غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
عرض نتائج التصويت: ما رائيك برواية لو كثرت جروحي فلاني بمكسور....؟؟؟
ممتازة 0 0%
جيدة جدا 1 100.00%
جيدة وبحاجة للتطوير 0 0%
سيئة 0 0%
تصويت متعدد الخيارات. المصوتون: 1. لم تقم بالتصويت على هذا التصويت

 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 20-09-2014, 12:43 AM
صورة الهنووف السبيعي الرمزية
الهنووف السبيعي الهنووف السبيعي غير متصل
©؛°¨غرامي مشارك¨°؛©
 
Uploadfef5c031fd رواية لو كثرت جروحي فلاني بمكسور أنا اكسر اللي قال إنه كسرني/بقلمي


لو كثر جروحي فلاني بمكسور..انا اكسر اللي قال انه كسرني
ماهو حكي زايف ولا كبر وغرور..انا فيني عزة واقهر اللي قهرني
والوقت ياصاحبي دايم يدور..ولابد يصحى غشيم خسرني

رواية..لو كثرت جروحي فلاني بمكسور انا اكسر الي قال انه كسرني
سلام رجعت لكم مع روايتي الثانية ومتأكدة انها بتعجبكم وبتتحمسون معها
طول الاحداث يعتمد على الشخصيات وعددها.......
كثير ما ودي اطول عليكم >>عقب شنو ..اترككم مع الرواية وقراءة ممتعة
الباااااارت الأ1111111111111ول
الساعة 9 الصباح البيت هاااادي ومافيه اي ازعاج من بعد الحفلة اللي
صارت بمناسبة خطبة وحدة من البنات الكل امس راح لبيته الا وحدة نامت
مع بنت عمها ومافي احد يدري عنها من اهل البيت غير البنت وبعد ماصحت
نوف: ريووم يلا قومي خلصي علي الساعة9
ريم وهي مغطية وجهها بالبطانية: و وجع ان شاء الله استاذة نوف
نوف: يوجع عدويني قومي يلا
ريم: خليني انام تكفييييييين انا ما نمت الا الفجر
نوف: تستهبلين انتي كلنا مانمنا الا الفجر
ريم: اقول تراني عطيتك وجه زيادة عن اللزوم
نوف: بلا هياط وقومي انا رايحة اجهز الفطور وراجعة
ريم: عساك تنشغلين لحد ما اشبع من نومي
نوف: هههههههههههه مجنونة
نوف راحت تجهز الفطور وفي مكان قريب منهم كان يدور على شاحن جهازه
ولما يأس من انه يلقاه جلس يتحلطم
ماجد: والله مافيه غير نويف هي اللي ماخذة الشاحن انا اعلمك شغلك يانويف
كم مرة احذرك ماتاخذين اغراضي ولا تسمعين الكلام
راح للغرفة ونوف بالمطبخ وهو مايدري ان ريم موجودة في الغرفة
ماجد وهو يدور شاحنه: اووووف اخيرا لقيته
ويلتفت على جهةالسرير ويمسك البطانية ويشيلها وما شاف غير شعر مغطي
عالوجه...
ماجد: وش عندك يالملقوفة ماخذة الشاحن حقي من دون اذني
ريم وهي منصدمة: الملقوفة اللي تدفنك وتجيب خبرك ان شاء الله
ماجد: عرفت هالصوت بس اكيد هذي انتي يالغبية ريم
ريم معصبة: وش عندك داخل الغرفة من دون ما تستأذن وبعدين خير ان شاء الله
تشيل البطانية وتكشف على وجهي جعل يكشف عليك طبيب ما يلاقي لمرضك دوا
ماجد: اول شي انا ما ادري انك هنا ثاني شي تراك زوديتها بجيتك هنا كل
فترة وثالث شي الحمد لله ماني مريض لاجل مايتلاقى لمرضي دوا
ريم بتأفف: اقول ترى هياطك ما يدخل مزاجي لو تذلف يكون احسن وتراني في بيت
عمي موبيتك
ماجد: احترمي نفسك لا والله تشوفين شي مايسرك
ريم وبعيونها عتب: سبق وشفت بس والله انت اللي بعدك ماشفت مني شي
ماجد: انتي تلمحين لشنو بكلامك
ريم بنبرة حادة: المح بأنك احقر واوطى من خلق ربي
ماجد: ما اختلفت عنك يابنت ابوك
ريم: تاج راسك ابوي اللي مو عاجبك
ماجد: تراك زوديتها اسكتي والا
ريم: وربي بتندم وانا بنت ابوي وربي لاسقيك من نفس الكاس اللي سقيتني
ماجد: بنشوف وش بيطلع معك بنشوف
ريم: يطلع معي وانت ادرى ياااااااا يالرجال
ماجد: غصب عن اللي خلفوك رجال
ريم: هههههههههههه اشوف رجولتك وش سوت
ماجد عصب ومسك ريم من ذراعها بقوة: انتي وش قصتك معي
ريم: ما لحقت تنساها تراها توها ونارها ما انطفت
نوف وهي داخلة: وش صاير هنا
ريم: لا ولاشي بس اخوك الرجال مستقوي علي انا البنت
ماجد عطى ريم كف: عساه يربيك هالكف ويعلمك من انا
نوف شهقت: هئئئئئئ انت وش سويت
ريم: لا عادي عهدن علي اللي بيجيك العن والعن وانا بنت اللي مو عاجبك
ريم خذت عبايتها وراحت ونوف تلحقها وماجد راح يجهز نفسه للدوام والوضع
ايزي عنده بس هو خايف من اللي بتسويه ريم
ماجد بنفسه: لازم اجهز نفسي للي بيصير هالبنت مو هينة وقد جربت العب معها مرة ومانفذت
منها الا بالموت
نوف وهي تهدي ريم: ريووم هدي وخلينا نرجع
ريم وهي تضحك: ههههههههههههههه ليكون انتي تحسبين اني زعلت لانه ضربني لا ياقلبي
نوف: اجل وش فيك بتروحين
ريم: نسيت ان اليوم عندي محاضرة لازم اروحها وكف اخوك صحاني
نوف: لاتزعلين منه ريوووم
ريم: انا ما اقدر ازعل منه لاني من الاساس اكرهههههههه
نوف: والله العظيم كل من فهالعايلة تعب من هواشكم وكرهكم لبعض
ريم: ماتنتهي المعركة الا لطاح اخوك وانهزم
نوف: بس هو اخوي
ريم: صداقتي فيك شي وكرهي له شي ثاني بعييييد
نوف: بس ياريم
ريم: لا بس ولا شي انا مستعجلة ومو فاضية نكمل كلامنا وقت ثاني سلاموو
بهالكلام ريم قاطعت نوف وتركتها بحيرتها وراحت لبيت ابوها عشان تجهز للجامعة
ريم وهي بالطريق: تونا في بداية اللعبة يا ماجد تونا في بدايتها استقبل وش بيجيك مني
تعريف بالشخصيات.......
ريم,,عمرها20البشرة بيضا لون العيون بني شعرها طويل لحد خصرها ناعم لونه اسود
جسمها نحيف الطول حلو حيل طيوبة وحنونة بس تكره ولد عمها ماجد مجروحة بسبته وبتتنقم
نوف،،عمرها 20البشرة بيضا لون العيون اسود شعرها طويل لحد خصرها ناعم لونه اسود
جسمها حلو لامتينه ولا نحيفه وطولها حلو ..
ماجد،،عمره26بشرته بيضا لون عيونه عسلي شعره لتحت اذنه ناعم لونه بني جسمه معضل
ونحيف طويل مزاجي ويلعب على البنات وطيب وحنون على الكل الا بنت عمه ريم يكرهها
نرووووح لمكان بعييييد عن السعودية لفرنسا لعند شخصياتنا الجدد
الساعة 8 الصباح كانت تمشي ومستعجلة ماسكة بيدها اليمنى كاس نسكافية
وبيدها الثانية الكتب ورفعت يدها اليمنى تبي تشوف ساعتها والاااا تصتدم ب......
وينكب على قميصه النسكافية وتتطاتير الكتب من الشخصين
__: ووجع ان شاء الله عمية ماتشوفين
سارة: وجع اللي يوجعك مو فاضية لك ابعد عن طريقي
__: بعدها ما انخلقت اللي تتأمر على تركي بن
سارة: وتبن هذه انخلقت وواقفة قدامك والحين يلا انقلع
تركي: تأسفي يلا الحين وبسرعة
سارة تناظره بأحتقار: انا سوسو بنت سوسو اعتذر لهالاشكال ههههههههههه مستحيل
تركي عصب: انتي بأي سنة تدرسين
سارة: ما تخسى الا انت اقول لك
تركي مسكها من فكها: جاوبي على سؤالي احسن لك
سارة: السنة الاولى الله ياخذك
تركي: اها يعني جديدة وماتعرفيني عدل
سارة: نزل ايديك تراك اوجعتني
تركي نزل يده: هذا شي بسيط
سارة: لاتفرد عضلاتك على بنت رح افردها على واحد بعمرك جعل عمرك يخلص اليوم
تركي: انتي بنت ما تعرفين الاحترام
سارة: اهلي علموني احترم اللي يستاهل مو المغرور واللي شايف نفسه
تركي ضحك: هههههههههههه على اساس انتي المتواضعة
سارة: والله انا شايفة ان الغرور يليق علي
تركي: اي واضح
سارة: اقول تراك اشغلتني عن اللي اهم منك ومن اللي خلفوك ابي امر وخر
تركي: المكان وسيع وتقدرين تمرين من جنبي مو شرط اوخر
سارة:انت الظاهر ودك اني احطك بمخي وشكله هذا اللي بيصير
تركي: ههههههههههه حطيني بمخك ما ادري وش اللي بيجي من وراك
سارة: انتظر وبتشوف والله بتندم على اليوم اللي جا في بالك تلعب معي
تركي: انا اللي حطيتك براسي وبعلمك الادب وبتشوفين وش بيجيك من وراي
ليان: يلا سوسو تأخرنا عالمحاضرة
سارة: اهلين ليون
ليان: هلا فيك
سارة تأشر على تركي: وش رايك بلوحتي الفنية اللي رسمتها على قميصه
ليان مستغربة: هذي انتي!!
سارة بأبتسامة: يب انا حلوة صح
ليان: هههههههههههه اي حلوة بس الله يعينك
فيصل قاطعهم: سلام
الكل: وعليك السلام والرحمة
سارة: فيصل ابي منك شوية ابحاث بخصوص السنة التحظيرية لاهنت
فيصل: من عيوني ماطلبتي شي
ليان: الحين بيجينا تهزيءمحترم من الدكتور
سارة: الا تعال فيصل
فيصل: هذاني جنبك مارحت مكان
سارة: بغيت اسألك
فيصل: سمي
سارة: بسم الله.. هالدلخ اللي اسمه تركي انت تعرفه
تركي: قصري لسانك لا اقصه لك
فيصل: اي تركي خويي
سارة: اهاااا
فيصل: وش مناسبة السؤال
سارة: ابد يقول انه حطني براسه مايدري من انا
تركي: وهي تقول انها حطتني براسها ماتدري من انا
فيصل: هههههههههههههههههههههه الله يعينك يا سارة
ليان: هههههههههههههههههههههه الله يعينك ياتركي
سارة: امشي ليون الجو كتمة هنا
ليان: يلا ياقلبي
سارة وليان بالمحاضرة...ويسولفون عن اللي صار اليوم
ليان: تراه مو هين انتبهي لنفسك منه
سارة: حسستيني انك توك تعرفيني
ليان: صار لي سنين اعرفك واللي انتي تسوينه مو سهل لازم تاخذين حقك بيدك
دخلت عرض بالسالفة تماضر: وش السالفة وش صاير من ورا سارة بعد
ليان: تعرفين تركي بن.....
تماضر: ايه اعرفه ومن مايعرف هالمغرور
ليان: اليوم صارت هوشه بينه وبين سارونة
تماضر: تبين الصدق
ليان وسارة: وش
تماضر: يبي له وحده مثل سارة تكسر عينه
سارة: لبى روحك والله هذا اللي بيصير
تماضر: المهم قولوا لي اللي صار بالضبط
ليان: سوسو عليها قلب حييل طيوب وكلنا نعرفها عدل بس ماترضى على نفسها
تماضر: وهي مغرورة شوي هههههههههه
سارة: الحمد لله شوي مو مثل الغبي تركي
ليان: تصدقين سكبت النسكافيه على ملابسه
تماضر: واااااو ودي اشوف شكله
سارة: قضينا هالمحاضرة كلها سوالف هههههههههههه
ليان: امشوا خلونا نروح الكفتيريا بس
تماضر: يلا
عند تركي وفيصل...يتمشون بالجامعة...
فيصل: مو من جدكم انت وياها
تركي: هي اللي بدت وهي اللي بتتحمل
فيصل: والله لاهو سهل اللي بيجيك من وراها ولا سهل اللي بيجيها منك
__: من هذي
تركي: هلا والله خلوود
خالد: هلا بك ..لاتضيع السالفة عن من تتكلمون
فيصل: عن سارة هذيك الطالبة المتميزة اللي بالسنة الاولى
خالد: لبى روحها والله
تركي بنظرة استغراب: تعرفها
خالد: ايه صار لي فترة احاول اشبكها واللي احصل عليه نسف جبهه هههههههههههه
الكل:ههههههههههههههههه
فيصل: ما عندها هالحركات البنت اهم شي عندها فليها ونجحي بدراستك
تركي: ما ادري من تكون ماجابت اللي جبته
خالد: تواها بأول سنة ما راح نشوفها وش بتسوي ووش بتجيب
فيصل: بس ياهي متوعدة بتركي خير الله وهو متوعد فيها
خالد:اوووف ليش كل ذا وش صار بينهم
فيصل: صارت هوشة مافي منها
خالد: سبحان الله
تركي: وش فيك
خالد: كيف القدر جمع هالاثنين وخلاهم يتهاوشون
تركي:وش قصدك
خالد: اللي اقصده انكم اثنينكم راسكم يابس ومخكم مقفل
فيصل: اجل ابشرك
خالد: وش
فيصل: راسهم يابس انا راسي ماء
تركي: اقول امش لايحصل لك شي مايسرك
فيصل: امشوا خلونا نروح الكفتيريا
خالد: قووو
في الكافتيريا.....الشباب جلسوا على طاولة والبنات كانوا جالسين على طاولة ثانية عدا سارة
كانت رايحة بأتجاه البنات ومرت بجنب الشباب وتركي مد رجله وهي كانت بتطيح بس خالد
مسكها والاكل طاح بالارض.....
سارة معصبة: انت غبي ولا وش قصتك
تركي: ههههههههههههههه الاحسن تلبسين لك نظارة يالعمية
سارة: يمالك للحية اللي تنهش عظامك
تركي: طلعي بعد طلعي بردي حرتك بعد اللي جاك
سارة: ببردها بطريقتي مو على كيفك
نزلت للارض تجمع الاكل اللي طاح وبعد ماجمعته كبته على راس ووجه تركي
تركي منصدم: وش هاللي سويتيه؟
سارة: بعدك ماشفت شي ههههههههههههه
تركي قام من كرسيه ويبي يضربها: لااا انتي جد زوديتها
خالد: هدي ياتركي واذكر الله
تركي: ابعد عن طريقي
خالد: تركي اجلس خلاص
سارة: ما احد ضربك على يدك وقال لك العب معي
تركي: والله لا العب فيك مو معك
سارة: عيدها تكفى عيدها ما سمعت هههههههههههههه
فيصل: سارة خلاص عاد
سارة: تونا في بداية اللعبة
راحت عند البنات....تنفض ملابسها لان صادها شوية غبار وهي نازلة تجمع الاكل اللي طاح....
سارة: عجبكم اللي صار
تماضر:تووووحفة يبي لها صووورة
سارة جلست تفكر: اممممممممممم
ليان: وش بلاك
سارة طلعت جوالها: يوووووووه
تماضر: وش فيك؟
سارة: جوالي خلص شحنه عطيني جوالك
ليان: وش تبين فيه؟
سارة: الحين تشوفين
تماضر مدت جوالها: هاك اخذيه
سارة تصور بتركي وكان شكله يضحك بقوووة وهو يحاول ينظف ملابسه خالد انتبه لها
وهي تصور بس ما اهتم للموضوع....
سارة: والحين ننتقل للخطة ب
ليان: وش ناوية عليه؟
تماضر: كأني عرفت
سارة: ولا شي بس بنشره بالانستغرام ههههههههههههههه
ليان: هئئئئئئئئئئئئئ
سارة: بدخل على حسابي من جوالك
تماضر: اخذي راحتك
ليان: الله يعينك ياتركي
الكل: اميييييييين
تعريف بالشخصيات...
سارة،،عمرها19بشرتها بيضا لون العيون عسلي شعرها طويل لحد خصرها ناعم لونه بني
على اشقرجسمها نحيف وطولها ممتاز طيوبة وبنفس الوقت فيها غرور تحاول تغيره تموت بشي
اسمه اطفال....
ليان،،عمرها19بشرتها حنطية لون العيون اسود شعرها قصير ناعم لونه اشقر رمادي جسمها حلو
و طولها حلو مايهمها شي غير دراستها ماعندها اي طموح غير بالدراسة هادية وتحب القراءة...
تماضر،،عمرها19بشرتها سمراء لون العيون بني شعرها لتحت اذنها ناعم لونه بني غامق جسمها
نحيف شوي وقصيرة شوي تحب تستهبل وتسوي مقالب بالبنات وتعطي البنات افكار ومقالب اذا
طلبوا منها....
تركي،،عمره25بشرته بيضا لون عيونه رمادي شعره طويل لتحت رقبته ناعم لونه اشقر مايل
للبني جسمه معضل وحلو وله غمازة بخده اليمين الطول طويل مغرور عصبي بس
طيب وحنون ويحب الاطفال..........
فيصل،،عمره25بشرته قمحيه لون عيونه بني شعره طويل لتحت اذنه ناعم لونه اسود جسمه
معضل ونحيف متفوق وتهمه دراسته ومايحب سوالف خالد ولعبه عالبنات يحب الاستهبال
والسماجه..............
خالد،،عمره25بشرته حنطيه لون عيونه اسود شعره طويل لتحت اذنة ناعم لونه بني جسمه
معضلونحيف لعاب وبس يغازل وكل شهر عنده وحدة بس بعد ماعرف سارة قرر انه يغير
اطباعه لانه مال لها بشكل حلو.................
نرجع للسعودية بالتحديد الساعة 7 العشاء في دار للايتام تعالوا معي
ندخل هذي الغرفة اللي قبالنا ونستكشف وش داخلها...
في مكان غريب لكنه داخل الميتم تكون هذي الغرفة اشوف قدامي الحين مديرة الميتم الشرسه
وعلى يمينها مساعدتها وعلى يسارها حارسة الغرفة تدخل الغرفة الجو باااااارد والمكاااااان مظلم
ماتعرف فيه الليل من الصباح وموجود داخلها ادوات تعذيب متنوعة وبأخر الغرفة بنت مربوطة
من يدينها ورجلينها وهي واقفة ومبتسمة وكل هذا التعذيب اللي جاها عشان لكن بقلبها قهر
ماحد يدري عنه وتكره اهلها اللي بسببهم هي بالميتم وعايشة هالعيشة الخايسة وبقلبها عتب على
كل من كان له سبب بوجودها بهالمكان وماتحب تشوف البنات مايكفيهم اكلهم ولا شربهم وتحاول
تسرق لهم اللي يسد جوعهم بالكامل وفي بالها خطه يا تنفذها ياتموت والموت ارحم من عذاب
الدار ومديرتها ....!!!!!!
المديرة مريم: عساك تعلمتي درسك يالهنوف
الهنوف: مااظن اني ارتكبت غلط
مريم: اتمنى اللي جاك يأدبك
الهنوف: ما اتوقع الصراحة
مريم عصبت: انتي اكثر بنت متمردة عندي
الهنوف بنظرة سخرية: من معاملتك الطيبة الصراحة
مريم: اعقلي احسن لك
الهنوف: ان شاء الله من عيوني اذا متي بأذن الله اعقل ههههههههههههه
مريم: عالعموم اللي صار معي اليوم خلاني اصفح عنك
الهنوف: جزاك الله خير بس ليش تعبتي نفسك خليني انام ليلتين زيادة بعد
مريم: اذا تبين ما اقول لا
الهنوف: الا بتقولين والسبب ان المراقبة جاية بعد شوي للتفتيش
مريم: فكوها وخلوها مع البنات والاحسن اذا سألت المراقبة عن اللي بوجهك
الهنوف: اقول اني طحت على وجهي من الدرج عارفة
الهنوف بعد مافكوها ورجعوها مع البنات.......
غرام: سلامتك ياقلبي
الهنوف بأتسامة: الله يسلمك من كل شر
وجد: هذي المديرة متى بنخلص منها يالله
الهنوف: الا بنات وش رايكم لو
غرام: وش؟
وجد: لو شنو؟
الهنوف: احنا من انولدنا واحنا بين عذاب هالجدران
غرام: وش تلمحين له؟
وجد: كملي كلامك
الهنوف: انا اقوول ان احنا لازم نهرب من دار الايتام هالزفت
غرام: ومن ماوده يخلص من هالعذاب كل اللي بالدار ودهم
وجد: بس شفتي وش صار باللي حاولوا يهربون
الهنوف: لا بنهرب و بنتعلم من اللي قبلنا
غرام: انهبلتي انتي كيف بنهرب من هالجحيم
الهنوف: انا بنجن لاتميت هنا بنات لازم نتساعد عشان نهرب
وجد: انا معك
غرام: وانا بعد بس يبي لنا خطة مضبوطة عشان ماننمسك
وجد: ويصير فينا اللي صار باللي قبلنا
الهنوف: الخطة عندي
غرام: اللي هي..
وجد: تكلمي نسمعك
الهنوف: مثل ما انتوا عارفات ان كل يوم يطلعون الغسيل بعربه من هنا للشاحنة الى المغسله
غرام: ايييييييه
وجد: وبعدين؟
الهنوف: احنا راح نتخبى بوحدة من هالعربات بس اللي يبي لنا
غرام: عرفت الملابس تطلع من هنا الساعة 11 وهم يدخلونا الساعة 10 لغرفنا ويقفلون علينا
وجد: هذي خلوها علي
غرام: كيف؟؟
الهنوف: انا ادري هههههه
وجد: يب عندي نسخة لكل المفاتيح بس يبي لنا نظمن ان الممر يكون فاضي ومايمسكنا جنس
مخلوق واحنا نهرب


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 20-09-2014, 12:49 AM
صورة الهنووف السبيعي الرمزية
الهنووف السبيعي الهنووف السبيعي غير متصل
©؛°¨غرامي مشارك¨°؛©
 
الافتراضي رد: رواية لو كثرت جروحي فلاني بمكسور انا اكسر اللي قال انه كسرني


تااااااااااابع


تعديل الهنووف السبيعي; بتاريخ 20-09-2014 الساعة 12:52 AM. السبب: نزلته من دون ما اكبر الخط
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 20-09-2014, 12:50 AM
صورة الهنووف السبيعي الرمزية
الهنووف السبيعي الهنووف السبيعي غير متصل
©؛°¨غرامي مشارك¨°؛©
 
الافتراضي رد: رواية لو كثرت جروحي فلاني بمكسور انا اكسر اللي قال انه كسرني


الجزء الثاني من البارت الاول

الهنوف: اللي انا اعرفه من ممرضة الدار ان الكل يكون بغرفته ولا اي حد يكون طالع من بعد
الساعة 10ونص
غرام: طيب من اي باب بنطلع لغرفة الغسيل لا الباب الرئيسي ينفع ولا الباب الخلفي عليهم
حراسات مشددة
وجد: اكيد من باب المطبخ هو يودينا لغرفة الغسيل بسرعة لانه بجنبه
الهنوف: بقت الطباخة وش الحل معها بنات لازم من 10 ونص الى 11 ماتكون موجودة بالمطبخ
غرام: انا عندي الحل وهو ..مدت يدها وطلعت علبة: هذا
وجد: وش هاللي بيدك؟
غرام: منوم هي دايما على الساعة 11 الا ربع ترووح للمديرة الزفته تعطيها قبل لاتنام شي خفيف
تبلعه
وجد: عسى يبلعها الموت
الكل: امييييييييييييييين
غرام: بما ان عقابي اليوم بالمطبخ انا اللي بحط المنوم بأكل المديرة وبأكل الطباخة عشان
بعد ماترجع للمطبخ تاكله وتنام
الهنوف: حلووووو على خطتنا بنات
الكل: ايييييييه
الهنوف: يلا خلونا نستقبل هالمراقبة الحولة اللي الحمد لله والشكر كل شهر تشوف وجه بنت
من البنات مشوه وتصدق انها طاحت
غرام: خلونا نهبل فيها يمكن تحس قبل لاتطلع
وجد: ياليت
الهنوف: طيب خلوا تطفيرها علي هههههههههههههههه
الكل: ياسلاااااااام
تعريف بالشخصيات...........
الهنوف..،،عمرها20 بشرتها بيضا لون العيون عسلي شعرها قصير لتحت اذنها ناعم
لونه بني على اشقر جسمها حلو وطولها حلو ماتحب تسكت للظلم وتحب تساعد البنات اللي معها
وماتسكت عن حقها ابد...
غرام..،،عمرها18بشرتها بيضا لون العيون بني شعرها طويل لتحت خصرها ناعم لونه اسود
جسمها نحيف طويلة شوي عليها خطط وكل شي تسويه ماحد يدري عنه من تحت لتحت.........
وجد..،،عمرها18بشرتها حنطيه لون العيون اسود شعرها قصير لتحت اذنها ناعم لونه بني
جسمها نحيف طولها عادي شكلها يدل على انها هادية وفعلا فيها من الهدوء بس الله يعلم وش
البلاوي اللي تخبيها.........
لعند ابطالنا وبطلاتنا الجدد الساعة 8 بعد العشاء ومن بعد يوووووم طويييييل وتعب ومن
محل لمحل وللحين ماخلصوا..........
اماني بملل: اوووووووووف انا تعبت خلاص امشوا معي خليهم يتسوقون لما يتعبون
منيرة: انهبلتي انتي وين بتروحين؟
فاطمة: استريحي انتي بس ترى احنا الحين في بنده وين بنروح يعني
اماني: امشوا بس وانتي معي يلا خلونا نشوف هذا اللي يبيع مسرحيات وافلام
فاطمة: ابي رعب وكوميديا
اماني: هذا اللي ابيه
البنات راحوا لعند اللي يبيع مسرحيات امهم وعمتهم واخوهم يدورون عنهم ويتلفتون حولهم.....
ام سعد: توهم من شوي هنا ازعجوني من كثر ماقالوا تعبنا ماخلصتوا
العمه ساره: ابي اعرف كيف تعبوا وللحين يفترون وماندري وينهم
محمد: والله انتوا ماتعرفون لخواتي كثري هم يبون يرحون للاماكن اللي يبونها وما راح يتعبون
مو الاماكن اللي انتوا تبونها
ام سعد: يلا محمد حاسب واكيد بنلقاهم عند الباب
محمد: ان شاء الله يمه
وبعد ماخلصوا راحوا لعند الباب والبنات كانوا قريب من هناك وشافوا وحدة عند الصراف وشافوا
امهم والعمه واخوهم محمد.....
محمد: عمه شوفي هذي كنها فطيم اختي
العمة ساره: وينها؟
محمد: اللي عند الصراف
عند البنات وهم يراقبون الوضع من مكان مو بعيد ومستغربين العمه عند من رايحة
اماني: وي وي شوفوا العمه وين رايحة
منيرة: يمكن تعرفها وتبي تسلم عليها
فاطمة: يمكن تحسبها وحدة منا هههههههههه
اماني: تخيلوا صدق تحسبها وحدة منا هههههههههههههههههه
ومع كل هالسوالف والضحك الا وفجأة ويسمعون صوت ضربة طرااااااااخ..
اماني: شكلها صارت هههههههههههههههههههههههههههه
فاطمة: هههههههههههههههههههههههه وي ضربت المره ههههههههههههههههههههههههه
منيرة: ههههههههههههههههههههههههههههه اي بطني ههههههههههههههههههههههههههه
اماني: تكفون شوفوا شكلها ههههههههههههههههههه واي بطني ههههههههههههههههههههههههه
فاطمة: كان شكلها كذا o_O ههههههههههههههههههههههههههههههه
العمة ساره بعد ماضربت الحرمة وانصدمت انها مو فاطمة.........
العمه ساره بصدمة: والله ا ااسفة ك ك كنت احسبك ب بنت ا اخوي
الحرمة: لا عادي
العمه ساره: اعذريني والله شكلك من بعيد كأنك هي
الحرمة: حصل خير عاذرتك اختي
وبعد ماراحت الحرمة محمد فقع ضحك: هههههههههههههههههههههههههه والله مالي دخل شكلها
كنها فطيم اختي
العمه ساره: وهقتني مع بنت الناس...وتلحقه بخفيف تبي تمسكه وماتبي احد ينتبه لها
محمد يهرب: وانا وش دراني اي والله تشبه فطيم اختي هههههههههههههههههههههه
اماني: شوفوا شكلهم والله يفقع ضحك ههههههههههههههههههههههههههههههه
ام سعد من وراهم: وش تسوون هنا؟
منيرة كاتمه ضحكتها: يمه كنا نشتري افلام ومسرحيات
فاطمة: بس والله فاتتك بداية المسرحية اللي للحين مستمرة ههههههههههههههههههههههه
ام سعد: بس سكتي انتي وياها انا ماعرفت مكانكم الا من ضحككم
اماني: والله انتي شايفة اشكالهم هههههههههههههههههههههههههههههههههه
ام سعد راحت عند محمد والعمه سارة تشوف اللي صار معهم وتهدي العمه اللي
عصبت ووصلت حدها....
فاطمة انتبهت ان بايع المسرحيات جالس يضحك وانتبهت انه حظر المسرحية اللي صارت من
اولها و قلبوا عليه
فاطمة عفست وجهها: نعم خير وش عندك تضحك؟
البايع: ا اا انا
اماني معصبه: انت شنو ليه تضحك؟
البايع: م م ما كان قصدي
اماني: مع هالوجه يقول كأنه عبد الناصر الدرويش نسخة مقلدة ههههههههههههههه
فاطمة: اي والله كأنه عبد الناصر الدرويش والمشكلة مصدق نفسه حلو نفس
عبد الناصر مع انه ذاك يمثل ههههههههههههههههههه
منيرة: وش فيكم انتوا ما عليكم منه؟
اماني: اظن ماعاد فيه جبهه الحين
البايع: احترمي نفسك تراني سكت لك واجد
فاطمة: اشوف بس مايفقع ضحك اكثر من اللي من شوي الا وجه هالرخمة ههههههههههههههههه
اماني: صادقة نصيحة اذا بغيت بضاعتك تمشي غط وجهك عشان مايهربون الزباين هههههههههه
البايع: تراك زوديتها
اماني: نقص منها تكفى اقول كل تراب
منير: يلا بنات امشوا
فاطمة: حتى احنا بنهرب من هالبايع مثل اللي قبلنا
منيرة: هو اللي جابها لعمره يستاهل ماحد قاله يقط اذنه عندنا
اماني: والمشكلة وده بس بنت تعطيه وجه ويرقمها وبس عيونه زايغة
فاطمة: انت هي لاتصدق نفسك حلو تراك تجيب كل امراض العالم للي يشوف وجهك
منيرة: بس انتي وياها خلاص يلا
اماني: اشك حتى ان اهله يطالعون بوجهه.. فطارت ترن ترن
فاطمة ومنيرة: الجبهه طارت فطاااااااااارت ترن ترن ههههههههههههههههههههههههه
اماني: اقول امشوا بنات خلونا نترك هالمكان ههههههههههههههههههه
فاطمة: اخذ مسرحياتك وافلامك مانبيها
اماني: المسرحية اللي صارت اليوم تكفي هههههههههههههههه
فاطمة شافت العمه جايه لهم: العمه جات
منيره: امشوا خلونا نسبقهم للسيارة عشان ماتجينا تهزئة قدام خلق الله
فاطمة كاتمة ضحكتها: هههه لاحد يضحك طيب
العمه ساره معصبه: انتوا وين كنتوا؟
منيرة حابسة الضحكة بالموت: عمه احنا كنا هنا
اماني فقعت ضحك: نتابع المسرحية اللي صارت من بعيد هههههههههههههههههههههههههههههه
فاطمة لحقتها بالضحك: ههههههههههههههههههههههههههههههههه
منيرة: والله ماقدرت ههههههههههههههههههههههههههههه
محمد: انا كنت احسبها فطيم ههههههههههههههههههههههههههههههههه
العمه عصبت بقوة: عالسيارة بسرعة
وبعد ساعة يعني الساعة 9 ..............البنات بالسيارة والعمه وامهم يتسوقون مع محمد كان
عقابهم يجلسون بالسيارة
اماني بطفش: اووووووف وش هالطفش
منيرة التفتت عليها: انتي من تقولين اووووووف تجي من وراك مصيبة
فاطمة بابتسامة خبث: يبي لنا مغامرة وش رايك اماني؟
اماني: امممممممم وهذا اللي بسويه
منيره: خبلان انتوا ولا وش جاكم
فاطمة: انتي سكتي يالخوافة
منيرة: اي حبيبتي اخاف على نفسي من مصايبكم
اماني: خلي عندك حس مغامرة
منيرة: لاااااااااا
فاطمة: تركيها عنك وش تفكرين فيه؟؟
اماني: بما انهم تركونا بالسيارة خلونا بدل ماهم يعاقبونا نعاقبهم ونسوق هالسيارة
فاطمة: هيييييييييييااااااا ونااااااااااسة احسن عشان مايتركونا فيها مرة ثانية
منيرة: والله انكم مجانين ولو تمسككم الشرطة
اماني: اشوف بس من كثر مايهمهم شغلهم ماحد فاضي لنا اتحدى بس اشوف دوريه بالشارع
واليوم بالذات خخخخخ
فاطمة: بعدين السيارة مظللة تظليل كامل يعني لاتتكلمين ويلا اموون سوقي السيارة
اماني: من عيوني
وساقت السيارة وبعد ساعة يعني الساعة 10........وعند الاشارة
اماني: شبعتوا ولا باقي تبوني الف فيكم
منيرة: رجعينا لاتجيبين لراسنا مصيبة
فاطمة: لا افتري فينا بعد
اماني: وانا ماشبعت ودي بعد افتر
منيرة تتلفت وتشوف السيارات وانتبهت لسيارة كانت تلاحقهم من اول اشارة وقفوا عندها وانتبهت
لنظراتهم بس هم ما اتنبهوا انها انتبهت لهم...........
منيرة: ووووويييييييي بناااات هالسيارة من مساع تلاحقنا توي الاحظ عليها والله
فاطمة التفتت: اي والله هذي السيارة نفسها اللي ضحكنا على اللي فيها
اماني: سخطة تسخطهم
منيرة: يلا خلينا نرجع لا تصير لنا سالفة من وراهم
اماني: زيييييييين بس خلينا نضيعهم
فاطمة: ترى البنزين بيخلص
اماني: في محطة قريبة يلا نروح نعبي بنزين مع انه فيه بنزين عدل
منيرة: ضيعيهم قبل لانروح المحطة
اماني: زيييييييييين فهمنا بضيعهم بعدين ترى البنزين مو شوي ومو الحين بيخلص طالعوا عدل
وضيعوا السيارة اللي تلحقهم بعد نص ساعة من التعب والبنزين الحين بيخلص ومابقى
فيه الا قليل......ووصلوا للمحطة بس.......
اماني انصدمت: وجع يهب عليه حظ
فاطمة كشرت: هذول وش جابهم هنا
منيرة خايفه: ماقلت لكم
فاطمة: مو وقت نصايحك فكينا
منيرة: والله انك ام لسان
فاطمة: لساني وكيفي
اماني متوترة: انتوا هي وش اسوي مع هالمصيبة
فاطمة: ماحلى لهم يطلعون دورية الا الحين
اماني: اقول امشوا نزلوا من السيارة البنزين خلص
منيرة عيونها مدمعه: وين بنرووووح؟
اماني: اصلا انا ضيعت الطريق
فاطمة: هالمغامرة تزيد حماس
منيرة: اقول نزلي وانتي ساكته
اماني: خلونا ندخل طريق المزارع عشان ماحد يشوفنا
الكل: طيب
وبعد نص ساعة يعني الساعة كانت 11من المشي .........
اماني: تعالوا بنات هذا شباب خلونا نسألهم عن الطريق
منيرة: لاااا خلونا نمشي ونلقى الطريق لحالنا احسن
فاطمة: خواااااافة امشي بس يمكن وراهم خير
منيرة: ويمكن شر
اماني: تفائلي يلا خلونا نروح صوبهم
البنات وهم رايحين بأتجاه الشباب سمعوا !!!!!!!!!!!!
عزام: لازم نشوف حل لهالمصيبة
محمد: هالجثه لازم تختفي
نايف: بس كيف راح نخفيها
مروان: والاهم وين راح نخفيها
عزام: لازم تطلع لبرا السعودية
محمد: وكيف راح تطلع
عزام: انا اقولك نايف طيار
نايف: لاتدخلوني بمشاكل ان في غنا عنها
عزام: وانت يامحمد شرطي
محمد: وش تبي توصل له؟
عزام: ومروان دكتور
مروان: اييييييييه وبعدين
عزام: راح ندخلها مع الموتى اللي بيرسلونهم لأهلهم
محمد: طيب!!
عزام: وانت بترافقه على انها مهمه ومروان راح يكتب تقرير فيه انها منتحر للأحتياط لو انهم
شكوا بشي
مروان: وبعدها..
عزام: اللي بعدها ان انتوا بتدفنونه بس لازم الجثه تكون مع مجموعة جثث كثيرة وبمدينة وحدة
محمد: بمعنى اني كما لو اني احقق بجريمة
عزام: بالضبببببببببط
نايف: طيب الخطة مضبوطة والله يستر لاننكشف
عند البنات............بعد ماسمعوا هالكلام تخبوا ورا الاشجار..........
اماني: اوووخس ويقول الله يستر اشك الصراحة انه يعرف ربه
منيرة تبكي: والله انك فاضية تفكرين بكلامه وش هالمصيبة اللي جبيتها لنا اهئ اهئ
اماني: فاضية عبيني هاهاهاهاها هههههههههههههههه
فاطمة: الله ياخذهم يابووووووووووي بدت اماني بسماجتها
اماني: اي بديت.. اووووف وش هالحظ انا بعلم عليهم والله ماخليهم يفلتون بفعلتهم
منيرة: مجنونة انتي لا تدخلينا بمتاهات احنا في غنى عنها
فاطمة: لا بنعلم الساكت عن الحق شيطان اخرس
اماني: الحين شيطان اخرس بالمدرسة لو يسألونك من اللي غش تقولين ما ادري حتى لو
انتي ههههههههههههههههههههههههه
منيرة: فاضية والله تضحكين
اماني: ليش ان شاء الله احرم نفسي اضحك والسبب هالدلوخ انا اذا بموت لاهذا ولهذا هو السبب
بموت لانه يومي
فاطمة: بسم الله عليك خيتي
اماني: بعد قلبي والله فطوو
منيرة: امشوا خلونا نرجع
اماني: خسااااااارة ما اعرف غير اساميهم ليت اعرف اسامي عايلتهم بس
فاطمة: خلونا نروح ندجهم دج نتسبب فيهم
اماني: لا فطيم لسانك الطويل وعصبيتك مو وقتها حاولي تمسكين نفسك اعرفك لاعصبتي
ما تحسين بنفسك
منيرة: خبلة انتي تبينهم يحطونا جنب الجثة اللي عنده
فاطمة عصبت وبصوت عالي: يخسوووووووووون يسووون فييييييينا شي اي والله هذا اللي
باقي هالاشكال تتحدانا
اماني انصدمت: انتي وش سويتي ؟؟!!
منيرة تبكي: عرفوا ان احنا درينا عنهم الحين بيذبحونا اهئ اهئ
اماني: منيرة سكتي خلاص انتي تعرفين فطيم لاعصبت
منيرة: وش السواة؟
فاطمة: بروح اضربهم
اماني: خلك محلك هم جايين جايين لازم نهرب بس كيف؟
عزام منصدم: سمعتوا اللي سمعته؟
محمد مرتبك: في احد عرف بالجثة
نايف يمسح عرق جبينه: واكيد سمع الخطة
مروان براحه: تراهم بنات
عزام بهمس: نايف مروان
نايف ومروان بهمس: سم
عزام: جيبوا لي اللي طلع منهم هالصوت روحوا لليسار
نايف ومروان: طيب
عزام: وانا ومحمد بنروح من هذي الجهه اليمين
الكل: يلا
البنات متخبين ورا الاشجار وصوت خطوات جايي بأتجاههم كل وحدة فيهم كتمت انفاسها
وخايفات وكل وحدة يدور بنفسها كلام
اماني بنفسها ونزلت من عيونها دموع: ياويلي هذا اليوم هو اخر يوم لي ما راح اشوف امي
واخواني مرة ثانية
منيرة بنفسها وهي تبكي: ليه كذا ياخواتي انا قلت لكم بلانا هالمغامرات شوفوا وين ودتنا الحين
فاطمة بنفسها: الله ياخذكم انتوا وش اللي حطكم في طريقنا الله يستر بس انا ماراح اخليكم تقربون
من خواتي
اماني بنفسها: انا الكبيرة وانا اللي لازم احميكم فداكم روحي بس مستحيل اعيش واشوفهم
يعذبونكم لازم يقتلوني انا بالاول
منيرة بنفسها: الله يحفظكم ياخواتي عسى يومي قبلكم الله يحميكم
فاطمة بنفسها: لابد من المواجهه يا قاتل يا مقتول
صوت الخطوات كل ماله يقرب ويزيد ونبضات القلب تدق بشكل اسرع والخوف يحيط بالمكان
والظلام يخيم عالمكان وان شفت من الشخص اللي قدامك ماعرفت اذا هو بنت او ولد ولا عرفت
مواصفاته وشكله .........
تعريف بالشخصيات................
اماني,,عمرها20بشرتها بيضا لون العيون عسلي شعرها قصير لتحت اذنها ناعم لونه بني على
اشقر جسمها نحيف وطولها حلو طايشة تحب المغامرة وعنيدة اعصابها باردة مثل الثلج وماتسكت
عن حقها ابدا وهي اخت منيرة وفاطمة من الاب تموت بشي اسمه اطفال
منيرة,,عمرها18بشرتها حنطيه لون العيون بني شعرها طويل لتحت ظهرها ناعم لونه بني مايل
للاشقر جسمها نحيف وطولها حلو تخاف حيل من مغامرات خواتها اماني وفاطمة وبنفس الوقت
تخاف عليهم منها متفوقة بدراستها وهي بأول سنة جامعة.....
فاطمة,,عمرها14بشرتها بيضا لون العيون بني شعرها لتحت كتفها ناعم لونه بني جسمها نحيف
وطولها حلو عصبيه وعليها لسان مافي احد يسلم منه لاعصبت تنسى نفسها وتحط اهلها بمواقف
تفشل......
عزام,,عمره26 بشرته حنطية لون عيونه اسود شعره طويل لتحت اذنه ناعم لونه اسود مايل
للاشقر جسمهل حلو معضل خشمه سلت السيف ومرسومة بوجهه سكسوكة مزوح ويحب الضحك
والاستهبال اذا حب يحب من قلبه هادي بس اذا عصب ينقلب شي ثاني مايحب احد ينرفزه
يكره كره العمى الخيانة والغدر غني بشكل ويشتغل بمؤسسة وشركات ابوه المتوفي......
محمد,,عمره26 بشرته حنطية لون عيونه بني شعره طويل لنص رقبته ناعم لونه بني جسمه
معضل خشمه سلت السيف ومرتسمه على وجهه سكسوكة عصبي بشكل بس قلبه طيب ويرضى
بسرعة مايحب احد يرادده على انه عصبي بس دايم مبتسم وفيه غموض ويشتغل شرطي
مخابرات سريه
نايف,,عمره25بشرته بيضا لون عيونه عسلي شعره طويل لتحت اذنه ناعم لونه بني جسمه
حلوو حنوون ويحب الاطفال اكثر شي ويكره البنات اكثر شي ومع ذالك يلعب عليهم ومايثق
بأحد غير اصدقائه يشتغل طيار..
مروان,,عمره25بشرته بيضا لون عيونه بني شعره طويل لتحت رقبته ناعم لونه اسود جسمه
حلو بخده اليمين غمازة حلوة طايش وكل همه ينبسط غني وعنده فلوس ومغرور بس حبوب
وهو يشتغل طبيب جنائي
ام سعد: طيبة وحنونة وهي اللي ربت اماني كما لو انها بنتها زوجها متوفي وهو متزوج ثلاث
هي من ظمنهم لكن طلق وحدة وبقت هي وضرتها بذمته تخاف حيل على عيالها وتخاف لايصيبهم
ضرر.........
العمه سارة: عصبية بس حييل طيبة وحنونة ماتعجبها تصرفات عيال اخوها وتحاول الا غصب
تغيرها وللحين مافلحت ودايم تعصب على فطيم اكثر شي ودايما تتمنى لهم الخير
محمد: عمره 17 يدرس بأول ثانوي لانه رسب سنة من قبل بشرته بيضا وخشمه سلت السيف
شعره اسود وعيونه عسليه نحيف بس جميييييييل وطوله حلوو عصبي ومزوح ويحب يستهبل
بس لاعصب جد ينقلب شخص ثاني ومايفكر بعواقب اللي بيسويه.....
هذا هو البارت الأول وعساه اعجبكم البارت الثاني بينزل لا شفت منكم حمااااس وتفاااااعل
اعطوني توقعاتكم مع كل شخصيات روايتي سلااااااااااااام.....


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 20-09-2014, 01:16 PM
صورة الهنووف السبيعي الرمزية
الهنووف السبيعي الهنووف السبيعي غير متصل
©؛°¨غرامي مشارك¨°؛©
 
الافتراضي رد: رواية لو كثرت جروحي فلاني بمكسور أنا اكسر اللي قال إنه كسرني/بقلمي


انتظر تعليقاتكم وردودكم بلييييييز ابي حماس عشان اكمل

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 21-09-2014, 07:02 PM
صورة حب في مهب الريح :) الرمزية
حب في مهب الريح :) حب في مهب الريح :) غير متصل
©؛°¨غرامي متألق ¨°؛©
 
الافتراضي رد: رواية لو كثرت جروحي فلاني بمكسور أنا اكسر اللي قال إنه كسرني/بقلمي


بااااارت رائع استمررري

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 21-09-2014, 08:46 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: رواية لو كثرت جروحي فلاني بمكسور أنا اكسر اللي قال إنه كسرني/بقلمي


تغلق بطلب من الكاتبة

رواية لو كثرت جروحي فلاني بمكسور أنا اكسر اللي قال إنه كسرني/بقلمي

الوسوم
روايتي الثانية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 33377 اليوم 11:34 AM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 1999 25-08-2011 01:29 AM
ابي فزعتكم رائد الغريب سجل الأعضاء - للتواصل بين الأعضاء 7 22-05-2011 09:38 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM

الساعة الآن +3: 02:56 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1