غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات - طويلة
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 71
قديم(ـة) 21-11-2014, 08:07 AM
صورة lamaa14 الرمزية
lamaa14 lamaa14 غير متصل
©؛°¨غرامي مشارك¨°؛©
 
الافتراضي رد: رواية قضاء وقدر مهما حصل بنعيش الفرح/بقلمي


وينك حبيبتي طولتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 72
قديم(ـة) 21-11-2014, 03:44 PM
صورة حنين الماضي_15 الرمزية
حنين الماضي_15 حنين الماضي_15 غير متصل
©؛°¨غرامي مشارك¨°؛©
 
الافتراضي رد: رواية قضاء وقدر مهما حصل بنعيش الفرح/بقلمي


البارت التاسع عشـــر

ام رائد:اسيل وقعي هنا حبيبتي
رفعت اسيل عيونها لامها وهي تحس دموعها بدت تتجمع من الخوف والتوتر توها تستوعب ..دخلت جدتها وهي تذكر الله وتهلل وتسبح ناظرت باسيل:ها ي اسيل وقعتي
ناظرتهم كلهم يعني اذا وقعت خلاص بتكون علﯽ ذمة رجال بتصير من مسؤولياته بعد ما كانت من مسؤولية ابوها وذا صار الزواج بتطلع من بيتهم وبتصير في بيت زوجها واشياء كثيرة بتتغير في حياتها بتصير مسؤوله عن بيت كامل ..للحظة حست انها تسرعت وماهي قد الزواج وتكوين اسره مد لها رائد القلم بعد ما جلس جنبها:يالله حبيبتي سمي بالله ووقعي لا نتاخر ع الشيخ مسكت القلم بيد تنتفض وهي تسمع صوت الفيديو اللي شغلته ريوف عرفت انها تصورها نزلت نظرها للورقه كان مكتوب اسمه وتحته توقيعه ومكتوب اسمها وباقي بس توقع تحت اسمها سحبت نفس قوي وزفرته وسمت بالله ووقعت وبعدها ماحست بنفسها الا وهي في حظن شخص رفعت عيونها وشافت امها ورائد ضامينها وريوف قفلت الكام ومشت لجهتها وباستها علﯽ خدها:مبررروك ي اقدع اخت واجمل عروس
الجده:كللللللللللللووووووش
وقف رائد وهو يسحب الكتاب ويدخل القلم في جيبه:الله يوفقكم مع بعض ويكتب لكم حياة سعيدة
اسيل بحيا:امين
طلع رائد للمجلس ودخلوا البنات وصراخ وضحك وفرحانين



في المجلــــس
دخل رائد ومد الكتاب للملاك اللي تناوله منه وكتب فيه شوي ورفع راسه وسلم علﯽ حسان:(بَارَكَ اللَّهُ لَكَ وَبَارَكَ عَلَيْكَ وَجَمَعَ بَيْنَكُمَا فِي الْخَيْرِ )
حسان بابتسامة:اللهم امين جزاك الله خير ي شيخ
سلم الشيخ:يالله السلام عليكم وطلع مع رائد يوصله لباب البيت
وقف الجد وتقدم من حسان وسلم عليه وضمه:مبروك الله يتمم لكم ع خير
حسان بابتسامه:الله يبارك فيه يبه



في غـــرفة اسيــل
فاطمة تبوسها:يابعد تسبدي ي زوجة اخوي
اسيل بضحكة:فطووم خلااص بعدي عني خنقتيني من اول ما طلع رائد وانتي تبوسين فين
فاطمة بفرحة:شسوي ي خي احبك
اسيل:طيب ادري تحبيني بس تكفين خفي علي شوي وجهي صار يعورني
فاطمة:فدا لي اكيد
سارة:اسوول متﯽ بتنزلين
فاطمة:لحظة الحين بيشوفها حسان ويجلسون ربع ساعة مع بعض بعدين بينزفون مع بعض ويلبسها الطقم
ريم تناظر ساعتها:الساعه11ونص يعني ع 12 تكون جاهزه صح
فاطمة:اييه
ام رائد:اسيل حبيبتي يالله تعالي للمجلس اللي تحت
اسيل ناظرت في امها بتوتر:يمه مو لازم نجلس مع بعض يشوفني وع طول اطلع
ام رائد:ما يصير حبيبتي يالله تعالي بس اقري لك اي شي يخفف عنك وانزلي
ريوف جات تركض وهي ماسكه المبخر:يووه انقطع نفسي ... لحظة تبخري اسول
قربت منها وبخرتها وتركته ع التسريحة ونزلوا مع الدرج للمجلس وقفوا البنات في الصالة الداخلية واسيل وامها دخلوا للمجلس
اســـيـــــل
اول ما دخلت للمجلس كان ابوي ورائد وراكان واياد موجودين تقدمت من ابوي وهو حضني ويسلم علي ويبوسني ويدعي لي حسيت بشعور السعادة اللي في ابوي ناظر وجهي وبصووت حنوون جدا:الله يسعدك ويبعد عنك كل ذرة حزن... باس جبهتي وانا استحيت صراحة... حبيت راسه ويده والتفت لاياد اللي متشيك وفرحان ما احد قده
اياد:اسلم عليك بس لا تاخذين راحتك وتوصخين ثوبي بمكياجك
ضحكت:يا دب المفروض ثوبك يكون فدا ولا انا غلطانه
اياد:مليون ثوب فدوة لك تعالي بس نسلم ضمني وبارك لي ونفس الشي راكان ولان رائد بارك لي فجلست وطلعوا الشباب كنت انا وابوي وامي جالسين بس



حســـــان
دق جوالي وكانت فاطمة رديت:الوو
فاطمة:ايوه حسووني فينك انت
حسان:انا في بيت جدي
فاطمة:انتظر بجيك من الباب الثاني
حسان:طيب
قفلت منها ورحت وقفت عند الباب الخلفي اللي يطلع ع طول للباب الخلفي لبيت عمي شفت فاطمة رافعه فستانها وتجري وصلت عندي وضمتني:مبروك ي عين اختك الله يوفقك ويجعله خير لك هالزواج
حسان:امين حبيبتي
بعدت فاطمة وهي مستعجلة:يالله بسرعة تعال عشان عمي واسيل صاروا بالمجلس
وقفت وانا التفت للمراية:انتظري اعدل الشماغ عفستيه لي
فاطمة:والله انك حلو امش بس
دخلنا بيت عمي وصادفنا زياد اللي طالع من المجلس مع التوام
فاطمة:ترﯼ اسيل داخل تعال يالله الشباب طلعوا اول
حسان:روحي نادي امي
فاطمة خبطت راسها:يووه نسيت والله اصبر اروح واجي
طلعت تركض وانا اهز راسي بقلة حيلة خبلة هالبنت ....تنهدت وانا اتذكر امي كنت اتمنﯽ هي تدخلني علﯽ زوجتي بس ربي ما كتب اكيد كل شخص يتمنﯽ امه تكون معه بهاليوم تنهدت وانا ادعيلها بالرحمة غمضت عيوني وصرت استغفر عشان ابعد الضيقة اللي جتني من ذكرﯼ امي
رفعت راسي علﯽ صوت جدتي وفاطمة:يالله حسان تعال
تقدمت لهم وجدتي فتحت الباب وانا توترت شوي ...دخلت جدتي ودخلنا وراها انا وفاطمة كنت منزل نظري للارض ...ماراح ارفعه الا اذا جلست جلست جنب عمي اللي جالس بصدر المجلس رفعت عيوني وناظرت بعمتي اللي واقفه جنب بنت منزله راسها لابسه فستان ابيض هذي هي اسيل سبحان الله متﯽ اخر مره شفتها كانت بثاني متوسط شفتها من دون حجاب هذي هي الحين كبرت وتغيرت جلسنا دقايق يعمنا الصمت بعدها تكلم عمي وهو يوقف:يالله ياجماعة الخير خلونا نطلع عشان ياخذون راحتهم ... والتفت لي:حسان سلمت لك اسيل معززه مكرمه وهذي هي قدامك تكلموا شوي وبعدها يصير خير
هزيت راسي وابتسمت:لا تخاف اسيل الحين صارت زوجتي وبحطها في عيوني
طلعوا برﯼ وهي مازالت ع حالها لا رفعت راسها ولا تحركت:احم شخبارك اسيل
رفعت راسها وبدت ترفع عيونها:الحمدلله بخير انت شخبارك
هزيت راسي وابتسمت:بخير الحمدلله


اسيـــــــــل
رفعت راسي وناظرته شوي وبعدها نزلت عيوني ع طول مافيني اجلس اكثر احس ان جسممي بارد واعصابي مشدودة
حسان:اسيل
رفعت نظري له:هلا
حسان بابتسامة;انا الحين زوجك وان شاء الله ربي يوفقني واسعدك معاي والله يوفقنا في حياتنا الجديدة
اسيل بحيا:امين ي رب والله يقدرني واحطك بعيوني واكون لك الزوجة الصالحة
حسان:امين يارب،اخبار دراستك
اسيل:الحمدلله ماشي حالها،وانت الشغل كيف معك
حسان:شوي تعب بس الحمدلله
هزيت راسي وسكتنا بعدها... وانا اتمنﯽ تخلص هالخمس دقايق اللي باقي من الوقت كنت منزلع راسي واناظر باسفل الكنب وصراحه اول مره اميز الكنب ان من تحت كان اللون الرمادي متدرج من الاغمق للافتح ضحكت علﯽ نفسي مالقيت ولا شي اافكر فيه غير الكنب



فاطــــــــمة
ناظرت بساعتي كانت 12 مشيت لباب المجلس بعد ما علمت الحضور انهم بيطلعون الحين
طقيت الباب وفتحته وابتسمت وانا ادخل:يالله وقفوا بتطلعون
ناظرت في اسيل وطلعت لغرفتها اخذت الورود ونزلت بسرعه قياسيه عطيتها الورود...واخذت الطقم وطلعت للكوشه ونزلته عالطاولة اللي قدام الكنبتين وناديت الخدم وقلت لهم يجيبون كوبين عصير والتورته ويخلوها ع الطاولة ناديت ريوف تعطيني الكام ورجعت عند اسيل وحسان وانا ماسكة الكام وشفت جدتي وعمتي واقفين قريب منهم
فتحت الباب:يالله تعالوا
تقدموا عند الباب
مشينت الﯽ باب البيت
فاطمة بحسره:بتطلعون كذا قدام الناس امسكوا بعض يالله
شبكوا اصابعهم مع بعض وطلعوا نزلوا من علﯽ الدرج وكان فيه سجاد احمر طويل يوصل للكوشه مشوا عليه ووصلوا للكوشة... وقفت تصوير والتفت اشوف الكنبتين والطقم جلس كل واحد مكانه ناديت ريوف وقلت لها تصورهم وهو يلبسها الطقم وانا رحت اساعد عمتي عشان يلبسها ويخلصون



اســـيـــــــل
كنت منزله راسي وافرك يديني في بعض لدرجة عورتني رفعت راسي لما سمعت فاطمة تكلمني
فاطمة:سوولي قربي شوي عشان يلبسك بالحلق
كنت استغفر اهدي ع نفسي رفعت شعري من عند اذني وهو دخل الحلق ..حسيته يرجف والله .. وعدل الحلق الثانية وجاء وقت التعليقه لو لا الحياء كنت اخذتها منه ولبسته ولا انحرج هالكثر...قرب مني وانا نزلت راسي شوي وفاطمة كانت ماسكة شعري
فاطمة:حسان يالله خلصت
تعدل حسان بجلسته:ايه خلاص
رفعت راسي وكانت فاطمة قدامي مباشرة شفتها كتمت ضحكتها:طالعي وجهك كيف احمرر
اسيل بحيا:حرام عليك فطوم اسكتي
فاطمة:مدي يدك بس عشان يلبسك الدبلة وانتي بعد راح تلبسيه
هزيت راسي بقلة حيلة ومديت يدي اللي كانت ترجف ورافضة توقف مسكها حسان وانا حسيت ضربتني كهربا 220 رفعت نظري لحسان اللي دخل الخاتم في يدي ومسكها وكلمني بصوت خفيف ما يسمعه احد غيري:هددي نفسك .. يدك مرره باردة
ناظرته وانا اسحب هواء وازفره بقوه ابتسم لي ابتسامة وكانه يطمني او شي زي كذا رديت له الابتسامة وانا اخذ الدبلة وادخلها بايده
سمعت صفقات الحضور ابتسمت وانا اشوف شروق و ريم وسارة مبسوطين
مدت فاطمة السكين :خذوا قطعوا التورته
مسكنا السكين وقطعناها
اخذت فاطمة قطعه مربعه وحطتها بصحن وعطتنا ووجهت كلامه لي:خذي قطعه واعطيها حسان
بلعت ريقي وانا ودي اكفخ فطييم وارتاح منها تكلمت وانا راصة ع اسناني وما تسمعني الا هي:اشوف فيك يوم ي فطوم ماني راحمتك وتشوفين
ابتسمت بقوة وهي تناظرني وتاشر بعينها ع الصحن اللي فيه التورته سميت بالله وانا اقطع منها قطعة ومديتها لفمه ....وكنت بموت لما مسك يدي يثبتها واكل القطعة هذاك الوقت انقهرت من رجفتي الواضحه... عمل حسان معي نفس الحركة اكلت القطعة وشربنا العصير وجلسنا شوي بعدها طلع حسان ..
عشان الحريم ياخذون راحتهم ويباركون لي وكذا



حســـــان
طلعت لمجلس الرجال وانا مبتسم قابلت زياد اللي ضحك علي وغمز:اشوفك مبتسم هاا شسويت
ابتسمت:الحمدلله الامور تماام
زياد:تعال الشباب بالمجلس
مشيت ودخلت للمجلس اللي مجتمعين فيه ولما جلست سمعت تعليقات هايلة ويضحكون علي
عبدالرحمن:هييه حسان قوم مكانك غلط انت متزوج روح اجلس مع عيسﯽ وناصر وابوي
عبدالله:ههههههههههههههههههههههه ايه صح ما نستقبل غير العزابيه
حسان:طيروا عن وجهي بس
اياد:ماعليك يالنسيب
رائد:لا لا كلامهم صح انت متزوج الحين تخربنا قوم عنا ما نبي نخرب
حسان بنص عين:هذا وانت اخو زوجتي وكلامك كذا افا بس افا
رائد ببرائه:ما غلطت ابدا
عبود:ي عيني يلللد وصرنا نقول زوجتي
:ههههههههههههههههههههههههههه




*اسـيــل*
صارخت بعصبية:فطيم تكفين اسكتي والله ماراح امسك نفسي اكثر تراني بخربها وابكي
فاطمة:خلاص خلاص بسكت بس مو بيدي ي ختي كل ما تذكرتك تجيني الضحكة
سارة:خلااص فط فط اسكتي عنها حسي فيها شوي
ريم:ههههههههههههههههههههههه ي ليتني كنت واقفه عندك ي اسول بشوف وجهك والله
اسيل لفت وجهها عنهم بضيق وزعل
فاطمة:لا لا اسيل اعطينا الابتسامة انا اسفه ي الحبيبة لا تشيلين بخاطرك علي
اسيل:من جدك انتي ازعل منك انا مستحييل
فاطمة:ي جعلعني ي زوجة حسان
انقلب وجه اسيل ع طول
شروق تاشر عليها:يووه لهذا الدرجه ياثر عليك
اسيل بضحكة:شسوي والله من دون شعور بتجربونه وبتحسون فيني
ام رائد جات:يالله يا بنات روحوا العشاء جاهز
فاطمة:يالله بنات روحوا كلوا وبعدين تعالوا
سارة:اسول تبينا نغرف لك شوي ونجيبه
اسيل:لا لا مو جوعانه
فاطمة:ي شيخة احلفي تراك علﯽ لقمتين الصباح ما اكلتي غيرها
اسيل:ايه بس مو جوعانه
فاطمة:الظاهر تبيني ادخل حسان واخليكم تتعشون في المجلس مع بعض
اخذت اسيل علبة المناديل ورمتها عليها:ضفي وجهك احسن لك
فاطمة مسكتها قبل توصل وجهها:هههههههههههههههههه امزح معك ي ختي
اسيل:الله ينتقم لي منك واسوي فيك اشد من كذا
فاطمة:لا يارب ما يصير كذا



السـاعة 2 في الليل
بيـت الجــد
بغرفة حسان سمع دق ع الباب وهو واقف عند التسريحه يمشط شعره
:اهلا بالمعرس
حسان بابتسامة:هلا فيك
فاطمة:نعيما مبين انك توك تسبحت
حسان هز راسه وهو يرجع يناظر بالمراية:ينعم بحالك ايه والله تسبحت بعد اليوم الطويل
مشت فاطمة وتربعت علﯽ السرير:ومتعب بعد يبيلي انام يومين عشان اعوض اللي راح
حسان بصدمة:الله يومين مره وحدة
فاطمة بضحكة:ولو بكيفي ثلاث ايام بعد ...سؤال كيف شفت اسيل ??


انتهﯽ
لك الحمد يالله ولك الشكر



تعديل وردة الزيزفون; بتاريخ 11-07-2016 الساعة 12:54 AM. السبب: بطلب من الكاتبة
الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 73
قديم(ـة) 21-11-2014, 03:45 PM
صورة حنين الماضي_15 الرمزية
حنين الماضي_15 حنين الماضي_15 غير متصل
©؛°¨غرامي مشارك¨°؛©
 
الافتراضي رد: رواية قضاء وقدر مهما حصل بنعيش الفرح/بقلمي


اقتباس:
المشاركة الأساسية كتبها lamaa14 مشاهدة المشاركة
وينك حبيبتي طولتي

نزلته خلاااص قراءة ممتعه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 74
قديم(ـة) 23-11-2014, 08:34 AM
صورة lamaa14 الرمزية
lamaa14 lamaa14 غير متصل
©؛°¨غرامي مشارك¨°؛©
 
الافتراضي رد: رواية قضاء وقدر مهما حصل بنعيش الفرح/بقلمي


بارت جميل
انتظرك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 75
قديم(ـة) 23-11-2014, 10:39 PM
صورة حنين الماضي_15 الرمزية
حنين الماضي_15 حنين الماضي_15 غير متصل
©؛°¨غرامي مشارك¨°؛©
 
الافتراضي رد: رواية قضاء وقدر مهما حصل بنعيش الفرح/بقلمي


اقتباس:
المشاركة الأساسية كتبها lamaa14 مشاهدة المشاركة
بارت جميل
انتظرك


وجودك الجمييل تسلمين ع متابعتك لروايتي...انتظريني بالبارت الجاي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 76
قديم(ـة) 26-11-2014, 03:45 PM
صورة حنين الماضي_15 الرمزية
حنين الماضي_15 حنين الماضي_15 غير متصل
©؛°¨غرامي مشارك¨°؛©
 
الافتراضي رد: رواية قضاء وقدر مهما حصل بنعيش الفرح/بقلمي


البارت العشـــرين




حسان:ما فهمتك يعني فصدك من اي ناحية
فاطمة:بصفه عامة
حسان ابتسم وهو يمشي ويجلس علﯽ سريره:الحمدلله عجبتني انا الله يوفقنا
فاطمة:الله يسعدكم واشوف عيالكم قول امين
حسان:امين
فاطمة:والله جوعااانه
حسان وهو مشغول يدور جواله:ليه ما اكلتي انتي
فاطمة:لا والله بس فيه اطباق تحت زايدة ما حطوها في البوفيه بروح اكل منها تبي احط لك معي
حسان:مو جوعان كثير
فاطمة بتفكير:خلاص خلاص بسوي لي باستا وبتاكل معي لا تنام طيب
حسان ناظرها بعد ما اخذ جواله:باستا بهالوقت متﯽ بتخلصيها
فاطمة وهي تتجه لباب الغرفة:لا تخاف ما تتاخر


في بيت ناصـــر
في غرفة اسيل
كانت واقفه قدام التسريحه وتحط لها كريم في وجهها بعد المكياج اللي مسحته كانت توها طالعه من الحمام لابسه بيجامه ولافه شعرها بمنشفه
تحركت من عند التسريحة واخذت جوالها وفتحته دخلت الواتس كان كله رسائل واكثرها تهنئه ويباركون لها تتهدت بطفش وتركت الجوال تحس بكمية طفش ما تدري ليه تعوذت من الشيطان وانسدحت علﯽ السرير بتنام عشان تصحﯽ بدري تذاكر اختبار الاحياء



الظهــر
في بيت ناصــر
ايــــــاد
كنت جالس في الصالة واناظر التلفزيون بطفش مافيه شي ابد ممل
راكان:مساء النور
اياد:اهلا مساء الخير كان تميت نايم
راكان بكسل:ايه والله ي ليت بس المشكله ما احد يخليني انام زي الخلق
اياد عدل جلسته والتفت له:بس سوال واحد...وش بينك وبين النوم احس بينكم شي وش العلاقه قول لي??
راكان بضحكه:سر سر ما احد يعرفه
اياد كش عليه:مالت عليك وعلﯽ النوم ما تشبع ابد
راكان:ايااااد اذكر الله
اياد:لا عشان ما تتاخر في نومك شوف احنا من 11صاحين وانت الساعه 2وتوك قايم
راكان:بسم الله علي قل اعوذ برب الفلق اللهم اني اعوذ بك من كل شيطان وهامة ومن كل عين لامة
اياد بضحكه:حصن نفسك تراه زين
راكان وهو يتمدد علﯽ الكنبه ويغمض عيونه:اشش اهجد بنام
اخذ اياد المخده ورماها عليه
راكان فتح عيونه بعد الضربه:افف منك...اخذ المخده ورجعها لاياد بقوه
اياد:هههههــ انقطعت ضحكته بعد الضربه اللي صارت في وجهه .... بعدين صار كل واحد يرمي الثاني وقامت الحرب العالمية الثالثه
راكان وهو يرمي المخده:هههههههههههههههههههه خذ هذي وهذي بعد
اياد:خلاص راكان بس
راكان وقف وهو يتنفس بتعب:اه اه تعبت حسبي الله علﯽ ابليسك
اياد بالم:اهه صدري عورني وقلبي افف والله تعب مرره ااه
راكان وهو يتحسس وجهه:والله عطيتني وحده بوجهي حسيت ان ملامحي اختفت
:لااااااااااااااااااااا ايش هذا
التفتوا برعب من الصرخه
اياد زفر براحه:يووه فزعتينا ي شيخه
راكان بعصبيه:سخييفه
اسيل:حرام عليكم شسويتوا بالصاله
راكان بابتسامه:بس لعبنا
اسيل:بزران انتوا تسوون كذا يالله رتبوا الصاله بسرعه
اياد:مع نفسك الرجال ما يرتبون وينظفون
اسيل تخصرت:شقصدك مستر اياد
اياد:ماقصدي شي
اسيل:تكفوون مافيني ارتبها والخدامه مشغوله وبروح اذاكر اختباريزالززق رتبوها معكن
راكان رحمها:خلاص اياد احنا سوينا الفوضه هذي قوم رتب معي
اسيل:فديييت اخواني
اياد حب يحرجها:بس عشانك امس ملكتي ع حسان بقوم انظف
اسيل استحت:مالت ع وجهك ي خي
اياد:شكرا ي زوجة حسان
اسيل اخذت المخده ورمتها بوجهه وطلعت



في بيت الجـــد
فاطمــــة
كنت جالسه مع امي وزياد ونتكلم عن موضوع زياد
الجدة:انا شفتها او اعرفها ولا لا ??
فاطمة:يمه بنت جيرانا هي ...تعرفين صالح الـــ
الجده:اييه اعرفهم
فاطمه:اجل هي بنتهم
زياد:اخت خالد صالح صحيح
فاطمة:اييه اعتقد اسم اخوها خالد اعرف اخوها الصغير اسمه ياسر
زياد:ايه عرفتهم
فاطمة:ها يمه شرايك فيها
الجده:والله انا اعرف امها ماشاء الله عليها حرمه زينه واخلاقها حلوه واكيد تربية عيالها نفسها
فاطمة:لا ماشاء الله عليها كاملة والكامل الله
الجدة هزت راسها:ان شاء الله انا بكلم امها واذا وافقوا نروح نتقدم لهم رسمي ونخليها ملكه مع بعض
زياد بتايد:ايه يمه احسن بس خلوا زواج حسان يمر بعدها يصير خير
فاطمه:انت تبي زواجك بعد الدراسه
زياد:ايه
هزيت راسي ووقفت رايحه لغرفتي


العصـــــر
في بيت ناصر
في غرفة اسيل
كانت تكلم فاطمة
:ايوه معك
فاطمة:اختفيتي فجاه
اسيل بضحكه:لا بس عشان باقي لي كلمات بسيطة واخلص مذاكره فحفظتها الحين
فاطمه:اها طيب تعالي عندي والله طفشانه
اسيل:تعاالي انتي مافيني اتحرك
فاطمة:يعني انا اللي فيني حيل
اسيل:ياربي مدري ايش هالعجز اللي فينا بس كسلانين
فاطمة:ايه والله مدرري
اسيل:طيب يالله تعالي عندي
فاطمة:اوك مع السلامه
قامت اسيل فتحت دولابها لبست تنوره ميدي لونها رمادي وبلوزه زهري واسعه ورجعت تربعت علﯽ السرير تنتظر وصول فاطمة دق جوالها وشافت المتصله ساره
ردت وهي مبتسمه:الو
سارة:السلام
اسيل:وعليكم والسلام شخبارك
سارة:زينه الحمدلله وانتي كيفك بعد تعب امس
اسيل:يوووه والله اني متكسره حدي
سارة:الله يعينك شتسوين ذاكرتي ولا لسه
اسيل براحه:الحمدلله انتهيت من المذاكره
سارة:ماشاء الله ي حظك
انفتح الباب ودخلت فاطمة
بصراخ:السللاااام ي معشر الانس والجن
اسيل:فط فط وجع اسكتي
سارة:ماشاء الله فطوم عندك
اسيل:ايه توها جات
سارة:يالله اجل اخليك مع السلامة
:فمان الكريم
قفلت منها وناظرت بفاطمة اللي فاتحه الثلاجة وتاخذ منها شوكلاته:ابد ما تعرفين تكونين هاديه
فاطمه قفلت الثلاجه ومشت وتربعت علﯽ السرير:اخت اسيل اولا لازم تعرفين اني لا اثق بالعقلاء يعني لازم اكون مجنونه ومزعجه شوي
اسيل:عارفه والله يبلاك بزوج عاقل ي فطوم
فاطمة ببكا:حرام عليك عشان ارجع بيتنا ثاني يوم لا لااا استغفري ربك اسول تكفين استغفري ربك
اسيل بضحكة:نووويه
فاطمة بنص عيين:اقووول
:قول عني ما تقوووول
التفتوا وشافوا ريوف واقفه وتمثل بيديها وتتسيمج علﯽ كلمة فاطمة
فاطمة:اهلا اهلا بريوف الحلوه الصغنونه
تخصرت ريوف:نعععم فطوم ما سمعت عيدي
فاطمة هزت راسها:مو مشكله اعيد قلت اهلا بريوف الحلوة الصغنونه عساك سمعتي
قربت ريوف شوي شوي وهي تهز راسها وقفزت علﯽ فطوم وطيحتها علﯽ اسيل:اييه سمعت فطييس اخر مره اسمع كلمه الصغنونه اوك
فاطمة عفست وجهها:فطييس!! بعدي عني بس الله ياخذ هالاسم مدري من فين جايبينه لي
اسيل بصراخ:وججع بعدوا عني قتلتوني
ريوف:هههههههههههههههه فطوم قومي ي دوبه قتلناها
فطوم تناظر بجسمها:دوبه ..بس اللي اشوفه اني عصلة
ريوف:انتي الله يعين زوجك والله بيصرف عشان الاكل لكن ماراح يفيد شي
فاطمة بغرور:احم احم اصلا احلﯽ شي انك تاكلين كل شي وما يوضح فيك



العشــــــــاء
في بيت الجد
طلع حسان من البيت وهو حامل كيس فيه هديه ايفون 5 مع باقة ورود.. دق ع اسيل وقال لها انه عند الباب


اســــــيــــــل
وقفت وقلت لامي تدخل حسان وانا باعدل شعري وبروح له
.مغصني بطني من الاحراج مدري شسوي
طلعت من غرفتي وانا ماسكه كيس وفيه عطر رجالي وفيه ساعه بعد قفلت الباب ناظرت بريوف اللي تضحك علي وتعلق
ريوف:بوسييه طيب ههههههههههههههههههههههه
سفهتها وانا امشي للمجلس وشفت امي طالعه مسكت يدها:لا يمممه تكفين خليك داخل
امي:ادخلي بلا دلع بروح اجيب لكم شي تشربونه
اسيل هزت راسها بقلة حيلة وسمت بالله ودخلت وهي ترسم ع شفاتها ابتسامه
رفع راسه لما شافها وابتسم وقف وسلم عليها وعطاها هديتها وهي بعد عطته وجلسوا كانت بعيده عنه شوي
حسان:اخبار زوجتي
اسيل بحيا:بخير.. وانت شخبارك
حسان:دامك بخير انا بعد بخير..كيف الاحياء معك
رفعت راسها باستغراب شلون عرف ما قالت له:زين ماشي حاله
حسان:معليش اذا كان الوقت غلط بس قلت لازم اجي واتطمن عليك
اسيل:تسللم لا غلط ولا شي المذاكره وخلصتها
حسان:الحمدلله
دخلت ام اسيل ومعها صحن فيه كاسين عصير وقفت اسيل واخذته من امها:ارتاحي يمه
مشت لحسان وعطته عصيره والثاني عطته امها
امها:لا ي حبيبيتي ما ابيه انا خذيه انتي تركته اسيل ع الطاوله
طلعت ام اسيل ورجعوا اسيل وحسان يسولفون




في ايام الاختبارات
كانوا يبذلون كل جهدهم عشان يحصلوا علﯽ اعلﯽ الدرجات خصوصا ان فيهم ذكاء والكل في الثانوي يحتاجون لدرجات عاليه
في مدرسـة البنـات
طلعت اسيل من الاختبار وهي مبتسمه وفرحانه اختبارها كان مرره حلو وسهل مشت حتﯽ وصلت لشنطتها فتحتها ودخلت قلمها ووقفت تراجع اجاباتها من الكتاب
:ها اسوول بشري
رفعت نظرها وشافت شروق قدامها:الحمدلله اختباري حلو وانتي
ساره:عندي اجابه شاكه فيها اخاف تنقصني عليها
اسيل:اي سوال
سارة:قانون معادلة الميل والمقطع
اسيل:اجابتها:ص=م س+ب
سارة صرخت:والله
اسيل فزت:اييه علامك فزعتيني
ضمتها ساره:ي شيخه احبك الحمدلله اجابتي صحيحه
اسيل بابتسامه:الحمدلله اجل
:ي خاينات
التفتوا وشافوا ريوف مع ريم ويسولفون
اسيل:ها روفي شلون الكيمياء
ريوف:حليت الحمدلله بس فيه يمكن خطئين او واحد
اسيل:ان شاء الله تعوضيها باختبار بكره
ريم:انتم مستوعبين ان بكره اخر يوم اختبارات
البنات:سعااادة
ريوف تناظر ساعتها:ما كٲن السواق تاخر
اسيل:لا تخافي بيجي الحين
ريم تناظر في البنات اللي يطلعون عند البوابه ويردون يدخلون:شعندهم هذول طالعين وداخلين
سارة:شعليك منهم
ريم:هههههههههههههههههههههه بالله ما تحسي كانهم خاقين
ريوف:اسول تسمعين اللي اسمعه والا يتهيا لي
اسيل بخوف:بلا اسمعه
ريوف:معقولة جا لك
اسيل بتوتر:يسويها المجنون
البنات باستغراب:وش فيكم
ريوف:ما تسمعون ايش ينادي
البنات ركزوا علﯽ الاسم وبعدين ناظروا في اسيل اللي متوهقه




انتــــهـــﯽ
سبحان الله وبحمده سبحان الله العظيم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 77
قديم(ـة) 05-12-2014, 01:52 AM
صورة حنين الماضي_15 الرمزية
حنين الماضي_15 حنين الماضي_15 غير متصل
©؛°¨غرامي مشارك¨°؛©
 
الافتراضي رد: رواية قضاء وقدر مهما حصل بنعيش الفرح/بقلمي


البارت الواحد والعشريين

البنات:اووووووه هههههههههههههههههههه من قدك
اسيل بخوف:بنات والله ما اقدر اطلع مستحيل
ريوف:اسول عيب روحي اطلعي له احسن
اسيل برجا:تكفين يالله تعالي معي
ريوف:نععععم سلامات شدخلني انا وبسرعه لا تتاخري اطلعي
اسيل تخصرت:واذا ابوي زعل تراه ما يدري
ريوف سوت مثل حركتها وتخصرت:اساليه اول اذا ابوي يعرف او لا
البنات:اسيل اطلعي
مشت اسيل واخذت عبايتها ولبست وطلعت للبوابه وهي تشوف البنات اللي يتهامسون
:يجنن ماشاء الله
:اااه ي قلبيي يخبل
بغرور:ما كانكم شايفين رجال عادي تراه فيه احلﯽ منه
:ايه ادري بس هذا حلو صحيح فيه احلﯽ منه
تضايقت من كلامهم وطلعت وشافته كان مستند علﯽ الجدار ويديه علﯽ صدره ولابس ثوب ابيض وشعره تاركه بدون شماغ وبيده كان ماسك نظارته الشمسيه تقدمت منه وهي مستحيه ومقهوره من اختها وصديقاتها ومتضايقه
هو يوم شافها عدل وقفته ولبس نظارته ومشا جنبها
اسيل بهمس:السلام
حسان:وعليكم والسلام
ركبوا السيارة وهي كانت بتساله قبل ما تركب هل ابوها عنده خبر ولا
فتحت الباب وركبت والتفتت له:ابوي عنده خبر
حسان بابتسامه حلوه:اييه عنده ... انا علمته واستاذنته لا تخافين
ابتسمت وهي تحس زال عنها شوي من التوتر
حسان:بشريني كيفك مع الاختبارات
اسيل:الحمدلله تمام
حسان:اليوم رياضيات صح ولا
اسيل:ايه والحمدلله كانت الاسئله بسيطه
هز راسه وقال:نفسك بفطور معين ولا عادي
اسيل بحيا:ع ذوقك



مدرسة الاولاد
:عبوود اخلص بنطلع
عبود بقهر:طيب انتظر بروح اسال الاستاذ وبجي
اياد:انتظرك بالسيارة لا تتاخر
عبدالله:طيب
طلع اياد وركب سيارته:ريوف واسيل متﯽ موعد انصرافهم
راكان:السواق بيروح لهم
اياد:لا انا قلت للسواق اني بمرهم
عبدالرحمن:ترا لهم مده من وقت الانصراف
التفت اياد للمدرسه:افف عبود وش فيه تاخر
راكان:تلاقيه يناقش الاستاذ ويتهاوشون
اياد بطفش:افف
عبدالرحمن:طالعوا طالعوا
التفتوا يطالعون للمكان اللي اشر عليه عبدالرحمن شافوا عبدالله مبتسم وفرحان فتح باب السياره وركب:هييييييييييييييييييييي
اياد بعصبيه:هويت في بير ماله قاع انطم
عبدالرحمن:هههههههههههههههههههههههه ليه فرحان
راكان اللي جالس جنب عبدالله ومغطي اذانيه من صرخته:الله ياخذ ابليسك قل امين اخذت اذني ي حماار
عبدالله:لا اله الا الله طبوا علي كلهم مره وحده
عبد الرحمن:هاا شسويت معه
عبدالله تنحنح:احمم احم ابد الله يسلمك خليته يقولي بحسب لك الاجابه صح لانها قريبه من الاجابه الاساسيه
راكان رفع حاجب:خطيير واقنعته والله
عبدالله وهو يسوي حركات غرور:طبععا انا عبود حمود مو اي احد
اياد بضحكه:عجبتني عبود حمود
عبدالرحمن:يوووه لو يسمعك ابوي وانت تتدلعه
عبدالله:بيبوسني اكييد
راكان:اياد حرك حرك قبل لا ادفنه عند السياره
اياد ضحك عليهم ومشﯽ رايح لمدرسه البنات




في مدرسه البنات
ريــــوف
سمعت اياد ينادي واستغربت انه مو السايق جا اخذت اغراضي ولبست عبايتي وطلعت ركبت السيارة:السلام
:وعليكم والسلام
اياد:فيين اسيل
ريوف:جا حسان واخذها
راكان:ماشاء الله متﯽ
ريوف:قبل نص ساعه تقريبا
حرك اياد السياره وهو مبتسم وبقلبه يدعي لاسيل بالسعاده والراحه ويبعد عنها كل شر
عب الرحمن:اياد وقف عند اي بوفيه بشتري لي فطور
ريوف بتاييد:اييه ايود تكفﯽ
هز راسه:اووك




سيـــارة حسان
وقف حسان السيارة قدام المطعم ونزلت معه اسيل توجهوا لباب المطعم ودخلوا اختاروا لهم طاوله وجلسوا وحسان راح يطلب لهم فطور ورجع جلس علﯽ الطاولة
:طلبت نواشف مع فلافل(طعمية) وبيض وحليب وخبز كذا مناسب
اسيل:ايه عادي
حسان:ماتبين شي ثاني فول عدس اي شي
اسيل:لا هذا يكفي وراح يزيد بعد
حسان باعتراض :بتاكليه كله ما ابي اشوف الصحن فيه اكل
اسيل بضحكه:اووف اببدد ماراح اقدر
حسان ابتسم وما علق
سكتت اسيل وهي تشوف حسان يتناول الصحون من الجارسون ويحطها ع الطاولة
:سمي بالله وافطري
انتبهت لصوت حسان وابتسمت وسمت وبدت تاكل




بيت ناصر
ايـــــاد
انسدحت علﯽ السرير بتعب وانا طفشان من المذاكره والاختبارات وتعبان من السهر والدوام ..بس هانت كلها يوم وافتك وقفت ومشيت للدولاب اخذت لي ملابس وبدخل الحمام باخذ شور بس وقفت وانا احس بالم بصدري شديت يدي ع الدولاب وانا احاول اخذ نفس وفجااه اختفﯽ الالم تنهدت بقووه وانا مستغرب مشيت ودخلت الحمام




الجامـــعة
فاطمـــــة
مسحت وجهي بالمنديل وامسح دموعي اللي قاهرتني شوي وتنزل
التفت لرانيا اللي جايه من القاعه طيرت عينها فيني:ليييه تبكيين
فاطمة بقهر:من قالك ابكي
رانيا:وهالدموع من ايش لا يكون ضحكتي ضحك مبرح ونزلت دموعك ولا اختبارك حلو ونزلت دموع الفرح ياحسره
فاطمة:رانيا مو فاضية لك يكفي التعب اللي هالكني
رانيا:لا تقولين مزكمه وهالدموع من الزكام
فاطمة تعطس:اتتس ااه الحمدلله ... ايه من الزكام يارب رحمتك...غمضت عيونها ونزلت دموعها ومسحتها بالمنديل
رانيا بضحكه:ياربي صديقتي اثاريها حساسه
فاطمة:رنييش تكفين سكتي مو متحمله اي شي
رانيا رحمتها:طيب ليه ما تدقين عشان تروحين
فاطمة سندت راسها:شوي وبدق.بس بتاكد من الاختبار والحل
رانيا:يالله دقي بس
فاطمة بتعب:طيب..رنيش تكفين عطيني موبايلي بالشنطة عندك
رانيا:طيب.. التفتت للشنطة واخذت الجوال منه وعطته فاطمة
فاطمة دقت رقم عبدالله ورفعت الجوال لاذنها:الو
عبدالله:هلا
فاطمة بتعب:عبود مرني الجامعه
عبدالله بخوف:فطووم لا يكون تعبتي زياده
فاطمة بالم:اييه
عبدالله:خلاص الحين امرك مع السلامه
قفلت جوالها وحطت راسها ع الطاوله وهي هلكانه




بيت الجــد
نزل عبدالله يركض من الدرج
الجده:عبوود شفيك
عبدالله:يمه بروح لفطوم الجامعه تعبانه
الجدة بخوف:عبود ودها للمستشفﯽ طيب
عبدالله:طيب مع السلامه
طلع وركب سيارته وحرك بسرعه اتصل علﯽ زياد
:الو زيود
زياد:هلا
عبدالله:بجيب فطوم المستشفﯽ خذلي رقم عشان ندخل ع طول
زياد:شفيها
عبدالله:الظاهر الانفلونزا زادت عليها
زياد:طيب
قفل من زياد ودق علﯽ فاطمة وهو يوقف عند الجامعه


بسيارة حســان
وقف السيارة في الكراج
اسيل:مشكور حسان ع الفطور والطلعه الحلوة
حسان بابتسامه:العفو
نزلوا من السياره وافترقوا كل واحد راح بيته
دخلت اسيل البيت وشافت راكان وريوف يتهاوشون
:السلام
التفتو:وعليكم والسلام
اسيل:اشفيكم
ريوف:طالعيه يقهرني عشان الكيمياء
راكان:وانا صادق الكيمياء مو صعبه واجد
اسيل:من قال بالعكس والله صعبه
ريوف مدت لسانها لراكان:شفت قلت لك بس ماصدقتني
راكان قام يوم شافهم عليه:بانسحب اثنين ع واحد ظلم
اسيل بضحكه:وين اياد ورائد
ريوف:اياد نايم بغرفته
راكان:ورائد قال بعد الاختبار رايح للمستشفﯽ ورشة عمل تطبيق
اخذت اسيل اغراضها:تمسون ع خير بروح انام
:وانتي من اهله



بسيارة عبدالله
طلعت فاطمة السياره ورجعت راسها لورﯼ وتنهدت بالم:ااه
عبدالله حرك السيارة والتفت يشوفها كانت مغمضه عيونها بتعب
:فطوم بنروح المستشفﯽ ترﯼ
فاطمة بتعب:لا عبود تكفﯽ ودني البيت مو اول مره يجيني الزكام
عبدالله:ما يخالف نروح يعطونك ابره ودوا
فاطمة بخوف:نععم لا تكفﯽ خن نروح ع البيت واذا ع الدوا روح الصيدليه وخذ لي حبوب فلوتاب وخلصنا
عبدالله بعناد:تروحين المستشفﯽ يعني تروحين
فاطمة بتوتر:عبرد تكفﯽ ودني البيت
عبدالله:الحين انتي مو خلصتي الاختبارات خلاص يعني ماوراك شي
تنهدت فاطمة ولفت وجهها:مالت عليك يالثور مانيب نازله من السيارة وتشوف
عبدالله بضحكة:عادي بجيب كرسي نقال وبقولهم مغمﯽ عليها وبيشيلوك
فاطمة رفعت حاجب:جعلك بعلكةة تنشب فيك زي مانت ناشب لي
عبدالله مات ضحك وتنهد وهو يوقف سيارته بالباركينق
:يالله يا حلوة
فاطمة اخذت قارورة الموي ورمته فيها وفتحت الباب ونزلت:احسن شي انك وديتني المستشفﯽ اللي فيه زياد
عبدالله عارف انها رافضه المستشفﯽ عشان الابر ضحك:تراهم ما يتعاملون الا بالابر
ناظرته بطرف عينها وهي تكح:طيب اخلص كحح امش ادخل



رائــــد
ناظرت عبدالله وانا مفهي ايش جابه
مشيت لمكتب زياد بس ماشفته التفت لصديقه:خلود ما شفت زياد
خالد رفعه نظره لي وابتسم:عنده حاله طوارئ ..ايه صح رائد تعال خد هالرقم وعطه عبدالله اذا جا
رائد:ايه ههو جا بس مدري ليه
خالد:دق علﯽ زياد وقال له ان بنت اخوه تعبانه ويبيه يستعجل له دخوله
رفع حاجبه:اها هاته طيب
مد له الرقم ورجع لشغله


عبـــدالله
التفت ادور مكتب زياد وابتسمت وانا اشوف رائد طالع من غرفة
عبدالله:فطوم اجلسي باستراحة النساء شوي وبجيك
فاطمة بنرفزة:طيب عبودد تكفﯽ خن نرجع البيت
عبدالله كتم ضحكته ومشﯽ تاركها تتحلطم وراه
سلم علﯽ رائد:اخبارك
رائد:زين الحمدلله
عبدالله:وين زياد
رائد:عنده حاله راح لها .. رفع له الرقم ..تبي هاذا صحح
عبدالله بضحكه:هاته بسرعه ي اني ناوي عليها
رائد:ليه فاطمة اللي تعبانه
عبدالله سحب منه الكرت:ايه فين نروح
رائد:تعالي معاي انا اعالجها بامسك مكان زيود
عبدالله:انتظر باروح لها ونجي


فاطمــه
طلعت لعبدالله اللي شاق الضحكه سفهته وانا هلكانة ومالي خلقه ومتوتره من العلاج اللي بيصير اذا كان ابره ماراح اوافق والله ي اني بحوسهم اليوم ... صنمت وانا اشوف رائد اللي واقف معنا بالغرفة ومعه ممرض يرتب الاغراض الطبيه..التفت لعبدالله وانا اساله:لا تقول ان رائدووه هو اللي بيكشف علي
عبدالله:ايوه لان زياد مشغول
فاطمة:اقول ورا ما تمشي معي ونرجع البيت مو لازم
عبدالله:ورا ما تنطمين حتﯽ وانتي تعبانه ما تهدين
كشت عليه:هشش خلاص صدعتني
رائد:فاطمة تعالي اجلسي.. واشر لكرسي قريب من المكتب
شي خلاها تمشي وتجلس ماتدري ايش... هي رافضه العلاج
رائد:من ايش تشكين ايش فيك تعبانه
عبدالله تكلم وهو يشوفها زعلانه ومنزله وجهها:فيها انفلونزا
كتب رائد بالورقه وهو واقف والتفت وماشاف ممرضه بالغرفة واحتار شلون بيقيس حرارتها الحين وعشان يبعد عنه الاحراج وعنها طلب من الممرض هو اللي يقيسها
تقدم الممرض وقاس حرارتها والضغط وابتعد وهو يعطي النتايج لرائد
كانت تدعي ربها ما تطلع تحتاج لابره لانها بتقلب المستشفﯽ وبتنحاش اكييد
رائد:حرارتك مرتفعه بنعطيك ابره وبعطيك اد
قاطععته صرختها:لاااا ابره لاا
عبدالله عض شفته:هشش خليه يكمل
ناظر بعبدالله باستغراب وبعدها كتم ضحكته وهو يشوف عبدالله يغمز له وعرف انها خايفه
رائد:بالاضافة لكم دواء تنتظمين عليها
فاطمة تناظر بعبدالله وبعيونها نظرة ترجي
عبدالله بنذاله:طيب رائد اخلص عطها الابره عشان بارجع البيت وراي مذاكره وهم وغم
وقفت فاطمة وهي واصلة حدها من عبدالله وهمست له:يارب يارب ي عبدالله تدخل اختبارك ويمسكك مغص ما يخليك تحل يارب انك تستجيب دعائي ياجعلك بطالب نشبة ينشب لك بكره ويكرهك حياتك
عبدالله فتح عيونه ع وسعها وبعدها مات ضحك:ههههههههههههههههههههههههههه ااه بطني
ابتسم رائد علﯽ ضحكة عبدالله ووقف وهو ياخذ الابرة من الممرض ويتقدم من فاطمة وهي رجعت لورﯼ وناظرت عبدالله اللي ابتسم لها:فطوم يالله عاد ماراح تعورك مانتي بزر
هزت راسها بلا وهي تدور لاي مهرب تنقذ نفسها من الموقف:تكفون مابي ابره باخذ الدوا ومو لازم ابره
رائد:ما تعورك صدقيني
تنهدت بتعب من الوقفه تحس نفسها بتطيح باي لحظه:لا ..ابره لا
عبدالله قرب منها بيمسكها لكن هي بعدت:بعد عني حسبي الله عليك
ضحك عليها:بلا بزرنه واجلسي خلصيني بارجع البيت
نزلت راسها بخوف وباصرار:قلت لكم مستحيل اخذ الابره.. وكملت بتعب.. عبود تكفﯽ مافيني اكثر من كذا برجع البيت
رائد اللي لاحظ عليها انها بتطيح واحتار هالابرة لازم تاخذها بتفيدها كثيير التفت لعبدالله اللي غمز له وهو فهم حركته وابتسم
تقدم عبدالله بسرعه ومسك فاطمة بغفلتها استغل رائد صدمتها ودخل الابره بيدها
فاطمة:ااااااااه
تعدل رائد بوقفته وابتسم :عورتك?? ماتعور قلت لك.. تنهد ومشﯽ لطرف المكتب وسحب الورقه وكتب فيها
فاطمة بصوت مرتجف:حرام عليكم
عبدالله يحاول يراضيها وهي زعلانه وقفت وطلعت لبرﯼ الغرفة وشافت زياد اللي جاي عندها
زياد:فطوم حبيبتي شفيك زعلانه
لفت وجهها بضيق وما تكلمت
تركها ودخل لداخل:شفيها متضايقه
عبدالله تنهد:عشان الابره اللي اخذتها
ابتسم:اها مين عطاها رائد
رائد بهدوء:اييه
اخذ عبدالله ورقة الادوية وطلع لفاطمة ومشوا للبيت


حســـان
رفعت راسي وانا اشوف عبدالله وفاطمة اللي دخلوا
عبدالله:السلام
حسان:وعليكم والسلام...شفيها فطوم
عبدالله بضحكه:معصبة وزعلانه عشان الابره اللي خذتها
حسان:اها ..وقف بيروح لغرفة اخته...افف انت دخلت وظلم البيت
عبدالله طير عيونه:شف شف الحمار
حسان ضحك:هههههههههههههههههه امزح عليك والله لا تزعل
عبدالله ابتسم:تخيل بس ازعل
حسان:ايه ع بالي انك نفسية
عبدالله:حسان وجع بتسكت ولا شلون
حسان وهو يمشي للدرج:شلون??
عبدالله:اففف


فاطمـــة
ناظرت جوالي اللي يدق ابتسمت وانا ارد:ارحبوووو .. لك وحشه يالحماار.. اخبارك حبيب قلبي


انتهى
استغفر الله واتوب اليه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 78
قديم(ـة) 14-12-2014, 03:18 AM
صورة حنين الماضي_15 الرمزية
حنين الماضي_15 حنين الماضي_15 غير متصل
©؛°¨غرامي مشارك¨°؛©
 
الافتراضي رد: رواية قضاء وقدر مهما حصل بنعيش الفرح/بقلمي


يوووه اثاريكم بخيلين ولارد ..زعلانه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 79
قديم(ـة) 16-12-2014, 08:46 PM
صورة حنين الماضي_15 الرمزية
حنين الماضي_15 حنين الماضي_15 غير متصل
©؛°¨غرامي مشارك¨°؛©
 
الافتراضي رد: رواية قضاء وقدر مهما حصل بنعيش الفرح/بقلمي


البارت الثاني والعشرون



فاطمـــة
ناظرت جوالي اللي يدق ابتسمت وانا ارد:ارحبوووو لك وحشه يالحماار اخبارك حبيب قلبي
:ههههههههههههههههههه شوي شوي ي قلبي اولا والله انتي اللي لك وحشه وحياتي من دونك كئيبة حسبي الله وبس ثانيا ما الحمار غيرك اي والله فاقدتني وتسب ثالثا انا بخير والله بس ناقصني شوفتك يالغاليه
فاطمة بحنان:يا بعد قلبي والله اخبار جدتي وخالاتي
:الحمدلله طيبين
فاطمة:الحمدلله .. وانت كيف النادي معك عساك بس بتجيب لنا كاس هالسنة
:ان شاء الله متفاءلين خير
رفعت راسها ع دخول حسان وابتسمت:طيب مﯣيدووه تبي حسان
مﯣيد:حبيبي هو عطيني اياه
فاطمة مدت الجوال:حسان كلم
حسان:الوو
مؤيد شهق:لاا ما استحمل حبيبي حرام عليك ما اقدر ابكي ولا ابكي وييع شالهصوت
حسان:ههههههههههههههههههههه ابكي الاولى لا تبكي الثانيه قطع الله ابليسك اخبارك يالدب
مؤيد:لاااا معليش يعني هالجسم المتناسق صار بعينك دبب اعزرني حبيبي الظاهر ان المدام اثرت ع عقلك
حسان:ورا ما تطس حسبي الله عليك من وقت ما كلمتك ما قلت كلمة زينه
مؤيد:ياقلبي انا تعال تعال والله امزح يالحب
حسان:ايه تسنع
مؤيد:هذا اللي باجرم فيه خلاص يالله طس خسرتني مع السلامة
حسان بمزح:بخيل من يومك اقلب فيسك فمان الله
قفل الجوال وابتسم:له وحشه الحيوان
فاطمة:اي والله شرايك نقول لابوي ونطس عندهم
حسان:كلها يومين وبيجون عشان عرسي
فاطمة:ايه صح نسيت
حسان:وانتي عورتك الابره
فاطمة ناظرت بيدها:ايه والله تععور
حسان:الله يعين زوجك انتي
فاطمة:حسان وجع حرام عليك



مؤيد يحيﯽ حسن الـــ ... العمر22 سنه ..خال فاطمة وحسان ..لاعب كورة قدم



بيت ناصر الساعـــة 2الظهر
صحيت اسيل وناظرت الساعه وقفت ومشت للحمام(الله يكرمكم) توضت وطلعت فرشت سجادتها ولبست شرشف الصلاة وهي تستغفر عشانها تاخرت باداء فريضتها...صلت وفسخت
شرشف الصلاة اخذت كتاب الفيزياء
والتفتت لجوالها اللي يرن ( حساني يتصل بك )
ابتسمت وانا ارد
حسان:هلا حبيبتي ..شخبارك
اسيل بحيا:تمام ..وانت شخبارك
حسان:دام زوجتي بخير انا بعد بخير
اسيل بحيا:حساااان
حسان:هلاا
اسيل:لا تحرجني بهالكلمه
حسان يستغبي عليها:اي كلمه
اسيل:انت عارفها
حسان:لا ما اعرفها ايش هي
اسيل:والله انك تعرفها
حسان:طيب بس انا ما غلطت انتي زوجتي...وحبيبتي ..ونصفي الثاني ..وبالمستقبل القريب ام عيالي
سكتت ووجها يشع حراره
حسان:سوليي
اسيل:----
حسان:اسيييل
اسيل بصوت خفيف:معك
حسان:حسبتك انحشتي
اسيل:لا وين
حسان:اختبارك وشوو
اسيل:فيزياء..عاد ادعي لي لا تبخل
حسان:افا اكييد ماراح انساك من دعواتي..يالله اجل اخليك تذاكرين موفقه حبيبتي ..جيبي الشهاده وفرحيني
اسيل:ان شاء الله انتبه لنفسك مه السلامه
قفلت منه ونزلت من غرفتها لتحت شافت عبدالله واياد جالسين ع الكنب ومعهم كتبهم:السلام
: وعليكم
اسيل:شتسوون غريبه جالسين مع بعض
اياد:عبود يكتب مني حل الاسئله
اسيل:اها طيب ذاكروا
عبدالله وهو يكتب :اسول فطوم تعبانه
اسيل:والله ..ياقلبي عليها كلمتها امس وكانت في بداية التعب وقلت لها تاخذ حبوب
عبدالله رفع راسه:فاتك نص عمرك رحنا للمستشفﯽ وعطوها ابره
اسيل بضحكه:يووه اكيد قلبت المستشفﯽ
عبدالله:حسيت رائد ضغطه ارتفع ههههههههههههههههههه
اسيل باستغراب:شدخل رائد
عبدالله:هو الموججود كان وعطاها الابره
اسيل بضحكه:ي قلبيي هههههههههههههههههههههه
اياد بعصبيه:عبييد يالدب حال السؤال خطٲ الله يخلف عليك بس حتﯽ والكتاب جنبك ناقل خطٲ
عبدالله نقز: ووجع حتﯽ وجع روعتني يالححماار ما انتبهت جعلك المانيب قايل
اياد بضحكه:احسن لا تقول هههههههههههههههههههههه امزح يالله بس اخلص بذاكر
اسيل ضحكت عليهم وراحت للمطبخ اخذت لها عصير وسنكرس ومشت للمجلس دخلت وقفلت الباب وبدت تذاكر>>اجواء الاختبارات الكئيبه




قبل عرس حسان واسيــل بيوم
في بيـــت ناصــر
اسيــــــل
ناظرت شناطي اللي اخيرا خلصتها وتنهدت وانا ارفع راسي لباب الغرفة اللي يدق:طيب طيب جايه
فتحت الباب وشفت فاطمة:اهلا فطومي زين انك جيتي طفشانه حييل
فاطمة:ي قلبي علﯽ زوجة اخوي طفشانه لا مايصير
:هههههههههههههههههههههههههههههه ااه بطني
التفتنا لريوف اللي ميته ضحك:بسم الله شفيك
ريوف تكتم ضحكتها:ههههههههه طاح هههههههــ من هههههههههههههه الدرج اه بطني يفوتكم
اسيل:منهو اللي طاح
ريوف تنهدت:اه بطني راكان ماشفته الا عند رجولي طايح
اسيل:هههههههههههههههههههههههههه ي عمري وينه
ريوف:عند الدرج دايخ راسه يعوره
اسيل بخوف:راسه
مشت بخوف للدرج هي تعرف راكان مايتحمل الالم...وقفت باعلى الدرج وشافت راكان جالس ع الدرجه الاخيره وماسك راسه
اسيل:راكان
ماتحرك..نزلت الدرجات بسرعه وجلست بجنبه مسكت يده وبعدتها :راكان ناظرني
فتح راكان عيونه بالم وهو يحس الدنيا تدور
اسيل:قوم وقف قوم اجلس ع الكنبه
التفتت للبنات:هيي انتم وحده تجي تساعدني ووحده تروح تجيب ثلج
نزلت فاطمه مع اسيل وساعدوا راكان وجلسوه ع الكنبه وجت ريوف تركض معها كمادات ثلج عطتها اسيل
اسيل:راكان حبيبي شتحس فيه
يان بالم:اه راسي يدور
اسيل عطته الكمادات:خذ خلها ع راسك
راكان وبدا الدوار يخف:لا لا بارده
اسيل:طيب احسن عشان تفيدك
كشر يوم حس ببرودتها ع راسه..شوي شوي وجاه نعاس ماقدر يقاومه غمض عيونه ونام
اسيل:اووش قوموا خلاص خلوه ينام
طلعوا من الدرج وريوف قدامهم
ريوف دخلت غرفة اسيل:ها سوولي خلصتي كل شي
اسيل وفاطمة دخلوا
وقفلت الباب:ايه خلصت هي ثلاث شناط وشنطة صغيرة باخذها معي بكره للقصر
فاطمة:اها.. طيب بعدين خلي عبود ودحوم ياخذون الشنط ويودونها لجناحكم وانا ارتبها لك
اسيل:خن اجي معك وارتبها
فاطمة بضحكه:عشان حسان يجلدني هو حالف ما تشوفين شي بالجناح
اسيل بوزت:طيب.. مو كلها ترتبيها رتبي شنطة والشنط الباقيه اتركيها انا ارتبها عادي
ريوف:انا اروح معها واساعدها ونخلص احسن
فاطمة:اييه صح
اسيل تنهدت:ياربي احس اني ضايعه ومتلخبطة
فاطمة:شعور اللي بكره زواجها
ريوف:ايه والله..كيف الشعور حلو ولا شيين
اسيل بسماجه:شيين ولاسين
ناظروها البنات بنص عين
اسيل بضحكه:عهههههعههتهههههههه امزح يالحبايب
فاطمة:اخوالي بيوصلون بعد شوي
اسيل:من جددك
فاطمة:يب
ريوف:بينزلون عندنا ولا الفندق
فاطمة:مدري والله بس احتمال عند خالي احمد>>هذا خالها ساكن بالرياض
اسيل:الكل بيجي
فاطمة بحماس:اييه
اسيل:شفتي كيف بعد زواجي بتفلوها وانا بانشغل
ريوف:غبييه استانسي انتي




في بيت الجـــد
حســـان
كنت جالس مع ابوي وجدي واسمع سوالفهم اللي سياسيه واقتصاديه.. طفشان مو كافي الشركه يجون هنا بعد ويتكلمون
:ههههههههههههههههههههههه حسان وش وضعك بالله
التفت للتوام المهبل:شدخلكم الحين
عبدالله بضحكه:بيستفيد لبكره ههههههههههههههههههههه
عبدالرحمن:حسان قوم شتبي بسوالف الشيبان
الجد:ما خربه الا انت ي دحيم
عبدالرحمن بفزع:افاا يبه الحين انا الولد السيء ...والتفت لعبدالله...وهذا يبه نسيته هذا اللي خربني انا
عبدالله:ي كذاب
حسان:بس بس تراكم صدعتوا راسي
:خف عليينا مانقدر احنا
عبدالله:لا تنتفخ ي شيخ
عبدالرحمن:الحين انت شايف نفسك علينا لييه
حسان تافف:ياصبر ايوب...التفت لابوه ..يبه مؤيد قال انهم بينزلون لبيت خالي احمد
ابوي:الله يحفظهم.. ان شاء الله بنزورهم جميع
حسان:ان شاء الله



ايــــــاد
ناظرت صورة ابوي "الله يرحمه"وانا خانقتني العبره ...ابد ماتوقعت حياتي بتنقلب 180 درجه ..الله يرحمكم يالغالين حياتي من دونكم مالها ملامح ...كئيبة صورة سوداء...اللي مهون علي اني عايش مع اهلي اللي ربي سخرهم لي ...ااه ي يبه وحشتني حييل وحشني صوتك يبه وحشتني نصايحك وسوالفك وجلستنا مع بعض

(عبدالعزيز:ايياد قوم يالله
اياد:يببه تكفﯽ خن انام تعبان
عبدالعزيز:لاا يالله قوم مين قال لك اسهر
اياد:والله يبه هذا اللاب لعب علي ونمت متاخر
عبدالعزيز:يالله قووم ترا باحرمك منه
اياد:يببه حرام عليك ..وبدا صوته ينخفض من النوم..بانــ ــ ـام
عبدالعزيز بضحكه:اياد قووم
ام اياد:عبدالعزيز خلااص اتركه ينام
عبدالعزيز نط له وصار يدغدغه:هها اضحك يلا ...قوم اياد
اياد:هههههههههههههههههههههههه يبه هههههههههههه خل ههههههههههههه خلاص هههههههههههههههه ااه ههههه
عبدالعزيز بعد:يلا قووم
اياد رفع نفسه ونط ع ابوه وصار يدغدغه:هههههههههههههههههههههههه بتخليني انام ها بتخليني ولا
عبدالعزيز:ههههههههههههههههههههههه بعد ياولد ..ماراح اتركك
اياد تركه وهو يتنفس بتعب:ههههههه اه يووه تعبت...حط راسه علﯽ رجل ابوه وغمض عيونه:بنام شوي خلاص
ابوه ضحك وسحب رجوله من تحت راس اياد:ههههههههههههههههههههه
اياد فتح عيونه بعد ما طاح راسه:لااا يبه حرام عليك
قرب ابوه منه وجلس:خلاص اياد قوم
اياد فتح عين وحده وناظر ابوه وبحركه سريعه باسه:احبببك يبه
وراح يركض للحمام يكرمكم الله وهو يضحك)
ابتسمت علﯽ الذكرﯼ ومسحت دموعي وصرت اشهق ...يارب اجمعني بهم في جنتك يارب.. كتمت شهقاتي وانا المس وجه ابوي بالصورة رصيت وجهي بالوسادة وصرخت من الالم اللي بصدري ..طلعت صرخة مكبوته عدلت نفسي ع السرير واستلقيت ع ظهري وصدري يعلﯽ ويهبط غمضت عيوني استعداد للنوم وانا بابعد اي شي يذكرني فيهم.. تعبت خلاص..انا اعذبهم ببكاي الله يرحمكم....بحاول انام بكرة وراي يوم طوييل


الساعــــة 10 الصباح
في بيت الجــــد
فاطمــــــة
سحبت عبايتي واغراضي وطلعت من الغرفة وناديت علﯽ عبدالله:عبووود
:خيييير شتبــــيــن
فاطمة:تعاال وصلني للمشغل تكفﯽ ترا تاخرت
عبدالله:مـــع اســــيل ولاا?
فاطمة:لااا اســـيــل بالمشـــغل طلعت قبل شــوي
عبدالله طلع من غرفته:يالله اخلصي طيب ...انتظرك بالسيارة
فاطمة رجعت لغرفتها تاخذ جوالها وطلعت للسيارة.. دقت علﯽ اسيل
:الووو
فاطمة:هلا ..اسيل تراني طلعت دقايق وبوصل
اسيل:طيب.. جبتي اغراضك
فاطمة:يب.. المهم المشغل زحمه
اسيل:لا
فاطمة:اوك فمان الله
اسيل:فمان الكريم
عبدالله وقف سيارته والتفت لفاطمة:تبين من باسكن
فاطمة:ايووه ابي كراميل




المشــــــغــل الساعه 8 الليل
اســــيــــل
ناظرت بشكلي وانا متوتره وخايفه زفرت هواء قوي وناديت ع فاطمة:فطووم
فاطمة:طيب طيب انتظري
اخذت جوالي وفتحت المسج اللي وصلني"اسوله خلصتي ولا?"المرسل حساني
ابتسمت ورديت له"انا خلصت بس فطوم لسه باقي لها شوي"
فاطمة:هاا شتبين
اسيل لفيت لها:ماتحسين بشكلي شي غلط
فاطمة بنص عين:كلك ع بعضك غلط...وبعدين معك
اسيل بتوتر:ي ختي راعي شعوري شوي.. مالت عليك من اخت
فاطمة باستهبال:كملي اختت ايشش زووج صحح
ابتسمت اسيل:هذي فاطمة اللي اعرفها
فاطمة:ياربي اخرتيني خن ارووح عشان نطلع بسرعه
اسيل:طيب اخلصي




حســــان
زياد:لييه يااخي
حسان:احسسن ..شكلي اجمل بالعوارض
زياد:مدري عنك بس انا ما احبها كثير
حسان:انت خلك مع التفلة حقتك بسس
زياد رفع حاجب:وشفيها والله يا اني اجنن
حسان:خف علينا.. زياد وبعدين معك خن اخلص ياخي
زياد بضحكه:الحين مين اللي يسويلك انت والا الحلاق يعني اشدخلك انت
ناظرته بنص عين ومارديت يحب يقهرني وانا احب اكون بارد معه
ابتسمت لما جت اسيل ع بالي وجلست ارسم شكلها بمخيلتي وهي بالفستان الابيض ..ضحكت ع نفسي وعلﯽ افكاري
زياد:يا ساتر تخبل حسان ع ايش تضحك يااهوو
تاففت:افففف يا صبر ايووب
زياد باستهبال:عم امزح مععك والله والله اني امززح بس كذا حبييت امززح معك بس المزح معك ما يصللح مزحي ما ناسب مزحك لان مزحي مادخل ع جوو مزحــ
حسان قاطعه بصرخه:زييادووه وبعددين معك
زياد:بعدين ولا قبليين ..معك ولا معيي امزح امززح
:انتا بس كلاام مافي اوسكووت (انت بس تتلكم ما تسكت
حسان:تكفﯽ اطرده والله بيجنني
زياد بضحكه:والله خلاص بسكت



قاعــــة الحـــريم
تحديدا في غرفة العروس
كانوا مجتمعين البنات عندها يسولفون معها عشان يخففون التوتر اللي بيذبحها
شروق:ياقلبي انتي ي اسييل الله يوفقك
اسيل:حبيبتي انتي وياك يارب
ريم:مو مستوعبه اسيل اليوم زواجها
فاطمة:لا يالحووب استوعبي
اسيل:ريوف حبيبتي اخذتي الكام حقي
ريوف ضربت جبهتها:لا والله نسيتها..الحين ادق اخليهم يرجعون لها
اسيل:لا تدقي ع اياد لاني شفته تعبان
ريوف:بادق ع رائد واذا مشغول بدق ع عبود
اسيل:اووك
ساره:طييب شتبين بالكاميرا وانتي حاجزه مصوره تصورك
اسيل:لا بس الكاميرا اذا كانت لك لازم تحتفظي بكم صوره عشان تكون ذكرﯼ...وانا احب احتفظ باشياء بكاميرتي
ام رائد:بنات لاتجلسوا كلكم هنا انزلوا اشرفوا تحت
فاطمة وقفت:توني بانزل وانتي جيتي يالله بنات من تجي معي
شروق:انا تعالي ننزل



قاعـــــة الرجـــال
كان حسان جالس بالمكان المخصص للعريس ببشته الاسود وشماغه الابيض وبجنبه يجلس جده والجنب الثاني ابوه وعمه ابتسم وهو يشوف رائد جاي لجهتهم ووقف عند ابوه
رائد: يبه برجع البيت ضروري وبجي
ابوه:لييش
رائد ناظر بحسان:اسيل ناسيه شغله بروح اخذها وبجي ماراح اطول
توسعت ابتسامة حسان من طاري اسيل وضحك علﯽ نظرة رائد اللي عطاه ظهره وراح


انتهﯽ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 80
قديم(ـة) 26-12-2014, 03:37 PM
صورة حنين الماضي_15 الرمزية
حنين الماضي_15 حنين الماضي_15 غير متصل
©؛°¨غرامي مشارك¨°؛©
 
الافتراضي رد: رواية قضاء وقدر مهما حصل بنعيش الفرح/بقلمي


وينكم ........

الرد باقتباس
إضافة رد

رواية قضاء وقدر مهما حصل بنعيش الفرح/بقلمي

الوسوم
مهما , الماضي_15 , الفرح/بقلمي , بنعيش , حنين , رواية , وقدر , قضاء
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 34335 اليوم 01:31 AM
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2350 29-05-2019 09:51 AM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2048 11-03-2011 01:54 PM

الساعة الآن +3: 11:50 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1