكي عايز يجوزك

لمار : ايوة يا خالد .. عايز يجوزني لواحد مش عرفاه انا مش عارفة بابا ازاي بيفكر انا اول مرة اشوفه ظالم كده

خالد (قاعد بيسمع وفى دماغه سرحان وبيتكلم فى سره) : انا مش عارف يا لمار مش عارفة كل لما اخلص من واحد الاقي واحد جديد طالعلي طب انا هقولك امتي انى بحبك انا لو عليا اجي دلوقتي واتقدملك بس صعب اوي لانى عارف ان قلبك مش معايا مع غيري

لمار : انت مش عارف انا تعبانة قد ايه انا معرفتش انام امبارح لا ولما كلمت عمر زعق فيا لما قولتله انه لازم يجي يتجوزني رفض وقالي مبتهددش
خالد : طيب هتعملي ايه

لمار : انا دماغي واقفة ومش عارفة افكر فى اى حاجة

خالد : طيب ممكن عشان خاطري تهدي وانا هروحله انهاردة واشوفوه واكلمه كمان

لمار : ياريت يا خالد لحسن انا تعبانة اوووي ومش قادرة استحمل

خالد (بأبتسامة) : انا اعمل اى حاجة عشان تبقي سعيدة يا لمار

لمار : انت بجد احلي اخ فى الدنيا كلها .. بس قولي هتقوله ايه

خالد : هحاول اقنعه يجي ويتقدملك كمان

لمار (بفرحة) : بجد مش عارفة اشكرك ازاااااااااااااي مش عارفة والله

خالد (بأبتسامة) : انا كل الى عاندي انك تبقي مبسوطة

لمار : ربنا يخاليك


(ورن موبيل لمار وفى نفس الوقت موبيل خالد)


خالد \ لمار (بصوا لبعض) : هههههههههههههه


تعالوا نشوف الاول لمار وبعدين نروح لمكالمة خالد


لمار : الووو

تسنيم : ايوة يا لمار .. انتى فين

لمار : انا ع كافية مع خالد

تسنيم : طيب هتيجي الكلية تاني ولا لا

لمار : لا فى ايه

تسنيم : اصلي عند الكلية افتكرتك هنا

لمار : طيب استنيني انا جيالك بعد عشر دقايق

تسنيم : طيب حاضر
نروح لخالد ومكالمته الى كانت فى نفس وقت مكالمة تسنيم للمار


خالد : الو

عبير : ايوة خالد .. صباح الخير

خالد : صباح النور يا عبير .. ازيك

عبير : الحمد لله بخير وانت

خالد : بخير

عبير : انت فين انا مستنياك عند الكلية مش انت قولتلي انك جاي انهاردة

خالد : اه انا كنت هناك فى الكلية بس

عبير : بس ايه (بخضة) حصلك حاجة ولا ايه

خالد : لالالا انا كويس الحمد لله بس اصلي قبلت لمار وانا مــــ

عبير : لماااااار اه طيب .. ع العموم انا فى الكلية

خالد : طيب انا شوية وهكون عاندك

عبير : لالا خود راحتك بلاش تيجي عشاني لما تبقي فاضي نبقي نتكلم

خالد : انا اسف يا عبير بس شوية وبأذن الله هكون عاندك

عبير : لا عادي ولا يهمك يا خالد مع السلامة

خالد : سلام


وقفلوا هما الاتنين


لمار : انا لازم امشي تسنيم بنت عمتي مستنياني عند الكلية

خالد : وانا كمان عبير مستنياني عند الكلية

لمار : طيب يلا نروح

خالد : يلا ومتضيقيش نفسك تاني انا هحاول اقنعه

لمار : حاضر ربنا يخاليك

خالد : ويخاليكي يلا بينا بقي
......................................
صحي سيف تاني يوم متأخر شوية لانه معرفش طول الليل ينام من كلام باباه ليه ..


سيف : صباح الخير يا ماما

ليلي : صباح الخير يا سوفة عامل ايه يا حبيبي

سيف : الحمد لله

ليلي : مال عنيك انت منمتش ولا ايه

سيف : وهنام ازاي بعد الى بابا قاله امبارح

ليلي : يا حبيبي قلتلك سيبها ع ربنا وكله خير

سيف : سايبها بس مش متطمن يا ماما والله

ليلي : متقلقش ربنا كاتبلك نصيبك وان شاء الله مش هتاخود غير نصيبك يا حبيبي

سيف : ربنا يسهل .. كالمتي ريماس قولتيلها انى جايلها انهاردة

ليلي : اه يا حبيبي قالتلي انها هتستناك ع الغدا

سيف : طيب اانا هروح اللبس عشان اللحق انزل قبل زحمة الطريق

ليلي : طيب يا سيف ابقي طمني عليك يا حبيبي لما توصل

سيف : حاضر يا ماما عن اذنك

ليلي : اتفضل
...........................................

نوران راحت لاحمد مكتبه


نوران : احمد

احمد (بفرحة) : نوران ده ايه المفاجأة الجميلة دي

نوران : ازيك يا خويا عامل ايه

احمد : الحمد لله يا حبيبتي بشوفتك انتى عاملة ايه والبت تسنيم عاملة ايه

نوران : الحمد لله تمام بتسلم عليك

احمد : الله يسلمها .. خير فى حاجة ولا ايه

نوران : ايه هو عيب لما ازور اخويا فى شغله

احمد : لا يا حبيبتي طبعا دي الشركة نورت

نوران : منورة بأصحابها .. احمد انت بجد هتجوز لمار لواحد متعرفوش

احمد : ايه يا نوران هى لمار كلمتك

نوران : ايوة كلمت تسنيم وقالتلها

احمد : مانا قلتلك يا نوران قبل ما اقولها

نوران : ايوة بس انا كنت فكراك بتهزر

احمد : لا مش بهزر دي فعلا حقيقة

نوران : طب ازاي

احمد : نوران انا قلتلها ان دي مش جوازة الناس حابين يتتعرفوا علينا كلنا وهو بيدور ع عروسة مناسبة لبنته ايه بقي غلطت فى ايه انا

نوران : طب اشمعنا وليه انت شوفت ابنه

احمد : ايوة شوفته مع ابوه

نوران : بس انت متعرفش لمار متضايقة قد ايه

احمد : انا قلتلها امبارح متستعجلش مش يمكن الولد يعجبها

نوران : هو بالاعجاب يا احمد هي بتشتري فستان هتنقي الى يعجبها

احمد : نوران انا لمار عاندي بالدنيا كلها وبحاول اسعدها ع قد ما اقدر

نوران : ايوة بس مش بالطريقة دي

احمد : انا نفسي افهم انتوا مكبرين الموضوع ع ايه يا جماعة ده عريس وهيتقدم وساعتها نبقي نفكر

نوران : احمد متنساش ان لمار من غير ام وبتعتبرني امها

احمد : عارف والله عارف ومش محتاج حد يعرفني

نوران : طيب يا احمد المهم ان القرار فى الاخر هيبقي من ناحية لمار مش من نحيتك ماشي

احمد : وانا عمرري ما كنت أب ظالم

نوران : طيب الى تشوفوه انا هروح البيت عاندك عشان قلت لتسنيم هنتغدي عند خالك انهاردة

احمد : طيب تنوروا يا نوران

نوران : طيب



لبس سيف هدومه ونزل ركب العربية وراح لريماس البيت


تك تك تك



..... : ايوة جاية اهو



وفتحت


سيف : ريماااااس حبيبتي ازيك


ريماس : اخت سيف بنت طيبة جدا عندها ولدين ونفسها اخوها يتجوز عشان مراته تبقي صاحبتها لانها بتحب سيف اوووي



ريماس : حبيبي سوفة وحشتيني اوي خش


دخل وقفلوا الباب


ريماس : وحشتني اوي والله يا حبيبي عامل ايه

سيف : بخير يا ريمو انتى عاملة ايه والعيال عاملين ايه وحشني اوووووى

ريماس : الحمد لله كويسين .. بس هما فى الحضانة مصطفي وهو جاي هيجبهم

سيف : طيب كويس ان محدش معاكي عشان عايز اقعد شوية نرغي انا وانتي

ريماس : خيررررر شكلك فى حاجة

سيف : تعبان اوي يا ريماس ومخنوق من بابا

ريماس : ليه فى ايه .. اقولك استني اجبلنا حاجة نشربها وبعدين نقعد نرغي لوحدنا فى البلكونة

سيف : طيب يا حبيبتي


راحت ريماس جابت عصير وفواكة وحلويات وجبتهم البلكونة وقعدت مع سيف


سيف : ايه ده كله يا ريماس ايه يابنتي مين هياكل كل ده

ريماس : انا وانت هو فى حد غيرنا ولا ايه

سيف : ايوة بس انا مش هقدر اكل كل ده

ريماس : خلاص كل ع قدك .. انا هاكل كل ده اصلي حامل

سيف (بفرحة) : بجدددد مبرووووك يا ريمو

ريماس : الله يبارك فيك يا حبيبي .. بس متقولش لماما

سيف : ليه ؟؟

ريماس : كده لما اتاكد الاول بس انا عاندي احساس بكده لان كل الاعراض الى جاتلي بتأكد انى حامل

سيف : طيب ومالها لما اقول لماما دى هتفرح اوي

ريماس : ايوة بس انا عايزة ابقي متاكده الاول انت عارف ماما مش هتسبني اقعد لوحدي ولا اعمل حاجة فى البيت

سيف : لا عاندك حق ان شاء الله تتطمني وتطمنيني يا حبيبتي

ريماس : حاضر من عنيا .. المهم قولي مالك بقي

سيف : مخنوق اوي يا ريماس عشان كده قلت اجيلك

ريماس : طب قولي مالك فى ايه

سيف : بابا عايز يجوزني

ريماس : طب وماله دي حاجة تزعل

سيف : انا معرفهاش يا ريماس

ريماس : متعرفهاش ازاي .. اومال بابا هيجوزك كده يعني

سيف : ايوة يا ريماس ده كمان حدد معاد مع اهلها اننا هنروح نزورهم فى البيت الاسبوع الجاي عشان نتعرف عليهم ويتعرفوا علينا

ريماس : ايه ده انا مش مصدقة بجد

سيف : اهو ده الى حصل عشان كده معرفتش انام طول الليل وماما دخلت اتكلمت معايا وحاولت تهديني بس انا مش مصدق

ريماس : سيف .. انت بتحب ؟

سيف : لا يا ريماس انا مش بحب .. وبعدين انا مش متضايق عشان كده ومش ناوي احب .. انا من زمان وانا ناوي انى لما اجي احب احب مراتي انا مرضاش ان ده يحصل لبنتي ولا انتى ايه رأيك

ريماس (طبطبت عليه) : ربنا يكملك بعقلك يا حبيبي هو ده عين العقل اليومين دول الدنيا بايظة خالص وقليل اوي لما تلاقي حد زيك

سيف : ربنا يستر يا ريماس بس انتى لازم تيجي معانا الاسبوع الجاي

ريماس : متقلقش يا واد انا راشقة معاك فى الحااجات دي اومال هطلع عين مراتك ازاي

سيف : ههههههههههه ايوة كده عايزك جامده يا اختي

ريماس : ههههههههههههه ربنا يخاليك يا سوفة هو انا عاندي كام سيف بس عشان احبك بالشكل ده

سيف : انتى الوحيدة الى برتاح معاها فى الكلام بتحسسني ان الدنيا لسه بخير

ريماس : وانت اخويا حبيبي وبيتي مفتوحلك فى اى وقت

سيف : ربنا يخاليكي ليا ومش يحرمني منك ابدا

ريماس : ولا يحرمني منك ..


يا تري ايه الى هيحصل مع لمار وسيف ؟؟


عايزين تعرفوا استنوني فى حلقة جديدة




(لمـــــــــار حيـــــــاتي انا)

اسيرة الماضى والذكريات ©؛°¨غرامي مشارك¨°؛©

يا جماعة ياريت لو القصة مش عجباكم قولولى

روعة غلا ©؛°¨غرامي نشيط¨°؛©

باااااااااااااااااااااااااارت رااااااااااااااااائع
لا تعتمدي على الحوار وكثري السرد والوصف
ابعددي عن الالوان الفاتحه واختاري الالوان الغامقه افضل
غيري شكل الخط واختاري هذا Arial
اكتبي رقم البااااااااااااااارت
انشري رابط روايتك على الاعضاااااااااااء عشان تلقى تفاعل
كبيري الخط 5
كملللللللللللللي

روح زايــــد مستشــ¸.·* غرام *·.¸ـــاري

تغلق الرواية بطلب من الكاتبة

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1