اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 19-09-2014, 01:15 PM
صورة madmozil2014 الرمزية
madmozil2014 madmozil2014 غير متصل
©؛°¨غرامي جديد¨°؛©
 
Upload004d4df318 رواية عمري معاه يشبه عيون الطفوله أحس إني بنته وأنا له حبيبه


إنتظروني في روايتي اﻷولى

(رواية عمري معاه يشبه عيون الطفوله احس اني بنته وا نا له حبيبه)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 19-09-2014, 05:26 PM
صورة madmozil2014 الرمزية
madmozil2014 madmozil2014 غير متصل
©؛°¨غرامي جديد¨°؛©
 
الافتراضي رد: رواية عمري معاه يشبه عيون الطفوله أحس إني بنته وأنا له حبيبه


رواية عمري معاه يشبه عيون الطفوله احس اني بنته وانا له حبيبه

البارت الأول

في بيت احمد الجاسم:
سطام:عمي أنا مو موافق ع الي تقوله
أحمد:ومن الي أخذ رايك؟
سطام:ابد طال عمرك كنسبة اني اخوها انا الي اقرر ان فيصل ماياخذها
احمد:وانا هنا مثل ابوها وانا الي اقرر غصب على الكل وانا اذا قلت شيء يتنفذ ماحد يعارضني
سطام:معليش انا اوافقك في كل شيء الا في هذي اختي ما ازوجها واحد اكبر منها بسنين وانت عارف ياعمي قدر ميلاف عندي
أحمد عصب من كلام سطام له:انا محد عارض ع قراراتي تجي انت ياولد سلطان تعارضني زواج ميلاف من فيصل بيتم غصب عليك
تكلم محمد الي كان جالس بالمجلس ببرود:وراك متنرفز ياخوي هد اعصابك ولا عليك زواج فيصل من ميلاف بيتم غصب عليه *قال وهو يضحك* نسيت خاله باسم
لف سطام على عمه بقهر:وش دخل باسم ف السالفه
محمد:هو مارح يدخل في السالفه اذا وافقت على زواج فيصل من ميلاف
سطام:انتو حطيتو باسم تحت ايدكم وهقتوه بالمخدرات الي بالأساس لكم يد تحت هذي العمليه وقمتوا تهددون المسكين عليها وهو بريء بالسالفه نفسها
ضحك محمد بصوت عالي:هههههههه اخلص اخلص بتوافق ولا لا شف احنا نخيرك الحين وتذكر اذا رفضت خالك مارح يسلم وانت تعرف وش عقاب مهرب المخدرات ومهرب اعداء وطنك يعني مايحتاج اعلمك العقوبه
سطام رد وهو محاول انه مايوضح قهره:تمام انا موافق
ابتسموا محمد واحمد ع موافقته بس قطع فرحتهم
سطام:هههههههه وش فيكم فرحتوا اقول انا موافق انكم تسون في خالي الي تبون بس اختي مارح اضحي فيها
الكل تفاجئ ولأكثر محمد واحمد لأنهم يعرفون قوة حب سطام لخاله وصديق عمره باسم ماكانو متوقعين انه يوافق انهم يسوون بخاله كذا

طلع سطام بعد ما نادا امه وميلاف وخلاهم يدخلون البيت تحت انظاره لأن البيت قريب من بيوت اعمامه جلس برا ويبي يبكي من اعمامه الي قاهرينه نزلت دمعته يوم جاء في باله باسم وش اسوي يالغالي خيروني وتعرف ميلاف بزره مابتتحمل الثور الي بياخذها عض ع شفته وخلى دموعه تنزل سمع صوت وراه لف شاف واحد متجه له وقف سطام
..........:سلام عليكم
سطام:وعليكم السلام هلا اخوي
........ مد يده:معك سلطان الزامل
سطام:هلابك اخوي معك سطام
سلطان:والنعم فيك امممم انا بصراحه ماعرف احد في الرياض عشان كذا طفشت لحالي يوم شفتك فرحت كثيييييير القى احد اسولف معه
سطام:هذا يدل انك مومن الرياض
سلطان:ايه مو من الرياض مؤقت بس فيها
سطام:اها يعني شغل
سلطان:تقدر تقول
سطام:وش شغلك
سلطان:والله عندي شركه هنا ولا زم اديرها انت وش تشتغل؟
سطام:توني مخلص من الجامعه والحين ادورلي ع شغل
سلطان:وش كان قسمك
سطام:ادارة اعمال
سلطان:تمام انا بوضفك عندي بالشركه بدل واحد كان عندي وطرد عن العمل بسبب اهماله عشان كذا رح تكون محله وراتبك رح يكون10000ريال
سطام وهو الى الحين مومصدق كلامه:10000 كثير
سلطان:كثير لأنه صعب ورح تتعب فيه وانت باشر يوم الأحد وشوف اذا اعجبك كمل واذا ماعجبك تقدر تنسحب
سطام :كثرالله خيرك وماقصرت ببشر الوالده والله الي بتدعيلك *تذكر سطام اعمامه اه اه الله لايسامحكم لا دنيا ولا اخره*صحاه من تفكير صوت سلطان
سلطان:الي ماخذ عقلك يتهنى فيه صارلي ساعه اكلمك
سطام:معليش ماكنت يمك وش كنت تقول؟
دار الصمت بينهم ورجع سطام يفكر وخايف ان ظلم خاله ويخاف يظلم اخته يعني محتار تكلم سلطان
سلطان:وراه وجهك كذا حزين وش الي مضايقك اقدر اعرف؟
سطام:اه والله شوي ضيقه بس ان شاءالله انها تروح
سلطان:بس اتوقع انها ضيقه كبيره مابتنزل دموعك الا لشيء كبير
سطام ناظره قال في نفسه اكيد عرف من لون خشمي
سلطان:اجل صح كلامي كبيره
رد سطام:الله يعين بس
سلطان:طيب لاتتعب نفسك وتقول انا الي اعلمك وش الي مضايقك بس ابيك تعلمني بصدق ايه اولا .......الي مضايق أعمامك صح؟
سطام ...........


التكمله في البارت الثاني

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 22-09-2014, 02:49 AM
صورة روعة غلا الرمزية
روعة غلا روعة غلا غير متصل
©؛°¨غرامي نشيط¨°؛©
 
الافتراضي رد: رواية عمري معاه يشبه عيون الطفوله أحس إني بنته وأنا له حبيبه


باااااااااااااااااااااااااارت رااااااااااااااااائع
لا تعتمدي على الحوار وكثري السرد والوصف
ابعددي عن الالوان الفاتحه واختاري الالوان الغامقه افضل
غيري شكل الخط واختاري هذا Arial
اكتبي رقم البااااااااااااااارت
انشري رابط روايتك على الاعضاااااااااااء عشان تلقى تفاعل
كبيري الخط 5
كملللللللللللللي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 22-09-2014, 12:47 PM
صورة madmozil2014 الرمزية
madmozil2014 madmozil2014 غير متصل
©؛°¨غرامي جديد¨°؛©
 
الافتراضي رد: رواية عمري معاه يشبه عيون الطفوله أحس إني بنته وأنا له حبيبه


تكملتي تكون بدعمكم لي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 24-09-2014, 01:53 PM
صورة madmozil2014 الرمزية
madmozil2014 madmozil2014 غير متصل
©؛°¨غرامي جديد¨°؛©
 
الافتراضي رواية عمري معاه يشبه عيون الطفوله أحس إني بنته وأنا له حبيبه


.....البارت الثاني2.....




في الشرقيه......
أشواق:خلودي حبيبي لي فتره عن اهلي اشتقتلهم حيييل تكفى الله يخليك ابي اروحلهم
خالد:اشواق اكيد تمزحين صح
اشواق:لا والله ما امزح تكفى ابي اروحلهم اذا انت مو مشتاق لأهلك والله انا مشتاقه لهم
خالد:والله انا مشتاقلهم بس وش الي فكني من مشاكلكم انتي وميلاف عشان كذا بعديني من عوار الراس
اشواق:شوف خالد اذا ما وديتني اتصلت ع طلول اخليه الحين يمرني وياخذني ع الرياض
خالد:طيب وش رايتس وقت الإجازه اخلي سطام ياخذ ميلاف مشوار يصرفها وبعدها انزلتس لأهلتس وانا اسلم ع الوالده وارجع من نفس اليوم
اشواق:نعم نعم تبيني ارجع في نفس اليوم لاحبيبي انا ابي اطول عند اهلي
خالد:طيب ومن الي قال انتس بترجعين معي انا برجع لحالي وبعد اسبوع برجع اخذتس
فرحت اشواق:فديت زوجي حبيبي بعد قلبي


.....................................


في الرياض........

سطام بإستغراب :انت وش عرفك؟؟؟
سلطان:اعرف بس يعني من سؤالك انهم اعمامك الي مضايقينك
سطام :ايه اعمامي
سلطان:وش ضايقوك فيه
سطام:مارح اجاوبك الا اذا قلتلي كيف عرفت وش عرفك فيهم
سلطان:طيب بقولك انا لي عند اعمامك حق وبمشيئة الله رح اخذه
سطام؟؟؟؟؟؟؟؟؟؟؟؟؟؟ يعني اقدر اقول انه انتقام
سلطان:بالظبط انتقام
سطام:يعني انت هنا مو ع قولتك جاي تتمشى انت هن.......
قاطعه سلطان:ايه انا هنا اراقب تحركاتهم وصارلي فتره وانا اسوي الحركه واذا طفشت ومليت اخلي رجالي يقومون بالمهمه بدالي يعني باختصار24 ساعه وهم مراقبين
سطام:والله شكل المسأله كبيره
سلطان:وقويه بعد لأنهم اخذوا اغلى ثنين عندي *فكر سلطان دقايق*سطام ترى ماقلت لأحد غيرك ها انتبه أنا ماقلتلك الا لأني عرفت ان بينك وبين اعمامك مشاكل عشان كذا اتمنى مايطلع الكلام لأحد سواء امك اخوانك صديقك ولا احد الكلام يكون بيني وبينك بس
سطام:ابشر ولا يهمك
وقف سلطان:يالله اقابلك ع خير رغم انه كان ودي انك تقولي وش مضايقك منهم بس يالله مو مشكله *طلع من جيبه كرت ومده لسطام*اذا احتجت لشيء انا موجود واتمنى اني اشوفك في الشركه يالله فمان الله
سطام:الله معك
دخل سطام البيت شاف امه جالسه بالصاله سلم ع راسها وجلس بجنبها
فوزيه:وين كنت يمه اقلقتني عليك
سطام: بروحي عنتس يالغاليه كنت مع واحد من اخوياي عند الباب جالسين نسولف وابشرتس لقالي عمل يحبه قلبتس وراتب ممتاز
فوزيه فرحت:بالبركه يمه هي حكوميه؟
سطام:لا والله يالغاليه شركه بس راتبي زين الحمدالله
فوزيه:طيب ليش جوالك مقفل
سطام:مدري والله يمكن انتهى شحنه الا اقول يالغاليه ربعي رجولتس ابي انام عليها
فوزيه:وين تنام وصلاة المغرب الحين بيصلونها
سطام:يمه مابنام بس ابي اهدي راسي وبعدين الصلاة باقي عشر ويأذن
فوزيه ربعت رجلينها وهي تقول:انتو يالشباب كذا إذا ما اخرتوا الصلاة بتموتون الله يهداكم بس

.................................................. ..
في احدى قصور الرياض........

دخل بعد ماصلى المغربب وكلم فواز مدير اعماله وقاله يلغي كل لإجتمعات الي تخصه في اليوم الثاني لأنه بيروح للجنوب عند خاله دخل شاف البيت هادي استغرب مافي صياح العشق حقته الي كل يوم يسمع حسها في البيت نادى بصوت عالي:نارييين ناريييين
نزلت نارين من الدرج:اهلين استاز
سلطان:وين تاج؟
نارين:تاج نومتا بغرفتا
سلطان:غريبه موقت نومها الحين
نارين:ايه هيه كانت تعبانه واعطيتا خافض الحراره وحممتا وبعدا نامت
سلطان خاف كثير ع بنته وحبيبته وكل شيء له طلع لغرفتها اخذ مقاس الحراره وقاس حرارتها شافها نازله ارتاح كثير وحمدربه نادى نارين وقالها تجلس عندها ماتروح بيتها الليله عشان ماترتفع حرارتها دخل غرفته ورمى نفسه ع سريره بثيابه وكل شيء عليه من التعب


طلع من المسجد وكان متجه للبيت ماله نفس من كلام اعمامه الي يغثه بس خيب امله صوت فيصل وهويبتسم:ها وش قلت اختك ولا خالك
سطام:سمعتكم كلامي مايحتاج اكرره
فيصل:انا قول زوجني اختك احسن لأن لو مازوجتني بيموت خالك وهومنقهر منك واختك بتاخذ واحد ثاني وبتنساك وانت الي بتروح فيها
سعود:صدقت يافيصل عشان كذا ياسطام اسمع كلام عمي احمد زوج اختك من فيصل منها يعيش خالك ومنها تعيش اختك

فيصل:واذا قصدك العمر شوف الرسول تزوج عايشه وعمرها 9 سنوات
سطام يناظره باحتقار:ليتكم مثل الرسول في كل شيء كان تهون لا كن كلكم كذابين وظالمين وسالفة زواجك من ميلاف خطه من تحت راس اعمامي ولا من متى اعمامي يحبون عيال سلييطن ع قولة عمتي فاطمه ها من متى ردو
فيصل وسعود:لا رد
تركهم سطام ودخل البيت نادى امه استجابتله وهي داخل غرفتها دخل عليهاوسلم ع راسها:وين ميلافوه ماشفتها من يوم جت من بيت اعمامي
فوزيه:والله يمه من سمعت كلام عمك وهي تبكي وعاد قرارك يمه الي اخذته زعلني وزعلها
سطام:وانتو من الي قالكم؟؟
فوزيه:صوتكم واصل لنا
زفر سطام:وش تبيني اسوي يمه غصب علي ماضحيت بخالي الا لأني اعرف فيصل يمه اعرفه حييييل يمه حتى امه وابوه مايعرفون ولا مسألة رفضي مو مسألة كبر بالعكس يمكن الكبر يكون احسن لها لأن بيكون عاقل وبيحفضها وبيصونها بعدنا بس الكبر عند فيصل ما ابيه
بكت فوزيه:الله لايوفقهم قهروني في زوجي وفي عيالي والحين يبون يقهروني في اخوي حسبي الله عليهم
باس ايدها :والله ان دمعتس غالي علي تكفين يالغاليه لاتقهريني اكثر خلاص امسحي دموعتس وربتس الي بيحلها يالله بروح انا عند ميلاف مابي ارجع اشوفتس كذا
طلع من غرفة امه وهو مضايق اكثر من شاف دموع امه لف شاف انوار غرفتها مقفله دخل عليها وفتح انوارها وناداها ما جاوبتله قرب منها شاف رمشها يتحرك عرف انها صاحيه وتمثل النوم:ميلاف خلاص تمثيل اجلسي كلميني بسرعه
ميلاف جلست ولمت شعرها الطوييل وقابلت اخوها:سم امرني
سطام عرف من لون خشمها انها الى الحين تبكي:ميلاف وش فيتس انتي زعلانه مني؟؟؟
ميلاف سكتتت ماردت عليه عرف سطام لأن من عوايد ميلاف اذا زعلت منه ماترد عليه:طيب قوليلي ياحلوتي وش الي مزعلتس مني
ميلاف تبكي:سطام ليش اخذت قرار بدون ماتقولي ادري انك بتستغرب مني لأني ع قولتكم بزره وتقول هذا الكلام بس عادي سطام انا ابي اتزوج فيصل خلاص انا موافقه ع فيصل اهم شيء خالي مايموت تعرف باسم هو اخوي الثاني هو الي معنا دايم وهو ولد امي وهو احسن من خالد الي مايعترف فينا سطام تكفى باسم مانبغاه يمووت
سطام يمسح دموعها ويطمنها:ومن قال انه بيموت كذابين بس يبون يخوفوني هم بس بيسجنونه سنه سنتين ويطلعونه
ميلاف:لا عمي قال لأمي من الجرايم الي بتربط فيه انه قتل واحد من عمال مزرعته
سطام؟؟؟:متى قاله
ميلاف:قبل مانطلع من بيته
سطام يهديها:طيب خلاص انتي الحين ارتاحي انا بشوف اذا ماحصلت حل مالي الا اوافق تمام
ميلاف تهز راسها:تمام

في بيت محمد ال جاسم تحديداَ في شقة سعود
طالعه من الحمام بعد ما اخذت شور اتجهت للمرايه تجفف شعرها بعدها أخذت الكريم الي يحبه سعود عليها اخذته وحطته ع جسمها انتبهت لصوت جوالها راحت اخذته شافت المتصل استغربت مو في العاده:هلا والله هلا وغلا زين حمدالله دقيت ع اختك من فين هبت
طلال بثقه:والله مدري بس اكيد انك صليتي الفجر اليوم عشان كذاربي رزقك بسعاده في يومك
ابتسام:لا ارحمني يالواثق صراحه انت الوحيد في العايله النفسيه بس يالله ع قولة سعود اخوك مريض اعداه خويه الي يمشي معه
طلال طنش كلامها لأنه ك عادته يسمع من اذن ويطلعها من اذنه الثانيه قال:ابتسام وين عيالتس
ابتسام:وين يعني اكيد تحت عند جدانهم ليش؟؟؟؟
طلال:طيب بجي امرهم باخذهم مع البزارين الي عندي
ابتسام بإستغراب:لااااا طلال ماصدق للحين ماني مستوعبه
طلال ابتسم:ابتسام دقايق واكون عندكم جهزيهم بسرعه
ابتسام:دقيقه دقيقه من البزارين الي معك
طلال:عيال متعب ولد عمي وعيال ساره بنت عمي
ابتسام:طيب الله الله بعيال اختك
طلال:تمام مع السلامه


.............................
في قصر سلطان الزامل.......
كان نايم وغارق بنومه بس صحاه دقات الجوال الي ورى بعضها رفع الجوال شاف رقم غريب ووورى شك في الوضع من يكون
رد:الووو
......:بسرعه سلطان تكفى قابلني عند ......ضروري ياخوك
سلطان :من انت طيب
....... : قفل الخط
سلطان:الوووووو الووووو
سلطان نزل الجوال ع الكومدينه وغطا نفسه بالفراش بعدين استوعب انامشبه ع الصوت بس من يكون وتذكر انه قال ضروري فز سلطان من الفراش وبسرعه لبس ثوبه وشماغه وطلع بعد ماوصى نارين ع تاج واي شيء يصيرلها تتصل عليه

في بيت احمد ال جاسم
اسماء معصبه من زوجها الي ماخذ القرار بدون مايقولها
ريم:يايمه لاتقهرين نفستس بنفستس
اسماء وهي تدور بالغرفه وهي مقهوره:انا اوريه شوفي ابوتس كذا اذا عرف انه غلطان مايوريني وجهه
ريم :يمه اسمعي الي يبي يكلمتس حطته ع المكبر:الوووو يمه يالغاليه كيفتس
اسماء:تمام الحمدالله انتي كيفتي وكيف عيالتس
اشواق:حمدالله تمام *جلسة ثواني بعدين قالت*يمه قالتلي ريم بكل شيء يمه يالغاليه الله يهداتس ابوي ماسوى هذا الشيء الى لمصلحة فيصل صدقيني ولا ابوي مارح يسويها عشان يقهرتس
اسماء ابوتس من زمان وانا اقوله زوج ولدك زوج اتوقع انتس تذكرين يوم جاء الحين يزوجها بنت اكبر عدوه لي واكيد بنتها مثلها وانا سبق وكلمت ابوتس ان ولدي مارح ازوجه الى من اهلي غيره لا بس ابوتس عاندني
اشواق عرفت انه مستحيل تقنع امها:طيب يالغاليه متى ماروقتي اتصلي علي اخذ اخباركم مزبوط
ابتسمت اسماء:طيب.....الا اقول انتي متى رح تجين عندنا
اشواق:وعدني خالد ع لإجازه نجي الرياض
اسماء:حلو يعني قريب بنشوفكم
اشواق:ان شاءالله يالله يمع تامرين ع شيء
اسماء:سلامتتس


في نفس الحي بيت محمد ال جاسم
سعود:وين محمد والجازي وتماضر؟
ابتسام:راحوا مع خالهم
سعود:مين فيصل
ابتسام:لاموفيصل طلال كلمني وقالي انه بياخذ البزارين كلهم
سعود:غريبه وش الطاري الي اعرفه طلال مثل خويه سطام منفسين 24 ساعه علل
ابتسام تبرر:لوسمحت طلع اخوي من السالفه هو صح انه خويه بس مومثله
سعود:طيب من متى ماخذهم
ابتسام:من بعد صلاة العشاء
سعود:لحظه انت مستوعبه الساعه الحين12 ولسى اخوتس ماشرف بالعيال
ابتسام كانت بترد بس قطع كلامها الجرس فرحت:حمدالله اكيد انهم وصلوا


...................
في نفس الحي في البيت الثالث لعايلة ال جاسم الي مهملينه ومهملين الي بداخله.............
دقت الباب ثلاث مرات خفيف وصلها صوت امها:ادخلي يمه
ميلاف:يمه للحين مانمتي
فوزيه:وين انام واخوتس مارجع للحين شوفي كم الساعه عندتس الساعه 12 ولا جاء اخاف صايرله شيء
ميلاف تطمن امها:معليتس يمه اكيد انه مع اخوياه انتي لا تشغلين بالتس
فوزيه:مومن عوايد الله يكفانا الشر
ميلاف:امين يارب ....يمه ابي انام معتس اليوم
فوزيه:تعالي يمه نامي انا بنتظر اخوتس الين يرجع لأني ماني مرتاحه

...........................
وقف سيارته ونزل شاف سطام من بعيد حزين ومتكي ع سيارته تقدم له
سلطان:وش فيك عسى ماشر
سطام:اه لا والله الشر كله ناشبلي ياخوك مدري وش اسوي
سلطان شاف وجهه عرف انه قد بكى:طيب انت استعيذ بالله وقولي وش فيك ان شاءالله نقدر نحلها
سطام:اعمامي ياسلطان حيروني في اشياء كثيره الله لا يوفقهم
سلطان:طيب قولي السالفه من طقطق الين السلام عليكم
سطام:القصه ياخوك ان اعمامي يعبدون شيء اسمه فلوس ويقدسونها ويمكنها جديده عليك بنسبه لمعرفتك لهم وابوي الله يرحمه يوم كان يشتغل في ابها تعرفله ع صديق يعني يمكن اقولك الروح بالروح من قوة صداقتهم كان يجيهم البيت وينام عندهم ابوي اعجبته العايله بنسبه للتزامهم وحبهم لبعض وخوتهم وخوفهم لبعض المهم ان ابوي كلم خويه انه بيتقدم لخته وافق خويه ووافق ابوه بعدهاكلم ابوي جديبالقرار الي اخذه بس انه رفض وكلمه ثاني مره ورفض ابوي سوا الي براسه لأنه اعطى الرجال كلمه ومايقدر يتراجع عنها وعلى ان ابوه بعدين بيقتنع راح ابوي وشاف اخت خويه الي هي امي والي خويه هو خالي بعدها رجع ابوي لرياض بعد ماتزوج امي الكل استقبالهم بحتقارت وشتم وسب وكل شيء حطوه فيهم وجدي مد ايده ع ابوي وطرده من البيت وسكن ابوي في بيت عمه الي هو بيتنا الحين كان مهجور وقديم بس ابوي وامي نظفوه وسكنو فيه وبعدها امي حملت بخالد اخوي وبعدها رجع ابوي عند جدي وحط خالد عند رجله عشان يسامحه رفض جدي وطرده من البيت وجلس ابوي يروحله ورماني عند رجلين جدي واخر شيء ميلاف مع ذالك مارضى وابوي ماكان همه الى جدي انه يوافق كان اخر همه رضى اخوانه اخرشيء ابوي كان يروح كثيييييير الشرقيه تقول امي من يوم اخذت ابوكم وهو يسافر الشرقيه كل ثلاث شهور وابوي يوم راح المره الأخيره جانا خبر ان جدي تعبان رحنا له وكانت امي معنا دخلنا ع جدي وكانو اعمامي حوله عرفنا ان جدي في سكراته كانوا عماتي يصيحون تقدمت انا وخالد نشوف جدي كان يتكلم بكلام ورى بعض بس الي فهمناه كان يقول سلطان ولدي الي احبه عصاني بس قولوله والله اني مححلله ومسامحه واني ماني زعلان منه بس هذا الي فهمناه بعدها طلعتنا عمتي فاطمه من غرفة جدي وجلسنا فترة قصيره وسمعنا الصياح والبكاء طلعو عماتي واعمامي وجت الإسعاف واخذو جدي بعدها اتصل عمي احمد ع ابوي وهزئه في التليفون وقاله انه مات بسببك كان يكلمه قدامنا بس ماقدرنا نرفع صوتنا ونكذبه لأن البيت كله علينا كانو يضربون اختي الصغيره قدام امي عشان يقهرونها ابوي سمع الخبر اتوقع انه ع طول من قفل من عمي حرك ع الرياض لأن ماطول من قفل عمي من ابوي الى ونسمع بوفاة ابوي بعد المحادثه تقريبا بساعه وعشنا حزن ع فقدان ابوي وقهركنا نسمعهم يقولون احسن الله لايبيحه الله ع العاصي والله ع العاق ومن هذا الكلام بعدها كبرنا عمي محمد صار ياخذ خالد كثييير المهم انه لعب بعقله وصار خالد يدخل ويقل ادبه علينا دخل علينا مره وقال لنا انه خطب بنت عمي احمد وانه خلاص حددو كل شيء امي انقهرت منه بس ماتقدر تقول شيء ماتبي تخسره ع قولتها ويالله كل يوم نسمع كلام يسم البدن منهم عماتي ع امي وميلاف وانا اعمامي الين يومك هذا المره الأولى اخذو خالد منا والحين يبون ياخذون ميلاف مني
سلطان تكلم:ليش وش ناوين بعد عليه
سطام:يبون يزوجونها فيصل الي اوسخ مخلو........
قاطعه سلطان:اعرفه الله يستر علينا بس انا اقول ارفض ووقف في وجيهم
سطام ابتسم:تحسب اني مارفضت وربي رفضت ووقفت في وجيههم بس مسكوني ياسلطان مع اليد الي توجعني مسوين كل القضايا السيئه حاطينها بإسم خالي باسم حتى قضية القتل يعني مهدديني يازواج ميلاف من فيصل او قضية خالي والسبه ياسلطان امي زعلانه وميلاف زعلانه ميلاف تقول عادي اتزوجه ولا موت خالي وامي مقهوره ع خالي لأنهم ظالمينه مدري وش اسوي بدا يصيح سطام من القهر.....
سلطان:شوف اقسم بالله ان يبيلك من يهفك في وجهك
سطام ناظره بإستغراب:ليش وش سويت
سلطان:خلك رجال ودموعك لا تنزل ع أي شيء كنك حرمه وبعدين اسمع اذا تبي نصيحتي سوالي بقولك عليه
سطام:وشو؟؟
سلطان:تزوج اختك من فيصل
سطام كان بيقاطعه بس كمل سلطان كلامه:لأنه احسن لك ولي سطام انا في بالي مخطط ع اشياء تخلي اعمامك يطيحون عند رجليني فإذا بتسمع كلامي وتمشي ع الي اقولك رح يكونون تحت رجلينك فانا اقولك زوج ميلاف من فيصل واترك خالك عايش لأن تعرف اعمامك بيسون المستحيل اهم شي يموتت خالكم لأن غرضهم يقهرونكم وبعدين انت وباسم حمدالله عايشين يعني تقدرون تحمونها اذا ضرها فيصل صح ولا لا
سطام:صح بس انا الحين اذا روحت لهم وقلتلهم خلاص موافق بيجلسون يهددوني ع خالي يعني اذا ماسمعت كلامهم ع اي شيء يبونه بيقولون خالك وخالك
سلطان:لا معليك انت اذا اعطيتهم الخبر قلهم.................


.................................
بيت جديد في قصتي؟؟؟؟؟؟

جالسه تكلم مكالمه جماعيه
........:حبيبتي هي تحت ايدي انتي متى مابغيتي شيء قوليلي وها لا وصيتس اجلسي ع راس احمد لا تزوجيين فيصل من هالإنسانه
أسماء:انتو دامكم اخواته كلموه معي انا للحين ماقابلته ولا شفت وجهه
فاطمه:حبيبتي انا قلتلتس ميلاف تحت يدي هي الي اقدرلها بس احمد ابعديني منه تكفين مابيه يزعل علي ويصايح نوره تقدرين انتي؟؟؟
اسماء:نوره ايوه تكفين لازم نحاول كلنا
نوره:والله مدر بس بحاول رغم اني اخاف يزعل لأني بتلقف
اسماء:نوره انتي عند محمد؟؟
نوره:لااا ليش
اسماء:لابس ابي اشوف هو نام عند محمد
فاطمه:اكيد بينام عند محمد ماعنده مكان الاهو
اسماء:لا انا قلت يمكن نام في الشركه كالعاده اذا زعل ينام هناك
نوره:مدري والله
اسماء:طيب مو مهم انتي اتصلي بكره ع بنتتس خليها تقولتس اذا جاهم تروحين عندهم وتكلمينه وانا اذا جاء عندي بكلمه اهم شيء مايعرف ان نحنا متفقين تمام
نوره:تمام



انتهى البارت
[/font][/SIZE]


آخر من قام بالتعديل madmozil2014; بتاريخ 24-09-2014 الساعة 02:34 PM.
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 06-03-2015, 07:10 PM
صورة سوارا الرمزية
سوارا سوارا غير متصل
©؛°¨غرامي متألق ¨°؛©
 
الافتراضي رد: رواية عمري معاه يشبه عيون الطفوله أحس إني بنته وأنا له حبيبه


باررررررررررت جمممممميل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 23-03-2015, 09:11 AM
صورة madmozil2014 الرمزية
madmozil2014 madmozil2014 غير متصل
©؛°¨غرامي جديد¨°؛©
 
الافتراضي رد: رواية عمري معاه يشبه عيون الطفوله أحس إني بنته وأنا له حبيبه


جيهان:متعب تكفى طفشت من هذي العيشه
متعب: طيب وش أسويلك غصب علي مو بيدي
جيهان: أنا بكلم خالي بنفسي مره ماتحمل ولا عشاني مو من العايله و بنت أحمد معيشها في بيت لحالها
متعب:روحي بكيفتس بس لاتقولين ماقلت بترجعين وانتي منخمه
طنشته جيهان وراحت غرفتها تنام

..........
رجع سطام البيت دخل غرفة أمه يبي يشوف هي صاحيه شاف أمه نايمه وبحضنها ميلاف سكر الباب بشويش بس سمع صوتها:سطام يمه
سطام:لبيه يالغلا إنتي صاحيه؟!
فوزيه:إيه يمه تعال
سطام:وراتس مارقدتي
فوزيه:كنت أحتريك تباطيت علي
سطام باس راس أمه:أنا بخير جعلني فدا إنتي نامي الحين واعطيتس أخباري بكره عن شاءالله
طلع سطام واتجه لغرفته يناام


في الصباح....
في بيت سلطان الزامل...
صحت نارين على صوت جوالها أخذته
نارين:أهلين استاز
سلطان:نارين كيف صارت تاج الحين
نارين:هيه منيحه
سلطان:أنتي نمتي عندها ولارحتي البيت
نارين:لانمت معها
سلطان:مشكوره يالله أنا مسافر يومين وراجع أبيتس تنتبهينلها
نارين:بس استاز ما أخذت اغراضك
سلطان:ما أمداني أخذها وقولي لساندا ترجعها مكانها طيب
نارين:حاضر
.....................
دقت الباب ودخلت عليه:سلام
لف عليها:هلا هلا بجيهان تعالي اجلسي
جلست جيهان قدامه:كيفك ياخال اليوم وش أخبارك
محمد:بخير جعلتس بخير
جيهان:خالي أنا عندي طلب واتممى ماتردني
ضحك محمد:والله توقعت مادخلتي الا لشيء في راستس قولي وش تبين
جيهان:أنا بصراحه مظلومه في هذا البيت
كان بيتكلم محمد بس تكلمت بسرعه لو سمحت ياخال لاتقاطعني أخلص كلامي وبعدين رد أنا ابي أنا وزوجي وعيالي بيت لحالنا أنا أبغى البس لزوجي ابي أخذ راحتي في بيتي لحاليي زوجي مقصره معه كثير وكله بسب اني عايشه هنا معكم وبعدين عيالك يجون عندكم وجيهان لاصقه

معهم وبعدين ماتلاحظ بس جيهان الي ما معها بيت ولا إبتسام بنت أخوك بيت لحالها واشواق لحالها ماتشوف انه ظلم
محمد:خلصتي
جيهان:ايه
محمد:بعد كلامتس هذا كله ماطرالي تطلعون من بيتي أنا أبي عيالي قريبين مني وابتسام موعشانها بنت اخوي لا بس انها ماخذه ولدي الكبير وانا معطيه سعود البيت الي فوق له كله حضها جاء على سعود وانتي مع متعب وبعدين اذا كانت بنت أخوي على قولتس انتي بنت أختي مافي فرق بينكم ابد سمعتي باقي معتس كلام ثاني ولا امسكي الباب
جيهان طلعت وهي مقهوره
...............................
أسماء:طلال وين أبوك؟
طلال:وش عرف طلال وينه بس أكيد عند عمي محمد
أسماء:لا جيهان بنت عمتك تقول ماجاهم ولا دخل عليهم
ريم:يمه خلاص وانتي من كل من يدخل تسألينه عن أبوي خلاص هو مو مضيع البيت بيجي ان شاءالله وإذا عن موضوع زواج فيصل مو مغير رايه ابد
طلال ناظر فيهم:الحين انتي تبغين ابوي يجي عشان موضوع خطبة فيصل اقولتس من الحين شايبتس من الحين مو مغير رايه وبعدين اذا ماتبينهم وهم بعد مايبون لدرجة ان سطام ضحى بخوي عمره عشان اخته ماتجي تحت يد فيصل
أسماء:ليه وش شايفين في ولدي الي كل وحده تتمناه بس أحسن انهم يناظرون فيه كذا ﻷني مابي اي بنت لولدي
طلال:تبين الصدق والله واحد زي فيصل يجي يخطب ريم والله ما وافق ولا أفكر اني اوافق
ريم:هي انت خير تراه اخوك ولا لعب عليك ذاك وش فيه فيصل يوم تتكلم عليه مابيجيك بعدين الا أخوك وسطاموه بيسحب عليك
طلال:ابعدينا من كلام سطام الحين أنا أقولكم الواقع احنا الشباب نعرف وفيه كثير يعرفون عن فيصل بن أحمد وش وراه أنا أنا ياخوه استحي لما يعرفون انه اخوي
أسماء:معليه ياطلال خل ابوك يجي اقوله بكلامك هذا على أخوك
طلال:قوليله ماقلت الا الحق
......................................
دخل فيصل:مرحبا ياجماعه ماشتقتولي
ناظرت أسماء على طلال وهي تقول:كلنا مشتاقيلك ومشتاقين ﻷبوك الي أختفى
فيصل:ابوي توه مكلمني وقالي انه راح هو خويه لشرقيه وراجع الليل ان شاءالله
ريم:غرررررريبه ابوي يسافر ولا يطول غريبه ماصدق
فيصل:ابوي كان ناوي يطول بس سطام ازعجه قال ابيك في كلام ومدري وش عنده شكله غير رايه بيعطيني أخته
طلال:ياخي انت ماعندك كرامه الناس ماتبغاك تحش نفسك غصب وقف في وجه ابوي قله لاتغصبني
فيصل:انا ماحد يغصبني وانا الي كنت أبغاها ومن متى ناخذ راي البنت
أسماء:والله شكلك ياطلال من كلامك بتصير عاق ببوك مثل عمك سلطان ماتاخذ راي أحد
طلال:لو بيدتس انتي خليتي فيصل يعق ببوي وماياخذ بنت عمي صح ولا لا
انقهرت أسماء من كلامه
فيصل:ايوه ان الي قدامك اختك مو أمك يوم تكلمها كذا
لف عليه طلال:انت اخر واحد تتكلم عن البر
قام طلال وهو متنرفز من نفسه لمن جلس معهم
....... ........... ........

جيهان:يمه رفض وش أسوي
نوره:وش تسوين عاد ارضي بيعشتتس الي أنتي فيها أصلا ماني مستوعبه كيف قوت عينتس يوم تروحين لخالتس تعرفين وش رده
جيهان:وش عرفني قلت يمكن يعطف قلبه علي
نوره:مافي عطف أبد تبين تعيشين مع رجلتس وعيالتس ارضي بالي انتي فيه ولاتعصين احد فيهم طيب يمه
جيهان:طيب
.............................
جالس مع خاله في المزرعه ومنبسط منه ومن سوالفه
جابر:طاح العناد الي في راسك ولا باقي
سلطان:لا والله باقي ولا هو بطايح ان شاءالله
جابر:ياولدي خل عنك هذولا تراهم ناس مايرحمون
سلطان:والله اني ماخليهم واني ﻷوريهم اليوم اﻷسود عليهم كلهم
جابر:الله يصلحك ياولدي
سكت ثواني قال:الى مارحت لبيتك في الشرقيه
سلطان:لا والله اروح لبيتي زيارات بس ولا أنا خلاص مستقر في لرياض ان شاءالله




جابر:الله يكون بعونك وانا بوك
...................
دخل أحمد بيته كان الكل مجتمع ينتظرونه ماعدا طلال ماكان جالس معهم قام الكل وسلم عليه وجلس أحمد وهو يناظر المكان
أحمد:وين طلال؟!
أسماء:مدري تو كان موجود وطلع
أحمد:طيب افتحوا المجلس سطام بيجي بعد شوي
فيصل:يبه شكله غير رايه صح
أحمد:أكيد بيغير وغصب عليه بعد
فيصل:عاد ماسمعت ولدك طلال وش يقول
أحمد:وش يقول
فيصل:يقول البنت ماتبغاك ليش تحش نفسك غصب فيهم وابوي ماعندك كرامه وابوي وقف في وجهه
عصب أحمد من كلامه:متأكد قاله
فيصل:ايوالله قاله
قام أحمد من مكانه طلع يبي يدخل غرفة طلال بس ماحصله موجود تكلم وهو نازل بعصبيه:جيبولي اياه هذا الولد إذا ماربيته ولا بيطلع مثل عمه الصايع العاق
قطع جوهم الجرس
فتح احمد الباب ودخله المجلس جلس سطام:إختصار أنا جاي أقولك كلامي وأطلع
أحمد:أكيد جاي تقولي انك مغير الراي
سطام:ايه مغيره بس مو لخاطرك بس تذكرت بروح للدوره لمدة سنه في بريطانيا وصعبه أخلي أختي لحالها
أحمد:ههه ليش وين أمك
سطام:أمي باخذها معنا وكنت باخذ ميلاف بعد معي بس تعرف وراها مدرسه وكذا يعني صعبه تترك ينه ع الفاضي قلت تاخذ ولد عمها وش ورانا صار غصب ماباليد حيله بس عندي شرط و قلي من الحين بتنفذه ولا لا
أحمد:اول شيء أعرف الطلب
سطام :أصحح المعلومه شرط مو طلب
أحمد:الي هو كمل بس
سطام:أختي تكمل دراستها واذا مابتخلونها تكمل قولولي عشان اخليها تترك سنه أفضل من انها تترك سنيين هاه وش قلت
أحمد:ايه موافق ع طلبك
............ .............. ............
نهايةالبارت...





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 23-03-2015, 09:12 AM
صورة madmozil2014 الرمزية
madmozil2014 madmozil2014 غير متصل
©؛°¨غرامي جديد¨°؛©
 
الافتراضي رد: رواية عمري معاه يشبه عيون الطفوله أحس إني بنته وأنا له حبيبه


تكملتي تكون بدعمكم لي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 25-03-2015, 11:04 PM
صورة madmozil2014 الرمزية
madmozil2014 madmozil2014 غير متصل
©؛°¨غرامي جديد¨°؛©
 
الافتراضي رد: رواية عمري معاه يشبه عيون الطفوله أحس إني بنته وأنا له حبيبه


[COLOR="black"] مشاها كلمة طلبك: وقال يالله الله يعطينا خيركم
أحمد:الا أقول وش السفره هذي الي طلعتلي فجئه وكيف تاخذ امك معك
سطام:هذا شغلي أنا وباسم ولازم اروح وباخذ أمي
أحمد:ولااا باسم معك بعد وشغلكم وشو
سطام:نشتغل في شركه زينه وراتبها زين
أحمد:وش اسمها؟!
سطام ضحك:طلع تحقيق ذا بس يالله بجاوبك هذي شركة ..........
أحمد:إيه اعرفها حقت التاجر هذاك صاحب معارض السيارات ناسي إسمه!!
سطام:سلطان الزامل
أحمد ناظر بتعجب:من الي دلك عليه يوضفك
سطام:واحد من أقاربه صديقي توسطلي عنده
أحمد:أها عشان كذا ﻷن راح فيصل شركتهم وماقبلوه فيها... أحس بيوم من اﻷيام بتروح فلوسه وتضيع ﻷن أخلاقه وصخه على الناس وفيه كبر يحسب ماحد مثله
سطام في نفسه "ع إن أخلاقكم حلوه الحين":لااا انت ظالم الرجال طيبة العالم كلها فيه وربي باركها له في فلوسه. وقف سطام :يالله ياعم شوفلي طريق أخرج
.......................
ميلاف:يمه وش تبين عشاء أسويه لتس يمه
فوزيه:تنتظرين يمه لين يجي أخوتس مرة وحده
ميلاف:طيب إتصلي عليه أخاف يتأخر ﻷن أبي أعطيتس علاجتس
فوزيه أخذت جوالها واتصلت عليه:
سطام:لبيه لبيه لبيه
فوزيه:لبيت في منى فديتك كيفك ياولدي
سطام:بخير جعلتس بخير دايم
فوزيه:وينك فيه؟!
سطام:والله يالغاليه كنت راجع البيت بس باسم اتصل علي يقول الشباب بيجتمعون في اﻹستراحه وروحت لهم
فوزيه:يعني يمه مابتتعشى معنا
سطام:لا تعشوا انتوا جعله بالعافيه أنا مطول ولاتنتظريني نامي ولاتقلقين طيب
فوزيه:ودعتك الله يمه.

........................
على الكورنيش.....
جالس مع ربعه ومستانس معهم سمع جواله يدق في السياره ارسل واحد من اخوياه يجيب الجوال
ياسر:خالد مالحقت عليه قفل تبغاني أجيبه خالد:لا لاتجيبه بس شوفلي من
فتح ياسر الجوال وشاف المتصل:أمك ياخالد
خالد:لا مو أمي مين وش مكتوب عندك
ياسر:نظر عيني
خالد:خلاص حطه صامت وتعال هذي أم العيال
ياسر إنتظر في السياره لين دخل خالد جو في اللعبه وعرف انه نسي عنه أخذ الجوال وجلس يسوي تفتيش كامل دخل الصور شاف أغلب صور لحرمه متكرره شك انها زوجة خالد وجلس يقلب شاف صور تجمع لها ولخالد وعياله هنا عرف انها زوجته قال في نفسه"والله واثاريك ياخالد طايح على نعمه"قام وارسل الصور كلها له واخذ الي يحتاجه منه وبعدها سكر الجوال ورجع معهم ولاكأن شيء صار
...................................
كان منسدح ع ظهره يتخيل لو يسمع كلام خاله وينسى كل شيء منهم وانهم يسوون خططهم ويسكت عنهم بسرعه بعد هذا الكلام من راسه حتى التخيل مايبغى يتخيل
قام وعدل جلسته وهويتذكر سطام سحب جواله من جنبه واتصل عليه:
سلطان:الو سلام
سطام:وعليكم السلام ارحب
سلطان:الله يسلمك. أزعجتك ولاصاحي
سطام:لا أبد أنا سامر أصلا
سلطان:طيب قولي وش صار عليك اليوم مع عمك
سطام:والله ياخوك السالفه..........................وقاله كل شيء
سلطان:حلو زين رضى بالشرط
سطام:اقول سلطان صدق فيصل ولد عمي جاكم الشركه يبي وضيفه
سلطان:ايوه جاني قالك هو؟
سطام:لا عمي قالي بعد ماقلتله انك وضفتني
سلطان:اها يالله ان شاءالله تساهيل لك والله كنت بتصل بس مافضيت ابغى اتطمن تو تذكرت والله
سطام:جعلك سالم ماتقصر ولاهنت تعبتك معي
سلطان:الله يسلمك تامرني بشي
سطام:سلامتك
...........................
في اليوم الثاني ......
دخلت غرفة بنتها تصحيها
فوزيه:ميلاف قومي صلي وجهزي نفستس بسرعه
خرجت وراحت المطبخ تجهز فطور ميلاف
سطام من وراها يبوس راسها:سلام عليكم
صبحتس الله بالخير
فوزيه:صبحك بالنور يولدي وراك مارجعت البيت
سند ظهره على الطاوله وهو يكلمها:والله يالغاليه جالسين سمره الين الفجر وبعدها طلعت صليت في مسجد على طريقي ورجعتلتس
فوزيه:ان شاءالله مافي شيء يغضب ربي في سمرتكم
سطام:افاااااا ي أم سطام تشكين في تربيت يديتس تشكين في ولدتس الغالي
فوزيه:ماشك فيك بس الدنيا ماتامن
طلعت الفطور الصاله ودخلت ميلاف عليهم وافطرت وقف سطام:يالله لاتأخريني أنا بوديتس السواق اتصل علي يقول انه مسافر
ميلاف:لاخلاص روح شغلك عمتي فاطمه متصله علي تقول بتمرني مع ولدها أنا وريم
سطام:احسن وفرت برجع أنااااام
فوزيه:ودوامك؟!
سطام:إستأذنت من سلطان وقلتله اليوم كله يعذرلي من الشغل ووافق أبي أنام
سمعوا صوت البوري برا عرفت ميلاف انه عمتها وهي طالعه قال سطام:أنا اليوم عازمكم على العشاء ان شاءالله اذا رجعتي من الدوام نامي عشان يجي الليل مصحصه
فرحت ميلاف:طيب تمام يالله مع السلامه
سطام وفوزيه:مع السلامه
........................
صحا من النوم وحس بثقل عليه فتح عيونه وشافها نايمه على صدره ابتسم بحب وسحبها من صدره ونيمها على يده وجلس يتأمل فيها ويدعي ان الله يخليها ويبقيها له وباسها في خدها حط راسه على راسها ودخل في نومه ثانيه

........................
أشواق:خالد خلاص نوم تدري انك متأخر عن الدوام
خالد:خلاص طيب اطلعي بقوم الحين
أشواق:قولي من الحين بتقوم ولا رحت أنام ابرك من القعده عندك
خالد:روحي نامي وفكيني شرتس
طلعت أشواق وتركته وراحت مكانها تنام ناظرت الجوال أخذته وفتحت الرسايل فتحت ع الواتس وقرتها وشافت رقم غريب يرسلها (الوووو_ياحلو ردي علي _الوووو ورى ماتردين_)قفلت جوالها قالت أكيد هذي غلطانه ورجعت تنام
..............
في المدرسه---
كانت جالسه بمكانه وتكتب درسها بصمت جاتها طالبه جنبها:ميلاف بتداومين اﻷربعاء والخميس

ميلاف ابتسمت:غريب سؤالتس يامي أكيد بداوم
مي:ليش غريب أنا أسألتس ﻷن اﻷكثريه يغيبون اليومين الي قبل اﻹجازه
ميلاف:أنا بسأل المعلمات إذا بيعطونا دروس بداوم وإذا مابيعطونا بغيب.
مي:وش رايتس نروحلهم الحين
ميلاف:لا الحين علينا نوره انتظري تخلص حصتها ونروح
مي:تمام

......................
صحا من نومه على ظربه قويه في لحيه فتح عيونه وهو متألم منها عرف انه راسها
عدل جلسته بعد ماسحب يده من تحتها وسحب جواله يشوف كم الساعه إبتسم صحته ع أحسن وقت نزل الجوال ورا للحمام يغسل وجهه ويفرش أسنانه أخذ المنشفه وطلع وقف عندها سحبها:تاج بابا يالله ننزل تحت ناكل همي بسرعه
تاج وهي تحك عينها بظهر ايدها وتفتح عينها وتبتسم لمن شافته نزلها سلطان ويبوسها في خدها وعض خشمها بشويش
قامت تاج وقفت على السرير وتعلقت في رقبته:هيا هنا وهي تحرك اصبعها السبابه في اسنانها
ابتسم سلطان: تقلديني يابعدي
طلعها من الغرفه وهي تبكي ﻷنه مادخلها الحمام ومافرش أسنانها
سلطان:طيب يابوتس فرشاتتس مو عندي تعالي ناخذها من عند نارين
ناداها:نارين نارين
طلعت له نارين وقالها تجيب له فرشاتها وقالها تقولهم يجهزون الفطور
..................
كان جالس أحمد في الصاله ويناظر التلفزيون وأسماء تصب له القهوه يتقهوا
مر من عندهم طلال كان يبي يطلع لدوامه
شافه أحمد:تعال تعال الله لايحيي ذالوجه واثاريك كنت نايم في بيتي يا.....
طلال ناظر ابوه ببرود:ليش ماشفتني ااااه صح تذكرت انك ماصليت الفجر عشان كذا ماشفتني في المسجد
قام أحمد وهو مولع:تتمسخر على ابوك يالحيوان
طلال:بسرعه المهم ﻷن تأخرت ع الد. ...
قطع كلامه الكف الي جاه من ابوه مسك الضربه وطالع فيه:خلصت
قامت أسماء عند أحمد تعرف انه بيزيد في الضرب ﻷن طلال مارح يسكت مسكته من يده:خلاص يمه روح نتفاهم بعدين

أحمد:وش بعدين الا يذلف من وجهي ولا عد يدخل بيتي ولا أشوف وجهك عندي ولاتترجاني اسامحك وادخلك بيتي
طلال ببروده المعتاد:مو لابد وأبركها من ساعه فرقاك ولاتحسب اني بسوي مثل عمي سلطان اترجاك تسامحني على اﻷقل عمي سواها ﻷنه يعرف ان جدي يحبه ومايبغى فرقاه ابد وشوف على العلم الي وصلني ان جدي سامحه وهو مات بحادث عشان أبوه بس أنا ليه أترجاك عشان وشو بظبط وصدقني عيشة الشوارع أحسن من عيشتك الي كلها حب فلوس وظلم لدرجة انك تغصب بنت اخوك على ولدك الصايع الي مافي احد اذا مر اسمه مايتكلم على صياعته هذا يعتبر اكبر ظلم سويته .
دف أحمد أسماء وراحله يبي يعطيه كف ثاني بس طلال بسرعه مسك يده:لاتخليني أسوي شيء أندم عليه طول عمري
بعد يد ابوه من يده ودفه على الكنبه وطلع وركب سيارته وحرك على عمله.....
......................
ميلاف ومي يمرون اﻷسياب يروحون عند معلمه معلمه اﻷغلبيه قالوا مارح يععطونهم دروس وكملو على الباقي وبعدها رجعوا الصف قالت مي:بنات المعلمات كلهم مارح يعطونا شيء ماعدا استاذه كوثر وحنان رفضوا نبي كلنا نطلبهم
ميلاف:وبعد نروح للباقين نتأكد عشان نغيب وحن مرتاحين
ناظرت ميلاف البنات يناظرون وراها لفت تبي تعرف وش يناظرون فيه اول مالفت جت عينها على عمتها فاطمه كانت واقفه وجنبها المديره طاح قلبها من الخوف
المديره:وش رايك يا استاذه فاطمه طلعت بنت اخوك هي الي تحرض ع الغياب
فاطمه:ليش ياميلاف تسوين كذا أجل طلع كلام البنت الي قالتلنا عنك صدق انك مشاغبه ومن تحت لتحت لاتحسبينا غافلين عنك موعشان عمتك الوكيله تروحين تلعبين في المدرسه لا حبيبتي انا ما ارحم قريب ولا غريب فاهمه أنا صراحه بترك الأمر للمديره لو سمحتي استاذه سعاد خليها عضه وعبره لغيرها


طلعت فاطمه ميلاف كانت تبي تتكلم بس ماعطتها مجال أخذتها المديره تحت واعطتها تهزيئ من غير تهزيئ عمتها الين خلتها تبكي وخلتها تكتب تعهد طلعت ميلاف من عندها وهي ماتقدر تطلع أنفاسها من البكي مرت من عندها قالت:دم ان شاءالله وشوفي باقي ماقد جاتس شيء
ناظرتها ميلاف دعت عليها في نفسها وطلعت الفصل
.....................................
سطام وهو نايم أزعجه جواله مد يده لطاوله وقفله ورجع غطا نفسه ونام
دخلت عليه أمه:سطام سطام سطام
سطام وهو داخل جو مع النوم:هاه
فوزيه:قوم في ضيف ينتظرك في المجلس قم يالله
سطام:لارد
فوزيه:سطام سطام
راحتله وسحبت الغطا من عليه:قم الولد ينتظرك في المجلس
قام سطام:يالله يالله قمنا
دخل الحمام وراحت فوزيه المجلس:طلال وانا امك بيجيك سطام بعد شوي
طلال:لاهنتي ياعمه تعبتتس معي
فوزيه:ماهنا تعب ياولدي
طلعت وطلال يغبط سطام في خل عليه سطام: هلا بالمزعج
طلال:هلا فيك
سطام:مسرعك اشتقتلي وقبل ساعات مع بعض انت ماتنام انا بس نمت الا3ساعات يماتكفيني كان خليتني انام
طلال:طيب بعطيك الي عندي وبعدها طس في فراشك
سطام:اللهم اجعله خير سم وش عندك
طلال:أنا قررت أسكن عندكم الين الاقيلي شقه
سطام:سلامات يابوي لايكون مضيع بيتكم
طلال:ايه مضيعه الله لايجعلني الاقيه
سطام:أنا بوسلطان وشبه من علم
قرب سطام عند طلال
طلال قاله السالفه كلها وقاله ان اكيد فيصل قاله وامه
سطام:مالك داعي تقول ذالكلام لبوك والله مالك بعدين الاهو
طلال:كيف مالي داعي ياسطام عشاني قلت الحق لا معليش ماعد اتحمل العايله هذي من يوم انخلقت وانا اسمع فلوس وفلوس ولا واحد منهم لقيت منه كلمه زينه لا أم ولا أب مدري كيف هذي العايله اﻷم والبنات همهم الكشخه وكلام الحريم وابوي همه كيف يحصل الرجال الي معه ورقة



ورقة الورث وأخوي همه الي انت خابره يعني كيف بالله تبغاني اصبر كان عمي محمد يقولي اصبر ياولد اصبر وصبرنا وسكتنا وكلينا تبن .
سلطان:خلاص هد ولاتعصب طيب وش ذنبي
طلال:قولي من الحين إذا بضايكم اروح اخذلي اي شيء الين ربي يحلها
سطام:والله ماتروح مكان وبيتي موجود بس تعال ماتلاحظ انك غبي
طلال:؟!؟!؟!
سطام:كيف تسكن عندي وعمي بيشوفك واذا جاء في بال عمي يروح يصلي في المسجد وحصلك والله ان يحرجك بالله وخلقه
طلال:اي والله انك صادق
سطام:دقيقه ليه ماتسكن مع باسم
طلال:ايوالله شكلي ماعندي الا هو بس عيال عمه ساكنين معه
سطام:ماقالك هو قد رجعوا الشرقيه من زمان جدي
طلال:حلو فرصه
سمعوا صوت صياح في الصاله فزوا سطام وطلال دخلوا عليهم شافوا ميلاف في حظن امها وتبكي دخل سطام الين عندهم وهو خايف :وش فيتس من الي بكاتس كذا احد ضرتس
ميلاف كان جوابها زياده في بكاها طلال يسأل أم ميلاف من بعيد كان يأشر بيده يعني وش فيها هزت كتوفها يعني ماتدري
بتتكلمين ولا اتصلت على المدرسه وهم الي يقولون لي
ميلاف:عمتي فاطمه أهانتني في المدرسه وقدام البنات وسلمتني للمديره قالتلها خليها عضه وعبره لغيرها ولمن طلعت من عند المديره شافتني أبكي قالتلي ان شاءالله دم وباقي ماقد جاتس شيء
سطام:وكل ها الصياح عشان فطيم معليتس وربي لاخذ حقتس منها ان شاءالله واني لاخليها عضه وعبره لغيرها
طلال سحب نفسه ودخل المجلس وطلع اااه من أعماق قلبه يعني على زيد همومه يشوف دموعها وهو مقهور اغلى ناس عنده تبكي قدامه جلس على الكنب وحط كوعه على فخذه وشبك ايديه مع بعض وطلع الإبهام من يديه الثنتين وعضها بأسنانه من القهر........






.............. نهاية البارت ............





















[/SIZE]
[/CCOLO

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 31-03-2015, 03:01 PM
صورة تـذكـار. الرمزية
تـذكـار. تـذكـار. غير متصل
©؛°¨غرامي جديد¨°؛©
 
الافتراضي رد: رواية عمري معاه يشبه عيون الطفوله أحس إني بنته وأنا له حبيبه


جممممممممممممممميييييييييييييييييييييييييييييييييي ييييييل البارت بإنتظاركك

الرد باقتباس
إضافة رد
الإشارات المرجعية

رواية عمري معاه يشبه عيون الطفوله أحس إني بنته وأنا له حبيبه

الوسوم
رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 30599 اليوم 02:36 AM
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2347 02-10-2016 04:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
روايتي الثانية : إسمحيلي من النظرة الأولى و كوني أم أولادي / كاملة لفانتا روايات كامله - يتم نقل الرواية هنا بعد اكتمالها 474 08-03-2013 01:55 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM

الساعة الآن +3: 10:37 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1