bint mohammd ©؛°¨غرامي جديد¨°؛©

قدر الله وما شاء فعل...

السلام عليكم ورحمة الله وبركاتهُ..
انا اختكم: بنت محمد , وهاذي روايتي الأولى "قدر الله وما شاء فعل", من وجه نظري ان كثر الشخصيات
يشتت ويخرب الحماس وانا اكره هـ الصفة في اغلب الروايات روايتي مختصره وقليله الشخصيات
وستتعرفون عليهم مع الأحداث..

بسم الله.._

البارت الأول..:

في فله من فلل الرياض العادية التي توحي من مظهرها بأعتدال مستوى اصحابها المعيشي تعيش بطلتنا!


:ههههههههههههههههههههههههههه
فوزيه: ضحكتي بلا ضروس قومي سوي العشاء بسرررعه عمك بيجي جوعان
سبى:والله انك نكته اقول يالعجوز زوجك ولا زوجي هو؟ وجع تتزوج وتشغلنا
فوزيه:صدق انك ماتربيتي
سبى : من بركاتك!
فوزيه قامت بتضربهاوقفها دخوله المفاجئ
ناصر-ابو سبى-:الله ..... الله يشيلك انت حمار؟ وين عيونك؟ كيف يفوتك هذا وانت اخذ الخبرة! ياكلب يا.....
-كان يكلم ويصارخ بقوه-
وبعد 5 دقايق من السب والشتم سكر الخط وهو بقمه عصبيته
فوزيه: حبيبي وش فيك ليش جاي مبكر اليوم ومعصب عسا ماشر؟
ناصر بعصبيه :الكلب الحقير وقع على اوراق تنازل بالغلط خسرت 15 مليون
فوزيه:طيب ياحبيبي..-قاطعتها سبى-
سبى : ياطويل العمر يقولون العصبيه تنتج عنها الشيخوخه المبكره هههههههههههههه
ناصر-ماتكلم اكتفى انه يفتح باب احد الغرف اختفى عن عيونهم ثواني ورجع معه سلك وصار يضرب بسبى-
وبعد ما اختفى صوت انينها ابتعد وطلع من البيت بكبره
سبى قامت تعرج بتروح غرفتهابهدوء
فوزيه: ههههههههههههههههههه حبيبي والله وفر علي غسيل يديني بعد ضربك
سبى ماعبرتها صعدت وطاحت على السرير وطلعت كم دمعه ونامت كالعادة!
*اعرفكم بنفسي انا سبى عمري 18 سنه تخرجت السنه ذي من الثانوي
وبقدم ان شاء الله على الجامعه السنه الجايه لأني احتاج للراحه بعد
كرف دام 12 سنه عجوز النار فوزيه حرم عمي الصراحه مدري ليش تكرهني
بس انا بدوري بديت اكرهه ايوه صح ترا هي عقيم يمكن عشان كذا تلعن خيري بدون ما تحس بشيء! عمي ناصر اخو ابوي انسان نفسيه 24 ساعه
معصب ما اكرهه بس اتمنى يجي اليوم الي احط رجلي على وجهه المترهل
هههههههههههههههه امي ما اعرفه بس يقولون انه توفت وهي تولدني
وابوي هج للخارج عقب وفاته وما اعرفه الا من الصور ومحد يعرف مكانه
على اساس انه حزين بعد وفاه زوجته وما ادري هو حي ولا ميت *


نامت سبى...

اعرفكم عليها*سبى او السكون جميلة جدا عيونها وساع جدا رموشها كثيفه
انفها صغير وقايم شفايفها صغيره ومرسومه شعرها لنص ظهرها طوله واحد
وكيرلي خلقه واسود بشرتها بيضاء صافيه جسمها مرسوم وجميييييل*

قامت الصبح على صراخ فوزيه: قومي قومي قامت قيامتك
سبى ببرود: وش تبين يالعحوز؟
فوزيه:عجزت سعادتك قومي عمك يبيك
سبى:هههههههههههههه ياعليك دعاء جايه خلاص اطلعي
فوزيه عطتها نظره غريبه مع ابتسامه خبث وطلعت
سبى: وش تبي ذي هي وعيونه البقط؟!..البقط= الصغار
دخلت اخذت شاور سريع لبست بجامه وطلعت لعمها
كان جالس يفطر وشكله رايق يوم شاف سبى ابستم

سبى خافت بقوه مايبتسم الا وراه بلا

ناصر: ياهلا ببنت اخوي ياهلا بالعريسه!
سبى ماناظرته وجلست تفطر بهدوء عكس الفوضى الي تحس به
ناصر على نفس ابتسامته : ماقلتي من تعيس الحظ؟
سبى بهدوء ونظره حاده : مانيب متزوجه -ورجعت تاكل ببرود-
ناصر : هههه اقول فوزيه تصدقين ان هالكلبه الي غاثتنا من 18 سنه
بتنقذ شركتي !
فوزيه:الله يبشرك بالخير ربي رحمنا! بنرتاح من وجهها وبنغتني اجل وعدك انه يلغي عقد
التنازل اذا عطيته هالشيفه!
ناصر : ههههههههههههههه ايه ايه -قام من الطالوله وقال- تراه بكرا بيجي يشوفك
سبى ابتسمت ببرود: تحلم!
ناصر ببتسامه بارده عطاها كف محترم وطلع وهو يضحك.
سبى كملت الاكل وفوزيه تتكلم ما استوعبت وش تقول لأنها كانت متلخبطه
*انا بتزوج!!! انا ! خير ! يمكن باخذ شايب كبر الكلب ناصر! يمكن يكون قبيح وريحته خايسه
يخسي يخسي والله لا اهج والله*قامت لغرفتها وفوزيه للحين تكلم وتصارخ
دخلت الغرفه اخذت جوالها اتصلت على روحي! جاها صوتها الرايق
شفاء: ارححححححححححححححححبووووووو وش عندها البقره من الصبح
سبى غصب عنها نزلت دموعها:......
شفاء: روحي لهدرجه الحليب الي بك مخليك ماتقدرين تتكلمين!
سبى انفجرت ضحك ودموعها للحين تنزل: هههههههههههههههههه بعينك يالثور الاغريقي
شفاء: شدخل اغريقي
سبى: مدري بس شكلها كلمه قويه
شفاء: من يومك دبشه المهم شعندك ولا اشتقتي لثورك!
سبى: ههههههههههههههههه يافديتك تعالي اليوم لي بقول لك سالفه 18+
شفاء: او ماي قاد اووووووك هالحين اللعن كومار يجيبن لمك"كومار سواقهم"
سبى: اوك اضبط القهوه جيبي حلا معك مالي خلق اصلح
شفاء: صار
سكرت الخط...
سبى راحت تسوي القهوه*شفاء بنت عمي علي ..عمي متوفي الله يرحمه.. روح من روحي اقرب شخص لي بالدنيا
تفهمني من نظره امي واختي وصديقتي وكل العلاقات الحنونه الي تدور بروسكم!دبدوبه وسمراء بس جميله ماشاء الله
احمد ربي على وجودها بحياتي ولا كان انجنيت*

جهزت القهوه وجلست بالصاله انتظره مدري كم مر من الوقت كنت اتذكر اول مره
بكت به شفاء بوجهي يوم شافت عمي وهو يضربني قالت"لو ابوي حي كان وقف بوجهه وخلاك تعيشين عندنا
معززه مكرمه لو بيدي شيء وقفت بوجهه "عقب ذاك الكلام صرت احس بقلبين داخلي!
قطع افكارها صوت الجرس وراحت فتحت الباب
دخلت شفاء شافت وجه سبى خدها ازرق_عسى يدك للكسر ماحبت تخرب هاليوم وتنكد على سبى الي شكلها مستانسه_
شفاء: هلااااااااااااا بالعيال
سبى: هلااااا والله
شفاء : خوذي خوذي شيلي هالقش عني انا ضيفه
سبى: ههههههههههه جيبي حبايب كرشتي
جلسو تقهوو قالت شفاء : ايوه وش ال 18 وفوق وش صاير من صباح الله خير
سبى: انخطبت من شايب وماودي اعرس هالحين والتبن عمك بيغصبني عليه
شفاء: الشايب تاجر؟
سبى : شكله لأنه يشتغل مع عمك
شفاء : وعززز الطلب خلاص اخطبيه
سبى: يرحم والديك مانيب فاضيه لسماجتك بسرعه شوفي لي حل
شفاء: هجي !
سبى: وين اروح؟
شفاء: روحي لبيت ساره بنت خالتي ! انا اتفق معه وارسل لك السواق مع الباب الخلفي واطلعي معه
سبى : اخاف يشوفون الجيران ويعلمون
شفاء: يادبشه حياتي اللبسي لبس عيال وتلطمي"تلطمي بمعنى تلثمي بس اللثمه للبنات واللطمه للعيال" واوقفي عند المسجد الي جنب بيتكم وهو بيمرك من بذاك ومحد بيشك
سبى: طيب ما اعرف بنت خالتك ذي
شفاء: ماعليك انا اروح عنده واستقبلك بعدين ترا ساره حبوبه
سبى: طيب متى بترسلين السواق ومتى اطلع من البيت للمسجد بدون مايدري احد؟
شفاء: شفتي لابدأ بالركعه الثالثه اطلعي وادخلي المسجد لاسلم اطلعي من المسجد على اساس انك من الجماعه بعدين تلاقين السايق عند الباب ولا من دري ولا من سمع
سبى: طيب احبك يالدب القطبي
شفاءبهياط: انتي مب اول وحده تعترف لي
سبى: ايه هييين
شفاء: هههههههههههههه الا وين مليكه شغالتكم ماله صوت!
سبى : ماتعرفين عمك الشحيح يبي يوفر 800 سفره وانا استلمت الثياب وعجوز النار الطبخ والمطبخ
شفاء: هههههههههههههههههههههههه شعنده الفيل يقاله توفير
سبى: هههههههههههههههه والله يا انتي شاعره الفيل يقاله توفير
شفاء بدباشه: هههههههههههههههههه اعجبك

الساع 11 ونص مساءن
شفاء: يالله يالله يالهيس هذاي طلعت -سكرت-كومار عند الباب ياعمري تامرين على شيء
سبى : سلامتك قولي له لايسرع للعنه ترا مافيه بالحياة الا شفاء وحدة!
شفاء: ههههههههههههههههه اعلم ابو ابوه بعد
سكرت شفاء باب السيارة وقالت لكومار يحرك للبيت

سبى نامت وهي مبتسمة

الساع 3:30 ظهراً بتوقيت الرياض

سبى ترتجف: طيب فهمت فهمت قسم بالله فهمت
شفاء: واضح الفهم من يوم ماكررتيه ثلاث مرات المهم يالله تجهزي
سبى : اوك سكرت وراحت اخذت من عند غرفه الكوي ثوب وشماغ من حقات عمها ودخلتهم غرفتها
فوزيه توها قايمه من النوم: سبى سبى وصمخ
سبى : هاه؟
فوزيه : روحي شبي على القهوه يالله
سبى : طيب
فوزيه حست فيه شيء غريب وش به ذي صايره مطيعه ! قالت فيه شيء غريب يصير"وطبعا علمت منصور"
شبت على القهوه واول ما اذن العصر صلت وتأكدت ان عمه طلع وفوزيه صفت تصلي
لبست ولفت الشماغ زين وثبتته عشان مايطيح وسمت بالله وطلعت دخلت المسجد مثل ماقالت له شفاء بالضبط
يوم سلمو طلعت لقت سيارة كومار ركظت بتركب بس شيء وقفها !

من الي وقفها؟؟
وهل بتتم هالشوفه ؟؟
وش تتوقعون..!



__________برب للبارت القادم...

بنتن لبوها ©؛°¨غرامي متألق ¨°؛©

ياااالبييييبييه بااااارت يجننن مررره حلوووو استمري لاتوقفينها
وانا
معاك معاك للنهايه
التوقعات
1ممكن واحد من الرجال
2لااااااا ياااارب ماتتمم
3اتوقع راح تهرب وتروح لبيت ساره بس دوام الحال من اامحال يعني اكيد بتنكشف الا اذا دخلت مدرسه عوال

حب في مهب الريح :) ©؛°¨غرامي متألق ¨°؛©

روااااية مميزة و رائعة
استمررري بتوقع يكون عمها أو احد الشباب وقفها
بإنتظار البااارت الجاااااااااي
حماااااس

bint mohammd ©؛°¨غرامي جديد¨°؛©

المشاركة الأساسية كتبها بنتن لبوها اقتباس :
ياااالبييييبييه بااااارت يجننن مررره حلوووو استمري لاتوقفينها
وانا
معاك معاك للنهايه
التوقعات
1ممكن واحد من الرجال
2لااااااا ياااارب ماتتمم
3اتوقع راح تهرب وتروح لبيت ساره بس دوام الحال من اامحال يعني اكيد بتنكشف الا اذا دخلت مدرسه عوال
......

يابعد روحي

الله يسلم عمرك , ردك اسعدني كثثثير

توقعاتك ممكن ايه وممكن لاء

بنزل البارت بعد دقائق إن شاء الله ~

دمتي ~

bint mohammd ©؛°¨غرامي جديد¨°؛©

المشاركة الأساسية كتبها la plus belle fille اقتباس :
روااااية مميزة و رائعة
استمررري بتوقع يكون عمها أو احد الشباب وقفها
بإنتظار البااارت الجاااااااااي
حماااااس
...........

الله يسلمك انتي المميزة والرائعة

ردك اسعدني كثثثير ~

دقائق ادقق بالبارت وانزله ان شاء الله

bint mohammd ©؛°¨غرامي جديد¨°؛©

......

bint mohammd ©؛°¨غرامي جديد¨°؛©


البارت الثاني..

طووووووووووووط طووووووووووووووووط طووووووووووووووط : شفيها ذي ماترد يمه لايكونون اكتشفونا!!
سارة:اتصلي مره ثانيه يمكن ما انتبهت
شفاء: لحظه ادق على كومار طوووط طوووط : ايوا ماما
شفاء: ثكلتك امك >تنكت< هاه بشر ركبت معك سبى
كومار: لا ماما انا في وقف من نص ساعه مافي اهد=احد
شفاء: وليش ماصليت عساك للصل = الصل ثعبان تجي الي مايصلي بالقبر الله يكفينا وياكم الشر
سارة: هاذا وقته سكري بوجهه ودقي على سبى شوفي وش صار للبنت
شفاءمرتبكه بقووووه: طيب طيب
سارة: انا مدري وش تحسين به انتي وهي يعني اذا اتخبت ببيتنا محد بيكتشف!!!
شفاء: كولي تبن اجل اخلي شايب وجهه يبغى له كوي ياخذ سبى! ليه مجنونه انا!
سارة بسخريه:لا حشاك
شفاء بقله حيله وقهر: اخخخخخخ يالأخو بس هذا هو وقت الأخوة
سارة: الا جد ليش ماعند امك غيرك؟!
شفاء: مب وقت سؤالك بس من كرمي وفخامتي برد عليك امي يوم ولدتني اي ولدت سعادة الكون
سارة بأستخفاف: ايوة
شفاء تكمل : مدري وش جاء رحمها بالضبط بس الوكاد ان خلو رحمها وماشالوه فيه خطر على حياتها وبالفعل شالوه ياعمري يا اميمتي!
سارة: الله يرزقها برك عاد انفعيها يالبقرة مب بس حاطه حيلك بالأكل
شفاء: اعوووووذ بالله ومن شر حاسد اذا حسد الي يجهلك يقول دافعه ريال في اسهام تكبير هذة الكرشة*وتأشر على بطنه*
سارة: اقول دقي دقي خلينا نشوف وش صار على البقرة الثانية
شفاءبعد دقيقه: ماتردددد*وشوي وتصيح*
سارة تحاول تهديها


بمكان أخر...

ايا بنت ..... تبين تهجين تبين تنزلين رأسي قدام الله وخلقه_ويضربها بالسلك _ سبى:م م ما ابي ما ابي ا ت ز وج ايييي ايي
ناصر: الله لايبيك يابنت الكلب اجل تطلعين بلبس عيال!! لهدرجه وصلت فيك الوصاخه! سبى تبكي وتتلوى تحت هالسلك الي يشوفها يقول بهيمه
ناصر: اليوم بيجي الرجل يشوفك وقسمن بالله أن جاني علم انك عارضتي خالتك-يقصد فوزيه- قسم بالله مايحصل لك خير فاهمه!واعلن خروجه بصفقه الباب بقوه
فوزيه كانت ساكته وتناظر بسبى .. سبى قامت وصارت تتسند على الي يجي بطريقها طاوله كرسي الين وصلت الدرج صعدت بهدوء ودخلت غرفتها
بدت تبكي وتتذكر كيف مسكها...

كانت تمشي لسيارة كومار خلاص بتركب السيارة الا تشوف ولد ام سليمان عمره سنتين طالع على الشارع كان يمشي شوي ويطيح شوي صغيير وكيوت قالت *الحين هالورع تجي سيارة وتصدمه لأنه ماينشاف سعينوني*
فقررت تدخله داخل بيتهم وتسكر الباب عشان مايطلع شالته بينها وبين باب بيتهم اربع خطوات الا يجر الشماغ ويفكه واثر عمها منصور طالع من بيتهم وجهها بوجهه جت سواليف ام سليمان كهربت رأس سبى *تذكرت ان ابو سليمان طايح ورجله مكسورة قبل امس
وان منصور وكم رجال من الحاره يروحون إلى ابو سليمان ويصلون جماعه معه لأنه انسان متدين جداً ومايبي يفوت صلاة الجماعه فطلبت ام سليمان من صديقاتها الي بحارتهم يخلون ازواجهن يجون بيتها ويصلون جماعه مع ابو سليمان لأنه خطر على رجله كثر الحركة! *

لفت بسرررعه تبغى تركض الا وهو ماسك عضدها وساحبها معه وسط استغراب الجماعه !!


الساعه 7:19 قامت بتعب شديد شافت الدريشه اوووووووف ماصليت استغفر الله توظت وصلت المغرب
شفات جوالها .. روحي 32 مكالمه لم يرد عليها و 2 رساله ابتسمت فتحت الرساله الأولى*ردددددددددددددددددددددددددددددددي*سبى بتعب:هههههه بيسحبون رصيد على كثر الداء فتحت الثانيه:*سبى يرحم ام ام امك ردي علي بصيح قسم بالله بصيح *
سبى : ياعمري,, اتصلت على شفاء اول مارن وصلها صوتها بقوه: هااااه سبى بصوت تعبان: ههههه وش هاه الناس تقول السلام عليكم!
شفاء نزلت دموعها : وينك!
سبى بهدوء:بالبيت
شفاء:.....
سبى بمرح: شفاء ياروحي, تراني هونت بتزوج وبكسر الروتين
شفاء كتمت شهقاتها:.....
سبى: لهدرجه منقهره يالعجوز اني بتزوج قبلك ماعليك بيجيك النصيب ايوه صح تراني سحبت على كومار وراحت علي نومه وتوي قايمه قلت اكلمك واطمنك
شفاء: يصير اجيك الحين!
سبى خافت على شفاء من عمها : لا لا اساسا انتظر يأذن العشاء وانام
شفاء تبكي: طيب تبين تقولين لي شيء ؟
سبى بهدوء: لاء
شفاء: طيب ياروحي تصبحين على خير
سبى : تلاقين كل خير

......سكرت الخط وبدت تفكر

*الحين بيجي الشايب يشوفني لو تدري شفاء اني ماعلمتها انه اليوم بيجي يشوفني بتزعل!
يمكن ! طيب وش اسوي ياربي يارب انك اخذت امي وابوي خلاني يالله يارب ياكريم ياقريب يامجيب اني اول ما ادخل المجلس
يموت بسكته بعدين تكون كل ممتلكاته لي ! بعدين احط لي قصر وبودي قارد والي يقرب لمي يصفقه تصفيق
هههههههههههههههههه الله حماس! بعدين اقول له صفق منصور وفوزيه بعدين يصفقهم بعدين يجون يبوسون رجلي واصابع رجلي
ويقولون: تككككككفين اغفري لنا اغفري وقاحتنا بكرمكِ ولطفكِ ههههههههههههههههههههههه الله وناسه بعدين ارفسهم واقول تحلمون ..*...الىخخخ أذن العشاء وهي تتخيل وتضحك
توظت وطلعت من الحمام الا تلاقي فوزيه بغرفتها
سبى: نعم؟
فوزيه: الله ينعم علي عمك يقول اللبسي ذي وانزلي الساعه 9 تسمعين!
سبى بأستخفاف: لاء اذاني ديكور
طلعت فوزيه وسبى بدت ترجف بجنون خيير يغطوني كل ذا الوقت بعدين يجيبون رجل ويقولون يالله وريه وجهك >ماعليكم منها اثار الخوف
طاحت عيونها على الجلابيه العنابيه الي فوق السرير : وجع ماشفنا الجديد الا يوم صارت شركتك بخطر ياعله يجي زلزال ويهدمها!
لبست الي قال عمها وخلت شعرها مفكوك وماحطت اي مكياج كانت خطوط السلك الزرقا معلمه على خدها الصافي !

نزلت وجلست بالصاله 5 دقايق عن خمس سنين وبدت تفكر *سبى انتي كفو وش شايب يخلي بك كل هالرجفه والله لو انتي خكريه انتي شنب وقدها
-بمكان اخر بمخ سبى- اي بس يخوف وجع يع ماله سنون من قدام ووجهه متعرفط ولحيته بيضاء-بدأت عيون سبى تغورق- طيب طيب تخيلي انك داخله
على ثور وانك اذا حطيتي عينك بعينه بيجي يركض ويعفك لأنك لابسه احمر! هذا موب احمر هذا عنابي! الي هوو! المهم انه ثور*:ههههههههههههههههههه ثور
منصور: امشي يالله !قامت مع عمها ورأسه يفكر بأشياء ماله قيمه-_-
سبى *ثوووووووووووور ثوووووووووور ثووور وانتبهي لاتناظرين بعيونه ! *
دخلت وطلعت بعد ماقال لها منصور: خلاص يابنتي !
:ههههههههههههههههههههههههه والله اني عبقريه الحمدلله ماعفني !

بالمجلس..

منصور بأرتباك: بشر عساها اعجبتك!!
:أنت تمد يدك عليها؟
منصور خاف : هاه لا لا هاذي زوجتي الي ماتخاف الله بهالمسكينه دايم انصحها بس -قاطعه ببرود-!
:الملكة يوم الخميس الجاي
منصور فرح وتهلهل وجهه: سم سم ابشر الخميس الجاي الخميس الجاي على بركه الله
مد يده منصور بحراره بيصافع الجدار الي قدامه ناظر يد منصور ببرود ومشى متوجه للباب وهو يفكر*ما عليه تنفع جاريه!*



_ توقعاتكم وتفاعلكم يسعدني,

_للبارت الثالث إن شاء الله , دمتم بخير
.

حب في مهب الريح :) ©؛°¨غرامي متألق ¨°؛©

بارت رائع تسلم ايديك على الطرح
بإإإنتظار البارت الجاي
لا تطولي

bint mohammd ©؛°¨غرامي جديد¨°؛©

المشاركة الأساسية كتبها la plus belle fille اقتباس :
بارت رائع تسلم ايديك على الطرح
بإإإنتظار البارت الجاي
لا تطولي
سمي هه وهاذا البارت الثالث عيديه

bint mohammd ©؛°¨غرامي جديد¨°؛©

البارت الثالث..


:طيب يمه إن شاء الله مايكون خاطرك إلا طيب
أم نواف: ياوليدي أنا ما ابيك تفعل شيء حرام انا لي ثلاث حقوق عليك لهدرجه صعب تقول سمي!
نواف: يمه انا متزوج بالأساس , وكم من مره قلت لك هي بالذات ما ابيها!
ام نواف: تكذب وتعقب -هنا نواف ابتسم- كم من مره قلت لي هالهرج وماشفت الا الهياط!
نواف: هههههههههههههههههههههههه لا وتعرفين هياط بعد
ام نواف :شسوي بعد كله من ساره وساري
نواف : ههههه الله يصلحهم ويذوقك نفعهم يالغالية
ام نواف: امممممممممين ويذوقني نفعك انت بعد ويوريني عيالك
نواف : امين امين يالله يمه تامرين على شيء مشغول بقوه
ام نواف : سلامتك بس فكر باللي قلت لك
نواف : ابشري يالله مع السلامه
ام نواف : استوعتك الله .

سكر الخط وارخى جسمه على كرسي المكتب وبدأ يفكر~

اعرفكم على عايله ابو نواف

ابو نواف : العمر 56 رجل اعمال متقاعد من 5 سنوات ومسلم نواف كل شغله
ام نواف:العمر46 ربه منزل بغض النظر عن عمرها الا ان جمالها واضح واخاذ
نواف: ولدهم البكر عمره32 سنه مدمن عمل بقوووه نادراً مايزور اهله وامه حياته نوم صلاه شغل !
عيونه حادة شعره اسود وكثيف بشرته سمراء سمار جمميل انفه سله سيف وشفايفه مرسومه جسمه معضل وضخم
ساره وساري : توأم العمر 20 سنه ثاني جامعه التخصص طب هالاثنين متشابهين بقوووه طالعين على امهم ومايشبهون لنواف ابدً
بشرتهم بيضاء وشعورهم بني غامق عيونهم وساع وانوفهم صغيره بس الفرق ان ساري معضل واقل بياض من ساره وملامحه خشنة اكثر!

ابو نواف ماله الا أخو واحد لقبه ابو نورة, واضح من لقبه ماله الا بنت وحده!

ابو نورة اصغر من ابو نواف ب سنتين عمره64 انسان طيييب وعلى نياته!
ام نورة 41 انسانه جمييله الخلقه بس خلقها اعوذ بالله قبيييححح
نورة بنتهم الوحيده عمرها 22 مدلللللللعه مددددددددلعه اتعب وانا اقول مدلعه لو تبي القمر ارسل ابوها عليه صاروخ وطيحه من السماء وجابه لها!
جميييله جدا بس مغروره وحب طفولتها نواف وللحين تموت به

مررت الأيام...

يوم الأربعاء "قبل الملكة بيوم"

ناصر يصارخ: سبىىىىىىىىىىىى سبىىىىىىىىىىىى وينك فيه!
سبى ببرود مصطنع: نعم انا هنا وش فيه؟
ناصر ابتسم : ترا الرجال وافق عليك وبكراً بيجي ويملك -اختفت ابتسامته وقال بصرامه- قسم بالله يابنت اخوي ان خالفتي ولا اكتشف انك بتهجين
مثل هجتك الغبيه ذيك اني لا اوريك شيء عمرك ماتخيلتيه!
سبى تحلطم: وش بتوريني يعني خمس ميه!
ناصر: نععععععم! ماسمعت
سبى : انعم الله عليك ولا شيء اقول خير ان شاء الله
ناصر: ايه على بالي بعد

دخلت غرفتها شافت جوالها ينور ويهتز ردت بلهفه ...:
سبى: ارحبوووووو بشيخه القبيله
شفاء: البقا البقا صب القهوه ياولد
سبى: هههههههههه كثر الهيل ياولد
شفاء: اخبار المزه
سبى: مشتاقت لك وتوي والله هه كنت بدق عليك الا اشوف الجوال يبرق بأسمك الذهبي
شفاء: الا اقول وش مسميتني بجوالك؟
سبى: وش اسمك؟
شفاء بغباء: اسمي شفاء!
سبى : خلاص كذا انا مسميتك
شفاء بأنفعال: يالككككلبه هذا وانا مسميتك توأمي الا توأم بليس
سبى: ههههههههههههههههههههههههههه الا جد شعندك داقه؟
شفاء: جاني علم ما اعجبني!
سبى: وخير ياطير من الي ما اعجبك امسح به الأرض
شفاء به الصيحه: ليش ماعلمتيني انك دخلتي على الرجال وشافك؟!انتي مثل اختي ليش ماقلتي لي شيء
سبى بهدوء: ماودي اضيق صدرك ودي تكونين مرتاحه بأيام الاسبوع الي فات.
شفاء بدت تصيح: كووووووووولي تبن كووووووووولي بقره به بهارات كووولي >وبدت توكله من هالرخيص
سبى:هههههههههههههههه خلاص شبعت خوذي الخبر الي يحسسك ان تريله صادمتك
شفاء تمسح دموعها: ياساتر هاتي
سبى ببرود : بكرا ملكتي
شفاء:......
سبى بهدوء: شفاءادري ان حياتي نكد بنكد وقسم بالله دايم ادعي لك لأنك متحملتني ومتحمله غثاي-خنقتها العبره- بس احتاجك بكرا
شفاء تبكي: سمي سمي بكرا.. لا هونت طرفي الباب هذاي جيت
سبى بفرحه: طيب انتظرك
جت شفاء وضحكوا وبكوا يوم صلو الفجر طاحت شفاء ونامت اما سبى عيا النوم لايجيها
وبدت تفكر *وين انت يبه ؟ معقوله اتزوج غصب علي وانت حي؟*نامت ودمعتها على خدها

العصر جت فوزيه تصارخ (كالعادة)فتحت الباب بقوه شافت شفاء نايمه بس سبى مب موجوده
ارتاحت يوم سمعت صوت الماء في الحمام طقت باب الحمام : سبى وجع
سبى: هاه وش تبين حتى بالحمام حاشرتني وجع طيب بالقبر تظنين بالقاك؟
فوزيه: مسويه ظريفه هاه اقول لاخلصتي نزلي عمك يبيك
سبى: عمت عينك انتي وهو
فوزيه : نعم
سبى بصراخ: نعامه ترفسك خلاص الحين اجي
طلعت فوزيه وهي تتوعدها
طلعت سبى من الحمام تحس روحها بتطلع شافت شفاء نايمه ابتسمت لبست جلابيه عاديه ونزلت
سبى: بغيت شيء
ناصر شاقه وجهه الابتسامه: ايه ايه تراه بيجي المغرب ياخذك تجهزي
سبى تقل صاعقه نزلت عليها: طيب مافيه عرس؟؟!!!!!
ناصر : لا مافيه وشوله من زين وجهك عشان يحط لك عرس!
سبى تحس بتنجن : لا ياشيخ حشى الشغاله لابغو يقدمون عليها تتأخر اكثر مني ليش خيشه بصل انا شاف وحاسب !!!
ناصر بروقان:من قالك خيشه البصل تفيد اكثر منك يصلحون كبسه يحط فوق الجريش
فوزيه تكمل: يضبظ مع كشنه الشاورما -سبى تقاطعها-: فهمت ان شاء الله اكون جاهزه
ناصر: ايه هذا الكلام
سبى اول مادخلت غرفتها بدت دموعها تنزل شافت شفاء بدت تتحرك حست انها بتقوم بسرعه دخلت الحمام وغسلت وجهها
ورسمت عليه اححلى ابتسامه : يامساء الفل
شفاء : عسا شعرك يقلب فلافل ليش مطفيه المكيف
سبى: هههههههههههههههههههههه ابد ياعمري ابيك تقومين تصلين
شفاء:اووف حر شغليه هذاني قمت
سبى بهدوء يخوف:شفاء
شفاء :هاااه
سبى:بياخذني المغرب بدون عرس
شفاء نقزت وفتحت فمها بأستنكار:هاااااااااااااااه
سبى بدت الدموع تتجمع بعيونها:.......
شفاء بخوف: طيب وش بتسوين
سبى بهدوء: وش بسوي يعني بروح معه
شفاء بسرعه: بروح معك
سبى غصب عنها:ههههههههههههههههههه انتي اصلن معي
شفاءبغباء: كيف تركبوني بالشنطه!
سبى : لا ياطويله العمر بس انتي معي بقلبي وعقلي
شفاء: الله اكبر عاد واضح مسميتني بالجوال شفاء وجعع ياوقحه
سبى: هههههههههههههههههههههههههههههههههه للحين تتذكرين
شفاء بأستهبال: اكيد بتذكر جرحتيني
سبى: عاد شسوي هذا اسمك
شفاء: سموك الجن ان شاء الله
سبى: بسم الله علي فلاك اقشر لا والله ماقبلناه
شفاء: هيءءء نسيت اصلي
سبى: قومي قومي بسرعه لاتفوتك
قامت وصلت وتقهوو واكلو لهم لقمه طبعا سبى تضحك وعقله مب معه تحس بمغص تحس ودها تبكي
بس ماتبي تضايق شفاء

صلو المغرب وجاء الرجال ودخل المجلس ...وطلبها
ناصر بتمثيل:سبىىىىى سبى يابنتي تعالي
سبى تتحلطم: بنو فوقك ناطحه سحاب
ناصر سمعها ابتسم وقرصها بقووه وقال:امشي قولي "ايه" فهمتي؟
سبى :.....
دخل ناصر المجلس وقال:جبتها ياشيخ
الشيخ: يابنتي يا سبى انتي موافقه على الزواج من نواف محمد ال......
سبى تكتم شهقاتها:..........
الشيخ : ما اسمعك يابنتي
ناصر : السكوت علامه الرضا
الشيخ: هالمثل مايدخل بالشرع يالطيب -واللتفت على الباب- هاه يابنتي ايه ولا لا؟
*مر كلام ناصر برأس سبى خلال ثواي : انا ربيتك ورعيتك ووكلتك وشربتك لين صرتي كبر الحمار
صحيح اني اضربك واظلمك بس مهما يكون لولا الله ثم انا كان انتي بالشارع ما استاهل انك تردين
لي هالمعروف سبى: لا ماتستاهل بعدين انا ابداً ماقلت لك ربني ووكلني وشربني ناصر عطاها كف:
قسم بالله ياسبى إن ماوافقتي اني لا احبسك بغرفه واحرمك من شوفه شفاء وشوفه منيرة امها
وهذاي قسمت ان تموتين وما تشوفينهم -على الاقل لاتزوجت هالشايب بيوديني لشفاء!-*
ناصر كان على اعصابه هي ثواني بس كانت عن سنين خاصه ان الشيخ يناظره بشك
نواف كان يغلي *منهي هي عشان تتردد*
ناصر*يارب تستر يارب توافق يارب*
قام الشيخ: من خبرتي انه البنت ماهيب موافقه والزواج قسمه ونصيب
هنا نواف وصل حده تقل بركان يبي ينفجر بأي لحظه
:موافقه موافقه لا ياشيخ انا موافقه-كان صوتها ضعيف وناعم-
الشيخ : متأكدة يابنتي؟
سبى: ايه ياشيخ
منصور تهلهل وجهه وقال مبروك مبروك الشيخ ابتسم وكتب كتابهم وقع نواف وهو يغلي
واخذ منصور الكتاب لسبى توقع وفعلا وقعت راح الشيخ وطلب نواف انها تلبس عبايتها وتمشي!

اخذت سبى عبايتها حست برخصها وقله قيمتها وهي تتذكر*-منصور: مهرك؟ههههه مهرك ال 15 مليون الي تنازل عنها
انا اول مره اشوف حرمه غاليه كذا ههههه-اي غاليه او بطيخ كني عقد وقعو عليه ههههه انا اصلن عقد*
ودعت شفاء بهدوء على الرغم من بكاء شفاء هي مانزلت منها دمعه تحس بغصه تمنعها من البكاء

ركب منصور شنطتها وراح يتكلم مع نواف قربت للسيارة فتحت الباب الخلفي وجت بتركب وصلها صوته جهوري وواضح انه معصب: تعالي قدام
جتها الصيحه راحت ركبت قدام نواف : وخر ! *يقصد منصور الي متكي على دريشه السيارة*
منصور وخر سكر الريشه وحرك!






وش راح يصير على سبى؟
ولوين حرك نواف السيارة؟
_______________________توقعاتكم...
!

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1