اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 01-04-2015, 10:33 PM
صورة تـذكـار. الرمزية
تـذكـار. تـذكـار. غير متصل
©؛°¨غرامي جديد¨°؛©
 
الافتراضي رد: رواية عمري معاه يشبه عيون الطفوله أحس إني بنته وأنا له حبيبه


طولتي‘‘‘‘‘‘ إ نشاء الله تكوني بخييير.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 02-04-2015, 02:37 AM
صورة روعة غلا الرمزية
روعة غلا روعة غلا غير متصل
©؛°¨غرامي نشيط¨°؛©
 
الافتراضي رد: رواية عمري معاه يشبه عيون الطفوله أحس إني بنته وأنا له حبيبه


باااااااااااااااااااارت راااااااااااااااائع
لا تعتمدي على الحوار وكثري السرد والوصف
ابعدي عن الالوان الفاتحه واختاري الالوان الغامقه
اختاري شكل الخط مناسب للكل ويكون واضح مثل هذا Arial
تكفين اذا تبغين اقرا روايتك كبيري الخط 5 وابعدي عن الالوان الفاتحه لان عندي ضعف نظر

تكفين نزلي باااااااااااارت طوووووووووويل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 05-04-2015, 08:45 AM
صورة madmozil2014 الرمزية
madmozil2014 madmozil2014 غير متصل
©؛°¨غرامي جديد¨°؛©
 
الافتراضي رد: رواية عمري معاه يشبه عيون الطفوله أحس إني بنته وأنا له حبيبه


أعتذر عن اﻷخطاء الموجوده في البارت وهذا ﻷني أنزل البارت عن طريق الجوال ﻷن جهازي اللاب معطل وماأعرف اتحكم بالخط صغره كبره لونه و خلال هذا اﻹسبوع ان شاءالله احاول انزل بارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 05-04-2015, 09:43 AM
لامــارا لامــارا غير متصل
©؛°¨غرامي نشيط¨°؛©
 
الافتراضي رد: رواية عمري معاه يشبه عيون الطفوله أحس إني بنته وأنا له حبيبه


شكرا ع الدعوة ننتظر

البارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 06-04-2015, 06:03 AM
مرتجى عمرى مرتجى عمرى غير متصل
©؛°¨غرامي مشارك¨°؛©
 
الافتراضي رد: رواية عمري معاه يشبه عيون الطفوله أحس إني بنته وأنا له حبيبه


تسسلمين حبيبتي
بأنتظارك على احر من الجمر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 18-04-2015, 12:20 AM
صورة madmozil2014 الرمزية
madmozil2014 madmozil2014 غير متصل
©؛°¨غرامي جديد¨°؛©
 
الافتراضي رد: رواية عمري معاه يشبه عيون الطفوله أحس إني بنته وأنا له حبيبه


في بيت فاطمه..........

فاطمه تكلم نوره وتقولها كل شيء عن ميلاف
نوره :حلو زين اكسري شوكتها قبل لا تكبر علينا
فاطمه:لامعليتس ميلاف علي
نوره:قلتي لأسماء ولا باقي
فاطمه :لا والله باقي بقولها الحين تبين شيء
نوره:لا سلامتس

:::::::::::::::::::::::::::::::::::::::::::::

أخذ شماغه وكان طالع ناداه سطام من وراه :طلال معليش طولت عليك
طلال:طلال لاعادي اصلاً كنت ناوي اطلع انت ارجع لأختك
سطام:طيب تغد عندنا اول
طلال:لاالله يكثر خيرك كلمت باسم باخذ غدا وبنتغدا سوا

:::::::::::::::::::::::::::::::::::::::::::::::::: ::::::

في الشركه
سمع الباب يدق وسمح له بدخول
فواز:سلام
سلطان:وعليكم السلام هلابك
فواز:هلا فيك سلامة الأسفار
سلطان:الله يسلمك
فواز:غريبه ماطولت صراحه يوم شفتك اليوم استغربت في العادة طول عسى ماشر
سلطان :ايو الله ماطولت روحتي هذي كنت ابي اسلم على خالي وبعد ماخلصت جيت ابي اسلم لخالاتي بس ماحصلتهم رجعت حسيت ان قعدتي مالها فايده وخاصه اني جاي بدون أغراضي ولا ملابس لي اتصلت ودورتلي على اقرب رحله وجيتك
فواز:حلو حمدالله على سلامتك ثاني مره
سلطان:الله يسلمك الا اقولك كلمتهم للإجتماع
فواز:ايه كل شيء ظبطته
سلطان:كفو



::::::::::::::::::::::::::::::::::::::::::::

في بيت أحمد
أسماء بعد ماسمعت من فاطمه الخبر فرحت كثير وشكرتها من كل قلبها على الخبر الي يفرحها
وبعد ماسكرت من فاطمه جلست تدور خطه تشوه سمعت ميلاف عندالناس عشان خالد يرفض مايزجها فيصل


:::::::::::::::::::::::::::::::::::::::::::::::::: ::

فتح له الباب ورحب به ودخله قال وهو يستهبل :انتظر خلني أكلم ام العيال تجيب القهوه
ناظر طلال فيه:أضحك مثلاً
باسم:اذا ودك تضحك اضحك مابمنعك
طلال:طلال تراني جايك ونفسي في خشمي
باسم:اصلا من يوم عرفتك ونفسك في خشمك يعني جبت شيء جديد ياخي تعال مثل ولد عمك حتى وزعلان يبتسم ويضحك
طلال: رجعنا ع طاري يلي قلنالكم ياناس افهموا انا غير وسطام غير
باسم:اني بغيرك الحين انتظر بس
قام باسم وجاب ورقه وقلم وجلس يكتب فيه وطول عليها استغرب طلال وش عنده هذا
بعد ماخلص باسم من الكتابه أعطاه الورقه وقاله يقراها له بصوت عالي أخذ طلال الورقة وبدا يقراها بصوت عالي مثل ماقاله باسم
طلال:إذا تبي تدخل استراحتي وتتم فيها اتبع شروطي أول وهي؟
1-انك ماتكون نفسيه
2-انك تكون حق وناسه وفله
3-نستلم تنظيف الإستراحه يوميا لأن باسم مايحب يعيش في قرف واكيد انت بتكون مثله
4-الطبخ كل يوم على واحد واذا كان مافيك حيل انك تطبخ اعزم في مطعم عادي مافي مشكله وسلامتك......
إذا كنت مو موافق ع الشروط اكتب ماني موافق واضرب الباب الله يعطيك العافيه واذاكنت موافق ف الله يحيك فيها
بعد مانتهى طلال : الحين الغدا جاي في الطريق
باسم :أفهم من كلامك انك موافق
طلال:ايه موافق مقابلة وجهك احسن من غيرك
...........................................

سلطان كان جالس في مكتبه يرتاح بعد الإجتماع الي صار فيه تعارض من الموضفين على شغل فوازوان سلطان دايم يتهاون معه وانه يعامل فوازتعامل خاص ودايم يوافقله وعلى غياباته واجازاته ويقولون ان هذا ظلم عليهم سلطان عصب من كلامهم ووضح لهم ان اكيد فوازبيكون غير عندي لأنه يسوي الشغل الي أبغاه بدون ما أكلمه وانا استحي صراحة ان ارفض عن أي طلب وفواز من زمان وهو موضف عندي ماشفت منه الا كل خير طلع من عندهم وهو متنرفز منهم
دق الباب عليه دخله سلطان تفاجئ بدخول سطام عليه استغرب :سلامات وين النوم الي تقول بتنامه
سطام:تعرف النوم الي قلتلك والله ماذقت منه الا ساعتين بس
سلطان:ليه عسى ماشر
قاله سطام السالفه كلها سالفة طلال وسالفة ميلاف مع عمتها بعد مانتهى سطام
طلع جواله سلطان واتصل وجلس ينتظر الرد:
............:الو
سلطان:سلام عليكم يابومشاري
أبومشاري:وعليكم السلام ارحب ارحب
سلطان:يالله ان تبقيه كيفك يابو مشاري وكيف عمتي والعيال
أبو مشاري:بخير الله يسلمك انت كيفك وكيف ديرتك
سلطان:والله كل شيء بخير ونعمه يالله لك الحمد
أبومشاري: جعله دوم ان شاءالله
سلطان:ابو مشاري بغيت منك خدمه لاهنت
أبو مشاري:وشو امرني بس
سلطان:جعل مايامر عليك ظالم أخبر من معارفك واحد يشتغل في الوزاره الي عندنا بالرياض بغيتك لاهنت تكلمه وتقوله واحد من اخوياي اخته متأذيه من المديره ومساعدتها والمساعده تكون عمتها اخت ابوها يقول انها مدخله مشاكل العايله عليها في المدرسه وخلت المديره وبعض المدرسات ضدها عشان كذا ولا عليك أمر بغيتك توسطلي عنده
أبو مشاري:أبشر أبشر بس يابوفهد أعطني وحده من المشكله الي سببوها لها عشان أكيد رح يحتاجها وانا رح اعطيه رقمك عشان يتواصل معك
سلطان:خلاص انا رح ارسل المعلومات كامله لك
ابو مشاري:خلاص تمام تامرني بشيء ثاني
سلطان:لامشكور ماقصرت
ابو مشاري:يالله مع السلامه
سكر سلطان من ابو مشاري ورجع يكلم سطام وقاله يكلم عمه ويقوله يبعد فاطمه من اخته ويقوله انه كيف يضمنها بعدين اذا زوجها فيصل و إذا سافر يعني بمعنى اصح يهدده

:::::::::::::::::::::::::::::::::::::::::::

صحت من نومها وهي تلف شافته باقي ماقام عرفت انه سحب على الدوام قامت شافت عيالها جالسين يتابعون توم وجيري رجعت لغرفتها بعد ما تأكدت ان الخدامه فطرت عيالها أخذت جوالها وفتحت الرسايل الكثيرهومنها كان الرقم الغريب فتحتها كان كاتب(صباح الخبر_أتمنى أول ماتقري رسالتي تتصلي علي_ورح تعرفين من أنا؟؟_وبعدها بوريك أشياء أنا متأكد ميه بالميه إنها تعجبك) كانت كلها ورى بعض اتصلت عادي وكان فيها فضول تعرف من تكون بس انصدمت لما رد عليها رجال وعلى طول طلعت م الغرفة تخاف خالد يسمعها
.......:الو
أشواق:هلا اخوي انت مرسل علي ولا غلطان
........:لا أبد لا غلطان ولاشيء مو انتي أشواق بنت أحمد الجاسم
أشواق؟؟:طيب وش تبي
......:أبي أوريك حاجه عندي هنا وأعطيني رايك فيها شوفيني رح ارسلها الحين لك واتس اب وبعدها سكر في وجهها بدون لايعطيها مجال لرد عليه سمعت صوت الرسايل راحت وفتحتها بس تفاجئت بكل صورها عنده
رجعت اتصلت على الرقم ردعليها وهو يضحك:ههههههههههههههههههههه كنت عارف انك تتصلين وش رايك أعجبتك؟؟
أشواق:وش الي جابها عندك ومن الي اعطاك رقمي يالحثاله يالخايس
........:والله انتي تذكري من اعطيتي من أعدائك وحاقد عليك تصدقين الي أعطاني قالي ع طول انشرها واتصل عليها وقلها ان صورها منتشره بس أنا رحمتك خشيتها عندي
أشواق:طيب تمام مشكور بس امسحها من عندك وفكني من شرك أنا متزوجه وعندي عيال ومالي حيل للمشاكل
..........:وش المقابل
أشواق:كيف يعني مفابل وش تقصد
.............:واضح يعني مابمسحها من عندي ولا بفكك من شري الا بمقابل
أشواق:طيب وش المقابل؟؟
.......:شوفيي للحين مافكرت وشو المقابل بس أول ماتجيني الفكره رح اتصل عليك يالله بالإذن وسكر عليها
أشواق خافت كثييير منه وخافت انه يكون مقابل صعب وبيخر بيتها وسمعت اهلها وجلست تفكر من الي من أعدائي وتنشر صوري ياربي مين

:::::::::::::::::::::::::::::::::::::::::::

خلص سطام من مكالمة عمه ورجع يجلس عند سلطان
سلطان:هاه وش قالك
سطام:يقول مارح أتفاهم معها لحالها يقول بكره في عشاء عنده ويقول بناديهم الثنتين وقلتله انا بدخل مع اختي
سلطان:وش قال؟؟؟
سطام:مارد علي سكت .
سلطان:يالله الله يسهلك
وقف سطام:يالله عن اذنك
سلطان:وين بتروح الحين
سطام كان بيتكلم بس قطع عليه جواله رد عليه :هلا
طلال:سطام وينك
سطام:في الشركه
طلال:مشغول اليوم في الليل
سطام :أي والله عازم اهلي ع العشاء ليه تبغى شي
طلال:تكفى دامك بتروح لأهلك روح عند بيتنا مع الباب الي من جهة المزرعه بتحصل شنطتي واغراضي تكفى جيبها لي
سطام:أبشر بس مابجيبها الا ع وحده الليل تبغى كذا
طلال:لاتكفى لاطول علي ابي أغير ملابسي والله احس نفسي زباله
سطام:طيب طيب الله يعيني عليك
طلال:تسلم كثر الله خيرك وهيه ترى دربك ماعليه خوف يعني اذا أخذت الأغراض أبوي وفيصل وعمي بيمشون الشرقيه.
سطام: اوك مع السلامه


سلطان:وش كان يبي ؟؟
سطام:يبيني اخذ أغراضه من عند بابهم منزلته اخته يقول خذها المغرب دام اعمامي مو في البيت باخذها الله يعيني اوصلها له .
سلطان:خلاص انا باخذها من هناك وبوديها
سطام:لاوين لاتعب نفسك بروح أنا
سلطان:أنت صاحي تروح مشوارين خلاص اصلا انا ابغاهم الشباب في كلام رو ح انت دربك وانا الي باخذ الأغراض
سطام شكرسلطان لأنه بعد عنه هم مسافة المشوار بعدها قاله المكان الي فيه الأغراض وقاله وين مكانهم

::::::::::::::::::::::::::::::::::::::
في مكان جديد
تركي:سويت على الي قالك سلطان؟؟؟
مشعل:ايه سويت وجاري العمل
تركي:وانت أحسن ماجالك العرض أعجبك صح
مشعل :تقريبا الا أقول عندك استلام بكره
تركي:لا ماعندي
مشعل: حلو بكره نتصل على سلطان ونطلع البر وش رايك
تركي:أنا عني ماعندي مانع بس سلطان من الحين بيرفض تعرفه انت أشغال أشغال
مشعل:لا والله لو اسحبه غصب يفضي نفسه بس بكره انا والله كم قدلي من البر نبي نروح سوا

:::::::::::::::::::::::::::::::
بيت محمد.........
أم سعود:شافت زوجها طالع :استغربت:وين طالع؟؟
محمد:رايح الشرقيه ان شاءالله
أم سعود:الشرقيه ؟؟
محمد:ايه الشرقيه لي فيها أنا واحمد لزوم
أم سعود:ومتى بترجعون
محمد:الليله او بكره الصبح ان شاءالله
أم سعود:يعني مابتطولون
محمد:لا لزوم نرجع بدري أحمد يقول ان عنده عشاء بكره
ام سعود:ايه قالتلي اسماء انه عازم اهلها بس تقول ماحدد اليوم
محمد:لاخلاص حطاها بكره

:::::::::::::::::::::::::::::::::


في نفس البيت...........في شقة سعود
ابتسام تكلم اختها أشواق الي قالتها السالفه كامله عن المزعج
ابتسام:طيب تتوقعين انها ميلاف وامها
أشواق:لا يابنت انا فكرت فيهم بعدين استبعدت الفكره لأني أعرفهم مايفكرون زي كذا حتى ولوكنا نكرههم مابسونها مستحيييل هم طيبين وعلى نيتهم
ابتسام:أقول اسكتي بس انتي الطيبه وانتي الي ع نياتتس في ذا الدنيا لا تأمنين أحد
أشواق:ياختي لو انها هي كان نشرته من زمان توها تستوعب تنشرها
ابتسام :يمكن ماسمحتلها الفرصه الا الحين ولا كيف مو تقولين هذي الصور مو موجود الا مع خالد
أشواق: بس خالد من زمان عنهم مازارهم
ابتسام:قلتلتس يمكن ماخذتها من زمان ومحفوضه عندها لين جا وقتها
أشواق:والله لو أدري انها هي ياويلها مني
ابتسام:اذا اتصل عليتس وقالتس المقابل الي يقول قوليلي لاتتهورين وتسمعين كلامه ع طول
أشواق:تمام يالله مع السلامه


::::::::::::::::::::::::::::::::::::::::::

دخل البيت حصلهم جالسين ع التلفزيون سلم ع راس امه وبعدها جلس
فوزيه:وين كنت؟؟
سطام:روحت لشغلي كملته ورجعتلكم ..ناظرهم دقايق..ليش للحين ماجهزتوا انا ماقلت اني عازمكم ع العشاء
ميلاف:نحنا نحسبك غيرت رايك لأنك تعبان
سطام:لا معروف ما أغير كلمتي يالله الحين البسوا واطلعوا قدامي
فوزيه :لا يمه روح صل وارجع نم انت اليوم مانت ولا ارتحت زين
سطام:لا والله اني مرتاح ومبسوط ومافيني شيء والنوم طاير من زمان خلاص وقته في الليل ان شاءالله
فوزيه:ياولدي ارتاح انا مابي الا راحتك
سطام:تبين راحتي ؟؟
فوزيه:اكيد راحتك اهم شي عندي
سطام:راحتي انتس الحين لابسه عباتتس انتي وبنتتس وطالعين معي الحين
فوزيه:الحين؟؟
سطام ايه الحين بسرعه
فوزيه بس يمه اول شيء نصلي بعدها نروح مابقي شي على صلاة المغرب يمه
سطام:عادي يمه نصلي في طريقنا ولا يهمتس بس استعدوا
نطت ميلاف تجهز نفسها وراحت فوزيه تاخذ عباتها وبعدها طلعوا سوا

:::::::::::::::::::::::::::::::::
في بيت ساره بنت أحمد بيت بعد جديد علينا في الروايه طبعا هي كانت كثير المشاكل مع زوجها زوجها صديق فيصل ولد عمها دايم يدخل عليها سكران كان يضربها ويضرب عيالها كانت دايم تشتكي عند ابوها يطردها ابوها من البيت اذا اشتكت كان يقولها تدخلين البيت هنا زياره الله يحييك بس تشتكين وتبكبكين بطردتس من البيت وزوجها استغل الفرصه ان مامعها سند عادي عندهم وياخذ راحته فيها وفي عيالهاوكان فيصل بعد يروح لعمه ويحسن سيرة ماجد عنده وان ماجد مافي احسن منه وكان يحرمها من احد يزورها ولا تزور احد كان بس اهلها وبالقله تروح دايم امها تبي تزورها يصرفها ويحطلها كل الاعذار عشان يمنع الزياره منها.

::::::::::::::::::::::::::::::::::::::::::::::

في السياره ..........

أحمد:ياخوي كان أجلت الروحه بعدين
محمد:لا لازم اليوم
أحمد وهو يتأفف:تعرف اني ماحب اسافر مكان وارجع من يومه
محمد:والله كنت بطول بس انت الي رفضت
أحمد:اكيد برفض والعشاء الي بكره تبغاني ارجع عن كلامي واطردهم
محمد:اجل تحمل انت ولدك كلها يوم ونرجع وبعدين انا الي اسوق وانا الي اتعب وش عليكم حتى ولدك ماوده يحلف يقول والله لأسوق بدلك ولاشي بس اني عذرته لأني غاصبكم ع الروحه
أحمد: طيب قولي وش الروحه عليه
محمد:لا مفاجئه بتعجبك ومهمه روحتنا لها اليوم ولا بتروح علينا
سكت أحمد وفيصل الي متنرفز من عمه الي غصبه يروح معه وحارمه من سهرته مع اخوياه

:::::::::::::::::::::::::::::::::::::::::::::::::

في الإستراحه.......
باسم:ماكأن ولد عمك طول علينا
طلال:وش عليك طول علي ولا عليك
باسم عصب:والله الشرهه مو عليك الشرهه على الي ينتظرك ويبي يعزمك
ضحك طلال:خلاص أمزح أمزح توه متصل علي سطام يقول خويه الجديد هو الي بيجيب الأغراض .
باسم:والله شكلنا بناكل تبن هنا ولاحد بيجينا
طلال:لا إن شاءالله ما بيطول
باسم:شف اذا طول مابنتظر بمشي ولارح يالثور البس من ملابسي خل سالفة القرف بعيد
طلال :ياخوي مو سالفة اتقرف بس أنا كذا ما أحب البس مع احد ملابس

:::::::::::::::::::::::::::::::::::::::::::::::::: ::::::



عند باب البيت الي من جهة المزرعه ناظر الباب ماحصل فيه اغراض ناظر حولينه ماحصل شي اتصل على سطام يتأكد احد اخذ الأغراض رد عليه وقاله ان طلال يقوله لسى ماطلعته خله ينتظر جلس ينتظر في السياره فجئه انفتح الباب وخرجت منه بنت كانت لابسه بجامه وردي مرسوم عليها توم وجيري وكانت حاطه شعرها ذيل حصان ..خرجت ومعها الشنط لفت يمين ويسار وكانت ترفع صوتها تنادي طلال بعدها اخذت الشنط وحطتها بعيد عن الباب عشان اهلها مايشوفونها ويعرفون انها لطلال بعد مانزلتها كانت تبي ترجع البيت بس الباب تسكر عليها جلست تدق الباب بس مافي احد يسمعها وجلست اكثر من مره تحاول تدق لا مجيب كل هذا كان تحت عيون سلطان شغل السياره لفت لمن شافت نور السياره اشتغل خافت كانت تحسب مافيها احد خافت كثييير قدم سلطان السياره قريبه من الجدار حق نزل سلطان ورفع ثوبه وربطه ع خصره وطلع ع السياره بعدها طلع ونزل ع الجهه الثانيه من البيت وفتح الباب شافها قدامه ودموعها تنزل من عيونها شافها قريييب كانت اول مو واضحه لأن نور البيت خفييف شاف ملامحها زين كانت تشبه طلال كثير نفس خشمه وعيونه وفمه صحاه ضربه على صدره وهي تبكي كانت تبي تبعدهامن طريقها عشان تدخل البيت الي كان جسمه موقفله طريقها بعد عنها كانت بتمشي بس وقفتها مسكته لها........................

:::::::::::::::::::نهاية البارت:::::::::::::::::::

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 18-04-2015, 12:28 AM
صورة madmozil2014 الرمزية
madmozil2014 madmozil2014 غير متصل
©؛°¨غرامي جديد¨°؛©
 
الافتراضي رد: رواية عمري معاه يشبه عيون الطفوله أحس إني بنته وأنا له حبيبه


هذا أسرع بارت كتبته لأني وعدت خلال اسبوع وخفت أطول أكثر وان شاءالله التكمله قريب

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 26-07-2015, 08:21 AM
صورة madmozil2014 الرمزية
madmozil2014 madmozil2014 غير متصل
©؛°¨غرامي جديد¨°؛©
 
الافتراضي رد: رواية عمري معاه يشبه عيون الطفوله أحس إني بنته وأنا له حبيبه


في المطعم مع امه واخته.....
فوزيه:كثر الله خيرك يمه تعبناك وانت مانمت زين
سطام :فديت روحتس عادي الجلسه معكم تغنييني عن النوم
ميلاف:سطام وش صار مع عمي أحمد
سطام:انا جامعكم اليوم عشان اقولكم موضوع مهم وعن عمي احمد رغم انه طاريه يضيق الصدر
فوزيه:وشو يمه؟؟
سطام:انا من بعد ماقالتلي ميلاف انها موافقه جاني عمل ضروري خارج السعوديه ففكرت اني اروح عند عمي واقوله اني موافق مولخاطرك بس لأني بسافر وباخذالوالده وباسم معي للعمل ونجلس هناك سنه
شهقة ميلاف:سنه وانتم بعيدين عني لاتكفى
سطام:موهذا طلبتس انتس موافقه صح ولا لا
ميلاف:ايوه موافقه اني اخذه بس مو تبعدون عني
سطام:وانا وش اسوي هذا احسن حل اني اقول لعمي اني موافق لان لوقلتله من دون سبب بيعرف انحن موافقين عشان باسم لايموت وبكذا بيجلس يهددنا بأي شيء ع باسم فهمتي ولا لا
ميلاف ودموعها تنزل:بس انا ما اتحمل اعيش من دونكم
فوزيه تكلمت بعد صمت:ومن قالتس بروح
كان بيتكلم سطام بس فوزيه كملت كلامها ولا اعطته فرصه يتكلم
فوزيه:انا والله ماني رايحه مكان وبنتي ماني حولها كيف اروح وانا تاركه بنتي عند وحوش مو اوادم اذا انت ياولدي عندك شغل روح الله ييسرلك بس انا بجلس في بيتي
سطام:لايمه ماني تاركتس لحالتس هنا وبع...
قاطعته فوزيه:ماني لحالي الله معي وبعدين اخواني عزوتي في السعوديه اذا احتجت شيء بتصل عليهم ودامها سنه بتتيسر
سطام:يمه والله صعبه ما اقدر
فوزيه:الا تقدر روح ياولدي وانا راضيه عليك لاتغصبني ع شيء مابيه
ميلاف:سطام انت ليه تقول امي لحالها انا معها بجيها لأني اكيد بكون ساكنه عند عمي كذا بكون حولها
سطام فضل السكوت مايقدر يعصي امه ولا يقدر يترك امه لحالها رغم ان امه كانت ع حق ماتقدر تترك بنتها عند وحوش

::::::::::::::::::::::::::::::::::::::
وصلوا الشرقيه وكان احمد ينتظر وش مع اخوه يوم جايبه لشرقيه وفيصل طبعا طول الطريق يتأفف كان بينزلهم لفندق يرتاحون وبعدها يروحون لغرضهم بس رفض احمد مايبي يكون الفجر الا وهم في الرياض كملوا مشوارهم الين وصلوا عند قصر كبييييير ناظر احمد وفيصل في محمد وكل علامات الاستفهام في وجيييهم
ضحك محمد ع وجيهم قال وهو يوضح:مو انت تبي تعرف الي ابوي موصيه ع الورث
احمد:الا
محمد:انا سألت كثير عن معارف ابوي وعن معارفه الي دايم يروحلهم وطلع الي دايم ع قولتهم ابوي يرتاحلهم رالمقربين عند ابوي اعطوني ثلاث وصاحب هذا البيت واحد منهم
احمد بفرحه:بيض الله وجهك انزل انزل خلنا نشوف ان شاءالله تكون معه ويريحنا هم السفر والعنا
نزلوا ودقوا الجرس طلعلهم الحارس وسألهم من انتوا
محمد:وين صاحب البيت ابو وليد
تكلم الحارس:بابا ابو وليد موت
محمد واحمد وفيصل يناظرون بعض
احمد:طيب ناد وليد
الحارس:بابا ابو وليد مافيه اولاد
فيصل:يعني ماعنده اولاد
اشر الحارس راسه يعني بالموافقه لكلامه
احمد:طيب بيت هذا فيه احد
الحارس:لا
احمد:طيب الحين من صاحب هذا البيت
الحارس:بابا سلطان
محمد:وينه سلطان
الحارس:هو في الرياض
خرب املهم الحارس بس احمد ماعجز اخذ رقم صاحب البيت من العامل يبي يكلمه عله وعسى يحصل منه كلام.


::::::::::::::::::::::::::::
كان جالس معهم بعد مارحبوا فيه واعطاهم الغرض الي كان طلال ينتظره
سلطان كان واقف بعد ماحاولوا انهم يضيفونه بس رفض وقالهم انه مستعجل وقال لباسم انه بكره الظهر يبيهم عنده في الشركه بعد ماقاله عنها كان بيلف بس وقفه طلال بعد ماخرجلهم وهو وماخذله شاور ولابس وكاشخ تأمل فيه يشبها كثيير وهو قدشاف طلال قبل هذي اكثر من مره لماكان يراقب البيوت بس هذي المره من قريب واخت طلال شافها من قريب سبحان الله والشبه قاطعه طلال :اكلمك وش فيك ماتجاوب
سلطان يصرف:معليش عيد لأني مافهمت دايخ وتعيبان
طلال:اقولك انت الي موضف سطام عندك صح
سلطان:ايه انا سكت دقايق بعدها كمل :يالله شباب تامرون ع شيء
ردوا:لا سلامتك
ودعهم وركب سيارته....
جلس يفكر فيها وش صار اليوم معها

(كانت بتمشي بس وقفتها مسكته لها:مره ثانيه توصلين غرض اوتنتظرين احد ماتخرجين بهذي الملابس لان يمكن يتقفل عليك الباب مره ثانيه
ناظر في عيونها الخايفه وكمل بكلامه:واحمدي ربك انك طحتي ع يد واحد يخاف ربه طيب
كانت تحاول تفك يدها منه بس كل محاولاتها بائت بالفشل لأنه كان شاد ع يدها:والحين فهمتي الكلام ولا لا
اشرتله وهي تصيح يمعنى ايه فهمت رحم حالها وتركها وع طول دخلت وسكرت الباب وهو اخذ الاغراض وتوجه لسيارته)
::::::::::::::::::::::::::::::::::::
جالسه تعيد الرساله وتقراها اكثر من مره وهي مو مستوعبه الكلام الي يقوله خافت قالت موتها بيكون بسببه فكرت انها تتصل ع ابتسام اختها لأنها قالتلها اي شيء يصير لها لازم تتصل عليها اخذت جوالها وكانت ببتصل بس دخلت خالد عليها موقفها
خالد:سلام
أشواق:وعليكم السلام اخيرا صحيت سبحان الله كذا وقتك تقوم عكس الناس الحين بتطلع تسمراكيد
خالد وهو يمط نفسه:ايوه بطلع بس ماهي سمره طالع عند عماني متصلين علي يبوني في كلام
أشواق بفرحه:يعني ابوي هنا
خالد:ايه هنا
أشواق:تكفى قله خله يجينا
خالد وهو طالع:قد كلمته رفض خليني اشوف وش يبون وبحاول فيهم مره ثانيه
وقبل مايطلع نادته أشواق:خالد خالد
خالد:هلا
أشواق:بسألك سؤال وجاوبني من دون ماتسأل
خالد:؟؟؟؟؟؟!!!!!!
أشواق:هاه اسأل
خالد:انجزي مستعجل
أشواق:انت اذا رحت عند اهلك تخلي احد يمسك جوالك؟
خالد بستغراب ع سؤالها:ليش السؤال
أشواق:خالد انا وش قلتلك جاوب من دون ماتسأل
خالد:لا ما احد يلمسه
أشواق:طيب اذا نمت وين تحطه
خالد:انزل جوالي بأي مكان سواء كنت نايم اوصاحي لأني واثق فيهم مابيمسكونه ولابيفتشونه بس ليش السؤال
أشواق تأكدت من كلام ابتسام ان ميلاف هي الي مسويه فيها كذا:لا بس خفت احد ياخذه تعرف مليان صورنا
خالد:اذا فيه احد بياخذ صورك فهم غيراهلي لأن اهلي مابيفكرون في ضر ولدهم.
أشواق بتمثيل:ايه صح مستحيل
طلع خالد وهي اخذت جوالها واتصلت على ابتسام
وقالتلها كل شيء صار وكلام المرسل لها
ابتسام:انتبهي تتهورين وتسوينها
أشواق :طيب وش أسوي
ابتسام:اتصلي ع ابوي وقوليله واتصلي ع طلال خليه يكلم خويه هذاك يتصرف معه اخته ال.....
أشواق:طيب
ابتسام:رديلي لاتخليني هنا ع نار
أشواق:طيب هذاك وش اردله
ابتسام:لاتردين عليه الين نشوف ابوي وش يسوي
اشواق:انتي تدرين ابوي هنا في الشرقيه هو وعمي
ابتسام:ايه قالتلي امي وبعد فيصل معهم يقولون عندهم مهمه وراجعين بكره ان شاءالله لأن ابوي عازم خوالي
اشواق:غريبه وش المناسبه
ابتسام:لابس ابوي قابل خوالي وعزمهم
أشواق:اوك يالله سلميلي ع امي وريم
ابتسام:الله يسلمتس

........................
دخلوا البيت دخل سطام غرفته ورمى نفسه ع سريره وهو قلقان على اخته مع فيصل وع امه اذا راح وتركها وع باسم مع اعمامه وجلس يفكر وخايف اخذ الجوال يبي يتصل ع سلطان ويقوله ع الي صار بس فكر انه ماله داعي يقوله اي شيء يصيرله طلع اه مكبوته في قلبه:طيب وش اسوي فرحت بسلطان ربي عوضني عنه بدل خالد الي ساحب ولا يفكر ان معه عايله اه يا اعمامي ليتكم تحسون فينا وتفكونا من ظلمكم لنا صار الغريب يعاون ويساعد وانتوا ماحسيتوا بشيء عنا ليت الظلم من الغريب مومن القريب .وبعدها تذكر قصيده يحبها كثيييير وجلس يقولها:

[COLOR="black"][COLOR="black"]ظلم الغريب أهون ولا ظلم الاقراب......

لأن الظليمه من قريبك مصيبه



وعيب القريب اصعب من عيوب الاغراب

لأن القريب يعيبك اللي يعيبه



والله مايذبح طويلين الاشناب

غير القريب اللي طعن في قريبه



عقب القرابه والغلا صرتو احزاب !

ولحد ٍ جنى من فعلته كود خيبه



بالله لايكثر , ترى خاطري طاب

مليت من كثر الجروح العطيبه



الفرق واضح بين صادق ونصاب

والحق يطلع لو يطوّل مغيبه


وان كان بالدنيا محد حاسب حساب

بالآخره رب ٍ خلقنا حسيبه
ابتسم وهو يقول ان هذي القصيد كأنه تحكي عنهم مع اعمامه بعد انقلب للجهه اليمنى وهو يكرر (حسبي الله ونعم الوكيل) الين داهمه النوم لأن مطول عن النوم.
في نفس البيت::::::::::::::
ميلاف:يمه بكره وش اسوي بعمتي خلاص معد بتحمل اخاف ارد عليها واغلط وتحرجني بالمدرسات
والبنات
فوزيه:اخوتس قالي ماتداومين بكره لين يشوف الوضع مع عمتس فاطمه
ميلاف:يالله الله يبعدني من شرها
...................
جالس ع لابتوب وجلس يوضح كل شيء عشان يطبعها لسطام عشان يكون ع بيينه بعد ماخلص شغله اتصل على مشعل يبي يشوف سوا الي قاله عليه
سلطان:سلام
مشعل:ارحب حلو وفرت رصيدي كنت ناوي اتصل عليك
سلطان:خير وش تبي
مشعل:خير ان شاءالله بس اول شيء قل انت وش بغيت
سلطان:كنت ابي اشوف بديت في شغلك الي كلفتك فيه
مشعل:افا عليك كيف ما ابدا فيها وهذي الشغله المحببه لي
سلطان:انتبه لا احصلك بعدين حابها ياويلك
مشعل:لا معليك خويك ذيب وقدها
سلطان بضخكه:ايه بسم الله عليك عشان كذا ماكلفت الا انت تحب ها الشغلات
مشعل:بيض الله وجهك ماقصرت ع الاقل مليت وقت فراغي
سلطان فكر:الا قلي وش كنت تبي
مشعل:والله ياطويل العمر بغيتك تروح معنا انا وتركي للبر
كان بيتكلم سلطان كمل مشعل:دقيقه لاتقول مو فاضي واشغال يرحملي امك كلها يومين وحن معودين واشغالك فيه من يقوم فيها لاتردني
ضحك سلطان لان مشعل عارف رده: ماني رادك بس تركي كيف يروح وهو مستلم
مشعل:لاتركي كلمته وقال انه يومين مسلم
سلطان فكر انه حتى هو يبي يرتاح من الأشغال:خلاص مشعل معكم قدام
مشعل بفرح:بيض الله وجهك اول مره تتجاوب معنا
سكر من مشعل وشال اللاب تبعه ورجعه للمكتب وطلع للغرفه يبي ينام وقبل يدخل لغرفته راح لغرفة تاج دخل عليها وتفقدها ماحصل عندها حراره ارتاح من كل قلبه انها بخير باسها ودفاها من البرد وسكر النور وطلع من الغرفه

::::::::::::::::؛:::::::::::::؛؛::::::::::::
في اليوم الثاني نزل تحت عند امه وسلم ع راسها وجلس يفطر معها وسألها عن ابوه وقالتله انه في الطريق جاي
ام سعود:وين ابتسام
سعود:مو موجوده راحت لأمها تخاف انها تحتاجها
عشان العشاء اليوم
ام سعود:حلو زين انها راحت
سعود:يمه متعب باقي نايم
ام سعود:ايه باقي نايم بس خلني اقوم اصحيه
سعود:لا اجلسي زوجته تصحيه .وناداها بصوت عالي جيهان ياجيهان
دخلت جيهان وهي متلثمه بجلالها الي دايم تلبسه في البيت عشان سعود:نعم
سعود:روحي صحي متعب خليه يفطر معي بسرعه ناديه جيعان انا
جيهان مقهوره من حركته وكأني شغاله ومقهوره من حركته بعد انه افطر عندهم عشان ابتسام مو موجوده:لا افطر هو قالي انه شبعان
سعودوهو يضحك:غريبه متعب مايبي ياكل لالا روحي تأكدي بتشوفين اذا ماجاتس يناقز
جيهان بعصبيه: خلاص قلتلك مايبي كل انت واطلع وفكنا شرك
سعود عصب من قلة ادبها معه:انتي تكلميني
جيهان:ايه اكلمك كل واطلع
سعود وقفلها ووصل لعندها:منو بيته هذا ياهانم
جيهان:بيتي
سعود يهز راسه:اها يعني بيتس هو
جيهان:ايه بيتي بحكم اني جالسه من يوم تزوجت اخوك
سعود:خلاص انا طالع الحين بس يمين بالله ورب البيت اني ما اعديها لتس وان اليوم ماتمسين الى عند امتس خليها تأهلتس من جديد.طلع من البيت وهو معصب منها وجيهان خافت كثيير من تهديداته ولأنها تعرف سعود عند خالها محمد كلمته هي الي تمشي راحت تتصل ع امها رغم انها عارفه انها بتغسلها بتهزيئها لها بس كان لازم تقولها عشان تعطيها تصريف تصرف عمها فيها
.................
كان جالس ع مكتبه ويكمل اوراقه المكلف فيها دخل عليه باسم وطلال وهو مستغرب من جيتهم لشركه سلموا عليه وجلسوا قدامه
سطام:يالله اعطني خيرهم واكفني شرهم ياربي وش تبون
ضحك باسم:لا معليك مابنضربك بس احنا مدعويين لهذه الشركه الجميله
سطام بستغراب:من الي دعاكم؟!
طلال:امي دعتنا مين بالله يعني اكيد خويك صاحب الشركه
سطام تذكر ان سلطان قاله يبيهم:طيب دقيقه بالله من وين طلعتلك الظرافه حقتك الي اخبره انه اللوح الي قدامك يسوي ظرافه بس انت ماعهدتك
باسم:والله ياحبيبي من شروط الي يسكن معي في استراحتي لازم يكون ظريف مايكون نفسيه
ضحك سطام وناظر في طلال:والله والي بيذلك ع هذي الإستراحه بس معليك الا ستراحه لأمي منها لايضيق خلقك متى مابغيت اخلي امي تدجه منها
باسم:والله دامها لي ولأمك خلاص موافقين ع عيالها بس يدخلونها
سطام:حلو اذا عيالها لأن طلال واحد من عيالها ياحبيبي
ابتسم طلال لهم وهم يهرجون عليه قطع عليهم دخلة فايز:الله يسامحكم وين اختفيتوا استاذ سلطان يبيكم
قاموا طلال وباسم ولحقوا فايز الين مكتب سلطان
دخلوا عليه ورحب فيهم جلسوا قدامه بعد ماسأل عنهم وعن احوالهم قام سلطان من مكانه وراح جلس معهم ع الكنب
سلطان:ياشباب انا داعيكم هنا عشان اقولكم ع حاجه طبعاً قبل كل شيء ابغاكم تعتبرون الي قدامكم اخوكم الكبير ابوكم اي شيء بعيد من اني مدير طيب
حركو راسهم يعني طيب كمل سلطان كلامه وقال:طبعا انا ابغى اوضفكم
ناظروا باسم وطلال في بعض
سلطان:انا الي عرفته من سطام انك انت ياباسم مثله ادارة اعمال وانت ياطلال محاسبه عشان كذا وضايفكم جاهزه عندي
باسم:بيض الله وجهك كنك تدري صارلي شهر من تخرجت وانا ادور ع وظيفه
سلطان :ايه دريت عنكم وانت ياطلال كم تستلم في الشركه الي انت فيها؟؟
طلال:حمدالله خير
سلطان بحزم:ادري انه خير بس كم
طلال:2500
سلطان:طيب تمام انا ابيك تشتغل عندي وراتبك بيكون دبل هاه وش قلت؟؟
طلال:اكيد ماني رافض
سلطان:أجل ع بركة الله برسلكم الحين العقد وقعوا وانت يا طلال رح تباشر في دوامك ع طول اما انت ياباسم شغلك انت وسطام في بريطانيا رح تمسكون شركة هناك وتديرونها لمدة سنه وترجعون
باسم فاتح فمه بعجب:وليش في بريطانيا
سلطان:انت شغلك في بريطانيا شكل سطام ماقالك
باسم:لاوالله اكيد لو قابلني بيقولي بس انشغل الولد ساحب علينا
سلطان وقف:يالله اجل عن اذنكم بروح لسطام اشوف وش صار ع شغله

::::؛؛؛؛؛؛؛::::::::
في الفصل المعلمه تشرح وهي مو حولها جالسه تفكر بالي خوفها وبنفس الوقت ساعدها وتذكرت مسكته لها مع ايدها وكيف يكلمها تنرفزت وانقهرت وقالت في نفسها:وش هذا ماله شغل فيني وكأني اخته ولا زوجته يوم يتحكم فيني صدق واحد حقير بس حمدالله انه ساعدني ولا كان رحت فيها ومن العما...
صحاها من تفكيرها صوت المعلمه توقفها تجاوب لانها كانت عارفه ان ريم مومعها في الدرس
ريم طولت في السكوت لأنها ماكانت تعرف الإجابه المعلمه:سلامات ياريم لو ماشفتك في بداية الدوام تضحكينن ومستانسه كان قلت انك تعبانه وبعذرك
كان بدال الضحك الي اليوم جلستي تسرحين وتروحين بعيد ولا لأنتس شفتيني طيبه قمتي تلعبين بذيلتس .المعلمه برفعت الصوت والي خلت ريم تفز من الخوف:اتقي شر الحليم اذا غضب
طال سكوت ريم وهذا الي جعل المعلمه تنقهر منها:انا صراحه لازم اقول لأبله سعاد هي تتصرف معتس وانا لو ادري ان عمتس تعاملتس مثل ماتعامل ميلاف كان نزلتك لها ع الأقل تبرد كبدي بس حسافه الممتاز ينضرب وينهان والمهمل يعامل بأحسن تعامل
ريم:لو سمحتي لاتغلطين الين هنا وكفايه ميلاف بنت عمي وممتازه ومؤدبه الله يوفقها انا هنا ريم وحمدالله ممتازه بشطارتي بدروس وموشرط الممتاز في الدروس لازم يكون مؤدب موشرط
المعلمه:صدق الي قال عذر البليد مسح السبوره
ريم انقهرت وطلعت من الفصل من دون استأذان ونزلت لعمتها الي كانت مع المديره وقالتلهم عن كل شيء انقهرت فاطمه منها وذالك لسببين لأن ريم تكون بنت أسماء الي تفضلها وتحبها وثاني سبب لأنها ميزت ميلاف ع ريم كانوا بيطلعون عند المعلمه بس جاء اتصال لتليفون المديره راحت المديره لتليفون قبل ماترد قالت لفاطمه لاتطلع تنتظرها يطلعون سوا رفعت السماعه:الوو
............:سلام
سعاد:وعليكم السلام اهلين
...........:انا بدخل ع طول بالموضوع استاذه سعاد من دون معرفة الأحوال والأخبار لأنها ماتهمني
سعاد وهي مقهوره من كلام المتصله:طيب قولي الي عندك بسرعه وراي أشغال
...........:انا وصلني خبر الطالبه ميلاف وانكم الحقتوها الضرر والبنت مسيكينه مالها شغل في شيء يعني ياسعاد ظالمينها
ضحكت بستهزاء :خلصتي يامحاميه ميلاف ولا لا
فاطمه وريم اول ماسمعوا اسم ميلاف وسمعوا محاميه عرفوا انها ام ميلاف
...........:لا ماخلصت وش بتسوين ؟؟
سعاد:طبيعي بقفل في وجهك لأني موفاضيه ارد ع وحده ماعرفت تربي بنتها مثل الخلق يعني تربيه فاشله صراحة
..........:شكلك ماعرفتيني
سعاد:امها يعني من بتكونين دامها منزوعه اكيد ماحد بيحاميه غير امها
.........:لايحلوه معك لولوه ال......
طلعت عيون سعادوقلبها بدا يفز بخوف بعد ماعرفت ان المتصله تشتغل في الوزاره وان زوجها بعد يشتغل في الوزاره وردت وهي ترتجف:معليش استاذه سامحيني بس كنت احسبك ام الطالبه ميلاف لان هذي البنت تعبتني وتعبت المدرسات
*ريم وفاطمه مستغربين كيف انقلب حال سعاد فجئه*
لولوه:والله وضحتي ع حقيقتك ياسعاد كذا تعاميلين الطالبات وامهاتهم
سعاد:لا والله يا ستاذه لولوه بس الطالبه ميلا
لولوه بمقاطعه:ان شاءالله مدت ايدها ع معلمه ماتعاملينها كذا وبعدين وش دخل امها يوم تغلطين عليه هي ربت البنت احسن تربيه انتي قدوه لطالبات مو تعلمينهم ع قلة الأدب يا استاذه سعاد مع احترامي انتي يبغالك تربية كيفية التعامل مع الغير وانا وصلي كل شيء عن الطالبه ميلاف وبإذن الله رح اجي المدرسه لي تعامل معك ومع عمتها الي مدخله مشاكلهم في المدرسه وبلغيها سلامي
قفلت الخط نزلت سعاد السماعه وحطت يدها ع راسها من المصيبه الي جاتها
فاطمه:وش فيك استاذه سعاد
سعاد كانت بتتكلم بس شافت ريم متواجده معهم:ريم خلاص تقدرين تروحين لفصلك ونحنا بنتصرف
سحبت نفسها ريم لأنها عرفت من وجه المديره انها في ورطه ومو رايقه لمشاكلها
جلست جنبها فاطمه:وش فيتس
سعاد:والله وطلع لميلاف ظهر ومو اي ظهر يافاطمه
فاطمه:مين ؟!
سعاد بقلق:لولوه ال....... وانتي تعرفين زوج لولوه
مثلها يعني اي وقت لا نضمن ونحنا مفصولين
فاطمه بخوف:طيب وانا وش دخلني اكيد بتكون معس لأنتس تكلمتي عليها
سعاد:وليش من الي ضر ميلاف مو انا وانتي ومو انتي عمتها
فاطمه:لاماتعرف اني عمتها
سعادبشبه ضحكه:الى تعرف لأنها قالت لي تفاهم معتس ومع فاطمه عمتها الي مدخله مشاكلهم المدرسه
خافت وفاطمه وكان عندها فضول وش الي قرب لولوه من ميلاف
......…………………
في مكتب سطام
دخل عليه سلطان وجلس عنده بعد ماسلم:ان شاءالله ماعندك أشغال
سطام:لا ابد فاضي مخلص من مده
سلطان:طيب ماقلتلي ها كلمة اهلك وقلتلهم بسفره حقتك
زفر سطام وكأنه ينتظر احد يقوله يساعده في الهم الي هو فيه: ايه قلتلهم بس رفضوا
سلطان :رفضوا على وشو بظبط
سطام:أختي رافضه ان احنا نروح ونخليها تقول ماتتحمل بعدنا وامي حالفه ماتسافر معي وتترك اختي ع قولتها عند وحوووش وانا ياخوك تعرف السفره هذي لابد منها عشان تهديد عمي ولا أقدر انا اروح وامي واختي لحالهم بدون رجال عندهم اخاف يحتاجون شيء ولاشيء وانا موعندهم يعني تجمعت علي من كل صوب حسبي الله ونعم الوكيل
سلطان بحده:ووراك مادقيت علي ع طول وقلتلي
سطام:ياخوك كنت ناوي اتصل بس فكرت فيها ليش اعطي الغريب همومي وهويالله بالي فيه
سلطان بعصبيه ضرب الطاوله:من قالك اني غريب ياسطام اخس عليك بس وانا قلتلك الي عندي ومعتبرك اخوي ونحنا متفقين في نفس الانتقام ولانسيت لايكون غدرت فيني انت بعد وقلت لأحد


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 26-07-2015, 10:14 AM
مرتجى عمرى مرتجى عمرى غير متصل
©؛°¨غرامي مشارك¨°؛©
 
الافتراضي رد: رواية عمري معاه يشبه عيون الطفوله أحس إني بنته وأنا له حبيبه


مره يجننننننن البارت ��������
متحمسة للبارت الجاي ����

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 26-07-2015, 11:55 AM
لامــارا لامــارا غير متصل
©؛°¨غرامي نشيط¨°؛©
 
الافتراضي رد: رواية عمري معاه يشبه عيون الطفوله أحس إني بنته وأنا له حبيبه


السلام عليكم
شكرا ع البارت

ننتظر القادم بكل حب وشوق

دمت بود

الرد باقتباس
إضافة رد
الإشارات المرجعية

رواية عمري معاه يشبه عيون الطفوله أحس إني بنته وأنا له حبيبه

الوسوم
رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 30618 اليوم 02:05 AM
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2347 02-10-2016 04:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
روايتي الثانية : إسمحيلي من النظرة الأولى و كوني أم أولادي / كاملة لفانتا روايات كامله - يتم نقل الرواية هنا بعد اكتمالها 474 08-03-2013 01:55 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM

الساعة الآن +3: 09:54 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1