غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 11-10-2014, 10:59 PM
صورة شوق راشد الرمزية
شوق راشد شوق راشد غير متصل
©؛°¨غرامي جديد¨°؛©
 
الافتراضي رواية حضنك مسكني


روايتي تحكي عن اثنين جمعهم القدر..جمعم حب نادر نقي وشفاف كشفافية الماء,,رواية(حضنك مسكني)
الجزء الاول(حتى الموت مايفرقنا)
البارت الاول
بالمدرسة
اميرة تبعد خصلة شعرها عن وجهها بملل غجري:اوف حسبي الله عليك ياادم وين طاس للحين؟
غنى:مرمر تعالي معي اوصلك بلاعنااااااد.
اميرة:لالاانا بنتظر لما يجي والعن خيره ذا السواق.
غنى استسلمت:بكيفك.
سلمت عليها وطلعت ولما جاء السواق ماحسبت طلعت وحطت حرتها فالباب صكته بقوة وعصبية:ادموه ليه تتاخر تبي ينخصم من راتبك يعني؟
السواق ادم:لالاوالله انا في روه عند اخت هدا ماما حصة..
اميرة:اهاااااا السالفة فيها حصيص هين(ولفت بعصبية)وانت
فز ادم:ها.؟
اميرة:وقسم باقي تتاخر ماعندي مانع اخصم راتبك كله انت سواقي موسواقها تسمع كلامي اناا.
ادم بغيض:لاخلاص ماعاد اسمع كلام هادا حصة.
اميرة كتمت ضحكتها:ايه كيذا.
نتعرف ع اميرة(18سنة عيونها خضراء غامقة رموشها كثيفة وجهها دائري بيضا وملامحها بيبي فيس شفايفها كرزية وعيونها واسعة شخصيتها قوية وحلوة وجذابة بطبعها تميل للكتابة والرسم ونتعرف عليها اكثر بالرواية)
صح نسيت شئ اميرة امها فرنسية الاصل وابوها سعودي تزوج امها الفرنسية وماتت بعد ماجابت عزيز(23سنة) اخو اميرة الوحيد وابوها تزوج بعد الفرنسية اربع ومات بجلطة وقبل يموت كان مقسم املاكه بين اميرة واخوها وشخص ثالث طبعا كان غني وفلوسه كثيرة وحتى زوجاته كان لهم املاك بسيطة واميرة لها القصر الكبير باسمها لان عزيز يقدر يدبر نفسه هو رجال واصلا هو دايم برى عند خواله ففرنسا ودايم مسافر واميرة عايشة فالقصر مع زوجات ابوها ودايم يتمادون لاكن توقفهم عند حدهم وخاصة زوجة ابوها حصة ...
زوجات ابو اميرة هم لطيفة وحصة الحامل واصغرهم وسعاد ومريم
وصلت للبيت وكانوا زوجات ابوها يتهاوشون ولما جت سكتوا..
اميرة:السلام عليكم..
كلهم بدون نفس عدا حصة ساكتة:وعلييكم السلام.
جلست اميرة وعينها ع حصة:كيف زوجات ابوي؟
كلهم باختصار:بخير.
اميرة:كويس..اسمعي انتي حصة مرة ثانية لاتتامرين ع سواقي علشان اختك فاهمة اظن عندك سواقين ولابس نذالة احمدي ربك ضافتك ببيتي ترى انا الداخلة وانتي الطالعة(وقامت وهي تاخذ شنطتها السبورتية)عن اذنكم
وبدون ماتتلفت لحصة مشت للفت ودخلت وتقفل...حصة صرخت من القهر ولطيفة ضحكت بشماتة:تستاهلين ماحد قالك حطي راسك براسها..
حصة طنشتها وهي تهف ع وجهها وماسكة ظهرها بدلع:اووف اصلا انتوا تغارون مني لاني اصغر منكم موانتوا.....
وجلست تحكي وتتدلع لما انقهروا ويطاردونها وهي هربت لما غرفتها لطيفةبقهر:طيب اوريك يالبطة السوداء
حصة بدلع:ههههههههههههههههه ماخفت
عند اميرة
اخذت لها دوش منعش لانها قرفاانة من الحر والرطوبة برى ولبست لبس بيتي وارتمت ع السرير وطار منها النوم مونعسانة ..فكت شعرها العسلي القصير الناعم وانثر ع وجهها الدائري بعشوائية وصارت تلعب فيه قامت ماجاها نوم ..خذت ارنبها الابيض بعيونه الحمراء وحطته فحضنها بتفكير:كوكي ليش انا وحيدة كيذا حتى اخوي مادرا عني...بدق عليه الي مادرى عن اخته..
نزلت كوكي ع السرير وخذت جوالها ودقت وجاها صوت عزيز المرح:اهلاااااا اميرة ماتصدقين شكثر اشتقت لك..
اميرة انقهرت فالح فالكلام الحلو:ايه ايه العب علي بهالكلمتين يادووب ..
عزيز:ههههه اوف اميرتنا زعلانة كلش ولاتزعلين والله بجي لوع اول طيارة.
اميرة بزعل:لاخلك انقلع لاتجي اصلا عادي..
عزيز:ههههههههههههههه لابجي بس خذي بنت خالك والله انها قمر وتحكي فرنسي..
اميرة:عبدالعزيز مووقتك ا
سكتها صوت الطفلة البريئ: Bonjour(مرحبا)
اميرة تورطت ماتعرف فرنسي مرة:ءءءaccueil(اهلا)
الطفلة: je suis Emily(انا اميلي)
اميرة لغتها مومرة قوية الفرنسي عكس عزيز مرة يعرف:amirah Bienvenue Emily Je suis la(اهلا اميلي انا اميرة)
الطفلة (مترجم):اسم جميل.....
اميرة ضحكت:ميرسي.
سولفت معها شوي وهي مستانسة عليها لما قالت لها ان عزيز يبيها
عزيز:شفيك مسكتي خط ؟مم علينا شرايك فيها؟
اميرة:تجنن والله تونس ممممم بالله هذي بنت خالي أي واحد؟
عزيز:خاليي الكسندر عنده اميلي هذي 7 سنوات وجاك بعمري واماندين اصغر منك بسنة وبعمرك اليسا.
اميرة:ههه مشاءالله قلت العايلة كلها..انا اذكر خالي لوكاس العزابي ذاك.
عزيز:هههههه ايه يسال عنك يقول ليش ماتجين تستقري ففرنسا.
اميرة:ههه محال .
عزيز:انزين ليش؟
اميرة:اممم شركتي اولا وزوجات ابووك !
عزيز:مومسئولة عنهم انتي! والشركة حطي فيها مدير يديرها ترى العمر يخلص والشغل ماايخلص.
اميرة:لاااااانا مااثق ف أي احد واصلا انا مرتاحة لاتخاف علي انا حاطة واحد يدير بس فالصباح وقت مااكون فالمدرسة واخر سنة ثانوية لازم اشد حيلي والعصر دوري.
عزيز بدهشة:اوه اميرة كيذا ارهاااااق ..تتعبي نتفسك..
اميرة:قلت عادي ..
عزيز:عنيدة ..اوك باي وانا جاي قريب طيب..انتبهي لنفسك.
اميرة تنهدت بشوق لاخوها تحبه كثير وهو سندها الوحيد:اووك وانت بعد..باي
سكرت منه وقامت تلبس للعمل لان الوقت قرب العصر ..لبست لبس العمل الرسمي وشعرها العسلي الحريري تركته مفتوح وتاملت انعكاس جمالها ع المراية..ع انها ماتذكر امها الاانها متاكدة انها تشبهها كثير وماخذة منها الجمال الفرنسي الخلاب..العيون الخضراء الغامقة الفيروزية ورسمة الانف وحواجبها الي كانها مرسومة وغمازتها الخفيفة فوق شفتها تزين وتميز بسمتها وشفايفها الكرزية ..اخذت قلوس فوشي غمرت شفايفها فيه ولانها ماتحب تحط ميك اب الا فالمناسبات ماحطت ..اصلا ماتحتاج وهذا جمالها...
خذت العباية بيد والشنطة باليد الثانية ونزلت جلست وتقرا بروقان وتشرب كوفي وهي بداخلها مستغربة ومستنكرة جلسة زوجات ابوها هادين وساكتين وهم من نوع الحريم الثرثارين ومصدر ازعاج (غريبة شعندهم هاجدين) ..
قطعت الصمت لطيفة بتردد وارتباك:احم اميرة بتروحين الشركة ؟
اميرة مارفعت راسها:شرايك اجل بروح بارتي مثلا؟
لطيفة حست سؤالها غبي ضحكت تصرف:لابس اتاكد ههه احم ترى تعب عليك فالاخير انتي بنت!
اميرة رفعت راسها تناظرها وشتبي تقول زوجة ابوها من متى الاهتمام:شقصدك يعني اتعب ولاماتعب ماايهمك..
لطيفة:ءلاانتي مثل بنتي اكيد يهمني..
اميرة:لابنتك ها!ضحكتيني وانا مابي اضحك (وناظرتها بقوة وحدة)اقول لطيفة لاتلفين وتدورين هالاسلوب مايمشي معاي قال بنتك قال انا عارفة انك تتمنين تخفيني من الوجود وتفرقين بيني وبين بنتك يعني هاتي المعروض شعندك؟
لطيفة:ابد بس قصدي علشان ترتاحي يعني تخلين حد يديرها اقصد ولد اختي .
اميرة عرفت وش تبي توصله:ههه يديرها قوية لاشكرا انا ادرى بحلالي لاكن اذا تبين يصير موظف عادي خليه يجي ..
مريم وحصة وسعاد يناظون لطيفة الي انبسطت:تسلم يد ربتك ...كويس اجل انا اخليه يجي عندك .
اميرة وقفت لبست العباية وخذت الشنطة:يصير خير عن اذنكم.
وطلعت مع ادم للشركة واول ماوصلت...وقف الكل احترام وكانت شركة اميرة مختلطة بنات وشباب بس قلة الشباب3 او 5 تقريبا والي مسوي مؤدب والي يحاول يرفع راسه يقز شوي لانها ماتتغطى ...كتمت ضحكتها:السلام عليكم.
الكل باصوات متفاوتة ردوا السلام ...اميرة دخلت وشافت الي يداوم عنها الصباح الوحيد الي يستحق ثقة اميرة..هو طبعه يستحي وحك راسه بخجل لماشافها ..كتمت ضحكتها ي زينه يستحي :هلا باستاذ مساعد المخلص..
مساعد يحاول يطلع من خجله:احلفي ههه تعريف شخصي لي يعني؟
اميرة انبسطت انه يحكي ماستحى:ههههههه اووك تقدر ترروح واسمع مساعد انا بخلي الي لي لك فالشركة بصراحة انت لوبدونك انا اضيع اقصد لاتفهم غلط بس انت ساعدتني كثير..
مساعد تلخبط حيل من ضحكتها:لا استاذة مايهم لاتقولين كيذا ترى ازعل.
اميرة:اوك لوفيها زعل خلاص بس ياعساني ارد لوربع الي..
قاطعها مساعد:استاذة وبعدين؟
اميرة :ههههه طيب خلاص..
مساعد ابتسم بخجل ورفع عينه بصعوبة يستحي مرة يحط عينه بعينها ولايناظرها كثير:اوك انا استاذن.
اميرة ابتسمت:اذنك معك..
طلع بسرعة مساعد وهو يحاول يضبط دقات قلبه ويبعد تاثير ابتسامتها عليه...هو ماحبها لاكن معجب فيها وبشخصيتها وهالاعجاب يمكن يتطورر لحب واذا جلس اكثر معها فصح عن مشاعره......
عند اميرة ارتمت ع كرسي مكتبها وتتامل مكتبها الي يجمع بين اللون البنفسجي الفخم ودرجاته والابيض....تحب هاللونين كثير ويمكن تعبر عن شخصيتها البريئة الراقية ..والمكتب مليان بزهور البنفسج والجوري.....وفي لوحة فيها صورة اخوها عبدالعزيز ابتسمت وهي تشوفها ...كان عزيز فيها مبتسم ابتسامته الجذابة وكانه يناظرها....
اخذت الملفات ومركزة وتوقع وتقرا وهي بين فترة وفترة ترفع عينها للصورة لما خرب عليها انسجامها صوت دقات الباب..تاففت من قلب:ادخلل..
دخل شاب متوسط الجمال ...بس جذاب ومرتب..وعيونه مرة حلوة وشبه ناعسة...وقف عند مكتبها هي الي ماارفعت راسها له:تفضل..
جلس وهو يتاملها مبهور ماتوقعها بهالجمال...(هذي هي..لها الحق ف غرورها..مشااءالله تجنن ياناس..غطت ع القمر)
اميرة تركت الي في يدها مهما كان ماتهمل حد جاي لها..ورفعت عيونها باهتمام...اما هو من رفعت عيونها الخضراء حس بشئ غريب وفتح فمه مبهور...اسم ع مسمى صدق اميرة الا ملكة جمال .....اميرة تنتظره يحكي لاكن طول مفهي لما عصبت جاي يتاملها لوتغطت احسن :لووسمحت اخلص علي عندي شغل مب فاضية احكي خلصني..
استحى ع وجهه وهو يسمع صوتها تهزئه وقال وهو يحاول مايناظرها علشان ماتصكه حالة التناحة غصب عنه:اكيد ماعرفتيني..احم انا فيصل الي حكت لك عني خالتي لطيفة..
اميرة اتفاجات انه هو :اهاا..اشوف ..
عطاها ملفه واوراقه ..تصفحت شوي وخذت بعض المعلومات المهمه عنه وعطته :اوك فيصل من بكرة يمديك تداوم وتصير سكرتيري ...بس اشتغل بضمير اقصد شغل التسيب موعندي ها؟
فيصل خمن انها متشددة ع الموظفين وشخصيتها قوية :اكيد انشاءالله اكون عند حسن ظنك..سلام
وقام وطلع.....
اميرة نزلت عيونها بتفكير وهي تحس انها وحيدة ولوكانت عندها ام واب واخوها معها وكانوا عايلة مع بعض تتمنى كيذا لاكن تجري الرياح بما لاتشتهي السفن.
..تنهدت والعبرة خانقتها..عيونها دمعت وفجاة وروعها دخول بنات عمها الوحيد بدفاشة ..مسحت دموعها بسرعة ونطوا عليها ضمووها بقوة واختفت بينهم:مرمااااااااااااااااااااار..وحشتنيناااااااااا ااااا
اميرة بصوت مخنوق:يماااه خنقتوني بموووووووووووووووت بعدوا...
بعدوا وهم يضحكون..................
اميرة لما مسحت دمعتها انتبهت لها رودينا بنت عمها وماخفت عليها ..قربت وسط انشغال البنات رودينا لاميرة وهمست:كنتي تبكين؟
اميرة خرب مزاجها لان رود(اختصار اسمها)كاشفتها:لا..
رود:لاتكذبين علي؟؟
اميرة:ايه.
رود بعطف وحنان:طيب ليه؟؟؟
اميرة :رود شوفي انا ماحتاج حنان ولاعطف منك انا بس (بكذب كملت)متهاوشة مع زوجات ابوي..
رود غصب عنها رحمتها:ياقلبي اذا ضايقوك اطرديهم.
اميرة:لاخير ماني نذلة..تعرفين ان حصة تزوجت غصب عن اهلها ومارح ترجع لهم بعد مامات ابوي وكل وحدة لها قصتها..مستحيل اطردهم..
رودينا بتردد:اوك..اميرة متى يرجع عزيز؟.
اميرة ابتسمت بداخلها رودينا تهتم باخوها ومهووسة فيه بس ماتعترف تقول مثل اخوي:بيرجع قالي قريب.
رودينا فرحت مرة غصب عنها وضحكت بصمت(اشك اني احب هالولد)...
اميرة ابتسمت وهي تتخيل رود زوجة عزيز اخوها...لابقين بالشكل لاكن ماتحس يناسبون بعض فشئ...رود مرة هادية ومسالمة وخجولة وعزيز مايحب هالنوع الهادي الخجول وعزيز مرجوج مرة مايصلح لها هو يفضل النوع الثاني من البنات..الجريئ الغجري المغامر....وكل هذا مو ف رودينا .......
رانيا اخت رودينا:شفت مساعد يامرمر...طوييييييييييل والله لوفرعون!
اميرة ضحكت ع التشبيه بعدين قالت بعتب:حرام عليك!!!!
(ران) اختصار لرانيا:والله مرة طويل حتى اسمه وعوه وش مساعد!مساعد ولا...
اميرة قاطعتها:لاتكفين ران معك سماجة من الحين برى..
الكل ضحك.........
رانيا:بس مز شكلي ارقمه..
رنا توأمها:كم مرة شافك بالغلط عادي روحي اخطبيه..
اميرة:هههه يلا بس تراه محترم..توأم منحرف..
ضحكوا رنا ورانيا...
البنات قلبوا المكتب فوق تحت ويطبلون ويغنون حشى طقاقات..اميرة تفشلت وش بيحكوا عليها الموظفين...
رانيا تطبل وتغني:هذاا الاهلي اخضر اللوووووووون...هذا.....................
اميرة عصبت:انتي وياها وياها..وقفوا هالمصخرة وين حنا فيه...
رنا تغني ياندمانة ورودينا صاكة اذنها وغنى صاحبت اميرة تغني اما كذا ولافلا ورانيا صارتى تغني نادي اللوطن اتي...
اميرة صرخت عليهم صرخة روعتهم:باااااااااااااااااااااااااااااااااااااااااا ااااااااااااااااااااااااااااااااااس...
وقفوا وسكتوا فجاة محترعين ورمشون بعيونهم ببراءة ورعب ...!!!!اميرة حاولت تكون جدية وتعطيهم العين الحمرا لاكن غصب عنها من اشكالهم انفجرت ضحك...........البنات قاموا:ياحمارة...
اميرة:هههههههههههههههههه وخروا....(وبدلع وهي ترفرف بعيونها)ويلا من غير مطرود عندي شغل وانتم عطلتوني..
رنا:انقلعي بنطلع اصلا...اقول ميرو مكتبك حلو..باخذ ورد من ذاا..
ركضت لمكان الورد وقطفت وردة جورية بيضا................
وبعدها طلعوا .................اميرة خلصت من شغلها وطلعت ع البيت تريح....اول مادخلت زوجات ابوها يتهاوشون كالعادة.........تاففت منهم:وش فيه الحين؟؟

نهاية البارت
لسى مافي احداث لاننا ببداية الرواية...بس انشاالله تعجبكم كبداية....
توقعاتكم من بيظهر فالرواية وفيصل له دور بحياة اميرة....عزيز بيحب رود؟
تعليقاتكم ي حلوين

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 11-10-2014, 11:03 PM
صورة شوق راشد الرمزية
شوق راشد شوق راشد غير متصل
©؛°¨غرامي جديد¨°؛©
 
الافتراضي رد: رواية حضنك مسكني


ابي تفااعل

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 11-10-2014, 11:16 PM
صورة ..black shadow.. الرمزية
..black shadow.. ..black shadow.. غير متصل
©؛°¨غرامي مشارك¨°؛©
 
الافتراضي رد: رواية حضنك مسكني


وووووووااااااااووووووو كملييييهااااا بليز والله روعه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 12-10-2014, 01:31 AM
صورة روعة غلا الرمزية
روعة غلا روعة غلا غير متصل
©؛°¨غرامي نشيط¨°؛©
 
الافتراضي رد: رواية حضنك مسكني


بااااااااااااااااااارت راااااااااااااائع
لا تعتمدي على الحوار وكثري السرد والوصف
لان القراء يملوا من الحوار
ابعدي عن الالوان الفاتحه واختاري الالوان الغامقه
مبدعههههههههههههههههههههههههههههه
كبيري الخط 5
كمللللللللللللللللللللللي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 12-10-2014, 10:55 PM
صورة شوق راشد الرمزية
شوق راشد شوق راشد غير متصل
©؛°¨غرامي جديد¨°؛©
 
الافتراضي رد: رواية حضنك مسكني


انشاءالله بنزل بارت بكرة

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 13-10-2014, 02:03 AM
صورة شوق راشد الرمزية
شوق راشد شوق راشد غير متصل
©؛°¨غرامي جديد¨°؛©
 
الافتراضي رد: رواية حضنك مسكني


البارت لعيونكم.......بينزل الحين

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 13-10-2014, 02:07 AM
صورة شوق راشد الرمزية
شوق راشد شوق راشد غير متصل
©؛°¨غرامي جديد¨°؛©
 
الافتراضي رد: رواية حضنك مسكني


البارت الثاني الجزء(1)


اميرة خلصت من شغلها وطلعت ع البيت تريح....اول مادخلت زوجات ابوها يتهاوشون كالعادة.........تاففت منهم:وش فيه الحين؟؟
مريم:اقولهم نبي من ماك ومايبون
حصة:ماك بعينك لالا مانبي انا مشتهية فطاير وش ماك
لطيفة:لامالي دعوة البيك احسن
سعاد:يع ملينا من البيك انا ابي من بيتزا هت
اميرة حطت يدها ع راسها من غباءهم ورجعوا يناظرون بعض ويتهاوشون كنهم بزران:لحووول شكل ابوي مات بجلطة منكم وبتلحقوني فيه..تكفون بلاغباء كل وحدة تطلب لها وانتهينا بزران انتم بزران
سكتوا من جد حسوا نفسم اغبياء وبس يتهاوشون على ولاشئ
اميرة:انا بطلع اريح سلام ومابي ازعاج
هزوا روسهم بانصياع..واميرة طلعت فوق ..........
*******************
كان في واحد باله ماسور باميرة...
كان فيصل يفكر فيها من لما راح من عندها..
فيصل مسك راسه ماعمره فكر بتواصل كيذا:لحول من جدي انا افكر فيها.
اريج اخته:من هي؟
فيصل تلخبط:مووحدة..بعدين تعالي انتي شدخلك؟
اريج:هههههههههه..
نتعرف ع فيصل وعائلته..............

اريج(25 سنة)متملكة ع ولد صديق ابوها وماتحبه..واقعبة وعقلانية وباردة وكل ماسالوها تحبه قالت الحب بعد الزواج


فيصل(23 سنة ملامحه حادة وهادية وجذاااااااااب وعيونه كحلية بلمعه غريبة وشبه ناعسة ورموشة كثيفه ..لونه قمحي فاتح..وشعره اسوود مموج..جسمه عريض ورياضي ومعضل...باختصار فيصل جذاب وجميل وكتلة هدوء....ابو فيصل ميت وكان دايم يقول قبل يموت ان فيصل لغيداء وغيدداء لفيصل الي هي بنت عمه...غيداء حلوة وناعمة اصلا كل عايلة فيصل حلوين..وفيصل مايكن أي مشاعر لغيداء الا مودة وانها بتصير زوجته المستقبلية وشريكة حياته..بس باارد مع غيداء بشكل مخيف...

فارس(20 لونه حنطي وعيونه سودا رموشه كثيفة وشعره اسود..كول ولامبالي ومخلي كل المسؤؤليات ع فيصل اما فارس مايعتمد عليه)

بدور(18 سنة قصيرة شوي وملامحها حلوة وناعمة....كيووت..لونها حنطي فاتح..شعرها اسود بلون الفحم ونااعم ويوصل لركبها ماشاءالله..عيونها كحلي فاتح جذاب ..انفها حاد...تحب تغامر مع انها خوافة رسمي...متواضعة وتكره شئ اسمه ياسر..ولد عمها الي يحبها ويبيها..تكرهه ماتطيقه ولارح ترضى فييه ابد)

دلع(16اسم ع مسمى دلع البنات كله فيها..دلوعة وشعرها نفس بدور بس تحب تصبغه دايم ولونه مستقر الحين ع بنفسجي واسود ولابق ع بياضها..عندها شامة ع خدها وكل اهتمامها ميك اب بارتي وعايشة حياتها بدون منغصات)
فراس اخر العنقود(14 سنة ملقوووف وجريئ مايستحي وجهه مغسول بمرق..يخاف من فيصل مرة لاعصب..)
فراس جاء وهو يغمز لفيصل:فيصل خمن من بيجي؟بوكرة
فيصل بعدم اهتمام:مين؟
فراس بخبث:بنت العم غيداء..
فيصل:اهااا ..
فراس:لالالاتقول اها..انا عارف ودك تشوفها صح لاتسوي مومهتم..تراهي حلوة اذا ماتبيها انا باخذها..
فيصل بهدوء:عبسي انقلع احسن لك.
فراس :بكيييييفك انا قلت لك؟
فيصل عصب:فرااااااس؟.
فراس فز:خلااص بسكت ..
بدور:ههههههههههههههههه..

**************
اليوم الثاني
فمدرسة اميرة
فالبريك
اميرة جالسة مع شلتها...الي هم بدور وغنى والتوام ران (رنا ورانيا) وريم وشذى ووفاء...
بدور اخت فيصل وهي تعز اميرة كثير ...وماترضى عليها الغلط ......
رانيا شافت وحدة من بعيد وماتت ضحك:وعع شوفوا ذيك الاثيوبية؟
رنا ضحكت لاختها................
اميرة بعتب:ران حراام.
بدور ساكتة وجايبة الجهاز معها فالمدرسة وتكلم واحد تعتبره صديق لها خاصة انه بزر شكله وعمره 16 وتطقطق عليه احيانا...
الفرق بين رنا ورانيا التوأم ..ان رانيا مغرورة شوي انها واثقة بنفسها مرة وشايفة حالها تجنن وتحب تجرح فالناس وتحش وغيورة......اما رنا فهي صح حلوة خاصة ان امهم لبنانية وهم يشبهون لها..لاكن رنا مومغرورة ولاتحش هي مسالمة وبس الي تحكيه رنا تضحك عليه..
ريم تكلم رانيا:وانتي بس تحشين..؟
رانيا اصلا كان هدفها تضحك توامها رنا:شكلها يضحك طيب هههههههههه..صح بدور؟
بدور السماعات فاذنها ولابسة بلوفر عشان محد ينتبه......
رانيا:بدور؟؟
شذى:والله لوتحكين من اليوم لبكرة ماتسمعك..
رانيا هزتها بقوة:بدوووووووووووور.
بدور بعدت السماعة معصبة:وجعوه ها؟
رانيا:كزق خلاص..
بدور رجعت السماعات بلامبالاة........
التوام ران(18سنة)
رودينا جامعية(اولا جامعة 19..ومع كيذا هي الاقرب لاميرة من التوأم.....)
وفاء:شاايلة هممممم الاختبااراات...
رانيا:بدري بدري يالدافورة..دوبنا فبداية السنة..
وفاء بحسد:ياخي انتي ي رانيا مدري كيف...نايمة وسط الحصص وفاخر السنة تجيب فالتسعين ولاالثمانين..اهب عليك ..
رانيا:ههههه بسم الله علي الرحمن الرحيم قولي مشاءالله..
وفاء:مشاءالله طيب..
غنى:فيها عرق لبناني اكيد دافورة مواحنا..
اميرة ضحكت ع مدى تفكيرهم شدخل العرق اللبناني..........
رنا:ميرو يابنت عمي انتي مافي شئ مهم متذكرته اليوم..
أميرة عقدت حواجبها باستغراب:شئ مهم زي ايش. موظف جديد!
ضحكوا عليها ..متعلقة بشركتها...
رنا:الشركة لحست مخك..ي بابا غير الموظف؟؟
اميرة وهي تتسمع مع بدور:لاااااتدوخيني مافي شئ مهم اليوم..
رنا ابتسمت لرانيا وغمزت للبنات بدون ماتشوف أميرة...اميرة مافهمت حركات التوام وش قصدهم بالمهم..
ولما خلص الدوام...دخلت أميرة القصر لقت لطيفة تكلم بنتها..والي هي اخت اميرة من ابوها...رندا!..اميرة ع كثر انها ماتطيق اختها رندا الاانها مشتاقة لها وماتكرهها..ماتقدر تكرهها مهما سوت هي اختها..بس رندا تكرهها تغار منها تتمنى موتها وتحب تستفزها بشكل فظيع...من كثر ماعبت لطيفة راسها ع اميرة..رندا بعمر اميرة بس اميرة اكبر منها بشهور..لاكنهم ف نفس العمر ..كثير اختلفوا اميرة ورندا وكانت رندا متحدة مع زوجات ابوها وامها وهم يحبونها وفالتها معهم تطلع لبارتيات معهم وهم يعزونها لانها حقودة وداهية مثل امها وثانيا لانها مومن ام فرنسية يكرهونها مثل ام اميرة.
كانت رندا بنوتة صايعة ماتحب تستفر فمكان دايم مسافرة تدرس ولالغيره وكانها ولد ولوحدها وماحد يقول لها لا..لان لطيفة معطيتها الحرية ولاتهتم فيها وهذا الي بيضيعها.....
واميرة سمعت ان اختها رندا جاية قريب..تنهدت بصمت وطلعت غرفتها..ونامت لها شوي لما وقت دوام الشركة..
**************
فلة عم اميرة (ايمن)ابو تركي(ابو رودينا والتوأم)
ارتمت رنا ع السرير تتنهد:انا والطفش تزوجنا..
رانيا بهبال:لاحنا بعدنا مخطوبين!
رنا رمت عليها المخدة:ههههههههههههههههههه انقلعي ي سامجة ماني بمزاج مزح!ملل اعوذبالله..
تركي(20):والي عنده تركي يمل..
رانيا عصبت:انقلع انت.............وانتي وش ملل بيجي الليل ونفلها؟
تركي مستغرب:الليل؟ليه وش فيه؟؟؟؟؟؟؟؟؟
رانيا شهقت باستنكار:وش فيه؟..ياغبي يووم ميلاد ميروو..
تركي:اوه صح ..اميرة تذكرت!
رانيا:قلت لكم خبل..والله غبي..
تركي:اقول انقلعي لاذي بوجهك هالحين؟
رانيا بدلع:مااماتي شوفي تركي؟
امهم لبنانية:ياعيب الشوم تركي بدك تضرب اختك..اتركا لرانيا ..
تركي يحكي لبناني:عم بتقول اني غبي..
ام تركي:لك شوبك عم تحط ع عألك بعألا..انت رجال شومحكت ماتهتم..
تركي ناظر رانيا بحقد..عنده رنا احسن منها ورودينا احسن منهم كلهم..
***************
صحت اميرة وراحت للشركة....دخل عندها فيصل وهي تشرح له اشياء مهمة وبعض المعلومات ونمط الشغل..وفيصل طول الوقت واميره تشرح له وعيونها منزلة بركوشها الكثيفة السودا الي معطيتها حلى غير وتناظر اوراق عندها زهز يناظرها مابعد عيونه عنها ولاهو عارف وش تقول مومركز فكلامها راح فعالم ثاني مع جمالها وشفايفها الناعمة الوردية الصغيرة الي تتحرك..وغمازاتها الحادة الي وهي تحكي باينة ومعطيتها جمال..طريقة حكيها الناعمة ..نعومة ملامحها وبراءتها..ببشرتها الصافية الناعمة كل شئ فيها يجنن..بيبي فيس..اميرة وهي تحكي مندمجة ..رفعت عيونها بعفوية لقته يناظرها..سكتت فجأة وضاع الكلام منها وتعلقت عيونهم ببعض...والهدوء عم المكان...وكل واحد اختلطت مشاعره وقلب فيصل صار يدق بقوة عجيبة من نظراتها البريئة وعيونها المتعلقة فيه...حس بالحر فجأة...واميرة حست بشعور غريب لاول مرة تحسه ..عيونه الكحلية بلمعتها المميزة لمعة من نوع غير..عيونه جذااااااابة أي احد يناظر عيونه الكحلية يناسر ويرتبك..اميرة اول مرة تتلخبط كيذا وهي الي مايهزها شئ ولاتهتم لمشاعرها تحس كيذا!
نزلت عيونها:احم.....ءءءاش كنا نقول؟
فيصل ساكت يناظرها:...................
اميرة لما ماشافت منه رد..رفعت عيونها ببطئ وطاحت بعيونه..يالله جاذبية موطبيعية فهالفيصل..ومرت فترة وعيونهم متعلقة ببعض...فيصل يشك ان اميرة ماسمعت دقات قلبه العالية(جمالها موطبيعي كيف بقدر ع هالبريئة انا..)
اميرة(انا وشفيني!..ترى مجرد موظف ليه هز كياني كيذا)*بلا هالمشاعر الغبية*
قطع انسجامهم دق ع الباب..فيصل نزل عيونه يفكر..للحظة كان بيتهور لولا اندق الباب..اميرة بعدت عنه:ادخل!
دخل موظف كلمها شوي انه بيستأذن وطلع..............
اميرة:............................
فيصل:.................................
سكتوا للحظات بعدها كملوا شغل ولاكأن شئ صار...
ولما رجع فيصل لفلتهم الصغيرة باثاثها الراقي...كان بس يفكر بأميرة..وقابل بوجهه غيداء:غيداء؟
...غيداء الي نزلت تدوره وخاب املها لانها مالقته ونزلت عيونها بخيبة لاكن من سمعت اسمها فزت ماتوقعت تشوفه لانها فقدت الامل..
فيصل :اوه اسف روعتك؟؟
غيداء بتذوب(يالبيه انا خاف علي!!)ابتسمت وهي ترتب نفسها وترجع خصلة شعرها ورى اذنها بخجل منه فيصل له هيبة ويجبر الواحد غصب عنه يستحي منه وتلخبطت:ءاحم لاعادي..كيفك فيصل؟
فيصل:الحمدالله انتي شلونك؟؟
غيداء مسوية ظريفة:لوني اسمر ههههه...
فيصل ناظرها شوي بعدين ضحك ونزل عيونه...
غيداء حست نفسها سامجة شوي وضحكت بخجل:امزح انا تمام..
فيصل:دوم..
غيداء بحب:تدوم انفاسك..
فيصل نزل عيونه يهرب من نظرة الحب الي تلمع بعيونها ويقول ف نفسه(ليش ياغيداء حبيتيني ليش انا..انتي مواختياري ليش ماكنتي اميرة...لوموانتي ولاخالتي لطيفة كان انا مرتاح..انتي الف واحد يتمناك ليش جيتي عندي انا الي مااتمناك!)
ولعن حظه الي خلاه ينجذب لبنت نسبة الزواج منها ضئيلة لانه ببساطة امه بتوافق.؟؟وصية ابوه قبل يموت غيداء وفيصل لبعض..ليه مواميرة وفيصل وغيداء وخالته يولون..ليه دايم تجري الرياح بما لاتشتهي السفن..ليه غيداء جت مثل العتبة فطريقه تعثره..لوموهي وخالته كان تسهل كل شئ له ...صار يردد بنفسه وهو مغمض عيونه (فيصل انت ماتحب اميرة هذا مجرد انجذاب لها بس..غيداء زوجتك وحياتك استوعب لازم تحب غيداء وتعطيها كل وقتك..غيداء وبس)
انتبه ل نداء غيداء فصوتها لهفة وخوف عليه:فيصل فيك شئ؟؟
فيصل فتح عيونه ناظرها كثير :لالا مافيني شئ..
فيصل يبي يبعد اميرة من باله باي طريقة ناظر لبس غيداء فاصخ شوي..تنورة جينز لفوق الركب بشوي وبلوزة ناعمة...
ومع كيذا ماحس بشئ اونفس الحرارة الي حسها وهو يناظر اميرة..ع ان غيداء كانت اغرائية مرة وانثى جميلة..لواحد غير فيصل شافها كان غير...
غيداء استحت من نظراته توردت خدودها:فيصل شفيك تناظرني كيذا..
فيصل ابتسم وقرب سوى لها حزامها الي فوق التنورة وبعد خصلة شعرها عن وجهها كان يبي يلهي نفسه ويخرج اميرة من عقله ويحس بغيداء بس..مايدري انه بهالحركة غيداء تعلقت فيه مرة...وبعد عنها مبتسم:انتي قمر..
غيداء خلاص دوروها ماتلقونها..يتغزل فيها كمان ..ابتسمت بخجل ولاردت..فيصل صحى ع نفسه..وشاف خدودها المتوردة وعجبه خجلها ولون وجهها الاحمر..ضحك:اوك انا استأذن...
غيداء بخجل هامس:اذنك معك..
ناظرته وهو يصعد الدرج ورايح لجناحه..تنهدت مبتسمة:يارب لاتحرمني منه..
:شتسوين؟؟
غيداء فزت بخوف:خرعتيني بدور..هذا انتي يالسنفورة..
بدور:ههههاي..ايه انا..
غيداء:ولاشئ بس..بس ..
بدور:بس ايش؟
غيداء تصرف:لاولاشئ ..بدور بنسافر فرنسا يقول ابوي لاخلص هالترم وجبتوا نسب حلوة..بما اني جامعية طلعوني من الموضوع انا جامعية بعيش حياتي..واصلا بس محاضرات وتخصص موصعب
بدور برجة صرخت:هههههههههههه اهم شئ نسافر فرنسااا..ناايس..
غيداء:ههه اسكتي ي المطفوقة!
***************
فالقصر الكبير
دخلت اميرة وكان النور مطفى وهدووووووووووووووووء غريب..استغربت وين زوجات ابوها مايتهاوشون....
وليه هالظلاام...وفجاة اشتغلت الانوار:سبراااااااااااااااااااااااااايزعيد ميلااااااد سعيد ي برنسيس...!
انتهى البااارت
ياترى شالي بيصير فبارتي يوم ميلاد اميرة......ومن بيكون موجود...
فيصل بيقدر يحب غيدااء..؟؟
انتظر تعليقااتكمم وتوقعاتكم...

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 13-10-2014, 03:05 PM
Riomaa Riomaa غير متصل
©؛°¨غرامي جديد¨°؛©
 
الافتراضي رد: رواية حضنك مسكني


الروية جميله بس متى رح تنزلي الجزء الثاني لاني مرا متحمسه البارت اعجبني كثير ��

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 13-10-2014, 05:48 PM
صورة شوق راشد الرمزية
شوق راشد شوق راشد غير متصل
©؛°¨غرامي جديد¨°؛©
 
الافتراضي رد: رواية حضنك مسكني


بنزل الحين لعيونك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 13-10-2014, 05:48 PM
صورة شوق راشد الرمزية
شوق راشد شوق راشد غير متصل
©؛°¨غرامي جديد¨°؛©
 
الافتراضي رد: رواية حضنك مسكني


البارت الثالث الجزء(1)

فالقصر الكبير
دخلت اميرة وكان النور مطفى وهدووووووووووووووووء غريب..استغربت وين زوجات ابوها مايتهاوشون....
وليه هالظلاام...وفجاة اشتغلت الانوار:سبراااااااااااااااااااااااايزعيد ميلااااااد سعيد يابرنسيس!
اميرة انصدمت صح اليوم يوم ميلادها ...كان الكل متجمع...الابدور اعتذرت من البنات اليوم وهي ودها تجي ....اميرة ناظرت عزيز ..اخوها عزيز جاء واخيرا..دمعت عيونها ركضت ضمته بقوة...عزيز ضحك وهو يهمس باذنها بحنان:عيد ميلاد سعيد وعقبال ترليون سنة..
اميرة ضحكت من بين دموعها وبعدت عنه:لاشنو ترليون تبيني اعجز...
عزيز:هههههههه..
اميرة مسحت دموعها:توقعتك ماتجي..
عزيز:لاموانا الي افوت عيد ميلاد اختي وحبيبتي اميرة..
اميرة ضحكت من قلب وبوناسة...تموت فاخوها هو الوحيد الي حنون عليها ويدللها..ع انه اكبر منها بست سنوات الا انها تحسه توأم لها..
رود(ينا) تناظر عزيز شكثر حنون وطيب مع اخته ...ويلومونها فيه يجنن ياناس جمال واخلاق...
ضموها البنات وكانوا صحبات اميرة وبنات عمها يكشفون ع اخوها عزيز ..وتركي سلم ع اميرة
..تركي:والله محلوة ي بنت..
أميرة تناظر تركي كيف طولان وهو اول كان اقصر منها وهي اطول منه قالت بدهشة:مسرع طولت..وش تاخذ اعترف..؟
تركي:ههههههههههه(غمز) الطوول عز..
اميرة ضحكت:ي كذاب وانت اول كنت تقول افتخر ان ينزلون لي الناس لاني قصير والقصر عز..وهالحين الطول عز ها؟؟؟؟
تركي ضحك وهو يتذكر كيف كان يناديها طويلة وتقوله الطول عز:تدرين صرتي قزمة ؟وقصيرة .
أميرة عصبت هي قزمة:لاوالله انا موقزمة انت بس طويل بزيادة.
الكل ضحك............اميرة وتركي مثل الاخوان مايكنون لبعض الامشاعر الاخوة...بس تركي يتمنى يتزوج وحدة بجمال بنت عمه اميرة والي يعتبرها اخته ....ودوها وطبلو منها تتمنى امنية وتطفي الشموع....اميرة اخذت نفس وبتفكير:اتمنى اني...اني انجح وبنسبة حلوة.....(بلعت ريقها)وان عزيز اخوي مايموت ويتركني!
عزيز تفاجئ وقرب عند اخته وضمها بحنان يطمنها:اموت واتركك؟؟!ّ ليه تقولين كيذا؟
اميرة وهي خانقتها العبرة وتقاوم دموعها لاتبكي قدامهم وبحزن:مابيك تروح مثل ماما وبابا..اذا رحت من يبقى لي والله مالي غيرك عزيز..لاتروح وتتركني..
عزيز يهديها ويطمنها:لاتخافين انا معك...لااسمع منك هالكلام اميرة طيب؟؟
اميرة بهمس باكي وحزن:ايه....
عزيز تأثر وضاق خلقه ع اخته متعقدة من فقدان امهم وابوهم كثير وخايفة عزيز يتركها وهي متعلقه فاخوها عزيز بشكل..الكل تاثر بالمشهد وتعاطفوا مع هاليتامى....رنا حطت اصباعها ع فمها متـأثرة حيل وحزنانة هي بطبعها حساسة وكلام اميرة مرة اثر فيها(ي حرااااام).....ناظرت باميرة وهمست بحزن لتوأمها رانيا:بنت عمي ي حياتي تكسر الخاطر!
رانيا هزت راسها(مسكينة اميرة بس هي اقوى من كيذا).....رودينا الحساسة ع كثر انها حزنت وتاثرت مرة وعورها قلبها ع اميرة وحكيها الاانها تفكر وودها تكون هي بحضن عزيز...حاسدة اميرة انها تاخذ منه كل الحنان والدلال ...*الحب ومايسوي*...!!(((الناس متأثرين وهذي تفكر بعزيزههه ماتنلام الولد مز يخقق))).....رنا تلطف الجو بهبال لاتبكي:انتوا شفيكم قلبتوها عزا ترى بارتي لاتخلوني اصييح!
اميرة بعدت ومسحت دموعها وهي تضحك وتكابر:جد والله الكيكة تنتظرني يلا.
البنات ناظروها كيف تقدر تضحك وسط حزنها حسدوها ع قوتها شكثر تكابر...اميرة ماهتمت طنشت نظراتهم وراحت للكيكة:يمي تجنن..
كانت الكيكة كبييرة طبقات وبالفانيليا مثل ماتحب..لانها تحب كل شئ ابيض وبالفانيليا والسكينة ياحرام ماقدرت ترفعها ثقيلة ناظرت عزيز معصبة بدلعها الطفولي العفوي:ساعدنيي..
عزيز ضحك ومسك السكينة معها وقطعتها بشكل مرتب......وطفت اميرة شموع غير وهي تعبت من الباقي خلتها وغنواهبي باااارث دي تويو ي برنسيس لها..............وعطوها الهداية وقالوا لها البنات تفتحها بعدين.......
وهي اصلا تعبانة وجد فكرت تفتحها بعدين بس متشوقة تعرف وش جايبين لها..اصلا هي تقدر الهدايا حتى لوموحلوة اسمها هدية.....بس موتكون موذوق كمان.............ولما خلص البارتي ناظرت صحباتها وبنات عمها بحب:الله لايحرمني منكم.
شذى:ولوووووو بس كرد جميل اخطبيني لاخوك..وربي مز ااه ياقلبي عليه هو وسكسوكته...
اميرة :هههههه قصدك اخوي عزيز؟
شذى:ايه عزوزي....طحت ومحد سمى علي..
اميرة:ههه وعسى الطيحة موقوية...
شذى بهبال:ههههههه لاسليمة الحمدالله....
رودينا على اعصابها شوي وتنتف شذى....ماتبي حد يتغزل فيه ولاحد يحبه بس هي....ودها تقول خطيبي أي شئ بس تسكت شذى...
ريم تكمل:اقول مشاءالله كم عمره..؟
اميرة:24سنة....
ريم:والله يخرفنن..ياحظ الي بتتزوجه يااحظهاا..
شذى منجنة عليه:انا زوجوني اياه ..
اميرة ضربتها بشويش:استحي شذاوي..
شذى:ماقلت شئ.....اوف الله يرزقنا بس..
عبدالعزيز وماادراك ماعبدالعزيز ملك جماال(24سنة.....يشبه لخواله الفرنسيين كثير..عيونه خضراء زمردية لونها نادر وانفه حااد....شعره اشقر فاتح جذااب ...ابيض ووسيم مرة ...الي يشوفه يقول هذا فرنسي بريطاني برازيلي موسعودي المهم ملامحه مرة حادة ووسيمة....هذا مخرفن البنات مدوخهم من جماله والله ولاتوم كروز..وسامته نادرة..ابتسامته جميلة أي بنت ماتقدر تقاومها.....هو فتى احلام كل بنت وصدقت ريم لما قالت ياحظ الي بتتزوجه..)
راحوا كل البنات والكل.........
اميرة جالسة مع عزيز صح فيها نوم بس مشتاقة له وعزيز بعد .....وبعد فترة عزيز سأل:الاخت ميرندا(دلع رندا المعروف)ماجت من اسبانيا؟؟؟؟؟؟؟؟؟
اميرة:نو لسى..
عزيز بالفرنسي: quand il s'agit de(متى تجي)؟
اميرة عقدت حواجبها:هيه انت لاتحكي كيذا..فرنسي مدري امريكي وش تقول ترجم لوسمحت؟
عزيز:هههههههههه مشكلتك..انا اقول quand il s'agit de .
اميرة عصبت:عزييييييز انت موب ففرنسا ولابريطانيا؟(كثير يسافر عزيز لبريطانيا)
عزيز:هههههه يعني متى تجي لهدرجة صعب.وبعدين لارحتي عند خيلاني ففرنسا ماتعرفين تحكين فرنسي!
اميرة مدت شفايفها:شسوي الفرنسي صعب شوي هو غير..واختك هذي مدري متى تجي..
عزيز:موعاجبني حالها انا اقصد حرية اوك لاكن هناك لحالها عسى بس ماياثرون عليها هناك انتي فاهمتني يعني..
اميرة بتفكير:ايه صح ..قوية تتحمل الغربة لحالها هناك.
عزيز سولف معها شوي وبعدين كل واحد طلع ينام..........
*************************
اما البنات ففلة فيصل فغرفة بدور فالينها مابعد ناموا........
لحظة نتعرف ع غيداء(اولا جامعة 19 ...عيونها وساع ورموشها طويلة كثيفة وانفها صغير وشفايفها
حبة توت صغيرة وممتلئة....ملامحها مزيج من النعومة والبراءة والحدة...لونها برونزي فاتح وبشرتها صافيه.......شعرها بني كستنائي ناعم واطرافه مصبوغة بالاشقر الثلجي....ولاول ظهرها...كيوت لاكن مشكلتها شايفة نفسها ان مافي احلى منها بنت..فيها غرور وثقة زايدة....بس فيها طيبة....نحيفة بزيادة وعيونها لونها اسود)
بدور ترقص بشعرها الطويل لهم وهم يصفقون.لما تعبت وجلست .البنات بترجي:كمليييييييييي!
بدور تاخذ نفس:راسي افتر خلاص.......
جلسوا البنات....
بدور اخذت ربطة تلم فيها شعرها ذيل حصان مافيها تسوي ضفيرة السمكة كالعادة والفرقة من قدام: انا شكلي بقص شعري...اوف يتعبني مرة طويل..
منال بنت عمها وهي مرجوجة:ههههههههه كويس ماسويتي تسريحتك المعتادة..والله خبلة احمدي ربك طويل وكثيف وناعم بلا دلع انا لو منك وشعري هذا طوله كان اربع وعشرين ساعة اسوي فيه تساريح..بس الفرقة والضفيرة..ماتملين غيري!
بدور:لااحسن شئ الضفيرة والفرقة..
منال:ماتستاهلين شعرك!
بدور قامت:ههههه كتبن بس,,,
غادة اخت غيداء(17سنة):ع وين ؟
بدور:بحضر البوب كورن والاكل للفيلم علشان نبلع...
غيداء بنعومة:ههههههههههه بدر.
بدور:ههه غيداءوه اعقلي اسمي بدور..
غيداء ناظرت بدور من فوق لتحت:قسم سنفورة انتي ماتطوليين؟..اتخيلك متزوجة وانتي هذا طولك ههههه تووحفة....بزر.
بدور:عاااديي انا بزرة طيب..اصلا توني بالغة... لي يوم..
غيداء هزت راسها باستياء فالثانوي 18 وتوها تبلغ:اخيرااا ههه مابغيتي!
بدور قرفانة:اسكتي بالله كنت مرتاحة ولما بلغت انفجعت واغمى علي لما شفت ذاك الشئ....يووو بس مرة خفت ماكنت ادري بالبداية حسبت اني انجرحت......
ضحكوا عليهاا وصاروا يعلقون.....غادة تداعب بدور:وه ياناس ي بزرتي...السنفورة توها تبلغ هههه.....
بدور عصب:اصغر عيالك....!انقلعوا انا بنزل احسن من مقابل وجهكم.؟
غادة بلا مبالاة:الله معك....
لحظة نتعرف ع منال(18اخت فيصل واخوانه من الرضاع.......تحب ولد عمتها عبد الرحمن حب طفولتها ودايم يرددون انهم لبعض ويحبون بعض........عصافير حب منال وعبد الرحمن دحومي ع قولتها...مملوحة وحلوة اكيد لان عايلة فيصل كلهم مشاءالله من شباب وبنات حلوين يهبلون ونسبهم يشرف.... وانوثتها طاغية حتى لواخفتها بعربجتها وهبالها)...........
نزلت بدور وهي طربانة تغني وتدندن بروقان ومندمجة تغني: غبنا عن بعضنا سنين أنا ويني وهو وين
أنا ادري أنا وياه على هالحب محسودين....محسودين محسووديين

تركني وأنا محتاجه عمري انطفى سراجه
قلبي بصده اتفاجى بعد ماكنا أحلى ثنين...محسودين محسودين مااحسودين..
وكملت وهي تناظر البوب كورن فالمايكرويف تنتظره يخلص....والاكل الباقي والخرابيط موجودة فغرفة السينما الي ففلتهم وفيه بلازما كبير يتفرجون فيه الي يبون......خلص وطلعته وهي تدندن باغنية كورية..كانوا يسمون بدور كورية مولأن ملامحها كورية بس تحب الكوريين ومسلسلاتهم واغانيهم...لفت وسكتت مصدومة :...................

نكمل فالبارت الجاي

بدور/ مين شافت ؟؟؟؟
اخت اميرة الي مابعد تعرفنا عليها...رندا؟؟؟؟؟ورجعتها من السفر بيكون فيها مشاكل وبتاثر ع اميرة؟
رودينا وعشقها المجنون لعزيز؟؟؟؟ شلون بينتهي وبيحب عزيز رودينا ويحس فيها ويحبها ؟
غيداء ومصيرها وحياتها المجهولة مع فيصل؟؟
والاهم بطلتنا ذات العيون الخضراء..أميرة!

رواية حضنك مسكني

الوسوم
مسكني , حضنك , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 33384 اليوم 09:51 AM
رواية من تحت سقف الشقى أخذتني / الكاتبة : نرجسيه؛كاملة فتون الوررد روايات كامله - يتم نقل الرواية هنا بعد اكتمالها 2347 02-10-2016 04:11 PM
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2003 07-01-2012 08:52 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM

الساعة الآن +3: 09:13 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1